View source for DJYD-KABUM-06-CHA-018

{{Text
|classification=Tibetan Publications
|subclass=Tibetan Texts
|fulltitletib=དཔལ་རྡོ་རྗེ་ཕུར་བུ་ཡང་གསང་སྲོག་གི་སྤུ་གྲིའི་སྨད་ལས་བདུད་དཔུང་མཐར་བྱེད་གནམ་ལྕགས་ཐོག་ཆེན།
|fulltitle=dpal rdo rje phur bu yang gsang srog gi spu gri'i smad las bdud dpung mthar byed gnam lcags thog chen
|citation=[[Dudjom Rinpoche]] 'Jigs bral ye shes rdo rje. ''Dpal rdo rje phur bu yang gsang srog gi spu gri'i smad las bdud dpung mthar byed gnam lcags thog chen''. ''Bdud 'joms 'jigs bral ye shes rdo rje'i gsung 'bum dam chos rin chen nor bu'i bang mdzod'', Vol. 6: 567-622. Kalimpong: Dupjung Lama, 1979-1985.
|collectiontitletib=བདུད་འཇོམས་རིན་པོ་ཆེ་བཀའ་འབུམ།
|collectiontitle=bdud 'joms rin po che bka' 'bum
|author=Dudjom Rinpoche
|sourcerevealer=pad+ma gling pa
|sourcerevealertib=པདྨ་གླིང་པ་
|tibgenre=Activity Practices - las tshogs
|terma=No
|deity=rdo rje phur pa
|cycle=dpal rdo rje phur bu yang gsang srog gi spu gri
|cycletib=དཔལ་རྡོ་རྗེ་ཕུར་བུ་ཡང་གསང་སྲོག་གི་སྤུ་གྲི་
|language=Tibetan
|volumenumber=06
|volnumtib=༦
|volyigtib=ཆ
|totalvolumes=25
|textnuminvol=018
|pagenumbers=567-622
|totalpages=56
|beginfolioline=1a1
|endfolioline=28b3
|totalfolios=28
|multivolumework=No
|rectonotes=smad las
|versonotes=pad gling phur pa
|colophontib=།དེ་ལྟར་དཔལ་རྡོ་རྗེ་ཕུར་བུ་ཡང་གསང་སྲོག་གི་སྤུ་གྲིའི་སྨད་ལས་བདུད་དཔུང་མཐར་བྱེད་གནམ་ལྕགས་ཐོག་ཆེན་ཞེས་བྱ་བ་འདི་འང་།   སྔ་སོར་རྣམ་འདྲེན་གསུང་སྤྲུལ་བཅུ་པའི་ཞལ་སྔ་ནས་བཀའ་སྩལ་རིན་པོ་ཆེ་སྤྱི་བོར་ལྷུང་བ་རྗེས་སུ་སྒྲུབ་པར་སེམས་པའི་དམ་བཅའ་མ་བོར་ཡང་གཞན་དབང་མི་ཟད་པའི་ཁོལ་པོར་འཕྱན་ཏེ་ཡུན་དུ་འགྱང་བར་འགྱུར་བ་ལས།   ཉེ་ཆར་ལྷ་ལུང་ཐེག་མཆོག་རབ་རྒྱས་གླིང་གི་རིག་འཛིན་འདུས་པའི་སྡེས་གྱ་ནོམ་པའི་སྐྱེས་དང་བཅས་ནན་བསྐྱར་དུ་བསྐུལ་བར་མཛད་པ་ལ་བརྟེན་ནས།   སྤུ་གྲིའི་ངན་སྔགས་རྩ་བ་དང་གློ་བུར་ལྕོགས་རྡུང་ལས་སྦྱོར་གྱི་འཁྲུལ་འཁོར་སོགས་གབ་དཀྲུགས་འཐོར་སྟབས་སུ་བཞུགས་པ་རྣམས་གཏེར་གཞུང་གི་དགོངས་པ་མ་འཁྲུལ་བར་མཁས་གྲུབ་རིག་འཛིན་བརྒྱུད་པའི་མན་ངག་གིས་གཏན་ལ་ཕབ་ཅིང་།   འདོན་ཆ་དཀྱུས་སུ་མི་གསལ་བ་འགའ་ཞིག་སྤུ་གྲི་གོང་མ་ཆོས་དབང་གི་གཞུང་ལས་བླངས་ཏེ།   ཕྲིན་ལས་ཕུར་པ་རོལ་པའི་གསང་བའི་དེ་ཉིད་ཆ་ཙམ་རིག་པའི་སྔགས་རྒན་འཇིགས་བྲལ་ཡེ་ཤེས་རྡོ་རྗེས་རང་ལོ་ལྔ་བཅུ་(28བ)ང་ལྔ་པའི་ཐོག་ཏུ་སོན་པ་ས་ཕོ་ཁྱིའི་ལོ་ནག་པ་ཉ་བའི་དམར་པོའི་ཕྱོགས་ལ།   སྦས་ཡུལ་འབྲས་མོ་གཤོངས་ཀྱི་བྱེ་བྲག་ཉེ་བའི་ཞིང་མཆོག་ཀ་པཱ་ལ་སྤུངས་པར་གྲགས་པའི་རི་སུལ་འོག་མིན་རྡོ་རྗེ་བཀོད་པའི་རྫོང་དུ་སྦྱར་བའི་ཡི་གེ་པ་ནི་རིག་བྱེད་སྨྲ་བའི་སྔགས་བཙུན་ཆོས་གྲགས་རྒྱ་མཚོས་བགྱིས་པའོ།   །འདིས་ཀྱང་བསྟན་འགྲོར་འཚེ་བའི་ཡིད་སྲུབས་དཔུང་ཚོགས་མིང་མཐར་བྱས་ཏེ་གསང་ཆེན་བསྟན་པའི་མངའ་ཐང་དགུང་དུ་བདོ་བའི་ཆ་རྐྱེན་མཆོག་ཏུ་ཡང་དག་པར་གྱུར་ཅིག།   །།ཛ་ཡནྟུ།།
|colophonwylie=de ltar dpal rdo rje phur bu yang gsang srog gi spu gri'i smad las bdud dpung mthar byed gnam lcags thog chen zhes bya ba 'di 'ang /___snga sor rnam 'dren gsung sprul bcu pa'i zhal snga nas bka' stsal rin po che spyi bor lhung ba rjes su sgrub par sems pa'i dam bca' ma bor yang gzhan dbang mi zad pa'i khol por 'phyan te yun du 'gyang bar 'gyur ba las/___nye char lha lung theg mchog rab rgyas gling gi rig 'dzin 'dus pa'i sdes gya nom pa'i skyes dang bcas nan bskyar du bskul bar mdzad pa la brten nas/___spu gri'i ngan sngags rtsa ba dang glo bur lcogs rdung las sbyor gyi 'khrul 'khor sogs gab dkrugs 'thor stabs su bzhugs pa rnams gter gzhung gi dgongs pa ma 'khrul bar mkhas grub rig 'dzin brgyud pa'i man ngag gis gtan la phab cing /___'don cha dkyus su mi gsal ba 'ga' zhig spu gri gong ma chos dbang gi gzhung las blangs te/___phrin las phur pa rol pa'i gsang ba'i de nyid cha tsam rig pa'i sngags rgan 'jigs bral ye shes rdo rjes rang lo lnga bcu [(28]ba[)]nga lnga pa'i thog tu son pa sa pho khyi'i lo nag pa nya ba'i dmar po'i phyogs la/___sbas yul 'bras mo gshongs kyi bye brag nye ba'i zhing mchog ka pA la spungs par grags pa'i ri sul 'og min rdo rje bkod pa'i rdzong du sbyar ba'i yi ge pa ni rig byed smra ba'i sngags btsun chos grags rgya mtshos bgyis pa'o/___/'dis kyang bstan 'gror 'tshe ba'i yid srubs dpung tshogs ming mthar byas te gsang chen bstan pa'i mnga' thang dgung du bdo ba'i cha rkyen mchog tu yang dag par gyur cig/___//dza yan+tu//
|pdflink=File:DJYD-KABUM-06-CHA-018.pdf
|authortib=བདུད་འཇོམས་འཇིགས་བྲལ་ཡེ་ཤེས་རྡོ་རྗེ་
|volumeLetter=CHA
|InitCategories=Dudjom Tersar Project; DJYD-KABUM-Volume-06-CHA
}}
<h1>Tibetan Text</h1>
<onlyinclude>
{{TibP|༄༅།   །དཔལ་རྡོ་རྗེ་ཕུར་བུ་ཡང་གསང་སྲོག་གི་སྤུ་གྲིའི་སྨད་ལས་བདུད་དཔུང་མཐར་བྱེད་གནམ་ལྕགས་ཐོག་ཆེན་ཞེས་བྱ་བ་བཞུགས་སོ།   །


༄༅།   །དཔལ་རྡོ་རྗེ་ཕུར་བུ་ཡང་གསང་སྲོག་གི་སྤུ་གྲིའི་སྨད་ལས་བདུད་དཔུང་མཐར་བྱེད་གནམ་ལྕགས་ཐོག་ཆེན་ཞེས་བྱ་བ།   བླ་མ་ཁྲག་འཐུང་བདུད་འདུལ་འབར་བ་ཆེན་པོའི་ཞབས་ལ་ཕྱག་འཚལ་ལོ།   །རྒྱལ་ཀུན་ཕྲིན་ལས་མི་བཟད་ནུས་པའི་སྟོབས།   །རབ་འཇིགས་གར་དགུའི་ཉམས་ཀྱིས་རྣམ་རོལ་པ།   །སྲིད་པ་ཐལ་བར་འབྱིན་པའི་ཧེ་རུ་ཀས།   །དེང་འདིར་བདུད་ལས་རྣམ་རྒྱལ་མཐུ་སྩོལ་ཅིག   །གང་གི་རིག་སྔགས་རྡོ་རྗེའི་མཚོན།   །མན་ངག་རྣོ་དབལ་རེག་གཅོད་ཀྱི།   །སྤུ་གྲི་ངར་མའི་འཁོར་ལོ་ནི།   །ཉམས་པའི་སྙིང་ལ་འདི་ལྟར་བསྐོར།   །{{TibChung|དེའང་གསང་བའི་དཀྱིལ {{TibChung|[2a]}} འཁོར་ཆེན་པོར་ཡོངས་སུ་སྨིན་ཅིང་བསྙེན་སྒྲུབ་མཐར་སོན་པ།   ལྟ་བ་གཏན་ལ་ཕེབས་བས་བདེན་འཛིན་གྱི་དབལ་བཅོམ་སྟེ་ཆོས་ཐམས་ཅད་སྒྱུ་མའི་རོལ་རྩེད་དུ་ཤེས་པའི་སྔགས་པ་སྙིང་རྗེ་ཆེན་པོའི་ཀུན་སློང་དང་ལྡན་པ་དག་གིས་བསྟན་དགྲ་སྒྲོལ་བའི་ལས་ལ་མངོན་དུ་ཕྱོགས་པ་ན་ཚུལ་འདི་ལ་འབད་པར་བྱ་བ་ཡིན་ནོ།   །དེ་ལ་ཡེ་ཤེས་ཀྱི་ལྷ་ཉེ་བར་བསྙེན་པ་སྔོན་དུ་འགྲོ་བས་ངན་སྔགས་ཉེ་བར་བསྙེན་པ་རྐང་ཐོན་དུ་སྒྲུབ་པའི་ཚུལ་ནི་མན་ངག་ལས་ཤེས་ཤིང་།   འདིར་སྤྱིའི་ཁོག་དབུབ་གདབ་ཁ་དཀྱུས་སུ་ཚང་བ་དམར་ཆེན་གཏོར་ཟློག་གི་ལས་རིམ་ཟབ་མོ་བསྒྲུབ་པ་ལ་གསུམ་ཏེ།   སྦྱོར་བ་ཡོ་བྱད་ཀྱི་ཤོམ།   ཆོ་གའི་རིམ་པ་དངོས།   རྗེས་ཀྱི་བྱ་བའོ།   །དང་པོ་སྦྱོར་བ་ཡོ་བྱད་ཀྱི་ཤོམ་ནི།   མར་ངོའི་གཟའ་སྐར་ཚེས་གྲངས་སོགས་ {{TibChung|[2b]}} དྲག་ཅིང་རྩུབ་པའི་དུས་སམ་གློ་བུར་གྱི་ཚེ་ཡང་རུང་ཏེ།   ལས་དང་མཐུན་པའི་གནས་སམ་སྒྲུབ་པའི་ཁང་པར་དཔལ་ཆེན་པོ་དམ་ཅན་དང་བཅས་པའི་སྐུའི་རྟེན་དགྲམ་ཞིང་ངོ་མཚར་བརྗིད་ཆགས་པའི་སྤྱན་གྱི་གཟིགས་མོ་ཚར་དུ་དངར་བར་བསྟར།   གུང་དུ་སྟེགས་བུ་མཐོ་བ་ལ་བླ་མ་ཡི་དམ་ནས་གཞི་བདག་གི་གཏོར་མའི་བར་མཆོད་པ་དང་བཅས་པ་སྤྱི་ལྟར་བ་ཤམ།   ལས་དཀྱིལ་གྱི་གཞི་དེར་དུག་ཁྲག་གིས་ཆག་ཆག་གདབ།   ཐིག་ཆེན་བརྒྱད་སྤྱི་ལྟར་བཏབ་རྗེས་ཁྲུ་གང་ལས་མི་ཆུང་བ་ཟླུམ་པོར་བསྐོར་ལ་སྐོར་ཐིག་དང་ཤར་གྱི་ཚངས་ཐིག་འཕྲད་མཚམས་ནས་བཟུང་སྟེ་ནུབ་བྱང་གི་རྩ་ཐིག་བར་གྱི་ཟླུམ་ཐིག་ཆ་གསུམ་དུ་བགོས་པའི་ཆ་གཉིས་བྱང་དང་ཆ་གཅིག་ནུབ་ཏུ་བོར་བའི་འཕྲད་མཚམས་ནས་ཆོས་འབྱུང་གི་གཡོན་གྱི་ལོགས་ཐིག་བཏབ།   དེ་བཞིན་དུ་ལྷོ་དང་ལྷོ་ནུབ་ཀྱི་བར་ལ་གཡས་དང་དེ་གཉིས་རྩེ་སྦྲེལ་བས་རྒྱབ་ཀྱི་ལོགས་ཐིག་འབྱུང་ངོ་།   །ཟུར་གསུམ་དུ་སོར་གཉིས་རེ་བསྣན་པའི་རྩེ་རྣམས་སྦྲེལ་ཏེ་མུ་རན་དང་།   དེའི་ཕྱིར་མེའི་ར་བ་གྲུ་གསུམ་ཆེ་ཆུང་ཇི་ལྟར་འོས་པ།   ཆོས་འབྱུང་གི་ནང་གི་གྲྭ་གསུམ་ནས་ཟླུམ་ཐིག་བཞི་བསྐོར་བ་ལ།   མུ་ཁྱུད།   རྩིབས་བརྒྱད།   ཐོད་པ།   ལྟེ་བ་དང་།   དབུས་སུ་ཆོས་འབྱུང་གི་གྲྭ་མདུན་བསྟན་མུ་རན་དང་བཅས་པའི་ཐིག་བཏབ།   རྒྱས་པ་ལ་དགའ་ན་ཆོས་འབྱུང་གི་ཕྱིར་རྡོར་མེ་རིས་ཀྱང་བསྐོར།   རྡུལ་ཚོན་དགྱེ་བ་ནི།   ཆོས་འབྱུང་གི་ནང་ནག་པོ།   མུ་རན་སྔོན་པོ།   ཟླ་གམ་ཁྲག་མཚོ།   མུ་ཁྱུད་ཐོད་སྐམ།   རྩིབས་བརྒྱད་སེར་པོ།   རྩིབས་མཆན་ཁྲག་མཚོ།   མུ་ཁྱུད་ {{TibChung|[3a]}} ཕྱི་མ་དམར་སེར།   ཆོས་འབྱུང་དང་མུ་རན་སྔར་བཞིན།   མེ་རི་དམར་སེར་འབར་བ།   རྡོ་ར་སོགས་ཡོད་ན་སྤྱི་མཐུན།   ཆོས་འབྱུང་གི་ལྟེ་བར་ཉི་གདན་ལ་ཁྲོ་བོའི་རྡོ་རྗེ་རྭ་གདེངས་པ།   ལྷ་གནས་གཞན་དུ་ས་བོན་ནམ་མེ་ཏོག་ནག་པོའི་ཚོམ་བུ་བཀོད།   དཀྱིལ་འཁོར་གྱི་དབུས་སུ་མཉྫིའི་ཁར་ལྕགས་སྣོད་དུ་འབྲུ་ནག་གི་རྗེན་ཕྱེ་ཁྲག་གིས་སྦྲུས་པའི་དམར་གཏོར་ཐོག་གཟུགས་རྣོ་དབལ་ཅན་ལ་འཁོར་དམར་གྱི་བཤོས་ཕྲན་ཉེར་གཅིག་གིས་བསྐོར་བའི་རྩེ་མོར་སྐུ་རྟེན་བྱ་ཁྱུང་བ་དན་ནག་པོ་མེ་ལོང་བཙུག་ཅིང་།   ཁྲག་ཀོང་།   མཚེ་ཡུངས།   རྩང་དམར།   ཁྲམ་བྱང་།   རྒྱུ་རློན་གྱི་ལྡ་ལྡི་སོགས་དྲག་རྒྱན་རྔམས་བརྗིད་དང་ལྡན་པ་འགོད།   དེ་མཐར་ཁྲོ་བོ་བཅུའི་དམར་གཏོར་རང་རང་གི་འཁོར་ཅན་གཙོ་བོ་དང་དབྱིབས་མཚུངས་པ་སོ་སོའི་སྐུ་ཙཀ་བ་དན་གྱིས་སྦུད་པ་རྩིབས་སོ་སོ་དང་སྟེང་འོག་གི་ཁྲོ་བོ་ཤར་ནུབ་ཀྱི་ཐོད་རའི་ཁར་འགོད།   དེའི་ཕྱི་རོལ་གྱི་ཕྱོགས་བཞིར་སྒོ་སྐྱོང་བཞིའི་གཏོར་མ་དང་།   ཆོས་འབྱུང་ཕྱི་མའི་ཟུར་མདུན་མར་ཤྭ་ན་མ་བཞི།   གཡས་ཟུར་དུ་བདག་ཉིད་མ་བཞི།   རྒྱབ་ཏུ་ས་བདག་མ་བཞི།   གཡོན་ཟུར་དུ་སྐྱེས་བུ་གིང་བཞི་རྣམས་ཀྱི་བཤོས་བུ་སོ་སོའི་མཐུན་རྫས་ཀྱིས་གཏམས་ཤིང་མདའ་དར་སོགས་རྒྱན་གྱིས་བརྒྱན་པ།   ཕྱི་རོལ་དབང་མོ་ཉེར་བརྒྱད་ཀྱི་ཀོང་ཟོར་གྲུ་གསུམ་དུག་ཁྲག་གིས་བྱུགས་ཤིང་མཚེ་ཡུངས་བཙུགས་པ་ལོགས་རེར་བདུན་བདུན་བཀོད།   མཐར་ཁྲག་ཆེན་དང་སྦྱར་བའི་མཆོད་ཡོན།   དུག་དང་ཆུ་སེར་སྦྱར་བའི་ {{TibChung|[3b]}} ཞབས་བསིལ།   དབང་པོ་ལྔའི་མེ་ཏོག   །ཚིལ་ཆེན་བྱུགས་པའི་སྤོས་རེངས།   ཞུན་མར་རམ་མར་ནག་གི་སྒྲོན་མེ།   ཆར་ལ་མཁྲིས་ཆེན་སྦྱར་བའི་དྲི་ཆབ།   ཤ་རུས་ཀྱིས་གཏམས་པའི་བཤོས་བུ་ཟུར་གསུམ་དམར་ནག་སྟེ་དྲག་པོའི་མཆོད་པས་གཡས་སུ་བསྐོར།   སྒྲུབ་དཀྱིལ་དེའི་ལྷོ་ནུབ་སྲིན་པོའི་ཕྱོགས་སུ་དངོས་སམ་བྲིས་པའི་བྲུབ་ཁུང་མཐའ་མ་རྩང་ཕུར་གྱིས་བསྐོར་བའི་ནང་དུ།   དུར་ཁྲོད་ཀྱི་འཇག་མ།   གྲོག་མཁར་གྱི་ས།   དགྲ་བོའི་ཁང་ས་དང་དྲི་མ་རྣམས་སྦྱར་བའི་ལིངྒ་དབང་པོ་དོད་པ་ཞིག་བྱས་ལ་དེའི་སྙིང་གར་རོ་རས་ལ་དགྲ་སྲོག་སྤུ་གྲིའི་འཁོར་ལོ་བྲིས་པ་བསླན་ཅིང་ཡན་ལག་བྱད་ཐག་སྔོ་དམར་གྱིས་བཅིངས་པའི་སྣེ་མོ་ཐུན་ཕུར་ལ་བཏགས།   དེའི་ཉེ་ལོགས་སུ་བྱ་རོག་དང་འུག་པའི་དང་རུ།   གུ་གུལ་སོགས་དབྱེ་རྫས།   འབེབས་པའི་ཡུངས་ཀར།   ཚོན་སྐུ་དང་ཤི་ཡུག་གི་སྐྲའི་བྱད་ཐག   །མྱོས་བྱེད་ཀྱི་དུག་ཁྲག   །གཙོ་འཁོར་ཡོངས་རྫོགས་ཀྱི་ཕུར་བུ།   གྲི་ལྕགས་ཀྱི་རལ་གྲི།   ཐོ་བ།   ཧོམ་གཟར་དང་བཅས་པ་བཤམས།   སྒྲུབ་དཀྱིལ་གྱི་མེ་མཚམས་སུ་ཟོར་གདན་གཡང་གཞིར་རོ་སོལ་གྱིས་ཆོས་འབྱུང་རྒྱར་སོར་ཉི་ཤུ་དཔངས་སོར་གསུམ་པ་འཁོར་ལོ་རྩིབས་བརྒྱད་དང་བཅས་པ་བྲིས་པའི་ལྟེ་བར་མཉྫིའི་ཁར་སྲས་མཆོག་གི་གཏོར་ཟོར་རཀྟས་བྱུགས་ཤིང་ཡུངས་ཀར་གྱི་གོང་བུ་བཙུག་པ།   ལྷོ་ནས་བརྩམས་ཏེ་ཕྱོགས་བཞིའི་རྩིབས་ལ་སྐྱེར་མདའ་དུག་ཤིང་གི་མདེའུ་ཕུར་གཟུགས་ཚོན་དོ་པ་ཅན་རིམ་བཞིན་འུག་པ།   ཁྲ།   སྲིན་བྱ།   བྱ་རོག་རྣམས་ {{TibChung|[4a]}} ཀྱི་སྒྲོས་བསྒྲོན་པ་དུག་ཁྲག་གུ་གུལ་ཚིལ་ཆེན་གྱིས་སོ་སོར་བྱུགས་པ་བཞག་ལ་གཤིན་རྗེ་ལ་སོགས་པ་ཕྱོགས་ཀྱི་ཁྲོ་བོ་བཞིར་བསྐྱེད་ཅིང་།   ཕྱོགས་གང་བདེར་མི་རྩིབས་ཀྱི་གཞུ་ཞིང་རྒྱུས་ཀྱིས་དྲངས་པའང་བཀོད།   ཤར་ལྷོར་རབས་ཆད་ནག་པོའི་ཐོད་པའམ་གཡག་རྒོད་ཀྱི་རྭ་གཡས་པར་མི་ཁྱི་རའི་ཁྲག་དང་དམེ་ཁྲག་སོགས་སྦྱར་བའི་རོ་རས་ཀྱིས་བཀབ་པ།   ལྷོ་ནུབ་ཏུ་དུར་ཁྲོད་ཀྱི་རྡོ་ལ་དུག་ཁྲག་གིས་བྷྱོ་ཟློག་རྦད་བྲིས་པའི་རྡོ་ཐུན་ཚོན་སྐུད་ཀྱི་སྒུལ་མོ་ཞིང་ལྤགས་ཀྱི་མཐིལ་ཡུག་སྐྲའི་འཇག་ཅན་དང་བཅས་པ།   ནུབ་བྱང་དུ་ཕུང་ཤུལ་དུར་ཁྲོད་གཡུལ་བཀྱེ་བ་འདྲེ་ཅན་སོགས་ཕུང་ས་སྣ་ཚོགས་རྔ་མོང་ཁྱི་ཕག་སྤྱང་ཀིའི་བྲུན་དང་དུག་ཁྲག་གིས་སྦྲུས་པའི་ཀོང་བུ་གྲུ་གསུམ་གདེངས་ཀ་ཅན་ཁ་དཔངས་མཉམ་པ་སོར་བཞི་པ་ནང་དུག་ཁྲག་གིས་དམར་པོ་དང་ཕྱི་རོ་སོལ་གྱིས་ནག་པོར་བྱུགས་པའི་ནང་དུ་ཡུངས་ཀར་གྱི་གོང་བུ་བཙུགས་པ།   བྱང་ཤར་དུ་ཐོད་ནག་གླིང་དྲུག་པའམ་ཀོང་བུང་བོང་ང་སྤྱང་ཚེར་རེ་ལྕགས་སྦྱར་དུག   །ཐར་ནུ་དྷ་དུ་ར་སོགས་དུག་སྣ་མྱོས་བྱེད་ཀྱིས་སྦྱར་བའི་དུག་ཐུན་རྣམས་ལག་ལེན་བཞིན་བཤམ།   གཞན་ཡང་ཕྱི་ནང་གི་མཆོད་པ།   ཚོགས་ཀྱི་ལོངས་སྤྱོད།   གསེར་སྐྱེམས་ཀྱི་ཆས།   དམར་སྦྲེང་གི་ཐོད་པ་སོགས་ཉེ་བར་མཁོ་བའི་ཡོ་བྱད་ཐམས་ཅད་མ་ཚང་བ་མེད་པར་འདུ་བྱའོ།   །གཉིས་པ་ཆོ་ག་དངོས་ཀྱི་རིམ་པ་ལ་གཉིས།   ཏིང་ངེ་འཛིན་གྱི་རྫོང་བཅའ་བ་དང་།   དྲག་པོའི་ལས་ཀྱི་གཡུལ་འགྱེད་པའོ།   །དང་པོ་ནི།   སྐྱབས་ {{TibChung|[4b]}} སེམས་ཚོགས་བསགས་ནས་བཟུང་སྔོན་འགྲོའི་ལས་རིམ་རྣམས་རྫོགས་པའི་རྗེས་སུ་ཕུར་བུ་བྱིན་གྱིས་རློབ་པ་ལ།   ཕུར་བུ་རྣམས་གུ་གུལ་གྱིས་བདུག་ཅིང་།}} ཨོཾ་བཛྲ་ཀཱི་ལི་ཀཱི་ལ་ཡ་སུ་རུ་སུ་རུ་ཨ་དྷི་ཏིཥྛ་རྨུགས་རྨུགས་ཧ་ལ་ཧ་ལ་དགྲ་བགེགས་འབྱུང་པོའི་ཙིཏྟ་མྱགས་མཱ་ར་ཡ་ཧཱུྃ་ཕཊ༔   {{TibChung|ཡུངས་ཀར་གྱིས་བྲབ་ཅིང་།}} ཨོཾ་བཛྲ་ཀཱི་ལི་ཀཱི་ལ་ཡ་མ་གུ་ཏ་ལ་པྲ་ཏ་ལ་བྲ་ཏ་ལ་ཤ་ཏ་རཱ་ཙ་ཧཱུྃ་དགྲ་བགེགས་འབྱུང་པོ་མཱ་ར་ཡ་ཧཱུྃ་ཕཊ༔   {{TibChung|རཀྟས་བྱུག་ཅིང་།}} ཨོཾ་བཛྲ་ཀཱི་ལི་ཀཱི་ལ་ཡ་རཀྟ་ཛྭ་ལ་མཎྡལ་རཀྵ་རཀྵ་དགྲ་བགེགས་ཝཱ་ཤཾ་མཱ་ར་ཡ་ཧཱུྃ་ཕཊ༔   {{TibChung|ཅེས་བྱུགས་སོགས་གསུམ་གྱིས་གཟི་བྱིན་བསྐྱེད་ལ།}} ཤུ་ནྱ་ཏ{{TibChung|ས་བསང་སྦྱང་།}} སྟོང་པའི་ངང་ལས་ཨེ་ལས་ཕུར་གདན་གྲུ་གསུམ་མཐིང་ནག་འབར་བའི་དབུས་སུ་པད་ཉེར་དགྲ་བགེགས་ཀྱི་གདན་ལ་རང་གི་ཐུགས་ཀ་ནས་ཧཱུྃ་སྤྲོས།   ཧཱུྃ་སྥ་ར་ཎ་ཕཊ།   སཾ་ཧ་ར་ཎ་ཧཱུྃ།   ཨོཾ་བཛྲ་ཀཱི་ལི་ཀཱི་ལ་ཡ་ཧཱུྃ།   ཕུར་བུ་དཔལ་ཆེན་རྡོ་རྗེ་གཞོན་ནུ་ཡུམ་དང་བཅས་པའི་སྐུར་གྱུར།   {{TibChung|སྙིང་པོ་ལན་བདུན་བཟླས།}} དེ་ཞུ་བ་ལས་བྱུང་བའི་ཕུར་བུར་གྱུར་པའི་རྩེ་མོར་དཔལ་ཆེན་པོ།   རྒྱ་མདུད་གོང་མ་ལ་ཁྲོ་བཅུ།   ཆངས་བཟུང་ལ་ཟ་གསོད།   རྒྱ་མདུད་འོག་མ་ལ་སྒོ་སྐྱོང་།   དབལ་ཟུར་ལ་སྲས་མཆོག   །ལོགས་གསུམ་ལ་དམ་ཅན་སྲུང་ {{TibChung|[5a]}} མ་དང་བཅས་པའི་ཕོ་བྲང་དུ་གྱུར་{{TibChung|པར་བསམ།   དེ་ནས་དངོས་གཞི་ལ།   རྒྱུ་ཏིང་ངེ་འཛིན་གསུམ་ལས་འབྲས་བུ་དཀྱིལ་འཁོར་གསུམ་དུ་བསྐྱེད་བའི་ཚུལ་དཀྱུས་བཞིན་ལ་དམིགས་པའི་ཁྱད་པར་དཔེར་ན་བཞིན་གཅིག་ལ་མེ་ལོང་གཉིས་སུ་གཟུགས་བརྙན་སོ་སོར་འཆར་བ་བཞིན་བདག་མདུན་གཅིག་ཅར་དུ་གསལ་བཏབ་སྟེ་ཡེ་ཤེས་བ་དྲང་བསྟིམ་སོགས་ནས་བསྟོད་པའི་བར་དཀྱུས་བཞིན་ལས།   བཟླས་པའི་ཚེ་སྐུ་གསུང་ཐུགས་ལ་དམིགས་པའི་ཛཔྲ་དགོངས་ཡེ་ཤེས་སེམས་དཔའི་ཐུགས་དམ་བསྐུལ་བའི་འཁོར་ལོའི་དགོངས་པ་དང་སྦྱར་ཏེ་བཟླ་བ་ཡེ་ཤེས་ཀྱི་ལྷ་ཉེ་བར་བསྙེན་པ་གཞུང་བཞིན་དང་།   སྲུང་འཁོར་གྱི་དམིགས་པ་ནི།}}སྲུང་འཁོར་གྱི་མེ་རིའི་ནང་དུ་མཚོན་ཆ་ལྔའི་གུར་ཁང་།   དེའི་ནང་དུ་མཚམས་གཅོད་ཀྱི་ཁྲོ་བོ་འབར་བའི་གུར་ཁང་།   དེའི་ནང་དུ་ཐབས་ཤེས་དབྱངས་གསལ་ཉི་ཟླའི་གུར་ཁང་རྣམས་ཀྱིས་རིམ་པར་དཀྲིགས་ཏེ་བར་ཆད་གང་གིས་ཀྱང་མི་ཕྱེད་པའི་དབུས་སུ་རྟེན་དང་བརྟེན་པའི་དཀྱིལ་འཁོར་ཡོངས་སུ་རྫོགས་པ་གསལ་བའི་གཙོ་བོའི་ཡེ་ཤེས་སེམས་དཔའི་ཐུགས་ཀར་ཏིང་འཛིན་སེམས་དཔའ་རྡོ་རྗེ་རྩེ་དགུ་པའི་ལྟེ་བར་ཧཱུྃ་མཐིང་ནག་གི་ཐིག་ལེར་བླ་མ་སློབ་དཔོན་ཁོག་པར་རང་གཞན་བསྲུང་བྱ་མཐའ་དག་ཚུད་པར་{{TibChung|བསམ་ཞིང་།   སྒོ་གསུམ་སྲུང་བའི་དམིགས་གནད་དང་བཅས་འབྲུ་དགུའི་ཤམ་དུ།}} མ་མ་ཀཱ་ཝཱ་ཙི་རཀྵ་ {{TibChung|[5b]}} ཀུ་རུ་བྷྲཱུྃ༔   {{TibChung|ཞེས་བཏགས་པ་ཅི་ནུས་སུ་བཟླ།   དམ་ཅན་ཉེ་བར་བསྙེན་པ་ནི།}} རང་ཉིད་དཔལ་ཆེན་པོའི་ཐུགས་ཀ་ནས་འབར་བའི་འོད་ཟེར་བསམ་གྱིས་མི་ཁྱབ་པ་འཕྲོས་པ་འཁོར་གྱི་དམ་ཅན་རྣམས་ལ་ཕོག   །སྔོན་གྱི་ཐ་ཚིག་གནད་ནས་བསྐུལ་ཏེ་དྲག་པོའི་ལས་ལ་རྔམས་ཤིང་རིངས་པའི་ཚུལ་དུ་འདུག་པ་ལ།   སླར་ཡང་སྔགས་ཀྱི་འོད་ཟེར་རྩུབ་ཅིང་གདུང་བས་རང་དབང་མེད་པར་དྲག་ཏུ་བསྐུལ་ཏེ་ཤ་ཁྱི་ཚོམ་ནས་བཀྱེ་བའམ་བྱ་གཅན་ཤ་ལ་རུབ་པ་ལྟར་ལས་བྱེད་པར་{{TibChung|བསམ་ཞིང་།   དམ་ཅན་གནད་འབེབས་ཀྱི་འཁོར་ལོའི་དགོངས་པ་དང་སྦྱར་ཏེ་བཞི་སྙིང་གཅིག་དྲིལ་དྲག་ཏུ་བཟླ།   ཁྱད་པར་ངན་སྔགས་ཉེ་བར་བསྙེན་པ་ཕྲིན་ལས་ལ་དམིགས་པ་དྲག་པོའི་བཟླས་པ་བྱེ་བྲག་ཏུ་བྱ་བ་ནི།}} རང་ཉིད་དཔལ་ཆེན་པོ་འཁོར་བཅས་སུ་ལྷག་པར་གསལ་བས།   ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱ་བཾ་དགྲ་བགེགས་གནོད་བྱེད་མཱ་ར་ཡ་ཧཱུཾ་ཕཊ༔   {{TibChung|ཅེས་བརྗོད་པས།}} ཐུགས་ཀའི་ས་བོན་ལས་སྔགས་ཀྱི་འོད་ཟེར་ལྗང་ནག་བ་ཐག་གཟེངས་པ་ལྟ་བུ་ཕྱོགས་བཅུར་འཕྲོས་པའི་རྩེ་ལས་སྲས་མཆོག་ལྟ་བུའི་ཁྲོ་བོའི་སྤྲུལ་པ་བསམ་གྱིས་མི་ཁྱབ་པ་སྤྲོས།   སྟོང་གསུམ་ཐམས་ཅད་གང་།   དངོས་སྣང་སྐུ།   སྒྲ་གྲགས་གསུང་།   རྟོག་ཚོགས་ཐུགས་སྒྲོལ་བྱེད་དུ་ {{TibChung|[6a]}} གསལ་བས་དཀྱིལ་འཁོར་གསུམ་སོགས་བདེ་བར་གཤེགས་པ་ཐམས་ཅད་ཀྱི་ཐུགས་དམ་བསྐངས།   སྲུང་མ་དམ་ཅན་ཐམས་ཅད་ཀྱི་སྲོག་གཅུད་ལ་ཕབ་ནས་སྒྲོལ་བའི་ལས་ལ་བཙུད།   རྣལ་འབྱོར་པ་ཐམས་ཅད་ཀྱི་གཡར་དམ་སོར་སྩོལ།   སེམས་ཅན་ཐམས་ཅད་ཀྱི་དོན་བྱས།   བླ་ན་མེད་པའི་གནས་སུ་བསྒྲལ།   གཟས་པོའི་གནས་སུ་འཕྲོས་པས་གང་ལ་བྱ་བ་དེ་དག་བཀུག་ནས་ལིངྒ་ལ་བསྟིམས་པས་དངོས་སུ་གྱུར་ནས་འཁུ་མི་ནུས་པར་འབྲུབ་ཁུང་དུ་གསལ།   འོད་ཟེར་སླར་འདུས་ནས་བདག་དང་ཕུར་བུ་རྣམས་ལ་ཐིམ་པས་གཟི་བརྗིད་དང་མཐུ་སྟོབས་དཔག་མེད་དུ་གྱུར།   འཕྲོས་པའི་ཁྲོ་བོ་ཕུར་བུའི་གཟུགས་ཅན་རྣམས་བསྒྲལ་བྱའི་ཞིང་རྣམས་ལ་བཏབ་པས་སྤྱི་གཙུག་ནས་རྐང་མཐིལ་དུ་ཕྱུང་ལུས་བསྒྲལ།   ལྕེ་སྟེང་ནས་ལྐོག་མར་ཕྱུང་ངག་བསྒྲལ།   སྙིང་གར་ཐོག་ལྟར་ལྷུང་བས་སྲོག་རྩ་ཐལ་བར་བྱས་སེམས་ཀྱི་བག་ཆགས་བསྒྲལ།   མདོར་ན་ཕུར་བུའི་ཆར་རྒྱུན་མ་ཆད་པར་ལྷུང་བས་དགྲ་བགེགས་ཀྱི་སྒོ་གསུམ་ལོངས་སྤྱོད་དང་བཅས་པ་ཐམས་ཅད་ཕྱེ་མར་བརླག་པར་{{TibChung|བསམ་ཞིང་།   སྤྲོ་ན་གཙོ་འཁོར་སོ་ {{TibChung|[6b]}} སོའི་སྔགས་ལ་ཕྲིན་ལས་ཀྱི་སྤེལ་སྔགས་གོང་བཞིན་སྦྱར་ཏེ་བཟླ་བའམ།   ཆིག་ཆོད་དུ་སྤུ་གྲིའི་དྲག་སྔགས་འདུས་པ་ཉིད་དྲག་ཏུ་བཟླའོ།   །དེ་ནས་ཆོས་སྐྱོང་སྤྱི་སྒོས་ཀྱི་གཏོར་མའི་ཆོ་ག་དང་།   ཚོགས་ཀྱི་མཆོད་པ་བྱིན་གྱིས་བརླབ་པ་ནས་བར་པ་བཤགས་པའི་མཐར་ཐུག་པར་བཏང་ངོ་།   །གཉིས་པ་དྲག་པོའི་ལས་ཀྱི་གཡུལ་འགྱེད་པ་ལ།   སྔོན་དུ་བྱ་བ་གཉིས།   བར་དུ་བྱ་བ་ལྔ།   རྗེས་སུ་བྱ་བ་དྲུག་གི།   སྔ་མར་ཐུགས་དམ་བསྐུལ་བ་དང་།   མཁྱེན་དཔང་གསོལ་བ་གཉིས་ལས།   དང་པོ་ཐུགས་དམ་བསྐུལ་བ་ནི།}} བླ་མ་རིག་འཛིན་དཀྱིལ་འཁོར་གསུམ་གྱི་ལྷ་ཚོགས་དམ་ཅན་སྲུང་མ་དང་བཅས་པ་ཐམས་ཅད་སྔོན་གྱི་ཐུགས་དམ་ལས་བཞེངས་ཏེ་རྔམས་པའི་ཧཱུཾ་སྒྲ་དིར་གྱིས་མངོན་སྤྱོད་དྲག་པོའི་ལས་ལ་ཆས་པར་{{TibChung|བསམ་ཞིང་།   ཐོག་མར་རིག་འཛིན་བསྐུལ་བ་ནི།}} ཧཱུཾ༔   བྱང་ཆུབ་མཆོག་ཏུ་སེམས་བསྐྱེད་ཅིང་༔   དུས་གསུམ་རྒྱལ་བའི་གདུང་འཚོབ་པའི༔   རིག་འཛིན་རྣམས་ཀྱི་དུས་ལ་བབ༔   ཕུར་བུ་སྒྲུབ་པའི་གྲོགས་མཛོད་ཅིག༔   སློབ་དཔོན་པདྨ་འབྱུང་གནས་ཀྱིས༔   རྒྱ་གར་ཙན་དན་ནགས་ཚལ་ལ༔   ཇི་ལྟར་རྟགས་བསྟན་བསྙེལ་ལམ་ཅི༔   ཕུར་བུ་སྒྲུབ་པའི་གྲོགས་མཛོད་ཅིག༔   པཎ་ཆེན་བི་མ་མི་དྲ་ཡིས༔   གྰངྒ་ལྷ་ཡི་ཆུ་བོ་ལ༔   ཇི་ལྟར་རྟགས་བསྟན་བསྙེལ་ལམ་ཅི༔   {{TibChung|[7a]}} ཕུར་བུ་སྒྲུབ་པའི་གྲོགས་མཛོད་ཅིག༔   བལ་པོ་ཤྰི་ལ་མཉྫུ་ཡིས༔   མནྡྷ་ལ་ཡི་མཁར་སྒོང་ལ༔   ཇི་ལྟར་རྟགས་བསྟན་བསྙེལ་ལམ་ཅི༔   ཕུར་བུ་སྒྲུབ་པའི་གྲོགས་མཛོད་ཅིག༔   མཁར་ཆེན་ཡེ་ཤེས་མཚོ་རྒྱལ་གྱིས༔   དགུང་གྱི་ཕོ་རོག་ནག་པོ་ལ༔   ཇི་ལྟར་རྟགས་བསྟན་བསྙེལ་ལམ་ཅི༔   ཕུར་བུ་སྒྲུབ་པའི་གྲོགས་མཛོད་ཅིག༔   མིང་པོ་དཔལ་གྱི་དབང་ཕྱུག་གིས༔   རྩིབས་ཀྱི་སྤྱང་ཀི་སྔོན་པོ་ལ༔   ཇི་ལྟར་རྟགས་བསྟན་བསྙེལ་ལམ་ཅི༔   ཕུར་བུ་སྒྲུབ་པའི་གྲོགས་མཛོད་ཅིག༔   གཏེར་སྟོན་རིག་འཛིན་ཆེན་པོ་ཡིས༔   གནམ་ལྕགས་འབར་བའི་བྲག་ལོགས་ལ༔   ཇི་ལྟར་རྟགས་བསྟན་བསྙེལ་ལམ་ཅི༔   ཕུར་བུ་སྒྲུབ་པའི་གྲོགས་མཛོད་ཅིག༔   གཞན་ཡང་རིག་འཛིན་བརྒྱུད་པའི་ཚོགས༔   ཕྲིན་ལས་དྲག་རྩལ་ཅན་རྣམས་ཀྱིས༔   ཇི་ལྟར་རྟགས་བསྟན་བསྙེལ་ལམ་ཅི༔   ཕུར་བུ་སྒྲུབ་པའི་གྲོགས་མཛོད་ཅིག༔   མ་གཡེལ་མ་གཡེལ་རིག་འཛིན་རྣམས་༔   སྔོན་གྱི་ཐུགས་དམ་རྗེས་དགོངས་ལ༔   མཐུ་རྩལ་ནུས་པའི་དཔུང་བསྐྱེད་ཅིང་༔   བྱིན་གྱིས་བརླབ་ཕྱིར་གཤེགས་སུ་གསོལ༔   {{TibChung|དཀྱིལ་འཁོར་རྩ་བའི་ལྷ་ {{TibChung|[7b]}} རྣམས་བསྐུལ་བ་ནི༔}}  ཧཱུྃ༔   གྲུ་གསུམ་འབར་བའི་དཀྱིལ་འཁོར་ནས༔   མི་གནས་དཔལ་ཆེན་ཁྲོ་བོའི་རྒྱལ༔   བཅོམ་ལྡན་རྡོ་རྗེ་གཞོན་ནུ་ནི༔   ཤིན་ཏུ་མི་བཟད་འཇིགས་པའི་སྐུ༔   མཐིང་ནག་གཅེར་བུ་རལ་པ་ཅན༔   ཞིང་ཆེན་ཀོ་རློན་གོས་སུ་གྱོན༔   སྟག་ལྤགས་གྲོལ་བའི་ཤམ་ཐབས་ཅན༔   རྡོ་རྗེ་མེ་དཔུང་འཁྲུགས་པའི་ཚུལ༔   ཁྲག་དང་ཞག་གི་ཚོམ་བུ་སོགས༔   དུར་ཁྲོད་འཇིགས་པའི་རྒྱན་ཆ་ཅན༔   དེ་དང་གཉིས་མེད་སྦྱོར་བའི་ཡུམ༔   བདེ་ཆེན་འཁོར་ལོ་རྒྱས་འདེབས་མ༔   ཡབ་ཡུམ་ཐབས་ཤེས་རོལ་པ་ལས༔   སྤྲུལ་པ་ཁྲོ་རྒྱལ་ཡབ་ཡུམ་བཅུ༔   ཟ་གསོད་ཕོ་ཉའི་དམག་ཚོགས་དང་༔   འཁོར་གྱི་མ་མོ་དམ་ཅན་རྣམས༔   རེ་བ་ཐམས་ཅད་བསྐང་བའི་ཕྱིར༔   དམ་ཚིག་བཞིན་དུ་གཤེགས་སུ་གསོལ༔   དམ་ཚིག་བཞིན་དུ་གཤེགས་ནས་ཀྱང་༔   སློབ་དཔོན་ལ་ནི་བརྙས་བྱེད་དང་༔   དམ་ཚིག་གཉན་པོ་དྲལ་བྱེད་དང་༔   རྡོ་རྗེའི་མཆེད་ལ་འཁུ་བྱེད་དང་༔   མི་བྱམས་སྡང་ལ་ཉེ་རིང་མེད༔   དམ་ལས་འདས་ན་མཆེད་ཀྱང་རུང་༔   གནོད་པར་བྱེད་ན་ {{TibChung|[8a]}} ལྷ་ཡང་རུང་༔   ཡས་ཀྱི་བདུད་དང་མས་ཀྱི་སྲི༔   རྣོ་བའི་མཚོན་དང་སྦྱར་བའི་དུག༔   སྔ་དགྲ་ལ་བདར་ཕྱི་དགྲ་སེམས༔   ད་དགྲ་བསམ་ངན་སྦྱོར་རྩུབ་པ༔   དཀོན་མཆོག་དབུ་འཕང་དམོད་པ་དང་༔   བསྟན་པ་གཉན་པོ་འཇིག་པ་རྣམས༔   ལོ་ཡི་དུས་ལས་འདས་ཏ་རེ༔   ཟླ་བའི་མལ་ནས་ཡོལ་ཏ་རེ༔   སྡང་བྱེད་དགྲ་དང་གནོད་བྱེད་བགེགས༔   ཐམས་ཅད་མ་ལུས་མྱུར་དུ་ཁུག༔   ལྕགས་ཀྱུ་ཅན་གྱིས་སྙིང་ནས་དྲོངས༔   ཞགས་པ་ཅན་གྱིས་རྐེ་ནས་ཆིངས༔   ལྕགས་སྒྲོགས་ཅན་གྱིས་དབང་པོ་སྡོམས༔   དྲིལ་བུ་ཅན་གྱིས་རྣམ་ཤེས་སྒྱུར༔   རྡོ་རྗེ་ཅན་གྱིས་རྒྱབ་ནས་ཕུལ༔   མཆེ་བ་ཅན་གྱིས་སྤྱི་ནས་ཆོམས༔   ལྕགས་ཀྱུ་ཅན་གྱིས་སྙིང་ནས་གཞིབས༔   གཤོག་པ་ཅན་གྱིས་མཐའ་ནས་ཆུམས༔   ནུ་མ་ཅན་གྱིས་སྡེབས་སུ་གཞིབས༔   གན་བུབ་ནག་པོ་བསྲེས་ལ་ཤོག༔   ལས་ཀྱི་རླུང་གིས་གཤམ་ནས་འདེགས༔   འཇིགས་པའི་མུན་པས་མདུན་ནས་སུས༔   ལྷག་པའི་བདུད་སྒོ་ཕྱེས་ལ་ཤོག༔   དཔྲལ་བའི་མིག་ཕྱུང་ཁོང་སྙིང་ཐོན༔   རང་དབང་མེད་པར་དྲོངས་ཤིག་ཁུག༔   {{TibChung|[8b]}} ཡུད་ཙམ་གྱིས་ནི་འདིར་བཀུག་ནས༔   ལུས་ངག་རྡུལ་ཕྲན་བཞིན་དུ་ཤིགས༔   རྣམ་ཤེས་ཚངས་པའི་ལམ་ནས་སྤོར༔   མ་གཡེལ་བཅོལ་བའི་ཕྲིན་ལས་རྣམས༔   དམ་ཚིག་ཚུལ་བཞིན་གྲུབ་པར་མཛོད༔   {{TibChung|དམ་ཅན་རྣམས་བསྐུལ་བ་ནི།}} ཧཱུཾ་བྷྱོ༔   སྔོན་ཚེ་སྒྲུབ་པའི་གནས་མཆོག་ནས༔   ལྕགས་ཀྱི་སྤྱང་མོ་མགོ་དགུ་མ༔   ཟངས་ཀྱི་ཝ་མོ་རྐང་གསུམ་མ༔   བསེ་ཡི་འཕར་བ་ལྕེ་བརྒྱད་མ༔   གཡུ་ཡི་ཁྱི་མོ་རལ་པ་ཅན༔   ང་རོ་འབྲུག་ཏུ་ལྡིར་ཞིང་ཟུག༔   ཁ་རླངས་སྤྲིན་དུ་འཁྱིལ་ཞིང་འཐིབས༔   མིག་ནི་ཉི་མའི་ཟེར་བཞིན་འབར༔   བང་ནི་གློག་གི་འགྲན་མི་ནུས༔   སྤུ་ནི་མཚོན་ཆའི་སོ་ལྟར་རྣོ༔   དེ་འདྲའི་ཆིབས་ཀྱི་བརྗིད་ཚུལ་ལ༔   འཇིགས་པའི་མི་མོ་བཟང་མོ་ཞོན༔   གཡས་པ་རྡོ་རྗེ་ཐོད་ཕྲེང་འདྲེན༔   གཡོན་པ་རིན་ཆེན་ཕུར་བུ་འདྲིལ༔   མུ་ཁ་མཆེད་བཞིའི་དུས་ལ་བབ༔   འདིར་སྤྱོན་བཅོལ་བའི་ཕྲིན་ལས་མཛོད༔   དམ་རྫས་མཆོད་པ་འདི་བཞེས་ལ༔   སྲིད་པའི་ཕུར་བུ་བདག་སྒྲུབ་པས༔   སྔོན་གྱི་ཁས་བླངས་དམ་བཅས་བཞིན༔   བཅོལ་བའི་ཕྲིན་ལས་མྱུར་དུ་མཛོད༔   མ་ཐ་མ་ཐ་བཛྲ༔   ཛྭ་ལ་ཛྭ་ལ་བཛྲ༔   {{TibChung|[9a]}} སུ་རུ་སུ་རུ་བཛྲ༔   མུ་རུ་མུ་རུ་བཛྲ༔   དགྲ་བགེགས་གནོད་བྱེད་མཱ་ར་ཡ་ཧཱུཾ་ཕཊ༔   ཧཱུཾ༔   བྱིང་བྱེད་མཚོ་ལ་གནས་བཅས་ཤིང་༔   རླུང་ནག་འཚུབས་མའི་སྣ་འདྲེན་མ༔   དཔལ་ལྡན་ནག་མོ་རེ་མ་ཏཱི༔   སྐུ་མདོག་མཐིང་ནག་འབར་བ་ལ༔   མི་ལྤགས་རློན་པ་སྐུ་ལ་གསོལ༔   ཕྱག་ན་སྤུ་གྲི་རྣོན་པོ་བསྣམས༔   ཆིབས་སུ་དྲེལ་རྟ་རྐང་གསུམ་ཆིབས༔   འདིར་སྤྱོན་བཅོལ་བའི་ཕྲིན་ལས་མཛོད༔   ཧཱུཾ༔   བར་སྣང་ཁམས་སུ་བརྟེན་བཅས་ཤིང་༔   འབྲུག་དང་གློག་གི་སྣ་འདྲེན་མ༔   དཔལ་ལྡན་ནག་མོ་རེ་མ་ཛུ༔   སྐུ་མདོག་དམར་ནག་འབར་བ་ལ༔   བཙོས་མར་ལའུ་སྐུ་ལ་གསོལ༔   ཁྲག་སྐམ་ལྕགས་ཀྱུ་ཕྱག་ན་བསྣམས༔   ཆུ་གླང་སྔོན་པོ་ཆིབས་སུ་བཅིབས༔   འདིར་སྤྱོན ཧཱུཾ༔   རི་རབ་རྩེ་ནས་རྟེན་བཅས་ཤིང་༔   སད་དང་སེར་བའི་སྣ་འདྲེན་མ༔   དཔལ་ལྡན་ནག་མོ་རེ་མ་ཛ༔   སྐུ་མདོག་སེར་ནག་འབར་བ་ལ༔   བྱ་ཡི་ཐུལ་པ་སྐུ་ལ་གསོལ༔   ཕྱག་ན་གསེར་གྱི་ཟེར་བ་བསྣམས༔   ཆིབས་སུ་ཤ་བ་ཡུ་མོ་བཅིབས༔   འདིར་སྤྱོན ཧཱུཾ༔   ས་ཡི་གླིང་དུ་རྟེན་བཅས་ཤིང་༔   ཁ་བ་བུ་ཡུག་སྣ་འདྲེན་ {{TibChung|[9b]}} མ༔   དཔལ་ལྡན་ནག་མོ་རེ་མ་ཛི༔   སྐུ་མདོག་ལྗང་ནག་འབར་བ་ལ༔   ཆུ་དར་ཐུག་པ་སྐུ་ལ་གསོལ༔   ཕྱག་ན་བདུད་ཀྱི་ཁྲམ་བབ་བསྣམས༔   རྔ་མོ་སྔོ་ནག་ཆིབས་སུ་བཅིབས༔   འདིར་སྤྱོན་བཅོལ་བའི་ཕྲིན་ལས་མཛོད༔   དམ་རྫས་མཆོད་པ༴    སྲིད་པའི་ཕུར་བུ སྔོན་གྱི་ཁས་བླངས༴    བཅོལ་བའི་ཕྲིན་ལས༴    ཧཱུཾ་མ་མ་ཝ་ཤཾ་ཀུ་རུ་མ་དྷཾ་ཨེ་ཀ་ར་ཨི་དནྡྷ་ཏི་མ་མ་ཀརྨ་ཤྰིགྷྲཾ་ཀ་ར་ཡེ་དགྲ་བགེགས་གནོད་བྱེད་མཱ་ར་ཡ་ཧཱུཾ་ཕཊ༔   ཧཱུཾཿབལ་ཡུལ་ཡ་བྱིན་ཡུལ་ལ་བརྟེན༔   མར་ཁའི་མཚོ་ལ་མངའ་ཡང་མཛད༔   རྡོ་རྗེ་ཡ་བྱིན་མཐུ་མོ་ཆེ༔   སྐུ་མདོག་མཐིང་ནག་འབར་བ་ལ༔   མཐིང་ནག་བེར་ཆེན་སྐུ་ལ་གསོལ༔   ཕྱག་ན་བདུད་ཞགས་ལྕགས་ཀྱུ་བསྣམས༔   བདུད་རྟ་ནག་པོ་ཆིབས་སུ་བཅིབས༔   འདིར་སྤྱོན་བཅོལ་བའི་ཕྲིན་ལས་མཛོད༔   ཧཱུཾཿརོང་གི་དེ་བྱིན་ཡུལ་ལ་བརྟེན༔   ཞག་གི་མཚོ་ལ་མངའ༴    རྡོ་རྗེ་དེ་བྱིན་རྩལ་མོ་ཆེ༔   སྐུ་མདོག་སེར་ནག་སྐུ་ལ་གསོལ༔   གསེར་ཞགས་གསེར་ཕུར་ཕྱག་ན་བསྣམས༔   ཆིབས་སུ་གཟའ་རྟ་སེར་པོ་ཆིབས༔   འདིར་སྤྱོ༴    ཧཱུཾཿམང་ཡུལ་བསེ་བྱིན་ཡུལ་ལ་བརྟེན༔   {{TibChung|[10a]}} ཁྲག་གི་མཚོ་ལ༴    རྡོ་རྗེ་བསེ་བྱིན་འཕྲུལ་མོ་ཆེ༔   སྐུ་མདོག་དམར་ནག་འབར་བ་ལ༔   བེར་ཆེན་དམར་ནག་སྐུ་ལ་གསོལ༔   བཙན་ཞགས་སེང་ལྡེང་ཕུར་བུ་བསྣམས༔   ཆིབས་སུ་བཙན་རྟ་དམར་པོ་བཅིབས༔   འདིར་སྤྱོན༴    ཧཱུཾ༔   སྙེ་ནམ་ཕག་བྱིན་ཡུལ་ལ་བརྟེན༔   འོ་མའི་མཚོ་ལ་མངའ་ཡང་མཛད༔   རྡོ་རྗེ་ཕག་བྱིན་མཐུ་མོ་ཆེ༔   སྐུ་མདོག་སྔོ་ནག་འབར་བ་ལ༔   བེར་ཆེན་སྔོ་ནག་སྐུ་ལ་གསོལ༔   གཡུ་ཞགས་མཆོང་ཕུར་ཕྱག་ན་བསྣམས༔   གཡུ་རྟ་སྔོན་པོ་ཆིབས་སུ་བཅིབས༔   འདིར་སྤྱོན་བཅོལ་བའི་ཕྲིན་ལས་མཛོད༔   དམ་རྫས་མཆོད་པ་འདི་བཞེས་ལ༔   སྲིད་པའི་ཕུར་བུ་སྒྲུབ་པ་དང་༔   སྔོན་གྱི་ཁས་བླངས་དམ་བཅས་བཞིན༔   བཅོལ་བའི་ཕྲིན་ལས་མྱུར་དུ་མཛོད༔   ཀ་ཊ་ཀ་ཊ་ཡེ༔   ཛ་ཡེ་བི་ཛ་ཡེ༔   ཨ་ཛི་ཏེ་ཨ་པ་རཱ་ཛི་ཏེ་མཱ་ར་སེ་ནྰ་པྲ་མཱརྡྷ་ནི༔   དགྲ་བགེགས་གནོད་བྱེད་མཱ་ར་ཡ་ཧཱུཾ་ཕཊ༔   {{TibChung|ཅེས་སྨན་རཀ་གཏོར་མར་སྦྲེང་ཞིང་བསྐུལ་ལོ།   །གཉིས་པ་མཁྱེན་དཔང་གསོལ་བ་ནི།   ཛ་གད་གསེར་དང་སྦྱར་བའི་སྨན་ཕུད་ཕྱོགས་བཅུར་འཐོར་ཞིང་།}} ཧཱུཾ༔   བདག་ནི་མ་ཉེས་མ་ཡོའོ༔   གཟུ་དང་དཔང་དུ་དཀོན་ {{TibChung|[10b]}} མཆོག་བཞུགས་༔   སྟེང་གི་ལྷ་ཡང་མི་འགུགས་སོ༔   སྟེང་ན་གནས་པའི་ལྷ་རྣམས་ཀུན༔   མཆོད་སྦྱིན་གསེར་སྐྱེམས་འདི་བཞེས་ལ༔   དོ་ནུབ་གཟུ་དཔང་གྲོགས་མཛོད་ཅིག༔   འོག་གི་ཀླུ་ཡང་མི་འགུགས་སོ༔   འོག་ན་གནས་པའི་ཀླུ༴    མཆོད་སྦྱིན༴    དོ་ནུབ༴    བན་གྱི་སྲུང་མ་མི་འགུགས་སོ༔   བན་གྱི་སྲུང་མ་ཐམས་ཅད་ཀྱང་༔   མཆོད་སྦྱིན༴    དོ་ནུབ༴    བོན་གྱི་ལྷགས་ས་མི་འགུགས་སོ༔   བོན་གྱི་ལྷགས་ས་ཐམས་ཅད་ཀྱང་༔   མཆོད་སྦྱིན༴    དོ་ནུབ༴    འགོ་བའི་ལྷ་ལྔ་མི་འགུགས་སོ༔   འགོ་བའི་ལྷ་ལྔ་ཐམས་ཀྱང་༔   མཆོད་སྦྱིན༴    དོ་ནུབ༴    ཡུལ་གྱི་ལྷ་ཡང་མི་འགུགས་སོ༔   ཡུལ་ལྷ་གཉན་པོ་ཐམས་ཅད་ཀྱང་༔   མཆོད་སྦྱིན༴    དོ་ནུབ༴    སྣང་སྲིད་ལྷ་འདྲེ་མི་འགུགས་སོ་༔   སྣང་སྲིད་ལྷ་འདྲེ་ཐམས་ཀྱང་༔   མཆོད་སྦྱིན༴    དོ་ནུབ་གཟུ་དཔང་གྲོགས་མཛོད་ཅིག༔   དུས་གསུམ་རྒྱལ་བའི་བཀའ་འབྱུང་བས༔   ལུས་ངན་འདི་ལ་མ་ཆགས་པར༔   བག་ཟོན་བྱོས་ལ་རང་སར་དེངས༔   དམ་ཉམས་འདི་ཉེས་ང་མ་ལེན༔   མཉེས་མ་ཡོ་ཡེ་ཤེས་ལྷ༔   དམ་ཅན་རྒྱ་མཚོ་ར་མདའ་ཟློག༔   སྲིད་པའི་ལྷ་འདྲེ་ {{TibChung|[11a]}} གྲོགས་ལ་བྱོན༔   ལྷ་སྲིན་སྡེ་བརྒྱད་དམ་ལ་འདུ༔   ལེགས་ཉེས་ཞལ་ལྕེ་ལྷ་འདྲེས་ཆོད༔   བདག་དང་འགྲས་པའི་དགྲ་བོ་འདི༔   བསྒྲལ་བའི་ཞིང་བཅུ་ཚང་བ་སྟེ༔   ཉམས་པ་བདུན་དང་སྐུ་དགྲ་ལྔ༔   ཀུན་ལ་འདི་གཏོགས་ཆད་པ་ཆོད༔   རྟགས་དང་མཚན་མ་མྱུར་དུ་སྟོན༔   དྲིན་ལན་གཏང་རག་ཁྱེད་ལ་གཏོང་༔   བཅོལ་བའི་ཕྲིན་ལས་མྱུར་དུ་མཛོད༔   {{TibChung|ཞེས་གསོལ་པས་རང་ལ་གནང་བ་སྩལ་ཞིང་དགྲ་བགེགས་ལ་ཐུགས་ཆེར་འཁྲུགས་པས་དྲག་པོའི་ལས་ལ་མངོན་དུ་ཕྱོགས་པས་བཞུགས་པར་བསམ་མོ།   །གཉིས་པ་བར་དུ་བྱ་བའི་ལས་ལ།   དམིགས་བྱ་བསྐྱེད་དགུག   །སྒྲོལ་ཆོག་དངོས།   ཐུགས་དམ་བསྐུལ་བ།   ཟློག་ལས་འཆོལ་བ།   ཐུན་གཏོར་གཏོང་བ་དང་ལྔ་ལས།   དང་པོ་དམིགས་བྱ་བསྐྱེད་ཅིང་དགུག་གཞུག་བྱ་བ་ནི།   བྲུབ་ཁུང་}}སྭ་ཝ་{{TibChung|ས་སྦྱང་།}} སྟོང་པའི་ངང་ལས་ཨེ་ལས་ལྕགས་སྲེགས་ཀྱི་ཁང་སྒྲོམ་གྲུ་གསུམ་བང་རིམ་དགུ་པ།   ཁ་ཁྱེར་དོག་ཅིང་གཏིང་ཟབ་པ།   འོག་ནས་འདོད་ཆགས་ཀྱི་ཁྲག་མཚོ་ཁོལ་བ།   ལོགས་ལ་ཞེ་སྡང་གི་མེ་རླུང་འཚུབ་པ།   སྟེང་ནས་གཏི་མུག་གི་མུན་པ་གཏིབས་པ།   མཚོན་ཆའི་ཆར་འབེབས་ཤིང་ནད་དང་དུག་གི་རླངས་པ་ {{TibChung|[11b]}} འཕྱོ་བ།   ཐན་དང་ལྟས་ངན་གྱི་ཆོ་འཕྲུལ་སྣ་ཚོགས་མི་བཟད་པར་འཁྲུགས་པ།   ལས་བྱེད་གཤིན་རྗེའི་དམག་ཚོགས་སེང་གེ་ལྟར་རྔམས་པ།   སྟག་ལྟར་འཕྱོ་བ།   སྲིན་པོ་ལྟར་ཁྲོས་པ།   ཤ་ཟ་ལྟར་རྒྱུག་པ།   རྒྱོབ་རྒྱོབ་དང་སོད་སོད་ཀྱི་སྒྲ་འབྲུག་ལྟར་སྒྲོག་པས་གང་བ།   སྲིད་པ་ལས་ཀྱི་བཙོན་ཁང་དྲག་པོ་དེའི་ནང་དུ་ནྲྀ་དུད་ཁ་ཡོངས་སུ་གྱུར་པ་ལས།   དགྲ་བོ་དེ་ཉིད་ལུས་གཅེར་བུ་རིད་པ།   མདོག་ནག་ཅིང་དྲན་པ་ཉམས་པ།   མྱ་ངན་གྱི་ཕྱག་རྒྱ་ཅན་བུ་ག་དགུ་ནས་རྣག་ཁྲག་འཛག་པ།   གནོད་བྱེད་ཐམས་ཅད་འདུས་པའི་ངོ་བོར་གྱུར་{{TibChung|པར་བསམ་ལ།}} ན་མོ།   རིག་འཛིན་རྩ་བརྒྱུད་ཀྱི་དཔལ་ལྡན་བླ་མ་དམ་པ་རྣམས་ཀྱི་བཀའ་བདེན་པ་དང་།   སངས་རྒྱས་ཀྱི་བཀའ་བདེན་པ་དང་།   ཆོས་ཀྱི་བཀའ་བདེན་པ་དང་།   དགེ་འདུན་གྱི་བཀའ་བདེན་པ་དང་།   གསང་སྔགས་དང་རིག་སྔགས་དང་གཟུངས་སྔགས་དང་སྙིང་པོ་དང་ཕྱག་རྒྱ་དང་ཏིང་ངེ་འཛིན་གྱི་བདེན་པ་དང་།   ཆོས་ཉིད་གདོད་ནས་སྟོངས་ཀྱང་ཆོས་ཅན་རྒྱུ་འབྲས་བསླུ་བ་མེད་པའི་བདེན་པ་དང་།   ཁྱད་པར་བཅོམ་ལྡན་འདས་དཔལ་ཆེན་རྡོ་རྗེ་གཞོན་ནུའི་དཀྱིལ་འཁོར་གྱི་ལྷ་ཚོགས་བཀའ་སྡོད་དམ་ཅན་རྒྱ་ {{TibChung|[12a]}} མཚོའི་ཚོགས་དང་བཅས་པ་རྣམས་ཀྱི་བཀའ་བདེན་པ་དང་།   བདེན་པ་ཆེན་པོའི་མཐུ་ལ་བརྟེན་ནས།   བསྟན་དང་འགྲོ་བའི་སྤྱི་དགྲ།   ཁྱད་པར་རིག་པ་འཛིན་པ་བདག་ཅག་ཡོན་མཆོད་འཁོར་དང་བཅས་པ་རྣམས་ལ་སྔ་དགྲ་ལག་གིས་བརྡར་བ།   ཕྱི་དགྲ་ཡིད་ལ་སེམས་པ།   ད་དགྲ་ཐད་དུ་འཛུགས་པའི་གཟུགས་ཅན་སྡང་བའི་དགྲ་དང་།   གཟུགས་མེད་གནོད་བྱེད་བགེགས་ཀྱི་ཚོགས་དང་བཅས་པ་ཐམས་ཅད་སྲིད་པ་གསུམ་གྱི་ཁོངས་གར་གནས་གར་བྲོས་ཀྱང་སྐད་ཅིག་ཡུད་ཙམ་ལ་དམིགས་པའི་རྟེན་འདི་ལ་ཁུག་ཅིག   །ཨོཾ་བཛྲ་ཀཱི་ལི་ཀཱི་ལ་ཡ་དགྲ་བགེགས་གནོད་བྱེད་ཛཿཧཱུཾ་བཾ་ཧོཿ ཤྰི་གྷྲཱ་ཨཱ་ན་ཡ་ཧཱུཾ་ཕཊ༔   {{TibChung|ཞེས་ལན་གསུམ་སོགས་ཀྱིས་དགུག   །དེ་ནས་ཕོ་ཉ་བཏང་བ་ནི།}} ཛཿ   དཔལ་ཆེན་བཀའ་སྡོད་ལས་ཀྱི་ཕོ་ཉ་མོ༔   ལོག་འདྲེན་འགུགས་པར་བྱེད་པའི་ལྕགས་ཀྱུ་ཐོགསཿ   འཁོར་བཅས་ཁྱོད་ཀྱིས་དགྲ་བོའི་བླ་སྲོག་རྣམས༔   ཁུག་ཅིག་བཛྲ་ཨཾ་ཀུ་ཤ་ཡ་ཛ༔   ཧཱུཾ༔   དཔལ་ཆེན་བཀའ་སྡོད་ལས་ཀྱི་ཕོ་ཉ་མོ༔   ལོག་འདྲེན་འཆིང་བར་བྱེད་པའི་ཞགས་པ་ཐོགས༔   འཁོར་བཅས་ཁྱོད་ཀྱིས་དགྲ་བོའི་ཡན་ལག་རྣམས༔   བྱད་དུ་ཆིངས་ {{TibChung|[12b]}} ཤིག་བཛྲ་པཱ་ཤ་ཧཱུཾ༔   བྃ༔   དཔལ་ཆེན་བཀའ་སྡོད་ལས་ཀྱི་ཕོ་ཉ་མོ༔   ལོག་འདྲེན་སྡོམ་པར་བྱེད་པའི་ལྕགས་སྒྲོགས་ཐོགས༔   འཁོར་བཅས་ཁྱོད་ཀྱིས་དགྲ་བོའི་དབང་པོ་རྣམས༔   དམ་པར་བསྡོམས་ཤིག་བཛྲ་སྥོ་ཊ་བྃ༔   ཧོཿ དཔལ་ཆེན་བཀའ་སྡོད་ལས་ཀྱི་ཕོ་ཉ་མོ༔   ལོག་འདྲེན་མྱོས་པར་བྱེད་པའི་དྲིལ་བུ་ཐོགས༔   འཁོར་བཅས་ཁྱོད་ཀྱིས་དགྲ་བོའི་རྣམ་ཤེས་ཡིད༔   མྱོས་སུ་ཆུ་ཅིག་བཛྲ་གཎྡེ་ཧོཿ {{TibChung|ཞེས་དགུག་འཆིང་སྡོམ་མྱོས་ཀྱི་ལས་བསྐུལ།   གཉིས་པ་བསྒྲལ་བའི་ཐབས་དངོས་ནི།   རིག་པ་མཆོག་གི་རྒྱུད་ལས།   ལྷ་ཕྲལ་གཟུགས་ལ་དབབ་པ་དང་།   །བྱད་དུ་གཞུག་དང་སྨྱོ་རུ་གཞུག   །རྡུལ་དུ་བརླག་དང་ཞལ་དུ་བསྟབ།   །དེ་ལ་ཕོ་ཉ་འཕྱོང་སྔགས་རྫས།   །ཏིང་འཛིན་དམོད་པས་ལས་རྫོགས་བྱ།   །ཞེས་འབྱུང་བའི།   དང་པོ་ལྷ་དང་ཕྲལ་བ་ལ་ཡང་དྲུག་གི །   ཕོ་ཉ་ནི།}} ཧཱུཾ༔   དམ་ཚིག་ཆེན་པོའི་དུས་ལ་བབ༔   སྤྲུལ་པ་ཆེན་པོའི་དུས་ལ་བབ༔   ཕྱག་བརྙན་ཆེན་པོའི༴    ཤྭ་ན་མུ་ཁའི༴    བདག་ཉིད་ཆེན་མོའི༴    ས་བདག་ཆེན་མོའི༴    ཁྱོད་ཀྱི་ཕྲིན་ལས༴    མཐུ་རྩལ་དབྱུང་བའི་དུས་ལ་བབ༔   {{TibChung|ཅེས་བབ་བརྒྱད་བསྐུལ་རྗེས་སུ།   འཕྱོང་ནི།}} གཏོགས་ཤིག་གྲོགས་དང་བྲལ་བར་གྱིས།   །{{TibChung|ཞེས་སྦྱར།   སྔགས་ནི།}} ཨོཾ་བཛྲ་ཛ {{TibChung|[13a]}} ཀཱི་ལི་ཀཱི་ལ་ཡ་{{TibChung|ཆེ་གེ་མོ་}}ཧ་ས་ཡ་ར་ཧ་ས་ཡ་ར་ཧྲཱིཿ   དཎྡ་ཧཱུཾ་ཕཊ༔   {{TibChung|རྫས་ནི།   གུ་གུལ་སོགས་དབྱེ་རྫས་ཀྱིས་བདུག་ཅིང་བྱ་རོག་དང་འུག་པའི་དང་རུས་ཕྱིར་དབྱེར་བའི་ཚུལ་བྱ།   ཏིང་ངེ་འཛིན་ནི།}} དཀྱིལ་འཁོར་གསུམ་གྱི་ལྷ་ཚོགས་དང་རྡོ་རྗེ་ལེགས་པ་འགོང་པོ་འཁོར་བཅས་ཀྱིས་བསྒྲུབ་བྱ་བསྲུང་སྐྱོབ་བྱེད་པའི་ལྷ་དང་ཕྲལ་ནས་བྱ་སྤུ་རླུང་གིས་གཏོར་བ་ལྟར་བྱེད་པར་{{TibChung|བསམ་དམོད་པ་ནི།}} དགྲ་དང་དགྲ་སྐྱོབ་པའི་ལྷ་གཉིས་བྲལ་བར་གྱུར་ཅིག   །{{TibChung|ཅེས་བརྗོད།   གཉིས་པ་གཟུགས་ལ་དབབ་པ་ལ་དྲུག་གི །ཕོ་ཉ་ནི།   བབ་བརྒྱད་བསྐུལ།   འཕྱོང་ནི།}} ཕོབ་ཅིག་རྣམ་པར་གཟིར་བར་གྱིས༔   {{TibChung|ཞེས་སྦྱར།   སྔགས་ནི།}} ཨོཾ་བཛྲ་ཀཱི་ལི་ཀཱི་ལ་ཡ་{{TibChung|ཆེ་གེ་མོ་}}ཨཱ་ཝེ་ཤ་ཡ་ཨཱ་ཝེ་ཤ་ཡ་ཧཱུཾ་ཕཊ༔   {{TibChung|རྫས་ནི།   ཡུངས་ཀར་གྱིས་བྲབ་ཅིང་ཐལ་མོ་གཉིས་སྦུབས་ལ་འབེབས་པའི་ཚུལ་བྱ།   ཏིང་ངེ་འཛིན་ནི།}} དཀྱིལ་འཁོར་གསུམ་གྱི་ལྷ་ཚོགས་ལས་སྤྲུལ་པ་ཡང་སྤྲུལ་ལྕགས་ཀྱུ་ཐོགས་པ་མང་པོ་དང་ཀླུ་ཆེན་འཇོག་པོ་འཁོར་བཅས་ཀྱིས་དགྲ་བོའི་རྣམ་ཤེས་བཀུག་ནས་ལིངྒ་ལ་བསྟིམ་པར་{{TibChung|བསམ།   དམོད་པ་ནི།}} དགྲ་བགེགས་ཀྱི་རྣམ་ཤེས་ལིངྒ་ལ་ཐིམ་པར་གྱུར་ཅིག༔   {{TibChung|ཅེས་བརྗོད།   གསུམ་པ་བྱད་དུ་གཞུག་པ་ལ་དྲུག་གི །ཕོ་ཉ་ནི།   བབ་བརྒྱད་བསྐུལ།   འཕྱོང་ནི།}} ཟུངས་ {{TibChung|[13b]}} ཤིག་རྒྱོབ་ཅིག་རྣམ་པར་ཆིངས༔   {{TibChung|ཞེས་སྦྱར།   སྔགས་ནི།}} ཨོཾ་བཛྲ་ཀཱི་ལི་ཀཱི་ལ་ཡ་{{TibChung|ཆེ་གེ་མོ་}}ཛཿཧཱུཾ་བཾ་ཧོཿ ཤྰི་གྷྲཱཾ་ཨཱ་ན་ཡ་ཧཱུཾ་ཕཊ༔   {{TibChung|རྫས་ནི།   ཚོན་སྣ་ལྔའི་སྐུད་པ་དང་ཡུགས་སའི་སྐྲ་སྐུད་ཀྱིས་ཡན་ལག་རྣམས་འཆིང་བའི་ཚུལ་བྱ།   ཏིང་ངེ་འཛིན་ནི།}} དཀྱིལ་འཁོར་གསུམ་གྱི་ལྷ་ཚོགས་ཡང་སྤྲུལ་དང་བཅས་པ་རྣམས་དང་སྲོག་བདག་སྒྲོལ་གིང་འཁོར་བཅས་ལྕགས་ཀྱུ་ཞགས་པ་ལྕགས་སྒྲོགས་ཐོགས་པ་རྣམས་ཀྱིས་དགྲ་བོ་རི་དྭགས་རྒྱར་ཚུད་པ་ལྟར་བཅིངས་པར་{{TibChung|བསམ།   དམོད་པ་ནི།}} དགྲ་བགེགས་གནོད་བྱེད་འདི་གྲུ་གུ་ཐུལ་དུ་ཆིངས་ཤིག་སྡོམས་ཤིག༔   {{TibChung|ཅེས་བརྗོད།   བཞི་པ་སྨྱོ་རུ་གཞུག་པ་ལ་དྲུག་གི།   ཕོ་ཉ་ནི།   བབ་བརྒྱད་བསྐུལ།   འཕྱོང་ནི།}} རིངས་པར་ཁུག་ལ་སྨྲར་ཆུ་གཅིག༔   {{TibChung|ཅེས་སྦྱར།   སྔགས་ནི།}} ཨོཾ་བཛྲ་ཀཱི་ལི་ཀཱི་ལ་ཡ་མོ་ཛྭ་ལ་པ་ཡ་ཆེ་གེ་ཛྭ་ལ་པ་ཡ་ཧཱུཾ་ཕཊ༔   {{TibChung|རྫས་ནི།   དུག་སྣ་ཚོགས་དང་དྷ་དུ་རའི་ཁུ་བས་བྲབ།   ཏིང་ངེ་འཛིན་ནི།}} དཀྱིལ་འཁོར་གསུམ་ཡང་སྤྲུལ་དང་བཅས་པ་དང་གནམ་ཐེལ་འཁོར་བཅས་ཀྱིས་སྨྱོ་དུག་གི་ཆར་ཕབ་པས་དམིགས་བྱ་སྨྱོས་སྐྲངས་དྲན་མེད་མུ་འཆལ་དུ་སྨྲ་བར{{TibChung|བསམ།   དམོད་པ་ནི།}} དགྲ་བགེགས་སྨྱོ་རུ་ཆུག་འབོག་ཏུ་ཆུག་དྲན་པ་ཉམས་པར་གྱུར་ཅིག༔   {{TibChung|ཅེས་བརྗོད་དོ།   །ལྔ་པ་རྡུལ་དུ་བརླག་ {{TibChung|[14a]}} པའི་ཁོངས་སུ་སྤུ་གྲི་ཆིག་ཤུར་གྱི་གདབ་ལས་འབྱུང་བས།   དེ་ལ་ཕུར་བུ་བྱིན་གྱིས་རློབ་པ་དང་།   གདབ་པའི་གཟེར་ཁ་དངོས་དང་གཉིས་ཀྱི།   དང་པོ་ཕུར་བུ་བྱིན་གྱིས་རློབ་པ་ནི།   སླར་ཡང་རྣོ་ལ་ངར་འདོགས་པའི་ཚུལ་དུ་བྱ་བ་སྟེ།   བསྙེན་ཕུར་ཐལ་མོ་སྦྱར་བའི་བར་དུ་བཟུང་ལ།}} རང་གི་ལག་པ་གཡས་གཡོན་གྱི་སོར་མོ་བཅུ་རིགས་ལྔ་ཡབ་ཡུམ་བཅུར་གསལ་བའི་བར་དུ་ཧཱུཾ་མཐིང་ནག་ལས་འོད་ཟེར་འཕྲོ་འདུས་སྲས་མཆོག་ཀཱི་ལ་ཡ་སྐུ་སྟོད་མཐིང་དཀར་དམར་བའི་ཞལ་གསུམ་དང་།   ཕྱག་དྲུག་གི་གཡས་དང་པོ་གཉིས་རྡོ་རྗེ་རྩེ་དགུ་དང་དགྲ་སྟྭ།   གཡོན་གཉིས་མེ་དཔུང་དང་ཁ་ཊྭྰཾ།   ཐ་མ་གཉིས་ན་རི་རབ་ཀྱི་ཕུར་བུ་འདྲིལ་བ།   དུར་ཁྲོད་ཀྱི་ཆས་ཀྱིས་བརྒྱན་པ།   རྡོ་རྗེའི་གཤོག་པ་ཅན།   སྐུ་སྨད་ཕུར་བུ་འབར་བ་མགར་གྱི་སོལ་མལ་ནས་དྲངས་པ་ལྟ་བུའི་རྣམ་པ་ཅན་ཆུ་སྲིན་གྱི་ཁ་ནས་སྦྲུལ་གྱི་ཆུན་པོ་འཆང་བ།   དེའི་རྒྱ་མདུད་གོང་མ་ལ་བླ་མ་རིག་འཛིན་ཞི་བ་དབྱིངས་ཀྱི་དཀྱིལ་འཁོར་ཡོངས་སུ་རྫོགས་པ།   ཆངས་བཟུང་ལ་དཔལ་ཆེན་རྡོ་རྗེ་གཞོན་ནུའི་དཀྱིལ་འཁོར་གྱི་ལྷ་ཚོགས་ཡོངས་སུ་རྫོགས་པ།   རྒྱ་མདུད་འོག་མ་ལ་དཔལ་གྱི་བཀའ་སྡོད་ཕུར་སྲུང་རྒྱ་མཚོའི་ཚོགས་རྣམས་ {{TibChung|[14b]}} ཡོངས་སུ་རྫོགས་པ།   རྩེ་མོ་ཟུར་གསུམ་མཚོན་ཐུན་སྣ་ཚོགས་ཀྱི་ཚྭ་ཚྭ་རླུང་ལྟར་འཚུབས་པ།   བསྒྲིལ་བ་ཙམ་གྱིས་སྲིད་གསུམ་འདར་བར་བྱེད་པ།   འཕྱར་བ་ཙམ་གྱིས་ཁམས་གསུམ་དངངས་པར་བྱེད་པ།   བཏབ་པ་ཙམ་གྱིས་སྟོང་གསུམ་བརླག་ནུས་པ་གཅིག་ཏུ་གྱུར་{{TibChung|པར་བསྐྱེད་ལ།}} ཨོཾ་བཛྲ་ཀཱི་ལི་ཀཱི་ལ་ཡ་ཀཱ་ཡ་ཝཱཀ་ཙིཏྟ་ཨ་བྷིཥིཉྩ་ཨོཾ་ཨཱཿཧཱུྃ༔   ཧཱུྃ༔   དཔལ་ཆེན་རྡོ་རྗེ་ཕུར་པའི་ལྷ༔   སྐུ་སྟོད་ཁྲོ་བོ་ཆེན་པོ་སྟེ༔   ཞལ་གསུམ་ཕྱག་ཀྱང་དྲུག་པ་ལ༔   དབུ་ལ་རིགས་ལྔའི་དབུ་རྒྱན་རྫོགས༔   ལྟེ་བ་མན་ཆད་སྐུ་ཡི་ཆ༔   ཆུ་སྲིན་གདུག་པའི་ཁ་ནང་ནས༔   ཨུཏྤལ་སྔོན་པོའི་འདབ་འདྲ་བ༔   འབར་བའི་ཕྲེང་བ་འཁྲིགས་པའི་དབུས༔   གནམ་ལྕགས་ཕུར་བུ་ཟུར་གསུམ་པ༔   དྲག་པོར་གྱུར་པའི་ཕུར་པ་སྟེ༔   བཏབ་ན་ལྷ་ཡང་བརླག་འགྱུར་ན༔   གནོད་བྱེད་བགེགས་ལ་སྨོས་ཅི་དགོས༔   འཁོར་བ་དོང་ནས་སྤྲུགས་ཤིག་བཛྲ་ཀཱི་ལ་ཡ༔   ཕོ་རྒྱུད་རྩད་ནས་ཆོད་ཅིག་བཛྲ་ཀཱི་ལ་ཡ༔   མོ་རྒྱུད་མངལ་ནས་སྐོམ་ཅིག་བཛྲ་ཀཱི་ལ་ཡ༔   ཁམས་གསུམ་དབང་དུ་སྡུས་ཤིག་བཛྲ་ཀཱི་ལ་ཡ༔   རྣལ་འབྱོར་འཁོར་བཅས་སྲུངས་ཤིག་བཛྲ་ཀཱི་ལ་ཡ༔   དུག་ལྔའི་བག་ཆགས་སྦྱོངས་ཤིག་བཛྲ་ {{TibChung|[15a]}} ཀཱི་ལ་ཡ༔   ཚེ་སྲོག་དྭངས་མ་སྡུས་ཤིག་བཛྲ་ཀཱི་ལ་ཡ༔   རྣམ་ཤེས་དབྱིངས་སུ་སྤོར་ཅིག་བཛྲ་ཀཱི་ལ་ཡ༔   ལྔ་ཕུང་རྡུལ་དུ་རློག་ཅིག་བཛྲ་ཀཱི་ལ་ཡ༔   རིགས་དྲུག་སྐྱེ་སྒོ་ཆོད་ཅིག་བཛྲ་ཀཱི་ལ་ཡ༔   ཨོཾ་ཤྲཱི་བཛྲ་ཀུ་མཱ་ར་ས་མ་ཏི་ས་མ་ཡ༔   ཨ་བྷི་ཙརྻའི་དུས་ལ་བབ་བོ༔   {{TibChung|ཞེས་བསྐུལ།   གཉིས་པ་གདབ་པའི་གཟེར་ཁ་དངོས་ལ།   བརྟེན་པ་དབྱིངས་སུ་སྒྲོལ་བ་དང་།   བག་ཆགས་ཀྱི་རྟེན་གཞི་བཅོམ་པ་གཉིས་ཀྱི།   དང་པོ་བརྟེན་པ་དབྱིངས་སུ་བསྒྲལ་བ་ནི།}} ཨེ་མ་ཁམས་གསུམ་སེམས་ཅན་རྣམས༔   མ་རྟོགས་འཁྲུལ་པ་སྙིང་རེ་རྗེ༔   སྙིང་རྗེས་བསྒྲལ་བའི་དམ་ཚིག་ནི༔   བསད་ཅིང་མནན་པ་མ་ཡིན་ཏེ༔   ཐུགས་རྗེའི་ཐབས་ཀྱི་སྦྱོར་བ་ཡིས༔   ཕུང་པོ་བསྒྲལ་བའི་ཞིང་དུ་བཅས༔   གཟུགས་ཀྱི་ལྷ་རྣམས་མཆོད་པར་བྱ༔   རྣམ་ཤེས་ཡུམ་གྱི་མཁའ་ལ་སྦར༔   ཡེ་ཤེས་སེམས་དཔར་བྱིན་བརླབས་པའི༔   ཁྱོད་ནི་རྒྱལ་བའི་སྲས་སུ་བསྐྱེད༔   ཨོཾ་ལཾ་ཧཱུཾ་ལཾ་སྟྭཾ་བྷ་ཡ་ནན༔   མོ་ཧཱ་གྷ་ཏ་ཡ་བྷ་ག་ཝཱན་ཧྲཱིཿ   ཀྲི་ཤྰི་བི་ཀྲི་བཛྲ་ཧཱུཾ་ཀ་ར་ཧཱུཾ༔   བཛྲ་ཀཱི་ལི་ཀཱི་ལ་ཡ་ཛཿཧཱུཾ་བཾ་ཧོཿ སརྦ་བི་གྷྣཱན་བཛྲ་ཀཱི་ལི་ཀཱི་ལ་ཡ་ཧཱུཾ་ཕཊ༔   བཛྲ་ཧཱུཾ་ཀཱ་ར་ཧཱུཾ་ཕཊ༔   ཧཱུཾ་ཀཱ་ར་ཧཱུཾ་ཨ་ཕཊ༔   {{TibChung|ཅེས་སྤུ་གྲིའི་གདབ་སྔགས་བརྗོད་བཞིན་ {{TibChung|[15b]}} ཕུར་པ་དམིགས་བྱའི་སྙིང་དཀར་ནག་མཚམས་སུ་བསྒྲིལ་ཞིང་བཏབ་པས།   ཁོའི་གཟུགས་ཕུང་གི་འབྱུང་བཞིའི་དྭངས་མ་རིམ་བཞིན་འདུས་ནས་ཡལ།   སྙིང་གར་ཚེའི་རྟེན་ཨ་དཀར་པོ་འོད་ཀྱི་ཐིག་ལེའི་དབུས་སུ་ཀུན་གཞི་ནྲྀ་དུད་ཁའི་གཟུགས་སུ་འདུས་པར་ཕུར་རྩེ་ཧཱུཾ་ལྡན་བཏབ་པས་ནྲྀ་ཐིག་ལེ་ཨར་བཅས་བསྡུས་ནས་རང་ལ་བསྟན་པས།   ཨ་དཀར་པོ་འོད་ཀྱི་གོང་བུ་ཅན་དེ་བདག་གི་སྙིང་གར་ཐིམ།   ཚེ་དཔལ་གཟི་བརྗིད་འབར།   སླར་ཡང་ཧཱུཾ་ལས་འཕྲོས་པའི་འོད་ཀྱི་རྩེ་ལས་གཟས་པོའི་རྣམ་ཤེས་ཨ་ཡིག་གི་གཟུགས་ཀྱིས་འོག་མིན་དུ་ཕཊ་ཕཊ་ཕཊ༔   ཅེས་གནས་སྤར་བས་རྡོར་སེམས་ཡབ་ཡུམ་གྱི་སྦྱོར་མཚམས་སུ་ཞུགས།   ཀཱི་ལ་ཡ་བརྗོད་པས་རྡོར་སེམས་ཀྱི་སྲས་སུ་སྐྱེས་པར་བསམ་པ་ནི་ཐུགས་རྗེ་རྗེས་འཛིན་གྱི་ཕུར་བུ་ཞེས་བྱ་སྟེ།   ལས་ངན་རྣམ་སྨིན་གྱི་སྐྱེ་སྒོ་བཅད་ནས་སྐྱེ་མེད་ཀྱི་དབྱིངས་སུ་སྦྱོར་བར་བྱེད་དོ།   །གཉིས་པ་བག་ཆགས་ཀྱི་རྟེན་གཞི་བཅོམ་པ་ནི།   འདི་མན་ཆད་ཀྱི་ཕུར་བུ་རྣམས་མི་ལྡོག་པའི་ཕྲིན་ལས་མཐར་འབྱིན་པའི་དོན་དུ་གཙོ་བོའི་གྲོགས་སུ་འདེབས་པ་སྟེ།   སྒོ་མ་བཞིའི་ཕུར་བུ་བླངས་ལ།}} ཧཱུཾཿ ཕྱག་བརྙན་ཆེན་མོའི་དུས་ལ་བབ༔   འཛིན་འཆིང་སྡོམ་སྡིག་ཐལ་བར་རློག༔   ཁྱེད་ཀྱི་ཐུགས་དམ་དུས་ལ་བབ༔   མངོན་སྤྱོད་དྲག་པོའི་ཕྲིན་ལས་མཛོད༔   ཨོཾ་བཛྲ་ཀཱི་ལི་ཀཱི་ལ་ཡ་བྷིནྡྷ་ཡ་བིང་བིང་ཧཱུཾ་ཕཊ༔   ཨོཾ་བཛྲ་ཀཱི་ལི་ཀཱི་ལ་ཡ་ན་མ༔   ས་མནྟ་ཧྲིཾ་ཧྲིཾ་ཧཱུཾ་ཕཊ༔   {{TibChung|[16a]}} ཨོཾ་བཛྲ་ཀཱི་ལི་ཀཱི་ལ་ཡ་སུ་རུ་སུ་རུ་པྲ་སུ་རུ་ཧཱུཾ་ཕཊ༔   ཨོཾ་བཛྲ་ཀཱི་ལི་ཀཱི་ལ་ཡ་མཱ་ར་ཡ་ཧཱུཾ་ཕཊ༔   {{TibChung|ཅེས་ལྕགས་ཀྱུ་མ་སོགས་རིམ་པ་བཞིན་གློ་སྙིང་དབུགས།   མཆིན་པ་ཁྲག   །མཁལ་མ་ཤ།   ཀླད་པ་བྱང་སེམས་ཏེ་ལུས་ཀྱི་མཚོ་བཞི་ལ་གདབ།   དེ་ནས་ཡུམ་བརྒྱད་ཀྱིས་སྲིད་པ་ཆགས་རིམ་ནས་གདབ་སྟེ།}} ཧཱུཾ་ཛཿདམ་ཚིག་ཆེན་པོའི་དུས་ལ་བབ{{TibChung|ཅེས་སོགས་བབ་བརྒྱད་དང་།}} བྱང་ཆུབ་མཆོག་ཏུ་སེམས་བསྐྱེད་ཅིང་༔   དུས་གསུམ་རྒྱལ་བའི་གདུང་འཚོབ་པའི༔   རིག་འཛིན་བདག་ཅག་རྣམས་ལ་ནི༔   གནོད་ཅིང་འདུག་པའི་དགྲ་དང་བགེགས༔   བདུད་དང་བར་དུ་གཅོད་པའི་ཚོགས༔   དངོས་གྲུབ་འཕྲོག་ཅིང་འཚེ་བ་རྣམས༔   ཁྲོ་བོ་ཆེན་པོའི་བྱིན་རླབས་ཀྱིས༔   ཡུད་ཙམ་གྱིས་ནི་འདིར་ཁུག་ལ༔   མངོན་སྤྱོད་ཚུལ་བཞིན་བསྒྲལ་བ་དང་༔   ལུས་ངག་རྡུལ་དུ་བཤིག་ནས་ཀྱང་༔   སྡུག་བསྔལ་ཉམས་སུ་མྱོང་བར་མཛོད༔   དངོས་གྲུབ་བར་ཆད་བྱེད་པའི་བགེགས༔   གདུག་ཅིང་སྡང་སེམས་ལྡན་པ་རྣམས༔   ཟུངས་ཤིག་རྒྱོབ་ཅིག་རྣམ་པར་ཆིངས༔   གཏོགས་ཤིག་གྲོགས་དང་བྲལ་བར་གྱིས༔   རིང་པར་ཁུག་ལ་སྨྱོར་ཆུ་གཅིག༔   ཕོབ་ཅིག་རྣམ་པར་གཟིར་ {{TibChung|[16b]}} བར་གྱིས༔   ང་ཡི་དབང་དུ་གྱུར་ནས་ཀྱང་༔   བསྒོ་བའི་བཀའ་རྣམས་ཉན་པར་གྱིས༔   ཨོཾ་བཛྲ་ཀཱི་ལི་ཀཱི་ལ་ཡ་ཧཱུཾ་སྥ་ར་བཱིདྱ་དགྲ་བགེགས་གནོད་བྱེད་མཱ་ར་ཡ་ཧཱུཾ་ཕཊ༔   {{TibChung|ཅེས་སྙེམས་མའི་ཕུར་བུ་སྲིད་པ་ཆགས་པའི་རྟེན་ལྟེ་བར་གདབ།   སྔགས་ཐོག་མཐའ་དེས་འགྲེས་པར།}} ཙྪིནྡྷ་ཙྪིནྡྷ་{{TibChung|ས་སྡེར་མོ་རྣམ་ཤེས་རྟེན་སྙིང་གར་གདབ།}} བྷིནྡྷ་བྷིནྡྷས་{{TibChung|དུར་ཁྲོད་མ་དང་གཏུམ་མོ་རྒ་ཤིའི་རྟེན་དཔུང་པ་གཡས་གཡོན་དུ་གདབ།}} གྲྀཧྞ་གྲིཧྞ{{TibChung|ས་གཏུན་ཁུང་མ་དང་མདའ་སྙེམས་ཕུང་པོ་ཆགས་ཐོགས་རྟེན་དཔྱི་མིག་གཡས་གཡོན་དུ་གདབ།}}   ཧ་ན་ཧ་ན{{TibChung|ས་རླུང་འབྱིན་མ་ཉིང་མཚམས་སྦྱོར་བའི་རྟེན་གསང་གནས་སུ་གདབ།}} བྷནྡྷ་བྷནྡྷ{{TibChung|ས་གསོད་མ་ཕུང་པོ་བླང་དོར་གྱི་རྟེན་དཔྲལ་བར་གདབ།   གསོད་བྱེད་རྣམས་ཀྱང་རང་རང་གི་གཡོན་དུ་གདབ་བོ།   །དེ་ནས་ཁྲོ་བོ་བཅུའི་ཕུར་བུ་རིག་པའི་གནས་རིམ་ནས་གདབ་སྟེ།   བབ་བརྒྱད་ཀྱིས་བསྐུལ་ནས།}} སྡུག་བསྔལ་ཉམས་སུ་མྱོང་བར་མཛོད༔   {{TibChung|བར་གོང་བཞིན་ལ།}}ཧཱུཾཿ  རྡོ་རྗེ་གསང་བའི་བཀའ་ལས་ནི༔   སྡིག་ཅན་གང་ཞིག་འདའ་བྱེད་པ༔   སྟོབས་ཆེན་ཁྲོ་བོ་ཆེན་པོ་བཅུས༔   ཀླད་པ་ཚལ་པ་བརྒྱ་རུ་ཁོས༔   ཉོན་ཅིག་བགེགས་དང་ལོག་འདྲེན་ཚོགས༔   ང་ཡི་བཀའ་ལས་འདའ་མ་བྱེད༔   ཨོཾ་བཛྲ་ཀཱི་ལི་ཀཱི་ལ་ཡ་ཧ་ན་ཧ་ན་བཛྲ་དགྲ་བགེགས་གནོད་བྱེད་མཱ་ར་ཡ་ཧཱུཾ་ཕཊ༔   {{TibChung|ཅེས་རྣམ་རྒྱལ་ཚེའི་རྟེན་དཔྲལ་བར་གདབ།   དེ་ {{TibChung|[17a]}} བཞིན་དུ།}} ད་ཧ་ད་ཧ་བཛྲ{{TibChung|ས་དབྱུག་སྔོན་ང་རྒྱལ་རྟེན་དཔུང་པ་གཡོན་དུ་གདབ།}} པ་ཙ་པ་ཙ་བཛྲ{{TibChung|ས་གཤིན་རྗེ་གཤེད་གཏི་མུག་རྟེན་ལྟེ་བར་གདབ།}} མ་ཐ་མ་ཐ་བཛྲ{{TibChung|ས་མི་གཡོ་བ་ཕྲག་དོག་རྟེན་དཔྱི་གཡོན་དུ་གདབ།}} ཛྭ་ལ་ཛྭ་ལ་བཛྲ{{TibChung|ས་རྟ་མགྲིན་འདོད་ཆགས་རྟེན་མགྲིན་པར་གདབ།}} སུ་རུ་སུ་རུ་བཛྲ{{TibChung|ས་འདོད་རྒྱལ་སེར་སྣའི་རྟེན་དཔྱི་གཡས་སུ་གདབ།}} མུ་རུ་མུ་རུ་བཛྲ{{TibChung|ས་ཧཱུཾ་ཀཱ་ར་སྒོ་ལྔའི་རྟེན་སྤྱི་བོར་གདབ།   ཀ་ཏཾ་ཀ་ཡེས་སྟོབས་པོ་ཆེ་སྐྱེ་བའི་རྟེན་གསང་བར་གདབ།}} ཛ་ཡེ་བི་ཛ་ཡེ{{TibChung|ས་སུམ་རྒྱལ་ཞེ་སྡང་རྟེན་དཔུང་པ་གཡས་སུ་གདབ།}} ཨ་ཛི་ཏེ་ཨ་པ་རཱ་ཛི་ཏེ་མ་ར་སེ་ན་པྲ་མརྡྷ་ན་ཡེ{{TibChung|ས་བདུད་རྩི་ལུས་ཀྱི་རྟེན་སྙིང་གར་གདབ།   ཟ་བྱེད་རྣམས་རང་རང་གི་གཡས་སུ་གདབ་བོ།   དེ་ནས་ཡུམ་ལྷག་མ་གཉིས་ཀྱིས་དགེ་སྡིག་ཆ་སྙོམས་ནས་གདབ་སྟེ།   བབ་བརྒྱད་ཀྱི་བསྐུལ་སོགས་གོང་ལྟར་ལ}} གདུག་ཅིང་སྡང་སེམས་ལྡན་པ་རྣམས༔   ལྷའམ་འོན་ཏེ་བདུད་ཀྱང་རུང་༔   ངལ་བར་ཆད་བྱེད་པའི་བགེགས༔   མཐུ་དང་རྫུ་འཕྲུལ་མེད་པར་བྱོས༔   ཨོཾ་བཛྲ་ཀཱི་ལི་ཀཱི་ལ་ཡ་སརྦ་ཨཱ་ན་ཡ་དགྲ་བགེགས་གནོད་བྱེད་མཱ་ར་ཡ་ཧཱུཾ་ཕཊ༔   {{TibChung|ཅེས་སྒྲ་འབྱིན་མ་མཐོ་རིས་ཀྱི་སྒོ་དགག་ཕྱིར་སྤྱི་བོར་གདབ།   དེ་བཞིན་དུ།}} ཏ་ཐཱ་ཡ་ཏ་ཐཱ་ཡས་{{TibChung|སྐྱོད་བྱེད་མ་ངན་འགྲོའི་སྒོ་གཅོད་ཕྱིར་རྐང་མཐིལ་དུ་གདབ།   གསོད་བྱེད་གཉིས་ཀྱང་རང་རང་གི་གཡོན་དུ་གདབ་བོ།   །དེ་ནས་སྲས་ {{TibChung|[17b]}} མཆོག་གི་ཕུར་བུ་སོགས་ཀྱིས་ཐལ་བྱུང་དུ་གདབ་སྟེ།   སྤུ་གྲིའི་དྲག་སྔགས་ཀྱིས་སྲས་མཆོག་ཉེར་གཅིག་གི་ཕུར་བུ་རྣམས་གནས་ངེས་མེད་དུ་གདབ།   བཞི་སྙིང་གཅིག་དྲིལ་སྔགས་ཤམ་སྦྱར་བས་དམ་ཅན་བཅུ་གཉིས་ལྷུ་བཅུ་གཉིས་དང་གིང་བཞི་ཉིང་ལག་བཞི་ལ་གདབ།   བྷྱོ་ཤམ་ཅན་གྱིས་དབང་ཕྱུག་ཉེར་བརྒྱད་བདུན་ཚན་བཞིར་བགོས་ཏེ་མཐིལ་བཞི་རྣམས་སུ་གདབ་ལ།}} དགྲ་བགེགས་ཀྱི་སྙིང་ནང་དུ་ངོ་བོ་སྔགས་ལ་རྣམ་པ་སྤུ་གྲིའི་འཁོར་ལོ་རྩིབས་དགུ་པ་འཁོར་བས་ལྔ་ཕུང་རྡུལ་དུ་བརླག་པར་{{TibChung|བསམ་ཞིང་སྤུ་གྲིའི་སྔགས་ཀྱིས་ཐུན་རྫས་སྣ་ཚོགས་པས་བྲབ།}} སྤྲུལ་པའི་ཁྲོ་ཚོགས་བྲན་དང་བཅས་པ་རྣམས་ཀྱིས་མཚོན་ཆའི་ཆར་ཕབ་པས་དགྲ་བགེགས་ཀྱི་ཤ་རུས་དུམ་བུར་གཏུབ་པར་{{TibChung|བསམ་ལ།}} ཧཱུཾཿབྲན་དང་བཀའ་ཉན་ཕོ་ཉའི་ཚོགས༔   ཁྱེད་ཀྱི་དམ་ཚིག་དུས་ལ་བབ༔   སྔོན་ཆད་ཁས་བླངས་དམ་བཅས་བཞིན༔   མངོན་སྤྱོད་ཕྲིན་ལས་གྲུབ་པར་མཛོད༔   ཨོཾ་བཛྲ་ཀཱི་ལི་ཀཱི་ལ་ཡ་ཧཱུཾ་ཕཊ༔   མ་མ་པཱ་ཤཾ་ཀུ་རུ༔   མ་ཏཾ་ཉ་ན་ཀ་ར་ཨི་དན་དྷ་ཏི༔   མ་མ་ཀརྨ་ཤྰིགྷྲཾ་ཀཱ་ར་ཡེ་ཧཱུཾ་ཕཊ༔   དགྲ་བགེགས་གནོད་བྱེད་མཱ་ར་ཡ་ཧཱུཾ་ཕཊ༔   {{TibChung|ཅེས་སྒྲོལ་གྲིས་མགོ་བོ་ནས་བརྩམས་ཡན་ལག་ལྔ་གཡོན་སྐོར་དུ་བཅད།   མཐར་ཁོག་པ་ཁ་ཕྱེས་ལ་ཅི་བདེར་གཏུབ་བོ།   །དེ་ནས་རྡུལ་དུ་བརླག་པ་དངོས་ལ་ {{TibChung|[18a]}} དྲུག་གི།   ཕོ་ཉ་ནི་བབ་བརྒྱད་ཀྱི་བསྐུལ་དང་།   འཕྱོང་ནི།}} ལུས་ངག་རྡུལ་ཕྲན་བཞིན་དུ་རློག༔   {{TibChung|སྔགས་ནི།}} ཨོཾ་བཛྲ་ཀཱི་ལི་ཀཱི་ལ་ཡ་ཆེ་གེ་མོ་ད་ཧ་ཡ་ད་ཧ་ཡ་ཧཱུཾ་ཕཊ༔   {{TibChung|རྫས་ནི།   རྡོ་རྗེའི་ཐོ་བ་དང་གཏུན་ཁུང་གྲུ་གསུམ་བར་དུ་བརྡུང་།   ཏིང་ངེ་འཛིན་ནི།}} དཀྱིལ་འཁོར་གསུམ་གྱི་ལྷ་ཚོགས་ཡང་སྤྲུལ་དང་བཅས་པ་དང་ལྷ་བདུད་རྣམ་རོལ་འཁོར་དང་བཅས་པས་རྡོ་རྗེ་རི་རབ་ཀྱི་ཐོ་བ་ཐོགས་ནས་དམིགས་བྱ་རྡུལ་དུ་བརླག་པར་{{TibChung|བསམ།   དམོད་པ་ནི།}} དགྲ་བགེགས་ཐལ་བའི་རྡུལ་དུ་རློག་ཅིག༔   {{TibChung|ཅེས་བརྗོད།   སླར་ཡང་མཐའ་རྟེན་ཐུན་མིན་མཁའ་གསང་སྦྱོར་བའི་གཏུན་བརྡུང་ནི།}} བདག་ཉིད་དཔལ་ཆེན་ཁྲོས་པའི་རྡོ་རྗེ་ཐོ་ལུམ་གྱི་རྣམ་པ་ཅན་དང་སྒྲོལ་ཡུམ་ཁྲོས་པའི་པདྨ་གྲུ་གསུམ་མཐིང་ནག་གི་ནང་དུ་དགྲ་བགེགས་ཐམས་ཅད་ཆུད་པ་ལ།   སྦྱོར་བའི་སྒྲ་དྲག་སྔགས་དང་བཅས་ཏེ་གཅར་ཞིང་འཐག་པས་ཕྱེ་མར་བྱས།   བྱང་སེམས་མེ་ལྕེ་ལྟ་བུས་དགྲ་བགེགས་ཀྱི་ཉོན་མོངས་པ་ཐམས་ཅད་བསྲེགས།   དབྱིངས་དང་ཡེ་ཤེས་དབྱེར་མེད་བདེ་བ་ཆེན་པོར་བཅོམ་པར་{{TibChung|བསམ་ཞིང་།}} ཧཱུཾཿརྡུངས་ཤིག་རྡོ་རྗེ་འབར་བའི་གཏུན༔   བཀའ་ལས་འདའ་བྱེད་སྡིག་ཅན་རྣམས༔   རྡོ་རྗེ་མེ་དབལ་ {{TibChung|[18b]}} སྙིང་བསྲེགས་ནས༔   ལུས་ངག་རྡུལ་ཕྲན་བཞིན་དུ་རློག༔   ཁྲོ་མོ་འབར་བའི་གཏུན་ཁུང་དུ༔   རྡོ་རྗེ་ཐོ་བས་བརྡུངས་བྱས་ན༔   ལྷ་ཡང་རུང་སྟེ་བརླག་པར་འགྱུར༔   ཁ་ཏཾ་ཁ་ཏཾ་ཁ་ཏཾ༔   ཧཱུཾ་ཧཱུཾ་ཧཱུཾ༔   ཕཊ་ཕཊ་ཕཊ༔   {{TibChung|ཅེས་བརྡུང་ངོ་།   །དྲུག་པ་ཞལ་དུ་སྟོབ་པ་ལའང་དྲུག་གི།   ཕོ་ཉ་ནི་བབ་བརྒྱད་ཀྱི་བསྐུལ་དང་།   འཕྱོང་ནི།}} བཛྲ་ཡཀྵ་ཀྲོདྷ་ཁ་ཁ་ཁཱ་ཧི་ཁཱ་ཧི༔   {{TibChung|སྔགས་ནི།}} ཨོཾ་བཛྲ་ཀཱི་ལི་ཀཱི་ལ་ཡ་ཆེ་གེ་མོ་བྷིནྡྷ་ཡ་བྷིནྡྷ་ཡ་ཧཱུཾ་ཕཊ༔   {{TibChung|རྫས་ནི།   ཧོམ་གཟར་དུ་སྙིགས་མའི་ཤ་ཁྲག་སྟབ་ཅིང་།   ཏིང་ངེ་འཛིན་ནི།}} དཀྱིལ་འཁོར་གསུམ་གྱི་ལྷ་ཚོགས་རྣམས་ཀྱི་ཞལ་དུ་རེ་མ་ཏཱིས་གྲོགས་བྱས་ཤིང་བསྟབས་པས་དགྱེས་པའི་རྐན་སྒྲ་དང་བཅས་པས་རོལ་པར་{{TibChung|བསམ།   དམོད་པ་ནི།}} དགྲ་བགེགས་ཀྱི་ཤ་ཁྲག་ལྷག་མ་མེད་པར་རོལ་ཅིག༔   {{TibChung|ཅེས་བརྗོད།   དེ་ནས་སླར་ཡང་ལིང་རོ་རྣམས་བདུད་རྩིར་སྤར་བ་དཔལ་གྱི་གཏོར་མར་སྟོབ་ཅིང་།}} ཧཱུཾ༔   དཔལ་ཆེན་འཁོར་བཅས་ཞལ་ཕྱེས་ཤིག༔   དགྲ་བགེགས་བསྒྲལ་བའི་ལྔ་ཕུང་འདི༔   དཔལ་ཆེན་ཡབ་ཡུམ་ཞལ་དུ་བསྟབ༔   ཁྲོ་རྒྱལ་ཡབ་ཡུམ་ཞལ་དུ་བསྟབ༔   སྲས་མཆོག་འབར་བའི་ཞལ་དུ་བསྟབ༔   ཟ་གསོད་སྒོ་མའི་ཞལ་དུ་བསྟབ༔   མཁའ་འགྲོ་གིང་ཚོགས་ཞལ་དུ་བསྟབ༔   སྡང་དགྲ་ {{TibChung|[19a]}} གདོན་བགེགས་འཁོར་བཅས་རྣམས༔   རྡུལ་ཕྲན་ཙམ་ཡང་མེད་པར་རོལ༔   བཛྲ་ཡཀྵ་ཀྲོ་དྷ་ཁ་ཁ་ཁཱ་ཧི་ཁཱ་ཧི༔   {{TibChung|ཞེས་བསྟབས་པས་དཀྱིལ་འཁོར་པ་རྣམས་དགྱེས་བཞིན་རོལ་ཏེ་ཧ་ཧ་ཧ་ཞེས་བཞད།}} ཧཱུཾ་ཧཱུཾ་ཧཱུཾ་{{TibChung|ཞེས་དངོས་གྲུབ་སྩལ་ནས་འོད་གསལ་དུ་ཞུ།}} ཕཊ་ཕཊ་ཕཊ་{{TibChung|ཅེས་དེ་ལས་གསལ་སྟོང་ལྷ་སྐུར་ཤར་བས་དབྱིངས་དང་ཡེ་ཤེས་དབྱེར་མེད་སྤྲོས་བྲལ་མཁའ་ལྟར་དག་པའི་རང་བཞིན་བསྒྲལ་བྱ་སྒྲོལ་བྱེད་བསྒྲལ་བའི་ཕྲིན་ལས་གང་ཡང་མ་གྲུབ་པ་ནི་རང་བྱུང་གི་ཡེ་ཤེས་ཞེས་བྱ་བ་ཆོས་ཉིད་བདེན་པ་སྟེ་བརྣག་པ་དེ་ཁོ་ན་ཉིད་དོ།   །སྐབས་འདིར་ཚོགས་ལ་རོལ་ཞིང་ལྷག་མ་གཏོང་བ་ལས་བྱང་བཞིན་བྱའོ།   །གསུམ་པ་བཟློག་པའི་དཔུང་བསྐྱེད་པའི་ཕྱིར་སླར་ཡང་བསྐུལ་བ་ནི།   འོག་གི་ཚིག་མཚམས་སོ་སོར་ལིང་རོ་སྦྱར་བའི་ཁྲག་སྐྱེམས་གཏོར་མ་རྣམས་ལ་དམིགས་ཕྱེད་པར་སྟོབ་ཅིང་།}} ཧཱུཾ༔   བསྐལ་པའི་མེ་ལྟར་འབར་བའི་ཀློང་དཀྱིལ་ནས༔   བདུད་འདུལ་ཁྲོ་བོ་ཆེན་པོའི་སྐུར་སྟོན་པ༔   བརྗོད་མེད་སྤྲོས་བྲལ་ཆོས་ཀྱི་དབྱིངས་ཉིད་ལས༔   དཔལ་ཆེན་རྡོ་རྗེ་གཞོན་ནུ་སྐུ་བཞེངས་ཤིག༔   དུག་གསུམ་ཤ་ཁྲག་མཆོད་པ་འདི་བཞེས་ལ༔   མངོན་སྤྱོད་དྲག་པོའི་ཕྲིན་ལས་འགྲུབ་པར་མཛོད༔   མི་གནས་ཡེ་ཤེས་ཐུགས་ཀྱི་དཀྱིལ་འཁོར་ནས༔   ཡུམ་ཆེན་འཁོར་ལོ་རྒྱས་འདེབས་ {{TibChung|[19b]}} སྐུ་བཞེངས་ཤིག༔   དུག་གསུམ༴    མངོན་སྤྱོད༴    ཡབ་ཡུམ་གཉིས་སུ་མེད་པའི་དཀྱིལ་འཁོར་ནས༔   བདུད་འདུལ་ཁྲོ་རྒྱལ་ཡབ་ཡུམ་སྐུ་བཞེངས་ཤིག༔   དུག་གསུམ༴    མངོན་སྤྱོད༴    ཅི་བགྱིའི་ལས་ལ་འདུ་བའི་དཀྱིལ་འཁོར་ནས༔   ཟ་གསོད་མགོ་བརྙན་ཚོགས་རྣམས༴    དུག་གསུམ༴    མངོན་སྤྱོད༴    ཡེ་ཤེས་སྐར་ལྟར་འཁྲུགས་པའི་དཀྱིལ་འཁོར་ནས༔   ཡང་སྤྲུལ་སུམ་སྤྲུལ་མང་པོ༴    དུག་གསུམ༴    མངོན་སྤྱོད༴    ཚད་མེད་བཞི་ལྡན་དཀྱིལ་འཁོར་སྒོ་བཞི་ནས༔   རྟ་གདོང་སྒོ་སྐྱོང་རྣམ་བཞི་སྐུ་བཞེངས་ཤིག༔   དུག་གསུམ༴    མངོན་སྤྱོད༴    མ་ལྟར་བྱམས་ཤིང་སྲིང་ལྟར་གདུང་སེམས་ཅན༔   བསྟན་སྐྱོང་ཤྭ་ན་མཆེད་བཞི༴    དུག་གསུམ༴    མངོན་སྤྱོད༴    སྤྲུལ་པ་མང་པོ་འབྱུང་བའི་དཀྱིལ་འཁོར་ནས༔   བདག་ཉིད་ཆེན་པོ་འཁོར་བཅས༴    དུག་གསུམ༴    མངོན་སྤྱོད༴    མཚོ་བཞི་ཕོ་བྲང་གཏམས་པའི་དཀྱིལ་འཁོར་ནས༔   དམ་ཅན་བསེ་ཡི་ལྷ་མོ༴    དུག་གསུམ༴    མངོན་སྤྱོད༴    ཙིཏྟ་སྒོང་ལྟར་འདྲིལ་བའི་དཀྱིལ་འཁོར་ནས༔   སྐྱེས་བུ་གིང་ཆེན་བཅོ་བརྒྱད༴    དུག་གསུམ༴    {{TibChung|[20a]}} མངོན་སྤྱོད༴    རཀྟ་མཚོ་ལྟར་བསྐྱིལ་བའི་དཀྱིལ་འཁོར་ནས༔   མ་བདུན་སྲིང་བཞིའི་ཚོགས་རྣམས༴    དུག་གསུམ༴    མངོན་སྤྱོད༴    གངྒྰའི་རྡུལ་ལྟར་སྤུངས་པའི་དཀྱིལ་འཁོར་ནས༔   དབང་ཕྱུག་ཉེར་བརྒྱད་ལ་སོགས་ལྷག་མའི་གནས༔   ལངྐ་དུར་ཁྲོད་མཁའ་འགྲོ་སུམ་ཅུ་གཉིས༔   འབུམ་ཕྲག་ཡངས་པའི་ཚོགས་རྣམས་སྐུ་བཞེངས་ཤིག༔   དུག་གསུམ་ཤ་ཁྲག་མཆོད་པ་འདི་བཞེས་ལ༔   མངོན་སྤྱོད་དྲག་པོའི་ཕྲིན་ལས་འགྲུབ་པར་མཛོད༔   {{TibChung|ཅེས་བསྐུལ་ལོ།   །བཞི་པ་ཟློག་ལས་འཆོལ་བ་ལ།   རྩ་བ་དང་།   ཡན་ལག་གཉིས་ཀྱི།   དང་པོ་ཟློག་པའི་ཕྲིན་ལས་བཅོལ་བ་ནི།}} ཧཱུཾ༔   ཆོས་དབྱིངས་ངང་ལས་སྙིང་རྗེ་ཡི༔   རྩལ་སྣང་དུར་ཁྲོད་གཞལ་ཡས་ཁང་༔   རབ་འབར་འཁོར་ལོ་རྩིབས་བཅུའི་དབུས༔   ལྷ་ཆེན་ཕོ་མོའི་གདན་སྟེང་ན༔   དཔལ་ཆེན་རྡོ་རྗེ་གཞོན་ནུ་དང་༔   ཡུམ་ཆེན་འཁོར་ལོ་རྒྱས་འདེབས་གཉིས༔   སྲས་མཆོག་ཉེར་གཅིག་འཁོར་གྱིས་བསྐོར༔   ཡང་སྤྲུལ་གྲངས་མེད་ཕྱོགས་བཅུར་འགྱེད༔   རྣལ་འབྱོར་བདག་ཅག་འཁོར་བཅས་ལ༔   དབུས་ཀྱི་ཕྱོགས་ནས་བདུད་གཡོས་པ༔   བཟློག་གོ་ཁྲོ་རྒྱལ་ཁྱོད་ཀྱིས་ཟློག༔   བསྒྱུར་རོ་ {{TibChung|[20b]}} དམར་ཆེན་གཏོར་མས་སྒྱུར༔   བཟློག་བསྒྱུར་བཅོལ་བའི་ཕྲིན་ལས་མཛོད༔   ཧཱུཾ༔   བཅོམ་ལྡན་རྡོ་རྗེ་གཞོན་ནུ་དང་༔   ཡུམ་ཆེན་འཁོར་ལོ་རྒྱས་འདེབས་གཉིས༔   ཡབ་ཡུམ་ཐབས་ཤེས་རོལ་པ་ལས༔   ཁྲོ་བོའི་ཚོགས་ཆེན་སྤྲུལ་པ་ནི༔   སྟེང་ཕྱོགས་འཁོར་ལོའི་རྩིབས་སྟེང་དུ༔   ཚངས་པ་ཕོ་མོའི་གདན་སྟེང་ན༔   ཁྲོ་བོའི་རྒྱལ་པོ་ཧཱུཾ་ཀཱ་ར༔   ཡུམ་ཆེན་རྡོ་རྗེ་སྒྲ་འབྱིན་མ༔   སྤྲུལ་པ་ཕག་དང་སྨྲིག་བུའི་མགོ༔   ཡང་སྤྲུལ་གྲངས་མེད་ཕྱོགས་བཅུར་འཕྲོ༔   སྟེང་ཕྱོགས་ཚངས་པའི་གདོན་དང་བགེགས༔   བཟློག་གོ་ཁྲོ་རྒྱལ་ཁྱོད་ཀྱིས་ཟློག༔   སྒྱུར་ཅིག་དན་སྡིག་དགྲ་ལ་སྒྱུར༔   བཟློག་བསྒྱུར་བཅོལ་བའི་ཕྲིན་ལས་མཛོད༔   ཧཱུཾ༔   ཤར་ཕྱོགས་འཁོར་ལོའི་རྩིབས་སྟེང་དུ༔   དྲི་ཟ་ཕོ་མོའི་གདན་སྟེང་ན༔   ཁྲོ་བོའི་རྒྱལ་པོ་རྣམ་པར་རྒྱལ༔   ཡུམ་ཆེན་རྡོ་རྗེ་སྙེམས་མར་བཅས༔   སྤྲུལ་པ་སྟག་དང་བྱ་རྒོད་མགོ༔   ཡང་སྤྲུལ་གྲངས་མེད་ཕྱོགས་བཅུར་འཕྲོ༔   ཤར་ཕྱོགས་དྲི་ཟའི་གདོན་དང་བགེགས༔   བཟློག་གོ་ཁྲོ་རྒྱལ་ཁྱོད་ཀྱིས་ཟློག༔   སྒྱུར་ཅིག་དན་སྡིག་དགྲ་ལ་སྒྱུར༔   བཟློག་བསྒྱུར་བཅོལ་བའི་ཕྲིན་ལས་མཛོད༔   ཧཱུཾ༔   ཤར་ལྷོ་འཁོར་ལོའི་རྩིབས་སྟེང་ {{TibChung|[21a]}} དུ༔   མེ་ལྷ་ཕོ་མོའི་གདན་སྟེང་ན༔   ཁྲོ་བོའི་རྒྱལ་པོ་དབྱུག་སྔོན་ཅན༔   ཡུམ་ཆེན་རྡོ་རྗེ་སྡེར་མོ་དང་༔   སྤྲུལ་པ་གཡག་དང་བྱ་རོག་མགོ༔   ཡང་སྤྲུལ་གྲངས་མེད༴    ཤར་ལྷོ་མེ་ལྷའི༴    བཟློག་གོ༴    སྒྱུར་ཅིག༴    བཟློག་བསྒྱུར༴    ཧཱུཾ༔   ལྷོ་ཕྱོགས་འཁོར་ལོའི་རྩིབས་སྟེང་དུ༔   གཤིན་རྗེ་ཕོ་མོའི༴    ཁྲོ་བོའི་རྒྱལ་པོ་གཤིན་རྗེ་གཤེད༔   ཡུམ་ཆེན་རྡོ་རྗེ་དུར་ཁྲོད་བདག༔   སྤྲུལ་པ་ཤ་བ་འུག་པའི་མགོ༔   ཡང་སྤྲུལ་གྲངས་མེད༴    ལྷོ་ཕྱོགས་གཤིན་རྗེའི༴    བཟློག་གོ ༴    སྒྱུར་ཅིག༴    བཟློག་བསྒྱུར༴    ཧཱུཾ༔   ལྷོ་ནུབ་འཁོར་ལོའི༴    སྲིན་པོ་ཕོ་མོའི༴    ཁྲོ་བོའི་རྒྱལ་པོ་མི་གཡོ་མགོན༔   ཡུམ་ཆེན་རྡོ་རྗེ་གཏུན་ཁུང་མ༔   སྤྲུལ་པ་གཟིག་དང་ཁྭ་ཏའི་མགོ༔   ཡང་སྤྲུལ་གྲངས་མེད༴    ལྷོ་ནུབ་སྲིན་པོའི༴    བཟློག་གོ༴    སྒྱུར་ཅིག༴    བཟློག་བསྒྱུར༴    ཧཱུཾ༔   ནུབ་ཕྱོགས་འཁོར་ལོའི་རྩིབས་སྟེང་དུ༔   ཀླུ་དབང་ཕོ་མོའི༴    ཁྲོ་བོའི་རྒྱལ་པོ་རྟ་མཆོག་དཔལ༔   ཡུམ་ཆེན་རྡོ་རྗེ་གཏུམ་མོ་དང་༔   སྤྲུལ་པ་བྱི་ལ་པུ་ཤུད་མགོ༔   ཡང་སྤྲུལ༴    ནུབ་ཕྱོགས་ཀླུ་དབང་༴    བཟློག་གོ༴    སྒྱུར་ཅིག༴    བཟློག་ {{TibChung|[21b]}} ཧཱུཾ༔   ནུབ་བྱང་འཁོར་ལོའི་རྩིབས་སྟེང༴    རླུང་ལྷ་ཕོ་མོའི༴    ཁྲོ་བོའི་རྒྱལ་པོ་འདོད་པའི་རྒྱལ༴    ཡུམ་ཆེན་རྡོ་རྗེ་མདའ་སྙེམས་མ༔   སྤྲུལ་པ་སྤྱང་ཀི་ཁྲ་ཡི་མགོ༔   ཡང་སྤྲུལ༴    ནུབ་བྱང་རླུང་ལྷའི༴    བཟློག་གོ༴    སྒྱུར་ཅིག༴    བཟློག༴    ཧཱུཾ༔   བྱང་ཕྱོགས་འཁོར་ལོའི་རྩིབས༴    གནོད་སྦྱིན་ཕོ་མོའི༴    ཁྲོ་བོའི་རྒྱལ་པོ་བདུད་རྩི་འཁྱིལ༔   ཡུམ་ཆེན་རྡོ་རྗེ་རླུང་འབྱིན་མ༔   སྤྲུལ་པ་སེང་གེ་ཕ་ཝང་མགོ༔   ཡང་སྤྲུལ༴    བྱང་ཕྱོགས་གནོད་སྦྱིན༴    བཟློག་གོ༴    སྒྱུར་ཅིག༴    བཟློག༴    ཧཱུཾ༔   བྱང་ཤར་འཁོར་ལོའི་རྩིབས༴    དབང་ལྡན་ཕོ་མོ༴    ཁྲོ་བོའི་རྒྱལ་པོ་ཁམས་གསུམ་རྒྱལ༔   ཡུམ་ཆེན་རྡོ་རྗེ་གསོད་བྱེད་མ༔   སྤྲུལ་པ་དོམ་དང་སྲེ་མོང་མགོ༔   ཡང་སྤྲུལ༴    བྱང་ཤར་དབང་ལྡན༴    བཟློག་གོ༴    སྒྱུར་ཅིག༴    བཟློག༴    ཧཱུཾ༔   འོག་ཕྱོགས་འཁོར་ལོའི༴    ས་བདག་ཕོ་མོའི༴    ཁྲོ་བོའི་རྒྱལ་པོ་སྟོབས་པོ་ཆེ༔   ཡུམ་ཆེན་རྡོ་རྗེ་སྐྱོད་བྱེད་མ༔   སྤྲུལ་པ་དྲེད་དང་བྱི་བའི་མགོ༔   ཡང་སྤྲུལ་གྲངས་མེད་ཕྱོགས་བཅུར་འཕྲོ༔   འོག་ཕྱོགས་ས་བདག་གདོན་དང་བགེགས༔   བཟློག་གོ་ཁྲོ་རྒྱལ་ཁྱོད་ཀྱིས་ཟློག༔   སྒྱུར་ {{TibChung|[22a]}} ཅིག་དན་སྡིག་དགྲ་ལ་སྒྱུར༔   བཟློག་བསྒྱུར་བཅོལ་བའི་ཕྲིན་ལས་མཛོད༔   {{TibChung|ཅེས་དང་།   གཞན་ཡང་།}} བྷྱོཿབཟློག་བསྒྱུར་ལས་ལ་ཁྱེད་རང་མཁས༔   ལྕི་ཡང་རི་བོ་པང་དུ་ལོང་༔   དཀའ་ཡང་བདུད་ལ་རྒྱུ་ཞགས་ཐོབ༔   ཡས་ཀྱི་བདུད་གཡོས་ཁྱོད་ཀྱིས་ཟློག༔   མས་ཀྱི་སྲི་ལངས་ཁྱེད་ཀྱིས་ཟློག༔   ཉེ་བའི་བྱོལ་པོ་ཁྱེད༴    ཕ་ཚན་རྒྱ་འདྲེ༴    མ་བུའི་བྱུར་འདྲེ༴    གཤིན་རྗེའི་འཁྲུལ་འཁོར༴    མ་མོའི་ཁྲག་ཟོར༴    བདུད་ཀྱི་ཁྲམ་ཁ༴    བཙན་གྱི་གཟེར་ཁ༴    ས་བདག་བྱད་ཁ༴    རྒྱལ་པོའི་སྨྱོ་འབོག༴    གཟའ་ཡི་ཀི་ཀང་༴    མུ་སྟེགས་ངན་སྔགས༴    ཐེ་བྲང་སྲི་རྐུན ནད་ཁ་རིམས་ཁ༴    སྔགས་པའི་ཕུར་ཁ༴    བོན་པོའི་བོན་ཟོར༴    སུམ་པའི་གླང་ཟོར༴    མེ་ཉ་འབོལ་ལེ༴    ལོ་ཟླ་ཞག་ཀེག་ཁྱོད་ཀྱིས་ཟློག༔   མོ་ངན་རྩིས་ངན༴    ལྟས་ངན་མཚན་ངན༴    ཕོ་བརྒྱས་མདའ་བདར་མཚོན་ཁ་ཟློག༔   མོ་བརྒྱས་དུག་གཡོས་ཟས་ཁ་ཟློག༔   མི་ནག་སྐྱེ་བོའི་ཡ་ག་ཟློག༔   བྲན་འཁོར་ངན་པའི་དམོད་མཆུ་ཟློག༔   ལྟས་ངན་བརྒྱད་ཅུ་རྩ་གཅིག་ཟློག༔   ནད་རིགས་བཞི་བརྒྱ་རྩ་བཞི་ཟློག༔   གདོན་རིགས་ཉི་ཁྲི་ཆིག་སྟོང་ཟློག༔   {{TibChung|[22b]}} བགེགས་རིགས་སྟོང་ཕྲག་བརྒྱད་ཅུ་ཟློག༔   ཡེ་འདྲོགས་སུམ་བརྒྱ་དྲུག་ཅུ༴    དུས་མིན་འཆི་དང་འཇིགས་བརྒྱད༴    མི་མཐུན་འགལ་རྐྱེན་ཐམས་ཅད་ཟློག༔   བྷྱོ༔   ང་ནི་འཁོར་འདས་ཀུན་གྱི་བདག༔   དཔལ་ཆེན་རྡོ་རྗེ་གཞོན་ནུ་སྟེ༔   སྐུ་ཆེན་ང་ཡིས་བསྒྱུར་ཙ་ན༔   གཟུགས་ཁམས་མི་འགྱུར་གང་ཡང་མེད༔   གསུང་ཆེན་ང་ཡིས་བསྒྱུར་ཙ་ན༔   སྒྲ་སྐད་མི་འགྱུར་གང་ཡང་མེད༔   ཐུགས་ཆེན་ང་ཡིས༴    སེམས་ཁམས་མི་འགྱུར་གང་ཡང་མེད༔   དེ་ཕྱིར་ཕས་རྒོལ་མི་མཐུན་པའི༔   འགལ་རྐྱེན་བར་ཆད་ཐམས་ཅད་ཟློག༔   བཟློག་གོ་དམར་ཆེན་གཏོར་མས་ཟློག༔   བསྒྱུར་རོ་དཔལ་ཆེན་མཐུ་ཡིས་བསྒྱུར༔   ཟོར་རོ་དགྲ་དང་བགེགས་ལ་ཟོར༔   དཔལ་ཆེན་ཕུར་བུའི་ལྷ་ཚོགས་རྣམས༔   དམ་རྫས་མཆོད་པ་འདི་བཞེས་ལ༔   བཅོལ་བའི་ཕྲིན་ལས་གྲུབ་པར་མཛོད༔   {{TibChung|ཅེས་བཟློག་པའི་ཕྲིན་ལས་བསྐུལ་ལོ།   །གཉིས་པ་ཟབ་པའི་མདེའུ་ཁ་སྦྱོར་བ་ནི།}} ལྷ་ཚོགས་རྣམས་ཀྱི་ཞལ་ནས་དྲག་སྔགས་འབྲུག་སྟོང་ལྡིར་བ་ལྟར་སྒྲོག་ཅིང་འཁོར་གྱི་ཁྲོ་བོ་ཁྲ་ཐབས་སྒོ་སྐྱོང་དམ་ཅན་དང་བཅས་པ་རྣམས་ཞལ་ཕྱིར་གཟིགས་ཏེ་གནོད་པ་ཕྱིར་བཟློག་པའི་ཕྲིན་ལས་མཛད།   སྤྲུལ་པའི་ {{TibChung|[23a]}} ཕོ་ཉ་ནམ་མཁའ་གང་བར་སྤྲོས་པ་རྣམས་དང་ཕྱི་རོལ་གྱི་མཚོན་ཆ་འཁོར་ལོ་དང་བཅས་པ་དྲག་ཏུ་འཁོར་བས་དགྲ་བགེགས་རྣམས་ཀྱི་ལུས་ངག་ཡིད་གསུམ་ཕྱེ་མར་བརླག་སྟེ་མིང་གཞི་ཙམ་ཡང་མ་ལུས་པར་{{TibChung|བསམ་ཞིང་།   དྲག་སྔགས་འདུས་པའི་ཤམ་དུ།}} གནོད་བྱེད་དགྲ་བགེགས་བྱད་མ་ལྷ་སྲུང་དང་བཅས་པ་ཐམས་ཅད་མཱ་ར་ཡ་རྦད་བྷྱོ་ཟློག༔   {{TibChung|ཅེས་བཏགས་བ་མང་དུ་བཟླས་ལ།   བདེན་སྟོབས་བརྗོད་པའི་མཐར།}} རྣལ་འབྱོར་པ་བདག་ཅག་དཔོན་སློབ་ཡོན་མཆོད་འཁོར་དང་བཅས་པ་རྣམས་ལ་སྔོན་གྱི་ལས་དང་འཕྲལ་གྱི་རྐྱེན་ལས་བྱུང་བའི་དགྲ་འདྲེ་ཆག་ཆེ་ཉམ་ང་བྱད་ཕུར་རྦོད་གཏོང་ནད་གདོན་བར་ཆད་མི་མཐུན་པའི་ཕྱོགས་ཐམས་ཅད་གནོད་བྱེད་དགྲ་བགེགས་བྱད་མའི་སྟེང་དུ་མཱ་ར་ཡ་བྷྱོ་ཟློག༔   {{TibChung|ཅེས་ཐལ་རྡེབ་བྱའོ།   །ལྔ་པ་ཐུན་གཏོར་གཏོང་བ་ནི།   དམར་གྱི་གཏོར་མར་དམིགས་བྱ་བཀུག་ནས་གཉིས་མེད་བསྟིམ།}} རཾ་ཡཾ་ཁཾ་གིས་{{TibChung|བསང་སྦྱང་།}} སྟོང་པའི་ངང་ལས་གཏོར་སྣོད་དམར་གྱི་དུང་ཆེན་ཡངས་ཤིང་རྒྱ་ཆེ་བའི་ནང་དུ་གཏོར་རྫས་དགྲ་བགེགས་བསྒྲལ་བ་ལས་བྱུང་བའི་ཤ་ཡི་རི་བོ།   ཁྲག་གི་རྒྱ་མཚོ།   རུས་པའི་ཕུང་པོ།   ཀླད་ཞག་ལྦུ་ཕྲེང་འཁྲིགས་པ།   དམ་ཚིག་ཏུ་འོས་པའི་འདོད་ཡོན་ {{TibChung|[23a]}} གྱི་རྣམ་པ་མ་ཚང་བ་མེད་པ།   ངོ་བོ་ཟག་པ་མེད་པའི་ཡེ་ཤེས་ཀྱི་བདུད་རྩིའི་རང་བཞིན་ཅན་བསམ་གྱིས་མི་ཁྱབ་པས་ནམ་མཁའི་ཁམས་གང་བར་{{TibChung|བསམ་ལ།}}ཨོཾ་ཨཱཿཧཱུཾ་{{TibChung|གིས་བྱིན་བརླབས།}}ལྷ་ཚོགས་རྣམས་ཀྱིས་གཏོར་མ་བདུད་རྩིའི་ངོ་བོ་རྣམ་པ་ཤ་ཁྲག་གི་རང་བཞིན་ཆལ་ཆོལ་དུ་གསོལ་བར་{{TibChung|བསམ་ཞིང་།}}ཨོཾ་བཛྲ་ཀཱི་ལི་ཀཱི་ལ་ཡ་ཧཱུཾ་ཕཊ༔   ས་པ་རི་ཝཱ་ར་སརྦ་བིགྷྣཱན་ཤ་ཏྲུཾ་མ་ཧཱ་མཱཾ་ས་རཀྟ་ཀེཾ་ནི་རི་ཏི་བ་ལིཾ་ཏ་ཁ་ཁ་ཁཱ་ཧི་ཁཱ་ཧིཿ   {{TibChung|ཞེས་ལན་གསུམ་མམ་བདུན་གྱིས་ཕུལ་བས་དགྱེས་ཤིང་ལྷག་མེད་དུ་བཞེས་པར་བསམ།   མཐར་གཏོར་མ་ཁྲོ་བོའི་དམག་ཚོགས་དགྲ་བགེགས་སྒྲོལ་བའི་ལས་ལ་རྔམས་པ་དུག་མཆོད་རྡོ་རྗེའི་ཆར་དུ་མོས་ཏེ།}}ཧཱུཾ༔   དམར་ཆེན་གཏོར་ཟོར་ཕུར་བུའི་ཚོགས།   །སྡེ་བརྒྱད་དྲེགས་པའི་དཔུང་དང་བཅས།   །དགྲ་དང་བགེགས་ཀྱི་སྟེང་དུ་རྦད།   །སྲིད་པ་གཡོ་ཞིང་འཁྲུགས་བྱེད་པའི།   །དམག་དཔུང་དེར་སྐྱོད་གཡུལ་ངོ་སྤྲོད།   །དགྲ་དཔུང་ཆོམས་ལ་བགེགས་དཔུང་ཐུལ།   །རྗེས་ཤུལ་ལྷག་མ་མེད་པར་མཛོད།   །དུས་ལ་བབ་པོ་མཐུ་རྩལ་སྐྱེད།   །{{TibChung|ཅེས་དྲག་སྔགས་ཟློག་ཤམ་ཅན་དམོད་ཚིག་ཐལ་རྡེབ་དང་བཅས་གནོད་པའི་ཕྱོགས་སུ་འཕངས་པས་དམིགས་བྱ་གནས་ལུས་ལོངས་སྤྱོད་དང་བཅས་པ་རྗེས་ {{TibChung|[24a]}} མེད་དུ་བརླག་པར་བསམ།   དེ་ནས་རྒྱུན་གྱི་རྗེས་ཆོག་རྣམས་ཕྲིན་ལས་ཀྱི་དཀྱུས་བཞིན་བྱའོ།   །གསུམ་པ་རྗེས་སུ་བྱ་བའི་ལས་ལ།   ཟོར་བསྒྲུབ་པ།   ཟོར་ལམ་བསལ་བ།   དཔུང་བསྐྱེད་པ།   ཟོར་བསྐུལ་བ།   ཟོར་འཕང་བ།   ཟོར་རྗེས་གཅོད་པ་དང་དྲུག་གི།   དང་པོ་ཟོར་བསྒྲུབ་པ་ནི།   སྒྲུབ་ཞག་རྫོགས་པའི་ཉིན་རྗེས་མར་ཟློག་པའི་ཕྲིན་ལས་བཅོལ་བའི་མཐར་གཏོར་མའི་ལྷ་ཚོགས་རྣམས་ལ་མཆོད་ཅིང་བསྟོད་ནས་ནོངས་པ་བཟོད་པ་གསོལ།   རྩ་སྔགས་ཤམ་དུ།}} ས་མ་ཡ་མ་ཏི་ཀྲ་མ་ཏི།   ཨོཾ་བཛྲ་ཏིཥྛ།   {{TibChung|ཞེས་པས།}} སྤྲུལ་གཞི་ཡེ་ཤེས་ཀྱི་འཁོར་ལོ་མདུན་གྱི་ནམ་མཁར་བཞུགས།   སྤྲུལ་པ་དམ་ཚིག་གི་འཁོར་ལོ་འོད་དུ་ཞུ་བ་ལས་གཏོར་ཆེན་ཟོར་རྫས་དང་བཅས་པ་སྐད་ཅིག་གིས་དཔལ་ཆེན་རྡོ་རྗེ་གཞོན་ནུ་ཁྲོ་བཅུ་ཁྲ་ཐབས་ཕྱག་བརྙན་སྒོ་མ་བཀའ་སྲུང་སྡེ་བརྒྱད་དྲེགས་པའི་དཔུང་ཚོགས་བསམ་གྱིས་མི་ཁྱབ་པ་དང་བཅས་པ་ཐམས་ཅད་ཁྲོ་གཏུམ་འཇིགས་པའི་གཟུགས་ཅན་སྲིད་གསུམ་གང་བ་ནད་མཚོན་དུག་གི་ཆར་འབེབས་པས་དགྲ་བགེགས་སྒྲོལ་བའི་ལས་ལ་རྔམས་པར་གྱུར་{{TibChung|པར་བསམ་ལ།   གཙོ་འཁོར་རྣམས་ཀྱི་སྔགས་སྤེལ་ཚིག་ཅན་ནམ་སྤུ་གྲིའི་དྲག་སྔགས་འདུས་པ་མང་དུ་བཟླས་ལ་ཟོར་རྫས་ནུས་ལྡན་དུ་བསྒྲུབ།   དམར་གཏོར་ཁྲག་སྐྱེམས་བཅས་པར་དམིགས་ {{TibChung|[24b]}} བྱ་འགུགས་འདྲེན་དང་ཞལ་སྟོབས་ཀྱི་དམིགས་པ་དྲག་པོ་དང་བཅས་གཏོར་ཆེན་དུ་ཕུལ་ལ།}} ཧཱུཾ།   རྩ་བརྒྱུད་བླ་མ་དཀོན་མཆོག་གསུམ།   །ཡི་དམ་ཞི་ཁྲོ་རབ་འབྱམས་དང་།   །ཁྱད་པར་ཕུར་བུའི་ལྷ་ཚོགས་རྣམས།   །དགྲ་བགེགས་བསྒྲལ་བའི་ཤ་ཁྲག་རུས།   །འདོད་ཡོན་མཆོད་པ་འདི་བཞེས་ལ།   །ཟོར་ཆེན་རྫས་ཀྱི་དཔུང་བསྐྱེད་ཅིག   །དགྲ་བགེགས་སྒྲོལ་བའི་ཕྲིན་ལས་མཛོད།   །དཔལ་ལྡན་མགོན་པོ་ལྕམ་དྲལ་དང་།   །ཤྭ་ན་བདག་ཉིད་ས་བདག་སོགས།   །དཔལ་ཆེན་བཀའ་ཡི་སྲུང་མ་རྣམས།   །དགྲ་བགེགས་བསྒྲལ་བའི་ཤ་ཁྲག་རུས།   །འདོད་ཡོན་མཆོད་པ་འདི་བཞེས་ལ།   །ཟོར་ཆེན་རྫས་ཀྱི་དཔུང་བསྐྱེད་ཅིག   །དགྲ་བགེགས་སྒྲོལ་བའི་ཕྲིན་ལས་མཛོད།   །སྣང་སྲིད་ལྷ་སྲིན་སྡེ་བརྒྱད་དང་།   །ཕོ་རྒྱུད་མོ་རྒྱུད་དྲེགས་པའི་ཚོགས།   །བསྟན་ལ་མངོན་པར་དགའ་བ་རྣམས།   །དགྲ་བགེགས་བསྒྲལ་བའི་ཤ་ཁྲག་རུས།   །འདོད་ཡོན་མཆོད་པ་འདི་བཞེས་ལ།   །ཟོར་ཆེན་རྫས་ཀྱི་དཔུང་བསྐྱེད་ཅིག   །དགྲ་བགེགས་སྒྲོལ་བའི་ཕྲིན་ལས་མཛོད།   །{{TibChung|ཅེས་འདོད་དོན་གསོལ་བས་ནམ་མཁར་བཞུགས་པའི་ལྷ་ཚོགས་རྣམས་ཀྱིས་ཟོར་ཆེན་དཔུང་བསྐྱེད་པའི་ཕྲིན་སལ་མཛད།   སྤྲུལ་པ་ཟོར་རྫས་ཕོ་ཉར་བཅས་པ་ {{TibChung|[25a]}} དཔའ་བོ་གཡུལ་དུ་ཞུགས་པ་ལྟར་ཟ་ཟ་རྔམ་རྔམ་དུ་བསྐྱེད་པར་བསམ་མོ།   །གཉིས་པ་ཟོར་ལམ་བསལ་བ་ནི།   སློབ་དཔོན་དྲག་པོའི་ཆས་སུ་ཞུགས་ཏེ་དཀྱིལ་འཁོར་ལ་བསྐོར།   ཕྱི་རོལ་དུ་ཕུད་སྐྱེམས་འཐོར་ཞིང་བདེན་པའི་ཡུས་ཀྱིས།}} ཧཱུཾ།   བདག་ནི་མ་ཉེས་མ་ཡོའོ།   །གཟུ་དང་དཔང་དུ་དཀོན་མཆོག་བཞུགས།   །ཞལ་ལྕེ་སྣང་སྲིད་ལྷ་འདྲེས་ཆོད།   །རྣལ་འབྱོར་དབང་ཕྱུག་ཟོར་འཕེན་ནོ།   །དགྲ་བགེགས་མ་གཏོགས་སྐུ་བཟུར་ཅིག   །ཕྱོགས་བཞི་མཚམས་བརྒྱད་སྟེང་འོག་ན།   །སྣང་སྲིད་ལྷ་འདྲེ་བཞུགས་པ་རྣམས།   །མཐོ་བ་རྣམས་ཀྱི་ཞབས་སྡུས་ཤིག   །དམའ་བ་རྣམས་ཀྱི་དབུ་ཆུམས་ཤིག   ། བར་ན་བཞུགས་པ་སྐུ་བཟུར་ཅིག   །དབུ་ཞབས་ཀུན་ལ་ཕོག་པར་སྲིད།   །སོ་སོའི་ཕོ་བྲང་སྒོ་སྡོམས་ཤིག   །ལྷ་སྲིན་སྡེ་བརྒྱད་ཐམས་ཅད་ཀྱང་།   །གསེར་སྐྱེམས་དམ་པ་འདི་གསོལ་ལ།   །དཔལ་གྱི་གཏོར་ཟོར་ལམ་ཕྱེས་ཤིག   །དོ་ནུབ་དྲག་པོའི་ཟོར་ཆེན་འདི།   །སྡང་དགྲ་གནོད་བགེགས་རྣམས་ལ་འཕེན།   །ཟ་འདྲེ་ཕུང་སྲི་རྣམས་ལ་འཕེན།   །ཕར་འཕེན་ཚུར་ལ་མ་ལྡོག་ཅིག   །རྣལ་འབྱོར་བསམ་པ་འགྲུབ་པར་མཛོད།   །{{TibChung|ཅེས་ཟོར་ལམ་བསལ།   ལས་བྱང་བཞིན་བསྐུལ་དང་ཆད་ {{TibChung|[25b]}} མདོ་བསྒྲག་གོ  །གསུམ་པ་ཟོར་གྱི་དཔུང་བསྐྱེད་པ་ནི།   འཕྱར་དར་དང་རུ་འདྲེན་གྱི་རྣམ་པ་དུ་མས་སྣ་དྲངས་ཏེ་སྐྱེས་བུ་གིང་ཆས་སུ་ཞུགས་པ་སོགས་ཀྱིས་དཀར་གཏོར་དང་གསེར་སྐྱེམས།   ཟོར་གྱི་རྫས་རྣམས་ནས་གཙོ་བོའི་གཏོར་ཆེན་གྱི་བར་རིམ་བཞིན་ཁྱེར།   རྣལ་འབྱོར་བ་ལྟ་བའི་གདིང་སྒོམ་པའི་གསལ་སྣང་དང་མ་བྲལ་བས་རིག་པ་ཧུར་ཕྱུང་ཏེ་དྲག་སྔགས་བཟླ་ཞིང་རོལ་མོ་དང་བཅས་པས་དེ་དག་གི་ཕྱི་བཞིན་གཟའ་དང་སྡེ་བརྒྱད་ཀྱི་རྒྱུ་ཕྱོགས་དང་བསྟུན་གང་དུ་འཕེན་པའི་སར་ཕྱིན་ལ།   ཕུད་ཕྱོགས་བཅུར་འཐོར་ཞིང་།}} ཧཱུཾ་བྷྱོ།   བླ་མ་ཡི་དམ་ལྷ་ཚོགས་དང་།   །ཁྱད་པར་ཕུར་བུའི་ལྷ་ཚོགས་ཀྱིས།   །མཆོད་སྦྱིན་གསེར་སྐྱེམས་འདི་བཞེས་ལ།   །དོ་ནུབ་ཟོར་གྱི་ལས་མཛོད་ཅིག   །ཤྭ་ན་བདག་ཉད་ས་བདག་སོགས།   །དམ་ཅན་ཆོས་སྐྱོང་སྲུང་མ་ཡིས།   །མཆོད་སྦྱིན་གསེར་སྐྱེམས་འདི་བཞེས་ལ།   །དོ་ནུབ་ཟོར་གྱི་ལས་མཛོད་ཅིག   །སྣང་སྲིད་ལྷ་སྲིན་སྡེ་བརྒྱད་དང་།   །ཡུལ་ལྷ་གཞི་བདག་གཉན་པོ་ཡིས།   །མཆོད་སྦྱིན༴    དོ་ནུབ་ཟོར་གྱི་ལས་མཛོད་ཅིག   །{{TibChung|ཅེས་དང་།}} ཧཱུཾ།   སངས་རྒྱས་ཀྱིས་ནི་བདུད་ཕམ་མཛད།   །ཆོས་མ་ཡིན་ནི་ཆོས་ཀྱིས་སོ།   །དགེ་འདུན་གྱིས་ནི་མུ་སྟེགས་ཕམ།   །དབང་པོས་ལྷ་སྲིན་ཕམ་གྱུར་ཏེ།   །རྡོ་རྗེ་གཞོན་ནུའི་ལྷ་ཚོགས་ཀྱིས།   ། {{TibChung|[26a]}} དགྲ་བགེགས་རྣམས་ནི་ཕམ་པར་མཛད།   །རིག་སྔགས་བདེན་པའི་མཐུ་འདི་ནི།   །ཐོགས་པ་མེད་པར་འགྲུབ་པར་མཛོད།   །{{TibChung|ཅེས་བདེན་སྟོབས་ཀྱིས་དཔུང་བསྐྱེད།   བཞི་པ་ཟོར་བསྐུལ་བ་ནི།   བདེན་སྟོབས་བཅས་འགུགས་གཞུག་གིས་དགྲ་བགེགས་བཀུག་སྟེ་དམིགས་པའི་འབེན་བཅས་ལ།}} ཧཱུཾ༔   ང་ནི་རྡོ་རྗེ་གཞོན་ནུ་ཆེ༔   འཁོར་འདས་ཀུན་གྱི་སྤྱི་དཔལ་ཡིན༔   ང་ལས་ཆེ་བཙན་སུ་ཡང་མེད༔   ངས་ནི་དྲག་པོའི་གཏོར་ཟོར་འཕེན༔   ཕྱོགས་མཚམས་སྟེང་འོག་གནས་རྒྱུ་བའི༔   སྡེ་བརྒྱད་ལྷ་ཀླུ་གཞི་བདག་རྣམས༔   གཏོར་ཆེན་མཚོན་ཐུན་ཟེར་འཕྲོས་པས༔   ལུས་སེམས་མ་ལུས་བརླག་པར་མཆིས༔   ང་ནི་མ་ཉེས་དགྲ་བགེགས་ཉེས༔   ཟོར་ལམ་ཕྱེས་ལ་སྐུ་བཟུར་ཅིག༔   བརྣག་པའི་དགྲ་བགེགས་མ་གཏོགས་པ༔   ཉེས་མེད་རྣམས་ལ་ཟོར་མི་འཕེན༔   ཀུན་ཀྱང་གྲོགས་མཛོད་དམག་དཔུང་བསྐྱེད༔   དམག་དཔུང་བསྐྱེད་ལ་རུ་མཚོན་ཕྱོར༔   ཉམས་པའི་དགྲ་བགེགས་སྡིག་ཅན་འདི༔   རྡུལ་ཕྲན་བཞིན་དུ་བརླག་པར་མཛོད༔   {{TibChung|ཅེས་རིག་པ་ངར་དང་ལྡན་པས་བརྗོད།   ལྔ་པ་ཟོར་འཕང་བ་ནི།   ཟོར་རྣམས་རིམ་པར་ཐོགས་ལ།}} བྷྱོ།   {{TibChung|[26b]}} དཔལ་ཆེན་རྡོ་རྗེ་གཞོན་ནུ་ཡིས།   །ཕོ་ཉར་མངགས་པའི་ཟོར་གྱི་བདག   །དགྲ་བགེགས་བསྒྲལ་ཕྱིར་ལས་ལ་ཡྰ།   །དམར་ཆེན་དྲག་པོ་གཏོར་མའི་ཟོར།   །གློག་ལྟར་འཁྱུག་ཅིང་ཐོག་ལྟར་འབེབས།   །དགྲ་བགེགས་ལུས་སེམས་འབེན་ལ་ཡྰ།   །{{TibChung|ཅེས་དྲག་སྔགས་བརྗོད་བཞིན་པར་བརྡེག   །དེ་བཞིན་དུ་ཐོག་མཐའ་འདྲ་བ་ལས་ཁྱད་པར་གཏོར་ཟོར་གྱི་ཚབ་ཏུ།}} རྦ་ཀློང་འཁྲུག་པ་ཁྲག་གི་ཟོར།   །རི་བོ་རྙིལ་བ་རྡོ་ཡི་ཟོར།   །རྣོ་མྱུར་ཤུགས་དྲག་མདའ་ཡི་ཟོར།   །མཚོན་རྩེ་ཟིངས་པ་ཡུངས་ཀར་ཟོར།   །མུན་པ་འཁྲིགས་པ་དུག་གི་ཟོར།   །{{TibChung|ཞེས་བསྒྱུར་ལ་འཕང་།   དེ་ནས་གཏོར་ཆེན་སོགས་བཏེགས་ལ།}} ཧཱུཾཿ ང་ནི་བདུད་འདུལ་ཧེ་རུ་ཀ ༔   ཁྲག་འཐུང་ཀུན་གྱི་རྒྱལ་པོ་ཡིན༔   བཀའ་འཁོར་ལས་བྱེད་སྟོང་གསུམ་གང་༔   ཐམས་ཅད་དྲག་པོའི་ལས་ལ་ཆོས༔   སྒྲོལ་བྱེད་དྲག་པོ་ཟོར་གྱི་རྫས༔   སྡང་དགྲ་གནོད་བགེགས་ཕྱོགས་སུ་འཕེན༔   གཏོར་ཟོར་ཐོག་ལྟར་ཤ་ར་ར༔   དཔལ་ཆེན་དྲག་པོའི་གཏོར་ཟོར་འདི༔   སྡང་བ་དགྲ་ཡི་སྙིང་ལ་ཡ༔   བདུན་རྒྱུད་ཆོད་ཅིག་མཱ་ར་ཡ༔   གནོད་པ་བགེགས་ཀྱི་སྙིང་ལ་ཡ༔   མེད་པར་ཆོམས་ཤིག་མཱ་ར་ཡཿཡུལ་མཁར་ཁྱིམ་ལ་གཏོར་ཟོར་ཡ༔   རྡུལ་དུ་ {{TibChung|[27a]}} རློག་ཅིག་མཱ་ར་ཡ༔   བདག་འཛིན་བདུད་ལ་གཏོར་ཟོར་ཡ༔   གཉིས་མེད་སྒྲོལ་ཅིག་མཱ་ར་ཡ༔   {{TibChung|ཞེས་དྲག་སྔགས་ཟློག་ཤམ་ཅན་དྲག་པོར་བཟླ་བཞིན་པས་དབང་མོ་ཉེར་བརྒྱད་ཀྱི་ཀོང་ཟོར་དང་དམ་ཅན་གྱི་གཏོར་མ་ནས་བཟུང་གཙོ་གཏོར་གྱི་བར་བརྡེག་ཅིང་།   དགྲ་བོའི་གཟུགས་ཕུང་བཤིག   །རྣམ་ཤེས་མར་མེ་བསད་པ་ལྟར་ཡལ།   གནས་གཞིས་ལོངས་སྤྱོད་དང་བཅས་པ་རྗེས་མེད་དུ་བརླག་པར་བསམ་ལ་དམོད་མོར་བཅས་པས་ཐལ་མོ་དང་རྡུལ་མོ་བརྡབ་བོ།   །དྲུག་པ་ཟོར་རྗེས་གཅོད་པ་ནི།   ཡེ་ཤེས་ཀྱི་བྱ་ཁྱུང་འཇིགས་སུ་རུང་བ་ཞིག་གིས་མཚམས་བཅད་པར་བསམ་ལ།}} ཧཱུཾ་ཁྲོཾ་བཛྲ་ག་རུ་ཌ་བྷྱོ་ཟློག༔   {{TibChung|ཅེས་བཟླ་ཞིང་རྡོ་རྗེ་སློབ་དཔོན་གྱིས་རྟིང་མནན་ཏེ་ལོག   །ཕྱིར་རྙོགས་གཅོད་ཕྱིར་གདོང་ཕྱིར་བལྟས་ཏེ་ལས་ཕུར་བསྒྲིལ་ཞིང་གདེངས་ལ་དྲག་སྔགས་གནམ་ལྕགས་ཐོག་གི་སྤུ་གྲི་བདུན་ནམ་ཉེར་གཅིག་ཙམ་བཟླ།   རྡོ་རྗེའི་གུར་དུ་རང་གཞན་བསྲུང་བྱ་ཐམས་ཅད་ཚུད་པར་བསམ་ཞིང་སྲུང་བའི་འཁོར་ལོ་བརྟན་པོར་བསྒོམ།   དེ་ནས་སྒྲུབ་ཁང་གི་སྒོ་དྲུང་དུ་བཤལ་ཆུའི་བདུད་རྩིས་བརྟན་མ་བསྐྱང་།   གཏོར་གཞོང་ཁ་སྦུབས་ལ་བྲོ་ར་བསྐོར་ཏེ་ཨེ་གྲུ་གསུམ་པར་དགྲ་བགེགས་དམ་སྲི་ཐམས་ཅད་བཀུག་ནས་མནན་པར་བསམ་ཞིང་བྲོ་བརྡུང་བྱའོ།   །གསུམ་པ་རྗེས་ཀྱི་བྱ་བ་ནི།   ནང་དུ་ལོག་ནས་ཚེ་འགུགས་བསྐུལ་ཞིང་དངོས་གྲུབ་ལེན།   མཆོད་པ་ཁ་གསོས་ལ་བྱིན་གྱིས་བརླབས་ཏེ་ཕུལ་ནས་ {{TibChung|[27b]}} བསྟོད་པ་བྱ།   ནོངས་པ་བཟོད་པར་གསོལ།   ནམ་མཁར་བཞུགས་པའི་ཡེ་ཤེས་པ་གཤེགས་སུ་གསོལ་བའམ་བྲི་སྐུ་སོགས་ལ་བརྟན་བཞུགས་བྱ།   བདག་བསྐྱེད་ཀྱི་རྣལ་འབྱོར་འོད་གསལ་དུ་བསྡུ་ཞིང་ལྷར་ལྡངས་ཏེ་གོ་བགོ།   ལས་དཀྱིལ་གྱི་རྡུལ་ཚོན་ཨ་ཀཱ་རོས་བསྡུས་ལ་ཐིག་ཤུལ་དབྱི།   དགེ་བ་བསྔོ་ཞིང་སྨོན་ལམ་ནན་ཏན་དུ་གདབ།   ཤིས་པ་རྒྱ་ཆེར་བརྗོད་དེ་མེ་ཏོག་གི་ཆར་དབབ་པས་བདེ་ལེགས་སུ་བྱའོ།   །ཡང་སྐབས་འགའ་ཞིག་གི་ཚེ་སྤྲོས་པ་བསྡུ་བའི་གཏོར་ཟློག་ཙམ་བྱེད་པར་འདོད་ན།   ལས་དཀྱིལ་གྱི་གཞིར་ཐིག་ཚོན་གྱི་བྱ་བ་རྣམས་དོར་ནས་རས་བྲིས་ཀྱི་འདིང་དཀྱིལ་ཡོད་ན་བཀྲམ།   མེད་ན་ཞིང་དམ་གཅན་གཟན་གྱི་ལྤགས་པ་ལ་འབྲུ་ནག་དུག་ཁྲག་གིས་གཤེར་བའི་ཚོམ་བུ་ལྷ་གྲངས་དང་མཉམ་པ་བཀོད་པའི་ཁར་ཟོར་གཏོར་གཙོ་འཁོར་ཕྱོགས་བསྡུས་སུ་འགོད།   ཟོར་ཆས་གཞན་རྣམས་ཀྱི་བཅས་མི་དགོས་ཤིང་།   ལིངྒ་ཡང་འཕྲལ་གྱི་རྐྱེན་སེལ་ཙམ་ལ་ཟན་ལིང་གིས་འཐུས།   ཕུར་ཁྲོམ་ཡོངས་རྫོགས་ལས་ཉི་ཚེ་བ་ལ་འབྱོར་དཀའ་བས་སྲས་མཆོག་གི་ཕུར་བུ་གཅིག   །ཁྲོ་བཅུ་ཡབ་ཡུམ་ཐུན་མོང་དུ་རེ་རེ།   སྲས་ཕུར་ཐུན་མོང་དུ་གཅིག   །སྒོམ་དམ་ཅན་དབང་ཕྱུག་ཐུན་མོང་དུ་གཅིག་སྟེ་ཕུར་བུ་ལྡ་འདུ་བྱ།   གཞན་བཅས་གཤོམ་དང་ཆོ་གའི་འགྲོས་གཞུང་བཞིན་ལས།   འཕང་བའི་སྐབས་ཟོར་བསྐུལ་གྱི་རྗེས་སུ་གཏོར་ཟོར་དངོས་ལ་འཇུག་པ་སོགས་ལག་ལེན་དབྱེ་བསྡུའི་འདོར་ལེན་གྱི་དམིགས་ཕྱེད་ཤེས་པར་བྱའོ།   །འཁོར་ལོ་གསུམ་དང་རྫོང་འཕྲང་ {{TibChung|[28a]}} སྲོག་གསུམ་གྱི།   །དཔའ་ངར་གདིང་ལྡན་སྔགས་པ་འགའ་མཆིས་ན།   །རེག་གཅོད་སྤུ་གྲིའི་མཚོན་ཆ་འདི་ཐོགས་ནས།   །བསྟན་དགྲ་སྒྲོལ་བའི་ལས་ལ་ཅིས་མི་བརྩོན།   །དེ་སླད་བདུད་འདུལ་པདྨའི་མན་ངག་གང་།   །མ་འདྲེས་ཚུལ་བཞིན་བཀྲལ་བའི་ཆོ་གའི་ཁྲིགས།   །འདི་ཀོ་སྔགས་རིག་འཛིན་པའི་ཕྱག་མཚན་དུ།   །གྱུར་ནས་རྒྱལ་བསྟན་སྲུང་བའི་བཙས་སུ་ཤོག   །དེ་ལྟར་དཔལ་རྡོ་རྗེ་ཕུར་བུ་ཡང་གསང་སྲོག་གི་སྤུ་གྲིའི་སྨད་ལས་བདུད་དཔུང་མཐར་བྱེད་གནམ་ལྕགས་ཐོག་ཆེན་ཞེས་བྱ་བ་འདི་འང་།   སྔ་སོར་རྣམ་འདྲེན་གསུང་སྤྲུལ་བཅུ་པའི་ཞལ་སྔ་ནས་བཀའ་སྩལ་རིན་པོ་ཆེ་སྤྱི་བོར་ལྷུང་བ་རྗེས་སུ་སྒྲུབ་པར་སེམས་པའི་དམ་བཅའ་མ་བོར་ཡང་གཞན་དབང་མི་ཟད་པའི་ཁོལ་པོར་འཕྱན་ཏེ་ཡུན་དུ་འགྱང་བར་འགྱུར་བ་ལས།   ཉེ་ཆར་ལྷ་ལུང་ཐེག་མཆོག་རབ་རྒྱས་གླིང་གི་རིག་འཛིན་འདུས་པའི་སྡེས་གྱ་ནོམ་པའི་སྐྱེས་དང་བཅས་ནན་བསྐྱར་དུ་བསྐུལ་བར་མཛད་པ་ལ་བརྟེན་ནས།   སྤུ་གྲིའི་ངན་སྔགས་རྩ་བ་དང་གློ་བུར་ལྕོགས་རྡུང་ལས་སྦྱོར་གྱི་འཁྲུལ་འཁོར་སོགས་གབ་དཀྲུགས་འཐོར་སྟབས་སུ་བཞུགས་པ་རྣམས་གཏེར་གཞུང་གི་དགོངས་པ་མ་འཁྲུལ་བར་མཁས་གྲུབ་རིག་འཛིན་བརྒྱུད་པའི་མན་ངག་གིས་གཏན་ལ་ཕབ་ཅིང་།   འདོན་ཆ་དཀྱུས་སུ་མི་གསལ་བ་འགའ་ཞིག་སྤུ་གྲི་གོང་མ་ཆོས་དབང་གི་གཞུང་ལས་བླངས་ཏེ།   ཕྲིན་ལས་ཕུར་པ་རོལ་པའི་གསང་བའི་དེ་ཉིད་ཆ་ཙམ་རིག་པའི་སྔགས་རྒན་འཇིགས་བྲལ་ཡེ་ཤེས་རྡོ་རྗེས་རང་ལོ་ལྔ་བཅུ་ {{TibChung|[28b]}} ང་ལྔ་པའི་ཐོག་ཏུ་སོན་པ་ས་ཕོ་ཁྱིའི་ལོ་ནག་པ་ཉ་བའི་དམར་པོའི་ཕྱོགས་ལ།   སྦས་ཡུལ་འབྲས་མོ་གཤོངས་ཀྱི་བྱེ་བྲག་ཉེ་བའི་ཞིང་མཆོག་ཀ་པཱ་ལ་སྤུངས་པར་གྲགས་པའི་རི་སུལ་འོག་མིན་རྡོ་རྗེ་བཀོད་པའི་རྫོང་དུ་སྦྱར་བའི་ཡི་གེ་པ་ནི་རིག་བྱེད་སྨྲ་བའི་སྔགས་བཙུན་ཆོས་གྲགས་རྒྱ་མཚོས་བགྱིས་པའོ།   །འདིས་ཀྱང་བསྟན་འགྲོར་འཚེ་བའི་ཡིད་སྲུབས་དཔུང་ཚོགས་མིང་མཐར་བྱས་ཏེ་གསང་ཆེན་བསྟན་པའི་མངའ་ཐང་དགུང་དུ་བདོ་བའི་ཆ་རྐྱེན་མཆོག་ཏུ་ཡང་དག་པར་གྱུར་ཅིག།   །།ཛ་ཡནྟུ།།   །།}}
}}
</onlyinclude>
{{TsagliCall}}
<headertabs/>