View source for DJYD-KABUM-16-MA-033

{{Text
|classification=Tibetan Publications
|subclass=Tibetan Texts
|fulltitletib=ཟབ་ལམ་མཁའ་འགྲོའི་ཕྲིན་ལས་དང་འབྲེལ་བར་འཆི་བ་བསླུ་བའི་ཆོ་ག་མདོར་བསྡུས་སྲོག་གི་ལྗོན་ཤིང་།
|fulltitle=zab lam mkha' 'gro'i phrin las dang 'brel bar 'chi ba bslu ba'i cho ga mdor bsdus srog gi ljon shing
|citation=[[Dudjom Rinpoche]] 'Jigs bral ye shes rdo rje. ''Zab lam mkha' 'gro'i phrin las dang 'brel bar 'chi ba bslu ba'i cho ga mdor bsdus srog gi ljon shing''. In ''Bdud 'joms 'jigs bral ye shes rdo rje'i gsung 'bum dam chos rin chen nor bu'i bang mdzod'', Vol. 16: 261-270. Kalimpong: Dupjung Lama, 1979-1985.
|collectiontitletib=བདུད་འཇོམས་རིན་པོ་ཆེ་བཀའ་འབུམ།
|collectiontitle=bdud 'joms rin po che bka' 'bum
|author=Dudjom Rinpoche
|sourcerevealer=Dudjom Rinpoche
|tibgenre=Ransom Rites to Extend Lifespan - 'chi bslu
|terma=Yes
|cycle=zab lam mkha' 'gro'i thugs thig
|cycletib=ཟབ་ལམ་མཁའ་འགྲོའི་ཐུགས་ཐིག་
|language=Tibetan
|volumenumber=16
|volnumtib=༡༦
|volyigtib=མ
|totalvolumes=25
|textnuminvol=033
|pagenumbers=261-270
|totalpages=10
|beginfolioline=1a1
|endfolioline=5b2
|totalfolios=5
|multivolumework=No
|rectonotes='chi bslu
|versonotes=mkha' 'gro'i thugs thig
|colophontib=།ཞེས་པའང་ཉེ་བར་མཁོ་བའི་ཡན་ལག་ཏུ་དཔལ་མིའི་དབང་པོ་ཚེ་དབང་རིག་འཛིན་རྣམ་པར་རྒྱལ་བའི་སྡེའི་བཞེད་པ་བཞིན།   འཇིགས་བྲལ་ཡེ་ཤེས་རྡོ་རྗེས་རིགས་མཐུན་གྱི་གཞུང་ལ་བརྟེན་ནས་ཁ་སྐོང་བཀླག་ཆོག་ཏུ་བསྡེབས་པ་སིདྡྷི་རསྟུ༎
|colophonwylie=zhes pa'ang nye bar mkho ba'i yan lag tu dpal mi'i dbang po tshe dbang rig 'dzin rnam par rgyal ba'i sde'i bzhed pa bzhin/___'jigs bral ye shes rdo rjes rigs mthun gyi gzhung la brten nas kha skong bklag chog tu bsdebs pa sid+d+hi rastu//
|pdflink=File:DJYD-KABUM-16-MA-033.pdf
|authortib=བདུད་འཇོམས་འཇིགས་བྲལ་ཡེ་ཤེས་རྡོ་རྗེ་
|sourcerevealertib=བདུད་འཇོམས་འཇིགས་བྲལ་ཡེ་ཤེས་རྡོ་རྗེ་
|volumeLetter=MA
|InitCategories=Dudjom Tersar Project; DJYD-KABUM-Volume-16-MA
}}
<h1>Tibetan Text</h1>
<onlyinclude>
{{TibP|༄༅།   །ཟབ་ལམ་མཁའ་འགྲོའི་ཕྲིན་ལས་དང་འབྲེལ་བར་འཆི་བ་བསླུ་བའི་ཆོ་ག་མདོར་བསྡུས་སྲོག་གི་ལྗོན་ཤིང་ཞེས་བྱ་བ་བཞུགས་སོ།   །


༄༅།   །ན་མོ་གུ་རུ་ཛྙཱ་ན་ཌཱ་ཀི་ནཱི་ཡེ།   {{TibChung|ཟབ་ལམ་མཁའ་འགྲོའི་ཕྲིན་ལས་དང་འབྲེལ་བར་འཆི་བ་བསླུ་བའི་ཆོ་ག་མདོར་བསྡུས་ཏེ་བྱ་བར་འདོད་པས།   གུང་དུ་མཁའ་འགྲོའི་དཀྱིལ་འཁོར་ཚེ་རྟེན་བཅས་ལེགས་པར་བཤམས་པའི་མདུན་དུ།   འབྱུང་ལྔའི་རྟེན་འབྲེལ་མཚོན་པའི་ས་སྦྱིན་བཟང་པོ་དང་འབྲུ་སྣའི་ངར་ཕྱེ་ལ།   ཚ་སྣ་གསུམ།   དར་ལྗང་གུ།   ཤེལ་རང་བྱུང་།   གཞན་ཡང་འབྲུ་སྨན་དཀར་མངར་བཅས་བསྲེས་པ་ལས་བསྒྲུབ་བྱའི་འདྲ་གླུད་སྐྱེ་མཆེད་དོད་པ་ལུང་ཏང་གི་མི་སོགས་རྫས་དང་ལྡན་པ་གཟི་བརྗིད་ཅན་ལ།   ནམ་མཁའ་དང་རྒྱང་བུ་བཙུག   །མདའ་བཀྲ།   འཕང་བཀྲ།   ཤིང་རིས།   གཏོར་མ།   ཏིང་ལོ།   ཆང་བུ།   ཤ་ཆང་།   འབྲུ་སྣ་དར་ཟབ་བྱ་གཅན་རི་དྭགས་གཡུང་དྭགས་ཀྱི་གཟུགས་སོགས་དཀོར་ཆ་ {{TibChung|[2a]}} སྣ་ཚོགས་པས་བསྐོར་བ་དང་སོ་སོའི་ལུས་ཀྱི་དྲི་མ་དང་བསྲེས་པའི་གླུད་ཕྲན་ཆང་བུ་རིལ་བུ་བཅས་མང་དུ་འདུ་བྱས་ལ།   ཕྲིན་ལས་ཀྱི་གཞུང་བསྲངས་ཏེ་ཚེ་སྒྲུབ་ཀྱི་བཟླས་མཐར་ཚེ་འགུགས་བསྐུལ།   དེ་ནས་ཡས་ལ་བསང་ཆུ་འཐོར་ཞིང་།}}   རཾ་ཡཾ་ཁཾ་{{TibChung|གིས་མ་དག་པའི་དངོས་པོ་ཐམས་ཅད་བསྲེག་གཏོར་བཀྲུས་ཏེ་སྟོང་པར་བསམ་ཞིང་།}}  ཨོཾ་ཨཱཿཧཱུྃ་{{TibChung|གིས་བྱིན་གྱིས་བརླབ།   བྱེ་བྲག་ཏུ་སྔགས་དྲུག་ཕྱག་དྲུག་གི་བྱིན་གྱིས་བརླབ་པ་ལ།   ཆོས་ཉིད་རྣམ་དག་ནི།   ཐལ་མོ་ཁོང་སྟོང་དུ་སྙིང་གར་སྦྱར་ཏེ།}}  ཨོཾ་སྭབྷཱ་ཝ་ཤུདྡྷཿ སརྦ་ངྷརྨཱཿ སྭབྷཱ་ཝ་ཤུདྡྷོ྅ཧཾ༔   {{TibChung|ལན་གསུམ་མམ་བདུན་བརྗོད།}}  རྫས་རྣམས་རང་བཞིན་གྱིས་རྣམ་པར་དག་པའི་སྟོང་པ་ཉིད་དུ་གྱུར།   {{TibChung|ནམ་མཁའ་མཛོད་ནི།    {{TibChung|[2b]}} ཐལ་མོ་ཁོང་སྟོང་དུ་སེན་མོ་རྩེ་སྤྲད་པའི་ཚིག་རྣམས་བཅག་པ་སྨིན་མཚམས་སུ་བཞག་ལ།}}  ན་མཿསརྦ་ཏ་ཐཱ་ག་ཏེ་བྷྱོ་བི་ཤྭ་མུ་ཁེ་བྷྱཿ སརྦ་ཐཱ་ཁཾ་ཨུཏྒ་ཏེ་སྥ་ར་ཎ་ཨི་མཾཁཾསྭཱཧཱ།   འདོད་པའི་ཡོན་ཏན་ལྔ་ཟད་མི་ཤེས་པས་ནམ་མཁའ་གང་པར་{{TibChung|བསམ།   བདུད་རྩི་ཐབས་སྦྱོར་ནི།   ཐལ་མོ་ཁ་སྦྱར་བ་ཕྱིར་བསྐྱེད།   མཐེ་བོང་གཉིས་བསྣོལ་ཏེ་ཁའི་ཐད་ཀར་བཞག་ལ།}}  ཨོཾ་བཛྲ་ཨ་མྲྀ་ཏ་ཀུཎྜ་ལཱི་ཧ་ན་ཧ་ན་ཧཱུྃ་ཕཊ།   ཡོ་བྱད་ཐམས་ཅད་བདུད་རྩིའི་རྒྱ་མཚོ་ཆེན་པོར་གྱུར་པར་{{TibChung|བསམ།   རྒྱལ་ཆེན་ཤུགས་ལྡན་ནི།   གཡས་རྡོ་རྗེ་ཁུ་ཚུར་བཅང་བའི་མཛུབ་མོ་སྒྲེང་།   གཡོན་པས་གནོན་བྱས་ལ།}}  ཨོཾ་ན་མཿསརྦ་ཏ་ཐཱ་ག་ཏ་ཨ་བ་ལོ་ཀི་ཏེ་ཨོཾ་སཾ་བྷ་ར་སཾ་བྷ་ར་ཧཱུྃ།   ཡོ་བྱད་ཐམས་ཅད་སོ་སོའི་བསམ་པ་དང་མཐུན་པར་{{TibChung|བསམ།   ཡེ་ཤེས་སྐར་མདའ་ནི།   གཡས་རྡོ་རྗེ་ཁུ་ཚུར་སྙིང་གར་བཅང་ཞིང་།   གཡོན་མཆོག་སྦྱིན་གྱིས་སྣོད་འདེགས་པའི་ཚུལ་བྱས་ལ།}}  ཨོཾ་ཛྙཱ་ན་ཨ་བ་ལོ་ཀི་ཏེ་ན་མཿ ས་མནྟ་སྥ་ར་ཎ་རསྨི་བྷ་བ་ས་མ་ཡ་མ་ཧཱ་མ་ཎི་དུ་རུ་དུ་རུ་ཧྲི་ད་ཡ་ཛྭ་ལ་ནི་ཧཱུྃ།   ཡོ་བྱད་ཐམས་ཅད་ལ་མགྲོན་རྣམས་འཐབ་རྩོད་མེད་པར་ལོངས་སྤྱོད་པར་{{TibChung|བསམ།   དབང་སྒྱུར་འཁོར་ལོ་ནི།   ལག་གཉིས་ཀྱི་སོར་མོ་ནང་དུ་བསྣོལ་ནས་མཁྲིགས་མ་སྦྱར།   མཐེ་བོང་གཉིས་གཤིབ་སྟེ་གྱེན་ལ་སྤྱི་བོར་བཞག་ནས།}}  ན་མཿས་མནྟ་བུདྔྷ་ནཱཾ་གྲ་ཧེ་ཤྭ་ར་པྲ་བྷ་ཛྱོ་ཏི་ནི་ནི་ {{TibChung|[3a]}} མ་ཧཱ་ས་མ་ཡ་སྭཱཧཱ།   མགྲོན་རྣམས་ཐམས་ཅད་བདག་གི་དབང་དུ་འདུས་པར་{{TibChung|བསམ།   དེ་ལྟར་སྔགས་རྣམས་ལན་གསུམ་མམ་བདུན་བརྗོད་པའི་ཕྱག་རྒྱ་བཀྲོལ་བ་ན་སེ་གོལ་བྱའོ།   །}} ན་མོ་བདག་གི་བསམ་པའི་སྟོབས་དང་ནི།   །དེ་བཞིན་གཤེགས་པའི་སྦྱིན་སྟོབས་དང་།   །ཆོས་ཀྱི་དབྱིངས་ཀྱི་སྟོབས་རྣམས་ཀྱིས།   །སེམས་ཅན་རྣམས་ལ་ཕན་གདགས་ཕྱིར།   །དོན་རྣམས་གང་དག་བསམ་པ་ཀུན།   །དེ་དག་ཐམས་ཅད་ཅི་རིགས་པ།   །ཐོགས་པ་མེད་པར་འབྱུང་གྱུར་ཅིག   །{{TibChung|ཅེས་བདེན་པའི་སྟོབས་བརྗོད།   མགྲོན་དགུག་པ་ནི།}}  ཧཱུྃ༔   དཀོན་མཆོག་གསུམ་གྱི་ལྷ་ཚོགས་དང་༔   སྔགས་དང་ཕྱག་རྒྱ་ཏིང་ངེ་འཛིན༔   ཆོས་ཅན་ཆོས་ཉིད་བདེན་པའི་མཐུས༔   བསྒྲུབ་བྱའི་བླ་རྐུ་སྲོག་ལ་འཇབ༔   ཚེ་དང་མདངས་འཕྲོག་འབྱུང་པོའི་ཚོགས༔   ཞི་བའི་སེམས་ཀྱིས་འདིར་ཁུག་ཅིག༔   བདག་གི་བསྒོ་བའི་བཀའ་ལ་ཉོན༔   ཕན་པའི་སེམས་ཀྱིས་གནས་པར་གྱིས༔   ཊ་ཀི་ཧཱུྃ་ཛ༔   སརྦ་བིགྷྞན་ཨཾ་ཀུ་ཤ་ཡ་ཛ་ཛཿ {{TibChung|ཞེས་ལན་གསུམ་སོགས་ཀྱིས་མགྲོན་བཀུག་སྟེ་དགའ་ཞིང་གུས་པས་མདུན་དུ་འཁོད་པར་བསམ།   གླུད་ཀྱི་སྨྲེང་ནི།}}  ཧཱུྃ༔   སྟོང་གསུམ་ཁམས་ན་གནས་བཅས་ཤིང་༔   སྟེང་འོག་བར་གསུམ་འཁོད་པ་ཡི༔   ལྷ་ཀླུ་ས་ {{TibChung|[3b]}} བདག་མཐུ་བོ་ཆེ༔    སྤར་སྨེ་ལོ་ཟླ་དུས་ཚོད་དང་༔    འབྱུང་ལྔ་ལ་དབང་དྲེགས་པ་ཅན༔    བདུད་དང་གཤིན་རྗེ་མན་ཆད་ནས༔   ཡི་དྭགས་ཕྲ་མོ་ཡན་ཆད་རྣམས༔   རྒྱུ་སྦྱོར་སྦྱིན་པའི་བདག་པོ་ལ༔   སྔོན་ལས་འཕྲལ་རྐྱེན་གང་ཡང་རུང་༔   བླ་ལ་རྐུ་ཞིང་སྲོག་ལ་རྔམས༔   ཚེ་ལ་བར་དུ་གཅོད་པ་ཀུན༔   ཆོས་ཉིད་བདེན་པའི་བཀའ་ལ་ཉོན༔    རིན་ཆེན་འབྲུ་མཆོག་ངར་གྱི་མི༔    ནམ་མཁའི་སེམས་ལ་ཞོ་ཤའི་སྙིང་༔    དུང་གི་རུས་ལ་བསེ་ཡི་ཤ༔    མཚལ་གྱི་ཁྲག་ལ་མེ་ཡི་དྲོད༔    རླུང་གི་དབུགས་ལ་ཆུ་ཡི་ཁམས༔    ཟེར་མོའི་སྐྲ་ལ་མུ་ཏིག་ཀླད༔    ལོང་ཏང་མིག་ལ་མགྲོན་བུའི་སོ༔    ལེ་བརྒན་ལྕེ་ལ་དབང་པོའི་ལག༔    ཟངས་ལྕགས་རྐང་ལག་དར་ཟབ་གོས༔    རིན་ཆེན་རྒྱན་ཆ་དཀོར་ཆའི་ནོར༔    ཕུང་ཁམས་སྐྱེ་མཆེད་ཡོངས་སུ་རྫོགས༔    གཟུགས་མཛེས་གོམ་སྟབས་ལམ་སེ་ལམ༔   སྨྲ་མཁས་ངག་སྙན་ཀྱུ་རུ་རུ༔    སེམས་ནི་རྟོག་དཔྱོད་ཧྲིགས་སེ་ཧྲིག༔    བཅས་བཅས་དེ་ནི་བརྡར་བརྡར་ནས༔    སྐྱེས་པ་དམག་ལ་ཆས་པ་འདྲ༔    བརྒྱན་བརྒྱན་དེ་ནི་སྤུངས་སྤུངས་ནས༔    ན་ཆུང་བག་མར་ཆས་པ་འདྲ༔    བཙལ་བཙལ་དེ་ནི་བསགས་བསགས་ནས༔   རྒྱལ་པོའི་བང་མཛོད་ {{TibChung|[4a]}} དབྱེ་བ་འདྲ༔   དེ་འདྲའི་གླུད་བཟང་ངོ་མཚར་ཅན༔   མི་བས་གླུད་འདི་མི་དགའ་རྒྱུ༔   དངོས་ལས་ཡོན་ཏན་དུ་མས་འཕགས༔   ནོར་ལས་དཀོར་འདིས་མི་རྔམས་རྒྱུ༔   ཅི་འདོད་འབྱུང་ཞིང་ཟད་མི་ཤེས༔   མང་པོ་ཏིང་འཛིན་མཐུ་ཡིས་སྤྲུལ༔   སོ་སོར་ཐོབ་པ་སྔགས་ཀྱིས་སྤེལ༔   ཕྱག་རྒྱས་འཐབ་རྩོད་ཉེ་རིང་མེད༔   ཕུང་ཁམས་སྐྱེ་མཆེད་མཛེས་ཤིང་བརྗིད༔   ནམ་མཁའ་འོད་ལྔའི་པ་ཏྲ་འཁྱིལ༔   ལུས་ངག་ཡིད་གསུམ་རྒྱངས་བུས་མཚོན༔   ཐབས་ཤེས་ཕོ་མོའི་གདོང་པ་དང་༔   མདའ་བཀྲ་འཕང་བཀྲ་ལྡེམས་སེ་ལྡེམ༔   ཤིང་རིས་སྲིད་པའི་མིག་བསྒྱུར་ཆེ༔   དཀོར་ཆ་འདོད་ཡོན་བསམ་མི་ཁྱབ༔   དེ་བས་མདོས་གླུད་བཟང་པོ་འདི༔   དགའ་ཞིང་མགུ་བས་ད་ལོངས་ལ༔   ཞི་ཞིང་མཛའ་བའི་སེམས་ཀྱིས་ནི༔   སྦྱིན་བདག་བླ་སྲོག་ཚེ་གསུམ་ལ༔   བཟུང་བ་ཐོངས་ལ་བཅིངས་པ་ཁྲོལ༔   བསྡམས་པ་གློད་ལ་མནན་པ་ཐེག༔   ཚེ་དང་བསོད་ནམས་རྒྱས་པ་དང་༔   བཀྲ་ཤིས་བདེ་ལེགས་འགྲུབ་པར་མཛོད༔   {{TibChung|ཅེས་གྱེར་ལ།}}  བདེ་གཤེགས་རིན་ཆེན་མང་དང་གཟུགས་མཛེས་དང་།   །འབྱམས་ཀླས་འཇིགས་ཀུན་བྲལ་ལ་ཕྱག་ {{TibChung|[4b]}} འཚལ་ལོ།   །{{TibChung|ཞེས་དང་།}}  སམྦྷ་ར་{{TibChung|ལན་བདུན་སོགས་ཀྱིས་བསྔོས་ཏེ།}}  ཀྱེ༔   སྲིད་གསུམ་འདི་ན་སུ་ཡང་རུང་༔   བསྒྲུབ་བྱའི་ཚེ་ལ་བར་གཅོད་པའི༔   སྔོན་ལས་འཕྲལ་རྐྱེན་གདོན་བགེགས་རིགས༔   འཆི་བདག་གཤིན་རྗེ་མན་ཆད་ནས༔   ཐེའུ་རང་ཕྲ་མོ་ཡན་ཆད་ཀུན༔   བྱམས་པའི་སེམས་ཀྱིས་གནས་འདིར་འདུས༔   དགའ་བའི་མིག་གིས་གླུད་ལ་ལྟོས༔   སྙིང་རྗེ་མ་གདུང་བུ་ཡི་ཚུལ༔   ཚེ་རབས་འབྲེལ་བའི་བདེན་པ་སོམས༔   སྔགས་དང་ཕྱག་རྒྱ་ཏིང་འཛིན་གྱིས༔   བྱིན་རླབས་རྟེན་འབྲེལ་ནུས་པའི་རྫས༔   མི་བས་དགའ་བའི་གླུད་བཟང་པོ༔   ཕུང་ཁམས་སྐྱེ་མཆེད་ཡོངས་སུ་རྫོགས༔   འདོད་ཡོན་རྒྱ་མཚོའི་གཏེར་ཆེན་འདི༔   ཁྱེར་ཅིག་ཁྱེར་ཅིག་སྟོབས་ལྡན་རྣམས༔   རྒྱུ་སྦྱོར་ཡོན་བདག་འཁོར་བཅས་ཀྱི༔   ཤ་རིན་ཁྲག་ཚབ་སྲོག་གི་གླུད༔   མཐུན་པའི་རྫས་སུ་ད་ལོངས་ཤིག༔   སྲེད་དང་ཆགས་དང་ཞེན་པ་སྤོངས༔   དྲན་དང་བཟུང་དང་བསམ་དང་རེག༔   ཞི་དང་གློད་ལ་གྲོལ་བར་མཛོད༔   བཀྲ་ཤིས་བདེ་ལེགས་མཛད་དུ་གསོལ༔   {{TibChung|ཞེས་བརྒྱ་རྩའམ་ལོ་གྲངས་སོགས་ཚར་ཅི་རིགས་བསགས་ཤིང་།   སྐབས་སུ་བསྙེན་སྔགས་ཚེ་ཤམ་ཅན་མང་དུ་བཟླས།}}  ན་མོཿ ཡེ་ཤེས་མཁའ་འགྲོའི་ {{TibChung|[5a]}} བདེན་པ་དང་༔   རིག་སྔགས་ཟབ་མོའི་བྱིན་རླབས་ཀྱིས༔   འབྱུང་པོ་གདུག་པའི་ཚོགས་རྣམས་ཀུན༔   མདོས་དང་གླུད་ཀྱིས་རབ་ཏུ་ཚིམས༔   ཕན་བདེ་བྱང་ཆུབ་སེམས་དང་ལྡན༔   སྦྱིན་བདག་བླ་ཚེ་རང་སོར་ཆུད༔   ཚེ་བསོད་དཔལ་འབྱོར་བདེ་ལེགས་འཕེལ༔   ཉིན་མཚན་རྟག་ཏུ་བཀྲ་ཤིས་ཤོག༔   {{TibChung|ཅེས་བརྗོད་ཅིང་མེ་ཏོག་འཐོར།   དེ་ལྟར་གྲངས་རྫོགས་པ་ན་ལམ་བསྟན་པ་ནི།   མདོས་ཡས་ཁ་ཕྱིར་བསྒྱུར།   མར་མེ་སྤང་ཞིང་རྫོང་བཏབ་ལ།}}  ཧཱུྃ༔   ད་ནི་གཤེགས་སོ་སོ་སོར་གཤེགས༔   ད་ནི་བཞུད་དོ་རང་གནས་བཞུད༔   ཡས་གླུད་བཟང་པོ་འདི་ཁྱེར་ལ༔   དགའ་ཞིང་བྱམས་པའི་སེམས་བསྐྱེད་ནས༔   ཕྱི་མིག་མ་བལྟ་བདེ་བར་དེངས༔   གལ་ཏེ་བཀའ་ལས་འདས་གྱུར་ན༔   བདག་ཉིད་ཁྲོས་མ་རྣལ་འབྱོར་མ༔   སྤྲུལ་པའི་ཁྲོ་མོའི་ཚོགས་བཅས་ཀྱིས༔   ཁྱེད་རྣམས་རྡུལ་ཕྲན་བཞིན་དུ་བརླག༔   དེ་བས་ད་ལྟ་ཕྱིར་དེངས་ཤིག༔   སརྦ་བིགྷྣཱཾན་གཙྪ༔   {{TibChung|ཞེས་དང་།   དྲག་སྔགས་དང་ཐུན་གྱིས་གཟིར།   མདོས་གླུད་ཆུ་བོའི་གཞུང་ངམ་འདྲེ་ལྔ་བདུད་གཅོད་ཀྱི་སེར་རྒྱང་རིང་དུ་བསྐྱལ།   སྲུང་འཁོར་བསྒོམ།   བསྒྲུབ་བྱ་ལ་སྤྲོ་ན་ཚེ་དབང་བསྐུར་བའམ།   ཚེ་འགུགས་བསྐུལ་ལ་རྒྱས་གདབ་ {{TibChung|[5b]}} ཅིང་བཀྲ་ཤིས་རྒྱས་པར་བརྗོད།   དེ་ནས་ཕྲིན་ལས་རྗེས་ཀྱི་ལས་རིམ་རྣམས་མཐར་དབྱུང་བས་འགྲུབ་བོ།   །ཞེས་པའང་ཉེ་བར་མཁོ་བའི་ཡན་ལག་ཏུ་དཔལ་མིའི་དབང་པོ་ཚེ་དབང་རིག་འཛིན་རྣམ་པར་རྒྱལ་བའི་སྡེའི་བཞེད་པ་བཞིན།   འཇིགས་བྲལ་ཡེ་ཤེས་རྡོ་རྗེས་རིགས་མཐུན་གྱི་གཞུང་ལ་བརྟེན་ནས་ཁ་སྐོང་བཀླག་ཆོག་ཏུ་བསྡེབས་པ་སིདྡྷི་རསྟུ༎ ༎}} }}
</onlyinclude>
{{TsagliCall}}
<headertabs/>