View source for DJYD-KABUM-12-NA-019

{{Text
|classification=Tibetan Publications
|subclass=Tibetan Texts
|fulltitletib=བདུད་འདུལ་དྲག་མོ་སེང་གདོང་མའི་དབང་ཆོག་ཁྲིགས་སུ་བསྡེབས་པ་ཕྲིན་ལས་ཡེ་ཤེས་སྒོ་འབྱེད།
|fulltitle=bdud 'dul drag mo seng gdong ma'i dbang chog khrigs su bsdebs pa phrin las ye shes sgo 'byed
|citation=[[Dudjom Rinpoche]] 'Jigs bral ye shes rdo rje. ''Bdud 'dul drag mo seng gdong ma'i dbang chog khrigs su bsdebs pa phrin las ye shes sgo 'byed''. In ''Bdud 'joms 'jigs bral ye shes rdo rje'i gsung 'bum dam chos rin chen nor bu'i bang mdzod'', Vol. 12: 429-474. Kalimpong: Dupjung Lama, 1979-1985.
|collectiontitletib=བདུད་འཇོམས་རིན་པོ་ཆེ་བཀའ་འབུམ།
|collectiontitle=bdud 'joms rin po che bka' 'bum
|author=Dudjom Rinpoche
|sourcerevealer=bdud 'joms gling pa
|tibgenre=Empowerment Ritual - dbang chog - dbang skur
|terma=Yes
|deity=seng gdong ma
|cycle=thugs sgrub ye shes nyi ma
|cycletib=ཐུགས་སྒྲུབ་ཡེ་ཤེས་ཉི་མ་
|parentcycle=zab gsang mkha' 'gro'i snying thig
|parentcycletib=ཟབ་གསང་མཁའ་འགྲོའི་སྙིང་ཐིག་
|language=Tibetan
|volumenumber=12
|volnumtib=༡༢
|volyigtib=ན
|totalvolumes=25
|textnuminvol=019
|pagenumbers=429-474
|totalpages=46
|beginfolioline=1a1
|endfolioline=23b6
|totalfolios=23
|multivolumework=No
|rectonotes=dbang chog
|versonotes=bdud 'joms seng gdong
|colophontib=།དེ་ལྟར་བདུད་འདུལ་དྲག་མོ་སེང་གདོང་མའི་དབང་ཆོག་ཁྲིགས་སུ་བསྡེབས་པ་ཕྲིན་ལས་ཡེ་ཤེས་སྒོ་འབྱེད་ཅེས་བྱ་བ་འདིའང༌།   དོན་དུ་གཉེར་བའི་བློ་ལྡན་རྣམས་ཀྱིས་བསྐུལ་བ་དང༌།   ཟབ་ཆོས་ཀྱི་རྒྱུན་སྤེལ་བའི་ཆ་རྐྱེན་དུ་འཇུག་པ་བདེ་བར་མཐོང་ནས།   འཇིགས་བྲལ་ཡེ་ཤེས་རྡོ་རྗེས་རང་ལོ་བདུན་ཅུ་རྩ་གསུམ་འདས་པ་དམར་སེར་ཅན་གྱི་ལོ་དབོ་ཉ་བའི་ཤེས་རབ་ཀྱི་ཆ་ལ།   བལ་ཡུལ་ཨེའི་ལྷ་ཁང་དང་ཉེ་བའི་བསྟི་གནས་སུ་ལེགས་པར་བསྡེབས་པ་ལས།   ཐོག་མའི་ཡི་གེ་པ་ནི་ཤར་ཕྱོགས་མོན་གྱི་སྔགས་སྟོན་བསྟན་འཛིན་ཀུན་ལེགས་ཀྱིས་བགྱིས་པའོ།   །འདིས་ཀྱང་ཟབ་ཆོས་མཆོག་གི་ཕྲིན་ལས་མི་ནུབ་དར་ཞིང་རྒྱས་པའི་རྒྱུར་གྱུར་ཅིག   །སརྦ་དཱ་མངྒ་ལཾ།།
|colophonwylie=de ltar bdud 'dul drag mo seng gdong ma'i dbang chog khrigs su bsdebs pa phrin las ye shes sgo 'byed ces bya ba 'di'ang /___don du gnyer ba'i blo ldan rnams kyis bskul ba dang /___zab chos kyi rgyun spel ba'i cha rkyen du 'jug pa bde bar mthong nas/___'jigs bral ye shes rdo rjes rang lo bdun cu rtsa gsum 'das pa dmar ser can gyi lo dbo nya ba'i shes rab kyi cha la/___bal yul e'i lha khang dang nye ba'i bsti gnas su legs par bsdebs pa las/___thog ma'i yi ge pa ni shar phyogs mon gyi sngags ston bstan 'dzin kun legs kyis bgyis pa'o/___/'dis kyang zab chos mchog gi phrin las mi nub dar zhing rgyas pa'i rgyur gyur cig___/sarba dA mang+ga laM//
|pdflink=File:DJYD-KABUM-12-NA-019.pdf
|authortib=བདུད་འཇོམས་འཇིགས་བྲལ་ཡེ་ཤེས་རྡོ་རྗེ་
|sourcerevealertib=བདུད་འཇོམས་གླིང་པ་
|volumeLetter=NA
|InitCategories=Dudjom Tersar Project; DJYD-KABUM-Volume-12-NA
}}
<h1>Tibetan Text</h1>
<onlyinclude>
{{TibP|༄༅།   །བདུད་འདུལ་དྲག་མོ་སེང་གདོང་མའི་དབང་ཆོག་ཁྲིགས་སུ་བསྡེབས་པ་ཕྲིན་ལས་ཡེ་ཤེས་སྒོ་འབྱེད་ཅེས་བྱ་བ་བཞུགས་སོ།   །


༄༅། །ན་མོ་གུ་རུ་ཛྙཱ་ན་ཌཱ་ཀི་ནཱི་ཡེ།   ཆོས་ཉིད་དབྱིངས་ཡུམ་རྣམ་འགྱུར་དྲག་མོའི་ཚུལ།   །འབར་བའི་གར་གྱིས་མ་རུངས་མཐར་མཛད་པ།   །བླ་མ་བདུད་འདུལ་དྲག་མོར་གུས་བཏུད་ནས།   །དབང་བསྐུར་ལག་ཁྲིགས་རྣམ་གསལ་བསྡེབས་ལ་སྤྲོ།   །{{TibChung|དེའང་ཟབ་ལམ་མཁའ་འགྲོ་ཐུགས་ཀྱི་སྒྲུབ་པའི་ནང་བསྐོར་བདུད་འདུལ་དྲག་མོ་སེང་གདོང་མའི་དབང་བསྐུར་བསྒྲུབ་པ་སྐབས་སུ་བབས་པ་ན།   དུར་ཁྲོད་དམ་རི་ཁྲོད་སོགས་དབེན་ཅིང་ཉམས་དགའ་བའི་གནས་སུ།   སྟེགས་བུ་བདུད་རྩི་ལྔས་ཆག་ཆག་བཏབ་པ་ལ་ཚུལ་བཞིན་བྲིས་པའི་རས་བྲིས་ཀྱི་དཀྱིལ་འཁོར་བཀྲམ་པའམ།   མ་འབྱོར་ན་མཎྜལ་ལ་ཆང་དང་དྲི་བཟང་གིས་སྦགས་པའི་འབྲུ་ཚོམ་ལྷ་གྲངས་དང་མཉམ་པ་གཙོ་འཁོར་ཕྱེད་པར་བཀོད་པའི་སྟེང་དུ་ {{TibChung|[2 a]}} མཉྫིའི་ཁར་རྣམ་བུམ་སོ་ལྔའི་བཅུད་ལྡན་ཁ་རྒྱན་གཟུངས་རྡོར་གྱིས་སྤྲས་པ་བརྟན་པོར་འགོད།   མདུན་དུ་གཙོ་འཁོར་ཡོངས་རྫོགས་ཀྱི་སྐུ་ཙཀ   །གཡས་སུ་གསང་ཐོད་ཆང་ལ་མངར་གསུམ་ཨ་མྲྀ་ཏ་སྦྱར་བས་བཀང་བའི་ཁ་དར་དམར་བརྒྱད་ལྟེབ་ཀྱིས་བཀབ་པ།   གཡོན་དུ་རིག་ཙཀ་དང༌།   སྔགས་བྱང་ཕྱག་མཚན་ཆས་དབང་སོགས་རྫས་ཙཀ་གཞུང་གི་ཚིག་མཐུན་ཡོངས་རྫོགས།   རྒྱབ་ཕྱོགས་སུ་བྷནྡྷའམ་རིན་པོ་ཆེའི་སྣོད་དུ་དབང་གཏོར་ཆོས་འབྱུང་བསྣོལ་མའི་སྟེང་དུ་གཏོར་མ་ཙིཏྟའི་དབྱིབས་ལ་རྩ་བར་རྡོ་རྗེ་ཕྱེད་པའི་དབྱིབས་ཅན་གྱི་པད་འདབ་བཞི་ཚོམ་རྩེ་མོར་སེང་ཞལ་ཉི་ཟླ་མེ་རེའི་རྒྱན་ལྡན་སྐུ་ཙཀ་གདུགས་ལྗང་གུས་སྤྲས་པ།   མཐར་ཆུ་གཉིས་སྤྱོད་ལྔ་བསྐོར་བཤམ།   མདུན་རྒྱབ་གང་བདེར་མཆོད་གཏོར་སྨན་རཀ་ཉེར་སྤྱོད་ཕྲེང་ཚར་བཅས་བཀོད་ལེགས་སུ་བསྟར།   གཞན་ཡང་བཀའ་སྲུང་ {{TibChung|[2b]}} གཏེར་སྲུང་གི་འབུལ་གཏོར།   ཚོགས་ཀྱི་ཡོ་བྱད།   མིག་དར་མེ་ཏོག   །འགྲིམ་དཀྱིལ།   གསེར་ཐུར།   ཕྱག་ཤིང༌།   མཎྜལ་གྱི་ཆས་སོགས་མདོར་ན་དབང་དང་ཆོ་གར་མཁོ་བའི་ཡོ་བྱད་ཐམས་ཅད་མ་ཚང་བ་མེད་པ་ལེགས་པར་འདུ་བྱས་ལ།   དབང་དོན་སྒྲུབ་མཆོད་ནི།   ལས་བྱང་གི་དབུ་ནས་བརྩམ་མཐར་ཆགས་སུ་གཞུང་བསྲང་བ་ལས།   བློ་རབ་ཀྱིས་བདག་མདུན་དབྱེར་མེད་གཅིག་རྫོགས།   འབྲིང་པོས་བདག་མདུན་བཞིན་དང་མེ་ལོང་གི་ཚུལ།   ཐ་མས་ཚིག་གཅིག་གིས་བདག་བདུན་ཆ་མཉམ་དུ་བསྐྱེད་པ་སྟེ།   གང་ལྟར་དམིགས་པའི་སྤྲོ་བསྡུ་དང་བཅས་བཟླས་པ་ཅི་འགྲུབ་མཐར།   བུམ་བཟླས་ཟུར་དུ་སྤྲོ་ན།}}     བུམ་པ་རང་བྱུང་གི་གཞལ་ཡས་ཁང་དུ་ལྷ་རྣམས་དྭངས་པའི་མཚོ་ལ་གཟའ་སྐར་ཤར་བ་བཞིན་སྐད་ཅིག་གིས་གསལ་བར་མོས་ནས།   རང་སྲོག་སྔགས་ཀྱི་འོད་ཟེར་གཟུངས་ཐག་ལ།   །འཁྲིལ་ཏེ་བུམ་པའི་ལྷ་ཚོགས་ཐུགས་རྒྱུད་བསྐུལ།   །དེ་དག་སྐུ་ལས་བྱང་སེམས་བདུད་རྩིའི་རྒྱུན།   །བབས་པས་བུམ་ཆུར་དབྱེར་མེད་རོ་གཅིག་གྱུར།   །{{TibChung|ཅེས་གཟུངས་ཐག་བླང་ལ་བསྙེན་སྔགས་བརྒྱ་རྩ་སོགས་ཅི་འགྲུབ་མཐར་སྟོང་ཚིགས་ཀྱིས་མཆོད་ནས།}}     ཨོཾ་ཨཱཿཧཱུྃ་{{TibChung|གིས་མཆོད་ཡོན་ཕུལ་བས།}}     ལྷ་རྣམས་བདེ་སྟོང་ཆེན་པོའི་ངོ་བོར་ཞུ་ནས་བུམ་པའི་ཆུ་དང་རོ་གཅིག་ཏུ་གྱུར་{{TibChung|པར་བསམ།}}     ལས་བུམ་གྱི་ནང་དུ་པད་ཉིའི་གདན་ལ་བདུད་རྩི་འཁྱིལ་བ་ལྗང་ནག་སྣ་ཚོགས་རྡོ་རྗེ་དང་མེ་ཞགས་འཛིན་པ།   གཏུམ་རྔམས་ཁྲོ་བོའི་ཆས་ཀྱིས་བརྒྱན་པ་གྱད་ཀྱི་འདོར་ {{TibChung|[3a]}} སྟབས་སུ་བཞུགས་པའི་ཐུགས་ཀར་ཉི་སྟེང་ཧཱུྃ་མཐར་སྔགས་ཀྱི་ཕྲེང་བས་བསྐོར་བ་ལས་བདུད་རྩིའི་རྒྱུན་བབས་པས་བུམ་པ་གང་བར་{{TibChung|བསམ་ལ།}}     ཨོཾ་བཛྲ་ཨ་མྲྀ་ཏ་ཀུཎྜ་ལཱི་ཧ་ན་ཧ་ན་ཧཱུཾ་ཕཊ༔   {{TibChung|ཅེས་ཅི་འགྲུབ་བཟླས་མཐར།}}     ལྷ་འོད་དུ་ཞུ་བ་བུམ་ཆུ་དང་དབྱེར་མེད་ལས་ཐམས་ཅད་འགྲུབ་པའི་ནུས་ལྡན་དུ་གྱུར་བར་{{TibChung|བསམ།   བཀའ་སྲུང་གཏེར་སྲུང་གི་གཏོར་འབུལ།   ཚོགས་ཀྱི་མཆོད་པ་བཅས་གྲུབ་ནས།   བདག་འཇུག་རྒྱས་པར་ལེན་པའམ་རིག་པའི་མེ་ཏོག་དོར་ལ་སློབ་མ་གཞུག་པར་གནང་བ་ནོད།   དཀྱིལ་འཁོར་ཡོལ་བས་བསྒྲིབ་བོ།   །དེ་ནས་དབང་བསྐུར་དངོས་ལ།   སྣོད་ལྡན་ཚུལ་དང་མཐུན་པའི་སློབ་མ་ཉུང་དུ་སྒོའི་ཕྱི་རོལ་དུ།   ཇི་ལྟར་བལྟམས་པ་སོགས་ཀྱི་ཁྲུས་ནས་དབྱུང༌།   ནང་དུ་ཞུགས་པ་ན་བགེགས་གཏོར་བཏང་ལ་བཀའ་བསྒོ་དྲག་སྔགས་ཡུངས་ཐུན་དང་བཅས་པས་བསྐྲད་དེ་སྲུང་འཁོར་བསྒོམ།   མཎྜལ་བཀྱེ་བསྡུ་བྱས་ལ།}}     འོ་ནམ་མཁའ་དང་མཉམ་པའི་སེམས་ཅན་ཐམས་ཅད་འཕགས་བཞི་བསྐྱེད་པའི་ཡུམ་ཀུན་བཟང་ཤེས་རབ་ཕར་ཕྱིན་གྱི་གོ་འཕང་ལ་འགོད་པར་བྱ།   དེའི་ཆེད་དུ་གནས་སྐབས་ལམ་གྱི་བར་ཆད་མཐའ་དག་ཞི་བ་དང་མཐར་ཐུག་བདེ་སྟོང་འཕོ་འགྱུར་མེད་པའི་ཡེ་ཤེས་མངོན་དུ་བྱེད་པའི་སླད་དུ་ཌཱ་ཀི་བདུད་འདུལ་དྲག་མོའི་དཀྱིལ་འཁོར་དུ་ཞུགས་ནས་རིམ་པ་གཉིས་ཀྱི་ལམ་མཐར་ཕྱིན་པར་བགྱིའོ་སྙམ་པའི་སེམས་བསྐྱེད་གསལ་བཏབ་ནས་ {{TibChung|[3b]}} གསན་འཚལ།   གསན་བྱ་ཟབ་མོའི་ཆོས་འདི་དང་འབྲེལ་བའི་ལོ་རྒྱུས་མདོ་ཙམ་སྨོས་ན།   སྔོན་བསྐལ་པ་དཔག་ཏུ་མེད་པ་འདས་པའི་དུས་འོད་དཔག་མེད་ཀྱི་བསྟན་པའི་མཇུག་ཏུ།   བདུད་དགའ་རབ་དབང་ཕྱུག་གི་བུ་མོ་ཕྲ་མེན་སེང་གདོང་མ་ཞེས་བྱ་བ་འཇིག་རྟེན་དུ་བྱུང་ནས་སྐྱེ་འགྲོ་ཐམས་ཅད་ཀྱི་སྲོག་དབུགས་དང་ཤ་ཁྲག་ལ་ལོངས་སྤྱོད་ཅིང་སངས་རྒྱས་ཀྱི་བསྟན་པ་ལའང་མངོན་པར་གནོད་ཅིང་མུ་སྟེགས་བདུད་ཀྱི་སྡེ་འཕེལ་ནས་རྒྱལ་བསྟན་ཉམས་དམའ་བར་གྱུར་ཏེ།   །དེའི་ཚེ་སངས་རྒྱས་ཐམས་ཅད་ཀྱི་དགོངས་པ་མཉམ་པར་གཟིགས་ནས་ཕྲ་མེན་མ་རུངས་པའི་བདུད་དེ་འདུལ་བ་ལ་ཁོ་རང་འདྲ་བ་ཞིག་སྤྲུལ་ནས་འདུལ་དགོས་པར་མཁྱེན་ཏེ་ཡེ་ཤེས་ཀྱི་དབྱིངས་ནས་སྤྲུལ་པའི་མཁའ་འགྲོ་སེང་གདོང་དྲག་མོའི་སྐུ་མངོན་དུ་སྣང་བར་མཛད་ཅིང་རྒྱལ་བ་མ་ལུས་པའི་ཐུགས་རྗེའི་མཐུ་སྟོབས་ནུས་པ་བྱིན་རླབས་ཀྱིས་དབང་བསྐུར།   བདུད་དཔུང་འདུལ་བའི་དཔའ་མོར་མངའ་གསོལ་ནས་དྲག་མོ་ཁྲོས་པའི་རྫུ་འཕྲུལ་གྱིས་འཇིག་རྟེན་ཐམས་ཅད་ཤིག་ཤིག་ཡོམ་ཡོམ་དུ་གཡོས་པའི་ཚེ།   བདུད་མོ་ཕྲ་མེན་ཐམས་ཅད་རབ་ཏུ་འཁྲུགས་ཤིང་མ་རུངས་པའི་ཆོ་འཕྲུལ་དྲག་པོ་སྟོན་པ་ལ།   ཡེ་ཤེས་ཀྱི་མཁའ་འགྲོ་སེང་གདོང་དྲག་མོ་བདུད་འདུལ་བའི་ཏིང་ངེ་འཛིན་ལ་མཉམ་པར་བཞག་པའི་ངང་ {{TibChung|[4a]}} ནས་སྤྲུལ་པ་དུ་མས་བདུད་ཀྱི་ནུས་པ་བཅོམ།   མཐུ་དང་སྟོབས་རྩལ་འཕྲོག་ནས་དབང་དུ་བསྡུས་ཤིང་རྣམ་ཤེས་མཁའ་འགྲོའི་ཐུགས་ཀློང་དུ་གནས་སྤར།   ལུས་ཕུང་དུར་ཁྲོད་གསང་ཆེན་བསྣོལ་མར་བྱིན་གྱིས་བརླབས།   འཁོར་ཚོགས་དྲེགས་པ་ཅན་རྣམས་ཀྱིས་སྲོག་སྙིང་ཕུལ་ཞིང་དམ་ལ་བཏགས་ནས་སངས་རྒྱས་ཀྱི་བསྟན་པ་སྐྱོང་བའི་སྲུང་མར་བཞག   །དེར་གཙོ་བོ་མོས་གསང་སྔགས་མ་རྒྱུད་ཀྱི་ཆོས་འཁོར་བསྐོར་ནས་ཐམས་ཅད་དཀྱིལ་འཁོར་ཆེན་པོ་གཅིག་གི་ངང་དུ་བཞུགས་སོ།   །དེ་ནས་ཚེ་ལོ་བརྒྱ་པའི་སྐབས་སུ་སངས་རྒྱས་ཤཱཀྱ་ཐུབ་པ་འཇིག་རྟེན་དུ་བྱོན།   ཕ་རོལ་དུ་ཕྱིན་པ་བཅུའི་སྒོ་ནས་སངས་རྒྱས་ཀྱི་མཛད་པ་མཐར་ཕྱིན་པར་མཛད༔   ཁྱད་པར་ཝ་ར་ཎཱ་སི།   བྱ་རྒོད་སྤུངས།   འོག་མིན་གྱི་གནས་ལ་སོགས་པར་ཆོས་ཀྱི་འཁོར་ལོ་རིམ་པ་གསུམ་དུ་བསྐོར།   གཞན་ཡང་གསང་ཆེན་མེ་རི་འབར་བ་དང༌།   དུར་ཁྲོད་ལངྐ་བརྩེགས་པ་རྣམས་སུ་ཞི་བ་དང་ཁྲོ་བོའི་དཀྱིལ་འཁོར་དཔག་ཏུ་མེད་པར་སྤྲུལ་ཏེ་མ་ངེས་པའི་རྒྱུད་སྡེ་མང་པོ་དང༌།   ཏནྟྲ་ཆེན་པོ་བཅོ་བརྒྱད།   བསྟན་སྲུང་དྲག་སྔགས་ཀྱི་བསྐོར་མ་ལུས་པ་གསུངས།   ཁྱད་པར་དུར་ཁྲོད་གསང་ཆེན་བསྣོལ་དུ་བྱོན་ནས་འཁོར་རྣམས་བཀའ་སྩལ་པ།   ད་ལྟ་ཉི་མ་ {{TibChung|[4b]}} གནམ་གྱི་དཀྱིལ༔   མུན་པ་བྱ་བ་ཡིད་ལ་མེད།   མུན་པ་ཉི་མ་བརྒལ་ནས་འོང་༔   བསལ་ཐབས་དྲག་སྔགས་བཟླ་བར་དགོས༔   ཞེས་གསུངས་པའི་དོན་གནང་བར་གསང་བའི་བདག་པོས་ཞུས་པ་ལྟར་སྟོན་པ་བདུད་འདུལ་བའི་ཏིང་ངེ་འཛིན་ལ་བཞུགས་པས་མཁའ་འགྲོ་བདུད་འདུལ་མ་དངོས་ཀྱིས་གནམ་ལྕགས་ཐོག་རྒྱུད་ཅེས་བྱ་བ།   ཡི་གེ་བཅུ་བཞི་རྐང་ལག་མེད་པ་སྦྲུལ་གཅུན་པོའི་རེ་སོ་འདྲ་བ་གཅིག་ཕུལ།   དེ་ལ་སངས་རྒྱས་ཀྱིས་ཐོག་རྒྱུད་ཕ་རྒྱུད།   མ་རྒྱུད།   མ་ནིང༌།   བླ་མེད།   ཡང་གསང་གི་རྒྱུད་དང་ལྔར་གསུངས་ཏེ།   དེ་ལྔ་ལའང་རྒྱས་པ།   ཤིན་ཏུ་རྒྱས་པ།   བསྡུས་པ།   ཤིན་ཏུ་བསྡུས་པ།   འབྲིང་པོ་ལྔ་ལྔར་ཕྱེས་ཏེ་གསང་བའི་བདག་པོ་ལ་གཏད་ནས་འདི་ནི་མཁའ་འགྲོ་ཐམས་ཅད་ཀྱི་སྲོག་སྙིང་སངས་རྒྱས་བསྟན་པ་སྲུང་བའི་མཚོན་ཆ་ཡིན་པས་མཆོད་རྟེན་བུམ་པ་ཅན་ལ་གཏེར་དུ་སྦོས་ལ་མཁའ་འགྲོ་བདུད་འདུལ་མ་ཉིད་ལ་གཉེར་དུ་གཏོད་ཅིག   །ཅེས་གསུངས་པ་བཞིན་གསང་བདག་གིས་དུར་ཁྲོད་གསང་ཆེན་བསྣོལ་མའི་དབུས་མཆོད་རྟེན་བུམ་པ་ཅན་དུ་རྒྱ་རིམ་པ་བདུན་བཏབ་ནས་གཏེར་དུ་སྦས་སོ།   །དེ་རྗེས་སངས་རྒྱས་མྱ་ངན་ལས་འདས་ནས་མི་ལོ་བདུན་བརྒྱ་དང་ལྔ་བཅུ་ཙམ་སོང་བའི་སྐབས།   རྒྱ་གར་རྡོ་ {{TibChung|[5a]}} རྗེ་གདན་དུ་ཆོས་རྒྱལ་སུ་རྻ་སིཾ་ཧས་མཆོད་གནས་པཎ་ཆེན་ལྔ་བརྒྱ་དང་བཅས་སངས་རྒྱས་ཀྱི་བསྟན་པ་སྐྱོང་བའི་དུས།   ཕྱི་རོལ་མུ་སྟེགས་ཀྱི་བསྟན་པ་འཕེལ་ནས་ནང་པ་སངས་རྒྱས་པའི་བསྟན་པ་ལ་རྩོད་དུ་བྱུང་བའི་ཚེ།   ཆོས་རྒྱལ་དང་པཎ་ཆེན་རྣམས་ཀྱིས་སློབ་དཔོན་ཆེན་པོ་པདྨ་སམ་བྷ་བ་སྤྱན་དྲངས་ནས་བདུད་འདུལ་བར་གསོལ་བ་བཏབ་པས་པདྨས་རྫུ་འཕྲུལ་རྩོད་པས་བདུད་རིགས་ཕམ་པར་བྱས།   ཕྱི་པས་ངན་སྔགས་བཏང་བ་ན་དུར་ཁྲོད་གསང་ཆེན་བསྣོལ་མར་བྱོན་ནས་དྲག་མོ་གནམ་ལྕགས་ཐོག་གི་རྒྱུད་གཏེར་ནས་བཏོན།   དྲག་སྔགས་བཅུ་བཞི་པས་མུ་སྟེགས་རྣམས་རང་གཤེད་རང་ལ་ཕབ་སྟེ་སྟོན་པ་སྡེ་དྲུག་ཐོག་གིས་བསད།   བདུད་ཀྱི་དཔུང་ཚོགས་མ་ལུས་པ་བཅོམ་ནས་སངས་རྒྱས་ཀྱི་བསྟན་པ་དར་ཞིང་རྒྱས་པར་མཛད་དོ།   །དེ་ནས་བོད་འདིར་སངས་རྒྱས་ཀྱི་བསྟན་པ་དར་བའི་དུས་ལ་བབས་པ་ན་ཆོས་རྒྱལ་ཁྲི་སྲོང་ལྡེའུ་བཙན་གྱིས་སློབ་དཔོན་ཆེན་པོ་པདྨ་བོད་དུ་དྲངས་ནས།   སྐུ་གསུང་ཐུགས་ཀྱི་རྟེན་གསུམ་ཁྱད་པར་ཅན་དང་མདོ་སྔགས་ཀྱི་བསྟན་པ་དར་སྨིན་རྒྱས་པར་མཛད།   མི་ལོ་བརྒྱ་དང་བཅུ་གཅིག་བོད་དུ་བཞུགས་པའི་བདུན་ཅུ་དོན་གསུམ་སྟག་གི་ལོ་ལ་བསམ་ཡས་མཆིམས་ཕུ་བྲག་ {{TibChung|[5b]}} དམར་ཀེའུ་ཚང་སོགས་གནས་ཆེན་རྣམས་སུ་ལས་ཅན་དག་པའི་འཁོར་རྣམས་ལ།   སྒྲུབ་ཆེན་བཀའ་བརྒྱད་བདེ་གཤེགས་འདུས་པ་གཙོ་བོར་གྱུར་བའི་རྩ་བ་གསུམ་གྱི་གདམས་སྐོར་མཐའ་ཡས་པ་གནང་བའི་སྐབས།   ཁྱད་པར་ཕྱི་ནང་གི་བྱད་ཕུར་རྦོད་གཏོང་གདུག་པའི་ཚང་ཚིང་བཅོམ་པ་ལ་དུས་མཐའི་མེ་དང་མཚུངས་པའི་ནུས་སྟོབས་གསང་རིག་གཟུངས་སྔགས་གང་གིས་ཀྱང་འགྲན་པའི་ཟླ་དང་བྲལ་བར་ཡོངས་སུ་གྲགས་པ་མཁའ་འགྲོའི་དྲག་སྔགས་ཟབ་མོ་ཐུན་མོང་མ་ཡིན་པ་འདི་ཉིད་ཌཱ་ཀི་བདུད་འདུལ་མའི་སྤྲུལ་པ་ཡེ་ཤེས་མཚོ་རྒྱལ་ལ་རྩལ།   དེས་ཀྱང་མི་བརྗིད་པའི་གཟུངས་ཀྱིས་བཟུང་སྟེ་མཁའ་འགྲོ་བརྡ་ཡི་ཡི་གེར་བཀོད་ནས་ཁྱད་པར་ཅན་གྱི་དམ་རྫས་སྲོག་རྟེན་སོགས་དང་ལྷན་ཅིག་ཕྱི་རབས་གདུལ་བྱའི་དོན་དུ་གཏེར་གནས་དུ་མར་ཟབ་མོ་གསང་བའི་གཏེར་དུ་སྦས་པར་མཛད་པའི་ནང་ཚན།   འདི་ནི་བོད་ཆེན་པོའི་ལྗོངས་ཀྱི་བྱེ་བྲག་མདོ་སྨད་རྔ་རོལ་སྟག་རྩེའི་གཡས་ལོགས་ཤ་བྲག་རྡོ་རྗེ་ཅན་དུ་སྦས་པར་མཛད་པ་ཉིད།   དེང་སང་སྙིགས་དུས་འདུལ་བའི་སྐབས་སུ་བབས་པ་ན།   འབྲོག་བན་ཁྱེའུ་ཆུང་ལོ་ཙཱའི་རྣམ་འཕྲུལ་སྤྲུལ་པའི་གཏེར་ཆེན་ཁྲག་འཐུང་བདུད་འཇོམས་རྡོ་རྗེ་གྲོ་ལོད་རྩལ་གྱིས་སྤྱན་དྲངས་ཏེ་མི་ལོ་བཞི་བཅུ་རྩ་བཞིའི་བར་དུ་ཤིན་ཏུ་གསང་བའི་ {{TibChung|[6a]}} དམ་ཚིག་གི་རྒྱས་བཏབ་མཐར།   སྨོན་ལམ་གྱི་དུས་སད་པའི་ཚེ་མཁའ་འགྲོ་རྡོ་རྗེའི་ལུས་ཅན་ཞེས་བྱ་བའི་ལུང་གིས་སྐབས་ཕྱེས་པ་ལྟར་ཤོག་སེར་ལས་གཏན་ལ་ཕབ་སྟེ་ལས་ཅན་སྙིང་གི་བུ་གསུམ་ལ་ཐུན་མིན་མནོག་ཆོས་སུ་སྩལ་བ་ཟབ་ལམ་མཁའ་འགྲོ་འདུས་པའི་སྒྲུབ་ཐབས་ལ་ཕྱི་ནང་གསང་བ་ཡང་གསང་གི་སྐོར་རྣམས་སུ་བཞུགས་པ་ལས།   འདིར་ནང་སྒྲུབ་བདུད་འདུལ་དྲག་མོ་སེང་གེའི་གདོང་ཅན་མའི་དཀྱིལ་འཁོར་དུ་དབང་བསྐུར་བ་སྐབས་སུ་བབས་པ་ལགས།   དེ་ལ་བདག་ཉིད་སློབ་དཔོན་གྱིས་བགྱི་བར་འོས་པ་རྣམས་སྔོན་དུ་སོང་ནས།   ཁྱེད་རང་སློབ་མ་རྣམས་ཀྱི་ངོ་སྐལ་དུ་གྱུར་པ་ལ་ཐོག་མར་བླ་མ་དང་དཀྱིལ་འཁོར་གྱི་གཙོ་མོ་དབྱེར་མེད་པའི་སྤྱན་སྔར་སྨིན་བྱེད་དབང་གི་རིམ་པ་ཟབ་མོ་ཞུ་བའི་ཡོན་དུ་དམིགས་ཏེ་མཎྜལ་ཞིག་འབུལ་མཛོད།   {{TibChung|ཅེས་མཚམས་སྦྱར་ལ་མཎྜལ་འབུལ་དུ་གཞུག   །}}  དེ་ལྟར་མཎྜལ་ཕུལ་ནས་ཐོག་མར་དཀྱིལ་འཁོར་དུ་འཇུག་པའི་ཆས་སུ་གཞུག་པ་ནི།   ཁྱེད་རང་རྣམས་སྔོན་ཆད་གསང་བའི་དཀྱིལ་འཁོར་གཉན་པོ་འདིར་མ་ཞུགས་པའམ།   ཞུགས་ཀྱང་བསྐྱར་ནས་འཇུག་པ་མཚོན་པའི་བརྡར་དར་རས་དམར་པོ་རེས་གདོང་གཡོགས་པར་མོས་ཤིག   །ཨོཾ་ཙཀྵུ་བྷནྡྷ་ཝ་ར་མ་ཎ་ཡེ་སྭཱ་ཧཱ།   {{TibChung|ཞེས་མིག་དར་བཅིང༌།}}     དཀྱིལ་འཁོར་གྱི་ལྷ་ {{TibChung|[6b]}} དང་མཇལ་བའི་ཚེ་ཕྱག་སྟོང་པར་མཇལ་དུ་མི་རུང་བས་ཕྱག་རྟེན་གྱི་སླད་དུ་མེ་ཏོག་གསར་པའི་ཆུན་པོ་རེ་ཐོགས་པར་མོས་མཛོད།   ཨོཾ་པུཥྤེ་ཧཱུྃ༔   ཞེས་མེ་ཏོག་གཏད།   བླ་མ་དཀྱིལ་འཁོར་གྱི་གཙོ་མོ་དབྱེར་མེད་པ་ལ་མི་ཕྱེད་དད་པའི་གདུང་ཤུགས་དྲག་པོའི་སྒོ་ནས་གསོལ་བ་འདེབས་པ་འདིའི་རྗེས་ཟློས་མཛོད།   ཀྱཻ༔   བླ་མ་སངས་རྒྱས་བླ་མ་ཆོས༔   བླ་མ་དགེ་འདུན་སྤྱི་དཔལ་མཆོག༔    སྐུ་གསུམ་རྩ་གསུམ་ཡོངས་འདུས་དཔལ༔   རིགས་ཀུན་ཁྱབ་བདག་བླ་མ་རྗེ༔   ཁྱེད་ལ་གུས་པས་གསོལ་བ་འདེབས།   བདག་ཅག་སྐལ་ལྡན་བུ་རྣམས་ལ༔   སྤྱི་དཔལ་སེང་གེའི་གདོང་ཅན་གྱི༔   དབང་མཆོག་ཡོངས་རྫོགས་བསྐུར་དུ་གསོལ༔   {{TibChung|ལན་གསུམ།}}     དེ་ལྟར་གསོལ་བ་བཏབ་པ་ལ་རིགས་དང་སྣོད་བརྟག་པ་འདི་ལ་གསན་འཚལ།   ཧོཿ  ལས་དང་སྐལ་བཟང་སློབ་བུ་རྣམས༔   གསང་སྔགས་དབང་གི་སྒོར་འཇུག་ན༔   རྩ་བ་དང་ནི་ཡན་ལག་གི༔   དམ་ཚིག་གཉན་པོ་བསྲུང་ནུས་སམ༔   ཞེས་དྲིས་པ་ལ་ལན་གསོལ་བ་འདིའི་རྗེས་ཟློས་མཛོད།   ཧོཿ  དུས་གསུམ་སངས་རྒྱས་འདུས་པའི་དཔལ༔   བླ་མ་དང་ནི་ཡི་དམ་ལྷ༔   སེང་གདོང་མ་ཡི་དཀྱིལ་འཁོར་དུ༔   བདག་ཅག་འདིར་འདུས་སྐལ་ལྡན་གྱིས༔   སོ་ཐར་བྱང་སེམས་གསང་སྔགས་ཀྱི༔   རྩ་བ་ཡན་ {{TibChung|[7a]}} ལག་དམ་ཚིག་ལ༔   རྟག་ཏུ་གནས་ཤིང་མི་བསྲུང་རེ༔   དེ་རིང་ཉིད་ནས་མི་བསྲུང་རེ༔   {{TibChung|ཞེས་ཞུས་པའི་ལན་དུ།}}     ཧོཿ སྐལ་ལྡན་རིགས་ཀྱི་བུ་མཆོག་རྣམས༔   དེ་ལྟར་ནུས་ཤིང་བསྲུང་གནས་ན༔   གསང་ཆེན་མཁའ་འགྲོའི་དབང་མཆོག་ནི༔   ཡོངས་རྫོགས་བསྐུར་གྱིས་ལེགས་པར་ཉོན༔   {{TibChung|ལག་ཏུ་རྡོ་རྗེ་དྲིལ་བུ་གཏད་ལ།}}     ཨེ་མ་སྐལ་ལྡན་བུ་མཆོག་རྣམས༔   གསང་སྔགས་རྡོ་རྗེ་ཐེག་པའི་ཆོས༔   ཨུ་དུམ་ཝ་རའི་མེ་ཏོག་ལྟར༔   ལན་རེ་འབྱུང་བ་དེར་འཕྲད་པའི༔   སྐལ་ལྡན་ཉིན་མོའི་སྐར་མ་ཙམ༔   ཁྱེད་ཅག་ལས་སྨོན་རྟེན་འབྲེལ་བཟང་༔   ད་ནས་བཟུང་སྟེ་ཐབས་ཤེས་མཚོན༔   རྡོ་རྗེ་དྲིལ་བུའི་ཕྱག་རྒྱ་ཟུངས༔   བཛྲ་དྷརྨཱ་ཨ་བྷི་ཥིཉྩ་སྭཱ་ཧཱ༔   དེ་ནས་རྒྱུད་དག་ཅིང་དབང་གི་སྣོད་རུང་བར་བྱ་བའི་ཕྱིར་བླ་མ་དང་མཁའ་འགྲོ་བདུད་འདུལ་དྲག་མོའི་དཀྱིལ་འཁོར་རྩ་གསུམ་ཆོས་སྲུང་དང་བཅས་པའི་སྤྱན་སྔར་རང་གཞན་སེམས་ཅན་ཐམས་ཅད་འཁོར་བ་ལས་ཐར་འདོད་ཀྱི་ངེས་འབྱུང་དང་བྱང་ཆུབ་དོན་དུ་གཉེར་བའི་བསམ་པས་སྐྱབས་སུ་འགྲོ་བ་འདིའི་རྗེས་ཟློས།   ན་མོ༔   བདག་དང་མཐའ་ཡས་{{TibChung|སོགས་ལས་བྱད་ལྟར་སྐྱབས་འགྲོ་ལན་གསུམ།}}     མར་གྱུར་སེམས་ཅན་ཐམས་ཅད་ཀྱི་དོན་དུ་ལམ་ཟབ་མོ་འདི་ལ་དད་པས་འཇུག་ཅིང་བརྩོན་པས་བསྒྲུབ་པར་ {{TibChung|[7b]}} བགྱིའོ་སྙམ་དུ་སེམས་བསྐྱེད་པ་འདིའི་རྗེས་ཟློས།   ཧོཿ  མར་གྱུར་མཁའ་མཉམ་{{TibChung|སོགས་སེམས་བསྐྱེད་ལན་གསུམ།}}     དེས་ཐུན་མོང་དུ་རྒྱུད་སྦྱོང་བའི་རིམ་པ་སོང་ནས།   ཐུན་མོང་མ་ཡིན་གསང་སྔགས་ཀྱི་དབང་ཐོབ་ནས་དམ་ཚིག་ལ་ཚུལ་བཞིན་དུ་གནས་དགོས་པས་དེའི་དཔང་པོར་རྡོ་རྗེའི་སྲོག་ཆུ་སྦྱིན་པར་ཤེས་མཛོད།   {{TibChung|དམ་ཆུ་བདུད་རྩི་བྱིན་ལ།}}     ཧོཿ  འདི་ནི་རྒྱལ་བ་ཐམས་ཅད་ཀྱིས༔   བྱིན་གྱིས་བརླབས་པ་རྡོ་རྗེའི་ཆུ༔   དམ་ཚིག་གཉན་གྱི་བདུད་རྩི་འདི༔   སྐལ་ལྡན་ཁྱོད་ཀྱི་ངག་ཏུ་བླུད༔   ཁྱོད་ཀྱིས་ང་ལ་བརྙས་མི་བྱ༔   བརྙས་ཤིང་དམ་ལས་འགལ་གྱུར་ན༔   རྡོ་རྗེ་མཁའ་འགྲོའི་བཀའ་ཆད་ཀྱིས༔   མགོ་བོ་འགས་ཤིང་ལུས་ཀྱང་གཞོམ༔   མཐར་ནི་རྡོ་རྗེ་དམྱལ་བར་ལྟུང་༔   བསྲུང་ན་ཚེ་འདིར་མངོན་སངས་རྒྱས༔   སྐྱེ་བའི་འཕྲེང་བར་མི་བརྒྱུད་ངེས༔   {{TibChung|ཞེས་བསྒོས་ལ།}}     ཇི་ལྟར་བསྒོས་པའི་དམ་ཚིག་ལས་ནམ་ཡང་མི་འདའ་བའི་བློས་རྡོ་རྗེའི་བྲོ་བོར་བ་འདིའི་རྗེས་ཟློས།   གསུངས་བཞིན་རྡོ་རྗེའི་དམ་ཚིག་ལས༔   མི་འདའ་བདག་གིས་བསྲུང་བར་བགྱིའོ༔   ས་མ་ཡ་ན་ར་ཀན༔   དེ་ལྟར་དམ་ཚིག་རྡོ་རྗེའི་ཆུ་དེ་ཉིད་དེང་ནས་ཇི་སྲིད་བར་སྙིང་གི་དབུས་སུ་གནས་ཏེ་སྲུང་ཉམས་ཀྱི་དཔང་པོ་བྱེད་པ་ཡིན་པས་རྣམ་ཀུན་དྲན་ཤེས་བརྟན་པོས་རྩ་བ་དང་ཡན་ལག་གི་དམ་ཚིག་ {{TibChung|[8a]}} མཐའ་དག་ལེགས་པར་བསྲུང་དགོས་ཏེ།   རྩ་བ་སྐུ་གསུང་ཐུགས་གསུམ་ཡན་ལག་ཉེར་ལྔ་སོགས་སྤྱི་ལྟར་བསྲུང་བ་དང༌།   ཁྱད་པར་རང་ལུས་ཐ་མལ་དུ་མི་བཞག་པར་ཡེ་ཤེས་མཁའ་འགྲོའི་སྐུའི་འཁོར་ལོ།   ངག་མཁའ་འགྲོ་གསུང་སྔགས་ཀྱི་འཁོར་ལོ།   ཡིད་མཁའ་འགྲོའི་ཐུགས་བདེ་སྟོང་གི་འཁོར་ལོ་གསུམ་དང་མི་འབྲལ་བའི་དམ་ཚིག་ལ་གནས་དགོས་ཤིང༌།   དམ་ཚིག་བསྲུངས་ན་དམ་ཆུ་ཡེ་ཤེས་མཁའ་འགྲོར་གྱུར་ནས་བཀྲ་ཤིས།   བསམ་པ་འགྲུབ།   དངོས་གྲུབ་རྣམ་གཉིས་རྩོལ་མེད་དུ་ཐོབ།   གལ་ཏེ་དམ་ཉམས་ན་ཤ་ཟ་སྲིན་མོར་གྱུར་ཏེ་ཚེ་འདིར་མ་མོའི་ཁྲག་ནད་གཏོང་ཞིང་བཀྲ་མི་ཤེས།   ཕྱི་མ་མནར་མེད་དམྱལ་བའི་གནས་སུ་ལྷུང་ནས་སྡུག་བསྔལ་ལས་ཐར་དུས་མེད་པར་མྱོང་དགོས་པས།   དེའི་ཕྱིར་སྐལ་ལྡན་རྣམས་དབང་སྲོག་དམ་ཚིག་ལ་གནས་པར་མཛོད་ཅིག   །དེ་ནས་དབང་གི་གཞིའམ་རྩ་བར་གྱུར་པ་ཡེ་ཤེས་པ་དབབ་པ་ཡིན་པས་ཁྱེད་རང་རྣམས་ལུས་གནད་ལངས་ཤིང་ཆ་བསྒྲིམ།   ལག་པ་རྡོ་རྗེ་རྩེ་ལྔའི་རྒྱག་རྒྱ་སྤྱི་བོར་བཅའ།   ངག་གནད་རླུང་ཁ་སྦྱོར་དུ་བཟུང༌།   ཡིད་གནད་གཞན་དུ་མ་ཡེངས་པར་དམིགས་པ་འདི་བཞིན་དུ་མཛོད།   {{TibChung|ལས་སྔགས་དང་ལས་ཆུས་བསང༌།}}     སྭ་བྷཱ་ཝ་{{TibChung|ས་སྦྱང༌།}}     གཉིས་འཛིན་གྱི་ཆོས་ཐམས་ {{TibChung|[8b]}} ཅད་སྟོང་པ་ཉིད་དུ་གྱུར།   སྟོང་པའི་ངང་ལས་གནས་ཡུལ་འོག་མིན་གསང་ཆེན་རོལ་པའི་ཞིང་ཁམས་རང་བྱུང་དུར་ཁྲོད་དྲག་པོའི་ཕོ་བྲང་ཆེན་པོར་ཡོངས་སུ་དག་པའི་དབུས་སུ་སློབ་མ་རྣམས་སྐད་ཅིག་གིས་མཁའ་འགྲོ་སེང་གདོང་ལྗང་མོ་ལང་ཚོ་དང་ལྡན་པ་སྟོང་ར་འོད་ཀྱི་སྐུར་བསྒོམ་པའི་སྙིང་གར་དགའ་བ་འཁྱིལ་བ་ཡྃ་གྱིས་མཚན་པ་གཡས་སུ་འཁོར་བའི་དབུས་སུ་ཀུན་ཏུ་བཟང་མོའི་ངོ་བོ་ཡེ་ཤེས་ཀྱི་མཁའ་འགྲོ་ལྗང་མོ་གཅེར་བུ་གྲི་ཐོད་འཛིན་པ་གར་ཐབས་ལིང་ལིང་བྱེད་པའི་ཐུགས་ཀར་ཧཱུཾ་ཡིག་ལྗང་ཁུས་མཚན་པ་དེ་ལས་འོད་ཟེར་དཔག་ཏུ་མེད་པ་འཕྲོས་པས་ཕྱོགས་བཅུའི་ཞིང་ཁམས་རབ་འབྱམས་དང༌།   ཁྱད་པར་དུ་དུར་ཁྲོད་གསང་ཆེན་བསྣོལ་མའི་ཞིང་ནས་མཁའ་འགྲོ་སེང་གདོང་དྲག་མོའི་ཐུགས་རྒྱུད་རང་དབང་མེད་པར་བསྐུལ་ཏེ་རྩ་གསུམ་རྒྱལ་བ་རྒྱ་མཚོའི་ལྷ་ཚོགས་ཐམས་ཅད་ཡེ་ཤེས་མཁའ་འགྲོ་སེང་གདོང་མའི་རྣམ་པར་སྤྲིན་འཁྲིགས་པ་ལྟར་ཡོམ་ཡོམ་ཤིག་ཤིག་ཏུ་བྱོན་ནས་ཁྱེད་རང་རྣམས་དམ་ཚིག་མཁའ་འགྲོར་གསལ་བ་ལ་གཉིས་སུ་མེད་པར་མཚོ་ལ་ཁ་ཆར་བབས་པ་བཞིན་སིབ་སིབ་ཐིམ་པའི་མོས་པ་མཛོད།   {{TibChung|ཅེས་བརྡ་སྦྱར་ལ།   འབེབས་པའི་རྫས་བསྲེགས་ཤིང་རོལ་མོ་དབྱངས་དང་བཅས་ལས་བྱང་གི་བྱིན་འབེབས་མཐར་རྩ་སྔགས་ལ།}}     ཀཱ་ཡ་ཝཱ་ཀ་ཙིཏྟ་ཨཱ་བེ་ཤ་ཡ་ཨ་ཨཱཿ{{TibChung|ཞེས་བཏགས་ {{TibChung|[9a]}} པ་དྲག་ཏུ་བརྗོད་པས་དབབ།}}     དེས་མཁའ་འགྲོ་ཕེབས་པའི་རྟགས་ལུས་ངག་ཡིད་གསུམ་ལ་འབྱུང་ཞིང་ཁྱད་པར་སེམས་བདེ་གསལ་མི་རྟོག་པའི་ཉམས་འུར་བ་དང་རང་རིག་རྗེན་གསལ་ཁྲོལ་ལེ་བ་འབྱུང༌།   དེ་ནི་ཡེ་ཤེས་མཁའ་འགྲོ་དངོས་སུ་ཕེབས་པ་དབང་དོན་གྱི་ཡེ་ཤེས་ཡིན་པས་ངོ་ཤེས་པར་གྱིས་ཤིག   །དེ་ལྟར་བྱིན་ཕབ་པའི་ཡེ་ཤེས་པ་ཉིད་དམ་ཚིག་སློབ་མའི་སྒོ་གསུམ་གྱི་དཀྱིལ་འཁོར་ལ་བརྟན་པར་གྱུར་ཅིག   །ཏིཥྛ་བཛྲ༔   {{TibChung|ཞེས་མེ་ཏོག་འཐོར།}}     སློབ་དཔོན་གྱི་ཐུགས་ཀ་ནས་ཡེ་ཤེས་ཀྱི་འོད་ཟེར་གསེར་གྱི་ཐུར་མ་ལྟ་བུ་འཕྲོས་པས་ཁྱེད་རང་རྣམས་ཀྱི་མ་རིག་གཉིས་རྟོག་གི་མུན་པ་མིག་དར་དང་ལྷན་ཅིག་ཏུ་བསལ་བས་སྒྲིབ་མེད་ཡེ་ཤེས་ཀྱི་སྤྱན་ཐོབ་པར་མོས་ཤིག   །{{TibChung|གསེར་ཐུར་ཐོགས་ལ།}}     ཧཱུྃ༔   དཀོན་མཆོག་རྩ་གསུམ་ཐུགས་རྗེའི་མཐུས༔   ཁྱེད་ཀྱི་མ་རིག་ལིང་ཏོག་བསལ༔   ཐར་པ་ཆེན་པོའི་དཀྱིལ་འཁོར་དུ༔   ཡེ་ཤེས་ལྷ་ཚོགས་མཐོང་གྱུར་ཅིག༔   ཛྙཱ་ན་ཙཀྵུ་པྲ་བེ་ཤ་ཡ་ཕཊ༔   {{TibChung|ཅེས་མིག་དར་དཀྲོལ་ཞིང་དཀྱིལ་འཁོར་གྱི་ཡོལ་བ་བསལ།   རྡོ་རྗེའམ་ཕྱག་ཤིང་གིས་མཚོན་ཏེ།}}     ཧོཿ  མཁའ་འགྲོ་གསང་བའི་དཀྱིལ་འཁོར་འདིར༔   སྐལ་ལྡན་ལས་འཕྲོ་ཅན་མ་གཏོགས༔   ཀུན་གྱིས་མཐོང་བ་མ་ཡིན་ནོ༔   བུ་ཁྱོད་གུས་པས་ལེགས་པར་ལྟོས༔   ཧོཿ  ཉོན་ {{TibChung|[9b]}} ཅིག་སྐལ་ལྡན་རིགས་ཀྱི་བུ་རྣམས།   དཀྱིལ་འཁོར་གྱི་དབུས་སུ་ཡེ་ཤེས་ཀྱི་མཁའ་འགྲོ་སེང་གདོང་མ་བཞུགས་པའི་རྟགས་སུ་ལྟེ་བ་དམར་པོ།   ཕྱོགས་བཞིར་ཌཱ་ཀི་རིགས་བཞི་བཞུགས་པའི་རྟགས་སུ་པདྨ་འདབ་བཞི།   ཕྱི་འཁོར་ལ་ཌཱ་ཀི་སྡེ་བརྒྱད་བཞུགས་པའི་པདྨ་འདབ་བརྒྱད།   གསང་སྔགས་རིག་སྔགས་ཐམས་ཅད་འདུས་པའི་རྟགས་སུ་ཟླུམ་ཐིག་དུར་ཁྲོད་རྡོ་རྗེ་མེའི་ར་བ་དང་བཅས་པའོ།   །འདི་ལ་ལྟོས་ལ་ཁ་དོག་ཅི་འདྲ་མཐོང་བ་ད་ལྟ་སྨྲོས་ཤིག   །{{TibChung|ཅེས་དྲིས་ལ་གང་མཐོང་བརྗོད་དུ་གཞུག   །ཅིའང་མ་མཐོང་ཟེར་ན་སྐལ་མེད་ཡིན་པས་ཕྱིར་བསྐྲད་པར་གསུངས།}}     དེ་ལྟར་མཐོང་བ་བསྟན་པས་དཀྱིལ་འཁོར་གྱི་ཁ་དོག་དཀར་པོར་མཐོང་ན་ཞི་བ།   སེར་པོས་རྒྱས་པ།   དམར་པོས་དབང༌།   ལྗང་གུས་དྲག་པོ།   མཐིང་ནག་གིས་མཆོག   །སྣ་ཚོགས་མཐོང་ན་ལས་དང་དངོས་གྲུབ་སྣ་ཚོགས་འགྲུབ་པར་འགྱུར་རོ།   །{{TibChung|ཞེས་ལུང་བསྟན།}}     ཁྱེད་རང་རྣམས་ལ་སྔར་བྱིན་པའི་མེ་ཏོག་ཐལ་མོ་སྦྱར་བའི་བར་དུ་ཐོགས་པ་དེ་ཉིད་ཚེ་རབས་ནས་སྨོན་ལམ་གྱིས་འབྲེལ་བའི་ལྷ་ལ་ཕོག་པར་ཤོག་ཅིག་སྙམ་པའི་འདུན་པ་དང་བཅས་ཚིག་འདིའི་རྗེས་ཟློས་ཀྱི་མཐར་དཀྱིལ་འཁོར་དུ་འདོར་མཛོད།   ཧཱུྃ༔   སློབ་མའི་རིག་པའི་མེ་ཏོག་འདི༔   ཡི་དམ་དཀྱིལ་འཁོར་ལྷ་ལ་འབུལ༔   སྔོན་ནས་ལས་འཕྲོ་གང་ཡོད་དང་༔    {{TibChung|[10a]}} འབྲེལ་བའི་ལྷ་ལ་ཕོག་པར་ཤོག༔   ཨོཾ་བཛྲ་པུཥྤེ་པྲ་ཏཱི་ཙྪ་ཧཱུྃ༔   {{TibChung|ཞེས་དཀྱིལ་འཁོར་དངོས་སམ་འགྲིམ་དཀྱིལ་དུ་འདོར་གཞུག   །}}  མེ་ཏོག་དབུས་སུ་བབས་ན་ཚེ་རབས་ཀྱི་ལས་འཕྲོའི་ལྷ་གཙོ་མོ་བདུད་འདུལ་མ།   གསང་མཚན་བུདྡྷ་ནུས་ལྡན་རྩལ་ཐོགས་པ་ཡིན།   དེ་བཞིན་དུ་ཤར་དུ་བབས་ན་ལྷ་སྐལ་རྡོ་རྗེ་བདུད་འདུལ།   གསང་མཚན་རྡོ་རྗེ་ནུས་ལྡན་རྩལ།   ལྷོར་བབས་ན་ལྷ་སྐལ་རིན་ཆེན་བདུད་འདུལ།   གསང་མཚན་རིན་ཆེན་ནུས་ལྡན་རྩལ།   ནུབ་ཏུ་བབས་ན་ལྷ་སྐལ་པདྨ་བདུད་འདུལ།   གསང་མཚན་པདྨ་ནུས་ལྡན་རྩལ།   བྱང་དུ་བབས་ན་ལྷ་སྐལ་ཀརྨ་བདུད་འདུལ།   གསང་མཚན་ཀརྨ་ནུས་ལྡན་རྩལ།   མཚམས་སུ་བབས་ན་སྣ་ཚོགས་བདུད་འདུལ།   གསང་མཚན་དཔའ་བོ་ནུས་ལྡན་རྩལ་ཅེས་བྱ་བ་ཡིན་ནོ།   །{{TibChung|བུད་མེད་རྣམས་ལ་རིགས་བཞི་དང་མཚམས་བཅས་ལྷ་སྐལ་གོང་ལྟར་དང་གསང་མཚན་ཌཱ་ཀི་བདུད་འདུལ་རྩལ་བཏགས་སོ།}}     མེ་ཏོག་དེ་ཉིད་རིགས་ཀྱི་ལྷས་བཞེས་ཏེ་སླར་ཡང་དབང་རྟགས་ཅོད་པན་གྱི་ཚུལ་དུ་ཁྱེད་རང་རྣམས་ཀྱི་སྤྱི་བོར་བཅིངས་པར་མོས་ཤིག   །{{TibChung|མེ་ཏོག་སློབ་མའི་སྤྱི་བོར་བཞག་པ།}}     ཨོཾ་ཨཱཿཧཱུྃ་སུ་པྲ་ཏིཥྛ་བཛྲ་ཡེ་སྭཱ་ཧཱ༔   ཅོད་པན་མིང་དང་བཅས་པའི་དབང་ཐོབ་པར་གྱུར་ཅིག   །པྲ་ཏཱི་གྲྀཧྞ་ཧོཿ  {{TibChung|ཞེས་བརྗོད།}}     དེ་རྣམས་ཀྱི་དཀྱིལ་འཁོར་དུ་འཇུག་པའི་ཆོས་རྣམས་ {{TibChung|[10b]}} གྲུབ་པ་ལགས།   ཞུགས་པའི་དཀྱིལ་འཁོར་དེར་དབང་བསྐུར་དངོས་གཞི་ཞུ་བའི་དོན་དུ་མཎྜལ་ཕུལ།   གསོལ་བ་འདེབས་པ་འདིའི་རྗེས་ཟློས།   ཀྱེཧོཿ  བླ་མ་མཁའ་འགྲོ་ཐུགས་རྗེ་ཅན༔   དངོས་གྲུབ་རྣམ་གཉིས་འབྱུང་བའི་གནས༔   མཁའ་འགྲོ་གསང་བའི་དབང་མཆོག་བསྐུར་དུ་གསོལ༔   ལུས་ངག་ཡིད་གསུམ་སྨིན་ཅིང་གྲོལ་བར་མཛོད།   {{TibChung|ལན་གསུམ།}}     དབང་དངོས་ལ་དབང་བཞི་རྗེས་འབྲེལ་མཐའ་རྟེན་དང་བཅས་པ་རིམ་པར་འབྱུང་བ་ལས།   ཐོག་མར་བུམ་པའི་དབང་ལ་དམིགས་པ་འདི་བཞིན་དུ་མཛོད།   བུམ་པ་འདི་ཉིད་ཕྱི་རིན་པོ་ཆེ་བུམ་བའི་དབྱིབས་ལ་ནང་དུར་ཁྲོད་དྲག་པོར་རང་བྱུང་གི་གཞལ་ཡས་ཁང་གི་དབུས་སུ་བུམ་བཅུད་ཡེ་ཤེས་མཁའ་འགྲོ་བདུད་འདུལ་སེང་གདོང་མའི་ལྷ་ཚོགས་འཁོར་དང་བཅས་པའི་བྱིན་རླབས་བདུད་རྩི་བུམ་ཆུའི་རྣམ་པར་གྱུར་པས་སྤྱི་བོ་ནས་གཏོར་བླུགས་ཀྱི་ཆོ་ག་སྩོལ་བར་མོས་ཤིག   །{{TibChung|རྣམ་བུམ་ཐོགས་ལ།}}    ཧོཿ  ལས་དང་སྐལ་ལྡན་སློབ་བུ་རྣམས༔   དད་དང་དམ་ཚིག་ལྡན་པས་ཉོན༔   བུམ་ནི་སྙིང་པོ་འོད་ཀྱི་བུམ༔   པ་ནི་ཆོས་དབྱིངས་མ་འགགས་པ༔   ཕྱི་ནི་རིན་ཆེན་བུམ་པའི་དབྱིབས༔   ནང་ནི་ལྷུན་གྲུབ་གཞལ་ཡས་ཁང་༔   ཡེ་ཤེས་འོད་ཕུང་འཁྱིལ་བའི་ཀློང་༔   ཆོས་སྐུ་ཡུམ་ཆེན་ཀུན་བཟང་མོ༔   ལོངས་ {{TibChung|[11a]}} སྐུ་སེང་གེའི་གདོང་ཅན་དང་༔   སྤྲུལ་སྐུ་ཡེ་ཤེས་མཚོ་རྒྱལ་མ༔   མ་དེས་གར་བསྒྱུར་རོལ་གར་གྱིས༔   ཡེ་ཤེས་དང་ནི་འཇིགས་རྟེན་གྱི༔   མ་དང་མཁའ་འགྲོ་རྒྱ་མཚོའི་ཚོགས༔   མ་ལུས་ལུས་པ་མེད་པར་རྫོགས༔   དོན་ལ་སོ་སོར་ཐ་མི་དད༔   ཡེ་ཤེས་དབྱིངས་སུ་ཀུན་བཟང་མོ༔   གདུལ་བྱའི་མོས་ངོར་དེར་སྟོན་མཛད༔   སྐལ་ལྡན་ཁྱོད་ལ་དབང་བསྐུར་རོ༔   མཁའ་འགྲོ་རྒྱ་མཚོ་ཐམས་ཅད་ཀྱི༔   སྐུ་དབང་ཡོངས་སུ་རྫོགས་ཐོབ་ཤོག༔   ཨོཾ་ཀརྨ་ཌཱ་ཀི་ནཱི་སིང་ཧ་མུ་ཁ་ཧཱུྃ༔   ཀཱ་ཡ་ཨ་བྷི་ཥིཉྩ་ཨོཾ༔   {{TibChung|ཞེས་བུམ་པ་སྤྱི་བོར་བཞག་ཅིང་བུམ་ཆུ་བླུད།}}     མདུན་དཀྱིལ་ལྷ་ཚོགས་རྣམས་ཀྱི་ཡེ་ཤེས་ཀྱི་སྐུ་གཉིས་པ་རེ་འཕྲོས་ཏེ་ཁྱེད་རང་རྣམས་ཀྱི་དཔྲལ་བར་ཐིམ་པས་སྐུ་མི་ཟད་པ་རྒྱན་གྱི་འཁོར་ལོའི་བྱིན་རླབས་ལུས་ལ་ཞུགས་པར་མོས་ཤིག   །{{TibChung|ཨོཾ་ཡིག་དང་སྐུ་ཙཀ་རྣམས་ཚིག་བསྟུན་རིམ་པར་ཐོགས་ལ།}}     ཧཱུྃ༔   བདེ་གཤེགས་རྒྱལ་བ་ཡོངས་རྫོགས་ཀྱི༔   སྐུ་ཡི་ས་བོན་ཨོཾ་དཀར་པོ༔   སྐལ་ལྡན་བུ་ལ་དབང་བསྐུར་རོ༔   འགྱུར་མེད་རྡོ་རྗེའི་སྐུ་ཐོབ་ཤོག༔   {{TibChung|རྩ་སྔགས་དང༌།}}     ཀཱ་ཡ་ཨ་བྷི་ཥིཉྩ་ཨོཾ༔   ཧཱུྃ་ཨཱཿ རིགས་ཀུན་འདུས་པ་ཀུན་བཟང་མོ༔   ངོ་བོ་ཀ་དག་ཆོས་ཀྱི་སྐུ༔   སྐལ་ལྡན་བུ་ལ་དབང་བསྐུར་ {{TibChung|[11b]}} རོ༔   ངོ་བོ་ཆོས་སྐུའི་དབང་ཐོབ་ཤོག༔   {{TibChung|རྩ་སྔགས་དང༌།}}     ཀཱ་ཡ་ཨ་བྷི་ཥིཉྩ༴    ཨཱཿརང་བཞིན་གསལ་བའི་ཡེ་ཤེས་མདངས༔   ལོངས་སྐུ་མཁའ་འགྲོ་སེང་གདོང་མས༔   སྐལ་ལྡན་བུ་ལ་དབང་བསྐུར་རོ༔   འགགས་མེད་ལོངས་སྐུའི་དབང་ཐོབ་ཤོག༔   {{TibChung|རྩ་སྔགས་དང༌།}}     ཀཱ་ཡ་ཨ་བྷི་ཥིཉྩ༴    ཧཱུྃ༔   ཐུགས་རྗེ་ཀུན་ཁྱབ་ཡེ་ཤེས་མདངས༔   སྤྲུལ་སྐུ་ཡེ་ཤེས་མཚོ་རྒྱལ་མས༔   སྐལ་ལྡན་བུ་ལ་དབང་བསྐུར་རོ༔   སྤྲུལ་པ་སྐུ་ཡི་དབང་ཐོབ་ཤོག༔   {{TibChung|རྩ་སྔགས་དང༌།}}     ཀཱ་ཡ་ཨ་བྷི༴    ཧཱུྃ༔   མེ་ལོང་ཡེ་ཤེས་རང་མདངས་ལས༔   རྡོ་རྗེ་རིགས་ཀྱི་སེང་གདོང་མས༔   སྐལ་ལྡན་བུ་ལ་དབང་བསྐུར༴    རྡོ་རྗེ་མཁའ་འགྲོའི་དབང་ཐོབ༴    {{TibChung|རྩ་སྔགས་དང༌།}}     ཀཱ་ཡ་ཨ་བྷི་ཥིཉྩ༴    ཧཱུྃ༔   མཉམ་ཉིད་ཡེ་ཤེས༴    རིན་ཆེན་རིགས་ཀྱི༴    སྐལ་ལྡན་བུ་ལ༴    རིན་ཆེན་མཁའ་འགྲོའི༴    {{TibChung|རྩ་སྔགས་དང༌།}}     ཀཱ་ཡ་ཨ་བྷི༴    ཧཱུྃ༔   སོར་རྟོག་ཡེ་ཤེས༴    པདྨ་རིགས་ཀྱི༴    སྐལ་ལྡན་བུ་ལ༴    པདྨ་མཁའ་འགྲོའི༴    {{TibChung|རྩ་སྔགས་དང༌།}}     ཀཱ་ཡ་ཨ་བྷི༴    ཧཱུྃ༔   བྱ་གྲུབ་ཡེ་ཤེས༴    ལས་ཀྱི་རིགས་ཀྱི༴    སྐལ་ལྡན་བུ་ལ༴    ཀརྨ་མཁའ་འགྲོའི༴    {{TibChung|རྩ་སྔགས་དང༌།}}     ཀཱ་ཡ་ཨ་བྷི༴     {{TibChung|[12a]}} ཧཱུྃ༔   སྐལ་ལྡན་རིགས་ཀྱི་བུ་ཁྱོད་ལ༔   དཀར་མོ་ཁྱུང་གདོང་དབང་བསྐུར་བས༔   ཆུ་ཁམས་རྟོག་པ་གནས་དག་ནས༔   མེ་ལོང་ཡེ་ཤེས་མངོན་གྱུར་ཤོག༔   {{TibChung|རྩ་སྔགས་དང༌།}}     ཀཱ་ཡ༴    ཧཱུྃ༔   སྐལ་ལྡན་རིགས་ཀྱི༴    སེར་མོ་སྡིག་གདོང་༴    ས་ཁམས་རྟོག་པ༴    མཉམ་ཉིད་ཡེ་ཤེས༴    {{TibChung|རྩ་སྔགས་དང༌།}}     ཀཱ་ཡ༴    ཧཱུྃ༔   སྐལ་ལྡན་རིགས་ཀྱི༴    དམར་མོ་འཕར་གདོང་༴    མེ་ཁམས་རྟོག་པ༴    སོར་རྟོག་ཡེ་ཤེས༴    {{TibChung|རྩ་སྔགས་དང༌།}}     ཀཱ་ཡ༴    ཧཱུྃ༔   སྐལ་ལྡན༴     ལྗང་མོ་ཁྱི་གདོང་༴    རླུང་ཁམས༴    བྱ་གྲུབ༴    {{TibChung|རྩ་སྔགས་དང༌།}}     ཀཱ་ཡ༴    ཧཱུྃ༔   སྐལ་ལྡན་རིགས༴    དམ་ཚིག་མཁའ་འགྲོ་པྲ་མོ་ཧས༔   དེང་འདིར་ཁྱོད་ལ་དབང་བསྐུར་བས༔   ཞི་བའི་ལས་ལ་དབང་ཐོབ་ཤོག༔   {{TibChung|རྩ་སྔགས་དང༌།}}     ཀཱ་ཡ༴    ཧཱུྃ༔   སྐལ་ལྡན༴    ཐམས་ཅད་མཁའ་འགྲོ་ཀུན་རྒྱུ་མས༔   དེང་འདིར་ཁྱོད་ལ༴     རྒྱས་པའི་ལས་ལ༴    {{TibChung|རྩ་སྔགས་དང༌།}}     ཀཱ་ཡ༴    ཧཱུྃ༔   སྐལ་ལྡན༴     ཤ་ཟ་མཁའ་འགྲོ་རོལ་བྱེད་མས༔   དེང་འདིར༴    དབང་གི༴    {{TibChung|རྩ་སྔགས་དང༌}}     ཀཱ་ཡ༴    ཧཱུྃ སྐལ་ལྡན༴    འཇིག་རྟེན་མཁའ་འགྲོ་སྲོག་འཕྲོག་མས༔   དེང་འདིར༴    དྲག་(12བ)པོའི༴    རྩ་སྔགས་དང༌།   ཀཱ་ཡ༴     ཛཿ སྐལ་ལྡན༴    ལྕགས་ཀྱུ་མ་ཡི་དབང་བསྐུར་བས༔   ཞེ་སྡང་མ་སྤངས་རང་གྲོལ་ནས༔   ལོག་རྟོག་ཡོངས་སྒྲོལ༴    {{TibChung|རྩ་སྔགས་དང༌།}}     ཀཱ་ཡ༴    ཧཱུྃ༔   སྐལ་ལྡན༴    ཞགས་པ་མ་ཡི༴    ང་རྒྱལ༴    ལོག་རྟོག༴    {{TibChung|རྩ་སྔགས་དང༌།}}     ཀཱ་ཡ༴    ཧཱུྃ༔   སྐལ་ལྡན༴     ལྕགས་སྒྲོག༴    འདོད་ཆགས༴    ལོག་རྟོག༴    {{TibChung|རྩ་སྔགས་དང༌།}}     ཀཱ་ཡ༴    ཧཱུྃ༔   སྐལ་ལྡན༴    དྲིལ་བུ༴    ཕྲག་དོག༴    ལོག་འདྲེན་ཡོངས་སྒྲོལ་དབང་ཐོབ་ཤོག༔   {{TibChung|རྩ་སྔགས་དང༌།}}     ཀཱ་ཡ༴    ཧཱུྃ་ཛ་བྷྱོ༔   རང་སྣང་འོད་གསལ་ཆོས་སྐུའི་ཞིང་༔   རང་རིག་ཆོས་སྐུ་ཀུན་བཟང་མོ༔   རང་རྩལ་རྫོགས་པའི་སེང་གདོང་མའི༔   རྩལ་སྣང་མ་ངེས་སྒྱུ་མའི་འཕྲུལ༔   ཡེ་ཤེས་དང་ནི་འཇིག་རྟེན་གྱི༔   མ་དང་མཁའ་འགྲོ་རྒྱ་མཚོ་ཡི༔   ཐུགས་སྲོགས་ས་བོན་ཡི་གེ་ནི༔   ཧཱུཾ་ཧྲཱིང་བྷྱོ་ཛ་མ་ར་ཤར༔   སྐལ་ལྡན་ཁྱོད་ལ་དབང་བསྐུར་རོ༔   ཡེ་ཤེས་དང་ནི་འཇིག་རྟེན་གྱི༔   མ་ཚོགས་མཁའ་འགྲོ་རྒྱ་མཚོ་ཡི༔   སྐུ་གསུང་ཐུགས་ཡོན་ཕྲིན་ལས་ཀྱི༔   དབང་མཆོག་ཡོངས་སུ་རྫོགས་ཐོབ་ཤོག༔   {{TibChung|རྩ་སྔགས་དང༌།}}     ཀཱ་ཡ་ཨ་བྷི་ཥིཉྩ༴    ཨོཾ༔   ཞེས་བསྐུར་ལ།   འོ་ན་དེ་ལྟར་ཡེ་ཤེས་ཀྱི་མཁའ་(13ན)འགྲོ་རྒྱ་མཚོ་ཐམས་ཅད་དང་༔   འཇིག་རྟེན་ཚུལ་འཛིན་པའི་མཁའ་འགྲོ་མ་ཚོགས་ཐམས་ཅད་ཀུན་ཏུ་བཟང་མོའི་སྐུ་གསུང་ཐུགས་ཡོན་ཏན་ཕྲིན་ལས་ཀྱི་རྣམ་པར་འཕྲུལ་པ་ཡིན་པས་བཟང་ངན་དང་ཕྱོགས་རིས་སུ་མ་གྲུབ་པའོ༔   མདོར་ན་རང་གཞི་ཁྱབ་གདལ་སྟོང་སྤྲོས་པའི་མཐའ་བརྒྱད་དང་བྲལ་བའི་ཡེ་གཞི་འདི་ཉིད་ཆོས་སྐུ་ཀུན་ཏུ་བཟང་མོར་མ་བཙལ་ལྷུན་གྱིས་སྒྲུབ་པའོ༔   རང་བཞིན་མ་འགགས་པར་གསལ་བ་ས་ལེ་སང་ངེ་ཧྲིག་གེ་བ་འདི་ཀ་ཡེ་གདོད་ནས་ལོངས་སྐུ་མཁའ་འགྲོ་སེང་གདོང་མའི་ངོ་བོར་གྲུབ་པའོ༔   ཐུགས་རྗེའི་རྩལ་སྣང་མ་འགགས་པ་ཕྱོགས་རིས་དང་བྲལ་བ་འདི་ཀ་སྤྲུལ་སྐུ་མཁའ་འགྲོ་བདེ་ཆེན་རྒྱལ་མོ་ཡེ་ནས་ཡིན་ནོ༔   དེའི་རང་རྩལ་མ་འགགས་པ་སྣ་ཚོགས་སུ་ཤར་བ་འདི་ཀ་ཡུལ་མེད་ཟང་ཐལ་དུ་རང་ཤར་རང་གྲོལ་དུ་མཉམ་པ་འདི་དག་མ་ངེས་དཔག་ཡས་མཁའ་འགྲོའི་རང་བཞིན་དུ་ཤར་བ་ཡིན་ཏེ༔   གཞན་དུ་མ་འཚོལ་ཅིག༔   འཚོལ་ན་ཡུལ་རེ་དོགས་ཀྱི་འཁྲི་བོར་སོང་བས་གྲོལ་བ་ག་ལ་ཐོབ༔   གདོད་ནས་རང་ངོར་རྫོགས་པ་ལས་གཞན་ན་མ་གྲུབ༔   དེས་ན་སྣང་བ་འོད་གསལ་གཞལ་ཡས༔   ཀུན་བྱེད་ཀྱི་རྒྱལ་པོ་ཀུན་ཏུ་བཟང་མོ་རྟོག་ཚོགས་ཐམས་ཅད་གནས་དག་མཁའ་འགྲོའི་རོལ་པར་(13བ)ངོ་ཤེས་ཤིང་གདིང་ཐོབ་པར་གྱིས་ཤིག༔   དེ་ངོ་ཤེས་ཤིང་ཡིད་ཆེས་པ་ཙམ་གྱིས་གྲོལ་བ་ཐོབ་པར་ངེས་སོ༔   {{TibChung|ཞེས་ངོ་སྤྲད།}}     དེ་ནས་བུམ་པའི་དབང་དང་འབྲེལ་བར་མཐའ་བརྟེན་མངོན་སྤྱོད་དྲག་པོའི་རྗེས་སུ་གནང་བ་བསྒྲུབ་པ་ལ།   ཁམས་གསུམ་དབང་དུ་སྡུད་ཅིང་ལོག་འདྲེན་བདུད་བགེགས་ཚར་གཅོད་པའི་ཕྱག་མཚན་རྣམས་གཏད་པས་དྲག་པོ་སྒྲོལ་བའི་མཐུ་དབང་ལ་མངའ་བརྙེས་པར་མོས་མཛོད།  {{TibChung|གྲི་གུག་དང་ཕུར་པ་གཏད་ལ།}}     ཧཱུྃ༔   ཁམས་གསུམ་དབང་སྡུད་གྲི་གུག་དང་༔   འཁོར་བ་ཡོངས་སྒྲོལ་ཕུར་པ་འདི༔   སྐལ་ལྡན་ཁྱོད་ལ་གཏད་པ་ཡིས༔   ཁམས་གསུམ་དབང་དུ་བསྡུ་བ་དང་༔   འཁོར་བ་ཡོངས་སྒྲོལ་དབང་ཐོབ་ཤོག༔   {{TibChung|རྩ་སྔགས་དང༌།}}     ཀཱ་ཡ༴    {{TibChung|མེ་ཧོམ་དང་དགང་བླུགས་གཏད་ལ།}}     ཧཱུྃ༔   འཁོར་འདས་ཁྱབ་གདལ་ཡེ་ཤེས་ལྷའི༔   སྣང་སྲིད་ཞལ་གྱི་ཧོམ་ཁུང་དུ༔   སྣོད་བཅུད་བདུད་རྩིའི་ངང་བསྒྱུར་དང་༔   དུག་ལྔ་དུག་གསུམ་རྒྱུས་བསྐྱེད་པའི༔   དགྲ་བགེགས་བསྲེགས་བླུགས་བསྟབ་པའི་དབང་༔   མ་ལུས་ཡོངས་རྫོགས་ཐོབ་པར་ཤོག༔   {{TibChung|རྩ་སྔགས་དང༌།}}     ཀཱ་ཡ༴    {{TibChung|བྲུབ་ཁུང་ལིང་ག་དང་ཐུན་རྫས་སྣ་ཚོགས་གཏད་ལ།}}     ཧོཿ  བདག་ཏུ་འཛིན་པའི་རྒྱུ་བྱས་ཤིང་༔   རྐྱེན་སྣང་ལོག་འདྲེན་དགྲ་དང་བགེགས༔   (14ན)མ་ལུས་བཀུག་བསྒྲལ་མནན་བསྲེགས་ཀྱི༔   དབང་རྣམས་མ་ལུས་ཡོངས་རྫོགས་ཀུན༔   སྐལ་ལྡན་ཁྱོད་ཀྱིས་ཐོབ་པར་ཤོག༔   {{TibChung|རྩ་སྔགས་དང༌།}}     ཀཱ་ཡ་ཨ་བྷི་ཥིཉྩ་ཨོཾ༔   {{TibChung|ཟོར་ཀོང་གཏད་ལ།}}     ཧཱུྃ༔   མཁའ་འགྲོ་ཕྲིན་ལས་ནུས་པའི་ཟོར༔   སྐལ་ལྡན་ཁྱོད་ཀྱི་ལག་ཏུ་གཏད༔   སྡང་བའི་དགྲ་དང་གནོད་པའི་བགེགས༔   བྱད་མ་རྦོད་གཏོང་ལྷ་དང་བཅས༔   ཟོར་འཕང་ཙམ་གྱིས་བརླག་བྱེད་པའི༔   དབང་མཆོག་ཡོངས་སུ་རྫོགས་ཐོབ་ཤོག༔   {{TibChung|རྩ་སྔགས་དང༌།}}     སརྦ་ཀརྨ་ཨ་བྷི་ཥིཉྩ་ཨོཾ༔   {{TibChung|ཞེས་བསྐུར།}}     དེ་ལྟར་ན་ཕྱི་མཚན་མའི་དཀྱིལ་འཁོར་དུ་བུམ་པ་སྐུའི་དབང་ཐོབ།   སྐུའི་དམ་ཚིག་ཉམས་ཆག་སྐོང༌།   ལུས་ཀྱི་སྒྲིབ་པ་དག   །ལུས་ལྷ་རུ་བསྒོམ་པ་དང་མངོན་སྤྱོད་དྲག་པོའི་ཕྲིན་ལས་བསྒྲུབ་པ་ལ་དབང༌།   མཐར་ཐུག་རྡོ་རྗེའི་སྐུ་དང་གཉིས་སུ་མེད་པ་གྲོལ་བར་གྱུར་རོ།   །{{TibChung|ཞེས་རྟོགས་པ་བསྐྱེད།  གཉིས་པ་གསང་བའི་དབང་གི་སླད་དུ་བྷན་དྷའི་བདུད་རྩིའི་དབུས་སུ་མཁའ་འགྲོ་བདུད་འདུལ་དྲག་མོ་བཞུགས་པ་རང་འོད་ཀྱི་ཡབ་དཔའ་བོ་ཧེ་རུ་ཀ་དང་མཉམ་པར་སྦྱོར་བས་བྱང་སེམས་བདེ་བའི་རྒྱུན་བབས་པ་ཐོད་པའི་བདུད་རྩི་དང་དབྱེར་མེད་དུ་གྱུར་པ་ཉིད་ཁྱེད་རང་རྣམས་ཀྱི་ལྕེ་ཐོག་ཏུ་བཞག་པར་མོས་ཤིག   །གསང་(14བ)ཐོད་ཐོགས་ལ།}}     ཧཱུྃ༔   ཡེ་ཤེས་བྷན་དྷར་བདུད་རྩི་འཁྱིལ༔   མ་ཚོགས་མཁའ་འགྲོ་རྒྱ་མཚོ་ཡི༔   གསུང་གི་ཡང་བཅུད་འདི་ལ་རྫོགས༔   སྐལ་ལྡན་ཁྱོད་ཀྱི་ངག་ཏུ་བླུད༔   རླུང་ཁམས་སྒྲིབ་པ་གནས་དག་ནས༔   གསང་བ་གསུང་གི་དབང་ཐོབ་ཤོག༔   {{TibChung|རྩ་སྔགས་དང༌།}}     ཝཱ་ཀ་ཨ་བྷི་ཥིཉྩ་ཨཱཿ {{TibChung|ཞེས་བདུད་རྩི་བྱིན་པ་མྱང་དུ་གཞུག   །}}  བདུད་རྩི་ལྕེ་ལ་བཞག་ནས་རོ་མྱང་བས་རྩ་གནས་ཐམས་ཅད་ཁྱབ་རྩ་ཁམས་དཔའ་བོ་དཔའ་མོ་ཏིལ་གོང་གྱེས་པ་ལྟར་གནས་པས་རང་བྱུང་སྔགས་ཀྱི་སྒྲ་དབྱངས་འུར་ཆེམས་སུ་སྒྲོགས་པ་དང༌།   མདུན་བསྐྱེད་ལས་གསང་སྔགས་རྩ་རླུང་ཐིག་ལེའི་བརྡ་རྟགས་ཕྱག་རྒྱ་རྣམས་རིམ་པར་སྤྲོས་ཏེ་མགྲིན་པར་ཐིམ་པས་དེ་དང་དེའི་མཐུ་བྱིན་ལ་རང་དབང་ཐོབ་པར་མོས་ཤིག   །{{TibChung|སྔགས་ཕྲེང་ཐོགས་ལ།}}     ཧཱུྃ༔   མ་མོ་མཁའ་འགྲོ་ཐམས་ཅད་ཀྱི༔   གསུང་གི་ཡང་སྙིང་སྔགས་ཕྲེང་གིས༔   སྐལ་ལྡན་བུ་ལ་དབང་བསྐུར་རོ༔   ངག་སྒྲིབ་དག་ནས་ཉམས་ཆག་སྐོང་༔   ཧཱུྃ༔   བཟླས་པ་སྔགས་ཀྱི་དབང་ཐོབ་ཤོག༔   {{TibChung|རྩ་སྔགས་དང༌།}}     ཝཱ་ཀ་ཨ་བྷི་ཥིཉྩཨཱཿ{{TibChung|ཨཱཿཡིག་ཐོགས་ལ།}}     ཧཱུྃ༔   ཨཱཿཡིག་རྒྱལ་ཀུན་གསུང་གི་སྙིང་༔   སྐལ་ལྡན་བུ་ལ་དབང་བསྐུར་རོ༔   གསང་བ་གསུང་གི་(15ན)དབང་ཐོབ་ཅིང་༔   རྡོ་རྗེའི་གསུང་དང་གཉིས་མེད་ཤོག༔   {{TibChung|རྩ་སྔགས་དང༌།}}     ཝཱ་ཀ་ཨ་བྷི་ཥིཉྩ་ཨཱཿ {{TibChung|བྱང་སེམས་དཀར་དམར་གཏད་ལ།}}     ཧོཿ  རིགས་ལྔ་ཡབ་ཡུམ་སྙོམས་འཇུག་གི༔   ཐབས་ཤེས་བཅུད་ཆེན་བྱང་སེམས་ཀྱིས༔   སྐལ་ལྡན་བུ་ལ་དབང་བསྐུར་རོ༔   ཐབས་ཤེས་གཉིས་མེད་དབང་ཐོབ་ཤོག༔   {{TibChung|རྩ་སྔགས་དང༌།}}     ཝཱ་ཀ་ཨ་བྷི་ཥིཉྩ་ཨཱཿ {{TibChung|ཨ་ཡིག་མཐིང་ག་གཏད་ལ།}}     ཨཱཿ སྐྱེ་འགགས་གནས་གསུམ་བྲལ་བ་ཡི༔   ཁྱབ་གདལ་ཆོས་དབྱིངས་ཀུན་བཟང་མོ༔   ཡེ་རིག་ཀ་དག་མཁའ་འགྲོ་མས༔   རིག་པ་རང་ལ་དབང་བསྐུར་རོ༔   {{TibChung|རྩ་སྔགས་དང༌།}}     ཝཱ་ཀ་ཨ་བྷི༴    {{TibChung|ཡཾ་ཡིག་ལྗང་གུ་གཏད་ལ།}}     ཧོཿ  ཁྱབ་གདལ་ཡུམ་ཆེན་དམ་ཚིག་སྒྲོལ༔   ཡེ་ཤེས་རླུང་ལྔའི་འབྱུང་གནས་ཆས༔   སྐལ་ལྡན་ཁྱོད་ལ་དབང་བསྐུར་རོ༔   བྱིན་རླབས་ཡེ་ཤེས་རླུང་ལྔ་ཡིས༔   རླུང་ཁམས་གནས་དག་རྩ་མདུད་གྲོལ༔   གྲུབ་པ་བརྒྱད་ལ་དབང་ཐོབ་ཅིང་༔   འཕོ་བ་ཆེན་པོར་དབང་ཐོབ་ཤོག༔   {{TibChung|རྩ་སྔགས་དང༌།}}     ཝཱ་ཀ༴    ཨ་ཤད་དམར་པོ་གཏད་ལ།   ཧོཿ  བདེ་ཆེན་ཡེ་ཤེས་གནམ་ཞལ་མ༔   ཤེས་རབ་ཡེ་ཤེས་སྤར་བ་མོ༔   ཨ་ཤད་འོད་ཀྱི་རང་བཞིན་ཤར༔   སྐལ་ལྡན་བུ་ལ་དབང་བསྐུར་(15བ)རོ༔   ཤེས་རབ་ཡེ་ཤེས་ཆེན་པོ་ཡི༔   མེ་འབར་བདེ་དྲོད་རབ་རྒྱས་ནས༔   མེ་ཁམས་གནས་དག་རྩ་མདུད་གྲོལ༔   གྲུབ་པ་བརྒྱད་ལ་དབང་བསྒྱུར་ཞིང་༔   འཕོ་བ་ཆེན་པོར་དབང་ཐོབ་ཤོག   {{TibChung|རྩ་སྔགས་དང༌།}}     ཝཱ་ཀ༴    {{TibChung|ཧྃ་ཡིག་དཀར་པོ་གཏད་ལ།}}     ཧོཿ  རིགས་ཀུན་ཡོངས་འདུས་ཧེ་རུ་ཀ༔   བདེ་སྟོང་བདུད་རྩིའི་འབྱུང་གནས་དཔལ༔   ཧྃ་ཡིག་དཀར་པོའི་རྣམ་པར་ཤར༔   སྐལ་ལྡན་བུ་ལ་དབང་བསྐུར་རོ༔   མས་དབབ་ཚོགས་མཆོད་དབང་གི་ལམ༔   ཡར་འདྲེན་འགྲམ་པ་དགའ་བཞིའི་ལམ༔   རྩ་ཁམས་གནས་དག་རྩ་མདུད་གྲོལ༔   དཔའ་བོ་མཁའ་འགྲོའི་རང་ཞལ་མཐོང་༔   རླུང་ཁམས་གནས་དག་སེམས་ཉིད་ཀྱང་༔   འོད་གསལ་ཆོས་སྐུའི་ངང་དུ་འཕོས༔   ཐིག་ལེ་རང་དབང་ཐོབ་པ་དང་༔   མཆོག་གི་དངོས་གྲུབ་ལ་རོལ་ཏེ༔   འཕོ་བ་ཆེན་པོའི་དབང་ཐོབ་ཤོག༔   {{TibChung|རྩ་སྔགས་དང༌། }}    ཝཱ་ཀ༴    {{TibChung|ཐིག་ལེ་ལྔ་ཚོམ་ཕྱག་མཚན་ལྔ་ཨོཾ་ཨཱཿཧཱུྃ་སྭཱ་ཧཱས་མཚན་པ་གཏད་ལ།}}     ཧཱུྃ༔   བདེ་གཤེགས་རྒྱལ་བ་ཐམས་ཅད་ཀྱི༔   སྐུ་གསུང་ཐུགས་ཡོན་ཕྲིན་ལས་ཀུན༔   ཡོངས་སུ་རྫོགས་པའི་དབང་འདི་ནི༔   སྐལ་ལྡན་ཁྱོད་ལ་བསྐུར་བ་ཡིས༔   རྒྱུད་སྡེ་རྒྱ་མཚོའི་དཀྱིལ་འཁོར་དུ༔   འཆད་ཉན་སྒོམ་སྒྲུབ་ལ་བརྩོན་(16ན)པའི༔   དབང་མཆོག་ཡོངས་སུ་རྫོགས་ཐོབ་ཤོག༔   སྨིན་ཅིང་གྲོལ་ནས་འགྲོ་བའི་དོན༔   ཐོགས་པ་མེད་པ་འབྱུང་འགྱུར་རོ༔   {{TibChung|རྩ་སྔགས་དང༌།}}     ཝཱ་ཀ༴    {{TibChung|གར་གྱི་ཆས་དྲུག་གཏད་ལ།}}     ཧོཿ  སྐལ་ལྡན་རིགས་ཀྱི་བུ་ཁྱོད་ལ༔   བར་ཆད་ཀུན་སེལ་སྙན་རྒྱན་དབང་༔   ཚེ་བསོད་རྒྱས་ཕྱིར་སྨར་སྨིན་དབང་༔   མ་བཅོས་ཁྱབ་གདལ་དབུ་སྐྲའི་དབང་༔   དྲི་མེད་གར་གྱི་ཆས་རྣམས་ཀྱི༔   དབང་མཆོག་ཡོངས་རྫོགས་ད་ཐོབ་ཤོག༔   རྩ་ཁམས་ཡེ་དག་གཞལ་ཡས་དབང་༔   དཔའ་བོ་མཁའ་འགྲོའི་དབང་ཐོབ་ཤོག༔   དཀར་དམར་ཐིག་ལེ་རཀྟའི་དབང་༔   དཔའ་བོ་ཡབ་ཡུམ་དབང་ཐོབ་ཤོག༔   བ་སྤུ་བྱེ་བ་ས་ཡ་ལ༔   ཡེ་ཤེས་མཁའ་འགྲོའི་དབང་ཐོབ་ཤོག༔   རྣམ་པར་གདོས་བཅས་སྒྱུ་ལུས་ལ༔   ཡེ་ཤེས་སྒྱུ་མའི་དབང་ཐོབ་ཤོག༔   ཡེ་ཤེས་རང་མདངས་རྒྱན་གོས་ཀྱི༔   རང་བྱུང་རང་ཤར་དབང་ཐོབ་ཤོག༔   འཁོར་ལོ་ལྔ་ཡི་རྩ་འདབ་ལ༔   ཞི་ཁྲོ་ཡོངས་རྫོགས་དབང་ཐོབ་ཤོག༔   ཨོཾ་ཨཱཿཛྙཱ་ན་པཉྩ་ཧྲིཿདཱ་དྷརྨ་ཀཱ་ཡ་ཨ་བྷི་ཥིཉྩ་ཨོཾ་ཨཱཿཧཱུྃ་སྭཱ་ཧཱ༔   {{TibChung|ལོངས་སྤྱོད་རྫོགས་སྐུའི་ཆས་རྣམས་གཏད་ལ།}}     ཧཱུྃ༔   ཡེ་ཤེས་རང་མདངས་སྤྲུལ་པ་ཡི༔   ལོངས་སྤྱོད་རྫོགས་སྐུའི་ཆས་རྣམས་ཀྱིས༔   སྐལ་ལྡན་བུ་ལ་(16བ)དབང་བསྐུར་རོ༔   རྩ་རླུང་ཐིག་ལེ་གནས་དག་ནས༔   དགའ་བཞིའི་ཡེ་ཤེས་མངོན་གྱུར་ཅིང་༔   དབང་བཞི་ཡོངས་སུ་རྫོགས་ཐོབ་ནས༔   རྣམ་མང་སྒྱུ་འཕྲུལ་འཁོར་ལོ་ཡི༔   ཐབས་ཀྱིས་འགྲོ་ཀུན་རྣམ་འདྲེན་གྱི༔   ལོངས་སྤྱོད་རྫོགས་སྐུའི་དབང་ཐོབ་ཤོག༔   གུ་རུ་དྷེ་ཝ་ཌཱ་ཀི་ནཱི་བུདྡྷ་དྡྷརྨ་སངྒ་ངྷརྨཱ་ཀཱ་ཡ་ནི་རྨ་ཀཱ་ཡ་ས་མྦྷོ་ཀཱ་ཡ་སརྦ་ཨ་བྷིཥིཉྩ་ཨོཾ་ཨཱཿཧཱུྃ་སྭཱ་ཧཱ༔    {{TibChung|ཞེས་བསྐུར།}}     དེས་ནང་ལུས་ཀྱི་དཀྱིལ་འཁོར་དུ་གསང་བ་གསུང་གི་དབང་ཐོབ།   གསུང་གི་དམ་ཚིག་ཉམས་ཆག་སྐོང༌།   ངག་གི་སྒྲིབ་པ་དག   །ངག་སྔགས་བཟླ་བ་དང༌།   རླུང་དང་གཏུམ་མོའི་རྣལ་འབྱོར་བསྒོམ་པ་ལ་དབང༌།   མཐར་ཐུག་རྡོ་རྗེའི་གསུང་དང་གཉིས་སུ་མེད་པ་གྲོལ་བར་འགྱུར་རོ།   །དེ་ནས་དབང་གསུམ་པའི་སླད་དུ་གཙོ་མཆོག་བདུད་འདུལ་ཡེ་ཤེས་ཌཱ་ཀིའི་སྐུ་ལས་རང་འོད་ཀྱི་ཡུམ་མཛེས་ཤིང་ལང་ཚོས་སྒེག་པ་ཅན་སྤྲོས་ཏེ་ཐར་པ་བསྟེན་པར་བསྐུལ་བས་བདེ་སྟོང་དགའ་བཞིའི་ཡེ་ཤེས་རྒྱུད་ལ་བརྟན་པར་མོས་ཤིག   །{{TibChung|རིག་ཙཀ་གཏད་ལ།}}     ཧོཿ དུས་གསུམ་རྒྱལ་བ་ཐམས་ཅད་ཀྱི༔   བྱིན་གྱིས་བརླབས་པའི་མཛའ་ན་མོ༔   མཛེས་ཤིང་ཡིད་འོང་ལང་ཚོས་བརྒྱན༔   སྙན་པའི་ངག་དབྱངས་འཇམ་པའི་ཚིག༔   ཉོན་མོངས་གནས་དག་ཡེ་ཤེས་ལྡན༔   དྲན་པས་བདེ་སྟོང་(17ན)ཡེ་ཤེས་བསྐྱེད༔   རེག་པས་དགའ་བཞི་སྤར་བ་མོ༔   གསང་བ་ཐབས་ཀྱི་གྲོགས་ཡིན་ཏེ༔   དེ་རིང་སྐལ་ལྡན་བུ་ཁྱོད་ལ༔   གཏད་དོ་བསྐུར་རོ་གསང་སྔགས་དབང་༔   མ་ལུས་ཡོངས་སུ་རྫོགས་ཐོབ་ཤོག༔   {{TibChung|རྩ་སྔགས་དང༌།}}     ཙིཏྟ་ཨ་བྷི་ཥིཉྩ་ཧཱུྃ༔   {{TibChung|རྡོ་རྗེ་ཐོགས་ལ།}}     ཧཱུྃ༔   གཞོམ་ཞིག་བྲལ་བ་རྡོ་རྗེའི་ཐུགས༔   མ་དང་མཁའ་འགྲོ་ཐམས་ཅད་ཀྱི༔   ཐུགས་ཀྱི་དབང་མཆོག་ཁྱོད་ལ་བསྐུར༔   རྡོ་རྗེའི་ཐུགས་དང་གཉིས་མེད་ཤོག༔   {{TibChung|རྩ་སྔགས་དང༌།}}     ཙིཏྟ༴    {{TibChung|ཧཱུྃ་ཧྲཱིའི་ཡི་གེ་གཏད་ལ།}}     ཧོཿ ཧཱུྃ་ཧྲཱིཿ མ་དང་མཁའ་འགྲོ་ཡི༔   ཐུགས་ཀྱི་ཡང་སྙིང་ཡི་གེར་ཤར༔   རིགས་དང་དཀྱིལ་འཁོར་རྣམ་མང་གི༔   སྒྱུ་འཕྲུལ་འཁོར་ལོ་འདི་ལ་རྫོགས༔   སྐལ་ལྡན་ཁྱོད་ལ་དབང་བསྐུར་རོ༔   ཡེ་ཤེས་དང་ནི་འཇིག་རྟེན་གྱི༔   མ་དང་མཁའ་འགྲོ་ཐམས་ཅད་ཀྱི༔   ཐུགས་དབང་ཡོངས་སུ་རྫོགས་ཐོབ་ཤོག༔   {{TibChung|རྩ་སྔགས་དང༌།}}     ཙིཏྟ༴    {{TibChung|སྣང་གསལ་གཏད་ལ།}}     ཨ༔   སྐུ་གསུམ་ངོ་བོ་མཉམ་སྦྱོར་བའི་༔   ཡེ་ཤེས་ལྔ་རྫོགས་སྣང་གསལ་འདི༔   ངོ་བོ་ཆོས་སྐུ་ཀུན་བཟང་མོ༔   རང་བཞིན་སེང་ཧ་མུ་ཁ་མ༔   གསལ་བ་ཡེ་ཤེས་མཚོ་རྒྱལ་ཏེ༔   དཀར་གསལ་ཆོས་དབྱིངས་ཡེ་ཤེས་ལ༔   (17བ)མཐིང་གསལ་མེ་ལོང་ཡེ་ཤེས་སོ༔   སེར་གསལ་མཉམ་ཉིད་ཡེ་ཤེས་ཏེ༔   དམར་གསལ་སོར་རྟོག་ཡེ་ཤེས་མདངས༔   ལྗང་གུ་བྱ་གྲུབ་ཡེ་ཤེས་སོ༔   ཡེ་ཤེས་མཁའ་འགྲོ་རིགས་ལྔའི་སྐུ༔   མ་བཙལ་ལྷུན་གྲུབ་རྫོགས་པ་ཡི༔   རྩལ་སྣང་སྒྱུ་འཕྲུལ་མཁའ་འགྲོའི་ཚོགས༔   སོ་སོར་བསྟན་ཀྱང་ཐ་མི་དད༔   ཡེ་ཤེས་མཉམ་སྦྱོར་སྣང་གསལ་གྱིས༔   སྐལ་ལྡན་བུ་ལ་དབང་བསྐུར་རོ༔   སྒོ་གསུམ་རྡོ་རྗེ་གསུམ་དུ་འཕོས༔   བུམ་གསང་ཤེས་རབ་ཡེ་ཤེས་དང་༔   རྡོ་རྗེ་ཚིག་གི་དབང་ཐོབ་སྟེ༔   ཡེ་ཤེས་མཁའ་འགྲོའི་སྐུ་བརྙེས་ཤིང་༔   གང་འདུལ་ཐབས་དང་སྒྱུ་འཕྲུལ་གྱིས༔   གདུལ་བྱའི་འགྲོ་བ་འདྲེན་པར་ཤོག༔   {{TibChung|རྩ་སྔགས་དང༌།}}     ཙིཏྟ་ཨ་བྷི་ཥིཉྩ་ཧཱུྃ༔   {{TibChung|ཞེས་བསྐུར།}}     དེས་གསང་བ་བདེ་བ་ཆེན་པོའི་དཀྱིལ་འཁོར་དུ་ཐུགས་ཤེས་རབ་ཡེ་ཤེས་ཀྱི་དབང་ཐོབ།   ཐུགས་ཀྱི་དམ་ཚིག་ཉམས་ཆག་སྐོང༌།   ཡིད་ཏིང་ངེ་འཛིན་བསྒོམ་པ་དང༌།   བདེ་ཆེན་ཐིག་ལེ་རྣལ་འབྱོར་གྱི་རྩལ་སྦྱོང་བ་ལ་དབང༌།   མཐར་ཐུག་འོད་གསལ་ཆོས་ཀྱི་སྐུ་དང་གཉིས་སུ་མེད་པར་གྲོལ་བར་འགྱུར་རོ།   །དབང་བཞི་པའི་སླད་དུ་བརྡ་དང་ཐབས་ཀྱི་སྒོ་ནས་རང་བྱུང་དོན་གྱི་དགོངས་པ་ངོ་སྤྲོད་པར་བྱ་སྟེ།   {{TibChung|ཤེལ་རྡོ་བསྟན་ལ།}}     (18ན) ཧཱུྃ༔   མཁའ་འགྲོ་འདུས་པའི་ཐུགས་ཀྱི་དངོས༔   ཤེལ་མིག་སྦྱར་བ་འདི་ལ་ལྟོས༔   འོད་ལྔ་ཡེ་ཤེས་ལྔ་རུ་གསལ༔   སྐལ་ལྡན་ཁྱོད་ལ་དབང་བསྐུར་རོ༔   {{TibChung|རྩ་སྔགས་དང༌།}}     སརྦ་ཨ་བྷི་ཥིཉྩ་ཧྲཱིཿ {{TibChung|མེ་ལོང་བསྟན་ལ།}}     ཧཱུྃཿ ཆོས་ཉིད་ཀ་དག་ལྷུན་འབྱམས་ཀྱི༔   སྟོང་ཉིད་སྤྲོས་བྲལ་མེ་ལོང་འདི༔   སྐལ་ལྡན་ཁྱོད་ལ་དབང་བསྐུར་རོ༔   གནས་ལུགས་རིག་པ་མངོན་གྱུར་ནས༔   གདོད་མའི་དབྱིངས་སུ་གདིང་ཐོབ་ཅིང་༔   རྡོ་རྗེའི་ཚིག་དབང་ཐོབ་པར་ཤོག༔   {{TibChung|རྩ་སྔགས་དང༌།}}     སརྦ༴    {{TibChung|འོད་ལྔའི་ཐིག་ལེ་བསྟན་ལ།}}     ཧཱུྃཿ གསང་ཆེན་དབྱིངས་ཐིག་སྒྲོན་མ་འདི༔   སྐལ་ལྡན་ཁྱོད་ལ་གཏད་པ་ཡིས༔   མངོན་སུམ་སྣང་བ་གོང་འཕེལ་ནས༔   ཚད་ཕེབས་ཆོས་ཟད་ཆེན་པོར་ཞིག༔   གཞོན་ནུ་བུམ་སྐུའི་ནང་དབྱིབས་སུ༔   འཕོ་བ་ཆེན་པོར་དབང་ཐོབ་ཤོག༔   {{TibChung|རྩ་སྔགས་དང༌།}}     སརྦ་ཨ་བྷི་ཥིཉྩ་ཧྲཱིཿ {{TibChung|ཐིག་ལེ་འོད་ལྔའི་མུ་ཁྱུད་ཅན་བསྟན་ལ།}}     ཧཱུྃཿ གདོད་མའི་དབྱིངས་རྫོགས་ཐིག་ལེ་འདིས༔   སྐལ་ལྡན་ཁྱོད་ལ་དབང་བསྐུར་རོ༔   སྣང་སེམས་འཁྲུལ་བའི་འཁོར་ལོ་འདི༔   སྐད་ཅིག་ཆོས་སྐུའི་དབྱིངས་སུ་སངས༔   རིག་པ་རྩལ་གྱི་དབང་ཐོབ་ཤོག༔   ཨ་ཨ་ཨ་ཕཊ༔   {{TibChung|སློབ་མ་རྣམས་ལུས་རྣམ་སྣང་ཆོས་བདུན་ {{TibChung|[18b]}} དང་ལྡན་པས་མིག་བར་སྣང་ལ་གཏོད་དུ་གཞུག་སྟེ།}}     ཧོཿ  སྐལ་ལྡན་རིགས་ཀྱི་བུ་རྣམས་མ་ཡེངས་པར་ཉོན་ཅིག༔   རང་རིག་སྟོང་གསལ་འཛིན་མེད་ཁྱབ་གདལ་མཐའ་དབུས་བྲལ་བའི་ཀློང་དུ་ལྷུག་པར་ཞོག་ལ་ལྟོས་ཤིག༔   དབུས་ཀྱི་ཕྱོགས་ན་འོད་དང་འཇའ་ཐིག་དཀར་གསལ་འཆར་བ་ཆོས་དབྱིངས་ཡེ་ཤེས་དང་སངས་རྒྱས་མཁའ་འགྲོ༔   ཤར་ཕྱོགས་ན་འོད་ཐིག་མཐིང་གསལ་འཆར་བ་མེ་ལོང་ཡེ་ཤེས་དང་རྡོ་རྗེ་མཁའ་འགྲོ༔   ལྷོ་ཕྱོགས་ན་སེར་གསལ་འོད་ཐིག་མཉམ་ཉིད་ཡེ་ཤེས་དང་རིན་ཆེན་མཁའ་འགྲོ༔   ནུབ་ཕྱོགས་ན་དམར་གསལ་འོད་ཐིག་སོར་རྟོག་ཡེ་ཤེས་དང་པདྨ་མཁའ་འགྲོ༔   ནུབ་ཕྱོགས་ན་དམར་གསལ་འོད་ཐིག་སོར་རྟོག་ཡེ་ཤེས་དང་པདྨ་མཁའ་འགྲོ༔   བྱང་ཕྱོགས་ན་འོད་ཐིག་ལྗང་གུ་འཆར་བ་འདི་ཀ་བྱ་གྲུབ་ཡེ་ཤེས་དང་ལས་ཀྱི་མཁའ་འགྲོའོ༔   གཞན་ཡང་ཅིར་ཡང་མ་ངེས་པའི་འོད་ཐིག་སྣ་ཚོགས་འཆར་བ་འདི་དག་ཡེ་ཤེས་ཀྱི་རང་རྩལ་སྣ་ཚོགས་མཁའ་འགྲོའི་རང་བཞིན་ཡིན་ནོ༔   དེ་ཡང་བལྟས་པས་མཐོང་ཡུལ་ཙམ་ཡང་མ་ཡིན་ཏེ༔   རང་རིག་རང་གསལ་ཆེན་པོའི་རང་མདངས་ཡེ་གྲུབ་ཏུ་གསལ་བ་ནི་ཉི་ཟླ་འོད་དུ་གྲུབ་པ་ལྟ་བུའོ༔   མདོར་ན་སྟོང་ཞིང་མཐའ་དབུས་དང་བྲལ་བ་ཆོས་དབྱིངས་སྟུག་པོ་བཀོད་པའོ༔   གསང་སང་ངེར་འདུག་པ་ནི་མེ་ལོང་མངོན་པར་དགའ་བའོ༔   གང་ཡང་ཆ་སྙོམས་མཉམ་པར་འཆར་བ་ནི་མཉམ་ཉིད་ {{TibChung|[19a]}} དཔལ་དང་ལྡན་པའོ༔   འཁོར་འདས་མ་འདྲེས་སོ་སོར་འཆར་བ་དེ་ག་སོར་རྟོག་བདེ་ཆེན་པདྨ་བརྩེགས་པའོ༔   དེ་བཞི་པོ་གཅིག་ཏུ་དྲིལ་ཞིང་གཅིག་ཏུ་སྦྱོར་བ་བྱ་གྲུབ་ལས་རབ་རྫོགས་པའོ༔   དེ་ལྟར་མ་མཐོང་མཐོང་བ་ལས་ལྷག་པའི་གསལ་སང་ངེ་ས་ལེ་ཧྲིག་གེ་ཡེ་རེ་བ་འདི་ཀ་ཡེ་ཤེས་ཀྱི་རང་ཞལ་མཐོང་བ་ཡིན་ནོ༔   དེ་ངོ་ཤེས་ཤིང་ཡིད་ཆེས་ཏེ་གདིང་ཐོབ་པར་གྱུར་ན༔   དཔག་ཡས་སངས་རྒྱས་ཀྱི་ཞིང་ཁམས་ཡང་འདི༔   བརྗོད་འདས་གྲངས་མེད་པའི་སངས་རྒྱས་ཡང་འདི༔   དཔའ་བོ་དཔའ་མོའི་འཁོར་ཚོགས་རང་བཞིན་ལྷུན་གྲུབ་ཀྱང་འདི༔   མ་བཙལ་ལྷུན་གྲུབ་འདོད་ཡོན་གྲུབ་པ་ཡང་འདི༔   གཞན་ལ་མ་བཙལ་རང་བྱུང་རིགས་འདུས་རྒྱལ་བའི་དཀྱིལ་འཁོར་རང་ལ་རང་དབང་བསྒྱུར་བ༔   བསྐུར་ཐོབ་ཀྱི་དབང་བསམ་ཡས་ཀྱི་འགྲན་ཟླ་བྲལ་བ་ཡང་འདི༔   མན་ངག་གཞན་ལས་མི་འཚོལ་རང་རྩལ་དུ་རྫོགས་པ་ཀློང་རྡོལ་རྟོགས་པའི་ཤེས་རབ་འདི་ཀ་ལུང་དང་མན་ངག་ཐམས་ཅད་ཀྱི་རྒྱལ་པོ་ཡང་འདི་༔   གང་དུ་མ་བཙལ་གང་ནས་མ་བྱུང་བའི་དབང་མན་ངག་ཐམས་ཅད་སྐད་ཅིག་གིས་རྫོགས་པ་ཡང་འདི་ཡིན་ནོ༔   ཐམས་ཅད་རིག་པའོ༔   ཐམས་ཅད་གཞིའོ༔   ཐམས་ཅད་རྩལ་སྣང་ {{TibChung|[19b]}} ངོ་༔   དེས་ན་མ་བཅོས་རང་བྱུང་གི་སངས་རྒྱས་འདི་ལ་ལྟོས་ཤིག༔   སྒོམས་ཤིག༔   རྟོགས་པར་གྱིས་ཤིག༔   དབང་ཐམས་ཅད་རང་ཐོག་ཏུ་རང་ལ་རང་དབང་ཐོབ་བོ༔   ཨ་ཕཊ༔   ཨ་ཕཊ༔    ཨ་ཕཊ༔   {{TibChung|ཅེས་ངོ་སྤྲོད།}}     དེ་ལྟར་དོན་དམ་བྱང་ཆུབ་སེམས་ཀྱི་དཀྱིལ་འཁོར་དུ་དབང་བཞི་པ་ཚིག་དབང་རིན་པོ་ཆེ་ཐོབ༔   ཉོན་མོངས་པ་དང་ཤེས་བྱའི་སྒྲིབ་པ་དག   །ལམ་རང་བཞིན་རྫོགས་པ་ཆེན་པོ་བསྒོམ་པ་ལ་དབང༌།   བྱེད་ལས་དོན་གཉིས་ཀྱི་མཛད་པ་ཡིད་བཞིན་དུ་གྲུབ།   འབྲས་བུ་མཐའ་གཉིས་ལ་མི་གནས་པའི་ཡེ་ཤེས་ཆེན་པོ་འགྲུབ་པར་འགྱུར་རོ།   །དེ་ནས་བྱིན་རླབས་ཡོངས་རྫོགས་ཡང་གསང་གཏོར་མའི་དབང་བསྐུར་བ་ལ་འདུན་པ་འདི་ལྟར་དུ་མཛོད།   གཏོར་སྣོད་དུར་ཁྲོད་གསང་ཆེན་རོལ་པའི་ཕོ་བྲང་གི་དབུས་སུ་གཏོར་མའི་ངོ་བོ་བདུད་འདུལ་ཡེ་ཤེས་ཌཱ་ཀི་སེང་གདོང་དྲག་མོའི་ལྷ་ཚོགས་དངོས་སུ་བཞུགས་པའི་སྐུ་གསུང་ཐུགས་ཡོན་ཏན་ཕྲིན་ལས་མ་ལུས་པའི་བྱིན་རླབས་མཐུ་སྟོབས་ནུས་པ་ཐམས་ཅད་བདུད་རྩི་འོད་ཟེར་དཀར་དམར་མཐིང་གསུམ་གྱི་རྣམ་པར་ཁྱེད་རང་རྣམས་ཀྱི་སྤྱི་བོ་ནས་ཞུགས།   ལུས་ཀྱི་ནང་ཐམས་ཅད་གང་བས་དབང་བཞི་ཆིག་རྫོགས་སུ་ཐོབ།   སྒྲིབ་བཞི་ལྷག་མེད་དུ་ {{TibChung|[20a]}} སྦྱངས།   སྐུ་བཞི་མངོན་དུ་གྱུར་ཏེ་དཀྱིལ་འཁོར་ཡོངས་ཀྱི་ཁྱབ་བདག་ཆེན་པོ་འགྲོ་འདུལ་ཕྲིན་ལས་རབ་འབྱམས་ལ་མངའ་དབང་འབྱོར་ཏེ་དོན་གཉིས་འབད་མེད་དུ་གྲུབ་པའི་མོས་པ་མཛོད།   {{TibChung|གཏོར་མ་ཐོགས་ལ།}}     ཧཱུྃ༔   ཁྱབ་གདལ་ཀློང་ཡངས་བ་ལིང་ཏ༔   ཡེ་ཤེས་དང་ནི་ཡེ་ཤེས་སྩོལ༔   མ་བཙལ་ལྷུན་གྲུབ་རྫོགས་པ་ཆེ༔   རིགས་དང་དཀྱིལ་འཁོར་རབ་འབྱམས་ཀུན༔   མ་ལུས་ལུས་པ་མེད་པར་རྫོགས༔   སྐལ་ལྡན་ཁྱོད་ལ་དབང་བསྐུར་རོ༔   གསང་གསུམ་རྡོ་རྗེ་དབང་གི་དངོས༔   དཀར་དམར་མཐིང་གསུམ་བདུད་རྩིའི་རྒྱུན༔   ཁྱོད་ཀྱི་སྤྱི་བོར་ལན་བཞིར་བབས༔   དང་པོས་སྒྲིབ་དག་ཉམས་ཆག་སྐོང་༔   གཉིས་པས་ལུས་གང་དབང་བཞི་ཐོབ༔   གསུམ་པས་གནས་ལྔར་ཡི་གེས་བརྒྱན༔   བཞི་པས་ལུས་སེམས་དབྱེར་མེད་དུ༔   འཇའ་ལུས་འཕོ་བ་ཆེན་པོར་སྨིན༔   དཀྱིལ་འཁོར་ཡོངས་ལ་དབང་བཞི་ཐོབ༔   སྟོན་པ་བླ་མེད་རྫོགས་སངས་རྒྱས༔   སྐྱོབ་པ་བླ་མེད་དམ་པའི་ཆོས༔   འདྲེན་པ་བླ་མེད་དགེ་འདུན་ཚོགས༔   དཀོན་མཆོག་གསུམ་གྱི་དབང་ཐོབ་ཤོག༔   སྐྱེ་མེད་ཁྱབ་བདག་ཆོས་ཀྱི་སྐུ༔   འགགས་མེད་ལོངས་སྤྱོད་རྫོགས་པའི་སྐུ༔   ཕྱོགས་མེད་ཀུན་ཁྱབ་སྤྲུལ་པའི་སྐུ༔    {{TibChung|[20b]}} སྐུ་གསུམ་ལྷུན་གྲུབ་དབང་ཐོབ་ཤོག༔   བླ་མེད་བླ་མ་རིག་འཛིན་ཚོགས༔   རྒྱལ་བ་རྒྱ་མཚོ་ཡི་དམ་ལྷ༔   དབྱིངས་ལས་གར་བསྒྱུར་མཁའ་འགྲོའི་ཚོགས༔   རྩ་བ་གསུམ་གྱི་དབང་ཐོབ་ཤོག༔   གདོད་ནས་འདས་ཀྱང་འཇིག་རྟེན་ཚུལ༔   ཆོས་བཞིན་སྒྲུབ་ལ་བུ་ལྟར་སྐྱོང་༔   དམ་ཉམས་སྲོག་གི་གཤེད་མ་ཆེ༔   ཆོས་སྐྱོང་སྲུང་མའི་དབང་ཐོབ་ཤོག༔   ཆོས་ཉིད་རྣམ་པར་དག་པ་དང་༔   རྟེན་འབྲེལ་བསླུ་བ་མེད་པའི་མཐུས༔   སྨིན་ཅིང་གྲོལ་ནས་དུས་རྣམ་ཀུན༔   གདུལ་བྱའི་འགྲོ་བ་འདྲེན་གྱུར་ཅིག༔   ཨོཾ་ཨཱཿཧཱུྃ༔   ན་མོ་བུདྡྷ་དྡྷརྨཱ་སངྒ་དྷརྨཱ་ཀཱ་ཡ་སམྦྷོ་ཀཱ་ཡ་ནི་རྨ་ཀཱ་ཡ༔   གུ་རུ་དྷེ་ཝ་ཌཱ་ཀི་ནཱི་སརྦ་དྷརྨ་པཱ་ལ་སརྦ་ཀྵེ་ཊ་པཱ་ལ་སརྦ་ལོ་ཀ་པཱ་ལ་ས་མ་ཡ་བ་ལིངྟ་ཨ་བྷི་ཥིཉྩ་ཨོཾ་ཨཱཿཧཱུྃ་སྭཱ་ཧཱ༔   ཀཱ་ཡ་ཨ་བྷི་ཥིཉྩ་ཨོཾ༔   ཝཱ་ཀ་ཨ་བྷི་ཥིཉྩ་ཨཱཿ ཙིཏྟ་ཨ་བྷི་ཥིཉྩ་ཧཱུྃ༔   སརྦ་ཨ་བྷི་ཥིཉྩ་སྭཱ་ཧཱ༔   {{TibChung|ཞེས་གཏོར་མ་གནས་བཞིར་བཞག   །}}  མཐར་གཏོར་མའི་ལྷ་ཚོགས་འོད་དུ་ཞུ་ནས་ཁྱེད་རང་རྣམས་ལ་ཐིམ་པས་སྒོ་གསུམ་ཡེ་ཤེས་ལྷའི་སྐུ་གསུང་ཐུགས་སུ་སྨིན།   གཏོར་ཟན་ཟག་མེད་ཀྱི་བདུད་རྩིར་གྱུར་པ་མགྲིན་པར་མྱང་བས་ལས་དང་དངོས་གྲུབ་ཐམས་ཅད་ལ་དབང་འབྱོར་བར་མོས་ཤིག   །{{TibChung|ཅེས་གཏོར་མའི་རས་མ་བདུད་རྩིར་སྦྱར་བ་བྱིན།}}     དེ་ལྟར་དབང་རྣམས་ཡོངས་སུ་ {{TibChung|[21a]}} རྫོགས་པ་ཐོབ་པའི་མཐའ་རྟེན་དགེ་བའི་སླད་དུ་བཀྲ་ཤིས་པའི་རྫས་ཀྱིས་མདུན་བདར་ཏེ་མངའ་གསོལ་བར་མོས་མཛོད།   {{TibChung|རྫས་བརྒྱད་གཏད་ལ།}}     ཧཱུྃ༔   སྐལ་ལྡན་རིགས་ཀྱི་བུ་ཁྱོད་ལ༔   བཀྲ་ཤིས་རྫས་བརྒྱད་འདི་གཏད་པས༔   ཡོན་ཏན་ཕུན་སུམ་ཚོགས་པའི་དཔལ༔   ཡོངས་ཐོབ་དོན་གཉིས་ལྷུན་གྲུབ་ཤོག༔   མངྒ་ལཾ་ཨ་བྷི་ཥིཉྩ་ཧཱུྃ༔   {{TibChung|བཀྲ་ཤིས་རྟགས་བརྒྱད་གཏད་ལ།}}     ཧཱུྃ༔    སྐལ་ལྡན་རིགས་ཀྱི་བུ་ཁྱོད་ལ༔   བཀྲ་ཤིས་རྟགས་བརྒྱད་འདི་གཏད་པས༔   མཚན་དཔེས་བརྒྱན་པའི་སྐུ་ཐོབ་ནས༔   སྤྲུལ་སྐུའི་གདུལ་བྱ་མྱུར་ཐོབ་ཤོག༔   ཨཥྚ་མངྒ་ལཾ་ཨ་བྷི་ཥིཉྩ་ཧཱུྃ༔   {{TibChung|རྒྱལ་སྲིད་སྣ་བདུན་གཏད་ལ།}}     ཧཱུྃ༔    སྐལ་ལྡན་རིགས་ཀྱི་བུ་ཁྱོད་ལ༔   རྒྱལ་སྲིད་སྣ་བདུན་འདི་གཏད་པས༔   རྒྱལ་བའི་རྒྱལ་སར་དབང་འབྱོར་ཏེ༔   རྣམ་མཁྱེན་སངས་རྒྱས་མྱུར་ཐོབ་ཤོག༔   མ་ཎི་རཏྣ་ཨ་བྷི་ཥིཉྩ་ཧཱུྃ༔    {{TibChung|ཞེས་གཏད་ལ་ཤིས་བརྗོད་རྒྱ་ཆེར་སྤེལ།}}     དེ་དག་རྣམས་ཀྱི་སྒོ་ནས་བདུད་འདུལ་ཡེ་ཤེས་ཌཱ་ཀི་སེང་གདོང་དྲག་མོའི་དབང་བཞི་ཡོངས་རྫོགས་མཐའ་རྟེན་དང་བཅས་པ་ལེགས་པར་གྲུབ་པ་ཡིན་པས་འདི་ཉིད་ཡི་དམ་དུ་བཟུང་ཞིང༌།   སྙིང་པོ་སྔགས་ཀྱི་རྣལ་འབྱོར་ལ་བརྩོན་པར་བྱས་ན་ཕྲིན་ལས་གང་བརྩམས་ཐོགས་མེད་དུ་འགྲུབ་པར་གསུངས་ {{TibChung|[21b]}} ཏེ།   གནམ་ལྕགས་ཐོག་རྒྱུད་ལས།   ངོ་བོ་མ་ནིང་ཡི་གེ་ཡིན་པས་ན༔   གཟུངས་སྔགས་རིག་སྔགས་གསང་སྔགས་ཐམས་ཅད་འདུས༔   ངེས་ཚིག་གནམ་ལྕགས་ཐོག་རྒྱུད་ཡིན་པས་ན༔   གང་ལ་བཏབ་ཀྱང་ཐོགས་མེད་ཕ་ལམ་འདྲ༔   རྣམ་པ་མུ་སྟེགས་བྱད་མ་ཟློག་ཕྱིར་ཏེ༔   ཕྱི་ནང་བྱད་ཀུན་ཐོགས་པ་མེད་པར་ཟློག༔   དབྱེ་བ་ཡི་གེ་བཅུ་བཞི་ཐམ་པ་ལ༔   གོང་དུ་བསྟན་པའི་དཔའ་བོ་མཁའ་འགྲོ་འདུས༔   ས་མཚམས་འཇིག་རྟེན་འདས་དང་མ་འདས་ཏེ༔   ལས་དང་ཡེ་ཤེས་གཉིས་ཀ་འགྲུབ་པར་གྱུར༔   བསྡུས་དོན་ཀུན་འདུས་བདུད་འདུལ་དྲག་མོའི་སྲོག༔   མཁའ་འགྲོ་གྲངས་མེད་གསང་སྔགས་རིག་སྔགས་འདུས༔   ས་བཅད་ཨ་ཀ་ས་མ་ར་ཙ་དྲུག༔   འཇིག་རྟེན་འདས་པ་ཛྙཱ་ནའི་སྲོག་སྔགས་ཡིན༔   ཤ་ད་ར་ས་མ་ར་ཡ་སྟེ་བདུན༔   ལོ་ཀ་ཌཱཀ་ཌཱ་ཀིའི་སྙིང་པོ་ཡིན༔   ཕཊ་ནི་ཐམས་ཅད་གཉིས་མེད་བླ་ན་མེད༔   དེ་ཕྱིར་མཁའ་འགྲོ་དྲག་མོའི་མན་ངག་ཡིན༔   འདི་ཡི་ཡོན་ཏན་བརྗོད་ཀྱིས་མི་ལངས་ཏེ༔   གང་ཞིག་འདི་ནི་བློ་ལ་ཡོད་པ་ཙམ༔   བཀྲ་ཤིས་རིགས་བརྒྱུད་འཕེལ་ཞིང་ཕྱོགས་ངན་ཟློག༔   གང་ཞིག་འདི་ཉིད་བཟླས་པ་ཙམ་གྱིས་ནི༔   རྦོད་གཏོང་བཟློག་ཅིང་བྱད་མ་ཁྲག་སྐྱུགས་འགུམ༔    {{TibChung|[22a]}} གང་ཞིག་འདི་བཟླས་ཐལ་མོ་བརྡབས་པ་ཙམ༔   ཕ་རོལ་དམག་བཟློག་སྡང་དགྲ་གནོད་བྱེད་འཆི༔   གང་ཞིག་གི་བཟླས་བསྐྱེད་རིམ་གསལ་བ་ཙམ༔   དྲེགས་པ་ལས་ཁོལ་མ་མོ་བྲན་དུ་འགྱུར༔   གང་ཞིག་འདི་བཟླས་མཁའ་འགྲོ་དྲན་པ་ཙམ༔   ལྷ་སྲིན་སྡེ་བརྒྱད་བྲན་ཁོལ་ལས་འགྱེད་ནུས༔   གང་ཞིག་འདི་ཉིད་ལུས་ལ་བཅངས་པ་ཙམ༔   འདས་དང་མ་འདས་མ་མོ་མཁའ་འགྲོ་འདུས༔   གང་ཞིག་འདི་ཉིད་གསོལ་བ་བཏབ་པ་ཙམ༔   ཚེ་དང་བསོད་ནམས་ཕྲིན་ལས་མངའ་ཐང་འབྱུང་༔   གང་ཞིག་འདི་ཉིད་བསྙེན་དང་སྒྲུབ་པ་ཙམ༔   འཇིག་རྟེན་དྲེགས་པ་ཀུན་གྱིས་སྟོངས་གྲོགས་བྱེད༔   ཅེས་སོགས་དང༌།   འདི་ཡི་ནུས་པ་ཡོན་ཏན་མཐུ་སྟོབས་ནི༔   རྡོ་རྗེའི་ལྗགས་ཀྱིས་བརྗོད་ཅིང་བགྲང་མི་ནུས༔   ཞེས་གསུངས་པ་ཉིད་མི་བསླུ་བའི་ཚད་མར་ངེས་པའི་ཕྱིར།   དེང་ཕྱིན་ཆད་འདི་ཉིདཡི་དམ་དུ་བཟུང་ནས་སྔགས་བཟླ་བ་ལ་བརྩོན་པ་དང༌།   གཞན་ཡང་གསང་སྔགས་ཀྱི་རྩ་བ་དབང་༔   དབང་བསྐུར་གྱི་རྩ་བ་དམ་ཚིག་ཡིན་པས༔   དམ་ཚིག་ལ་བྱེ་བྲག་མང་ཡང་༔   དམ་ཚིག་སྤྱི་སྡོམ་ནི་རྩ་བ་སྐུ་གསུང་ཐུགས་ལ་འདུས༔   བྱེ་བྲག་མཁའ་འགྲོ་སྡེ་ལྔ་དང་ཡོན་ཏན་ཕྲིན་ལས་སོ༔   བསྲུང་བའི་ཡུལ་ནི་བླ་མ་ཡི་དམ་ {{TibChung|[22b]}} མཁའ་འགྲོ་གསུམ༔      དེ་ཐམས་ཅད་བླ་མ་འདུས་ཏེ༔      བླ་མའི་སྐུའི་དམ་ཚིག་མ་ཉམས་པར་བསྲུངས་ནས་བསྙེན་བཀུར་རྒྱུན་དུ་བྱས་ན༔      ཡི་དམ་ངང་གིས་འཁོར༔      མཁའ་འགྲོས་བུ་བཞིན་དུ་སྐྱོང་༔      བླ་མའི་བཀའ་བཞིན་དུ་སྒྲུབ་ཅིང་བསྙེན་སྒྲུབ་བྱ༔       གསུང་གི་དམ་ཚིག་མ་ཉམས་པར་བསྲུང་ན༔      ཡི་དམ་གྱིས་དངོས་གྲུབ་སྟེར་ནས་གསུང་ལ་དབང་ཐོབ༔     ལྷ་སྲིད་སྡེ་བརྒྱད་བཀའ་བསྒོ་ཉན༔      ཐུགས་ཀྱི་དམ་ཚིག་མ་དད་པ་སྐད་ཅིག་ཀྱང་མ་ཤོར་ཞིང་བླ་མའི་ཐུགས་དགོངས་ལོན་ཅིང་མཆོད་ཚོགས་བྱས་པའི་ཏིང་འཛིན་གསལ༔      བསམ་པ་འགྲུབ༔     མཆོག་གི་དངོས་གྲུབ་ཐོབ༔      ཡོན་ཏན་དམ་ཚིག་མ་ཉམས་ན་ལོངས་སྤྱོད་ཕུན་སུམ་ཚོགས༔       འཁོར་འདུ༔      བཀྲ་ཤིས་ལ་རིགས་བརྒྱུད་འཕེལ༔       ཕྲིན་ལས་དམ་ཚིག་མ་ཉམས་ན།   ལས་ལ་གང་བརྩམ་ཐོགས་མེད་འགྲུབ༔       མཁའ་འགྲོ་ཆོས་སྐྱོང་བཀའ་ཉན་འགྱུར༔      བྱེ་བྲག་མཁའ་འགྲོའི་དམ་ཚིག་ནི༔       མཁའ་འགྲོ་གཙོ་མོའི་དམ་ཚིག་ཏུ༔       རྡོ་རྗེ་སློབ་དཔོན་སྤྱི་བོར་ཁུར༔       རྡོ་རྗེ་མཁའ་འགྲོའི་དམ་ཚིག་ཏུ༔        ཏིང་ངེ་འཛིན་གཡེལ་བ་མེད་པར་བསྐྱང་༔      རིན་ཆེན་མཁའ་འགྲོའི་དམ་ཚིག་ཏུ༔       ཚོགས་དང་གཏོར་མ་རྒྱུན་དུ་བྱ༔        པདྨ་རིགས་ཀྱི་དམ་ཚིག་ཏུ༔     {{TibChung|[23a]}} མཚན་ལྡན་བདེ་བ་རྒྱུན་དུ་བསྟེན༔   ལས་ཀྱི་མཁའ་འགྲོའི་དམ་ཚིག་ཏུ༔   དག་སྣང་ཕྱོགས་མེད་ལས་སྦྱོར་བརྩོན༔   མཁའ་འགྲོ་སྤྱི་ཡི་དམ་ཚིག་ཏུ༔   དུས་སུ་ཚོགས་དང་གཏོར་མས་བསྐང་༔   བསྙེན་སྒྲུབ་སྒོམ་བཟླས་གཅིག་ཏུ་དྲིལ༔   དེ་བྱས་དོན་གཉིས་འགྲུབ་པར་འོང་༔   གལ་ཏེ་དམ་ཚིག་ཉམས་པ་ན༔   ཚེ་འདིར་རྒྱལ་པོའི་བཀའ་ཆད་འབྱུང་༔   མེ་ཆུ་ལྕགས་སྒྲོག་དུག་ནད་འབྱུང་༔   སྨྱོ་འབོག་བརྒྱལ་ནད་རིམས་ཡམས་འབྱུང་༔   མ་མོའི་དལ་ཡམས་ཁྲག་ནད་རིམས༔   རྒྱུ་གཟེར་གཉན་གཟེར་མཁྲིས་རིམས་འབྱུང་༔   ཚེ་ཐུང་ནད་མང་ལོངས་སྤྱོད་དབུལ༔   མི་འདོད་སྣ་ཚོགས་ཚེ་འདིར་སྨིན༔   ཕྱི་མ་མནར་མེད་དམྱལ་བར་འགྲོ༔   ཞེས་གསུངས་པས་དམ་ཚིག་སྤྱི་དང་བྱེ་བྲག་ཐམས་ཅད་སྲོག་ལུས་མིག་ལྟར་བསྲུང་བ་གལ་ཆེ་བས་ན།   ཐ་ཚིག་ལས་ནམ་ཡང་འདའ་བར་མི་བྱ་ཞིང་ཇི་ལྟར་ནུས་པ་བསྲུང་སྙམ་པས་འདིའི་རྗེས་ཟློས།   གཙོ་བོས་ཇི་ལྟར་{{TibChung|སོགས་ལན་གསུམ།   གཏང་རག་མཎྜལ།   ལུས་ལོངས་སྤྱོད་འབུལ་བ།   དགེ་བསྔོ་བཅས་བྱས་ལ་སློབ་མ་གྱེས།   དེ་ནས་སློབ་དཔོན་གྱིས་ཚོགས་ལ་རོལ་ཞིང་ལྷག་མ་བཏང་བ་སོགས་ལས་བྱང་ལྟར་ལ།    {{TibChung|[23b]}} རྗེས་ཆོག་གོང་དུ་སློབ་དཔོན་གྱིས་བསྐྱེད་རིམ་གསལ་བཏབ་ནས་བཟླས་པ་བརྒྱ་སྟོང་གང་འགྲུབ་ཀྱིས་བྱིན་རླབས་ཁ་གསོས་ལ་རྒྱུན་གྱི་དངོས་གྲུབ་བསྐུལ།   གཏང་རག་གི་མཆོད་བསྟོད་འབུལ་ཞིང་ཡིག་བརྒྱས་ནོངས་པ་བཤགས།   ཡེ་ཤེས་པ་གཤེགས་བསྟིམ་རྟེན་ཡོད་མེད་དང་བསྟུན།   བདག་བསྐྱེད་བསྡུ་ལྡང་བསྔོ་སྨོན་ཤིས་བརྗོད་བཅས་གཞུང་བཞིན་མཐའ་རྒྱས་སུ་སྤེལ་བས་གྲུབ་བོ།   །ཡང་གསང་བདུད་འདུལ་དྲག་མོའི་དཀྱིལ་འཁོར་དུ།   །སྣོད་ལྡན་གཞུག་པའི་ལས་ཁྲིགས་གསལ་བྱས་ལ།   འདིས་ཀྱང་སྐལ་བཟང་རིག་འཛིན་དབུགས་ཕྱུངས་ཏེ།   །བར་གཅོད་བདུད་ལས་རྣམ་རྒྱལ་དཔལ་ཐོབ་ཤོག   །དེ་ལྟར་བདུད་འདུལ་དྲག་མོ་སེང་གདོང་མའི་དབང་ཆོག་ཁྲིགས་སུ་བསྡེབས་པ་ཕྲིན་ལས་ཡེ་ཤེས་སྒོ་འབྱེད་ཅེས་བྱ་བ་འདིའང༌།   དོན་དུ་གཉེར་བའི་བློ་ལྡན་རྣམས་ཀྱིས་བསྐུལ་བ་དང༌།   ཟབ་ཆོས་ཀྱི་རྒྱུན་སྤེལ་བའི་ཆ་རྐྱེན་དུ་འཇུག་པ་བདེ་བར་མཐོང་ནས།   འཇིགས་བྲལ་ཡེ་ཤེས་རྡོ་རྗེས་རང་ལོ་བདུན་ཅུ་རྩ་གསུམ་འདས་པ་དམར་སེར་ཅན་གྱི་ལོ་དབོ་ཉ་བའི་ཤེས་རབ་ཀྱི་ཆ་ལ།   བལ་ཡུལ་ཨེའི་ལྷ་ཁང་དང་ཉེ་བའི་བསྟི་གནས་སུ་ལེགས་པར་བསྡེབས་པ་ལས།   ཐོག་མའི་ཡི་གེ་པ་ནི་ཤར་ཕྱོགས་མོན་གྱི་སྔགས་སྟོན་བསྟན་འཛིན་ཀུན་ལེགས་ཀྱིས་བགྱིས་པའོ།   །འདིས་ཀྱང་ཟབ་ཆོས་མཆོག་གི་ཕྲིན་ལས་མི་ནུབ་དར་ཞིང་རྒྱས་པའི་རྒྱུར་གྱུར་ཅིག   །སརྦ་དཱ་མངྒ་ལཾ།།}}  }}
</onlyinclude>
{{TsagliCall}}
<headertabs/>