View source for TTDL-ZABTER-02-KHA-032

{{Text
|classification=Tibetan Publications
|subclass=Tibetan Texts
|fulltitletib=ཟབ་གསང་མཁའ་འགྲོའི་སྙིང་ཐིག་ལས༔ གཤིན་རྗེ་ཡ་མ་རཱ་ཛའི་བསྐུལ་བ་རྡོ་རྗེའི་དུག་མདའ༔
|fulltitle=zab gsang mkha' 'gro'i snying thig las: gshin rje ya ma rA dza'i bskul ba rdo rje'i dug mda':
|citation=Khrag 'thung [[Bdud 'joms gling pa]]. ''Zab gsang mkha' 'gro'i snying thig las gshin rje ya ma rA dza'i bskul ba rdo rje'i dug mda'''. In ''Sprul pa'i gter chen bdud 'joms gling pa'i zab gter gsang ba'i chos sde'', Vol. 2: 351-353. Thimphu, Bhutan: Lama Kuenzang Wangdue, 2004.
|collectiontitletib=བདུད་འཇོམས་གླིང་པ་ཟབ་གཏེར།
|collectiontitle=bdud 'joms gling pa zab gter
|author=bdud 'joms gling pa
|sourcerevealer=bdud 'joms gling pa
|tibgenre=Invocations - bskul ba
|terma=Yes
|deity=gshin rje
|cycle='jam dpal drag po gshin rje gshed
|cycletib=འཇམ་དཔལ་དྲག་པོ་གཤིན་རྗེ་གཤེད་
|parentcycle=zab gsang mkha' 'gro'i snying thig
|parentcycletib=ཟབ་གསང་མཁའ་འགྲོའི་སྙིང་ཐིག་
|language=Tibetan
|volumenumber=02
|volnumtib=༢
|volyigtib=ཁ
|totalvolumes=21
|textnuminvol=032
|pagenumbers=351-353
|totalpages=3
|beginfolioline=1a1
|endfolioline=2a5
|totalfolios=2
|multivolumework=No
|rectonotes=bskul ba
|versonotes=bdud 'joms 'jam dpal drag po
|colophontib=ཞེས་པ་འདི་ཡང་སྤྲང་སྨྱོན་བདུད་འཇོམས་རྡོ་རྗེས་གཏེར་ནས་བཏོན་ཏེ་དག་པར་ཕབ་པའི་ཡི་གེ་པ་ནི་རྒ་ཡི་བནྡེ་ཀུན་དགའོ། །དགེའོ། །དགེའོ། །དགེའོ།།
|colophonwylie=zhes pa 'di yang sprang smyon bdud 'joms rdo rjes gter nas bton te dag par phab pa'i yi ge pa ni rga yi ban+de kun dga'o/_/dge'o/_/dge'o/_/dge'o//
|pdflink=File:TTDL-ZABTER-02-KHA-032.pdf
|authortib=བདུད་འཇོམས་གླིང་པ་
|sourcerevealertib=བདུད་འཇོམས་གླིང་པ་
|volumeLetter=KHA
|InitCategories=Dudjom Tersar Project; TTDL-ZABTER-Volume-02-KHA
}}
<h1>Tibetan Text</h1>
<onlyinclude>
{{TibP|ཐྂ༎༔   ཟབ་གསང་མཁའ་འགྲོའི་སྙིང་ཐིག་ལས༔ གཤིན་རྗེ་ཡ་མ་རཱ་ཛའི་བསྐུལ་བ་རྡོ་རྗེའི་དུག་མདའ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ({{TibChung|བརྡ་ཡིག་}})  རྣལ་འབྱོར་མི་བདེའི་དགྲ་བྱུང་ཚེ༔ གདོང་ལ་ཁྲག་བྱུག་སྐྲ་ཕབ་ནས༔ དམར་གཏོར་ཁྲག་གིས་རབ་བྲན་ནས༔ ང་རོ་དྲག་པོས་འདི་བརྗོད་བྱ༔ ཧཱུྃ་ཛཿང་ནི་འཇིགས་བྱེད་ཆེན་པོ་སྟེ༔ ང་ནི་རྒྱལ་བའི་གདུང་འཚོབ་མཆོག༔ ང་ནི་ཟོལ་མེད་རྣལ་འབྱོར་བ༔ ཚེ་འདིར་སྙིང་པོ་ལྷུར་ལེན་བྱས༔ རྩེ་གཅིག་ལྷ་དང་སྲུང་མ་བསྟེན༔ བསྒྲུབ་པའི་འབྲས་བུ་ཡོད་དམ་མེད༔ ལྷ་དང་སྲུང་མས་མཁྱེན་པར་གསོལ༔ དཔུང་གཉེན་མི་འབོད་དབང་མེད་པར༔ དམ་ཉམས་དགྲ་བོ་བདུད་དུ་བབ༔ ཛཿགཤིན་རྗེ་ཡ་མ་རཱ་ཛ་བསྐུལ༔ འཆི་བདག་སྲོག་བདུད་ཆེན་པོ་བསྐུལ༔ དམ་ཅན་ཆོས་ཀྱི་རྒྱལ་པོ་བསྐུལ༔ ཡུམ་མཆོག་སྲོག་བདུད་ནག་མོ་བསྐུལ༔ སྤྲུལ་པའི་ལས་མཁན་ཤན་པ་བསྐུལ༔ བཀའ་ཉན་ལྷ་སྲིན་སྡེ་བརྒྱད་བསྐུལ༔ སྟོང་གསུམ་གཞི་བདག་ཐམས་ཅད་བསྐུལ༔ སྣང་ཞིང་སྲིད་པའི་ལྷ་འདྲེ་བསྐུལ༔ ཆོས་ཆོས་སྡང་བའི་དགྲ་ལ་ཆོས༔ རྒྱུག་རྒྱུག་མ་འགྱང་དགྲ་ལ་རྒྱུག༔ བཀའ་དང་དམ་ཚིག་གཉན་གྱིས་བསྐུལ༔ ཆོས་ཉིད་རྣམ་དག་བདེན་པས་བསྐུལ༔ རྒྱུ་འབྲས་བསླུ་མེད་བདེན་པས་བསྐུལ༔ སྤྲུལ་པ་འགྱེད་པའི་དུས་ལ་བབ༔ ཆོ་འཕྲུལ་ཆེན་པོའི་དུས་ལ་བབ༔ མཐུ་རྩལ་དབྱུང་བའི་དུས་ལ་བབ༔ མངོན་སྤྱོད་དྲག་པོའི་དུས་ལ་བབ༔ ནམ་མཁར་ཁྲག་སྤྲིན་འཁྲིགས་ལ་སོང་༔ བར་སྣང་ཐོག་སེར་འབེབ་ཅིང་སོང་༔ ས་གཞིར་རླུང་དམར་གཡོས་ཤིང་སོང་༔ རི་བསྙིལ་ས་གཡོས་འོད་འཁྱུག་ཅིང་༔ ཆོ་ངེ་དྲག་པོ་འདེབས་ཤིང་སོང་༔ དགྲ་བོའི་ཡུལ་ཁམས་ཐན་གྱིས་ཁེང་༔ དགྲ་བོའི་གནས་ཁང་མེ་ལ་སྦོར༔ དགྲ་བོའི་ཕོ་རྣམས་ཁ་སྦུབ་སོད༔ དགྲ་བོའི་མོ་རྣམས་གན་རྐྱལ་སོད༔ དགྲ་བོའི་བྱིས་པ་ཚང་ནས་སོད༔ གཤིན་རྗེ་ཡ་མ་རཱ་ཛ་ཆེ༔ ཁྱོད་ལ་མཐུ་སྟོབས་ཡོད་སྲིད་ན༔ ད་ལྟ་ཉིད་དུ་དགྲ་ལ་རྒྱུག༔ དགྲ་བོ་མི་ནོར་འཁོར་དང་བཅས༔ རྗེས་ཤུལ་མེད་པར་རྡུལ་དུ་བརློག༔ ཤ་ཁྲག་སྲོག་དབུགས་དཀོར་དང་བཅས༔ རྗེས་ཤུལ་མེད་པར་ཧབ་ཐོབ་ཀྱིས༔ མ་ཟད་བར་དུ་ཡིད་མ་ཚིམ༔ མ་སྟོང་བར་དུ་སླར་མ་ལྡོག༔ ནམ་མཁའ་སྟོང་པར་ཚད་མ་བཙུག༔ རྒྱུ་འབྲས་གཉིས་ལ་ཁུང་མ་བཙལ༔ སྐྱེ་འཆི་གཉིས་ཀྱི་དུས་མ་སྒུག༔ སྲུང་བཟློག་གཉིས་ཀྱི་མཚམས་མ་བཅད༔ སྡང་བའི་དགྲ་བོ་དམ་ཉམས་འདི༔ ལོ་ཁྱིམ་འདི་ལས་འདའ་མ་བཅུག༔ ཟླ་བ་འདི་ལས་མ་ཕྱི་བར༔ གློ་བུར་ཧུར་ཐུམ་ནད་ཀྱིས་སོད༔ ལོ་ཐོག་སེར་བས་བཅོམ་བཞིན་ཐོང་༔ ཐལ་ཕུང་རླུང་གིས་གཏོར་བཞིན་ཐོང་༔ མེ་སྟག་ཆུ་ཡིས་བསད་བཞིན་ཐོང་༔ དམ་ཚིག་གཉན་པོའི་དུས་ལ་བབ༔ མ་གཡེལ་མ་འགྱངས་ས་མ་ཡ༔ ཨོཾ་ཡ་མ་རཱ་ཛ་ཨ་ར་མ་དུ་རུ་ཙ་ཤ་ན་ས་མ་ཡ་དགྲ་ལ་རྦད་བྷྱོ༔ ཞེས་ཐལ་མོ་བརྡབ༔ གཏོར་མ་དགྲ་ཕྱོགས་སུ་འཕངས༔ བྲང་བརྡུང་འོ་དོད་འབོད༔ ཐུན་རྫས་འུར་རྡོས་འཕང་༔ འདི་ནི་གནམ་ལྕགས་ཐོག་དང་མཚུངས༔ གང་ལ་བྱས་ཀྱང་རྗེས་མེད་བརླག༔ ཞེ་སྡང་དྲག་པོས་བསྐུལ་བར་བྱ༔ བརྒྱུད་འཛིན་བུ་ཡི་མཚོན་ཆར་བཞག༔ བཀའ་སྲུང་གཟའ་བདུད་ནག་པོས་སྲུངས༔ གསང་བ་སྐུ་གསུང་ཐུགས་ཀྱི་རྒྱ༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཞེས་པ་འདི་ཡང་སྤྲང་སྨྱོན་བདུད་འཇོམས་རྡོ་རྗེས་གཏེར་ནས་བཏོན་ཏེ་དག་པར་ཕབ་པའི་ཡི་གེ་པ་ནི་རྒ་ཡི་བནྡེ་ཀུན་དགའོ། །དགེའོ། །དགེའོ། །དགེའོ།། །།}}
</onlyinclude>
{{TsagliCall}}
<headertabs/>