https://dudjom.tsadra.org/index.php?action=history&feed=atom&title=TNR-SUNGBUM-03-HUM-012 TNR-SUNGBUM-03-HUM-012 - Revision history 2026-11-10T04:15:21Z Revision history for this page on the wiki MediaWiki 1.43.9 https://dudjom.tsadra.org/index.php?title=TNR-SUNGBUM-03-HUM-012&diff=27162&oldid=prev Mort at 02:29, 10 November 2026 2026-11-10T02:29:46Z <p></p> <table style="background-color: #fff; color: #202122;" data-mw="interface"> <col class="diff-marker" /> <col class="diff-content" /> <col class="diff-marker" /> <col class="diff-content" /> <tr class="diff-title" lang="en"> <td colspan="2" style="background-color: #fff; color: #202122; text-align: center;">← Older revision</td> <td colspan="2" style="background-color: #fff; color: #202122; text-align: center;">Revision as of 21:29, 9 November 2026</td> </tr><tr><td colspan="2" class="diff-lineno" id="mw-diff-left-l16">Line 16:</td> <td colspan="2" class="diff-lineno">Line 16:</td></tr> <tr><td class="diff-marker"></td><td style="background-color: #f8f9fa; color: #202122; font-size: 88%; border-style: solid; border-width: 1px 1px 1px 4px; border-radius: 0.33em; border-color: #eaecf0; vertical-align: top; white-space: pre-wrap;"><div>|authortib=ཕྲིན་ལས་ནོར་བུ་</div></td><td class="diff-marker"></td><td style="background-color: #f8f9fa; color: #202122; font-size: 88%; border-style: solid; border-width: 1px 1px 1px 4px; border-radius: 0.33em; border-color: #eaecf0; vertical-align: top; white-space: pre-wrap;"><div>|authortib=ཕྲིན་ལས་ནོར་བུ་</div></td></tr> <tr><td class="diff-marker"></td><td style="background-color: #f8f9fa; color: #202122; font-size: 88%; border-style: solid; border-width: 1px 1px 1px 4px; border-radius: 0.33em; border-color: #eaecf0; vertical-align: top; white-space: pre-wrap;"><div>|volumeLetter=HUM</div></td><td class="diff-marker"></td><td style="background-color: #f8f9fa; color: #202122; font-size: 88%; border-style: solid; border-width: 1px 1px 1px 4px; border-radius: 0.33em; border-color: #eaecf0; vertical-align: top; white-space: pre-wrap;"><div>|volumeLetter=HUM</div></td></tr> <tr><td colspan="2" class="diff-side-deleted"></td><td class="diff-marker" data-marker="+"></td><td style="color: #202122; font-size: 88%; border-style: solid; border-width: 1px 1px 1px 4px; border-radius: 0.33em; border-color: #a3d3ff; vertical-align: top; white-space: pre-wrap;"><div><ins style="font-weight: bold; text-decoration: none;">|pdflink=File:TNR-SUNGBUM-03-HUM-012.pdf</ins></div></td></tr> <tr><td class="diff-marker"></td><td style="background-color: #f8f9fa; color: #202122; font-size: 88%; border-style: solid; border-width: 1px 1px 1px 4px; border-radius: 0.33em; border-color: #eaecf0; vertical-align: top; white-space: pre-wrap;"><div>|InitCategories=Dudjom Tersar Project; TNR-SUNGBUM-Volume-03-HUM</div></td><td class="diff-marker"></td><td style="background-color: #f8f9fa; color: #202122; font-size: 88%; border-style: solid; border-width: 1px 1px 1px 4px; border-radius: 0.33em; border-color: #eaecf0; vertical-align: top; white-space: pre-wrap;"><div>|InitCategories=Dudjom Tersar Project; TNR-SUNGBUM-Volume-03-HUM</div></td></tr> <tr><td class="diff-marker"></td><td style="background-color: #f8f9fa; color: #202122; font-size: 88%; border-style: solid; border-width: 1px 1px 1px 4px; border-radius: 0.33em; border-color: #eaecf0; vertical-align: top; white-space: pre-wrap;"><div>}}</div></td><td class="diff-marker"></td><td style="background-color: #f8f9fa; color: #202122; font-size: 88%; border-style: solid; border-width: 1px 1px 1px 4px; border-radius: 0.33em; border-color: #eaecf0; vertical-align: top; white-space: pre-wrap;"><div>}}</div></td></tr> <!-- diff cache key wiki:diff:1.41:old-26994:rev-27162:php=table --> </table> Mort https://dudjom.tsadra.org/index.php?title=TNR-SUNGBUM-03-HUM-012&diff=26994&oldid=prev Jeremi: New collection pages (Thinley Norbu gsung 'bum / Dudjom gsung thor bu) 2026-11-10T01:02:14Z <p>New collection pages (Thinley Norbu gsung &#039;bum / Dudjom gsung thor bu)</p> <p><b>New page</b></p><div>{{Text<br /> |classification=Tibetan Publications<br /> |subclass=Tibetan Texts<br /> |fulltitletib=སྤྲོས་པ་མ་གཅོག་པའི་ཉམས་ལེན་གསར་བུ་བ་རྣམས་ནས་རྒྱུན་དུ་འཇུག་པ་བདེ་བའི་ཚོགས་བསགས་སྒྲིབ་སྦྱོང་གི་ཉམས་ལེན་གནད་འདུས་དངོས་གྲུབ་ཆར་འབེབས།<br /> |fulltitle=spros pa ma gcog pa&#039;i nyams len gsar bu ba rnams nas rgyun du &#039;jug pa bde ba&#039;i tshogs bsags sgrib sbyong gi nyams len gnad &#039;dus dngos grub char &#039;bebs<br /> |citation=[[Norbu, Thinley|Thinley Norbu]]. &#039;&#039;Spros pa ma gcog pa&#039;i nyams len gsar bu ba rnams nas rgyun du &#039;jug pa bde ba&#039;i tshogs bsags sgrib sbyong gi nyams len gnad &#039;dus dngos grub char &#039;bebs&#039;&#039;. In &#039;&#039;Phrin las nor bu&#039;i gsung &#039;bum&#039;&#039;, Vol. 3.<br /> |collectiontitletib=ཕྲིན་ལས་ནོར་བུའི་གསུང་འབུམ།<br /> |collectiontitle=phrin las nor bu&#039;i gsung &#039;bum<br /> |author=Norbu, Thinley<br /> |language=Tibetan<br /> |volumenumber=03<br /> |volnumtib=༣<br /> |volyigtib=ཧཱུྃ<br /> |totalvolumes=3<br /> |textnuminvol=012<br /> |authortib=ཕྲིན་ལས་ནོར་བུ་<br /> |volumeLetter=HUM<br /> |InitCategories=Dudjom Tersar Project; TNR-SUNGBUM-Volume-03-HUM<br /> }}<br /> &lt;h1&gt;Tibetan Text&lt;/h1&gt;<br /> &lt;onlyinclude&gt;<br /> {{TibP|༄༅། །སྤྲོས་པ་མ་གཅོག་པའི་ཉམས་ལེན་གསར་བུ་བ་རྣམས་ནས་རྒྱུན་དུ་འཇུག་པ་བདེ་བའི་ཚོགས་བསགས་སྒྲིབ་སྦྱོང་གི་ཉམས་ལེན་གནད་འདུས་དངོས་གྲུབ་ཆར་འབེབས་བཞུགས།<br /> <br /> ༁ྃ༔ ཐོག་མར་དབང་སྡུད་ཟིལ་གནོན་ཁྲོས་མའི་གད་རྒྱང་། ཕཊ་ཕཊ་ཕཊ༔ སྟོང་གསུམ་གྱི་སྟོང་ཆེན་པོ་འཇིག་རྟེན་གྱི་ཁམས་ཐམས་ཅད་བདག་གི་སྣང་བའི་ཀློང་ཆེན་པོར་འུབ་ཏུ་འདུས་ཤིང་ཡོངས་སུ་ཆུབ་པར་གྱུར༔ ཕཊ༔ ཡེ་ཤེས་རང་རྩལ་སྒྱུ་འཕྲུལ་གྱི་མཁའ་འགྲོ་མ་དཔག་ཏུ་མེད་པས་གཟུང་འཛིན་རཱུ་དྲ་ལྷ་འདྲེ་ཐམས་ཅད་བདག་མེད་གནས་ལུགས་ཀྱི་ངང་དུ་བཤིག་པར་གྱུར༔ ཕཊ་ཕཊ་ཕཊ༔ {{TibChung|རྐང་གླིང་འབུད་བཅས་ཌཱ་དྲིལ་འུར་ཆེམས་ཀྱིས་ཟིལ་གནོན་རང་གི་རྟ་དབྱངས་དང་བཅས།}} མ་དབུས་ཕྱོགས་སངས་རྒྱས་མཁའ་འགྲོ་མས༔ ཆོས་དབྱིངས་ཡེ་ཤེས་བརྟུལ་ཞུགས་ཀྱིས༔ གཏི་མུག་ལྷ་འདྲེ་དབང་དུ་སྡུས༔ དབང་དུ་བསྡུས་ལ་ཟིལ་གྱིས་ནོན༔ ཕཊ་ཕཊ་ཕཊ༔ {{TibChung|སྐུ་གསུམ་གྱི་ཀློང་དུ་བཤིག་པའི་ཕཊ་སྒྲའོ༔}} མ་ཤར་ཕྱོགས་རྡོ་རྗེ་མཁའ་འགྲོ་མས༔ མེ་ལོང་ཡེ་ཤེས་བརྟུལ་ཞུགས་ཀྱིས༔ ཞེ་སྡང་ལྷ་འདྲེ་དབང་དུ་སྡུས༔ དབང་དུ་བསྡུས་ལ་ཟིལ་གྱིས་ནོན༔ཕཊ་ཕཊ་ཕཊ༔ མ་ལྷོ་ཕྱོགས་རིན་ཆེན་མཁའ་འགྲོ་མས༔ མཉམ་ཉིད་ཡེ་ཤེས་བརྟུལ་ཞུགས་ཀྱིས༔ ང་རྒྱལ་ལྷ་འདྲེ་དབང་དུ་སྡུས༔ དཔང་དུ་བསྡུས་ལ་ཟིལ་གྱིས་ནོབ༔ ཕཊ་ཕཊ་ཕཊ༔ མ་ནུབ་ཕྱོགས་པདྨ་མཁའ་འགྲོ་མས༔ སོར་རྟོག་ཡེ་ཤེས་བརྟུལ་ཞུགས་ཀྱིསཿ འདོད་ཆགས་ལྷ་འདྲེ་དབང་དུ་སྡུས༔ དང་དུ་བསྡུས་ལ་ཟིལ་གྱིས་ནོན༔ ཕཊ་ཕཊ་ཕཊ༔ མ་བྱང་ཕྱོགས་ལས་ཀྱི་མཁའ་འགྲོ་མས༔ བྱ་གྲུབ་ཡེ་ཤེས་བརྟུལ་ཞུགས་ཀྱིས༔ ཕྲག་དོག་ལྷ་འདྲེ་དབང་དུ་སྡུས༔ དབང་དུ་བསྡུས་ལ་ཟིལ་གྱིས་ནོན༔ ཕཊ་ཕཊ་ཕཊ༔ སྐྱབས་དཀོན་མཆོག་གསུམ་གྱི་བདེན་པ་དང་༔ སྐུ་གསུམ་མཁའ་འགྲོའི་ཐུགས་རྗེ་དང་༔ ཡུམ་ཆེན་ལྔ་ཡི་བྱིན་རླབས་ཀྱིས༔ ཕོ་གདོན་རྒྱལ་པོ་དབང་དུ་སྡུས༔ མོ་གདོན་འདྲེ་མོ་དབང་དུ་སྡུས༔ ཀླུ་གདོན་ས་བདག་དབང་དུ་སྡུས༔ གནས་གདོན་ལུས་གདོན་དབང་དུ་སྡུས༔ ཐམས་ཅད་ཟིལ་གྱིས་གནོན་གྱུར་ཅིག༔ ཕཊ་ཕཊ་ཕཊ༔ {{TibChung|ཌཱ་བུར་བཞག་ཐབས། ཚིག་བདུན་གསོལ་འདེབས།}} ཧཱུྃ༔ ཨོ་རྒྱན་ཡུལ་གྱི་ནུབ་བྱང་མཚམས༔ པདྨ་གེ་སར་སྡོང་པོ་ལ༔ ཡ་མཚན་མཆོག་གི་དངོས་གྲུབ་བརྙེས༔ པདྨ་འབྱུང་གནས་ཞེས་སུ་གྲགས༔ འཁོར་དུ་མཁའ་འགྲོ་མང་པོས་བསྐོར༔ ཁྱེད་ཀྱི་རྗེས་སུ་བདག་སྒྲུབ་ཀྱི༔ བྱིན་གྱིས་རློབས་ཕྱིར་གཤེགས་སུ་གསོལ༔ གུ་རུ་པདྨ་སིདྡྷི་ཧཱུྃ༔ {{TibChung|ལན་གསུམ། དེ་ནས།}} བསླུ་མེད་དཀོན་མཆོག་གསུམ་གྱི་ངོ་བོ་ཉིད། །སྐུ་གསུམ་རྒྱལ་བ་རྒྱ་མཚོའི་སྤྱི་གཟུགས་མཆོག །ཁམས་གསུམ་ཆོས་ཀྱི་རྒྱལ་པོ་རྫོགས་ཆེན་པ། །བདུད་འཇོམས་གླིང་པའི་ཞབས་ལ་གསོལ་བ་འདེབས། །འཁོར་འདས་དག་མཉམ་ཆོས་ཉིད་རོལ་པ་རུ། །རྟོགས་གྲོལ་མངོན་གྱུར་སངས་རྒྱས་ཐོབ་པར་ཤོག །{{TibChung|ཌཱ་འུར་ནས་ཟིལ་གནོན་རྟ་དབྱངས་ཀྱིས། སྐྱབས་འགྲོ།}} ཕཊ༔ ཡེ་གཞི་ཀ་དག་ཕྱོགས་ཡན་ཀུན་བཟང་མོ༔ རང་བཞིན་རང་ངོར་སངས་པ་མཁའ་སྤྱོད་མ༔ ཐུགས་རྗེ་ཀུན་ཁྱབ་བརྡལ་བ་ཁྲོས་མའི་སྐུར༔ སྐྱབས་སུ་མཆིའོ་དགོངས་པར་འུབ་ཆུབ་རོལ༔ {{TibChung|ལན་གསུམ། སེམས་བསྐྱེད།}} ཕཊ༔ འགྲོ་ཀུན་སྲིད་པའི་མཚོ་ལས་བསྒྲལ་བར་བྱ༔ སྐྱབས་གནས་དམ་པའི་མཆོག་རྣམས་དགོངས་སུ་གསོལ༔ བདག་གིས་བྱང་ཆུབ་སེམས་བསྐྱེད་བསླབ་ལ་གནས༔ འཁོར་བ་དོང་སྤྲུགས་ནུས་པའི་དཔལ་ཐོབ་ཤོག༔ {{TibChung|ལན་གསུམ། མཎྜལ།}} ཕཊ༔ སྟོང་གསུམ་རབ་འབྱམས་བཀོད་པ་ཕྱི་ཡི་ཡུལ༔ རང་ལུས་བཀོད་པ་རབ་རྫོགས་ནང་གི་དཔལ༔ རང་སྣང་ལྷུན་གྲུབ་བཀོད་པ་གསང་བའི་དལ༔ ཚོགས་གཉིས་རྫོགས་ཕྱིར་རྒྱལ་བ་རྣམས་ལ་འབུལ༔ {{TibChung|ལན་གསུམ། ཚོགས་བསགས།}} ཕཊ༔ སྐུ་གསུམ་རྒྱལ་བ་རྣམས་ལ་ཕྱག་འཚལ་ལོ༔ ལུས་དང་ལོངས་སྤྱོད་ཐམས་ཅད་མཆོད་པ་འབུལ༔ སྒོ་གསུམ་ཉེས་པའི་སྒྲིབ་ཚོགས་མཐོལ་ལོ་བཤགས༔ རྣམ་དཀར་དགེ་ཚོགས་ཀུན་ལ་རྗེས་ཡི་རང་༔ གང་ལ་གང་འདུལ་ཆོས་འཁོར་བསྐོར་བར་བསྐུལ༔ རྒྱལ་རྣམས་མྱ་ངན་མི་འདའ་བཞུགས་གསོལ་འདེབས༔ བདག་གི་དགེ་རྩ་འགྲོ་བ་ཡོངས་ལ་བསྔོ༔ མ་ལུས་ཕྱམ་གཅིག་སངས་རྒྱས་ས་ཐོབ་ཤོག༔ {{TibChung|ལན་གསུམ་མམ་གཅིག །དེ་ནས་བླ་མའི་རྣལ་འབྱོར།}} ཕཊ༔ རང་སྣང་རྣམ་དག་དོན་གྱི་འོག་མིན་ན༔ སྐུ་དང་ཡེ་ཤེས་རབ་རྫོགས་བླ་མ་རྗེ༔ དོན་དམ་མི་ཤིགས་ངོ་བོ་ཐིག་ལེའི་སྐུ༔ སྨིན་གྲོལ་དབང་དང་གདམས་པའི་མཛོད་དུ་ཤར༔ ཕཊ༔ གསོལ་བ་འདེབས་སོ་སྐུ་བཞིའི་བདག་ཉིད་དཔལ༔ དད་མོས་གདུང་ཤུགས་དྲག་པོས་ཐུགས་རྒྱུད་བསྐུལ༔ མ་རིག་སྒོང་རྒྱར་དུབ་པའི་སེམས་སེམས་བྱུང་༔ ཡེ་གཞི་ཀ་དག་ཀློང་ཆེན་དགོངས་པར་རོལ༔ ཕཊ་ཕཊ་ཕཊ༔ {{TibChung|དེ་ནས་ཌཱ་འུར་ནས་རྐང་གླིང་འབུད་དང་བཅས། ཚོགས་བསགས་དངོས་གྲུབ་ཆར་འབེབས་རང་གི་རྟ་དབྱངས་དང་བཅས།}} ཕཊ༔ གཟུང་འཛིན་འཁྲུལ་པའི་རྣམ་རྟོག་རང་ངོར་སངས༔ རྒྱུ་གཉིས་དབང་བསྡུས་རྐྱེན་སྣང་ཟིལ་གྱིས་གནོན༔ ཕཊ༔ སྐྱབས་གནས་དམ་པ་རྣམས་ལ་སྐྱབས་སུ་མཆི༔ འགྲོ་ཀུན་རྣམ་མཁྱེན་ཕྱིར་དུ་གོ་འཕང་བསྒྲུབ༔ ཕཊ༔ རང་རིག་ཀ་དག་རྡོ་རྗེ་རྣལ་འབྱོར་མ༔ སྤྱི་བོར་ཡར་ཐོན་འཁོར་འདས་ཁྱབ་བདག་མོ༔ ཕཊ༔ ཕྱག་གཡས་གྲི་གུག་རང་ལུས་ཐོད་པ་བྲེག༔ སྟོང་གསུམ་ཙམ་གྱི་མི་མགོའི་སྒྱེད་པུར་བཞག༔ དེ་ནང་བམ་ཆེན་བདུད་རྩིའི་རྒྱ་མཚོར་གྱུར༔ སྣང་སྲིད་འཁོར་འདས་མ་ལུས་ཐམས་ཅད་དུ༔ མཆོད་སྤྲིན་རྒྱ་མཚོ་རྒྱུན་མི་འཆད་པར་སྤྲོས༔ ཨོཾ་ཨཱཿཧཱུྃ༔ {{TibChung|ལན་གསུམ། ཌཱ་འུར་ནས་རྐང་༣དང་བཅས།}} ཕཊ་ཕཊ་ཕཊ༔ སྐྱབས་གནས་དཀོན་མཆོག་རྩ་གསུམ་རྒྱ་མཚོ་མཆོད༔ སྐུ་གསུམ་བརྒྱུད་གསུམ་རིག་འཛིན་ཚོགས་རྣམས་མཆོད༔ ཡེ་ཤེས་དབྱིངས་ཀྱི་དམ་ཅན་རྒྱ་མཚོ་མཆོད༔ ཚོགས་རྫོགས་སྒྲིབ་དག་དོན་གཉིས་ལྷུན་གྲུབ་སྩོལ༔ ཕཊ་ཕཊ་ཕཊ༔ རིགས་དྲུག་ཕ་མ་ལན་ཆགས་བགེགས་རིགས་སོགས༔ མཆོད་སྦྱིན་ཡུལ་གྱུར་ཀུན་ལ་མཉེས་མཆོད་འབུལ༔ བུ་ལོན་ལན་ཆགས་མ་ལུས་བྱང་ནས་ཀྱང་༔ ཐམས་ཅད་མངོན་རྫོགས་སངས་རྒྱས་ཐོབ་པར་ཤོག༔ ཕཊ་ཕཊ་ཕཊ༔ དགེ་བའི་རྩ་བ་འགྲོ་དྲུག་ཡོངས་ལ་བསྔོ༔ མ་ལུས་ཚོམ་བུ་གཅིག་ཏུ་སངས་རྒྱས་ཤོག༔ རང་སེམས་མཆོད་སྦྱིན་དངོས་ཡུལ་དབྱེར་མེད་དུ༔ ཡུམ་ཆེན་ཆོས་སྐུའི་ཀློང་དུ་རོ་གཅིག་ངང་༔ ཨ་ཨ་ཨ༔ ཕཊ་ཕཊ་ཕཊ༔ {{TibChung|ཌཱ་བཅད་རྗེས་སླར་ཌཱ་དྲིལ་བཅས།}} ན་མོ། ཆོས་རྣམས་ཐམས་ཅད་རྒྱུ་ལས་བྱུང་། །རྒྱུ་དེ་དེ་བཞིན་གཤེགས་པས་གསུངས། །རྒྱུ་ལ་འགོག་པ་གང་ཡིན་པ། །དགེ་སྦྱོང་ཆེན་པོས་འདི་སྐད་གསུངས། །སྡིག་པ་ཅི་ཡང་མི་བྱ་ཞིང་། །དགེ་བ་ཕུན་སུམ་ཚོགས་པར་སྤྱད། །རང་གི་སེམས་ནི་ཡོངས་སུ་འདུལ། །འདི་ནི་སངས་རྒྱས་བསྟན་པ་ཡིན། །ཕཊ། སྦྱིན་པ་རྒྱ་ཆེན་གྱུར་པ་འདི་ཡི་མཐུས། །འགྲོ་བའི་དོན་དུ་རང་བྱུང་སངས་རྒྱས་ཤོག །སྔོན་གྱི་རྒྱལ་བ་རྣམས་ཀྱིས་མ་བསྒྲལ་བའི། །སྐྱེ་བོའི་ཚོགས་རྣམས་སྦྱིན་པས་གྲོལ་གྱུར་ཅིག །དགེ་བ་འདི་ཡིས་མྱུར་དུ་བདག །ཡུམ་ཆེན་ཤེར་ཕྱིན་འགྲུབ་གྱུར་ནས། །འགྲོ་བ་གཅིག་ཀྱང་མ་ལུས་པ། །དེ་ཡི་ས་ལ་འགོད་པར་ཤོག །{{TibChung|ཌཱ་བཅད་གཅིག་གི་རྗེས་ཌཱ་འུར་མུ་མཐུད་ནས།}} ཁམས་གསུམ་དག་པའི་ཞིང་། །སྲིད་གསུམ་སྙིང་རྗེའི་མགྲོན། །མ་ལུས་ཁྱབ་པའི་ཟས། །ཆོས་ཉིད་ནུས་པའི་མཐུས། །མཆོད་སྦྱིན་མི་ཟད་པའི། །ལོངས་སྤྱོད་གཏེར་དུ་བསྔོ། །ཨོཾ་མ་ཎི་པདྨེ་ཧཱུྃ་ཧྲཱིཿ {{TibChung|ཌཱ་འུར་དང་སྦྲགས་ཡིག་དྲུག་གང་འོས་གྲངས་མཐར་བཞག་ཐབས་ཀྱིས་རྗེས་བསྐྱང་ནས་སྨོན་ལམ་ཌཱ་ཀི་དགྱེས་པའི་བཞད་སྒྲ།}} ཧོཿ བླ་མ་ཡུམ་ཆེན་ལྷ་ཚོགས་བདག་ལ་དགོངས། །དེང་འདིར་བསྒྲུབས་པའི་དགེ་བས་རབ་མཚོན་ཏེ། །དུས་གསུམ་བསགས་ཡོད་བསོད་ནམས་ཅི་མཆིས་པ། །མཁའ་ཁྱབ་འགྲོ་རྣམས་བྱང་ཆུབ་དོན་དུ་བསྔོ། །ཚེ་རབས་ཀུན་ཏུ་གསང་ཆེན་རིགས་མཆོག་གི། །སྐལ་ཅན་དྲུག་ལྡན་རྡོ་རྗེའི་ལུས་ཐོབ་ནས། །སྲིད་དང་ཞི་བའི་མཐའ་ལ་མི་སྨོན་པའི། །རྨད་བྱུང་ཐེག་པའི་ལམ་འདིར་འཇུག་པར་ཤོག །འགྲན་གྱི་ཟླ་བྲལ་ཁྲག་འཐུང་བདུད་འཇོམས་གླིང་། །གཅིག་ཆོག་སྐྱབས་ཀྱི་མཆོག་ཏུ་མི་འབྲལ་ཞིང་། {{TibChung|།རྒྱུད་ལས། བུ་ཁྱོད་སློབ་དཔོན་མི་སྤང་ངོ་། །རྡོ་རྗེ་ཕག་མོའི་དམ་ཚིག་ཡིན། །ཅེས་སོ། །}}རང་རིག་གཤིས་སུ་གདོད་ནས་རོ་མཉམ་པར། །རྟོགས་པའི་གསོལ་བ་སྙིང་ལ་ཐེབས་པར་ཤོག །བླ་མེད་རྡོ་རྗེ་བཞི་ཡི་དཀྱིལ་འཁོར་དུ། །ལེགས་ཞུགས་དབང་བཞིའི་ཆོ་གས་བདག་རྒྱུད་སྨིན། །རྡོ་རྗེ་མཁའ་འགྲོས་ {{TibChung|རྒྱུད་རྣམས་ལས།}} ཡོངས་བསྒྲགས་ {{TibChung|རྩ་ལྟུང་བཅུ་བཞི་སོགས་ཐུན་མོང་སྤྱིའི།}} དམ་ཚིག་ཚུལ། །ཁ་ན་མ་ཐོ་མེད་པར་བསྲུང་ནུས་ཤོག {{TibChung|།སྒྲུབ་པ་ཁྱད་པར་གྱི་དམ་ཚིག}} །སྣང་སྲིད་གཞིར་བཞེངས་ཡེ་རྫོགས་བསྐྱེད་རིམ་དང་། །འོད་གསལ་ཐིག་ལེ་ལྷུན་གྲུབ་རྫོགས་པའི་རིམ། །ཟུང་འཇུག་མཆོག་གསང་རྡོ་རྗེ་རྩེ་མོའི་གནད། །ནམ་མཁའི་ཀློང་མཛོད་ལམ་དུ་ལོངས་པར་ཤོག {{TibChung|།མཁའ་འགྲོ་རིགས་ལྔ་ལྷག་པའི་དམ་ཚིག}} །ཀུན་ལ་བྱམས་ཤིང་ {{TibChung|སངས་རྒྱས་མཁའ་འགྲོའི་དམ་ཚིག}} ཅི་ལའང་ཆགས་པ་མེད། {{TibChung|རིན་ཆེན་མཁའ་འགྲོའི་དམ་ཚིག}} །ཤེས་རབ་ {{TibChung|མ་མཚན་ལྡན་}} བདུད་རྩི་ {{TibChung|ལྔ་དང་}} ཤ་ཆེན་ {{TibChung|ལྔ་རྣམས་}} བསྟེན་ཅིང་བཟའ། {{TibChung|པདྨ་མཁའ་འགྲོའི་དམ་ཚིག །མཁའ་འགྲོ་སྤྱིའི་དམ་ཚིག}} །བརྟུལ་ཞུགས་ཆས་ལྡན་ {{TibChung|རུས་རྒྱན་ཅང་ཏེའུ་སོགས་}} གླུ་གར་འདོད་ཡོན་བཅས། །གདུག་གཏུམ་ {{TibChung|རྡོ་རྗེ་མཁའ་འགྲོའི་དམ་ཚིག་}} རྒྱུག་མཆོང་སྤྱོད་པ་ {{TibChung|ལས་ཀྱི་མཁའ་འགྲོའི་དམ་ཚིག་}} མཐར་དབྱུང་ཤོག {{TibChung|བསྡུས་པའི་དམ་ཚིག}} །མི་ཕོད་ཐོག་ཏུ་བརྫི་ཞིང་ {{TibChung|ཟས་གོས་གཏམ་ལ་}} འཁྲི་བ་བཅད། །ཞེན་པ་གཏིང་ལོག་ {{TibChung|འཁོར་གཡོག་ལ་}} གཅེས་འཛིན་སྙེམས་ཐག་ཆད། །ལུས་དང་ཆོས་ཀྱི་སྦྱིན་པས་རབ་བསྡུས་ནས། །སྣང་སྲིད་ལྷ་འདྲེ་སེམས་ཅན་ཀུན་སྒྲོལ་ཤོག །ཆོས་ཅན་འཁྲུལ་པའི་སྣང་བ་ཇི་སྙེད་པ། །ཆོས་ཉིད་བརྗོད་དུ་མེད་པའི་དབྱིངས་ཟད་དེ། །སྒྲིབ་བྲལ་འཇའ་ལུས་ཡེ་ཤེས་སྒྱུ་མའི་སྐུ། །ཚེ་འདི་ཉིད་ལ་མངོན་དུ་འགྱུར་བར་ཤོག །གལ་ཏེ་སྦྱངས་གོམས་བརྩོན་འགྲུས་སྟོབས་ཞན་པས། །ཚེ་འདིར་ལམ་གྱི་གྲུབ་མཐའ་མ་སྙོགས་ན། །འཆི་བའི་དུས་བབས་འདའ་ཀའི་ཏིང་ངེ་འཛིན། །དགོངས་པ་མི་གཡོའི་ངང་ནས་འཕོ་བར་ཤོག །རང་སྣང་དཔའ་བོ་མཁའ་འགྲོ་མ་ཚོགས་ཀྱིས། །གླུ་གར་རོལ་མོ་མཆོད་པས་མདུན་བསུས་ཏེ། །འོག་མིན་མཁའ་སྤྱོད་ཞིང་ཁམས་ཉམས་དགའ་བར། །རིགས་བདག་བླ་མའི་དྲུང་དུ་འཁྲིད་པར་ཤོག །སྣང་ཆ་མ་འགགས་ཐབས་མཆོག་ཧེ་རུ་ཀ །སྟོང་ཆེན་ཤེས་རབ་དབྱིངས་ཕྱུག་ཁྲོས་མའི་མཁར། །མཉམ་སྦྱོར་མཁའ་ཁྱབ་ཡེ༷་ཤེ༷ས་བདེ་བ་ཆེ། །ཟུང་འཇུག་རྡོ༷་རྗེ༷་འཛིན་རྒྱལ་བདག་འགྲུབ་ཤོག །{{TibChung|ཅེས་གསུངས་པའི་དོན་ལ་སེམས་གཞོལ་ཏེ་དལ་བུའི་སྒོ་ནས་གསལ་དག་སྙན་གསུམ་གྱི་བཀླག་པས་དོན་ཡོངས་སུ་འགྲུབ་པར་འགྱུར་རོ། །འདི་ཡང་འབྲུག་བཀྲ་ཤིས་སྒང་བླ་མ་བཀྲ་ཤིས་དཔལ་ལྡན་ནས་འདི་ལྟར་གྱིས་ཤིག་ཅེས་ཨུ་ནན་ཆེན་པོས་བསྐུལ་ངོ་མ་ལྡོག་ཙམ་དུ་ཕྲིན་ལས་ནོར་བུ་ནས་བྲིས་པ་དགེ། །།}}<br /> }}<br /> &lt;/onlyinclude&gt;<br /> {{TsagliCall}}<br /> &lt;headertabs/&gt;</div> Jeremi