སྡོམ་གསུམ་རྣམ་པར་ངེས་པའི་བསྟན་བཅོས་ཀྱི་འབྲུ་འགྲེལ་བློ་གྲོས་གསར་བུའི་ཡིད་ཀྱི་གདུང་སེལ་ལེགས་བཤད་བདུད་རྩིའི་ཟ་མ་ཏོག།
| Wylie title | sdom gsum rnam par nges pa'i bstan bcos kyi 'bru 'grel blo gros gsar bu'i yid kyi gdung sel legs bshad bdud rtsi'i za ma tog | |
|---|---|---|
| Location | bdud 'joms rin po che bka' 'bum Volume 4, Text 1, Pages 1-405 (Folios 1a1 to 203a4) | |
| Author | བདུད་འཇོམས་འཇིགས་བྲལ་ཡེ་ཤེས་རྡོ་རྗེ་ | |
| Citation | Dudjom Rinpoche 'Jigs bral ye shes rdo rje. Ddom gsum rnam par nges pa'i bstan bcos kyi 'bru 'grel blo gros gsar bu'i yid kyi gdung sel legs bshad bdud rtsi'i za ma tog. In Bdud 'joms 'jigs bral ye shes rdo rje'i gsung 'bum dam chos rin chen nor bu'i bang mdzod, Vol. 4: 1-405. Kalimpong: Dupjung Lama, 1979-1985. | |
| Side notes | Recto: 'bru 'grel Verso: sdom gsum rnam nges | |
| More details More details | ||
| Source Author(s) | (mnga' ris paN chen pad+ma dbang rgyal) | |
| Genre | Commentary Syllable-by-syllable - 'bru 'grel · Vows - sdom pa | |
| Colophon |
སླར་སྨྲས་པ། དེ་ལྟར་རྣམ་འདྲེན་བཞི་པའི་རིང་ལུགས་མཆོག །ཐོག་མཐའ་བར་དགེའི་ལམ་གྱི་སྲོལ་ཕྱེས་ནས། །ཀུན་ཁྱབ་ཡིད་བཞིན་ནོར་བུའི་གཏེར་ཁ་ཞིག །ཐང་མར་བརྡལ་འདི་ཁྲི་སྲོང་ཁྱོད་མིན་སུ། །ཐོག་མར་དགེ་བ་སྒོ་གསུམ་ཉེས་སྤྱོད་སྡོམ། །བར་དུ་དགེ་བ་གཞན་ཕན་གཞིར་བཅས་བསྒྲུབ། །ཐ་མར་དགེ་བ་དོན་གཉིས་ལྷུན་གྲུབ་ཀྱི། །རྒྱལ་སར་དབུགས་ཆེན་འབྱིན་ལ་བསླུ་བ་མེད། །རྨོངས་པ་བདག་ཀྱང་དེ་ལྟའི་ཚུལ་ཤེས་ནས། །ཁྱོད་ཀྱི་ལམ་བཟང་བྱི་དོར་ཅུང་བགྱིས་པ། །འདི་ལས་ལམ་བཟང་ནོར་བ་མེད་པའི་རྒྱུན། །རྣམ་འདྲེན་ལྔ་པའི་བར་དུ་གསལ་གྱུར་ཅིག །ཚུལ་འདིར་འཆད་ཉན་སྒོམ་སྒྲུབ་ཟབ་མོའི་སྲོལ། །ལྔ་བདོའི་མཐར་ཡང་ནུབ་མེད་སླར་གསལ་ནས། །འཇིག་རྟེན་ཕན་བདེར་སྤྱོད་པའི་སྐལ་བཟང་གིས། །ཞིང་རྣམས་ཀུན་ཁྱབ་བཀྲ་ཤིས་དཔལ་འབར་ཤོག །དེ་ལྟར་སྡོམ་གསུམ་རྣམ་པར་ངེས་པའི་གཞུང་འདི་ལ་འདྲེན་པ་བཀའ་དྲིན་མཚུངས་མེད་ཨོ་རྒྱན་ཆོས་འབྱོར་རྒྱ་མཚོའི་སྐུ་དྲུང་ནས་རང་ལོ་བཅུ་གཉིས་པར་རྫོགས་ཆེན་དཔལ་སྤྲུལ་འཇིགས་མེད་ཆོས་ཀྱི་དབང་པོའི་ཞལ་རྒྱུན་གཙོ་བོར་བྱས་པའི་སྨིན་ཁྲིད་ཞིབ་རྒྱས་སུ་ནོས་པ་ལས། རང་ཉིད་ནས་དེ་མ་ཐག་ཏུ་བྲིས་པའི་བརྗེད་ཟིན་འབྲུ་འགྲེལ་ལྟ་བུ་ཞིག་ཡོད་པ་ལ་ཕྱིས་སུ་ཞིབ་པར་བལྟས་པ་ན་བརྗོད་བྱའི་དོན་ལ་ནོར་འཁྲུལ་མི་འདུག་ཀྱང་རྗོད་བྱེད་ཚིག་ཚོགས་མང་ཉུང་ཅི་རིགས་པས་སྐབས་འགར་ཟློས་སྐྱོན་ལྟ་བུ་དང་། སྐབས་རེར་འབྲུ་གཉེར་མ་ཐུབ་པ་སོགས་ཁོངས་སྙོམས་པ་ཞིག་བྱུང་མི་འདུག་ཅིང་། སྤྱིར་ཡང་སྐབས་དེར་རང་ཉིད་ལོ་ན་ཕྲ་ཞིང་སྦྱངས་སྟོབས་ཀྱི་ཤེས་ཡོན་ཞན་པ་སོགས་ཀྱིས་བལྟ་གོ་ཆོད་པ་ཁྱེར་བདེ་དོན་ཚང་ཞིག་ཀྱང་བྱུང་མི་འདུག་པས་ན་ཕྱིན་ཆད་ཡིག་རྒྱུན་མི་འཕེལ་བར་བྱ་སེམས་ཁོ་ནའི་ངང་གཞན་རྐྱེན་འདུ་འཛི་མང་པོས་གཡེངས་ཏེ་རིམ་ལུས་སུ་གྱུར། ཕྱིས་སུ་རང་ལྟོས་སློབ་ཚོགས་བླ་སྤྲུལ་ཁ་ཤས་ནས་རང་རེའི་འབྲུ་འགྲེལ་འདི་ལ་བལྟ་བདེ་དོན་ཚང་ཞིག་ངེས་པར་མཐའ་སྐྱོང་ཡོད་པ་ཞེས་ཡང་ཡང་དྲན་བསྐུལ་བྱེད་མཁན་ཁ་ཤས་ཤིག་བྱུང་བ་དང་། ད་ལྟ་སྔ་འགྱུར་བཀའ་མའི་ཕྲིན་ཆོག་རྒྱབ་ཆོས་བཅས་སྤར་འདེབས་སྐབས་སུ་སྡོམ་འགྲེལ་འདི་ཡང་སྡེབས་སུ་ཚུད་ན་རྨོངས་པ་རང་འདྲ་འགའ་ལ་ཅུང་ཟད་ཕན་ཐོགས་ཡོང་རྒྱུའི་རེ་བ་བཅས་ཏེ། ལྷ་རིགས་ཤཱཀྱའི་དགེ་བསྙེན་རྣལ་འབྱོར་སྤྱོད་པ་འཇིགས་བྲལ་ཡེ་ཤེས་རྡོ་རྗེས་རང་ལོ་བརྒྱད་ཅུ་གྱ་གཅིག་པ་ཤིང་བྱི་ཧོར་ཟླ་བཅུ་པའི་ཤེས་རབ་ཀྱི་ཆ་ལ་ནུབ་ཕྱོགས་དགའ་བ་འཁྱིལ་བའི་ལྗོངས་སུ་བསྐྱོད་སྡོད་སྐབས་ཞིབ་མོར་དཔྱད་པའི་སྒོ་ནས་སྦྱར་བ་ལས། ཡི་གེ་པ་ནི་རང་གི་གམ་དུ་ཉེ་བར་གནས་པ་བློ་གསལ་བསོད་ནམས་ནོར་བུ་ནས་རྩོམ་གཞིའི་ཟིན་བྲིས་ཅི་རིགས་པར་བཏབ་ཅིང་། ཡོངས་སུ་རྫོགས་པར་སྔོན་དགེའི་བག་ཆགས་བཟང་པོས་ལས་འཕྲོ་མཐུད་པ་ལ་མི་ཞུམ་པ་རང་སློབ་མོན་གྱི་སྔགས་བཙུན་ཀུན་བཟང་དབང་འདུས་ཀྱིས་བགྱིས་པའོ། །འདིས་ཀྱང་མཆོག་གསང་པདྨའི་རིང་ལུགས་ནམ་ཡང་མི་ཉ༷མས་པར་གོང་ནས་གོང་དུ་འཕེལ་ཞིང་རྒྱས་ཏེ་རྟག་ཁྱབ་ལྷུན་གྲུབ་འབྱུང་བའི་ཆ་རྐྱེན་དམ་པར་གྱུར་ཅིག ། སརྦ་དཱ་མངྒ་ལཾ། །། | |
|
slar smras pa/___de ltar rnam 'dren bzhi pa'i ring lugs mchog____/thog mtha' bar dge'i lam gyi srol phyes nas/___/kun khyab yid bzhin nor bu'i gter kha zhig____/thang mar brdal 'di khri srong khyod min su/___/thog mar dge ba sgo gsum nyes spyod sdom/___/bar du dge ba gzhan phan gzhir bcas bsgrub/___/tha mar dge ba don gnyis lhun grub kyi/___/rgyal sar dbugs chen 'byin la bslu ba med/___/rmongs pa bdag kyang de lta'i tshul shes nas/___/khyod kyi lam bzang byi dor cung bgyis pa/___/'di las lam bzang nor ba med pa'i rgyun/___/rnam 'dren lnga pa'i bar du gsal gyur cig___/tshul 'dir 'chad nyan sgom sgrub zab mo'i srol/___/lnga bdo'i mthar yang nub med slar gsal nas/___/'jig rten phan bder spyod pa'i skal bzang gis/___/zhing rnams kun khyab bkra shis dpal 'bar shog___/de ltar sdom gsum rnam par nges pa'i gzhung 'di la 'dren pa bka' drin mtshungs med o rgyan chos 'byor rgya mtsho'i sku drung nas rang lo bcu gnyis par rdzogs chen dpal sprul 'jigs med chos kyi dbang po'i zhal rgyun gtso bor byas pa'i smin khrid zhib rgyas su nos pa las/___rang nyid nas de ma thag tu bris pa'i brjed zin 'bru 'grel lta bu zhig yod pa la phyis su zhib par bltas pa na brjod bya'i don la nor 'khrul mi 'dug kyang rjod byed tshig tshogs mang nyung ci rigs pas skabs 'gar zlos skyon lta bu dang /___skabs rer 'bru gnyer ma thub pa sogs khongs snyoms pa zhig byung mi 'dug cing /___spyir yang skabs der rang nyid lo na phra zhing sbyangs stobs kyi shes yon zhan pa sogs kyis blta go chod pa khyer bde don tshang zhig kyang byung mi 'dug pas na phyin chad yig rgyun mi 'phel bar bya sems kho na'i ngang gzhan rkyen 'du 'dzi mang pos g.yengs te rim lus su gyur/___phyis su rang ltos slob tshogs bla sprul kha shas nas rang re'i 'bru 'grel 'di la blta bde don tshang zhig nges par mtha' skyong yod pa zhes yang yang dran bskul byed mkhan kha shas shig byung ba dang /___da lta snga 'gyur bka' ma'i phrin chog rgyab chos bcas spar 'debs skabs su sdom 'grel 'di yang sdebs su tshud na rmongs pa rang 'dra 'ga' la cung zad phan thogs yong rgyu'i re ba bcas te/___lha rigs shAkya'i dge bsnyen rnal 'byor spyod pa 'jigs bral ye shes rdo rjes rang lo brgyad cu gya gcig pa shing byi hor zla bcu pa'i shes rab kyi cha la nub phyogs dga' ba 'khyil ba'i ljongs su bskyod sdod skabs zhib mor dpyad pa'i sgo nas sbyar ba las/___yi ge pa ni rang gi gam du nye bar gnas pa blo gsal bsod nams nor bu nas rtsom gzhi'i zin bris ci rigs par btab cing /___yongs su rdzogs par sngon dge'i bag chags bzang pos las 'phro mthud pa la mi zhum pa rang slob mon gyi sngags btsun kun bzang dbang 'dus kyis bgyis pa'o/___/'dis kyang mchog gsang pad+ma'i ring lugs nam yang mi nyaXms par gong nas gong du 'phel zhing rgyas te rtag khyab lhun grub 'byung ba'i cha rkyen dam par gyur cig__/__sarba dA mang+ga laM/___// | ||
