View source for TTDL-ZABTER-18-TSHA-117

{{Text
|classification=Tibetan Publications
|subclass=Tibetan Texts
|fulltitletib=ཀློང་ཡང་ཁྱབ་བརྡལ་ལྟ་བའི་སོགས་དང་། །ཨེ། འཁོར་འདས་ཀྱི་ཆོས་ཀུན་སོགས་ལྷུན་གྲུབ་རྡོ་རྗེར་གདམས་པ།
|fulltitle=klong yang khyab brdal lta ba'i sogs dang/ /e/ 'khor 'das kyi chos kun sogs lhun grub rdo rjer gdams pa
|citation=Khrag 'thung [[Bdud 'joms gling pa]]. ''Klong yang khyab brdal lta ba'i sogs dang e 'khor 'das kyi chos kun sogs lhun grub rdo rjer gdams pa''. In ''Sprul pa'i gter chen bdud 'joms gling pa'i zab gter gsang ba'i chos sde'', Vol. 18: 437-439. Thimphu, Bhutan: Lama Kuenzang Wangdue, 2004.
|collectiontitletib=བདུད་འཇོམས་གླིང་པ་ཟབ་གཏེར།
|collectiontitle=bdud 'joms gling pa zab gter
|author=bdud 'joms gling pa
|tibgenre=Advice - zhal gdams
|terma=No
|volumenumber=18
|volnumtib=༡༨
|volyigtib=ཚ
|totalvolumes=21
|textnuminvol=117
|pagenumbers=437-439
|totalpages=3
|beginfolioline=219a1
|endfolioline=220a2
|totalfolios=2
|multivolumework=No
|rectonotes=zhal gdams
|versonotes=bdud 'joms gsung mgur skor
|colophontib=* '''First colophon:''' བདུད་འཇོམས་པས་སོ།།
* '''Second colophon:'''  ཅེས་བདུད་འཇོམས་པས་སྨྱོ་གླུ་ཉུང་བསྡུས་གཏིང་ཟབ་པ་ཀུན་གྱིས་རྟོགས་པར་དཀའ་བ་ལྷུན་གྲུབ་རྡོ་རྗེའི་ངོར་སྨྲས་པ་ཡོངས་སུ་དགེ་བར་གྱུར་ཅིག །དགེའོ། །སརྦ་མངྒ་ལཾ།།
|colophonwylie=* '''First colophon:''' bdud 'joms pas so//
* '''Second colophon:'''  ces bdud 'joms pas smyo glu nyung bsdus gting zab pa kun gyis rtogs par dka' ba lhun grub rdo rje'i ngor smras pa yongs su dge bar gyur cig_/dge'o/_/sarba mang+ga laM//
|pdflink=File:TTDL-ZABTER-18-TSHA-117.pdf
|authortib=བདུད་འཇོམས་གླིང་པ་
|volumeLetter=TSHA
|InitCategories=Dudjom Tersar Project; TTDL-ZABTER-Volume-18-TSHA
}}
<h1>Tibetan Text</h1>
<onlyinclude>
{{TibP|༄༅།   །ཀློང་ཡངས་ཕྱམ་བརྡལ་ལྟ་བའི་ཀློང་། །རྒྱུན་ཆད་མེད་པ་སྒོམ་པའི་ཀློང་། །བླང་དོར་བྲལ་བ་སྤྱོད་པའི་ཀློང་། །ཆོས་སྐུ་གཅིག་ཆར་གྱི་བདག་ཉིད་ཡིན། །ངོ་བོ་ཀ་དག་ཆོས་ཀྱི་སྐུ། །རང་བཞིན་འགགས་མེད་ལོངས་སྤྱོད་རྫོགས། །ཐུགས་རྗེ་ཕྱོགས་བྲལ་སྤྲུལ་པའི་སྐུ། །སྐུ་གསུམ་གཅིག་ཆར་སྐུ་བཞིའི་བདག །གཞི་ཀ་དག་ཡེ་སངས་རྒྱས་པ་ཡིན། །ལམ་མ་བཅོས་ལྷུན་གྲུབ་རྫོགས་པ་ཡིན། །འབྲས་བུ་རང་ཀློང་རང་སད་ཡིན། །གཞི་དང་ལམ་དང་འབྲས་བུ་གསུམ། །ངོ་བོ་ཆོས་སྐུའི་ཀློང་དུ་གཅིག །འགྲོ་དྲུག་སེམས་ཅན་ཐམས་ཅད་ལ། །འདི་གསུམ་གཤིས་ལ་ཡེ་ནས་གྲུབ། །གཞི་དབྱིངས་མ་རིག་མལ་དུ་དུབ། །ཀུན་གཞི་ཞེས་བྱ་འཁྲུལ་པའི་གཞི། །དཔེར་ན་ཆུ་དང་ཆབ་རོམ་འདྲ། །སངས་རྒྱས་པའི་ཡེ་ཤེས་ཆུ་དང་འདྲ། །ཉོན་མོངས་དང་ནི་ཡེ་ཤེས་གཉིས། །དཔེར་ན་རྒྱ་མཚོའི་ཆུ་དང་འདྲ། །ཡེ་ཤེས་དྭངས་པའི་ཆུ་དང་འདྲ། །ཉོན་མོངས་རྙོགས་མའི་ཆུ་དང་འདྲ། །སེམས་དང་རིག་པ་གཉིས་པོ་འདི། །དཔེར་ན་ནམ་མཁའ་སྟོང་པ་འདྲ། །ཉི་མ་ཤར་དང་མ་ཤར་ཁྱད། །ཉིན་མོ་ལྟ་བུའི་རིག་པ་ལ། །མཚན་མོ་ལྟ་བུའི་སེམས་ཉིད་ཡིན། །ཀུན་གཞི་ཆོས་སྐུ་དེ་དང་མཚུངས། །ཀུན་གཞི་མུན་ཁམས་ལྟ་བུ་ལ། །ཆོས་སྐུ་ཉིན་མོ་ལྟ་བུའོ། །སྐུ་གསུམ་ཆོས་སྐུ་གཅིག་འཆར་འདི། །དཔེར་ན་གློག་འོད་ནམ་མཁའ་འདྲ། །སྟོང་པར་བརྟེན་ནས་གློག་འབྱུང་ཞིང་། །གློག་ལ་བརྟེན་ནས་འོད་སྣང་ངོ་། །དེ་བཞིན་ཆོས་སྐུ་གཏིང་གསལ་ལས། །མ་འགགས་ལོངས་སྤྱོད་རྫོགས་སྐུར་སྣང་། །ལོངས་སྐུ་ལ་བརྟེན་སྤྲུལ་སྐུ་སྣང་། །སྐུ་གསུམ་གཅིག་དྲིལ་ཆོས་སྐུ་ཡིན། །བདུད་འཇོམས་པས་སོ།།  ༈    ཨཻ།  འཁོར་འདས་ཀྱི་ཆོས་ཀུན་དག་མཉམ་གྱི་རོལ་པར། །ཀ་དག་གི་ཡེ་གཞི་ཀུན་བཟང་མོར་དེ་ག །མངོན་གྱུར་གྱི་ངང་དུ་བསམ་མེད་དུ་གནས་ན། །གཞི་ལམ་དང་འབྲས་བུ་གཅིག་རྫོགས་ཀྱི་ཆོས་ཉིད། །རྫོགས་ཆེན་གྱི་རང་ལམ་དེ་ལས་ཀྱང་གཞན་མེད། །མ་རིག་པའི་སྒོང་རྒྱའི་མུན་པ་དེ་ཁྲོལ་ནས། །ཀུན་ཁྱབ་ཀྱི་ཡེ་ཤེས་འོད་གསལ་གྱི་ཉི་གཞོན། །རྩོལ་མེད་དང་བཅོས་མེད་རང་གསལ་དུ་རྡོལ་ཚེ། །གཞི་ཉིད་ནི་ཟང་ཐལ་སྤྲོས་བྲལ་གྱི་རང་བཞིན། །ལམ་ཉིད་ནི་ཟང་ཐལ་འཁོར་འདས་ཀུན་འུབ་ཆུབ། །མ་བྱུང་སྔར་མ་བྱུང་ཕྱི་ནས་ཀྱང་མི་འབྱུང་། །ད་ལྟ་ནི་མ་བྱུང་རང་གནས་ཀྱི་ཡེ་ཤེས། །རང་ཐོག་ཏུ་རང་ས་འཛིན་པའི་རང་གདེང་དེ་རྙེད་ཚེ། །རང་ངོ་རུ་རང་སངས་རྒྱས་པའི་རྫོགས་ཆེན་དེ་ལོས་ཡིན། །ཅེས་བདུད་འཇོམས་པས་སྨྱོ་གླུ་ཉུང་བསྡུས་གཏིང་ཟབ་པ་ཀུན་གྱིས་རྟོགས་པར་དཀའ་བ་ལྷུན་གྲུབ་རྡོ་རྗེའི་ངོར་སྨྲས་པ་ཡོངས་སུ་དགེ་བར་གྱུར་ཅིག །དགེའོ། །སརྦ་མངྒ་ལཾ།། །།}}
</onlyinclude>
{{TsagliCall}}
<headertabs/>