ཐུན་མིན་སྔོན་འགྲོ་དངོས་གཞིའི་གནད་བསྡུས།

First text in volume.Last text in volume.

Wylie title	thun min sngon 'gro dngos gzhi'i gnad bsdus
Location	bdud 'joms rin po che'i gsung thor bu Volume 1, Text 3, Pages (Folios to )
Author	བདུད་འཇོམས་འཇིགས་བྲལ་ཡེ་ཤེས་རྡོ་རྗེ་
Citation	Dudjom Rinpoche 'Jigs bral ye shes rdo rje. Thun min sngon 'gro dngos gzhi'i gnad bsdus. In Bdud 'joms 'jigs bral ye shes rdo rje yi gsung gi thor bu chos sku'i ring bsrel. Kathmandu: Pal Ngagyur Shedrup Dojoling, 2026.
Side notes
More details More details
Genre

[edit]

༄༅། །ཐུན་མིན་སྔོན་འགྲོ་དངོས་གཞིའི་གནད་བསྡུས་བཞུགས་སོ།།

ན་མོ། །མཆོག་གསུམ་ཀུན་འདུས་བླ་མར་སྐྱབས་སུ་མཆི། །སེམས་བསྐྱེད་མཁའ་ཁྱབ་འགྲོ་བའི་དོན་དུ་འཇུག །སྤྱི་བོའི་རྡོར་སེམས་སྐུ་ལས་འདུད་རྩིའི་རྒྱུན། །བབས་པས་བདག་གི་སྡིག་སྒྲིབ་མ་ལུས་སྦྱངས། །ཨོཾ་བཛྲ་ས་ཏྭ་ཧཱུྃ། རང་ཉིད་རྣལ་འབྱོར་མར་གསལ་མདུན་ཁ་རུ། །རྩ་བའི་བླ་མ་པད་འབྱུང་དངོས་སུ་བཞུགས། ཁམས་གསུམ་སྣོད་བཅུད་རང་ལུས་ཕུང་ཁམས་བཅས། །ཟག་མེད་བདེ་སྟོང་མཎྜལ་ཚོགས་སུ་འབུལ། །སྐྱབས་ཀུན་ངོ་བོ་ཁྱབ་བདག་བླ་མ་ལ། །སྙིང་ནས་གསོལ་བ་འདེབས་སོ་བྱིན་གྱིས་རློབས། །ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ༔ གསང་གསུམ་བྱིན་རླབས་དབང་བཞི་ཡོངས་རྫོགས་ཐོབ། །བླ་མ་རང་སེམས་དབྱེར་མེད་རྫོགས་པ་ཆེ། །བློ་བྲལ་རིག་སྟོང་རྗེན་པ་གདོད་མའི་གཤིས། །ཡེ་ཡིན་དོན་གྱི་བླ་མའི་རང་ཞལ་བལྟ། དགེ་ཚོགས་མཐའ་ཡས་འགྲོ་བའི་དོན་དུ་བསྔོ། །ཀུན་ཀྱང་རྡོ་རྗེ་འཛིན་པའི་ས་ཐོབ་ཤོག །སྣང་གྲགས་རིག་པ་བླ་མའི་སྐུ་གསུང་ཐུགས། །དག་པ་རབ་འབྱམས་བཀྲ་ཤིས་བདེ་ལེགས་ཤོག །ཅེས་པའང་དེང་དུས་ཀྱི་གདུལ་བྱ་དད་མོས་ཡོད་ཀྱང་ལོང་ཁོམ་གྱིས་དབེན་པ་རྣམས་ལ་ཕན་པའི་ཕྱིར་རྗེ་བཙུན་པདྨ་ཆོས་འཛིན་གསང་སྔགས་དབང་མོས་བསྐུལ་བའི་རྐྱེན་ལས་འཇིགས་བྲལ་ཡེ་ཤེས་རྡོ་རྗེས་བྲིས་པ་དགེ། །།