View source for TTDL-ZABTER-02-KHA-023

{{Text
|classification=Tibetan Publications
|subclass=Tibetan Texts
|fulltitletib=ཟབ་གསང་མཁའ་འགྲོའི་སྙིང་ཐིག་ལས༔ འཇམ་དཔལ་གཤིན་རྗེའི་གཤེད་ཀྱི་བསྒྲལ་ལས་གནམ་ལྕགས་ཐོག་མདའ༔
|fulltitle=zab gsang mkha' 'gro'i snying thig las: 'jam dpal gshin rje'i gshed kyi bsgral las gnam lcags thog mda':
|citation=Khrag 'thung [[Bdud 'joms gling pa]]. ''Zab gsang mkha' 'gro'i snying thig las 'jam dpal gshin rje'i gshed kyi bsgral las gnam lcags thog mda'''. In ''Sprul pa'i gter chen bdud 'joms gling pa'i zab gter gsang ba'i chos sde'', Vol. 2: 297-305. Thimphu, Bhutan: Lama Kuenzang Wangdue, 2004.
|collectiontitletib=བདུད་འཇོམས་གླིང་པའི་ཟབ་གཏེར།
|collectiontitle=bdud 'joms gling pa'i zab gter
|author=bdud 'joms gling pa
|sourcerevealer=bdud 'joms gling pa
|tibgenre=Activity Practices - las tshogs
|terma=Yes
|deity=gshin rje
|cycle='jam dpal drag po gshin rje gshed
|cycletib=འཇམ་དཔལ་དྲག་པོ་གཤིན་རྗེ་གཤེད་
|parentcycle=zab gsang mkha' 'gro'i snying thig
|parentcycletib=ཟབ་གསང་མཁའ་འགྲོའི་སྙིང་ཐིག་
|language=Tibetan
|volumenumber=02
|volnumtib=༢
|volyigtib=ཁ
|totalvolumes=21
|textnuminvol=023
|pagenumbers=297-305
|totalpages=9
|beginfolioline=1a1
|endfolioline=5a4
|totalfolios=5
|multivolumework=No
|rectonotes=bsgral las
|versonotes=bdud 'joms 'jam dpal drag po
|colophontib=ཞེས་པ་འདི་ནི་ཁྲག་འཐུང་བདུད་འཇོམས་རྡོ་རྗེས་གསེར་སྨད་རྔ་ལ་སྟག་རྩེའི་ཤྭ་བྲག་རྡོ་རྗེ་ནས་བཏོན་ཏེ་མི་ལོ་བཅོ་ལྔའི་བར་དུ་བཀའ་རྒྱ་བྱས་ཏེ་མཐར་སྨར་མདོ་བཀྲ་ཤིས་དགའ་འཁྱིལ་དུ་དག་པར་ཕབ་པའི་ཡི་གེ་པ་ནི་ཀུན་བཟང་དགའ་རབ་བོ། །དགེའོ། །དགེའོ། །དགེའོ།།
|colophonwylie=zhes pa 'di ni khrag 'thung bdud 'joms rdo rjes gser smad rnga la stag rtse'i shwa brag rdo rje nas bton te mi lo bco lnga'i bar du bka' rgya byas te mthar smar mdo bkra shis dga' 'khyil du dag par phab pa'i yi ge pa ni kun bzang dga' rab bo/_/dge'o/_/dge'o/_/dge'o//
|pdflink=File:TTDL-ZABTER-02-KHA-023.pdf
|authortib=བདུད་འཇོམས་གླིང་པ་
|sourcerevealertib=བདུད་འཇོམས་གླིང་པ་
|volumeLetter=KHA
|InitCategories=Dudjom Tersar Project; TTDL-ZABTER-Volume-02-KHA
}}
<h1>Tibetan Text</h1>
<onlyinclude>
{{TibP|ཐྂ༎༔    ཟབ་གསང་མཁའ་འགྲོའི་སྙིང་ཐིག་ལས༔ འཇམ་དཔལ་གཤིན་རྗེའི་གཤེད་ཀྱི་བསྒྲལ་ལས་གནམ་ལྕགས་ཐོག་མདའ་བཞུགས་སོ༔ 


ཐྂ༎༔  ({{TibChung|བརྡ་ཡིག་}})  ན་མོ་གུ་རུ་པདྨ་ཀ་ར་ཡེ༔ {{TibChung|འཇམ་དཔལ་གཤིན་རྗེའི་སྒྲུབ་པ་ཡི༔ རྣལ་འབྱོར་དམ་ཚིག་ལྡན་པ་ལ༔ སྡང་བའི་དགྲ་དང་བགེགས་བྱུང་ན༔ བསྒྲལ་ལས་ཟབ་མོ་ཉམས་ལེན་བྱ༔ ལག་ཏུ་ལེན་པའི་རིམ་པ་ལ༔ དྲག་པོའི་ལྕགས་ཀྱི་ཧོམ་ཁུང་དུ༔ རཱུ་པ་དབང་ཚང་མིང་རུས་བྲིས༔ ཤི་ལྤགས་ལྟར་ལྟེབ་འཕང་ནས་སུ༔}} ཧཱུྃ་ཛཿ མདུན་དུ་ཨེ་ནག་པོ་ཡོངས་སུ་གྱུར་པ་ལས་གནམ་ལྕགས་ཀྱི་ཁང་སྒྲོམ་ཆེན་པོ་ནག་ལ་གཏིང་ཟབ་པ་ཞེ་སྡང་གི་མེ་འབར་ཞིང་གཏི་མུག་གི་མུན་ནག་འཐིབ་པ༔ འདོད་ཆགས་ཀྱི་དུག་མཚོ་ཁོལ་ཞིང་ང་རྒྱལ་གྱི་བྲག་རི་ཉིལ་བ༔ ཕྲག་དོག་གི་རླུང་དམར་རབ་ཏུ་འཚུབས་པའི་ཀློང་དུ་ནྲྀ་དང་ཏྲི་ཡོངས་སུ་གྱུར་པ་ལས༔ གནོད་བྱེད་དགྲ་བགེགས་གདུག་པ་ཅན་ཐམས་ཅད་འདུས་པའི་རཱུ་པ་སྔོ་བ༔ ཧམ་པ༔ རིད་པ༔ སྲོག་མ་ཆད་ཙམ༔ དབུགས་མ་བྲལ་ཙམ༔ རྐང་ལག་ལྕགས་སུ་བཅུག་ཅིང་བུ་ག་དགུ་ནས་ཁྲག་འཛག་པ་འདར་ཕྲི་ལི་ལི་བྱེད་པར་གྱུར༔ རང་ཉིད་ཡི་དམ་གྱི་ཐུགས་ཀ་ནས་སྤྲུལ་པའི་ལས་མཁན་དཔག་ཏུ་མེད་པ་འཕྲོས་པས་དགྲ་བགེགས་རང་དབང་མེད་པར་བཀུག་ནས་ལིང་ག་ལ་ཐིམ་པར་གྱུར༔ {{TibChung|འགུག་གཞུག་ནན་དུ་བྱས་མཐར༔ བཀུག་པའི་ལས་ནི༔}} ཧཱུྃ༔ ཆོས་ཀྱི་དབྱིངས་ལས་སྤྲུལ་པའི་ལྷ༔ འཇམ་དཔལ་གཤིན་རྗེའི་གཤེད་པོ་དང་༔ སྤྲུལ་འཁོར་བཀའ་སྡོད་དུས་ལ་བབ༔ དགྲ་བགེགས་བཀུག་ཅིང་བསྒྲལ་ལས་མཛོད༔ {{TibChung|རྩ་སྔགས་མཐར༔}} དགྲ་བགེགས་ནྲྀ་ཏྲི་མཱ་ར་ཡ་ཛཿ རྦད་སོད༔ {{TibChung|དེ་ནས་འཆིང་བར་བྱེད་པའི་ལས༔}} ཧཱུྃ༔ ཡེ་ཤེས་དབྱིངས་ལས་སྤྲུལ་པའི་ལྷ༔ འཇམ་དཔལ་གཤིན་རྗེའི་གཤེད་པོ་དང་༔ སྤྲུལ་འཁོར་ཡོངས་རྫོགས་དུས་ལ་བབ༔ དགྲ་བགེགས་ལུས་ངག་གྲུམ་ཆིངས་མཛོད༔ {{TibChung|རྩ་སྔགས་མཐར༔}} དགྲ་བགེགས་སརྦ་ནྲྀ་ཏྲི་ཧཱུྃ་ཆིང་ཆིང་རྦད་སོད༔ {{TibChung|དེ་ནས་བསྡམ་པའི་ལས་བྱེད་ནི༔}} ཧཱུྃ༔ སྐྱེ་མེད་ཀློང་ལས་སྤྲུལ་པའི་ལྷ༔ འཇམ་དཔལ་གཤིན་རྗེའི་གཤེད་པོ་དང་༔ སྤྲུལ་འཁོར་ཡོངས་རྫོགས་དུས་ལ་བབ༔ དགྲ་བགེགས་ཡན་ལག་ཐམས་ཅད་སྡོམས༔ {{TibChung|རྩ་སྔགས་མཐར༔}} དགྲ་བགེགས་སརྦ་ནྲྀ་ཏྲི་མཱ་ར་ཡ་བཾ་རྦད་ནན༔ {{TibChung|དེ་ནས་འབེབ་པར་བྱེད་པའི་ལས༔}} ཧཱུྃ༔ ལྷུན་གྲུབ་དབྱིངས་ལས་སྤྲུལ་པའི་ལྷ༔ འཇམ་དཔལ་གཤིན་རྗེའི་གཤེད་པོ་དང་༔ སྤྲུལ་འཁོར་ཡོངས་རྫོགས་དུས་ལ་བབ༔ དགྲ་བགེགས་གཟུགས་མིང་རཱུ་པར་ཕོབ༔ {{TibChung|རྩ་སྔགས་མཐར༔}} དགྲ་བགེགས་ནྲྀ་ཏྲི་མཱ་ར་ཡ་ཧོཿ རྦད་ནན༔ {{TibChung|ལྷ་དབྱེ་བའི་ལས་ནི༔}} ཧཱུྃ༔ འགྲོ་བའི་དོན་དུ་བཞེངས་པའི་ལྷ༔ འཇམ་དཔལ་གཤིན་རྗེའི་གཤེད་པོ་དང་༔ སྤྲུལ་འཁོར་ཡོངས་རྫོགས་དུས་ལ་བབ༔ དགྲ་བགེགས་སྐྱོབ་བྱེད་ལྷ་དང་ཕྲོལ༔ {{TibChung|རྩ་སྔགས་མཐར༔}} དགྲ་བགེགས་མཱ་ར་ཡ་ཕྱེས་ཕྱེས་རྒྱབ་རྟེན་དང་ཕྱེས་ཕྱེས་ཕཊ་སྭཱ་ཧཱ༔ {{TibChung|དེ་ནས་བསྒྲལ་བའི་ལས་ཚོགས་ནི༔}} ཧཱུྃ༔ བཞེངས་ཤིག་ཡེ་ཤེས་རོལ་པའི་ལྷ༔ དྲག་གཏུམ་རྔམས་བརྗིད་འབར་བའི་སྐུ༔ གཤིན་རྗེའི་གཤེད་པོའི་དུས་ལ་བབ༔ དགྲ་བགེགས་གནོད་བྱེད་ཐལ་བར་བརློག༔ {{TibChung|རྩ་སྔགས་མཐར༔}} ནྲྀ་ཏྲི་ཤ་ཏྲཱུཾ་མཱ་ར་ཡ་རྦད་སོད༔ {{TibChung|མཚོན་ཐུན་སྣ་ཚོགས་གདབ་ལ༔}} ཧཱུྃ༔ སྟོང་ཉིད་དབྱིངས་ཀྱི་རྒྱས་འདེབས་མ༔ དུར་ཁྲོད་བདག་མོའི་དུས་ལ་བབ༔ རྡོ་རྗེའི་མཚོན་ཐུན་ཐོག་ཆར་གྱིས༔ དགྲ་བགེགས་ཐལ་བའི་རྡུལ་དུ་རློག༔ {{TibChung|རྩ་སྔགས་མཐར༔}} ནྲྀ་ཏྲི་ཤ་ཏྲཱུཾ་མཱ་ར་ཡ་རྦད་སོད༔ ཧཱུྃ༔ འཇིགས་བྱེད་རྡོ་རྗེ་བདུད་འདུལ་ནི༔ གླང་གདོང་ཐོ་ཆེན་ཞགས་པ་བསྣམས༔ ཁྱེད་ཀྱི་ཐུགས་དམ་དུས་ལ་བབ༔ དགྲ་བགེགས་བསྒྲལ་བའི་ཕྲིན་ལས་མཛོད༔ ཧཱུྃ༔ ཁྲོ་ཆེན་ཡཀྴ་མེ་དབལ་ནི༔ རྟ་གདོང་གླིང་བཞི་བེ་ཅོན་བསྣམས༔ ཁྱེད་ཀྱི་ཐུགས་དམ་དུས་ལ་བབ༔ དགྲ་བགེགས་བསྒྲལ་བའི་ཕྲིན་ལས་མཛོད༔ ཧཱུྃ༔ ཁྲོ་ཆེན་ཀླུ་བདུད་རྡོ་རྗེ་ནི༔ ཁྱུང་གདོང་རྡོ་རྗེ་མེ་ཞགས་བསྣམས༔ ཁྱེད་ཀྱི་ཐུགས་དམ་དུས་ལ་བབ༔ དགྲ་བགེགས་བསྒྲལ་བའི་ཕྲིན་ལས་མཛོད༔ ཧཱུྃ༔ ཁྲོ་ཆེན་ཚེ་བདག་ནག་པོ་ནི༔ སྦྲུལ་གདོང་རྒྱ་གྲམ་སྦྲུལ་ཞགས་བསྣམས༔ ཁྱེད་ཀྱི་ཐུགས་དམ་དུས་ལ་བབ༔ དགྲ་བགེགས་བསྒྲལ་བའི་ཕྲིན་ལས་མཛོད༔ ཛཿ སྙིང་རྗེས་ཁམས་གསུམ་འགུགས་བྱེད་མ༔ ཟ་བྱེད་པུ་ཤུད་མགོ་བོ་ཅན༔ ཁྱེད་ཀྱི་ཐུགས་དམ་དུས་ལ་བབ༔ དགྲ་བགེགས་བསྒྲལ་བའི་ཕྲིན་ལས་མཛོད༔ ཧཱུྃ༔ བྱམས་པས་ཁམས་གསུམ་འཆིང་བྱེད་མ༔ འཇོམས་བྱེད་ཀང་ཀའི་མགོ་བོ་ཅན༔ ཁྱེད་ཀྱི་ཐུགས་དམ་དུས་ལ་བབ༔ དགྲ་བགེགས་བསྒྲལ་བའི་ཕྲིན་ལས་མཛོད༔ བཾ༔ དགའ་བས་ཁམས་གསུམ་སྡོམ་བྱེད་མ༔ གཏུམ་རྔམས་སྲིན་བྱའི་མགོ་བོ་ཅན༔ ཁྱེད་ཀྱི་ཐུགས་དམ་དུས་ལ་བབ༔ དགྲ་བགེགས་བསྒྲལ་བའི་ཕྲིན་ལས་མཛོད༔ ཧོཿ བཏང་སྙོམས་འཁོར་བ་འཇིགས་མཛད་མ༔ ཟ་བྱེད་ཁྲ་ཡི་མགོ་བོ་ཅན༔ ཁྱེད་ཀྱི་ཐུགས་དམ་དུས་ལ་བབ༔ དགྲ་བགེགས་བསྒྲལ་བའི་ཕྲིན་ལས་མཛོད༔ ཧཱུྃ་ཛཿའཇིགས་བྱེད་ནག་མོའི་བཀའ་ཉན་པ༔ དམ་ཅན་གཤིན་རྗེ་ཆོས་ཀྱི་རྒྱལ༔ སྤྲུལ་འཁོར་དྲུག་ཅུའི་ཚོགས་དང་བཅས༔ ཐུགས་དམ་གཉན་པོའི་དུས་ལ་བབ༔ དགྲ་བགེགས་བསྒྲལ་བའི་ཕྲིན་ལས་མཛོད༔ ཧཱུྃ་ཛཿ ལས་མཁན་མི་སྲུན་དྲག་པོའི་སྐུ༔ ནག་པོ་ཁྲོ་གཏུམ་གླང་ལ་ཞོན༔ འཆི་བདག་ལས་ཀྱི་གཤིན་རྗེ་ཁྱོད༔ ལས་མཁན་བརྒྱད་དང་ཤན་པ་འབུམ༔ ཁྱེད་ཅག་དམ་ཚིག་གཉན་གྱིས་བསྐུལ༔ དོ་ནུབ་དགྲ་བགེགས་བརླག་པར་མཛོད༔ ཧཱུྃ༔ རྡོ་རྗེ་འཇིགས་བྱེད་བཀའ་འཁོར་དང་༔ དེ་ཡི་བཀའ་ཉན་དམ་ཅན་བཅས༔ དམ་ཚིག་གཉན་པོའི་དུས་ལ་བབ༔ ཡིད་ལ་བརྣག་པའི་དགྲ་བགེགས་ལ༔ བརླག་བྱེད་མཚོན་ཐུན་ནད་དུག་ཐོབ༔ ཧཱུྃ༔ ཕུར་བའི་ཐུན་དང་ཡུངས་དཀར་ཐུན༔ ཁྲག་གི་ཐུན་དང་བྲག་མཚེའི་ཐུན༔ དུག་གི་ཐུན་དང་མཚོན་ཆའི་ཐུན༔ མདའ་ཡི་ཐུན་དང་རྡོ་ཡི་ཆར༔ དམར་གྱི་གཏོར་ཐུན་ལ་སོགས་པའི༔ མཚོན་ཐུན་གདུག་པའི་དབལ་ཁ་འདི༔ དམ་ཉམས་ལུས་ངག་ཡིད་ལ་ཕོབ༔ རྡུལ་ཕྲན་བཞིན་དུ་མཱ་ར་ཡ༔ རྡོ་རྗེ་འཁོར་ལོ་རལ་གྲི་དང་༔ དབྱུག་ཏོ་རྒྱ་གྲམ་དགྲ་སྟྭ་འདི༔ དམ་ཉམས་ལུས་ངག་ཡིད་ལ་ཕོབ༔ རྡུལ་ཕྲན་བཞིན་དུ་མཱ་ར་ཡ༔ {{TibChung|རྩ་སྔགས་མཐར༔}} མཱ་ར་ཡ་རྦད༔ ཧཱུྃ༔ ལྕགས་ཕྱེ་ཟངས་ཕྱེ་རྡོ་ཕྱེ་དང་༔ ཡུངས་དཀར་ཡུངས་ནག་ཀེ་ཤངས་མཚེ༔ སྲོག་གཅོད་ལས་ཀྱི་མཚོན་ཐུན་འདི༔ དགྲ་བགེགས་ལུས་ངག་ཡིད་ལ་ཕོབ༔ རྡུལ་ཕྲན་བཞིན་དུ་མཱ་ར་ཡ༔ རྩ་སྔགས་མཐར༔ མཱ་ར་ཡ་རྦད་སོད༔ ཧཱུྃ༔ རྡོ་རྗེ་ཕུར་པ་མཚོན་གྱི་རྒྱལ༔ དགྲ་བགེགས་སྙིང་གི་དཀྱིལ་དུ་གདབ༔ བླ་སྲོག་དོན་སྙིང་ཐམས་ཅད་འཇོམས༔ རྣམ་ཤེས་ཁོང་གསེང་ལམ་ནས་དྲངས༔ དོན་གྱི་འོག་མིན་དབྱིངས་སུ་བསྒྲལ༔ ཁམས་གསུམ་འཁོར་བའི་རྒྱུན་ཐག་ཆོད༔ {{TibChung|རྩ་སྔགས་མཐར༔}} ནྲྀ་ཏྲི་ཤ་ཏྲུཾ་མཱ་ར་ཡ་ཕཊ༔ ཧཱུྃ༔ འཐག་བྱེད་རྡོ་རྗེ་ཐོ་ཆེན་གྱིས༔ བྱང་ཆུབ་ཆེན་པོའི་གཏུན་དུ་བརྡུང་༔ གཉིས་མེད་མཉམ་པ་ཉིད་དུ་སྒྲོལ༔ སངས་རྒྱས་ཆེན་པོར་འུབ་ཆུབ་རོལ༔ {{TibChung|རྩ་སྔགས་མཐར༔}} དགྲ་བགེགས་ཏ་ཐ་ཡ་ཏ་ཐ་ཡ་ཕྱེ་མ་ཕྱེ་མ་རྦད་སོད༔ {{TibChung|དེ་ནས་བསྟབ་པ་ནི༔}} ཧཱུྃ༔ དྲག་པོ་ཆེན་པོ་དྲག་ཤུལ་ཅན༔ ཡ་མཱནྟ་ཀ་ཞལ་ཕྱེས་ཤིག༔ ཡེ་ཤེས་སྒྱུ་འཕྲུལ་དྲྭ་བའི་དབྱིངས༔ སྤྲུལ་འཁོར་ལྷ་ཚོགས་ཞལ་ཕྱེས་ཤིག༔ ལས་ཀྱི་ཕོ་ཉ་ཆེན་པོ་སྟེ༔ ཡ་མ་རཱ་ཙ་ཞལ་ཕྱེས་ཤིག༔ དགྲ་བགེགས་ཤ་ཁྲག་རུས་པ་དང་༔ བླ་སྲོག་དོན་སྙིང་དཀོར་དང་བཅས༔ ཞལ་དུ་བསྟབས་སོ་ལྷག་མེད་རོལ༔ མགུལ་དུ་བསྟིམ་མོ་ཨ་ར་ལི༔ རྗེས་ཤུལ་མེད་པར་བཞེས་ཤིག་རོལ༔ མ་ཧཱ་མཱཾ་ས་རཀྟ་ཙིཏྟ་ཀེཾ་ནི་རི་ཏི་བ་སུ་ཏ་ལ་ཁཱ་ཧི༔ {{TibChung|དང་པོ་བསྙེན་སྒྲུབ་ལས་སྦྱོར་མཐར་ཕྱིན་ཅིང་༔ རིམ་གཉིས་ལམ་ལ་ཡེངས་མེད་བསླབ་གྱུར་ནས༔ ཀློང་དུ་གྱུར་ཚེ་ཞིང་བཅུ་བསྒྲལ་བའི་ལས༔ དྲག་པོ་མངོན་སྤྱོད་ལས་ལ་བརྩོན་པར་བྱ༔ དེས་ནི་དགྲ་བགེགས་ལོག་འདྲེན་ཐམས་ཅད་སྒྲོལ༔ མཐུ་ཡི་གྲགས་པས་ས་སྟེང་ཁྱབ་འགྱུར་རོ༔ དུས་ངན་བདུད་དབང་གྱུར་བའི་སྐྱེས་བུ་འགས༔ བསྐྱེད་རྫོགས་མི་ཤེས་བསྙེན་སྒྲུབ་མི་འབུང་བར༔ ཐོ་ཅོའི་སྤྱོད་པས་དྲག་ལས་སྣ་ཚོགས་བྱེད༔ འགྲུབ་པར་མི་འགྱུར་ཆོས་དང་ལྷ་ལ་སྨོད༔ དེ་ལྟར་མ་བྱེད་པདྨའི་བུ་མཆོག་རྣམས༔ ཚུལ་བཞིན་ཉམས་སུ་ལོངས་དང་འདོད་དོན་འགྲུབ༔ བཀའ་འདི་གནོད་སྦྱིན་ཤན་པ་དམར་ནག་དང་༔ དྲང་སྲོང་གཟའ་བདུད་དུག་གི་སྤུ་གྲིས་སྲུངས༔ དམ་ཉམས་ལག་ཏུ་མ་ཤོར་ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ གསང་རྒྱ༔ བརྡ་ཐིམ༔}} ({{TibChung|བརྡ་ཡིག་}})  {{TibChung|ཞེས་པ་འདི་ནི་ཁྲག་འཐུང་བདུད་འཇོམས་རྡོ་རྗེས་གསེར་སྨད་རྔ་ལ་སྟག་རྩེའི་ཤྭ་བྲག་རྡོ་རྗེ་ནས་བཏོན་ཏེ་མི་ལོ་བཅོ་ལྔའི་བར་དུ་བཀའ་རྒྱ་བྱས་ཏེ་མཐར་སྨར་མདོ་བཀྲ་ཤིས་དགའ་འཁྱིལ་དུ་དག་པར་ཕབ་པའི་ཡི་གེ་པ་ནི་ཀུན་བཟང་དགའ་རབ་བོ། །དགེའོ། །དགེའོ། །དགེའོ།། །།}} }}
</onlyinclude>
{{TsagliCall}}
<headertabs/>