རྗེ་བླ་མ་ལ་གསོལ་བ་སོགས་ལྷུན་གྲུབ་མཚོ་ལ་གདམས་པ།

Previous Text Back to Volume Page Next Text

Wylie title	rje bla ma la gsol ba sogs lhun grub mtsho la gdams pa
Location	bdud 'joms gling pa zab gter Volume 18, Text 26, Pages 99-100 (Folios 50a1 to 50b1)
Author	བདུད་འཇོམས་གླིང་པ་
Citation	Khrag 'thung Bdud 'joms gling pa. Rje bla ma la gsol ba sogs lhun grub mtsho la gdams pa. In Sprul pa'i gter chen bdud 'joms gling pa'i zab gter gsang ba'i chos sde, Vol. 18: 99-100. Thimphu, Bhutan: Lama Kuenzang Wangdue, 2004.
Side notes	Recto: zhal gdams Verso: bdud 'joms gsung mgur skor
More details More details
Genre	Advice - zhal gdams
Colophon	ཅེས་ཁྲག་འཐུང་བདུད་འཇོམས་རྡོ་རྗེས་ལྷུན་གྲུབ་མཚོ་ལ་གདམས་པའོ། །དགེའོ།།
Colophon	ces khrag 'thung bdud 'joms rdo rjes lhun grub mtsho la gdams pa'o/_/dge'o//

[edit]

༄༅། །རྗེ་བླ་མ་རྣམས་ལ་གསོལ་བ་འདེབས། །བློ་ཆོས་ལ་འགྱུར་བར་བྱིན་གྱིས་རློབས། །ཁྱོད་ངེས་པར་དམ་ཆོས་བསྒྲུབ་འདོད་ན། །ཕ་བླ་མར་མོས་གུས་འབྲལ་མེད་དང་། །མཆེད་ལྕམ་ལ་བརྩེ་གདུང་བརྟན་པ་དང་། །མ་འགྲོ་ལ་སྙིང་རྗེ་ཕན་སེམས་དང་། །ཚེ་འདི་སྣང་རྨི་ལམ་གནས་སྐབས་ཙམ། །དེ་ཤེས་ནས་རྟག་འཛིན་གཅོད་པ་རྣམས། །ཆོས་གདམས་པའི་རྩ་བར་ཟུངས་དང་གནད། །སེམས་བརྡལ་ཁྱབ་སྤྲོས་བྲལ་གཞིའི་རིག་པ། །དེ་མངོན་གྱུར་ཆོས་སྐུའི་ཡོ་ལངས་ཡིན། །སྒོམ་སྟོང་ཉིད་ཉམས་ལེན་རྩ་བར་ཟུངས་། །དུས་གསུམ་དུ་ཐང་ལྷོད་མེད་པ་ཡིས། །རྒྱུད་ཆོས་དང་འདྲེས་པ་གནད་དུ་ཟུངས། །ཆོས་གདམས་པ་ཆུད་དུ་མི་ཟ་བར། །དོན་ཉམས་སུ་ལོངས་དང་བླ་མ་མཁྱེན། །དམ་སྡོམ་པ་ངོ་ལྐོག་མེད་པར་སྲུངས། །ལྷ་ཡི་དམ་དཔའ་བོ་མཁའ་འགྲོ་མཉེས། །ཆོས་སྙིང་པོའི་སྒྲུབ་ལ་དྲིལ་ནུས་ན། །རང་འཆི་ཁ་འགྱོད་མེད་མི་ཁྲེལ་གནད། །ལར་འཇིག་རྟེན་འཁོར་བའི་བྱ་བྱེད་ཆོས། །ཀུན་རྨི་ལམ་གནས་སྐབས་ལྟ་བུར་ལྟོས། །མི་ཁྱུ་ནས་བུད་དང་བྱ་བཏང་ཡིན། །གནད་འདི་དག་རྒྱུད་ལ་འདྲེས་གྱུར་ན། །ཆོས་ཀུན་གྱི་སྙིང་པོ་དེ་ལས་མེད། །དེ་སེམས་ལ་ཞོག་དང་སྙིང་གཏམ་ཡིན། །ཁྱོད་ཐར་ལམ་ཐོབ་པའི་རྟེན་འབྲེལ་ཡོད། །ཅེས་ཁྲག་འཐུང་བདུད་འཇོམས་རྡོ་རྗེས་ལྷུན་གྲུབ་མཚོ་ལ་གདམས་པའོ། །དགེའོ།། །།