View source for DJYD-KABUM-16-MA-027

{{Text
|classification=Tibetan Publications
|subclass=Tibetan Texts
|fulltitletib=ཟབ་ལམ་མཁའ་འགྲོའི་ཕྲིན་ལས་དང་འབྲེལ་བར་ལོ་ཏོག་ལ་ཕན་པའི་མན་ངག་སྙིང་པོ་བསྡུས་པ་བདུད་རྩིའི་སྤྲིན་ཆེན།
|fulltitle=zab lam mkha' 'gro'i phrin las dang 'brel bar lo tog la phan pa'i man ngag snying po bsdus pa bdud rtsi'i sprin chen
|citation=[[Dudjom Rinpoche]] 'Jigs bral ye shes rdo rje. ''Zab lam mkha' 'gro'i phrin las dang 'brel bar lo tog la phan pa'i man ngag snying po bsdus pa bdud rtsi'i sprin chen''. In ''Bdud 'joms 'jigs bral ye shes rdo rje'i gsung 'bum dam chos rin chen nor bu'i bang mdzod'', Vol. 16: 191-202. Kalimpong: Dupjung Lama, 1979-1985.
|collectiontitletib=བདུད་འཇོམས་རིན་པོ་ཆེའི་བཀའ་འབུམ།
|collectiontitle=bdud 'joms rin po che'i bka' 'bum
|author=Dudjom Rinpoche
|sourcerevealer=Dudjom Rinpoche
|tibgenre=Protecting or Guarding Rites - srung ba
|terma=Yes
|cycle=zab lam mkha' 'gro'i thugs thig
|cycletib=ཟབ་ལམ་མཁའ་འགྲོའི་ཐུགས་ཐིག་
|language=Tibetan
|volumenumber=16
|volnumtib=༡༦
|volyigtib=མ
|totalvolumes=25
|textnuminvol=027
|pagenumbers=191-202
|totalpages=12
|beginfolioline=1a1
|endfolioline=6b5
|totalfolios=6
|multivolumework=No
|rectonotes=lo phan
|versonotes=mkha' 'gro'i thugs thig
|colophontib=།ཞེས་པའང་ཉེ་བར་མཁོ་བའི་ཡན་ལག་ཏུ་མི་རྗེ་ཚེ་དབང་རིག་འཛིན་རྣམ་པར་རྒྱལ་བའི་སྡེའི་བཞེད་པ་བཞིན།   འཇིགས་བྲལ་ཡེ་ཤེས་རྡོ་རྗེས་ཚད་མར་གྱུར་པའི་གཞུང་རྣམས་ལས་ཟབ་འདྲིལ་འཇུག་བདེ་སྙིང་པོ་དྲིལ་བའི་ཚུལ་གྱིས་སྦྱར་བ་སིདྡྷི་རསྟུ༎
|colophonwylie=zhes pa'ang nye bar mkho ba'i yan lag tu mi rje tshe dbang rig 'dzin rnam par rgyal ba'i sde'i bzhed pa bzhin/___'jigs bral ye shes rdo rjes tshad mar gyur pa'i gzhung rnams las zab 'dril 'jug bde snying po dril ba'i tshul gyis sbyar ba sid+d+hi rastu//
|pdflink=File:DJYD-KABUM-16-MA-027.pdf
|authortib=བདུད་འཇོམས་འཇིགས་བྲལ་ཡེ་ཤེས་རྡོ་རྗེ་
|sourcerevealertib=བདུད་འཇོམས་འཇིགས་བྲལ་ཡེ་ཤེས་རྡོ་རྗེ་
|volumeLetter=MA
|InitCategories=Dudjom Tersar Project; DJYD-KABUM-Volume-16-MA
}}
<h1>Tibetan Text</h1>
<onlyinclude>
{{TibP|༄༅།   །ཟབ་ལམ་མཁའ་འགྲོའི་ཕྲིན་ལས་དང་འབྲེལ་བར་ལོ་ཏོག་ལ་ཕན་པའི་མན་ངག་སྙིང་པོ་བསྡུས་པ་བདུད་རྩིའི་སྤྲིན་ཆེན་ཞེས་བྱ་བ་བཞུགས་སོ།   །


༄༅།   །ན་མོ་གུ་རུ་ཛྙཱ་ན་ཌཱ་ཀི་ནཱི་ཡེ།   །{{TibChung|ཟབ་ལམ་མཁའ་འགྲོའི་ཕྲིན་ལས་དང་འབྲེལ་བར་ལོ་ཏོག་ལ་ཕན་པའི་མན་ངག་ལག་ཏུ་བླང་བར་འདོད་པས།   ཐོག་མར་ཆར་འབེབས་པ་ལ།   འབྱུང་ཁམས་ཆུ་ནང་འཕྲད་སོགས་གཟའ་སྐར་འཕྲོད་སྦྱོར་ཤིས་པའི་ནམ་ལངས་ཀླུ་གནས་ངེས་པའི་མཚོའམ་ཆུ་མིག་ཏུ་ཕྱིན་ལ་ཁྲུས་དང་གཙང་སྦྲ་ཤིན་ཏུ་ཆེ་བར་བྱ།   ཆར་འབེབས་པའི་སེམས་བསྐྱེད་བཟང་པོས་དངུལ་ལམ་རྫའི་བུམ་པ་གཙང་མར་ཀླུ་སྨན་དང་འོ་ཆབ་ཀྱིས་བཀང་བ་ཀླུ་ཤིང་གིས་ཁ་བརྒྱན་པའི་མདུན་དུ་མཆོད་གཏོར་བཤམ་ལ།   བདག་ཉིད་ལྷའི་རྣལ་འབྱོར་ལ་གནས་པས།   མདུན་གྱི་བུམ་པ།}}   ཨ་མྲྀ་ཏ{{TibChung|ས་བསང་།}}  སྭ་བྷཱ་ཝ{{TibChung|ས་སྦྱང་།}}  སྟོང་པའི་ངང་ལས་བུམ་པ་ཀླུའི་ཕོ་བྲང་ཉམས་དགའ་ཞིང་ཡིད་དུ་འོང་བའི་ནང་དུ་བུམ་རྫས་དེ་ཉིད་ཡི་གེ་ཕུཿ དཀར་པོ་ལས་འོད་ཟེར་དཀར་པོ་ {{FolioNumber|[2a]}} དཔག་ཏུ་མེད་པ་འཕྲོས།   འཇིག་རྟེན་གྱི་ཁམས་ཐམས་ཅད་དུ་ཁྱབ་པས་དེ་དག་ན་གནས་པའི་ཀླུའི་རིགས་ཐམས་ཅད་ཀྱི་སྲོག་གི་སྙིང་པོ་བསྡུས་ཏེ་ཕུཿལ་ཐིམ།   དེ་ཡོངས་སུ་གྱུར་པ་ལས་ཀླུ་བདུད་དཀར་པོ་གངས་ཀྱི་རི་བོ་ལ་ཉི་མ་ཤར་བ་ལྟར་དཀར་ཞིང་གསལ་ལ་འོད་ཟེར་འཕྲོ་བ་ཞི་ཞིང་འཛུམ་ལ་གུས་པའི་ངང་ཚུལ་ཅན།   ཞལ་གཅིག་ཕྱག་གཉིས་པ།   སྦྲུལ་མགོ་དགུའི་གདེངས་ཀ་དང་ལྡན་ཅིང་།   ཡིད་བཞིན་ནོར་བུའི་དབུ་རྒྱན་ཅན།   ཕྱག་གཉིས་ཐུགས་ཀར་ཐལ་མོ་སྦྱར་བའི་བར་དུ་ནོར་བུ་རིན་པོ་ཆེ་འཛིན་པ།   སྟོད་ལྷའི་རྣམ་པ་ལ་སྨད་སྦྲུལ་མཇུག་ཏུ་འཁྱིལ་བ།    {{FolioNumber|[2b]}} རང་འདྲ་བའི་འཁོར་བརྒྱ་ཕྲག་དང་།   གཞན་ཡང་ཀླུ་དང་ས་བདག་གི་རིགས་བསམ་གྱིས་མི་ཁྱབ་པས་བསྐོར་ནས་བཞུགས་པ།   རང་གི་ཐུགས་ཀའི་ས་བོན་སྔགས་ཕྲེང་དང་བཅས་པ་ལས་འོད་ཟེར་བདུད་རྩིའི་རང་བཞིན་ཟླ་བ་ལྟར་དཀར་ཞིང་བསིལ་བའི་རེག་བྱ་དང་ལྡན་པ་དཔག་ཏུ་མེད་པ་འཕྲོས།   ཀླུ་དང་ས་བདག་འཁོར་དང་བཅས་པ་ལ་ཕོག་པས་ཐུགས་རྒྱུད་བསྐུལ།   སྦྲུལ་མཇུག་རྣམས་ཀྱིས་རྒྱ་མཚོ་ཁྱི་ལི་ལི་དཀྲུགས་པས་རྦ་རླབས་དྲག་ཏུ་འཁྲུག་ཅིང་།   ས་གཞི་བར་སྣང་ནམ་མཁའི་ཁམས་ཐམས་ཅད་ན་བུན་དང་།   ཆར་སྤྲིན་ནག་ཐིབ་ཐིབ་དང་།   གློག་དམར་འཁྱུགས་ཤིང་འབྲུག་སྒྲ་སྒྲོག   །དབང་པོའི་སྒོ་དང་བ་སྤུའི་བུ་ག་རྣམས་ནས་ཀྱང་བདུད་རྩིའི་རླངས་པ་ན་བུན་གྱི་ཚུལ་དུ་འཁྲིགས།   དེ་ཐམས་ཅད་ལས་ཆར་གྱི་རྒྱུན་བསམ་གྱིས་མི་ཁྱབ་པ་འུར་འུར་དིར་དིར་དུ་འབབས་པས་རྩི་ཤིང་ནགས་ཚལ་མེ་ཏོག་ལྗང་པ་ཐམས་ཅད་མཆོག་ཏུ་རྒྱས་པར་གྱུར་པར་{{TibChung|བསམ་ཞིང་།   རྩ་སྔགས་མཐར།}}  ཨོཾ་ནཱ་ག་ལེ་ལེ་ཧཱུྃ༔   ནཱ་ག་ལེ་ལེ༔   དྲཾ་པ་ལེ་ལེ༔   ནཱ་ག་རཱ་ཛ་ཧཱུྃ་ཕཊ༔   {{TibChung|ཅེས་བཏགས་པ་སྟོང་རྩ་དང་།   དེའི་མཐར།}}  བྷ་རི་ཤ་ཡ༔   པྲ་ཏ་ཡ༔   དྲག་ཏུ་ཕོབ༔   ནཱ་ག་རཱ་ཛ་ཕྲོམ་ཕྲོམ་ཧྲིལ་ཧྲིལ་ཤར་ཤར་ཕོབ༔   དྲག་ཏུ་ཕོབ༔   མྱུར་དུ་ཕོབ༔   {{TibChung|ཅེས་སྦྱར་བ་བརྒྱ་ཕྲག་ {{FolioNumber|[3a]}} གསུམ་སོགས་བཟླ།   དེའི་ཚེ་ཀླུ་རྣམས་ཀྱིས་སྔགས་འུར་དིར་གྱིས་སྒྲོག་པར་བསམ།   ངག་བཅད་ཤིན་ཏུ་དམ་པར་བྱ།   དེ་ལྟར་བཟླས་པ་ཚར་བ་དང་།   ཀླུ་ལ་ཀླུ་གཏོར་ཅི་ནུས་སུ་བཏང་།}}  མ་འབྱོར་བ་དང་{{TibChung|སོགས་ཀྱིས་ནོངས་པ་བཤགས།}}  ནཱ་ག་རཱ་ཛ་ས་པ་རི་ཝཱ་ར་གཙྪ༔   {{TibChung|ཞེས་པས་ཀླུ་དང་ས་བདག་རྣམས་རང་རང་གི་གནས་སུ་གཤེགས།   །བུམ་པའི་རྫས་རྣམས་ཀླུའི་ནད་གསོ་ཞིང་དགོས་འདོད་འབྱུང་བའི་བདུད་རྩིར་གྱུར་པར་བསམ་ལ།   ཆུ་མིག་དང་ཀླུ་རྟེན་སོགས་ལ་གཏོར་ཞིང་གནས་མིན་དུ་མ་ཟགས་པར་བྱའོ།   །ཐུན་མཚམས་ཐམས་ཅད་དུ་རང་ངམ་གཞན་གྱིས་བསང་མཆོད་དང་གསེར་སྐྱེམས་གཏང་།   ཀླུ་གཏོར་ཅི་མང་བྱ།   ཀླུ་གཏེར་སྦ།   སྤྲིན་ཆེན་དང་སྤང་སྐོང་སོགས་བཀླག   །ཁྱད་པར་སྤྲིན་བསྡུ་བའི་དམིགས་བཟླས་ནི།}}  རང་ལྷག་པའི་ལྷར་གསལ་བ་དེ་ཉིད་སྐད་ཅིག་གིས་གཡུ་འབྲུག་སྔོན་པོ་ཆེ་ཞིང་བརྗིད་པའི་རྣམ་པར་གྱུར་པ་ལས་དེ་ལྟ་བུའི་འབྲུག་ཆེ་ཆུང་བསམ་གྱིས་མི་ཁྱབ་པ་འཕྲོས།   སྟེང་འོག་བར་མཚམས་མེད་པར་ཁྱབ་པའི་བ་སྤུའི་ཁུང་བུ་ལས་སྤྲིན་དང་ཕུན་ཚོགས་འཐིབས་ཤིང་འབྲུག་སྒྲ་སྙན་པར་སྒྲོག   །དབང་པོའི་སྒོ་རྣམས་ནས་གློག་འོད་འཁྱུག་ཅིང་འཁྲུགས་པ་ལས་ཆར་གྱི་རྒྱུན་དྲག་ཏུ་འབེབས་པར་{{TibChung|བསམ་ལ།}}  ཨོཾ་སབ་སབ་ཧཱུྃ་སོབ་སོབ་ཧཱུྃ༔   {{TibChung|ཞེས་སྟོང་ཕྲག་སོགས་བཟླ།   འབྲུག་བསྐུལ་བ་ནི།   དམིགས་པ་དེ་དང་མ་བྲལ་བའི་ངང་།}}  ཨོཾ་ཏྲ་ཞི་ཞིབ༔    {{FolioNumber|[3b]}} ཀྱི་ཆི་བར་ན་སོ་བི་ཤ༔   པ་ཙ་པ་ཙ་ཧཱུྃ་ཕཊ༔   {{TibChung|སུམ་བརྒྱ་སོགས་བཟླ།   གཞན་ཡང་ཡུལ་དེའི་སྐྱེ་བོ་ཕོ་མོ་སོགས་གང་ཡོད་པ་རིགས་གསུམ་མགོན་པོ་དང་ཐོད་ཕྲེང་རྩལ་གྱི་སྙིང་པོ་འུར་འདོན་དུ་བཅུག   །སྐབས་སྐབས་སུ་གསོལ་འདེབས་ཀྱི་རིམ་པའང་གང་ཤེས་བྱའོ།   །རླུང་གནོན་ནི།}}  རང་གི་ཐུགས་ཀ་ནས་འོད་ཟེར་ལྕགས་ཀྱུ་ལྟ་བུ་འཕྲོས་པས་རླུང་ལྷ་རླུང་བདག་དང་བཅས་པ་རང་དབང་མེད་པར་བཀུག་སྟེ་ཞབས་ཀྱི་གདན་ཁྲིའི་འོག་ཏུ་ཆོས་འབྱུང་ཡངས་ཤིང་རྒྱ་ཆེ་བ་གོ་སྐབས་མེད་པའི་ནང་དུ་ཚུད་ནས་ཐིབ་ཐིབ་གནོན་པར་{{TibChung|བསམ་ལ།}}  ཨོཾ་ཆར་ཡ་ཆུར་ཡ་བཱ་ཡུ་སྟྭཾ་བྷ་ཡ་ནན༔   {{TibChung|ཞེས་སྟོང་ཕྲག་གཅིག་བཟླ།   རླུང་ནོན་པའི་ཚེ་མི་དམིགས་པར་བསམ།   ཡང་བར་སྣང་ནས་འབབ་ཀྱང་ས་གཞིར་ཆེར་མི་ཕན་པ་ལྟ་བུ་ནི་དམ་སྲི་འབྱུང་པོའི་བར་ཆད་ཡིན་པས་གླུད་གཏོར་ཅི་མང་བསྔོ།   གཞན་ཡང་ཞི་དྲག་གི་ཐབས་ཇི་ལྟར་རིགས་པ་བྱ།   རྗེས་ཐོབ་ཐམས་ཅད་དུ་དགེ་བ་བསྔོ།   སྨོན་ལམ་གདབ།   བཀྲ་ཤིས་རྒྱ་ཆེར་བརྗོད།   དེ་ལྟར་འབད་པ་ཞག་གསུམ་བདུན་ཕན་ཆད་ཆར་གྱི་རྒྱུན་ཆེན་པོ་འབེབ་པར་འགྱུར་རོ།   །སད་སྲུང་བ་ནི།   གོང་དུ་བཤད་པའི་མན་ངག་མཐའ་དག་དང་།   ཁྱད་པར་དུས་རྒྱུན་དུ་བདག་བསྐྱེད་སྔོན་དུ་འགྲོ་བས།   སྤྲིན་སྡུད་ཀྱི་དམིགས་བཟླས་ཁོ་ན་གཙོ་བོར་བྱ།   ཐུན་མཚམས་རྣམས་སུ་གཏོར་མ་བརྒྱ་རྩ།   བསང་གསུར་གཞི་བདག་གཏོར་མ་དང་།   གསེར་སྐྱེམས་སོགས་ལ་འབད།   དུས་བཟང་རྣམས་སུ་དཀོན་མཆོག་ལ་མཆོད་པ་དང་།   སྦྱོང་བ་གསུམ་སྔོན་དུ་འགྲོ་བས་ཡུལ་ཁྲུས་སོགས་ལ་འབད་པས་སད་ {{FolioNumber|[4a]}} ཀྱི་འཇིགས་པ་ལས་གྲོལ་བར་འགྱུར་རོ།   །}}   ༈    {{TibChung|སེར་བ་སྲུང་བ་ནི།   འཕྲལ་དུ་གདོང་ཟློག་དང་།   ཡུན་དུ་སྲུང་བ་གཉིས་ལས།  དང་པོ་ནི།   སེར་སྤྲིན་བྱུང་བ་ན་དེའི་ཕྱོགས་སུ་ཁ་བལྟས་ཏེ།}}  ཁྲོམ་{{TibChung|ཞེས་བརྗོད་པས།}}  རང་སྐད་ཅིག་གིས་ལས་གྱི་བྱ་ཁྱུང་འཇིགས་སུ་རུང་བ་སྟོང་གསུམ་ཁྱབ་པའི་སྐུ་ལས་མེ་འོད་ཕྱག་མཚན་ཕོ་ཉའི་ཚོགས་བསམ་གྱིས་མི་ཁྱབ་པ་འཕྲོས་པས་སེར་བ་སེར་བདག་དང་བཅས་པ་སྐད་ཅིག་གིས་རང་དབང་མེད་པར་རྒྱང་རིང་དུ་བསྐྲད་པར་{{TibChung|བསམ་ལ།}}  ཨོཾ་བཛྲ་པཱ་ཎི་ཧཱུྃ༔   ཨོཾ་བཛྲ་ཙཎྜ་མ་ཧཱ་རོ་ཥ་ཎ་ཧཱུྃ་ཕཊ༔   ཁྲཾ་བཛྲ་ག་རུ་ཌ་ཙ་ལེ་ཙ་ལེ་ཧཱུྃ་ཕཊ༔   ཁྲོཾ་ཧྲཱིཿ ཧཱུྃ་བྷྱོ་ཕཊཿ བྷ་རི་ཤ་ཡ་ཟློག་ཟློག་སྒྱུར་སྒྱུར་ཕཊ།   {{TibChung|ཅེས་དང་ཧཱུྃ་རིང་དྲག་ཏུ་བརྗོད་ཅིང་སྡིགས་མཛུབ་དང་སྡང་མིག་གིས་གཟིར།   ཚབས་ཆེར་བྱུང་ན་འོག་ནས་བཤད་པའི་རྫས་སྣའི་དུད་པ་བཏང་།   ཡུངས་དཀར་གྱི་ཐུན་དང་།   ཕུར་པས་གཟིར།}}  ཨོཾ་ག་རུ་ཌ་ཧཾ་སེ་ཧེ་ཙ་ལེ་ཙ་ལེ་སྭཱ་ཧཱ༔   ཨོཾ་ཧེ་ཧེ༔   ཏིཥྠ་ཏིཥྠ༔   བྷནྡྷ་བྷནྡྷ༔   དྷཱ་ར་དྷཱ་ར་ཡ༔   ནི་རུནྡྷ་ནི་རུནྡྷ༔   སེར་བ་སེར་བདག་དང་བཅས་པ་ཨཱུརྞ་མི་ཎི་སྭཱ་ཧཱ༔   {{TibChung|ཞེས་དྲག་ཏུ་བཟླའོ།   །གཉིས་པ་ཡུན་དུ་སྲུང་བ་ལ།   རྫས་ནི།   གླ་རྩི་ནག་པོ།   མུ་ཟེ་ནག་པོ།   ཤུ་དག་ནག་པོ།   གུ་གུལ་ནག་པོ།   ཨ་རུ་ར་ནག་པོ།   བོང་ང་ནག་པོ།   སྤྲུ་པ་ནག་པོ།   ཤིང་ཀུན་ནག་པོ།   སྒོག་གཅིག་མ།   གྲུབ་ཐོབ་ཀྱི་དྲི་ཆེན།   རྟ་ནག་པོའི་བོན།   ཡུང་བ།   ཐར་ནུ་སྟེ་རྫས་སྣ་བཅུ་གསུམ་རིལ་བུར་བྱ།   སྐྱེར་པའི་ཕུར་ {{FolioNumber|[4b]}} པ་སོར་བརྒྱད་པ་ལ།}}  ཁྲོམ་ཧཱུྃ་ཧྲཱིཿ {{TibChung|བྲི།   ཤིང་བྱང་ལའང་སྔགས་དེ་དང་།   གོང་གི་སྔགས་རྣམས་ཀྱི་མཐར།}}  ཡུལ་ཕྱོགས་འདི་ལ་སེར་བ་སྲུངས་ཤིག་རཀྵ་རཀྵ༔   {{TibChung|ཞེས་བྲི།   རྡོ་འཁོར་ལ་ལྟེ་བར།}}  ཁྲོམ་ཧཱུྃ་ཧྲཱིཿ {{TibChung|མུ་ཁྱུད་དང་པོ་ལ་གོང་སྔགས་འདོད་གསོལ་དང་བཅས་པ།   གཉིས་པ་ལ།}}  ཨཿཡཿམཿདུཿརུཿཙཿཤཿནཿ ས་མ་ཡ༔   ཡུལ་ཕྱོགས་འདི་ལ་སེར་བ་སྲུངས་ཤིག་རཀྵ༔   རཀྵ༔   {{TibChung|གསུམ་པ་ལ་}} ཨཱ་ལི།   {{TibChung|བཞི་པ་ལ་}} ཀཱ་ལི།   ལྔ་པ་ལ་རྟེན་འབྲེལ་སྙིང་པོ་རྣམས་ཡི་གེ་དབུ་ཅན་ཚེག་མེད་དུ་བྲི།   དེ་ཐམས་ཅད་ལ་རྫས་སྣ་བཅུ་གསུམ་བྱུགས་ཤིང་ཆུས་མི་གནོད་པའི་བྲ་རྩི་བཏང་།   རྫས་རྣམས་ཐུམ་བུར་བྱས་ཏེ་ཕུར་པ་ལ་འདོགས།   དེ་ནས་དེ་རྣམས་མདུན་དུ་བཀོད་ལ།   བདག་བསྐྱེད་ཡི་དམ་སྔོན་དུ་འགྲོ་བས།   རྫས་དང་སྔགས་རྣམས་དབུས་སུ་ཕྱག་རྡོར།   གཡས་སུ་བྱ་ཁྱུང་།   གཡོན་དུ་རྟ་མགྲིན།   མཐའ་བསྐོར་ཀུན་ཏུ་སྤྲུལ་པའི་ཁྲོ་བོ་བསམ་གྱིས་མི་ཁྱབ་པས་བསྐོར་བར་བསྐྱེད་ལ་ཡེ་ཤེས་པ་བསྟིམ།   མཆོད་བསྟོད་བྱ།   གོང་གི་སྔགས་རྣམས་བརྒྱ་རྩ་དང་།   ཁྲོམ་ཧཱུྃ་ཧྲཱིཿ {{TibChung|ཞེས་པའི་སྲོག་སྔགས་སྟོང་ཕྲག་སོགས་བཟླས་པའི་མེ་ཏོག་གིས་གཏོར།   རབ་གནས་བརྟན་བཞུགས་བྱ།   ལྷ་འོད་དུ་ཞུ་ནས་ཡིག་འབྲུའི་རྣམ་པར་བཞུགས་པར་བསྒོམ།   དེ་ལྟར་སྒྲུབ་པ་ཅི་ནུས་སུ་བྱས་ནས།   དངོས་གཞི་གཟའ་སྐར་བཟང་པོ་ཉིན་ཡུལ་དེའི་ཕྱོགས་བཞི་དབུས་དང་ལྔར་ཐོ་མི་ཚད་ཙམ་བརྩིགས་པའི་སྟེང་དུ་ཤིང་བྱང་བཙུག   །དེའི་མདུན་དུ་རྡོ་འཁོར་བཞག་ཅིང་ཕུར་པའང་གཟིར།   གསེར་སྐྱེམས་བསང་མཆོད་ཡུལ་ལྷ་གཞི་བདག་ལ་བཀའ་བསྒོ་ཕྲིན་བཅོལ་སྔོན་དུ་འགྲོ་བས་གོང་དུ་བཤད་པ་ལྟར་བསྐྱེད་བསྟིམ་བཟླས་པ་ {{FolioNumber|[5a]}} རབ་གནས་བརྟན་བཞུགས་ཤིས་བརྗོད་སོགས་རྒྱས་པར་བྱ།   དེ་ནས་བཟུང་དུས་རྒྱུན་དུ་ཡི་དམ་གྱི་སྒོམ་བཟླས་དང་།   ཆོས་སྐྱོང་ལ་སྐོང་བཤགས།   བསང་གསེར་སྐྱེམས་སོགས་མ་ཆག་པར་བྱས་པས་ངེས་པར་ཐུབ་བོ།   །ཞར་བྱུང་ཐོག་སྲུང་ནི།}}  རང་ལུས་སྐད་ཅིག་གིས་གནམ་ལྕགས་ཀྱི་རྡོ་རྗེ་རྩེ་དགུ་པ་རྭ་གདེངས་པ་ལས་ཡེ་ཤེས་ཀྱི་མེ་འབར་བའི་སྟེང་གི་ནམ་མཁའ་ཐམས་ཅད་གསེར་གྱི་འཁོར་ལོ་རྩིབས་སྟོང་དང་ལྡན་པའི་དབུས་སུ་བཅོམ་ལྡན་འདས་ཤཱཀྱ་ཐུབ་པ་དང་།   རྩིབས་རྣམས་ལ་བསྐལ་པ་བཟང་པོའི་སངས་རྒྱས་སྟོང་རྣམས་ཟག་པ་མེད་པའི་ཏིང་ངེ་འཛིན་ལ་སྙོམས་པར་ཞུགས་པ།   འོག་གི་ཆ་ཐམས་ཅད་མཚོ་ཆེན་པོ་སྔོ་ཞིང་མེར་བ།   ཕྱོགས་མཚམས་ཐམས་ཅད་རྡོ་རྗེའི་རྭ་གུར་མེ་འབར་བས་གོ་སྐབས་མེད་པར་གཏམས་པར་{{TibChung|བསམ་ལ།}}  ནི་ནཱ་ག་ཛ་མུནྟི་ཨ༔   {{TibChung|ཞེས་ཡིད་ཀྱིས་བཟླས་པ་ལ་སེམས་མི་གཡོ་བར་བཟུང་བས་ངེས་པར་ཐུབ་བོ།   །}}   ༈   {{TibChung|ཐོག་སྲུང་ན།   མཐིང་ཤོག་ལ་གསེར་གྱིས་ཆོས་འབྱུང་ཟུར་དྲུག་པའི་དབུས་སུ་གོང་གི་སྔགས་ཤམ་དུ།}} འཆང་བ་ལ་སྡེ་བརྒྱད་འཁྲུགས་པའི་ཆོ་འཕྲུལ་གནམ་ལྕགས་ཐོག་གི་འཇིགས་པ་ཐམས་ཅད་རཀྵ་རཀྵ༔   {{TibChung|ཟུར་དྲུག་ལ།   མདུན་དུ་རཀྵ་རྒྱབ་ཏུ་ཨོཾ།   གྲྭ་བཞིར་ཤར་ལྷོ་ནས་གཡས་བསྐོར་དུ།}}  ཧ་བྃ་ཏ་ཀྵ་{{TibChung|ཞེས་བྲིས།   རང་སྔགས་དང་}} ཡེ་ངྷརྨཱ་{{TibChung|བརྒྱ་རྩས་རབ་གནས་བྱ་ཞིང་།   རིན་པོ་ཆེ་སྣ་ལྔ་དང་ལྷན་ཅིག་ཏུ་འཆང་ན་ {{FolioNumber|[5b]}} ངེས་པར་སྲུང་ཞིང་།   ཁང་པ་དང་གུར་སོགས་ལ་བཏགས་པས་ཀྱང་ཐུབ་བོ།   །}}   ༈   {{TibChung|ལོ་ཏོག་བཙའི་གནོད་པ་བསྲུང་བ་ནི།   སྐམ་བཙའ་ལ།   ཆུ་སྣ་ཅི་མང་དང་།   ཁྱད་པར་ཆར་ཆུ་གངས་ཆུ།   ཆུ་བོ་ཆེན་པོའི་གཞུང་ཆུ།   ར་དཀར་མོ་དང་།   བ་དམར་མོའི་འོ་མ་ལ་ཀླུ་སྨན་བསྲེས་ནས་གཙང་སྦྲ་དང་བཅས་པས་ངག་བཅད་ལ་སྔགས་འདི་བཏབ་བོ།}}  ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃཿ ཨོཾ་ནཱ་ག་བུམ་པ་ཤིག༔   ཛཿཏྲི་ཆུ་མ༔   བྲ་བ་ཙད་ནས་དྲོངས༔   ནཱ་ག་རཱ་ཙ་ཁ་ཐཾ༔   {{TibChung|ཞེས་ཁྲི་འབུམ་སོགས་ཅི་ནུས་བཟླས་པས་བསྒྲུབ།   དེ་ནས་ཁྱེའུ་ལོ་བརྒྱད་པ་དང་།   བུ་མོ་ལོ་བཅུ་གཉིས་མ་གཉིས་ཀྱིས་ཤིང་ལོས་ཞིང་རྣམས་ལ་སྔགས་ཆུ་གཏོར།   རློན་བཙའ་ལ།   གོང་གི་སྔགས་ཆུ་ཕྱེ་མ་དང་།   རིན་པོ་ཆེ་སྣ་ལྔའི་ཕྱེ་མ་དང་བསྲེས་ནས་སྔགས་ཅི་མང་བཏབ་ལ་སྐྱེས་པ་ཁྱི་འབྲུག་གླང་ལུག་གི་ལོ་པས་གཏོར།   དེ་གཉིས་ཀའི་ཞིང་ས་རྒྱ་ཆེ་བས་མཐར་ཆགས་སུ་གཏོར་མ་ཐུབ་ན།   ཞིང་རེ་རེ་ནས་དབུས་དང་ཕྱོགས་བཞིར་གཏོར།   དམིགས་པ་ནི།}}  རང་ཐུགས་རྗེ་ཆེན་པོར་གསལ་བའི་ཕྱག་གཡས་མཆོག་སྦྱིན་ལས་བདུད་རྩིའི་ཆུ་རྒྱུན་དཔག་ཏུ་མེད་པ་བབས།   ལོ་ཡམས་ཀྱི་ནད་བཙའི་གནོད་པ་ཐམས་ཅད་ཤྭ་རྦུད་ཆེན་པོས་སྦུར་མ་དེད་པ་ལྟར་བཀྲུས་ནས་ས་རིམ་པ་དགུའི་འོག་ཏུ་སོང་བར་{{TibChung|བསམ་ལ།   ཡིག་དྲུག་འུར་འདོན་བྱ།   སྔགས་ཀྱི་ཁྱད་པར་གཞན་ཡང་།}} ཨོཾ་མ་ཎི་པདྨེ་ཧཱུྃ་ཧྲཱིཿ སརྦ་ཁཾ་ཡེར་ཁཾ་ཡེར་བྱི་ལ་སྭཱ་ཧཱ༔   {{TibChung|རྫས་གོང་བཞིན་ལ་བཏབ་ཀྱང་ཆོག་གོ །   དེས་མ་ཕན་ན་བཙའ་བདའ་བའི་མན་ངག་སོགས་ {{FolioNumber|[6a]}} གཞན་དུ་ཤེས་པར་བྱའོ།   །}}   ༈   {{TibChung|གཞན་ཡང་ལོ་ཏོག་ལ་འབྱུང་པོ་དང་ལན་ཆགས་ཀྱི་ཆོ་འཕྲུལ་འབུ་སྲིན་གྱི་འཚེ་བ་བྱུང་ན།   ཐོག་མར་ལན་ཆགས་གཏོར་མ་མང་དུ་གཏང་།   དེ་ནས་བྱེ་མ་གཙང་མ་དང་།   གཙང་ཆབ་བུམ་པ་གང་ལ་ག་བུར་དྲི་ཐོན་བཏབ་པ་ལ་སྔགས་འདི་ཁྲི་ཕྲག་བཟླས་ནས་བསྒྲུབ་བོ།   །}} རང་ཐུགས་རྗེ་ཆེན་པོར་གསལ་བའི་ཐུགས་ཀ་ནས་སྔགས་ཀྱི་འོད་ཟེར་རྫས་ལ་ཐིམ་པས་ནུས་པ་མཆོག་ཏུ་གྱུར།   ཨོཾ་མ་ཎི་པདྨེ་ཧཱུྃ་ཧྲཱིཿ   ན་ག་ཛ་ཛཿ མ་ནུ་ཛ་ཛཿ འབུ་སྲིན་ཛ་ཛཿ ཞེས་དང་།   བཛྲ་བ་ན་ཁཾ་ཐཱུཾ་རིལ་རྦད་སྭཱ་ཧཱ༔   {{TibChung|ཞེས་པའང་བཟླ།   དེ་ནས་ཞིང་ལ་ས་བོན་མ་བཏབ་གོང་ནས་བ་དམར་གྱི་ལྕི་བ་དང་ཤིང་སྣའི་དུད་པ་བཏང་།   དེ་རྗེས་ཁྱེའུ་ལོ་བརྒྱད་པ་གཅིག་གིས་བྱེ་མ་དང་།   བུམ་ཆུ་གཏོར།   སླར་ཡང་རྣམ་འཇོམས་སོགས་ཀྱིས་བསྒྲུབས་པའི་བུམ་ཆུ་དང་།   རྟེན་བྱིན་ཅན་ལ་ཁྲུས་གསོལ་བའི་ཆུ་དང་།   ས་སྣ་ཆུ་སྣ་བྱིན་ཅན་ཡང་ཡང་གཏོར་བས་ཐུབ་བོ།   །}}   ༈   {{TibChung|བྱི་བ་དང་རི་བོང་སོགས་ཀྱི་གནོད་པ་བསྲུང་ན།   ཡུངས་དཀར་དང་།   རོ་བསྲེགས་པའི་ཐལ་བ་ལ།}}  ཏེ་པ་ཏེ་པ་ཀྲི་ནེ་ཛ་ལི་བྷྱོ༔   {{TibChung|ཞེས་པས་བསྡག་ཅིང་བྱེ་མ་དང་བསྲེས་ལ་ཞིང་གི་མཐའ་དབུས་ཁྱབ་པར་གཏོར་བས་ཐུབ་བོ།   །}}   ༈   {{TibChung|བྱིའུའི་གནོད་པ་བསྲུང་ན།   གྲོ་གའམ་ཤུག་པའི་བྱང་བུ་ལ་སྔགས་བྲི།   གཙང་པོའི་བྱེ་མ་ལ་སྔགས་མང་དུ་བཏབ།   བྱང་བུ་དང་བྱེ་མ་ཁྱི་དང་བུད་མེད་ཀྱིས་མ་མཐོང་བར་ནམ་ཐོ་རངས་ཁྱེར་ལ།   བྱང་བུ་ཞིང་གི་དབུས་སུ་གཟུག   །བྱེ་མ་གཏོར།   སྔགས་ནི།}}  ཨོཾ་ཀྱུ་མ་ལེ་ཀྱུ་མ་ལེ་འབྱུང་ {{FolioNumber|[6b]}} པོ་བྱིའུའི་མཆུ་ཁ་གཞན་ལ་སྒྱུར་ཅིག༔   {{TibChung|ཡང་ན།}}  ཨོཾ་ཏིང་ཤེ་ཏིང་ཤེ་ཕུར་ལོང་གནོད་བྱེད་བྱེའུ་ཁ་ཆིང་ཤིག༔   {{TibChung|གཉིས་ཀའམ་གང་རུང་བྲི་བཟླས་བྱ།   བྲི་བའི་ཚེ་དབུ་ཅན་ཚེག་མེད་དུ་བྲིའོ།   །}}   ༈   {{TibChung|ཁང་ཁྱིམ་དང་ལོ་ཏོག་ལ་བྱི་བའི་གནོད་པ་བསྲུང་ན།   ཡུངས་དཀར་ལ།}}  ཨོཾ་ནཱ་ག་ཤ་བ་ནན།   ཨོཾ་ར་ཤུ་ཙུ་རུ་ཙུ་རུ་སྭཱ་ཧཱ༔   {{TibChung|ཞེས་མང་དུ་བཏབ་ནས་བྱི་ཁུང་ལ་གཏོར་བས་བྱི་བ་རྣམས་རིང་དུ་འབྲོས་པས་འགྱུར་རོ།   །}}   ༈   {{TibChung|ལོ་ལེགས་པའི་མན་ངག་ལུད་ཀྱི་སྦྱོར་བ་ནི།   བདུད་རྩི་འོད་ལྡན།   ཕུག་རོན་གྱི་བྲུན།   ས་རུལ།   འབའ་ཆ།   ཕབ་རྣམས་བུ་མོ་ལོ་བརྒྱད་མའི་དྲི་ཆུ་དང་སྦྱར་བ་ལ།}}  ཨོཾ་ཨཱཿདྷ་རི་རཏྣ་ཛ་བྷེ་མོ་ཧེ་སིདྡྷི་སྭཱ་ཧཱ༔   {{TibChung|ཞེས་ཞག་གསུམ་དུ་བསྔགས་པས་ལུད་ལ་བྲན།   ས་བོན་ལའང་མར་ནག་དང་སྦོལ་ནས་གོང་ལྟར་སྔགས་སྟོང་ཚོ་གཅིག་བཏབ་པས་བཙའ་སད་འབུ་གསུམ་སོགས་ཀྱི་གནོད་པ་ལས་སྲུང་ཞིང་།   སྙེ་མ་ཆེ་བ་དང་།   འབྲུ་སྣུམ་པ་སོགས་ལོ་ཏོག་ཕུན་སུམ་ཚོགས་པར་འབྱུང་བར་འགྱུར་རོ།   །ཞེས་པའང་ཉེ་བར་མཁོ་བའི་ཡན་ལག་ཏུ་མི་རྗེ་ཚེ་དབང་རིག་འཛིན་རྣམ་པར་རྒྱལ་བའི་སྡེའི་བཞེད་པ་བཞིན།   འཇིགས་བྲལ་ཡེ་ཤེས་རྡོ་རྗེས་ཚད་མར་གྱུར་པའི་གཞུང་རྣམས་ལས་ཟབ་འདྲིལ་འཇུག་བདེ་སྙིང་པོ་དྲིལ་བའི་ཚུལ་གྱིས་སྦྱར་བ་སིདྡྷི་རསྟུ༎  ༎}} }}
</onlyinclude>
{{TsagliCall}}
<headertabs/>