View source for DJYD-KABUM-10-THA-024

{{Text
|classification=Tibetan Publications
|subclass=Tibetan Texts
|fulltitletib=དཔལ་རྡོ་རྗེ་ཕུར་བུ་བདུད་འཇོམས་གནམ་ལྕགས་སྤུ་གྲིའི་སྨད་ལས་དགྲ་བགེགས་སྒྲོལ་བའི་ལས་རིམ་ཁྲག་འཐུང་ཁྲོས་པའི་དགའ་སྟོན།
|fulltitle=dpal rdo rje phur bu bdud 'joms gnam lcags spu gri'i smad las dgra bgegs sgrol ba'i las rim khrag 'thung khros pa'i dga' ston
|citation=[[Dudjom Rinpoche]] 'Jigs bral ye shes rdo rje. ''Dpal rdo rje phur bu bdud 'joms gnam lcags spu gri'i smad las dgra bgegs sgrol ba'i las rim khrag 'thung khros pa'i dga' ston''. In ''Bdud 'joms 'jigs bral ye shes rdo rje'i gsung 'bum dam chos rin chen nor bu'i bang mdzod'', Vol. 10: 419-521. Kalimpong: Dupjung Lama, 1979-1985.
|collectiontitletib=བདུད་འཇོམས་རིན་པོ་ཆེ་བཀའ་འབུམ།
|collectiontitle=bdud 'joms rin po che bka' 'bum
|author=Dudjom Rinpoche
|sourcerevealer=bdud 'joms gling pa
|tibgenre=Activity Practices - las tshogs
|terma=Yes
|deity=rdo rje phur pa
|cycle=dpal rdo rje phur bu bdud 'joms gnam lcags spu gri
|cycletib=དཔལ་རྡོ་རྗེ་ཕུར་བུ་བདུད་འཇོམས་གནམ་ལྕགས་སྤུ་གྲི་
|parentcycle=thugs sgrub gsang ba rgya can
|parentcycletib=ཐུགས་སྒྲུབ་གསང་བ་རྒྱ་ཅན་
|language=Tibetan
|volumenumber=10
|volnumtib=༡༠
|volyigtib=ཐ་
|totalvolumes=25
|textnuminvol=024
|pagenumbers=419-521
|totalpages=103
|beginfolioline=1a1
|endfolioline=52a5
|totalfolios=52
|multivolumework=No
|rectonotes=smad las
|versonotes=gnam lcags spu gri
|colophontib=དེ་ལྟར་དཔལ་རྡོ་རྗེ་ཕུར་བུ་བདུད་འཇོམས་གནམ་ལྕགས་སྤུ་གྲིའི་སྨད་ལས་དགྲ་བགེགས་སྒྲོལ་བའི་ལས་རིམ་ཁྲག་འཐུང་ཁྲོས་པའི་དགའ་སྟོན་ཅེས་བྱ་བ་འདི་ནི།    རིང་མོ་ཉིད་ནས་དོན་དུ་གཉེར་བ་ཅན་དུ་མའི་གསུང་གིས་བསྐུལ་བ་དང་།   ཉེ་ཆར་ཟབ་གཏེར་གྱི་ལུང་དོན་བཞིན་བོད་ཁམས་བསྟན་སྲིད་སྤྱིའི་རིམ་གྲོར་དམིགས་ཏེ་ཨེ་ཝཾ་བདེ་ཆེན་ཆོས་འཁོར་གླིང་དུ་བསྙེན་སྒྲུབ་ལས་ཀྱི་སྦྱོར་བ་ཟབ་མོ་འཛུག་པའི་སྐབས་སུ་བབ་པ་ན་ཉེ་བར་མཁོ་བས་མཚམས་སྦྱར་ནས།    བདུད་འདུལ་ཕུར་བུའི་རིག་སྔགས་འཆང་བ་འཇིགས་བྲལ་ཡེ་ཤེས་རྡོ་རྗེས་རང་ལོ་སུམ་ཅུ་པའི་ཐོག་ཏུ་སོན་པ་དཔལ་གདོང་གི་ལོ་མགོ་ཉ་པའི་ཤེས་རབ་ཀྱི་ཆའི་རྒྱལ་བ་དང་པོ་ལ་མཁན་ལྗོངས་ཕུན་ཚོགས་དགའ་ཚལ་གྱི་བསྟི་གནས་སུ་གྲུབ་པར་བགྱིས་པ་སྟེ།   འདིས་ཀྱང་བསྟན་འགྲོར་འཚེ་བྱེད་ཕས་རྒོལ་བདུད་དགྲའི་དཔུང་རྣམས་མིང་གི་ལྷག་མར་བྱས་ཏེ་ཕྱོགས་ལས་རྣམ་པར་རྒྱལ་བའི་དགེ་ལེགས་ཀྱི་རུ་མཚོན་དགུང་དུ་བསྙེགས་པའི་རྒྱུར་གྱུར་ཅིག། ཛ་ཡནྟུ།
|colophonwylie=de ltar dpal rdo rje phur bu bdud 'joms gnam lcags spu gri'i smad las dgra bgegs sgrol ba'i las rim khrag 'thung khros pa'i dga' ston ces bya ba 'di ni/____ring mo nyid nas don du gnyer ba can du ma'i gsung gis bskul ba dang /___nye char zab gter gyi lung don bzhin bod khams bstan srid spyi'i rim gror dmigs te e waM bde chen chos 'khor gling du bsnyen sgrub las kyi sbyor ba zab mo 'dzug pa'i skabs su bab pa na nye bar mkho bas mtshams sbyar nas/____bdud 'dul phur bu'i rig sngags 'chang ba 'jigs bral ye shes rdo rjes rang lo sum cu pa'i thog tu son pa dpal gdong gi lo mgo nya pa'i shes rab kyi cha'i rgyal ba dang po la mkhan ljongs phun tshogs dga' tshal gyi bsti gnas su grub par bgyis pa ste/___'dis kyang bstan 'gror 'tshe byed phas rgol bdud dgra'i dpung rnams ming gi lhag mar byas te phyogs las rnam par rgyal ba'i dge legs kyi ru mtshon dgung du bsnyegs pa'i rgyur gyur cig/_dza yan+tu/
|pdflink=File:DJYD-KABUM-10-THA-024.pdf
|authortib=བདུད་འཇོམས་འཇིགས་བྲལ་ཡེ་ཤེས་རྡོ་རྗེ་
|sourcerevealertib=བདུད་འཇོམས་གླིང་པ་
|volumeLetter=THA
|InitCategories=Dudjom Tersar Project; DJYD-KABUM-Volume-10-THA
}}
<h1>Tibetan Text</h1>
<onlyinclude>
{{TibP|༄༅།   །དཔལ་རྡོ་རྗེ་ཕུར་བུ་བདུད་འཇོམས་གནམ་ལྕགས་སྤུ་གྲིའི་སྨད་ལས་དགྲ་བགེགས་སྒྲོལ་བའི་ལས་རིམ་ཁྲག་འཐུང་ཁྲོས་པའི་དགའ་སྟོན་ཅེས་བྱ་བ་བཞུགས་སོ།   །


༄༅།   །དཔལ་རྡོ་རྗེ་ཕུར་བུ་བདུད་འཇོམས་གནམ་ལྕགས་སྤུ་གྲིའི་སྨད་ལས་དགྲ་བགེགས་སྒྲོལ་བའི་ལས་རིམ་ཁྲག་འཐུང་ཁྲོས་པའི་དགའ་སྟོན་ཅེས་བྱ་བ།   ཁྱབ་བདག་བླ་མ་བདུད་འདུལ་ཧེ་རུ་ཀ་དང་གཉིས་སུ་མེད་པའི་ཞབས་ལ་ཕྱག་འཚལ་ལོ།   །ཞི་བ་ཆེན་པོ་སྙིང་རྗེའི་ཡེ་ཤེས་དངོས་པོ་མེད་ལས་དངོས་པོའི་སྤྲིན།   །གདུལ་དཀའི་འགྲོ་ངོར་མི་བཟད་རབ་ཁྲོས་དྲག་ཤུལ་གོམ་པས་ས་གསུམ་གཡོ།   །སངས་རྒྱས་ཀུན་གྱི་ཕྲིན་ལས་སྟོབས་དཔལ་འབར་བའི་ཕྱག་རྒྱ་ལྷག་པའི་ལྷ།   །ཧེ་རུ་ཀ་དཔལ་དཔའ་བོ་དེ་ཡིད་བདུད་སྡེའི་ཀླད་པ་འགེམས་པར་མཛོད།   །མ་རུང་ཕས་རྒོལ་  {{TibChung|[2a]}} བདུད་སྡེའི་བྲག་རི་འབུམ།   །སྐད་ཅིག་ཙམ་ལ་ཐལ་བར་བསྙིལ་བྱེད་པའི།   །མངོན་སྤྱོད་ལས་རིམ་གནམ་ལྕགས་འཁྲུལ་འཁོར་ནི།   །བདུད་འདུལ་ཁྲག་འཐུང་ཁྲོས་པའི་དགའ་སྟོན་སྤྲོ།   །{{TibChung|དེའང་བླ་ན་མེད་པའི་བྱང་ཆུབ་མངོན་དུ་བྱེད་པ་ལ་གནས་སྐབས་དང་མཐར་ཐུག་གི་འགལ་རྐྱེན་བར་ཆད་ཀྱི་གཡུལ་ཐམས་ཅད་ལས་རྣམ་པར་རྒྱལ་བའི་ཕྲིན་ལས་ཀྱི་སྦྱོར་བ་ཐམས་ཅད་ཀྱི་རྩ་བ་སྨད་ལས་ལ་བརྟེན་ནས་དགྲ་བགེགས་སྒྲོལ་བའི་ཐབས་མངོན་སྤྱོད་དྲག་པོའི་ལས་ཀྱི་རིམ་པ་ལ་སྤྱི་དོན་རྣམ་པ་གསུམ་སྟེ།    དམིགས་པར་བྱ་བའི་ཡུལ།    སྒྲུབ་པར་བྱེད་པའི་ཐབས།    དེ་ཉིད་གྲུབ་པའི་འབྲས་བུའོ།   །}} 
{{TibChung|དང་པོ་གང་ལ་དམིགས་པར་བྱ་བའི་ཡུལ་ནི།   ཞིང་བཅུ་ཚང་ཞིང་ཉམས་པ་བདུན་དང་ལྡན་པའི་ཡུལ་ལ་སྙིང་རྗེ་ཆེན་པོའི་བློས་ཡོངས་སུ་བཟུང་ནས་དམིགས་པར་བྱ་བའོ།   ། {{TibChung|[2b]}} གཉིས་པ་གང་གིས་སྒྲུབ་པར་བྱེད་པའི་ཐབས་ནི།    ལྟ་བའི་གདེང་དང་ལྡན་ཅིང་བསྙེན་སྒྲུབ་ལས་གསུམ་ལ་དྲོད་ཚད་བརྙེས་པའི་སྔགས་པས།    དཔའ་བརྟུལ་ཆེ་བ་དྲག་པོའི་འཁོར་དང་ལྷན་ཅིག   །གནག་ཅིང་རྩུབ་ལ་གཉན་པ་མངོན་སྤྱོད་དང་རྗེས་སུ་མཐུན་པའི་གནས་སུ།   །སྒྲུབ་རྫས་སྤྱི་དང་ཁྱད་པར་སྨད་ལས་ལ་དགོས་པའི་ཡོ་བྱད་ཐམས་ཅད་ཚང་བར་བསགས་ཏེ།    མར་ངོའི་གཟའ་སྐར་ཚེས་གྲངས་སོགས་དྲག་ཅིང་རྩུབ་པའི་དུས་སམ་གློ་བུར་གྱི་ཚེ་ནའང་རུང་སྟེ་ནམ་སྐབས་སུ་བབས་པ་ན་ལས་ལ་སྦྱོར་བ་ཡིན་ནོ།   །དེའི་ཚུལ་ལ་གསུམ།   སྦྱོར་བ་ཡོ་བྱད་ཀྱི་ཤོམ།    ཆོ་གའི་རིམ་པ་དངོས།   རྗེས་ཀྱི་བྱའོ།   །དང་པོ་སྦྱོར་བ་ཡོ་བྱད་ཀྱི་ཤོམ་ནི།    གང་དུ་བྱ་བའི་གནས་དེར་དཔལ་ཆེན་པོ་དམ་ཅན་དང་བཅས་པའི་སྐུའི་རྟེན་དགྲམ།    ཡོལ་བ་བླ་བྲེ་རྒྱལ་མཚན་འཕན་གདུགས་ལྡ་ལྡི་གོ་མཚོན་སོགས་སྤྱན་གྱི་གཟིགས་མོ་ངོ་མཚར་བའི་རྒྱན་གྱི་ཁྱད་པར་ཇི་སྙེད་པ་མཛེས་ཤིང་བརྗིད་ཆགས་པར་བསྟར།    སྟེགས་བུ་མཐོ་བ་ལ་བླ་མ་ཡི་དམ་ནས་གཞི་བདག་གཏོར་མའི་བར་མཆོད་པ་དང་བཅས་པ་སྤྱི་ལྟར་བཤམ།    ལས་དཀྱིལ་གྱི་གཞི་དེར་དུག་ཁྲག་གིས་ཆག་ཆག་གདབ་པར་ཐིག་ཆེན་བརྒྱད་སྤྱི་ལྟར་བཏབ་རྗེས་ཁྲུ་གང་ལས་མི་ཆུང་བ་ཟླུམ་པོར་བསྐོར་ལ་སྐོར་ཐིག་དང་ཤར་གྱི་ཚངས་ཐིག་འཕྲད་མཚམས་ནས་བཟུང་སྟེ་ནུབ་བྱང་གི་ཟུར་ཐིག་དང་བྱང་གི་རྩ་ཐིག་བར་གྱི་ཟླུམ་ཐིག་ཆ་གསུམ་དུ་བསྒོས་པའི་ཆ་གཉིས་བྱང་དང་ཆ་གཅིག་ནུབ་ཏུ་བོར་བའི་འཕྲད་མཚམས་ནས་ཆོས་འབྱུང་གི་གཡོན་གྱི་ལོགས་ཐིག་བཏབ།    དེ་བཞིན་དུ་ལྷོ་དང་ལྷོ་ནུབ་ཀྱི་བར་ལ་ལ་གཡས་དང་།    དེ་གཉིས་རྩེ་སྦྲེལ་བས་རྒྱབ་ཀྱི་ལོགས་ཐིག་འབྱུང་ངོ་།   །ཟུར་གསུམ་དུ་སོར་གཉིས་རེ་བསྣན་པའི་རྩེ་རྣམས་སྦྲེལ་ཏེ་མུ་རན་དང་།   དེའི་ཕྱིར་མེའི་ར་བ་གྲུ་གསུམ་ཆེ་ཆུང་ཇི་ལྟར་འོས་པ།   ཆོས་འབྱུང་གི་ནང་གི་གྲྭ་གསུམ་ནས་ཟླུམ་ཐིག་ལྔ་བསྐོར་བ་ལ།   མུ་ཁྱུད།   རྩིབས་བཅུ།   རྩིབས་བཞི་  {{TibChung|[3a]}} ཐོད་པ།    ལྟེ་བ་དང་།    དབུས་སུ་ཆོས་འབྱུང་གི་གྲྭ་མདུན་བསྟན་མུ་རན་དང་བཅས་པའི་ཐིག་བཏབ།   རྒྱས་པ་ལ་དགའ་ན་ཆོས་འབྱུང་གི་ཕྱི་རོལ་རྡོར་མེ་རིས་ཀྱང་བསྐོར།    རྡུལ་ཚོན་དགྱེ་བ་ནི།    ཆོས་འབྱུང་གི་ནང་ནག་པོ།   མུ་རན་སྔོན་པོ།   ཟླ་གམ་ཁྲག་མཚོ།   མུ་ཁྱུད་ཐོད་སྐམ།   རྩིབས་བཞི་རྩིབས་བཅུ་སེར་པོ།   རྩིབས་མཆན་ཁྲག་མཚོ།    མུ་ཁྱུད་ཕྱི་མ་དམར་སེར།   ཆོས་འབྱུང་དང་མུ་རན་སྔར་བཞིན།   མེ་རི་དམར་སེར་འབར་བ།   རྡོ་ར་སོགས་ཡོད་ན་སྤྱི་མཐུན།   ཆོས་འབྱུང་ལྟེ་བར་ཉི་གདན་ལ་ཁྲོ་བོའི་རྡོ་རྗེ་རྭ་གདེངས་པ།    ལྷ་གནས་གཞན་དུ་ས་བོན་ནམ་མེ་ཏོག་ནག་པོའི་ཚོམ་བུ་བཀོད།    དཀྱིལ་འཁོར་གྱི་དབུས་སུ་མཉྗིའི་ཁར་ལྕགས་སྣོད་དུ་འབྲུ་ནག་གི་རྗེན་ཕྱེ་ཁྲག་གིས་སྦྲུས་པའི་གཙོ་བོའི་དམར་གཏོར་ཐོག་གཟུགས་རྣོ་དབལ་ཅན་ལ་འཁོར་དམར་གྱི་བཤོས་ཕྲན་ལྔས་བསྐོར་བའི་རྩེ་མོར་སྐུ་རྟེན་བྱ་ཁྱུང་བ་དན་ནག་པོ་མེ་ལོང་བཙུག་པ།   ཁྲག་ཀོང་།   མཚེ་ཡུངས།   རྩང་དམར།   ཁྲམ་བྱང་།   རྒྱུ་རློན་གྱི་ལྡ་ལྡི་སོགས་དྲག་རྒྱན་རྔམས་བརྗིད་དང་ལྡན་པ་འགོད།    དེ་མཐར་ཁྲོ་བོ་བཅུའི་དམར་གཏོར་རང་རང་གི་འཁོར་ཅན་གཙོ་བོ་དང་དབྱིབས་མཚུངས་པ་སོ་སོའི་སྐུ་ཙཀ་བ་དན་གྱིས་སྤུད་པ་རྩིབས་སོ་སོར་འགོད།    དེའི་ཕྱི་རོལ་གྱི་ཕྱོགས་བཞིར་སྒོ་སྐྱོང་བཞིའི་གཏོར་མ་དང་།   ཆོས་འབྱུང་ཕྱི་མའི་ཟུར་མདུན་མར་ཤྭ་ནམ་བཞི།   གཡས་ཟུར་དུ་བདག་ཉིད་མ་བཞི།   རྒྱབ་ཏུ་ས་བདག་མ་བཞི།    གཡོན་ཟུར་དུ་སྐྱེས་བུ་གིང་བཞི་རྣམས་ཀྱི་བཤོས་བུ་སོ་སོའི་མཐུན་རྫས་ཀྱིས་གཏམས་ཤིང་མདའ་དར་སོགས་རྒྱན་གྱིས་བརྒྱན་པ།    ཕྱི་རོལ་དབང་མོ་ཉེར་བརྒྱད་ཀྱི་ཀོང་ཟོར་གྲུ་གསུམ་  {{TibChung|[3b]}} དུག་ཁྲག་གིས་བྱུགས་ཤིང་མཚེ་ཡུངས་བཙུག་པ་ལོགས་རེར་བདུན་བདུན་བཀོད།   །སྤྲོས་པ་བསྡུ་ན་ཁྲོ་བོ་བཅུ་སོགས་འཁོར་རྣམས་དམར་གྱི་བཤོས་ཕྲན་ལྷ་གྲངས་དང་མཉམ་པ་གཙོ་གཏོར་གྱི་འཁོར་དུ་གོ་རིམ་བཞིན་བཀོད་པས་ཀྱང་རུང་།   གང་ལྟར་མཐར་ཁྲག་ཆེན་དང་སྦྱར་བའི་མཆོད་ཡོན།   དུག་དང་ཆུ་སེར་སྦྱར་བའི་ཞབས་བསིལ།    དབང་པོ་ལྔའི་མེ་ཏོག   །ཚིལ་ཆེན་བྱུགས་པའི་སྤོས་རེངས།    ཞུན་མར་རམ་མར་ནག་གི་སྒྲོན་མེ།    ཆང་ལ་མཁྲིས་ཆེན་སྦྱར་བའི་དྲི་ཆབ།   ཤ་རུས་ཀྱི་གཏམས་པའི་བཤོས་བུ་ཟུར་གསུམ་དམར་ནག་སོགས་དྲག་པོའི་མཆོད་པས་གཡས་སུ་བསྐོར།    སྒྲུབ་དཀྱིལ་དེའི་ལྷོ་ནུབ་སྲིན་པོའི་ཕྱོགས་སུ་དངོས་སམ་དྲིས་པའི་བྲུབ་ཁུང་མཐའ་མ་རྩང་ཕུར་གྱིས་བསྐོར་བའི་ནང་དུ།   དུར་ཁྲོད་ཀྱི་འཇག་མ།    གྲོག་མཁར་གྱི་ས།   དགྲ་བོའི་ཁང་ས་དང་དྲི་མ་རྣམས་སྦྱར་བའི་ལིངྒ་དབང་པོ་དོད་པ་ཞིག་བྱས་ལ་དེའི་སྙིང་གར་རོ་རས་ལ་དགྲ་སྲོག་སྤུ་གྲིའི་འཁོར་ལོ་བྲིས་བསླན་ཅིང་ཡན་ལག་བྱད་ཐག་སྔོ་དམར་གྱིས་བཅིངས་པའི་སྣེ་མོ་ཐུན་ཕུར་ལ་བཏགས།    དེའི་ཉེ་ལོགས་སུ་བྱ་རོག་དང་འུག་པའི་དང་རུ།   གུ་གུལ་སོགས་དབྱེ་རྫས།   འབེབས་པའི་ཡུངས་དཀར།   ཚོན་སྐུད་དང་ཤི་ཡུག་གི་སྐྲའི་བྱད་ཐག   །མྱོས་བྱེད་ཀྱི་དུག་ཁྲག   །གཙོ་འཁོར་ཡོངས་རྫོགས་ཀྱི་ཕུར་བུ།   གྲི་ལྕགས་ཀྱི་རལ་གྲི།   ཐོ་བ།   ཧོམ་གཟར་དང་བཅས་པ་བཤམས།   སྒྲུབ་དཀྱིལ་གྱི་མེ་མཚམས་སུ་ཟོར་གདན་གཡང་གཞིར་རོ་སོལ་གྱིས་ཆོས་འབྱུང་རྒྱར་སོར་ཉི་ཤུ་དཔངས་སོར་གསུམ་པ་འཁོར་ལོ་རྩིབས་བརྒྱད་དང་བཅས་པ་བྲིས་པའི་ལྟེ་བར་མཉྗིའི་ཁར་སྲས་མཆོག་གི་གཏོར་  {{TibChung|[4a]}} ཟོར་རཀྟས་བྱུགས་ཤིང་ཡུངས་དཀར་གྱི་གོང་བུ་བཙུག་པ།    ལྷོ་ནས་བརྩམས་ཏེ་ཕྱོགས་བཞིའི་རྩིབས་ལ་སྐྱེར་མདའ་ཕུར་གཟུགས་ཚོན་དོ་པ་ཅན་རིམ་བཞིན་འུག་པ།    ཁྲ།    སྲིན་བྱ།   བྱ་རོག་རྣམས་ཀྱི་སྒྲོས་བསྒྲོན་པ་དུག་ཁྲག་གུ་གུལ་ཚིལ་ཆེན་གྱིས་སོ་སོར་བྱུགས་པ་བཞག་ལ་གཤིན་རྗེ་ལ་སོགས་པ་ཕྱོགས་ཀྱི་ཁྲོ་བོ་བཞིར་བསྐྱེད་ཅིང་།    ཕྱོགས་གང་བདེར་མི་རྩིབས་ཀྱི་གཞུ་ཞིང་རྒྱུས་ཀྱིས་དྲངས་པའང་བཀོད།   ཤར་ལྷོར་རབས་ཆད་ནག་པོའི་ཐོད་པའམ་གཡག་རྒོད་ཀྱི་རྭ་གཡས་པར་མི་ཁྱི་རའི་ཁྲག་དང་དམེ་ཁྲག་སོགས་སྦྱར་བའི་ཁ་རོ་རས་ཀྱིས་བཀབ་པ།   ལྷོ་ནུབ་ཏུ་དུར་ཁྲོད་ཀྱི་རྡོ་ལ་དུག་ཁྲག་གིས་བྷྱོ་ཟློག་རྦད་བྲིས་པའི་རྡོ་ཐུན་ཚོན་སྐུད་ཀྱི་སྒུལ་མོ་ཞིང་ལྤགས་ཀྱི་མཐིལ་ཡུག་སྐྲའི་འཇག་ཅན་དང་བཅས་པ།   ནུབ་བྱང་དུ་ཕུང་ཤུལ་དུར་ཁྲོད་གཡུལ་བཀྱེ་བ་འདྲེ་ཅན་སོགས་ཕུང་ས་སྣ་ཚོགས་རྔ་མོང་ཁྱི་ཕག་སྤྱང་ཀིའི་བྲུན་དང་དུག་ཁྲག་གིས་སྦྲུས་པའི་ཀོང་བུ་གྲུ་གསུམ་གདེངས་ཀ་ཅན་ཁ་དཔངས་མཉམ་པར་སོར་བཞི་པ་ནང་དུག་ཁྲག་གིས་དམར་པོ་དང་ཕྱི་རོ་སོལ་གྱིས་ནག་པོར་བྱུགས་པ་གསུམ་གྱི་ནང་དུ་ཡུངས་དཀར་གང་བཟང་།   བྲག་ནག་ལ་སྐྱེས་པའི་མཚེ།   གྲི་ལྕགས་ཀྱི་རལ་གྲི་རྣམས་བཙུག་པ།   བྱང་ཤར་དུ་ཐོད་ནག་གླིང་དྲུག་པའམ་ཀོང་བུར་བོང་ང་སྤྱང་ཚེར་རེ་ལྕགས་སྦྱར་དུག་ཐར་ནུ་དྷ་དྷུ་ར་སོགས་དུག་སྣ་མྱོས་བྱེད་དང་སྦྱར་བའི་དུག་ཐུན།    མཐའ་སྐོར་དུ་ཟོར་ཀོང་སོ་སོར་ཟངས་ཕྱེ།    ལྕགས་ཕྱེ།   རྡོ་ཕྱེ།    ཉུང་ནག   །ཀེ་ཚེ།   ཤངས་ཚེ།   བྲ་བོ་རྣམས་བླུགས་པ་ལག་ལེན་བཞིན་བཤམ།    གཞན་ཡང་ཕྱི་ནང་གི་མཆོད་པ།    {{TibChung|[4b]}} ཚོགས་ཀྱི་ལོངས་སྤྱོད།   རོལ་མོའི་བྱེ་བྲག་སོགས་ཉེ་བར་མཁོ་བའི་ཡོ་བྱད་ཐམས་ཅད་མ་ཚང་བ་མེད་པར་འདུ་བྱའོ།   །གཉིས་པ་ཆོ་ག་དངོས་ཀྱི་རིམ་པ་ལ་གཉིས།    ཏིང་ངེ་འཛིན་གྱི་རྫོང་བཅའ་བ་དང་།   དྲག་པོའི་ལས་ཀྱིས་གཡུལ་འགྱེད་པའོ།   །དང་པོ་ཏིང་ངེ་འཛིན་རྫོང་བཅའ་བ་ནི།   སྐྱབས་སེམས་ཚོགས་བསགས་ནས་བཟུང་སྔོན་འགྲོའི་ལས་རིམ་རྣམས་རྫོགས་པའི་རྗེས་སུ་ཕུར་བུ་བྱིན་གྱིས་རློབ་པ་ལ།    ཕུར་བུ་རྣམས་གུ་གུལ་གྱིས་བདུག་ཅིང་།}}    ཨོཾ་བཛྲ་ཀཱི་ལི་ཀཱི་ལ་ཡ་སུ་རུ་སུ་རུ་ཨ་ངྷི་ཏིཥྛ་རྨུགས་ཧ་ལ་ཧ་ལ་དགྲ་བགེགས་འབྱུང་པོའི་ཙིཏྟ་མྱགས་མཱ་ར་ཡ་ཧཱུཾ་ཕཊ༔   {{TibChung|ཡུངས་དཀར་གྱིས་བྲབ་ཅིང་།}}      ཨོཾ་བཛྲ་ཀཱི་ལི་ཀཱི་ལ་ཡ་མ་གུ་ཏ་ལ་པྲ་ཏ་ལ་པྲ་ཏ་ལ་ཤ་ཏ་རཱ་ཧ་ཧཱཾ་དགྲ་བགེགས་འབྱུང་པོ་མཱ་ར་ཡ་ཧཱུཾ་ཕཊ༔   {{TibChung|རཀྟས་བྱུག་ཅིང་།}}    ཨོཾ་བཛྲ་ཀཱི་ལི་ཀཱི་ལ་ཡ་རཀྟ་ཛྭ་ལ་མཎྜལ་རཀྵ་རཀྵ་དགྲ་བགེགས་ཝཱ་ཤཾ་མཱ་ར་ཡ་ཧཱུཾ་ཕཊ༔   {{TibChung|ཅེས་བྱུགས་སོགས་གསུམ་གྱིས་གཟི་བྱིན་བསྐྱེད་ལ།    ཤུ་ནྱ་ཏས་བསང་སྦྱང་།}}    སྟོང་པའི་ངང་ལས་ཨེ་ལས་ཕུར་གདན་གྲུ་གསུམ་མཐིང་ནག་འབར་བའི་དབུས་སུ་པད་ཉི་དགྲ་བགེགས་ཀྱི་གདན་ལ་རང་གི་ཐུགས་ཀ་ནས་ཧཱུཾ་སྤྲོས།    ཧཱུཾ་སྥ་ར་ཎ་ཕཊ།   སཾ་ཧ་ར་ཎ་ཧཱུཾ།    ཨོཾ་བཛྲ་ཀཱི་ལི་ཀཱི་ལ་ཡ་ཧཱུཾ།   ཕུར་བུ་དཔལ་ཆེན་རྡོ་རྗེ་གཞོན་ནུ་ཡུམ་དང་བཅས་པའི་སྐུར་གྱུར།   {{TibChung|སྙིང་པོ་ལན་བདུན་བཟླས།}}      {{TibChung|[5a]}} དེ་ཞུ་བ་ལས་བྱུང་བའི་ཕུར་བུར་གྱུར་པའི་མདུད་འོག་མ་ལ་སྒོ་སྐྱོང་།    དབལ་ཟུར་ལ་སྲས་མཆོག   །ལོགས་གསུམ་ལ་དམ་ཅན་སྲུང་མ་དང་བཅས་པའི་ཕོ་བྲང་དུ་གྱུར་པར་{{TibChung|བསམ་མོ།   །དེ་ནས་དངོས་གཞི་ལ།    རྒྱུ་ཏིང་ངེ་འཛིན་གསུམ་ལས་འབྲས་བུ་དཀྱིལ་འཁོར་གསུམ་དུ་བསྐྱེད་པའི་ཚུལ་དཀྱུས་བཞིན་ལ་དམིགས་པའི་ཁྱད་པར་དཔེར་ན་བཞིན་གཅིག་ལ་མེ་ལོང་གཉིས་སུ་གཟུགས་བརྙན་སོ་སོར་འཆར་བ་བཞིན་བདག་མདུན་གཅིག་ཅར་དུ་གསལ་བཏབ།    སྒོ་མ་བཞིའི་བསྐྱེད་ཚིག་མཇུག་གི་}} ཀརྨ་ཀ་ར་ཡེ་ཧཱུཾ་ཕཊ༔   {{TibChung|ཅེས་པའི་མཚམས་སུ་དམ་ཅན་གྱི་དམར་བྱང་གབ་དོན་སྦྱོར་བ་ནི།}}    ཧཱུཾ༔   རང་བྱུང་ལྷུན་གྲུབ་གསང་ཆེན་དཀྱིལ་འཁོར་གྱི༔   བར་ཁྱམས་གནམ་ལྕགས་འཁོར་ལོའི་རྩིབས་སྟེང་དུ༔   བཀའ་སྡོད་མཐུ་ཆེན་མ་མོ་བཅུ་གཉིས་ནི༔   ཤར་དུ་ཆེ་ཞེ་ཤྭ་ན་སྤྱང་གདོང་ནག༔   ཆིབས་སུ་ལྕགས་ཀྱི་སྤྱང་མོ་མགོ་དགུ་ཞོན༔   ཕྱག་གཡས་ཐོད་དབྱུག་གཡོན་པས་ལྕགས་ཕུར་འདྲིལ༔   ལྷོ་རུ་སྲི་ཀ་འཕར་གདོང་ཆེན་མོ་སེར༔   ཆིབས་སུ་གསེར་གྱི་འཕར་བ་ལྕེ་བརྒྱད་ཞོན༔   ཕྱག་གཡས་ལྕགས་ཀྱུ་གཡོན་པས་གསེར་ཕུར་འདྲིལ༔   ནུབ་  {{TibChung|[5b]}} ཏུ་སྲི་ལ་ཝ་གདོང་ཆེན་མོ་དམར༔   ཆིབས་སུ་ཟངས་ཀྱི་ཝ་མོ་རྐང་གསུམ་ཞོན༔   ཕྱག་གཡས་རྡོ་རྗེ་གཡོན་པས་ཟངས་ཕུར་འདྲིལ༔   བྱང་དུ་ཀུ་ཀུ་མུ་ཁ་སྐུ་མདོག་ལྗང་༔   གཡུ་ཡི་ཁྱི་མོ་རལ་པ་ཅན་ལ་ཞོན༔   ཞིང་ཆུང་མགོ་ནས་འཇོམས་ཤིང་གཡུ་ཕུར་འདྲིལ༔   ཀུན་ཀྱང་གཅེར་བུ་རལ་པའི་ཅོད་པན་ཅན༔   རལ་པ་རང་མདོག་ཕུར་པ་དག་གིས་བརྒྱན༔   རང་འདྲའི་ལས་བྱེད་བུད་མེད་འབུམ་སྡེ་འགྱེད༔   ཤར་སྟོད་ཆེ་ཞེ་དཔལ་ལྡན་རེ་མ་ཏཱི༔   མཐིང་ནག་གཡས་གཉིས་མེ་ལོང་སྦྲུལ་ཞགས་ཐོགས༔   གཡོན་གཉིས་ཁ་ཊྭཾ་གནམ་ལྕགས་ཕུར་པ་འདྲིལ༔   གཡང་གཞི་གསོལ་ཞིང་རལ་པས་སྟོང་གསུམ་ཁེབས༔   ཆིབས་སུ་མྱུར་མགྱོགས་དྲེལ་རྟ་རྐང་གསུམ་ཆིབས༔   ལྷོ་སྟོད་དཔལ་ལྡན་ལྷ་མོ་རེ་མ་ཛུ༔   སྐུ་མདོག་སེར་ནག་སྨན་ཤ་ཡུ་མོ་ཆིབས༔   ཕྱག་གཉིས་གསེར་ཟོར་གཡུ་ཡི་སྒྲོམ་བུ་བསྣམས༔   གོས་སུ་རབ་མཛེས་རྨ་བྱའི་ཐུལ་པ་གསོལ༔   ནུབ་སྟོད་མ་བདུད་ཀུན་གཙོ་རེ་མ་ཛུ༔   སྐུ་མདོག་དམར་ནག་ཆུ་གླང་ནག་པོ་ཆིབས༔   ཕྱག་གཡས་ལྕགས་ཀྱུ་གཡོན་པས་ཐོད་ཁྲག་བསྣམས༔   གོས་སུ་རེ་ལྡེ་ནག་པོའི་ཝྭ་བ་གསོལ༔   བྱང་སྟོད་སྒྲོལ་བྱེད་དཔལ་འབར་རེ་མ་  {{TibChung|[6a]}} ཛི༔   སྐུ་མདོག་ལྗང་ནག་རྔ་མོང་གྭ་པ་ཆིབས༔   ཕྱག་གཉིས་ཁྲམ་ཤིང་ཚོན་གྱི་གྲུ་གུ་བསྣམས༔   གོས་སུ་རབ་མཛེས་ཆུ་དར་ལྭ་བ་གསོལ༔   ཀུན་ཀྱང་རབ་ཁྲོས་བསྟན་དགྲའི་སྲོག་ལ་རྔམས༔   སྤྲུལ་པའི་རེ་ཏཱི་སྟོང་རྩ་ལས་ལ་འགྱེད༔   སྲིད་པའི་ལེགས་ཉེས་ཀུན་གྱི་དབང་མོར་བསྐྱེད༔   ཤར་སྨད་ཆེ་ཞེ་ས་བདག་ཆེན་མོ་ནི༔   རྡོ་རྗེ་ཡ་བྱིན་མཐིང་ནག་གཡུ་འབྲུག་ཆིབས༔   ཕྱག་གཡས་ལྕགས་ཀྱུ་གཡོན་པས་གདབ་ཕུར་བསྣམས༔   གོས་སུ་མཐིང་ནག་དར་གྱི་བེར་ཆེན་གསོལ༔   ལྷོ་སྨད་རྡོ་རྗེ་དེ་བྱིན་ཆེན་མོ་ནི༔   སྐུ་མདོག་སེར་མོ་ཆུ་སྲིན་ཁམ་པ་ཆིབས༔   ཕྱག་གཉིས་གསེར་ཞགས་གཟུག་མོ་བྱི་ཐུར་བསྣམས༔   གོས་སུ་དར་ནག་བེར་ཆེན་བརྗིད་པར་གསོལ༔   ནུབ་སྨད་རྡོ་རྗེ་བསྭེ་བྱིན་ཆེན་མོ་ནི༔   སྐུ་མདོག་དམར་ནག་གློག་དམར་འཇིགས་ལ་ཆིབས༔   ཕྱག་གཉིས་ལྕགས་སྒྲོག་མི་ལག་མཆོག་ཕུར་བསྣམས༔   གོས་སུ་ལེ་བརྒན་འཇོལ་བེར་ལྷུབ་ཆེན་གསོལ༔   བྱང་སྨད་རྡོ་རྗེ་ཕག་བྱིན་ཆེན་མོ་ནི༔   སྐུ་མདོག་ལྗང་ནག་ཆུ་རྟ་སྔོན་པོ་ཆིབས༔   ཕྱག་གཉིས་དྲིལ་བུ་སེང་ལྡེང་ཕུར་པ་འདྲིལ༔   གོས་སུ་སྔོ་ནག་དར་གྱི་བེར་ཆེན་གསོལ༔    {{TibChung|[6b]}} ཀུན་ཀྱང་སྣང་སྲིད་ཀུན་ལ་མངའ་དབང་བསྒྱུར༔   སྤྲུལ་པའི་བསྭེ་མོ་ཉིས་བརྒྱ་ལྔ་བཅུ་འགྱེད༔   སྒྲུབ་ལ་བརྩེ་ཞིང་དམ་ཚིག་ལས་རྗེས་གཅོད༔   ཞིང་བཅུའི་སྲོག་གི་གཤེད་མར་ལྷུན་གྱིས་གྲུབ༔   ཤར་སྒོར་སྒྲོལ་གིང་དུང་གི་སྐྱེས་བུ་ནི༔   ཕྱག་གཉིས་ཤེལ་གྲི་ཤེལ་གྱི་ཕུར་བུ་འདྲིལ༔   སྤྱང་དཀར་སློག་པ་གསོལ་ཞིང་སེང་གེ་ཆིབས༔   རང་འདྲའི་ལས་མཁན་དཔག་མེད་ཁྲ་ཐབས་འགྱེད༔   ལྷོ་སྒོར་ལྕགས་ཀྱི་སྐྱེས་བུ་སྔོ་ནག་འཇིགས༔   ཕྱག་གཡས་རལ་གྲི་གཡོན་པས་ལྕགས་ཕུར་འདྲིལ༔   དར་ནག་བེར་གསོལ་ལྕགས་སྤྱང་སྔོན་པོ་ཆིབས༔   རང་འདྲའི་ལས་མཁན་ཁྲི་འབུམ་ལས་ལ་འགྱེད༔   ནུབ་སྒོར་བསྭེ་ཡི་སྐྱེས་བུ་དམར་ནག་རྔམས༔   ཕྱག་གཡས་ཟངས་གྲི་གཡོན་པས་ཟངས་ཕུར་འདྲིལ༔   དབང་གི་བསྭེ་ཁྲབ་གསོལ་ཞིང་མེ་རྟ་ཆིབས༔   དབང་སྡུད་ལས་ཀྱི་ཕོ་ཉ་འབུམ་གྱིས་བསྐོར༔   བྱང་སྒོར་ཏ་ཀི་ནག་པོ་མེ་དབལ་འཇིགས༔   སྐུ་མདོག་སྔོ་ནག་གྲི་གུག་ཐོད་ཁྲག་བསྣམས༔   ལྕགས་ཁྲབ་གསོལ་ཞིང་ལྕེ་སྤྱང་སྔོན་པོ་ཆིབས༔   འཁོར་དུ་ལས་མཁན་བདུད་ནག་འབུམ་གྱིས་བསྐོར༔   ཀུན་ཀྱང་སྒྲུབ་པ་པོ་ལ་གདུང་ཞིང་བརྩེ༔   དགྲ་བགེགས་གནོད་བྱེད་སྒྲོལ་  {{TibChung|[7a]}} བའི་ལས་ལ་བརྩོན༔   དཀྱིལ་འཁོར་ཆེན་པོའི་ཕྱི་ཁྱམས་ཁོར་ཡུག་ཏུ༔   དབང་ཕྱག་ཆེན་མོ་ཉི་ཤུ་རྩ་བརྒྱད་དང་༔   མ་སྲིང་ལངྐ་དུར་ཁྲོད་མཁའ་འགྲོ་སོགས༔   བཀའ་སྡོད་དམ་ཅན་རྒྱ་མཚོ་སྤྲིན་ལྟར་གཏིབས༔   ཨོཾ་སརྦ་མ་ཧཱ་གུ་རུ་དེ་ཝ་ཌཱ་ཀི་ནཱི༔   བཛྲ་ཀཱི་ལི་ཀཱི་ལ་ཡ༔   སརྦ་དྷརྨ་པཱ་ལ༔   སརྦ་ཀྵེ་ཏྲ་པཱ་ལ༔   སརྦ་ལོ་ཀ་པཱ་ལ༔   བཛྲ་ས་མ་ཏི་སྟྭཾ༔   {{TibChung|ཞེས་སྦྱར།    དབང་བསྐུར་བྱིན་བརླབ་ནས་བསྟོད་པའི་བར་དཀྱུས་བཞིན་ལས།    བཟླས་པའི་ཚེ་སྐུ་གསུང་ཐུགས་ལ་དམིགས་པའི་ཛཔྲ་དགོངས་སོགས་ཡེ་ཤེས་ཀྱི་ལྷ་ཉེ་བར་བསྙེན་པ་གཞུང་བཞིན་དང།   སྲུང་འཁོར་གྱི་དམིགས་པ་ནི།}}    སྲུང་འཁོར་གྱི་མེ་རིའི་ནང་དུ་མཚོན་ཆ་ལྔའི་གུར་ཁང་།   དེའི་ནང་དུ་མཚམས་གཅོད་ཀྱི་ཁྲོ་བོ་འབར་བའི་གུར་ཁང་།   དེའི་ནང་དུ་ཐབས་ཤེས་དབྱངས་གསལ་ཉི་ཟླའི་གུར་ཁང་རྣམས་ཀྱིས་རིམ་པར་དཀྲིགས་ཏེ་བར་ཆད་གང་གིས་ཀྱང་མི་ཕྱེད་པའི་དབུས་སུ་རྟེན་དང་བརྟེན་པའི་དཀྱིལ་འཁོར་ཡོངས་སུ་རྫོགས་པ་གསལ་བའི་གཙོ་བོའི་ཡེ་ཤེས་སེམས་དཔའི་ཐུགས་ཀར་ཏིང་འཛིན་སེམས་དཔའ་རྡོ་རྗེ་རྩེ་དགུ་པའི་ལྟེ་བར་ཧཱུཾ་མཐིང་ནག་གི་ཐིག་ལེར་བླ་མ་སློབ་དཔོན་ཁོག་པར་རང་གཞན་བསྲུང་བྱ་མཐའ་དག་ཚུད་པར་{{TibChung|བསམ་ཞིང་སྒོ་གསུམ་སྲུང་བའི་དམིགས་གནད་དང་  {{TibChung|[7b]}} བཅས་འབྲུ་དགུའི་ཤམ་དུ།}}    མ་མ་ཀཱ་ཝཱ་ཙི་རཀྵ་ཀུ་རུ་བྷཱུྃ༔   {{TibChung|ཞེས་བཏགས་པ་ཅི་ནུས་སུ་བཟླ།    དམ་ཅན་ཉེ་བར་བསྙེན་པ་ནི།}}    རང་ཉིད་དཔལ་ཆེན་པོའི་ཐུགས་ཀ་ནས་འབར་བའི་འོད་ཟེར་བསམ་གྱིས་མི་ཁྱབ་པ་འཕྲོས་པ་འཁོར་གྱི་དམ་ཅན་རྣམས་ལ་ཕོག   །སྔོན་གྱི་ཐ་ཚིག་གནད་ནས་བསྐུལ་ཏེ་དྲག་པོའི་ལས་ལ་རྔམས་ཤིང་རིངས་པའི་ཚུལ་དུ་འདུག་པ་ལ།    སླར་ཡང་སྔགས་ཀྱི་འོད་ཟེར་རྩུབ་ཅིང་གདུང་བས་རང་དབང་མེད་པར་དྲག་ཏུ་བསྐུལ་ཏེ་ཤ་ཁྱི་ཚོམ་ནས་བཀྱེ་བའམ་བྱ་གཅན་ཤ་ལ་རུབ་པ་ལྟར་ལས་བྱེད་པར་ {{TibChung|བསམ་ལ་བཞི་སྙིང་གཅིག་དྲིལ་གྱི་སྔགས་ཉིད་དྲག་ཏུ་བཟླ་ཞིང་།    ཁྱད་པར་ངན་སྔགས་ཉེ་བར་བསྙེན་པ་ཕྲིན་ལས་ལ་དམིགས་པ་དྲག་པོའི་བཟླས་པ་བྱེ་བྲག་ཏུ་བྱ་བ་ནི།}}    རང་ཉིད་དཔལ་ཆེན་པོ་འཁོར་བཅས་སུ་ལྷག་པར་གསལ་བས།    ཨོཾ་བཛྲ་ཀཱི་ལ་ཀཱི་ལ་ཡ་སརྦ་བིགྷྣཱན་བཾ་དགྲ་བགེགས་གནོད་བྱེད་མཱ་ར་ཡ་ཧཱུཾ་ཕཊ༔   {{TibChung|ཅེས་བརྗོད་པས།}}    ཐུགས་ཀའི་ས་བོན་ལས་སྔགས་ཀྱི་འོད་ཟེར་ལྗང་ནག་བ་ཐག་གཟེངས་པ་ལྟ་བུ་ཕྱོགས་བཅུར་འཕྲོས་པའི་རྩེ་ལས་སྲས་མཆོག་ལྟ་བུའི་ཁྲོ་བོའི་སྤྲུལ་པ་བསམ་གྱིས་མི་ཁྱབ་པ་སྤྲོས།    སྟོང་གསུམ་ཐམས་ཅད་གང་།    དངོས་སྣང་སྐུ།    སྒྲ་གྲགས་གསུང་།    རྟོག་ཚོགས་ཐུགས་སྒྲོལ་བྱེད་དུ་གསལ་བས་ {{TibChung|[8a]}} དཀྱིལ་འཁོར་གསུམ་སོགས་བདེ་བར་གཤེགས་པ་ཐམས་ཅད་ཀྱི་ཐུགས་དམ་བསྐངས།   སྲུང་མ་དམ་ཅན་ཐམས་ཅད་ཀྱི་སྲོག་གཅུད་ལ་ཕབ་ནས་སྒྲོལ་བའི་ལས་ལ་བཙུད།    རྣལ་འབྱོར་པ་ཐམས་ཅད་ཀྱི་གཡར་དམ་སོར་བསྩལ།   སེམས་ཅན་ཐམས་ཅད་ཀྱི་དོན་བྱས།    བླ་ན་མེད་པའི་གནས་སུ་བསྒྲལ།    གཟས་པོའི་གནས་སུ་འཕྲོས་པས་གང་ལ་བྱ་བ་དེ་དག་བཀུག་ནས་ལིངྒ་ལ་བསྟིམས་པས་དངོས་སུ་གྱུར་ནས་འཁུ་མི་ནུས་པར་འབྲུབ་ཁུང་དུ་གསལ།    འོད་ཟེར་སླར་འདུས་ནས་བདག་དང་ཕུར་བུ་རྣམས་ལ་ཐིམ་པས་གཟི་བརྗིད་དང་མཐུ་སྟོབས་དཔག་མེད་དུ་གྱུར།    འཕྲོས་པའི་ཁྲོ་བོ་ཕུར་བུའི་གཟུགས་ཅན་རྣམས་བསྒྲལ་བྱའི་ཞིང་རྣམས་ལ་བཏབ་པའི་སྤྱི་གཙུག་ནས་རྐང་མཐིལ་དུ་ཕྱུང་ལུས་བསྒྲལ།    ལྕེ་སྟེང་ནས་ལྐོག་མར་ཕྱུང་ངག་བསྒྲལ།    སྙིང་གར་ཐོག་ལྟ་བུར་ལྷུང་བས་སྲོག་རྩ་ཐལ་བར་བྱས་སེམས་ཀྱི་བག་ཆགས་བསྒྲལ།   མདོར་ན་ཕུར་བུའི་ཆར་རྒྱུན་མ་ཆད་པར་ལྷུང་བས་དགྲ་བགེགས་ཀྱི་སྒོ་གསུམ་ལོངས་སྤྱོད་དང་བཅས་པ་ཐམས་ཅད་ཕྱེ་མར་བརླག་པར་ {{TibChung|བསམ་ཞིང་།    སྤྲོ་ན་གཙོ་འཁོར་སོ་སོའི་སྔགས་ལ་  {{TibChung|[8b]}} ཕྲིན་ལས་ཀྱི་སྤེལ་སྔགས་གོང་བཞིན་སྦྱར་ཏེ་བཟླ་བའམ།    ཆིག་ཆོད་དུ་སྤུ་གྲིའི་དྲག་སྔགས་འདུས་པ་ཉིད་དྲག་ཏུ་བཟླའོ།   །དེ་ནས་ཆོས་སྐྱོང་སྤྱི་སྒོས་ཀྱི་གཏོར་མའི་ཆོ་ག་དང་།    ཚོགས་ཀྱི་མཆོད་པ་བྱིན་གྱིས་བརླབ་པ་ནས་བར་པ་བཤགས་པའི་མཐར་ཐུག་པར་བཏང་ངོ་།   །གཉིས་པ་དྲག་པོའི་ལས་ཀྱིས་གཡུལ་འགྱེད་པ་ལ།   སྔོན་དུ་བྱ་བ་བཞི།   བར་དུ་བྱ་བ་ལྔ།    རྗེས་སུ་བྱ་བ་དྲུག་གི   །   སྔ་མར་ཐུགས་དམ་བསྐུལ་བ།    གསེར་སྐྱེམས་འབུལ་བ།   མཁྱེན་དཔང་གསོལ་བ།    བདེན་པ་བརྡར་བ་དང་བཞི་ལས།   དང་པོ་ཐུགས་དམ་བསྐུལ་བ་ནི།}}    བླ་མ་རིག་འཛིན་དཀྱིལ་འཁོར་གསུམ་གྱི་ལྷ་ཚོགས་དམ་ཅན་སྲུང་མ་དང་བཅས་པ་ཐམས་ཅད་སྔོན་གྱི་ཐུགས་དམ་ལས་བཞེངས་ཏེ་རྔམས་པའི་ཧཱུཾ་སྒྲ་དིར་གྱིས་མངོན་སྤྱོད་དྲག་པོའི་ལས་ལ་ཆས་པར་ {{TibChung|བསམ་ཞིང་།    ཐོག་མར་རིག་འཛིན་བསྐུལ་བ་ནི།}}    ཧཱུཾ༔   བྱང་ཆུབ་མཆོག་ཏུ་སེམས་བསྐྱེད་ཅིང་༔   དུས་གསུམ་རྒྱལ་བའི་གདུང་འཚོབ་པའི༔   རིག་འཛིན་རྣམས་ཀྱི་དུས་ལ་བབ༔   ཕུར་བུ་སྒྲུབ་པའི་གྲོགས་མཛོད་ཅིག༔   སློབ་དཔོན་པདྨ་འབྱུང་གནས་ཀྱིས༔   རྒྱ་གར་ཙན་དན་ནགས་ཚལ་ལ༔   ཇི་ལྟར་རྟགས་བསྟན་བསྙེལ་ལམ་ཅི༔   ཕུར་བུ་སྒྲུབ་པའི་གྲོགས་མཛོད་ཅིག༔   པཎ་ཆེན་བི་མ་མི་ཏྲ་ཡིས༔   གངྒཱ་ལྷ་ཡི་ཆུ་བོ་ལ༔   ཇི་ལྟར་རྟགས་བསྟན་བསྙེལ་ལམ་ཅི༔   ཕུར་  {{TibChung|[9a]}} བུ་སྒྲུབ་པའི་གྲོགས་མཛོད་ཅིག༔   བལ་པོ་ཤཱི་ལ་མཉྗུ་ཡིས༔   མནྡྷ་ལ་ཡི་མཁར་སྒོང་ལ༔   ཇི་ལྟར་རྟགས་བསྟན་བསྙེལ་ལམ་ཅི༔   ཕུར་བུ་སྒྲུབ་པའི་གྲོགས་མཛོད་ཅིག༔   མཁར་ཆེན་ཡེ་ཤེས་མཚོ་རྒྱལ་གྱིས༔   དགུང་གི་ཕོ་རོག་ནག་པོ་ལ༔   ཇི་ལྟར་རྟགས་བསྟན་བསྙེལ་ལམ་ཅི༔   ཕུར་བུ་སྒྲུབ་པའི་གྲོགས་མཛོད་ཅིག༔   མིང་པོ་དཔལ་གྱི་དབང་ཕྱུག་གིས༔   རྩིབས་ཀྱི་སྤྱང་ཀི་སྔོན་པོ་ལ༔   གནམ་ལྕགས་འབར་བའི་བྲག་ལོགས་ལ༔   ཇི་ལྟར་རྟགས་བསྟན་བསྙེལ་ལམ་ཅི༔   ཕུར་བུ་སྒྲུབ་པའི་གྲོགས་མཛོད་ཅིག༔   ཁྲག་འཐུང་བདུད་འཇོམས་དཔའ་བོ་ཡིས༔   གནམ་ལྕགས་འབར་བའི་བྲག་ལོགས་ལ༔   ཇི་ལྟར་རྟགས་བསྟན་བསྙེལ་ལམ་ཅི༔   ཕུར་བུ་སྒྲུབ་པའི་གྲོགས་མཛོད་ཅིག༔   གཞན་ཡང་རིག་འཛིན་བརྒྱུད་པའི་ཚོགས༔   ཕྲིན་ལས་དྲག་རྩལ་ཅན་རྣམས་ཀྱིས༔   ཇི་ལྟར་རྟགས་བསྟན་བསྙེལ་ལམ་ཅི༔   ཕུར་བུ་སྒྲུབ་པའི་གྲོགས་མཛོད་ཅིག༔   མ་གཡེལ་མ་གཡེལ་རིག་འཛིན་རྣམས༔   སྔོན་གྱི་ཐུགས་དམ་རྗེས་དགོངས་ལ༔   མཐུ་རྩལ་ནུས་པའི་དཔུང་བསྐྱེད་ཅིང་༔   བྱིན་གྱིས་བརླབ་ཕྱིར་གཤེགས་སུ་གསོལ༔   {{TibChung|དཀྱིལ་འཁོར་རྩ་བའི་ལྷ་རྣམས་བསྐུལ་བ་ནི།}}    ཧཱུཾ༔   དུར་ཁྲོད་མེ་རི་འབར་བའ་གནས་མཆོག་ནས༔   གྲུ་གསུམ་མཐིང་ནག་འབར་བའི་ཀློང་དཀྱིལ་ན༔   བདུད་དང་རཱུ་དྲ་བརྫིས་པའི་གདན་སྟེང་དུ༔   ཁྱབ་བདག་སྤྱི་དཔལ་རྡོ་རྗེ་ {{TibChung|[9b]}} སྲིན་པོའི་སྐུ༔   དཔལ་ཆེན་རྡོ་རྗེ་གཞོན་ནུ་ཡབ་ཡུམ་ཆེ༔   བཞེངས་ཤིག་བསྐུལ་ལོ་ཐུགས་དམ་གནད་ནས་བསྐུལ༔   རྣམ་དག་ཆོས་ཀྱི་དབྱིངས་ལས་མ་གཡོས་ཀྱང་༔   ཐབས་མཁས་ཐུགས་རྗེའི་དབང་གིས་སྐུ་བཞེངས་ཤིག༔   མི་སྲུན་དགྲ་བགེགས་འདུལ་བའི་དུས་ལ་བབ༔   ཤར་ཕྱོགས་ཞི་བ་ལྷུན་གྲུབ་དཀྱིལ་འཁོར་ནས༔   དཔལ་ཆེན་ཁྲོ་རྒྱལ་བཛྲ་ཀཱི་ལ་ཡ༔   བཞེངས་ཤིག་བསྐུལ་ལོ་ཐུགས་དམ་གནད་ནས་བསྐུལ༔   མེ་ལོང་ཡེ་ཤེས་ཀློང་ནས་སྐུ་བཞེངས་ཤིག༔   ལྷོ་ཕྱོགས་རྒྱས་པ་ལྷུན་གྲུབ་གཞལ་ཡས་ནས༔   དཔལ་ཆེན་ཁྲོ་རྒྱལ་རཏྣ་ཀཱི་ལ་ཡ༔   བཞེངས་ཤིག་བསྐུལ་ལོ་ཐུགས་དམ་གནད་ནས་བསྐུལ༔   མཉམ་ཉིད་ཡེ་ཤེས་ཀློང་ནས་སྐུ་བཞེངས་ཤིག༔   ནུབ་ཕྱོགས་དབང་གི་དཀྱིལ་འཁོར་ཆེན་པོ་ནས༔   དཔལ་ཆེན་ཁྲོ་རྒྱལ་པདྨ་ཀཱི་ལ་ཡ༔   བཞེངས་ཤིག་བསྐུལ་ལོ་ཐུགས་དམ་གནད་ནས་བསྐུལ༔   སོར་རྟོག་ཡེ་ཤེས་ཀློང་ནས་སྐུ་བཞེངས་ཤིག༔   བྱང་ཕྱོགས་དྲག་པོའི་དཀྱིལ་འཁོར་ཆེན་པོ་ནས༔   དཔལ་ཆེན་ཁྲོ་རྒྱལ་ཀརྨ་ཀཱི་ལ་ཡ༔   བཞེངས་ཤིག་བསྐུལ་ལོ་ཐུགས་དམ་གནད་ནས་བསྐུལ༔   བྱ་གྲུབ་ཡེ་ཤེས་ཀློང་ནས་སྐུ་བཞེངས་ཤིག༔   ཛཿ   དམ་ཚིག་ཐུགས་དམ་ཆེན་པོའི་དུས་ལ་བབ༔   ཡེ་ཤེས་དབྱིངས་ལས་སྤྲུལ་པའི་སྐུར་བཞེངས་པ༔   དཔལ་ཆེན་རྡོ་རྗེ་གཞོན་ནུ་སྤྲུལ་འཁོར་བཅས༔   མ་གཡེལ་མ་གཡེལ་དམ་ཚིག་གཉན་ལ་འདུས༔   མངོན་སྤྱོད་ {{TibChung|[10a]}} དྲག་པོའི་ལས་ཀྱིས་དགྲ་བགེགས་སྒྲོལ༔   ཧཱུཾ༔   སྟེང་ཕྱོགས་འཁོར་ལོ་འབར་བའི་རྩིབས་སྟེང་ནས༔   ཧཱུཾ་ཆེན་ཀཱ་ར་ཡབ་ཡུམ་སྲས་འཁོར་བཅས༔   བསྐུལ་ལོ་ཐུགས་དམ་གཉན་པོ་གནད་ནས་བསྐུལ༔   བཞེངས་ཤིག་མངོན་སྤྱོད་དྲག་པོའི་ཕྲིན་ལས་ཀྱིས༔   དགྲ་གདོན་བགེགས་ཚོགས་འགུགས་བསྒྲལ་ཕྲིན་ལས་མཛོད༔   ཤར་ཕྱོགས་འཁོར་ལོ་འབར་བའི་རྩིབས་སྟེང་ནས༔   རྣམ་པར་རྒྱལ་བ་ཡབ་ཡུམ་སྲས་འཁོར་བཅས༔   བསྐུལ་ལོ་ཐུགས་དམ་གཉན་པོ་གནད་ནས་བསྐུལ༔   བཞེངས་ཤིག་མངོན་སྤྱོད་དྲག་པོའི་ཕྲིན་ལས་ཀྱིས༔   དགྲ་གདོན་བགེགས་ཚོགས་འགུགས་བསྒྲལ་ཕྲིན་ལས་མཛོད༔   ལྷོ་ཕྱོགས་འཁོར་ལོ་འབར་བའི་རྩིབས་སྟེང་ནས༔   གཤིན་རྗེ་གཤེད་པོ་ཡབ་ཡུམ་སྲས་འཁོར་བཅས༔   བསྐུལ་ལོ་ཐུགས་དམ་གཉན་པོ་གནད་ནས་བསྐུལ༔   བཞེངས་ཤིག་མངོན་སྤྱོད་དྲག་པོའི་ཕྲིན་ལས་ཀྱིས༔   དགྲ་གདོན་བགེགས་ཚོགས་འགུགས་བསྒྲལ་ཕྲིན་ལས་མཛོད༔   ནུབ་ཕྱོགས་འཁོར་ལོ་འབར་བའི་རྩིབས་སྟེང་ནས༔   རྟ་མགྲིན་རྒྱལ་པོ་ཡབ་ཡུམ་སྲས་འཁོར་བཅས༔   བསྐུལ་ལོ་ཐུགས་དམ་  {{TibChung|[10b]}} གཉན་པོ་གནད་ནས་བསྐུལ༔   བཞེངས་ཤིག་མངོན་སྤྱོད་དྲག་པོའི་ཕྲིན་ལས་ཀྱིས༔   དགྲ་གདོན་བགེགས་ཚོགས་འགུགས་བསྒྲལ་ཕྲིན་ལས་མཛོད༔   བྱང་ཕྱོགས་ཁོར་ལོ་འབར་བའི་རྩིབས་སྟེང་ནས༔   བདུད་རྩི་འཁྱིལ་བ་ཡབ་ཡུམ་སྲས་ཁོར་བཅས༔   བསྐུལ་ལོ་ཐུགས་དམ་གཉན་པོ་གནད་ནས་བསྐུལ༔   བཞེངས་ཤིག་མངོན་སྤྱོད་དྲག་པོའི་ཕྲིན་ལས་ཀྱིས༔   དགྲ་གདོན་བགེགས་ཚོགས་འགུགས་བསྒྲལ་ཕྲིན་ལས་མཛོད༔   ཤར་ལྷོ་འཁོར་ལོ་འབར་བའི་རྩིབས་སྟེང་ནས༔   དབྱུག་པོ་སྔོན་པོ་ཡབ་ཡུམ་སྲས་འཁོར་བཅས༔   བསྐུལ་ལོ་ཐུགས་དམ་གཉན་པོ་གནད་ནས་བསྐུལ༔   བཞེངས་ཤིག་མངོན་སྤྱོད་དྲག་པོའི་ཕྲིན་ལས་ཀྱིས༔   དགྲ་གདོན་བགེགས་ཚོགས་འགུགས་བསྒྲལ་ཕྲིན་ལས་མཛོད༔   ལྷོ་ནུབ་འཁོར་ལོ་འབར་བའི་རྩིབས་སྟེང་ནས༔   མི་གཡོ་མགོན་པོ་ཡབ་ཡུམ་སྲས་འཁོར་བཅས༔   བསྐུལ་ལོ་ཐུགས་དམ་གཉན་པོ་གནད་ནས་བསྐུལ༔   བཞེངས་ཤིག་མངོན་སྤྱོད་དྲག་པོའི་ཕྲིན་ལས་ཀྱིས༔   དགྲ་གདོན་བགེགས་ཚོགས་འགུགས་བསྒྲལ་ཕྲིན་ལས་མཛོད༔   ནུབ་བྱང་འཁོར་ལོ་འབར་  {{TibChung|[11a]}} བའི་རྩིབས་སྟེང་ནས༔   འདོད་པའི་རྒྱལ་པོ་ཡབ་ཡུམ་སྲས་འཁོར་བཅས༔   བསྐུལ་ལོ་ཐུགས་དམ་གཉན་པོ་གནད་ནས་བསྐུལ༔   བཞེངས་ཤིག་མངོན་སྤྲོད་དྲག་པོའི་ཕྲིན་ལས་ཀྱིས༔   དགྲ་གདོན་བགེགས་ཚོགས་འགུགས་བསྒྲལ་ཕྲིན་ལས་མཛོད༔   བྱང་ཤར་འཁོར་ལོ་འབར་བའི་རྩིབས་སྟེང་ནས༔   ཁམས་གསུམ་རྣམ་རྒྱལ་ཡབ་ཡུམ་སྲས་འཁོར་བཅས༔   བསྐུལ་ལོ་ཐུགས་དམ་གཉན་པོ་གནད་ནས་བསྐུལ༔   བཞེངས་ཤིག་མངོན་སྤྱོད་དྲག་པོའི་ཕྲིན་ལས་ཀྱིས༔   དགྲ་གདོན་བགེགས་ཚོགས་འགུགས་བསྒྲལ་ཕྲིན་ལས་མཛོད༔   འོག་ཕྱོགས་འཁོར་ལོ་འབར་བའི་རྩིབས་སྟེང་ནས༔   ཁྲོ་རྒྱལ་སྟོབས་ཆེན་ཡབ་ཡུམ་སྲས་འཁོར་བཅས༔   བསྐུལ་ལོ་ཐུགས་དམ་གཉེན་པོ་གནད་ནས་བསྐུལ༔   བཞེངས་ཤིག་མངོན་སྤྱོད་དྲག་པོའི་ཕྲིན་ལས་ཀྱིས༔   དགྲ་གདོན་བགེགས་ཚོགས་འགུགས་བསྒྲལ་ཕྲིན་ལས་མཛོད༔   ཧཱུཾ༔   འཁོར་བ་ཡོངས་སྒྲོལ་དྲག་པོའི་དཀྱིལ་འཁོར་ནས༔   སྲས་མཆོག་ཁྲ་ཐབས་ཉེར་གཅིག་འཁོར་དང་བཅས༔   བསྐུལ་ལོ་ཐུགས་དམ་གཉན་པོ་གནད་ནས་བསྐུལ༔   བཞེངས་ཤིག་མངོན་  {{TibChung|[11b]}} སྤྱོད་དྲག་པོའི་ཕྲིན་ལས་ཀྱིས༔   དགྲ་གདོན་བགེགས་ཚོགས་འགུགས་བསྒྲལ་ཕྲིན་ལས་མཛོད༔   ལས་བཞི་ལྷུན་གྱིས་གྲུབ་པའི་དཀྱིལ་འཁོར་ནས༔   ཡེ་ཤེས་སྒོ་མ་རྣམ་བཞི་འཁོར་དང་བཅས༔   བསྐུལ་ལོ་ཐུགས་དམ་གཉན་པོ་གནད་ནས་བསྐུལ༔   བཞེངས་ཤིག་མངོན་སྤྱོད་དྲག་པོའི་ཕྲིན་ལས་ཀྱིས༔   དགྲ་གདོན་བགེགས་ཚོགས་འགུགས་བསྒྲལ་ཕྲིན་ལས་མཛོད༔   དམ་ཚིག་སྲོག་ཏུ་ཐེབས་པའི་རྫུ་འཕྲུལ་ཅན།   ཕུར་སྲུང་དམ་ཅན་རྒྱ་མཚོ་བཀའ་འཁོར་བཅས༔   བསྐུལ་ལོ་ཐུགས་དམ་གཉན་པོ་གནད་ནས་བསྐུལ༔   བཞེངས་ཤིག་མངོན་སྤྱོད་དྲག་པོའི་ཕྲིན་ལས་ཀྱིས༔   དགྲ་གདོན་བགེགས་ཚོགས་འགུགས་བསྒྲལ་ཕྲིན་ལས་མཛོད༔   ཧོཿ    གསོན་ཅིག་དགོངས་ཤིག་རྡོ་རྗེ་ཕུར་པའི་ལྷ༔   བཞེངས་ཤིག་སྒྲུབ་པའི་བུ་ལ་ད་དགོངས་འཚལ༔   མ་རིག་འཁྲུལ་པའི་རཱུ་དྲ་སྟོབས་བཙན་པས༔   ཡེ་ཤེས་གསལ་བའི་སྒྲོན་མེ་སྦུབས་སུ་བསྣུབ༔   ཉོན་མོངས་དུག་ལྔའི་བག་ཆགས་སྟོབས་བཙན་པས༔   དོན་དམ་ཆོས་ཉིད་ཉི་མ་སྤྲིན་གྱིས་བསྒྲིབས༔   བདག་སྣང་གཉིས་འཛིན་འགོང་པོ་སྟོབས་བཙན་པས༔   ཀུན་རྫོབ་བསླུ་མེད་ཟླ་འོད་མུན་དུ་ {{TibChung|[12a]}} བསྣུབ༔   ཡུལ་ངན་རྐྱེན་དབང་བདུད་པོ་སྟོབས་བཙན་པས༔   ཆོས་ཕུང་བརྒྱད་ཁྲིའི་སྐར་ཚོགས་ལྐོག་ཏུ་བསྣུབ༔   བཞེངས་ཤིག་བཞེངས་ཤིག་བརྡ་ཁྱབ་ཆོས་དབྱིངས་ལས༔   སྐུར་བཞེངས་འཁོར་བའི་འཁྲུལ་འཁོར་བཤིག་ཏུ་གསལ༔   འཁོར་འདས་གཉིས་མེད་ཀ་དག་ངང་དུ་སྒྲོལ༔   དམ་ཚིག་ཐུགས་དམ་ཆེན་པོའི་དུས་ལ་བབ༔   ཛཿ    དགོངས་ཤིག་བདེ་གཤེགས་རྒྱལ་བ་ཡོངས་འདུས་དཔལ༔   ཁྱོད་ཀྱི་སྤྲུལ་པ་ཆེན་པོའི་དུས་ལ་བབ༔   དམ་ཉམས་དགྲ་བགེགས་སངས་རྒྱས་བསྟན་བཤིག་འདི༔   མངོན་སྤྱོད་དྲག་པོས་བསྒྲལ་བའི་དུས་ལ་བབ༔   བདག་ནི་རྩེ་གཅིག་བརྩོན་འགྲུས་ཤུགས་བསྐྱེད་ཅིང་༔   སྲིད་པའི་ཕ་རོལ་བརྒལ་བའི་གྲུ་གཟིངས་བརྩམས༔   འཁོར་བའི་རྒྱ་མཚོ་སྐེམ་བྱེད་དམ་ཆོས་བསྒྲུབ༔   འགྲོ་བའི་དོན་དུ་བྱང་ཆུབ་སྒྲུབ་པ་ལ༔   ཆོས་ཁྲིམས་བཤིག་པའི་བསྟན་དགྲ་དམ་ཉམས་ཀྱིས༔   མ་ཉེས་ཁ་ཡོག་རྐྱེན་ངན་བསླུ་བ་བཏང་།   བག་མེད་འཁྲུལ་པའི་ཡུལ་དུ་འཆོར་ཏ་རེ༔   མ་གཡེལ་མ་གཡེལ་ཡེ་ཤེས་སྤྱན་ལྡན་རྣམས༔   མུ་སྟེགས་ལོག་ལྟས་ནང་བསྟན་སྤྱི་ལ་རྒོལ༔   དམ་ལོག་སློབ་བུས་རྡོ་རྗེ་རྒྱལ་པོར་རྒོལ༔   བདུད་སྤྲུལ་སྡིག་  {{TibChung|[12b]}} རྗེས་སྐྱེ་འགྲོའི་བདེ་བ་བཅོམ༔   དམ་ཉམས་ཞིང་བཅུས་ཆོས་ཁྲིམས་འཇིག་ལ་ཆས༔   བདག་རྒྱུད་བསྲེག་བྱེད་དགྲ་གདོན་བགེགས་ཚོགས་ལངས༔   བརྣག་པའི་དགྲ་བགེགས་མྱུར་དུ་མི་སྒྲོལ་ན༔   སྟོབས་བཅུ་མངའ་བའི་ནུས་པ་མེད་དམ་ཅི༔   ད་ལྟ་བསྐུལ་བའི་ལས་ལ་མི་དགོངས་ན༔   ཆོས་ཉིད་མི་འགྱུར་བདེན་པ་མེད་དམ་ཅི༔   མངོན་སྤྱོད་དྲག་པོའི་ཕྲིན་ལས་མི་མཛད་ན༔   ཡེ་ཤེས་ལྷ་ལ་ནུས་པ་མེད་དམ་ཅི༔   བདེན་གཉིས་བསྟན་པ་འདི་ལ་མི་དགོངས་ན༔   མཆོག་གསུམ་བདེན་པ་མེད་དམ་རྫུན་དུ་འགྱུར༔   མ་གཡེལ་མ་འགྱང་ཐུགས་དམ་གནད་ནས་བསྐུལ༔   བཞེངས་ཤིག་དགོངས་ཤིག་རྡོ་རྗེ་ཕུར་པའི་ལྷ༔   དུས་ལ་བབ་བོ་དམ་ཚིག་གཉན་ལ་འདུས༔   དམ་ཚིག་ཐུགས་དམ་ཆེན་པོའི་དུས་ལ་བབ༔   སྤྲུལ་པ་ཆེན་པོ་འགྱེད་པའི་དུས་ལ་བབ༔   ཕྱག་བརྙན་ཆེན་པོའི་ཐུགས་དམ་དུས་ལ་བབ༔   མཐུ་རྩལ་ཆེན་པོ་ཕྱུང་བའི་དུས་ལ་བབ༔   སྲས་འཁོར་བཀའ་སྡོད་དཔག་མེད་དུས་ལ་བབ༔   ཕོ་ཉ་ལས་མཁན་ཟ་གསོད་དུས་ལ་བབ༔   དོ་ནུབ་བསྐུལ་བའི་ལས་ལ་རྒྱང་མ་རིང་༔   དོ་ནུབ་བརྣག་པའི་ལས་ལ་མཐུ་མ་ཆུང་༔   དོ་ནུབ་གསོད་བྱེད་ཤན་པ་རྩལ་མ་ཞན༔   དོ་ནུབ་མངགས་པའི་ཕོ་ཉ་ {{TibChung|[13a]}} བང་མ་བུལ༔   དོ་ནུབ་དགྲ་གདོན་བགེགས་ཚོགས་མ་ལུས་པ༔   སྟོང་གསུམ་འཇིག་རྟེན་གང་དང་གར་གནས་ཀྱང་༔   རང་དབང་མེད་པར་རཱུ་པ་འདི་ལ་ཁུག༔   འགུགས་འཆིང་སྡོམ་མྱོས་ཕྲིན་ལས་རྣམ་བཞི་མཛོད༔   དབང་པོ་བསྣུབ་ལ་དོན་སྙིང་རྣམ་ལྔ་དྲོངས༔   ཕྲིན་ལས་དུས་ལ་བབ་བོ་ཡེ་ཤེས་ལྷ༔   སྤྲུལ་པས་མངོན་སྤྱོད་ལས་མཛོད་མཐུ་རྩལ་ཅན༔   རྣམ་ཤེས་དབྱིངས་སུ་སྤོར་ཅིག་ཐུགས་རྗེ་ཅན༔   འཁོར་བའི་རྒྱུན་ཐག་ཆོད་ཅིག་བདེ་གཤེགས་རྣམས༔   གཟུགས་ཕུང་རྡུལ་དུ་རློག་ཅིག་སྲུང་མའི་ཚོགས་༔   བཞེངས་ཤིག་དམ་ཚིག་གཉན་གྱིས་ཐུགས་དམ་བསྐུལ༔   དགོངས་ཤིག་དམ་ཚིག་གཉན་ལས་མ་འདའ་བར༔   མཛོད་ཅིག་དམ་ཚིག་དབང་གིས་དགྲ་བགེགས་སྒྲོལ༔   བཅོལ་ལོ་བརྣག་པའི་ལས་ལ་ཕྲིན་ལས་མཛོད༔   {{TibChung|ཅེས་དང་།    དམ་ཅན་རྣམས་སྒོས་སུ་བསྐུལ་བ་ནི།}}     ཛཿབྷྱོ༔   དཔལ་ཆེན་རྡོ་རྗེ་གཞོན་ནུ་ཡི༔   བཀའ་ཡི་སྲུང་མར་དམ་བཅས་ཤིང་།   དཀྱིལ་འཁོར་བར་ཁྱམས་སྐྱོང་མཛད་པའི༔   མཐུ་རྩལ་ཅན་རྣམས་གནས་འདིར་བྱོན༔   བྷྱོ༔   ཤྭ་ན་མུ་ཁའི་དུས་ལ་བབ༔   ཤར་ཕྱོགས་འཁོར་ལོའི་རྩིབས་སྟེང་ན༔   ནམ་གྱི་སྲོད་ཀྱི་ཕོ་ཉ་མོ༔    {{TibChung|[13b]}} ལྕགས་ཀྱི་སྤྱང་མོ་མགོ་དགུ་མ༔   ཀེའུ་རི་ཤ་ཡི་དབུ་གསུམ་གྱིས༔   ལྷ་བྲན་བརྒྱ་ལ་ལོངས་སྤྱོད་བྱེད༔   ནཱ་ག་དུན་ཏིང་དབུ་གསུམ་གྱིས༔   ཀླུ་བྲན་བརྒྱ་ལ་ལོངས་སྤྱོད་ཅིང་༔   རཀྵ་ཧ་ལིང་དབུ་གསུམ་གྱིས༔   སྲིན་བརྒྱའི་ཤ་ལ་ལོངས་སྤྱོད་བྱེད༔   དེ་ལ་ལྕགས་ཀྱི་མི་མོ་ཞོན༔   གཅེར་བུ་རལ་པའི་ཅོད་པན་ཅན༔   ཁྲམ་བམ་ཐོད་དབྱུག་གཡས་ན་ཕྱར༔   ཐུགས་ཀྱི་ཕུར་པ་གཡོན་ནས་འདེབས༔   སྤྱང་སྐད་འདོན་ཅིང་དགྲ་བགེགས་སྒྲོལ༔   ཞེ་སྡང་འཇོམས་པའི་ཤྭ་ན་མ༔   མ་གཡེལ་མ་འཕང་ལས་མཛོད་ཅིག༔   བྷྱོཿ      ལྷོ་ཕྱོགས་འཁོར་ལོའི་རྩིབས་སྟེང་ན༔   གསེར་གྱི་འཕར་བ་ལྕེ་བརྒྱད་མ༔   དུར་ཁྲོད་བརྒྱད་ཀྱི་གནས་སྲུང་ཞིང་༔   རྣམ་ཐར་བརྒྱད་ཀྱི་སྒོ་འབྱེད་ནས༔   རྣམ་ཤེས་ཚོགས་བརྒྱད་གནས་སུ་སྒྲོལ༔   བསམ་པ་ཙམ་གྱིས་གནས་སུ་ཕྱིན༔   སྲྀ་ཀ་ཆེན་མོ་དེ་ལ་ཞོན༔   གཅེར་བུ་རལ་པའི་ཅོད་པན་ཅན༔   འགུགས་པའི་རྡོ་རྗེ་ལྕགས་ཀྱུ་གཡས༔   ཡེ་ཤེས་ཐུགས་ཀྱི་ཕུར་པ་གཡོན༔   མི་སྡུག་ངག་གི་གསུང་སྒྲ་ཅན༔   ཐུགས་ནི་སྒྲོལ་བྱེད་སྲོག་དང་བཅས༔   སྐད་ཅིག་ཡུད་ལ་དབྱིངས་ནས་བཞེངས༔   དགྲ་བགེགས་  {{TibChung|[14a]}} ཁུག་ལ་ད་སྒྲོལ་ཅིག༔   བྷྱོ༔   ནུབ་ཕྱོགས་འཁོར་ལོའི་རྩིབས་སྟེང་ན༔   ཟངས་ཀྱི་ཝ་མོ་རྐང་གསུམ་མ༔   ཝ་མོའི་རྒྱུག་ཚུལ་ཞུངས་སེ་ཞུང༔   ཝ་སྐད་སྒྲ་འབྱིན་ཙེ་རེ་རེ༔   སྐུ་ནི་མེ་རི་མཆེད་པ་འདྲ༔   མཇུག་མ་ལྕགས་ཀྱི་སོག་ལེ་འདྲ༔   སྡེར་མོ་ལྕགས་ཀྱུ་བྱེ་བས་གཏམས༔   ཝ་སྐད་འདོན་ཅིང་དུར་ཁྲོད་ཉུལ༔   དེ་ལ་ཟངས་ཀྱི་མི་མོ་ཞོན༔   དམར་ནག་གཅེར་བུ་ཅོད་པན་ཅན༔   གཡས་པའི་ཕྱག་ན་རྡོ་རྗེ་བསྣམས༔   རི་རབ་ཀུན་ཀྱང་རྩེ་ནས་བསྙིལ༔   གཡོན་པས་ཕུར་པ་འདྲིལ་ཞིང་འདེབས༔   བཀའ་ལས་འདའ་བའི་སྙིང་ལ་གཟིར༔   རཀྴ་དུན་གྱི་ཕོ་ཉ་མོ༔   རྦད་པའི་ལས་ལ་མ་གཡེལ་ཅིག༔   བྷྱོ༔   བྱང་ཕྱོགས་འཁོར་ལོའི་རྩིབས་སྟེང་ན༔   ལྕགས་ཀྱི་ཁྱི་མོ་རལ་པ་ཅན༔   རལ་པ་མདའ་ཙམ་ཤ་ར་ར༔   ཡ་མགལ་གནམ་ལ་མ་མགལ་ས༔   ཚེམས་ནི་གངས་རི་ལྗགས་ནི་གློག༔   མིག་ནས་མེ་བར་སྣ་རླུང་འཚུབས༔   ཁ་ནས་ཁྲག་གི་སྐྱིན་ཐང་འབེབས༔   ཕྲིན་ལས་ཐོགས་མེད་དྲག་རྩལ་ཅན༔   ཁྲོ་ཆུའི་གཞུང་ལ་ལྕགས་ཀྱུའི་སྡེར༔   དེ་ལ་གཡུ་ཡི་མི་མོ་ཞོན༔   གཅེར་བུ་ལྗང་ནག་ཅོད་པན་ཅན༔    {{TibChung|[14b]}} གཡས་པས་ཞིང་ཆུང་མགོ་ནས་འཇོམས༔   གཡོན་པས་ཐུགས་ཀྱི་ཕུར་པ་འདྲིལ༔   སྔགས་པས་དྲག་ཏུ་བསྐུལ་བའི་ཚེ༔   ཁམས་གསུམ་ཀུན་གྱི་ཤ་ཁྲག་གིས་༔   མ་ངོམས་དེ་ནི་མ་འགྲངས་ན༔   སྲིད་པ་གསུམ་གྱི་ཤ་ཁྲག་ལ༔   ཉིན་མཚན་མེད་པར་རྦ་ལ་རྐྱལ༔   ཁྱོད་ནི་དཔལ་གྱི་ཕོ་ཉ་སྟེ༔   གང་ལ་དམིགས་པ་ཤོར་ར་རེ༔   བརྣག་པའི་ལས་ལ་མཐུ་མ་ཆུང་༔   བཅོལ་བའི་འཕྲིན་ལས་གྲུབ་པར་མཛོད༔   བྷྱོ༔   བདག་ཉིད་ཆེན་མོ་ཁྱོད་ཀྱི་ཐུགས་དམ་དུས་ལ་བབ༔   ཤར་སྟོད་འཁོར་ལོ་འབར་བ་ཆེན་པོའི་རྩིབས་སྟེང་ན༔   ནམ་གྱི་གུང་གི་ཕོ་ཉ་ལས་བྱེད་ཆེན་མོ་སྟེ༔   ཆེ་ཞེ་སྲིད་པའི་རྒྱལ་མོ་དཔལ་ལྡན་རེ་མ་ཏཱི༔   སྐུ་མདོག་ནག་མོར་བཞུགས་ཤིང་མཐའ་གཉིས་སྤྲོས་དང་བྲལ༔   དྲེལ་རྟ་རྐང་གསུམ་བཅིབས་ནས་སྟོང་གསུམ་ཁྱབ་པར་ཉུལ༔   མེ་ལོང་སྦྲུལ་ཞགས་ཐོགས་ནས་དམ་ཉམས་འཆིངས་ཤིང་སྡོམ༔   ཁ་ཊྭཱཾ་ཕུར་པ་ཐོགས་ནས་དམ་ཉམས་གཟིར་ཞིང་སྒྲོལ༔   སྟོང་གསུམ་ཁྲམ་ལ་འདེབས་ཤིང་སྲིད་གསུམ་ཤྭོ་ལ་འདྲེན༔   ཚོན་གྱི་གྲུ་གུ་བརྐྱངས་ཤིང་ནད་ཀྱི་རྐྱལ་པ་འབུད༔   མི་ནད་ཕྱུགས་ནད་གཏོང་ཞིང་སྟོང་གསུམ་རྩིས་  {{TibChung|[15a]}} ལ་འདེབས༔   སྲིད་པ་དུས་བཞིའི་མ་མོས་སྐུ་ལ་མཛེས་པར་བརྒྱན༔   དབྱིངས་ནས་བྷ་ག་སྦྱོར་བྱེད་ཐབས་ཀྱི་ཕོ་ཉ་འགྱེད༔   སྟོང་གསུམ་རྐན་སྒྲ་རྡེབ་ཅིང་སངས་རྒྱས་དམ་ལ་སྡུད་བྱེད་མ༔   ཕུར་འདེབས་ཆེན་མོ་ཁྱོད་ནི་སྔགས་པས་ལས་ལ་སྐུལ༔   རྣལ་འབྱོར་བདག་གི་བཅོལ་བའི་ཕྲིན་ལས་གྲུབ་པར་མཛོད༔   བྷྱོཿ   ལྷོ་སྟོད་འཁོར་ལོའི་རྩིབས་སྟེང་ན༔   ནམ་གུང་ལས་ཀྱི་ཕོ་ཉ་མོ༔   ཆེ་ཞེ་དཔལ་ལྡན་རེ་མ་ཛ༔   སེར་ནག་རྨ་བྱའི་ཐུལ་པ་གསོལ༔   ཆིབས་སུ་སྨན་ཤ་ཡུ་ཆུང་ཆིབས༔   གཡས་པས་གསེར་གྱི་ཟོར་བ་བསྣམས༔   གཡོན་པས་གཡུ་ཡི་ཀོང་བུ་ཐོགས༔   ལོ་ཏོག་བཅུད་ལེན་དུག་ནད་སེལ༔   སེར་ནག་རལ་པ་སྤྲིན་ལྟར་གཏིབས༔   ཕུར་འདེབས་ཆེན་མོ་གཤེགས་སུ་གསོལ༔   བཅོལ་བའི་ཕྲིན་ལས་གྲུབ་པར་མཛོད༔   བྷྱོཿ   ནུབ་སྟོད་འཁོར་ལོའི་རྩིབས་སྟེང་ན༔   ནམ་གུང་དགྲ་བོའི་བླ་འགུགས་མ༔   ཆེ་ཞེ་དཔལ་ལྡན་རེ་མ་ཛུ༔   དམར་ནག་སྐུ་ལ་རེ་ནག་གསོལ༔   ཆིབས་སུ་ཆུ་གླང་སྔོན་པོ་ཆིབས༔   གཡས་པས་རྡོ་རྗེ་ལྕགས་ཀྱུ་བསྣམས༔   གཡོན་པས་བྷནྡྷ་ཐོད་ཁྲག་ཐོགས༔   ལས་ཀྱི་མ་ཚོགས་དབང་དུ་སྡུས༔   ཕུར་འདེབས་  {{TibChung|[15b]}} ཆེན་མོ་གཤེགས་སུ་གསོལ༔   བརྣག་པའི་ལས་ལ་མཐུ་མ་ཆུང་༔   བཅོལ་བའི་ཕྲིན་ལས་གྲུབ་པར་མཛོད༔   བྷྱོ༔   བྱང་སྟོད་འཁོར་ལོའི་རྩིབས་སྟེང་ན༔   ནམ་གུང་དགྲ་བོའི་སྙིང་འབྱིན་མ༔   ཆེ་ཞེ་དཔལ་ལྡན་རེ་མ་ཛི༔   ལྗང་ནག་སྐུ་ལ་དར་ནག་གསོལ༔   ཆིབས་སུ་རྔ་མོང་གྭ་པ་ཆིབས༔   སྐྱེ་འགྲོའི་ཀེག་རྩིས་ཁྲམ་ཤིང་གཡས༔   ཡེ་ཤེ་ཚོན་གྱི་གྲུ་གུ་གཡོན༔   ལྗང་ནག་རལ་པའི་ཆུན་འཕྱང་ཅན༔   བརྣག་པའི་ལས་ལ་མཐུ་མ་གཡེལ༔   ཕུར་འདེབས་ཆེན་མོ་གཤེགས་སུ་གསོལ༔   བཅོལ་བའི་ཕྲིན་ལས་གྲུབ་པར་མཛོད༔   བྷྱོ༔   ས་བདག་ཆེན་མོའི་དུས་ལ་བབ༔   ཤར་སྨད་འཁོར་ལོའི་རྩིབས་སྟེང་ན༔   ནམ་གྱི་ཐོ་རངས་ཕོ་ཉ་མོ༔   རྡོ་རྗེ་ཡ་བྱིན་ཆེན་མོ་ནི༔   ཞལ་གཅིག་ཕྱག་གཉིས་སྐུ་མདོག་མཐིང་༔   ཆིབས་སུ་འབྲུག་མོ་ཆེ་ལ་ཆིབས༔   གནས་འདྲེན་རྡོ་རྗེ་ལྕགས་ཀྱུ་གཡས༔   མགྱོགས་བྱེད་ལས་ཀྱི་ཕུར་པ་གཡོན༔   མཐིང་ནག་རལ་པ་སྤྲིན་ལྟར་གཏིབས༔   རལ་པ་རེ་ལ་ཕུར་པ་རེ༔   ལྕགས་རྡོར་འབར་བའི་ཐོད་གདེངས་ན༔   མཐིང་ནག་ཅོད་པན་པུ་རུ་རུ༔   ཁྱེད་ཀྱང་ཕུར་པའི་ལས་མཁན་ཏེ༔   བསྐུལ་བའི་ལས་ལ་རྩལ་མ་ཞན༔    {{TibChung|[16a]}} ཕུར་པའི་ལས་མཁན་གཤེགས་སུ་གསོལ༔   བྷྱོ༔   ལྷོ་སྨད་འཁོར་ལོའི་རྩིབས་སྟེང་ན༔   ཐོ་རངས་སྒྲོལ་བའི་ཕོ་ཉ་མོ༔   རྡོ་རྗེ་དེ་བྱིན་ཆེན་མོ་ནི༔   ཞལ་གཅིག་ཕྱག་གཉིས་སྐུ་མདོག་སེར༔   ཆིབས་སུ་ཆུ་སྲིན་སྦིར་ལ་ཆིབས༔   རྒྱུ་དྲུག་འཆིངས་སྡོམ་ཞགས་པ་གཡས༔   རྒྱས་བྱེད་གཟུག་མོ་བྱི་ཐུར་གཡོན༔   སེར་ནག་རལ་པས་ས་གཞི་ཁེངས༔   རལ་པ་རེ་ལ་ཕུར་པ་རེ༔   གསེར་རྡོར་འབར་བའི་ཐོད་གདེངས་ན༔   སེར་ནག་ཅོད་པན་པུ་རུ་རུ༔   ཁྱེད་ཀྱང་ཕུར་པའི་ལས་མཁན་ཏེ༔   སྲོག་ལ་བསྔགས་ཚེ་དུས་མ་གཡེལ༔   ཕུར་འདེབས་ཆེན་མོས་ལས་མཛོད་ཅིག༔   བྷྱོ༔   ནུབ་སྨད་འཁོར་ལོའི་རྩིབས་སྟེང་ན༔   ཐོ་རངས་ལས་ཀྱི་དབང་སྡུད་མ༔   རྡོ་རྗེ་བསྭེ་བྱིན་ཆེན་མོ་ནི༔   ཞལ་གཅིག་ཕྱག་གཉིས་སྐུ་མདོག་དམར༔   ཆིབས་སུ་གློག་དམར་འཇིགས་ལ་ཆིབས༔   མི་དགེ་འཆིངས་སྡོམ་ལྕགས་སྒྲོག་གཡས༔   དབང་གི་མི་ལག་མཆོག་ཕུར་གཡོན༔   དམར་ནག་རལ་པས་བར་སྣང་ཁེངསཿ    རལ་པ་རེ་ལ་ཕུར་པ་རེ༔   ཟངས་རྡོར་འབར་བའི་ཐོད་གདེངས་ན༔   དར་དམར་ཅོད་པན་པུ་རུ་རུ༔   ཕུར་པའི་ལས་མཁན་གཤེགས་སུ་གསོལ༔   སྙིང་ཁྲག་འཐུང་ {{TibChung|[16b]}} ལ་ཧབ་མ་ཆུང་༔   བརྣག་པའི་ཕྲིན་ལས་མ་གཡེལ་ཅིག༔   བྷྱོ༔   བྱང་སྨད་འཁོར་ལོའི་རྩིབས་སྟེང་ན༔   ཐོ་རངས་ལས་ཀྱི་ཕོ་ཉ་མོ༔   རྡོ་རྗེ་ཕག་བྱིན་ཆེན་མོ་ནི༔   ཞལ་གཅིག་ཕྱག་གཉིས་སྐུ་མདོག་ལྗང་༔   ཆིབས་སུ་ཆུ་རྟ་སྔོན་པོ་ཆིབས༔   རྣམ་ཤེས་འབེབས་པའི་དྲིལ་བུ་གཡས༔   དྲག་པོའི་སེང་ལྡེང་ཕུར་པ་གཡོན༔   ལྗང་ནག་རལ་པས་འཇིག་རྟེན་ཁེངས༔   རལ་པ་རེ་ལ་ཕུར་པ་རེ༔   གཡུ་རྡོར་འབར་བའི་ཐོད་གདེངས་ན༔   ལྗང་ནག་ཅོད་པན་པུ་རུ་རུ༔   ཁྱེད་ཀྱང་ཕུར་པའི་ལས་མཁན་ཏེ༔   སྲོག་དབུགས་སྡུད་ལ་རྔམས་མ་ཆུང་༔   བཅོལ་བའི་ཕྲིན་ལས་སྒྲུབ་པར་མཛོད༔   ཛཿ  ཤར་ཕྱོགས་སྒོ་ནང་དགྲ་བགེགས་སྟེང་༔   དུང་གི་སྐྱེས་བུ་མི་བཟད་པ༔   སྐུ་མདོག་དཀར་འཚེར་འབར་བ་ལ༔   གཡས་ན་ཤེལ་གྲི་ཟངས་ཡག་བསྣམས༔   གཡོན་པས་ཤེལ་གྱི་ཕུར་པ་འདྲིལ༔   དགྲ་བགེགས་སྙིང་ལ་གཟིར་ཞིང་འདེབས༔   ཆིབས་སུ་སེང་གེ་དཀར་མོ་ཆིབས༔   སྐུ་ལ་སྤྱང་དཀར་སློག་པ་གསོལ༔   འཁོར་དུ་གིང་ཆེན་ཚོགས་ཀྱིས་བསྐོར༔   དཀར་པོ་འབུམ་གྱི་དམག་དཔོན་མཛད༔   ཁྱེད་ཀྱང་ཕུར་པའི་ལས་མཁན་ཏེ༔   བསྒྲལ་བའི་ཕྲིན་ལས་གྲུབ་པར་མཛོད༔    {{TibChung|[17a]}} ཛཿ   ལྷོ་ཕྱོགས་སྒོ་ནང་དགྲ་བགེགས་སྟེང་༔   ལྕགས་ཀྱི་སྐྱེས་བུ་མི་སྡུག་པ༔   སྐུ་མདོག་སྔོ་ནག་འབར་བ་ལ༔   གཡས་པས་ལྕགས་ཀྱི་རལ་གྲི་ཕྱར༔   གཡོན་པས་ལྕགས་ཀྱི་ཕུར་པ་འདྲིལ༔   དགྲ་བགེགས་སྙིང་ལ་གཟིར་ཞིང་འདེབས༔   ཆིབས་སུ་ལྕགས་སྤྱང་སྔོན་པོ་ཆིབས༔   སྐུ་ལ་དར་ནག་བེར་ཆེན་གསོལ༔   འཁོར་དུ་བདུད་པོའི་ཚོགས་ཀྱིས་བསྐོར༔   ནག་པོ་འབུམ་གྱི་དམག་དཔོན་མཛད༔   ཁྱེད་ཀྱང་ཕུར་པའི་སྲུང་མ་སྟེ༔   བརྣག་པའི་ལས་ལ་མཐུ་མ་ཆུང་༔   ཛཿ་ནུབ་ཕྱོགས་སྒོ་ནང་དགྲ་བགེགས་སྟེང་༔   བསྭེ་ཡི་སྐྱེས་བུ་རབ་འཇིགས་པ༔   སྐུ་མདོག་དམར་ནག་འབར་བ་ལ༔   གཡས་ན་ཟངས་གྲི་མེ་ཆེན་འབར༔   གཡོན་པས་ཟངས་ཀྱི་ཕུར་པ་འདྲིལ༔   དགྲ་བགེགས་སྙིང་ལ་གཟིར་ཞིང་འདེས༔   ཆིབས་སུ་བསྭེ་རྟ་དམར་པོ་ཆིབས༔   སྐུ་ལ་དབང་གི་བསྭེ་ཁྲབ་གསོལ༔   འཁོར་དུ་བདུད་བཙན་ཚོགས་ཀྱིས་བསྐོར༔   དམར་པོ་འབུམ་གྱི་དམག་དཔོན་མཛད༔   ཁྱེད་ཀྱང་ཕུར་པའི་སྲུང་མ་སྟེ༔   བརྣག་པའི་ལས་ལ་མཐུ་མ་ཆུང་༔   ཛཿ    བྱང་ཕྱོགས་སྒོ་ནང་དགྲ་བགེགས་སྟེང་༔   ཏཱ་ཀི་ནག་པོ་མེ་དབལ་འཇིགས༔   སྐུ་མདོག་ལྗང་  {{TibChung|[17b]}} ནག་འཇིགས་པ་ལ༔   གཡས་པས་གྲི་གུག་དགྲ་སོག་གཅོད༔   གཡོན་པས་བྷནྡྷ་སྙིང་ཁྲག་འཐུང་༔   ཆིབས་སུ་ལྕེ་སྤྱང་སྔོན་པོ་ཆིབས༔   སྲ་བརྟན་ལྕགས་ཀྱི་གོ་ཁྲབ་གསོལ༔   ཤན་པ་ཕོ་མོའི་ཚོགས་ཀྱིས་བསྐོར༔   ལས་བྱེད་འབུམ་གྱི་དམག་དཔོན་མཛད༔   ཁྱེད་ཀྱང་ཕུར་པའི་ལས་མཁན་ཏེ༔   བཅོལ་བའི་ཕྲིན་ལས་གྲུབ་པར་མཛོད༔   {{TibChung|ཅེས་དྲག་ཏུ་བསྐུལ་ལོ།   །གཉིས་པ་གསེར་སྐྱེམས་འབུལ་བ་ནི།    ཛ་གད་གསེར་དང་སྦྱར་བའི་སྨན་ཕུད་}} ཨོཾ་ཨཱཿཧཱུཾ་གིས།   འདོད་ཡོན་ཟག་པ་མེད་པའི་ལོངས་སྤྱོད་ཀྱི་གཏེར་དུ་{{TibChung|བྱིན་གྱིས་བརླབས་ནས་ཕྱོགས་བཅུར་འཐོར་ཞིང་།}}    ཧཱུཾ།    རིག་འཛིན་རྩ་བརྒྱུད་བླ་མ་དམ་པ་དང་།   །བདེ་གཤེགས་ཞི་ཁྲོ་རབ་འབྱམས་དཀྱིལ་འཁོར་ལྷ།   །ཁྱད་པར་རྡོ་རྗེ་ཕུར་པའི་ལྷ་ཚོགས་རྣམས།   །གསེར་སྐྱེམས་འདི་བཞེས་རྣལ་འབྱོར་མཐུ་དཔུང་སྐྱེད།   །མ་མགོན་ལྕམ་དྲལ་དམ་ཅན་རྒྱ་མཚོའི་ཚོགས།   །དྲེགས་པའི་སྡེ་དཔོན་ཕུར་སྲུང་དམ་ཚིག་ཅན།   །བཀའ་ཉན་བྲན་གཡོག་མངགས་གཞུག་བཅས་རྣམས་ཀྱིས།   །གསེར་སྐྱེམས་འདི་བཞེས་རྣལ་འབྱོར་མཐུ་དཔུང་སྐྱེད།   །སྔགས་འཆང་བདག་གིེི་རིགས་ཀྱི་སྲུང་མ་དང་།   །ས་ཕྱོགས་འདི་སོགས་ཡུལ་གཞིས་གནས་ཀྱི་བདག   །ལོ་ཟླ་ཞག་དུས་ {{TibChung|[18a]}} ཚེས་ལ་དབང་བའི་ལྷས།   །གསེར་སྐྱེམས་འདི་བཞེས་རྣལ་འབྱོར་མཐུ་དཔུང་སྐྱེད།   །{{TibChung|ཅེས་མཆོད་དོ།   །གསུམ་པ་མཁྱེན་དཔང་གསོལ་བ་ནི།}}    ཧཱུཾ༔   རྩ་བརྒྱུད་བླ་མ་གཟུ་དང་དཔང་དུ་དགོངས༔   ཡི་དམ་ལྷ་ཚོགས་གཟུ་དང་དཔང་དུ་དགོངས༔   མ་རྒྱུད་མཁའ་འགྲོ་གཟུ་དང་དཔང་དུ་དགོངས༔   བསྟན་སྲུང་རྒྱ་མཚོ་གཟུ་དང་དཔང་དུ་དགོངས༔   དམ་ཉམས་ལས་ངན་བསྟན་བཤིག་ལས་དམར་འདིས༔   དང་པོ་སངས་རྒྱས་བསྟན་པ་གཉན་པོ་བཤིག༔   བར་དུ་དཀོན་མཆོག་གསུམ་གྱི་དབུ་འཕང་སྨད༔   ཐ་མ་སྐྱེ་འགྲོའི་བདེ་བ་ཡན་བསྟུད་ནས༔   ད་ལྟ་རྣལ་འབྱོར་བདག་ལ་གནོད་པ་བརྩམ༔   བསྒྲལ་བའི་ཞིང་བཅུ་ཚང་བའི་དགྲ་བགེགས་འདི༔   མངོན་སྤྱོད་དྲག་པོས་སྒྲོལ་བའི་ཕྲིན་ལས་མཛོད༔   ཟོལ་མེད་རྩེ་གཅིག་སྒྲུབ་པའི་རྣལ་འབྱོར་ངས༔   མ་བཟོད་སྙིང་ནས་གདུང་བའི་ང་རོ་ཡིས༔   ལྷ་དང་སྲུང་མ་རྒྱ་མཚོ་དཔང་དུ་བསྐུལ༔   བསྟན་སྲུང་རྒྱ་མཚོ་མེད་དམ་ར་མདའ་ལོག༔   ཉེས་མེད་སྒྲུབ་ལ་གཞོལ་བའི་རྣལ་འབྱོར་ངས༔   དད་དམ་དབང་གིས་དཔུང་གཉེན་ལྷ་ལ་འབོད༔   ཕུར་སྲུང་རྒྱ་མཚོ་མེད་དམ་ར་མདའ་ལོག༔   རྩེ་གཅིག་སྒོམ་སྒྲུབ་ལྷུར་ལེན་རྣལ་འབྱོར་ངས༔   སྐྱབས་མཆོག་རྩ་གསུམ་ {{TibChung|[18b]}} རྒྱ་མཚོ་འབོད་བསྐུལ་གྱི༔   མཐུ་རྩལ་དྲག་པོ་མེད་དམ་དགྲ་ལ་རྦད༔   མ་གཡེལ་མ་འགྱང་དམ་ཚིག་གཉན་ལ་འདུས༔   ཡིད་ལ་བརྣག་པའི་དགྲ་བགེགས་སྡིག་ཅན་འདི༔   ཁམས་གསུམ་གང་དུ་གནས་སམ་བྲོས་གབ་ཀྱང་༔   ཡེ་ཤེས་སྤྱན་ལ་གསལ་འགྲིབ་མི་མངའ་བས༔   མ་ཤོར་མྱུར་དུ་ཁུག་ལ་བསྒྲལ་མཛོད་ཅིག༔   དོ་ནུབ་བསྐུལ་ལོ་ལྷ་ཚོགས་ཐུགས་མ་གཡེལ༔   དོ་ནུབ་འབོད་དོ་ལྷ་ཚོགས་སྙན་མ་སྲ༔   དོ་ནུབ་གཡབ་བོ་ལྷ་ཚོགས་སྤྱན་མ་རྟུལ༔   དོ་ནུབ་རྦད་དོ་ལྷ་ཚོགས་མཐུ་མ་ཆུང་༔   ཛཿ    འཛིན་བྱེད་དཔའ་བོ་ལག་མ་སྡུམ༔   གསོད་བྱེད་ཤན་པ་རྩལ་མ་ཞན༔   མངགས་པའི་ཕོ་ཉ་བང་མ་བུལ༔   རྒྱུག་བྱེད་མྱུར་མགྱོགས་རྩལ་མ་ཙན༔   ཟ་བྱེད་རྔམས་པ་ཁ་མ་ཆུང་༔   ལས་བྱེད་དྲེགས་པ་མཐུ་མ་ཆུང་༔   མཁྱེན་ལྡན་ལྷ་རྣམས་དཔང་དུ་རོལ༔   དམ་ཚིག་གཉན་པོའི་དུས་ལ་བབ༔   མ་གཡེལ་མ་འགྱང་ལས་ལ་ཡཱ༔   བཅོལ་བའི་ཕྲིན་ལས་གྲུབ་པར་མཛོད༔   {{TibChung|ཅེས་གསོལ་བས་རང་ལ་གནང་བ་བསྩལ་ཞིང་དགྲ་བགེགས་ལ་ཐུགས་ཆེར་འཁྲུགས་པས་དྲག་པོའི་ལས་ལ་མངོན་དུ་ཕྱོགས་པས་བཞུགས་པར་བསམ་མོ།   །བཞི་པ་བདེན་པ་བརྡར་བ་ནི།}}      ཨོཾ་བཛྲ་ས་མཱ་ཛཿཧཱུཾ་ཛཿཆོས་ཉིད་ཀྱི་བདེན་པའོ༔    {{TibChung|[19a]}} གསང་སྔགས་ཀྱི་བྱིན་གྱིས་བརླབས་པའོ༔   སངས་རྒྱས་ཀྱི་མཐུའོ༔   ཨ་བྷི་ཙརྻའི་དུས་ལ་བབ་པའི་བརྣག་པ་འདི་ཁོ་ནའོ༔   {{TibChung|ཞེས་བརྗོད་དོ།   །གཉིས་པ་བར་དུ་བྱ་བའི་ལས་ལ།    དམིགས་བྱ་བསྐྱེད་འགུགས།    སྒྲོལ་ཆོག་དངོས།   ཐུགས་དམ་བསྐུལ་བ།   ཟློག་ལས་བཅོལ་བ།    ཐུན་གཏོར་གཏོང་བ་དང་ལྔ་ལས།   དང་པོ་དམིགས་བྱ་བསྐྱེད་ཅིང་དགུག་གཞུག་བྱ་བ་ནི།   བྲུབ་ཁུང་སྭབྷཱ་ཝས་སྦྱང་།}}    སྟོང་པའི་ངང་ལས་མདུན་དུ་ཨེ་ལས་ལྕགས་སྲེགས་ཀྱི་ཁང་སྒྲོམ་གྲུ་གསུམ་བང་རིམ་དགུ་པ།   ཁ་ཁྱེར་དོག་ཅིང་གཏིང་ཟབ་པ།   འོག་ན་འདོད་ཆགས་ཀྱི་ཁྲག་མཚོ་ཁོལ་བ།    ལོགས་ལ་ཞེ་སྡང་གི་མེ་དཔུང་འབར་བ།    སྟེང་ན་གཏི་མུག་གི་མུན་པ་འཐིབས་པ།    ཟུར་ན་ང་རྒྱལ་གྱི་བྲག་རི་ཉིལ་བ།    ཕྱི་ནང་ཀུན་ཏུ་ཕྲག་དོག་གི་རླུང་དམར་འཚུབས་ཤིང་ནད་དུག་མཚོན་ཆའི་ཆར་འབེབས་པ།   ཐན་དང་ལྟས་ངན་གྱི་ཆོ་འཕྲུལ་སྣ་ཚོགས་མི་བཟད་པར་འཁྲུགས་པ།   ལས་བྱེད་གཤིན་རྗེའི་དམག་ཚོགས་སེང་གེ་ལྟར་རྔམས་པ།    སྟག་ལྟར་འཕྱོ་བ།   སྲིན་པོ་ལྟར་ཁྲོས་པ།    ཤ་ཟ་ལྟར་རྒྱུག་པ།    རྒྱོབ་རྒྱོབ་དང་སོད་སོད་ཀྱི་སྒྲ་འབྲུག་ལྟར་སྒྲོགས་པས་གང་བ།    སྲིད་པ་ལས་ཀྱི་བཙོན་ཁང་དྲག་པོ་ {{TibChung|[19b]}} དེའི་ནང་དུ་ནྲྀའམ་ཏྲི་དུད་ཁ་ཡོངས་སུ་གྱུར་པ་ལས་དགྲའམ་བགེགས་དེ་ཉིད་ལུས་གཅེར་བུ་རིད་པ།    མདོག་ནག་ཅིང་དྲན་པ་ཉམས་པ།    མྱ་ངན་གྱི་ཕྱག་རྒྱ་ཅན།   བུ་ག་དགུ་ནས་རྣག་ཁྲག་འཛག་པ།   ཉམ་ཐག་དབུགས་དང་བྲལ་ལ་ཁད་འདར་ཕྲི་ལི་ལི་བྱེད་པ་གནོད་བྱེད་ཐམས་ཅད་འདུས་པའི་ངོ་བོར་གྱུར་{{TibChung|པར་བསམ་ལ།}}    ན་མོ།    རིག་འཛིན་རྩ་བརྒྱུད་ཀྱི་དཔལ་ལྡན་བླ་མ་དམ་པ་རྣམས་ཀྱི་བཀའ་བདེན་པ་དང་།    སངས་རྒྱས་ཀྱི་བཀའ་བདེན་པ་དང་།    ཆོས་ཀྱི་བཀའ་བདེན་པ་དང་།    དགེ་འདུན་གྱི་བཀའ་བདེན་པ་དང་།    གསང་སྔགས་དང་རིག་སྔགས་དང་གཟུངས་སྔགས་དང་སྙིང་པོ་དང་ཕྱག་རྒྱ་དང་ཏིང་ངེ་འཛིན་གྱི་བདེན་པ་དང་།    ཆོས་ཉིད་ངོ་བོ་གདོད་ནས་སྟོངས་ཀྱང་ཆོས་ཅན་རྒྱུ་འབྲས་བསླུ་བ་མེད་པའི་བདེན་པ་དང་།    ཁྱད་པར་དུ་འཁོར་འདས་ཐམས་ཅད་ཀྱི་སྤྱི་དཔལ་ཡི་དམ་རྡོ་རྗེ་གཞོན་ནུ་བདུད་འདུལ་ཁྲོ་བཅུ་ཁྲ་ཐབས་སྒོ་སྐྱོང་དམ་ཅན་རྒྱ་མཚོའི་ཚོགས་དང་བཅས་པ་རྣམས་ཀྱི་བཀའ་བདེན་པ་དང་།   བདེན་པ་ཆེན་པོའི་མཐུ་ལ་བརྟེན་ནས།   བསྟན་དང་འགྲོ་བའི་སྤྱི་དགྲ    །   ཁྱད་པར་རིག་པ་འཛིན་པ་བདག་ཅག་ཡོན་མཆོད་འཁོར་དང་བཅས་པ་རྣམས་ {{TibChung|[20a]}} ལ་སྔ་དགྲ་ལག་གིས་བརྡར་བ།   ཕྱི་དགྲ་ཡིད་ལ་སེམས་པ།    ད་དགྲ་ཐད་དུ་འཛུག་པའི་གཟུགས་ཅན་སྡང་བའི་དགྲ་དང་།    གཟུགས་མེད་གནོད་བྱེད་བགེགས་ཀྱི་ཚོགས་དང་བཅས་པ་ཐམས་ཅད་སྲིད་པ་གསུམ་གྱི་ཁོངས་གར་གནས་གར་བྲོས་ཀྱང་སྐད་ཅིག་ཡུད་ཙམ་གྱིས་དམིགས་པའི་རྟེན་འདི་ལ་ཁུག་ཅིག   །ཨོཾ་བཛྲ་ཀཱི་ལི་ཀཱི་ལ་ཡ་དགྲ་བགེགས་གནོད་བྱེད་ཛཿཧཱུཾ་བཾ་ཧོཿ    ཤཱི་གྷྲཾ་ཨཱ་ན་ཡ་ཧཱུཾ་ཕཊ༔   {{TibChung|ཅེས་ལན་གསུམ་མམ་བདུན་གྱིས་བཀུག་ནས།    ཕོ་ཉ་བཏང་བ་ནི།}}    ཛཿ  དཔལ་གྱི་བཀའ་སྡོད་གཏུམ་རྔམས་འཇིགས་པའི་གཟུགས༔   འགུགས་བྱེད་ཆེན་མོ་ལྕགས་ཀྱུ་དཀར་མོའི་ཚོགས༔   རིང་པར་རྒྱུག་ལ་དམ་ཉམས་དགྲ་བགེགས་རྣམས༔   ཁུག་ཅིག་བཛྲ་ཨངྐུ་ཤ་ཡ་ཛཿཧཱུཾ༔   དཔལ་གྱི་བཀའ་སྡོད་གཏུམ་རྔམས་འཇིགས་པའི་གཟུགས༔   འཆིང་བྱེད་ཆེན་མོ་ཞགས་པ་སེར་མོའི་ཚོགས༔   རིང་པར་རྒྱུག་ལ་དམ་ཉམས་དགྲ་བགེགས་རྣམས༔   མགུལ་ནས་ཆིངས་ཤིག་བཛྲ་པཱ་ཤ་ཧཱུཾ༔   བྃ༔   དཔལ་གྱི་བཀའ་སྡོད་གཏུམ་རྔམས་འཇིགས་པའི་གཟུགས༔   སྡོམ་བྱེད་ཆེན་མོ་ལྕགས་སྒྲོག་དམར་མོའི་ཚོགས༔   རིང་པོར་རྒྱུག་ལ་དམ་ཉམས་དགྲ་ {{TibChung|[20b]}} བགེགས་རྣམས༔   ཡན་ལག་སྡོམས་ཤིག་བཛྲ་སྥོ་ཊ་བཾ༔   ཧོཿ    དཔལ་གྱི་བཀའ་སྡོད་གཏུམ་རྔམས་འཇིགས་པའི་གཟུགས༔   མྱོས་བྱེད་ཆེན་མོ་དྲིལ་བུ་ལྗང་མོའི་ཚོགས༔   རིང་པར་རྒྱུག་ལ་དམ་ཉམས་དགྲ་བགེགས་རྣམས༔   མྱོས་སུ་ཆུ་གཅིག་བཛྲ་གཎྜེ་ཧོཿ    {{TibChung|ཞེས་འགུགས་འཆིང་སྡོམ་མྱོས་ཀྱི་ལས་བསྐུལ་ལོ།   །}} 
{{TibChung|གཉིས་པ་སྒྲོལ་ཆོག་དངོས་ལ།    རིག་པ་མཆོག་གི་རྒྱུད་ལས།    ལྷ་དཔྲལ་གཟུགས་ལ་དབབ་པ་དང་།   །བྱད་དུ་གཞུག་དང་སྨྱོ་རུ་གཞུག   །རྡུལ་དུ་བརླག་དང་ཞལ་དུ་བསྟབ།   །དེ་ལའང་ཕོ་ཉ་འཕྱོང་སྔགས་རྫས།   །ཏིང་འཛིན་དམོད་པས་ལས་རྫོགས་བྱ།   ཞེས་འབྱུང་བས།    དང་པོ་ལྷ་དང་ཕྲལ་བ་ལའང་དྲུག་གི   །   ཕོ་ཉ་ནི།}}    ཧཱུཾ་ཛཿ   དམ་ཚིག་ཆེན་པོའི་དུས་ལ་བབ༔   སྤྲུལ་པ་ཆེན་པོའི་དུས་ལ་བབ༔   ཕྱག་བརྙན་ཆེན་མོའི་དུས་ལ་བབ༔   ཤྭ་ན་མུ་ཁའི་དུས་ལ་བབ༔   བདག་ཉིད་ཆེན་མོའི་དུས་ལ་བབ༔   ས་བདག་ཆེན་མོའི་དུས་ལ་བབ༔   ཁྱེད་ཀྱི་ཕྲིན་ལས་དུས་ལ་བབ༔   མཐུ་རྩལ་ཕྱུང་བའི་དུས་ལ་བབ༔   {{TibChung|ཅེས་བབ་བརྒྱད་ཀྱིས་བསྐུལ་རྗེས་སུ།    འཕྱོང་ནི།}}    ཡིད་ལ་བརྣག་པའི་དགྲ་བགེགས་འདི༔   སྐྱོབ་བྱེད་ལྷ་དང་བྲལ་བར་གྱིས༔   {{TibChung|ཞེས་སྦྱར།    སྔགས་ནི།}}    ཨོཾ་བཛྲ་ཀཱི་ལི་ཀཱི་ལ་ཡ་ཆེ་གེ་མོ་ཧ་ས་ཡ་ར་ཧ་ས་ཡ་ར་ཧྲཱི་དཎྜ་ཧཱུཾ་ཕཊ༔   ཨ་ནྲྀ་ཏྲི་ཏྲཀ་རཀྴ་མཱ་ར་ཡ་ཕྱེས་ {{TibChung|[21a]}} ཕྱེས༔   མ་མ་ཏྲག་རཀྴ་མཱ་ར་ཡ་ཕྱེས་ཕྱེས༔   {{TibChung|རྫས་ནི།    གུ་གུལ་སོགས་དབྱེ་རྫས་ཀྱིས་བདུག་ཅིང་བྱ་རོག་དང་འུག་པའི་དང་རུས་ཕྱིར་འབྱེད་པའི་ཚུལ་བྱ།   ཏིང་ངེ་འཛིན་ནི།}}    དཀྱིལ་འཁོར་གསུམ་གྱི་ལྷ་ཚོགས་རྣམས་དང་རྡོ་རྗེ་ལེགས་པ་འགོང་པོ་འཁོར་བཅས་ཀྱིས་བསྒྲུབ་བྱ་སྲུང་སྐྱོབ་བྱེད་པའི་ལྷ་དང་ཕྲལ་ནས་བྱ་སྤུ་རླུང་གིས་གཏོར་བ་ལྟར་དབྱེ་བར་{{TibChung|བསམ།   དམོད་པ་ནི།}}    དགྲ་བགེགས་སྐྱོབ་བྱེད་ཀྱི་ལྷ་དང་ཕྱེས་ཤིག༔   དགྲ་དང་སྐྱོབ་པའི་ལྷ་གཉིས་བྲལ་བར་གྱུར་ཅིག༔   {{TibChung|ཅེས་བརྫོད་པའོ།   །གཉིས་པ་གཟུགས་ལ་དབབ་པ་ལ་དྲུག་གི།   །ཕོ་ཉ་ནི་གོང་བཞིན་བབ་བརྒྱད་ཀྱིས་བསྐུལ་ནས།    འཕྱོང་ནི།}}    ཡིད་ལ་བརྣག་པའི་དགྲ་བགེགས་འདི༔   མྱུར་དུ་ལིངྒ་འདི་ལ་ཕོབ༔   {{TibChung|སྔགས་ནི།}}    ཨོཾ་བཛྲ་ཀཱི་ལི་ཀཱི་ལ་ཡ་ཆེ་གེ་མོ་ཨཱ་བེ་ཤ་ཡ་ཨཱ་བེ་ཤ་ཏ་ཧཱུཾ་ཕཊ༔   {{TibChung|རྫས་ནི།    ཡུངས་དཀར་གྱིས་བྲབ་ཅིང་ཐལ་མོ་གཉིས་སྦུབས་ལ་འབེབས་ཚུལ་བྱ།   ཏིང་ངེ་འཛིན་ནི།}}    དཀྱིལ་འཁོར་གསུམ་གྱི་ལྷ་ཚོགས་རྣམས་ལས་སྤྲུལ་པ་ཡང་སྤྲུལ་ལྕགས་ཀྱུ་ཐོགས་པ་མང་པོ་དང་ཀླུ་ཆེན་འཇོག་པོ་འཁོར་བཅས་ཀྱིས་དགྲ་བོའི་རྣམ་ཤེས་བཀུག་ནས་ལིངྒ་ལ་གཉིས་སུ་མེད་པར་བསྟིམས་པར་{{TibChung|བསམ།   དམོད་པ་ནི།}}    དགྲ་བགེགས་གཟུགས་ལིངྒ་འདི་ལ་ཕོབ་ཅིག༔   དགྲ་བགེགས་ཀྱི་རྣམ་པར་ཤེས་པ་ {{TibChung|[21b]}} བླ་དང་བཅས་པ་ལིངྒ་འདི་ལ་ཁུག་ནས་ཐིམ་པར་གྱུར་ཅིག༔   {{TibChung|ཅེས་བརྗོད་དོ།   །གསུམ་པ་བྱད་དུ་གཞུག་པ་ལ་དྲུག་གི།   ཕོ་ཉ་ནི་བབ་བརྒྱད་ཀྱི་བསྐུལ་དང་།   འཕྱོང་ནི།}}    ཡིད་ལ་བརྣག་པའི་དགྲ་བགེགས་འདི༔   ཁྲོལ་མེད་ལས་ཀྱི་བྱད་དུ་ཆིངས༔   {{TibChung|སྔགས་ནི།}}    ཨོཾ་བཛྲ་ཀཱི་ལི་ཀཱི་ལ་ཡ་ཆེ་གེ་མོ་ཛཿཧཱུཾ་བཾ་ཧོཿ    ཤཱི་གྷྲཾ་ཨཱ་ན་ཡ་ཧཱུཾ་ཕཊ༔   {{TibChung|རྫས་ནི།    ཚོན་སྐུད་སྣ་ལྔའི་སྐུད་པ་དང་ཤི་ཡུག་གི་སྐྲ་སྐུད་ཀྱིས་ཕྱིར་བཟློག་ཏུ་དཀྲི་ཞིང་ཡན་ལག་རྣམས་བཅིང་བའི་ཚུལ་བྱ།   ཏིང་ངེ་འཛིན་ནི།}}    དཀྱིལ་འཁོར་གསུམ་གྱི་ལྷ་ཚོགས་ཡང་སྤྲུལ་དང་བཅས་པ་རྣམས་དང་སྲོག་བདག་སྒྲོལ་གིང་འཁོར་བཅས་ལྕགས་ཀྱུ་ཞགས་པ་ལྕགས་སྒྲོག་ཐོགས་པ་རྣམས་ཀྱིས་དགྲ་བོ་རི་དྭགས་རྒྱར་ཚུད་པ་ལྟར་བཅིངས་པར་{{TibChung|བསམ།   དམོད་པ་ནི།}}    དགྲ་བགེགས་ཀྱི་དབང་པོ་ཡན་ལག་སྡོམས་ཤིག༔   དགྲ་བགེགས་འདི་གྲུ་གུ་ཐུལ་དུ་ཆིངས་ཤིག་སྡོམས་ཤིག༔   {{TibChung|ཅེས་བརྗོད་དོ།   །བཞི་པ་སྨྱོ་རུ་གཞུག་པ་ལ་དྲུག་གི   །ཕོ་ཉ་ནི་བབ་བརྒྱད་ཀྱི་བསྐུལ་དང་།    འཕྱོང་ནི}}    ཡིད་ལ་བརྣག་པའི་དགྲ་བགེགས་འདི༔   སྨྱོ་ཞིང་བརྒྱལ་ནས་རེངས་སུ་ཆུག༔   {{TibChung|སྔགས་ནི།}}    ཨོཾ་བཛྲ་ཀཱི་ལི་ཀཱི་ལ་ཡ་ཆེ་གེ་མོ་ཛྭ་ལ་པ་ཡ་ཛྭ་ལ་པ་ཡ་ཧཱུཾ་ཕཊ༔   {{TibChung|རྫས་ནི།    དུག་སྣ་ཚོགས་དང་རྡ་རྡུ་རའི་ཁུ་བ་ཁྲག་དང་སྦྱར་བས་བྲབ།   ཏིང་ངེ་འཛིན་ནི།}}    དཀྱིལ་འཁོར་གསུམ་ {{TibChung|[22a]}} གྱི་ལྷ་ཚོགས་ཡང་སྤྲུལ་དང་བཅས་པ་རྣམས་དང་གནམ་ཐེ་འཁོར་བཅས་ཀྱིས་སྨྱོ་དུག་གི་ཆར་ཕབས་པས་དམིགས་བྱ་སེམས་མྱོས་ལུས་སྐྲངས་དྲན་མེད་དུ་གྱུར་ནས་མུ་ཅོར་དུ་སྨྲ་བར་{{TibChung|བསམ།    དམོད་པ་ནི།}}    དགྲ་བགེགས་སྨྱོ་རུ་ཆུག་འབོགས་སུ་ཆུག༔   དྲན་པ་ཉམས་པར་གྱུར་ཅིག༔   {{TibChung|ཅེས་བརྗོད་དོ།   །ལྔ་པ་རྡུལ་དུ་བརླག་པ་ཁོངས་སུ་གྲི་ཆིག་ཤུར་གྱི་གདབ་ལས་སྟོན་པས།    དེ་ལ་ཐུགས་དམ་བསྐུལ་བ།    ཕུར་བུ་བྱིན་གྱི་སྲོས་རློབ་པ།   གདབ་པའི་གཟེར་ཁ་དངོས་དང་གསུམ་གྱི།   དང་པོ་ཐུགས་དམ་བསྐུལ་བ་ནི།}}    དྲག་པོའི་ལས་ལ་ཆེད་དུ་བསྐུལ་བས་དཀྱིལ་འཁོར་གྱི་ལྷ་ཚོགས་ཐམས་ཅད་དམིགས་བྱ་སྒྲོལ་བའི་ལས་ལ་ཁྲོས་འཁྲུགས་རྔམས་ཤིང་དགྱེས་པའི་ཚུལ་གྱིས་བཞེངས་པར་{{TibChung|མོས་ལ།}}    ཧཱུཾ་ཛཿ   དམ་ཚིག་ཆེན་པོའི་དུས་ལ་བབ༔   སྤྲུལ་པ་ཆེན་པོའི་དུས་ལ་བབ༔   ཕྱག་བརྙན་ཆེན་མོའི་དུས་ལ་བབ༔   ཤྭ་ན་མུ་ཁའི་དུས་ལ་བབ༔   བདག་ཉིད་ཆེན་མོའི་དུས་ལ་བབ༔   ས་བདག་ཆེན་མོའི་དུས་ལ་བབ༔   སྐྱེས་གིང་ཆེན་པོའི་དུས་ལ་བབ༔   བཀའ་སྡོད་སྲུང་མའི་དུས་ལ་བབ༔   ཁྱེད་ཀྱི་ཐུགས་དམ་དུས་ལ་བབ༔   མཐུ་རྩལ་ཕྱུང་བའི་དུས་ལ་བབ༔   བསྐུལ་ནི་དམ་ཚིག་གཉན་གྱིས་བསྐུལ༔   མ་འདའ་ {{TibChung|[22b]}} བཀའ་དང་ཐ་ཚིག་དགོངས༔   དམ་ཚིག་དབང་གིས་ཕྲིན་ལས་མཛོད༔   ཛཿ   ཁྱབ་བདག་རྡོ་རྗེ་གཞོན་ནུ་ཆེ༔   ཐབས་ཤེས་སྦྱོར་བའི་བརྟུལ་ཞུགས་ཀྱིས༔   སྲས་དང་སྤྲུལ་པ་ལས་ལ་ཁྱེས༔   དགྲ་བགེགས་ཁུག་ལ་སྒྲོ་མཛོད་ཅིག༔   ཛཿ   དམ་ཚིག་ཆེན་པོའི་དུས་ལ་བབ༔   སྲས་མཆོག་ཆེན་པོའི་དུས་ལ་བབ༔   སྤྲུལ་པ་ཆེན་པོའི་དུས་ལ་བབ༔   ཁྱེད་ཀྱི་ཕྲིན་ལས་དུས་ལ་བབ༔   ཧཱུཾ༔   ཕྱོགས་ཀྱི་ཁོར་ལོའི་རྩིབས་སྟེང་ནས༔   སྲས་མཆོག་ཀཱི་ལ་རིགས་བཞི་ཡིས༔   སྒྱུ་འཕྲུལ་གར་གྱི་བརྟུལ་ཞུགས་སྐྱེད༔   ཕྱོགས་བཞིའི་དགྲ་བགེགས་ཁུག་ལ་སྒྲོལ༔   {{TibChung|སྤྲོ་ན་གོང་གི་བབ་བཞི་པོ་རེ་རེ་བཞིན་སྦྱར་ཞིང་།    མི་སྤྲོ་ན།}}    ཛཿ    སྟེང་ཕྱོགས་ཁྲོ་རྒྱལ་ཧཱུཾ་ཀཱ་ར༔   ཐབས་ཤེས་སྦྱོར་བའི་བརྟུལ་ཞུགས་རོལ༔   སྤྲུལ་པ་ཟ་གསོད་ལས་ལ་ཁྱེས༔   སྟེང་གི་དགྲ་བགེགས་ཁུལ་ལ་སྒྲོལ༔   ཛ༔   ཤར་ཕྱོགས་ཁྲོ་བོ་རྣམ་པར་རྒྱལ༔   ཐབས་ཤེས་སྦྱོར་བའི་བརྟུལ་ཞུགས་རོལ༔   སྤྲུལ་པ་ཟ་གསོད་ལས་ལ་ཁྱེས༔   ཤར་གྱི་དགྲ་བགེགས་ཁུག་ལ་སྒྲོལ༔   ཛཿ    ལྷོ་ཕྱོགས་ཁྲོ་བོ་གཤིན་རྗེ་གཤེད༔   ཐབས་ཤེས་སྦྱོར་བའི་བརྟུལ་ཞུགས་རོལ༔   སྤྲུལ་པ་ཟ་གསོད་ལས་ལ་ཁྱེས༔   ལྷོ་ཡི་དགྲ་བགེགས་ {{TibChung|[23a]}} ཁུག་ལ་སྒྲོལ༔   ཛཿ   ནུབ་ཕྱོགས་ཁྲོ་བོ་རྟ་མགྲིན་རྒྱལ༔   ཐབས་ཤེས་སྦྱོར་བའི་བརྟུལ་ཞུགས་རོལ༔   སྤྲུལ་པ་ཟ་གསོད་ལས་ལ་ཁྱེས༔   ནུབ་ཀྱི་དགྲ་བགེགས་ཁུག་ལ་སྒྲོལ༔   ཛཿ   བྱང་ཕྱོགས་ཁྲོ་བོ་བདུད་རྩི་འཁྱིལ༔   ཐབས་ཤེས་སྦྱོར་བའི་བརྟུལ་ཞུགས་རོལ༔   སྤྲུལ་པ་ཟ་གསོད་ལས་ལ་ཁྱེས༔   བྱང་གི་དགྲ་བགེགས་ཁུག་ལ་སྒྲོལ༔   ཛཿ   ཤར་ལྷོ་ཁྲོ་བོ་དབྱུག་སྔོན་ཅན༔   ཐབས་ཤེས་སྦྱོར་བའི་བརྟུལ་ཞུགས་རོལ༔   སྤྲུལ་པ་ཟ་གསོད་ལས་ལ་ཁྱེས༔   ཤར་ལྷོའི་དགྲ་བགེགས་ཁུག་ལ་སྒྲོལ༔   ཛཿ    ལྷོ་ནུབ་ཁྲོ་བོ་མི་གཡོ་མགོན༔   ཐབས་ཤེས་སྦྱར་བའི་བརྟུལ་ཞུགས་རོལ༔   སྤྲུལ་པ་ཟ་གསོད་ལས་ལ་ཁྱེས༔   ལྷོ་ནུབ་དགྲ་བགེགས་ཁུག་ལ་སྒྲོལ༔   ཛཿ   ནུབ་བྱང་ཁྲོ་བོ་འདོད་པའི་རྒྱལ༔   ཐབས་ཤེས་སྦྱོར་བའི་བརྟུལ་ཞུགས་རོལཿ     སྤྲུལ་པ་ཟ་གསོད་ལས་ལ་ཁྱེས༔   ནུབ་བྱང་དགྲ་བགེགས་ཁུག་ལ་སྒྲོལ༔   ཛཿ   བྱང་ཤར་ཁྲོ་བོ་ཁམས་གསུམ་རྒྱལ༔   ཐབས་ཤེས་སྦྱོར་བའི་བརྟུལ་ཞུགས་རོལ༔   སྤྲུལ་པ་ཟ་གསོད་ལས་ལ་ཁྱེས༔   བྱང་ཤར་དགྲ་བགེགས་ཁུག་ལ་སྒྲོལ༔   ཛཿ   འོག་ཕྱོགས་ཁྲོ་བོ་ {{TibChung|[23b]}} སྟོབས་པོ་ཆེ༔   ཐབས་ཤེས་སྦྱོར་བའི་བརྟུལ་ཞུགས་རོལ༔   སྤྲུལ་པ་ཟ་གསོད་ལས་ལ་ཁྱེས༔   འོག་གི་དགྲ་བགེགས་ཁུག་ལ་སྒྲོལ༔   ཛཿ  སྲས་མཆོག་ཁྲོ་བོ་ཁྲ་ཐབས་ཚོགས༔   སྒྱུ་འཕྲུལ་སྤྲུལ་པ་སྣ་ཛོགས་ཀྱིས༔   མངོན་སྤྱོད་དྲག་པོའི་ཕྲིན་ལས་མཛོད༔   དགྲ་བགེགས་མ་ཤོར་ཁུག་ལ་སྒྲོལ༔   ཛཿ   བཀའ་སྡོད་ཕུར་སྲུང་ལས་མཁན་ཚོགས༔   དམ་ཚིག་ཅན་གྱི་དུས་ལ་བབ༔   མཐུ་རྩལ་ཕྱུང་བའི་དུས་ལ་བབ༔   བརྣག་པའི་དགྲ་བགེགས་ཤོར་ར་རེ༔   མྱུར་ཁུག་སྒྲོལ་བའི་ཕྲིན་ལས་མཛོད༔   {{TibChung|ཅེས་བསྐུལ་ལོ།   །གཉིས་པ་ཕུར་བུ་བྱིན་གྱིས་རློབ་པ་ནི།    སླར་ཡང་རྣོ་ལ་ངར་འདོགས་པའི་ཚུལ་དུ་བྱ་བ་སྟེ།    ཐལ་མོ་སྦྱར་བའི་བར་དུ་ཕུར་པ་བཟུང་ལ།}}   བདག་ཉིད་དཔལ་ཆེན་པོའི་ཕྱག་གཡས་ཀྱི་སོར་མོ་ལྔ་ལ་ཟླ་བའི་དཀྱིལ་འཁོར་ལ་ཧཱུཾ་ཨོཾ་སྭཱ་ཨཾ་ཧཱ་ལས་ཁྲག་འཐུང་ཡབ་ལྔར་གྱུར༔   གཡོན་གྱི་སོར་མོ་ལྔ་ལ་ཉི་མའི་དཀྱིལ་འཁོར་ལ་མཱུྃ་ལཱྃ་མཱྃ་པཱྃ་ཏཱྃ་ལས་ཁྲོ་མོ་ཡུམ་ལྔར་གྱུར༔   ཨོཾ་བཛྲ་ཀྲོ་དྷ་ཀྲོ་དྷི་ས་མ་ཡ་སྟྭཾ༔   ཛཿཧཱུཾ་བཾ་ཧོཿ    རིགས་ལྔ་ཡབ་ཡུམ་སྙོམས་པར་ཞུགས་པའི་བདེ་ཆེན་བྱང་ཆུབ་སེམས་ཀྱི་ངོ་བོ་ཧཱུཾ་མཐིང་ནག་འབར་བར་གྱུར༔   དེ་ལས་འོད་ཟེར་དྲག་ཅིང་ {{TibChung|[24a]}} ཚ་ལ་རྩུབ་པ་དཔག་ཏུ་མེད་པ་འཕྲོས་པས་དགྲ་བགེགས་གདུག་པ་ཅན་ཚར་བཅད༔   བདེ་བར་གཤེགས་པ་ཐམས་ཅད་ཀྱི་ཐུགས་དམ་གྱི་རྒྱུད་བསྐུལ༔   དེ་དག་གི་མཐུ་སྟོབས་ནུས་པ་ཐམས་ཅད་བསྡུས་ནས་ཧཱུཾ་ལ་ཐིམ༔   ཧཱུཾ་ཡོངས་སུ་གྱུར་པ་ལས་སྲས་མཆོག་ཀརྨ་ཀཱི་ལ་ཡ་སྐུ་སྟོད་ཞལ་གསུམ་ཕྱག་དྲུག་རྡོ་རྗེའི་གཤོག་པ་ཅན༔   ཞལ་གཡས་དཀར་བ༔   གཡོན་དམར་བ༔   དབུས་ལྗང་ནག་ཏུ་འབར་བ༔   ཞལ་གདངས་ལྗགས་འདྲིལ་མཆེ་བ་གཙིགས་པ༔   སྤྱན་དགུ་སྡང་མིག་ཏུ་བསྒྲད་པ༔   སྨ་ར་དང་སྨིན་མར་བསྐལ་པའི་མེ་ཞགས་འཕྲོ་བ༔   དབུ་སྐྲ་དམར་སེར་སྲིད་པའི་རྩེ་མོར་བརྫིས་པ༔   ཕྱག་གཡས་དང་པོ་ན་རྡོ་རྗེ་རྩེ་དགུ༔   བར་པ་ན་རྒྱ་གྲམ༔   གཡོན་གྱི་དང་པོ་ན་མེ་དཔུང་༔   བར་པ་ན་ཁ་ཊྭཱྃ༔   ཐ་མ་གཉིས་ན་གནམ་ལྕགས་ཀྱི་ཕུར་བུ་འདྲིལ་ཞིང་འདེབས་པ༔   དུར་ཁྲོད་ཀྱི་ཆས་ཀྱིས་བརྒྱན་པ༔   སྐུ་སྨད་གནམ་ལྕགས་ཀྱི་ཕུར་པ་མགར་གྱི་སོལ་མལ་ནས་དྲངས་པ་ལྟ་བུ་སྐེད་པ་ཆུ་སྲིན་གྱི་ཁ་ནས་སྦྲུལ་གྱི་ཆུན་པོ་སྐྱུག་པ་ཞིག་ཏུ་གྱུར༔   དེའི་རྒྱ་མདུད་གོང་མ་ལ་བླ་མ་རིག་འཛིན་ཞི་བ་དབྱིངས་ཀྱི་དཀྱིལ་ {{TibChung|[24b]}} འཁོར་ཡོངས་རྫོགས་པ༔   ཆངས་བཟུང་ལ་དཔལ་ཆེན་རྡོ་རྗེ་གཞོན་ནུའི་དཀྱིལ་འཁོར་གྱི་ལྷ་ཚོགས་ཡོངས་སུ་རྫོགས་པ༔   རྒྱ་མདུད་འོག་མ་ལ་དཔལ་གྱི་བཀའ་སྡོད་ཕུར་སྲུང་རྒྱ་མཚོའི་ཚོགས་རྣམས་ཡོངས་སུ་རྫོགས་པ༔   རྩེ་མོ་ཟུར་གསུམ་མཚོན་ཐུན་སྣ་ཚོགས་ཀྱི་ཚྭ་ཚྭ་རླུང་ལྟར་འཚུབས་པ༔   བསྒྲིལ་བ་ཙམ་གྱིས་སྲིད་གསུམ་འདར་བར་བྱེད་པ༔   འཕྱར་བ་ཙམ་གྱིས་ཁམས་གསུམ་དངངས་པར་བྱེད་པ༔   བཏབ་པ་ཙམ་གྱིས་སྟོང་གསུམ་བརླག་ནུས་པ་གཅིག་ཏུ་གྱུར༔   ཨོཾ་བཛྲ་ཀཱི་ལི་ཀཱི་ལ་ཡ་ཀཱ་ཡ་ཨ་བྷི་ཥིཉྩ་ཨོཾ༔   ཕུར་པའི་སྤྱི་བོར་ཨོཾ་ལས་འོད་ཟེར་དཀར་པོ་དཔག་ཏུ་མེད་པ་འཕྲོས༔   ཕྱོགས་བཅུའི་བདེ་བར་གཤེགས་པ་ཐམས་ཅད་ལ་སྐུ་མཉེས་པའི་མཆོད་པ་ཕུལ༔   འོད་ཟེར་ཚུར་འདུས་བདེ་བར་གཤེགས་པ་ཐམས་ཅད་ཀྱི་སྐུའི་བྱིན་རླབས་ཕུར་པ་ལ་ཐིམ་པས་སྐུ་འགྱིང་བ་ཙམ་གྱིས་ཁམས་གསུམ་སྒྲོལ་ནུས་པའི་དབང་ཐོབ་པར་གྱུར༔   ཨོཾ་བཛྲ་ཀཱི་ལི་ཀཱི་ལ་ཡ་ཝཱ་ཀ་ཨ་བྷི་ཥིཉྩ་ཨཱཿ   ཕུར་པའི་མགྲིན་པའི་ཨཱཿལས་འོད་ཟེར་དམར་པོ་དཔག་ཏུ་མེད་པ་འཕྲོས༔   ཕྱོགས་བཅུའི་བདེ་བར་གཤེགས་པ་ཐམས་ཅད་ལ་གསུང་མཉེས་པའི་མཆོད་ {{TibChung|[25a]}} པ་ཕུལ༔   འོད་ཟེར་ཚུར་འདུས་བདེ་བར་གཤེགས་པ་ཐམས་ཅད་ཀྱི་གསུང་གི་བྱིན་རླབས་ཕུར་པ་ལ་ཐིམ་པས་གསུང་བསྒྲགས་པ་ཙམ་གྱིས་སྟོང་གསུམ་སྒྲོལ་ནུས་པའི་དབང་ཐོབ་པར་གྱུར༔   ཨོཾ་བཛྲ་ཀཱི་ལི་ཀཱི་ལ་ཡ་ཙིཏྟ་ཨ་བྷི་ཥིཉྩ་ཧཱུཾ༔   ཕུར་པའི་ཐུགས་ཀའི་ཧཱུྃ་ལས་འོད་ཟེར་སྔོན་པོ་དཔག་ཏུ་མེད་པ་འཕྲོས༔   ཕྱོགས་བཅུའི་བདེ་བར་གཤེགས་པ་ཐམས་ཅད་ལ་ཐུགས་མཉེས་པའི་མཆོད་པ་ཕུལ༔   འོད་ཟེར་ཚུར་འདུས་བདེ་བར་གཤེགས་པ་ཐམས་ཅད་ཀྱི་ཐུགས་ཀྱི་བྱིན་རླབས་ཕུར་པ་ལ་ཐིམ་པས་ཐུགས་གཡོས་པ་ཙམ་གྱིས་སྲིད་གསུམ་སྒྲོལ་ནུས་པའི་དབང་ཐོབ་པར་གྱུར༔   ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུཾ་ཕཊ༔   {{TibChung|ཅེས་རྩ་སྔགས་ཉེར་གཅིག་ཙམ་བཟླ་ས་ལ།}}    ཧཱུཾ༔   གཏུམ་ཆེན་འབར་བས་གཏི་མུག་འཇོམས༔   ཞེ་སྡང་སྲིན་པོས་ཞེ་སྡང་འདུལ༔   ང་རྒྱལ་ཆེན་པོས་ངར་འཛིན་གཅོད༔   འདོད་པ་ཆེན་པོས་འདོད་ཆགས་གསོད༔   ཕྲག་དོག་ལས་ཀྱིས་ཕྲག་དོག་འཇོམས༔   གཞི་རུ་གནས་ཤིང་ལམ་ཞེན་འདུལ༔   དུག་ལྔའི་དུག་ལྔ་རང་འཇོམས་ཤིང་༔   ཀ་དག་གཞི་རུ་ཀུན་གཞི་སྡུད༔   ཁྱབ་བདག་རྡོ་རྗེ་རྡོ་རྗེའི་བདག༔   མི་སྲུན་རྡོ་རྗེ་ {{TibChung|[25b]}} སྲིན་པོར་བསྟོད༔   ཧཱུཾ༔   དཔལ་ཆེན་རྡོ་རྗེ་ཕུར་པའི་ལྷ༔   སྐུ་སྟོད་ཁྲོ་བོ་ཆེན་པོ་སྟེ༔   ཞལ་གསུམ་ཕྱག་ཀྱང་དྲུག་པ་ལ༔   དབུ་ལ་རིགས་ལྔའི་དབུ་རྒྱན་རྫོགས༔   ལྟེ་བ་མན་ཆད་སྐུ་ཡི་ཆ༔   ཆུ་སྲིན་གདུག་པའི་ཁ་ནང་ནས༔   ཨུཏྤལ་སྔོན་པོའི་འདབ་འདྲ་བ༔   འབར་བའི་ཕྲེང་བ་འཁྲིགས་པའི་དབུས༔   གནམ་ལྕགས་ཕུར་བུ་ཟུར་གསུམ་པ༔   དྲག་པོར་གྱུར་པའི་ཕུར་པ་སྟེ༔   བཏབ་ན་ལྷ་ཡང་བརླག་འགྱུར་ན༔   གནོད་བྱེད་བགེགས་ལ་སྨོས་ཅི་དགོས༔   འཁོར་བ་དོང་ནས་སྤྲུགས་ཤིག་བཛྲ་ཀཱི་ལ་ཡ༔   ཕོ་རྒྱུད་རྩད་ནས་ཆོད་ཅིག་བཛྲ་ཀཱི་ལ་ཡ༔   མོ་རྒྱུད་མངལ་ནས་སྐོམ་ཅིག་བཛྲ་ཀཱི་ལ་ཡ༔   ཁམས་གསུམ་དབང་དུ་སྡུས་ཤིག་བཛྲ་ཀཱི་ལ་ཡ༔   རྣལ་འབྱོར་འཁོར་བཅས་སྲུངས་ཤིག་བཛྲ་ཀཱི་ལ་ཡ༔   དུག་ལྔའིབག་ཆགས་སྦྱོངས་ཤིག་བཛྲ་ཀཱི་ལ་ཡ༔   ཚེ་སྲོག་དྭངས་མ་སྡུས་ཤིག་བཛྲ་ཀཱི་ལ་ཡ༔   རྣམ་ཤེས་དབྱིངས་སུ་སྤོར་ཅིག་བཛྲ་ཀཱི་ལ་ཡ༔   ལྔ་ཕུང་རྡུལ་དུ་རློག་ཅིག་བཛྲ་ཀཱི་ལ་ཡ༔   རིགས་དྲུག་སྐྱེ་སྒོ་ཆོད་ཅིག་བཛྲ་ཀཱི་ལ་ཡ༔   ཨོཾ་ཤྲཱི་བཛྲ་ཀུ་མཱ་ར་ས་མ་ཏི་ས་མ་ཡ༔   ཨ་བྷི་ཙརྻའི་དུས་ལ་བབ་བོ༔   {{TibChung|ཞེས་བསྐུལ་བས།}}    ཕུར་པ་དེ་ཡེ་ཤེས་ཀྱི་ལྷ་ལ་གཏད་དེ་དྲིལ་བས་ཕྱོགས་བཅུའི་བདེ་བར་གཤེགས་པ་ཐམས་ཅད་ {{TibChung|[26a]}} འོད་དུ་ཞུ་ནས་ཕུར་པ་ལ་ཐིམ་པས་གཟི་བརྗིད་དང་ལྡན་པར་གྱུར༔   ཕུར་པ་ཕྱོགས་མཚམས་བཅུར་གཏད་དེ་དྲིལ་བས་གནོད་བྱེད་རྣམས་འོད་དུ་ཞུ་ནས་ཕུར་པ་ལ་ཐིམ་པས་ཕུར་པ་རྫུ་འཕྲུལ་དང་ལྡན་པར་གྱུར་{{TibChung|པར་བསམ་མོ།   །གསུམ་པ་གདབ་པའི་གཟེར་ཁ་དངོས་ལ།   བརྟེན་པ་དབྱིངས་སུ་སྒྲོལ་བ་དང་།    བག་ཆགས་ཀྱི་རྟེན་གཞི་བཅོམ་པ་གཉིས་ཀྱི།   དང་པོ་བརྟེན་པ་དབྱིངས་སུ་བསྒྲལ་བ་ནི།}}   ཧཱུཾ༔   ཆོས་དབྱིངས་སྐྱེ་བ་མེད་པའི་ངང་ཉིད་ལས༔   སྐྱེ་བའི་ཆོ་འཕྲུལ་འབར་བའི་སྐུར་སྟོན་པ༔   གཞོམ་བྲལ་ཐོགས་མེད་རྡོ་རྗེ་ཕུར་པ་ཆེ༔   དབྱིངས་ལས་སྐུར་བཞེངས་ལོག་རྟོག་དབྱིངས་སུ་སྒྲོལ༔   ཧཱུཾ༔   ང་ནི་རྡོ་རྗེ་གཞོན་ནུ་ཆེ༔   ང་ནི་བཛྲ་ཀཱི་ལ་ཡ༔   སྤྲུལ་པའི་མཚོན་ཐུན་ལས་ལ་འགྱེད༔   དགྲ་བགེགས་སྲོག་ལ་ཀཱི་ལ་ཡ༔   སྙིང་རྗེས་བསྒྲལ་བའི་དམ་ཚིག་ནི༔   བསད་ཅིང་མནན་པ་མ་ཡིན་ཏེ༔   ཕུང་པོ་རྡོ་རྗེར་གཏམས་བྱས་ནས༔   རྣམ་པར་ཤེས་པ་རྡོ་རྗེར་སྒོམ༔   འཁྲུལ་སྣང་ལམ་གྱི་རཱུ་དྲ་དེ༔   ངོ་བོ་སྐྱེ་མེད་ཀློང་དུ་སྒྲོལ༔   སྐུ་གསུམ་ལྷུན་གྲུབ་ཆེན་པོར་སངས༔   ཨོཾ་ལཾ་ཧཱུཾ་ལཾ་སྟྭམྦྷ་ཡ་ནན༔   མོ་ཧཱ་གྷ་ཏ་ཡ་བྷ་ག་ཝཱ་ན་ཧྲཱིཿཀྲི་ཤཱི་བི་ཀྲི་བཛྲ་ཧཱུཾ་ཀཱ་ར་ཧཱུཾ༔   བཛྲ་ཀཱི་ལི་ཀཱི་ལ་ཡ་ཛཿཧཱུཾ་བཾ་ཧོཿ     སརྦ་བིགྷྣཱན་བཛྲ་ཀཱི་ལི་ {{TibChung|[26b]}} ཀཱི་ལ་ཡ་ཧཱུཾ་ཕཊ༔   བཛྲ་ཧཱུཾ་ཀཱ་ར་ཧཱུཾ་ཕཊ༔   ཧཱུཾ་ཀཱ་ར་ཧཱུཾ་ཨ་ཕཊ༔   {{TibChung|ཅེས་བཟླ་བཞིན་དུ་ཕུར་བུ་བསྒྲིལ་ཞིང་གདབ་སྟེ།   དེའང་བདག་དཔལ་ཆེན་པོ།    ཕུར་བུ་སྲས་མཆོག   །ལིངྒ་གནོད་བྱེད་ཀུན་འདུས་སུ་གསལ་བས།    སངས་རྒྱས་ཐམས་ཅད་ཀྱི་ཐུགས་ཀ་ནས་ཨ་དཀར་པོ་དཔག་ཏུ་མེད་པ་བྱུང་།   རང་གི་སྙིང་གར་ཨ་གཅིག་ཏུ་གྱུར་པའི་འོད་ཟེར་གྱིས་སྐུ་གསུང་ཐུགས་འོད་གསལ་བར་བྱས།    ལིངྒལ་ཕོག   །སྒོ་གསུམ་གྱི་སྡིག་སྒྲིབ་སྦྱངས།   སྙིང་གར་ཚེ་རྟེན་ཨ་འོད་ཀྱི་ཐིག་ལེའི་དབུས་སུ་ཀུན་གཞི་ནྲྀ་དུད་ཁའི་གཟུགས་སུ་གནས་པ་ལ་ཕུར་རྩེ་ཧཱུཾ་ལྡན་བཏབ་པས་ནྲྀ་ཐིག་ལེ་ཨ་བཅས་ཧཱུཾ་ལ་བསྡུས།   ཕུར་རྩེ་ཨ་དཀར་ཡེ་རེ་བ་དེ་རང་ལ་བསྟན་པས་བདག་གི་རྡོ་རྗེའི་ཚེ་སྲོག་དང་གཉིས་སུ་མེད་པའི་བྱང་ཆུབ་ཀྱི་སེམས་སུ་གྱུར།   ཀཱི་ལ་ཡ་བརྗོད་ཅིང་ཕུར་བུའི་དབལ་ནས་བཟུང་སྟེ་ཀླད་ལ་བསྐོར་བས་ཁམས་གསུམ་ཕུར་བུས་གང་།    ཐུགས་ཀའི་ཧཱུཾ་ལས་འོད་འཕྲོས།   ཁམས་གསུམ་ཕུར་བུས་གདབ་ལ་ཕོག   །སྐུ་གསུང་ཐུགས་ཀྱི་བྱིན་རླབས་འོད་ཟེར་གྱི་རྣམ་པས་སླར་འདུས་བདག་ལ་ཐིམ།    ཛཿཧཱུཾ་བཾ་ཧོཿ ས་ཕུར་བུའི་ཡེ་ཤེས་ཀྱི་འོད་ཟེར་གྱིས་གཟས་པོའི་ཁམས་བཅོ་བརྒྱད་ཀྱིས་མཚོན་པའི་ལས་དང་ཉོན་མོངས་པའི་དྲི་མ་ཐམས་ཅད་དག་ནས་སེམས་ཉིད་རྡུལ་བྲལ་དྭངས་མའི་ཐིག་ལེ་ཨའེ་རྣམ་པར་གྱུར།   ཧཱུཾ་ཧཱུཾ་ཧཱུཾ་བདག་གི་ཐུགས་ཀའི་ཡེ་ཤེས་སེམས་དཔའི་ཐུགས་སྲོག་འོད་ཟེར་བ་ཐག་གཟེང་བ་ལྟར་སྤྲོས་པའི་རྟ་ལ་བསྐྱོན།   ཕཊ་ཕཊ་ཕཊ།    འོག་མིན་དུ་རྡོ་རྗེ་སེམས་དཔའ་ཡབ་ཡུམ་གྱི་སྦྱོར་མཚམས་སུ་སྤར།   ཨོཾ་བཛྲ་ཀཱི་ལི་ཀཱི་ལ་ཡ་ཧཱུཾ་ཕཊ༔   རྣམ་ཤེས་ཨར་གྱུར་པ་རྡོ་རྗེ་སེམས་དཔའི་ཐུགས་ཀར་ཐིམ་པས་དབྱེར་མེད་དུ་ {{TibChung|[27a]}} བྱང་ཆུབ།    སླར་དབུ་མའི་ལམ་བརྒྱུད་གསང་བ་ནས་ཡུམ་གྱི་མཁར་བབས།    གཞན་དོན་དུ་གཟུགས་ཀྱི་སྐུ་རྡོ་རྗེ་སེམས་དཔའི་སྲས་ཀྱི་ཐུ་བོར་སྣང་ནས་འགྲོ་བའི་དོན་བྱེད་པར་མོས་པ་ནི་ཐུགས་རྗེའི་འོད་ཀྱི་ཕུར་བུ་ཞེས་བྱ་སྟེ་ལས་ཉོན་རྣམ་སྨིན་གྱི་སྐྱེ་སྒོ་བཅད་ནས་སྐྱེ་མེད་ཀྱི་དབྱིངས་སུ་སྦྱོར་བའོ།   །གཉིས་པ་བག་ཆགས་ཀྱི་རྟེན་གཞི་བཅོས་པ་ནི།   འདི་མན་ཆད་ཀྱི་ཕུར་བུ་རྣམས་མི་ལྡོག་པའི་ཕྲིན་ལས་མཐར་འབྱིན་པའི་དོན་དུ་གཙོ་བོའི་གྲོགས་སུ་འདེབས་པ་སྟེ།   སྒོ་མ་བཞིའི་ཕུར་བུ་བླངས་ལ།}}    ཧཱུཾ༔   ཕྱག་བརྙན་ཆེན་མོའི་དུས་ལ་བབ༔   པུ་ཤུད་སྲིན་བྱ་ཁྲ་ཡི་མགོ༔   ཀང་ཀ་ལ་སོགས་སྒོ་མ་བཞི༔   འཛིན་འཆིང་སྡོམ་སྡིག་ཐལ་བར་རློག༔   ཁྱེད་ཀྱི་ཐུགས་དམ་དུས་ལ་བབ༔   མངོན་སྤྱོད་དྲག་པོའི་ཕྲིན་ལས་མཛོད༔   ཨོཾ་བཛྲ་ཀཱི་ལི་ཀཱི་ལ་ཡ་བྷིནྡྷ་ཡ་བིང་བིང་ཧཱུཾ་ཕཊ༔   ཨོཾ་བཛྲ་ཀཱི་ལི་ཀཱི་ལ་ཡན་མ༔   ས་མནྟ་ཧྲཱིཾ་ཧྲཱིཾ་ཧཱུཾ་ཕཊ༔   ཨོཾ་བཛྲ་ཀཱི་ལི་ཀཱི་ལ་ཡ་སུ་རུ་ས་རུ་པྲ་སུ་རུ་ཧཱུཾ་ཕཊཿ    ཨོཾ་བཛྲ་ཀཱི་ལི་ཀཱི་ལ་ཡ་མཱ་ཏ་ཡ་ཧཱུཾ་ཕཊ༔   {{TibChung|ཅེས་ལྕགས་ཀྱུ་མ་སོགས་རིམ་པ་བཞིན་གློ་སྙིང་དབུས།    མཆིན་པ་ཁྲག   །མཁལ་མ་ཤ   །   ཀླད་པ་བྱང་སེམས་ཏེ་ལུས་ཀྱི་མཚོ་བཞི་ལ་གདབ།   དེ་ནས་ཡུམ་བརྒྱད་ཀྱི་སྲིད་པ་ཆགས་རིམ་ནས་གདབ་སྟེ།}}       ཧཱུཾ་ཛཿ    དམ་ཚིག་ཆེན་པོའི་དུས་ལ་བབ༔   {{TibChung|ཅེས་སོགས་བབ་བརྒྱད་དང་།}}    བྱང་ཆུབ་མཆོག་ཏུ་སེམས་བསྐྱེད་ཅིང་༔   དུས་གསུམ་རྒྱལ་བའི་གདུང་འཚོབ་པའི༔    {{TibChung|[27b]}} རིག་འཛིན་བདག་ཅག་རྣམས་ལ་ནི༔   གནོད་ཅིང་གདུག་པའི་དགྲ་དང་བགེགས༔   བདུད་དང་བར་དུ་གཅོད་པའི་ཚོགས༔   དངོས་གྲུབ་འཕྲོག་ཅིང་འཚེ་བ་རྣམས༔   ཁྲོ་བོ་ཆེན་པོའི་བྱིན་རླབས་ཀྱིས༔   ཡུད་ཙམ་གྱིས་ནི་འདིར་ཁུག་ལ༔   མངོན་སྤྱོད་ཚུལ་བཞིན་བསྒྲལ་བ་དང་༔   ལུས་ངག་རྡུལ་དུ་བཤིག་ནས་ཀྱང༔   སྡུག་བསྔལ་ཉམས་སུ་མྱོང་བར་མཛོད༔   དངོས་གྲུབ་བར་ཆད་བྱེད་པའི་བགེགས༔   གདུག་ཅིང་སྡང་སེམས་ལྡན་པ་རྣམས༔   ཟུངས་ཤིག་རྒྱོབ་ཅིག་རྣམ་པར་ཅིངས༔   གཏོགས་ཤིག་གྲོགས་དང་བྲལ་བར་གྱིས༔   རིང་པར་ཁུག་ལ་སྨྱོར་ཆུག་ཅིག༔   ཕོབ་ཅིག་རྣམ་པར་གཟིར་བར་གྱིས༔   ང་ཡི་དབང་དུ་གྱུར་ནས་ཀྱང་༔   བསྒོ་བའི་བཀའ་རྣམས་ཉན་པར་གྱིས༔   ཨོཾ་བཛྲ་ཀཱི་ལི་ཀཱི་ལ་ཡ་ཧཱུཾ་སྥ་ར་བཱིདྱ་དགྲ་བགེགས་གནོད་བྱེད་མཱ་ར་ཡ་ཧཱུཾ་ཕཊ༔   {{TibChung|ཅེས་སྙེམས་མའི་ཕུར་བུ་སྲིད་པ་ཆགས་པའི་རྟེན་ལྟེ་བར་གདབ།   སྔགས་ཐོག་མཐའ་དེས་འགྲེས་པར།}}    ཙྪིནྡྷ་ཙྪིནྡྷས་ {{TibChung|སྡེར་མོ་རྣམ་ཤེས་རྟེན་སྙིང་གར་གདབ།}}     བྷིནྡྷ་བྷིནྡྷས་ {{TibChung|དུར་ཁྲོད་མ་དང་གཏུམ་མོ་རྒ་ཤིའི་རྟེན་དཔུང་པ་གཡས་གཡོན་དུ་གདb]}}    གྲྀཧྞ་གྲྀཧྞས་གཏུན་ཁུང་མ་དང་མདའ་སྙེམས་ཕུང་པོ་ཆགས་ཐོགས་རྟེན་དཔྱི་མིག་གཡས་གཡོན་དུ་གདབ།    ཧ་ན་ཧ་ནས་རླུང་འབྱིན་མ་ཉིང་མཚམས་སྦྱོར་བའི་རྟེན་གསང་གནས་སུ་གདབ།    {{TibChung|[28a]}} བྷནྡྷ་བྷནྡྷ་ {{TibChung|གསོད་མ་ཕུང་པོ་བླང་དོར་གྱི་རྟེན་དཔྲལ་བར་གདབ།   གསོད་བྱེད་རྣམས་ཀྱང་རང་རང་གི་གཡོན་དུ་གདབ་བོ།   །དེ་ནས་ཁྲོ་བོ་བཅུའི་ཕུར་བུ་རིག་པའི་གནས་རིམ་ནས་གདབ་སྟེ།    བབ་བརྒྱད་ཀྱི་བསྐུལ་ནས།}}    སྡུག་བསྔལ་ཉམས་སུ་མྱོང་བར་མཛོད༔   {{TibChung|བར་གོང་བཞིན་ལ།}}    ཧཱུཾ༔   རྡོ་རྗེ་གསང་བའི་བཀའ་ལས་ནི།    སྡིག་ཅན་གང་ཞིག་འདའ་བྱེད་པ༔   སྟོབས་ཆེན་ཁྲོ་བོ་ཆེན་པོ་བཅུས༔   ཀླད་པ་ཚལ་པ་བརྒྱ་རུ་ཁོས༔   ཉོན་ཅིག་བགེགས་དང་ལོག་འདྲེན་ཚོགས༔   ང་ཡི་བཀའ་ལས་འདའ་མ་བྱེད༔   ཨོཾ་བཛྲ་ཀཱི་ལི་ཀཱི་ལ་ཡ་ཧ་ན་ཧ་ན་བཛྲ་དགྲ་བགེགས་གནོད་བྱེད་མཱ་ར་ཡ་ཧཱུཾ་ཕཊ༔   {{TibChung|ཅེས་རྣམ་རྒྱལ་ཚེའི་རྟེན་དཔྲལ་བར་གདབ།   དེ་བཞིན་དུ།}}    ད་ཧ་ད་ཧ་བཛྲས་  {{TibChung|དབྱུག་སྔོན་ང་རྒྱལ་རྟེན་དཔུང་པ་གཡོན་གདབ།}}   པ་ཙ་པ་ཙ་བཛྲས་  {{TibChung|གཤིན་རྗེ་གཤེད་གཏི་མུག་རྟེན་ལྟེ་བར་གདབ།}}    མ་ཐ་མ་ཐ་བཛྲས་{{TibChung|མི་གཡོ་བ་ཕྲག་དོག་རྟེན་དཔྱི་གཡོན་དུ་གདབ།}}      ཛྭ་ལ་ཛྭ་ལ་བཛྲས་{{TibChung|རྟ་མགྲིན་འདོད་ཆགས་རྟེན་མགྲིན་པར་གདབ།}}    སུ་རུ་སུ་རུ་བཛྲས་{{TibChung|འདོད་རྒྱལ་སེར་སྣའི་རྟེན་དཔྱི་གཡས་སུ་གདབ།}}    མུ་རུ་མུ་རུ་བཛྲས་  {{TibChung|ཧཱུཾ་ཀཱ་ར་སྒོ་ལྔའི་རྟེན་སྤྱི་བོར་གདབ།}}    ཀ་ཏཾ་ཀ་ཡེས་{{TibChung|སྟོབས་པོ་ཆེ་སྐྱེ་བའི་རྟེན་གསང་བར་གདབ།}}    ཛ་ཡེ་བི་ཛ་ཡེས་  {{TibChung|སུམ་རྒྱལ་ཞེ་སྡང་རྟེན་དཔུང་པ་གཡས་སུ་གདབ།}}   ཨ་ཛི་ཏེ་ཨ་པ་རཱ་ཛི་ཏེ་མ་ར་སེ་ན་པྲ་མརྔྷ་ན་ཡེས་{{TibChung|བདུད་རྩི་ལུས་ཀྱི་རྟེན་སྙིང་གར་གདབ།   ཟ་བྱེད་རྣམས་རང་རང་གི་གཡས་སུ་གདབ་བོ།   །དེ་ནས་ཡུམ་   {{TibChung|[28b]}} ལྷག་མ་གཉིས་ཀྱི་དགེ་སྡིག་ཆ་སྙོམས་ནས་གདབ་སྟེ།    བབ་བརྒྱད་ཀྱི་བསྐུལ་སོགས་གོང་ལྟར་ལ།}}    གདུག་ཅིང་སྡང་སེམས་ལྡན་པ་རྣམས༔   ལྷའམ་འོན་ཏེ་བདུད་ཀྱང་རུང་༔   ང་ལ་བར་ཆད་བྱེད་པའི་བགེགས༔   མཐུ་དང་རྫུ་འཕྲུལ་མེད་པར་བྱོས༔   ཨོྃ་བཛྲ་ཀཱི་ལི་ཀཱི་ལ་ཡ་སརྦ་ཨཱ་ན་ཡ་དགྲ་བགེགས་གནོད་བྱེད་མཱ་ར་ཡ་ཧཱུཾ་ཕཊཿ     {{TibChung|ཅེས་སྒྲ་འབྱིན་མ་མཐོ་རིས་ཀྱི་སྒོ་དགག་ཕྱིར་སྤྱི་བོར་གདབ།   དེ་བཞིན་དུ།}}    ཏ་ཐཱ་ཡ་ཏ་ཐཱ་ཡས་  {{TibChung|སྐྱོད་བྱེད་མ་ངན་འགྲོའི་སྒོ་གཅོད་ཕྱིར་རྐང་མཐིལ་དུ་གདབ།   གསོད་བྱེད་གཉིས་ཀྱང་རང་རང་གི་གཡོན་དུ་གདབ་བོ།   །དེ་ནས་སྲས་མཆོག་གི་ཕུར་བུ་སོགས་ཀྱིས་ཐལ་བྱུང་དུ་གདབ་སྟེ།}}    ཧཱུཾ་ཛ༔   དམ་ཚིག་ཆེན་པོའི་དུས་ལ་བབ༔   ཁྲོ་བོ་ཆེན་པོའི་དུས་ལ་བབ༔   སྲས་མཆོག་ཆེན་པོའི་དུས་ལ་བབ༔   ཁྱེད་ཀྱི་ཕྲིན་ལས་དུས་ལ་བབ༔   ཧཱུཾ༔   ང་ནི་བཛྲ་ཀཱི་ལ་ཡ༔   རྡོ་རྗེ་ཕུར་པ་ལས་ལ་འགྱེད༔   དགྲ་བགེགས་སྙིང་ལ་ཀཱི་ལ་ཡ༔   འཁྲུལ་འཁོར་གཡོ་འཁྲུགས་རྒྱུ་རྐྱེན་སོད༔   ཨོཾ་བུདྡྷ་ཀཱི་ལི་ཀཱི་ལ་ཡ་དགྲ་བགེགས་གནོད་བྱེད་མཱ་ར་ཡ་ཧཱུཾ་ཕཊ༔   {{TibChung|ཅེས་གཏི་མུག་གི་རྟེན་དཔྲལ་བར་གདབ།    དེ་བཞིན་དུ།}}   བཛྲ་ཀཱི་ལ་ཡས་{{TibChung|ཞེ་སྡང་གི་རྟེན་སྙིང་གར་གདབ།}}    རཏྣ་ཀཱི་ལ་ཡས་{{TibChung|ང་རྒྱལ་གྱི་རྟེན་ལྟེ་བར་གདབ།}}    པདྨ་ཀཱི་ལ་ཡས་  {{TibChung|འདོད་ཆགས་ཀྱི་རྟེན་མགྲིན་པར་གདབ།}}    ཀརྨ་ཀཱི་ལ་ཡས་  {{TibChung|ཕྲག་དོག་གི་རྟེན་གསང་བར་གདབ་   {{TibChung|[29a]}} སྤུ་གྲིའི་དྲག་སྔགས་ཀྱིས་སྲས་མཆོག་ཉེར་གཅིག་གི་ཕུར་བུ་རྣམས་གནས་ངེས་མེད་དུ་གདབ།   བཞི་སྙིང་གཅིག་དྲིལ་སྔགས་ཤམ་སྦྱར་བས་དམ་ཅན་བཅུ་གཉིས་ལྷུ་བཅུ་གཉིས་དང་གིང་བཞི་ཉིང་ལག་བཞི་ལ་གདབ།}}    བྷྱོ་  {{TibChung|ཤམ་ཅན་གྱིས་དབང་ཕྱུག་ཉེར་བརྒྱད་བདུན་ཚན་བཞིར་བསྒོས་ཏེ་མཐིལ་བཞི་རྣམས་སུ་གདབ།}}    དགྲ་བགེགས་ཀྱི་སྙིང་ནང་དུ་ངོ་བོ་སྔགས་ལ་རྣམ་པ་སྤུ་གྲིའི་འཁོར་ལོ་རྩིབས་དགུ་པ་འཁོར་བས་ལྔ་ཕུང་རྡུལ་དུ་བརླག་པར་{{TibChung|བསམ་ཞིང་སྤུ་གྲིའི་སྔགས་ཀྱིས་ཐུན་རྫས་སྣ་ཚོགས་པས་བྲབ།}}    སྤྲུལ་པའི་ཁྲོ་ཚོགས་བྲན་དང་བཅས་པ་རྣམས་ཀྱིས་མཚོན་ཆའི་ཆར་ཕབ་པས་དགྲ་བགེགས་ཀྱི་ཤ་རུས་དུམ་བུར་གཏུབ་པར་{{TibChung|བསམ་ལ།}}    ཧཱུཾ༔   བྲན་དང་བཀའ་ཉན་ཕོ་ཉའི་ཚོགས༔   ཁྱེད་ཀྱི་དམ་ཚིག་དུས་ལ་བབ༔   དཀྱིལ་འཁོར་ཆེན་པོའི་བར་ཁྱམས་དང༔   མུ་རན་ཁོར་ཡུག་བཅས་པ་ལ༔   ཞིང་ཆེན་བཀྲམ་པའི་ཁྲི་སྟེང་ན༔   རྔམས་ཤིང་འཇིགས་པ་སྲིན་པོའི་ཚུལ༔   ཟ་བྱེད་ཕོ་ཉ་ལས་ཀྱི་བདག༔   ཤ་ཁྲག་སྲོག་ལ་མངའ་མཛད་ཅིང་༔   དགྲ་དང་བགེགས་ཀྱི་གཉེན་པོ་སྟེ༔   ཤ་ཁྲག་སྲོག་ལ་རྔམས་ཟས་བྱེད༔   ཁྱེད་རྣམས་དཔལ་གྱི་ཕོ་ཉ་སྟེ༔   རྦད་ཅིང་བསྐུལ་བ་ང་ཡིས་བྱེད༔   ཉམས་པའི་དགྲ་བོ་མྱུར་དུ་སྒྲོལ༔   མངོན་སྤྱོད་དྲག་པོའི་ཕྲིན་ལས་མཛོད༔   ཨོཾ་བཛྲ་ {{TibChung|[29b]}} ཀཱི་ལི་ཀཱི་ལ་ཡ་ཧཱུཾ་ཕཊ༔   མ་མ་པཱ་ཤཾ་ཀུ་རུ༔   མ་ཏཾ་ཉ་ན་ཀ་ར་ཨི་དན་དྷ་ཏི༔   མ་མ་ཀརྨ་ཤཱི་གྷྲཾ་ཀཱ་ར་ཡེ་ཧཱུཾ་ཕཊཿ   དགྲ་བགེགས་གནོད་བྱེད་མཱ་ར་ཡ་ཧཱུཾ་ཕཊ༔   {{TibChung|ཅེས་སྒྲོལ་གྲིས་མགོ་བོ་ནས་བརྩམས་ཡན་ལག་ལྔ་གཡོན་སྐོར་དུ་བཅད།   མཐར་ཁོག་པ་ཁ་ཕྱེས་ལ་ཅི་བདེར་གཏུབ་བོ།   དེ་ནས་རྡུལ་དུ་བརླག་པ་དངོས་ལ་དྲུག་གི   །   ཕོ་ཉ་ནི་བབ་བརྒྱད་ཀྱི་བསྐུལ་དང་།   འཕྱོང་ནི།}}    ཡིད་ལ་བརྣག་པའི་དགྲ་བགེགས་འདིའི༔   ལུས་ངག་རྡུལ་ཕྲན་བཞིན་དུ་རློག༔   {{TibChung|སྔགས་ནི།}}    ཨོཾ་བཛྲ་ཀཱི་ལི་ཀཱི་ལ་ཡ་  {{TibChung|ཆེ་གེ་མོ་}} ད་ཧ་ཡ་ད་ཧ་ཡ་ཧཱུཾ་ཕཊ༔   {{TibChung|རྫས་ནི།   རྡོ་རྗེའི་ཐོ་བ་དང་གཏུན་ཁུང་གྲུ་གསུམ་བར་དུ་བརྡུང་།   ཏིང་ངེ་འཛིན་ནི།}}    དཀྱིལ་འཁོར་གསུམ་གྱི་ལྷ་ཚོགས་ཡང་སྤྲུལ་དང་བཅས་པ་དང་ལྷ་བདུད་རྣམ་རོལ་འཁོར་དང་བཅས་པས་རྡོ་རྗེ་རི་རབ་ཀྱི་ཐོ་བ་ཐོགས་ནས་དམིགས་བྱ་རྡུལ་དུ་བརླག་པར་{{TibChung|བསམ།    དམོད་པ་ནི།}}    དགྲ་བགེགས་ཐལ་བའི་རྡུལ་དུ་རློག་ཅིག༔   {{TibChung|ཅེས་བརྗོད།   སླར་ཡང་མཐའ་རྟེན་ཐུན་མིན་མཁའ་གསང་སྦྱོར་བའི་གཏུན་བརྡུང་ནི།}}    བདག་ཉིད་དཔལ་ཆེན་ཁྲོས་པའི་རྡོ་རྗེ་ཐོ་ལུམ་གྱི་རྣམ་པ་ཅན་དང་སྒྲོལ་ཡུམ་ཁྲོས་པའི་པདྨ་གྲུ་གསུམ་མཐིང་ནག་གི་ནང་དུ་དགྲ་བགེགས་ཐམས་ཅད་ཆུད་པ་ལ།   སྦྱོར་བའི་སྒྲ་དྲག་སྔགས་དང་བཅས་ཏེ་གཅར་ཞིང་འཐག་པས་ཕྱེ་མར་བྱས།    བྱང་སེམས་མེ་ལྕེ་ལྟ་བུས་ {{TibChung|[30a]}} དགྲ་བགེགས་ཀྱི་ཉོན་མོངས་པ་ཐམས་ཅད་བསྲེགས།   དབྱིངས་དང་ཡེ་ཤེས་དབྱེར་མེད་བདེ་བ་ཆེན་པོར་བཅོམ་པར་  {{TibChung|བསམ་ཞིང་།}}    ཧཱུཾ༔   རྡུངས་ཤིག་རྡོ་རྗེ་འབར་བའི་གཏུན༔   བཀའ་ལས་འདའ་བྱེད་སྡིག་ཅན་རྣམས༔   རྡོ་རྗེ་མེ་དབལ་སྙིང་བསྲེགས་ནས༔   ལུས་ངག་རྡུལ་ཕྲན་བཞིན་དུ་རློག༔   ཁྲོ་མོ་འབར་བའི་གཏུན་ཁུང་དུ༔   རྡོ་རྗེ་ཐོ་བས་བརྡུངས་བྱས་ན༔   ལྷ་ཡང་རུང་སྟེ་བརླགཔར་གྱུར༔   ཁ་ཏཾ་ཁ་ཏཾ་ཁ་ཏཾ༔   ཧཱུཾ་ཧཱུཾ་ཧཱུཾ༔   ཕཊ་ཕཊ་ཕཊ༔   {{TibChung|ཅེས་བརྡུང་ངོ་།   །དྲུག་པ་ཞལ་དུ་སྟོབ་པ་ལའང་དྲུག་གི   །   ཕོ་ཉ་ནི་བབ་བརྒྱད་ཀྱི་བསྐུལ་དང་།   འཕྱོང་ནི།}}    བཛྲ་ཡ་ཀྴ་ཀྲོ་དྷ་ཁ་ཁ་ཁཱ་ཧི་ཁཱ་ཧི༔   {{TibChung|སྔགས་ནི།}}    ཨོཾ་བཛྲ་ཀཱི་ལི་ཀཱི་ལ་ཡ་  {{TibChung|ཆེ་གེ་མོ་བྷིནྡྷ་ཡ་བྷིནྡྷ་ཡ་}} ཧཱུཾ་ཕཊ༔   {{TibChung|རྫས་ནི།   ཧོམ་གཟར་དུ་སྙིགས་མའི་ཤ་ཁྲག་སྟོབ་ཅིང་།    ཏིང་ངེ་འཛིན་ནི།}}    དཀྱིལ་འཁོར་གསུམ་གྱི་ལྷ་ཚོགས་རྣམས་ཀྱི་ཞལ་དུ་རེ་མ་ཏཱིས་གྲོགས་བྱས་ཤིང་བསྟབས་པས་དགྱེས་པའི་རྐན་སྒྲ་དང་བཅས་པས་རོལ་པར་  {{TibChung|བསམ།    དམོད་པ་ནི།}}     དགྲ་བགེགས་ཀྱི་ཤ་ཁྲག་ལྷག་མ་མེད་པར་རོལ་ཅིག༔   {{TibChung|ཅེས་བརྗོད།   དེ་ནས་སླར་ཡང་ལིང་རོ་རྣམས་བདུད་རྩིར་སྤར་བ་དཔལ་གྱི་གཏོར་མར་སྟོབ་ཅིང་།}}    ཧཱུཾ༔   ཕྱེས་ཤིག་ཁྲོ་རྒྱལ་ཞལ་ཕྱེས་ཤིག༔   གནམ་ས་ཙམ་གྱི་ཞལ་གདོངས་ཤིག༔   གློག་དམར་ལྟ་བུའི་ལྗགས་རྐྱོངས་ཤིག༔   གངས་རི་ལྟ་བུའི་   {{TibChung|[30b]}} མཚེ་གཙིགས་ཤིག༔   ཉི་ཟླ་ལྟ་བུའི་སྤྱན་གྱིས་གཟིགས༔   དགྲ་བགེགས་ལོག་འདྲེན་བསྒྲལ་བའི་ལྔ་ཕུང་འདི༔   མཉམ་ཉིད་ཧོམ་ཁུང་འབར་བའི་ཞལ་དུ་བསྟབ༔   འགགས་མེད་རོལ་པ་ཆེན་པོའི་མགྲིན་པར་བྲུབ༔   ཆོས་ཉིད་ཀ་དག་ལྷུན་འབྱམས་ལྟོ་བར་བསྐྱིལ༔   འགྲོ་འདུལ་རྒྱལ་པོ་སངས་རྒྱས་ཐོབ་པར་ཤོག༔   ཨོཾ་བཛྲ་ཀཱི་ལི་ཀཱི་ལ་ཡ་ས་པ་རི་ཝཱ་ར་མ་ཧཱ་མཱཾ་ས་ལ་ཁཱ་ཧི༔   མ་ཧཱ་རཀྟ་ལ་ཁཱ་ཧི༔   མ་ཧཱ་ཙིཏྟ་ལ་ཁཱ་ཧི༔   མ་ཧཱ་གོ་རོ་ཙ་ན་ལ་ཁཱ་ཧི༔   མ་ཧཱ་བ་སུ་ཏ་ལ་ཁཱ་ཧི༔   མ་ཧཱ་ཀིཾ་ནི་རི་ཏི་ལ་ཁཱ་ཧི༔   ཁ་ཐཾ་ཁ་ཐཾ་ཁ་ཐཾ༔   ཧཱུཾ་ཧཱུཾ་ཧཱུཾ༔   ཕཊ་ཕཊ་ཕཊ༔   བཛྲ་ཡཀྴ་ཀྲོ་དྷ་ཀྲོ་དྷི་ཁཱ་ཧི་ཁཱ་ཧི་ཁཱ་ཧི༔   ཧ་ཧ་ཧ༔   ཧཱུཾ་ཧཱུཾ་ཧཱུཾ༔   ཕཊ་ཕཊ་ཕཊ༔   {{TibChung|ཅེས་དང་།    ལས་ཀྱི་མཐའ་སྡུད་དཔལ་ལྷ་མོའི་ཞལ་དུ་སྟོབ་པའི་དོན་དུ་ལིང་གའི་སྣོད་ཁྲག་ཆང་གིས་བཤལ་བ་དམ་ཅན་གྱི་གཏོར་མར་སྦྲོན་ཅིང་།}}    ཧཱུཾ༔   བདག་ཉིད་ཆེན་མོའི་དུས་ལ་བབ༔   མཐུ་རྩལ་ཕྱུང་བའི་དུས་ལ་བབ༔   ང་ཡི་དབང་དུ་གྱུར་ནས་ཀྱང་༔   བསྒོ་བའི་བཀའ་རྣམས་ཉན་པར་གྱིས༔   ཨོཾ་བཛྲ་ཀཱི་ལི་ཀཱི་ལ་ཡ༔   དགྲ་བགེགས་ལོག་འདྲེན་མཐའ་དམག་དུས་འཁྲུགས་གཡུལ་འགྱེད་མཁན་དང་རྒྱ་འདྲེ་མེ་ཞོན་འབྱུང་པོ་རླུང་ཞོན་རྣམས་ཀྱི་རྣམ་ཤེས་ཚོགས་བརྒྱད་ལ་ཁཱ་ཧི༔   ཁམས་ཆེན་བཅོ་བརྒྱད་ལ་ཁཱ་ཧི༔    {{TibChung|[31a]}} ཕུང་པོ་རྣམ་ལྔ་ལ་ཁཱ་ཧི༔   སྐྱེ་མཆེད་བཅུ་གཉིས་ལ་ཁཱ་ཧི༔   ལྷག་མ་རྗེས་ཤུལ་དང་བཅས་པ་ལ་ཁཱ་ཧི༔   ཧབ་ཧབ་ཧུབ་ཧུབ་མྱོག་མྱོག་ཁ་རཾ་ཁཱ་ཧི༔   {{TibChung|ཞེས་བསྟབས་པས་དཀྱིལ་འཁོར་པ་རྣམས་དགྱེས་བཞིན་རོལ་ཏེ་ཧ་ཧ་ཧ་ཞེས་བཞད།    ཧཱུཾ་ཧཱུཾ་ཧཱུཾ་ཞེས་དངོས་གྲུབ་བསྩལ་ནས་འོད་གསལ་དུ་ཞུ།    ཕཊ་ཕཊ་ཕཊ་ཅེས་དེ་ལས་གསལ་སྟོང་ལྷ་སྐུར་ཤར་བས་དབྱིངས་དང་ཡེ་ཤེས་དབྱེར་མེད་སྤྲོས་བྲལ་མཁའ་ལྟར་དག་པའི་རང་བཞིན་བསྒྲལ་བྱ་སྒྲོལ་བྱེད་བསྒྲལ་བའི་ཕྲིན་ལས་གང་ཡང་མ་གྲུབ་པ་ནི་རང་བྱུང་གི་ཡེ་ཤེས་ཞེས་བྱ་བ་ཆོས་ཉིད་ཀྱི་བདེན་པ་སྟེ་བརྣག་པ་དེ་ཁོ་ན་ཉིད་དོ།   །སྐབས་འདིར་ཚོགས་ལ་རོལ་ཞིང་ལྷག་མ་གཏོང་བ་ལས་བྱང་བཞིན་བྱའོ།   །}} 
{{TibChung|གསུམ་པ་ཟློག་པའི་དཔུང་བསྐྱེད་པའི་ཕྱིར་སླར་ཡང་བསྐུལ་བ་ནི།}}   ཧཱུཾ༔   ཡེ་ཤེས་བླ་མེད་གསང་ཆེན་དཀྱིལ་འཁོར་ནི༔   ཕྲིན་ལས་མངོན་སྤྱོད་རོལ་པའི་སྒྱུ་འཕྲུལ་ལས༔   རབ་འཇིགས་དྲག་པོའི་དཀྱིལ་འཁོར་ལྷུན་གྱིས་གྲུབ༔   སྣང་བས་གར་ཁྱབ་མེ་རི་འབར་བའི་ཞིང་༔   སྲིད་པ་ཐམས་ཅད་རྡོ་རྗེ་ཕུར་པའི་དལ༔   སྒྲ་རུ་གྲགས་པ་དྲག་སྔགས་རང་སྒྲ་ལྡིར༔   ལས་མཁན་ཕོ་ཉ་བཀའ་སྡོད་སྤྲིན་ལྟར་གཏིབས༔   མཚོན་ཐུན་དྲག་པོ་ཐོག་སེར་ལྟ་བུར་འབེབསཿ    བསྐལ་པའི་མེ་རླུང་འཚུབས་མ་རབ་ཏུ་གཡོ༔   དགྲ་དཔུང་མ་ལུས་ཐལ་བའི་རྡུལ་བཞིན་རློག༔   བགེགས་དཔུང་རྗེས་ཤུལ་མེད་པར་གཞོམ་   {{TibChung|[31b]}} པར་བྱེད༔   ཧཱུཾ༔   དྲག་པོ་ལས་ཀྱི་བཤན་ཁང་ཡངས་པའི་ནང༔   ཞིང་བཅུའི་དགྲ་བགེགས་བསྒྲལ་བའི་ཕུང་པོ་བརྡལ༔   གཏི་མུག་ཤ་ཡི་རི་བོ་སྤུངས་སེ་སྤུང་༔   འདོད་ཆགས་ཁྲག་གི་རྒྱ་མཚོ་མེ་རེ་རེ༔   ཞེ་སྡང་རུས་པའི་གྲམ་ཁྲོད་ཉི་ལི་ལི༔   དྲག་པོ་མངོན་སྤྱོད་ལས་ཀྱི་དཔའ་སྐྱེམས་ལགས༔   ཧཱུཾ།    བསྐལ་པའི་མེ་ལྟར་འབར་བའི་ཀློང་དཀྱིལ་ནས༔   །   བདུད་འདུལ་ཁྲོ་བོ་ཆེན་པོའི་སྐུར་སྟོན་པ།   །བརྗོད་མེད་སྤྲོས་བྲལ་ཆོས་ཀྱི་དབྱིངས་ཉིད་ལས།   །དཔལ་ཆེན་རྡོ་རྗེ་གཞོན་ནུ་སྐུ་བཞེངས་ཤིག   །དུག་གསུམ་ཤ་ཁྲག་མཆོད་པ་འདི་བཞེས་ལ།   །མངོན་སྤྱོད་དྲག་པོའི་ཕྲིན་ལས་འགྲུབ་པར་མཛོད།   །མི་གནས་ཡེ་ཤེས་ཐུགས་ཀྱི་དཀྱིལ་འཁོར་ནས།   །སྦྱོར་ཡུམ་འཁོར་ལོ་རྒྱས་འདེབས་སྐུ་བཞེངས་ཤིག   །དུག་གསུམ་ཤ་ཁྲག་མཆོད་པ་འདི་བཞེས་ལ།   །མངོན་སྤྱོད་དྲག་པོའི་ཕྲིན་ལས་འགྲུབ་པར་མཛོད།   །བདེ་ཆེན་ཀུན་བཟང་ཡུམ་གྱི་མཁའ་ཀློང་ནས།   །སྒྲོལ་ཡུམ་ཨེ་ཀ་ཛ་ཊཱི་སྐུ་བཞེངས་ཤིག   །དུག་གསུམ་ཤ་ཁྲག་མཆོད་པ་འདི་བཞེས་ལ།   །མངོན་སྤྱོད་དྲག་པོའི་ཕྲིན་ལས་འགྲུབ་པར་མཛོད།   །འགགས་མེད་ཡེ་ཤེས་རོལ་པའི་སྒྱུ་འཕྲུལ་ལས།   ། {{TibChung|[32a]}} ཁྲོ་རྒྱལ་ཀཱི་ལ་རིགས་ལྔ་སྐུ་བཞེངས་ཤིག   །དུག་གསུམ་ཤ་ཁྲག་མཆོད་པ་འདི་བཞེས་ལ།   །མངོན་སྤྱོད་དྲག་པོའི་ཕྲིན་ལས་འགྲུབ་པར་མཛོད།   །ཡབ་ཡུམ་གཉིས་སུ་མེད་པའི་དཀྱིལ་འཁོར་ནས།   །བདུད་འདུལ་ཁྲོ་བཅུ་ཡབ་ཡུམ་སྐུ་བཞེངས་ཤིག   །དུག་གསུམ་ཤ་ཁྲག་མཆོད་པ་འདི་བཞེས་ལ།   །མངོན་སྤྱོད་དྲག་པོའི་ཕྲིན་ལས་འགྲུབ་པར་མཛོད།   །ཅི་བགྱིའི་ལས་ལ་འདུ་བའི་དཀྱིལ་འཁོར་ནས།   །ཟ་གསོད་མགོ་བརྙན་ཚོགས་རྣམས་སྐུ་བཞེངས་ཤིག   །དུག་གསུམ་ཤ་ཁྲག་མཆོད་པ་འདི་བཞེས་ལ།   །མངོན་སྤྱོད་དྲག་པོའི་ཕྲིན་ལས་འགྲུབ་པར་མཛོད།   །ཕྲིན་ལས་སྐར་ལྟར་འཁྲུགས་པའི་དཀྱིལ་འཁོར་ནས།   །སྲས་མཆོག་ཁྲ་ཐབས་ཉེར་གཅིག་སྐུ་བཞེངས་ཤིག   །དུག་གསུམ་ཤ་ཁྲག་མཆོད་པ་འདི་བཞེས་ལ།   །མངོན་སྤྱོད་དྲག་པོའི་ཕྲིན་ལས་འགྲུབ་པར་མཛོད།   །ཚད་མེད་བཞི་ལྡན་དཀྱིལ་འཁོར་སྒོ་བཞི་ནས།   །ཡེ་ཤེས་སྒོ་སྐྱོང་རྣམ་བཞི་སྐུ་བཞེངས་ཤིག   །དུག་གསུམ་ཤ་ཁྲག་མཆོད་པ་འདི་བཞེས་ལ།   །མངོན་སྤྱོད་དྲག་པོའི་ཕྲིན་ལས་འགྲུབ་པར་མཛོད།   །མ་ལྟར་བྱམས་ཤིང་སྲིངལྟར་གདུང་སེམས་ཅན།   །བསྟན་སྐྱོང་   {{TibChung|[32b]}} ཤྭ་ན་མཆེད་བཞི་སྐུ་བཞེངས་ཤིག   །དུག་གསུམ་ཤ་ཁྲག་མཆོད་པ་འདི་བཞེས་ལ།   །མངོན་སྤྱོད་དྲག་པོའི་ཕྲིན་ལས་འགྲུབ་པར་མཛོད།   །སྤྲུལ་པ་མང་པོ་འབྱུང་བའི་དཀྱིལ་འཁོར་ནས།   །བདག་ཉིད་ཆེན་མོ་མཆེད་བཞི་སྐུ་བཞེངས་ཤིག   །དུག་གསུམ་ཤ་ཁྲག་མཆོད་པ་འདི་བཞེས་ལ།   །མངོན་སྤྱོད་དྲག་པོའི་ཕྲིན་ལས་འགྲུབ་པར་མཛོད།   །མཚོ་བཞི་ཕོ་བྲང་གཏམས་པའི་དཀྱིལ་འཁོར་ནས།   །དམ་ཅན་ས་བདག་མཆེད་བཞི་སྐུ་བཞེངས་ཤིག   །དུག་གསུམ་ཤ་ཁྲག་མཆོད་པ་འདི་བཞེས་ལ།   །མངོན་སྤྱོད་དྲག་པོའི་ཕྲིན་ལས་འགྲུབ་པར་མཛོད།   །ཙིཏྟ་སྒོང་ལྟར་འདྲིལ་བའི་དཀྱིལ་འཁོར་ནས།   །གིང་ཆེན་སྐྱེས་བུ་མཆེད་བཞི་སྐུ་བཞེངས་ཤིག   །དུག་གསུམ་ཤ་ཁྲག་མཆོད་པ་འདི་བཞེས་ལ།   །མངོན་སྤྱོད་དྲག་པོའི་ཕྲིན་ལས་འགྲུབ་པར་མཛོད།   །རཀྟ་མཚོ་ལྟར་བསྐྱིལ་བའི་དཀྱིལ་འཁོར་ནས།   །དབང་ཕྱུག་ཉེར་བརྒྱད་ཚོགས་རྣམས་སྐུ་བཞེངས་ཤིག   །དུག་གསུམ་ཤ་ཁྲག་མཆོད་པ་འདི་བཞེས་ལ།   །མངོན་སྤྱོད་དྲག་པོའི་ཕྲིན་ལས་འགྲུབ་པར་མཛོད།   །གངྒཱའི་རྡུལ་ལྟར་སྤུངས་པའི་དཀྱིལ་འཁོར་ནས།   །མ་བདུན་སྲིང་བཞི་ལ་སོགས་ལྷག་ {{TibChung|[33a]}} མའི་གནས།   །ལངྐ་དུར་ཁྲོད་མཁའ་འགྲོ་སུམ་ཅུ་གཉིས།   །འབུམ་ཕྲག་ཡངས་པའི་ཚོགས་རྣམས་སྐུ་བཞེངས་ཤིག   །དུག་གསུམ་ཤ་ཁྲག་མཆོད་པ་འདི་བཞེས་ལ།   །མངོན་སྤྱོད་དྲག་པོའི་ཕྲིན་ལས་འགྲུབ་པར་མཛོད།   །{{TibChung|ཅེས་བསྐུལ་ཞིང་ཚིག་མཚམས་སོ་སོར་ལིང་རོ་སྦྱར་བའི་ཁྲག་སྐྱེམས་གཏོར་མ་རྣམས་ལ་དམིགས་ཕྱེད་པར་བསྟབ་བོ།   །བཞི་པ་ཟློག་ལས་འཆོལ་བ་ལ།    རྩ་བ།   ཡན་ལག   །ཟབ་པའི་མདེའུ་ཁ་སྦྱར་བ་དང་གསུམ་གྱི།    དང་པོ་རྩ་བའི་དཀྱིལ་འཁོར་བ་ལ་ཟློག་པའི་ཕྲིན་ལས་བཅོལ་བ་ནི།}}    ཧཱུཾ༔   གཞོམ་བྲལ་དོན་གྱི་འོག་མིན་ཆེན་པོའི་ཞིང་༔   གྲུ་གསུམ་མཐིང་ནག་འབར་བའི་དཀྱིལ་འཁོར་དུ༔   སྐྱེ་འགགས་འགྱུར་མེད་གདོད་མའི་ཡེ་གདངས་ལས༔   རང་བྱུང་ལྷུན་གྲུབ་རྡོ་རྗེ་གཞོན་ནུར་ཤར༔   མཐིང་ནག་ཞལ་གསུམ་ཕྱག་དྲུག་ཞབས་བཞི་བསྒྲད༔   གཡས་ཞལ་རབ་དཀར་གྱེན་ལ་གཟིགས་པ་ཡིས༔   ལྷ་ཡི་གདོན་ཚོགས་སྡང་བའི་དགྲ་ལ་ཟློག༔   གཡོན་ཞལ་དམར་ནག་ཐུར་དུ་གཟིགས་པ་ཡིས༔   ས་བདག་ཀླུ་གཉན་གདོན་ཚོགས་དགྲ་ལ་ཟློག༔   དབུས་ཞལ་མཐིང་ནག་ཕྱོགས་བཅུར་གཟིགས་པ་ཡིས༔   ཕྱོགས་སྐྱོང་སྡེ་བརྒྱད་གདོན་ཚོགས་དགྲ་ལ་ཟློག༔   དབུ་སྐྲ་དམར་སེར་སྲིད་རྩེར་འབར་བ་ཡིས༔   སྣང་སྲིད་ {{TibChung|[33b]}} གཡོ་འཁྲུགས་སྡང་བའི་དགྲ་ལ་ཟློག༔   ཕྱག་གཡས་རྡོ་རྗེ་རྩེ་དགུ་བསྣམས་པ་ཡིས༔   ཆོས་ཀྱི་བདེན་པ་སྡང་བའི་དགྲ་ལ་ཟློག༔   བར་པས་རྡོ་རྗེ་རྩེ་ལྔ་བསྣམས་པ་ཡིས༔   ཉོན་མོངས་དུག་ལྔ་སྡང་བའི་དགྲ་ལ་ཟློག༔   གཡོན་གྱི་དང་པོས་མེ་དཔུང་བསྣམས་པ་ཡིས༔   སྒྲིབ་གཉིས་བག་ཆགས་སྡང་བའི་དགྲ་ལ་ཟློག༔   བར་པས་ཁ་ཊྭཱཾ་རྩེ་གསུམ་བསྣམས་པ་ཡིས༔   དུག་གསུམ་གཡོ་འཁྲུགས་སྡང་བའི་དགྲ་ལ་ཟློག༔   ཐ་གཉིས་རི་རབ་ཕུར་བུ་འདྲིལ་བ་ཡིས༔   ཁམས་གསུམ་འཁྲུལ་འཁོར་སྡང་བའི་དགྲ་ལ་ཟློག༔   ཞབས་བཞི་གྱད་ཀྱི་འདོར་སྟབས་བསྒྲད་པ་ཡིས༔   བདུད་དང་རཱུ་དྲ་སྡང་བའི་དགྲ་ལ་ཟློག༔   རྡོ་རྗེའི་གཤོག་པས་བར་སྣང་ཁེངས་པ་ཡིས༔   གཟའ་དང་རྒྱུ་སྐར་དམག་དཔུང་དགྲ་ལ་ཟློག༔   དུར་ཁྲོད་ཆས་བརྒྱད་སྐུ་ལ་རྫོགས་པ་ཡིས༔   དཔའ་བོ་མཁའ་འགྲོའི་བཀའ་ཆད་དགྲ་ལ་ཟློག༔   སྦྱོར་བའི་ཡུམ་ཆེན་འཁོར་ལོ་རྒྱས་འདེབས་མས༔   འཁོར་འདས་ཡོངས་ཀྱི་རྒོལ་ངན་དགྲ་ལ་ཟློག༔   སྒྲོལ་བའི་ཡུམ་ཆེན་ཨེ་ཀ་ཛ་ཊཱི་མས༔   སྲིད་པ་མ་མོའི་འཁྲུགས་རྒོལ་དགྲ་ལ་ཟློག༔   ཧཱུཾ༔   དབུས་ཕྱོགས་དཔལ་ཆེན་བུདྡྷ་ཀཱི་ལ་ཡ༔   བཞེངས་ཤིག་ཐུགས་དམ་ {{TibChung|[34a]}} གཉན་པོའི་དུས་ལ་བབ༔   དམ་ཉམས་དགྲ་བགེགས་གཟུགས་ཀྱི་ཕུང་པོ་རོལ༔   དབུས་ཀྱི་དགྲ་བགེགས་ཟློག་ཅིག་དགྲ་ལ་བསྒྱུར༔   ཤར་ཕྱོགས་དཔལ་ཆེན་བཛྲ་ཀཱི་ལ་ཡ༔   བཞེངས་ཤིག་ཐུགས་དམ་གཉན་པོའི་དུས་ལ་བབ༔   དམ་ཉམས་དགྲ་བགེགས་རྣམ་ཤེས་ཕུང་པོ་རོལ༔   ཤར་གྱི་དགྲ་བགེགས་ཟློག་ཅིག་དགྲ་ལ་བསྒྱུར༔   ལྷོ་ཕྱོགས་དཔལ་ཆེན་རཏྣ་ཀཱི་ལ་ཡ༔   བཞེངས་ཤིག་ཐུགས་དམ་གཉན་པོའི་དུས་ལ་བབ༔   དམ་ཉམས་དགྲ་བགེགས་ཚོར་བའི་ཕུང་པོ་རོལ༔   ལྷོ་ཡི་དགྲ་བགེགས་ཟློག་ཅིག་དགྲ་ལ་བསྒྱུར༔   ནུབ་ཕྱོགས་དཔལ་ཆེན་པདྨ་ཀཱི་ལ་ཡ༔   བཞེངས་ཤིག་ཐུགས་དམ་གཉན་པོའི་དུས་ལ་བབ༔   དམ་ཉམས་དགྲ་བགེགས་འདུ་ཤེས་ཕུང་པོ་རོལ༔   ནུབ་ཀྱི་དགྲ་བགེགས་ཟློག་ཅིག་དགྲ་ལ་བསྒྱུར༔   བྱང་ཕྱོགས་དཔལ་ཆེན་ཀརྨ་ཀཱི་ལ་ཡ༔   བཞེངས་ཤིག་ཐུགས་དམ་གཉན་པོའི་དུས་ལ་བབ༔   དམ་ཉམས་དགྲ་བགེགས་འདུ་བྱེད་ཕུང་པོ་རོལ༔   བྱང་གི་དགྲ་བགེགས་ཟློག་ཅིག་དགྲ་ལ་བསྒྱུར༔   ཧཱུཾ༔   སྟེང་ཕྱོགས་ཁྲོ་བོའི་རྒྱལ་པོ་ཧཱུཾ་ཀ་ར༔   བཞེངས་ཤིག་ཐུགས་དམ་གཉན་པོའི་དུས་ལ་བབ༔   དམ་ཉམས་དགྲ་ {{TibChung|[34b]}} བགེགས་ཤ་ཁྲག་འདི་རོལ་ལ༔   ལྷ་ཡི་གདོན་ཚོགས་སྡང་བའི་དགྲ་ལ་ཟློག༔   ཤར་ཕྱོགས་ཁྲོ་བོ་ཆེན་པོ་རྣམ་པར་རྒྱལ༔   བཞེངས་ཤིག་ཐུགས་དམ་གཉན་པོའི་དུས་ལ་བབ༔   དམ་ཉམས་དགྲ་བགེགས་ཤ་ཁྲག་འདི་རོལ་ལ༔   དྲི་ཟའི་གདོན་ཚོགས་སྡང་བའི་དགྲ་ལ་ཟློག༔   ཤར་ལྷོ་ཁྲོ་བོ་ཆེན་པོ་དབྱུག་སྔོན་ཅན༔   བཞེངས་ཤིག་ཐུགས་དམ་གཉན་པོའི་དུས་ལ་བབ༔   དམ་ཉམས་དགྲ་བགེགས་ཤ་ཁྲག་འདི་རོལ་ལ༔   མེ་ལྷའི་གདོན་ཚོགས་སྡང་བའི་དགྲ་ལ་ཟློག༔   ལྷོ་ཕྱོགས་ཁྲོ་བོ་ཆེན་པོ་གཤིན་རྗེ་གཤེད༔   བཞེངས་ཤིག་ཐུགས་དམ་གཉན་པོའི་དུས་ལ་བབ༔   དམ་ཉམས་དགྲ་བགེགས་ཤ་ཁྲག་འདི་རོལ་ལ༔   གཤིན་རྗེའི་གདོན་ཚོགས་སྡང་བའི་དགྲ་ལ་ཟློག༔   ལྷོ་ནུབ་ཁྲོ་བོ་ཆེན་པོ་མི་གཡོ་མགོན༔   བཞེངས་ཤིག་ཐུགས་དམ་གཉེན་པོའི་དུས་ལ་བབ༔   དམ་ཉམས་དགྲ་བགེགས་ཤ་ཁྲག་འདི་རོལ་ལ༔   སྲིན་པོའི་གདོན་ཚོགས་སྡངབའི་དགྲ་ལ་ཟློག༔   ནུབ་ཕྱོགས་ཁྲོ་བོ་ཆེན་པོ་རྟ་མགྲིན་རྒྱལ༔   བཞེངས་ཤིག་ཐུགས་དམ་གཉེན་པོའི་དུས་ལ་བབ༔   དམ་ཉམས་དགྲ་བགེགས་ཤ་ཁྲག་འདི་རོལ་ལ༔   ཆུ་ལྷའི་གདོན་  {{TibChung|[35a]}} ཚོགས་སྡང་བའི་དགྲ་ལ་ཟློག༔   ནུབ་བྱང་ཁྲོ་བོ་ཆེན་པོ་འདོད་པའི་རྒྱལ༔   བཞེངས་ཤིག་ཐུགས་དམ་གཉན་པོའི་དུས་ལ་བབ༔   དམ་ཉམས་དགྲ་བགེགས་ཤ་ཁྲག་འདི་རོལ་ལ༔   རླུང་ལྷའི་གདོན་ཚོགས་སྡང་བའི་དགྲ་ལ་ཟློག༔   བྱང་ཕྱོགས་ཁྲོ་བོ་ཆེན་པོ་བདུད་རྩི་འཁྱིལ༔   བཞེངས་ཤིག་ཐུགས་དམ་གཉན་པོའི་དུས་ལ་བབ༔   དམ་ཉམས་དགྲ་བགེགས་ཤ་ཁྲག་འདི་རོལ་ལ༔   གནོད་སྦྱིན་གདོན་ཚོགས་སྡང་བའི་དགྲ་ལ་ཟློག༔   བྱང་ཤར་ཁྲོ་བོ་ཁམས་གསུམ་རྣམ་པར་རྒྱལ༔   བཞེངས་ཤིག་ཐུགས་དམ་གཉན་པོའི་དུས་ལ་བབ༔   དམ་ཉམས་དགྲ་བགེགས་ཤ་ཁྲག་འདི་རོལ་ལ༔   དབང་ལྡན་གདོན་ཚོགས་སྡང་བའི་དགྲ་ལ་ཟློག༔   འོག་ཕྱོགས་ཁྲོ་བོ་ཆེན་པོ་སྟོབས་པོ་ཆེ༔   བཞེངས་ཤིག་ཐུགས་དམ་གཉན་པོའི་དུས་ལ་བབ༔   དམ་ཉམས་དགྲ་བགེགས་ཤ་ཁྲག་འདི་རོལ་ལ༔   ས་བདག་ཀླུ་གཉན་གདོན་ཚོགས་དགྲ་ལ་ཟློག༔   ཧཱུཾ༔   རྡོ་རྗེ་སྒྲ་འབྱིན་དགྲ་བགེགས་ཀླད་ཁྲག་རོལ༔   སྟེང་གི་ཕྱོགས་ཀྱི་དགྲ་བགེགས་བསྒྲལ་ཞིང་ཟློག༔   རྡོ་རྗེ་སྙེམས་མས་དགྲ་བགེགས་ཀླད་ཁྲག་རོལ༔   ཤར་གྱི་ཕྱོགས་ཀྱི་དགྲ་བགེགས་བསྒྲལ་ཞིང་ཟློག༔    {{TibChung|[35b]}} རྡོ་རྗེ་སྡེར་མོས་དགྲ་བགེགས་ཀླད་ཁྲག་རོལ༔   ཤར་ལྷོ་མཚམས་ཀྱི་དགྲ་བགེགས་བསྒྲལ་ཞིང་ཟློག༔   དུར་ཁྲོད་བདག་མོས་དགྲ་བགེགས་ཀླད་ཁྲག་རོལ༔   ལྷོ་ཡི་ཕྱོགས་ཀྱི་དགྲ་བགེགས་བསྒྲལ་ཞིང་ཟློག༔   རྡོ་རྗེ་གཏུན་ཁུང་དགྲ་བགེགས་ཀླད་ཁྲག་རོལ༔   ལྷོ་ནུབ་མཚམས་ཀྱི་དགྲ་བགེགས་བསྒལ་ཞིང་ཟློག༔   རྡོ་རྗེ་གཏུམ་མོས་དགྲ་བགེགས་ཀླད་ཁྲག་རོལ༔   ནུབ་ཀྱི་ཕྱོགས་ཀྱི་དགྲ་བགེགས་བསྒྲལ་ཞིང་ཟློག༔   རྡོ་རྗེ་མདའ་སྙེམས་དགྲ་བགེགས་ཀླད་ཁྲག་རོལ༔   ནུབ་བྱང་མཚམས་ཀྱི་དགྲ་བགེགས་བསྒྲལ་ཞིང་ཟློག༔   རྡོ་རྗེ་རླུང་འབྱིན་དགྲ་བགེགས་ཀླད་ཁྲག་རོལ༔   བྱང་གི་ཕྱོགས་ཀྱི་དགྲ་བགེགས་བསྒྲལ་ཞིང་ཟློག༔   རྡོ་རྗེ་གསོད་བྱེད་དགྲ་བགེགས་ཀླད་ཁྲག་རོལ༔   བྱང་ཤར་མཚམས་ཀྱི་དགྲ་བགེགས་བསྒྲལ་ཞིང་ཟློག༔   རྡོ་རྗེ་བསྐུལ་བྱེད་དགྲ་བགེགས་ཀླད་ཁྲག་རོལ༔   འོག་གི་ཕྱོགས་ཀྱི་དགྲ་བགེགས་བསྒྲལ་ཞིང་ཟློག༔   ཛཿསྟེང་གི་ཟ་བྱེད་ཆེན་པོའི་དུས་ལ་བབ༔   རྡོ་རྗེ་ཕག་གདོང་ཀླད་ཁྲག་ཐིགས་ནས་རྒྱུག༔   མ་ངེས་ལས་ཀྱི་མཚོན་ཐུན་འཕྲུལ་འཁོར་གྱིས༔   སྟེང་ཕྱོགས་དགྲ་བགེགས་བསྒྲལ་ཏེ་ཟ་ཞིང་ཟློག༔   ཤར་ {{TibChung|[36a]}} གྱི་ཟ་བྱེད་ཆེན་པོའི་དུས་ལ་བབ༔   སྟག་གདོང་དཀར་པོས་མི་རོ་ཐོགས་ནས་རྒྱུག༔   མ་ངེས་ལས་ཀྱི་མཚོན་ཐུན་འཕྲུལ་འཁོར་གྱིས༔   ཤར་ཕྱོགས་དགྲ་བགེགས་བསྒྲལ་ཏེ་ཟ་ཞིང་ཟློག༔   ཤར་ལྷོའི་ཟ་བྱེད་ཆེན་པོའི་དུས་ལ་བབ༔   གཡག་གདོང་སྔོན་པོས་རྒྱུ་མ་ཐོགས་ནས་རྒྱུག༔   མ་ངེས་ལས་ཀྱི་མཚོན་ཐུན་འཕྲུལ་འཁོར་གྱིས༔   ཤར་ལྷོའི་དགྲ་བགེགས་བསྒྲལ་ཏེ་ཟ་ཞིང་ཟློག༔   ལྷོ་ཡི་ཟ་བྱེད་ཆེན་པོའི་དུས་ལ་བབ༔   ཤ་གདོང་སེར་ནག་ཞིང་ཆེན་ཐོགས་ནས་རྒྱུག༔   མ་ངེས་ལས་ཀྱི་མཚོན་ཐུན་འཕྲུལ་འཁོར་གྱིས༔   ལྷོ་ཕྱོགས་དགྲ་བགེགས་བསྒྲལ་ཏེ་ཟ་ཞིང་ཟློག༔   ལྷོ་ནུབ་ཟ་བྱེད་ཆེན་པོའི་དུས་ལ་བབ༔   གཟིག་གདོང་དམར་སྐྱ་ཙིཏྟ་ཐོགས་ནས་རྒྱུག༔   མ་ངེས་ལས་ཀྱི་མཚོན་ཐུན་འཕྲུལ་འཁོར་གྱིས༔   ལྷོ་ནུབ་དགྲ་བགེགས་བསྒྲལ་ཏེ་ཟ་ཞིང་ཟློག༔   ནུབ་ཕྱོགས་ཟ་བྱེད་ཆེན་པོའི་དུས་ལ་བབ༔   དམར་ནག་བྱི་ལའི་གདོང་ཅན་ཀླད་ཁྲག་ཐོགས༔   མ་ངེས་ལས་ཀྱི་མཚོན་ཐུན་འཕྲུལ་འཁོར་གྱིས༔   ནུབ་ཕྱོགས་དགྲ་བགེགས་བསྒྲལ་ཏེ་ཟ་ཞིང་ཟློག༔   ནུབ་བྱང་ཟ་བྱེད་ཆེན་པོའི་དུས་ལ་བབ༔   སྤྱང་ {{TibChung|[36b]}} གདོང་དམར་སེར་ཤ་ཆེན་ཐོགས་ནས་རྒྱུག༔   མ་ངེས་ལས་ཀྱི་མཚོན་ཐུན་འཕྲུལ་འཁོར་གྱིས༔   ནུབ་བྱང་དགྲ་བགེགས་བསྒྲལ་ཏེ་ཟ་ཞིང་ཟློག༔   བྱང་ཕྱོགས་ཟ་བྱེད་ཆེན་པོའི་དུས་ལ་བབ༔   སེང་གདོང་ལྗང་ནག་མི་རོ་ཐོགས་ནས་རྒྱུག༔   མ་ངེས་ལས་ཀྱི་མཚོན་ཐུན་འཕྲུལ་འཁོར་གྱིས༔   བྱང་ཕྱོགས་དགྲ་བགེགས་བསྒྲལ་ཏེ་ཟ་ཞིང་ཟློག༔   བྱང་ཤར་ཟ་བྱེད་ཆེན་པོའི་དུས་ལ་བབ༔   སྲེ་གདོང་སེར་ནག་གློ་སྙིང་ཐོགས་ནས་རྒྱུག༔   མ་ངེས་ལས་ཀྱི་མཚོན་ཐུན་འཕྲུལ་འཁོར་གྱིས༔   བྱང་ཤར་དགྲ་བགེགས་བསྒྲལ་ཏེ་ཟ་ཞིང་ཟློག༔   འོག་གི་ཟ་བྱེད་ཆེན་པོའི་དུས་ལ་བབ༔   དྲེད་གདོང་ནག་པོ་ཡན་ལག་ཐོགས་ནས་རྒྱུག༔   མ་ངེས་ལས་ཀྱི་མཚོན་ཐུན་འཕྲུལ་འཁོར་གྱིས༔   འོག་ཕྱོགས་དགྲ་བགེགས་བསྒྲལ་ཏེ་ཟ་ཞིང་ཟློག༔   བྷྱོ༔   གསོད་བྱེད་སྨིག་བུའི་མགོ་ཅན་མཁའ་ལ་སྤྱོད༔   སྟེང་གི་དགྲ་བགེགས་གནོད་བྱེད་གསོད་ཅིང་ཟློག༔   གསོད་བྱེད་བྱ་རྒོད་མགོ་ཅན་བརྟུལ་ཞུགས་ལྡན༔   ཤར་གྱི་དགྲ་བགེགས་གནོད་བྱེད་གསོད་ཅིང་ཟློག༔   གསོད་བྱེད་བྱ་རོག་མགོ་ཅན་རིག་པའི་རྒྱལ༔   ཤར་ལྷོའི་དགྲ་བགེགས་གནོད་བྱེད་གསོད་ཅིང་ཟློག༔   གསོད་བྱེད་འུག་པའི་མགོ་ {{TibChung|[37a]}} ཅན་ཤེས་རབ་ཅན༔   ལྷོ་ཡི་དགྲ་བགེགས་གནོད་བྱེད་གསོད་ཅིང་ཟློག༔   གསོད་བྱེད་ཁྭ་ཏའི་མགོ་ཅན་སྒྲིབ་ཤིང་ཅན༔   ལྷོ་ནུབ་དགྲ་བགེགས་གནོད་བྱེད་གསོད་ཅིང་ཟློག༔   གསོད་བྱེད་པུ་ཤུད་མགོ་ཅན་མིག་རྩི་ཅན༔   ནུབ་ཀྱི་དགྲ་བགེགས་གནོད་བྱེད་གསོད་ཅིང་ཟློག༔   གསོད་བྱེད་ཁྲ་ཡི་མགོ་ཅན་མྱུར་མགྱོགས་ལྡན༔   ནུབ་བྱང་དགྲ་བགེགས་གནོད་བྱེད་གསོད་ཅིང་ཟློག༔   གསོད་བྱེད་ཕ་ཝཾ་མགོ་ཅན་ཐབས་ལ་མཁས༔   བྱང་གི་དགྲ་བགེགས་གནོད་བྱེད་གསོད་ཅིང་ཟློག༔   གསོད་བྱེད་སྲེ་མོང་མགོ་ཅན་རྩལ་ཤུགས་ལྡན༔   བྱང་ཤར་དགྲ་བགེགས་གནོད་བྱེད་གསོད་ཅིང་ཟློག༔   གསོད་བྱེད་བྱི་བའི་མགོ་ཅན་ལས་ལ་དབང༔   འོག་གི་དགྲ་བགེགས་གནོད་བྱེད་གསོད་ཅིང་ཟློག༔   བྷྱོ༔   ཡེ་ཤེས་ཁྲོ་བོ་ཡབ་ཡུམ་ཕྲིན་ལས་གར༔   ཟ་གསོད་ལས་ཀྱི་ཕྲ་མེན་ཁྱེད་རྣམས་ཀྱིས༔   དགྲ་བགེགས་གདུག་པའི་ཤ་ཁྲག་སྲོག་དབུགས་རོལ༔   ཕྲིན་ལས་དྲག་པོས་བཟློག་བསྒྱུར་ལས་མཛོད་ཅིག༔   ཧཱུཾ༔   དཔལ་ཆེན་ཆེ་མཆོག་རྡོ་རྗེ་གཞོན་ནུ་ཡི༔   གསང་གསུམ་སྒྱུ་འཕྲུལ་གར་གྱི་རྣམ་རོལ་ལས༔   གཡས་སུ་སྐུ་ཡི་ཁྲ་ཐབས་ཆེན་པོ་ {{TibChung|[37b]}} བདུན༔   ཕྲིན་ལས་དུས་ལ་བབ་བོ་དབྱིངས་ནས་བཞེངས༔   དགྲ་བགེགས་ཤ་ཁྲག་གཏོར་མ་འདི་བཞེས་ལ༔   ཕོ་གདོན་རྒྱལ་འགོང་མ་ལུས་དགྲ་ལ་ཟློག༔   གཡོན་དུ་གསུང་གི་ཁྲ་ཐབས་ཆེན་པོ་བདུན༔   ཕྲིན་ལས་དུས་ལ་བབ་བོ་དབྱིངས་ན་བཞེངས༔   དགྲ་བགེགས་ཤ་ཁྲག་གཏོར་མ་འདི་བཞེས་ལ༔   མོ་གདོན་བསེན་མོ་མ་ལུས་དགྲ་ལ་ཟློག༔   མདུན་དུ་ཐུགས་ཀྱི་ཁྲ་ཐབས་ཆེན་པོ་བདུན༔   ཕྲིན་ལས་དུས་ལ་བབ་བོ་དབྱིངས་ནས་བཞེངས༔   དགྲ་བགེགས་ཤ་ཁྲག་གཏོར་མ་འདི་བཞེས་ལ༔   ཀླུ་གདོན་ས་བདག་མ་ལུས་དགྲ་ལ་ཟློག༔   ཛཿ   ཞི་མཛད་ཤར་གྱི་སྒོ་མ་ལྕགས་ཀྱུ་མ༔   འགུགས་འདྲེན་ལས་ཀྱི་ཕོ་ཉ་ཆེན་མོ་བཞེངས༔   ཞེ་སྡང་དགྲ་བགེགས་ཤ་ཁྲག་སྲོག་དབུགས་རོལ༔   ཕྲིན་ལས་ཤར་སྒོའི་མཐའ་དམག་དམ་སྲི་ཟློག༔   ཧཱུཾ༔   རྒྱས་མཛད་ལྷོ་ཡི་སྒོ་མ་ཞགས་པ་མ༔   འཛིན་འཆིང་ལས་ཀྱི་ཕོ་ཉ་ཆེན་མོ་བཞེངས༔   ང་རྒྱལ་དགྲ་བགེགས་ཤ་ཁྲག་སྲོག་དབུགས་རོལ༔   ཕྲིན་ལས་ལྷོ་སྒོའི་མཐའ་དམག་དམ་སྲི་ཟློག༔   བཾ༔   དབང་སྡུད་ནུབ་ཀྱི་སྒོ་མ་ལྕགས་སྒྲོག་མ༔   སྡོམ་བྱེད་ལས་ཀྱི་ཕོ་ཉ་ཆེན་མོ་བཞེངས༔   འདོད་ཆགས་དགྲ་བགེགས་ཤ་ {{TibChung|[38a]}} ཁྲག་སྲོག་དབུགས་རོལ༔   ཕྲིན་ལས་ནུབ་སྒོའི་མཐའ་དམག་དམ་སྲི་ཟློག༔   ཧོཿ    མངོན་སྤྲོད་ལས་མཛད་བྱང་སྒོ་དྲིལ་བུ་མ༔   འབེབས་ཤིང་གསོད་གཅོད་ཕོ་ཉ་ཆེན་མོ་བཞེངས༔   ཕྲག་དོག་དགྲ་བགེགས་ཤ་ཁྲག་སྲོག་དབུགས་རོལ༔   ཕྲིན་ལས་བྱང་སྒོའི་མཐའ་དམག་དམ་སྲི་ཟློག༔   བྷྱོ༔   བར་ཁྱམས་གནམ་ལྕགས་འཁོར་ལོའི་རྩིབས་དབུས་ན༔   གཏུམ་མོ་ཤྭ་ན་མཆེད་བཞི་མཐུ་རྩལ་ཅན༔   དོ་ནུབ་ཁྱོད་ལ་བཟློག་པའི་ལས་བཅོལ་གྱི༔   དགྲ་བགེགས་ཤ་ཁྲག་གཏོར་མ་འདི་བཞེས་ལ༔   ཕྲིན་ལས་རྣམ་བཞིའི་མཐུ་དང་རྩལ་ཤུགས་ཕྱུང་༔   སྡང་དགྲ་ལྟ་ལོག་ནག་ཕྱོགས་བདུད་དཔུང་ཟློག༔   བར་ཁྱམས་གནམ་ལྕགས་འཁོར་ལོའི་རྩིབས་སྟོད་ན༔   བདག་ཉིད་ཆེན་མོ་མཆེད་བཞི་མཐུ་རྩལ་ཅན༔   དོ་ནུབ་ཁྱོད་ལ་བཟློག་པའི་ལས་བཅོལ་གྱི༔   དགྲ་བགེགས་ཤ་ཁྲག་གཏོར་མ་འདི་བཞེས་ལ༔   ཕྲིན་ལས་རྣམ་བཞིའི་མཐུ་དང་རྩལ་ཤུགས་ཕྱུང་༔   སྡང་དགྲ་ལྟ་ལོག་ནག་ཕྱོགས་བདུད་དཔུང་ཟློག༔   བར་ཁྱམས་གནམ་ལྕགས་འཁོར་ལོའི་རྩིབས་སྨད་ན༔   ས་བདག་ཆེན་མོ་མཆེད་བཞི་མཐུ་རྩལ་ཅན༔   དོ་ནུབ་ཁྱོད་ལ་བཟློག་པའི་ལས་བཅོལ་གྱི༔   དགྲ་ {{TibChung|[38b]}} བགེགས་ཤ་ཁྲག་གཏོར་མ་འདི་བཞེས་ལ༔   ཕྲིན་ལས་རྣམ་བཞིའི་མཐུ་དང་རྩལ་ཤུགས་ཕྱུང་༔   སྡང་དགྲ་ལྟ་ལོག་ནག་ཕྱོགས་བདུད་དཔུང་ཟློག༔   ཕོ་བྲང་ཆེན་པོའི་ཕྱི་ཡི་སྒོ་བཞི་ན༔   སྒྲོལ་གིང་སྐྱེས་བུ་མཆེད་བཞི་མཐུ་རྩལ་ཅན༔   དོ་ནུབ་ཁྱོད་ལ་བཟློག་པའི་ལས་བཅོལ་གྱི༔   དགྲ་བགེགས་ཤ་ཁྲག་གཏོར་མ་འདི་བཞེས་ལ༔   ཕྲིན་ལས་རྣམ་བཞིའི་མཐུ་དང་རྩལ་ཤུགས་ཕྱུང་༔   སྒོ་བཞིའི་ལྟ་ལོག་ནག་ཕྱོགས་བདུད་དཔུང་ཟློག༔   བྷྱོ༔   དཀྱིལ་འཁོར་ཆེན་པོའི་མུ་རན་ཁོར་ཡུག་ཡུ༔   དབང་ཕྱུག་ཉེར་བརྒྱད་མ་སྲིང་ལངྐའི་ཚོགས༔   དུར་ཁྲོད་མཁའ་འགྲོ་མཐུ་དང་རྫུ་འཕྲུལ་ཅན༔   དོ་ནུབ་ཁྱོད་ལ་བཟློག་པའི་ལས་བཅོལ་གྱི༔   དགྲ་བགེས་ཤ་ཁྲག་གཏོར་མ་འདི་བཞེས་ལ༔   ཕྲིན་ལས་རྣམ་བཞིའི་མཐུ་དང་རྩལ་ཤུགས་ཕྱུང་༔   སྡང་དགྲ་ལྟ་ལོག་ནག་ཕྱོགས་བདུད་དཔུང་ཟློག༔   བྷྱོ༔   དཀོན་མཆོག་རིན་ཆེན་གསུམ་གྱི་བདེན་པ་དང་༔   ཆོས་ཉིད་རྣམ་དག་རྟེན་འབྲེལ་བསླུ་མེད་ཀྱི༔   བདེན་པའི་སྟོབས་དང་དཀྱིལ་འཁོར་ལྷ་ཚོགས་མཐུས༔   སྔོན་ལས་འཕྲལ་རྐྱེན་ངན་པ་དགྲ་ལ་ཟློག༔   བཞི་བརྒྱ་རྩ་བཞིའི་ནད་རྣམས་དགྲ་ལ་ཟློག༔   སྟོང་ཕྲག་བརྒྱད་ཅུའི་བགེགས་ {{TibChung|[39a]}} རྣམས་དགྲ་ལ་ཟློག༔   མཐུ་གཏད་ཧོམ་ཟོར་རྦོད་གཏོང་དགྲ་ལ་ཟློག༔   མུ་སྟེགས་ཀླ་ཀློའི་རིག་སྔགས་དགྲ་ལ་ཟློག༔   འཇིགས་ཆེན་བརྒྱད་དང་བཅུ་དྲུག་དགྲ་ལ་ཟློག༔   ཆོས་སྲིད་ནོར་གྱི་བར་ཆད་དགྲ་ལ་ཟློག༔   ཀེག་བདུད་གཤེད་གསུམ་བབས་པ་དགྲ་ལ་ཟློག༔   སྲི་དང་གྲི་ཁ་མཚོན་དབལ་དགྲ་ལ་ཟློག༔   ཐན་ལྟས་མཚན་མ་ངན་པ་དགྲ་ལ་ཟློག༔   མོ་རྩིས་རྨི་ལྟས་ངན་པ་དགྲ་ལ་ཟློག༔   ལྷ་དང་སྲུང་མའི་བཀའ་ཆད་དགྲ་ལ་ཟློག༔   སྡེ་བརྒྱད་ཡོངས་ཀྱི་རྒོལ་ངན་དགྲ་ལ་ཟློག༔   ཟ་འདྲེ་ཕུང་སྲི་ཐམས་ཅད་དགྲ་ལ་ཟློག༔   དགྲ་ཇག་ཆོམ་རྐུན་རྒོལ་ངན་དགྲ་ལ་ཟློག༔   དུས་ངན་ཡོ་ལང་འཁྲུག་རྩོད་དགྲ་ལ་ཟློག༔   ནད་མཚོན་མུ་གེའི་བསྐལ་ངན་དགྲ་ལ་ཟློག༔   ས་དང་ལམ་གྱི་བར་ཆད་དགྲ་ལ་ཟློག༔   མི་མཐུན་ཕྱོགས་རྣམས་མ་ལུས་དགྲ་ལ་ཟློག༔   {{TibChung|ཅེས་དང་།   གཞན་ཡང་།}}    ཧཱུཾ༔   མ་ཧཱ་དེ་ཝ་ལྷ་ཡི་གདོན༔   སྒེག་པའི་སྟོབས་ཀྱིས་བཟློག་ཏུ་གསོལ༔   འཆི་བདག་ནག་པོ་གཤིན་རྗེའི་གདོན༔   དཔའ་བའི་སྟོབས་ཀྱིས་བཟློག་ཏུ་གསོལ༔   ཁྲམ་ཐོགས་ནད་བདག་མ་མོའི་གདོན༔   མི་སྡུག་སྟོབས་ཀྱིས་བཟློག་ཏུ་གསོལ༔   ནག་པོ་བཀྲག་མེད་བདུད་ཀྱི་གདོན༔    {{TibChung|[39b]}} རྒོད་པའི་སྟོབས་ཀྱིས་བཟློག་ཏུ་གསོལ༔   གང་བ་བཟང་པོ་གནོད་སྦྱིན་གདོན༔   གཤེ་བའི་སྟོབས་ཀྱིས་བཟློག་ཏུ་གསོལ༔   ཁྱབ་འཇུག་སྒྲ་གཅན་གཟའ་ཡི་གདོན༔   འཇིགས་པའི་སྟོབས་ཀྱིས་བཟློག་ཏུ་གསོལ༔   ལི་བྱིན་ཧ་ར་འགོང་པོའི་གདོན༔   སྙིང་རྗེའི་སྟོབས་ཀྱིས་བཟློག་ཏུ་གསོལ༔   ཡམ་ཤུད་དམར་པོ་བཙན་གྱི་གདོན༔   རྔམས་པའི་སྟོབས་ཀྱིས་བཟློག་ཏུ་གསོལ༔   དགའ་བོ་འཇོག་པོ་ཀླུ་ཡི་གདོན།   ཞི་བའི་སྟོབས་ཀྱིས་བཟློག་ཏུ་གསོལ༔   ནད་མུག་དུག་མཚོན་ལུས་ཀྱི་གདོན༔   སྐུ་ཡི་སྟོབས་ཀྱིས་བཟློག་ཏུ་གོལ༔   མི་ཁ་དམོད་ཚིག་ངག་གི་གདོན༔   གསུང་གི་སྟོབས་ཀྱིས་བཟློག་ཏུ་གསོལ༔   ཉོན་མོངས་གཟུང་འཛིན་སེམས་ཀྱི་གདོན༔   ཐུགས་ཀྱི་སྟོབས་ཀྱིས་བཟློག་ཏུ་གསོལ༔   མི་མཐུན་ལྟས་ངན་ཆོ་འཕྲུལ་ཀུན༔   མཐུ་སྟོབས་རྩལ་གྱིས་བཟློག་ཏུ་གསོལ༔   བྷྱོ༔   གཞན་ཡང་བཟློག་ཅིང་བསྒྱུར་བ་ནི༔   རྣལ་འབྱོར་བདག་ཅག་འཁོར་བཅས་ལ༔   གནོད་ཅིང་བར་དུ་གཅོད་པ་ཡི༔   ལྟས་ངན་བརྒྱད་ཅུ་རྩ་གཅིག་ཟློག༔   ཡེ་འདྲོག་སུམ་བརྒྱ་དྲུག་ཅུ་ཟློག༔   དུས་མིན་འཆི་དང་འཇིགས་བརྒྱད་ཟློག༔   གློ་བུར་བདུན་བརྒྱ་ཉི་ཤུ་ཟློག༔   བགེགས་ {{TibChung|[40a]}} རིགས་སྟོང་ཕྲག་བརྒྱད་ཅུ་ཟློག༔   གདོན་རིགས་ཉི་ཁྲི་ཆིག་སྟོང་ཟློག༔   ཀེག་ཆེན་སུམ་བརྒྱ་དྲུག་ཅུ་ཟློག༔   ལྷ་ཆེན་དྲག་པོའི་གདུག་རྩུབ་ཟློག༔   ལྷ་མ་ཡིན་གྱི་རྒྱུ་ཐབས་ཟློག༔   མགོན་པོས་པར་བུ་བསྐོར་བ་ཟློག༔   གཤིན་རྗེའི་འཕྲུལ་འཁོར་བཅས་པ་ཟློག༔   དྲང་སྲོང་བྲམ་ཟེའི་དམོད་པ་ཟློག༔   གཟའ་ཡི་ཀིང་ཀང་འཕེན་པ་ཟློག༔   བཙན་ནད་གཟེར་ཁ་གཏོང་བ་ཟློག༔   ས་བདག་ཀླུ་ཡི་མཛེ་ནད་ཟློག༔   བནྡྷེས་འབུམ་སྐོར་བྱེད་པ་ཟློག༔   སྔགས་པས་སྔགས་ཟོར་འཕེན་པ་ཟློག༔   བོན་གྱིས་ཛོ་དམར་འཕེན་པ་ཟློག༔   མུ་སྟེགས་ངན་སྔགས་བྱེད་པ་ཟློག༔   བྱད་ཕུར་རྦོད་གཏོང་ཟུག་པ་ཟློག༔   མནན་གཏད་བསྲེགས་འཕང་བྱས་པ་ཟློག༔   མོ་རྩིས་རྨི་ལྟས་མཚན་ངན་ཟློག༔   སྔ་ཞགས་མདའ་ལྟར་འཕེན་པ་ཟློག༔   ཕྱི་ཞགས་གྲུ་གུར་འཐུལ་བ་ཟློག༔   མི་མཐུན་གནོད་པའི་ཕྱོགས་ཀུན་ཟློག༔   ཧཱུཾ༔   སྔོན་ཚེ་རྒྱལ་བ་ཤཱཀ་ཐུབ་ཀྱིས༔   བསམ་གཏན་བདུད་རྩི་བརྟེན་པའི་ཚེ༔   གཡོན་ཅན་བདུད་ཀྱི་བར་ཆད་བྱུང་༔   དེ་ཚེ་ཁྱོད་སྦྲན་བདུད་ཚོགས་བཏུལ༔   ཟབ་ཞི་སྤྲོས་བྲལ་མངོན་དུ་བརྙེས༔   དེ་འོག་རྒྱ་གར་ཆོས་ཀྱི་གླིང་༔   མུ་སྟེགས་ནག་པོས་དབང་བྱས་ཚེ༔    {{TibChung|[40b]}} སློབ་དཔོན་པྲ་བྷ་ཧསྟི་ཡིས༔   ཁྱོད་སྦྲན་མུ་སྟེགས་ཕམ་པར་བྱས༔   སངས་རྒྱས་བསྟན་པའི་རྒྱལ་རྔ་བརྡུངས༔   དེ་འོག་བལ་ཡུལ་ཡང་ལེ་ཤོད༔   སློབ་དཔོན་པདྨ་ཐོད་ཕྲེང་གིས༔   ཡང་དག་ཕྱག་རྒྱ་ཆེ་བསྒྲུབ་ཚེ༔   བར་དུ་གཅོད་པ་སྣ་ཚོགས་བྱུང་༔   ཁྱོད་བསྒྲུབས་མཆོག་གི་དངོས་གྲུབ་བརྙེས༔   དེ་འོག་བོད་ཡུལ་མུན་པའི་གླིང་༔   བཙད་པོ་ཁྲི་སྲོང་ལྡེའུ་བཙན་གྱིས༔   ཆོས་འཁོར་ཆེན་པོ་བཞེངས་པའི་ཚེ༔   ལྷ་འདྲེ་གདུག་པས་བར་དུ་བཅད༔   སྔགས་འཆང་པདྨ་འབྱུང་གནས་ཀྱིས༔   ཁྱོད་བསྐུལ་མངའ་བདག་བཞེད་པ་འགྲུབ༔   ད་ལྟ་རིག་འཛིན་བདག་ཅག་རྣམས༔   བདེ་ཆེན་བྱང་ཆུབ་བསྒྲུབ་པ་ལ༔   གཉིས་འཛིན་ལོག་འདྲེན་དགྲ་བགེགས་དང་༔   ཆགས་སྒོ་རྐྱེན་ངན་བར་ཅད་ཚོགས༔   ཕ་རོལ་བྱད་ཕུར་རྦོད་གཏོང་སོགས༔   མི་མཐུན་གནོད་པའི་ཕྱོགས་ཐམས་ཅད༔   བཟློག་བསྒྱུར་ཞི་བའི་ལས་བཅོལ་ན༔   སྔོན་གྱི་ཐུགས་དམ་མ་གཡེལ་བར༔   ཁྲག་འཐུང་འབར་བའི་ལྷ་ཚོགས་ཀྱིས༔   ཐུགས་རྗེ་མཐུ་དཔུང་ཆེར་བསྐྱེད་ལ༔   བར་དུ་གཅོད་པ་མ་ལུས་པ༔   བཟློག་ཅིང་བསྒྱུར་བའི་ཕྲིན་ལས་མཛོད༔   {{TibChung|ཅེས་བཟློག་པའི་ཕྲིན་ལས་བསྐུལ་ལོ།   །གཉིས་པ་ཡན་ལག་གི་ལས་ལ།   རྩང་ཟློག་དང་།   ཁྱུང་ཟློག་གཉིས་ {{TibChung|[41a]}} ཀྱི།    དང་པོ་རྩང་ཟློག་ནི།}}    ཧཱུཾ༔   དྲག་པོ་གནམ་ལྕགས་འཁོར་ལོའི་སྟེང་༔   ཤ་ཁྲག་དམར་ཆེན་གཏོར་མ་བཤམས༔   མཐའ་མར་རྩང་གི་ར་བས་བསྐོར༔   དྲག་པོ་སྔགས་ཀྱི་ནུས་སྟོབས་ཀྱིས༔   མཚོན་ཐུན་སྣ་ཚོགས་ཚྭ་ཚྭ་འཕྲོ༔   དགྲ་བགེགས་ཐམས་ཅད་བརླག་པར་བྱེད༔   ཧཱུཾ་བྷྱོ༔   སྔོན་གྱི་བསྐལ་པའི་དང་པོ་ལ༔   རྩུབ་འགྱུར་ཚལ་གྱི་དུར་ཁྲོད་དུ༔   གདུག་པའི་སྐྱེར་ཚེར་ཕུང་གཅིག་སྐྱེས༔   རྩ་བ་ཀླུ་ཡི་ཡུལ་དུ་ཟུག༔   ཡལ་ག་འདོད་ཁམས་གནས་ན་གྱེས༔   འབྲས་བུ་གཟུགས་ཀྱི་ཁམས་སུ་སྨིན༔   རྩེ་མོ་གཟུགས་མེད་ཁམས་སུ་སླེབས༔   བཅོམ་ལྡན་སྤྱི་དཔལ་ཆེན་པོ་ཡི༔   སྤྲུལ་པ་ལས་ཀྱི་ཕོ་ཉ་ལྔས༔   གཅོད་བྱེད་འཕྲུལ་གྱི་ཟོར་བས་བརྔས༔   མགོ་མཇུག་གྲུ་གསུམ་ཚུལ་དུ་བཟོས༔   སྐེད་པ་རྒྱ་མདུད་གྲུ་བཞི་བྱས༔   བདག་ལྟའི་རཱུ་དྲ་བསྒྲལ་བའི་ཕྱིར༔   བདག་མེད་ཆེན་པོའི་རྒྱ་ཡིས་བཏབ༔   སྐུ་གསུམ་རྒྱལ་བས་དབང་ཡང་བསྐུར༔   ཡེ་ཤེས་ལྔ་ཡིས་ངར་བླུད་དེ༔   ཞིང་བཅུ་བསྒྲལ་བའི་མཚོན་དུ་བསྔགས༔   རྩང་གི་རྒྱུ་བྱུང་དེ་ནས་བྱུང་༔   དེ་བཞིན་རྩང་ལ་བྱིན་ཆེན་ཕོབ༔   བྷྱོ༔   གདུག་པའི་རྩང་ཕུར་རྩེ་མོ་གཉིས་དང་ལྡན༔   ཡར་ {{TibChung|[41b]}} གྱི་རྩེ་ལ་ལྕགས་ཀྱི་ཕོ་རོག་ལྡིང་༔   མར་གྱི་རྩེ་ལ་དུག་སྦྲུལ་ནག་པོ་འཁྱིལ༔   སྐེད་པ་རྒྱ་མདུད་གཡག་ནག་ངུར་ཞིང་འགྱིང་༔   དགྲ་བགེགས་གདུག་པའི་སྙིང་ལ་ད་ཐོབ་ཅིག༔   བྷྱོ༔   གདུག་པའི་རྩང་ཕུར་རྩེ་མོ་གཉིས་དང་ལྡན༔   ཡར་གྱི་རྩེ་ལ་མཁའ་འགྲོས་གར་སྟབས་བྱེད༔   མར་གྱི་རྩེ་ལ་ཐན་གྱི་ཕོ་ཉ་འགྱེད༔   སྐེད་པ་རྒྱ་མདུད་བསྐལ་པའི་རླུང་དམར་འཚུབས༔   དགྲ་བགེགས་གདུག་པའི་སྙིང་ལ་ད་ཐོབ་ཅིག༔   བྷྱོ༔   གདུག་པའི་རྩང་ཕུར་རྩེ་མོ་གཉིས་དང་ལྡན༔   ཡར་གྱི་རྩེ་ལ་ལྕགས་འབྲུག་དཀར་པོ་རྒྱུ༔   མར་གྱི་རྩེ་ལ་རོ་ཡི་གྲམ་པ་བརྡལ༔   སྐེད་པ་རྒྱ་མདུད་ཐོག་སེར་བུ་ཡུག་འཚུབས༔   དགྲ་བགེགས་གདུག་པའི་སྙིང་ལ་ད་ཐོབ་ཅིག༔   བྷྱོ༔   གདུག་པའི་རྩང་ཕུར་རྩེ་མོ་གཉིས་དང་ལྡན༔   ཡར་གྱི་རྩེ་ལ་སེང་གེས་རལ་པ་བསིག༔   མར་གྱི་རྩེ་ལ་ལྕགས་ཀྱི་སྦལ་པ་འཕྱོ༔   སྐེད་པ་རྒྱ་མདུད་དུང་གི་བྱི་བ་མཁུན༔   དགྲ་བགེགས་གདུག་པའི་སྙིང་ལ་ད་ཐོབ་ཅིག༔   བྷྱོ༔   གདུག་པའི་རྩང་ཕུར་རྩེ་མོ་གཉིས་དང་ལྡན༔   ཡར་གྱི་རྩེ་ལ་གསེར་གྱི་སྦྲང་ཆུང་རྩེ༔   མར་གྱི་རྩེ་ལ་ལྕགས་སྡིག་ནག་པོ་འགྱེད༔   སྐེད་པ་རྒྱ་མདུད་བསྐལ་པའི་མེ་དཔུང་འབར༔   དགྲ་བགེགས་གདུག་ {{TibChung|[42a]}} པའི་སྙིང་ལ་ད་ཐོབ་ཅིག༔   བྷྱོ༔   གདུག་པའི་རྩང་ཕུར་རྩེ་མོ་གཉིས་དང་ལྡན༔   ཡར་གྱི་རྩེ་ལ་དཔའ་བོས་མཚོན་ཆ་གདེངས༔   མར་གྱི་རྩེ་ལ་མཚོན་ཆའི་ཚྭ་ཚྭ་འཕྲོ༔   སྐེད་པ་རྒྱ་མདུད་ཐུན་གྱི་ཆར་པ་འབེབས༔   དགྲ་བགེགས་གདུག་པའི་སྙིང་ལ་ད་ཐོབ་ཅིག༔   བྷྱོ༔   གདུག་པའི་རྩང་ཕུར་རྩེ་མོ་གཉིས་དང་ལྡན༔   ཡར་གྱི་རྩེ་ལ་སྡེ་བརྒྱ་དམག་དཔུང་འཁྲུགས༔   མར་གྱི་རྩེ་ལ་ས་བདག་ཀྭི་བསྭོ་སྒྲོགས༔   སྐེད་པ་རྒྱ་མདུད་གློག་ཞགས་འཁྱུག་ཅིང་འཁྱིལ༔   དགྲ་བགེགས་གདུག་པའི་སྙིང་ལ་ད་ཐོབ་ཅིག༔   བྷྱོ༔   གདུག་པའི་རྩང་ཕུར་རྩེ་མོ་གཉིས་དང་ལྡན༔   ཡར་གྱི་རྩེ་ལ་གསེར་གྱི་འུག་པ་རྒོད༔   མར་གྱི་རྩེ་ལ་གཟིག་མོའི་སོ་སྒྲ་འདོན༔   སྐེད་པ་རྒྱ་མདུད་ཐན་གྱི་སྤྲུལ་པ་འགྱེད༔   དགྲ་བགེགས་གདུག་པའི་སྙིང་ལ་ད་ཐོབ་ཅིག༔   བྷྱོ༔   གདུག་པའི་རྩང་ཕུར་རྩེ་མོ་གཉིས་དང་ལྡན༔   ཡར་གྱི་རྩེ་ལ་མཚན་རྒྱུའི་བྱ་མ་ལྡིང་༔   མར་གྱི་རྩེ་ལ་ཟངས་ཀྱི་འཕར་བ་མཁུན༔   སྐེད་པ་རྒྱ་མདུད་བཙན་གྱི་ཕོ་ཉ་འགྱེད༔   དགྲ་བགེགས་གདུག་པའི་སྙིང་ལ་ད་ཐོབ་ཅིག༔   བྷྱོ༔   གདུག་པའི་རྩང་ཕུར་རྩེ་མོ་གཉིས་དང་ལྡན༔   ཡར་གྱི་རྩེ་ལ་པུ་ཤུད་ཁྲ་མོ་ལྡིང་༔   མར་གྱི་རྩེ་ལ་དོམ་དང་ {{TibChung|[42b]}} དྲེད་མོ་འཐབ༔   སྐེད་པ་རྒྱ་མདུད་ནད་ཀྱི་ན་བུན་འཁྲུགས༔   དགྲ་བགེགས་གདུག་པའི་སྙིང་ལ་ད་ཐོབ་ཅིག༔   བྷྱོ༔   གདུག་པའི་རྩང་ཕུར་རྩེ་མོ་གཉིས་དང་ལྡན༔   ཡར་གྱི་རྩེ་ལ་མེ་ཁྱུང་དམར་པོ་ལྡིང་༔   མར་གྱི་རྩེ་ལ་སྟག་གཡག་འཛིང་འཐབ་བྱེད༔   སྐེད་པ་རྒྱ་མདུད་ཕུར་པའི་ཚྭ་ཚྭ་འཕྲོ༔   དགྲ་བགེགས་གདུག་པའི་སྙིང་ལ་ད་ཐོབ་ཅིག༔   བྷྱོ༔   གདུག་པའི་རྩང་ཕུར་རྩེ་མོ་གཉིས་དང་ལྡན༔   ཡར་གྱི་རྩེ་མོར་བྱ་རྒོད་རོ་ལ་ལྡིང་༔   མར་གྱི་རྩེ་ལ་ཆུ་སྲིན་གདུག་པ་རྔམས༔   སྐེད་པ་རྒྱ་མདུད་ཡུངས་ཐུན་སེར་ལྟར་འབེབས༔   དགྲ་བགེགས་གདུག་པའི་སྙིང་ལ་ད་ཐོབ་ཅིག༔   བྷྱོ༔   གདུག་པའི་རྩང་ཕུར་རྩཕེ་མོ་གཉིས་དང་ལྡན༔   ཡར་གྱི་རྩེ་ལ་ཁྭ་ཏ་ནག་པོ་ལྡིང་༔   མར་གྱི་རྩེ་ལ་འདྲེ་སྲིན་གདུག་པ་རྒྱུ༔   སྐེད་པ་རྒྱ་མདུད་ཁྲག་གི་ཆར་པ་འབེབས༔   དགྲ་བགེགས་གདུག་པའི་སྙིང་ལ་ད་ཐོབ་ཅིག༔   བྷྱོ༔   གདུག་པའི་རྩང་ཕུར་རྩེ་མོ་གཉིས་དང་ལྡན༔   ཡར་གྱི་རྩེ་ལ་སྲིན་བྱའི་འཇོལ་སྟབས་བྱེད༔   མར་གྱི་རྩེ་ལ་སྡོམ་ནག་ཚང་ཁ་འཁྲུགས༔   སྐེད་པ་རྒྱ་མདུད་དུག་གི་རླངས་པ་འཕྱོ༔   དགྲ་བགེགས་གདུག་པའི་སྙིང་ལ་ད་ཐོབ་ཅིག༔   བྷྱོ༔   གདུག་པའི་རྩང་ཕུར་རྩེ་མོ་གཉིས་ {{TibChung|[43a]}} དང་ལྡན༔   ཡར་གྱི་རྩེ་ལ་རྨ་བྱའི་གཤོག་གུར་ཕུབ༔   མར་གྱི་རྩེ་ལ་བདུད་ཀྱི་བཤའ་ཁང་བྱེད༔   སྐེད་པ་རྒྱ་མདུད་མདའ་ཐུན་བུ་ཡུག་འཚུབས༔   དགྲ་བགེགས་གདུག་པའི་སྙིང་ལ་ད་ཐོབ་ཅིག༔   བྷྱོ༔   གདུག་པའི་རྩང་ཕུར་རྩེ་མོ་གཉིས་དང་ལྡན༔   ཡར་གྱི་རྩེ་ལ་ལྕགས་ཀྱི་བྱ་ཁྱུང་ལྡིང་༔   མར་གྱི་རྩེ་ལ་དུར་ཁྲོད་ལྕེ་སྤྱང་འདུ༔   སྐེད་པ་རྒྱ་མདུད་གནམ་ལྕགས་གྲི་ཐུན་འབེབས༔   དགྲ་བགེགས་གདུག་པའི་སྙིང་ལ་ད་ཐོབ་ཅིག༔   བྷྱོ༔   གདུག་པའི་རྩང་ཕུར་རྩེ་མོ་གཉིས་དང་ལྡན༔   ཡར་གྱི་རྩེ་ལ་གླག་མོས་གཤོག་འཛིང་བྱེད༔   མར་གྱི་རྩེ་ལ་ཟངས་ཀྱི་གླ་བ་འཕྱོ༔   སྐེད་པ་རྒྱ་མདུད་ལྕགས་ཀྱི་སེར་བ་འབེབས༔   དགྲ་བགེགས་གདུག་པའི་སྙིང་ལ་ད་ཐོབ་ཅིག༔   བྷྱོ༔   གདུག་པའི་རྩང་ཕུར་རྩེ་མོ་གཉིས་དང་ལྡན༔   ཡར་གྱི་རྩེ་ལ་གཡུ་ཡི་ནེ་ཙོ་ལྡིང་༔   མར་གྱི་རྩེ་ལ་གཟའ་དང་སྐར་མདའ་འཁྲུགས༔   སྐེད་པ་རྒྱ་མདུད་རྡོ་རྗེའི་ཚྭ་ཚྭ་འཕྲོ༔   དགྲ་བགེགས་གདུག་པའི་སྙིང་ལ་ད་ཐོབ་ཅིག༔   བྷྱོ༔   གདུག་པའི་རྩང་ཕུར་རྩེ་མོ་གཉིས་དང་ལྡན༔   ཡར་གྱི་རྩེ་ལ་དངུལ་གྱི་ཕུག་རོན་མཁུན༔   མར་གྱི་རྩེ་ལ་རྔ་མོང་མགོ་དགུ་འགྱིང་༔   སྐེད་པ་རྒྱ་མདུད་ཕོ་ཉ་ {{TibChung|[43b]}} མཚོན་ཐོགས་འགྱེད༔   དགྲ་བགེགས་གདུག་པའི་སྙིང་ལ་ད་ཐོབ་ཅིག༔   བྷྱོ༔   གདུག་པའི་རྩང་ཕུར་རྩེ་མོ་གཉིས་དང་ལྡན༔   ཡར་གྱི་རྩེ་ལ་དུར་བྱ་ཀངྐ་ལྡིང་༔   མར་གྱི་རྩེ་ལ་ལྕགས་ཀྱི་ཏེ་ལོ་འགྱེད༔   སྐེད་པ་རྒྱ་མདུད་རྡོ་ཕྱེའི་ཆར་པ་བསྙིལ༔   དགྲ་བགེགས་གདུག་པའི་སྙིང་ལ་ད་ཐོབ་ཅིག༔   བྷྱོ༔   གདུག་པའི་རྩང་ཕུར་རྩེ་མོ་གཉིས་དང་ལྡན༔   ཡར་གྱི་རྩེ་ལ་དུང་བྱ་གོང་མོ་ལྡིང་༔   མར་གྱི་རྩེ་ལ་སྤྲེའུས་གར་སྟབས་བསྒྱུར༔   སྐེད་པ་རྒྱ་མདུད་ན་བུན་སྔོ་དམར་འཁྲིགས༔   དགྲ་བགེགས་གདུག་པའི་སྙིང་ལ་ད་ཐོབ་ཅིག༔   བྷྱོ༔   གདུག་པའི་རྩང་ཕུར་རྩེ་མོ་གཉིས་དང་ལྡན༔   ཡར་གྱི་རྩེ་ལ་གོ་བོས་གཤོག་འཛིང་བྱེད༔   མར་གྱི་རྩེ་ལ་ཐེའུ་རང་བླ་རྐུན་འགྱེད༔   སྐེད་པ་རྒྱ་མདུད་མཚོན་ཆའི་འཁོར་ལོ་འཁོར༔   དགྲ་བགེགས་གདུག་པའི་སྙིང་ལ་ད་ཐོབ་ཅིག༔   བྷྱོ༔   གདུག་པའི་རྩང་ཕུར་རྩེ་མོ་གཉིས་དང་ལྡན༔   ཡར་གྱི་རྩེ་ལ་བྱ་རོག་འུག་པ་འཐབ༔   མར་གྱི་རྩེ་ལ་རོ་ལངས་གད་མོ་སྒྲོགས༔   སྐེད་པ་རྒྱ་མདུད་མ་མོའི་ཚང་ཁ་འཁྲུགས༔   དགྲ་བགེགས་གདུག་པའི་སྙིང་ལ་ད་ཐོབ་ཅིག༔   བྷྱོ༔   གདུག་པའི་རྩང་ཕུར་རྩེ་མོ་གཉིས་དང་ལྡན༔   ཡར་གྱི་རྩེ་ལ་འབྲུག་དང་སེང་གེ་འཐབ༔    {{TibChung|[44a]}} མར་གྱི་རྩེ་ལ་དམག་གི་བསྭོ་སྒྲ་སྒྲོགས༔   སྐེད་པ་རྒྱ་མདུད་གྲིབ་ཀྱི་ཡོ་ལང་འགྱེད༔   དགྲ་བགེགས་གདུག་པའི་སྙིང་ལ་ད་ཐོབ་ཅིག༔   བྷྱོ༔   གདུག་པའི་རྩང་ཕུར་རྩེ་མོ་གཉིས་དང་ལྡན༔   ཡར་གྱི་རྩེ་ལ་སྟག་དང་སྤྲེའུ་འཐབ༔   མར་གྱི་རྩེ་ལ་སྲིན་མོ་རོ་ཁུར་འགྱེད༔   སྐེད་པ་རྒྱ་མདུད་གནམ་ལྕགས་ཕུར་པ་འཕྲོ༔   དགྲ་བགེགས་གདུག་པའི་སྙིང་ལ་ད་ཐོབ་ཅིག༔   བྷྱོ༔   གདུག་པའི་རྩང་ཕུར་རྩེ་མོ་གཉིས་དང་ལྡན༔   ཡར་གྱི་རྩེ་ལ་གནོད་སྦྱིན་ཕོ་མོ་འགྱེད༔   མར་གྱི་རྩེ་ལ་ཤ་བ་རུ་འཛིང་བྱེད༔   སྐེད་པ་རྒྱ་མདུད་སྤུ་གྲི་འབར་བ་འཕྲོ༔   དགྲ་བགེགས་གདུག་པའི་སྙིང་ལ་ད་ཐོབ་ཅིག༔   བྷྱོ༔   གདུག་པའི་རྩང་ཕུར་རྩེ་མོ་གཉིས་དང་ལྡན༔   ཡར་གྱི་རྩེ་ལ་སྲོག་བདག་རྒྱལ་པོ་འཕྲོ༔   མར་གྱི་རྩེ་ལ་ཀེང་རུས་ཆོ་སྒྲ་འདོན༔   སྐེད་པ་རྒྱ་མདུད་མ་བདུད་རོ་ལ་ཉུལ༔   དགྲ་བགེགས་གདུག་པའི་སྙིང་ལ་ད་ཐོབ་ཅིག༔   བྷྱོ༔   གདུག་པའི་རྩང་ཕུར་རྩེ་མོ་གཉིས་དང་ལྡན༔   ཡར་གྱི་རྩེ་ལ་སྲིན་པོ་མཚོན་ཐོགས་འགྱེད༔   མར་གྱི་རྩེ་ལ་གཤིན་རྗེའི་བཤའ་ཁང་བྱེད༔   སྐེད་པ་རྒྱ་མདུད་སྲོག་གཅོད་ཡོ་ལང་འཚུབས༔   དགྲ་བགེགས་གདུག་པའི་སྙིང་ལ་ད་ཐོབ་ཅིག༔    {{TibChung|[44b]}} བྷྱོ༔   དྲག་པོ་གདུག་པའི་རྩང་ཕུར་བརྒྱ་རྩ་བརྒྱད༔   དུག་ཁྲག་དུད་སོལ་ནག་པོའི་རྫས་ཀྱིས་བྱུགས༔   མི་སྲུན་རཱུ་དྲ་ནག་པོའི་རྒྱུ་མས་སྦྲེལ༔   རྩེ་མོར་སྣ་ཚོགས་སྙིང་དང་ཤ་ཡིས་བརྒྱན༔   རྩ་བར་ཤ་ཟན་སྲོག་ཆགས་ཁྲག་མཚོ་འཁྱིལ༔   རྩང་ལ་བྷྱོ་ཡིག་ཉི་ཤུ་རྩ་བརྒྱད་བྲིས༔   མ་ཏྲཾ་ལུས་ལ་སྲིན་མོའི་འགྲོས་སུ་བཙུག༔   དབང་ཕྱུག་ཉི་ཤུ་རྩ་བརྒྱད་ངོ་བོ་ལ༔   ཕོ་ཉ་ཟ་གསོད་སྣ་ཚོགས་ལས་ལ་འགྱེད༔   ནད་མཚོན་དུག་དང་རིམས་ཀྱི་ཡོ་ལང་འཚུབས༔   དགྲ་བགེགས་གདུག་པའི་སྙིང་ལ་ད་ཐོབ་ཅིག༔   བྱད་མ་གདུག་པའི་སྙིང་ལ་ད་ཐོབ་ཅིག༔   ཟ་བའི་འདྲེ་ཡི་སྙིང་ལ་ད་ཐོབ་ཅིག༔   ཕུང་གཤེད་སྲི་བདུད་སྙིང་ལ་ད་ཐོབ་ཅིག༔   བཞི་བརྒྱ་རྩ་བཞིའི་ནད་རྣམས་རྩང་གིས་ཟློག༔   སྟོང་ཕྲག་བརྒྱད་ཅུའི་བགེགས་དཔུང་རྩང་གིས་ཟློག༔   བྱད་ཁ་ཕུར་ཁ་ཟོར་ཁ་རྩང་གིས་ཟློག༔   མོ་རྩིས་རྨི་ངན་ལྟས་ངན་རྩང་གིས་ཟློག༔   དུས་ཀྱི་ཡོ་ལང་ངན་པ་རྩང་གིས་ཟློག༔   སྟེང་ནས་ཐོག་སེར་འབེབས་པ་རྩང་གིས་ཟློག༔   བར་ནས་སྡེ་བརྒྱད་གཡོས་པ་རྩང་གིས་ཟློག༔   འོག་ནས་ཀླུ་གཉན་ནད་རྣམས་རྩང་གིས་ཟློག༔   སྣང་སྲིད་ལྷ་འདྲེའི་རྒོལ་ངན་རྩང་གིས་ཟློག༔   མདོར་ན་སྔོན་ལས་འཕྲལ་རྐྱེན་ངན་པ་ {{TibChung|[45a]}} ལས༔   བྱུང་བའི་མི་མཐུན་མི་འདོད་ཕྱོགས་རྣམས་ཀུན༔   སྡང་བར་བྱེད་པའི་དགྲ་བོའི་སྟེང་དུ་ཟློག༔   གནོད་པར་བྱེད་པའི་བགེགས་ཀྱི་སྟེང་དུ་ཟློག༔   དྲག་པོ་རྩང་གི་འཁྲུལ་འཁོར་འདི་ཡིས་ཟློག༔   {{TibChung|རྩ་སྔགས་དང་།}}    མཱ་ར་ཡ་བྷྱོ་བྷྱོ་ཟློག་ཟློག༔   ས་མ་ཡ་བྷྱོ་བྷྱོ་ཟློག་ཟློག༔   ཨེས་བྷྱོ་བྷྱོ་ཟློག་ཟློག༔   རྦད་བྷྱོ་རྦད་ཟློག་རྦད་ནན་ཕཊ༔   {{TibChung|གཉིས་པ་ཁྱུང་བཟློག་ནི།}}    བདག་མདུན་དཔལ་ཆེན་པོ་དང་སྤྲུལ་པའི་ཁྲོ་བོ་རྣམས་ཀྱི་དབུ་གཙུག་གི་ཡེ་ཤེས་ཀྱི་ག་རུ་ཌ་ལས་རང་འདྲའི་ཁྱུང་ཆེན་དཔག་ཏུ་མེད་པ་སྟོང་གསུམ་གང་བར་འཕྲོས།   དགྲ་འདྲེ་ཆག་ཆེ་ཉམ་ང་བྱད་ཕུར་རྦད་གཏོང་ལྟས་ངན་གཏད་སེལ་བྱད་མ་ལྷ་དང་བཅས་པ་ཐམས་ཅད་སྡེར་མོས་བྲད།   གཤོག་པས་གཡབ།    རྭས་བརྡུང་།   མཆུས་ཟོས་ཏེ་རྡུལ་ཕྲན་བཞིན་བརླག་པར་{{TibChung|བསམ་ཞིང་།}}    ཁྲོ་ག་རུ་ཌ་ཧཱུཾ་ཕཊ༔   གནོད་བྱེད་སརྦ་ཤ་ཏྲུཾ་མཱ་ར་ཡ་རྦད༔   མཱ་ར་ཡ་སོད༔   མཱ་ར་ཡ་བྷྱོ༔   མཱ་ར་ཡ་ཟློག༔   {{TibChung|ཅེས་ཅི་ནུས་སུ་བཟླས་ལ།}}    ཧཱུཾ་བྷྱོ༔   དྲག་པོ་དམར་ཆེན་གཏོར་མའི་སྟེང་༔   ཁྲོ་རྒྱལ་ཁམས་གསུམ་རོལ་པ་ཆེ༔   སྐུ་ལ་རྡོ་རྗེའི་གོ་ཁྲབ་གསོལ༔   ཚེམས་ཕྲེང་གངས་རི་དཀར་པོ་འདྲ༔   ཁྲོ་གཉེར་རྒྱ་མཚོའི་གཉེར་མ་འདྲ༔   སྤྱན་གསུམ་ཉི་མ་ཤར་བ་འདྲ༔   དབུ་ {{TibChung|[45b]}} སྐྲ་དུས་མཐའི་མེ་ལྟར་འབར༔   རྭ་ནི་ལྕགས་སྲེག་ཐུར་མ་འདྲ༔   སྨར་སྨིན་གློག་གི་ཕྲེང་བ་འདྲ༔   ང་རོ་འབྲུག་སྟོང་ལྡིར་བ་འདྲ༔   སྐུ་ནི་རི་རབ་ལྷུན་པོ་འདྲ༔   ཚྭ་ཚྭ་ཐོག་རྒོད་འབར་བ་འདྲ༔   ཕོ་ཉ་མེ་སྟག་འཕྲོ་བ་འདྲ༔   ལས་མཁན་སེར་ཆེན་འབེབས་པ་འདྲ༔   མཚོན་ཐུན་རླུང་ཆེན་གཡོ་བ་འདྲ༔   མེ་དཔུང་ན་བུན་འཐིབས་པ་འདྲ༔   དེ་འདྲའི་ཁྲོ་རྒྱལ་ཆེན་པོ་ཉིད༔   ཆོས་ཀྱི་དབྱིངས་ནས་སྐུ་བཞེངས་ཤིག༔   སྐུ་གསུང་ཐུགས་ལས་སྤྲུལ་པའི་ཁྱུང་༔   ནམ་མཁར་སྐར་ཚོགས་བཀྲ་བ་འདྲ༔   བར་སྣང་སྤྲིན་དཔུང་གཏིབས་པ་འདྲ༔   ས་གཞིར་སྐྱིན་ཐང་འབེབས་པ་འདྲ༔   བཞེངས་ཤིག་མི་མངོན་དབྱིངས་ནས་བཞེངས༔   བསྐུལ་ལོ་ཐུགས་དམ་གནད་ནས་བསྐུལ༔   བཞེས་ཤིག་དགྲ་བགེགས་ཤ་ཁྲག་བཞེས༔   མཛོད་ཅིག་མངོན་སྤྱོད་ཕྲིན་ལས་མཛོད༔   ཁྲོཾ་བྷྱོ་ཛཿ    ཁྱུང་གི་རལ་པ་སྤྲུགས་པ་ཡིས༔   དྲེད་མོང་རལ་འཛིངས་ལྟས་ངན་ཟློག༔   གཡས་གཤོག་དང་པོ་བརྡབས་པ་ཡིས༔   འབྲུག་སེང་འཐབ་པའི་ལྟས་ངན་ཟློག༔   གཡས་གཤོག་གཉིས་པ་བརྡབས་པ་ཡིས༔   སྟག་སེང་འཛིངས་པའི་ལྟས་ངན་ཟློག༔   གཡས་གཤོག་གསུམ་པ་བརྡབས་པ་ཡིས༔   བུད་མེད་རལ་འཛིངས་ {{TibChung|[46a]}} ལྟས་ངན་ཟློག༔   གཡས་གཤོག་བཞི་པ་བརྡབས་པ་ཡིས༔   དབྱིག་གི་ནོར་བུའི་ལྟས་ངན་ཟློག༔   གཡས་གཤོག་ལྔ་པ་བརྡབས་པ་ཡིས༔   ལྕི་བ་ཟས་ཀྱི་ལྟས་ངན་ཟློག༔   གཡོན་གཤོག་དང་པོ་བརྡབས་པ་ཡིས༔   མེ་ཏོག་བཅུད་ཉམས་ལྟས་ངན་ཟློག༔   གཡོན་གཤོག་གཉིས་པ་བརྡབས་པ་ཡིས༔   ལྕི་བས་བསྐྱོད་པའི་ལྟས་ངན་ཟློག༔   གཡོན་གཤོག་གསུམ་པ་བརྡབས་པ་ཡིས༔   གཏེར་གྱི་བཅུད་ཉམས་ལྟས་ངན་ཟློག༔   གཡོན་གཤོག་བཞི་པ་བརྡབས་པ་ཡིས༔   སེང་གེ་ངུ་འབོད་ལྟས་ངན་ཟློག༔   གཡོན་གཤོག་ལྔ་པ་བརྡབས་པ་ཡིས༔   རྣོ་དབལ་མཚོན་གྱི་ལྟས་ངན་ཟློག༔   རྨ་བྱ་གཡེང་བའི་ལྟས་ངན་ཟློག༔   གཡུ་སྒོང་སྔོན་པོ་ཡར་བ་ཟློག༔   ལྕགས་ཀྱི་སེར་བ་འབེབས་པ་ཟློག༔   ཤེལ་སྒོང་ནང་དུ་དུག་གཡོས་ཟློག༔   ཟངས་སྒོང་དམར་པོ་འདྲིལ་བ་ཟློག༔   ཉི་མ་སྤྲིན་གྱིས་འཁྲུགས་པ་ཟློག༔   འཚུབས་མ་མང་པོའི་སྙིང་བཏགས་ཟློག༔   སེང་གེ་གངས་ནས་ལྷུང་བ་ཟློག༔   ཤེལ་གྱི་སྒོ་ང་ཡར་བ་ཟློག༔   སྤྲིན་ཆེན་ཡར་བའི་ལྟས་ངན་ཟློག༔   བོང་བུའི་བཅུང་ཆེན་ཟག་པ་ཟློག༔   དབང་མོ་ཉི་ཤུ་རྩ་བརྒྱད་ཀྱི༔   ལྟས་ངན་བཅུ་གསུམ་སླར་ལ་ཟློག༔    {{TibChung|[46b]}} ཁྱུང་གི་མཇུག་སྒྲོ་འབར་བ་ཡིས༔   སྤུ་སྡུག་ཉམས་པའི་ལྟས་ངན་ཟློག༔   རྒྱལ་མོ་བཞི་དང་བློན་མོ་བཞི༔   སྤྲུལ་པ་འོད་ཕྲེང་ལྟས་ངན་ཟློག༔   ཁྲོཾ་བྷྱོ་ཛཿ   བཅོམ་ལྡན་བྱ་ཁྱུང་རྒྱལ་པོ་ཡི༔   མཐུ་སྟོབས་ནུས་རྩལ་ཤུགས་ཕྱུང་ལ༔   ཐན་ལྟས་བཟློག་པའི་ལས་མཛོད་ཅིག༔   རྭ་ཡིས་རྭ་ཅན་ལྟས་ངན་ཟློག༔   ནོར་བུས་རྫས་ཀྱི་ལྟས་ངན་ཟློག༔   རལ་པས་རལ་ཅན་ལྟས་ངན་ཟློག༔   མཆུ་ཡིས་མཆུ་ཅན་ལྟས་ངན་ཟློག༔   གཤོག་པས་གཤོག་ཅན་ལྟས་ངན་ཟློག༔   སྡེར་མོས་སྡེར་ཅན་ལྟས་ངན་ཟློག༔   སྤུ་ཡིས་སྤུ་ཅན་ལྟས་ངན་ཟློག༔   དབང་པོས་ཡུལ་དྲུག་ལྟས་ངན་ཟློག༔   སྡང་བར་བྱེད་པའི་དགྲ་ལ་ཟློག༔   དགྲ་དཔུང་བདུན་བརྒྱུད་རྩད་ནས་ཆོད༔   གནོད་པར་བྱེད་པའི་བགེགས་ལ་ཟློག༔   བགེགས་དཔུང་ཐལ་བའི་རྡུལ་བཞིན་རློག༔   ཟ་བར་བྱེད་པའི་འདྲེ་ལ་ཟློག༔   བདག་མེད་སྟོང་པའི་དབྱིངས་སུ་སོད༔   ཕུང་བར་བྱེད་པའི་སྲི་ལ་ཟློག༔   ཡུལ་མེད་ཟང་ཐལ་ཆེན་པོར་ཆོམ༔   དུས་ལ་བབ་བོ་ས་མ་ཡ༔   གནོད་བྱེད་སརྦ་ཤ་ཏྲུཾ་མཱ་ར་ཡ་བྷྱོ་བྷྱོ་ཟློག་ཟློག༔   {{TibChung|ཅེས་དང་།    འདི་ལ་བརྟེན་ནས་ལྟས་ངན་དམིགས་ཀྱིས་ཟློག་པའི་རིམ་པ་གཞན་ཡང་སྤྲོ་ན་སྦྱར་བས་ཆོག་གོ།  གསུམ་པ་ཟབ་པའི་མདེའུ་ཁ་སྦྱོར་བ་ནི།}}    ལྷ་ཚོགས་རྣམས་ཀྱི་ཞལ་ནས་དྲག་པོ་སྔགས་ཀྱི་སྒྲ་དབྱངས་འབྲུག་ལྟར་སྒྲོག་ཅིང་འཁོར་གྱི་ཁྲ་བོ་ཁྲ་ཐབས་སྒོ་སྐྱོང་དམ་ཅན་དང་བཅས་པ་རྣམས་ཞལ་ཕྱིར་ {{TibChung|[47a]}} གཟིགས་ཏེ་གནོད་པ་ཕྱིར་བཟློག་པའི་ཕྲིན་ལས་མཛད།   སྤྲུལ་པའི་ཕོ་ཉ་ནམ་མཁའ་གང་བར་སྤྲོས་པ་རྣམས་དང་ཕྱི་རོལ་གྱི་མཚོན་ཆ་འཁོར་ལོ་དང་བཅས་པ་དྲག་ཏུ་འཁོར་བས་དགྲ་བགེགས་རྣམས་ཀྱི་ལུས་ངག་ཡིད་གསུམ་ཕྱེ་མར་བརླག་སྟེ་མིང་གཞི་ཙམ་ཡང་མ་ལུས་པར་{{TibChung|བསམ་ཞིང་།   དྲག་སྔགས་འདུས་པའི་ཤམ་དུ།}}    གནོད་བྱེད་དགྲ་བགེགས་བྱད་མ་ལྷ་སྲུང་དང་བཅས་པ་ཐམས་ཅད་མཱ་ར་ཡ་རྦད་བྷྱོ་ཟློག༔   {{TibChung|ཅེས་བཏགས་པ་མང་དུ་བཟླས་ལ།    བདེན་སྟོབས་བརྗོད་པའི་མཐར།}}    རྣལ་འབྱོར་པ་བདག་ཅག་འཁོར་དང་བཅས་པའི་ཆག་ཆེ་བ༔   ཉམ་ང་བ༔   རྨི་ལམ་ངན་པ༔   མཚན་མ་ངན་པ༔   ལྟས་ངན་པ༔   ཕ་རོལ་གྱི་དམག་ཚོགས༔   རྦད་འདྲེ༔   རྦོད་གཏོང་༔   བྱད་ཁ༔   ཟོར་ཁ༔   ཕུར་ཁ༔   གཏད་ཁ༔   ཁྱད་པར་དུ་བཟློག་པ་བྱས་པའི་མཐུ་དང་ནུས་པ་ཐམས་ཅད་བྱད་མ་ཁོ་རང་གི་གཤེད་དུ་ཕོབ་ཅིག༔   རང་གཤེད་རང་ལ་ཕོབ་ཅིག༔   རང་སྲོག་རང་གིས་ཆོད་ཅིག༔   རང་ཤ་རང་གིས་ཟོ་ཞིག༔   རང་ཁྲག་རང་གིས་འཐུང་ཞིག༔   ཁོ་རང་གི་ལྷ་སྲུང་ཐམས་ཅད་ཁོ་རང་གི་གཤེད་དུ་ཕོབ་ཅིག༔   བདག་གི་ལྷ་སྲུང་ཐམས་ཅད་ཀྱང་ཁོའི་གཤེད་དུ་ཕོབ་ཅིག༔   མཱ་ར་ཡ་ཟློག་བྷྱོ་བྷྱོ༔   {{TibChung|ཞེས་ཐལ་བརྡེབ་བྱ།    དྲག་པོའི་སྔགས་རྒོད་དམོད་མོ་གཞན་སྦྱར་བར་སྤྲོ་ནའང་འདིར་བྱའོ།   །ལྔ་པ་ཐུན་གཏོར་གཏོང་བ་ནི།    {{TibChung|[47b]}} དམར་གྱི་གཏོར་མར་དམིགས་བྱ་བཀུག་གནས་གཉིས་མེད་དུ་བསྟིམས།}}    རཾ་ཡཾ་ཁཾ་{{TibChung|གིས་བསང་སྦྱང་།}}    སྟོང་པའི་ངང་ལས་གཏོར་སྣོད་དམར་གྱི་དུང་ཆེན་ཡངས་ཤིང་རྒྱ་ཆེ་བའི་ནང་དུ་གཏོར་རྫས་དགྲ་བགེགས་བསྒྲལ་བ་ལས་བྱུང་བའི་ཤ་ཡི་རི་བོ།    ཁྲག་གི་རྒྱ་མཚོ།    རུས་པའི་ཕུང་པོ།    ཀླད་ཞགས་ལྦུ་ཕྲེང་འཁྲིགས་པ།    དམ་ཚིག་ཏུ་འོས་པའི་འདོད་ཡོན་གྱི་རྣམ་པ་མ་ཚང་བ་མེད་པ།    ངོ་བོ་ཟག་པ་མེད་པའི་ཡེ་ཤེས་ཀྱི་བདུད་རྩིའི་རང་བཞིན་ཅན་བསམ་གྱིས་མི་ཁྱབ་པས་ནམ་མཁའི་ཁམས་གང་བར་{{TibChung|བསམ་ལ}}    ཨོཾ་ཨཱཿཧཱུཾ་{{TibChung|གིས་བྱིན་བརླབས།}}    ལྷ་ཚོགས་རྣམས་ཀྱིས་གཏོར་མ་བདུད་རྩིའི་ངོ་བོ་རྣམ་པ་ཤ་ཁྲག་གི་རང་བཞིན་ཆལ་ཆོལ་དུ་གསོལ་བར་{{TibChung|བསམ་ཞིང་།}}    ཨོཾ་བཛྲ་ཀཱི་ལི་ཀཱི་ལ་ཡ་ཧཱུཾ་ཕཊ༔   ས་པ་རི་ཝཱ་ར་སརྦ་བིགྷྣཱན་ཤ་ཏྲུཾ་མ་ཧཱ་མཱཾ་ས་རཀྟ་ཀིཾ་ནི་རི་ཏི་བ་ལིཾ་ཏ་ཁ་ཁ་ཁཱ་ཧི་ཁཱ་ཧི༔   {{TibChung|ཞེས་ལན་གསུམ་མམ་བདུན་གྱིས་ཕུལ་བས་དགྱེས་ཤིང་ལྷག་མེད་དུ་བཞེས་པར་བསམ།    མཐར་གཏོར་མ་ཁྲོ་བོའི་དམག་ཚོགས་དགྲ་བགེགས་སྒྲོལ་བའི་ལས་ལ་རྔམས་པ་དུག་མཚོན་རྡོ་རྗེའི་ཆར་དུ་མོས་ནས་ལས་བྱང་བཞིན་ཟོར་དུ་བསྐུལ་ཏེ་དམོད་ཚིག་ཐལ་རྡེབ་དང་བཅས་གནོད་པའི་ཕྱོགས་སུ་འཕངས་པས་དམིགས་བྱ་གནས་ལུས་ལོངས་སྤྱོད་དང་བཅས་པ་རྗེས་མེད་དུ་བརླག་པར་བསམ་མོ།   །དེ་ནས་རྒྱུན་གྱི་རྗེས་ཆོག་རྣམས་ཕྲིན་ལས་ཀྱི་དཀྱུས་བཞིན་བྱའོ།   །གསུམ་པ་རྗེས་སུ་བྱ་བའི་ལས་ལ།    ཟོར་བསྒྲུབ་པ།    ཟོར་ལམ་བསལ་བ།    དཔུང་བསྐྱེད་པ།    {{TibChung|[48a]}} ཟོར་བསྐུལ་བ།    ཟོར་འཕང་བ།   ཟོར་རྗེས་གཅོད་པ་དང་དྲུག་གི   །   དང་པོ་ཟོར་བསྒྲུབ་པ་ནི།    སྒྲུབ་ཞག་རྫོགས་པའི་ཉིན་རྗེས་མར་ཟློག་པའི་ཕྲིན་ལས་བཅོལ་བའི་མཐར་གཏོར་མའི་ལྷ་ཚོགས་རྣམས་ལ་མཆོད་ཅིང་བསྟོད་ནས་ནོངས་པ་བཟོད་པ་གསོལ།    རྩ་སྔགས་ཤམ་དུ།}}    ས་མ་ཡ་མ་ཏི་ཀྲ་མ་ཏི།   ཨོཾ་བཛྲླ་ཏྟིཥྛ།   {{TibChung|ཞེས་པས།}}    སྤྲུལ་གཞི་ཡེ་ཤེས་ཀྱི་འཁོར་ལོ་མདུན་གྱི་ནམ་མཁར་བཞུགས།    སྤྲུལ་པ་དམ་ཚིག་གི་འཁོར་ལོ་འོད་དུ་ཞུ་བ་ལས་གཏོར་ཆེན་ཟོར་རྫས་དང་བཅས་པ་སྐད་ཅིག་གིས་དཔལ་ཆེན་རྡོ་རྗེ་གཞོན་ནུ་ཁྲོ་བཅུ་ཁྲ་ཐབས་ཕྱག་བརྙན་སྒོ་མ་བཀའ་སྲུང་སྡེ་བརྒྱད་དྲེགས་པའི་དཔུང་ཚོགས་བསམ་གྱིས་མི་ཁྱབ་པ་དང་བཅས་པ་ཐམས་ཅད་ཁྲོ་གཏུམ་འཇིགས་པའི་གཟུགས་ཅན་སྲིད་གསུམ་གང་བ་ནད་མཚོན་དུག་གི་ཆར་འབེབས་པས་དགྲ་བགེགས་སྒྲོལ་བའི་ལས་ལ་རྔམས་པར་གྱུར་པར་{{TibChung|བསམ་ལ།    གཙོ་འཁོར་རྣམས་ཀྱི་སྔགས་སྤེལ་ཚིག་ཅན་ནམ་སྤུ་གྲིའི་དྲག་སྔགས་འདུས་པ་མང་དུ་བཟླས་ལ་ཟོར་རྫས་ནུས་ལྡན་དུ་བསྒྲུབ།   དམར་གཏོར་ཁྲག་སྐྱེམས་བཅས་པར་དམིགས་བྱ་འགུགས་འདྲེན་དང་ཞལ་སྟོབས་ཀྱི་དམིགས་པ་དྲག་པོ་དང་བཅས་གཏོར་ཆེན་དུ་ཕུལ་ལ།}}    ཧཱུཾ།   རྩ་བརྒྱུད་བླ་མ་དཀོན་མཆོག་གསུམ།   །ཡི་དམ་ཞི་ཁྲོ་རབ་འབྱམས་དང །   །ཁྱད་པར་ཕུར་བུའི་ལྷ་ཚོགས་རྣམས།   །དགྲ་བགེགས་བསྒྲལ་བའི་ཤ་ཁྲག་རུས།   །འདོད་ཡོན་མཆོད་པ་འདི་བཞེས་ལ།   །ཟོར་ཆེན་རྫས་ཀྱི་དཔུང་ {{TibChung|[48b]}} སྐྱེད་ཅིག   །དགྲ་བགེགས་སྒྲོལ་བའི་ཕྲིན་ལས་མཛོད།   །དཔལ་ལྡན་མགོན་པོ་ལྕམ་དྲལ་དང།   །ཤྭ་ན་བདག་ཉིད་ས་བདག་སོགས།   །དཔལ་ཆེན་བཀའ་ཡི་སྲུང་མ་རྣམས།   །དགྲ་བགེགས་བསྒྲལ་བའི་ཤ་ཁྲག་རུས།   །འདོད་ཡོན་མཆོད་པ་འདི་བཞེས་ལ།   །ཟོར་ཆེན་རྫས་ཀྱི་དཔུང་སྐྱེད་ཅིག   །དགྲ་བགེགས་སྒྲོལ་བའི་ཕྲིན་ལས་མཛོད།   །སྣང་སྲིད་ལྷ་སྲིན་སྡེ་བརྒྱད་དང་།   །ཕོ་རྒྱུད་མོ་རྒྱུད་དྲེགས་པའི་ཚོགས།   །བསྟན་ལ་མངོན་པར་དགའ་བ་རྣམས།   །དགྲ་བགེགས་བསྒྲལ་བའི་ཤ་ཁྲག་རུས།   །འདོད་ཡོན་མཆོད་པ་འདི་བཞེས་ལ།   །ཟོར་ཆེན་རྫས་ཀྱི་དཔུང་སྐྱེད་ཅིག   །དགྲ་བགེགས་སྒྲོལ་བའི་ཕྲིན་ལས་མཛོད།   །{{TibChung|ཅེས་འདོད་དོན་གསོལ་བས་ནམ་མཁར་བཞུགས་པའི་ལྷ་ཚོགས་རྣམས་ཀྱིས་ཟོར་ཆེན་དཔུང་བསྐྱེད་པའི་ཕྲིན་ལས་མཛད།    སྤྲུལ་པ་ཟོར་རྫས་ཕོ་ཉར་བཅས་པ་དཔའ་བོ་གཡུལ་དུ་ཞུགས་པ་ལྟར་ཟ་ཟ་རྔམ་རྔམ་དུ་བསྐྱེད་པར་བསམ་མོ།   །གཉིས་པ་ཟོར་ལམ་བསལ་བ་ནི།   །སློབ་དཔོན་དྲག་པོའི་ཆས་སུ་ཞུགས་ཏེ་དཀྱིལ་འཁོར་ལ་བསྐོར།   ཕྱི་རོལ་དུ་ཕུད་སྐྱེམས་འཐོར་ཞིང་བདེན་པའི་ཡུས་ཀྱིས།}}    ཧཱུཾ།    བདག་ནི་མ་ཉེས་མ་ཡོའོ།   །གཟུ་དང་དཔང་དུ་དཀོན་མཆོག་བཞུགས།   །ཞལ་ལྕེ་སྣང་སྲིད་ལྷ་འདྲེས་ཆོད།   །རྣལ་འབྱོར་དབང་ཕྱུག་ཟོར་འཕེན་ནོ།   །དགྲ་བགེགས་མ་གཏོགས་སྐུ་བཟུར་ཅིག   །ཕྱོགས་བཞི་མཚམས་བརྒྱ་སྟེང་འོག་ན།   །{{TibChung|[49a]}} སྣང་སྲིད་ལྷ་འདྲེ་བཞུགས་པ་རྣམས།   །མཐོ་བ་རྣམས་ཀྱི་ཞབས་སྡུས་ཤིག   །དམའ་བ་རྣམས་ཀྱི་དབུ་ཆུམས་ཤིག   །བར་ན་བཞུགས་པ་སྐུ་བཟུར་ཅིག   །དབུ་ཞབས་ཀུན་ལ་ཕོག་པར་སྲིད།   །སོ་སོའི་ཕོ་བྲང་སྒོ་སྡོམས་ཤིག   །ལྷ་སྲིན་སྡེ་བརྒྱད་ཐམས་ཅད་ཀྱང་།   །གསེར་སྐྱེམས་དམ་པ་འདི་གསོལ་ལ།   །དཔལ་གྱི་གཏོར་ཟོར་ལམ་ཕྱེས་ཤིག   །དོ་ནུབ་དྲག་པོའི་ཟོར་ཆེན་འདི།   །སྡང་དགྲ་གནོད་བགེགས་རྣམས་ལ་འཕེན།   །ཟ་འདྲེ་ཕུང་སྲི་རྣམས་ལ་འཕེན།   །ཕར་འཕེན་ཚུར་ལ་མ་ལྡོག་ཅིག   །རྣལ་འབྱོར་བསམ་པ་འགྲུབ་པར་མཛོད།   །{{TibChung|ཅེས་ཟོར་ལམ་བསལ།   ལས་བྱང་བཞིན་བསྐུལ་དང་ཆད་མདོ་བསྒྲག་གོ   །གསུམ་པ་ཟོར་གྱི་དཔུང་བསྐྱེད་པ་ནི།    འཕྱར་དར་དང་རུ་འདྲེན་གྱི་རྣམ་པ་དུ་མས་སྣ་དྲངས་ཏེ་སྐྱེས་བུ་གིང་ཆས་སུ་ཞུགས་པ་སོགས་ཀྱིས་དཀར་གཏོར་དང་གསེར་སྐྱེམས།    ཟོར་གྱི་རྫས་རྣམས་ནས་གཙོ་བོའི་གཏོར་ཆེན་གྱི་བར་རིམ་བཞིན་ཁྱེར།   རྣལ་འབྱོར་པ་ལྟ་བའི་གདིང་སྒོམ་པའི་གསལ་སྣང་དང་མ་བྲལ་བས་རིག་པ་ཧུར་ཕྱུངས་ཏེ་དྲག་སྔགས་བཟླ་ཞིང་རོལ་མོ་དང་བཅས་པས་དེ་དག་གི་ཕྱི་བཞིན་གཟའ་དང་སྡེ་བརྒྱད་ཀྱི་རྒྱུ་ཕྱོགས་དང་བསྟུན་གང་དུ་འཕེན་པའི་སར་ཕྱིན་ལ།   གསེར་སྐྱེམས་ཀྱི་མཆོད་པ་སྔོན་དུ་འགྲོ་བས།}}    ཧཱུཾ༔   སངས་རྒྱས་ཀྱིས་ནི་བདུད་ཕམ་མཛད།   །ཆོས་མ་ཡིན་ནི་ཆོས་ཀྱིས་སོ།   །དགེ་འདུན་གྱིས་ནི་མུ་སྟེགས་ཕམ།   །དབང་པོས་ལྷ་མིན་ཕམ་གྱུར་ཏེ།   ། {{TibChung|[49b]}} རྡོ་རྗེ་གཞོན་ནུའི་ལྷ་ཚོགས་ཀྱིས།   །དགྲ་བགེགས་རྣམས་ནི་ཕམ་པར་མཛད།   །རིག་སྔགས་བདེན་པའི་མཐུ་འདི་ནི།   །ཐོགས་པ་མེད་པར་འགྲུབ་པར་མཛོད།   །{{TibChung|ཅེས་བདེན་སྟོབས་ཀྱིས་དཔུང་བསྐྱེད།བཞི་པ་ཟོར་བསྐུལ་བནི།    བདེན་སྟོབས་བཅས་འགུགས་གཞུག་གིས་དགྲ་བགེགས་བཀུག་སྟེ་དམིགས་པའི་འབེན་བཅས་ལ།}}    ཧཱུཾ༔   ང་ནི་རྡོ་རྗེ་གཞོན་ནུ་ཆེ༔   ང་ནི་འཁོར་འདས་ཡོངས་ཀྱི་བདག༔   ང་ལས་ཆེ་བཙན་སུ་ཡང་མེད༔   ངས་ནི་དྲག་པོའི་གཏོར་ཟོར་འཕེན༔   ཕྱོགས་མཚམས་སྟེང་འོག་གནས་རྒྱུ་བའི༔   སྡེ་བརྒྱད་ལྷ་ཀླུ་གཞི་བདག་རྣམས༔   གཏོར་ཆེན་མཚོན་ཐུན་ཟེར་འཕྲོས་པས༔   ལུས་སེམས་མ་ལུས་བརླག་པར་མཆིས༔   ང་ནི་མ་ཉེས་དགྲ་བགེགས་ཉེས༔   ཟོར་ལམ་ཕྱེས་ལ་སྐུ་བཟུར་ཅིག༔   བརྣག་པའི་དགྲ་བགེགས་མ་གཏོགས་པ༔   ཉེས་མེད་རྣམས་ལ་ཟོར་མི་འཕེན༔   ཀུན་ཀྱང་གྲོགས་མཛོད་དམག་དཔུང་བསྐྱེད༔   དམག་དཔུང་བསྐྱེད་ལ་རུ་མཚོན་ཕྱོར༔   ཉམས་པའི་དགྲ་བགེགས་སྡིག་ཅན་འདི༔   རྡུལ་ཕྲན་བཞིན་དུ་བརླག་པར་མཛོད༔   {{TibChung|ཅེས་རིག་པ་ངར་དང་ལྡན་པས་བརྗོད།   ལྔ་པ་ཟོར་འོང་བ་ནི།    ཟོར་རྣམས་རིམ་པར་ཐོགས་ལ།}}    ཧཱུཾ་བྷྱོ༔   དཔལ་ཆེན་རྡོ་རྗེ་གཞོན་ནུ་སྲས་འཁོར་བཅས༔   མ་གཡེལ་མ་གཡེལ་ཆོས་ཀྱི་དབྱིངས་ལས་བཞེངས༔   མངོན་སྤྱོད་དྲག་ {{TibChung|[50a]}} པོའི་ཕྲིན་ལས་དུས་ལ་བབ༔   དགྲ་བགེགས་ཉོན་མོངས་འདུས་པའི་ཕུང་པོ་ལ༔   ཐོགས་མེད་གནམ་ལྕགས་རྡོ་རྗེའི་ཐུན་ཆར་ཕོབ༔   ཕུར་ཟོར་དྲག་པོ་ཐོག་ལྟར་ཤ་ར་ར༔   དགྲ་གདོན་བགེགས་ཀྱི་སྒོ་གསུམ་རྡུལ་དུ་རློག༔   རྣམ་པར་ཤེས་པ་ཆོས་ཀྱི་དབྱིངས་སུ་སྤོར༔   {{TibChung|སྤུ་གྲིའི་ཤམ་དུ།}}    དགྲ་གདོན་བགེགས་ཚོགས་རྣམས་ཀྱི་ལུས་ངག་ཡིད་གསུམ་ལ་ཕོབ་ཛཿ  རྦད༔   {{TibChung|ཅེས་བརྗོད་བཞིན་པར་བརྡེག   །དེ་བཞིན་དུ་ཐོག་མཐའ་འདྲ་བ་ལས་ཁྱད་པར་ཕུར་ཟོར་གྱི་ཚབ་ཏུ།}}    ཡུངས་ཟོར་དྲག་པོ་སེར་ལྟར་ཧྲི་ལི་ལི༔   ཁྲག་ཟོར་དམར་པོ་མཚོ་ལྟར་ཆི་ལི་ལི༔   མཚེ་ཟོར་དྲག་པོ་མདའ་ལྟར་ཏ་ལ་ལ༔   དུག་ཟོར་དྲག་པོ་ཆུ་ལྟར་ཕྱུ་རུ་རུ༔   མཚོན་ཆ་སྣ་ཚོགས་རླུང་ལྟར་འཚུབས་སེ་འཚུབ༔   མདའ་ཟོར་དྲག་པོ་ཚྭ་ཚྭ་སྐར་ལྟར་འཁྲིགས༔   རྡོ་ཟོར་དྲག་པོ་ཆར་ལྟར་འབེབས་ཤིང་འཚུབས༔   དཔལ་གྱི་གཏོར་ཟོར་གློག་ལྟར་འཁྱུགས་ཤིང་འདེབས༔   {{TibChung|ཞེས་བསྒྱུར་བ་དང་།}}    ཧཱུཾ༔   ང་ནི་དཔལ་ཆེན་རྡོ་རྗེ་གཞོན་ནུ་ཆེ༔   ཛཿ    ཕུར་སྲུང་དམ་ཅན་རྒྱ་མཚོ་ལས་ལ་བསྐུལ༔   དགྲ་བགེགས་སྡིག་ཅན་ལོག་འདྲེན་རཱུ་པ་ལ༔   ཟངས་ཕྱེའི་དབལ་དུག་མཚོན་ཆའི་ཆར་ཚན་ཕོབ༔   མིང་ཙམ་མེད་པར་ཐལ་བའི་རྡུལ་དུ་རློག༔   {{TibChung|ཅེས་པའི་མཐར་གོང་བཞིན་དྲག་ {{TibChung|[50b]}} སྔགས་སྦྱར་བ་དང་།   དེ་བཞིན་དུ་ཟངས་ཕྱེའི་ཚབ་ཏུ།}}    ལྕགས་ཕྱེ།    རྡོ་ཕྱེ།    ཉུང་ནག   །ཀེ་ཚེ།   ཤངས་ཚེ།   འབྲུ་ནག་{{TibChung|རྣམས་སུ་བསྒྱུར་ལ་འཕང་།    འདིར་སྤྲོ་ན་ཟློག་བྱང་ཇི་ལྟར་རིག་པའང་གྱེར།   དེ་ནས་གཏོར་ཟོར་རྣམས་བཏེགས་ལ།}}    ཧཱུཾ༔   དཔལ་ཆེན་རྡོ་རྗེ་གཞོན་ནུ་ཆེ༔   ཕོ་ཉ་ལས་མཁན་ཟ་གསོད་ཚོགས༔   ཕོ་རྒྱུད་ཟོར་འཕེན་ཤ་ར་ར༔   མོ་རྒྱུད་ཐུན་འདེབས་ཉི་ལི་ལི༔   སྡང་བའི་དགྲ་ལ་གཏོར་ཟོར་རྒྱོབ༔   གནོད་པའི་བགེགས་ལ་གཏོར་ཟོར་རྒྱོབ༔   ཟ་བའི་འདྲེ་ལ་གཏོར་ཟོར་རྒྱོབ༔   ཕུང་བའི་སྲི་ལ་གཏོར་ཟོར་རྒྱོབ༔   སྨོན་ལོག་ལྟ་ལོག་སྲོག་ལ་ཕོབ༔   ལུས་ངག་ཡིད་གསུམ་རྡུལ་དུ་རློག༔   རྣམ་ཤེས་ཆོས་ཀྱི་དབྱིངས་སུ་སྤོར༔   ཨོཾ་བཛྲ་ཙནྡྲ་སརྦ་དུཥྚན་ཨེ་ཛཿབྷྱོ་ཧཱུཾ༔   གནོད་བྱེད་ཀ་ལ་རཱུ་པ་སརྦ་ཤ་ཏྲུཾ་མཱ་ར་ཡ་རྦད་ཕོབ་ཛ༔   {{TibChung|ཞེས་སོགས་དྲག་སྔགས་ཟློག་ཤམ་ཅན་དྲག་པོར་བཟླ་བཞིན་པས་དབང་མོ་ཉེར་བརྒྱད་ཀྱི་ཀོང་ཟོར་དང་དམ་ཅན་གྱི་གཏོར་མ་ནས་བཟུང་གཙོ་གཏོར་གྱི་བར་བརྡེག་ཅིང་།    དགྲ་བོའི་གཟུགས་ཕུང་བཤིག   །རྣམ་ཤེས་མར་མེ་བསད་པ་ལྟར་ཡལ།    གནས་གཞིས་ལོངས་སྤྱོད་དང་བཅས་པ་རྗེས་མེད་དུ་བརླག་པར་བསམ་ལ་དྲག་སྔགས་དམོད་མོར་བཅས་པ་ཐལ་མོ་དང་དུལ་མོ་བརྡབ་བོ།   །དྲུག་པ་ཟོར་རྗེས་གཅོད་པ་ནི།    ཡེ་ཤེས་ཀྱི་བྱ་ཁྱུང་འཇིགས་སུ་རུང་བ་ཞིག་གིས་མཚམས་བཅད་པར་བསམ་ལ།}}     ཧཱུཾ་ཁྲོཾ་བཛྲ་ག་རུ་ཌ་བྷྱོ་ཟློག༔   {{TibChung|ཅེས་བཟླ་ཞིང་རྡོ་རྗེ་སློབ་དཔོན་གྱིས་རྟིང་མནན་ཏེ་ལོག   །ཕྱིར་སྙོགས་གཅོད་ཕྱིར་བལྟས་ {{TibChung|[51a]}} ཏེ་སྲས་ཕུར་བསྒྲིལ་ཞིང་གདེངས་ལ་དྲག་སྔགས་གནམ་ལྕགས་ཐོག་གི་སྤུ་གྲི་བདུན་ནམ་ཉེར་གཅིག་ཙམ་བཟླ།   རྡོ་རྗེའི་གུར་དུ་རང་གཞན་བསྲུང་བྱ་ཐམས་ཅད་ཚུད་པར་བསམ་ལ་སྲུང་བའི་འཁོར་ལོ་བརྟན་པོར་བསྒོམ།    དེ་ནས་སྒྲུབ་ཁང་གི་སྒོ་དྲུང་དུ་བཤལ་ཆུའི་བདུད་རྩིས་བརྟན་མ་བསྐྱང་།    གཏོར་གཞོང་ཁ་སྦུབས་ལ་བྲོ་ར་བསྐོར་ཏེ་ཨེ་གྲུ་གསུམ་པར་དགྲ་བགེགས་དམ་སྲི་ཐམས་ཅད་བཀུག་ནས་མནན་པར་བསམ་ཞིང་བྲོ་བརྡུང་བྱའོ།   །གསུམ་པ་རྗེས་ཀྱི་བྱ་བ་ནི།    ནང་དུ་ལོག་ནས་ཚེ་འགུགས་བསྐུལ་ཞིང་དངོས་གྲུབ་ལེན།    མཆོད་པ་ཁ་གསོས་ལ་བྱིན་གྱིས་བརླབས་ཏེ་ཕུལ་ནས་བསྟོད་པ་བྱ།    ནོངས་པ་བཟོད་པར་གསོལ།    ནམ་མཁར་བཞུགས་པའི་ཡེ་ཤེས་པ་གཤེགས་སུ་གསོལ་བའམ་བྲིས་སྐུ་སོགས་ལ་བརྟན་བཞུགས་བྱ།   བདག་བསྐྱེད་ཀྱི་རྣལ་འབྱོར་འོད་གསལ་དུ་བསྡུ་ཞིང་ལྷར་ལྡངས་ཏེ་གོ་བགོ།   ལས་དཀྱིལ་གྱི་རྡུལ་ཚོན་ཨ་ཀཱ་རོས་བསྡུས་ལ་ཐིག་ཤུལ་དབྱི།    དགེ་བ་བསྔོ་ཞིང་སྨོན་ལམ་ནན་ཏན་དུ་གདབ།    ཤིས་པ་རྒྱ་ཆེར་བརྗོད་དེ་མེ་ཏོག་གི་ཆར་དབབ་པས་བདེ་ལེགས་སུ་བྱའོ།   །ཞར་བྱུང་འཕྲོས་དོན་དུ་སྐབས་འགའ་ཞིག་གི་ཚེ་སྤྲོས་པ་བསྡུ་བའི་གཏོར་ཟློག་ཙམ་བྱེད་པར་འདོད་ན།    ལས་དཀྱིལ་གྱི་གཞིར་ཐིག་ཚོན་གྱི་བྱ་བ་རྣམས་དོར་ནས་རས་བྲིས་ཀྱི་འདིང་དཀྱིལ་ཡོད་ན་བཀྲམ།    མེད་ན་ཞིང་ངམ་གཅན་གཟན་གྱི་ལྤགས་པ་ལ་འབྲུ་ནག་དུག་ཁྲག་གིས་གཤེར་བའི་ཚོམ་བུ་ལྷ་གྲངས་དང་མཉམ་པ་བཀོད་པའི་ཁར་ཟོར་གཏོར་གཙོ་འཁོར་ཕྱོགས་བསྡུས་སུ་བཀོད།   ཟོར་ཆས་གཞན་རྣམས་ཀྱི་བཅས་མི་དགོས་ཤིང་།   ལིངྒ་ཡང་འཕྲལ་གྱི་རྐྱེན་སེལ་ཙམ་ལ་ཟན་ལིང་གིས་འཐུས།    ཕུར་ཁྲོམ་ཡོངས་རྫོགས་ལས་ཉི་ཚེ་བ་ལ་འབྱོར་དཀའ་བས་སྲས་མཆོག་གི་ཕུར་བུ་གཅིག   །ཁྲོ་བཅུ་ཡབ་ཡུམ་ {{TibChung|[51b]}} ཐུན་མོང་དུ་རེ་རེ།    སྲས་ཕུར་ཐུན་མོང་དུ་གཅིག   །སྒོ་མ་དམ་ཅན་དབང་ཕྱུག་ཐུན་མོང་དུ་གཅིག་སྟེ་ཕུར་བུ་ལྔ་འདུ་བྱ།    གཞན་བཅས་གཤོམ་དང་ཆོ་གའི་འགྲོས་གཞུང་བཞིན་ལས།    འཕང་བའི་སྐབས་ཟོར་བསྐུལ་གྱི་རྗེས་སུ་གཏོར་ཟོར་དངོས་ལ་འཇུག་པ་སོགས་ལག་ལེན་དབྱེ་བསྡུའི་གནད་ཤེས་པའི་སྒོ་ནས་འདོར་ལེན་གྱི་དམིགས་ཕྱེད་པར་བྱ་བ་ཡིན་ནོ།   །གསུམ་པ་གྲུབ་པའི་འབྲས་བུ་ནི།   དེ་ལྟར་རྡོ་རྗེ་ཐེག་པའི་ལམ་གྱི་ཐབས་མཆོག་ཏུ་གྱུར་པ་སྒྲོལ་བའི་དགོངས་སྤྱོད་ལམ་དུ་ལོངས་པས་ལམ་གྱི་མངོན་རྟགས་བདེ་ཆེན་གྱི་ཡེ་ཤེས་གོང་དུ་འཕེལ་ཞིང་ལམ་ལ་བར་དུ་གཅོད་པའི་བདུད་ཚོགས་ཞི་ནས་ལས་དང་དངོས་གྲུབ་ཐོགས་མེད་དུ་འགྲུབ།    ལམ་གྱུར་གྱི་འབྲས་བུ་རིག་འཛིན་རྣམ་པ་བཞིའི་གོ་འཕང་མཐར་ཕྱིན་ནས་འཁོར་འདས་སོགས་ཀྱི་ཁྱབ་བདག་དཔལ་ཆེན་བཛྲ་ཀུ་མཱ་རའི་གསང་གསུམ་ཡེ་ཤེས་རྡོ་རྗེ་མངོན་དུ་བྱེད་པར་འགྱུར་རོ།   །}} དྲག་པོའི་རིག་སྔགས་ཕལ་གྱི་གཟི་བྱིན་ཀྱང་།   །ཆེས་ཆེར་བཟོད་པར་དཀའ་ན་རྒྱལ་ཀུན་གྱི།   །ཕྲིན་ལས་སྟོབས་འདུས་དྲག་སྔགས་རྡོ་རྗེའི་མཚོན།   །ཟློག་མེད་ཐོག་གི་དབལ་དེར་སུ་ཞིག་འཁུ།   །འཁྲུལ་བྲལ་མན་ངག་གནད་ཀྱི་ངར་ལྡན་པའི།   །མངོན་སྤྱོད་ལས་རིམ་སྤུ་གྲིའི་མཚོན་ཆེན་གང་།   །བདུད་འདུལ་རིག་པ་འཛིན་པའི་ཕྱག་མཚན་སྟེ།   །དཔལ་ཆེན་ཁྲག་འཐུང་ཁྲོས་པའི་དགའ་སྟོན་ཡིན།   །འདིས་ཀྱང་སྙིང་པོའི་བསྟན་དང་བསྟན་འཛིན་སྡེ།   །ཕས་རྒོལ་ཡིད་སྲུབས་དཔུང་ལས་རྣམ་པར་རྒྱལ།   །སྙིང་རྗེས་བསྒྲལ་བའི་དམ་ཚིག་ {{TibChung|[52a]}} མཐར་ཕྱིན་ནས།   །འབར་བའི་གར་གྱིས་ས་གསུམ་གཡོ་བྱེད་ཤོག   །{{TibChung|དེ་ལྟར་དཔལ་རྡོ་རྗེ་ཕུར་བུ་བདུད་འཇོམས་གནམ་ལྕགས་སྤུ་གྲིའི་སྨད་ལས་དགྲ་བགེགས་སྒྲོལ་བའི་ལས་རིམ་ཁྲག་འཐུང་ཁྲོས་པའི་དགའ་སྟོན་ཅེས་བྱ་བ་འདི་ནི།    རིང་མོ་ཉིད་ནས་དོན་དུ་གཉེར་བ་ཅན་དུ་མའི་གསུང་གིས་བསྐུལ་བ་དང་།   ཉེ་ཆར་ཟབ་གཏེར་གྱི་ལུང་དོན་བཞིན་བོད་ཁམས་བསྟན་སྲིད་སྤྱིའི་རིམ་གྲོར་དམིགས་ཏེ་ཨེ་ཝཾ་བདེ་ཆེན་ཆོས་འཁོར་གླིང་དུ་བསྙེན་སྒྲུབ་ལས་ཀྱི་སྦྱོར་བ་ཟབ་མོ་འཛུག་པའི་སྐབས་སུ་བབ་པ་ན་ཉེ་བར་མཁོ་བས་མཚམས་སྦྱར་ནས།    བདུད་འདུལ་ཕུར་བུའི་རིག་སྔགས་འཆང་བ་འཇིགས་བྲལ་ཡེ་ཤེས་རྡོ་རྗེས་རང་ལོ་སུམ་ཅུ་པའི་ཐོག་ཏུ་སོན་པ་དཔལ་གདོང་གི་ལོ་མགོ་ཉ་པའི་ཤེས་རབ་ཀྱི་ཆའི་རྒྱལ་བ་དང་པོ་ལ་མཁན་ལྗོངས་ཕུན་ཚོགས་དགའ་ཚལ་གྱི་བསྟི་གནས་སུ་གྲུབ་པར་བགྱིས་པ་སྟེ།   འདིས་ཀྱང་བསྟན་འགྲོར་འཚེ་བྱེད་ཕས་རྒོལ་བདུད་དགྲའི་དཔུང་རྣམས་མིང་གི་ལྷག་མར་བྱས་ཏེ་ཕྱོགས་ལས་རྣམ་པར་རྒྱལ་བའི་དགེ་ལེགས་ཀྱི་རུ་མཚོན་དགུང་དུ་བསྙེགས་པའི་རྒྱུར་གྱུར་ཅིག།}}   ཛ་ཡནྟུ།།   །། }}
</onlyinclude>
{{TsagliCall}}
<headertabs/>