དག་སྣང་ལས༔ གནས་དང་ཡུལ་གྱི་བསྐང་བ༔

Previous Text Back to Volume Page Next Text

Wylie title	dag snang las: gnas dang yul gyi bskang ba:
Location	khros ma'i sgrub skor Volume 1, Text 19, Pages 181 (Folios 1a1 to 1a6)
Author	བདུད་འཇོམས་གླིང་པ་
Citation	Khrag 'thung Bdud 'joms gling pa. Dag snang las gnas dang yul gyi bskang ba. In Khros ma'i sgrub skor: 181. Kalimpong: Mani Dorji, 1979.
Side notes	Recto: gnas bskang khros ma
More details More details
Tertön	བདུད་འཇོམས་གླིང་པ་ (bdud 'joms gling pa)
Genre	Mending Rituals - bskang chog
Cycle	དག་སྣང་ཡེ་ཤེས་དྲྭ་བ་ (dag snang ye shes drwa ba)
Deity	khros ma nag mo
Colophon	ཞེས་དབོན་པོ་ཐོགས་མེད་ཀྱི་ངོར་སྤྲང་པོ་གཏད་མེད་ཧད་པོས་བྲིས།།
Colophon	zhes dbon po thogs med kyi ngor sprang po gtad med had pos bris//

[edit]

༁ྃ༔ དག་སྣང་ལས༔ གནས་དང་ཡུལ་གྱི་བསྐང་བ་ནི༔ ཧཱུྃ༔ སྣང་སྲིད་དག་པ་མཁའ་སྤྱོད་ཞིང་༔ བདེ་ཆེན་འགྱུར་མེད་གཞལ་ཡས་ནས༔ གདན་གསུམ་དཀྱིལ་འཁོར་ཡོངས་གྲུབ་ལྷ༔ མ་བཙལ་རྫོགས་ལྡན་རིག་པས་བསྐང་༔ གང་འདུལ་སྤྲུལ་པའི་གནས་མཆོག་དང་༔ ཉི་ཤུ་རྩ་བཞི་ཡུལ་སོ་གཉིས༔ དུར་ཁྲོད་ཆེན་པོའི་གནས་བརྒྱད་དང་༔ ཧེ་རུ་ཀ་ཡི་གནས་བཅུ་ན༔ བཞུགས་པའི་དཔའ་བོ་རྣལ་འབྱོར་མ༔ ཞིང་སྐྱོང་ཚོགས་བདག་རྒྱ་མཚོ་ཡི༔ ཐུགས་དམ་བསྐང་ལ་ཉམས་ཆག་བཤགས༔ ཙ་རི་པད་རི་པདྨ་འོད༔ བཀྲ་ཤིས་རྫོང་སོགས་འཛམ་གླིང་གི༔ ས་སྤྱོད་མཁའ་སྤྱོད་སྤྲུལ་པའི་ཞིང་༔ དེ་དང་དེར་བཞུགས་འགྲོ་འདུལ་དཔལ༔ ཞིང་སྐྱོང་དཔའ་བོ་མཁའ་འགྲོ་དང་༔ དམ་ཅན་རྒྱ་མཚོའི་ཐུགས་དམ་བསྐང་༔ སྒོ་གསུམ་ཉེས་པའི་སྒྲིབ་ཚོགས་བཤགས༔ ཕྱི་ནང་བར་ཆད་དབྱིངས་སུ་སོལ༔ མཆོག་དང་ཐུན་མོང་དངོས་གྲུབ་སྩོལ༔ རིག་འཛིན་རྣམ་བཞིའི་ས་ལ་སྐྱོལ༔ འོད་གསལ་ཆོས་སྐུའི་གདིང་ཐོབ་ཤོག༔ ས་མ་ཡ༔ ཞེས་དབོན་པོ་ཐོགས་མེད་ཀྱི་ངོར་སྤྲང་པོ་གཏད་མེད་ཧད་པོས་བྲིས།། །།