View source for TTDL-ZABTER-15-BA-078

{{Text
|classification=Tibetan Publications
|subclass=Tibetan Texts
|fulltitletib=དག་སྣང་ཡེ་ཤེས་དྲྭ་བ་ལས༔ གནོད་སྦྱིན་ནོར་གྱི་བདག་པོའི་བསྐང་བ་འདོད་འབྱུང་ནོར་བུ༔
|fulltitle=dag snang ye shes drwa ba las: gnod sbyin nor gyi bdag po'i bskang ba 'dod 'byung nor bu:
|citation=Khrag 'thung [[Bdud 'joms gling pa]]. ''Dag snang ye shes drwa ba las gnod sbyin nor gyi bdag po'i bskang ba 'dod 'byung nor bu''. In ''Sprul pa'i gter chen bdud 'joms gling pa'i zab gter gsang ba'i chos sde'', Vol. 15: 327-328. Thimphu, Bhutan: Lama Kuenzang Wangdue, 2004.
|collectiontitletib=བདུད་འཇོམས་གླིང་པ་ཟབ་གཏེར།
|collectiontitle=bdud 'joms gling pa zab gter
|author=bdud 'joms gling pa
|sourcerevealer=bdud 'joms gling pa
|tibgenre=Mending Rituals - bskang chog
|terma=Yes
|deity=gnod sbyin nor bdag
|cycle=dag snang ye shes drwa ba
|cycletib=དག་སྣང་ཡེ་ཤེས་དྲྭ་བ་
|volumenumber=15
|volnumtib=༡༥
|volyigtib=བ
|totalvolumes=21
|textnuminvol=078
|pagenumbers=327-328
|totalpages=2
|beginfolioline=1a1
|endfolioline=1b6
|totalfolios=1
|multivolumework=No
|rectonotes=bskang ba
|versonotes=bdud 'joms srung ma gnod sbyin nor bdag
|colophontib=ཞེས་པ་འདི་ཆེ་མཆོག་གི་ངོར་བདུད་འཇོམས་རྡོ་རྗེས་དག་སྣང་ཡེ་ཤེས་དྲྭ་བ་ལས་ཕབ་པ་ཡོངས་སུ་དགེ་བར་གྱུར་ཅིག །དགེའོ།།
|colophonwylie=zhes pa 'di che mchog gi ngor bdud 'joms rdo rjes dag snang ye shes drwa ba las phab pa yongs su dge bar gyur cig_/dge'o//
|pdflink=File:TTDL-ZABTER-15-BA-078.pdf
|authortib=བདུད་འཇོམས་གླིང་པ་
|sourcerevealertib=བདུད་འཇོམས་གླིང་པ་
|volumeLetter=BA
|InitCategories=Dudjom Tersar Project; TTDL-ZABTER-Volume-15-BA
}}
<h1>Tibetan Text</h1>
<onlyinclude>
{{TibP|༁ྃ༔  དག་སྣང་ཡེ་ཤེས་དྲྭ་བ་ལས༔ གནོད་སྦྱིན་ནོར་གྱི་བདག་པོའི་བསྐང་བ་འདོད་འབྱུང་ནོར་བུ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ ནོར་བདག་སྒྲུབ་པའི་རྣལ་འབྱོར་གྱིས༔ རྟག་ཏུ་ཐུགས་དམ་བསྐང་བ་ཡི༔ ཐབས་ལ་བརྩོན་པ་མཆོག་ཏུ་གལ༔ དེ་ལ་དཀར་དམར་གཏོར་མ་དང་༔ ཆང་སྐྱེམས་འོ་སྐྱེམས་འབྲས་ཆན་རིགས༔ མདོར་ན་བཟའ་བཏུང་འོས་པའི་ཚོགས༔ མཆོད་པའི་རྫས་སུ་རུང་བ་སྟེ༔ སྭ་བྷཱ་ཝ་ཡིས་སྦྱང་ནས་སུ༔ ཨ་མྲི་ཏ་ཡིས་བདུད་རྩིར་བསྒྱུར༔ ཧཱུྃ༔ རང་ཉིད་ལྷར་གསལ་ཐུགས་ཀ་ནས༔ འོད་འཕྲོས་རྒྱལ་བ་སྲས་བཅས་བསྐུལ༔ སྐུ་གསུང་ཐུགས་ཀྱི་བདུད་རྩི་བཅུད༔ ཡིག་འབྲུ་གསུམ་གྱི་རྣམ་པར་བསྡུས༔ མཆོད་པའི་རྫས་དང་དབྱེར་མེད་བསྟིམ༔ བརྡལ་ཁྱབ་སྟོང་པ་ཉིད་དུ་ཞིག༔ རིན་ཆེན་སྣ་ཚོགས་ས་གཞི་ལས༔ བཤམས་པའི་རྫས་དང་སྣང་སྲིད་བཅུད༔ ཚུར་འདུས་ཕྱི་ནང་གསང་མཆོད་སྤྲིན༔ འདོད་ཡོན་ནམ་མཁའ་མཛོད་དུ་སྤེལ༔ ནམ་མཁའ་མཛོད་སྔགས་ལན་གསུམ་མརྗོད༔ ཨོཾ་ཨཱཿཧཱུྃ༔ ཏིང་འཛིན་སྒྱུ་མར་རོལ་པའི་ཆོ་འཕྲུལ་ལས༔ ཕྱི་མཆོད་ཉེར་སྤྱོད་བདུན་དང་རིན་ཆེན་དཀོར༔ བཀྲ་ཤིས་རྫས་རྟགས་རྒྱལ་སྲིད་སྣ་བདུན་དང་༔ རིན་ཆེན་སྣ་བདུན་ལྷ་ཀླུ་མི་ཡི་ནོར༔ ནང་མཆོད་གཟུགས་སྒྲ་དྲི་རོ་རེག་བྱ་ཆོས༔ གསང་མཆོད་སྨན་གཏོར་རཀྟའི་རི་རྒྱ་མཚོ༔ དངོས་སུ་འབྱོར་དང་ཡིད་ཀྱིས་རྣམ་སྤྲུལ་ཏེ༔ འདོད་ཡོན་མི་ཟད་ནམ་མཁའི་གཏེར་ཆེན་འདིས༔ རྒྱལ་ཆེན་རྣམ་ཐོས་སྲས་ཀྱི་ཐུགས་དམ་བསྐང་༔ ཡུམ་མཆོག་དཔལ་གྱི་ལྷ་མོའི་ཐུགས་དམ་བསྐང་༔ བཀའ་སྡོད་ཛམ་ལྷ་རིགས་བཞི་ཐུགས་དམ་བསྐང་༔ སྤྲུལ་པའི་ཕོ་ཉ་བརྒྱད་ཀྱི་ཐུགས་དམ་བསྐང་༔ འཁོར་འབངས་སྡེ་རིས་ཚོགས་ཀྱི་ཐུགས་དམ་བསྐང་༔ ཐུགས་ཀྱི་མི་བཞེད་འགལ་བའི་ལས་ཀུན་བཤགས༔ ཁྱེད་ནི་དུས་གསུམ་རྒྱལ་བའི་ཕྲིན་ལས་དཔལ༔ ཡེ་ནས་རྫོགས་སངས་རྒྱས་ཏེ་སྲིད་ལས་འདས༔ འགྲོ་བ་མགོན་མེད་སྐྱོབ་པའི་ཐབས་མཆོག་དང་༔ དབུལ་ཕོངས་འབྱོར་རྒུད་སེལ་བའི་དངོས་གྲུབ་བདག༔ དགྱེས་པར་དགོངས་ལ་བརྩེ་བའི་ཐུགས་རྗེ་ཡིས༔ མི་མཐུན་ཕྱོགས་དང་མི་འདོད་ཉེར་འཚེའི་ཚོགས༔ དགྲ་བགེགས་གནོད་བྱེད་མ་ལུས་རྡུལ་དུ་རློགས༔ འདོད་རྒུ་དཔལ་གྱི་དངོས་གྲུབ་མྱུར་སྩོལ་ལ༔ མི་ཟད་གཏེར་དུ་བསྒྱུར་ཅིང་སྤེལ་བར་མཛོད༔ རང་དམ་གཉན་པོ་དཔང་དུ་བཙུག་བྱས་ཏེ༔ རྣལ་འབྱོར་བདག་གིས་བཅོལ་བའི་ལས་དེ་དག༔ འབད་མེད་ལྷུན་གྱིས་གྲུབ་པའི་ཕྲིན་ལས་མཛོད༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཞེས་པ་འདི་ཆེ་མཆོག་གི་ངོར་བདུད་འཇོམས་རྡོ་རྗེས་དག་སྣང་ཡེ་ཤེས་དྲྭ་བ་ལས་ཕབ་པ་ཡོངས་སུ་དགེ་བར་གྱུར་ཅིག །དགེའོ།། །།}}
</onlyinclude>
{{TsagliCall}}
<headertabs/>