https://dudjom.tsadra.org/index.php?action=history&feed=atom&title=TNR-SUNGBUM-01-OM-006-024
TNR-SUNGBUM-01-OM-006-024 - Revision history
2026-11-10T04:15:19Z
Revision history for this page on the wiki
MediaWiki 1.43.9
https://dudjom.tsadra.org/index.php?title=TNR-SUNGBUM-01-OM-006-024&diff=27184&oldid=prev
Mort at 02:43, 10 November 2026
2026-11-10T02:43:42Z
<p></p>
<table style="background-color: #fff; color: #202122;" data-mw="interface">
<col class="diff-marker" />
<col class="diff-content" />
<col class="diff-marker" />
<col class="diff-content" />
<tr class="diff-title" lang="en">
<td colspan="2" style="background-color: #fff; color: #202122; text-align: center;">← Older revision</td>
<td colspan="2" style="background-color: #fff; color: #202122; text-align: center;">Revision as of 21:43, 9 November 2026</td>
</tr><tr><td colspan="2" class="diff-lineno" id="mw-diff-left-l17">Line 17:</td>
<td colspan="2" class="diff-lineno">Line 17:</td></tr>
<tr><td class="diff-marker"></td><td style="background-color: #f8f9fa; color: #202122; font-size: 88%; border-style: solid; border-width: 1px 1px 1px 4px; border-radius: 0.33em; border-color: #eaecf0; vertical-align: top; white-space: pre-wrap;"><div>|authortib=ཕྲིན་ལས་ནོར་བུ་</div></td><td class="diff-marker"></td><td style="background-color: #f8f9fa; color: #202122; font-size: 88%; border-style: solid; border-width: 1px 1px 1px 4px; border-radius: 0.33em; border-color: #eaecf0; vertical-align: top; white-space: pre-wrap;"><div>|authortib=ཕྲིན་ལས་ནོར་བུ་</div></td></tr>
<tr><td class="diff-marker"></td><td style="background-color: #f8f9fa; color: #202122; font-size: 88%; border-style: solid; border-width: 1px 1px 1px 4px; border-radius: 0.33em; border-color: #eaecf0; vertical-align: top; white-space: pre-wrap;"><div>|volumeLetter=OM</div></td><td class="diff-marker"></td><td style="background-color: #f8f9fa; color: #202122; font-size: 88%; border-style: solid; border-width: 1px 1px 1px 4px; border-radius: 0.33em; border-color: #eaecf0; vertical-align: top; white-space: pre-wrap;"><div>|volumeLetter=OM</div></td></tr>
<tr><td class="diff-marker" data-marker="−"></td><td style="color: #202122; font-size: 88%; border-style: solid; border-width: 1px 1px 1px 4px; border-radius: 0.33em; border-color: #ffe49c; vertical-align: top; white-space: pre-wrap;"><div>|InitCategories=Dudjom Tersar Project; TNR-SUNGBUM-Volume-01-OM</div></td><td class="diff-marker" data-marker="+"></td><td style="color: #202122; font-size: 88%; border-style: solid; border-width: 1px 1px 1px 4px; border-radius: 0.33em; border-color: #a3d3ff; vertical-align: top; white-space: pre-wrap;"><div><ins style="font-weight: bold; text-decoration: none;">|pdflink=TNR-SUNGBUM-01-OM-006-024.pdf</ins></div></td></tr>
<tr><td colspan="2" class="diff-side-deleted"></td><td class="diff-marker" data-marker="+"></td><td style="color: #202122; font-size: 88%; border-style: solid; border-width: 1px 1px 1px 4px; border-radius: 0.33em; border-color: #a3d3ff; vertical-align: top; white-space: pre-wrap;"><div>|InitCategories=Dudjom Tersar Project; TNR-SUNGBUM-Volume-01-OM <ins style="font-weight: bold; text-decoration: none;">; TNR-SUNGBUM-01-OM-006</ins></div></td></tr>
<tr><td class="diff-marker"></td><td style="background-color: #f8f9fa; color: #202122; font-size: 88%; border-style: solid; border-width: 1px 1px 1px 4px; border-radius: 0.33em; border-color: #eaecf0; vertical-align: top; white-space: pre-wrap;"><div>}}</div></td><td class="diff-marker"></td><td style="background-color: #f8f9fa; color: #202122; font-size: 88%; border-style: solid; border-width: 1px 1px 1px 4px; border-radius: 0.33em; border-color: #eaecf0; vertical-align: top; white-space: pre-wrap;"><div>}}</div></td></tr>
<tr><td class="diff-marker"></td><td style="background-color: #f8f9fa; color: #202122; font-size: 88%; border-style: solid; border-width: 1px 1px 1px 4px; border-radius: 0.33em; border-color: #eaecf0; vertical-align: top; white-space: pre-wrap;"><div><h1>Tibetan Text</h1></div></td><td class="diff-marker"></td><td style="background-color: #f8f9fa; color: #202122; font-size: 88%; border-style: solid; border-width: 1px 1px 1px 4px; border-radius: 0.33em; border-color: #eaecf0; vertical-align: top; white-space: pre-wrap;"><div><h1>Tibetan Text</h1></div></td></tr>
<!-- diff cache key wiki:diff:1.41:old-26972:rev-27184:php=table -->
</table>
Mort
https://dudjom.tsadra.org/index.php?title=TNR-SUNGBUM-01-OM-006-024&diff=26972&oldid=prev
Jeremi: New collection pages (Thinley Norbu gsung 'bum / Dudjom gsung thor bu)
2026-11-10T01:01:52Z
<p>New collection pages (Thinley Norbu gsung 'bum / Dudjom gsung thor bu)</p>
<p><b>New page</b></p><div>{{Text<br />
|classification=Tibetan Publications<br />
|subclass=Tibetan Texts<br />
|fulltitletib=མཐར་སྨོན་ཚིག་གིས་མཇུག་བསྡུ་བ་ནི།<br />
|fulltitle=mthar smon tshig gis mjug bsdu ba ni<br />
|citation=[[Norbu, Thinley|Thinley Norbu]]. ''Mthar smon tshig gis mjug bsdu ba ni''. In ''Phrin las nor bu'i gsung 'bum'', Vol. 1.<br />
|collectiontitletib=ཕྲིན་ལས་ནོར་བུའི་གསུང་འབུམ།<br />
|collectiontitle=phrin las nor bu'i gsung 'bum<br />
|author=Norbu, Thinley<br />
|language=Tibetan<br />
|volumenumber=01<br />
|volnumtib=༡<br />
|volyigtib=ཨོཾ<br />
|totalvolumes=3<br />
|textnuminvol=006<br />
|textsubnumber=024<br />
|authortib=ཕྲིན་ལས་ནོར་བུ་<br />
|volumeLetter=OM<br />
|InitCategories=Dudjom Tersar Project; TNR-SUNGBUM-Volume-01-OM<br />
}}<br />
<h1>Tibetan Text</h1><br />
<onlyinclude><br />
{{TibP|༄༅། །མཐར་སྨོན་ཚིག་གིས་མཇུག་བསྡུ་བ་ནི། མི་ཕྱེད་སྙིང་ནས་གུས་པས་གསོལ་བཏབ་མཐུས། །ཚེ་རབས་ཀུན་ཏུ་འཁོར་ལོའི་མགོན་ཁྱོད་ཉིད། །མི་འབྲལ་གཙུག་གི་ནོར་བུར་རྟག་བསྙེན་ནས། །གསུང་གི་བདུད་རྩིར་སྤྱོད་པའི་སྐལ་ལྡན་ཤོག །ཅེས་ཚིག་རྐང་མ་ཆགས་པདྨ་ཅན་གྱི་ས་ཡི་གྲངས་ཀྱིས་བསྟན་པ་སྟེ། དེ་ཡང་མི༵་ཕྱེ༵ད་པ་ནི་ཡིད་གཉིས་མི་ཟ་བའི་དོན་ཏེ། གསོལ་བ་སྙིང༵་གི་དཀྱིལ་ནས༵་འདེབས། །ཁ་ཙམ་ཚིག་ཙམ་མ་ཡིན་ནོ། །ཞེས་གསུངས་པ་བཞིན་ཏེ། སྲོག་གི་ཟུངས་འཛིན་པའི་དོན་སྣོད་ཀྱི་དྭངས་མ་སྙིང་སྟེ་ཙིཏྟ་ཤ་ཡི་སྒྲོན་མ་ན་གནས་པའི་ཤེས་རབ་རང་བྱུང་གི་སྒྲོན་མའི་འབྱུང་གནས་དྲི་མ་མེད་པའི་སེམས་ཀྱི་གཏིང་ནས་དང་བ་དང་། འདོད་པ་དང་། ཡིད་ཁྱེད་ཤེས་ཀྱི་དད་པ་གསུམ་གྱིས་ང་རྒྱལ་ཁེངས་དྲེགས་ཀྱི་དབང་དུ་མ་ཤོར་བར་སྒོ་གསུམ་གུས༵་པ༵ས་གསོ༵ལ་བ་བཏབ༵་པའི་མཐུ༵ས། དུས་འདི་ནས་བཟུང་སྟེ་ཇི་སྲིད་བྱང་ཆུབ་སྙིང་པོའི་གོ་འཕང་མངོན་དུ་གྱུར་པའི་བར་དུ། སྐྱེ་བ་ནས་སྐྱེ་བའི་ཚེ༵་ར༵བས་ཇི་ཙམ་ལེན་དགོས་པའི་བར་ཕྱོགས་དུས་ཀུ༵ན་ཏ༵་སྤྱི་བོ་བདེ་ཆེན་འཁོ༵ར་ལོ༵འི་རྒྱན་དུ་སྐྱབས་དང་མགོ༵ན་དུ་བཞུགས་པ་ཁྱོད༵་ཉིད༵། དུས་ནམ་ཡང་མི༵་འབྲ༵ལ་བར་གཙུག༵་གི༵་ནོ༵ར་བུ༵ར་རྟག༵་ཏུ་བསྙེན༵་ནས༵།ལས་ཉོན་གྱི་ཚ་གདུང་ཡོངས་སུ་སེལ་བའི་གསུ༵ང་གི༵་ཆོས་ཀྱི་བདུ༵ད་རྩིར༵་རང་དབང་ཉིད་དུ་ལོངས་སུ་སྤྱོད༵་དུ་ཡོད་པ༵འི་སྐ༵ལ་བ་བཟང་པོ་དང་ལྡན༵་པར་ཤོག༵་ཅིག ། ༈ །ཚད་མེད་བརྩེ་ཆེན་ཐུགས་རྗེའི་གཞན་དབང་གིས། །རྗེས་བཟུང་ཐུགས་ཀྱི་སྲས་སུ་གྱུར་ནས་ཀྱང་། །གང་གི་ཕྲིན་ལས་ཕྱོགས་བརྒྱར་སྤེལ་ནུས་པའི། །སྙིང་སྟོབས་དགེ་བའི་རིགས་སུ་སད་པར་ཤོག །སྤྲུལ་སྐུ་ཐུགས་རྗེ་ཀུན་ལ་ཁྱབ་པའི་ཚ༵ད་མེ༵ད་བརྩེ༵་བ་ཆེ༵ན་པོའི་ཐུ༵གས་རྗེ༵འི་གཞ༵ན་དབ༵ང་གི༵ས་རྗེ༵ས་སུ་བཟུང༵་བ་ནི་ཇི་སྐད་དུ། གསང་སྙིང་ལས། དམ་པ་མཆོག་དང་དམ་པ་ཡིས། །སྲས་དང་སྤུན་དགོངས་བྱིན་གྱིས་རློབས། །ཞེས་འབྱུང་བ་བཞིན་ཐུ༵གས་ཀྱི༵་སྲ༵ས་སུ༵་གྱུར༵་ན༵ས་ཀྱ༵ང་། མགོན་པོ་གང༵་གི༵་ཕྲི༵ན་ལ༵ས་ཕྱོ༵གས་བརྒྱར༵་སྤེ༵ལ་ན༵ས་པ༵འི་སྙིང༵་སྟོབ༵ས་གཞོན་ནུ་ནོར་བཟང་ལྟ་བུ་དགེ༵་བ༵འི་རི༵གས་སུ༵་ས༵ད་པ༵ར་ཤོ༵ག་ཅིག ། ༈ །འོག་མིན་པདྨ་འོད་ཀྱི་ཕོ་བྲང་དུ། །སྟོན་འཁོར་དགོངས་པ་དབྱེར་མེད་རོ་གཅིག་པར། །མངོན་སངས་རྒྱས་ནས་མཁའ་ཁྱབ་ཡིད་ཅན་འགྲོ། །འདྲེན་པའི་དེད་དཔོན་ཆེན་པོར་བདག་གྱུར་ཅིག །ཅེས་སྤྱིར་གནས་ལ་སེམས་ཅན་སྤྱི་སྒོས་ཀྱི་ལས་ཀྱི་སྣང་བ་སྣ་ཚོགས་པས་ས་འོག་ས་སྟེང་། ས་བླ་སོགས་དང་། ཞིང་ལའང་ས་ལ་སྤྱོད་པ་དང་། མཁའ་ལ་སྤྱོད་པ་སོགས་ཞིང་དང་གནས་ཀྱི་བྱེ་བྲག་བསམ་གྱིས་མི་ཁྱབ་པར་གསུངས་མོད། དོན་དུ་བདག་ཏུ་འཛིན་པ་མེད་པའི་ཕྱིར། །གནས་ལ་ཐ་དད་ཡོད་མ་ཡིན། །ཞེས་གསུངས་པ་ལྟར་འཇིག་རྟེན་གྱི་གནས་ཀྱི་ཡོན་ཏན་ལས་ཆེས་མཆོག་ཏུ་འཕགས་པའི་ཡོན་ཏན་མངའ་བ་སངས་རྒྱས་ཀྱི་ས་ཡིས་བསྡུས་པའི་ཕྱིར་འོ༵ག་མི༵ན་གྱི་སྒྲ་ཞུགས་པ་སྟེ། དེ་ལྟ་བུའི་ནམ་མཁའ་དབྱིངས་ཀྱི་མཐའ་ཀླས་པའི་སངས་རྒྱས་རིགས་ལྔའི་སྐུ་དང་ཞིང་གི་ཡོན་ཏན་གྱི་བཀོད་པ་ཐམས་ཅད་གསུང་པདྨའི་རིགས་སུ་འདུས་པ་པ༵དྨ་འོ༵ད་ཀྱི༵་ཞིང་ཁམས་ས་དང་རྡོ་བ་ལ་སོགས་པ་བེམ་པོའི་རྫས་ལས་བསྒྲུབ་པ་མ་ཡིན་པ་འོད་དང་འོད་ལས་གྲུབ་པའི་ཞིང་ཁམས་སུ་ཆོས་སྐུ་སྣང་བ་མཐའ་ཡས། ལོངས་སྐུ་ཐུགས་རྗེ་ཆེན་པོ། སྤྲུལ་སྐུ་པདྨ་འབྱུང་གནས་ཏེ་སྐུ་གསུམ་གྱི་སྟོན་འཁོར་སྐུ་མཚན་དཔེའི་གཟི་བྱིན་གྱི་དཔལ་དུ་ལྷམ་མེ་བ། གསུང་སྒྲིབ་པ་མེད་པས་ལྷང་ངེ་བ། ཐུགས་འཁྲུལ་པ་མེད་པར་ལྷན་ནེར་བཞུགས་པ་ཚད་དང་འཛིན་པས་གཞལ་དུ་མེད་པའི་ཕོ༵་བྲ༵ང་གང་དུ༵་བཀའ་དྲིན་གསུམ་ལྡན་བདག་གི་སྟོན༵་པ་རྡོ་རྗེ་སློབ་དཔོན་གྱི་ཐུགས་དང་། སྔོན་ཚེ་ཚད་མེད་པའི་བསོད་ནམས་རྒྱ་ཆེན་པོ་བསགས་པ་ལས་ཚེ་འདིར་གང་གི་ཞབས་དྲུང་ན་འཁོ༵ར་དུ་སྐྱེས་པའི་སྐལ་ལྡན་བདག་གི་སེམས་ཆུ་ལ་ཆུ་བཞག་པ་ལྟར་དགོ༵ངས་པ༵་དབྱེ༵ར་མེ༵ད་རོ༵་གཅི༵ག་པ༵ར་གྱུར་པ་སྟེ་མངོ༵ན་པར་སང༵ས་རྒྱས༵་ནས་འབྲེལ་ཐོགས་ཀྱིས་གཙོས་པའི་མཁ༵འ་ཁྱབ༵་ཡི༵ད་ཅ༵ན་འགྲོ༵་བ་མ་ལུས་པ་འཁོར་བའི་སྡུག་བསྔལ་གྱི་རྒྱ་མཚོ་ལས་སྒྲོལ་བའི་འདྲེ༵ན་པའི་དེ༵ད་དཔོ༵ན་ཆེ༵ན་པོ༵ར་བད༵ག་གྱུར༵་ཅི༵ག །དེ་ལྟར་ཕྲིན་ལས་རྒྱ་མཚོའི་རྡུལ། །ཇི་སྙེད་མཆིས་ལས་ཆ་ཤས་ཙམ། །བསྡུས་ཏེ་ལྷག་བསམ་སྲད་བུ་ཡིས། །རྣམ་ཐར་དོ་ཤལ་ཉིད་དུ་བཀོད། །སྔོན་བསགས་དགེ་བའི་ཟས་མཆོག་གིས། །དད་བརྩོན་ལང་ཚོ་རབ་དར་བའི། །སྐལ་ལྡན་དགའ་མ་མཆོག་རྣམས་ཀྱི། །མགྲིན་པའི་རྒྱན་ལ་སྒྲོན་ཕྱིར་ཡིན། །དེ་མཐུས་དགེ་ཚོགས་རྙོག་བྲལ་ཀླུང་། །རྣམ་མཁྱེན་རྒྱ་མཚོར་གཞོལ་བའི་སླད། །གཅམ་བུའི་དབུ་བ་ཙམ་མིན་པའི། །སྨོན་པའི་རླབས་ཕྲེང་འདི་ཡང་གཡོ། །གང་དག་མ་ནུའི་བུ་ཡི་གཙོ་བོ་ཀུན། །དབང་པོའི་དགྲ་ཡི་བརྟུལ་ཞུགས་མི་འཛིན་པར། །ཀུན་ལ་ཕན་པ་བསྒྲུབ་པའི་ཆབ་སྲིད་བྱུས། །སྡེ་དཔོན་བཞིན་བཟང་དམ་པའི་རྗེས་འགྲོར་ཤོག །འགྲོ་བའི་ཡིད་དབང་ཤར་གྱི་ཐིག་ལེའི་གཟུགས། །ལོག་སྨོན་མཁའ་ཡི་གླང་པོས་མ་བསྒྲིབ་པར། །རྣམ་དཀར་ཡར་ངོའི་ཕྱོགས་སུ་ཚེས་བྱས་ནས། །སྣང་ནས་སྣང་བའི་མཐའ་ལ་ཐུག་པར་སྨོན། །རྣམ་གསུམ་སྡེ་སྣོད་དྭངས་པའི་རྫིང་བུ་རུ། །ཤེས་རབ་གསུམ་གྱི་རྐྱལ་པས་འཇུག་པའི་མགྲོན། །ཚོགས་མཆོག་དགེ་འདུན་འཁོར་ལོའི་ལག་ལྡན་གྱིས། །རྒྱ་མཚོའི་གོས་ཅན་ཁྱོན་ཀུན་ཁྱབ་གྱུར་ཅིག །ཉམས་དང་རྟོགས་པའི་སྣང་གླུ་དིར་བཞིན་དུ། །ཆོས་དབྱིངས་མཁའ་ལ་འཕུར་ལྡིང་རྩེན་བྱེད་པའི། །ངེས་དོན་ཐེག་རྩེའི་རིག་འཛིན་བྷྲ་མ་རས། །གསང་བསྟན་པདྨའི་ཚལ་ཀུན་མཛེས་བྱེད་ཤོག །རིམ་དགུའི་ཐེག་པའི་རྩིབས་སྟོང་བཀྲ་བ་གསེར་གྱི་འཁོར་ལོས་མདུན་བདར་ནས། །ཚད་མེད་རྣམ་བཞིའི་ཡན་ལག་དཔུང་གིས་སྲིད་པའི་གཡུལ་ངོ་མཐར་བྱས་ཤིང་། །གསང་ཆེན་ཆོས་ཀྱི་རྒྱལ་སྲིད་འབྱོར་པས་སྐལ་བཟང་སྐྱེ་རྒུ་ཚིམས་མཛད་པ། །འཁོར་སྒྱུར་དྲིན་ཅན་བླ་མའི་ཞབས་ཟུང་ངེས་པ་ལྔ་ལྡན་ངོ་བོར་བརླིང་། །རྣམ་གསུམ་ཡོ་གའི་ཤིང་རྟ་རྣམས་ཀྱི་ཐུགས་བསྐྱེད་མ་དྲོས་མཚོ་ཆེན་ལས། །སྔོན་བྱོན་འཕགས་བོད་ལོ་པཎ་ཚོགས་ཀྱིས་ངལ་བ་བརྒྱ་ཡིས་ལེགས་དྲངས་པ། །ཆེ་བ་དྲུག་ལྡན་སྔ་འགྱུར་རྙིང་མའི་བཀའ་བབ་ཆུ་བོ་རྣམ་བཞིའི་རྒྱུན། །སྐལ་བཟང་གདུལ་བྱའི་ཞིང་སའི་གསོས་སུ་ནམ་ཡང་ཉམས་པ་མེད་དར་ཤོག །ཁྱད་པར་ཟབ་གཏེར་ཕྲག་བརྒྱའི་དེད་དཔོན་རིག་འཛིན་གོང་འོག་རྣམ་གཉིས་ཀྱིས། །སྐུ་གསུམ་རིན་ཆེན་གླིང་ནས་བསྣམས་པའི་གདམས་ཟབ་ཡིད་བཞིན་དབང་གི་རྒྱལ། །སྐྱེ་རྒུའི་བསོད་ནམས་གོས་བཟང་ཏོག་ན་ལས་ཅན་དོན་མཐུན་ཚོགས་རྣམས་ཀྱིས། །བཤད་སྒྲུབ་ལས་ཀྱི་འཁོར་ལོའི་བྱ་བས་དུས་རྣམས་ཀུན་ཏུ་མཆོད་གྱུར་ཅིག །བདག་ཀྱང་དེང་བཟུང་སྐྱེ་བའི་འཕྲེང་བར་ངན་འགྲོའི་གཡང་དུ་མི་འཕྱན་པར། །ཐུབ་བསྟན་ལྷུན་པོའི་སྤོ་ན་ཆགས་པའི་ཐེག་མཆོག་རྣམ་རྒྱལ་ཁང་བཟང་དུ། །རིགས་ཀྱི་བདག་པོ་མཆོད་སྦྱིན་བརྒྱ་པས་ཆོས་མཆོག་དགའ་སྟོན་འགྱེད་པའི་སར། །མི་འབྲལ་ཚོམ་བུ་གཅིག་ཏུ་འཁོད་པའི་སྐལ་བཟང་སྣང་བས་ཉེར་འཚོ་ཤོག །ཛམ་བུའི་སྒྲ་གླིང་བུ་བསྒྱུར་བའི་ནོར་འཛིན་སྒེག་མོའི་ཕང་དུ་བསྟི་བ་བགྲང་ཡས་སྐྱེ་རྒུའི་ལུས་ཀྱི་འདུ་བ་སྙོམས་པ་མིན་པའི་གཏམ་དབེན་ཅིང་། །སྤྲིན་གྱི་མེ་ཏོག་དུས་སུ་འཐོར་ལ་ལྕུག་ཕྲན་གཞོན་ནུའི་མཛེས་པ་དངོམ་སྟེ་རྩི་སྨན་ལོ་ཏོག་གང་བུའི་མགོ་ལྕོག་རྟག་ཏུ་ལྡེམ་པ་ཉིད་དུ་མཐོང་། །སྡེ་བཞིའི་དཔལ་ལ་ཕྲག་པ་དོག་པའི་འཆིང་བ་གསུམ་གྱི་འཁྲུགས་ལོང་མཐའ་དག་དགེ་བཅུའི་ཁྲིམས་ཀྱི་དགྲ་ཆ་བཙན་པོས་མིང་གི་ལྷག་མར་ཕྱིར་བསྐྲད་དེ། །བདེ་སྐྱིད་རྫོགས་ལྡན་གསར་པའི་ཉིན་བྱེད་བསོད་ནམས་མཁའ་ལ་མགྲོན་དུ་ཁུགས་ནས་མཐོ་རིས་ཡོན་ཏན་བདུན་གྱི་དཔལ་ལ་ལོངས་སུ་སྤྱོད་པ་ཉིད་གྱུར་ཅིག །གང་ཡང་འདུས་བྱས་འཁོར་བའི་ཆོས་ཀྱི་སྨིག་རྒྱུའི་ཆུ་རིས་ཇི་ལྟར་འཁྲིགས་ཀྱང་སྐྱེ་འགྲོའི་རླུང་གི་རྫི་ཅན་མཐའ་དག་དེ་ཡི་ཕྱོགས་སུ་མ་འདྲིད་པར། །གང་དུ་སྲིད་པའི་སྐོམ་ནད་སེལ་བའི་འཕགས་ལམ་ཡན་ལག་བརྒྱད་ལྡན་བདུད་རྩི་ལྷུང་ལྷུང་འབབ་པའི་ངོགས་སུ་བརྟོལ་ནས་རང་དབང་ཉིད་དུ་སྤྱོད་བྱས་ཤིང་། །གང་ཞིག་ཞི་བསིལ་ཕུན་ཚོགས་ཡོན་ཏན་མཐའ་གྲུ་ཀུན་ནས་རབ་ཏུ་རྒྱས་པའི་ངེས་ལེགས་སྨན་ལྗོངས་དམ་པའི་དཔལ་ལྡན་རྣམ་པ་ཀུན་ཏུ་དགའ་བའི་ཞིང་། །གང་དུ་རབ་འབྱམས་རྒྱལ་རྣམས་དགོངས་པ་གཉིས་སུ་མེད་པར་འདྲེས་པའི་ས་དེར་དཀའ་བ་མེད་པར་ཕྱམ་ཅིག་བགྲོད་ནས་དུས་གསུམ་ཀུན་ཏུ་སྟན་ཅིག་ཤོག །བཀྲ་ཤིས་གང་ཞིག་གངས་ཆེན་མཚོ་ཡི་ཐུགས་ཀ་དཔ༵ལ་གྱི་བེ༵འུར་ཆགས་པའི་མི་བརྗེད་ཞིང་གི་འཛིན་མའི་ཐིག་ལེ་གསེ༵ར་ཉ༵་རོལ་པའི་མཚོ་གླིང་དུ། །ངོ་མཚར་པ༵དྨ༵་འབར་བ་ལས་འཁྲུངས་མཚན་དཔེའི་བཀྲག་ལྡན་སྐུ་ཡི་རྒྱལ༵་མཚ༵ན་མི་ཟད་ཡོན་ཏན་རྒྱ་མཚོའི་གཏེར་མངའ་བུམ༵་པ༵་བཟང་པོའི་དཔལ་འཛིན་ཅིང་། །ཕྲིན་ལས་རྣམ་བཞིའི་འཁོ༵ར་ལོ༵འི་རྩིབས་ཀྱིས་གྲོང་ཁྱེར་གསུམ་གྱི་ཐ་བ་རློག་སྟེ་ཐེག་མཆོག་ཆོས་ཀྱི་དུང༵་གི་སྒྲ་ཡིས་རྣམ་གསུམ་སྟོན་པའི་ཞིང་འགེངས་པ། །ཐོད་ཕྲེང་རྩལ་དུ་གྲགས་པའི་གདུ༵གས་དཀར་སྲིད་ཞིའི་བླ་ན་མངོན་མཐོར་འཁྱིར་བ་དེ་ཡི་ཐུགས་རྗེ་གྲིབ་བསིལ་སྣུམ་པོས་སྨོན་པའི་དོན་ཀུན་འགྲུབ་གྱུར་ཅིག །དེ་ལྟར་འཁྲུངས་རབ་གསོལ་འདེབས་ཀྱི་འགྲེལ་པ་རིག་འཛིན་མཁའ་འགྲོ་དགྱེས་པའི་མགུལ་རྒྱན་པདྨ་རཱ་གའི་དོ་ཤལ་ཞེས་བྱ་བ་འདི་ཡང་རིགས་བརྒྱའི་ཁྱབ་བདག་བཀའ་དྲིན་གསུམ་ལྡན་གཏེར་ཆེན་ཆོས་ཀྱི་རྒྱལ་པོ་འཇིགས་བྲལ་ཡེ་ཤེས་རྡོ་རྗེའི་དངོས་སློབ་རང་དང་གཞོན་པའི་དུས་ནས་རྩེ་གྲོགས་དང་ཆོས་གྲོགས་སུ་གྱུར་པ་ནས་བཟུང་། རྒས་ཤིང་ཁོགས་པའི་བར་དུ་ཕན་ཚུན་ཤིན་ཏུ་བརྩེ་ཞིང་འགྲོགས་པ་སྔགས་འཆང་ཚེ་སྒྲུབ་མཐར་ཕྱིན་ནས་རིན་ཆེན་སྣ་ལྔས་གཙོས་པའི་སྔ་ཕྱིར་གནང་སྐྱེས་གྱ་ནོམ་པ་ལྷ་རེག་སྲིད་དུ་རིང་བས་སྣ་དྲངས་ཏེ་བསྐུལ་མ་གནང་བའི་ངོར་རང་ཉིད་ཐད་མཁས་པའི་ཡོན་ཏན་དང་གྲུབ་པའི་ཉམས་རྟོགས་ཀྱིས་ཕོངས་པས་འབྲི་བར་འོས་པ་མི་འདུག་ཀྱང་རྟེན་འབྲེལ་གྱི་སརྒ་མི་འཆོལ་བའི་སླད་རྒྱལ་བའི་བཀའ་དང་རྩོད་བྲལ་མཁས་པའི་བསྟན་བཅོས་ལོ་རྒྱུས་ཆོས་འབྱུང་སོགས་ལ་ཞིབ་མོའི་བློ་ཡིས་དཔྱད་ཅིང་། རང་རྒྱུད་གཟུ་ལུམ་དང་། རས་ཆོད་ལ་སོགས་མངོན་པའི་ང་རྒྱལ་གྱི་སྤྱི་བརྟོལ་མི་བསྐྱེད་པའི་བག་གཟོན་གང་ཡོང་བྱས་པའི་རིག་པའི་འགྲོས་ཀྱིས་མཚམས་སྦྱར་ཏེ། བྱང་གླིང་སྐྱེ་མེད་དབྱངས་ཀྱི་སྒྲ་ལྡན་གྱི་ཡུལ་ཆེན་ག་ལ་བར་རང་གི་བསྟི་གནས་ཀུན་བཟང་དགའ་ཚལ་དུ་རི་བོའི་ནགས་དང་ནེའུ་གསེང་ཐམས་ཅད་དམར་པོ་དང་། སེར་པོ་དང་། སྔོན་པོ་དང་། སྔོ་ལྗང་སོགས་ཁ་དོག་སྣ་ཚོགས་པའི་ལོ་འདབ་ཀྱི་མཛེས་པ་དངོམ་ཞིང་། ཕུ་དུད་ཅན་གྱི་ཤིང་འབྲས་གཡུར་དུ་ཟ་བའི་དུས་ས་ཡོས་ཧོར་ཟླ་བརྒྱད་པའི་ཚེས་ཉེར་ལྔ་སྐུ་གསུམ་མཁའ་འགྲོ་ཚོགས་ཀྱི་མཆོད་པའི་སྤྲིན་ཕུང་ལ་སྤྱན་འདྲེན་པའི་དགོང་མོ་དབང་གི་དུས་སུ་ལེགས་པར་གྲུབ་པ་བགྱིས་པའི་གཙང་དག་ཡི་གེའི་རིས་སུ་བཏབ་པ་པོ་ནི་རང་སློབ་འབྲུག་བླ་ཕུན་ཚོགས་རྒྱལ་མཚན་ཏེ། མདོ་སྔགས་ཀྱི་བསྟན་པ་སྤྱི་དང་ཁྱད་པར་གསང་ཆེན་རྫོགས་པ་ཆེན་པོའི་བསྟན་པ་དར་ཞིང་རྒྱས་ལ་ཡུན་རིང་དུ་གནས་པར་གྱུར་ཅིག། །།སླར་སྨྲས་པ། དུས་དྲུག་དུས་ཀྱི་དབྱུག་གུས་བསྐུལ་བ་ལས། །རྫོགས་པ་ཆེན་པོའི་ཆོས་རྔ་ཆེན་པོའི་སྒྲ། །སྣང་སྲིད་ཡེ་གྲོལ་གྲགས་སྙན་ལྡིར་བ་ཅན། །ས་གསུམ་སྐྱེ་རྒུའི་རྣ་བས་རྟག་ཐོས་ནས། །མ་རིག་མུན་པ་གཉིད་ལས་རབ་སད་དེ། །ཡེ་ནས་རྣམ་དག་ཆོས་དབྱིངས་གདོད་མའི་གཤིས། །རང་བྱུང་ཀུན་ཏུ་བཟང་པོའི་དགོངས་པའི་ཞལ། །རང་རིག་འོད་གསལ་ཉི་མ་མཐོང་བར་ཤོག །ཅེས་པའང་ཕྲིན་ལས་ནོར་བུ་ནས་སྨོན་པའོ།། །།<br />
}}<br />
</onlyinclude><br />
{{TsagliCall}}<br />
<headertabs/></div>
Jeremi