ཟབ་གསང་མཁའ་འགྲོའི་སྙིང་ཐིག་ལས༔ སྒོ་དབྱེ་འཕྲུལ་གྱི་ལྡེའུ་མིག༔

Previous Text Back to Volume Page Next Text

Wylie title	zab gsang mkha' 'gro'i snying thig las: sgo dbye 'phrul gyi lde'u mig:
Location	bdud 'joms gling pa zab gter Volume 1, Text 36, Pages 331-333 (Folios 1a1 to 2a6)
Author	བདུད་འཇོམས་གླིང་པ་
Citation	Khrag 'thung Bdud 'joms gling pa. Zab gsang mkha' 'gro'i snying thig las sgo dbye 'phrul gyi lde'u mig. In Sprul pa'i gter chen bdud 'joms gling pa'i zab gter gsang ba'i chos sde, Vol. 1: 331-333. Thimphu, Bhutan: Lama Kuenzang Wangdue, 2004.
Side notes	Recto: sgo dbye Verso: bdud 'joms gu ru drag po
More details More details
Tertön	བདུད་འཇོམས་གླིང་པ་ (bdud 'joms gling pa)
Genre	Initiations in the Maṇḍala - dkyil 'khor dbang chog - dkyil chog
Cycle	བླ་མ་དྲག་པོ་བདེ་ཆེན་རྒྱལ་པོ་ (bla ma drag po bde chen rgyal po)
Parent Cycle	ཟབ་གསང་མཁའ་འགྲོའི་སྙིང་ཐིག་ (zab gsang mkha' 'gro'i snying thig)
Colophon	ཞེས་པ་འདི་ཡང་ཁྲག་འཐུང་བདུད་འཇོམས་རྡོ་རྗེས་གཏེར་ནས་བཏོན་ཏེ་གཏན་ལ་ཕབ་པའི་ཡི་གེ་པ་ནི་ཡེ་ཤེས་ཉི་མ་མཐའ་རྒྱས་སོ། །དགེའོ། །དགེའོ། །དགེའོ། །ལེགས་སོ། །སརྦ་མངྒ་ལཾ།།
Colophon	zhes pa 'di yang khrag 'thung bdud 'joms rdo rjes gter nas bton te gtan la phab pa'i yi ge pa ni ye shes nyi ma mtha' rgyas so/_/dge'o/_/dge'o/_/dge'o/_/legs so/_/sarba mang+ga laM//

[edit]

ཐྂ༎༔ ཟབ་གསང་མཁའ་འགྲོའི་སྙིང་ཐིག་ལས༔ སྒོ་དབྱེ་འཕྲུལ་གྱི་ལྡེའུ་མིག་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ (བརྡ་ཡིག་) སྒྲུབ་པའི་ཕྱི་སྒོ་ཕྱེ་བ་ལ༔ དཀར་གཏོར་གསེར་སྐྱེམས་བཤམས་ནས་སུ༔ ཟག་མེད་ཡེ་ཤེས་བདུད་རྩི་ལ༔ རྣམ་པ་འདོད་རྒུའི་དཔལ་དུ་བསྐྱེད༔ དེ་ལ་སྭ་བྷཱ་ཝས་སྦྱངས༔ ཨ་ཀཱ་རོས་སྤེལ༔ ཀྱཻ༔ ཤར་ཕྱོགས་སྲིད་པའི་ལྷ་མ་སྲིན༔ གཞི་བདག་ལྷ་འདྲེ་དྲག་རྩལ་ཅན༔ གསེར་སྐྱེམས་གཏོར་མ་འདི་བཞེས་ལ༔ ཡས་དང་ཟོར་གྱི་ལམ་ཕྱེས་ལ༔ མཐུ་དང་དཔུང་བསྐྱེད་དམག་ལ་ཆོས༔ དགྲ་བགེགས་མ་ཤོར་སྐུ་བཟུར་ལ༔ དྲག་པོའི་ཕྲིན་ལས་འགྲུབ་པར་མཛོད༔ ཀྱཻ༔ སྲིད་པ་ལྷོ་ཡི་ལྷ་མ་སྲིན༔ གཞི་བདག་ལྷ་འདྲེ་དྲག་རྩལ་ཅན༔ གསེར་སྐྱེམས་གཏོར་མ་འདི་བཞེས་ལ༔ ཡས་དང་ཟོར་གྱི་ལམ་ཕྱེས་ལ༔ མཐུ་དང་དཔུང་བསྐྱེད་དམག་ལ་ཆོས༔ དགྲ་བགེགས་མ་ཤོར་སྐུ་བཟུར་ལ༔ དྲག་པོའི་ཕྲིན་ལས་འགྲུབ་པར་མཛོད༔ ཀྱཻ༔ སྲིད་པ་ནུབ་ཀྱི་ལྷ་མ་སྲིན༔ གཞི་བདག་ལྷ་འདྲེ་དྲག་རྩལ་ཅན༔ གསེར་སྐྱེམས་གཏོར་མ་འདི་བཞེས་ལ༔ ཡས་དང་ཟོར་གྱི་ལམ་ཕྱེས་ལ༔ མཐུ་དང་དཔུང་བསྐྱེད་དམག་ལ་ཆོས༔ དགྲ་བགེགས་མ་ཤོར་སྐུ་བཟུར་ལ༔ དྲག་པོའི་ཕྲིན་ལས་འགྲུབ་པར་མཛོད༔ ཀྱཻ༔ སྲིད་པ་བྱང་གི་ལྷ་མ་སྲིན༔ གཞི་བདག་ལྷ་འདྲེ་དྲག་རྩལ་ཅན༔ གསེར་སྐྱེམས་གཏོར་མ་འདི་བཞེས་ལ༔ ཡས་དང་ཟོར་གྱི་ལམ་ཕྱེས་ལ༔ མཐུ་དང་དཔུང་སྐྱེད་དམག་ལ་ཆོས༔ དགྲ་བགེགས་མ་ཤོར་སྐུ་བཟུར་ལ༔ དྲག་པོའི་ཕྲིན་ལས་འགྲུབ་པར་མཛོད༔ ཀྱཻ༔ མཚམས་བཞི་སྟེང་འོག་ལ་གནས་པའི༔ སྣང་ཞིང་སྲིད་པའི་ལྷ་འདྲེ་དང་༔ གཞི་བདག་ལྷ་འདྲེ་དྲག་རྩལ་ཅན༔ མ་ལུས་ལུས་པ་མེད་པ་ཀུན༔ གསེར་སྐྱེམས་གཏོར་མ་འདི་བཞེས་ལ༔ ཡས་དང་ཟོར་གྱི་སྒོ་ཕྱེས་ཤིག༔ ཐུན་ཟོར་དགྲ་བགེགས་སྲོག་ལ་ཕོབ༔ ཟོར་སྒོ་དགྲ་དང་བགེགས་ལ་ཕྱེས༔ མིང་ཙམ་མེད་པར་རྡུལ་དུ་རློག༔ བདག་ནི་མ་ཉེས་མ་ལན་ཏེ༔ གལ་ཏེ་གདོང་ལ་ཐུག་གྱུར་ཀྱང་༔ ཆད་པ་དགྲ་དང་བགེགས་ལ་ཕོབ༔ དུས་གསུམ་རྒྱལ་བ་སྲས་བཅས་ཀྱི༔ བཀའ་དམ་གཉན་པོ་དཔང་བཞག་ནས༔ བཀའ་བསྒོ་ཡིན་ནོ་བཀའ་མ་བཅག༔ དམ་ཚིག་ཡིན་ནོ་དམ་མ་ཉམས༔ བཅོལ་བའི་ཕྲིན་ལས་འགྲུབ་པར་མཛོད༔ ཨོཾ་སརྦ་ལོ་ཀ་པཱ་ལ་ཨེ་དཾ་བ་ལིངྟ་ཁཱ་ཧི༔ དེ་ནས་དཀྱིལ་འཁོར་ནང་གི་སྒོ་དབྱེ་ལ༔ ཛཿ དཀྱིལ་འཁོར་ཤར་གྱི་སྒོ་སྐྱོང་ཞིང་༔ སྙིང་རྗེའི་སྒོ་མ་ལྕགས་ཀྱུ་མ༔ མེ་ལོང་ཡེ་ཤེས་ཤར་སྒོ་ཕྱེས༔ ཞི་བའི་ཕྲིན་ལས་འགྲུབ་པར་མཛོད༔ བཛྲ་པྲ་བེ་ཤ་ཡ་ཕཊ༔ ཧཱུྃ༔ དཀྱིལ་འཁོར་ལྷོ་ཡི་སྒོ་སྐྱོང་ཞིང་༔ བྱམས་པའི་སྒོ་མ་ཞགས་པ་མ༔ མཉམ་ཉིད་ཡེ་ཤེས་ལྷོ་སྒོ་ཕྱེས༔ རྒྱས་པའི་ཕྲིན་ལས་འགྲུབ་པར་མཛོད༔ རཏྣ་པྲ་བེ་ཤ་ཡ་ཕཊ༔ བཾ༔ དཀྱིལ་འཁོར་ནུབ་ཀྱི་སྒོ་སྐྱོང་ཞིང་༔ དགའ་བའི་སྒོ་མ་ལྕགས་སྒྲོག་མ༔ སོར་རྟོག་ཡེ་ཤེས་ནུབ་སྒོ་ཕྱེས༔ དབང་གི་ཕྲིན་ལས་འགྲུབ་པར་མཛོད༔ པདྨ་པྲ་བེ་ཤ་ཡ་ཕཊ༔ ཧོཿ དཀྱིལ་འཁོར་བྱང་གི་སྒོ་སྐྱོང་ཞིང་༔ བཏང་སྙོམས་སྒོ་མ་དྲིལ་བུ་མ༔ བྱ་གྲུབ་ཡེ་ཤེས་བྱང་སྒོ་ཕྱེས༔ དྲག་པོའི་ཕྲིན་ལས་འགྲུབ་པར་མཛོད༔ ཀརྨ་པྲ་བེ་ཤ་ཡ་ཕཊ༔ ཀྱཻ༔ དཀྱིལ་འཁོར་གྱི་ལྷ་རྣམས་སྟེང་གི་ནམ་མཁའ་ལ་གཤེགས་ཏེ་བདག་སྒྲུབ་པ་པོ་ལ་དབང་དང་དངོས་གྲུབ་ཀྱི་ཆར་ཆེན་པོ་འབེབས་ཤིང་སྩོལ་བར་བསམ༔ གནད་དེས་རྣམ་བཞིའི་ཕྲིན་ལས་འགྲུབ༔ དངོས་གྲུབ་རྣམ་གཉིས་ངེས་ཐོབ་འགྱུར༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཨྠིྀ༔ གུ་ཧྱ༔ ཞེས་པ་འདི་ཡང་ཁྲག་འཐུང་བདུད་འཇོམས་རྡོ་རྗེས་གཏེར་ནས་བཏོན་ཏེ་གཏན་ལ་ཕབ་པའི་ཡི་གེ་པ་ནི་ཡེ་ཤེས་ཉི་མ་མཐའ་རྒྱས་སོ། །དགེའོ། །དགེའོ། །དགེའོ། །ལེགས་སོ། །སརྦ་མངྒ་ལཾ།། །།