རྒྱ་ཆེན་བརྟུལ་ཞུགས་སྨོན་ལམ་གྲུབ་པ་ལས།

First text in section. Back to Volume PageLast text in section.

Wylie title	rgya chen brtul zhugs smon lam grub pa las
Location	phrin las nor bu'i gsung 'bum Volume 1, sde tshan 6, Text 15, Pages (Folios to )
Author	ཕྲིན་ལས་ནོར་བུ་
Citation	Thinley Norbu. Rgya chen brtul zhugs smon lam grub pa las. In Phrin las nor bu'i gsung 'bum, Vol. 1.
Side notes
More details More details
Genre

[edit]

༄༅། །རྒྱ་ཆེན་བརྟུལ་ཞུགས་སྨོན་ལམ་གྲུབ་པ་ལས། །མ་རུང་གདུལ་དཀའི་ཀླད་པ་འགེམས་པ་ལ༑ ༑མཐུ་སྟོབས་ཞོ་འཐུང་རྡོ་རྗེའི་མཚོན་འཆང་བ། །ཧེ་པ་སེམས་དཔའ་མཐུ་ཆེན་ཐོབ་ཀྱིས་སངས་རྒྱས་ཀྱི་བསྟན་པ་སྲུང་བའི་སླད་དུ་སྨོན་ལམ་ཇི་ལྟར་བཏབ་པ་བཞིན་དུ་བསྐལ་པ་མང་པོའི་གོང་ནས་ཚོགས་གཉིས་རྒྱ༵་ཆེ༵ན་པོ་བསགས་ཤིང་། ༈ ཧེ་པ་ཆོས་འབྱུང་ལ་ན་མོ། གང་འདུལ་སྨོ༵ན་ལ༵མ་གྱི་མཐུ་ཡོངས་སུ་གྲུབ༵་པ༵་ལ༵ས། སེམས་ཅན་ལ་འཚེ་ཞིང་། སངས་རྒྱས་ཀྱི་བསྟན་པ་ལ་འཁུ་བར་བྱེད་པའི་གདུལ་བྱ་མ༵་རུང༵ས་པ་ཞི་བའི་ལས་ཀྱིས་འདུ༵ལ་བར་དཀ༵འ་བའི་མི་སྲུན་པ་རྣམས་ཀྱི་ཀླད༵་པ༵་འགེ༵མས་པ་སྟེ་ཚར་གཅོད་པ༵་ལ༵་ཇི་ལྟར་ལྷ་མིན་གྱི་གཡུལ་རྣམས་བདེ་བླག་ཏུ་ཕམ་པར་བྱེད་པའི་མཐུ༵་སྟོབ༵ས་འགྲན་ཟླ་དང་བྲལ་བ་ཞོ༵་འཐུང༵་སྟེ་ལྷ་ཡི་དབང་པོ་བརྒྱ་བྱིན་གྱི་རྡོ༵་རྗེ༵འི་མཚོ༵ན་འཆ༵ང་བ༵་ཧེ༵་པ༵་ཆོ༵ས་འབྱུང༵་དུ་གྲགས་པ་སྟེ་དེ་ཡི་ཞ༵བས་ལ༵་གསོ༵ལ་བ༵་འདེ༵བས་སོ། །དེ་ཡང་འདི་ཉིད་ས་ངན་གྱི་ཡུལ་བྲག་དཀར་དུ་འབོད་པར་སྐུ་འཁྲུངས། ཀོང་པོ་རྒྱ་ར་བ་ནམ་མཁའ་ཆོས་ཀྱི་རྒྱ་མཚོའི་མདུན་ནས་པདྨ་གླིང་པའི་ཞི་ཁྲོའི་དབང་ལུང་རྣམས་གསན། ཞི་ཁྲོར་ཆོག་ཁྲིགས་ལྷན་ཐབས་སོགས་མང་དུ་མཛད། རྒྱལ་བ་ཀཿཐོག་པ་དམ་པ་བདེ་གཤེགས་ཀྱི་ཆོས་བརྒྱུད་འཛིན་པའི་བརྒྱུད་འཛིན་ཆེན་པོར་བཞུགས། མཆོག་ཐུན་གྱི་དངོས་གྲུབ་རྣམ་པ་གཉིས་ལ་མངའ་དབང་འབྱོར་ཞིང་། ཚར་གཅོད་རྗེས་འཛིན་གྱི་ཕྲིན་ལས་དྲག་པོ་མངོན་སྤྱོད་ཀྱི་ལས་ལ་ཐོགས་རྡུགས་བྲལ་བའོ། །