https://dudjom.tsadra.org/index.php?action=history&feed=atom&title=TNR-SUNGBUM-01-OM-006-016 2026-11-10T04:15:25Z Revision history for this page on the wiki MediaWiki 1.43.9 https://dudjom.tsadra.org/index.php?title=TNR-SUNGBUM-01-OM-006-016&diff=27179&oldid=prev 2026-11-10T02:42:30Z

<p></p> <table style="background-color: #fff; color: #202122;" data-mw="interface"> <col class="diff-marker" /> <col class="diff-content" /> <col class="diff-marker" /> <col class="diff-content" /> <tr class="diff-title" lang="en"> <td colspan="2" style="background-color: #fff; color: #202122; text-align: center;">← Older revision</td> <td colspan="2" style="background-color: #fff; color: #202122; text-align: center;">Revision as of 21:42, 9 November 2026</td> </tr><tr><td colspan="2" class="diff-lineno" id="mw-diff-left-l17">Line 17:</td> <td colspan="2" class="diff-lineno">Line 17:</td></tr> <tr><td class="diff-marker"></td><td style="background-color: #f8f9fa; color: #202122; font-size: 88%; border-style: solid; border-width: 1px 1px 1px 4px; border-radius: 0.33em; border-color: #eaecf0; vertical-align: top; white-space: pre-wrap;"><div>|authortib=ཕྲིན་ལས་ནོར་བུ་</div></td><td class="diff-marker"></td><td style="background-color: #f8f9fa; color: #202122; font-size: 88%; border-style: solid; border-width: 1px 1px 1px 4px; border-radius: 0.33em; border-color: #eaecf0; vertical-align: top; white-space: pre-wrap;"><div>|authortib=ཕྲིན་ལས་ནོར་བུ་</div></td></tr> <tr><td class="diff-marker"></td><td style="background-color: #f8f9fa; color: #202122; font-size: 88%; border-style: solid; border-width: 1px 1px 1px 4px; border-radius: 0.33em; border-color: #eaecf0; vertical-align: top; white-space: pre-wrap;"><div>|volumeLetter=OM</div></td><td class="diff-marker"></td><td style="background-color: #f8f9fa; color: #202122; font-size: 88%; border-style: solid; border-width: 1px 1px 1px 4px; border-radius: 0.33em; border-color: #eaecf0; vertical-align: top; white-space: pre-wrap;"><div>|volumeLetter=OM</div></td></tr> <tr><td class="diff-marker" data-marker="−"></td><td style="color: #202122; font-size: 88%; border-style: solid; border-width: 1px 1px 1px 4px; border-radius: 0.33em; border-color: #ffe49c; vertical-align: top; white-space: pre-wrap;"><div>|InitCategories=Dudjom Tersar Project; TNR-SUNGBUM-Volume-01-OM</div></td><td class="diff-marker" data-marker="+"></td><td style="color: #202122; font-size: 88%; border-style: solid; border-width: 1px 1px 1px 4px; border-radius: 0.33em; border-color: #a3d3ff; vertical-align: top; white-space: pre-wrap;"><div><ins style="font-weight: bold; text-decoration: none;">|pdflink=TNR-SUNGBUM-01-OM-006-016.pdf</ins></div></td></tr> <tr><td colspan="2" class="diff-side-deleted"></td><td class="diff-marker" data-marker="+"></td><td style="color: #202122; font-size: 88%; border-style: solid; border-width: 1px 1px 1px 4px; border-radius: 0.33em; border-color: #a3d3ff; vertical-align: top; white-space: pre-wrap;"><div>|InitCategories=Dudjom Tersar Project; TNR-SUNGBUM-Volume-01-OM <ins style="font-weight: bold; text-decoration: none;">; TNR-SUNGBUM-01-OM-006</ins></div></td></tr> <tr><td class="diff-marker"></td><td style="background-color: #f8f9fa; color: #202122; font-size: 88%; border-style: solid; border-width: 1px 1px 1px 4px; border-radius: 0.33em; border-color: #eaecf0; vertical-align: top; white-space: pre-wrap;"><div>}}</div></td><td class="diff-marker"></td><td style="background-color: #f8f9fa; color: #202122; font-size: 88%; border-style: solid; border-width: 1px 1px 1px 4px; border-radius: 0.33em; border-color: #eaecf0; vertical-align: top; white-space: pre-wrap;"><div>}}</div></td></tr> <tr><td class="diff-marker"></td><td style="background-color: #f8f9fa; color: #202122; font-size: 88%; border-style: solid; border-width: 1px 1px 1px 4px; border-radius: 0.33em; border-color: #eaecf0; vertical-align: top; white-space: pre-wrap;"><div>&lt;h1&gt;Tibetan Text&lt;/h1&gt;</div></td><td class="diff-marker"></td><td style="background-color: #f8f9fa; color: #202122; font-size: 88%; border-style: solid; border-width: 1px 1px 1px 4px; border-radius: 0.33em; border-color: #eaecf0; vertical-align: top; white-space: pre-wrap;"><div>&lt;h1&gt;Tibetan Text&lt;/h1&gt;</div></td></tr> <!-- diff cache key wiki:diff:1.41:old-26964:rev-27179:php=table --> </table>

Mort https://dudjom.tsadra.org/index.php?title=TNR-SUNGBUM-01-OM-006-016&diff=26964&oldid=prev 2026-11-10T01:01:46Z

<p>New collection pages (Thinley Norbu gsung &#039;bum / Dudjom gsung thor bu)</p> <p><b>New page</b></p><div>{{Text<br /> |classification=Tibetan Publications<br /> |subclass=Tibetan Texts<br /> |fulltitletib=སྦས་ཡུལ་ཆོས་ནོར་དམ་རྫས་ལ་སོགས་པ།<br /> |fulltitle=sbas yul chos nor dam rdzas la sogs pa<br /> |citation=[[Norbu, Thinley|Thinley Norbu]]. &#039;&#039;Sbas yul chos nor dam rdzas la sogs pa&#039;&#039;. In &#039;&#039;Phrin las nor bu&#039;i gsung &#039;bum&#039;&#039;, Vol. 1.<br /> |collectiontitletib=ཕྲིན་ལས་ནོར་བུའི་གསུང་འབུམ།<br /> |collectiontitle=phrin las nor bu&#039;i gsung &#039;bum<br /> |author=Norbu, Thinley<br /> |language=Tibetan<br /> |volumenumber=01<br /> |volnumtib=༡<br /> |volyigtib=ཨོཾ<br /> |totalvolumes=3<br /> |textnuminvol=006<br /> |textsubnumber=016<br /> |authortib=ཕྲིན་ལས་ནོར་བུ་<br /> |volumeLetter=OM<br /> |InitCategories=Dudjom Tersar Project; TNR-SUNGBUM-Volume-01-OM<br /> }}<br /> &lt;h1&gt;Tibetan Text&lt;/h1&gt;<br /> &lt;onlyinclude&gt;<br /> {{TibP|༄༅། །སྦས་ཡུལ་ཆོས་ནོར་དམ་རྫས་ལ་སོགས་པ། །ངོ་མཚར་གནས་གཏེར་བརྒྱ་རྩའི་མངའ་བདག་ཆེ། །ས་བཅུའི་དབང་ཕྱུག་གྲུབ་པའི་འཁོར་ལོས་སྒྱུར། །ཁྲག་འཐུང་བདུད་འདུལ་རྡོ་རྗེར་གསོལ་བ་འདེབས། །ཨོ་རྒྱན་དུས་གསུམ་མཁྱེན་པས་གཙོས་པའི་རིག་འཛིན་མཁའ་འགྲོ་གྲུབ་པ་རྒྱ་མཚོས་ཕྱིས་འབྱུང་སྐལ་ལྡན་སྒྲུབ་པ་པོ་རྣམས་ཀྱི་དོན་དུ་ལུང་དུ་བསྟན་པའི་སྐུ་གསུང་ཐུགས་ཡོན་ཏན་ཕྲིན་ལས་མི་ཟད་རྒྱན་འཁོར་ལྔ་ཡི་ཞིང་ཁམས་ཀྱི་བྱེ་བྲག་སྦ༵ས་པའི་ཡུལ༵་ལྗོང་རྣམས་སུ་གཤེགས་ཏེ་རྒྱལ་རྣམས་དགྱེས་པ་བསྐྱེད་པའི་སྒྲུབ་ལ་བརྩོན་ཞིང་རབ་ཏུ་གནས་པའི་མེ་ཏོག་འཐོར་བ་དང་། ལས་ཅན་གྱི་གདུལ་བྱ་འདུལ་བར་བབས་པའི་དུས་ལས་མི་ཡོལ་བར་བྱ་བའི་སླད་དུ་གནས་སྒོ་ལ་ལ་གསར་དུ་འབྱེད་པ། རྩ་གསུམ་ཆོས་སྲུང་ཞི་ཁྲོ་རབ་འབྱམས་བླ་རྫོགས་ཐུགས་གསུམ་མན་ངག་ལས་ཚོགས་དང་བཅས་པའི་ཆོ༵ས་སྐོར་ཅི་རིགས་པ་གཏེར་ནས་བཞེས་ཤིང་། བདེ་སྐྱིད་ཀྱི་གཞི་མ་ཚེ་བསྲིང་བའི་ཐབས་དང་། ཐུན་མོང་འཇིག་རྟེན་པའི་སྐྱེ་རྒུ་རྣམས་ཟང་ཟིང་མཐུན་རྐྱེན་གྱིས་ཕོངས་པའི་སྡུག་བསྔལ་ལས་སྐྱོབ་པའི་ནོར་གྱི་གཏེར། ཐུན་མིན་ཐར་པ་དོན་གཉེར་ཅན་རྣམས་ལ་མེད་དུ་མི་རུང་བའི་འཕགས་པའི་ནོ༵ར་བདུན་གྱི་ཆོས། གདུལ་བྱ་དབང་པོ་རྟུལ་པོ་ཐོས་བསམ་དང་སྒོམ་སྒྲུབ་བྱེད་པ་ལ་དཀའ་ཚེགས་ཀྱི་ཚོར་བས་གདུངས་པ་རྣམས་ལ་མྱོང་བ་ཙམ་གྱིས་གྲོལ་བ་མྱང་གྲོལ་སྟོང་རྩས་གཙོས་པའི་གྲོལ་བ་བཞི་ལྡན་གྱི་དམ༵་རྫས༵་ལ༵་སོ༵གས་པ༵་སྟེ་མདོར་ན་སོ་སོའི་སྐྱེ་བོའི་བློ་ཡུལ་ལས་འདས་པའི་ངོ༵་མཚ༵ར་བའི་གན༵ས་ཁྱད་པར་དུ་འཕགས་པ་དང་། གཏེ༵ར་རིགས་བཅོ་བརྒྱད་ཀྱིས་མཚོན་པའི་གཏེར་གྱི་རིགས་བྱེད་བརྒྱ༵་རྩ༵འི་རིགས་ལ་གཞན་དྲིང་དུ་མི་འཇོག་པར་རང་དབང་ཉིད་དུ་མང༵འ་དབང་བསྒྱུར་བའི་བདག༵་ཉིད་ཆེ༵་སྟེ། ས༵་བཅུ༵འི་དབ༵ང་ཕྱུག༵་རིག་འཛིན་གྲུབ༵་པ༵འི་འཁོ༵ར་ལོ༵ས་སྒྱུར༵་བ་མེད་བཞིན་དུ་སྣང་བའི་སྒྱུ་མའི་སྣང་བ་ལ་མངོན་སུམ་དུ་བདེན་ཞེན་སྐྱེས་ཏེ་ཆགས་པའི་སྲིད་པ་ཁམས་གསུམ་འཁོར་བའི་ཁྲག༵ འཁོར་བའི་དགྲ་ཆེན་བདག་མེད་གནས་ལུགས་ཀྱི་ངང་དུ་བསྒྲལ་ནས་མཉམ་པ་ཉིད་ཀྱི་ངང་དུ་རོལ་པ་སྟེ་འཐུང༵་ཞིང་། བདུ༵ད་བཞི་སྐུ་བཞིའི་དབྱིངས་སུ་འདུ༵ལ་བའི་སྟོང་ཆེན་ཆོས་སྐུ་ཡེ་ཤེས་ཀྱི་རྡོ༵་རྗེ༵་སྟེ་དེ་ལ༵་གསོ༵ལ་བ༵་འདེ༵བས་སོ། །དེ་ཡང་ས་བཅུའི་དབང་ཕྱུག་ཅེས་ཐེག་པ་ཆེན་པོ་བྱང་ཆུབ་སེམས་དཔའི་ལམ་གྱི་མཐར་ཐུག་ལྟར་ན་ཆོས་ཀྱི་སྤྲིན་ཏེ་ཡེ་ཤེས་ཀྱི་ཕ་རོལ་དུ་ཕྱིན་པ་ལ་ཤས་ཆེར་སྤྱོད་པས་ཐེག་པ་སྣ་ཚོགས་ཀྱི་ཆོས་ཆར་ཕབ་ནས་སེམས་ཅན་སྣ་ཚོགས་པའི་དོན་བྱེད་ནུས་པ་ལ་དབང་ཕྱུག་པ་དང་། གྲུབ་པའི་འཁོར་ལོས་སྒྱུར་ཞེས་སྔགས་ལམ་ལྟར་ན་ཕྱག་རྒྱའི་རིག་འཛིན་ནམ་ལྷུན་གྲུབ་རིག་འཛིན་ལ་སྦྱར་དུ་རུང་བ་སྟེ། མདོ་སྔགས་གཉིས་གང་རུང་གི་ལམ་གང་ལྟར་སྦྱར་ཡང་གཞན་སྣང་གདུལ་བྱའི་དོན་དུ་སྣང་བ་ལ་གོ་དགོས་ཤིང་། དོན་ལ་སངས་རྒྱས་གཉིས་པ་པདྨའི་རྣམ་རོལ་དུ་གོ་དགོས་སོ། །དེ་ཡང་འབྲོག་བན་ཁྱེའུ་ཆུང་ལོ་ཙཱའི་སྐྱེས་མཐའ་གཏེར་སྟོན་རིག་འཛིན་ཆེན་པོ་བདུད་འདུལ་རྡོ་རྗེ་འདི་ནི། སྔོན་གྱི་གཏེར་སྙིང་བཅུ་གསུམ་ཙམ་ནས་ལུང་བསྟན་ཤིན་ཏུ་གསལ་བ་ལྟར། མདོ་ཁམས་སྡེ་དགེ་ཆོས་རྒྱལ་ཆེན་པོའི་རྒྱལ་ཁབ་དང་ཉེ་བའི་དངུལ་ཕུ་ནང་དུ་གྲགས་པའི་སྲིབ་ཕྱོགས་སུ་ཡབ་གླིང་གི་རིགས་འཚོ་བྱེད་མཁས་པ་ཀླུ་སྐྱབས་དང་། ཡུམ་བོ་ལུ་མ་ཞེས་པའི་སྲས་སུ་ཤིང་མོ་ཡོས་ཀྱི་ལོ་ལ་འཁྲུངས། ཡབ་ལས་ཡི་གེ་འབྲི་ཀློག་དང་གསོ་དཔྱད་སོགས་སྦྱངས་བདར་མཛད། དགུང་ལོ་དྲུག་པ་ནས་དག་པའི་སྣང་བ་མང་པོ་ཤར། ཆུང་ངུའི་དུས་ནས་དཔལ་ལྷུན་གྲུབ་སྟེང་གི་ཆོས་གྲྭར་ཞུགས། རིག་འཛིན་རྒོད་ལྡེམ་ཅན་གྱི་རྣམ་འཕྲུལ་སྡེ་དགེ་གྲུབ་ཐོབ་ཀུན་དགའ་རྒྱ་མཚོ་ལ་གཙུག་ཕུད་ཕུལ། མཚན་ཀུན་དགའ་བསོད་ནམས་ཆོས་འཕགས་སུ་གསོལ། ཕ་ཝང་ཞིག་ལ་ཞབས་རྗེས་བྱོན་པ་ད་ལྟའང་འདུ་ཁང་ཆེན་པོའི་ཤར་སྒོའི་རྒྱབ་ཏུ་ཡོད། དཔལ་ས་སྐྱ་བའི་གཞུང་ལ་བསླབ་སྦྱང་གསན་བསམ་ཅི་རིགས་མཛད་པའི་སྐབས་སྙིང་པོ་ཡེ་ཤེས་ཀྱི་དོན་ཚོལ་བ་ལ་སྐོམ་པ་ཆུ་འདོད་པ་ལྟར་གྱུར་པས་རྨུག་སངས་ཀྱི་སྒྲུབ་གནས་སུ་བྱོན། འདྲེན་པ་དཀོན་མཆོག་རྒྱལ་མཚན་ལས་རྫོགས་པ་ཆེན་པོ་སོགས་ཟབ་ཆོས་མང་དུ་གསན་ཅིང་ཐུགས་ཉམས་སུ་བཞེས་པས་རྟོགས་པའི་ཀློང་བརྡོལ། དེ་ནས་དབུས་ཕྱོགས་སུ་ཕེབས། ཉང་པོ་གྲུབ་ཆེན་བཀྲ་ཤིས་ཚེ་བརྟན་དང་མཇལ། སྨིན་གྲོལ་གྱི་གདམས་པ་མང་དུ་གསན། བྲག་དཀར་ལྷ་ཆུང་དུ་ཁམས་ཟས་སྤངས་ཏེ་བཅུད་ལེན་ཁོ་ནས་ཟབ་ལམ་རྩ་རླུང་ཐིག་ལེའི་རྣལ་འབྱོར་མཐར་ཕྱིན་པར་མཛད། དང་པོའི་ཆོས་སྒོར་ཞུགས་པའི་རྟེན་འབྲེལ་གྱིས་གཙང་ས་ངོར་མན་ཆད་དུ་བྱོན་ནས་གསུང་ངག་ལམ་འབྲས་སོགས་གསན། སླར་ཕྱིར་བྱོན་སྐབས་ཀོང་པོ་བང་རིར་རིག་འཛིན་ཆེན་པོ་འཇའ་ཚོན་སྙིང་པོའི་ཞབས་ལ་གཏུགས་ནས་དབང་ཁྲིད་མན་ངག་རྫོགས་པར་གསན། ལྷག་པར་འདིའི་སྐབས་ས་གཏེར་གྱི་སྐལ་བ་ཅན་དུ་ལུང་བསྟན་པ་ལྟར། སྤུ་བོར་བྱོན་ཏེ་ཕོ་བྲང་གཡུ་མཚོར་རཏ་གླིང་ཕུར་པ་ཡང་གསང་བླ་མེད་ཀྱི་སྒྲུབ་པ་ལ་བརྩོན་པའི་ཚེ་མནལ་ལམ་དུ་ཟངས་མདོག་དཔལ་རིར་མཁའ་འགྲོ་མ་རྣམས་ཀྱིས་གདན་དྲངས་ནས་ཞག་ཉེར་བརྒྱད་བཞུགས་པའི་ཐུགས་ཉམས་དང་། གུ་རུ་རིན་པོ་ཆེ་ལས་སྨིན་གྲོལ་རྫོགས་པར་གསན་ཅིང་གཏེར་གྱི་ལུང་བསྟན་བསྩལ་བ་སོགས་རྗེ་རང་གི་གསུང་དག་སྣང་དབང་གི་རྒྱལ་པོར་གསལ། དཔལ་ཨོ་རྒྱན་བསྟན་འཛིན་མཇལ་དུ་བྱོན་པས་མཚན་ལམ་ལ་དཔག་སྟེ་ཐུགས་ཤིན་ཏུ་དགྱེས་པས་བསྙེན་བཀུར་ཕུན་སུམ་ཚོགས་པ་དང་བཅས་རྡོ་རྗེ་སློབ་དཔོན་དུ་མངའ་གསོལ་བ་གནང་། རྟེན་སྔགས་འཆང་རྡོ་རྗེ་འཛིན་པ་ཆེན་པོའི་ཚུལ་དུ་བཞུགས། ཟབ་གཏེར་གྱི་ཐོག་མ་ཁ་བྱང་ཕྱག་ཏུ་བྱུང་བ་དང་བསྟུན། དགུང་ལོ་ཉེར་དགུ་པར་རིགས་ལྡན་པདྨ་སྐྱིད་ལས་རྒྱར་བསྟེན་ནས་གཡུ་མཚོ་རིན་ཆེན་བྲག་ནས་ཁ་བྱང་དང་། སྤུ་བོ་འདོང་ཆུ་བདེ་ཆེན་གསང་བ་ཕུག་ནས་དམ་ཆོས་དགོངས་པ་ཡོངས་འདུས་ཀྱི་སྐོར་རྣམས་སྤྱན་དྲངས་ཤིང་ཉིད་ཀྱི་ཟབ་གཏེར་གྱི་གཙོ་བོ་ཡིན་པས། ཕྱིས་སུ་བཞེས་པ་ཐམས་ཅད་དེའི་ཡན་ལག་ཡིན་པར་གསུངས། དེ་ནས་རིམ་བཞིན། ཚ་བ་སྒྲོ་བྲག་ནས་དམ་ཆོས་སྤྲུལ་སྐུ་སྙིང་ཐིག་བཀའ་སྲུང་ཞིང་སྐྱོང་དང་བཅས་པ། སྤུ་རི་དྭགས་རྫོང་ཕུག་ནས། ཟབ་དོན་གསང་བ་སྙིང་ཐིག །དཔལ་བདེ་མཆོག །བཀའ་སྲུང་ཕྱག་བཞི་པའི་སྐོར་དང་བཅས་པ། སྤུ་རི་ཤེལ་གྱི་ཡང་སྒྲོམ་ནས། སྙིང་ཐིག་ཚེ་གཡང་ཕུར་གསུམ་དྲིལ་སྒྲུབ་སྒོས་སྒྲུབ་དང་བཅས་པ། སྲུང་མ་ཨེ་ཀ་ཛཱ་ཊི་དང་རང་བྱུང་རྒྱལ་མོའི་སྐོར། སྤུ་བོ་མདུང་ཆུའི་བྱང་ངོས་ཀྱི་བྲག་ནས་སྦས་ཡུལ་པདྨོ་བཀོད་པའི་གནས་ཡིག །མདོ་ཁམས་སྡེ་དགེའི་ས་གནས་ཁྲོ་རི་ཟིལ་ཁྲོམ་དཀར་ཡག་ནས་ཡི་དམ་དམར་ནག་འཇིགས་གསུམ་གྱི་སྐོར་རྣམས་སྤྱན་དྲངས་པ་ལས། འཇམ་དཔལ་ཞི་སྒྲུབ་ཀྱི་སྐོར་རྣམས་ཞལ་བཤུས་པ་ལས་གཞན་གཏན་ལ་ཕབས་པ་མི་སྣང་། བྱ་ཕུ་ལྕགས་ཕུར་ཅན་ནས་དཔལ་མགོན་གདོང་བཞིའི་སྐོར་དང་ལྷ་ཆེན་སྒྲུབ་སྐོར། བསམ་ཡས་དབུ་རྩེའི་སྟེང་ཁང་ནས་བླ་མ་རིག་འཛིན་འདུས་པ། ཚེ་སྒྲུབ་ཚ་བ་དམར་ཐག་བཀའ་སྲུང་ཞང་བློན་དང་སྤོམ་རའི་སྐོར། ར་ས་འཕྲུལ་སྣང་གློ་འབུར་ནུབ་ཀྱི་སྟེང་ཁང་ནས་སྙན་བརྒྱུད་གཙུག་རྒྱན་ཡིད་བཞིན་ནོར་བུའི་སྐོར་རྣམས་སྤྱན་དྲངས་ནའང་གཏན་ལ་འབེབས་པར་མ་མཛད་པར་མངོན། སྤུ་བོའི་བདུད་རི་གནམ་ལྕགས་འབར་བ་ནས་སྒྱུ་འཕྲུལ་ཞི་ཁྲོ་དང་བཀའ་བརྒྱད་སྐོར་བཀའ་སྲུང་བཅས། ར་ཙག་རྡོའི་མཆོད་རྟེན་ནས་དཔལ་མགོན་སྟག་ཞོན་སྐོར་རྣལ་འབྱོར་པ་དུང་ཕྲེང་ཅན་གྱིས་བཏོན་ནས་ཕྱག་ཏུ་ཕུལ་བ་དང་། གཞན་ཡང་གཡུ་མཚོ་གཤིན་རྗེའི་དོང་ཁ། རིག་འཛིན་གསང་ཕུག །བསེ་ར་ཅོག །ན་བུན་རྫོང་། རྟ་ཤོད་དཀྱིལ་འཁོར་ཐང་སོགས་ནས་སྔ་ཕྱིར་ཟབ་གཏེར་མང་དུ་སྤྱན་དྲངས་པ་གཏེར་འབྱུང་ལས་གསལ། སྦས་ཡུལ་པདྨ་བཀོད་ཀྱི་གཙོས་མཐའ་དབུས་ཀྱི་གནས་ཆེན་མང་པོའི་སྒོ་ཕྱེས། གོང་གི་གཏེར་ཁ་རྣམས་དང་ལྷན་དུ་སྐུ་ཚབ་དང་ཕྱག་མཚན་དམ་རྫས་ཀྱི་རིགས་བསམ་གྱིས་མི་ཁྱབ་པ་སྤྱན་དྲངས། མདོར་ན་གནས་གཏེར་བརྒྱ་རྩ། མྱོང་གྲོལ་སྟོང་རྩ་སོགས་ཀྱི་བཀའ་བབ་ཏུ་གསུངས་པ་ལྟར་ཕལ་ཆེར་མངོན་དུ་གྱུར། དགུང་ལོ་ཞེས་གཉིས་པར་སྡེ་དགེ་བླ་མ་བྱམས་པ་ཕུན་ཚོགས་ཁུ་དབོན་གྱིས་གདན་དྲངས། རྗེ་ཉིད་སྔར་བཞུགས་ཀྱི་གྲྭ་ཁང་དུ་བདུད་འདུལ་ལྷ་ཁང་དུ་གྲགས་པ་བཞེངས་ནས་བསྟན་སྲིད་ལ་ཕན་པའི་ལུང་དོན་སྒྲུབ། ཀཿཐོག་རྡོ་རྗེ་གདན་ཡན་སྔ་འགྱུར་རྙིང་མའི་གདན་ས་རྣམས་སུ་ཞབས་བཀོད་ནས་སྐལ་ལྡན་གྱི་སློབ་མ་མང་པོ་རྗེས་སུ་བཟུང་། འཛིང་རྣམ་རྒྱལ་དང་ཉེ་བའི་ནོབས་ཀྱི་ཕུ་སྟག་ཕུ་བྲག་རིང་དུ་རྒྱུན་རིང་ཙམ་བཞུགས་ཤིང་ཐུགས་དམ་མཛད་པའི་གཟིམས་སྤྱིལ་ད་ལྟའང་ཡོད། གླིང་ཚང་དུ་ཕྱག་ཕེབས་ནས་གླིང་དཔོན་པོ་དང་ཡོན་མཆོད་རྟེན་འབྲེལ་ལེགས་པར་འགྲིགས། ཐུགས་རྗེ་ཆེན་པོ་ནམ་མཁའི་རྒྱལ་པོའི་བུམ་སྒྲུབ་མཛད་སྐབས་རྟགས་མཚན་ངོ་མཚར་བསམ་ལས་འདས་པ་བྱུང་བའི་སྒྲུབ་རྒྱུན་ད་ལྟའང་མཆིས། སྨར་ཁམས། སྒ་སྟོད། བར་མ་ལྷ་སྟོང་། རི་བོ་ཆེ་སོགས་སུ་རིམ་པར་གདན་དྲངས་པ་ལྟར་ཕེབས། བསྟན་འགྲོའི་དོན་མཐའ་ཡས་པ་མཛད། ཁྱད་པར་སྤོར་ཤེ་བྲག་ཏུ་གནམ་ཆོས་མི་འགྱུར་རྡོ་རྗེ་དང་མཇལ་འཛོམ་ཆོས་གསན་རེས་སོགས་རྟེན་འབྲེལ་ལེགས་པར་འགྲིགས། དེ་དག་གི་མཚམས་སྦྱོར་གྲུབ་ཆེན་ཀརྨ་ཆགས་མེད་ཀྱིས་མཛད་ནས་བསྔགས་བརྗོད་ཀྱི་མེ་ཏོག་འཐོར། ཆོས་བདག་གི་གཙོ་བོ་ལྷ་བཙུན་ཆེན་པོ་ནམ་མཁའ་འཇིགས་མེད། རིག་འཛིན་ཀློང་གསལ་སྙིང་པོ། རྦ་ཁ་སྤྲུལ་སྐུ་ཆོས་ཀྱི་རྒྱ་མཚོ། རྫོགས་ཆེན་པདྨ་རིག་འཛིན། ཀུན་བཟང་ཁྱབ་བརྡལ་ལྷུན་གྲུབ་དང་། གྲུབ་ཆེན་པདྨ་ནོར་བུ་སོགས་ཏའུའི་ཕྱོགས་ཀྱི་རྡོ་རྗེ་འཛིན་པ་མང་པོས་མཚོན་མཐའ་ཡས་ཤིང་། ཁྱད་པར་སྐུའི་གདུང་བརྒྱུད་རྒྱལ་སྲས་ནོར་བུ་ཡོངས་གྲགས་སོགས་རིམ་པར་བྱོན་པས་ཆོས་བརྒྱུད་དང་ཕྲིན་ལས་བསམ་གྱིས་མི་ཁྱབ་བོ། །དེ་ལྟ་བུའི་མཛད་པ་མཐར་ཕྱིན་ནས་སྦས་ཡུལ་པདྨ་བཀོད་པའི་གནས་སྒོ་རགས་རིམ་ཙམ་གསལ་བར་མཛད་པའི་རྗེས། དགུང་ལོ་ང་བརྒྱད་པར་ཆུ་ཕོ་བྱི་བའི་ལོར་པདྨ་འོད་ཀྱི་ཕོ་བྲང་ཆེན་པོར་གཤེགས་པའི་སྐབས་སྒྲ་དང་འོད་དང་མེ་ཏོག་གི་ཆར་སོགས་ངོ་མཚར་བའི་ཆོ་འཕྲུལ་མཐའ་ཡས་ཤིང་། ཁྱད་པ་སྐུ་གདུང་ཅུང་ཟད་ཙམ་མ་གཏོགས་འོད་དུ་ཡལ་བའི་ལྷག་མ་ཁྲུ་གང་ཙམ་ལུས་པ་ཕྱིས་ཞུགས་སུ་ཕུལ་བས་གདུང་ཆེན་ལྔ་དང་རིང་བསྲེལ་དུ་མའི་ཕུང་པོར་གྱུར་ཏོ། །<br /> }}<br /> &lt;/onlyinclude&gt;<br /> {{TsagliCall}}<br /> &lt;headertabs/&gt;</div>

Jeremi