བུ་ཁྱོད་རི་ཁྲོད་ཐུབ་པ་སོགས་དཔལ་བཟང་ལ་གདམས་པ།

Previous Text Back to Volume PageNext Text

Wylie title	bu khyod ri khrod thub pa sogs dpal bzang la gdams pa
Location	bdud 'joms gling pa zab gter Volume 18, Text 102, Pages 387 (Folios 194a1 to 194a5)
Author	བདུད་འཇོམས་གླིང་པ་
Citation	Khrag 'thung Bdud 'joms gling pa. Bu khyod ri khrod thub pa sogs dpal bzang la gdams pa. In Sprul pa'i gter chen bdud 'joms gling pa'i zab gter gsang ba'i chos sde, Vol. 18: 387. Thimphu, Bhutan: Lama Kuenzang Wangdue, 2004.
Side notes	Recto: zhal gdams   Verso: bdud 'joms gsung mgur skor
More details More details
Genre	Advice - zhal gdams
Colophon	ཞེས་བདུད་འཇོམས་པས་སློབ་བུ་དཔལ་བཟང་ལ་གདམས་པའོ། །དགེའོ། །དགེའོ། །དགེའོ།།
	zhes bdud 'joms pas slob bu dpal bzang la gdams pa'o/_/dge'o/_/dge'o/_/dge'o//

Tibetan Text

[edit]

༄༅། །བུ་ཁྱོད་རི་ཁྲོད་ཐུབ་པ་ངོ་མཚར་རོ། །ཨོ་རྒྱན་རྗེ་ལ་གསོལ་བ་རྩེ་གཅིག་ཐོབ། །བླ་མ་རྣམས་ལ་མོས་གུས་བསྙེན་མཆོད་མཛོད། །དུས་ཀུན་དམ་པའི་སྨོན་ལམ་སུམ་ཅུ་པ། །ལན་གསུམ་ཆག་མེད་འདོན་པ་གནད་དུ་བཟུང་། །རྨི་ལམ་སྣང་བ་སྣོད་བཅུད་འདོད་ཡོན་ཀུན། །རང་གི་གཞི་ལས་མི་གཞན་གཞི་ནམ་མཁའ། །དེ་བཞིན་ཉིན་སྣང་སྣོད་བཅུད་འདོད་ཡོན་ཆོས། །གཞི་དབྱིངས་ནམ་མཁའ་མཛོད་ཀྱི་སྒྱུ་འཕྲུལ་ཡིན། །ནམ་མཁའ་རྣམ་པར་དག་པ་མངོན་གྱུར་ན། །རྫོགས་ཆེན་བྱ་བ་གཞན་ན་ཡོད་མ་ཡིན། །སྙིང་པོའི་བསྒྲུབ་པ་ལྷུར་ལེན་བྱེད་ནུས་ན། །རྣལ་འབྱོར་བྱ་བ་གཞན་ན་ཡོད་མ་ཡིན། །ཐོག་མཐའ་བར་གསུམ་མཉམ་པའི་བྱ་བཏང་གི། །འཆི་དུས་བློ་ལྷག་མེད་པ་ཞིག་ལ་རེམ། །མི་རྒན་བདག་གིས་བུ་ལ་སྙིང་གཏམ་འདོམས། །མ་བརྗེད་སེམས་ལ་ཞོག་ཅིག་སྐལ་ལྡན་བུ། །ཞེས་བདུད་འཇོམས་པས་སློབ་བུ་དཔལ་བཟང་ལ་གདམས་པའོ། །དགེའོ། །དགེའོ། །དགེའོ།། །།