རབ་གནས་བསྡུས་པ།

Previous Text Back to Volume PageNext Text

Wylie title	rab gnas bsdus pa
Location	bdud 'joms rin po che bka' 'bum Volume 18, Text 12, Pages 595-596 (Folios 1a1 to 1b1)
Author	བདུད་འཇོམས་འཇིགས་བྲལ་ཡེ་ཤེས་རྡོ་རྗེ་
Citation	Dudjom Rinpoche 'Jigs bral ye shes rdo rje. Rab gnas bsdus pa. In Bdud 'joms 'jigs bral ye shes rdo rje'i gsung 'bum dam chos rin chen nor bu'i bang mdzod, Vol. 18: 595-596. Kalimpong: Dupjung Lama, 1979-1985.
Side notes	Recto: rab gnas   Verso: bka' gter rdor sems
More details More details
Genre	Consecration Rituals - rab gnas cho ga
Colophon	།ཞེས་པའང་རྒྱ་སྟོན་གྱི་ངོར་ཛྙཱ་ནས་སོ།།
	zhes pa'ang rgya ston gyi ngor dz+nyA nas so//

Tibetan Text

[edit]

༄༅། །རབ་གནས་བསྡུས་པ་ནི། རྟེན་ལ་ ཧཱུྃ་ཧཱུྃ་ཧཱུྃ་གིས་བགེགས་བསལ། ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲཱི་ཡེ་ཧཱུྃ་གིས་ཁྲུས་བྱ། སྭ་བྷཱ་ཝས་སྦྱང་། སྟོང་པའི་ངང་ལས་སྐུ་རྟེན་རྣམ་པར་སྣང་མཛད། གསུང་རྟེན་སྣང་བ་མཐའ་ཡས། ཐུགས་རྟེན་རྡོ་རྗེ་མི་བསྐྱོད་པར་གསལ་བའི་ཐུགས་ཀ་ནས་འོད་ཟེར་འཕྲོས། འོག་མིན་གྱི་ཞིང་ནས་ཡེ་ཤེས་པ་བཛྲ་ས་མ་ཛཿས་སྤྱན་དྲངས། ཛཿཧཱུྃ་བཾ་ཧོཿ ས་བསྟིམ། རྟེན་གྱི་གནས་གསུམ་དུ་ཨོཾ་ཨཱཿཧཱུྃ་གསལ་བ་ལས་འོད་འཕྲོས་པས་རྡོ་རྗེ་གསུམ་གྱི་ལྷ་ཚོགས་སྤྱན་དྲངས་ཏེ་ཐིམ་པས་སྐུ་གསུང་ཐུགས་དང་དབྱེར་མེད་དུ་གྱུར། །སླར་ཡང་ཐུགས་ཀའི་འོད་ཀྱིས་དབང་ལྷ་སྤྱན་དྲངས་པས་དབང་བསྐུར། དྲི་མ་ལྔ་སྦྱངས་ཏེ་ཡེ་ཤེས་ལྔ་མངོན་དུ་བྱས། ཆུ་ལྷག་སྤྱི་བོར་བརྟན་པ་ལས་རང་རིགས་བདག་པོར་གྱུར་པའི་རིགས་ལྔས་དབུ་བརྒྱན་པར་གྱུར། ཨོཾ་ཛྙཱ་ན་ཙཀྵུ་པྲ་ཝེ་ཤ་ཡ་ཕཊ་ཀྱིས་སྤྱན་དབྱེ། ཨོཾ་ཨཱཿཧཱུྃ་སྭཱཧཱ། རྡོ་རྗེའི་སེ་གོལ་གྱིས་སྒྲས། བསྐྱེད་པའི་ལྷ་ཡོངས་སུ་གྱུར་པ་རྟེན་སོ་སོའི་རྣམ་པར་གྱུར་པར་བསམ། ཨོཾ་སརྦ་ཏ་ཐཱ་ག་ཏ་མ་ཧཱ་པཱུ་ཛཔྲ་ཏཱིཙྪ་ཧོཿ ས་མཆོད། ན་མོ་པུ་རུ་ཤ་ཡ་ཧོཿ ས་བསྟོད། སུ་པྲ་ཏིཥྛ་དང་། ཡེ་དྷརྨས་མེ་ཏོག་བྱིན་གྱིས་བརླབས་པ་འཐོར་ཞིང་། འདིར་ནི་རྟེན་དང་ལྷན་ཅིག་ཏུ། །འགྲོ་བའི་དོན་དུ་བཞུགས་ནས་ཀྱང་། །ནད་མེད་ཚེ་དང་དབང་ཕྱུག་དང་། །མཆོག་རྣམས་ལེགས་པར་སྩལ་དུ་གསོལ། །ཅེས་དང་། ཉིན་མོ་བདེ་ལེགས་སོགས་བཀྲ་ཤིས་རྒྱས་པར་སྤེལ་ལོ། །ཞེས་པའང་རྒྱ་སྟོན་གྱི་ངོར་ཛྙཱ་ནས་སོ།། །།