View source for DJYD-KABUM-15-BA-039

{{Text
|classification=Tibetan Publications
|subclass=Tibetan Texts
|fulltitletib=རྡོ་རྗེ་ཕུར་པ་སྤུ་གྲི་རེག་ཕུང་གི་ཕྲིན་ལས་མཐའ་སྡུད་མནན་པའི་ལས་རིམ་འབར་བའི་ཐོག་བརྩེགས།
|fulltitle=rdo rje phur pa spu gri reg phung gi phrin las mtha' sdud mnan pa'i las rim 'bar ba'i thog brtsegs
|citation=[[Dudjom Rinpoche]] 'Jigs bral ye shes rdo rje. ''Rdo rje phur pa spu gri reg phung gi phrin las mtha' sdud mnan pa'i las rim 'bar ba'i thog brtsegs''. In ''Bdud 'joms 'jigs bral ye shes rdo rje'i gsung 'bum dam chos rin chen nor bu'i bang mdzod'', Vol. 15: 565-579. Kalimpong: Dupjung Lama, 1979-1985.
|collectiontitletib=བདུད་འཇོམས་རིན་པོ་ཆེ་བཀའ་འབུམ།
|collectiontitle=bdud 'joms rin po che bka' 'bum
|author=Dudjom Rinpoche
|sourcerevealer=Dudjom Rinpoche
|tibgenre=Activity Practices - las tshogs
|terma=Yes
|deity=rdo rje phur pa
|cycle=rdo rje phur pa spu gri reg phung
|cycletib=རྡོ་རྗེ་ཕུར་པ་སྤུ་གྲི་རེག་ཕུང་
|language=Tibetan
|volumenumber=15
|volnumtib=༡༥
|volyigtib=བ
|totalvolumes=25
|textnuminvol=039
|pagenumbers=565-579
|totalpages=15
|beginfolioline=1a1
|endfolioline=8a4
|totalfolios=8
|multivolumework=No
|rectonotes=mnan pa
|versonotes=spu gri reg phung
|colophontib=།ཞེས་པའང་མཐུ་ཆེན་ལང་ལབ་གཉིས་པ་བྱང་ཆུབ་རྡོ་རྗེ་དང་།   སྡོམ་བརྩོན་པདྨ་བློ་གྲོས་བཟང་པོ།   །སྔགས་བན་ཆོས་གྲགས་རྒྱ་མཚོ་རྣམས་ནས་མངོན་སྤྱོད་ཀྱི་ཆ་རྐྱེན་ལ་བསྔགས་པའི་རྟེན་དང་བཅས་ཏེ་བསྐུལ་བའི་ངོར།   འཇིགས་བྲལ་ཡེ་ཤེས་རྡོ་རྗེས་དྲག་པོའི་ལས་ཀྱི་མཐའ་སྡུད་མན་ངག་ལག་ཁྲིགས་སུ་བསྡེབས་ཏེ་སྦྱར་བ་ལས་ཡི་གེ་པ་ནི་བསྐུལ་བ་པོ་ཕྱི་མ་ཉིད་ཀྱིས་བགྱིས་པའོ།   །འདིས་ཀྱང་བསྟན་དགྲའི་དཔུང་ཚོགས་མཐར་བྱེད་པའི་རྒྱུར་གྱུར་ཅིག།   །།ཛ་ཡནྟུ།།
|colophonwylie=zhes pa'ang mthu chen lang lab gnyis pa byang chub rdo rje dang /___sdom brtson pad+ma blo gros bzang po/___/sngags ban chos grags rgya mtsho rnams nas mngon spyod kyi cha rkyen la bsngags pa'i rten dang bcas te bskul ba'i ngor/___'jigs bral ye shes rdo rjes drag po'i las kyi mtha' sdud man ngag lag khrigs su bsdebs te sbyar ba las yi ge pa ni bskul ba po phyi ma nyid kyis bgyis pa'o/___/'dis kyang bstan dgra'i dpung tshogs mthar byed pa'i rgyur gyur cig/___//dza yan+tu//
|pdflink=File:DJYD-KABUM-15-BA-039.pdf
|authortib=བདུད་འཇོམས་འཇིགས་བྲལ་ཡེ་ཤེས་རྡོ་རྗེ་
|sourcerevealertib=བདུད་འཇོམས་འཇིགས་བྲལ་ཡེ་ཤེས་རྡོ་རྗེ་
|volumeLetter=BA
|InitCategories=Dudjom Tersar Project; DJYD-KABUM-Volume-15-BA
}}
<h1>Tibetan Text</h1>
<onlyinclude>
{{TibP|༄༅།   །རྡོ་རྗེ་ཕུར་པ་སྤུ་གྲི་རེག་ཕུང་གི་ཕྲིན་ལས་མཐའ་སྡུད་མནན་པའི་ལས་རིམ་འབར་བའི་ཐོག་བརྩེགས་ཞེས་བྱ་བ་བཞུགས་སོ།   །


༄༅།   །ན་མོ་ཤྲཱི་བཛྲ་ཀུ་མཱ་ར་ཡ།{{TibChung|ལྷ་མཆོག་རྡོ་རྗེ་གཞོན་ནུའི་རྣལ་འབྱོར་པས་མངོན་སྤྱོད་དྲག་པོའི་མན་ངག་སྲུང་བའི་མཐའ་སྡུད་དགྲ་བགེགས་མནན་པའི་ལས་རིམ་ལ་འཇུག་པ་སྐབས་སུ་བབས་པ་ན།   སྦྱོར་བ་ལྕགས་ཁམས་ཀྱི་ལོ་ཟླ་ཉི་ཁྱིམ་ཕུང་གསུམ་བདུད་ཀྱི་ཉི་མ་སོགས་ཤིན་ཏུ་རྩུབ་པའི་དུས་གནད་ངེས་པ་ཅན་གྱི་སྐབས་སུ་བབས་པ་ན།   དྲག་པོའི་གནས་སུ་འོས་པར་དམ་ཚིག་གི་བྲིས་སྐུ་བཀྲམ་པའི་མདུན་དུ་བླ་མ་ཡི་དམ་ཆོས་སྐྱོང་དང་བཅས་པའི་གཏོར་མ་དང་ཕྱི་ནང་གི་མཆོད་པ་རྣམས་ལེགས་པར་བཤམསཔའི་ཉེ་འདབས་སུ།   གདུག་པའི་ས་སྣ་རྣམས་ལས་སྟེགས་བུ་མདའ་གང་གྲུ་བཞི་པ་རོ་སོལ་གྱིས་ནག་པོར་བྱས་པའི་དབུས་སུ་བྲུབ་ཁུང་ཁ་ཁྱེར་གསུམ་ལྡན་གྱི་ནང་དུག་ཁྲག་དང་ཕྱིར་རོ་སོལ་གྱིས་དམར་ནག་ཏུ་བྱུགས་ཤིང་མཐའ་རྩང་ {{TibChung|[2a]}} དམར་སྲིན་མོ་འགྲོས་སུ་བཙུགས་པས་བསྐོར་བའི་ནང་དུ་དུག་ཤོག་ལ་དྲག་འདྲེ་གང་ལ་བྱ་བའི་ལིངྒ་མན་ངག་ལྟར་བྲིས་ཏེ་དྲི་བྲལ་དུ་བྱས་པ་བཅུག་པའི་ཁ་རོ་གཡམ་གྱིས་བཅད།   དེ་སྟེང་མཉྫིའི་ཁར་གོང་གནོན་གྱི་གཏོར་ཆེན་འཁོར་གྱི་བཤོས་བུས་གཏམས་པ་དྲག་རྒྱན་རྔམས་བརྗིས་ཅན་འཕང་བའི་སྐབས་ལྟར་འདུ་བྱས་པ་འགོད།   དྲག་ཤིང་གི་ཨེ་ཁྲོམ་ལ་བརྟེན་པའི་ཕུང་རེའམ་སྣམ་རས་ཀྱི་གུར་ཕུབ་ལ་ཉི་ཟེར་དང་མར་མེའི་མདངས་མི་ཕོག་ཅིང་བདུད་རྩིའི་ཟེག་མ་མི་འཐོར་བར་བྱས་ལ་མཐའ་དྲག་པོའི་མཆོད་པས་བསྐོར།   གཞན་ཡང་དབྱེ་རྫས་ཐུན་རྫས་མནན་ཐོད་ཕུང་རེ་བྱད་ཐག་རོ་གཡམ་སོགས་འདིར་དགོས་པའི་ཡོ་བྱད་ཐམས་ཅད་ཚང་བ་མེད་པར་འདུ་བྱས་ལ།   དངོས་གཞི་ཕྲིན་ལས་ཀྱི་གཞུང་བསྲངས་ཏེ་བདག་དང་མདུན་གྱི་གཏོར་ {{TibChung|[2b]}} ཆེན་གཉིས་ཀ་གྱེར་ཚིག་གཅིག་གིས་མཉམ་དུ་བསྒྲུབ་ནས་བཟླས་པའི་སྐབས་སྲུང་བའི་དམིགས་བཟླས་ལ་གཙོ་བོར་བྱས།   དེ་ནས་སྨད་ལས་བཞིན་བསྐུལ་བ།    གསེར་སྐྱེམས་གཟུ་དཔང་།   བྲུབ་ཁུང་དམིགས་བྱ་བསྐྱེད་པ་རྣམས་སྔོན་དུ་འགྲོ་བས།   བདག་མདུན་གྱི་ཐུགས་ཀ་ནས་སྤྲུལ་པའི་ལས་བྱེད་བསམ་གྱིས་མི་ཁྱབ་པ་སྐར་ལྟར་འཁྲུགས་པ་སྟོང་ཁམས་ཁྱབ་པར་འཕྲོས།   དམིགས་བྱ་དགྲ་འདྲེ་འབྱུང་པོ་འཁོར་བཅས་ལྕགས་ཀྱུས་སྙིང་ནས་བཟུང་།   ཞགས་པས་རྐེ་ནས་བཅིངས།     ལྕགས་སྒྲོག་གིས་ཡན་ལག་བསྡམ།   དྲིལ་བུ་མྱོས་པར་བྱས་ཏེ་རང་དབང་མེད་པར་ལས་ཀྱི་རླུང་དམར་གྱི་རྟ་ལ་བསྐྱོན་ཏེ་བྲུབ་ཁུང་གི་ལིངྒ་ལ་ཐིམ་པར་བསམ་ཞིང་བདེན་སྟོབས་འགུགས་གཞུག་ཅི་མང་མཐར་བླ་འགུགས་ཀྱི་སྔགས་ནི།}}    ཨོཾ་བཛྲ་ཀཱི་ལི་ཀཱི་ལ་ཡ༔   མ་རཀྨོ་ཡཀྨོ་ཀཱ་ལ་རཱུ་པ་དམ་སྲིའམ།   དགྲ་བོ་ཛཿཛཿ   སྙིང་རྩ་ལ་ཡཾ་ཡཾ༔   དམ་སྲི་ཛཿཛཿ    སྲོག་རྩ་ལ་ཡཾ་ཡཾ༔   སྙིང་རྩ་ཕྲིལ་ཕྲིལ་དམ་སྲི་ཛཿཛཿ      སྲོག་རྩ་ལ་ཆུཾ་ཆུཾཿ      ཙིཏྟ་སྲོག་ལ་དུང་དུང་༔   སྙིང་ཁྲག་སྲོག་ལ་ཤད་ཛ༔   དམ་སྲི་ཛཿཛཿ    ཐུམ་རི་ལི་ལི༔   སྙིང་ཙེག་ཙེག༔   འུར་འུར༔   ཤིག་ཤིག༔   ་གུལ་གུལ༔   མྱག་མྱག་དམ་སྲི་ཛཿཛ༔   སོད་སོད་ངྷ་ཏི་མ་མ་ཀརྨ་ཤཱི་གྷྲཾ་ཀ་ར་ཡེ༔   མཱ་ར་སེ་ན་པྲ་མརྔྷན་ཡེ་ཧཱུྃཿ    དམ་སྲི་ཛཿཛཿ    {{TibChung|[3a]}} {{TibChung|ཞེས་གང་མང་དང་།}}   ཨོཾ་བཛྲ་ཀཱི་ལི་ཀཱི་ལ་ཡ་སྲི་ངན་ཛཿཧཱུྃ་བཾ་ ཧོཿ    སྲི་ངན་ནམ།   དགྲ་བོའི་བླ་ཤ་རེ་མ་ཏི་འགྲིམ་འགྲིམ༔   ཤ་མ་རུ་ཏི་ཐུལ་ཐུལ༔   མྱོག་མྱོག༔   ཡེད་ཡེད༔   ཤ་མ་རུ་ཏི་ཁུག་ཁུག༔   ལིང་མྱོག་ལིང་ཤག་ཙ་མུནྟྲི་ཛ༔   ཧཱུྃ་བཾ་ ཧོཿ    {{TibChung|ཞེས་སྟོང་ངམ་བརྒྱ་རྩ་ལས་མི་ཉུང་བས་བཀུག་འགུགས་འཆིང་སྡོམ་མྱོས་ཀྱི་ལས་བྱ།   ཐུན་མཚམས་སུ་སྨད་ལས་བཞིན་ཐུན་གཏོར་ལ་དམིགས་བྱ་འགུགས་བསྟིམ་བདུད་རྩིར་སྦར་བ་སྔགས་ཀྱིས་ཕུལ་ཏེ།}}  ཧཱུྃ༔   དུས་གསམ་རྒྱལ་བའི་ཕྲིན་ལས་འབྱུང་བའི་དཔལ༔   མ་རུངས་འདུལ་མཛད་ཀརྨ་ཧེ་རུ་ཀ༔   འགྲོ་བ་སྙིགས་མའི་སྡུག་བསྔལ་སྐྱོབ་པའི་ལྷ༔    དྲག་པོའི་ཕྲིན་ལས་མཛད་ལ་མཆོད་པ་འབུལ༔   ཁྲོ་བཅུ་ཡབ་ཡུམ་ཁྲ་ཕྱག་སྒོ་མ་བཞི༔   ཕུར་སྲུང་ཟ་གསོད་དབང་ཕྱུག་ཉེར་བསྒྱད་སོགས༔   སྤྲུལ་པ་ཡང་སྤྲུལ་འཁོར་དང་བཅས་པ་རྣམས༔   བ་ལིང་ཤ་ཁྲག་གཏོར་མ་འདི་བཞེས་ལ༔   དམིགས་པའི་དགྲ་བགེགས་གཟུགས་ལིང་མིང་བཅས་འདིའི༔   བླ་ཁུག་དབུགས་འཕྲོག་མགོ་འཁོར་ཁྲག་ཏུ་སྐྱུགས༔   བརྒྱལ་ཞིང་ལུས་སེམས་ཕྲོལ་ལ་སྲོག་རྩ་ཆོད༔   ཚེ་ཡི་འདུ་བྱེད་བསྐུམས་ལ་མྱུར་དུ་སོད༔    {{TibChung|[3a]}} ཤ་ཁྲག་གཟུགས་ཕུང་འབྱུང་བ་ཞལ་དུ་ཐོབ༔   བསད་རྟགས་དོན་སྙིང་དམར་པོ་ཁྱེར་ལ་ཤོག༔   བྱད་མ་ལྷ་སྲུང་རང་གཤེད་རང་ལ་ཕོབ༔   ལུས་ངག་ཡིད་གསུམ་མཐུ་རྩལ་ནུས་པ་རྣམས༔   ནམ་ཡང་ལྡང་མེད་མནན་པའི་ཕྲིན་ལས་མཛོད༔   {{TibChung|ཅེས་འབུལ།   དེ་ལྟ་བུའི་ཚུལ་གྱིས་ཐུན་དྲུག་གམ་བཞིར་བཅད་དེ་ཁུག་རྟག་མ་བྱུང་བར་རམ་ཞག་གྲངས་ཇི་ཙམ་བྱེད་པ་ཆ་གཉིས་སུ་བགོས་པའི་ཆ་གཅིག་ལ་འབད་དོ།   །དེ་ནས་བར་དུག་ཟིར་བའི་ལས་ལ།   བདག་ཉིད་ཡི་དམ་དུ་གསལ་བའི་ཤངས་བུག་དང་བ་སྤུའི་བུ་ག་ཐམས་ཅད་ནས་ལས་བྱེད་ཀྱི་ཁྲོ་བོ་ནམ་མཁའ་གང་བར་སྤྲོས།   ཁོའི་ལྷ་སྲུང་ཐམས་ཅད་བྱ་སྤུ་རླུང་གིས་ཁྱེར་བ་ལྟར་བསྐྲད་པར་བསམ་ལ་རྗས་ངན་གྱིསབདུག་ཅིང་སྨད་ལས་བཞིན་ལྷ་དབྱེ་དང་གཟུགས་ལ་དབབ་པའི་ལས་བསྐུལ་མཐར།   རང་གི་ཐུགས་ཀ་ནས་འོད་ཟེར་དཔག་ཏུ་མེད་པ་འཕྲོས་དམིགས་བྱ་རྣམས་ལ་ཕོག་པས།   བ་མོ་ལ་ཉི་ཟེར་ཕོག་པའམ་མེ་ཏོག་སད་ཀྱིས་ཁྱེར་བ་ལྟར་བཀྲག་མདངས་ཉམས།   བདག་མདུན་དང་བྲུབ་ཁུང་ཁའི་རྩང་རྣམས་ཤན་པ་ཕོ་མོའི་ངོ་བོར་གསལ་བའི་ཞལ་ནས་སྔགས་སྒྲ་དེ་རི་རི་བཟླས་པས།   དྲག་སྔགས་ཀྱི་འོད་ཟེར་མེ་ལྕེ་རྣོ་ངར་དང་ལྡན་པ་མཚོན་ཆའི་རྣམ་པར་འཕྲོས་ཏེ་ལུས་ཀྱི་ཡན་ལག་ནང་ཁྲོལ་རྣམས་བཅད་གཏུབ་བྱས་ཏེ་ལོ་ཏོག་སེར་བས་བཅོམ་པ་ལྟར་གྱུར།   རྡོ་རྗེ་གཞོན་ནུའི་སྐུ་སྨད་ཁྲོ་ཕུར་ལྕགས་སྲེག་གི་རང་བཞིན་ཅན་དུ་གྱུར་པ་དེ་ཉིད་དམིགས་བྱའི་སྤྱི་གཙུག་ཏུ་བརྒྱབ།   རྐང་མཐིལ་ {{TibChung|[4a]}} ནས་ཕྱུང་།   ལྕེ་སྟེང་ནས་ཨོག་མར་ཕྱུང་།   སྙིང་གར་ཐོག་རྒྱབ་པ་ལྟར་སོང་བས་སྲོག་རྩ་ཐལ་བར་བཏང་།   མདོར་ན་དགྲ་བོའི་སྒོ་གསུམ་བྱ་སྒྲོ་མེ་ལ་བསྲེག་པའམ་གཞོབ་རོ་ལྡོག་པས་བརྗིས་པ་ལྟར་ཐལ་བ་བུན་བུན་སོང་ནས་ཕུར་པའི་ཆར་རྒྱུན་མི་ཆད་པས་རྗེས་མེད་རྩ་བརླག་ཏུ་སོང་བར་བསམ་ལ།}}   ཨོཾ་བཛྲ་ཀཱི་ལི་ཀཱི་ལ་ཡ༔   མ་རཀྨོ་ཡཀྨོ་ཀཱ་ལ་རཱུ་པ་དམ་སྲི་མཱ་ར་ཡ་སོད༔   སྙིང་རྩ་ལ་ཡཾ་ཡཾ༔   དམ་སྲི་མཱ་ར་ཡ་སོད༔     སྲོག་རྩ་ལ་ཡཾ་ཡཾ།   སྙིང་རྩ་ལ་ཕྲིལ་ཕྲིལ༔   དམ་སྲི་མཱ་ར་ཡ་སོད༔   སྲོག་རྩ་ལ་ཆུཾ་ཆུཾ༔     ཅིཏྟ་སྲོག་ལ་དུང་དུང་༔   སྙིང་ཁྲག་སྲོག་ལ་ཤད་ཛ༔   དམ་སྲི་མཱ་ར་ཡ་སོད༔   ཐུཾ་རི་ལི་ལི༔   སྙིང་ཙེག་ཙེག༔   འུར་འུར༔   ཤིག་ཤིག༔   གུལ་གུལ༔    མྱག་མྱག་དམ་སྲི་མཱ་ར་ཡ༔   སོད་སོད་ངྷ་ཏི་མ་མ་ཀརྨ་ཤཱི་གྷྲཾ་ཀཱ་ར་ཡེ༔   མཱ་ར་སེ་ན་པྲ་མ་ངྷ་ན་ཡེ་ཧཱུྃ༔   དམ་སྲི་མཱ་ར་ཡ་སོད་ཕཊ༔   {{TibChung|ཅེས་དྲག་ཏུ་བཟླ་ཞིང་ཐུན་རྫས་ལ་ཁ་རླངས་མ་ཤོར་བར་ལག་ངར་བརྒྱུད་ནས་ཕུས་འདེབས།    ཐུན་རྫས་རྣམས་དྲེགས་པ་ལྷ་སྲིན་སྡེ་བརྒྱད་འདུས་པའི་དམག་ཚོགས་ནད་མཆོན་དུག་གི་ཐོག་སེར་དྲག་པོ་དམིགས་བྱའི་སྙིང་གར་གཟིར་ཞིང་བསྡིག་པས་གཟུགས་བྱེ་མའི་མཁར་ཆུས་བཤིག་པ་ལྟར་རྡུལ་དུ་ {{TibChung|[4b]}} བཅོམ་ནས་མཐར་རྣམ་ཤེས་ཀྱི་ངོ་བོ་ནྲིའམ་ཏྲི་དུད་ཁ་མར་མེ་འཆི་ཁའི་འོད་ལྟ་བུ་དེ་ཡང་ནག་སྐེམས་ཀྱིས་བསད་པར་བསམ་ལ།}}   ཧཱུྃ༔   རྡོ་རྗེ་གསང་བའི་བཀའ་ལས་ནི༔   སྡིག་ཅན་གང་ཞིག་འདའ་བྱེད་པ༔   སྟོབས་ཆེན་ཁྱོ་བོ་ཆེན་པོ་ཡིས༔   ཀླད་པ་ཚལ་པ་བརྒྱ་རུ་ཁོས༔   གདུག་ཅིང་སྡང་སེམས་ལྡན་པ་ཡི༔   ལྷའམ་འོན་ཏེ་བདུད་ཀྱང་རུང་༔   ང་ལ་བར་ཆད་བྱེད་པའི་བགེགས༔   མཐུ་དང་རྫ་འཕྲུལ་མེད་པར་བྱོས༔   ཨོཾ་བཛྲ་ཀཱི་ལི་ཀཱི་ལ་ཡ་དགྲ་བགེགས་མཱ་ར་ཡ་ཧཱུྃ་ཕཊ༔   {{TibChung|ཅེས་ལིངྒ་ལ་ཐུན་བརྡེག།   ཐུན་མཚམས་སུ་གོང་བཞིན་ཐུན་གཏོར་ཕུལ་ཞིང་ཕྲིན་ལས་བཅོལ།   དེ་ལྟར་བསད་རྟགས་མངོན་དུ་མ་གྱུར་གྱི་བར་རམ་འགུགས་པའི་ཕྱེད་ཆ་ཙམ་དུ་འབད་དོ།   །དེ་ནས་ཐ་མ་མནན་པའི་ལས་ལ།   མདུན་གྱི་ལིངྒ་དམིགས་བྱ་དངོས་སུ་གསལ་བའི་གནས་ལྔར་གནམ་ལྕགས་ཀྱི་འཁོར་ལོ་རྩིབས་བཞི་པ་ལྟེ་བར་སྣ་ཚོགས་རྡོ་རྗེ་མཚན་པ་ལྕི་ཞིང་འཐས་པ་རེ་རེ་དང་།   ཡན་ལག་དང་ཚིག་བཞི་རྣམས་སུ་རྡོ་རྗེ་རྒྱ་གྲམ་རེས་གཟིར་བས་ཉམ་ཐག་གཡོ་འགུལ་མི་ཤེས་པར་བསམ་ལ།}}   ཨོཾ་བཛྲ་ཀཱི་ལི་ཀཱི་ལ་ཡ༔   མ་རཀྨོ་ཡཀྨོ་ཀཱ་ལ་རུ་པ་དམ་སྲི་སྟྭཾ་བྷ་ཡ་ནན༔   སྙིང་རྩ་ལ་ཡཾ་ཡཾ་དམ་སྲི་སྟྭཾ་བྷ་ཡ་ནན༔   སྲོག་རྩ་ལ་ཡཾ་ཡཾ༔   སྙིང་རྩ་ལ་ཕྲིལ་ཕྲིལ་དམ་སྲི་སྟྭཾ་བྷ་ཡ་ནན༔   སྲོག་རྩ་ལ་ {{TibChung|[5a]}} ཆུཾ་ཆུཾ༔   ཙིཏྟ་སྲོག་ལ་དུང་དུང་༔   སྙིང་ཁྲག་སྲོག་ལ་ཤད་ཛ༔   དམ་སྲི་སྟྭ་བྷ་ཡ་ནན༔   ཐུཾ་རི་ལི་ལི༔   སྙིང་ཙེག་ཙེག༔   འུར་འུར༔   ཤིག་ཤིག༔   གུལ་གུལ༔   མྱག་མྱག་དམ་སྲི་སྟྭཾ་བྷ་ཡ་ནན༔   སོད་སོད་ངྷ་ཏི་མ་མ་ཀརྨ་ཤཱི་གྷྲཾ་ཀ་ར་ཡེ༔   མཱ་ར་སེན་པྲ་མ་ངྷ་ན་ཡེ་ཧཱུྃ་དམ་སྲི་སྟྭཾ་བྷ་ཡ་ནན༔   {{TibChung|ཞེས་དྲག་ཏུ་བཟླ།   མཐར་ཐུན་རྡེག་པ་སོགས་གོང་གི་འགྲོས་ཀྱིས་མནན་རྟགས་མཐོང་བའི་བར་རམ་བསད་པའི་ཕྱེད་ཆ་ཙམ་དུ་འབད་དོ།   །རྗེས་མནན་པའི་ལས་རིམ་དངོས་ལ།   དགྲ་བགེགས་དམ་སྲི་}} དེ་རྣམས་དབང་པོ་ཉམས་ཤིང་དབུགས་དང་བྲལ་ནས་འགུལ་ཙམ་ཡང་མི་ནུས་ཤིང་བྱད་ཐག་སྣ་ལྔས་གྲུ་གུ་ལྟར་བསྡམས།   སྙིང་ནང་དུ་འཁོར་ལོ་རྩིབས་དགུ་གནམ་ལྕགས་ལས་གྲུབ་པ་རྣོ་ངར་དང་ལྡན་པ་ཨོཾ་བཛྲ་ཀཱི་ལི་ཀཱི་ལ་ཡ་ཧཱུྃ་ཕཊ་ཅེས་པས་མཚན་པ་གཡས་སྐོར་དུ་དྲག་ཏུ་འཁོར་བས་སྙིང་སོགས་ནང་ཁྲོལ་རྣམས་བཅད།   ཁོ་ལ་ཟུག་གཟེར་དང་ན་ཚ་སྡུག་བསྔལ་མི་སྐྱེ་བར་བདེ་བའི་ངང་དུ་བརྒྱལ་བར་བསམ་ཞིང་།   དྲག་སྔགས་བཟླ་བཞིན་པར་ལིང་ག་བྲུབ་ཁུང་ནས་ཕྱུངས་ཏེ་ལྟེབས་ལུགས་གསུམ་ལ་གང་ཡང་རུང་བས་ལྟེབས་ལ་ཤི་ཡུག་གི་སྐྲ་དང་ཚོན་སྐུད་ཀྱིས་བཅིང་།   མནན་ཐོད་སོ་སོའི་རང་གཤེད་ཀྱི་གནད་དང་ལྡན་པར་གཞུག་ཅིང་ཐུན་རྫས་ཀྱིས་སེང་མེད་པར་ {{TibChung|[5b]}} བཀང་སྟེ་ལ་ཆས་བཀག    །ཕུང་རེའམ་ཡུག་སའི་ཤ་གོས་ཀྱིས་དྲིལ་ལ་བྱད་ཐག་གིས་བཅིངས་པར་རྩང་རྒྱ་གྲམ་དུ་གཟེར།{{TibChung|དཀྱིལ་འཁོར་གསུམ་གྱི་ལྷ་རྣམས་དང་རང་བཞིན་གྱི་དབྱིངས་ན་བཞུགས་པའི་ཞི་ཁྲོ་རབ་འབྱམས་ཀྱི་ལྷ་ཚོགས་རྣམས་ཀྱི་སྐུ་དང་ཕྱག་མཚན་སོགས་ལས་འོད་ཟེར་དམར་ནག་མེ་རླུང་འཚུབས་ཤིང་སྲ་མཁྲེགས་མཚོན་ཆའི་རང་བཞིན་ཐོད་པ་ལ་བསྟིམས་པས།   ཐོད་པ་ཤིན་ཏུ་སྲ་ཞིང་བརྟན་པ་དགྲ་བགེགས་བསྐལ་པའི་བར་དུ་མི་ལྡང་བའི་བཙོན་ཁང་སྲུབས་སེང་མེད་པར་བསམ་ཞིང་།   དྲིལ་ཆས་ཀྱང་བསྐལ་པའི་མུན་པ་དང་།   རྩང་རྣམས་གཤིན་རྗེའི་ལས་བྱེད་ཤན་པ་ཕོ་མོས་བསྐོར་ནས་ལྡང་མེད་དུ་ཐུབ་པར་སྲུང་བར་ནན་ཏན་དུ་གསལ་གདབ་ལ།   རིག་སྔགས་ཀྱི་བཅིངས་རྒྱ་དང་མནན་སྔགས་རྟེན་འབྲེལ་ནག་པོའི་མན་ངག་བཞིན་རབ་ཏུ་གནས།   དེ་ནས་ཟློག་གཞུང་བཞིན་སྒོ་དབྱེ།   བསྐུལ་དང་ཆད་མདོ་བསྒྲག་ནས།   མནན་རྫས་དང་གོང་གནོན་གྱི་གཏོར་མ་སོགས་ཁྱེར་ཏེ་གང་དུ་མནན་པའི་ས་མིག་ཏུ་མནན་དོང་ཚུལ་བཞིན་བྲུས་པའི་སར་སླེབས་པ་དང་།   གསེར་སྐྱེམས་ཕུལ་ཏེ།}}    རང་ཉིད་དཔལ་ཆེན་སྐུ་རུ་གསལ་བ་ཡིས༔   ཕྱག་གི་གནམ་ལྕགས་ཕུར་བུ་ས་ལ་བཏབ༔   ས་གཞི་གས་ཏེ་རྒྱ་མཚོ་སྔོ་མེར་གསལ༔   དེ་དབུས་གནམ་ལྕགས་ཁང་པ་སྒོ་མེད་ནང་༔   འཆི་ {{TibChung|[6a]}} བདག་གཤིན་རྗེ་ནག་པོ་འཇིགས་རུང་བ༔   ལག་གཡས་དབྱུག་ཏོ་གཡོན་ན་ཞགས་པ་ཐོགས༔   མི་སྡུག་དྲི་འཐུལ་མ་ཧེ་ནག་པོ་ཞོན༔   གཤིན་རྗེའི་འཁོར་ཚོགས་རྔམས་པའི་ཚུལ་གྱིས་བསྐོར༔   མངོན་གསུམ་ལྟ་བུར་གསལ་བ་ཉིད་དུ་གྱུར༔   ས་མ་ཡ་ཛཿ{{TibChung|ས་སྤྱན་དྲངས།}}    ས་མ་ཡ་ཧཱུྃ་གིས་{{TibChung|དམ་ལ་བཞག    །དམར་གྱི་གཏོར་མ་དམིགས་བྱ་དགུག་བསྟིམས་བདུད་རྩིར་སྤར་ལ།}}  ཀྲྀཥྞ་ཛ་མཱ་རི་དགྲ་བགེགས་ཀྱི་མཱཾ་ས་ཙིཏྟ་རཀྟ་གོ་རོ་ཙ་ན་ཀེཾ་ནི་རི་ཏི་གྲྀཧྞ་ཁཱཧི༔   {{TibChung|ལན་གསུམ།}}  ཧཱུྃ༔   འཆི་བདག་ནག་པོ་འཁོར་བཅས་ལ༔   དགྲ་བོའི་ཤ་ཁྲག་གཏོར་མ་འདི༔   འབུལ་གྱི་དགྱེས་པར་རོལ་ནས་ཀྱང་༔   དམ་ཉམས་དགྲ་བོ་འཁོར་དང་བཅས༔   བསྡམས་འཛིན་མནན་པའི་ཕྲིན་ལས་མཛོད༔   {{TibChung|ཅེས་གཏོར་མ་ཕུལ།   དེ་ནས་སླར་ཡང་འགུགས་འདྲེན་བླ་འགུགས་ནན་ཏན་དང་ལྷ་དབྱེ་བྱས་ཏེ་མནན་ཆས་ཐོགས་ལ།}}  ཧཱུྃ༔   ཕུང་སྲི་བྱ་བའི་ལས་ངན་འདིས༔   རྡོ་རྗེ་སློབ་དཔོན་སྐུ་ལ་བསྡོས༔   རྡོ་རྗེ་མཆེད་ལ་བར་ཆད་བྱས༔    རྣལ་འབྱོར་བདག་ལ་རྟག་ཏུ་འཚེ༔   དམ་སྲི་སྡིག་ཆེན་ལས་ངན་འདིས༔   རྒྱལ་ཁམས་ཡོངས་ལ་གནོད་པ་བྱས༔   སྦྱོར་སྒྲོལ་མང་པོའི་སྒོ་ཡང་བཀག༔    {{TibChung|[6b]}} བཀའ་ལས་འདའ་བྱེད་སྡིག་ཆེན་འདི༔   ནམ་ཡང་བཏང་བར་མ་བྱེད་ཅིག༔   འཇིགས་རུང་གཤིན་རྗེའི་ཁ་ནང་ཆུག༔   མི་འགྱུར་ཡངས་པའི་མགྲིན་པར་དྲོངས༔   ཐར་མེད་ལས་ཀྱི་ལྟོ་བར་ཆུག༔   གཏད་དོ་འཆི་བདག་ཁྱོད་ལ་གཏད༔   འཆི་བདག་ནག་པོ་དམ་ཚིག་ཅན༔   གལ་ཏེ་བྱང་ཆུབ་སེམས་ལྡན་བར༔   སྲི་ངན་གཏད་ཀྱི་སླར་མ་བཏང་༔   {{TibChung|ཞེས་དང་།   དམིགས་བསལ་དགྲ་མནན་ལ།}} ཧཱུྃ༔   དམ་ཉམས་དགྲ་བོ་ལས་ངན་འདི༔   མནན་ནོ་རི་རབ་འོག་ཏུ་མནན༔   ལས་ཀྱིས་མནར་བའི་སྡིག་ཅན་འདི༔   གཏད་དོ་གཤིན་རྗེའི་ལག་ཏུ་གཏད༔    འཁོར་བར་འཁྱམས་པའི་ལས་ངན་འདི༔   སྦའོ་རྒྱ་མཚོའི་གཏིང་དུ་སྦ༔   དང་པོ་བདེ་བར་གཤེགས་པའི་བཀའ༔   དེ་ནས་འབྱུང་བ་ལྔ་ཡི་གཏེར༔   དེ་ནས་དབང་པོ་ལྔ་ཡི་བཅུད༔   དང་པོ་ཞེ་སྡང་ཕ་ཡི་རྒྱུད༔   བར་དུ་འདོད་ཆགས་མ་ཡི་མངལ༔   ཐ་མར་ཉོན་མོངས་ལུས་བླངས་ཏེ༔   གཏན་ཏུ་སྡུག་བསྔལ་མྱོང་བ་ལས༔   དེ་བས་བསད་ཅིང་མནན་པར་བྱ༔   མནན་གཟིར་དྲག་པོ་མི་བྱ་རྒྱུ༔   ཁྱོད་ཀྱིས་ལས་ངན་སྣ་ཚོགས་སྤྱོད།   འདི་འོག་བསྐལ་པ་བརྒྱད་ཁྲི་བཞི་  {{TibChung|[7a]}}  སྟོང་ན༔   གཤིན་རྗེའི་རྒྱལ་པོས་ཆོས་འཆད་ཟེར༔   ཁྱོད་ཀྱི་ཆོས་སྐལ་དེར་ཉོན་ཅིག༔   འཁོར་དང་བུད་མེད་ཉེ་དྲུང་ཟས་ནོར་བཅས༔   གཏད་དོ་འཆི་བདག་གཤིན་རྗེའི་ལག་ཏུ་གཏད༔   དེ་ཡི་ལག་ནས་འཆོར་མི་སྲིད༔   མནན་ནོ་རི་རབ་འོག་ཏུ་མནན༔   དེ་ཡི་འོག་ནས་ལྡང་མི་སྲིད༔   ནམ་ཞིག་བྱང་ཆུབ་སེམས་བསྐྱེད་ནས༔   ལོངས་ལ་རྒྱལ་བའི་བཀའ་ལ་ཉོན༔   དེ་ཡི་བར་དུ་མནན་པར་བྱའོ༔   ནམ་ཡང་བཏང་བར་མི་བྱའོ༔   {{TibChung|ཞེས་པས་དོང་ནང་དུ་བསྐྱུར།   མནན་སྔགས་དང་ལྡོག་མེད་ཀྱི་དམོད་པ་བརྗོད་ཅིང་ཐལ་མོ་བརྡབ།}}  དམིགས་བྱ་ཁོང་ཆུད་གཤིན་རྗེའི་ཞལ་བསྡམས་ཏེ༔   མནན་པའི་ལས་སྦྱར་དམ་ཉམས་དགྲ་བོ་རྣམས༔   བསྐལ་པ་མ་སྟོངས་བར་དུ་མི་ཐར་བར༔   མུན་ནག་རུམ་གྱི་ནང་ནས་རྒྱ་མཚོའི་གཏིང་༔   རིམ་བདུན་ས་འོག་གཤིན་རྗེའི་གྲོང་ཁྱེར་སོང་༔    བྷོ་ངྷི་ཨ་ཡཾ།{{TibChung|ཞེས་མི་ཁའི་རྫས་སོགས་བླུགས་ཏེ་རི་རབ་དང་རྒྱ་གྲམ་བྲིས་པའི་དུར་རྡོས་བཀབ་ལ།}}  མཁའ་དབྱིངས་རླུང་མེ་ཆུ་སའི་དཀྱིལ་འཁོར་སྟེང་༔   སུཾ་ལས་རིན་ཆེན་རི་རབ་སྲ་ཞིང་བརྟན༔   རབ་འབར་སྣ་ཚོགས་རྡོ་རྗེ་དང་བཅས་པས༔   རྟག་ཏུ་ཐར་མེད་གཟིར་ {{TibChung|[7b]}} མནན་རྒྱས་གདབ་བོ༔   ཨེ་སྟྭཾ་བྷ་ཡ་ནན༔   {{TibChung|དེ་བཞིན་དུ།}} ཡཾཿ   རཾཿ  བཾཿ    ལཾ་{{TibChung|རྣམས་སྦྱར་བས་འབྱུང་བ་སོ་སོའི་རྒྱས་གདབ།}} ཧཱུྃ༔   གཅིག་ནི་བརྗོད་མེད་ཉག་གཅིག་རྒྱ༔   གཉིས་པ་ཐབས་དང་ཤེས་རབ་རྒྱ༔   གསུམ་ནི་སྐུ་གསུང་ཐུགས་ཀྱི་རྒྱ༔   བཞི་ནི་ཕྱག་རྒྱ་བཞི་ཡི་རྒྱ༔   ལྔ་ནི་ཡེ་ཤེས་ལྔ་ཡི་རྒྱ༔   དྲུག་པ་ཕ་རོལ་ཕྱིན་དྲུག་རྒྱ༔   བདུན་པ་མ་མོ་བདུན་གྱི་རྒྱ༔   བརྒྱད་ནི་དུར་ཁྲོད་བརྒྱད་ཀྱི་རྒྱ༔   དགུ་ནི་ཧེ་རུ་ཀློང་དགུའི་རྒྱ༔    བཅུ་ནི་ཁྲོ་རྒྱལ་བཅུ་ཡི་རྒྱ༔   ཁྱོད་ལ་རྒྱ་བཅུ་བརྩེགས་ཏེ་མནན༔   རི་རབ་བརྗིད་པའི་འོག་ཏུ་མནན༔   དཔལ་གྱི་བྲོ་གར་བྱས་ཏེ་མནན༔   བསྐལ་པ་ཇི་སྙེད་མཐའ་རུ་མནན༔   ཨོཾ་ལཾ༔   ཨཱ་ལཾ༔   ཧཱུྃ་ལཾ༔   སྟྭཾ་བྷ་ཡ་ནན༔   {{TibChung|ཞེས་དང་།}}     མ་རཀྨོ་ཡཀྨོ་{{TibChung|སོགས་མནན་སྔགས་དང་སྤེལ་བ་བརྗོད་ལ།   རྣལ་འབྱོར་པ་རྣམས་མཐེའུ་ཆུང་སྦྲེལ་ཏེ་ལས་བྱང་བཞིན་བྲོ་བརྡུང་།   དཔལ་ཆེན་ཧེ་རུ་ཀའི་མཐུ་སྟོབས་དང་ནུས་པས་རྒྱས་བཏབ་ཅིང་།   བདེན་པའི་ཚིག་གི་གཟིར།   དྲག་རྩལ་སྟོབས་ཀྱིས་མནན་པས་ཐར་བའི་གོ་སྐབས་མེད་པར་བྱ།   དེའི་སྟེང་དུ་ཀརྨ་ཧེ་རུ་ཀ་ལྗང་ནག་རྒྱ་གྲམ་དང་དྲིལ་བུ་འཛིན་པ་སངས་རྒྱས་དོན་ཡོད་གྲུབ་པའི་དབུ་རྒྱན་ཅན་འཁོར་དཔག་ཏུ་མེད་པ་དང་བཅས་པས་ཕོ་བྲང་བཏབ་སྟེ་མནན་པར་བསམ་མོ།   ། {{TibChung|[8a]}} དེ་ནས་ལས་བྱང་བཞིན་གཏོར་ཆེན་ཟོར་དུ་བསྐུལ་ཏེ་དགྲ་ཕྱོགས་སམ་ཐེབས་ཕྱོགས་སུ་འཕང་།   བཤལ་ཆུས་བརྟན་མ་བསྐྱང་།   གཏོར་སྣོད་ཁ་སྦུབས་ལ་བྲོ་བརྡུང་།   ཕྱིར་བསྙེགས་བཅད་དེ་བསྲུང་བའི་འཁོར་ལོ་བརྟན་པོར་བསྒོམ།   ནང་དུ་ལོག་ནས་ཚེ་འགུགས་བསྐུལ་ཞིང་དངོས་གྲུབ་བླང་བ་སོགས་རྗེས་ཀྱིས་བྱ་བ་རྣམས་གཞུང་བཞིན་དུ་བྱའོ།   །ཞེས་པའང་མཐུ་ཆེན་ལང་ལབ་གཉིས་པ་བྱང་ཆུབ་རྡོ་རྗེ་དང་།   སྡོམ་བརྩོན་པདྨ་བློ་གྲོས་བཟང་པོ།   །སྔགས་བན་ཆོས་གྲགས་རྒྱ་མཚོ་རྣམས་ནས་མངོན་སྤྱོད་ཀྱི་ཆ་རྐྱེན་ལ་བསྔགས་པའི་རྟེན་དང་བཅས་ཏེ་བསྐུལ་བའི་ངོར།   འཇིགས་བྲལ་ཡེ་ཤེས་རྡོ་རྗེས་དྲག་པོའི་ལས་ཀྱི་མཐའ་སྡུད་མན་ངག་ལག་ཁྲིགས་སུ་བསྡེབས་ཏེ་སྦྱར་བ་ལས་ཡི་གེ་པ་ནི་བསྐུལ་བ་པོ་ཕྱི་མ་ཉིད་ཀྱིས་བགྱིས་པའོ།   །འདིས་ཀྱང་བསྟན་དགྲའི་དཔུང་ཚོགས་མཐར་བྱེད་པའི་རྒྱུར་གྱུར་ཅིག།   །།ཛ་ཡནྟུ།།   །།}} }}
</onlyinclude>
{{TsagliCall}}
<headertabs/>