View source for TTDL-ZABTER-03-GA-028

{{Text
|classification=Tibetan Publications
|subclass=Tibetan Texts
|fulltitletib=ཟབ་གསང་མཁའ་འགྲོའི་སྙིང་ཐིག་ལས༔ ཡང་ཁྲོས་མ་ཧཱ་ཀཱ་ལའི་ཆ་ལག༔ ཡང་ཟབ་རྟ་ཕྱག་ཁྱུང་གསུམ་གྱི་དྲིལ་སྒྲུབ་འབྲེལ་ཚད་རྣམ་གྲོལ༔
|fulltitle=zab gsang mkha' 'gro'i snying thig las: yang khros ma hA kA la'i cha lag: yang zab rta phyag khyung gsum gyi dril sgrub 'brel tshad rnam grol:
|citation=Khrag 'thung [[Bdud 'joms gling pa]]. ''Zab gsang mkha' 'gro'i snying thig las yang khros ma hA kA la'i cha lag yang zab rta phyag khyung gsum gyi dril sgrub 'brel tshad rnam grol''. In ''Sprul pa'i gter chen bdud 'joms gling pa'i zab gter gsang ba'i chos sde'', Vol. 3: 301-310. Thimphu, Bhutan: Lama Kuenzang Wangdue, 2004.
|collectiontitletib=བདུད་འཇོམས་གླིང་པ་ཟབ་གཏེར།
|collectiontitle=bdud 'joms gling pa zab gter
|author=bdud 'joms gling pa
|sourcerevealer=bdud 'joms gling pa
|tibgenre=Empowerment Ritual - dbang chog - dbang skur, Sadhanas - Evocation Ritual - sgrub thabs
|terma=Yes
|deity=rta mgrin; Phyag na rdo rje; Khyung chen
|cycle=khro rgyal khams gsum rol pa rta mgrin yang khros nag po
|cycletib=ཁྲོ་རྒྱལ་ཁམས་གསུམ་རོལ་པ་རྟ་མགྲིན་ཡང་ཁྲོས་ནག་པོ་
|parentcycle=zab gsang mkha' 'gro'i snying thig
|parentcycletib=ཟབ་གསང་མཁའ་འགྲོའི་སྙིང་ཐིག་
|language=Tibetan
|volumenumber=03
|volnumtib=༣
|volyigtib=ག
|totalvolumes=21
|textnuminvol=028
|pagenumbers=301-310
|totalpages=10
|beginfolioline=1a1
|endfolioline=5b3
|totalfolios=5
|multivolumework=No
|rectonotes=sgrub dbang
|versonotes=bdud 'joms rta phyag khyung gsum
|colophontib=ཞེས་པ་འདི་ཁྲག་འཐུང་བདུད་འཇོམས་རྡོ་རྗེས་གཏེར་ནས་བཏོན་ཏེ་མི་ལོ་སུམ་ཅུ་རྩ་བདུན་བར་དུ་བཀའ་རྒྱས་བཏབ་མཐར་གཏན་ལ་ཕབ་པའི་ཡི་གེ་པ་ནི་ཡེ་ཤེས་ཀློང་ཆེན་རྡོ་རྗེའོ། །དགེའོ། །དགེའོ། །དགེའོ། །སརྦ་མངྒ་ལཾ།
|colophonwylie=zhes pa 'di khrag 'thung bdud 'joms rdo rjes gter nas bton te mi lo sum cu rtsa bdun bar du bka' rgyas btab mthar gtan la phab pa'i yi ge pa ni ye shes klong chen rdo rje'o/_/dge'o/_/dge'o/_/dge'o/_/sarba mang+ga laM/
|pdflink=File:TTDL-ZABTER-03-GA-028.pdf
|authortib=བདུད་འཇོམས་གླིང་པ་
|sourcerevealertib=བདུད་འཇོམས་གླིང་པ་
|volumeLetter=GA
|InitCategories=Dudjom Tersar Project; TTDL-ZABTER-Volume-03-GA
}}
<h1>Tibetan Text</h1>
<onlyinclude>
{{TibP|ཐྂ༎༔  ཟབ་གསང་མཁའ་འགྲོའི་སྙིང་ཐིག་ལས༔ ཡང་ཁྲོས་མ་ཧཱ་ཀཱ་ལའི་ཆ་ལག༔ ཡང་ཟབ་རྟ་ཕྱག་ཁྱུང་གསུམ་གྱི་དྲིལ་སྒྲུབ་འབྲེལ་ཚད་རྣམ་གྲོལ་ཞེས་བྱ་བ་བཞུགས་སོ༔ 


ཐྂ༎༔   ན་མོ་གུ་རུ་པདྨ་ཀ་ར་ཡེ༔ ({{TibChung|བརྡ་ཡིག་}})  {{TibChung|ལྔ་བརྒྱ་དུས་ཀྱི་སྙིགས་མ་ལ༔ ཀླུ་གཉན་ས་བདག་སྡེ་བརྒྱད་ཀྱིས༔ རྒོལ་ཞིང་གནོད་པའི་སྦྱོར་བ་ལས༔ རྣམ་པར་གྲོལ་ཞིང་རྒྱལ་བ་དང་༔ སྒོ་གསུམ་རྡོ་རྗེ་རོལ་པ་རུ༔ འཕོས་ཤིང་སྨིན་ཏེ་གྲོལ་བའི་ཕྱིར༔ ཡང་ཟབ་རྟ་ཕྱག་ཁྱུང་གསུམ་གྱི༔ སྒྲུབ་པ་འདི་ལ་བརྩོན་པར་གྱིས༔ ས་མ་ཡ༔ བསྐྱེད་གསལ་དམིགས་པ་གནད་ལྡན་གྱིས༔ དང་པོ་སྐྱབས་འགྲོ་སེམས་བསྐྱེད་ལ༔}} ན་མོ༔ དཀོན་མཆོག་རིན་ཆེན་རྣམ་གསུམ་དང་༔ དྲག་པོའི་སྐུ་གསུང་ཐུགས་མཆོག་ལ༔ བྱང་ཆུབ་བར་དུ་སྐྱབས་སུ་མཆི༔ འགྲོ་བའི་དོན་ལ་བརྩོན་པར་བྱ༔ {{TibChung|དེ་ནས་བགེགས་བསྐྲད་སྲུང་འཁོར་ལ༔}} ཧཱུྃ༔ མ་རིག་གཟུང་འཛིན་རཱུ་དྲ་ཀུན༔ བདག་མེད་ཆེན་པོར་དེངས་ཤིག་ཕཊ༔ འཁོར་འདས་དག་མཉམ་ཆེན་པོ་ལ༔ བགེགས་དང་ལོག་འདྲེན་མིང་ཡང་མེད༔ ཨུ་ཙ་ཏ་ཡ་ཕཊ༔ ཛྙཱ་ན་ཙཀྲ་རཀྵ་ཧཱུྃ༔ {{TibChung|དེ་ནས་བྱིན་འབེབས་མཆོད་རྫས་སྤེལ༔}} ཧཱུྃ༔ ཡེ་ཤེས་རོལ་པའི་དཀྱིལ་འཁོར་འདིར༔ རྡོ་རྗེ་གསུམ་གྱི་བྱིན་ཆེན་ཕོབ༔ ཡུལ་དྲུག་འདོད་ཡོན་མི་ཟད་གཏེར༔ མཆོད་སྤྲིན་ནམ་མཁའ་མཛོད་དུ་སྤེལ༔ གུ་རུ་དྷེ་ཝ་ཌཱ་ཀི་ནཱི་བཛྲ་ཨ་ཝེ་ཤ་ཡ་ཨཱཿ མ་ཧཱ་སརྦ་པཉྩ་པཱུ་ཛ་གྷ་ཎ་ཙཀྲ་ཧོཿ  {{TibChung|དེ་ནས་རྟེན་དང་བརྟེན་པའི་དཀྱིལ་འཁོར་ནི༔}} ཨ༔ རྣམ་ཐར་གསུམ་ལྡན་བཙུན་མོའི་མཁའ༔ ཁྱབ་བརྡལ་སྙིང་རྗེ་ཆེན་པོར་བརྡལ༔ ཐབས་ཤེས་སྙིང་པོ་ཧཱུྃ་ཡིག་ལས༔ འོད་འཕྲོས་ཡེ་ཤེས་ལྔ་ལྡན་ཀློང་༔ གཟའ་ཀླུ་སྡེ་བརྒྱད་བསྣོལ་བའི་ཁྲིར༔ པདྨ་ཉི་མའི་གདན་སྟེང་དུ༔ ཧྲཱིཿལས་སྐད་ཅིག་དྲན་རྫོགས་སུ༔ རང་ཉིད་དབང་ཆེན་རྟ་མགྲིན་ནི༔ དམར་ནག་ཞལ་གཅིག་ཕྱག་གཉིས་པ༔ ཕྱག་གཡས་རལ་གྲི་གཡོན་སྦྲུལ་ཞགས༔ ཁྲོ་གཏུམ་རྔམས་བརྗིད་ལྟར་མི་བཟོད༔ ཞལ་གདངས་ལྗགས་འདྲིལ་སྤྱན་གསུམ་བསྒྲད༔ ཁམ་ནག་རལ་གྲིའི་སྐྲ་གསེབ་ཏུ༔ རྟ་མགོ་ལྗང་ཞུར་རྟ་སྐད་མཚེར༔ ཞབས་གཉིས་གྱད་ཀྱི་འདོར་སྟབས་བསྒྲད༔ དུར་ཁྲོད་ཆས་རྫོགས་མེ་དཔུང་འབར༔ ཐུགས་ཀར་པདྨ་ཉི་གདན་ལ༔ གསང་བདག་རྡོ་རྗེ་གཏུམ་པོ་མཐིང་༔ ཕྱག་གཡས་རྡོ་རྗེ་གཡོན་སྦྲུལ་ཞགས༔ ཞལ་གདངས་ལྗགས་འདྲིལ་སྤྱན་གསུམ་པ༔ ཞབས་གཉིས་གྱད་ཀྱི་འདོར་སྟབས་བསྒྲད༔ ཁམ་ནག་རལ་པ་གྱེན་དུ་བརྫེས༔ དུར་ཁྲོད་ཆས་རྫོགས་མེ་དཔུང་འབར༔ དབང་དྲག་འབར་བའི་སྤྱི་བོ་རུ༔ ཁྲོ་ཆུ་ཞུན་མ་ལས་གྲུབ་པའི༔ ཡེ་ཤེས་བྱ་ཁྱུང་ཀླུ་གདོན་ཟ༔ སྤྱན་གསུམ་ཉི་མའི་འོད་ལྟར་འབར༔ གཤོག་པས་ཉི་ཟླ་ཚོགས་པོར་འཕེན༔ ཁྱུང་སྐད་སྒྲོགས་པས་ས་གསུམ་གཡོ༔ ཁྱུང་གི་ཚྭ་ཚྭ་སྐར་ལྟར་འཁྲིགས༔ དེ་ལྟར་དྲག་པོ་ལྷ་གསུམ་གྱི༔ གནས་གསུམ་རྡོ་རྗེ་སྙིང་པོ་ལས༔ འོད་དང་འོད་ཟེར་རབ་འཕྲོས་པས༔ སྐུ་གསུམ་དག་པའི་ཞིང་ཁམས་ནས༔ རྟེན་དང་བརྟེན་པའི་དཀྱིལ་འཁོར་ལྷ༔ སྤྱན་དྲངས་གཉིས་སུ་མེད་པར་འགྱུར༔ {{TibChung|དེ་ནས་སྤྱན་འདྲེན་པ་ནི༔}} ཧཱུྃ༔ དབང་དྲག་རོལ་པའི་དཀྱིལ་འཁོར་ནས༔ པདྨ་དབང་ཆེན་གཤེགས་སུ་གསོལ༔ ཡེ་ཤེས་ཐུགས་ཀྱི་དཀྱིལ་འཁོར་ནས༔ རྡོ་རྗེ་གཏུམ་པོ་གཤེགས་སུ་གསོལ༔ ཕྲིན་ལས་མངོན་སྤྱོད་དཀྱིལ་འཁོར་ནས༔ ཡེ་ཤེས་ཁྱུང་ཆེན་གཤེགས་སུ་གསོལ༔ ཧྲིཿ ཧཱུྃཿ ཁྲོཾཿ བྷྱོཿ བཛྲ་ས་མ་ཡ་ཛ་ཛཿ {{TibChung|དེ་ནས་བཞུགས་གསོལ་ཕྱག་འཚལ་མཆོད་འབུལ་ལ༔}} ཧོཿ  ཡེ་ཤེས་རྡོ་རྗེའི་དཀྱིལ་འཁོར་ལྷ༔ གདན་གསུམ་ཚང་བའི་ངོ་བོར་བཞུགས༔ སྒོ་གསུམ་གུས་པས་ཕྱག་འཚལ་ལོ༔ འདོད་རྒུའི་དཔལ་གྱི་མཆོད་པ་འབུལ༔ བཛྲ་ས་མ་ཡ་ཏིཥྛ་ལྷན༔ ན་མོ་པུ་རུ་ཤ་ཡ་ ཧོཿ  མ་ཧཱ་ཨརྒྷཾ་པཱདྱཾ༴  རཱུ་པ་ཤཔྡ༴  མ་ཧཱ་པཉྩ་ཨ་མྲྀ་ཏ་མ་ཧཱ་རཀྟ་བ་ལིཾ་ཏ་སརྦ་པཱུ་ཛ་ ཧོཿ  {{TibChung|དེ་ནས་བསྟོད་པ་བྱ་བ་ལ༔}} ཧཱུྃ་ཧྲཱིཿ ཁམས་གསུམ་དབང་སྡུད་དབང་དྲག་རྒྱལ་པོའི་སྐུ༔ འཁོར་འདས་འུབ་ཆུབ་རྡོ་རྗེ་གཏུམ་པོའི་ཐུགས༔ གདུག་པ་འདུལ་མཛད་བྱ་ཁྱུང་འབར་བའི་གར༔ རང་བྱུང་ལྷུན་གྲུབ་ལྷན་སྐྱེས་ལྷ་ལ་བསྟོད༔ {{TibChung|དེ་ནས་འཛབ་དམིགས་ལ༔}} ཧཱུྃ༔ རྡོ་རྗེ་གཏུམ་པོའི་ཐུགས་ཀ་རུ༔ ཉི་ཟླའི་གའུ་ཁ་སྦྱོར་སྦུབས༔ གསང་བའི་སྙིང་པོ་ཧྲཱི༔ དམར་ལ༔ ལྷ་གསུམ་སྙིང་པོ་གཅིག་དྲིལ་བའི༔ སྔགས་ཀྱི་ཕྲེང་བར་བསྐོར་བ་ལས༔ འོད་འཕྲོས་བསྒོམ་པ་དང་འདྲ་བའི༔ ཡེ་ཤེས་དཔག་མེད་སྤྱན་དྲངས་བསྟིམ༔ ཨོཾ་བཛྲ་ཀྲོ་དྷ་ཧྱ་གྲཱི་ཝ་བཛྲ་པཱ་ཎི་ཁྲོཾ་ག་རུ་ཌ་ཡཀྵ་རཀྵ་ཧཱུྃ་ཕཊ༔ {{TibChung|སྒྲུབ་པ་དམིགས་པའི་མདེ་ཁ་བསྒྱུར༔ ལས་སྦྱོར་ལ༔}} ཧཱུྃ༔ རང་ཉིད་ལྷ་གསུམ་ཐུགས་ཀ་རུ༔ ཧྲཱིཿ ཧཱུྃཿ ཁྲོཾཿ ཡིག་གསལ་བ་ལས༔ མེ་དཔུང་སྤྲུལ་པ་དཔག་མེད་འཕྲོས༔ གནོད་བྱེད་ནད་འདྲེ་གདོན་བགེགས་རྣམས༔ བསྲེགས་གཏུབ་ཧབ་ཧབ་ཟོས་པ་ཡི༔ རྗེས་ཤུལ་ཙམ་ཡང་མེད་པར་སྒོམ༔ ཧྲཱིཿ པདྨནྟ་ཀྲྀཏ་ཧྱ་གྲཱི་ཝ་བཛྲ་པཱ་ཎི་ཁྲོཾ་ག་རུ་ཌ་སརྦ་ཤ་ཏྲུཾ་མཱ་ར་ཡ་ཕཊ༔ ཅེས་པ་གྲངས་ལྡན་བསྐྱར་ཏེ་བཟླ༔ དེ་ལྟར་བསྒོམ་བཟླས་གནད་ལྡན་པས༔ ཕྱི་ནང་བར་ཆད་ཀུན་ལས་གྲོལ༔ ཨཿཡཿམཿདུཿརུཿ ཙཿ ཤཿ ནཿ མཱ་ར་ཡ་ཕཊ༔ ནཱ་ག་ཙིཏྟ་རྦད་ནན་ཕཊ༔ {{TibChung|ཁྱད་པར་ཀླུ་གཉན་གདོན་ལས་གྲོལ༔ ས་མ་ཡ༔ དེ་ནས་དབང་གི་ཆོ་ག་ལ༔ བུམ་པ་སྐུ་གཟུགས་བུམ་པའི་དབང་༔ བྷནྡྷ་བདུད་རྩི་གསང་བའི་དབང་༔ རྨ་བྱ་ལུག་རྒྱུད་ཤེར་དབང་སྟེ༔ འཇའ་ཤེལ་འོད་ལྡན་བཞི་པའི་དབང་༔ གཏོར་མ་སྒྲུབ་དང་དཀྱིལ་འཁོར་དབང་༔ ཚང་བར་བཀོད་ཅིང་སྒྲུབ་ནས་མཐར༔ སློབ་མ་གྲལ་འཁོད་ཁྲུས་བྱ་ཞིང་༔ བགེགས་བསྐྲད་བསྲུང་པའི་འཁོར་ལོ་བསྒོམ༔ སྐྱབས་སུ་འགྲོ་ཞིང་སེམས་བསྐྱེད་དོ༔ དང་པོ་གསོལ་བ་གདབ་པ་ལ༔}} ཀྱཻ༔ དུས་གསུམ་རྒྱལ་བའི་སྤྱི་གཟུགས་མཆོག༔ བླ་མ་རྡོ་རྗེ་འཛིན་ཁྱོད་ཀྱིས༔ བདག་གི་སྒོ་གསུམ་སྨིན་གྲོལ་ཕྱིར༔ རྡོ་རྗེ་གསུམ་གྱི་དབང་བསྐུར་སྩོལ༔ {{TibChung|ལན་གསུམ་མཐར༔ དེ་ནས་སློབ་དཔོན་གྱིས༔}} ཀྱཻ༔ སྐལ་ལྡན་རིགས་ཀྱི་བུ་ཁྱོད་ཉོན༔ མི་ལུས་ཐོབ་པ་དོན་ལྡན་ཕྱིར༔ སྒོ་གསུམ་རྡོ་རྗེའི་གྲོང་འཇུག་ན༔ ཟབ་མོའི་དབང་མཆོག་བསྐུར་བགྱིའོ༔ {{TibChung|དེ་ནས་སློབ་མ་ལྷར་བསྐྱེད་ནི༔}} ཨོཾ་མ་ཧཱ་ཤུ་ནྱ་ཏཱ་ཛྙཱ་ན་{{TibChung|སོགས་}} གཟུང་འཛིན་གཉིས་བསྡུས་ཀྱི་ཆོས་ཐམས་ཅད་སྟོང་པ་ཉིད་དུ་གྱུར༔ སྟོང་པའི་ངང་ལས༔ {{TibChung|རང་གཞུང་གི་ལྷར་བསྐྱེད་ཡེ་ཤེས་པ་དབབ་བསྟིམ་བྱས་ཏེ་}}ཏིཥྛ་བཛྲ་{{TibChung|གྱིས་བརྟན་པར་བྱ༔ དེ་ནས་བུམ་པ་ཐོགས་ལ༔}} ཧཱུྃ༔ ཆོས་དབྱིངས་རྣམ་དག་བུམ་པ་རུ༔ ལྷུན་གྲུབ་དྲག་པོ་ལྷ་གསུམ་གྱི༔ རྟེན་དང་བརྟེན་པའི་འཁོར་ལོ་རྫོགས༔ སྐལ་ལྡན་བུ་ལ་དབང་བསྐུར་རོ༔ བུམ་པ་སྐུ་ཡི་དབང་ཐོབ་ཤོག༔ {{TibChung|རྩ་སྔགས་མཐར༔}} ཀཱ་ཡ་ཨ་བྷི་ཥིཉྩ་ཨོཾ༔ {{TibChung|དེ་ནས་དབང་ཆེན་གྱི་སྐུ་གཏད་ལ༔}} ཧཱུྃ༔ ཁམས་གསུམ་རོལ་པ་དབང་གི་སྐུ༔ རྟ་མཆོག་འབར་བའི་དབང་བསྐུར་རོ༔ ལུས་ཀྱི་སྒྲིབ་པ་ཀུན་དག་ནས༔ རྡོ་རྗེའི་སྐུ་རུ་སྨིན་གྲོལ་ཤོག༔ {{TibChung|རྩ་སྔགས་མཐར༔}} ཀཱ་ཡ་ཨ་བྷི་ཥིཉྩ་ཨོཾ༔ {{TibChung|དེ་ནས་རྡོ་རྗེ་གཏུམ་པོའི་སྐུ་གཏད་ལ༔}} ཧཱུྃ༔ སྲིད་གསུམ་གདུག་པ་འདུལ་མཛད་པ༔ རྡོ་རྗེ་གཏུམ་པོའི་དབང་བསྐུར་རོ༔ གདོན་གསུམ་གཡུལ་ལས་རྒྱལ་བ་དང་༔ དྲེགས་པ་ཀུན་འདུལ་དབང་ཐོབ་ཤོག༔ {{TibChung|རྩ་སྔགས་མཐར༔}} ཀཱ་ཡ་ཨ་བྷི་ཥིཉྩ་ཨོཾ༔ {{TibChung|དེ་ནས་བྱ་ཁྱུང་རྒྱལ་པོའི་སྐུ་གཏད་ལ༔}} ཧཱུྃ༔ ཆོས་ཉིད་རྩལ་ལས་རང་ཤར་བ༔ ཡེ་ཤེས་ཁྱུང་གི་དབང་བསྐུར་རོ༔ མངོན་སྤྱོད་ཕྲིན་ལས་ལྷུན་གྲུབ་ཅིང་༔ ཀླུ་གཉན་ཀུན་འདུལ་དབང་ཐོབ་ཤོག༔ {{TibChung|རྩ་སྔགས་མཐར༔}} ཀཱ་ཡ་ཨ་བྷི་ཥིཉྩ་ཨོཾ༔ {{TibChung|དེ་ནས་གསང་དབང་བསྐུར་བ་ནི༔}} ཧཱུྃ༔ སྟོང་ཉིད་དབྱིངས་ཀྱི་ཀ་པཱ་ལར༔ དྲག་པོའི་གསུང་གསང་བདུད་རྩི་འཁྱིལ༔ སྐལ་ལྡན་ཁྱོད་ཀྱི་ངག་ཏུ་བླུད༔ ངག་སྒྲིབ་དག་ནས་གསང་དབང་ཐོབ༔ རྡོ་རྗེ་གསུམ་དུ་སྨིན་གྲོལ་ཤོག༔ {{TibChung|རྩ་སྔགས་མཐར༔}} ཝཱཀ་ཨ་བྷི་ཥིཉྩ་ཨཱ༔ {{TibChung|དེ་ནས་ཤེར་དབང་བསྐུར་བ་ནི༔}} ཧཱུྃ༔ སྐུ་དང་ཡེ་ཤེས་རང་བྱུང་བའི༔ མདངས་ལྡན་རྨ་བྱ་ལུག་རྒྱུད་ཀྱི༔ རྣམ་པའི་འོད་ཐིག་འདི་གཏད་པས༔ ཡིད་སྒྲིབ་དག་ནས་ཤེར་དབང་ཐོབ༔ ཆོས་ཀྱི་སྐུ་རུ་སྨིན་གྲོལ་ཤོག༔ རྩ་སྔགས་མཐར༔ ཙིཏྟ་ཨ་བྷི་ཥིཉྩ་ཧཱུྃ༔ དེ་ནས་ཚིག་དབང་བསྐུར་བ་ནི༔ ཧཱུྃ༔ ལྷུན་གྲུབ་རང་གདངས་འཇའ་ཤེལ་གྱི༔ རྣམ་པར་ཤར་བའི་ཀློང་དཀྱིལ་དུ༔ འོད་ལྔ་དྭངས་མའི་ཐིག་ལེ་གསལ༔ སྐལ་ལྡན་བུ་ལ་དབང་བསྐུར་བས༔ ཉོན་ཤེས་སྒྲིབ་པ་ཀུན་དག་ནས༔ མཚན་མ་ཚིག་བྲལ་དབང་ཐོབ་སྟེ༔ ངོ་བོ་ཉིད་སྐུར་སྨིན་གྲོལ་ཤོག༔ {{TibChung|རྩ་སྔགས་མཐར༔}} སརྦ་ཨ་བྷི་ཥིཉྩ་ཨ༔ {{TibChung|དེ་ནས་གཏོར་མའི་དབང་ལ༔}} ཧཱུྃ༔ ཆོས་ཉིད་བརྡལ་ཁྱབ་གཏོར་གཞོང་དུ༔ ལྷུན་གྲུབ་དབྱིངས་ཀྱི་གཏོར་མ་བཤམས༔ གང་འདུལ་ཐབས་ཀྱི་སྐུར་སྟོན་པ༔ དབང་ཆེན་ཧྱ་གྲཱི་ཝ་དང་༔ རྡོ་རྗེ་ཅན་དང་ག་རུ་ཌའི༔ རྟེན་དང་བརྟེན་པ་ཡོངས་སུ་རྫོགས༔ སྐལ་ལྡན་བུ་ལ་གཏད་པ་ཡིས༔ དབང་བསྒྱུར་དབང་མཆོག་ཐོབ་པར་ཤོག༔ {{TibChung|རྩ་སྔགས་མཐར༔}} མཎྜ་ལ་གུ་ཧྱ་བ་ལིངྟ་ཨ་བྷི་ཥིཉྩ་ཨོཾ་ཨཱཿཧཱུྃ་སྭཱ་ཧཱ༔ {{TibChung|དེ་ལྟར་དབང་བསྐུར་ཐོབ་ནས་སླར༔ མཐའ་རྟེན་གཏད་ཅིང་ཤིས་པ་བརྗོད༔ གནད་དེས་ཕྱི་ནང་གསང་བ་ཡི༔ བར་ཆད་གེགས་རྐྱེན་ལས་གྲོལ་ཏེ༔ འདི་ཕྱིའི་དགེ་ལེགས་ངང་གིས་འབྱུང་༔ བསྐྱེད་དང་དམིགས་པའི་གནད་ལྡན་ན༔ བར་མེད་ཟླ་གསུམ་གྱིས་འགྲུབ་འགྱུར༔ བཀའ་སྲུང་དབང་ཕྱུག་ཆེན་པོས་སྲུངས༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ གུ་ཧྱ༔ ཞེས་པ་འདི་ཁྲག་འཐུང་བདུད་འཇོམས་རྡོ་རྗེས་གཏེར་ནས་བཏོན་ཏེ་མི་ལོ་སུམ་ཅུ་རྩ་བདུན་བར་དུ་བཀའ་རྒྱས་བཏབ་མཐར་གཏན་ལ་ཕབ་པའི་ཡི་གེ་པ་ནི་ཡེ་ཤེས་ཀློང་ཆེན་རྡོ་རྗེའོ། །དགེའོ། །དགེའོ། །དགེའོ། །སརྦ་མངྒ་ལཾ།། །།}}   ༈    {{TibChung|དེ་ནས་མཐའ་བརྟེན་རྫས་རྟགས་གཏད་པ་ནི༔}} ཧཱུྃ་ཧྲཱིཿ སྔོན་ཚེ་སྟོན་པས་བྱིན་རླབས་རྫས་མཆོག་བརྒྱད༔ རྒྱལ་བའི་མཚན་དཔེ་ལས་བྱུང་བཀྲ་ཤིས་རྟགས༔ བསོད་ནམས་མཐུ་ལས་བྱུང་བའི་རྒྱལ་སྲིད་བདུན༔ དེང་འདིར་སྐལ་ལྡན་སློབ་མར་མངའ་གསོལ་བས༔ སྲིད་ཞིའི་བདེ་ལེགས་ཕུན་སུམ་ཚོགས་པར་ཤོག༔ མངྒ་ལཾ་ཨ་བྷི་ཥིཉྩ་མཾ༔ {{TibChung|དགེའོ།། །།}} }}
</onlyinclude>
{{TsagliCall}}
<headertabs/>