View source for TTDL-ZABTER-02-KHA-017

{{Text
|classification=Tibetan Publications
|subclass=Tibetan Texts
|fulltitletib=ཟབ་གསང་མཁའ་འགྲོའི་སྙིང་ཐིག་ལས༔ འཇམ་དཔལ་ཡ་མཱནྟ་ཀའི་སྒྲུབ་སྐོར་ལས༔ གསོལ་འདེབས་བྱིན་རླབས་ཆར་འབེབས༔
|fulltitle=zab gsang mkha' 'gro'i snying thig las: 'jam dpal ya mAn+ta ka'i sgrub skor las: gsol 'debs byin rlabs char 'bebs:
|citation=Khrag 'thung [[Bdud 'joms gling pa]]. ''Zab gsang mkha' 'gro'i snying thig las 'jam dpal ya mAn+ta ka'i sgrub skor las gsol 'debs byin rlabs char 'bebs''. In ''Sprul pa'i gter chen bdud 'joms gling pa'i zab gter gsang ba'i chos sde'', Vol. 2: 257-259. Thimphu, Bhutan: Lama Kuenzang Wangdue, 2004.
|collectiontitletib=བདུད་འཇོམས་གླིང་པ་ཟབ་གཏེར།
|collectiontitle=bdud 'joms gling pa zab gter
|author=bdud 'joms gling pa
|sourcerevealer=bdud 'joms gling pa
|tibgenre=Supplications - gsol 'debs
|terma=Yes
|deity=gshin rje
|cycle='jam dpal drag po gshin rje gshed
|cycletib=འཇམ་དཔལ་དྲག་པོ་གཤིན་རྗེ་གཤེད་
|parentcycle=zab gsang mkha' 'gro'i snying thig
|parentcycletib=ཟབ་གསང་མཁའ་འགྲོའི་སྙིང་ཐིག་
|language=Tibetan
|volumenumber=02
|volnumtib=༢
|volyigtib=ཁ
|totalvolumes=21
|textnuminvol=017
|pagenumbers=257-259
|totalpages=3
|beginfolioline=1a1
|endfolioline=2a2
|totalfolios=2
|multivolumework=No
|rectonotes=gsol 'debs
|versonotes=bdud 'joms 'jam dpal drag po
|colophontib=ཞེས་པ་འདི་ཡང་ཀ་དག་རྫོགས་པ་ཆེན་པོ་ཀློང་ཆེན་རོལ་བའི་རྣལ་འབྱོར་པ་ཁྲག་འཐུང་བདུད་འཇོམས་རྡོ་རྗེ་གྲོ་ལོད་རྩལ་གྱིས་གཏེར་ནས་བཏོན་ཏེ་དག་པར་ཕབ་པའི་ཡི་གེ་པ་ནི་རྒ་ཡི་བནྡེ་ཀུན་བཟང་དགའ་རབ་བོ། །དགེའོ། །དགེའོ། །དགེའོ། །བཀྲ་ཤིས་རབ་ཏུ་བརྟན་པར་གྱུར་ཅིག།
|colophonwylie=zhes pa 'di yang ka dag rdzogs pa chen po klong chen rol ba'i rnal 'byor pa khrag 'thung bdud 'joms rdo rje gro lod rtsal gyis gter nas bton te dag par phab pa'i yi ge pa ni rga yi ban+de kun bzang dga' rab bo/_/dge'o/_/dge'o/_/dge'o/_/bkra shis rab tu brtan par gyur cig/
|pdflink=File:TTDL-ZABTER-02-KHA-017.pdf
|authortib=བདུད་འཇོམས་གླིང་པ་
|sourcerevealertib=བདུད་འཇོམས་གླིང་པ་
|volumeLetter=KHA
|InitCategories=Dudjom Tersar Project; TTDL-ZABTER-Volume-02-KHA
}}
<h1>Tibetan Text</h1>
<onlyinclude>
{{TibP|ཐྂ༎༔  {{TibChung|ཟབ་གསང་མཁའ་འགྲོའི་སྙིང་ཐིག་ལས༔ འཇམ་དཔལ་ཡ་མཱནྟ་ཀའི་སྒྲུབ་སྐོར་ལས༔ གསོལ་འདེབས་བྱིན་རླབས་ཆར་འབེབས་བཞུགས་སོ༔}} ན་མོ་གུ་རུ་པདྨ་ཀ་ར་ཡེ༔ {{TibChung|དྲག་པོ་བསྒྲུབ་པའི་རྣལ་འབྱོར་གྱིས༔ མོས་གུས་གདུང་བའི་ཤུགས་བསྐྱེད་ནས༔ གསོལ་འདེབས་འདི་ཉིད་བརྗོད་པར་བྱ༔ }}ན་མོ༔ བླ་ན་མེད་པའི་དཀོན་མཆོག་གསུམ༔ སྐྱབས་གནས་དམ་པའི་མཆོག་གྱུར་པ༔ དག་པའི་སྣང་ངོར་བཞུགས་གྱུར་ནས༔ མཁྱེན་རྩེའི་ནུས་པས་བདག་སྐྱབས་གསོལ༔ ཀུན་བཟང་རྡོ་རྗེ་འཆང་ཆེན་སོགས༔ རྒྱལ་བ་དགོངས་བརྒྱུད་བླ་མ་དམ་པ་ལ༔ གསོལ་བ་འདེབས་སོ་བདག་རྒྱུད་བྱིན་གྱིས་རློབས༔ སྐད་ཅིག་ཉིད་ལ་བྱང་ཆུབ་ལམ་ལ་སྐྱོལ༔ དགའ་རབ་ཤྲཱི་སེང་པདྨ་ཀ་ར་སོགསཿརིག་འཛིན་བརྡ་བརྒྱུད་བླ་མ་དམ་པ་ལཿགསོལ་བ་འདེབས་སོ་བདག་རྒྱུད་བྱིན་གྱིས་རློབསཿསྐད་ཅིག་ཉིད་ལ་བྱང་ཆུབ་ལམ་ལ་སྐྱོལཿམཚོ་རྒྱལ་ཁྱེའུ་ཆུང་ལོ་ཙཱ་རྗེ་འབངས་སོགས༔ དུས་གསུམ་བསྟན་པའི་བརྒྱུད་རིམ་ལུག་རྒྱུད་ཀྱིས༔ གང་ཟག་སྙན་བརྒྱུད་བླ་མ་ཐམས་ཅད་ལ༔ གསོལ་བ་འདེབས་སོ་བདག་རྒྱུད་བྱིན་གྱིས་རློབས༔ སྐད་ཅིག་ཉིད་ལ་བྱང་ཆུབ་ལམ་ལ་སྐྱོལ༔ ཡེ་སངས་རྒྱས་པ་པདྨ་ཀ་ར་ཡིས༔ གདུལ་བྱ་རྗེས་སུ་འཇུག་པའི་ཐུགས་བསྐྱེད་ཀྱི༔ རྣམ་འཕྲུལ་མ་ངེས་ཆུ་ཟླའི་རོལ་གར་གྱིས༔ སྨོན་ལམ་གཏེར་བརྒྱུད་བླ་མ་དམ་པ་ལ༔ གསོལ་བ་འདེབས་སོ་བདག་རྒྱུད་བྱིན་གྱིས་རློབས༔ སྐད་ཅིག་ཉིད་ལ་བྱང་ཆུབ་ལམ་ལ་སྐྱོལ༔ རྒྱལ་ཀུན་གསང་བ་འདུས་པའི་ཀློང་ཆེན་པོ༔ འཇམ་དཔལ་ཡ་མཱནྟ་ཀའི་དཀྱིལ་འཁོར་ལ༔ གསོལ་བ་འདེབས་སོ་བདག་རྒྱུད་བྱིན་གྱིས་རློབས༔ སྐད་ཅིག་ཉིད་ལ་བྱང་ཆུབ་ལམ་ལ་སྐྱོལ༔ བཀའ་དང་དམ་ཚིག་གཉན་པོའི་སྲོག་འཛིན་པའི༔ བཀའ་སྲུང་དམ་ཅན་རྒྱ་མཚོ་ཐམས་ཅད་ལ༔ གསོལ་བ་འདེབས་སོ་བདག་རྒྱུད་བྱིན་གྱིས་རློབས༔ སྐད་ཅིག་ཉིད་ལ་བྱང་ཆུབ་ལམ་ལ་སྐྱོལ༔ བདག་གི་ཡང་གསང་རོལ་པའི་དཀྱིལ་འཁོར་འདིར༔ སྒོ་གསུམ་རྡོ་རྗེ་གསུམ་དུ་སྨིན་གྲོལ་ཏེ༔ ལྷུན་གྱིས་གྲུབ་པའི་རིག་འཛིན་ཀློང་རྡོལ་ནས༔ ཀ་དག་ཀུན་བཟང་དགོངས་པར་བྱང་ཆུབ་ཤོག༔{{TibChung| ས་མ་ཡ༔ འདི་ཡིས་བར་ཆད་གེགས་སེལ་ནས༔ ས་ལམ་ཡོན་ཏན་གོང་དུ་འཕེལ༔ དགོངས་རྒྱུད་བྱིན་རླབས་རྒྱུད་ལ་འཕོ༔ ཡང་དག་ཆེན་པོར་གདིང་ཐོབ་བྱེད༔ བཀའ་སྲུང་ཡ་མ་རཱ་ཙས་སྲུངས༔ བཀའ་དང་ཐ་ཚིག་གཉན་པོའི་རྒྱ༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཞེས་པ་འདི་ཡང་ཀ་དག་རྫོགས་པ་ཆེན་པོ་ཀློང་ཆེན་རོལ་བའི་རྣལ་འབྱོར་པ་ཁྲག་འཐུང་བདུད་འཇོམས་རྡོ་རྗེ་གྲོ་ལོད་རྩལ་གྱིས་གཏེར་ནས་བཏོན་ཏེ་དག་པར་ཕབ་པའི་ཡི་གེ་པ་ནི་རྒ་ཡི་བནྡེ་ཀུན་བཟང་དགའ་རབ་བོ། །དགེའོ། །དགེའོ། །དགེའོ། །བཀྲ་ཤིས་རབ་ཏུ་བརྟན་པར་གྱུར་ཅིག། །།}} }}
</onlyinclude>
{{TsagliCall}}
<headertabs/>