རྡོར་སེམས་བླ་མཆོད་བདག་འཇུག་ཚོགས་མཆོད་རྐྱང་པའི་ཆོ་ག་གཏོང་ལུགས་ཀྱི་ལག་ལེན་ཟིན་བྲིས།

Previous Text Back to Volume Page Next Text

Wylie title	rdor sems bla mchod bdag 'jug tshogs mchod rkyang pa'i cho ga gtong lugs kyi lag len zin bris
Location	bdud 'joms rin po che bka' 'bum Volume 22, Text 28, Pages 501-512 (Folios 1a1 to 6b1)
Author	བདུད་འཇོམས་འཇིགས་བྲལ་ཡེ་ཤེས་རྡོ་རྗེ་
Citation	Dudjom Rinpoche 'Jigs bral ye shes rdo rje. Rdor sems bla mchod bdag 'jug tshogs mchod rkyang pa'i cho ga gtong lugs kyi lag len zin bris. In Bdud 'joms 'jigs bral ye shes rdo rje'i gsung 'bum dam chos rin chen nor bu'i bang mdzod, Vol. 22: 501-512. Kalimpong: Dupjung Lama, 1979-1985.
Side notes	Recto: zin bris Verso: rdor sems bla mchod
More details More details
Genre	Notes - zin bris · Practical Instructions - lag len - len thabs
Cycle	རྡོར་སེམས་བླ་མ་མཆོད་པ་ (rdor sems bla ma mchod pa)
Deity	rdo rje sems dpa'

[edit]

༄༅། །རྡོར་སེམས་བླ་མཆོད་བདག་འཇུག་ཚོགས་མཆོད་རྐྱང་པའི་ཆོ་ག་གཏོང་ལུགས་ཀྱི་ལག་ལེན་ཟིན་བྲིས་བཞུགས། ། ༄༅། །རྡོར་སེམས་བླ་མཆོད་བདག་འཇུག་ཚོགས་མཆོད་རྐྱང་པའི་ཆོ་ག་གཏོང་ལུགས་ཀྱི་ལག་ལེན་ཟིན་བྲིས་ལ། གང་དུ་བྱ་བའི་སྟེགས་བུ་གྲུ་བཞི་ཁེབས་ལྡན་གྱི་དབུས་སུ་རས་བྲིས་ཀྱི་དཀྱིལ་འཁོར་པདྨ་འདབ་བརྒྱད་ལྟེ་བར་ལྷ་མཚན་རྡོ་རྗེ་དཀར་པོ་ཧཱུྃ་ཡིག་གིས་མཚན་པ་ཅན་བཀྲམ་པའམ། མ་འབྱོར་ན་མཎྜལ་ལ་འབྲུ་དཀར་དྲི་བཟང་གིས་སྦགས་པའི་ཚོམ་བུ་གཅིག་བཀོད། གང་ལྟར་ཡང་དེའི་སྟེང་མཉྫིའི་ཁར་རྣམ་བུམ་སོ་ལྔའི་བཅུད་ལྡན་མགུལ་ཆིངས་དཀར་པོ་ཅན་གྱི་ཁར་གསང་ཐོད་ཆོས་སྨན་མངར་གསུམ་ཆང་སྦྱར་གྱིས་བཀང་བའི་ཁ་དར་དམར་བརྒྱད་ལྟེབས་ཀྱིས་བཀབ་པ་དང་། དེ་སྟེང་མེ་ལོང་སིནྡྷུར་བརྡལ་བར་ཆོས་བྱུང་གྲྭ་མདུན་ལྟེ་བར་མཱུྃ་ཡིག་གིས་མཚན་པ་བྲིས་པའི་དབུས་སུ་ [2a] ཤེར་རྡོ་བཅས་བརྩེགས་མར་འགོད། དེའི་རྒྱབ་ཕྱོགས་ཀྱི་སྟེགས་བུ་མཐོ་བར་བླ་གཏོར་དཀར་ཟླུམ་པད་སྦུབས་༤ རིལ་བུ་༤ ཅན་རྒྱན་ལྔ་དགྲམ་ཉི་ཟླ་མེ་རིས་བརྒྱན་པ་དང་། གཡས་སུ་ཞི་བའི་སྤྱི་གཏོར་དབྱིབས་དེ་དང་འདྲ་བ་ལ་མཐའ་སྐོར་མཐེབ་ཀྱུ་ཞེ་གཉིས་ཀྱིས་བསྐོར་བ། དཀར་ གཡོན་དུ་ཁྲོ་བོའི་དཔལ་གཏོར་ལ་མཐེབ་ཀྱུ་ང་བརྒྱད་ཀྱིས་བསྐོར་བ། དམར་ གཉིས་ཀའང་རྩེ་རྒྱན་ཉི་ཟླ་མེ་རི་ཅན། དེ་གསུམ་གྱི་གཡས་གཡོན་དུ་སྨན་རཀ་དང་། མདུན་དུ་ཆུ་གཉིས་ཉེར་སྤྱོད་ལྔ་ཕྲེང་ཚར། མདུན་དཀྱིལ་གྱི་བྱང་ཤར་དུ་མཚམས་འཛིན་མེ་ཏོག་ནས་བརྩམས་ཉེར་སྤྱོད་སྒོར་མཆོད་དང་། འཛོམ་ན་རྒྱན་བཀོད་རྒྱལ་འཕན་བཅས་མཛེས་པ་བསྟར། མཚམས་འཛིན་སྟེང་དུང་ཆོས་དང་བུམ་པའི་གཟུངས་རྡོར། ཕྱོགས་གང་ [2b] བདེར་དམ་ཅན་སྤྱི་གཏོར། སྔོན་གཏོར་དཀར་བགེགས། ཚོགས་ཀྱི་ཡོ་བྱད་སོགས་དང་། སློབ་དཔོན་མདུན་དུ་ནང་མཆོད། རྡོ་དྲིལ། ཌཱ་མ་རུ། འབྲུ་བཟེད། ཡུངས་ཐུན། དུང་ཆོས་བཅས། གཞན་ཡང་རོལ་མོའི་བྱེ་བྲག་སོགས་འདིར་དགོས་པའི་ཡོ་བྱད་ཐམས་ཅད་ཚོགས་པར་བྱས་ནས། ཆོ་ག་དངོས་ལ་ཐོག་མར། ཧཱུྃ༔ ཨོ་རྒྱན་ཡུལ་གྱི་སོགས་ཚིག་བདུན་གསོལ་འདེབས་ལན་གསུམ་དང་། འཁྲུངས་རབས་གསོལ་འདེབས་མཐར། ཁྱབ་བདག་སྟོན་པ་སོགས་གཞུང་གི་བརྒྱུད་འདེབས་བཅས་ལྷུག་འདོན། བཛྲ་མ་ཧཱ་ཤྲཱི་སོགས་། དུང་ཁྲག་འཛིན་པའི་སྐུར་གྱུར། རཾ་ཡཾ་ཁཾ། སྟོང་པའི་ངང་ལས་བསང་ཆུའི་སྟེང་དུ༴ སྐུར་གྱུར། རྩེ་གཅིག་རྒྱ་མདུན་གྱི་དུང་ཆོས་ལ་གཏོད་ཚུལ་བཅས། ཨོཾ་མ་ཧཱ་ཀྲོ་དྷི་སོགས་ལན་ཉེར་གཅིག་མཐར། ཁྲོ་མོ༴ ཕྲ་རབ་ཏུ་གྱུར། ཨོཾ་མ་ཧཱ་ཀྲོ་དྷི་སོགས་ལན་གཉིས་སློབ་དཔོན་གྱིས་འཐོར་གཡབ་ཀྱིས་བླངས་པའི་བསང་ཆུ་བདག་དང་། གནས་ཁང་ཡོ་བྱད་རྣམས་ལ་འཐོར་ཞིང་། ལས་རྡོར་གྱིས་འཐོར་གཡབ་ཞུས་ཏེ་ རཾ་ཡཾ་ཁཾ་ལ་གཏོར་མ་དཀར་བགེགས་གཉིས་ཀར་བསང་ཆུ་འཐོར། སྟོང་པའི་ངང་ལས་སོགས། ཕུན་སུམ་ཚོགས་པར་གྱུར། ཨོཾ་ཨཱཿཧཱུྃ་ལ་མཁའ་ལྡིང་རྒྱ། རྡོ་དྲིལ་བླངས་ཏེ། བྷུ་མི་པ་ཏི༴ ས་མ་ཛཿར་བསྡུ་རྒྱ། ཨ་ཀཱ་རོར་པད་སྐོར་གཅིག་ནས་མཛོད་རྒྱ་སེ་གོལ་བཅས་ལན་གསུམ། ལས་རྡོར་གྱིས་དཀར་གཏོར་བཏེགས་ལ། གང་དག་འདིར་གནས་སོགས་ཡོ་སྤྱི་བཞི་ [3a] དྲིལ། གཙྪར་སེ་གོལ་ནས་རོལ་འོག་དཀར་གཏོར་ཕྱིར་འབུལ། ཨོཾ་སརྦ་བིགྷྣཱན་སོགས་ལ་པད་སྐོར་གཅིག་དང་མཛོད་རྒྱའི་མཐར་པད་སྦུབས་ཀྱིས་སེ་གོལ་བཅས་ལན་གསུམ། ཧཱུྃ། རྣལ་འབྱོར་ཆེན་པོའི་སོགས་ཡོ་སྤྱི་བཞི་དྲིལ། བཀའ་ནས་ནི། །བདུན་བརྒྱུད་སོགས་ལྷུག་ནས་རོལ་འོག་བགེགས་གཏོར་ཕྱིར་དོར། ཧཱུྃ་ཧཱུྃ་ཧཱུྃ་བི་ཤྭ་སོགས་རོལ་འོག་སློབ་དཔོན་ནས་ཡུངས་ཐུན་འཐོར། ཁྲོ་སྤྲིན་སོགས་འཁོར་ལོས་ཁྱབ་པར་གྱུར། ཅེས་རྡོ་དྲིལ་སར་བཞག ། བླ་མ་རིག་འཛིན་སོགས། ས་མ་ཛཿར་བསྡུ་རྒྱ། རྡོ་རྗེ་སློབ་དཔོན་རང་གདངས་སམ་ལྷུག་བཅས་ལན་གསུམ་མཐར། བཛྲ་མུཿར་ལག་གཡས་སར་གོལ། ཚོགས་ཞིང་༴ ཐིམ་པར་གྱུར རཾ་ཡཾ་ཁཾ། བདག་གི་ཐུགས་ཀ་ནས་སོགས། འདི་སྐབས་ལས་རྡོར་གྱིས་སློབ་དཔོན་མདུན་གྱི་ནང་མཆོད་དང་སྨན་རཀ་གི་ཁེབས་བསལ། ཨརྒྷཾ་ཨཱཿཧཱུཾ་ སོགས་ལ་པད་སྐོར་དང་སེ་གོལ་མེད་པའི་རང་རྒྱ། ཤཔྡར་རོལ། ཌཱརྐ༣ སྨན་རཀ་གཏོར་སྔགས་གསུམ་རེ། སྥ་ར་ཎར་ལག་གཉིས་ཕྱིར་བསྟན་གྱིས་སེ་གོལ་མཐར་རྡོ་དྲིལ་བླངས་ནས། ཨོཾ་མ་ཧཱ་ཤུ་ནྱ་ཏ༴ འཁོར་འདས་ཆོས་ཀུན་སོགས་ཡོ་སྤྱི་བཞི་དྲིལ། སྤྲིན་ཕུང་འཁྲིགས་ནས་ལྷུག་གིས་དྲིལ་པང་། བསྐུལ་མཚམས་ཀྱིས། དེ་ལྟར་གསལ་བའི་སོགས་ལྷུག ། སྤྱན་དྲངས་གྱུར། །ཅེས་དྲིལ་བུ་བཏེགས་ཤིང་རྡོ་རྗེ་ཕྱིར་སྐོར་གྱིས་གསོར་བ་དང་བཅས། ཨོཾ། ཆོས་ཀྱི་ [3b] དབྱིངས་ཀྱི་སོགས་ཡོ་སྤྱི་དང་ལྷུ་གསུམ་ལ་ཉིས་དྲིལ། འཇའ་དང་འོད་དུ་ནས་དྲུག་དྲིལ། གནས་མཆོག་འདི་རུ༴ བར་ཆད་སོལ། །ནས་ལྷུག་གིས་དྲིལ་གསིལ་བཅས་རྡོ་རྗེ་ནང་འདྲེན། ས་མ་ཛཿར་རོལ། ཌཱརྐ༣ རྡོ་དྲིལ་བཅས་ ཛཿཧཱུྃ་བཾ་ཧོཿ ར་སོ་སོའི་རང་རྒྱ། ཡེ་ཤེས༴ བཞུགས་པར་གྱུར། ཅེས་རྡོ་དྲིལ་སེར་བཞག ། རང་གི་ཐུགས་ཀ་ནས་༴ འཇུག་པར་གྱུར། ཐལ་སྦྱར་བཅས། གང་གི་དྲིན་གྱིས་སོགས་མགོན་པོ་ཐུགས་རྗེའི་གདངས་སམ་སྤྱི་གདངས། པྲ་ཏཱིཙྪ་ཧོཿ ཞེས་བསྐུལ་མཚམས། ཨོཾ། དཔག་མེད་ནམ་མཁའི་སོགས་སྤྱི་གདངས་ཐལ་སྦྱར་བཅས། ཨོཾ་གུ་རུ་སོགས་ལ་པད་སྐོར་གཅིག་གིས་ཐོག་དྲངས་སོ་སོའི་རང་རྒྱའི་མཐར་སེ་གོལ་དང་། ཤཔྡར་རོལ། ཌཱརྐ༣ ཞིང་འདིར་འཁོར་ལོ་སོགས་ཡོ་སྤྱི་ཐལ་སྦྱར ཙཀྲ་སོགས་ལ་པད་སྐོར་སོ་སོའི་རང་རྒྱ་སེ་གོལ། བསྐུལ་མཚམས་ཀྱིས། ཁ་དོག་དབྱིབས་ལེགས་ལྷུག་གམ་སྤྱི་གདངས། རཱུ་པ་སོགས་ལ་པད་སྐོར་རང་རྒྱ་སེ་གོལ་དང་། ཤཔྡར་རོལ་བཞི་བརྡེག ། ཨཥྚ་མངྒ་ལར་པད་སྐོར་མཛོད་རྒྱ་སེ་གོལ་ནས་ཐལ་སྦྱར་ཕབ་སྟེ་ལག་གཉིས་ཁུ་ཚུར་སྟེང་འོག་སྦྱར་བ་བརླ་གཡོན་སྟེང་འཇོག །བསྐུལ་མཚམས་ཀྱིས། ཀུན་ཏུ་དགའ་བ་སོགས་སྤྱི་གདངས། བཛྲ་ཝི་ནི་སོགས་ལ་པད་སྐོར་རེ་དང་སོ་སོའི་རང་རྒྱ་སེ་གོལ། དྷརྨ་དྷཱ་ཏུ་ཨཿཞེས་བསྐུལ་མཚམས་ཐལ་སྦྱར་བཅས། སྣ་ཚོགས་དབང་པོ་སོགས་སྤྱི་གདངས། བཛྲ་ཝ་སྟྲར་པད་སྐོར་དང་གོས་ཟུང་འཛིན་རྒྱ་ནས་སེ་གོལ། [4a] ཨ་ལངྐ་རར་པད་སྐོར་ནས་རིན་ཆེན་རྣ་ཆའི་རྒྱ་དང་སེ་གོལ། ཨོཾ་བཛྲ་བྷུ་མི་སོགས་ལ་སློབ་དཔོན་གྱིས་མཎྜལ་ལ་བ་བྱུང་དྲི་ཆུས་བྱུགས་ནས་ཚོམ་བུ་སོ་བདུན་ཚིག་བསྟུན་ལག་ལེན་ལྟར་འགོད་ཅིང་། མ་ཚང་སེམས་དཔའ་རྒྱལ་བ་སྲས་དང་བཅས་པ་རྣམས་ཀྱི་སྤྱན་ལམ་དུ་འབུལ་བར་བགྱིའོ། །ཐུགས་རྗེས་འགྲོ་བའི་སོགས། ས་གཞི་སྤོས་ཆུར་རང་གདངས་སམ་སྤྱི་གདངས། མཎྜལ་ཨཱཿཧཱུྃ་ཞེས་བསྐུལ་མཚམས་ཀྱིས་རྡོ་དྲིལ་བླངས་ཏེ། རྩ་བརྒྱད་ཡན་ལག་སོགས་སྤྱི་གདངས་བཞི་དྲིལ། ཕྱག་རྒྱ་ཆེ་ནས་ལྷུག་བཅས་དྲིལ་གསིལ་གྱིས་བཅད། ཨེ་མ་ཧོཿ ར་དྲིལ་སྟབས་སྔོན་འགྲོས་བསྐུལ་མཚམས་ཀྱིས། དུས་གསུམ་སངས་རྒྱས་སོགས་སྤྱི་གདངས་དང་། ཤློ་ཀ་རེར་རྡོར་སེམས་ཕྱག་རྒྱ་རེ་འགྲོ་བའི་དྲིལ་སྟབས། ཡེ་ཤེས་ཐུགས་ལ་སོགས་ཚིག་མཇུག་ལྷུག་ནས་རྡོ་དྲིལ་སར་བཞག ། དུས་གསུམ་བདེ་གཤེགས་སོགས་ལྷུག་འདོན་དང་ཡིག་བརྒྱ་ལན་ཉེར་གཅིག་ཙམ་བཟླས་མཐར། རྫོགས་སངས་རྒྱས་དང་སོགས་ལྷུག ། ཕྱིན་པར་ཤོག དེ་ནས་ སྣང་གྲགས་རིག་གསུམ་སོགས་ཀྱིས་ཞོག་ཚོགས་གྲོལ། ༼ཚ་གུང་ལ་༽ ཐལ་སྦྱར་བཅས། ཨོཾ། སྐྱེ་འཆི་མེད་པ་སོགས་སྤྱི་གདངས། བླ་མའི་སྐུ་ལས་སོགས་ལྷུག་གིས། གུ་རུ་བཛྲ་སཏྭའི་ [4b] བཟླས་པ་༡༠༠༠དང་། མཐར་ཡིག་བརྒྱའང་བཟླས་རྗེས། ༡༠༠ བུམ་པ་རང་བྱུང་གི་སོགས་ལ་ལས་རྡོར་གྱིས་མེ་ཏོག་འཐོར་བ་སྔོན་དུ་འགྲོ་བས་པད་སྐོར་གྱིས་གཟུངས་ཐག་བླངས་ཏེ་སློབ་དཔོན་ལ་ཕུལ་བ་དེས་ཀྱང་དེ་བཞིན་བླངས་ནས་གཡོན་པའི་མཐེབ་སྲིན་སྦྱར་བས་སྙིང་གར་བཟུང་བཞིན་རྩ་སྔགས་༡༠༠དང་ཡིག་བརྒྱ་༣༠བཟླས་མཐར། ལས་རྡོར་གྱིས་སྔར་བཞིན་གཟུངས་ཐག་ཞུས་ཏེ་དུང་ཞལ་གྱི་དྲི་ཆུ་རྣམ་བུམ་དུ་བླུགས་ལ། བུམ་པའི་སོགས། གྱུར། སྐུ་བཞིའི་དབང་ཕྱུག་སོགས་ལྷུག་མཐར། རྡོ་དྲིལ་བླངས་ཏེ། ཧཱུྃ། བསྐང་ངོ་ཀལྤས་སོགས་སྤྱི་གདངས་བཞི་དྲིལ། མཇུག་ཚིག་ལྷུག་ནས་རོལ། ཧཱུྃ། བསྐང་ངོ་བདུད་རྩིས་སོགས་ལྷུག་འདོན་བཞི་དྲིལ་མཐར་རོལ། འདི་རྣམས་ལྷུག་གདངས་རེས་མོས་རོལ་རེ་བཅས་འདྲ་བ་ལས། སྒྲོན་མེའི་སྐང་བའི་མཇུག་ དཱི་པ་པྲ་ཏཱིཙྪར་དྲིལ་གསིལ་ནས་དྲིལ་པང་། ཨོཾ་ཨ་ཧོཿ ཤུདྡྷེ་སོགས་ལན་བདུན་མཐར་རོལ། དག་གྱུར་སྐོང་བའི་མཇུག་རོལ་མཐར་རྡོ་དྲིལ་སར་བཞག །འོས་གྱུར་གསོལ་འདེབས་ཀྱིས་གྲོལ། ༼བར་ཆར་༽ ཇི་ལྟར་བལྟམས་པ་སོགས་ཁྲུས་གདངས། ཨ་བྷི་ཥི་ཀ་ཏར་དུང་ཆོས་ནས་འཐོར། ས་གཞི་སྤོས་ཆུས་ལྷུག །ཐལ་སྦྱར་བཅས། བླ་མ་གཙོ་བོ་སོགས་ཁྲུས་གདངས་བཅས་ལན་གསུམ། ཐལ་སྦྱར་ཕབ་ནས། རྡོ་རྗེ་སློབ་དཔོན་སོགས་ལྷུག་གདངས་གང་འོས་ལན་གཅིག །སྙིང་གར་རྩེ་གཅིག་རྒྱས། བདེ་བར་གཤེགས་པ་སོགས་ཁྲུས་གདངས་བཅས་ལན་གསུམ། རང་ཉིད་དཔལ་རྡོ་རྗེ་སེམས་དཔའ༴ འདི་སྐབས་ལས་རྡོར་གྱིས་ལྡེམ་སྤོས་བསྐོར། ཐིམ་པར་ [5a] གྱུར། ཨོཾ་གུ་རུ་བཛྲ༴ ཨོཾ་བཛྲ་ས་ཏྭ་ས་མ་ཡ་སོགས་རོལ། ཌཱརྐ༣༽ ཏིཥྛ་བཛྲ་ལ་སྤྱི་བོར་རྒྱ་གྲམ། ས་གཞི་སྤོས་ཆུས་ལྷུག །ཐལ་སྦྱར་གྱིས། བྱང་ཆུབ་རྡོ་རྗེ་སོགས་ཁྲུས་གདངས་བཅས་ལན་གསུམ། སློབ་དཔོན་རྡོ་རྗེ་སེམས་དཔའི་སོགས། འདི་ནས་རྡོ་དྲིལ་ལེན་ ས་མཱ་ཛཿར་རྡོ་དྲིལ་བཅས་བསྡུ་རྒྱ། ཨརྒྷཾ་སོགས་ལ་རང་རྒྱ་དང་ ཤཔྡར་རོལ། ནམ་མཁའ་གང་བའི༴ དབང་བསྐུར་བར་གྱུར། རྡོ་དྲིལ་བཅས་རྣམ་བུམ་བཏེགས་ལ། ཨོཾ། ཏིལ་གྱི་གོང་བུ་སོགས་ལྷ་དབང་ཆེན་མོའི་རྟ། ཚིག་མཇུག་དྲིལ་གསིལ་གྱིས་ ཀ་ལ་ཤར་བུམ་ཆུ་མྱང་། དྲིལ་པང་གིས། དེ་ལྟར་བུམ་པ༴ བྱས་པའོ། །ཞེས་བསྐུལ་མཚམས། བླ་མ་དཔལ༴ བཞག་པར་གྱུར། རྡོ་དྲིལ་བཅས་གསང་ཐོད་བཏེགས་ལ། ཇི་ལྟར་རྒྱལ་བ་སོགས་ལྷ་དབང་རྟ། བོ་ངྷི་ཙིཏྟར་བདུད་རྩི་མྱང་མཐར་དྲིལ་པང་། བྱང་སེམས་བདུད་རྩིའི༴ བྱས་པའོ། །བསྐུལ་མཚམས། རང་ཉིད་དཔལ༴ བསྐུལ་བར་གྱུར། ཀུན་གྱི་ལག་གཡོན་དྲིལ་བུའི་ཞབས་ནས་འདེགས་ཤིང་སློབ་དཔོན་གྱིས་དེ་དང་ལྷན་གཅིག་མེ་ལོང་བཟུང་། གཡས་རྡོར་པང་གིས། དགའ་བའི་གནས་སྟེར་སོགས་ལྷ་དབང་རྟ། བྷཉྫ་མོ་ཀྵར་གཡས་རྡོ་རྗེ་དང་བཅས་སྲིན་ལག་གིས་སིནྡྷུ་རའི་ཐིག་ལེ་སྙིང་གར་འགོད། འདི་ལ་དྲིལ་གསིལ་མེད། འདུ་ཤེས་གསུམ་གྱིས༴ བརྟན་པར་གྱུར། སརྦ་ཏ་ཐཱ་ག་ཏར་ལག་གཉིས་རྡོ་དྲིལ་བཅས་པད་སྐོར་སྔོན་དུ་ [5b] འགྲོ་བས་འཁྱུད་རྒྱ། དེ་ལྟར་ཤེས་རབ་༴ བསྐུལ་མཚམས་ཀྱིས། བླ་མ་དཔལ༴ དབུགས་ཕྱུང་བར་གྱུར། བྱིངས་དྲིལ་པང་དང་སློབ་དཔོན་གྱིས་གཡས་རྡོ་རྗེ་བཅས་ཤེལ་རྡོ་བཏེགས་ལ། ཧོཿ འདི་ལྟར་ཆོས་རྣམས་སོགས་ལྷ་དབང་རྟ། ཨ་ཏི་ཧོཿ དེ་ལྟར་དབང་བཞི་པ༴ བྱས་པའོ། །བསྐུལ་མཚམས། རྡོ་དྲིལ་སར་བཞག །ཐལ་སྦྱར་བཅས། གཙོ་བོས་ཇི་ལྟར་ལན་གསུམ་དང་། དེང་ནས་དེང་ནས་བརྩམས་ཏེ་ལན་གཅིག་སྦྲེལ་བ་ཁྲུས་གདངས་མཐར། ས་གཞི་སྤོས་ཆུས་ལྷུག །བར་འདིར་ལས་རྡོར་གྱིས་ཕྱག་གསུམ་སྔོན་འགྲོས་གསོལ་གདབ་ཞུས་མཐར་ཚོགས་རྫས་ལ་ཆང་ཆུ་ནང་གསུམ་བྲན་ཅིང་། ཨོཾ་སརྦ༴ རང་ཉིད་རྡོ་རྗེ་སོགས་ལྷུག །རྡོ་དྲིལ་བླངས་ཏེ། ཨོཾ། བསོད་ནམས་ཡེ་ཤེས་སོགས་སྤྱི་གདངས་བཞི་དྲིལ་མཐར་རོལ། ཌཱརྐ༣ དྲིལ་པང་གིས། བཛྲ་ལཱ་སྱ་སོགས་ལ་པད་སྐོར་སྔོན་འགྲོས་སོ་སོའི་རང་རྒྱ་སེ་གོལ། རྡོ་དྲིལ་བཅས། གཟུགས་སྒྲ་དྲི་རོ་སོགས་སྤྱི་གདངས་བཞི་དྲིལ་མཐར་རོལ། ཐོག་མེད་དུས་ནས་སོགས་སྤྱི་གདངས། ཡིག་བརྒྱར་དྲིལ་གསིལ། ལས་རྡོར་གྱིས་ཚོགས་ཐ་མ་སློབ་དཔོན་མདུན་དུ་འགོད། ཨཾ་ཀུ་ཤར་འགུགས་རྒྱ་དང་། ཛཿཧཱུཾ་བཾ་ཧོཿ ར་རང་རྒྱ། ཧཱུཾ། ང་ནི་ཟ་བྱེད་སོགས་སྤྱི་གདངས་བཞི་དྲིལ་ནས་ཌཱརྐ༣ རོལ་འོག་སློབ་དཔོན་གྱིས་བསྒྲལ་ཚུལ་མཐར་ལས་རྡོར་གྱིས་ནང་མཆོད་བྲན་ཏེ་ཕུལ་ལ། དུག་ལྔས་གཟིར་ཞིང་སོགས་སྤྱི་གདངས་བཞི་དྲིལ་ནས་རོལ། རྡོ་དྲིལ་སར་བཞག ། [6a] གསོལ་ཚོགས་འབུལ། བསམ་པ་ལྷུན་གྲུབ་མ་སོགས་ཀྱིས་གྲོལ། ༼ དགོང་ཚོགས་ལ་༽ ཧེ་རུ་ཀ་དཔལ་སོགས་སྤྱི་གདངས། ལས་རྡོར་ནས་ཕྱག་བཅས་གསོལ་གདབ་ཞུ། སློབ་དཔོན་གྱིས་བདུད་རྩིའི་ཁ་ཕྲུ་སྦྲེང་ཞིང་ ཨོཾ་ཨཱཿཧཱུཾ་ཧ་ཧོ༴ ཧྲིཾ་ཛཿ རྡོ་དྲིལ་བླངས་ཏེ། ཧཱུཾ། མཁའ་འགྲོ་གིང་དང་སོགས་སྤྱི་གདངས་བཞི་དྲིལ་མཐར་ཌཱརྐ༣ རོལ་འོག་ལྷག་གཏོར་ཕྱི་རོལ་དུ་འབུལ། དེ་ནས་དམ་ཅན་སྤྱི་གཏོར་གྱི་མཆོད་རློབ་འདས་གཏོར་ནས་བརྩམས་མཇུག་ཆོག་བཀྲ་ཤིས་བར་དྲིལ་ཆོག་གིས་མཐར་དབྱུང་སྟེ། ལས་རྡོར་གྱིས་མཆོད་ཁ་གསོས་ལ། རྡོ་དྲིལ་བཅས་པད་སྐོར་གཅིག་སྔོན་འགྲོས་སོ་སོའི་རང་རྒྱ་བཅས། ཨོཾ་གུ་རུ་བཛྲ་སཏྭ་ས་པ་རི་ཝཱ་ར་ཨརྒྷཾ་པདྱཱཾ་སོགས། ཤཔྡར་རོལ། ཌཱརྐ༣ གང་གི་དྲིན་གྱིས་སོགས་ཤློ་ཀ་གཅིག་དང་། མ་རྙེད་ཡོངས་སུ་སོགས་སྦྲེལ་ཏེ་སྤྱི་གདངས་བཞི་དྲིལ་མཐར་ཡིག་བརྒྱར་༣དྲིལ་གསིལ། དྲིལ་པང་གིས། འདིར་ནི་གཟུགས་དང་སོགས་ལྷུག ། སུ་པྲ་ཏིཥྛར་མེ་ཏོག་འཐོར། བདག་གི་སྒོ་གསུམ་སོགས་སྤྱི་གདངས། ངང་ལ་གནས། །བསྐུལ་མཚམས་ཀྱིས། སྣང་བ་ཐམས་ཅད་སོགས་སྤྱི་གདངས། རོལ་པའོ། །བསྐུལ་མཚམས། དགེ་བ་འདི་ཡིས༴ འདིས་མཚོན་དུས་གསུམ་སོགས་སྦྲེལ་ཏེ་སྤྱི་གདངས། བགྲོད་པར་ཤོག །བསྐུལ་མཚམས། ་ཀྱིས། ཡེ་དྷརྨ༴ རྡོ་དྲིལ་བཅས། ཨོཾ། བྱིན་རླབས་མཆོག་སྩོལ་སོགས་སྤྱི་ [6b] གདངས་ཉིས་དྲིལ་མཐར་རོལ། ཌཱརྐ༣ དེ་ནས་ཞབས་བརྟན་སོགས་དང་། འོས་གྱུར་སྨོན་ལམ་ཅི་རིགས་མཐར། དེ་ལྟར་འགྲུབ་པའང་སོགས་ཀྱིས་གྲོལ་ལོ།། །།