View source for DJYD-KABUM-05-CA-011

{{Text
|classification=Tibetan Publications
|subclass=Tibetan Texts
|fulltitletib=བཀའ་བརྒྱད་ཁྲོ་བོ་རོལ་པའི་དམར་ཆེན་གཏོར་ཟློག་གི་ལས་རིམ་སྙིང་པོར་དྲིལ་བ་དགྲ་བགེགས་དཔུང་འཇོམས།
|fulltitle=bka' brgyad khro bo rol pa'i dmar chen gtor zlog gi las rim snying por dril ba dgra bgegs dpung 'joms
|citation=[[Dudjom Rinpoche]] 'Jigs bral ye shes rdo rje. ''Bka' brgyad khro bo rol pa'i dmar chen gtor zlog gi las rim snying por dril ba dgra bgegs dpung 'joms''. In ''Bdud 'joms 'jigs bral ye shes rdo rje'i gsung 'bum dam chos rin chen nor bu'i bang mdzod'', Vol. 5: 145-207. Kalimpong: Dupjung Lama, 1979-1985.
|collectiontitletib=བདུད་འཇོམས་རིན་པོ་ཆེ་བཀའ་འབུམ།
|collectiontitle=bdud 'joms rin po che bka' 'bum
|author=Dudjom Rinpoche
|sourcerevealer=Dudjom Rinpoche
|tibgenre=Activity Practices - las tshogs, Averting or Dispelling Rites- zlog pa, Torma-offering Rituals - gtor chog
|terma=Yes
|deity=bka' brgyad
|cycle=bka' brgyad gter kha dgu 'dus
|cycletib=བཀའ་བརྒྱད་གཏེར་ཁ་དགུ་འདུས་
|language=Tibetan
|volumenumber=05
|volnumtib=༥
|volyigtib=ཅ
|totalvolumes=25
|textnuminvol=011
|pagenumbers=145-207
|totalpages=63
|beginfolioline=1a1
|endfolioline=32a6
|totalfolios=32
|multivolumework=No
|rectonotes=smad las
|versonotes=bka' brgyad dgu 'dus
|colophontib=དེ་ལྟར་བཀའ་བརྒྱད་ཁྲོ་བོ་རོལ་པའི་དམར་ཆེན་གཏོར་ཟློག་གི་ལས་རིམ་སྙིང་པོར་དྲིལ་བ་དགྲ་བགེགས་དཔུང་འཇོམས་ཞེས་བྱ་བ་འདིའང་།  རིག་སྔགས་འཆང་བའི་རྣལ་འབྱོར་པ་འཁྲུལ་ཞིག་རྡོ་རྗེས་བསྐུལ་བ་བཞིན།  ཕྲིན་ལས་ཀྱི་སྦྱོར་བ་རྒྱས་པ་ལག་ཏུ་མི་ལོན་པ་དང་།  གློ་བུར་རལ་གྲི་ཕྱུང་བ་བརྡེག་ཏུ་བསྒྲུབ་དགོས་པ་སོགས་ལ་ཉེ་བར་མཁོ་ཞིང་ཕན་པའི་ཕྱིར།  བདེ་གཤེགས་འདུས་པ་གཙོ་བོར་གྱུར་པའི་གཏེར་ཁ་གོང་འོག་རྣམས་ཀྱི་མན་ངག་གི་བཅུད་ཕྱུངས་ཏེ།  དུས་ཀྱི་མཐའི་སྔགས་འཆང་སྙོམས་ལས་པ་འཇིགས་བྲལ་ཡེ་ཤེས་རྡོ་རྗེས་རང་ལོ་ལྔ་བཅུ་ང་གཉིས་པར་སོན་པ་མྱོས་བྱེད་ཀྱི་ལོ་ཁྲུམས་སྟོད་ཉ་པའི་དམར་ཕྱོགས་ཀྱི་རྫོགས་པ་དང་པོ་ལ་དཔལ་བསམ་ཡས་མི་འགྱུར་ལྷུན་གྱིས་གྲུབ་པའི་གཙུག་ལག་ཁང་ཆེན་པོར་བསྡེབས་པའོ།།  །།འདིས་ཀྱང་བསྟན་འགྲོར་འཚེ་བའི་དཔུང་ཚོགས་ཚེ་གཅོད་པའི་རྒྱུར་གྱུར་ཅིག།  ཛཡནྟུ།།
|colophonwylie=de ltar bka' brgyad khro bo rol pa'i dmar chen gtor zlog gi las rim snying por dril ba dgra bgegs dpung 'joms zhes bya ba 'di'ang /__rig sngags 'chang ba'i rnal 'byor pa 'khrul zhig rdo rjes bskul ba bzhin/__phrin las kyi sbyor ba rgyas pa lag tu mi lon pa dang /__glo bur ral gri phyung ba brdeg tu bsgrub dgos pa sogs la nye bar mkho zhing phan pa'i phyir/__bde gshegs 'dus pa gtso bor gyur pa'i gter kha gong 'og rnams kyi man ngag gi bcud phyungs te/__dus kyi mtha'i sngags 'chang snyoms las pa 'jigs bral ye shes rdo rjes rang lo lnga bcu nga gnyis par son pa myos byed kyi lo khrums stod nya pa'i dmar phyogs kyi rdzogs pa dang po la dpal bsam yas mi 'gyur lhun gyis grub pa'i gtsug lag khang chen por bsdebs pa'o//__//'dis kyang bstan 'gror 'tshe ba'i dpung tshogs tshe gcod pa'i rgyur gyur cig/__dzayan+tu//
|pdflink=File:DJYD-KABUM-05-CA-011.pdf
|authortib=བདུད་འཇོམས་འཇིགས་བྲལ་ཡེ་ཤེས་རྡོ་རྗེ་
|sourcerevealertib=བདུད་འཇོམས་འཇིགས་བྲལ་ཡེ་ཤེས་རྡོ་རྗེ་
|volumeLetter=CA
|InitCategories=Dudjom Tersar Project; DJYD-KABUM-Volume-05-CA
}}
<h1>Tibetan Text</h1>
<onlyinclude>
{{TibP|༄༅།  །ཤ ཏྲུཿ བི གྷྣཱ བ ལཾ ཛ ཏ ཀྲོ ངྷཿ ལ ལི ཏཾཿ ར ཀྟ མ ཧཱ བ ལི ཨ ལཾ སྱ ཀྲྀ ཡཱ གོ ལཾ པཱ རཿ པི ཎྜ ན མ བི ཧ ར ཏི སྨ།  །

༄༅།  །བཀའ་བརྒྱད་ཁྲོ་བོ་རོལ་པའི་དམར་ཆེན་གཏོར་ཟློག་གི་ལས་རིམ་སྙིང་པོར་དྲིལ་བ་དགྲ་བགེགས་དཔུང་འཇོམས་ཞེས་བྱ་བ་བཞུགས་སོ།  །


༄༅།  །{{TibChung|བཀའ་བརྒྱད་ཁྲོ་བོ་རོལ་པའི་དམར་ཆེན་གཏོར་ཟློག་གི་ལས་རིམ་སྙིང་པོར་དྲིལ་བ་དགྲ་བགེགས་དཔུང་འཇོམས་ཞེས་བྱ་བ།  བླ་མ་དཔལ་ཧེ་རུ་ཀ་ལ་ཕྱག་འཚལ་ལོ།  །མི་འགྱུར་ཆོས་དབྱིངས་ཐིག་ལེ་ཉག་གཅིག་ལས།  །ཡེ་ཤེས་ཀློང་དགུའི་ཕྱག་རྒྱར་ཤར་བའི་ལྷ།  །ཁྲག་འཐུང་ཚོམ་བུ་དགུ་ཡི་དཀྱིལ་འཁོར་དེར།  །གུས་པས་འདུད་དོ་བདུད་ལས་རྣམ་རྒྱལ་མཛད།  །མི་སྲུན་ཕས་རྒོལ་བྲག་རི་འབུམ།  །སྐད་ཅིག་ཕྱེ་མར་བརླག་བྱའི་ཕྱིར།  །ཁྲོ་རོལ་ཕྲིན་ལས་དམོད་པའི་མཚོན།  །རྡོ་རྗེའི་ཐོག་ཆེན་འདི་ལྟར་འཕེན།  །དེའང་སྒྲུབ་ཆེན་བཀའ་བརྒྱད་གཏེར་བྱོན་བཀའ་སྲོལ་དགུ་པོ་གང་ཡང་རུང་བའི་དཀྱིལ་འཁོར་དུ་དབང་བསྐུར་བ་ཐོབ་ཅིང་བསྙེན་སྒྲུབ་ཚུལ་བཞིན་ཐེམས་པའི་སྔགས་པས་ལས་ལ་སྦྱོར་བའི་གཙོ་བོ་གཟེར་ཁ་རྣམ་པ་ལྔར་གསུངས་པ་ {{TibChung|[2a]}} ལས་འདིར་འཁོར་ལ་ལ་བརྟེན་ནས་སྲུང་བ།  ཐུན་ལ་བརྟེན་ནས་བསད་པ།  གཏོར་མ་ལ་བརྟེན་ནས་ཟློག་པའི་གཟེར་ཁ་གསུམ་ཆབ་གཅིག་ལག་ཏུ་ལེན་པའི་ཚུལ་འཇུག་བདེ་སྙིང་པོར་དྲིལ་ཏེ་འཆད་པ་ལ་གསུམ།  སྔོན་འགྲོ་བཅས་གཤོམ།  དངོས་གཞི་ལས་ཁྲིགས།  རྗེས་མཐའ་སྡུད་ཀྱི་རིམ་པའོ།  །དང་པོ་ནི།  །རྟེན་མཆོད་སོགས་བཤམ་ཞིང་མཁོ་བའི་ཡོ་བྱད་རྣམས་གསོག་པའི་ཚུལ་ཏེ་ལག་ལེན་གྱི་ཡི་གེ་ཕྱོགས་མཚོན་ལོགས་སུ་སྨོས་པ་དང་མཐོང་བརྒྱུད་ཀྱི་གནད་ལས་ཤེས་པར་བྱསོ།  །གཉིས་པ་ལ།  ཐུན་མོང་གི་ཕྲིན་ལས་གཞུང་བསྲང་བ་དང་།  ཁྱད་པར་གྱི་ཕྲིན་ལས་བྱེ་བྲག་ཏུ་བསྒྲུབ་པ་གཉིས་ཀྱི།  དང་པོ་ནི།  ལས་བྱང་ལྟར་སྦྱོར་བའི་ཆོས་རྣམས་སྔོན་དུ་འགྲོ་བས་དངོས་གཞི་བདག་མདུན་གྱི་དཀྱིལ་འཁོར་ངོ་བོ་ {{TibChung|[2b]}} གཅིག་ལས་ཡེ་ཤེས་ཀྱི་རོལ་པ་མེ་ལོང་དང་གཟུགས་བརྙན་བཞིན་སྲུང་འཁོར་མེ་རི་འདབས་འབྱར་གྱི་ཚུལ་དུ་བསྐྱེད་ལ་ཡེ་ཤེས་པ་དྲང་བསྟིམ་ཕྱག་མཆོད་བསྟོད་པའི་བར་དུ་བཏང་ནས་ཛཔྲ་བཟླས་ཅི་འགྲུབ་བྱས་པས་བདག་ཉིད་ནུས་ལྡན་དུ་བསྒྲུབ་བོ།  །གཉིས་པ་ལ་སྲུང་བསད་ཟློག་གསུམ་གྱི།  དང་པོ་སྲུང་བ་ནི།}} རང་གི་ཐུགས་སྲོག་ས་བོན་དང་༔  བསྲུང་བྱ་ཐམས་ཅད་དབྱེར་མེད་པའི༔  འབར་བ་ཆེན་པོའི་འོད་ཟེར་གྱིས༔  དཔལ་ཆེན་རོལ་པའི་ཐུགས་དམ་བསྐུལ༔  ཡེ་ཤེས་གཟི་བྱིན་ལྷག་པར་འཕྲོས༔  རྩ་གསུམ་རྒྱལ་བའི་ཐུགས་ཀ་ནས༔  གཙུག་ཏོར་འཁོར་ལོས་སྒྱུར་བ་ཡི༔  ངོ་བོ་མཚོན་ཆའི་ཆར་དུ་བབས༔  སྲུང་བའི་གུར་ཁང་ {{TibChung|ཁྲོ་བཅུ་མེ་ཕུང་ཕྱག་མཚན་ལྔ་ཁྲོ་གུར་བཅས་དགུའོ།  །}}   དགུ་ལ་ཐིམ༔  མི་ཕྱེད་རྡོ་རྗེར་བྱིན་གྱིས་བརླབས༔  ལྷ་ཚོགས་ནང་དུ་ཞལ་གཟིགས་ནས༔  སྔགས་བཟླས་བརྟན་པའི་ལས་མཛད་གྱུར༔   {{TibChung|ཅེས་དམིགས་ལ་ཁྲོ་བོ་སྤྱི་སྔགས་ཀྱི་མཐར།}} བཛྲ་ཨུཥྞཱི་ཥ་ཙཀྲ་ཝ་རྟི་རཀྵ་རཀྵ་བྷྲཱུྃ༔   {{TibChung|ཞེས་སྟོང་ཕྲག་བཟླ།  གཉིས་པ་བསད་པ་ལ་གསུམ་གྱི།  དང་པོ་གཞི་བཟུང་བ་ནི།}} བདག་ཉིད་དཔལ་ཆེན་ཧེ་རུ་ཀ༔  ཁྲོས་འཁྲུགས་རྔམས་པའི་སྔགས་བཟླས་པས༔  དགྲ་བགེགས་བསྒྲལ་བ་མངོན་སྤྱོད་ཀྱི༔   {{TibChung|[3a]}} ལས་ལ་ངོ་མཐོན་ཚུལ་གྱིས་བཞེངས༔  དྲག་པོ་སྔགས་ཀྱི་ནུས་པ་རྣམས༔  ཟོར་དང་ཐུན་གྱི་རྫས་ལ་ཐིམ༔  བསྒྲལ་བའི་ཞིང་བཅུ་ཉམས་པ་བདུན༔  གསོད་པའི་མཆོད་ཆ་ཆེན་པོར་གྱུར༔   {{TibChung|དྲག་སྔགས་སོ་ལྔའི་མཐར།}} སརྦ་ཤ་ཏྲུཾ་བིགྷྣཱན་ཛཿབྷྱོ་ཕཊ་ཧཱུྃ༔  བྷནྡྷ་བྷནྡྷ་ཧ་ན་ཧ་ན་མཱ་ར་ཡ་མཱ་ར་ཡ་ཏ་ཐ་ཡ་ཏ་ཐ་ཡ་བྷིནྡྷ་བྷིནྡྷ་ཧཱུཾ་ཕཊ༔   {{TibChung|ཅེས་ཅི་འགྲུབ་བཟླ་ཞིང་ཐུན་ཟོར་རྣམས་ལ་ཧས་བཏབ་སྟེ་ངར་གདགས།  གཉིས་པ་རྒྱབ་བརྟེན་བཅོལ་བ་ནི།  དམ་ཅན་སྤྱི་དང་སྡེ་དཔོན་སུམ་ཅུ་ལ་གཏོར་མ་འབུལ་ཞིང་ཕྲིན་ལས་བཅོལ།  ཚོགས་ཀྱི་བྱིན་རླབས་ནས་མཆོད་བཤགས་ཀྱི་བར་དང་སྤྲོ་ན་ཐུགས་དམ་སྐོང་བའི་རིམ་པ་གང་ནུས་བྱའོ།  །གསུམ་པ་ལས་དངོས་ལ་གཉིས་ཀྱི།  དང་པོ་ལ་སྔོན་དུ་འགྲོ་བ་བཞིའི།  དང་པོ་ཐུགས་དམ་བསྐུལ་བ་ནི།}} ཨོཾ་བཛྲ་མཎྜལ་ཧཱུཾ༔   {{TibChung|ཞེས་བརྗོད་པས།}} ཕྱི་སྣོད་ཀྱི་འཇིག་རྟེན་ཐམས་ཅད་གྲུ་གསུམ་མཐིང་ནག་འབར་བའི་གཞལ་ཡས་ཁང་དུ་གྱུར།  ཨོཾ་བཛྲ་ཤྲཱི་ཧེ་རུ་ཀ་ཀྲོ་དྷི་ཤྭ་རི་ཧཱུྃ་ཕཊ༔   {{TibChung|ཅེས་བརྗོད་པས།}} ནང་བཅུད་ཀྱི་སེམས་ཅན་ཐམས་ཅད་ཁྲག་འཐུང་རོལ་པའི་ལྷའི་དཀྱིལ་འཁོར་ཆེན་པོར་གྱུར།  ཨོཾ་བཛྲ་ཀྲོ་དྷ་མ་ཧཱ་ཤྲཱི་ཧེ་རུ་ཀ་ཧཱུྃ་ཕཊ༔  སརྦ་ཀརྨ་ཡཀྵ་བྷྱོ་ཛཿ    {{TibChung|ཞེས་བརྗོད་པས།}} སྣོད་བཅུད་ལྷའི་ {{TibChung|[3b]}} དཀྱིལ་འཁོར་དུ་གྱུར་པ་ཐམས་ཅད་སྔོན་གྱི་ཐུགས་དམ་ཆེན་པོ་ལས་བཞེངས་ནས་དམག་དཔུང་གོ་བསར་བྱེད་པ་བཞིན་དུ་རྔམས་པའི་ཧཱུཾ་སྒྲ་ལྡིར་གྱིས་ལས་ལ་ཆས་པར་{{TibChung|བསམ་ཞིང་།}} ཧཱུྃ༔  མི་མངོན་དབྱིངས་ན་བཞུགས་པ་རྒྱལ་བ་ཞི་ཁྲོའི་ཚོགས༔  བཞེངས་ཤིག་བཞེངས་ཤིག་ཆོས་ཀྱི་དབྱིངས་ནས་བཞེངས༔  བསྐུལ་ལོ་བསྐུལ་ལོ་སེམས་ཅན་དོན་ལ་བསྐུལ༔  མཛོད་ཅིག་མཛོད་ཅིག་དྲག་པོའི་འཕྲིན་ལས་མཛོད༔  ཆོས་སྐུ་ཞི་བའི་ངང་ལས་མ་གཡོས་ཀྱང་༔  གཟུགས་སྐུ་འཇིགས་པའི་ཆ་ལུགས་རྫོགས་མཛད་ཅིང་༔  དྲག་པོའི་ཕྲིན་ལས་མཛད་པའི་དུས་ལ་བབ༔  ཕྱོགས་བཅུ་དུས་བཞིའི་བདེ་གཤེགས་བཅོམ་ལྡན་འདས༔  སྒྲུབ་པ་བཀའ་བརྒྱད་ལྷ་ཚོགས་ཐུགས་དམ་ཅན༔  མི་མངོན་དབྱིངས་ནས་གནས་འདིར་གཤེགས་སུ་གསོལ༔  དམ་ཚིག་དཀྱིལ་འཁོར་འདི་ལ་བརྟན་པར་བཞུགས༔  གཉིས་སུ་མེད་པའི་ཕྱག་བགྱི་བཞེས་སུ་གསོལ༔  དམ་རྫས་བདུད་རྩིའི་མཆོད་པ་འདི་བཞེས་ལ༔  ཐུགས་དམ་རྒྱུད་བསྐུལ་བསྟོད་དོ་ཕྲིན་ལས་མཛོད༔  དབང་དང་བྱིན་རླབས་དངོས་གྲུབ་སྩལ་དུ་གསོལ༔  ཐུགས་དམ་ཐུགས་རྗེས་དགྲ་བགེགས་མྱུར་དུ་སྒྲོལ༔   {{TibChung|[4a]}} དུས་གསུམ་སངས་རྒྱས་རྣམས་ཀྱང་བྱིན་མ་ཆུང་༔  ཆོས་སྐྱོང་སྲུང་མ་རྣམས་ཀྱང་མཐུ་མ་ཆུང་༔  བཀའ་སྲུང་ལས་མཁན་རྣམས་ཀྱང་རྩལ་མ་ཞན༔  སྔགས་འཆང་རྣལ་འབྱོར་བདག་གི་བསམ་པ་སྒྲུབས༔   {{TibChung|གཉིས་པ་གསེར་སྐྱེམས་འབུལ་བ་ནི།  བསང་སྦྱང་བྱིན་གྱིས་བརླབ་པ་སྔོན་དུ་འགྲོ་བས།}} ཧཱུཾ༔  བྱིན་རླབས་མཆོག་སྩོལ་རྩ་བརྒྱུད་བླ་མ་དང་༔  ཡི་དམ་ཞི་ཁྲོ་སྒྲུབ་པ་བཀའ་བརྒྱད་ལྷ༔  སངས་རྒྱས་བྱང་སེམས་སེམས་དཔའ་བོ་མཁའ་འགྲོ་ལ༔  གསེར་སྐྱེམས་མཆོད་པ་འབུལ་ལོ་ཕྲིན་ལས་མཛོད༔  མཐུ་སྟོབས་དབང་ཕྱུག་དཔལ་མགོན་ལྕམ་དྲལ་དང་༔  དྲེགས་པའི་སྡེ་དཔོན་ཆེན་པོ་སུམ་ཅུ་སོགས༔  ཡེ་ཤེས་ལས་ལས་གྲུབ་པའི་དམ་ཅན་ལ༔  གསེར་སྐྱེམས་མཆོད་པ་འབུལ་ལོ༴   ཕྱི་ནང་གསང་བ་གབ་སྦས་བསྟན་པ་སྐྱོང་༔  དྲེགས་པ་སྡེ་བརྒྱད་ཡུལ་ལྷ་གཞི་བདག་སོགས༔  སྲིད་གསུམ་འབྱུང་པོ་མཐུ་སྟོབས་ཅན་རྣམས་ལ༔  གསེར་སྐྱེམས་མཆོད་པ་འབུལ་ལོ་ཕྲིན་ལས་མཛོད༔   {{TibChung|ཅེས་ཕུད་ཀྱིས་མཆོད།  གསུམ་པ་གཟུ་དཔང་གསོལ་བ་ནི།}} ཧཱུྃ༔  ཕྱོགས་བཅུ་ནམ་མཁའ་ཡངས་པའི་དཀྱིལ་འཁོར་ནས༔  བླ་མ་རིག་འཛིན་རྒྱལ་བ་སྲས་དང་བཅས༔  ཡི་དམ་ཞི་ཁྲོ་ {{TibChung|[4b]}} བཀའ་བརྒྱད་ལྷ་ཚོགས་རྣམས༔  བརྩེ་བའི་ཐུགས་རྗེས་བདག་ལ་དགོངས་སུ་གསོལ༔  བདག་ནི་རྣལ་འབྱོར་རིག་འཛིན་སྒྲུབ་པ་པོ༔  སྔགས་འཆང་སྒྲུབ་པ་པོ་ལ་དགྲ་བྱུང་ན༔  བདག་གིས་མ་ཉེས་མ་ཡོ་སྲུང་མ་མཁྱེན༔  གཟུ་དང་དཔང་དུ་དཀོན་མཆོག་བཞུགས༔  ཞལ་ལྕེ་སྣང་སྲིད་ལྷ་འདྲེས་མཛོད༔  དམ་ཉམས་དགྲ་བོ་སྡིག་ཅན་འདིས༔  དང་པོ་སངས་རྒྱས་བསྟན་པ་བཤིག༔  བར་དུ་དཀོན་མཆོག་དབུ་འཕང་སྨད༔  ཐ་མར་གསང་སྔགས་སྙིང་པོ་ཕྲལ༔  ད་ལྟ་རྣལ་འབྱོར་བདག་ལ་བདོས༔  དགེ་བ་བཅུ་ནི་ཁྱད་དུ་བསད༔  མི་དགེ་བཅུ་ནི་དང་དུ་བླངས༔  མཚམས་མེད་ལྔ་ཡི་འབྲས་བུར་སྨིན༔  འདི་ནི་བསྒྲལ་བའི་ཞིང་ཡིན་པས༔  རྒྱལ་བ་ཞི་ཁྲོའི་ལྷ་ཚོགས་འཁོར་དང་བཅས༔  ཆོས་ཉིད་ཞི་བའི་ངང་ལས་མ་གཡོས་ཀྱང་༔  རྔམས་བརྗིད་ཚུལ་དུ་ཁྲོ་བོའི་སྐུར་བཞེངས་ལ༔  བསྒྲལ་བའི་ཞིང་བཅུ་འདུལ་བའི་དུས་ལ་བབ༔  མ་གཡེལ་མ་གཡེལ་རྒྱལ་བ་ཞི་ཁྲོའི་ཚོགས༔  དམ་ཉམས་དགྲ་བོ་སྒྲོལ་བའི་ཕྲིན་ལས་མཛོད༔   {{TibChung|ཅེས་གསོལ་བས།}}    སྣོད་བཅུད་ལྷར་གསལ་བ་ཐམས་ཅད་སྔོན་གྱི་ཐུགས་དམ་ལས་བཞེངས་ཏེ་རང་ལ་གནང་བ་སྩལ་ཞིང་དགྲ་བགེགས་ལ་ཐུགས་ཆེར་འཁྲུགས་ {{TibChung|[5a]}} པས་དྲག་པོའི་ལས་ལ་རྔམས་ཤིང་རིངས་པའི་ཚུལ་དུ་བཞུགས་པར་{{TibChung|བསམ་མོ།  །བཞི་པ་དམིགས་བྱ་བསྐྱེད་འགུག་ནི།}} རུ་ཏྲ་སརྦ་ཤ་ཏྲུཾ་མཱ་ར་ཡ་ནྲྀ་ཛཿ    མདུན་དུ་བྷཉྫ་ཨེ་ལས་ལྕགས་བསྲེགས་ཀྱི་ཁང་སྒྲོམ་གྲུ་གསུམ་བང་རིམ་དགུ་པ༔  ཁ་ཁྱེར་དོག་ཅིང་གཏིང་ཟབ་པ༔  འོག་ན་འདོད་ཆགས་ཀྱི་ཁྲག་མཚོ་ཁོལ་བ༔  ལོགས་ལ་ཞེ་སྡང་གི་མེ་རླུང་འཚུབས་པ༔  སྟེང་ན་གཏི་མུག་གི་མུན་པ་གཏིབས་པ༔  མཚོན་ཆའི་ཆར་འབེབས་ཤིང་༔  ནང་དུ་དུག་གི་རླངས་པ་འཕྱོ་བ༔  ཐན་དང་ལྟས་ངན་གྱི་ཆོ་འཕྲུལ་སྣ་ཚོགས་མི་བཟད་པར་འཁྲུགས་པ༔  ལས་བྱེད་གཤིན་རྗེའི་དམག་ཚོགས་སེངྒེ་ལྟར་རྔམས་པ༔  སྟག་ལྟར་འཕྱོ་བ༔  སྲིན་པོ་ལྟར་ཁྲོས་པ༔  ཤ་ཟ་ལྟར་རྒྱུག་པ༔  རྒྱོབ་རྒྱོབ་དང་སོད་སོད་ཀྱི་སྒྲ་འབྲུག་ལྟར་སྒྲོགས་པས་གང་བ༔  སྲིད་པ་ལས་ཀྱི་བཙོན་ཁང་དྲག་པོ་དེའི་ནང་དུ་ནྲྀ་ཏྲི་དུད་ཁ་ཡོངས་སུ་གྱུར་པ་ལས༔  དགྲ་བགེགས་དེ་ཉིད་ལུས་གཅེར་བུ་རིད་པ་མདོག་ནག་ཅིང་དྲན་པ་ཉམས་པ༔  མྱ་ངན་གྱི་ཕྱག་རྒྱ་ཅན༔  བུ་ག་དགུ་ནས་རྣག་ཁྲག་འཛག་པ་གནོད་བྱེད་ཐམས་ཅད་འདུས་པའི་ངོ་བོར་གྱུར༔  ན་མོ༔  སངས་རྒྱས་ཀྱི་བཀའ་བདེན་པ་དང་༔  ཆོས་ཀྱི་བཀའ་བདེན་པ་དང་༔  དགེ་འདུན་གྱི༴    {{TibChung|[5b]}} རྒྱལ་བ་ཞི་ཁྲོའི་ལྷ་ཚོགས་ཀྱི༴   བཀའ་སྲུང་ཕོ་ཉ་ལས་མཁན་རྣམས་ཀྱི༴   གཞན་ཡང་གསང་སྔགས་དང་༔  རིག་སྔགས་དང་༔  གཟུངས་སྔགས་དང་༔  སྙིང་པོ་དང་༔  ཕྱག་རྒྱ་དང་༔  ཏིང་ངེ་འཛིན་དང་༔  བདེན་པའི་སྟོབས་ཀྱིས་བདག་ཅག་རྣལ་འབྱོར་དཔོན་སློབ་ཡོན་མཆོད་འཁོར་དང་བཅས་པ་རྣམས་ལ་གནོད་ཅིང་འཚེ་བར་བྱེད་པའི་གཟུགས་ཅན་གྱི་དགྲ༔  གཟུགས་མེད་ཀྱི་བགེགས༔  བར་ཆད་ཀྱི་རྐྱེན༔  ཁྱད་པར་དུ་བྱད་མ་རྦོད་གཏོང་ལྷ་དང་བཅས་པ་རྣམས༔  མགོན་བྱེད་ཀྱི་ལྷ༔  ཚེ་དང་དབང་ཐང་༔  བསོད་ནམས་དང་དུས་ཀྱི་དབང་དུ་མ་གཏོང་བར་ད་ལྟ་ཉིད་དུ་ལིངྒ་འདི་ལ་ཁུག་ཅིག༔   {{TibChung|དྲག་སྔགས་སོ་ལྔའི་ཤམ་བུར།}} ནྲྀ་ཏྲི་ཧུར་ཐུཾ་ཛཿ   ཛཿཧཱུྃ་བྃ་ཧོཿ     ཨཱ་བེ་ཤ་ཡ་ཨ་ཨཱཿ{{TibChung|ཞེས་འགུགས་གཞུག་ལན་གསུམ་སོགས་བྱ།    གཉིས་པ་བསྒྲལ་ལས་དངོས་ལ་དོན་དགུ་ལས།  དང་པོ་ཆེ་མཆོག་གིས་འགུག་པ་ནི།  ལྕགས་ཀྱུ་ཐོགས་ལ།}} ཧཱུྃ༔  ཆེ་མཆོག་ཡོན་ཏན་ལྷ་ཚོགས་རྣམས༔  དྲག་པོའི་ཕྲིན་ལས་དུས་ལ་བབ༔  སྡང་བའི་དགྲ་དང་གནོད་པའི་བགེགས༔  ཐོགས་མེད་མྱུར་དུ་རྟེན་འདིར་ཁུག༔  ཨོཾ་བཛྲ་ཀྲོ་དྷ་མ་ཧཱ་ཤྲཱི་ཧེ་རུ་ཀ་ཧཱུཾ་ཕཊ༔  སརྦ་ཤ་ཏྲུཾ་ནྲྀ་ཏྲི་བཛྲ་ཨཾ་ཀུ་ཤ་ཛཿ    {{TibChung|གཉིས་པ་ཡང་དག་གིས་མཐུན་དང་རྫུ་འཕྲུལ་ {{TibChung|[6a]}} འཕྲོག་པ་ནི།  ཐང་ཕྲོམ་གྱི་ཐུན་དབབ།  སོར་མོ་རྣམས་བཀུམ་བསྐྲད་པའི་ཕྱག་རྒྱ་བྱས་ལ།}} ཧཱུཾ༔  ཡང་དག་ཐུགས་ཀྱི་ལྷ་ཚོགས་རྣམས༔  དྲག་པོའི་ཕྲིན་ལས་དུས་ལ་བབ༔  སྡང་བའི་དགྲ་དང་གནོད་པའི་བགེགས༔  མཐུ་དང་རྫུ་འཕྲུལ་མེད་པར་གྱིས༔  ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ་ཕཊ༔  སརྦ་ཤ་ཏྲུཾ་བིགྷྣཱན་ཨ་པ་ན་ཡ་ཨ་པ་ན་ཡ་ཧཱུཾ་ཕཊ༔   {{TibChung|གསུམ་པ་གཤིན་རྗེས་ལྷ་དང་དབྱེ་བ་ནི།  གུ་གུལ་སོགས་ཀྱིས་བདུག  །བྱ་འུག་གི་སྒྲོས་བྱབ།  ཏིལ་ཡུངས་བྲབ།  ཐལ་མོ་རྒྱབ་སྤྲད་དབྱེ་བའི་རྒྱ་བྱས་ལ།}} ཧཱུྃ༔  འཇམ་དཔལ་སྐུ་ཡི་ལྷ་ཚོགས་རྣམས༔  དྲག་པོའི་ཕྲིན་ལས་དུས་ལ་བབ༔  སྡང་བའི་དགྲ་དང་གནོད་པའི་བགེགས༔  མགོན་སྐྱབས་འཚོ་བའི་ལྷ་དང་ཕྲོལ༔  ཨོཾ་ཨ་ཀྲོ་ཏེ་ཀ་ཡ་མནྟ་ཀ་ཧ་ན་མ་ཐཱ་བྷཉྫ་ཧཱུཾ་ཕཊ༔  པྲ་བེ་ཤ་ཡ་པྲ་བེ་ཤ་ཡ་ཧཱུཾ་ཕཊ༔   {{TibChung|སླར་ཡང་འགུགས་འཆིང་སྡོམ་མྱོས་བྱ་བ་ནི།  ཕྱག་རྒྱ་བཞི་ཐོགས་པའམ་རྒྱ་བཅས་ལ།}} ཧཱུཾ༔  ཁྲག་འཐུང་སྐུ་ལས་སྤྲུལ་པའི་ཕོ་ཉ་ནི༔  ལྕགས་ཀྱུ་དཀར་མོའི་ཚོགས་ནི་སྐར་ལྟར་འཁྲུགས༔  ཞགས་པ་སེར་མོའི་ཚོགས་ནི་སྤྲིན་ལྟར་གཏིབས༔  ལྕགས་སྒྲོག་དམར་མོའི་ཚོགས་ནི་གློག་ལྟར་འཁྱུག༔  དྲིལ་བུ་ལྗང་ཁུའི་ཚོགས་ནི་ཐོག་ལྟར་འབེབས༔  ཁྱེད་ {{TibChung|[6b]}} རྣམས་དཔལ་གྱི་ཕོ་ཉ་སྟེ༔  རྦད་ཅིང་བཏང་བ་ང་ཡིས་བྱེད༔  འགུགས་ཤིང་རྡེག་པ་ཁྱོད་ཀྱིས་མཛོད༔  གང་ལ་བྱ་བ་ཁྱོད་ཀྱིས་ཤེས༔  ཡིད་ལ་བརྣག་པའི་དགྲ་བགེགས་རྣམས༔  ལྕགས་ཀྱུ་ཅན་གྱིས་སྙིང་ནས་ཟུངསཿ    ཞགས་པ་ཅན་གྱིས་ཡན་ལག་ཆིངས༔  ལྕགས་སྒྲོག་ཅན་གྱིས་དབང་པོ་སྡོམས༔  དྲིལ་བུ་ཅན་གྱིས་མྱོས་སུ་ཆུག༔  རང་དབང་མེད་པར་འདིར་ཁུག་ལ༔  གཟུགས་དང་ལིང་ག་འདི་ལ་བསྟིམ༔  མིང་བྱང་འདི་ལ་གནས་པར་མཛོད༔   {{TibChung|དྲག་སྔགས་སོ་ལྔ་པའི་མཐར།}} དགྲ་བགེགས་གནོད་བྱེད་བཛྲ་ཨོཾ་ཀུ་ཤ་ཛཿ   རཏྣ་པཱ་ཤ་ཧཱུཾ༔  པདྨ་སྥོ་ཊ་བཾ༔  ཀརྨ་གཎྜེ་ཧོཿ     {{TibChung|བཞི་པ་རྟ་མགྲིན་གྱིས་གཟུགས་ལ་དབབ་པ་ནི།  ཡུངས་དཀར་ནག་གིས་བྲབ།  ཐལ་མོ་ཁ་སྦུབས་པ་མཐེ་བོང་སྦྲེལ་བས་འབེབས་ཚུལ་བྱས་ལ།}} ཧཱུཾ༔  པདྨ་གསུང་གི་ལྷ་ཚོགས་རྣམས༔  དྲག་པོའི་ཕྲིན་ལས་དུས་ལ་བབ༔  སྡང་བའི་དགྲ་དང་གནོད་པའི་བགེགས༔  བླ་སྲོག་རྣམ་ཤེས་རྟེན་ལ་ཕོབ༔  ཨོཾ་པདྨནྟ་ཀྲྀཏ་བཛྲ་ཀྲོ་དྷ་ཧ་ཡི་གྲཱི་བ་ཧཱུཾ་ཕཊ༔  སརྦ་ཤ་ཏྲུཾ་བིགྷྣཱན་ཨཱ་བེ་ཤ་ཡ་ཨཱ་བེ་ཤ་ཡ་ཧཱུཾ་ཕཊ༔   {{TibChung|ལྔ་པ་ཕུར་པས་བྱད་དུ་གཞུག་པ་ནི།  ཚོན་སྐུད་ཀྱིས་ལག་པ་གཉིས་འཆིང་བའི་ཚུལ་དུ་བསྐོར་ལ།}} ཧཱུཾ༔  ཕུར་པ་ཕྲིན་ལས་ལྷ་ཚོགས་རྣམས༔  དྲག་པོའི་ {{TibChung|[7a]}} ཕྲིན་ལས་དུས་ལ་བབ༔  སྡང་བའི་དགྲ་དང་གནོད་པའི་བགེགས༔  ཟུང་ཞིག་རྒྱོབ་ཅིག་རྣམ་པར་ཆིངས་༔  ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུཾ་ཕཊ༔  སརྦ་ཤ་ཏྲུཾ་བིགྷྣཱན་ཤྲཱི་གྷྲཾ་ཨཱ་ན་ཡ་ཧཱུཾ་ཕཊ༔   {{TibChung|དྲུག་པ་མ་མོས་སྨྱོར་གཞུག་པ་ནི།  དུག་ཁྲག་གིས་བྲབ།  སོར་མོ་རྣམས་གཟིངས་མཁྲིགས་མ་སྤྲད་པ་འཁོར་ལོ་བསྐོར་བ་ལྟར་བྱས་ལ།}} ཧཱུཾ༔  རྦོད་གཏོང་མ་མོའི་ལྷ་ཚོགས་རྣམས༔  དྲག་པོ་ཕྲིན་ལས་དུས་ལ་བབ༔  སྡང་བའི་དགྲ་དང་གནོད་པའི་བགེགས༔  རིང་པར་ཁུག་ལ་སྨྱོ་རུ་ཆུག༔  ཨོཾ་གུ་ཧྱ་ཛྙཱ་ན་ཀྲོ་དྷ་ཀྲོ་དྷཱི་མ་མ་ཡོ་གི་ནཱི་རུ་ལུ་རུ་ལུ་ཧཱུཾ་བྷྱོ་ཧཱུཾ་ཕཊ༔  སརྦ་ཤ་ཏྲུཾ་བིགྷྣཱན་ཛྭ་ལ་པ་ཡ་ཛྭ་ལ་པ་ཡ་ཧཱུཾ་ཕཊ༔   {{TibChung|འདིར་ཉེས་པ་བསྒྲག་པ་ནི།}} ཧཱུཾ༔  སེམས་ཅན་ཆེན་པོ་ཁྱོད་ཉོན་ཅིག༔  ཁྱོད་ནི་གཏི་མུག་དབང་གྱུར་པས༔  དགེ་བ་སྤངས་ནས་མི་དགེ་སྒྲུབ༔  ཁྱོད་ནི་ཞེ་སྡང་དབང་གྱུར་པས༔  སྙིང་རྗེ་མེད་པར་གསོད་ལ་དགའ༔  ཁྱོད་ནི་ང་རྒྱལ་དབང་གྱུར་པས༔  བདག་བསྟོད་གཞན་གྱི་ཡོན་ཏན་སྨོད༔  ཁྱོད་ནི་འདོད་ཆགས་དབང་གྱུར་པས༔  མ་བྱིན་ལེན་དང་མི་ཚངས་སྤྱོད༔  ཁྱོད་ནི་ཕྲག་དོག་དབང་གྱུར་པས༔  དུས་གསུམ་སངས་རྒྱས་ཡོན་ཏན་སྨོད༔  དགེ་བ་བཅུ་ནི་ཁྱད་དུ་བསད༔   {{TibChung|[7b]}} མི་དགེ་བཅུ་ནི་དང་དུ་བླངས༔  མཚམས་མེད་ལྔ་ནི་འབྲས་བུར་སྨིན༔  དང་པོ་སངས་རྒྱས་བསྟན་པ་བཤིག༔  བར་དུ་དཀོན་མཆོག་དབུ་འཕང་སྨད་༔  ཐ་མར་གསང་སྔགས་སྙིང་པོ་དབྲལ༔  དེ་ནས་སློབ་དཔོན་སྐུ་ལ་བདོས༔  ཁྱོད་ནི་བསྒྲལ་བའི་ཞིང་ཡིན་པས༔  ཐུགས་རྗེའི་ཐབས་ཀྱིས་བསྒྲལ་བར་བྱ༔   {{TibChung|བདུན་པ་བསྒྲལ་བའི་ལས་ལ།  ཐོག་མར་ཕུར་བུ་གཟི་བྱིན་བསྐྱེད་ཅིང་བྱིན་གྱིས་བརླབ་པ་ནི།  གུ་གུལ་གྱིས་བདུག་ཅིང་།}} ཨོཾ་བཛྲ་ཀཱི་ལ་ཀཱི་ལ་ཡ་སུ་རུ་སུ་རུ་པྲ་སུ་རུ་པྲ་སུ་རུ་ཨ་ངྷི་ཏིཥདྷ་རྨུགས་རྨུགས༔  ཧ་ལ་ཧ་ལ་དགྲ་བགེགས་འབྱུང་པོའི་ཙིཏྟ་མྱགས་མཱ་ར་ཡ་ཧཱུཾ་ཕཊ༔   {{TibChung|ཡུངས་དཀར་གྱིས་བྲབ་ཅིང་།}} ཨོཾ་བཛྲ་ཀཱི་ལི་ཀཱི་ལ་ཡ་མ་གུ་ཏ་ལ་མ་གུ་ཏ་ལ་པྲ་ཏ་ལ་ཤ་ཏ་ར་ཙ་ཧཱུྃ༔  དགྲ་བགེགས་འབྱུང་པོ་མཱ་ར་ཡ་ཧཱུཾ་ཕཊ༔   {{TibChung|རཀྟས་བྱུག་ཅིང་།}} ཨོཾ་བཛྲ་ཀཱི་ལི་ཀཱི་ལ་ཡ་རཀྟ་ཛྱ་ལ་མཎྜ་ལ་རཀྵ་རཀྵ༔  དགྲ་བགེགས་ཝ་ཤཾ་ཀུ་རུ་མཱ་ར་ཡ་ཧཱུཾ་ཕཊཿ     {{TibChung|ཅེས་བརྗོད་པས།}}    རྫི་དུག་གི་དུད་སྤྲིན་གསེབ་ནས་ཁྲོ་ཆུང་སེར་ལྟར་འབབ་ཅིང་ཐོག་ལྟར་ལྷུང་བས་དགྲ་བགེགས་ཐལ་བར་བརླག་ཅིང་རྣམ་ཤེས་དབང་དུ་བསྡུས་པར་{{TibChung|བསམ།}} རང་གི་ལག་པ་གཡས་གཡོན་གྱི་སོར་མོ་བཅུ་རིགས་ལྔ་ཡབ་ཡུམ་བཅུར་གསལ་བའི་བར་དུ་ཧཱུཾ་མཐིང་ནག་ལས་འོད་ཟེར་འཕྲོ་ {{TibChung|[8a]}} འདུས་སྲས་མཆོག་ཀཱི་ལ་ཡ་སྐུ་སྟོད་མཐིང་དཀར་དམར་བའི་ཞལ་གསུམ་དང་།  ཕྱག་དྲུག་གི་གཡས་དང་པོ་གཉིས་རྡོ་རྗེ་རྩེ་དགུ་དང་དགྲ་སྟྭ།  གཡོན་གཉིས་མེ་དཔུང་དང་ཁ་ཊྭཾ།  ཐ་མ་གཉིས་ན་རི་རབ་ཀྱི་ཕུར་བུ་འདྲིལ་བ།  དུར་ཁྲོད་ཀྱི་ཆས་ཀྱིས་བརྒྱན་པ།  རྡོ་རྗེའི་གཤོག་པ་ཅན།  སྐུ་སྨད་ཕུར་བུ་འབར་བ་མགར་གྱི་སོལ་མལ་ནས་དྲངས་པ་ལྟ་བུའི་རྣམ་པ་ཅན་ཆུ་སྲིན་གྱི་ཁ་ནས་སྦྲུལ་གྱི་ཆུན་པོ་འཕྱང་བ།  དེའི་རྒྱ་མདུད་གོང་མར་ཞི་བ་དང་ཆངས་བཟུང་ལ་ཁྲག་འཐུང་ལྷ་དགུའི་ཕོ་བྲང་དང་བཅས་པ་དང་།  རྒྱ་མདུད་འོག་མར་དཔལ་གྱི་བཀའ་སྡོད་དང་རྩེ་མོར་མཚོན་ཆ་སྣ་ཚོགས་ཀྱི་ཚྭ་ཚྭ་འཕྲོ་བ།  བསྒྲིལ་བ་ཙམ་གྱིས་སྲིད་གསུམ་འདར་བ།  ཕྱར་བ་ཙམ་གྱིས་ཁམས་གསུམ་སྡངས་པ།  བཏབ་པ་ཙམ་གྱིས་སྟོང་གསུམ་བརླག་ནུས་པར་ {{TibChung|བསྐྱེད་ལ།}} ཨོཾ་བཛྲ་ཀཱི་ལི་ཀཱི་ལ་ཡ་ཀཱ་ཡ་ཝཱཀྩིཏྟ་ཨ་བྷི་ཥིཉྩ་ཨོཾ་ཨཱཿཧཱུཾ༔  ཧཱུྃ༔  བདག་ཉིད་ཁྲག་འཐུང་ཧེ་རུ་ཀ༔  གཡས་པ་ཐབས་ཀྱི་རང་བཞིན་ལ༔  རིགས་ལྔ་ཡབ་ལྔའི་ངོ་བོར་གསལ༔  གཡོན་པ་ཤེས་རབ་རང་བཞིན་ལ༔  རིགས་ལྔ་ཡུམ་ལྔའི་ངོ་བོར་གསལ༔  ཐབས་དང་ཤེས་རབ་སྦྱོར་བ་ལས༔  མཐིང་ནག་ཧཱུྃ་ལས་སྐྱེས་པའི་ལྷ༔  སྲས་ {{TibChung|[8b]}} མཆོག་བཛྲ་ཀཱི་ལ་ཡ༔  ལྟེ་བ་ཡན་ཆད་སྐུ་སྟོད་ནི༔  དབུ་གསུམ་ཕྱག་དྲུག་རྡོ་རྗེའི་གཤོག་པ་ཅན༔  དུས་གསུམ་བདེ་གཤེགས་ཕྲིན་ལས་འདུས་པའི་སྐུ༔  ལྟེ་བ་མན་ཆད་སྐུ་སྨད་ནི༔  ཡེ་ཤེས་ཕུར་པའི་དཔལ་དང་ལྡན༔  དུག་ལྔ་འཛོམས་མཛད་མགོ་བོ་རྒྱ་མདུད་ནི༔  སྲིད་གསུམ་བླ་མེད་གནས་སུ་བསྒྲལ་བའི་ཕྱིར༔  ཞི་བའི་དཀྱིལ་འཁོར་བཞུགས་པར་མངའ་གསོལ་ནས༔  མ་བཅོས་ལྷུན་གྱིས་གྲུབ་པར་གཟི་བྱིན་བསྐྱེད༔  ཆངས་བཟུང་ཟུར་བརྒྱད་དུར་ཁྲོད་བརྒྱད་ཀྱི་ངང་༔  རྣམ་ཤེས་ཚོགས་བརྒྱད་དབྱིངས་སུ་སྒྲོལ་བའི་ཕྱིར༔  ཁྲོ་བོའི་དཀྱིལ་འཁོར་བཞུགས་པར་མངའ་གསོལ་ནས༔  བཅུ་དྲུག་རོལ་པ་ཆེན་པོར་གཟི་བྱིན་བསྐྱེད༔  སྐེད་པ་རྒྱ་མདུད་ཕྲིན་ལས་རྣམ་བཞིའི་ངང་༔  ཆུ་སྲིན་ཁ་ནས་སྦྲུལ་གྱི་ཆུན་པོས་བརྒྱན༔  འཁོར་བ་ཆོས་ཀྱི་དབྱིངས་སུ་སྒྲོལ་བའི་ཕྱིར༔  བཀའ་སྲུང་ཕོ་ཉ་བཞུགས་པར་མངའ་གསོལ་ནས༔  མཁའ་དབྱིངས་ཡུམ་གྱི་བྷ་གར་གཟི་བྱིན་བསྐྱེད༔  རྩེ་མོ་ཟུར་གསུམ་མངོན་སྤྱོད་དྲག་པོ་ཡིས༔  དུག་གསུམ་སྐུ་གསུམ་དབྱིངས་སུ་སྒྲོལ་བའི་ཕྱིར༔  མཐུ་རྩལ་རྨད་དུ་བྱུང་བར་མངའ་གསོལ་ནས༔  འབྲས་བུ་སྐུ་གསུང་དབྱིངས་སུ་གཟི་བྱིན་བསྐྱེད༔  ཕྲིན་ལས་རྫོགས་པའི་རྡོ་རྗེ་ཕུར་པ་ནི༔   {{TibChung|[9a]}} བསྒྲིལ་བ་ཙམ་གྱིས་སྲིད་པ་གསུམ་ཡང་འདར༔  འཕྱར་བ་ཙམ་གྱིས་ཁམས་གསུམ་སྡངས་པར་བྱེད༔  བཏབ་པས་ཁམས་གསུམ་སྐད་ཅིག་ཙམ་ལ་བརླག༔  གནོད་བྱེད་དགྲ་བགེགས་རྣམས་ལ་སྨོས་ཅི་དགོས༔  གདུག་པ་འདུལ་མཛད་བཛྲ་ཀཱི་ལ་ཡ༔  འགལ་བྱེད་ཆམ་ལ་ཕོབ་ཅིག་བཛྲ་ཀཱི་ལ་ཡ༔  བཏབ་ན་ཐེབས་པར་མཛོད་ཅིག་བཛྲ༴   འཕང་ན་ཕྱིར་མ་ཟློག་ཅིག༴   སྲོག་དབུགས་ལུས་དང་ཕྲོལ་ཅིག་བཛྲ༴   རྣམ་ཤེས་རྟེན་དང་ཕྲོལ་ཅིག༴   དགྲ་བགེགས་རྡུལ་དུ་རློག་ཅིག་བཛྲ་ཀཱི་ལ་ཡ༔  ན་མཿས་མནྟ་བུདྡྷ་ནཾཿཀ་ཡ་ཝཱ་ཀ་ཙིཏྟ་བཛྲ་ཀཱི་ལ་ཡ་ཕཊ་ཕཊ༔  བཛྲ་ཀཱི་ལ་ཡ་བཛྲ་ངྷ་རོད་ཨཱ་ཛྙཱ་པ་ཡ་ཏི་གནོད་བྱེད་སརྦ་བིགྷྣཱན་བཾ་ཧཱུཾ་ཕཊ༔  ཕུར་པ་དེ་ཡེ་ཤེས་ཀྱི་ལྷ་ལ་གཏད་དེ་དྲིལ་བས་ཕྱོགས་བཅུའི་བདེ་བར་གཤེགས་པ་འོད་དུ་ཞུ་ནས་ཕུར་པ་ལ་ཐིམ་པས་གཟི་བརྗིད་དང་ལྡན་པར་གྱུར༔  ཕུར་པ་ཕྱོགས་མཚམས་བཅུར་གཏད་དེ་དྲིལ་བས་གནོད་བྱེད་རྣམས་འོད་དུ་ཞུ་ནས་ཕུར་པ་ལ་ཐིམ་པས་ཕུར་པ་རྫུ་འཕྲུལ་དང་ལྡན་པར་གྱུར༔   {{TibChung|དེ་ནས་ཕུར་ཐུན་ཚོམ་བུར་བསྐུལ་བ་ནི།}} ཧཱུྃ༔  ཆོས་ཀྱི་དབྱིངས་ནས་རང་བྱུང་གྲུབ་པའི་ལྷ༔  ཁྲོ་བོ་རོལ་པའི་དུར་ཁྲོད་ཆེན་པོ་ནས༔  ཤིན་ཏུ་མི་བཟད་ {{TibChung|[9b]}} རབ་འཇིགས་སྐུར་སྟོན་པ༔  དཔལ་ཆེན་ཡོངས་རྫོགས་དྲག་པོའི་ཕྲིན་ལས་མཛོད༔  ཧཱུཾ༔  ང་ནི་ཆེ་མཆོག་ཧེ་རུ་ཀ༔  ང་ནི་བཛྲ་ཧེ་རུ་ཀ༔  ང་ནི་འཇམ་དཔལ་གཤིན་རྗེ་གཤེད༔  ང་ནི་དབང་ཆེན་པདྨའི་སྐུ༔  ང་ནི་རྡོ་རྗེ་གཞོན་ནུ་ཆེ༔  ང་ནི་བླ་མེད་ཧེ་རུ་ཀ༔  ང་ནི་རིག་འཛིན་ཐོད་ཕྲེང་རྩལ༔  ང་ནི་དྲེགས་པ་ཀུན་འདུལ་རྗེ༔  ང་ནི་སྟོབས་ལྡན་ནག་པོ་སྟེ༔  སྲས་དང་སྤྲུལ་པ་བྱེ་བ་འབུམ༔  བཀའ་སྡོད་རབ་འཇིགས་ཕོ་ཉར་བཅས༔  བཀའ་བརྒྱད་ལྷ་ཚོགས་དུས་ལ་བབ༔  གཡས་ཀྱི་ཕྱག་ན་ཕུར་པ་སྒྲིལ༔  གཡོན་གྱི་ཕྱག་ན་ལྕགས་ཀྱུ་བསྣམས༔  ལྕགས་ཀྱུས་ཟུང་ལ་ཕུར་བུས་ཐོབ༔  གནོད་བྱེད་དགྲ་བགེགས་རྡུལ་དུ་རློག༔   {{TibChung|ཐུན་བདུན་དབབ་པ་ནི།}} ཧཱུཾ༔  རྡོ་རྗེ་ཕུར་པ་ཀཱི་ལ་ཡ༔  སངས་རྒྱས་ཕྲིན་ལས་ཡོངས་རྫོགས་ཐུན༔  དགྲ་བགེགས་ལྔ་ཕུང་རྡུལ་དུ་རློག༔  ཧཱུཾ༔  རཀྟའི་རྒྱ་མཚོ་རྦ་ཀློང་འཁྲུགས༔  མ་མོ་ཡོངས་རྫོགས་གྱད་ཀྱི་ཐུན༔  དགྲ་བགེགས་ལྔ་ཕུང་རྡུལ་དུ་རློག༔  ཧཱུཾ༔  ཡུངས་དཀར་རྒྱལ་པོ་ཤ་རི་རམ༔  ཁྲོ་རྒྱལ་ཡོངས་རྫོགས་གྱད་ཀྱི་ཐུན༔  དགྲ་བགེགས་ལྔ་ཕུང་རྡུལ་དུ་རློག༔  ཧཱུཾ༔  མཚེ་མདའ་དྲག་པོ་སྐར་ལྟར་འཁྲུགས༔  དྲེགས་པ་ཡོངས་རྫོགས་དཔལ་གྱི་ཐུན༔  དགྲ་  {{TibChung|[10a]}} བགེགས་ལྔ་ཕུང་རྡུལ་དུ་རློག༔  ཧཱུྃ༔  འབྱུང་བའི་དུག་འདུས་རླུང་ལྟར་འཚུབས༔  གདུག་པའི་དུག་སྣ་ཡོངས་རྫོགས་ཐུན༔  དགྲ་བགེགས་ལྔ་ཕུང་རྡུལ་དུ་རློག༔  ཧཱུྃ༔  ཐོགས་མེད་དྲག་པོ་ལས་ཀྱི་མཚོན༔  ཕྱག་མཚོན་ཡོངས་རྫོགས་མཚོན་ཆའི་ཐུན༔  དགྲ་བགེགས་ལྔ་ཕུང་རྡུལ་དུ་རློག༔  ཧཱུཾ༔  སྟོབས་ཆེན་འདུས་པ་མདའ་རྡོའི་ཐུན༔  བདུད་འཇོམས་ཡོངས་རྫོགས་དྲེགས་པའི་ཐུན༔  དགྲ་བགེགས་ལྔ་ཕུང་རྡུལ་དུ་རློག༔   {{TibChung|ཅེས་ཐུན་སོ་སོས་བརྡེག   །དེ་ནས་རྣམ་ཤེས་སྤར་བའི་ཕུར་བུ་འདྲིལ་ཞིང་།}} ཨེ་མ་ཁམས་གསུམ་སེམས་ཅན་རྣམས༔  མ་རྟོགས་འཁྲུལ་པ་སྙིང་རེ་རྗེ༔  སྙིང་རྗེས་བསྒྲལ་བའི་དམ་ཚིག་ནི༔  བསད་ཅིང་མནན་པ་མ་ཡིན་ཏེ༔  ཐུགས་རྗེའི་ཐབས་ཀྱི་སྦྱོར་བ་ཡིས༔  ཕུང་པོ་བསྒྲལ་བའི་ཞིང་དུ་བཅས༔  གཟུགས་ཀྱིས་ལྷ་རྣམས་མཆོད་པར་བྱ༔  རྣམ་ཤེས་ཡུམ་གྱི་མཁའ་ལ་སྤར༔  ཡེ་ཤེས་སེམས་དཔར་བྱིན་བརླབས་པའི༔  ཁྱོད་ནི་རྒྱལ་བའི་སྲས་སུ་བསྐྱེད༔  ཨོཾ་བཛྲ་ཀཱི་ལི་ཀཱི་ལ་ཡ་ཨེ་ཡཾ་རཾ་སྥ་ར་ཎ་ཕཊ༔  བོ་ངྷི་ཙིཏྟ་ཧྲཱིཾཿསཾ་ཧ་ར་ཎ་ཧཱུྃ༔   {{TibChung|ཞེས་བརྗོད་ཅིང་།  དྲག་སྔགས་སོ་ལྔ་པ་ཕུར་སྐོར་དང་སྦྱར་བས་ཕུར་བུ་དམིགས་བྱའི་སྙིང་གར་བཏབ་ལ་ཚེ་ཁྲུས་ཀྱི་དགོངས་པ་ཟབ་ {{TibChung|[10b]}} མོས་རྣམ་ཤེས་སྤར།  དེ་ནས་བག་ཆགས་འཁོར་བའི་སྐྱེ་རྒྱུད་རྩད་ནས་གཅོད་ཕྱིར་ཕུར་བུ་བསྐོར་ཞིང་འདེབས་པས།}} ཧཱུཾ༔  ལྕགས་སམ་ནག་པོའི་ཤིང་རྣམས་ལ༔  མངོན་སྤྱོད་དྲག་པོའི་ཕུར་པ་བྱས༔  མགོ་བོ་རྒྱ་མདུད་གྲུ་བཞི་པ༔  ཆངས་བཟུང་ཟུར་བརྒྱད་ལོགས་བརྒྱད་དེ༔  སྐེད་པ་རྒྱ་མདུད་ཆུ་སྲིན་ཁ༔  རྩེ་མོ་ཟུར་གསུམ་དབལ་དང་ལྡན༔  ཕྱི་ནི་དུར་ཁྲོད་གཞལ་ཡས་ཁང་༔  ནང་ན་ཞི་ཁྲོའི་ལྷ་བསྒོམས་ཏེ༔  དགྲ་དང་བགེགས་ལ་བཏབ་པའི་ཚེ༔  བདུན་བརྒྱུད་རྩད་ནས་གཅོད་པར་བྱེད༔  ཧཱུྃཿ   དམ་ཉམས་དགྲ་བགེགས་སྡིག་ཅན་ཁྱོད༔  རུས་ནི་ཞེ་སྡང་ཕ་ལས་བྱུང་༔  ཤ་ཁྲག་འདོད་ཆགས་མ་ལས་བྱུང་༔  རིག་པ་གཏི་མུག་ལས་ཀྱིས་དེད༔  འཁོར་བ་མ་ཡི་མངལ་དུ་ཞུགས༔  ཉོན་མོངས་ལྔ་ཕུང་གཟུགས་སུ་གྲུབ༔  ལྔ་ཕུང་རྩད་ནས་བཅད་པའི་ཕྱིར༔  ལྟེ་བའི་དཀྱིལ་དུ་ཀཱི་ལ་ཡ༔  རྣམ་ཤེས་རྟེན་དང་བྲལ་བའི་ཕྱིར༔  སྙིང་གི་དཀྱིལ་དུ་ཀཱི་ལ་ཡ༔  བལྟ་བ་གཟུགས་ཀྱི་འདུ་ཤེས་བསྒྲལ་བའི་ཕྱིར༔  མིག་གི་དཀྱིལ་དུ་ཀཱི་ལ་ཡ༔  ཉན་པ་སྒྲ་ཡི་འདུ་ཤེས་བཤིག་པའི་ཕྱིར༔  རྣ་བའི་དཀྱིལ་དུ་ཀཱི་ལ་ཡ༔  སྣོམ་པ་དྲི་ཡི་འདུ་ཤེས་བཤིག་པའི་ཕྱིར༔  སྣ་ཡི་དཀྱིལ་ {{TibChung|[11a]}} དུ་ཀཱི་ལ་ཡ༔  མྱོང་བ་རོ་ཡི་འདུ་ཤེས་བཤིགས་པའི་ཕྱིར༔  ལྕེ་ཡི་དཀྱིལ་དུ་ཀཱི་ལ་ཡ༔  ཚོར་བ་རེག་བྱའི་འདུ་ཤེས་བཤིག་པའི་ཕྱིར༔  ཕུང་པོའི་དཀྱིལ་དུ་ཀཱི་ལ་ཡ༔  འགྲོ་བ་རྐང་གི་འདུ་ཤེས་བཤིག་པའི་ཕྱིར༔  བརླ་ཡི་དཀྱིལ་དུ་ཀཱི་ལ་ཡ༔  འཛིན་པ་ལག་གི་འདུ་ཤེས་བཤིག་པའི་ཕྱིར༔  དཔུང་པའི་མཚམས་སུ་ཀཱི་ལ་ཡ༔  རིགས་བརྒྱུད་འཁོར་བའི་འདུ་ཤེས་བཤིག་པའི་ཕྱིར༔  གསང་བའི་དཀྱིལ་དུ་ཀཱི་ལ་ཡ༔  ང་རྒྱལ་བདག་འཛིན་འདུ་ཤེས་བཤིག་པའི་ཕྱིར༔  ཀླད་པའི་དཀྱིལ་དུ་ཀཱི་ལ་ཡ༔  ཨོཾ་བཛྲ་མ་ཧཱ་ཀྲོ་དྷ་ཤྲཱི་ཧེ་རུ་ཀ་ཧཱུཾ་ཕཊ༔  གནོད་བྱེད་དགྲ་བགེགས་མཱ་ར་ཡ་ན་ཤ་ཡ་བྷནྡྷ་ཡ་ཧཱུཾ་ཧཱུཾ་ཕཊ༔   {{TibChung|ཅེས་ཕུར་པ་དམིགས་བྱའི་གནས་དེ་རྣམས་སུ་གདབ།  དེ་ནས་སྲས་མཆོག་གི་ཕུར་བུས་གཏུབ་སྟེ།  ཧཱུྃ༔}}  ང་ནི་དུས་གསུམ་བཞུགས་པ་ཡི༔  སངས་རྒྱས་ཡིན་ཏེ་ཡེ་ཤེས་སྐུ༔  ཡེ་ཤེས་རྣོ་དབལ་མཚོན་ཆ་ཡིས༔  ལོག་རྟོག་འཁོར་བ་རྒྱུན་ཆོད་ཅིག༔  ཨོཾ་མནྟ་སུམྦྷ་ནི་ཧཱུཾ༔  བཛྲ་ཛྭ་ལ་ཧཱུྃ༔  ཨོཾ་བྷྲཱུྃ་ཧཱུྃ་བྷྲུྃ་ཏྲཱཾ་བྷྲཱུྃ་ཧྲཱིཿབྷྲཱུྃ་ཧཱ་བྷྲུྃ༔  དགྲ་བགེགས་ཚལ་པ་དུམ་བུ་མཱ་ར་ཡ་རྦད་རྦད༔   {{TibChung|ཞེས་ཕུར་བུའི་དབལ་ལས་མཚོན་ཆའི་ཆར་བབས་པས་གཟུགས་ཕུང་དེ་ཕྱེ་མ་ལྟར་དུམ་བུར་བཏང་བར་བསམ་ཞིང་།  མཚོན་ཆས་ {{TibChung|[11b]}} བསྒྲལ་བ་ནི།  སྒྲོལ་གྲི་ཐོགས་ལ།}} ཧཱུྃ༔  ཆེ་མཆོག་དཔལ་དགུའི་སྤྲུལ་པ་ཤན་པ་འབུམ༔  སྤུ་གྲི་རླུང་གི་འདབ་གཤོག་ཅན༔  སྒྲོལ་བྱེད་མཚོན་ཆ་སྣ་ཚོགས་ཀྱིས༔  ལས་ངན་གདུག་པའི་དགྲ་བགེགས་འདི༔  ཤ་རུས་གཏུབས་ཤིང་སྲོག་དང་ཕྲོལ༔   {{TibChung|དྲག་སྔགས་སོ་ལྔའི་ཤམ་བུར།}}   ནྲྀ་ཏྲི་མཱ་ར་ཡ་རྦད༔   {{TibChung|ཅེས་དུམ་བུར་གཏུབ།  བརྒྱད་པ་མཆོད་བསྟོད་ཀྱིས་གཏུན་ཏུ་བརྡུང་བ་ནི།  ཐོ་བས་བརྡུང་ཞིང་ཕྱེ་གསུམ་གྱིས་བྲབ།  ལག་སོར་ནང་དུ་བསྣོལ་བའི་མཐིལ་གཉིས་སྦྱར་བས་བརྡུང་ཚུལ་བྱས་ལ།}} ཧཱུྃ༔  འཇིག་རྟེན་མཆོད་བསྟོད་ལྷ་ཚོགས་རྣམས༔  དྲག་པོའི་ཕྲིན་ལས་དུས་ལ་བབ༔  སྡང་བར་དགྲ་དང་གནོད་པའི་བགེགས༔  གཟུགས་ཕུང་རྡུལ་ཕྲན་བཞིན་དུ་རློག༔  ཨོཾ་བཛྲ་ཙཎྜ་སརྦ་དུཥྚན་ཧཱུཾ་ཕཊ༔  ཏ་ཐ་ཡ་ཏ་ཐ་ཡ་ཧཱུཾ་ཕཊ༔   {{TibChung|ཅེས་དང་།}}   ཧཱུྃ༔  བརྡུངས་ཤིག་རྡོ་རྗེ་འབར་བའི་གཏུན༔  བཀའ་ལས་འདའ་བྱེད་སྡིག་ཅན་རྣམས༔  རྡོ་རྗེ་མཚོན་ཆས་བསྒྲལ་ནས་ཀྱང་༔  ལུས་ངག་རྡུལ་ཕྲན་བཞིན་དུ་རློག༔  ཁྲོ་མོ་འབར་བའི་གཏུན་ཁུང་དུ༔  རྡོ་རྗེ་ཐོ་བས་བརྡུངས་བྱས་ན༔  ལྷ་ཡང་རུང་སྟེ་བརླག་པར་བྱེད༔  དགྲ་དང་བགེགས་ལ་སྨོས་ཅི་དགོས༔  ཨོཾ་བཛྲ་པདྨ་ཨཱ་ཀོ་ཊ་ཡ་ཁ་ཐམ་ཁ་ཐམ་ཧཱུཾ་ཕཊ༔   {{TibChung|དགུ་ {{TibChung|[12a]}} པ་དྲག་སྔགས་ཀྱིས་ཞལ་དུ་སྟོབ་པ་ནི།  མི་རྐང་ཧོམ་གཟར་གྱིས་ལིང་རོ་གཏོར་མར་འབུལ།  རྡོ་རྗེའི་ཐལ་མོ་གན་རྐྱལ་གྱིས་སྟོབ་པའི་ཚུལ་བྱས་ལ།}} ཧཱུྃ༔  དམོད་པ་དྲག་སྔགས་ལྷ་ཚོགས་རྣམས༔  དྲག་པོའི་ཕྲིན་ལས་དུས་ལ་བབ༔  སྡང་བའི་དགྲ་དང་གནོད་པའི་བགེགས༔  གཟུགས་ཕུང་རྔམས་པའི་ཞལ་དུ་ཐོབ༔  ཨོཾ་བཛྲ་སརྦ་དུཥྚན་ཧཱུྃ་ཕཊ༔  བྷིནྡྷ་ཡ་བྷིནྡྷ་ཡ་ཁ་ཁ་ཁཱ་ཧི་ཁཱ་ཧི་ཧཱུཾ་ཕཊ༔   {{TibChung|ཅེས་དང་།}} ཧཱུྃ༔  ཕྱེས་ཤིག་ཕྱེས་ཤིག་ཞལ་ཕྱེས་ཤིག༔  དོན་དམ་ཆོས་ཉིད་ཞལ་ཕྱེས་ཤིག༔  ཁམས་གསུམ་འཁོར་བ་ཞལ་དུ་བསྟབ༔  སྐུ་ལྔ་ཡེ་ཤེས་ཞལ་ཕྱེས་ཤིག༔  ཉོན་མོངས་དུག་ལྔ་ཞལ་དུ་བསྟབ༔  དཀྱིལ་འཁོར་ལྷ་ཚོགས་ཞལ་ཕྱེས་ཤིག༔  བསྒྲལ་བའི་ཞིང་བཅུ་ཞལ་དུ་བསྟབ༔  ཕྱེས་ཤིག་ཕྱེས་ཤིག་ཞལ་ཕྱེས་ཤིག༔  རྒྱལ་བ་ཞི་ཁྲོའི་ལྷ་ཚོགས་ཞལ་ཕྱེས་ཤིག༔  དམ་ཉམས་དགྲ་བགེགས་བསྒྲལ་བ་ཡི༔  ཤ་ཁྲག་རུས་པའི་མཆོད་པ་དང་༔  དབང་པོ་ནང་རོལ་བཅས་པ་རྣམས༔  ཞལ་དུ་བསྟབ་བོ་ཁ་རཾ་ཁཱ་ཧི༔  མགུར་དུ་བསྟིམ་མོ་ཨ་ར་ལི༔  དབྱིངས་སུ་བསྒྲལ་ལོ་ས་མ་ཡ༔  བཞེས་ཤིག་ལྷག་མ་མེད་པར་མཛད༔  མ་ཧཱ་མཱཾ་ས་ཁཱ་ཧི༔  མ་ཧཱ་རཀྟ་ {{TibChung|[12b]}} ཁཱ་ཧིཿ    མ་ཧཱ་ཙིཏྟ༴   མ་ཧཱ་ཀེང་ནི་རི་ཏི༴   མ་ཧཱ་བ་སུ་ཏ༴   མ་ཧཱ་གོ་རོ་ཙ་ན༴   དབང་པོ་ལྔ་ལ་ཁཱ་ཧི༔  སྐྱེ་མཆེད་དྲུག་ལ་ཁཱ་ཧི༔  རྣམ་ཤེས་ཚོགས་བརྒྱད་ལ་ཁཱ་ཧི༔   {{TibChung|ཞེས་བསྟབ་པས་དགྱེས་པར་བསམ།  སྐབས་འདིར་ཚོགས་ལ་རོལ་ཞིང་ལྷག་མ་བསྔོ་བ་ལས་བྱང་ལྟར་བྱའོ།  །གསུམ་པ་ཟློག་པའི་ལས་རིམ་ལ་གཉིས་ལས།  དང་པོ་སྔོན་དུ་འགྲོ་བ་དམར་སྦྲེང་བྱ་བ་ནི།  ཁྲག་གི་གཟར་བུ་འཕྱར་ཞིང་།}} ཧཱུཾ༔  ཁྲོ་བོ་རོལ་པའི་དུར་ཁྲོད་ཆེན་པོ་འདིར༔  གཏི་མུག་ཁྲག་གི་རྒྱ་མཚོ་ཆི་ལི་ལི༔  དཔལ་ཆེན་ཁྲག་འཐུང་ལྷ་ཚོགས་འདིར་གཤེགས་ལ༔  གཏི་མུག་ཁྲག་གི་རྒྱ་མཚོ་འདི་ལ་རོལ༔  ཁྲོ་བོ་རོལ་པའི་ཞེ་སྡང་ཁྲག་གི་རྒྱ་མཚོ་ཆི་ལི་ལི༔  དཔལ་ཆེན་ཁྲག་འཐུང་༔  ཞེ་སྡང་ཁྲག་གི༴   ཁྲོ་བོ་རོལ་པའི༴   ང་རྒྱལ་ཁྲག་གི་རྒྱ་མཚོ་ཆི་ལི་ལི༔  དཔལ་ཆེན་ཁྲག་འཐུང་༴   ང་རྒྱལ་ཁྲག་གི༴   ཁྲོ་བོ་རོལ་པའི༴   འདོད་ཆགས་ཁྲག་གི་རྒྱ་མཚོ་ཆི་ལི་ལི༔  དཔལ་ཆེན་ཁྲག་འཐུང་༴   འདོད་ཆགས་ཁྲག་གི༴   ཁྲོ་བོ་རོལ་པའི༴   ཕྲག་དོག་ཁྲག་གི་རྒྱ་མཚོ་ཆི་ལི་ལི༔  དཔལ་ཆེན་ཁྲག་འཐུང་༴   ཕྲག་དོག་ཁྲག་གི་རྒྱ་མཚོ་འདི་ལ་རོལ༔  དཔལ་ཆེན་ཁྲག་འཐུང་ལྷ་ཚོགས་འཁོར་བཅས་རྣམས༔  དམར་ཆེན་ཁྲག་ {{TibChung|[13a]}}  གི་མཆོད་པ་འདི་བཞེས་ལ༔  བསྲུང་དང་བཟློག་དང་མནན་དང་བསད་པ་སོགས༔  མངོན་སྤྱོད་དྲག་པོའི་ཕྲིན་ལས་བསྒྲུབ་ཏུ་གསོལ༔  མ་ཧཱ་མཱཾ་ས་ཁཱ་ཧིཿ   མ་ཧཱ་རཀྟ་ཁཱ་ཧི༔   {{TibChung|གཉིས་པ་ཟློག་པ་དངོས་ལ་སྤྱི་དང་ཁྱད་པར་གཉིས་ཀྱི།  དང་པོ་ལའང་གསུམ་ལས།  དང་པོ་རྩ་བའི་ལྷ་ཚོགས་རྣམས་ལ་བཟློག་པའི་ཕྲིན་ལས་བཅོལ་བ་ནི།  ཉ་བོ་བསྒྲལ་བའི་ཕུང་པོ་གཏོར་ཆེན་ལ་སྟོབ་ཅིང་།}} ཧཱུྃ༔  སྤྲོས་མེད་རྟོག་བྲལ་མཁའ་དབྱིངས་དག་པ་ནས༔  སྐྱེ་མེད་རྡོ་རྗེའི་སྐུ་གསུང་ཐུགས་མངའ་བ༔  འགྲོ་དོན་རང་བྱུང་བཅོམ་ལྡན་ཐུགས་རྗེའི་ལྷ༔  སྒྲུབ་ཆེན་བཀའ་བརྒྱད་ལྷ་ཚོགས་འཁོར་དང་བཅས༔  སྟོང་ཉིད་དབྱིངས་ལས་ཐུགས་དམ་རྒྱུད་བསྐུལ་གྱིས༔  སྤྲུལ་པ་དབྱིངས་ནས་རོལ་ཞིང་གཤེགས་སུ་གསོལ༔  སངས་རྒྱས་བསྟན་དང་རྣལ་འབྱོར་སྒྲུབ་པོ་ལ༔  གནོད་ཅིང་འཚེ་བའི་དགྲ་བགེགས་འབྱུང་པོའི་ཚོགས༔  ཞི་བའི་ཐབས་ཀྱིས་འདུལ་དུ་མ་འཚལ་བས༔  མི་མངོན་དབྱིངས་ནས་འབར་བའི་སྐུར་བཞེངས་ལ༔  མངོན་སྤྱོད་དམོད་པའི་ཕྲིན་ལས་དུས་ལ་བབ༔  སྲུང་བའི་གུར་ཁང་རྡོ་རྗེའི་ཐོག་གིས་ཤིག༔  ཟློག་པའི་ནུས་པ་རང་གཤེད་རང་ལ་གཟིར༔  དྲག་ཤུལ་ཆེན་པོས་ {{TibChung|[13b]}} བསྒྲལ་བའི་ཕྲིན་ལས་མཛོད༔  ཧཱུྃ༔  ཡོན་ཏན་ལྷུན་གྱིས་གྲུབ་པའི་དཀྱིལ་འཁོར་ནས༔  བཅོམ་ལྡན་དཔལ་ཆེན་ཆེ་མཆོག་ཧེ་རུ་ཀ༔  གཉིས་མེད་ཡུམ་ཆེན་ཁྲོ་མོ་གནམ་ཞལ་མ༔  རིགས་བཞི་ཧེ་རུ་ཀ་དང་ཡུམ་བཞི་དང་༔  ཁྲོ་བོ་བཅུ་དང་ཡུམ་བཅུ་སྒོ་བ་བཞི༔  ལྕེ་སྤྱང་མ་བརྒྱད་ཆེ་མཆོག་ལྷ་ཚོགས་རྣམས༔   ༈     དམ་ཉམས་དགྲ་བགེགས་བསྒྲལ་བ་ལས་བྱུང་བའི༔  དུག་གསུམ་ཤ་ཁྲག་རུས་པའི་མཆོད་པ་བཞེས༔  ཁྱེད་ལ་ཕྲིན་ལས་གཉན་པོ་བཅོལ་བ་ནི༔  རྣལ་འབྱོར་བདག་ཅག་རྒྱུ་སྦྱོར་ཡོན་བདག་གི༔  སྔོན་ལས་འཕྲལ་རྐྱེན་ངན་པའི་ཕྱོགས་ཀུན་ཟློག༔  ཡས་ཀྱི་བདུད་དང་མས་ཀྱི་སྲི་ལངས་ཟློག༔  ལོ་ཀག་ཟླ་ཀག་དུས་ཀག་ཐམས་ཅད་ཟློག༔  གདོན་བགེགས་དགྲ་ཡི་དཔུང་རྣམས་ཐམས་ཅད་ཟློག༔  ཕ་རོལ་རྦད་འདྲེ་རྦོད་གཏོང་དམོད་བྱད་ཟློག༔  ཡེ་ཤེས་ལྷ་ཡི་བཀའ་ཆད་དགྲ་ལ་ཟློག༔  ལས་ཀྱི་ཕོ་ཉའི་གདུག་རྩུབ་དགྲ་ལ་ཟློག༔  འཇིག་རྟེན་དྲེགས་པའི་ཟ་ཁ༴   སྣང་སྲིད་སྡེ་བརྒྱད་གནོད་པ༴   ཕྱོགས་བཅུའི་གདོན་གྱི་ཆོ་འཕྲུལ༴   མི་ནད་ཕྱུགས་ནད་དལ་ཡམས༴   ཐན་དང་ལྟས་ངན་ཆོ་འཕྲུལ༴   ཆག་ཆེ་ཉམ་ང་ཐམས་ཅད༴   ཕུང་འདྲེ་མི་ཁ་ལངས་པ༴    {{TibChung|[14a]}} ཕྱོགས་དུས་རྟེན་འབྲེལ་ལོག་པ༴   སྣོད་བཅུད་རྒུད་པའི་དབུལ་ཕོངས༴   བློ་ཉེས་དོན་ཉམས་ཡིད་འཁྲུག༴   རྨི་ལམ་རྟགས་མཚན་ངན་པ༴   དབང་ཐང་འབྱོར་པའི་གོད་ཟགས༴   འཇིགས་པ་ཆེན་པོ་བཅུ་དྲུག༴   ནད་རིགས་བཞི་བརྒྱ་རྩ་བཞི༴   བགེགས་རིགས་སྟོང་ཕྲག་བརྒྱད་ཅུ༴   གློ་བུར་དགུ་བཅུ་རྩ་གཅིག༴   ཡེ་འདྲོག་སུམ་བརྒྱ་དྲུག་ཅུ༴   རྐྱེན་ངན་ཉི་ཁྲི་ཆིག་སྟོང་༴   ལྟས་ངན་བརྒྱད་ཅུ་རྩ་གཅིག༴   གཤིས་ངན་འགུམ་པ་བཅོ་བརྒྱད༴   དུས་མིན་འཆི་བ་ཐམས་ཅད༴   མི་མཐུན་བར་ཆད་ཐམས་ཅད༴   བཟློག་གོ་དམར་ཆེན་གཏོར་མ་འདི་ཡིས་ཟློག༔  བསྒྱུར་རོ་ལྟས་ངན་ཆོ་འཕྲུལ་དགྲ་ལ་སྒྱུར༔  བྷྱོ་བྷྱོ་གནོད་བྱེད་དགྲ་དང་བགེགས་ལ་བྷྱོ༔  ཟློག་སྒྱུར་བཅོལ་བའི་ཕྲིན་ལས་འགྲུབ་པར་མཛོད༔  ཨོཾ་བཛྲ་ཀྲོ་དྷ་མ་ཧཱ་ཤྲཱི་ཧེ་རུ་ཀ་ཧཱུཾ་ཕཊ༔  སརྦ་དུཥྚན་མཱ་ར་ཡ་བྷྱོ་བྷྱོ་ཟློག་ཟློག༔  ཧཱུཾ༔  ཡང་དག་ཐུགས་ཀྱི་དཀྱིལ་འཁོར་ཆེན་པོ་ནས༔  བཅོམ་ལྡན་དཔལ་ཆེན་བཛྲ་ཧེ་རུ་ཀ༔  གཉིས་མེད་ཡུམ་མཆོག་ཀྲོ་དྷི་ཤྭ་རིམ༔  ཁྲག་འཐུང་རིགས་བཞི་ཡབ་ཡུམ་ཀཽ་རི་བརྒྱད༔  སེང་ཧ་མ་བརྒྱད་སྒོ་མ་བཞི་རྣམས་དང་༔  བསྟན་པ་བསྲུང་བའི་དབང་ཕྱུག་ཉི་ཤུ་བརྒྱད༔  ཡང་ {{TibChung|[14b]}} དག་ཐུགས་ཀྱི་ལྷ་ཚོགས་མ་ལུས་རྣམས༔  དམ་ཉམས་དགྲ་བགེགས་བསྒྲལ་བ་ལས་བྱུང་བའི༔   {{TibChung|སོགས་གོང་བཞིན་འགྲེ།}} ཨོཾ་རུ་ལུ་རུ་ལུ་ཧཱུཾ་བྷྱོ་ཧཱུཾ་ཕཊ༔  སརྦ་དུཥྚན་མཱ་ར་ཡ་བྷྱོ་བྷྱོ་ཟློག་ཟློག༔  ཧཱུྃ༔  འཇམ་དཔལ་སྐུ་ཡི་དཀྱིལ་འཁོར་ཆེན་པོ་ནས༔  བཅོམ་ལྡན་དཔལ་ཆེན་གཤིན་རྗེ་གཤེད་པོ་དང་༔  གཉིས་མེད་ཡུམ་མཆོག་ཟ་བྱེད་བེ་ཏཱ་ལི༔  སྦྱོར་བའི་ཡུམ་མཆོག་ཨེ་ཀ་ཛཱ་ཊི་མ༔  རིག་འཛིན་གཤེད་ཆེན་བཞི་པོ་ཡུམ་དང་བཅས༔  ཕྱོགས་སྐྱོང་བཅུ་གཉིས་ཡབ་ཡུམ་གིང་བཞི་དང་༔  ཁྲམ་ཐོགས་བདུད་བཞི་ཤེ་ཐོགས་རྩིས་པ་བཞི།  བཤན་པ་ལྔ་སོགས་སྐུ་ཡི་ལྷ་ཚོགས་རྣམས༔  དམ་ཉམས་དགྲ་བགེགས་བསྒྲལ་བ་{{TibChung|སོགས།}} ཨོཾ་ཨ་ཀྲོ་ཏེ་ཀ་ཡ་མནྟ་ཀ་ཧ་ན་མ་ཐ་བྷཉྫ་ཧཱུཾ་ཕཊ༔  སརྦ་དུཥྚན་མཱ་ར་ཡ་བྷྱོ་བྷྱོ་ཟློག་ཟློག༔  ཧཱུྃ༔  པདྨ་གསུང་གི་དཀྱིལ་འཁོར་ཆེན་པོ་ནས༔  བཅོམ་ལྡན་དཔལ་ཆེན་རྟ་མགྲིན་དབང་གི་སྐུ༔  གཉིས་མེད་ཡུམ་མཆོག་པདྨ་གཟི་ལྡན་མ༔  ཕྲ་མེན་ཡབ་ཡུམ་ཟིལ་གནོན་ཁྲོ་བོ་བརྒྱད༔  ཡེ་ཤེས་དཔལ་གྱི་ཁྱི་བརྒྱད་སྤྱང་བརྒྱད་དང་༔  སྒོ་བ་བཞི་དང་ཁམས་རྒྱ་དམུས་ལོང་སོགས༔  པདྨ་གསུང་གི་ལྷ་ཚོགས་མ་ལུས་རྣམས༔  དམ་ཉམས་ {{TibChung|[15a]}} དགྲ་བགེགས་{{TibChung|སོགས།}}    ཨཾ་པདྨནྟ་ཀྲྀ་ཏ་བཛྲ་ཀྲོ་དྷ་ཧ་ཡ་གྲཱི་ཝ་ཧཱུཾ་ཕཊ༔  སརྦ་དུཥྚན་མཱ་ར་ཡ་བྷྱོ་བྷྱོ་ཟློག་ཟློག༔  ཧཱུཾ༔  ཕྲིན་ལས་ལྷུན་གྱིས་གྲུབ་པའི་དཀྱིལ་འཁོར་ནས༔  བཅོམ་ལྡན་དཔལ་ཆེན་རྡོ་རྗེ་གཞོན་ནུ་དང་༔  གཉིས་མེད་ཡུམ་མཆོག་འཁོར་ལོ་རྒྱས་འདེབས་མ༔  རིགས་ཀྱི་སྲས་བཞི་ཁྲོ་བོ་ཡབ་ཡུམ་བཅུ༔  ཟ་གསོད་ཉི་ཤུ་སྒོ་མ་ཆེན་མོའི་བཞི༔  བསྭེ་མོ་བཞི་དང་རེ་ཏཱི་མཆེད་བཞི་དང་༔  ཤྭ་ན་མུ་ཁ་བསེ་ལྕགས་དུང་སྐྱེས་བུ༔  བཞི་གསུམ་བཅུ་གཉིས་ལ་སོགས་ཕུར་པ་ཡི༔  ལྷ་ཚོགས་བདུན་ཅུ་རྩ་གཉིས་མ་ལུས་རྣམས༔  དམ་ཉམས་དགྲ་བགེགས་{{TibChung|སོགས།}}    ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བྃ་ཧཱུྃ་ཕཊ༔  སརྦ་དུཥྚན་མཱ་ར་ཡ་བྷྱོ་བྷྱོ་ཟློག་ཟློག༔  ཧཱུྃ༔  མ་མོ་རྦོད་གཏོང་ལྷུན་གྲུབ་དཀྱིལ་འཁོར་ནས༔  བཅོམ་ལྡན་དཔལ་ཆེན་བླ་མེད་ཧེ་རུ་ཀ༔  གཉིས་མེད་ཡུམ་མཆོག་ཉིད་བཞི་མུ་ཁ་ལེ༔  དབྱིངས་ཀྱི་ཡུམ་ཆེན་རྟག་པའི་རྒྱལ་མོ་ལྔ༔  རྒྱ་མཚོ་ལ་སོགས་རྗེ་མོ་བཅུ་བཞི་དང་༔  སྨན་མོ་ཉེར་བཞི་སྲིན་མོ་ཉི་ཤུ་བརྒྱད༔  སྒོ་མ་བཞི་དང་ཡང་གབ་རྒྱལ་མོ་བཞི༔  སྦས་པའི་མ་བཞི་གདོང་མོ་མཆེད་བཞི་དང་༔  རོ་ཁ་མ་གསུམ་ལ་སོགས་དགུ་བཅུ་ {{TibChung|[15b]}} གཉིས༔  དམ་ཉམས་དགྲ་བགེགས་{{TibChung|སོགས།}}    ཨོཾ་གུ་ཧྱ་ཛྙཱ་ན་ཀྲོ་དྷ་དྷཱི་མ་མ་ཡོ་གི་ནི་རུ་ལུ་རུ་ལུ་ཧཱུཾ་བྷྱོ་ཧཱུཾ་ཕཊ༔  སརྦ་དུཥྚན་མཱ་ར་ཡ་བྷྱོ་བྷྱོ་ཟློག་ཟློག༔  ཧཱུྃ༔  རིག་འཛིན་ལྷུན་གྱིས་གྲུབ་པའི་དཀྱིལ་འཁོར་ནས༔  རོ་ལངས་བདེ་བ་རྡོ་རྗེ་ཐོད་ཕྲེང་རྩལ༔  ཡང་དག་ཐུགས་ཀྱི་རིག་འཛིན་ཆེན་པོ་དང་༔  འཇམ་དཔལ་སྐུ་ཡི་རིག་འཛིན༴   པདྨ་གསུང་གི༴   ཕུར་པ་ཕྲིན་ལས༴   བདུད་རྩི་སྨན་གྱི༴   མ་མོ་རྦོད་གཏོང་༴   འཇིག་རྟེན་མཆོད་བསྟོད༴   དྲག་སྔགས་རིག་འཛིན་རིགས་ཀྱི་རིག་འཛིན་དང་༔  སློབ་དཔོན་སྡེ་བཞི་ལ་སོགས་རིག་འཛིན་དང་༔  མཁའ་འགྲོ་སྡེ་བཞི་དཔའ་བོ་གིང་ཆེན་བཞི༔  དེ་ལ་སོགས་ཏེ་དཔའ་བོ་དཔའ་མོའི་ཚོགས༔  དམ་ཉམས་དགྲ་བགེགས་{{TibChung|སོགས།}}    ཨོཾ་བཛྲ་མ་ཧཱ་གུ་རུ་སརྦ་སིདྡྷི་ཧཱུྃ་ཕཊ༔  སརྦ་དུཥྚན་མའ་ར་ཡ་བྷྱོ་བྷྱོ་ཟློག་ཟློག༔  ཧཱུྃ༔  མཆོད་བསྟོད་ལྷུན་གྱིས་གྲུབ་པའི་དཀྱིལ་འཁོར་ནས༔  ཡབ་གཅིག་ལྷ་མཆོག་དྲེགས་པ་ཀུན་འདུལ་དང་༔  གཉིས་མེད་ཡུམ་མཆོག་ཁམས་གསུམ་སྤྱི་འདུལ་མ༔  དབང་ཕྱུག་ཆེན་པོ་ཨུ་མ་དེ་བི་དང་༔  ཡ་མ་རཱ་ཛ་སྒྲོལ་བྱེད་ནག་མོ་དང་༔  སྐོས་རྗེས་བྲང་དཀར་ནག་མོ་རེ་མ་ཏཱི༔  རཀྴ་གློག་ཕྲེང་སྦལ་མགོ་ཁྲག་མིག་མ༔  ཡཀྵ་ {{TibChung|[16a]}} མེ་དབལ་མོན་མོ་ནག་མོ་དང་༔  རཱ་ཧུ་ལ་དང་ཐོག་གི་བུ་ཡུག་མ༔  ཀླུ་བདུད་ནག་པོ་ཡཀྵ་ནག་མོ་དང་༔  ལྷ་རབས་ཤམ་པོ་རྒྱལ་པོ་གུ་རུམ་རྩེ༔  གནམ་ཐེའུ་དཀར་པོ་ཨེ་ཀ་ཛཱ་ཊི་དང་༔  རྡོ་རྗེ་ཡུམ་ཆེན་འབྱུང་བ་ལྔ་ཡི་བདག༔  ནག་མོ་མགྱོགས་བྱེད་རྡོ་རྗེ་བདུད་འདུལ་དང་༔  སྲོག་ཟན་ཡམ་ཤུད་ཀཱ་ལ་ནག་པོ་དང་༔  བཀྲག་མེད་བི་ན་ཡ་ག་ཚངས་པ་དང་༔  དགྲ་བླ་པེ་ཧར་སྐུ་ལྷ་གསང་བ་དང་༔  མགོན་པོ་ནག་པོ་ལྷ་སྲིན་སྡེ་བརྒྱད་སོགས༔  བསྟན་པ་སྲུང་མཛད་མཐུ་རྩལ་མངའ་བ་རྣམས༔  དམ་ཉམས་དགྲ་བགེགས་{{TibChung|སོགས།}}    ཨོཾ་བཛྲ་ཙཎྜ་སརྦ་དུཥྚན་ཧཱུྃ་ཕཊ༔  སརྦ་དུཥྚན་མཱ་ར་ཡ་བྷྱོ་བྷྱོ་ཟློག་ཟློག༔  ཧཱུྃ༔  དྲག་སྔགས་ལྷུན་གྱིས་གྲུབ་པའི་དཀྱིལ་འཁོར་ནས༔  ཡབ་གཅིག་སྟོབས་མཆོག་སྟོབས་ལྡན་ནག་པོ་དང་༔  གཉིས་མེད་ཡུམ་མཆོག་འབྱུང་བ་ལྔ་ཡི་བདག༔  འཆི་བདག་གཤིན་རྗེ་སྐྱེ་འགྲོའི་སྲོག་བདག་དང་༔  མེ་ཡི་ཁ་རླངས་བདུད་མོ་ཁྲག་འཛག་དང་༔  སྲིན་པོ་གསོད་བྱེད་སྲིན་མོ་གསོད་བྱེད་དང་༔  གང་བ་བཟང་པོ་ཤ་ཟ་རལ་གཅིག་དང་༔  ཁྱབ་འཇུག་ཆེན་པོ་མ་ཧཱ་དེ་བ་དང་༔  ཐར་པ་ནག་པོ་དབུ་རྗེ་བཙན་པོ་དང་༔  མུ་སྟེགས་ནག་པོ་ཀླུ་རྒྱལ་སོག་མ་མེད༔   {{TibChung|[16b]}} ལི་བྱིན་ཧ་ར་ལེགས་ཁུ་ལེ་ལག་དགུ་དང་༔  རྡོ་རྗེ་ལེགས་པ་ཡམ་ཤུད་དམར་པོ་དང་༔  གཤིན་རྗེ་ལྷ་དང་བདུད་དང་གཟའ་ཆེན་དང་༔  བཤན་པ་ལ་སོགས་དྲག་སྔགས་ལྷ་ཚོགས་རྣམས༔  དམ་ཉམས་དགྲ་བགེགས་{{TibChung|སོགས།}}     ཨོཾ་བཛྲ་སརྦ་དུཥྚན་ཧཱུཾ་ཕཊ༔  སརྦ་དུཥྚན་མཱ་ར་ཡ་བྷྱོ་བྷྱོ་ཟློག་ཟློག༔  ཧཱུྃ༔  གཞན་ཡང་སྒྲུབ་པ་བཀའ་བརྒྱད་དཀྱིལ་འཁོར་གྱི༔  ཕོ་ཉ་ལས་མཁན་གསོད་བྱེད་དྲེགས་པའི་ཚོགས༔  དབང་ཕྱུག་ཆེན་མོ་ཉི་ཤུ་རྩ་བརྒྱད་དང་༔  མཁའ་འགྲོ་སོ་གཉིས་གིང་ཆེན་བཅོ་བརྒྱད་དང་༔  ལངྐ་དུར་ཁྲོད་བདག་མོ་རྣམ་བརྒྱད་དང་༔  མ་བདུན་སྲིང་བཞི་འབར་མ་ཆེན་མོ་བརྒྱད༔  དཔལ་གྱི་བཀའ་སྡོད་ཕོ་ཉ་དྲུག་ཅུ་བཞི༔  བོད་ཁམས་སྐྱོང་བའི་བརྟན་མ་བཅུ་གཉིས་དང་༔  ས་བདག་ཆེན་མོ་སུམ་ཅུ་རྩ་གཉིས་དང་༔  འབུམ་ཕྲག་ཡངས་པའི་མཁའ་འགྲོ་གིང་ཆེན་ཚོགས༔  ཕོ་ཉ་སྲོག་གཅོད་ཤན་པ་ལ་སོགས་རྣམས༔  དམ་ཉམས་དགྲ་བགེགས་{{TibChung|སོགས།}}    ཨོཾ་བཛྲ་སརྦ་ཀརྨ་ཡཀྵ་ས་མ་ཡ་ཧཱུཾ་ཕཊ༔  སརྦ་དུཥྚན་མཱ་ར་ཡ་བྷྱོ་བྷྱོ་ཟློག་ཟློག༔   {{TibChung|ཅེས་དང་།  ཡང་སྐབས་འགའ་ཞིག་ཏུ་དེ་ལས་བསྡུ་བར་འདོད་ན།}} ཧཱུྃ༔  ཁྲོ་བོ་རོལ་པའི་དུར་ཁྲོད་ཆེན་པོ་ནི༔  འབར་བ་ {{TibChung|[17a]}} ཡེ་ཤེས་ཀློང་དགུའི་ཕོ་བྲང་ནས༔  བདེ་གཤེགས་ཁྲག་འཐུང་ཚོམ་བུ་དགུ་ཡི་ལྷཿ   གཙོ་འཁོར་སྤྲུལ་པ་ཡང་སྤྲུལ་བཅས་པ་རྣམས༔  དམ་ཉམས་དགྲ་བགེགས་བསྒྲལ་བ་ལས་བྱུང་བའི༔  དུག་གསུམ་ཤ་ཁྲག་རུས་པའི་མཆོད་པ་བཞེས༔  ཁྱེད་ལ་ཕྲིན་ལས་གཉན་པོ་བཅོལ་བ་ནི༔  རྣལ་འབྱོར་བདག་ཅག་རྒྱུ་སྦྱོར་ཡོན་བདག་གི༔  སྔོན་ལས་འཕྲལ་རྐྱེན་ངན་པའི་ཕྱོགས་ཀུན་ཟློག༔  ཡས་ཀྱི་བདུད་དང་མས་ཀྱི་སྲི་ལངས་ཟློག༔  ལོ་ཀག་ཟླ་ཀག་དུས་ཀག་ཐམས་ཅད་ཟློག༔  གདོན་བགེགས་དགྲ་ཡི་དཔུང་རྣམས་ཐམས་ཅད་ཟློག༔  ཕ་རོལ་རྦད་འདྲེ་རྦོད་གཏོང་དམོད་བྱད༴   ཡེ་ཤེས་ལྷ་ཡི་བཀའ་ཆད་དགྲ་ལ༴   ལས་ཀྱི་ཕོ་ཉའི་གདུག་རྩུབ༴   འཇིག་རྟེན་དྲེགས་པའི་ཟ་ཁ༴   སྣང་སྲིད་སྡེ་བརྒྱད་གནོད་པ༴   ཕྱོགས་བཅུའི་གདོན་གྱི་ཆོ་འཕྲུལ༴   མི་ནད་ཕྱུགས་ནད་དལ་ཡམས༴   ཐན་དང་ལྟས་ངན་ཆོ་འཕྲུལ༴   ཆག་ཆེ་ཉམ་ང་ཐམས་ཅད༴   ཕུང་འདྲེ་མི་ཁ་ལངས་པ༴   ཕྱོགས་དུས་རྟེན་འབྲེལ་ལོག་པ༴   སྣོད་བཅུད་རྒུད་པའི་དབུལ་ཕོངས༴   བློ་ཉེས་དོན་ཉམས་ཡིད་འཁྲུག༴   རྨི་ལམ་རྟགས་མཚན་ངན་པ༴   དབང་ཐང་འབྱོར་པའི་གོད་ཟགས༴   འཇིག་པ་ {{TibChung|[17b]}} ཆེན་པོ་བཅུ་དྲུག༴   ནད་རིགས་བཞི་བརྒྱ་རྩ་བཞི༴   བགེགས་རིགས་སྟོང་ཕྲག་བརྒྱད་ཅུ༴   གློ་བུར་དགུ་བཅུ་རྩ་གཅིག༴   ཡེ་འདྲོག་སུམ་བརྒྱ་དྲུག་ཅུ༴   རྐྱེན་ངན་ཉི་ཁྲི་ཆིག་སྟོང་༴   ལྟས་ངན་བརྒྱད་ཅུ་རྩ་གཅིག༴   གཤིས་ངན་འགུམ་པ་བཅོ་བརྒྱད༴   དུས་མིན་འཆི་བ་ཐམས་ཅད༴   མི་མཐུན་བར་ཆད་ཐམས་ཅད༴   བཟློག་གོ་དམར་ཆེན་གཏོར་མ་འདི་ཡིས་ཟློག༔  བསྒྱུར་རོ་ལྟས་ངན་ཆོ་འཕྲུལ་དགྲ་ལ་སྒྱུར༔  བྷྱོ་བྷྱོ་གནོད་བྱེད་དགྲ་དང་བགེགས་ལ་བྷྱོ༔  ཟློག་སྒྱུར་བཅོལ་བའི་ཕྲིན་ལས་གྲུབ་པར་མཛོད༔   {{TibChung|དྲག་སྔགས་སོ་ལྔའི་མཐར།}} སརྦ་དུཥྚན་མཱ་ར་ཡ་བྷྱོ་བྷྱོ་ཟློག་ཟློག༔   {{TibChung|གཉིས་པ་རྩང་ཟློག་ནི།}} ཧཱུྃ༔  དཔལ་ཆེན་ཁྲོ་རྒྱལ་ཆེ་མཆོག་ཧེ་རུ་ཀའི༔  དྲག་པོ་དཔལ་གྱི་གཏོར་ཆེན་ལྕགས་རི་ལ༔  སྤྲུལ་པའི་ཕོ་ཉ་མང་པོ་མངགས་པའི་རྟེན༔  དམར་ནག་དྲག་པོའི་རྩང་ཕུར་ཟུར་གསུམ་པ༔  བསྣོལ་སྟབས་སྲིན་མོ་འགྲོས་སུ་བཙུགས་པ་ནི༔  ཉོན་མོངས་དགྲ་བགེགས་མ་ལུས་འདུལ་བའི་རྟགས༔  སྤྲུལ་པའི་ཕྱག་བརྙན་རྟགས་ཀྱི་ཕོ་ཉར་གསལ༔  རྩང་ཕུར་ཟུར་གསུམ་རྩེ་མོ་གཉིས་དང་ལྡན༔  ཡར་གྱི་རྩེ་མོས་ཆོས་ཉིད་དབྱིངས་སུ་འབིགས་༔  མར་ {{TibChung|[18a]}} གྱི་རྩེ་མོས་ངན་སོང་གནས་རྣམས་འབིགས༔  སྐེད་པ་རྒྱ་མདུད་ཕོ་ཉ་འབྱུང་བའི་གནས༔  ཡར་གྱི་རྩེ་མོ་ལྷག་མཐོང་ཡུལ་ལ་འཇུག༔  མར་གྱི་རྩེ་མོ་རྒྱུད་དྲུག་གནས་སུ་ཟུག༔  སྐེད་པ་རྒྱ་མདུད་ཁམས་གསུམ་དོན་དང་ལྡན༔  སྟོད་ཀྱི་རྩེ་ལ་གདུག་པའི་མེ་སྟག་འཕྲོ༔  སྨད་ཀྱི་རྩེ་མོར་དུག་གི་མེ་སྟག་འཕྲོ༔  སྐེད་པ་རྒྱ་མདུད་མཚོན་ཆའི་གུར་དུ་ཕུབ༔  ཡར་གྱི་རྩེ་མོར་རཾ་གྱི་ཐོག་སེར་འབེབས༔  མར་གྱི་རྩེ་མོར་མཚོན་ཆའི་བུ་ཡུག་འཚུབས༔  སྐེད་པ་རྒྱ་མདུད་ལྷ་ཡི་ཕོ་བྲང་བཅས༔  དམར་ནག་རྩང་ཕུར་སྲིན་མོ་འགྲོས་སུ་བཙུགས༔  རྩང་ཕུར་རྔམས་སྟབས་ཁྲབས་སེ་ཁྲབ༔  རྩང་ཕུར་གར་སྟབས་ཤིགས་སེ་ཤིག༔  རྩང་ཕུར་ཤ་ཟ་འཇིབས་སེ་འཇིབ༔  རྩང་ཕུར་ཁྲག་འཐུང་ཅིབས་སེ་ཅིབ༔  རྩང་ཕུར་རུས་འཆའ་ཆེམས་སེ་ཆེམ༔  ལས་མཁན་ཐམས་ཅད་དུས་ལ་བབ༔  འདི་ལྟར་བཟློག་པའི་ཕྲིན་ལས་མཛོད༔  བཟློག་ཅིག་མགོན་པོའི་བྱད་མཐུ་ཟློག༔  གཤིན་རྗེའི་འཁོར་ལོ་བསྐོར་བ༴   མགོན་པོས་སྦྱིན་སྲེག་བྱེད་པ༴   མ་མོས་ཐུན་ཟོར་འཕེན་པ༴   ཡུངས་དཀར་ཁྲོ་ {{TibChung|[18b]}} བོའི་དཔལ་ཟོར༴   བྱད་མ་ལྷ་དང་བཅས་པ༴   བནྡྷེ་ཡོངས་ཀྱི་བྱད་སྔགས༴   དགེ་སློང་ཡོངས་ཀྱི་པར་བུ༴   ཀླུ་བདུད་ནག་པོའི་གཏད་ཁྲམ༴   ཞང་ཞུང་བཙོད་དམར་འཕེན་པ༴   བོན་པོ་ཡོངས་ཀྱི་རྔ་ཟོར༴   མུ་སྟེགས་ངན་སྔགས་བྱེད་པ༴   བལ་མོའི་ངན་སྔགས་དམོད་མོ༴   རྒྱ་གར་ཆོས་ཀྱི་མཐུ་བྱེད༴   དྲང་སྲོང་དམོད་པའི་འདོར་བ༴   ཕྲ་མེན་མ་ཡི་ངན་བྱེད༴   སུམ་པའི་གླང་དམར་རོལ་བྱེད༴   བོད་ཀྱི་རྦོད་གཏོང་བྱེད་པ༴   བྲམ་ཟེའི་ངན་སྔགས་དམོད་པ༴   དྲི་ཟའི་དམོད་བྱེད་ཞི་འཐིབས༴   རྒྱལ་པོས་སྨྱོ་འབོག་གཏོང་བ༴   སྲིན་པོས་ཀོ་ཁ་གཏོང་བ༴   ཀླུ་ཡིས་བྱད་དུ་བཅུག་པ༴   བདུད་ཀྱིས་ཁྲམ་ལ་བཏབ་པ༴   བཙན་གྱིས་ཞགས་པ་འཕེན་པ༴   གནོད་སྦྱིན་རྩིས་ལ་འདེབས་པ༴   འབྱུང་པོས་ཉམས་སད་བལྟ་བ༴   མཚེ་ཟོར་ཡུངས་ཟོར་འཕེན་པ༴   ཐེ་བྲང་སྲིས་ལ་རྐུ་བ༴   གློ་བུར་ཡེ་འདྲོག་བྱེད་པ༴   འབྱུང་པོས་གོད་འདྲེ་བྱེད་པ༴   བསེ་རག་སྲིས་ལ་རྐུ་བ༴   ཕ་ཚན་ནང་གི་བརྒྱ་འདྲེ༴   མ་ཚན་ནང་གི་སྟོང་འདྲེ༴   བདུད་བཙན་ཡོངས་ཀྱི་ཕུང་ཟོར༴   མ་སྲུའི་སྒབ་འདྲེ་བྱུང་བ༴   བྱིས་པའི་ཆུང་སྲི་ལངས་པ༴   གསོན་གྱི་བདུད་དུ་གཡོས་པ༴   གཤིན་ {{TibChung|[19a]}} གྱི་དུར་སྲི་ལངས་པ༴   རུས་ལ་ཚིག་ངན་གླེང་བ༴   སྣག་མཚན་ངན་འཐབ་པ༴   རྟ་ནད་ནོར་ནད་ཐམས་ཅད༴   ལོ་དགྲ་རྩྭ་དགྲ་སད་སེར༴   ཡེ་འདྲོག་སུམ་བརྒྱ་དྲུག་ཅུ༴   ནད་རིགས་བཞི་བརྒྱ་རྩ་བཞི༴   ཀག་ཆེན་སུམ་བརྒྱ་དྲུག་ཅུ༴   ལྟས་ངན་ཉི་ཁྲི་ཆིག་སྟོང་༴   བགེགས་རིགས་སྟོང་ཕྲག་བརྒྱད་ཅུ༴   ཕྱི་ཡི་ལྟས་ངན་ཕྱི་རུ༴   ནང་གི་ལྟས་ངན་ནང་དུ༴   བར་གྱི་ལྟས་ངན་བར་དུ་ཟློག༔  ས་མ་ཡ་བྷྱོ་བྷྱོ་ཟློག་ཟློག༔   {{TibChung|གསུམ་པ་ཁྱུང་ཟློག་ནི།}} ཧཱུྃ༔  རི་རབ་ཆེན་པོ་རི་ཡི་རྩེ་མོ་ན༔  དཔག་བསམ་ལྗོན་པ་ཤིང་གི་སྡོང་པོ་ལ༔  འཇིགས་བྱེད་སྤྲུལ་པའི་བྱ་ཁྱུང་ཁྲོ་བོའི་རྒྱལ༔  ཁྲོ་རྒྱལ་དག་དང་དགོངས་པ་མཉམ་པར་བཞུགས༔  ཐབས་དང་ལྡན་པས་ཤེས་རབ་ཡུམ་དང་སྦྱོར༔  གསེར་མིག་འཁྱིལ་བའི་ཁྱུང་ཆེན་དཀར་ལ་འཚེར༔  གནམ་ལྕགས་ཨུ་རྨོའི་མཆུ་སྡེར་ཕྱར་བ་ཡིས༔  ས་བདག་ཀླུ་གཉན་འདར་ཞིང་འཇིགས་པར་བྱེད༔  ཁྲོ་ཆུའི་རྭ་ལ་བསྐལ་པའི་མེ་ཆེན་འབར༔  གཤོག་པ་གསེར་གྱི་རལ་གྲི་གདེངས་པ་ཡིས༔  སྣང་སྲིད་མ་ལུས་ཟིལ་གྱིས་གནོན་པར་བྱེད༔  གཡུ་ཡི་མཁལ་ཁེབས་ལེ་བརྒན་གཤོག་པས་མཛེས༔  མཇུག་ {{TibChung|[19b]}} མ་གཡུ་ཡི་རུ་མཚོན་ཕྱོགས་བཅུར་འབར༔  རིན་ཆེན་སྣ་ཚོགས་རྡོ་རྗེའི་ཐེའུ་བྲན་མཛེས༔  འཁོར་ལོ་རིན་ཆེན་འབར་བས་དབུ་ལ་བརྒྱན༔  རྣལ་འབྱོར་བདག་གིས་བྱ་ཁྱུང་བོས་པའི་ཚེ༔  སྔོན་གྱི་ཐུགས་དམ་ལས་ལ་བསྐུལ་བ་ཡི༔  སྤྱན་ནས་ཁྲག་གི་རྦ་ཀློང་ཆི་ལི་ལི༔  ཁྱུང་སྐད་ཏང་ཏང་ཀླུ་རྣམས་སྙིང་རྩ་འདར༔  གཤོག་པ་གཡས་པས་ཉི་ཟླ་ཚོགས་པོར་འཕེན༔  གཤོག་པ་གཡོན་པས་ས་གཞི་གདར་ཤ་གཅོད༔  ལྕགས་སྡེར་བགྲད་པས་ཚངས་པའི་ཡུལ་ས་གནོན༔  གཤོག་པ་བརྡབ་པས་གཟའ་ཀླུ་དབང་དུ་སྡུད༔  བྱ་ཁྱུང་རྒྱལ་པོ་འབོད་དོ་སྙན་མ་སྲ༔  བྱ་ཁྱུང་རྒྱལ་པོ་གཡབ་བོ་སྤྱན་མ་རྟུལ༔  བྱ་ཁྱུང་རྒྱལ་པོ་བརྟེན་ནོ་རྒྱང་མ་རིང་༔  བྱ་ཁྱུང་རྒྱལ་པོ་སྒྲུབ་བོ་མཐུ་མ་ཆུང་༔  བྱ་ཁྱུང་རྒྱལ་པོ་བསྐུལ་ལོ་རྩལ་མ་ཞན༔  ལྟས་ངན་བཟློག་ཅིང་ཕྲིན་ལས་བསྒྲུབ་པའི་ཕྱིར༔  རི་རབ་རྩེ་ཡི་གནས་མཆོག་དམ་པ་ནས༔  བསྟན་པ་བསྲུང་ཕྱིར་གནས་འདིར་སྤྱན་འདྲེན་ན༔  འགྲོ་བའི་དོན་ཕྱིར་མཆོད་ཀྱིས་གཤེགས་སུ་གསོལ༔  སྣང་སྲིད་འདོད་ཡོན་ཆོས་དབྱིངས་མཆོད་པ་དང་༔  རྨད་དུ་བྱུང་བ་གཏོར་མའི་མཆོད་པ་དང་༔  དམ་རྫས་བདུད་རྩི་འབར་བའི་ {{TibChung|[20a]}} མཆོད་པ་དང་།  སྦྱོར་སྒྲོལ་རཀྟའི་མཆོད་པ་ཆེན་པོས་མཆོད༔  སྲིད་པའི་བྱ་ཁྱུང་རིགས་ལྔ་འཁོར་བཅས་ཀྱི༔  ཐུགས་དམ་མ་གཡེལ་བཅོལ་བའི་ཕྲིན་ལས་མཛོད༔  དགྲ་བགེགས་གཤེད་གྱུར་བྱ་ཁྱུང་རྒྱལ་པོ་ཡིས༔  ལྟས་ངན་མ་ལུས་བཟློག་བསྒྱུར་དུས་ལ་བབ༔  ཆག་ཆེ་ཉམ་ང་བཟློག་པའི་ཕྲིན་ལས་མཛོད༔   {{TibChung|ཅེས་བསྐུལ་ལ་ལྟས་ངན་དམིགས་ཀྱིས་བཟློག་པ་ནི།}} ཧཱུྃ༔  བདག་ཉིད་དཔལ་ཆེན་ཁྲོ་རྒྱལ་གྱི༔  དབུ་ལ་ཁྱུང་ཆེན་འབར་བས་བརྒྱན༔  ཁྱུང་གི་རལ་ནག་སྤྲུགས་པ་ལས༔  སྲིད་པའི་མ་མོ་ཐམས་ཅད་འཁྲུགས༔  གཞན་སྤྲུལ་ཁྲོ་བོའི་ཚོགས་ཀྱིས་གང་༔  གཡས་ཀྱི་གཤོག་ཟུར་ལྔ་པོ་ལ༔  སྟེང་གི་ཁྲོ་བོ་བཅུད་དང་ནི༔  གསང་བའི་ཁྲོ་བོ་བཅུ་རུ་འབར༔  སྤྱི་དཔལ་ཁྲོ་བོ་བཅུ་དང་ནི༔  རྫོགས་པ་ཆེན་པོའི་ཁྲོ་བཅུ་འབར༔  ཏ་ཀྲྀཏ་ཁྲོ་བོ་བཅུ་དྲུག་ཤར༔  ལྟས་ངན་མི་རུང་སྣ་དགུ་ཡང་༔  བཟློག་གོ་ཁྱུང་ཆེན་འབར་བས་ཟློག༔  བསྒྱུར་རོ་ཆག་ཆེན་དགྲ་ལ་སྒྱུར༔  གཡོན་གྱི་གཤོག་ཟུར་ལྔ་པོ་ལ༔  སྲོག་རྩའི་མ་མོ་བདུན་དུ་ཤར༔  ཨེ་ཀ་དྲག་མོ་སྤུན་དྲུག་དང་༔  སྲིན་མོ་འབར་མ་བདུན་དུ་ཤར༔  གདོང་མོ་བཞི་དང་རྒྱལ་མོ་ལྔ༔  དབང་མོ {{TibChung|[20b]}} ཉེར་བརྒྱད་སྤྲུལ་པ་བྱུང་༔  ལྟས་ངན་བརྒྱད་ཅུ་རྩ་གཅིག་དང་༔  ཡེ་འདྲོག་སུམ་བརྒྱ་དྲུག་ཅུ་དང་༔  གློ་བུར་དགུ་བཅུ་རྩ་གཅིག་ཟློག༔  བཟློག་གོ་སྡང་བའི་དགྲ་ལ་ཟློག༔  བསྒྱུར་རོ་གནོད་པའི་བགེགས་ལ་སྒྱུར༔  ཁྱུང་གི་མཇུག་སྒྲོ་བརྒྱད་པོ་ལ༔  རྒྱལ་མོ་བཞི་དང་གདོང་མོ་བཞི༔  སྤྲུལ་པའི་མ་མོ་བརྒྱད་དུ་ཤར༔  ཆག་ཆེ་ཉམ་ང་ཐམས་ཅད་ཀུན༔  བཟློག་གོ་སྡང་བའི་དགྲ་ལ་ཟློག༔  བསྒྱུར་རོ་གནོད་པའི་བགེགས་ལ་སྒྱུར༔   {{TibChung|ཞེས་དང་།  སླར་ཡང་།}} ཧཱུཾ༔  ཁྲོ་རྒྱལ་ཁམས་གསུམ་ཧཱུཾ་སྒྲ་ཅན༔  སྐུ་ལ་ཟངས་ཁྲབ་འོད་ཀྱིས་མཛེད༔  ཕྱག་ན་མདུང་དམར་ཆེམས་སེ་ཆེམ༔  བ་དན་རྩེ་གསུམ་གཡབ་མོས་འདེབས༔  གཡས་ནས་བསྐོར་བས་ལྷ་སྲིན་སྡུད༔  གཡོན་ནས་བསྐོར་བས་ཀླུ་སྲིན་སྡུད༔  ཀླད་ལ་བསྐོར་བས་བདུད་དཔུང་འཇོམས༔  སྲོག་ལ་དབང་བྱེད་དྲོད་ལ་ཁྱབ༔  ཡེ་ཤེས་ཁྱུང་ཆེན་འབར་བ་ཡིས༔  ལྟས་ངན་དམིགས་ཀྱིས་གཞིག་ཏུ་གསོལ༔  ལྟས་ངན་དམིགས་ཀྱིས་བསྒྲལ་དུ་གསོལ༔  ལྟས་ངན་དམིགས་ཀྱིས་བཟློག་ཏུ་གསོལ༔  མཐིང་ནག་ཁྲོ་བོའི་ཞལ་ཁྱིམ་གྱིས༔  གདོང་ཅན་ལྟས་ངན་བཅུ་དྲུག་ཟློག༔  རྣོ་དཔལ་ཁྲོ་ཆུའི་རྭ་ཅོ་ཡིས༔  རྭ་ {{TibChung|[21a]}} ཅན་ལྟས་ངན་བཅུ་དྲུག་ཟློག༔  རལ་གྲི་འབར་བའི་གཤོག་པ་ཡིས༔  འདབ་ཆགས་ལྟས་ངན་བཅུ་དྲུག་ཟློག༔  ལྕགས་ཀྱུ་ངར་མའི་སྡེར་མོ་ཡིས༔  སྡེར་ཆགས་ལྟས་ངན་བཅུ་དྲུག་ཟློག༔  གནམ་ལྕགས་ཨུར་མོའི་མཆུ་དཔལ་གྱིས༔  ལྟོ་འགྲོའི་ལྟས་ངན་བཅུ་དྲུག་ཟློག༔  ལྟས་ངན་བརྒྱད་ཅུ་རྩ་གཅིག་ཟློག༔  བྷྱོ་བྷྱོ་སྡང་བའི་དགྲ་ལ་ཟློག༔  བྷྱོ་བྷྱོ་གནོད་པའི་བགེགས་ལ་ཟློག༔  བྷྱོ་བྷྱོ་ཟ་བའི་འདྲེ་ལ་ཟློག༔  བྷྱོ་བྷྱོ་ཕུང་བའི་སྲི་ལ་ཟློག༔  བསྒྱུར་རོ་ལྟས་ངན་དགྲ་ལ་སྒྱུར༔  ཁྲོཾ་ག་རུ་ཌ་སྣང་སྲིད་ལྷ་སྲིན་སྡེ་བརྒྱད་ཀྱི་ལྟས་ངན་ཆོ་འཕྲུལ་ཐམས་ཅད་བྷྱོ་བྷྱོ་ཟློག་ཅིག་སྒྱུར་ཅིག༔   {{TibChung|གཉིས་པ་ཁྱད་པར་གྱི་ཟློག་པ་ལ།  དངོས་དང་།  ཟབ་པའི་མདེའུ་ཁ་སྦྱོར་བ་གཉིས་ཀྱི།  དང་པོ་ལ།  ཕྱིའི་གཏོར་མས་འཁོར་བ་མྱ་ངན་ལས་འདས་པར་བཟློག་པ་ནི།}}  ཧཱུྃ༔  སྣང་ཞིང་སྲིད་པས་བསྡུས་པ་ཡི༔  སྣོད་ཀྱི་འཇིག་རྟེན་ཐམས་ཅད་ཀུན༔  ཡེ་ཤེས་གཞལ་ཡས་ཁང་དུ་སྒྱུར༔  ཐ་མལ་རང་གི་འཁྲུལ་སྣང་ཟློག༔  སྐྱེ་འགྲོ་སེམས་ཅན་ཐམས་ཅད་ཀུན༔  གཉིས་མེད་སངས་རྒྱས་ཉིད་དུ་སྒྱུར༔  སེམས་ཅན་ཆགས་སྡང་འཁྲུལ་པ་ཟློག༔  འཁོར་བའི་སྡུག་བསྔལ་སྣ་ {{TibChung|[21b]}} ཚོགས་ཀུན༔  གཉིས་མེད་བདེ་བ་ཆེན་པོར་སྒྱུར༔  གཉིས་སྣང་རྟོག་པ་ཆོས་སྐུར་ཟློག༔  འཁོར་བའི་སེམས་ཅན་ཐམས་ཅད་ཀུན༔  མྱང་འདས་བདེ་བ་ཆེན་པོར་སྒྱུར༔  ཆོས་སྐུ་སྐྱེ་མེད་ངང་དུ་ཟློག༔   {{TibChung|ནང་གི་གཏོར་མས་སེམས་ཅན་སངས་རྒྱས་སུ་བཟློག་པ་ནི།}} ཧཱུྃ༔  སྐྱེ་འགྲོ་སེམས་ཅན་ཐམས་ཅད་ཀུན༔  ལྷ་དང་ལྷ་མོའི་ངང་དུ་སྒྱུར༔  ཐ་མལ་རང་རྒྱུད་འཛིན་པ་ཟློག༔  སྐྱེས་པ་ཞེ་སྡང་རང་བཞིན་ལ༔  མེ་ལོང་ཡེ་ཤེས་ངང་དུ་སྒྱུར༔  གསལ་སྟོང་བདེ་བ་ཆེན་པོར་ཟློག༔  བུད་མེད་འདོད་ཆགས་རང་བཞིན་ལ༔  ཀུན་རྟོག་ཡེ་ཤེས་ངང་དུ་སྒྱུར༔  འཛིན་ཞེན་མེད་པའི་ཀློང་དུ་ཟློག༔  སྐྱེ་འགྲོ་སེམས་ཅན་ཐམས་ཅད་ཀུན༔  ཕོ་ནི་ཐབས་ཀྱི་རང་བཞིན་ལ༴   མོ་ནི་ཤེས་རབ་རང་བཞིན་ཏེ༔  ཐབས་དང་ཤེས་རབ་གཉིས་སུ་མེད༔  གཉིས་མེད་སངས་རྒྱས་ཉིད་དུ་ཟློག༔   {{TibChung|གསང་བའི་གཏོར་མས་དུག་ལྔ་ཡེ་ཤེས་ལྔར་ཟློག་པ་ནི།}} ཧཱུྃ༔  གཏི་མུག་མ་རིག་མུན་པ་ནི༔  ཆོས་དབྱིངས་ཡེ་ཤེས་ཉིད་དུ་སྒྱུར༔  མ་རིག་འཁྲུལ་པའི་རྟོག་པ་ཟློག༔  ཞེ་སྡང་བརྣག་པའི་རྟོག་པ་ནི༔  མེ་ལོང་ཡེ་ཤེས་ཉིད་དུ་སྒྱུར༔  འགྲན་སེམས་ངན་པའི་རྟོག་པ་ཟློག༔  ང་རྒྱལ་ཁེངས་པའི་རྟོག་ {{TibChung|[22a]}} པ་ནི༔  མཉམ་ཉིད་ཡེ་ཤེས་ངང་དུ་སྒྱུར༔  དམན་པ་ཁྱད་གསོད་རྟོག་པ་ཟློག༔  འདོད་ཆགས་ཞེན་པའི་རྟོགཔ་ནི༔  ཀུན་རྟོག་ཡེ་ཤེས་ཉིད་དུ་སྒྱུར༔  འཛིན་ཆགས་མེད་པའི་ངང་དུ་ཟློག༔  ཕྲག་དོག་མནར་བའི་རྟོག་པ་ནི༔  ནན་ཏན་ཡེ་ཤེས་ཉིད་དུ་སྒྱུར༔  དམན་སེམས་ངན་པ་བཟློག་ཏུ་གསོལ༔   {{TibChung|གཉིས་མེད་གཏོར་མས་ཕུང་ཁམས་སྐྱེ་མཆེད་ལྷའི་འཁོར་ལོར་བཟློག་པ་ནི།}} ཧཱུྃ༔  ཕུང་ལྔ་རྒྱལ་བ་རིགས་ལྔར་ཟློག༔  འབྱུང་ལྔ་ཡུམ་ལྔའི་ངང་དུ༴   དབང་ཤེས་སེམས་དཔའ་བརྒྱད་དུ༴   ཡུལ་དུས་སེམས་མ་བརྒྱད་དུ༴   མཐའ་བཞི་སྒོ་བ་བཞི་རུ༴   རིགས་དྲུགལ་ཐུབ་པ་དྲུག་ཏུ༴   ཐ་མལ་རང་རྒྱུད་འཁྲུལ་རྟོག་ཀུན༔  ཆོས་དབྱིངས་སྐྱེ་མེད་ངང་དུ་ཟློག༴   སྣང་སྲིད་བདེ་བ་ཆེན་པོར་ཟློག༔  བཟློག་ཅིག་བསྒྱུར་ཅིག་ས་མ་ཡ༔   {{TibChung|ཞེས་བརྗོད་ཅིང་དོན་བསྒོམ་མོ།  །གཉིས་པ་ཟབ་པའི་མདེའུ་ཁ་སྦྱར་བ་ལ་གཉིས་ཀྱི།  དང་པོ་སྔགས་བཟློག་བྱ་བ་ནི།}} ཁྲག་འཐུང་འཁོར་དང་བཅས་པ་རྣམས༔  ཁྲོས་འཁྲུགས་རྔམས་པའི་གཟི་བྱིན་འབར༔  ཞལ་ཕྱིར་གཟིགས་ནས་ཟློག་པའི་སྔགས༔  འབྲུག་སྟོང་ལྡིར་བ་ལྟར་བསྒྲགས་པས༔  སྐུ་ལས་ཕོ་ཉ་འབར་བའི་མེ༔  གཡོ་བྱེད་རླུང་གི་ {{TibChung|[22b]}} ཤུགས་ཅན་འཕྲོས༔  བྱང་ཆུབ་སྒྲུབ་ལ་བར་ཆད་ཀུན༔  རྒྱ་མཚོའི་ཕ་མཐར་བཟློག་ཅིང་བསྐྲད༔  མིང་གི་ལྷག་མ་མེད་པར་གྱུར༔   {{TibChung|ཅེས་དྲག་པོའི་སྡང་མིག་གཟིར་ལ་དྲག་སྔགས་མེ་ཕུང་མའི་གཤམ་དུ།}}   བཛྲ་ཀརྨ་ཡཀྵ་སརྦ་དུཥྚན་ཨ་ཁ་ཀ་ར་ཛྭ་ལ་ཛྭ་ལ་རཾ་རཾ་ཡཾ་ཡཾ་བྷྱོ་བྷྱོ་ཟློག་ཟློག་བྷྱོ་ཟློག་ཅིག༔   {{TibChung|ཅེས་བརྒྱ་རྩ་སོགས་ཅི་འགྲུབ་བཟླས་མཐར།  བདེན་སྟོབས་བརྗོད་པ་སྤྱི་ལྟར་ལས།}} རྣལ་འབྱོར་པ་བདག་ཅག་དཔོན་སློབ་ཡོན་མཆོད་འཁོར་དང་བཅས་པ་རྣམས་ལ་སྔོན་གྱི་ལས་དང་འཕྲལ་གྱི་རྐྱེན་ལས་བྱུང་བའི་དགྲ་བགེགས་ཆག་ཆེ་ཉམ་ང་བྱད་ཕུར་རྦོད་གཏོང་ནད་གདོན་བར་ཆད་མི་མཐུན་པའི་ཕྱོགས་ཐམས་ཅད་གནོད་བྱེད་དགྲ་བགེགས་བྱད་མའི་སྟེང་དུ་མཱ་ར་ཡ་བྷྱོ་ཟློག༔   {{TibChung|ཅེས་ཐལ་རྡེལ་བྱའོ།  །གཉིས་པ་ལ།  ཡང་ཟློག་དང་།  ཉིང་ཟློག་གཉིས་ཀྱི།  དང་པོ་ནི།  སྔགས་པ་ནང་རྒྱས་ནས་ཟློག་པར་སླར་ལོག་པ་ལ་བྱ་བ་སྟེ།}} བདག་གི་ཐུགས་ནས་འོད་འཕྲོས་པས༔  ལས་རྒོལ་ལྷ་སྲུང་དབང་མེད་བཀུག༔  ཟོར་ཆེན་དཀྱིལ་འཁོར་མཐའ་སྐོར་དུ་༔  འདར་ཞིང་འདུད་པས་འཁོད་པར་གྱུར༔   {{TibChung|དུག་གཏོར་ཤ་ཁྲག་ལིངྒ་རྣམས་ཐོད་པའམ་ལྕགས་སྣོད་དུ་བཤམས་ལ་བྱད་མ་འགུགས་བསྟིམ་དྲག་པོ་བྱ།  དེ་ཉིད་ཕ་རོལ་སྐྱོབ་བྱེད་ {{TibChung|[23a]}} ལྷ་སྲུང་ལ་བསྟབས་པས་དབང་མེད་དུ་ཟོས་པར་དམིགས་ཤིང་།}} སརྦ་དེ་བ་པཱ་ལ་བིགྷྣཱན་ཤ་ཏྲུཾ་མ་ཧཱ་མཱཾ་ས་རཀྟ་ཀེཾ་ནི་རི་ཏི་བ་ལིཾ་ཁ་ཁ་ཁཱ་ཧི་ཁཱ་ཧི༔   {{TibChung|ཞེས་ལན་བདུན་ནམ་གསུམ་གྱིས་བསྟབ།  དེ་ཉིད་ཕ་རོལ་པོ་ལ་ཤིན་ཏུ་ཁྲོས་ཤིང་འཁྲུགས་ནས་ཞེ་སྡང་གི་ངར་བསྐྱེད་པར་བསམ་ལ།}} ཧཱུྃ༔  ཉོན་ཅིག་ཕས་རྒོལ་གདུག་ཅན་ལ༔  འགོ་ཞིང་ལས་བྱེད་ལྷ་སྲུང་ཚོགས༔  དཔལ་ཆེན་ཧེ་རུ་ཀ་ཡི་བཀའ༔  རྡོ་རྗེའི་ཐ་ཚིག་སྙིང་ལ་གཤེར༔  ལས་ངན་སྡིག་ཅན་བྱད་མ་འདི༔  དང་པོ་ཞེ་སྡང་ཕ་ལས་བྱུང་༔  བར་དུ་འདོད་ཆགས་མ་ཡི་མངལ༔  ཐ་མ་གཏི་མུག་ལྟེ་བར་འཁོར༔  དུག་གསུམ་རིམ་གྱིས་བརྟས་པ་ལས༔  ང་རྒྱལ་ཕྲག་དོག་རླུང་ལྟར་འཚུབས༔  སངས་རྒྱས་བསྟན་པ་གཉན་པོ་བཤིག༔  དཀོན་མཆོག་གསུམ་གྱི་དབུ་འཕང་སྨད༔  ཉེས་མེད་སེམས་ཅན་སྡུག་ལ་སྦྱར༔  ཁྱད་པར་རྣལ་འབྱོར་བདག་ཅག་གི༔  དམ་ལས་འགལ་ཞིང་བཀའ་ལ་བརྐུས༔  བྱད་ཕུར་རྦོད་གཏོང་ངན་སྦྱོར་བརྩོན༔  བསྒྲལ་བའི་ཞིང་བཅུར་གྱུར་པས་ན༔  ཁྱེད་རྣམས་འགོ་ཞིང་བསྐྱབས་བྱེད་ན༔  དཔལ་གྱི་བཀའ་ཆད་འབེབས་ཏ་རེ༔  རྡོ་རྗེ་ཁྲོ་བོ་གནོད་སྦྱིན་གྱིས༔  སྐེ་ཁྲག་གཞིབ་ཅིང་ {{TibChung|[23b]}} ལུས་སྲོག་འཕྲོག༔  དེ་བས་དམ་ལས་མ་འགལ་བར༔  བྱད་མ་མཁན་གྱི་སྟེང་དུ་རྒྱུག༔  རང་གཤེད་རང་གི་སྟེང་དུ་ཕོབ༔  རང་ཤ་ཟོ་ལ་རང་ཁྲག་འཐུང་༔  འཇིགས་པའི་ཆོ་འཕྲུལ་ལྟས་ངན་ཕོབ༔  བདུན་རྒྱུད་རིགས་བརྒྱུད་རྩད་ནས་ཆོསས༔  ཁ་ཕུང་རྗེས་ཤུལ་མེད་པར་གྱིས༔  སརྦ་དེ་བ་པཱ་ལ་ས་མ་ཡ་བྷྱོ་བྷྱོ་ཟློག་ཟློག་མཱ་ར་ཡ་རྦད་རྦད༔   {{TibChung|དེ་ནས་འཇམ་དཔལ་ལྷ་ཚོགས་ཡང་ཟློག་གི་ཕྲིན་ལས་ལ་བསྐུལ་བ་ནི།}} ཧཱུྃ༔  ཁྲག་འཐུང་རོལ་པའི་ཕོ་བྲང་ཆེ༔  དུར་ཁྲོད་རབ་འཇིགས་གཞལ་མེད་ཁང་༔  ལྷོ་ཡི་ཕྱོགས་ཀྱི་དཀྱིལ་འཁོར་ནས༔  འཇམ་དཔལ་ཁྲག་འཐུང་གཤིན་རྗེའི་གཤེད༔  གཙོ་འཁོར་སྤྲུལ་པར་བཅས་པ་རྣམས༔  བྷྱོ་ཟློག་ཕྲིན་ལས་དུས་ལ་བབ༔  དགྲ་བགེགས་ཤ་ཁྲག་གཏོར་མ་བཞེས༔  ལོ་ཟླ་ཞག་དུས་གཤེད་ཀྱི་ཚོགས༔  གྲངས་མེད་ཉི་ཟེར་རྡུལ་ལྟར་སྤྲོས༔  ཕས་རྒོལ་ལྷ་སྲུང་ཚོགས་དང་བཅས༔  བྱད་ཕུར་རྦོད་གཏོང་སླར་ཟློག་པའི༔  མངོན་སྤྱོད་དྲག་པའི་བརྟུལ་ཞུགས་བསྐྱེད༔  རང་གཤེད་དྲག་པོ་རང་ལ་ཕོབ༔  རྣལ་འབྱོར་བདག་ཅག་འཁོར་བཅས་ཀྱི༔  ལྷ་སྲུང་བདུད་དུ་བབས་པ་དང་༔  ཕྱི་ནང་འབྱུང་བ་དགྲ་གཤེད་ཀྱི༔  བྱད་ཕུར་རྦོད་གཏོང་ཐན་ལྟས་ {{TibChung|[24a]}} ངན༔  ནད་གདོན་ཆག་ཆེ་ཉམ་ང་དང་༔  བརྒྱད་དང་བཅུ་དྲུག་འཇིགས་པའི་ཚོགས༔  འགལ་རྐྱེན་བར་ཆད་མི་མཐུན་ཕྱོགས༔  སྡང་བྱེད་དགྲ་ཡི་སྟེང་དུ་བྷྱོ༔  གནོད་བྱེད་བྱད་མའི་སྟེང་དུ་ཟློག༔  རང་ཤ་ཟོ་ལ་རང་ཁྲག་འཐུང་༔  ཡང་ཟློག་དྲག་པོའི་ཕྲིན་ལས་མཛོད༔   {{TibChung|ཅེས་ཚར་གྲངས་གང་འོས་དང་།}} ཨོཾ་ཧཱུཾ་ཏྲིག་ཁྲོཾ་བྷྱོ༔  མ་ཎི་མཱ་ར་ཎི་བྷྱོ༔  མཱ་ར་དུན་བྷྱོ༔  རཀྨོ་རཀྴན་བྷྱོ༔  ཏིང་ཡ་རཀྴ་བྷྱོ༔  ཡ་མ་རཱ་ཛ་བྷྱོ༔  མཱ་ར་ཡ་ཀཱི་ལ་ཡ་བྷྱོ༔   {{TibChung|ཞེས་སྔགས་ཅི་འགྲུབ་བཟླས་ལ།}} གཤིན་རྗེ་བྱད་མའི་ལྷ་སྲུང་བཅས༔  འཇིགས་པའི་ངར་བསྐྱེད་དམག་ལ་ཆས༔  རང་གི་མི་མཐུན་བཟློག་ཅིང་བསྒྱུར༔  ཕས་རྒོལ་ལྷག་མེད་བཅོམ་པར་གྱུར༔  ན་མོ༔  བླ་མའི་བཀའ་བདེན་པ་དང་༔  སངས་རྒྱས་ཀྱི༴   ཆོས་ཀྱི༴   དགེ་འདུན་གྱི༴   ཡི་དམ་ལྷ་ཚོགས་རྣམས་ཀྱི༴   མཁའ་འགྲོ་ཆོས་སྐྱོང་རྣམས་ཀྱི༴   འཇམ་དཔལ་གཤིན་རྗེ་གཤེད་པོའི་ལྷ་ཚོགས་རྣམས་ཀྱི་བཀའ༴   སྔགས་འཆང་བདག་གི་ངག་བདེན་པའི་མཐུས༔  རྣལ་འབྱོར་པ་བདག་ཅག་འཁོར་དང་བཅས་པའི་ཆག་ཆེ་བ༔  ཉམ་ང་བ༔  རྨི་ལམ་ངན་པ༔  མཚན་མ་ངན་པ༔  ལྟས་ངན་པ༔  ཕ་རོལ་གྱི་དམག་ཚོགས༔  རྦད་ {{TibChung|[24b]}} འདྲེ༔  རྦོད་གཏོང་༔  བྱད་ཁ༔  ཟོར་ཁ༔  ཕུར་པ༔  གཏད་ཁ༔  ཁྱད་པར་དུ་བཟློག་པ་བྱས་པའི་མཐུ་དང་ནུས་པ་ཐམས་ཅད་བྱད་མ་ཁོ་རང་གི་གཤེད་དུ་ཕོབ་ཅིག༔  རང་གཤེད་རང་ལ་ཕོབ་ཅིག༔  རང་སྲོག་རང་གིས་ཆོད་ཅིག༔  རང་ཤ་རང་གིས་ཟོ་ཞིག༔  རང་ཁྲག་རང་གིས་འཐུངས་ཤིག༔  ཁོའི་ལྷ་སྲུང་ཐམས་ཅད་ཁོ་རང་གི་གཤེད་དུ་ཕོབ་ཅིག༔  བདག་གི་ཆོས་སྐྱོང་ཐམས་ཅད་ཁོའི་གཤེད་དུ་ཕོབ་ཅིག༔  མཱ་ར་ཡ་ཟློག་བྷྱོ་བྷྱོ༔   {{TibChung|ཞེས་ཐལ་རྡེབ་དམོད་མོ་དང་བཅས་ཐུན་གཏོར་དགྲ་ཕྱོགས་སུ་འཕང་ངོ་།  །གཉིས་པ་ནི།  དེ་ལྟར་བྱས་ཀྱང་ཕྱིར་ལོག་པའི་རྟགས་མཐོང་ན་གསང་བདག་དྲེགས་འདུལ་ཕོ་ཉ་ལོཀྟྲི་དང་བཅས་པ་ལ་གཏོར་མ་ལིངྒ་ཤ་ཁྲག་བཤམས་པར་འགུགས་བསྒྲལ་བྱ།}} ཨོཾ་བཛྲ་ཙཎྜ་སརྦ་དུཥྚན་ཧཱུྃ་ཕཊ༔  སརྦ་ཤ་ཏྲུཾ་བིགྷྣཱན་མཱཾ་ས་རཀྟ་ཀེཾ་ནི་རི་ཏི་བ་ལིཾ་ཏ་ཁ་ཁ་ཁཱ་ཧི་ཁཱ་ཧིཿ    {{TibChung|ཞེས་ལན་གསུམ་སོགས་ཀྱིས་བསྟབས་ལ།}} ཧཱུཾ༔  ཁྲག་འཐུང་རོལ་པའི་ཕོ་བྲང་ཆེ༔  དུར་ཁྲོད་འཇིགས་པའི་གཞལ་མེད་ཁང་༔  ནུབ་བྱང་མཚམས་ཀྱི་དཀྱིལ་འཁོར་ནས༔  གསང་བདག་དྲེགས་པ་ཀུན་འདུལ་ཆེ༔  གཙོ་འཁོར་སྤྲུལ་པར་བཅས་པ་རྣམས༔  དགྲ་བགེགས་ཤ་ཁྲག་གཏོར་མ་རོལ༔   {{TibChung|[25a]}} ཉིང་ཟློག་ཕྲིན་ལས་དུས་ལ་བབ༔  ཐུགས་ལས་སྤྲུལ་པའི་ཕོ་ཉ་ནི༔  སྲིད་གསུམ་གཡོ་ཞིང་འཁྲུགས་བྱེད་པ༔  སྔགས་རྒོད་ལོག་ཏྲི་པཱ་ལ་ཆེ༔  འབུམ་ཕྲག་དམོད་པའི་དྲང་སྲོང་ཚོགས༔  དྲེགས་པའི་སྡེ་དཔོན་དཔུང་དང་བཅས༔  གློག་ལྟར་འཁྱུགས་ཤིང་ཐོག་ལྟར་ཕོབ༔  གདུག་ཅན་ཞིང་བཅུ་ཚང་བ་ཡི༔  བྱད་མ་བརླངས་པོར་སྤྱོད་པ་ཡིས༔  སླར་ཡང་ཟློག་པའི་ལས་སྦྱོར་གྱིས༔  རྣལ་འབྱོར་བདག་ཅག་འཁོར་བཅས་ལ༔  ལུས་ཀྱི་ན་ཚ་བྱུང་བ་རྣམས༔  བྱད་མ་མཁན་གྱི་སྟེང་དུ་བྷྱོ༔  སེམས་ཀྱི་རྣམ་གཡེང་སྡུག་བསྔལ་ཀུན༔  བྱད་མ་མཁན་གྱི་སྟེང་དུ་ཟློག༔  འཇིགས་པ་བརྒྱད་དང་བཅུ་དྲུག་ཀུན༔  བྱད་མ་མཁན་གྱི་སྟེང་དུ་བྷྱོ༔  སྡེ་བརྒྱད་གདུག་པའི་ཆོ་འཕྲུལ་དཔུང་༔  བྱད་མ་མཁན་གྱི་སྟེང་དུ་ཟློག༔  ལྷ་སྲུང་བདུད་དུ་བབས་པ་རྣམས༔  བྱད་མ་མཁན་གྱི་སྟེང་དུ་བྷྱོ༔  ཆག་ཆེ་ཉམ་ང་ཐན་ལྟས་ངན༔  བྱད་མ་མཁན་གྱི་སྟེང་དུ་ཟློག༔  མོ་པྲ་རྨི་ལམ་དངོས་ཉམས་འཚུབས༔  བྱད་མ་མཁན་གྱི་སྟེང་དུ་བྷྱོ༔  ཕྱི་ནང་གསང་བའི་བར་ཆད་ཀུན༔  བྱད་མ་མཁན་གྱི་སྟེང་དུ་ཟློག༔  བན་བོན་སྔགས་པའི་མཐུ་གཏད་ཀུན༔  བྱད་མ་མཁན་ {{TibChung|[25b]}} གྱི་སྟེང་དུ་བྷྱོ༔  ཧོམ་དང་སྡེབ་གཤོར་ཕུར་བུ་བསྐོར༔  བྱད་མ་མཁན་གྱི་སྟེང་དུ་ཟློག༔  སྣོད་བཅུད་རྒུད་ཅིང་འཁྲུགས་པའི་ཚོགས༔  བྱད་མ་མཁན་གྱི་སྟེང་དུ་བྷྱོ༔  མདོར་ན་འགལ་རྐྱེན་མི་མཐུན་ཀུན༔  བྱད་མ་མཁན་གྱི་སྟེང་དུ་ཟློག༔  དགྲ་བགེགས་བྱད་མ་འཁོར་བཅས་རྣམས༔  བྷྱོ་ཟློག་དམོད་པའི་གད་མོས་ཐོབ༔  རྡོ་རྗེ་ལྷུན་པོའི་ཕྱག་རྒྱས་ནོན༔  རིགས་སྔགས་རྒྱ་མཚོའི་རྦ་ལ་གཡེངས༔  དྲག་ཤུལ་སྟོབས་རྫོགས་མེ་ཡིས་བསྲགེས༔  མི་བཟད་དྲག་སྔགས་རླུང་གིས་གཏོར༔  སྡང་བའི་དགྲ་དང་གནོད་པའི་བགེགས༔  བསམ་ངན་སྦྱོར་རྩུབ་བྱད་མ་རྣམས༔  གཏོར་མ་འདི་དང་མཉམ་དུ་བཞེས༔  དྲག་ཤུལ་ཕྲིན་ལས་ཡོངས་རྫོགས་མཛོད༔   {{TibChung|ཅེས་ཚར་གྲངས་གང་འོས་དང་།}} ཨོཾ་བཛྲ་ཙཎྜ་སརྦ་དུཥྚན་ཧཱུཾ་ཕཊ༔  ཨོཾ་ལོཀྟྲི་པཱ་ལ་ནན༔  སཱ་ག་པཱ་ཤ་ནན༔  ནཱ་ག་དུ་དུ་ནན༔  མ་མཾ་མ་མཾ༔  ཙིར་ཙར་ཙིར་ཙར༔  བཾ་རུ་ལུ་བཾ་རུ་ལུ༔  རྦད་ཀྲ་ཀོ་ཤ་ཡ་རྦད་ཀྲ་ཀོ་ཤ་ཡ༔  ཧོ་ར་ཧོ་ར་ནན༔  ཙི་དུ་སོད་ཙི་དུ་སོད༔  ཤིག་ལྷུར་གཏུབས༔  ཧ་ལ་པ་ཏི་ནན༔  འཁོར་བ་ཐུལ༔  གནོད་བྱེད་འབྱུང་པོའི་ཀཱ་ཝཱ་ཙི་བརླག་བརླག༔  སརྦ་དུཥྚཱན་ས་མ་ཡ་བྷྱོ་བྷྱོ་ཟློག་ཟློག༔   {{TibChung|[26a]}}  {{TibChung|ཅེས་སྔགས་མང་དུ་བཟླས་མཐར།}}   བཀའ་ལྟར་མི་བྱེད་ཅིང་དམ་ལ་མི་གནས་པ་ཐམས་ཅད་འདིར་མ་གནས་པར་གཞན་དུ་དེངས་ཤིག༔  སྲིད་པ་སྤྱི་ནས་བཤིག་ཅིག༔  སྲིད་གསུམ་རྨང་ནས་སྒྱེལ་ཅིག༔  འཁོར་བའི་གཏིང་ནས་ཕྱུངས་ཤིག༔  བསྐལ་པའི་མེས་སྲེགས་ཤིག༔  དམ་ཚིག་དམོད་པས་སྡིགས་ཤིག༔  བཀའ་ཡི་ཆད་པ་ཆོད་ཅིག༔  གནམ་ལྕགས་རལ་གྲིས་སྤྱི་བོའི་གཙུག་ནས་ཁོས་ཤིག༔  སུམྦྷ་ནིས་ནོན་ཅིག༔  སྲིད་གསུམ་གར་སྐྱེས་གར་གནས་ཀྱང་སྡིག་ཅན་འདིའི་སྟེང་དུ་གནམ་ལྕགས་རྡོ་རྗེའི་ཆར་ཆེན་པོ་ཕོབ་ཅིག༔  གནོད་བྱེད་ཤ་ཏྲུཾ་མཱ་ར་ཡ་རྦད༔  སྦྱོར་བ་ངན་པ་ཐམས་ཅད་འདིས་ཐུལ་ཅིག༔   {{TibChung|ཅེས་དྲང་སྲོང་གི་དམོད་ཚིག་བཅས་ཐལ་རྡེབ་བྱའོ།  །སྤྱི་དོན་གསུམ་པ་རྗེས་མཐར་སྡུད་འཕང་བ་ཟོར་གྱི་གཟེར་ཁ་ལ་གསུམ།  ཟ་ལམ་བསྟན་པ།  ཟོར་འཕེན་པ།  རྗེས་བསྡུ་བའོ།  །དང་པོ་ལའང་གསུམ་གྱི།  དང་པོ་ཟིར་ལམ་བསལ་བ་ནི།  ཟོར་འཕེན་གྱི་སྔ་དྲོ་སྒྲུབ་ཁང་གི་ཡང་ཐོག་ཏུ་བསང་མཆོད་སོགས་དང་འབྲེལ་བར་གསེར་སྐྱེམས་འབུལ།  གཏོར་ཆེན་ལྷར་གསལ་བའི་ཡེ་ཤེས་པ་རྣམས།}} ཧཱུྃ་ཧ་ཧེ་ཕཊ་བྷྱོ་རཾ།   {{TibChung|ཞེས་བདག་ཉིད་དཔལ་ཆེན་པོར་གསལ་བ་ {{TibChung|[26b]}} ལ་བསྟིམ།  སློབ་དཔོན་ཆས་སུ་ཞུགས་པས་ཟློག་དཀྱིལ་གྱི་ནུབ་ནས་ཤར་སོགས་ཕྱོགས་བཞི་གཡས་བསྐོར་གྱིས་རིམ་པར་ཕྱེ་བར་བསམ་ལ།}} ཧཱུྃ༔  བྱམས་པ་ཚད་མེད་ལྕགས་ཀྱུ་མས༔  ཟོར་ཆེན་དཀྱིལ་འཁོར་ཤར་སྒོ་ཕྱེས༔  ཁྲག་འཐུང་ལྷ་ཚོགས་གཟི་བྱིན་སྐྱེད༔  ཤར་ཕྱོགས་དགྲ་བགེགས་རྡུལ་དུ་རློག༔  ཛཿབཛྲ་པྲ་བེ་ཤ་ཡ་ཕཊ༔  ཧཱུྃ༔  སྙིང་རྗེ་ཚད་མེད་ཞགས་པ་མས༔  ཟོར་ཆེན་དཀྱིལ་འཁོར་ལྷ་སྒོ་ཕྱེས༔  ཁྲག་འཐུང་ལྷ་ཚོགས་གཟི་བྱིན་སྐྱེད༔  ལྷོ་ཕྱོགས་དགྲ་བགེགས་རྡུལ་དུ་རློག༔  བཾ་བཛྲ་པྲ་བ་ཤ་ཡ་ཕཊ༔  ཧཱུྃ༔  བཏང་སྙོམས་ཚད་མེད་དྲིལ་བུ་མས༔  ཟོར་ཆེན་དཀྱིལ་འཁོར་བྱང་སྒོ་ཕྱེས༔  ཁྲག་འཐུང་ལྷ་ཚོགས་གཟི་བྱིན་སྐྱེད༔  བྱང་ཕྱོགས་དགྲ་བགེགས་རྡུལ་དུ་རློག༔  ཧོཿ བཛྲ་པྲ་བེ་ཤ་ཡ་ཕཊ༔   {{TibChung|ཅེས་སྒོ་ཕྱེ་སྟེ་ཟོར་ལམ་བསལ།  གཉིས་པ་ཐུགས་དམ་བསྐུལ་ཞིང་ཆད་མདོ་བཏང་བ་ནི་ལས་བྱང་ནས་འབྱུང་བ་ལྟར་བྱ།  གསུམ་པ་ཟ་ལམ་བསྟན་པ་དངོས་ནི།  ཕུད་དང་རཀྟ་ {{TibChung|[27a]}} སྦྲེང་།  དར་ནག་དང་རུ་འདྲེན་གྱི་རྣམ་པ་དུ་མས་སྣ་དྲངས་པའི་ཕྱི་བཞིན་དུ་སྐྱེས་བུ་གིང་ཆས་སུ་ཞུགས་པས་དཀར་གཏོར་ནས་གཙོ་བོའི་གཏོར་མའི་བར་རིམ་བཞིན་ཁྱེར།  རྣལ་འབྱོར་པ་ལྟ་བའི་གདིང་སྒོམ་པའི་གསལ་སྣང་དང་མ་བྲལ་བའི་རིག་པ་ཧུར་ཕྱུངས་ཏེ།}} ཨོཾ་བཛྲ་སརྦ་དུཥྚན་ཨེ་ཛ་བྷྱོ༔  དགྲ་བགེགས་འབྱུང་པོ་མཱ་ར་ཡ་ཕཊ༔   {{TibChung|ཅེས་བཟླ་ཞིང་རོལ་མོ་དང་བཅས་པས་དེ་དག་གི་ཕྱི་བཞིན་དུ་སོང་ལ་གོམ་པ་བདུན་ཅུའི་སར་འཁོད་དེ།}} བྷྱོཿ   ཟློག་བྱེད་མ་གཅིག་སྤྱན་འདྲེན་ནོ༔  སྒྱུར་བྱེད་མ་གཅིག་སྤྱན་འདྲེན་ནོ༔  སྲིན་མོ་ཟ་ལམ་གོམ་པ་བདུན་ཅུ་འདས་པའི་ཕ་རོལ་ན༔  འཇིག་རྟེན་འདས་ཀྱང་འཁོར་བའི་ཆ་ལུགས་འཛིན༔  ཡེ་ཤེས་གྲུབ་ཀྱང་ལས་ཀྱི་མཁའ་འགྲོ་མ༔  རྡོ་རྗེ་མོ་བཏབ་ལྟས་ངན་བྷྱོས་ཟློག་ཅིག༔  སོ་སོའི་རིགས་དང་མིང་སྲིང་ལྕམ་དྲལ་ཚུལ༔  འདོད་ཅིང་ཆགས་པའི་ཚུལ་འཆང་རྣལ་འབྱོར་མ༔  བྷྱོ༔  དཀར་མོ་སྤྱན་གཅིག་རྡོ་རྗེ་རིགས་ཀྱི་ལྕམ༔  ཉིད་ཀྱི་མིང་པོ་ཤར་ཕྱོགས་བཀའ་སྒྱུར་མ༔  རྣལ་འབྱོར་བདག་གི་འཁོར་དུ་གཏོགས་པ་ལ༔  ཤར་ཕྱོགས་རྒྱལ་པོའི་གློ་བུར་ཤོར་ཏ་རེ༔  བཟློག་གོ་དམར་ཆེན་གཏོར་མ་འདི་ཡིས་ཟློག༔  བསྒྱུར་རོ་ཤར་ཕྱོགས་རྒྱལ་པོའི་ཆོ་འཕྲུལ་དགྲ་ {{TibChung|[27b]}} ལ་སྒྱུར༔  བྷྱོ༔  སྲིན་མོ་ཤུགས་འཆང་རིན་ཆེན་རིགས་ཀྱི་ལྕམ༔  ཉིད་ཀྱི་མིང་པོ་གཤིན་རྗེའི་བཀའ་སྒྱུར་མ༔  རྣལ་འབྱོར་བདག་གི་འཁོར་དུ་གཏོགས་པ་ལ༔  འཆི་བདག་གཤིན་རྗེའི་ཁྲམ་ལ་བཏབ་ཏ་རེ༔  བཟློག་གོ་དམར་ཆེན་གཏོར་མ༴   བསྒྱུར་རོ་གཤིན་རྗེའི་ཆོ་འཕྲུལ་དགྲ་ལ་སྒྱུར༔  བྷྱོ༔  གར་གྱི་དབང་ཕྱུག་པདྨ་རིགས་ཀྱི་ལྕམ༔  ཉིད་ཀྱི་མིང་པོ་ཀླུ་ཡི་བཀའ་སྒྱུར་མ༔  རྣལ་འབྱོར་བདག་གི༴   ས་བདག་ཀླུ་ཡི་བྱད་དུ་ཆུད་ཏ་རེ༔  བཟློག་གོ་དམར་ཆེན༴   བསྒྱུར་རོ་ཀླུ་ཡི་ཆོ་འཕྲུལ་དགྲ་ལ་སྒྱུར༔  བྷྱོ༔  གར་གྱི་དབང་ཕྱུག་ལས་ཀྱི་རིགས་ཀྱི་ལྕམ་༔  ཉིད་ཀྱི་མིང་པོ་གནོད་སྦྱིན་བཀའ་སྒྱུར་མ༔  རྣལ་འབྱོར་བདག་གི༴   གནོད་སྦྱིན་གདུག་པའི་གདོན་གྱིས་ཟིན་ཏ་རེ༔  བཟློག་གོ་དམར་ཆེན༴   བསྒྱུར་རོ་གནོད་སྦྱིན་ཆོ་འཕྲུལ་དགྲ་ལ་སྒྱུར༔  བྷྱོཿ   དབྱིངས་ཕྱུག་དཔལ་ལྡན་རྡོ་རྗེ་མཁའ་འགྲོ་མ༔  ཀོང་བཙུན་ཕྱྭ་ཡི་ཚོགས་ཀྱི་བཀའ་སྒྱུར་མ༔  རྣལ་འབྱོར་བདག་གི༴   ཕྱྭ་ཡི་དྲ་རྙི་ཐམས་ཅད་ཕེབས་ཏ་རེ༔  བཟློག་གོ་དམར་ཆེན༴   བསྒྱུར་རོ་མི་སྙིང་བློ་འཕྲོག་དགྲ་ལ་སྒྱུར༔  བྷྱོ༔  སྔགས་སྲུང་ཨེ་ཀ་ཛཱ་ཊི་རལ་གཅིག་མ༔  བདུད་ {{TibChung|[28a]}} པོ་བསྐོས་རྗེ་བྲང་དཀར་བཀའ་སྒྱུར་མ༔  རྣལ་འབྱོར༴   བདུད་ཀྱི་རྒྱལ་པོའི་ཁྲམ་ནག་བརྐྱང་ཏ་རེ༔  བཟློག་གོ༴   བསྒྱུར་རོ་བདུད་ཀྱི་ཁྲམ་ཁ་དགྲ་ལ་སྒྱུར༔  བྷྱོ༔  ཨེ་ཀ་ཛཱ་ཊི་ནག་མོ་གློག་མ་སྤྲིན༔  བདུད་པོ་རེ་ཏི་མགོ་ཡག་བཀའ་སྒྱུར་མ༔  རྣལ་འབྱོར༴   ནག་པོ་བདུད་ཀྱི་བྱན་པོས་བརྐུས་ཏ་རེ༔  བཟློག་གོ༴   བསྒྱུར་རོ་བདུད་ཀྱི་ཞགས་པ་དགྲ་ལ་སྒྱུར༔  བྷྱོ༔  དཀར་མོ་ཆེན་མོ་ཉི་མའི་ཐོད་ཕྲེང་ཅན༔  ཉིད་ཀྱི་མིང་པོ་གནམ་ལྷའི་བཀའ་སྒྱུར་མ༔  རྣལ་འབྱོར༴   རྒྱལ་པོ་དཀར་པོས་དམངས་སུ་ཕེབས་ཏ་རེ༔  བཟློག་གོ༴   བསྒྱུར་རོ་རྒྱལ་པོའི་ཆོ་འཕྲུལ་དགྲ་ལ་སྒྱུར༔  བྷྱོ༔  མ་མོ་ཨེ་ཀ་ཛཱ་ཊི་ཐལ་མདོག་མ༔  གྲོང་གི་ཐེ་བྲང་ཁྲ་བོའི་བཀའ་སྒྱུར་མ༔  རྣལ་འབྱོར༴   འབྱུང་པོ་ཐེ་བྲང་ཡུལ་དུ་ཕེབས་ཏ་རེ༔  བཟློགགོ༴   བསྒྱུར་རོ་ཐེ་བྲང་ཆོ་འཕྲུལ་དགྲ་ལ་སྒྱུར༔  བྷྱོ༔  ས་བདག་ཆེན་པོ་ནག་མོ་རལ་གཅིག་མ༔  ས་ཡི་ཐེ་བྲང་ནག་པོའི་བཀའ་སྒྱུར་མ༔  རྣལ་འབྱོར༴   ཐེ་བྲང་རྣམས་ཀྱི་ཆོ་འཕྲུལ་ཤོར་ཏ་རེ༔  བཟློག་གོ༴   བསྒྱུར་རོ་ཐེ་བྲང་ཆོ་འཕྲུལ་དགྲ་ལ་སྒྱུར༔  བྷྱོ༔  གནམ་ལྷ་ཤེལ་བཟང་ལ་རོ་སྨན་གཅིག་མ༔  དཀར་སྐྱ་གཟའ་བདུད་རྣམས་ {{TibChung|[28b]}} ཀྱི་བཀའ་བསྒྱུར་མ༔  རྣལ་འབྱོར༴   དྲང་སྲོང་གཟའ་ཡི་གདུག་རྩུབ་ཤོར་ཏ་རེ༔  བཟློག་གོ༴   བསྒྱུར་རོ་གཟའ་ཡི་ཆོ་འཕྲུལ་དགྲ་ལ་སྒྱུར༔  བྷྱོ༔  བཙན་ལ་ལ་རོལ་རྡོ་རྗེ་སྨན་གཅིག་མ༔  ཉིད་ཀྱི་མིང་པོ་བཙན་གྱི་བཀའ་སྒྱུར་མ༔  རྣལ་འབྱོར༴   བཙན་གྱི་རྒྱལ་པོའི་རྟ་བབས་ཤོར་ཏ་རེ༔  བཟློག་གོ༴   བསྒྱུར་རོ་བཙན་གྱི་ཆོ་འཕྲུལ་དགྲ་ལ་སྒྱུར༔  བྷྱོ༔  ཉམས་ཆེན་འཇིགས་མ་ཁྲག་གི་རལ་གཅིག་མ༔  ཀླུ་སྲིན་ཕོ་མོ་ཡོངས་ཀྱི་བཀའ་སྒྱུར་མ༔  རྣལ་འབྱོར༴   ཀླུ་སྲིན་རྣམས་ཀྱི་ཆོ་འཕྲུལ་ཤོར་ཏ་རེ༔  བཟློག་གོ༴   བསྒྱུར་རོ་ཀླུ་སྲིན་ཆོ་འཕྲུལ་དགྲ་ལ་སྒྱུར༔  བྷྱོ༔  ལྷ་མོ་ནག་མོ་ལས་ཀྱི་དབང་མོ་ཆེ༔  མདོར་ན་བདག་ཅག་འཁོར་དང་བཅས་པ་ལ༔  སྣང་སྲིད་མ་མོའི་ཁྲམ་ནག་ཤོར་ཏ་རེ༔  བཟློག་གི་དམར་ཆེན་གཏོར་མ་འདི་ཡིས་ཟློག༔  བསྒྱུར་རོ་མ་མོའི་ཁྲམ་སྣ་དགྲ་ལ་སྒྱུར།   {{TibChung|ཞེས་བསྐུལ།  གཉིས་པ་ཟོར་འཕེན་པ་ལ་གསུམ་གྱི།  དང་པོ་ཟོར་ལམ་བསྟན་པ་ནི།  སྒྲ་གཅན་གྱི་ཐེབས་དང་བསྟུན་ཏེ་གཏོར་མ་འཕང་བའི་སར་སྔར་བཞིན་སོང་ནས་གསེར་སྐྱེམས་སྔོན་དུ་འགྲོ་བས།}} བདག་གིས་མ་ཉེས་མ་ལེན་ནོ༔  དུས་གསུམ་སངས་རྒྱས་གཟུ་ {{TibChung|[29a]}} དང་དཔང་༔  དམ་ཅན་སྲུང་མ་གཟུ་དང་དཔང་༔  ལྷ་སྲིན་སྡེ་བརྒྱད་གཟུ་དང་དཔང་༔  བདག་གི་སྔོན་དུ་གྲོགས་མཛོད་ཅིག༔  དམ་ཉམས་དགྲ་བགེགས་གནོད་བྱེད་འདིས༔  སངས་རྒྱས་བསྟན་པ་གཉན་པོ་བཤིག༔  དཀོན་མཆོག་གསུམ་གྱི་དབུ་འཕང་སྨད༔  རྡོ་རྗེ་སློབ་དཔོན་སྐུ་ལ་བསྡོས༔  རྣལ་འབྱོར་བདག་ལ་སྒོས་དགྲ་བྱས༔  དགྲ་བགེགས་སྟེང་དུ་གཏོར་ཟོར་འཕེན༔  རྣལ་འབྱོར་བདག་གི་ཟོར་ཁ་འདི༔  སྟེང་གི་ལྷ་ལ་མི་འཕེན་ནོ༔  འོག་གི་ཀླུ་ལ་མི་འཕེན་ནོ༔  བར་གྱི་བཙན་ལ་མི་འཕེན་ནོ༔  གསེར་སྐྱེམས་དམ་པ་འདི་གསོལ་ལ༔  མཐོ་བ་རྣམས་ནི་ཞབས་སྐུམས་ཤིག༔  དམའ་བ་རྣམས་ནི་དབུ་ཆུམ་ཞིག༔  གདོང་ན་འདུག་པ་སྐུ་བཟུར་ཅིག༔  སོ་སོ་རང་རང་གནས་སུ་གཤེགས༔  ཀོ་ལོང་གདུག་རྩུབ་མ་མཛད་ཅིག༔  ཁྱོད་ལ་གནོད་དང་འཚེ་མི་བྱེད༔  བདག་གི་སྡོང་གྲོགས་གཉན་པོ་མཛོད༔  བྷྱོ༔  ད་ནི་ཟོར་འཕེན་གང་དུ་འཕེན༔  ཟོར་འདི་སྡང་བའི་དགྲ་ལ་འཕེན༔  ཟོར་འདི་གནོད་པའི་བགེགས་ལ་འཕེན༔  ཟོར་འདི་ཟ་བའི་འདྲེ་ལ་འཕེན༔  ཟོར་འདི་ཕུང་བའི་སྲི་ལ་འཕེན༔  ཟོར་འདི་དགྲ་བགེགས་སྟེང་དུ་ {{TibChung|[29b]}} འཕེན༔  བཅོལ་བའི་ཕྲིན་ལས་སྒྲུབ་པར་མཛོད༔   {{TibChung|ཅེས་བསྐུལ། གཉིས་པ་ཟོར་འཕེན་པ་ནི།  བདེན་སྟོབས་བཅས་འགུགས་གཞུག་གིས་དགྲ་བགེགས་བཀུག་སྟེ་དམིགས་པའི་འབེན་བཅས་པ་ལ་རྡོ་ཟོར་ནས་བརྩམ་རིམ་པར་འཕེན་ཅིང་།}} ཧཱུྃ༔  ང་ནི་དཔལ་ཆེན་ཧེ་རུ་ཀ༔  འཁོར་འདས་ཀུན་གྱི་མཐུ་སྟོབས་རྫོགས༔  སྐུ་གསུང་ཐུགས་ནི་རྡོ་རྗེའི་ངང་༔  སངས་རྒྱས་ཀུན་དང་མཉམ་པར་སྦྱོར༔  དྲག་ཤུལ་གར་གྱིས་ས་གསུམ་གཡོ༔  འཇིགས་པའི་གད་མོས་རི་རབ་བསྒྱེལ༔  སྙིང་རྗེ་ཁྲོས་པས་དགྲ་བགེགས་གསོད༔  སྤྲུལ་པའི་ཕོ་ཉ་སེར་ལྟར་འདྲིལ༔  ཟོར་རྫས་མཚོན་ཆའི་ཆར་ཆེན་འབེབས༔  སྡང་དགྲ་གདོན་བགེགས་ཐལ་བར་རློག༔  འཇམ་དཔལ་སྐུ་ཡི་ལྷ་ཚོགས་ཀྱི༔  སྟོབས་ཆེན་འདུས་པ་རྡོ་ཡི་ཟོར༔  དགྲ་བགེགས་ཀླད་པའི་དཀྱིལ་དུ་ཡཱ༔  གཟུགས་ཕུང་ཐལ་བའི་རྡུལ་དུ་རློག༔  པདྨ་གསུང་གི་ལྷ་ཚོགས་ཀྱི༔  དྲག་སྔགས་འདུས་པ་མཚེ་ཡི་ཟོར༔  དགྲ་བགེགས་རྣ་བའི་དཀྱིལ་དུ་ཡཱ༔  ཐོས་པའི་སྒོ་ལ་ཕྱག་རྒྱས་ཐོབ༔  ཡང་དག་ཐུགས་ཀྱི་ལྷ་ཚོགས་ཀྱི༔  ནུས་རྩལ་འདུས་པ་དུག་གི་ཟོར༔  དགྲ་བགེགས་སྙིང་གི་དཀྱིལ་དུ་ཡཱ༔  རྟོག་ {{TibChung|[30a]}} ངན་འོད་གསལ་ཐིག་ལེར་སྟིམས༔  ཆེ་མཆོག་ཡོན་ཏན་ལྷ་ཚོགས་ཀྱི༔  གཟི་བྱིན་འབར་བ་གཏོར་མའི་ཟོར༔  དགྲ་བགེགས་ལྟེ་བའི་དཀྱིལ་དུ་ཡཱ༔  མཐུ་སྟོབས་ནུས་པ་ཐལ་བར་རློག༔  ཕུར་པ་ཕྲིན་ལས་ལྷ་ཚོགས་ཀྱི༔  ཐལ་འབྱིན་འབིག་པ་ཕུར་པའི་ཟོར༔  དགྲ་བགེགས་གསང་བའི་དཀྱིལ་དུ་ཡཱ༔  བདུན་བརྒྱུད་རིགས་ཀྱང་རྩད་ནས་ཆོད༔  མ་མོ་རྦོད་གཏོང་ལྷ་ཚོགས་ཀྱི༔  དལ་ཡམས་འདུས་པ་ཁྲག་གི་ཟོར༔  དགྲ་བགེགས་ཡུལ་གྱི་སྟེང་དུ་ཡཱ༔  ནད་རིམས་གདུག་པའི་ཆར་ཆེན་ཕོབ༔  རིག་འཛིན་འདུས་པའི་ལྷ་ཚོགས་ཀྱི༔  ནུས་སྟོབས་རི་རབ་ཀོང་གི་ཟོར༔  དགྲ་བགེགས་རྟེན་གྱི་མཁར་ལ་ཡཱ༔  ཐལ་བའི་རྡུལ་ཕྲན་བཞིན་དུ་ཤིག༔  འཇིག་རྟེན་མཆོད་བསྟོད་ལྷ་ཚོགས་ཀྱི༔  གནོད་གདུག་ཆེན་པོ་མདའ་ཡི་ཟོར༔  དགྲ་བགེགས་མིག་དང་ལྕེ་ལ་ཡཱ༔  ལྟ་དང་སྨྲ་བའི་རྒྱུ་ལམ་ཆོད༔  དམོད་པ་དྲག་སྔགས་ལྷ་ཚོགས་ཀྱི༔  ཤུགས་སྒྲོལ་ཆེན་པོ་མཚོན་ཆའི་ཟོར༔  དགྲ་བགེགས་ལྔ་ཕུང་ཀུན་ལ་ཡཱ༔  དུམ་བུར་གཏུབས་ཤིང་ཕྱེ་མར་ཐོངས༔  དྲག་པ་ཟོར་གྱི་རྡོ་རྗེ་ཐོག༔  དགྲ་བགེགས་ {{TibChung|[30b]}} གནོད་བྱེད་སྟེང་དུ་ཕོབ༔  ཁ་ཕུང་ཐོངས་ལ་རྗེས་མེད་ཤིག༔  དགྲ་དཔུང་བདུན་བརྒྱུད་རྩད་ནས་ཆོད༔  བགེགས་དཔུང་ཐལ་བའི་རྡུལ་དུ་རློག༔  མངོན་སྤྱོད་ཕྲིན་ལས་མཐར་ཕྲིན་མཛོད༔   {{TibChung|ཅེས་རྔམས་པའི་སྟངས་སྟབས་ཀྱིས་དྲག་སྔགས་བཟླ་བཞིན་པས་འཕང་།  དེ་ནས་གཏོར་ཆེན་གྱི་ལྷ་དམ་ཚིག་པ་རྣམས་རང་ལ་ཐིམ་པས་གཟི་བྱིན་ནུས་སྟོབས་མཆོག་ཏུ་འབར།  གཏོར་མ་ཁྲོ་བོའི་དམག་ཚོགས་ནད་མཚོན་སྨྱོ་དུག་གི་ཆར་ཆེན་པོ་དགྲ་བགེགས་ཀྱི་སྟེང་དུ་གློག་འཁྱུགས་པ་ལྟར་སོང་ནས་གནས་ལུས་ལོངས་སྤྱོད་དང་བཅས་པ་རྗེས་ཤུལ་ལྷག་མ་མེད་པར་བཅོམ་པར་བསམ་ལ།}} ཧཱུཾ༔  ང་ནི་དཔལ་ཆེན་ཧེ་རུ་ཀ༔  ང་ནི་བདེ་གཤེགས་ཀུན་གྱི་གཙོ༔  ང་ནི་མ་མོ་ཀུན་གྱི་ཡབ༔  ང་ནི་གཤིན་རྗེ་ཀུན་གྱི་གཤེད༔  ང་ནི་མཁའ་འགྲོ་ཀུན་གྱི་གཙོ༔  མཁའ་འགྲོ་འབུམ་ནི་སྤུངས་སེ་སེ་སྤུང་༔  ཞུབ་ཅན་སྟོང་ནི་སི་ལི་ལི༔  འཁོར་གྱི་ཆོས་སྐྱོང་དམ་ལ་འདུས༔  དམ་ཅན་རྒྱ་མཚོ་དམག་ལ་ཆོས༔  ལྷ་འདྲེའི་དམག་དཔུང་ཆི་ལི་ལི༔  དར་གྱི་རུ་མཚོན་ལྷབས་སེ་ལྷབ༔  མཚོན་གྱི་དཔལ་རྩེ་ཡེ་རེ་རེ༔  ཉུངས་ཀར་གཞུ་བརྡུང་ཁྱུགས་སེ་ཁྱུག༔  མཚེ་ཡི་མདའ་འཕེན་ཏ་ལ་ལ༔  གཏོར་མའི་སྒྱོགས་ཆེན་སྒོ་རོ་རོ༔  ཁྲག་གི་ཐུན་ཆེན་ཆི་ལི་ལི༔   {{TibChung|[31a]}} བྷྱོ་བྷྱོ་སྡང་བའི་དགྲ་ལ་བྷྱོ༔  ཟོར་ཟོར་དགྲ་བགེགས་རྣམས་ལ་ཟོར༔  ཧཱུྃ༔  སྡང་བའི་དགྲ་བོ་དམ་ཉམས་འདི༔  དང་པོ་ཞེ་སྡང་ཕ་ཡིས་བསྐྱེད༔  དེ་ནས་འདོད་ཆགས་མ་ཡི་མངལ༔  དེ་ནས་ལྔ་ཕུང་ཡན་ལག་རྒྱས༔  ལྔ་ཕུང་རྩད་ནས་བཅད་པའི་ཕྱིར༔  ཞེ་སྡང་སྙིང་ལ་གཏོར་ཟོར་ཡཱ༔  གཏི་མུག་ཤ་ལ་གཏོར་ཟོར་ཡཱ༔  འདོད་ཆགས་ཁྲག་ལ༴   ང་རྒྱལ་རུས་ལ༴   ཕྲག་དོག་དབུགས་ལ༴   ཕུང་པོ་ལྔ་ལ༴   རྡོ་རྗེ་སློབ་དཔོན་སྐུ་དགྲ་དང་༔  མཆེད་དང་ལྕམ་དྲལ་སྤྱི་དགྲ་དང་༔  རྣལ་འབྱོར་བདག་གི་སྒོས་དགྲ་དང་༔  གཟུགས་མེད་དམ་སྲི་འབྱུང་པོ་ལ༔  དྲག་པོ་གཏོར་མའི་ཟོར་རྒྱོབ་ལ༔  ལྔ་ཕུང་ཡན་ལག་རྡུལ་དུ་རློག༔  དཔལ་ཆེན་རྔམས་པའི་ཞལ་དུ་བསྟབ༔  འཁོར་གྱི་ཆོས་སྐྱོང་མཆོད་པར་བཞེས༔  མ་མོ་མཁའ་འགྲོས་རྔམས་ཟས་མཛོད༔  སེམས་ཉིད་རྒྱལ་བའི་གནས་སུ་སྤོར༔   {{TibChung|དྲག་སྔགས་སོ་ལྔ་པ་དང་།}}   རྦད་ཟོར་སརྦ་བྷྱོ་ཟློག༔  ཅེས་དྲག་པོའི་ {{TibChung|ཚམ་རྔམས་བཅས་གཏོར་རྩེ་དང་ཁྱུང་གདོང་དགྲ་ཕྱོགས་སུ་བསྟན་ལ་འཕང་།  བསད་ཟློག་གི་འཁོར་ལོ་སོགས་མེར་བསྲེག   །ཐལ་མོ་དང་དུལ་མོ་བརྡབ།  དགོངས་པའི་གདིང་བསྐྱེད་ལ་ལྟ་སྟངས་ཀྱིས་གཟིར་བ་སོགས་བྱའོ།  །གསུམ་པ་ཟོར་རྗེས་ {{TibChung|[31b]}} གཅོད་པ་ནི།  ཡེ་ཤེས་ཀྱི་བྱ་ཁྱུང་འཇིགས་སུ་རུང་བ་ཞིག་གིས་མཚམས་བཅད་པར་བསམ་ལ།}} ཧཱུྃ་ཁྲོཾ་བཛྲ་ག་རུ་ཌ་བྷྱོ་ཟློག༔   {{TibChung|ཅེས་བཟླ་ཞིང་རྡོ་རྗེ་སློབ་དཔོན་གྱིས་རྟིང་མནན་ཏེ་ཚུར་ལོག   རྡོ་རྗེའི་གུར་དུ་བདག་གཞན་བསྲུང་བྱ་ཐམས་ཅད་ཚུད་པར་བསམ་ལ་སྲུང་འཁོར་གསལ་གདབ།  དེ་ནས་ཕྱི་སྙོགས་གཅོད་ཕྱིར་གདོང་ཕྱིར་བལྟས་ཏེ།}}   ཧཱུྃ་ཧཱུྃ་ཧཱུྃ་བདུད་པྲ་མ་ཡ་རྦད་ནན༔  ར་ཙ་དུ་ན་ལིང་ཤག་རྦད་ནན༔  ཁ་ལ་ཛ་མ་ལིང་རྦད་ནན༔  ཤིག་ཤིག༔  དུམ་དུམ་རྦད་ནན༔  ཁྲོཾ་ཁྲོཾ་བྷྱོ་རྦད་ནན༔  རྨུགས་རྨུགས་རྦད་ནན༔  ཏིར་ཏིར་རྦད་ནན༔   {{TibChung|ཞེས་བདུན་ནམ་ཉེར་གཅིག་བཟླའོ།  །གསུམ་པ་རྗེས་བསྡུ་བའི་རིམ་པ་ལ་གསུམ་གྱི།  དང་པོ་བརྟན་མ་བསྐྱང་བ་ནི།  གཏོར་གཞོང་བཤལ་བའི་ཕུད་ཀྱིས་བརྟན་མའི་གཏོར་མར་བྲན་ལ་བྱིན་གྱིས་བརླབས་ཏེ་ལས་བྱང་བཞིན་འབུལ་ལོ།  །གཉིས་པ་གཏོར་མནན་ནི།  སྒྲུབ་ཁང་གི་སྒོ་དྲུང་དུ་གཏོར་གཞོང་ཁ་སྦུབས་ལ་བྲོར་བསྐོར་ཏེ་ཨེ་གྲུ་གསུམ་པར་དགྲ་བགེགས་དམ་སྲི་ཐམས་ཅད་བཀུག་པར་བསམ་ཞིང་འགུགས་གཞུག་དང་བྲོ་བརྡུང་བྱའོ།  །གསུམ་པ་མཐའ་རྒྱས་པར་བྱ་བ་ནི།  ནང་དུ་ལོག་ནས་ཚེ་འགུགས་བསྐུལ་ལ་དངོས་གྲུབ་ལེན།  གཏང་རག་གི་མཆོད་བསྟོད་འབུལ་ཞིང་ལྷག་ཆད་བསྐང་།  དཀྱིལ་འཁོར་བསྡུད་ལ་སྨོན་ལམ་བཀྲ་ཤིས་རྣམས་ཀྱིས་མཐའ་བརྒྱན་པ་སྟེ་ལས་བྱང་གི་དཀྱུས་བཞིན་ཤེས་པར་བྱའོ།  །ཁྲོ་བོ་རོལ་པའི་རིགས་སྔགས་ཕྲིན་ལས་སྟོབས།  །གདུག་ཅན་མཐར་བྱེད་མངོན་སྤྱོད་དམོད་པའི་གཟེར།  །ཀུན་གྱི་བཅུད་འདུས་མན་ངག་རྡོ་རྗེའི་མཚོན།  །གསང་བསྟན་སྐྱོང་བའི་ཕྱག་མཚན་ཉིད་དུ་བསྐྲུན།  །འདིས་ཀྱང་སྙིང་པོའི་བསྟན་དང་བསྟན་འཛིན་སྟེ།  །བར་ཆད་བདུད་དགྲའི་གཡུལ་ལས་རྣམ་རྒྱལ་ཏེ།  །དོན་གཉིས་ལྷུན་གྲུབ་མངའ་ཐང་ལྷུན་པོའི་དཔལ།  སྲིད་མཐར་མི་ཉམས་རྟག་བརྟན་གཞིར་གྱུར་ཅིག   །དེ་ལྟར་བཀའ་བརྒྱད་ཁྲོ་བོ་རོལ་པའི་དམར་ཆེན་གཏོར་ཟློག་གི་ལས་རིམ་སྙིང་པོར་དྲིལ་བ་དགྲ་བགེགས་དཔུང་འཇོམས་ཞེས་བྱ་བ་འདིའང་།  རིག་སྔགས་འཆང་བའི་རྣལ་འབྱོར་པ་འཁྲུལ་ཞིག་རྡོ་རྗེས་བསྐུལ་བ་བཞིན།  ཕྲིན་ལས་ཀྱི་སྦྱོར་བ་རྒྱས་པ་ལག་ཏུ་མི་ལོན་པ་དང་།  གློ་བུར་རལ་གྲི་ཕྱུང་བ་བརྡེག་ཏུ་བསྒྲུབ་དགོས་པ་སོགས་ལ་ཉེ་བར་མཁོ་ཞིང་ཕན་པའི་ཕྱིར།  བདེ་གཤེགས་འདུས་པ་གཙོ་བོར་གྱུར་པའི་གཏེར་ཁ་གོང་འོག་རྣམས་ཀྱི་མན་ངག་གི་བཅུད་ཕྱུངས་ཏེ།  དུས་ཀྱི་མཐའི་སྔགས་འཆང་སྙོམས་ལས་པ་འཇིགས་བྲལ་ཡེ་ཤེས་རྡོ་རྗེས་རང་ལོ་ལྔ་བཅུ་ང་གཉིས་པར་སོན་པ་མྱོས་བྱེད་ཀྱི་ལོ་ཁྲུམས་སྟོད་ཉ་པའི་དམར་ཕྱོགས་ཀྱི་རྫོགས་པ་དང་པོ་ལ་དཔལ་བསམ་ཡས་མི་འགྱུར་ལྷུན་གྱིས་གྲུབ་པའི་གཙུག་ལག་ཁང་ཆེན་པོར་བསྡེབས་པའོ།།  །།འདིས་ཀྱང་བསྟན་འགྲོར་འཚེ་བའི་དཔུང་ཚོགས་ཚེ་གཅོད་པའི་རྒྱུར་གྱུར་ཅིག།  ཛཡནྟུ།།  །།}} 

}}
</onlyinclude>
{{TsagliCall}}
<headertabs/>