TTDL-ZABTER-15-BA-059

Previous Text Back to Volume PageNext Text

Wylie title	zhing skyong 'phyar dar byang bu hUM hUM hUM snang srid zil gnon sogs
Location	bdud 'joms gling pa zab gter Volume 15, Text 59, Pages 271-274 (Folios 1a1 to 2b2)
Author	བདུད་འཇོམས་གླིང་པ་
Citation	Khrag 'thung Bdud 'joms gling pa. Zhing skyong 'phyar dar byang bu hUM hUM hUM snang srid zil gnon sogs. In Sprul pa'i gter chen bdud 'joms gling pa'i zab gter gsang ba'i chos sde, Vol. 15: 271-274. Thimphu, Bhutan: Lama Kuenzang Wangdue, 2004.
Side notes	Recto: zhing skyong rlung dar   Verso: bdud 'joms zab gter
More details More details
Tertön	བདུད་འཇོམས་གླིང་པ་ (bdud 'joms gling pa)
Genre	Flags - dar cha
Cycle	དག་སྣང་ཡེ་ཤེས་དྲྭ་བ་ (dag snang ye shes drwa ba)
Colophon	ཞེས་པ་བདུད་འཇོམས་རྡོ་རྗེའི་དག་སྣང་ལའོ།།
	zhes pa bdud 'joms rdo rje'i dag snang la'o//

Tibetan Text

[edit]

༁ྃ༔ ཧཱུྃ་ཧཱུྃ་ཧཱུྃ༔ སྣང་སྲིད་ཟིལ་གནོན་ཐོད་ཕྲེང་རྩལ༔ ཕྱོགས་ལས་རྣམ་རྒྱལ་དྲག་པོའི་སྐུ༔ བདུད་འཇོམས་རྡོ་རྗེ་ཁྲོ་བོ་ལོད༔ འཕྱོར་བ་འདི་འཛིན་གང་ཟག་ལ༔ གུ་རུ་པདྨ་སིདྡྷི་སིདྡྷི་ཕ་ལ་ ཧོཿ འཇིགས་དང་སྡུག་བསྔལ་ཀུན་ལས་བདག་སྐྱོབ་ཅིག༔ ན་མོ་གུ་རུ་བུདྡྷ་དྷརྨ་སངྒ་སྭསྟི་མངྒ་མ་ཎི་རཏྣ་སིདྡྷི་སིདྡྷི་ཧཱུྃ༔ སྣང་སྲིད་ལ་གནས་ལས་བྱུང་བའི༔ སྡེ་བརྒྱད་གདུག་པ་ཤཱནྟི་ཾཀུ་རུ་ཡེ་སྭཱ་ཧཱ༔ ཨོཾ་བཛྲ་ཙནྜ་སརྦ་དུཥྚན་ཏ་ཀ་ཧ་ན་ཧ་པ་ཙ་ཧཱུྃ་ཕཊ༔ ཧོ་ཧེ་བྷྱོ་བདུད་མགོན་མ་ཧཱ་ཀཱ་ལ༔ སེང་ཧ་མུ་ཁ༔ ཞིང་སྐྱོང་ཆེན་པོ༔ ཀུན་དགའ་གཞོན་ནུ༔ གྷ་ཡདྷ་ར༔ ལྷོ་བཙན་ནག་པོ༔ ལེགས་གྲུབ་བཛྲ༔ ཀྵེ་ཊ་པཱ་ལ༔ སི་ན་ར་མ༔ བམ་རོ་ཕོ་མོ༔ ཁྱོད་ལྷའི་རཱ་ཛ་ལྷ་ཡི་འབངས་ཚོགས༔ གཤིན་རྗེའི་རཱ་ཛ་གཤིན་རྗེའི་སྡེ་ཚོགས༔ མ་མོའི་རཱ་ཛ་མ་མོའི་སྡེ་ཚོགས༔ བདུད་ཀྱི་རཱ་ཛ་བདུད་ཀྱི་སྡེ་ཚོགས༔ སྲིན་པོའི་རཱ་ཛ་སྲིན་པོའི་སྡེ་ཚོགས༔ བཙན་གྱི་རཱ་ཛ་བཙན་གྱི་སྡེ་ཚོགས༔ གནོད་སྦྱིན་གྱི་རཱ་ཛ་གནོད་སྦྱིན་གྱི་སྡེ་ཚོགས༔ ཀླུའི་རཱ་ཛ་ཀླུའི་སྡེ་ཚོགས༔ སྣང་སྲིད་ཀྱི་སྤྱི་དཔལ་ཆེན་པོ༔ འཁོར་འདས་ཀྱི་དབང་ཕྱུག་ཆེན་པོ༔ ཁམས་གསུམ་གྱི་མངའ་བདག༔ ཕྱོགས་སྐྱོང་དང་དྲེགས་དཔོན་བཅུ་ཕྲག་བཞིའི་རྒྱལ་པོ་ཆེན་པོ༔ འཁྲུལ་པ་དང་ཉིང་འཁྲུལ་རཱུ་ཏྲའི་གཤེད་པོ་ཆེན་པོ༔ དགེ་ལེགས་ཡོན་ཏན་གྱིས་འབྱུང་གནས་ཆེན་པོ༔ ལས་བཟློག་བཙན་ཐབས་ཀྱི་འདྲེན་ཞིང་ས་མཁན་ཆེན་པོཿཞིང་སྐྱོང་མགོན་པོ་སིངྷ་མུ་ཁ༔ ས་མ་ཡ༔ ས་མ་ཡ༔ ས་མ་ཡ༔ ཁྱོད་དར་ལ་བརྟེན་ནོ༔ ཁྱོད་གནས་ལ་ཕྱར་ན་བརྟེན་པའི་དར་ཏེ་གཞི་འདུག་ཀྱི་འདོད་འབྱུང་ནོར་བུ་མཛོད་ལ་འདོད་ཡོན་གྱི་ཆར་ཕོབ་ཕོབ༔ མ་ཎི་རཏྣ་སིདྡྷི་ཕ་ལ་ཨ་ཝེ་ཤ་ཡ་ཨ་ཨཱ༔ མགོན་པོ་སྟོབས་ལྡན་ཆེན་པོ་ཁྱོད་ལམ་དུ་ཕྱར་ན་འདི་ལྟར་བསྐུལ་ལོ་དགྲ་རྐུན་དང་གཅན་གཟན་གྱི་རྒོལ་བ་ཆོམ་ཞིག་བཟློག་ཅིག༔ བྷྱོ་བཟློག་རྦད་དགྲ་བགེགས་དབང་པོ་ཐུམ་ཐིབ༔ དགྲ་རྐུན་བགེགས་གཅན་ཐམས་ཅད་ཀྱི་ཙཀྵུ་མུ་ཁཾ་བྷནྡྷབྷནྡྷ་ཡེ་སྭཱ་ཧཱ༔ དབང་སྡུད་རྒྱལ་པོ་ཆེན་པོ་ཁྱོད་བྱེས་ལ་འཕྱར་ན་མི་སེམས་འཕྲོག་ཅིང་མི་ནོར་དབང་དུ་བསྡུས་ཤིང་མི་ཕམ་བདག་རྒྱལ་གྱི་བྱེད་པོ་གྱིས་ཤིག༔ སརྦ་པཱ་ཤཾ་ཀུ་རུ་ཡེ་སྭཱ་ཧཱ༔ ས་མ་ཡ་ཛཿནག་པོ་སྲོག་བདུད་ཆེན་པོ་ཁྱོད་དགྲ་ལ་འཕྱར་ན་གསོད་པའི་ཤན་པར་བསྐུལ་ལོ༔ དགྲ་མིག་རཀྟས་ཁོངས་ཤིག༔ དགྲ་ལག་རྒྱུས་ནས་འཆིངས་ཤིག༔ དགྲ་སྙིང་ཐད་དུ་ཕྱུངས་ཤིག༔ དགྲ་ཁྲག་ཧུབ་ཀྱིས་འཐུང་ཞིག༔ དགྲ་སྲོག་ཐག་གིས་ཆོད་ཅིག༔ དགྲ་དཔུང་མཉམ་དུ་ཆོམ་ཞིག༔ དགྲ་བོའི་དཔུང་སརྦ་ཤ་ཏྲུཾ་མཱ་ར་ཡ་ཕཊ༔ བགེགས་འདུལ་ཁྲོ་རྒྱལ་ཆེན་པོ་ཁྱོད་བགེགས་ལ་འཕྱར་ན་བགེགས་འདུལ་གྱི་རྒྱལ་པོར་བསྐུལ་བ་ཡིན་པས་བགེགས་དཔུང་ཐལ་བར་རློག་ལ་བགེགས་སྟོབས་ཤུལ་མེད་བཟློག་ཅིག༔ བགེགས་དཔུང་རྗེས་མེད་རློག་ཅིག༔ སིངྷ་མུ་ཁ་ས་མ་ཡ་བི་ན་སརྦ་ཤ་ཏྲུཾ་མཱ་ར་ཡ་ཛྭ་ལ་རཾ་རཾ་བྷྱོ་བཟློག༔ བདུད་མགོན་ནག་པོ་ཆེན་པོ་སྟོབས་ལྡན་སིངྷ་མུ་ཁ་ཁྱོད་བསྒྲུབ་བོ་བརྟེན་ནོ་གསོལ་ལོ་མཆོད་དོ་བསྟོད་དོ༔ བཀྱག་གོ་བཀུར་རོ་ཕྲིན་ལས་སྒྲུབས་ཤིག༔ འཆང་བ་པོ་ཕ་མ་བུ་ཚ་བཞིན་དུ་བརྩེ་ཞིང་གདུང་བར་མཛོད་ཅིག༔ ལུས་དང་གྲིབ་མ་བཞིན་དུ་དབྱེར་མེད་དཔུང་གྲོགས་མཛོད་ཅིག༔ སིངྷ་མུ་ཁ་སི་ན་ར་མ་སརྦ་རཏྣ་སིདྡྷི་ཕ་ལ་ཧཱུྃ༔ བདག་འཁོར་དང་བཅས་པ་ལ་སྲུངས་ཤིག༔ ཆོས་སྐྱོང་ཆེན་པོ་ས་མ་ཡ་རཀྵ༔ ཨེ་ཨེ་མ་ ཧོཿ དར་འགོ་ལྷ་ལམ་ཡངས་པར་ཕྱར༔ དཀོན་མཆོག་གསུམ་གྱི་གནས་མཛོད་ཅིག༔ དར་སྐེད་ཚངས་པའི་གནས་ལ་གནས༔ རྩ་གསུམ་རྒྱལ་བའི་གནས་མཛོད་ཅིག༔ དར་མཇུག་སྲིད་པའི་ཁམས་ལ་གནས༔ ཞིང་སྐྱོང་མགོན་པོའི་རྟེན་མཛོད་ཅིག༔ དར་ལྕེ་རླུང་གི་རྟ་ལ་ཞོན༔ ཆོས་སྐྱོང་དགྲ་བླའི་རྟེན་མཛོད་ཅིག༔ སྣང་བ་ལྷུན་གྲུབ་གཞལ་ཡས་སུ༔ སྲིད་པ་ལྷ་དང་ལྷ་མོ་ཡི༔ བདེ་འབྱོར་དཔལ་ཐོབ་བཀྲ་ཤིས་ཤིང་༔ སྐུ་གསུམ་མངོན་གྱུར་བཀྲ་ཤིས་ཤོག༔ སྭ་སྟི་སྭ་སྟི་མངྒ་ལཾ༔ ཞེས་པ་བདུད་འཇོམས་རྡོ་རྗེའི་དག་སྣང་ལའོ།། །།