DJYD-KABUM-06-CHA-012: Difference between revisions

From Dudjom Wiki
DJYD-KABUM-06-CHA-012
Browse history interactively
← Older edit
No edit summary
No edit summary
 
(22 intermediate revisions by 2 users not shown)
Line 2: Line 2:
|classification=Tibetan Publications
|classification=Tibetan Publications
|subclass=Tibetan Texts
|subclass=Tibetan Texts
|collectiontitle=bdud 'joms rin po che bka' 'bum
|fulltitletib=དཔལ་རྡོ་རྗེ་ཕུར་བུ་ཡང་གསང་སྲོག་གི་སྤུ་གྲིའི་ལས་བྱང་ཕྲིན་ལས་རྣམ་པར་རོལ་པའི་རྒྱན།
|collectiontitletib=བདུད་འཇོམས་རིན་པོ་ཆེ་བཀའ་འབུམ།
|fulltitle=dpal rdo rje phur bu yang gsang srog gi spu gri'i las byang phrin las rnam par rol pa'i rgyan
|totalvolumes=25
|citation=[[Dudjom Rinpoche]] 'Jigs bral ye shes rdo rje. ''Dpal rdo rje phur bu yang gsang srog gi spu gri'i las byang phrin las rnam par rol pa'i rgyan''. ''Bdud 'joms 'jigs bral ye shes rdo rje'i gsung 'bum dam chos rin chen nor bu'i bang mdzod'', Vol. 6: 405-456. Kalimpong: Dupjung Lama, 1979-1985.
|collectiontitletib=བདུད་འཇོམས་རིན་པོ་ཆེའི་བཀའ་འབུམ།
|collectiontitle=bdud 'joms rin po che'i bka' 'bum
|author=Dudjom Rinpoche
|author=Dudjom Rinpoche
|authortib=བདུད་འཇོམས་འཇིགས་བྲལ་ཡེ་ཤེས་རྡོ་རྗེ་
|sourcerevealer=pad+ma gling pa
|sourcerevealer=pad+ma gling pa
|citation=[[Dudjom Rinpoche]] 'Jigs bral ye shes rdo rje. ''''. ''Bdud 'joms 'jigs bral ye shes rdo rje'i gsung 'bum dam chos rin chen nor bu'i bang mdzod'', Vol. 6: . Kalimpong: Dupjung Lama, 1979-1985.
|sourcerevealertib=པདྨ་གླིང་པ་
|tibgenre=Activity Manual - las byang
|terma=No
|deity=rdo rje phur pa
|cycle=dpal rdo rje phur bu yang gsang srog gi spu gri
|cycletib=དཔལ་རྡོ་རྗེ་ཕུར་བུ་ཡང་གསང་སྲོག་གི་སྤུ་གྲི་
|language=Tibetan
|language=Tibetan
|volumenumber=06
|volnumtib=༦
|volnumtib=༦
|volyigtib=ཆ
|volyigtib=ཆ
|volumenumber=06
|totalvolumes=25
|volumeLetter=CHA
|textnuminvol=012
|textnuminvol=012
|pagenumbers=405-456
|totalpages=52
|beginfolioline=1a1
|endfolioline=26b6
|totalfolios=26
|multivolumework=No
|rectonotes=las byang
|versonotes=pad gling phur pa
|colophontib=།དེ་ལྟར་དཔལ་རྡོ་རྗེ་ཕུར་བུ་ཡང་གསང་སྲོག་གི་སྤུ་གྲིའི་ལས་བྱང་ཕྲིན་ལས་རྣམ་པར་རོལ་པའི་རྒྱན་ཅེས་བྱ་བ་འདི་ནི།  གསང་ཆེན་བསྟན་པའི་རྩ་ལག་ལྷ་ལུང་ཐེག་མཆོག་རབ་རྒྱས་གླིང་དུ་འདི་ཉིད་ཀྱི་སྒྲུབ་རྒྱུན་གསར་འཛུག་མཛད་པའི་ཚེ་དུས་དང་རྒྱུན་གྱི་ཉམས་བཞེས་འཇུག་པ་བདེ་བའི་ཆོག་ཁྲིགས་འདི་ལྟ་བུ་ཞིག་གྱིས་ཞེས་རྣམ་འདྲེན་གསུང་སྤྲུལ་བཅུ་པ་པདྨ་ངག་དབང་ཆོས་ཀྱི་རྒྱལ་མཚན་གང་གི་བཀའ་སྩལ་རིན་པོ་ཆེའི་ཅོད་པན་སྤྱི་བོའི་རྒྱན་དུ་མཆོད་པར་བྱ་བའི་ཕྱིར།  དུས་མཐའི་སྔགས་འཆང་སྙོམས་ལས་པ་འཇིགས་བྲལ་ཡེ་ཤེས་རྡོ་རྗེས་རང་ལོ་ཞེ་དགུར་སོན་པ་ཆུ་ཕོ་འབྲུག་གི་ལོ་སྟོན་ཟླ་འབྲིང་པོ་འབྲས་བུ་བཅུད་དུ་སྨིན་པའི་དུས་བཟང་པོ་ལ།  གངས་ཅན་གྱི་ཡུལ་དབུས་ར་ས་འཕྲུལ་སྣང་གི་གྲོང་ཁྱེར་ཕྱོགས་ལས་རྣམ་པར་རྒྱལ་བའི་འདུན་ས་ཆེན་པོར་སྦྱར་བའི་ཡི་གེ་པ་ནི་རིག་བྱེད་པ་ནོར་བུ་དབང་རྒྱལ་གྱིས་བགྱིས་པའོ།  །འདིས་ཀྱང་སྐལ་བ་ཅན་གྱི་གདུལ་བྱ་མཐའ་དག་རྡོ་རྗེ་ཕུར་བུའི་ལམ་ལ་བརྟེན་པའི་དངོས་གྲུབ་ཀྱི་དགའ་སྟོན་རང་དབང་དུ་སྤྱོད་པའི་གཞིར་གྱུར་ཅིག།  །།སརྦ་དཱ་མངྒ་ལཾ།།
|colophonwylie=de ltar dpal rdo rje phur bu yang gsang srog gi spu gri'i las byang phrin las rnam par rol pa'i rgyan ces bya ba 'di ni/___gsang chen bstan pa'i rtsa lag lha lung theg mchog rab rgyas gling du 'di nyid kyi sgrub rgyun gsar 'dzug mdzad pa'i tshe dus dang rgyun gyi nyams bzhes 'jug pa bde ba'i chog khrigs 'di lta bu zhig gyis zhes rnam 'dren gsung sprul bcu pa pad+ma ngag dbang chos kyi rgyal mtshan gang gi bka' stsal rin po che'i cod pan spyi bo'i rgyan du mchod par bya ba'i phyir/___dus mtha'i sngags 'chang snyoms las pa 'jigs bral ye shes rdo rjes rang lo zhe dgur son pa chu pho 'brug gi lo ston zla 'bring po 'bras bu bcud du smin pa'i dus bzang po la/___gangs can gyi yul dbus ra sa 'phrul snang gi grong khyer phyogs las rnam par rgyal ba'i 'dun sa chen por sbyar ba'i yi ge pa ni rig byed pa nor bu dbang rgyal gyis bgyis pa'o/___/'dis kyang skal ba can gyi gdul bya mtha' dag rdo rje phur bu'i lam la brten pa'i dngos grub kyi dga' ston rang dbang du spyod pa'i gzhir gyur cig/___//sarba dA mang+ga laM//
|pdflink=File:DJYD-KABUM-06-CHA-012.pdf
|pdflink=File:DJYD-KABUM-06-CHA-012.pdf
|authortib=བདུད་འཇོམས་འཇིགས་བྲལ་ཡེ་ཤེས་རྡོ་རྗེ་
|sourcerevealertib=པདྨ་གླིང་པ་
|volumeLetter=CHA
|InitCategories=Dudjom Tersar Project; DJYD-KABUM-Volume-06-CHA
|InitCategories=Dudjom Tersar Project; DJYD-KABUM-Volume-06-CHA
}}
}}
<h1>Tibetan Text</h1>
<h1>Tibetan Text</h1>
<onlyinclude>
<onlyinclude>
{{TibP|༅༅།   །དཔལ་རྡོ་རྗེ་ཕུར་བུ་ཡང་གསང་སྲོག་གི་སྤུ་གྲིའི་
{{TibP|༄༅།   །དཔལ་རྡོ་རྗེ་ཕུར་བུ་ཡང་གསང་སྲོག་གི་སྤུ་གྲིའི་ལས་བྱང་ཕྲིན་ལས་རྣམ་པར་རོལ་པའི་རྒྱན་ཅེས་བྱ་བ་བཞུགས་སོ།   །
ལས་བྱང་ཕྲིན་ལས་རྣམ་པར་རོལ་པའི་
 
རྒྱན་ཅེས་བྱ་བ་བཞུགས་སོ།   །


(1བ)དཔལ་རྡོ་རྗེ་ཕུར་བུ་ཡང་གསང་སྲོག་གི་སྤུ་གྲིའི་ལས་བྱང་ཕྲིན་ལས་རྣམ་པར་རོལ་པའི་རྒྱན་ཅེས་བྱ་བ།   བླ་མ་ཁྲག་འཐུང་བདུད་འདུལ་འབར་བ་ཆེན་པོའི་ཞབས་ལ་གུས་པས་ཕྱག་འཚལ་ལོ།  །མཆོག་ཏུ་མི་འགྱུར་བདེ་བ་ཆེན་པོའི་ཡེ་ཤེས་གཅིག་ཉིད་དུ་མའི་གར་ནི་ཅི་ཡང་བསྒྱུར།  །བརླང་པོར་སྤྱོད་པའི་མི་སྲུན་ཅན་ངོར་སྙིང་རྗེ་ཁྲོས་པའི་རྣམ་འགྱུར་བཟོད་དཀའི་བརྟུལ་ཞུགས་ངོམས།  །བདུད་ཀྱི་བདུད་དེ་སྐལ་བ་ཅན་ལ་བདེ་བ་དམ་པའི་བདུད་རྩི་རབ་སྟེར་བུམ་པ་བཟང་།  །ལྷ་ཡི་ལྷ་མཆོག་ཧེ་རུ་ཀ་དཔལ་དཔའ་བོ་ཆེན་པོས་(2ན)གྲུབ་གཉིས་གནས་ལ་དབུགས་འབྱིན་མཛོད།  །དེ་ཡི་ཕྲིན་ལས་སྤུ་གྲིའི་གཞུང་།  །རིག་འཛིན་རྣམ་པར་རོལ་པའི་གནས།  །པདྨའི་དགོངས་རྒྱན་མ་འཁྲུལ་བར།  །བདུད་ལས་རྒྱལ་བའི་དཔྱིད་དུ་སྤྲོ།  །(འདིར་རྡོ་རྗེ་ཕུར་པ་རིག་པ་མཆོག་གི་རྒྱུད་བིདྱ་ཏྟོ་མ་ལ་འབུམ་སྡེའི་ཡང་སྙིང་བཀོལ་བ་དུམ་བུར་ཕྱུངས་པ་ཕྲིན་ལས་ལ་དགོངས་པ་རྡོ་རྗེ་གཞོན་ནུ་རྩ་བའི་རྒྱུད་དྲག་སྔགས་སྤུ་གྲིར་འབྲེལ་པ་རྣོ་ལ་ཚན་ཆེ་བ་ཡང་སྙིང་གསང་སྒྲུབ་ཀྱི་ལས་གཞུང་སྲོང་བར་བྱེད་པའི་རིམ་པ་ལ་སྤྱི་དོན་རྣམ་པ་གསུམ་སྟེ།  རྩ་བའི་སྡོམ་བྱང་ལས།  བིདྱཏྟོ་མ་འབུམ་སྡེའི་བཅུད༔  རྩ་བ་ཡང་སྙིང་དྲག་སྔགས་འབྲེལ༔  ཡང་གསང་ཕུར་བུའི་གཞུང་བསྲང་སྡོམ༔  སྔོན་འགྲོ་དངོས་གཞི་རྗེས་རིམ་གསུམ༔  ཞེས་པས།  སྦྱོར་བ།  དངོས་གཞི།  རྗེས་སོ།  །སྔ་མ་ལ་སྤྱི་དང་ཁྱད་པར་གཉིས་ཀྱི།  དང་པོ་ནི།  ཡིད་དང་མཐུན་པའི་གནས་ཁང་བྱི་དོར་བྱས་ལ་སྤྱན་གཟིགས་སྣ་ཚོགས་པས་མཛེས་པར་བརྒྱན།  དམ་ཚིག་གི་བྲིས་སྐུ་སོགས་མཚན་མའི་རྟེན་བཀྲམ་པའི་སྤྱན་སྔར་ཕྱི་ནང་གསང་བའི་མཆོད་པའི་དངོས་པོ་རྣམས་གཙང་ཞིང་མཛེས་པར་བཤམ།  ཚོགས་དང་གཏོར་མ་རོལ་མོའི་བྱེ་བྲག་སོགས་ཉེ་བར་མཁོ་བའི་ཡོ་བྱད་ཐམས་ཅད་ཀྱང་མ་ཚང་བ་མེད་པར་འདུ་བྱས་ནས།  ཐོག་མར་ཉམས་ལེན་ཀུན་གྱི་སྔོན་དུ་འགྲོ་བ་སྐྱབས་སེམས་ཚོགས་གསོག་གི་རིམ་པ་ནི།)  ཕྱོགས་བཅུ་དུས་གསུམ་གྱི་བླ་མ་རྒྱལ་བ་སྲས་དང་བཅས་པ་ཐམས་ཅད་དཔལ་ཆེན་རྡོ་རྗེ་གཞོན་ནུའི་དཀྱིལ་འཁོར་གྱི་འཁོར་ལོའི་རྣམ་པར་བཛྲ་ས་མཱ་ཛཿ(ས་མདུན་གྱི་ནམ་མཁར་སད་པར་བལྟས་ལ།)  ན་མོ༔  བླ་མ་དཀོན་མཆོག་ཡི་དམ་ལྷ༔  རྒྱལ་བ་རྒྱ་མཚོའི་ཚོགས་བཅས་ལ༔  བདག་དང་འགྲོ་བ་སེམས་ཅན་རྣམས༔  སྒོ་གསུམ་གུས་པས་སྐྱབས་སུ་མཆི༔  (ཞེས་ལན་གསུམ་གྱིས་སྐྱབས་སུ་འགྲོ།)  ཀྱེ་མ༔  བདག་གིས་འགྲོ་ཀུན་བསྒྲལ་བྱའི་ཕྱིར༔  ཕྲིན་ལས་ཕུར་པའི་དཀྱིལ་འཁོར་དུ༔  ཚད་མེད་བཞི་རུ་སེམས་བསྐྱེད་ནས༔  འཁོར་བ་(3ན)དོང་ནས་སྤྲུགས་པར་བགྱི༔  (ཞེས་ལན་གསུམ་གྱིས་སེམས་བསྐྱེད།)  རྡོ་རྗེ་སློབ་དཔོན་སངས་རྒྱས་དཔལ།  །དུས་གསུམ་བཞུགས་ལ་ཕྱག་འཚལ་ལོ།  །མཆོག་གསུམ་བསྟེན་པའི་ཞིང་གྱུར་ལ།  །གཉིས་མེད་ཡིད་ཀྱིས་སྐྱབས་སུ་མཆི།  །དངོས་འབྱོར་ཡིད་ཀྱིས་རྣམ་སྤྲུལ་པའི།  །དག་པའི་མཆོད་པ་བཞེས་སུ་གསོལ།  །དངོས་གྲུབ་ཆུ་བོ་གཅོད་པའི་གེགས།  །ཉེས་བྱས་མ་ལུས་བཤགས་པར་བགྱི།  །ཕྱོགས་བཅུ་འཁོར་གསུམ་དག་པའི་ཆོས།  །མ་ཆགས་སྤྱོད་ལ་རྗེས་ཡི་རང་།  །དག་པའི་མཐའ་བཞི་དྲི་མ་མེད།  །རྫོགས་པའི་བྱང་ཆུབ་སེམས་བསྐྱེད་དོ།  །བདེ་གཤེགས་བྱང་ཆུབ་སེམས་དཔའ་ལ།  །དག་པ་གསུམ་གྱི་ལུས་འབུལ་ལོ།  །ཚེ་རབས་བསྒྲངས་པའི་དགེ་བ་རྣམས།  །བསྡུས་ནས་བྱང་ཆུབ་མཆོག་ཏུ་བསྔོ།  །(ཞེས་ཚོགས་བསགས་པའི་མཐར།)  ཛཿཧཱུྃ་བྃ་ཧོཿས།   སྐྱབས་ཡུལ་དགྱེས་པ་ཆེན་པོས་འོད་དུ་ཞུ་ནས་རང་ལ་ཐིམ་པས་རྒྱུད་བྱིན་གྱིས་བརླབས་པར་(བསམ་མོ།  །གཉིས་པ་ཁྱད་པར་གྱི་སྦྱོར་བ་ལ་བདུན་ཏེ།  དང་པོ་མཚམས་བཤགས་བརྡ་སྒོ་དབྱེ༔  ཕྱག་འཚལ(3བ) དམ་བཅའ་བྱིན་དབབ་བརླབ༔  ཅེས་པས།  དང་པོ་མཚམས་བཅད་པ་ནི།)  ཨོཾ་བཛྲ་ཀཱི་ལི་ཀཱི་ལ་ཡ་ཧཱུྃ་ཕཊ༔  (ཅེས་པའི་སྔགས་ཀྱི་སྒྲ་གདངས་ཀྱིས་སད་པས།)  བདག་ཉིད་སྐད་ཅིག་གིས་དཔལ་ཆེན་རྡོ་རྗེ་གཞོན་ནུ་རང་སྣང་གི་ཡུམ་དང་བཅས་པ་དུར་ཁྲོད་དྲག་པོའི་རྒྱན་ཐམས་ཅད་རྫོགས་ཤིང་གཟི་བརྗིད་དུས་མཐའི་མེ་ལྟར་འབར་བའི་སྐུར་གྱུར་པར་(མོས་པའི་ང་རྒྱལ་བསྐྱེད་དེ།  བགེགས་ཀྱི་གཏོར་མ།)  ཨོཾ་བཛྲ་ཀྲོ་དྷ་ཨ་མྲྀ་ཏ་ཀུཎྜ་ལཱི་ཧཱུྃ་ཚིནྡྷ་ཚིནྡྷི་ཧཱུྃ་ཕཊ་ཀྱིས་བསང་།  ཨོཾ་སྭ་བྷཱ་ཝ་ཤུདྡྷཿསརྦ་དྷརྨཿསྭ་བྷཱ་ཝ་ཤུདྡྷོ྅ཧཾཿགིས་སྦྱང་།  སྟོང་པའི་ངང་ལས་བྷྲཱུྃ་ལས་རིན་པོ་ཆེའི་སྣོད་ཟབ་ཅིང་རྒྱ་ཆེ་བའི་ནང་དུ་གཏོར་མ་ཁ་དོག་དྲི་རོ་ནུས་པ་ཕུན་སུམ་ཚོགས་པར་(བལྟས་ལ།)  ཨོཾ་ཨཱཿཧཱུྃ།  (ཞེས་བརླབས།)  སརྦ་བྷུ་ཏ་ཨཱ་ཀརྵ་ཡ་ཛཿ(ས་མགྲོན་བཀུག  །)  སརྦ་བིགྷྣཱན་ན་མཿསརྦ་ཏ་ཐཱ་ག་ཏེ་བྷྱོ་བི་ཤྭ་མུ་ཁེ་བྷྱཿསརྦ་ཐཱ་ཁཾ་ཨུཏྒ་ཏེ་སྥ་ར་ཎ་ཨི་མཾ་ག་ག་ན་ཁཾ་གྲིཧྣེ་དཾ་བ་ལདྟིེ་སྭཱ་ཧཱ།  (ཞེས་ལན་གསུམ་གྱིས་བསྔོས་ལ།)  ཧཱུྃ༔  ཉོན་ཅིག་བགེགས་དང་ལོག་འདྲེན་ཚོགས༔  ང་ཡི་བཀའ་ལས་འདའ་མ་བྱེད༔  རྡོ་རྗེ་གསང་བའི་བཀའ་ལས་ནི༔  སྡིག་ཅན་གང་ཞིག་འདའ་བྱེད་པ༔  སྟོབས་ཆེན་ཁྲོ་བོ་ཆེན་པོ་ཡིས༔ (4ན)ཀླད་པ་ཚལ་པ་བརྒྱ་རུ་ཁོས༔  དེ་བས་ད་ལྟ་ཕྱིར་དེངས་ཤིག༔  ཧཱུྃ་ཧཱུྃ་ཧཱུྃ་སརྦ་བིགྷྣཱན་ཨུཙྪི་ཥྚ་ཡ་ཕཊ༔  ཨོཾ་སུམྦྷ་ནི་ སུམྦྷ་ནི་ཧཱུྃ་༔  གྲྀཧྞ་གྲྀ་ཧྞ་ཧཱུྃ༔  གྲྀཥྚ་པ་ཡ་གྲྀཧྞ་པ་ཡ་ཧཱུྃ༔  ཨཱ་ན་ཡ་ཧོཿབྷ་ག་ཝཱན༔   བིདྱ་རཱ་ཛ་ཡ་ཧཱུྃ་ཕཊ༔  (ཅེས་དྲག་པོའི་ཚམ་རྔམས་དང་བཅས་པས་བསྐྲད་དེ།)  ཧཱུྃ༔  སྟེང་ཡང་ཕུར་བུའི་བླ་བྲེལ༔  ཕུར་བུའི་ཐོག་ཆེན་ཆར་ལྟར་འབེབས༔  འོག་ཀྱང་ཕུར་བུའི་ས་གཞི་ལ༔  ཕུར་བུའི་འདུ་འཕྲོ་མེ་ལྟར་འབར༔  ཕྱོགས་མཚམས་ཕུར་བུས་གཏམས་པ་ལ༔  ཕུར་བུའི་ཚྭ་ཚྭ་སྐར་ལྟར་འཁྲུགས༔  ཕུར་བུའི་མཚམས་ལས་མ་འདའ་ཞིག༔  (ཅེས་དང་།  སྤྲོ་ན།)  ཧཱུྃ༔  རྡོ་རྗེ་གཞོན་ནུའི་ཐུགས་ཀྱི་དཀྱིལ་འཁོར་ནས༔  འཇིགས་པའི་ཁྲོ་རྒྱལ་བཅུ་རྣམས་དབྱུང་ནས་ནི༔  སྟེང་འོག་ཕྱོགས་མཚམས་ཐམས་ཅད་རིམ་པ་བཞིན༔  དྲེགས་པ་བསྒྲལ་ནས་རྡོ་རྗེའི་གདན་ལ་བཞུགས༔  མ་དག་བགེགས་རྣམས་ཀུན་དང་མཚམས་བཅད་ཕྱིར༔  ཁྲོ་བཅུས་བསྲུང་དང་མཚམས་ཀྱི་ལས་མཛོད་ཅིག༔  ཨོྃ་བཛྲ་ཀཱི་ལི་ཀཱི་ལ་ཡ༔  གརྫ༔  ཧ་ན༔  ད་ཧ༔  པ་ཙ༔ (4བ)བྷནྡྷ༔  ཧུ་ལུ༔  ཏིཥྛ༔  ཚིནྡྷ༔  བྷིནྡྷ༔  སྥོ་ཊ་ཡ༔  གནོད་བྱེད་འབྱུང་པོ་མཱ་ར་ཡ་ཧཱུྃ་ཕཊ༔  (ཅེས་མཚམས་བཅད།  གཉིས་པ་བཤགས་པ་བྱ་བ་ནི།)  བླ་མ་དཀྱིལ་འཁོར་གྱི་ལྷ་ཚོགས་མདུན་གྱི་ནམ་མཁར་སད་པའི་(སྤྱན་སྔར་གནོང་འགྱོད་དང་བཅས་པས།)  ཧཱུྃ༔  བཅོམ་ལྡན་བདེ་གཤེགས་རྒྱལ་བ་ཞི་ཁྲོའི་ཚོགས༔  ཆོས་སྐུ་རྣམ་དག་ལོངས་སྐུའི་དབྱིངས་ནས་ཤར༔  སྤྲུལ་སྐུ་འགྲོ་དོན་རྫོགས་མཛད་ཕུར་བུའི་ལྷ༔  རྡོ་རྗེ་གཞོན་ནུ་སྲས་འཁོར་མ་ལུས་དགོངས༔  ཐོག་མེད་དུས་ནས་འཁོར་འདས་བདག་གཞན་ཚུལ༔  ཆོས་རྣམས་མཉམ་ཡངས་སྤྲོས་བྲལ་ངང་ཉིད་ལས༔  ལས་ཀྱི་དབང་གིས་ཐ་དད་སོ་སོར་བཟུང་༔  དོན་དམ་དབྱེར་མེད་ངང་དུ་མཐོལ་ལོ་བཤགས༔  མ་རིག་བག་ཉལ་རྣམ་རྟོག་རྐྱེན་དབང་གིས༔  རྒྱལ་བའི་དགོངས་སྤྱོད་ཟབ་མོའི་གཏིང་མ་རྟོགས༔  ཐབས་དང་ཤེས་རབ་ཡ་བྲལ་བླང་དོར་སྤྱོད༔  བདེ་གཤེགས་བཀའ་དང་འགལ་སྤྱད་མཐོལ་ལོ་བཤགས༔  ཐུན་མོང་ཁྱད་པར་རྩ་ལག་དམ་ཚིག་རྣམས༔  ཇི་ལྟར་བཤད་པའི་གཞུང་བཞིན་མ་བསྲངས་པ༔  བླ་མ་ཡི་དམ་དཀྱིལ་འཁོར་ལྷ་ཚོགས་(5ན)ལ༔  གནོང་འགྱོད་དྲག་པོས་མཐོལ་བཤགས་ཚངས་པར་གསོལ༔  (ཞེས་དང་།  སྤྲོ་ན་བརྗོད་མེད་དོན་བཤགས་ཀྱང་བྱའོ།  །གསུམ་པ་བརྡའ་སྒོ་དབྱེ་བ་ནི།)  ཧཱུྃ༔  བདེ་གཤེགས་རྒྱལ་བའི་ཕོ་བྲང་དུ༔  བདག་ཅག་དད་པས་འཇུག་འཚལ་གྱིས༔  ཚད་མེད་བཞི་ལྡན་སྒོ་མ་བཞིས༔  ཡེ་ཤེས་བཞི་ཡི་སྒོ་ཕྱེས་ཤིག༔  ཨོྃ་བཛྲ་པྲ་བེ་ཤ་ཡ་ཕཊ༔  (བཞི་པ་བརྡ་ཕྱག་འཚལ་བ་ནི།)  ཧོཿཡང་དག་གསང་བའི་དཀྱིལ་འཁོར་དུ༔   ལྷ་དང་སློབ་དཔོན་རྡོ་རྗེ་མཆེད༔  དཀྱིལ་འཁོར་ལྷ་ཚོགས་ཐམས་ཅད་ལ༔  ལུས་ངག་ཡིད་གསུམ་གུས་ཕྱག་འཚལ༔  ཨ་ཏི་པུ་ཧོཿཔྲ་ཏཱིཙྪ་ཧོཿ(ལྔ་པ་དམ་བཅའ་བ་ནི།)  ཧོཿལྷག་པའི་ལྷ་ཁྱེད་བདག་ལ་དགོངས༔   ཇི་སྲིད་འཁོར་བ་མ་སྟོངས་བར༔  རྟག་ཏུ་འགྲོ་དོན་མི་སྐྱོ་ཞིང་༔  བྱང་ཆུབ་སེམས་བསྐྱེད་དམ་བཅའ་འོ༔  ཨོཾ་བོ་དྷི་ཙིཏྟ་ས་མ་ཡ་སྟྭཾཿ(དྲུག་པ་བྱིན་དབབ་པ་ནི།  སྤོས་དང་རོལ་མོར་བཅས་པས་གདུང་བའི་དབྱངས་ཀྱིས།)  ཧཱུྃ༔  སྲིད་པའི་ཕུར་བུ་སྒྲུབ་པ་དང་༔  དབང་དང་དངོས་གྲུབ་བླང་བའི་ཕྱིར༔  གཉིས་མེད་དག་པའི་མཁའ་དབྱིངས་ནས༔  ཡེ་ཤེས་(5བ)ཁྲོ་བོ་གཤེགས་སུ་གསོལ༔  དབང་ཆེན་རྣམས་ཀྱིས་དབང་སྐུར་ཅིག༔  བྱིན་ཆེན་རྣམས་ཀྱིས་བྱིན་ཕོབ་ཅིག༔  མཐུ་ཆེན་རྣམས་ཀྱིས་མཐུ་སྩོལ་ཅིག༔  རྟགས་དང་མཚན་མ་བསྟན་པ་དང་༔  ཀཱི་ལ་ཡ་ཡི་དངོས་གྲུབ་སྩོལ༔  ཨོཾ་བཛྲ་ཀཱི་ལི་ཀཱི་ལ་ཡ་དེ་བ་ག་ཎ་ཨ་དྷི་ཥྛ་ན་ཨཱ་བེ་ཤ་ཡ་ཨ་ཨཱ༔  བདུན་པ་མཆོད་རྫས་བྱིན་གྱིས་བརླབ་པ་ནི།  རྃ་ཡྃ་ཁྃ།  བདག་གི་ཐུགས་ཀ་ནས་རྃ་ཡྃ་ཁྃ་འཕྲོས་ཡེ་ཤེས་ཀྱི་མེ་རླུང་ཆུར་གྱུར་པས་མཆོད་རྫས་ཀྱི་ཉེས་སྐྱོན་དངོས་འཛིན་བག་ཆགས་དང་བཅས་པ་བསྲེགས་གཏོར་བཀྲུས་ཏེ་དག་པར་བྱས།  སྟོང་པའི་ངང་ལས་གནས་ཁང་འོག་མིན་དུར་ཁྲོད་མེ་རི་འབར་བའི་གཞལ་མེད་ཁང་ཆེན་པོར་ཨ་ལས་རིན་པོ་ཆེ་དང་བྷཉྫ་འབར་བའི་སྣོད་བཟང་ཞིང་རྒྱ་ཆེ་བ་རྣམས་སུ་ཧཱུྃ་ཡིག་ལས་བྱུང་བའི་ཕྱི་ནང་གི་ཉེ་བར་སྤྱོད་པའི་དམ་རྫས་འདོད་ཡོན་གྱི་རྣམ་པ་མ་ཚང་བ་མེད་པ་ཁྲག་འཐུང་ཁྲོ་བོའི་ཞིང་ཀུན་ཏུ་ཁྱབ་པར་འཆར་བས་ནམ་མཁའ་རབ་འབྱམས་གང་བ་རྣམས་སུ་གྱུར་(པར་བསམ་ལ།)  ཨོཾ་བཛྲ་ཨརྒྷཾ་ཨཱཿཧཱུྃ༔  (དེ་བཞིན་དུ་སྦྱར་ཏེ།  པཱདྱཾ་ནས།  ཤཔྡའི་བར་གྱིས་སྤྱིར་བྱིན་བརླབས།  བྱེ་བྲག་ཏུ།)  རང་གི་ཐུགས་ཀ་ནས་ཨོཾ་(6ན)དཀར་པོ་འཕྲོས།  བདུད་རྩིའི་སྟེང་གི་ནམ་མཁའ་ལ་ཡེ་ཤེས་ཀྱི་འོད་ཟེར་འབར་བས་རྫས་རང་ག་མའི་རྟོག་པ་སྦྱངས།  ཨཱཿདམར་པོ་འཕྲོས་ཡེ་ཤེས་ཀྱི་མེ་འབར་བས་བག་ཆགས་ངན་པའི་གཉིས་རྟོག་བསྲེགས།  ཧཱུྃ་མཐིང་ག་འཕྲོས་ཡེ་ཤེས་ཀྱི་བདུད་རྩིར་ཞུ་བས་བདུད་རྩི་རོ་མཆོག་བརྒྱ་དང་ལྡན་པའི་སྨན་ཕུད་རིགས་ལྔ་ཡེ་ཤེས་ལྔའི་བྱང་སེམས་དཀར་གསལ་དངུལ་དཀར་ལུགས་སུ་བླུགས་པ་ལྟར་དཀར་མེར་གྱིས་འཁྱིལ་བར་(བསམ་ལ།)  ཨོཾ་ཨཱཿཧཱུྃ་སརྦ་པཉྩ་ཨ་མྲྀ་ཏ་ཧཱུྃ་ཧྲཱིཿཥྰ༔  (ཞེས་བརྒྱའམ་ཉེར་གཅིག་བརྗོད།  ཡང་།)  རང་གི་ཐུགས་ཀ་ནས་ར་ཡིག་དམར་པོ་འཕྲོས་རཀྟའི་སྟེང་གི་ནམ་མཁའ་ལ་ཡེ་ཤེས་ཀྱི་འོད་ཟེར་འབར་བས་འཁོར་བ་རྒྱུན་གཅོད་ཀྱི་རཀྟའི་རྒྱ་མཚོ་ཁ་ཞག་དང་བཅས་པ་ཤ་ཆེན་གྱི་ལྷུ་དུམ་གྱིས་བརྒྱན་པ་རྒྱ་མཚོ་ཙམ་དུ་འཁྱིལ་བར་(བསམ་ལ།)  ཨོཾ་མ་ཧཱ་རཀྟ་ཛྭ་ལ་ནི་ཧཱུྃ་ཕཊ༔  (ཅེས་བདུན་ནམ་ཉེར་གཅིག  །ཡང་།)  རང་གི་ཐུགས་ཀ་ནས་བྷྲཱུྃ་འཕྲོས་གཏོར་མའི་སྟེང་གི་ནམ་མཁའ་ལ་ཡེ་ཤེས་ཀྱི་འོད་ཟེར་འབར་བས་གཏོར་གཞོང་རིན་པོ་ཆེའི་གཞལ་ཡས་ཁང་ས་གཞི་དང་མཉམ་པའི་ནང་དུ་གཏོར་མ་འདོད་ཡོན་ལྔའི་ཕུང་པོ་ནམ་(6བ)མཁའ་དང་མཉམ་པར་(བསམ་ལ།)  ཨོཾ་ཁ་ཏ་ལི་བྷྲཱུྃ་མ་ཧཱ་བ་ལིཾ་ཏ་ཨཱ༔  (ཞེས་བདུན་ནམ་ཉེར་གཅིག་བཟླས་ལ།)  ཧཱུྃ༔  རྟོག་བྲལ་ཡེ་ཤེས་བདུད་རྩི་འབར༔  ཆགས་མེད་རཀྟའི་རྒྱ་མཚོ་འཁྱིལ༔  འདོད་ཡོན་ལྔ་ཡི་གཏོར་ཆེན་སྤུངས༔  ཀཱི་ལ་ཡ་ཡི་དངོས་གྲུབ་སྩོལ༔  ཨོཾ་ཨཱ་ཧཱུྃ༔  (ཞེས་བྱིན་བརླབ་བོ།  །སྤྱི་དོན་གཉིས་པ་ལ།  དངོས་གཞི་ཏིང་འཛིན་རང་བཞིན་ལས༔  ཞེས་རྣམ་པ་ཏིང་ངེ་འཛིན་གྱི་དཀྱིལ་འཁོར་བསྐྱེད་པ་དང་།  རང་བཞིན་ཡེ་ཤེས་ཀྱི་འཁོར་ལོ་དགུག་པ་གཉིས་ལས།  དང་པོ་ལ་དོན་བརྒྱད་དེ།  ཐོག་མར་ཏིང་གསུམ་འབྱུང་རིམ་བརྩེགས༔  གཞལ་ཡས་གདན་བཅས་རྟེན་གནས་སུ༔  རྩ་བ་ཁྲོ་བཅུ་ཕུར་བུ་རྣམས༔  སྒོ་སྐྱོང་སྲུང་མའི་ཚོགས་བསྐྱེད་བྱ༔  ཞེས་པས།  དང་པོ་ཏིང་འཛིན་གསུམ་གྱིས་ཁོག་དབུབ་པ་ནི།)  ཧཱུྃ༔  རྡོ་རྗེ་ཁྲོས་པས་ཞེ་སྡང་གཅོད༔  ཆོས་དབྱིངས་སྤྲོས་བྲལ་སྟོང་པ་ཆེ།  །བློ་འདས་མི་འགྱུར་དེ་བཞིན་ཉིད།  །མཚོན་ཆ་སྔོན་པོར་འབར་བ་ཡིས༔  མ་རྟོགས་འཁྲུལ་པའི་འགྲོ་བ་ལ།  །མཁའ་ཁྱབ་སྙིང་རྗེ་ཀུན་ཏུ་སྣང་།  །ནམ་མཁའི་དཀྱིལ་ནས་ཐིག་པ་ཤར༔  རང་བྱུང་རིག་པའི་ཡེ་ཤེས་ནི།  །རྒྱུ་ཡི་ཧཱུྃ་མཐིང་གསལ་བརྟན་འབར།  །དེ་ལས་རཾ་ཡཾ་ཁཾ་གསུམ་(7ན)འཕྲོས།  །སྣོད་བཅུད་ཐམས་ཅད་བསྲེགས་སྦྱངས་བཀྲུས།  །འཇིག་རྟེན་ཁམས་ཀུན་སྟོང་པར་གྱུར།  །(གཉིས་པ་འབྱུང་བ་རིམ་བརྩེགས་བསྒོམ་པ་ནི།)  སྟོང་ཉིད་དེ་ཡི་མཁའ་དབྱིངས་སུ།  །ཧཱུྃ་ལས་མཐིང་སྐྱའི་ཨེ་ཆད་པས།  །གོ་བྱེད་ནམ་མཁའ་གྲུ་གསུམ་པ།  །ནམ་མཁའི་མཐའ་མཉམ་གསལ་བར་གྱུར།  །ཨེ་མཎྜ་ལ༔  ཧཱུྃ་ལས་ཡཾ་ཆད་རླུང་ལྗང་གི །  དཀྱིལ་འཁོར་རྒྱ་གྲམ་རྣམ་པར་གསལ།  །ཡཾ་ཀརྨ་རཀྵ་ཧཾ༔  ཧཱུྃ་ལས་ར་ཡིག་དམར་པོ་ཆད།  །རཀྟའི་རྒྱ་མཚོ་ཟླུམ་ཞིང་འཁྱིལ།  །རཀྟ་ཛྭ་ལ་མཎྜ་ལ༔  ཧཱུྃ་ལས་སུཾ་སེར་ཆད་པ་ལས།  །ཤ་ཆེན་ས་གཞི་གྲུ་བཞིར་བརྡལ།  །སུཾ་ཏིཀྞ་མཎྜ་ལ༔  ཧཱུྃ་ལས་ཀེཾ་ཆད་ཀེང་རུས་ཀྱི།  །རི་རབ་བང་རིམ་བཞི་པར་གྱུར།  །ཀེཾ་ནི་རི་ཏི་ཛྭ་ལ་མཎྜ་ལ༔  ཧཱུྃ་ལས་རཾ་ཆད་ཡེ་ཤེས་ཀྱི།  །མེ་དཔུང་འབར་བའི་ཀློང་ཆེན་གྱུར།  །(གསུམ་པ་གཞལ་ཡས་ཁང་བསྐྱེད་པ་ནི།)  ཧཱུྃ་ལས་ལྔ་ལྡན་བྷྲཱུཾ་ཡིག་ཆད།  །བྷྲཱུཾ་བི་ཤྭ་བི་ཤུདྡྷེ་རཏྣ་བནྡྷ་ཨེ་ཛྙཱ་ན་མཎྜ་ལ་བྷྲཱུཾ༔  བྷྲཱུཾ་ལས་རཏྣའི་གཞལ་ཡས་ཁང་།  །གྲུ་བཞི་སྒོ་བཞི་སྒོ་ཁྱུད་ཅན།  །ཕ་གུ་སེར་(7བ)པོ་ཐོད་པས་དཀྲིགས།  །ཐོད་ཚལ་རྒྱུ་རློན་དྲྭ་ཕྱེད་འཕྱང་།  །པུ་ཤུ་མཆོད་རྟེན་རྣམ་པས་བསྐོར།  །འདོད་སྣམ་ལྷ་མོས་མཆོད་སྤྲིན་སྤྲོ།  །རྟ་བབས་རུས་ཕྲེང་ཆུ་སྲིན་བརྒྱན།  །ཕོ་བྲང་ནང་མ་ཚར་གསུམ་གྱི།  །ཐོད་པའི་རྩིག་པ་གནམ་ལྕགས་གཟེར།  །ཁྲག་ཞག་ཤ་ཆེན་འཇིམ་ཞལ་བྱུག  །ས་བདག་ལྷ་ཀླུ་གཟའ་སྐར་གྱི།  །ཀ་གདན་ཀ་གདུང་དྲལ་ཕྱམ་ཅན།  །ཞིང་ལྤགས་ཐོག་ཕུབ་ཙིཏྟའི་ཏོག  །སྒོ་ཁྱུད་སྤངས་པའི་སྒོ་བཞི་པོ།  །སྦྲུལ་ནག་མཁའ་ལྡིང་རུས་སྦལ་གྱི།  །གཞི་དང་ཡ་ཐེམ་མ་ཐེམ་བྱས།  །ཆུ་སྲིན་ཞིང་གི་སྒོ་གླེགས་སོགས།  །དུར་ཁྲོད་དྲག་པོའི་ཆས་རྫོགས་ནང་།  །མཐིང་ནག་རིན་ཆེན་ཟུར་བརྒྱད་དབུས།  །གྲུ་གསུམ་ཟླ་གམ་ཐོད་བསྐོར་ཅན།  །ཐོག་བརྩེགས་རིམ་གསུམ་ཕྱོགས་མདོག་གསལ།  །ཕྱི་ནི་མཆོད་རྟེན་རྣམ་པ་ལ།  །ནང་ནི་རང་བྱུང་གཞལ་ཡས་ཁང་།  །ཁོར་ཡུག་འཇིགས་པའི་དུར་ཁྲོད་བརྒྱད།  །རྡོ་རྗེའི་ར་བ་མེ་རིས་བསྐོར།  །ཧཱུྃ༔  རབ་འཇིགས་དུར་ཁྲོད་འབར་བའི་གཞལ་ཡས་ཁང་༔  གྲུ་གསུམ་མཐིང་ནག་ཟླ་གམ་རིན་ཆེན་འབར༔  གྲུ་(8ན)ཆད་བར་ཁྱམས་སྒོ་བཞི་མུ་ཁྱུད་རྫོགས༔  ངོ་མཚར་ཕོ་བྲང་ཡེ་ཤེས་མེ་འོང་གསལ༔  (བཞི་པ་གདན་བསྐྱེད་པ་ནི།)  བཛྲ་ཏཾ༔  རྡོ་རྗེ་བྲག་ཆེན་གཏམས་པར་གྱུར།  །རུ་དྲ་ཀྲོ་དྷི་ཏི་ར་བཾ༔  ཧཱུྃ་ལས་འོད་ཟེར་ཕྱོགས་བཅུར་འཕྲོས།  །ཕྱོགས་སྐྱོང་བཅུ་དང་ལྷ་ཆེན་བཀུག  །དབུས་སུ་ལྷ་ཆེན་སྟེང་ཉི་ཟླ།  །ཤར་དུ་དྲི་ཟ་ཤར་ལྷོར་མེ།  །ལྷོ་རུ་གཤིན་རྗེ་ལྷོ་ནུབ་སྲིན།  །ནུབ་ཏུ་ཆུ་བདག་ནུབ་བྱང་རླུང་།  །བྱང་དུ་གནོད་སྦྱིན་བྱང་ཤར་དུ།  །དབང་ལྡན་འོག་ཏུ་ས་བདག་རྣམས།  །ཕོ་མོ་ཉག་ཆིངས་བསྣོལ་བར་གྱུར།  །མ་སཱུརྱ་མཎྜ་ལ༔  ཨ་ཙཎྜ་མཎྜ་ལ༔  པཾ་པདྨ་མཎྜ་ལ༔  དྲེགས་སྟེང་མ་ལས་ཉི་མ་དང་།  །ཨ་ལས་ཟླ་བ་བཅུ་གཅིག་གདན།  །པཾ་ལས་པད་གདན་བཅུ་གཅིག་བསམ།  །རྡོ་རྗེ་བྲག་ཆེན་གཏམས་པའི་ས་གཞི་ལ༔  དྲེགས་པ་ལྷ་ཆེན་ཕྱོགས་སྐྱོང་ཕོ་མོ་བསྣོལ༔  ཐབས་ཤེས་ཉི་མ་ཟླ་བ་འོད་འབར་དབུས༔  མ་ཆགས་པདྨ་འབར་བ་གདན་དུ་གསལ༔  (ལྔ་བ་བདག་རྩ་བའི་ལྷན་བསྐྱེད་པ་ནི།)  ཧཱུཾ།  རྒྱུ་ཡི་ཧཱུྃ་དེ་གདན་སྟེངས་སུ།  །སྐར་ཆེན་ཐང་ལ་ལྷགས་(8བ)བཞིན་བབས།  །སྥ་ར་ཎ་ཕཊ༔  འོད་འཕྲོས་རྒྱལ་མཆོད་ཐུགས་དམ་བསྐུལ།  །སེམས་ཅན་ལ་ཕོག་ཀུན་དོན་བྱས།  །སཾ་ཧ་ར་ཎ་ཧཱུཾ༔  ཚུར་ཐིམ་རྡོ་རྗེ་རྩེ་དགུར་གྱུར།  ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱ་ན་བཾ་ཧཱུཾ་ཕཊ༔  འཕྲོ་འདུའི་སྦྱོར་བ་ལས་བྱུང་བའི།  །ཚོགས་གཉིས་ཡོངས་སུ་རྫོགས་པའི་སྐུ།  །བདག་ཉིད་བཅོམ་ལྡན་དཔལ་ཆེན་པོ།  །རྡོ་རྗེ་གཞོན་ནུ་མཐིང་ནག་འབར།  །དབུ་གསུམ་ཕྱག་དྲུག་ཞབས་བཞི་བགྲད།  །ཞལ་གཡས་དཀར་བཞད་གཡོན་དམར་གཤེ།  །དབུས་མཐིང་གཏུམ་རྔམས་མི་བཟད་འཇིགས།  །རལ་པ་ཁམ་ནག་གྱེན་དུ་འཁྱིལ།  །ཐོད་སྐམ་རིགས་ལྔའི་དབུ་རྒྱན་ཅན།  །གཡས་གཉིས་རྩེ་དགུ་རྩེ་ལྔ་དང་།  །གཡོན་གཉིས་མེ་དཔུང་ཁ་ཊྭཱྃ་བསྣམས།  །ཐ་གཉིས་རི་རབ་ཕུར་པ་འདྲིལ།  །རྡོ་རྗེ་རིན་ཆེན་གཤོག་པ་གདེངས།  །སྐྲ་དང་བ་སྤུའི་ཉག་མ་རྣམས།  །རྡོ་རྗེ་ཕྲ་མོའི་རྣམ་པས་གཏམས།  །སྤྱན་དགུ་སྡང་མིག་གློག་སྟོང་འགྱུ།  །ཤངས་ནས་ཧཱུཾ་གི་ང་རོ་དང་།  །ཞལ་ནས་ཕཊ་ཀྱི་སྒྲ་ཆེན་སྒྲོགས།  །སྦྲུལ་རིགས་ལྔ་ཡིས་ཕྱག་ཞབས་བརྒྱན།  །གླང་ཆེན་ཞིང་གི་ན་བཟའ་དང་།  །སྟག་ (9ན)ཤམ་ཐོད་ཕྲེང་ག་ཤ་ཅན།  །ཁྲག་ཞག་ཐལ་བའི་ཚོམ་བུས་བརྒྱན།  །མཐིང་ནག་དར་གྱི་ཅོད་པན་འཕུར།  །ས་བརྟན་རྡོ་རྗེའི་གོ་ཁྲབ་གསོལ།  །ཙིཏྟ་རིན་ཆེན་ཟུར་བརྒྱད་ནང་།  །ཡེ་ཤེས་སེམས་དཔའ་ཚོན་གང་བ།  །དཀར་གསལ་རྡོ་རྗེ་དྲིལ་བུ་འཛིན།  །རིན་ཆེན་རྒྱན་མཛེས་བརྐྱང་བསྐུམ་བཞུགས།  །དེ་ཡི་ཐུགས་དབུས་འོད་གུར་སྦུབས།  །ཉི་དཀྱིལ་སྲན་གཤགས་ཙམ་པའི་སྟེང་།  །རྡོ་རྗེ་ནས་འབྲས་ཙམ་པ་ཡི།  །ལྟེ་བར་ཧཱུཾ་ལ་ཀཱི་ལ་ཡ།  །འབྲུ་དགུ་སྤུ་རིས་ཙམ་པ་ནི།  །མགལ་མེ་ལྟ་བུ་གཡས་ཕྱོགས་འཁོར།  །སྲོག་གི་གོ་རུ་ཤར་བ་དང་༔  སྙིང་གི་དཀྱིལ་དུ་བསྒོམ་པར་བྱ༔  ཙིཏྟའི་སྒོ་སྲུང་རྟ་མགྲིན་དམར།  །པདྨ་བྷནྡྷ་ཡུམ་འཁྱུད་འཁྲིལ།  །སྐུ་དང་གྲིབ་མའི་ཚུལ་དུ་ཡུམ།  །འཁོར་ལོ་རྒྱས་འདེབས་མཐིང་ག་གཡས།  །ཨུཏྤལ་ཡབ་འཁྱུད་བྷནྡྷ་གཡོན།  །རིགས་ལྔས་དབུ་རྒྱན་གཟིག་ཤམ་གསོལ།  །འཁྲིལ་སྦྱོར་བདེ་ཆེན་སྙོམས་པར་ཞུགས།  །མི་བཟད་གར་དགུའི་ཉམས་དང་ལྡན།  །བསྐལ་པའི་མེ་དཔུང་ཀློང་ན་བཞུགས།  །ཧཱུྃ༔  སངས་རྒྱས་ཀུན་གྱི་ཡེ་ཤེས་སྐུ༔  ངང་ཉིད་རྡོ་རྗེ་ཆོས་དབྱིངས་ལས༔  འབར་བའི་ཁྲོ་བོ་མི་བཟད་པ༔  སྐུ་ཡི་དབྱིག་ཏུ་བདག་སྐྱེད་ཅིག༔  (དྲུག་པ་ཕྱོགས་བཅུ་ཁྲོ་བོའི་དཀྱིལ་འཁོར་བསྐྱེད་པ་ནི།)  བདག་ཉིད་རྩ་བའི་སྦྱོར་མཚམས་ནས།  །བྱང་སེམས་འོད་ཀྱི་གོང་བུ་ནི།  །ཧཱུྃ་ཟུང་རེ་རེ་ཕྱོགས་བཅུ་རུ།  །ཕྱོགས་སྐྱོང་ཉི་ཟླའི་གདན་ལ་འཁོར།  །ཧཱུྃ་ཧཱུྃ༔  ཧཱུྃ་ཧཱུྃ༔  ཧཱུྃ་ཧཱུྃ༔  ཧཱུྃ་ཧཱུྃ༔  ཧཱུྃ་ཧཱུྃ༔  ཧཱུྃ་ཧཱུྃ༔  ཧཱུྃ་ཧཱུྃ༔  ཧཱུྃ་ཧཱུྃ༔  ཧཱུྃ་ཧཱུྃ༔  ཧཱུྃ་ཧཱུྃ༔  ཨོཾ་བཛྲ་ཀྲོ་དྷ་ཧཱུཾ་ཀཱ་ར་ཧཱུཾ༔  གརྫ་གརྫ་ཧཱུཾ་ཕཊ༔  ཁྲོ་བོ་ཆེན་པོ་ཧཱུཾ་ཀཱ་ར་སྔོ།  །གཡས་དཀར་གཡོན་དམར་དབུས་སྔོ་སྐྱ།  །བར་ཕྱག་མདའ་གཞུ་འགེང་ཞིང་འཕེན།  །ཡུམ་མཆོག་རྡོ་རྗེ་སྒྲ་འབྱིན་སྔོ།  །ཟ་གསོད་ཕག་དང་སྨིག་བུའི་མགོ  །སྒྲོགས་ཤིག་སྒྲོགས་ཤིག་སྒྲ་དང་བཅས།  །སྟེང་ཕྱོགས་མེ་དཔུང་ཀློང་ན་བཞུགས།  །ཨོཾ་བཛྲ་ཀྲོ་དྷ་བི་ཛ་ཡ་ཧཱུྃ༔  ཧ་ན་ཧ་ན་ཧཱུྃ་ཕཊ༔  ཁྲོ་བོ་ཆེན་པོ་རྣམ་རྒྱལ་དཀར།  །གཡས་སྔོ་གཡོན་ལྗང་དབུས་ཞལ་དཀར།  །བར་ཕྱག་འཁོར་ལོ་ཏྲི་ཤུལ་འཛིན།  །ཡུམ་མཆོག་རྡོ་རྗེ་སྙེམས་མ་དཀར།  །ཟ་གསོད་སྟག་དང་བྱ་རྒོད་མགོ  །རྒྱོབ་(10ན)ཅིག་རྒྱོབ་ཅིག་སྒྲ་དང་བཅས།  །ཤར་ཕྱོགས་མེ་དཔུང་ཀློང་ན་བཞུགས།  །ཨོཾ་བཛྲ་ཀྲོ་དྷ་ནཱི་ལ་དནྜ་ཧཱུཾ༔  ད་ཧ་ད་ཧ་ཧཱུྃ་ཕཊ༔  ཁྲོ་བོ་ཆེན་པོ་དབྱུག་སྔོན་མཐིང་།  །གཡས་དཀར་གཡོན་དམར་དབུས་ཞལ་མཐིང་།  །བར་ཕྱག་མེ་དབལ་དབྱུག་ཏོ་ཐོགས།  །ཡུམ་མཆོག་རྡོ་རྗེ་སྡེར་མོ་དཀར།  །ཟ་གསོད་གཡག་དང་བྱ་རོག་མགོ  །བསྲེགས་ཤིག་བསྲེགས་ཤིག་སྒྲ་དང་བཅས།  །ཤར་ལྷོ་མེ་དཔུང་ཀློང་ན་བཞུགས།  །ཨོྃ་བཛྲ་ཀྲོ་དྷ་ཡ་མནྟ་ཀ་ཧཱུྃ༔  པ་ཙ་པ་ཙ་ཧཱུཾ་ཕཊ༔  ཁྲོ་བོ་ཆེན་པོ་གཤིན་རྗེ་ནག  །གཡས་སྔོ་གཡོན་ལྗང་དབུས་སྔོ་ནག  །བར་ཕྱག་བེ་ཅོན་དགྲ་སྟྭ་འཛིན།  །ཡུམ་མཆོག་དུར་ཁྲོད་བདག་མོ་སྔོ།  །ཟ་གསོད་ཤ་བ་འུག་པའི་མགོ  །ཚོས་ཤིག་ཚོས་ཤིག་སྒྲ་དང་བཅས།  །ལྷོ་ཕྱོགས་མེ་དཔུང་ཀློང་ན་བཞུགས།  །ཨོཾ་བཛྲ་ཀྲོ་དྷ་ཨཱརྱ་ཨ་ཙ་ལ་ཧཱུྃ༔  བྷནྡྷ་བྷནྡྷ་ཧཱུཾ་ཕཊ༔  ཁྲོ་བོ་ཆེན་པོ་མི་གཡོ་ལྗང་།  །གཡས་སྔོ་གཡོན་སྨུག་དབུས་ལྗང་སྔོ།  །བར་ཕྱག་རལ་གྲི་སྡིགས་མཛུབ་ཞགས།  །ཡུམ་མཆོག་རྡོ་རྗེ་གཏུན་ཁུང་ལྗང་།  །ཟ་གསོད་གཟིག་(10བ)དང་ཁྭ་ཏའི་མགོ  །ཆིངས་ཤིག་ཆིངས་ཤིག་སྒྲ་དང་བཅས།  །ལྷོ་ནུབ་མེ་དཔུང་ཀློང་ན་བཞུགས།  །ཨོཾ་བཛྲ་ཀྲོ་དྷ་ཧྱ་གྲཱི་ཝ་ཧཱུྃ༔  ཧུ་ལུ་ཧུ་ལུ་ཧཱུཾ་ཕཊ༔  ཁྲོ་བོ་ཆེན་པོ་རྟ་མགྲིན་དམར།  །གཡས་དཀར་གཡོན་སྔོ་དབུས་ཞལ་དམར།  །བར་ཕྱག་ཞགས་པ་སྤུ་གྲི་བསྣམས།  །ཡུམ་མཆོག་རྡོ་རྗེ་གཏུན་མོ་དམར།  །ཟ་གསོད་བྱི་ལ་པུ་ཤུད་མགོ  །བསྡུས་ཤིག་བསྡུས་ཤིག་སྒྲ་དང་བཅས།  །ནུབ་ཕྱོགས་མེ་དཔུང་ཀློང་ན་བཞུགས།  །ཨོཾ་བཛྲ་ཀྲོ་དྷ་ཨ་པ་རཱ་ཛཱི་ཏེ་ཧཱུཾ༔  ཏིཥྛ་ཏིཥྛ་ཧཱུཾ་ཕཊ༔  ཁྲོ་བོ་ཆེན་པོ་འདོད་རྒྱལ་དམར།  །གཡས་གསེར་གཡོན་ལྗང་དབུས་དམར་སྐྱ།  །བར་ཕྱག་བྷནྡྷ་རྔ་ཡབ་འཛིན།  །ཡུམ་མཆོག་རྡོ་རྗེ་མདའ་སྙེམས་དམར།  །ཟ་གསོད་སྤྱང་ཀི་ཁྲ་ཡི་མགོ  །གཏོགས་ཤིག་གཏོགས་ཤིག་སྒྲ་དང་བཅས།  །ནུབ་བྱང་མེ་དཔུང་ཀློང་ན་བཞུགས།  །ཨོཾ་བཛྲ་ཀྲོ་དྷ་ཨ་མྲྀ་ཏ་ཀུཎྜ་ལཱི་ཧཱུཾ༔  ཚིནྡྷ་ཚིནྡྷ་ཧཱུཾ་ཕཊ༔  ཁྲོ་ཆེན་བདུད་རྩི་འཁྱིལ་བ་ལྗང་།  །དབུས་ལྗང་གཡས་སེར་གཡོན་དུད་ཁ།  །བར་ཕྱག་རྒྱ་གྲམ་དབྱུག་ཐོ་འཕྱར།  །ཡུམ་མཆོག་རྡོ་རྗེ་རླུང་འབྱིན་ལྗང་།  །ཟ་གསོད་(11ན)སེང་གེ་ཕ་ཝང་མགོ  །ཆོད་ཅིག་ཆོད་ཅིག་སྒྲ་དང་བཅས།  །བྱང་ཕྱོགས་མེ་དཔུང་ཀློང་ན་བཞུགས།  །ཨོཾ་བཛྲ་ཀྲོ་དྷ་ཏྲཻ་ལོ་ཀྱ་བི་ཛ་ཡ་ཧཱུཾ༔  བྷིནྡྷ་བྷིནྡྷ་ཧཱུཾ་ཕཊ༔  ཁྲོ་ཆེན་ཁམས་གསུམ་རྣམ་རྒྱལ་སེར།  །གཡས་དཀར་གཡོན་དམར་དབུས་ཞལ་སེར།  །བར་ཕྱག་གཉིས་ཀྱིས་མདའ་གཞུ་འགེང་།  །ཡུམ་མཆོག་རྡོ་རྗེ་གསོད་བྱེད་སེར།  །ཟ་གསོད་དོམ་དང་སྲེ་མོང་མགོ  །བརྡུངས་ཤིག་བརྡུངས་ཤིག་སྒྲ་དང་བཅས།  །བྱང་ཤར་མེ་དཔུང་ཀློང་ན་བཞུགས།  །ཨོཾ་བཛྲ་ཀྲོ་དྷ་མ་ཧཱ་བ་ལ་ཧཱུཾ༔  སྥོ་ཊ་སྥོ་ཊ་ཧཱུཾ་ཕཊ༔  ཁྲོ་བོ་ཆེན་པོ་སྟོབས་ཆེན་ནག  ། གཡས་ནག་གཡོན་དམར་དབུས་དུད་ཁ།  །བར་ཕྱག་ཐོ་བ་ཞགས་པ་བསྣམས།  །ཡུམ་མཆོག་རྡོ་རྗེ་བསྐྱོད་བྱེད་ནག  །ཟ་གསོད་དྲེད་དང་བྱི་ལའི་མགོ  །ཆོམས་ཤིག་ཆོམས་ཤིག་སྒྲ་དང་བཅས།  །འོག་ཕྱོགས་མེ་དཔུང་ཀློང་ན་བཞུགས།  །བདུད་འདུལ་ཁྲོ་བོ་ཆེན་པོ་བཅུ།  །ཀུན་ཀྱང་ཞལ་གསུམ་ཕྱག་དྲུག་པ།  །དང་པོས་རྡོ་རྗེ་དུང་ཁྲག་འཛིན།  །བར་པས་རང་རྟགས་ཕྱག་མཚན་གདེངས།  །ཐ་(11བ)མས་ཕུར་བུ་འདྲིལ་ཞིང་འདེབས།  །ཞབས་བཞི་འདོར་སྟབས་ཕྱོགས་སྐྱོང་བརྫིས།  །རིགས་ལྔས་དབུ་བརྒྱན་ཐུགས་སྲོག་གསལ།  །དུར་ཁྲོད་ཆས་སོགས་གཙོ་དང་མཚུངས།  །ཡུམ་རྣམས་དྲིལ་འཁྱུད་བྷན་དམར་སྟོབ།  །གཟིག་ཤམ་རུས་རྒྱན་འཁྲིལ་སྦྱོར་རོལ།  །ཟ་གསོད་རང་རང་ཁྲོ་བོའི་མདོག  །གཡས་པས་ཕུར་བུ་གཡོན་ལྕགས་ཀྱུ།  །གཅེར་བུ་རང་རང་ཁྲོས་པའི་ཉམས།  །འབར་བའི་ཆས་རྫོགས་འཕྲུལ་གྱི་གཟུགས།  །ཧཱུྃ༔  ཕྱོགས་བཅུ་དྲེགས་པ་བསྣོལ་བའི་གདན་སྟེངས་སུ༔  ཧཱུཾ་དང་ཕཊ་སྒྲོགས་སྲིད་གསུམ་འཁོར་བ་འཇིག༔  བདུད་འདུལ་ཁྲོ་རྒྱལ་ཆེན་པོ་ཡབ་ཡུམ་དང་༔  ཟ་བྱེད་གསོད་བྱེད་གཏུམ་རྔམ་ཚོགས་བཅས་གསལ༔  ཨོཾ་བཛྲ་མ་ཧཱ་ཀྲོ་དྷ་ཀྲོ་དྷི་ཤྭ་རི༔  མ་ཐ་མ་ཐ་བཛྲ༔  ཛྭ་ལ་ཛྭ་ལ་བཛྲ་ཧཱུཾ་ཕཊ༔  (བདུན་པ་ཕུར་པ་རྫས་ཀྱི་དཀྱིལ་འཁོར་བསྐྱེད་པ་ནི།)  ཁམས་གསུམ་སྙིང་རྗེས་བསྒྲལ་བའི་ཕྱིར།  །གཙོ་བོའི་ཐུགས་ལས་ཧཱུཾ་འཕྲོས་ཏེ།  །མཐིང་ནག་བདུན་དང་ལྗང་ནག་བདུན།  །དམར་ནག་བདུན་རྣམས་མདུན་དང་ནི།  །གཡས་(12ན)གཡོན་ཟླ་གམ་སྟེང་དུ་འཁོད།  །ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ༔  ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ༔  ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ༔  ཧཱུཾ་ལས་འོད་ཟེར་ཕུར་བུའི་ཚོགས།  །ཕྲ་མོ་གྲངས་མེད་ཕྱོགས་བཅུར་འཕྲོས།  །ཁམས་གསུམ་སེམས་ཅན་ཐུགས་རྗེས་བསྒྲལ།  །རྣམ་པར་ཤེས་པ་རྡོ་རྗེར་གྱུར།  །ཧཱུཾ་ལ་ཐིམ་པས་ཧཱུཾ་ཉེར་གཅིག  །ཡོངས་གྱུར་སྲས་མཆོག་ཕུར་བུ་ནི།  །སྐུ་སྟོད་ཁྲོ་བོ་འཇིགས་པའི་གཟུགས།  །དབུ་གསུམ་མཐིང་དཀར་དམར་བའི་ཞལ།  །ཕྱག་དྲུག་ཕྱག་མཚན་གཙོ་དང་མཚུངས།  །སྐེད་པ་ཆུ་སྲིན་ནས་ཐོན་པའི།  །སྐུ་སྨད་རྣོ་ངར་ཕུར་བུའི་དབལ།  །དགྲ་བགེགས་སྙིང་ལ་གཟིར་ཞིང་འབིག  །དུར་ཁྲོད་དྲག་པོའི་ཆས་ཀྱིས་བརྒྱན།  །འབར་བའི་ཚྭ་ཚྭ་སྐར་ལྟར་འཁྲུགས།  །ཧཱུཾ༔  སྙིང་རྗེས་བསྒྲལ་བའི་དམ་ཚིན་ནི༔  བསད་ཅིང་མནན་པ་མ་ཡིན་ཏེ༔  ཕུང་པོ་རྡོ་རྗེར་གཏམས་བྱས་ནས།  རྣམ་པར་ཤེས་པ་རྡོ་རྗེར་བསྒོམ༔  (བརྒྱད་པ་སྒོ་སྐྱོང་སྲུང་མར་བཅས་པ་བསྐྱེད་པ་ནི།)  ཛཿཧཱུཾ་བྃ་ཧོཿཚད་མེད་བཞི་དངོས་སྒོ་མ་བཞི།   །རྟ་གདོང་དཀར་མོ་ལྕགས་ཀྱུ་འཛིན།  །ཕག་གདོང་ནག་མོ་མཆེ༔ (12བ)ཞགས་ཐོགས།  །ཉི་ཟླ་དམར་མོ་ལྕགས་སྒྲོགས་སྡོམ།  །ཐལ་བྱེད་ལྗང་ཁུ་དྲིལ་འཁྲོལ་དགྱེས།  །དྲག་མོ་དུར་ཁྲོད་རྒྱན་ཆ་ཅན།  །ཐར་པ་ཆེན་པོའི་གྲོང་ཁྱེར་གྱི།  །སྒོ་སྐྱོང་རྡོ་རྗེའི་དམ་ཚིག་མ།  །ཨོཾ་བཛྲ་ཀཱི་ལི་ཀཱི་ལ་ཡ༔  མོ་ཧཱ་གྷྰ་ཏ་ཡ་མ་མ་ཤྰི་གྷྲཾ་ཀརྨ་ཀ་ར་ཡེ་ཧཱུཾ་ཕཊ༔  དཀྱིལ་འཁོར་བར་ཁྱམས་ཕྱོགས་མཚམས་སུ།  །དཔལ་ཆེན་དམ་ཚིག་ཀཱི་ལ་ཡའི།  །སྲུང་མ་ཆེན་མོ་བཅུ་གཉིས་དང་།  །བསེ་ལྕགས་དུང་སོགས་གིང་ཆེན་བཞི།  །ཕྱི་ཡི་ཁོར་ཡུག་ལྕགས་རི་ལ།  །མཁའ་འགྲོ་སུམ་ཅུ་རྩ་གཉིས་དང་།  །མ་མོ་བདུན་དང་སྲིང་མོ་བཞི།  །དབང་ཕྱུག་ཉེར་བརྒྱད་ལ་སོགས་པ།  །རང་རང་ཆ་བྱད་ལག་ཆར་བཅས།  །རྒྱན་དང་བགོ་བ་བཞོན་པ་འཁོར།  །སོ་སོའི་དམ་ཚིག་བཞིན་སྟོན་པ།  །མུ་རན་ཁོར་ཡུག་གང་བར་གྱུར།  །(དེས་རྗེ་ལས་འབངས་བཞིན་མགྲོན་ཐབས་སུ་བསྐྱེད་དོ།  །གཉིས་པ་ལ་རང་བཞིན་ཡེ་ཤེས་ཀྱི་དཀྱིལ་འཁོར་དགུག་པ་ལ་ཡན་ལག་བཅུ་གཉིས་ཏེ།  རང་བཞིན་དགོངས་གསོལ་སྤྱན་དྲངས་ལ༔  ཕྱག་བྱ་དབང་ཞུ་གཉིས་མེད་བསྟིམ༔  སྨན་གཏོར་རཀྟ་དུག་གསུམ་དང་༔  སྦྱོར་སྒྲོལ་མཆོད་བསྟོད་བཟླས་པ་བྱ༔  ཞེས་པས་དང་པོ་(13ན)དགོངས་གསོལ་ནི།)  རང་གི་ཐུགས་ཀའི་ཧཱུྃ་ཡིག་ལས་བྱུང་བའི་འོད་ཟེར་རང་བཞིན་རྡོ་རྗེ་ཕུར་བུའི་ཞིང་ཁམས་ཐམས་ཅད་དུ་ཁྱབ་པར་འཕྲོས་པས་སྲིད་པའི་ཕུར་བུ་གཟུགས་ཀྱི་སྐུ་གང་ལ་གང་འདུལ་གྱི་མོས་པ་དང་འཚམས་པར་སད་པར་(བསམ་ལ།)  ཧཱུྃ༔  རྡོ་རྗེ་གཞོན་ནུའི་རིག་འཛིན་རྣམས༔  སྲིད་པ་རྡོ་རྗེར་གྲུབ་མཛོད་ཅིག༔  སྲིད་པ་རྡོ་རྗེ་ཕུར་བུའི་ལྷ༔  ཡེ་ཤེས་ཁྲོ་བོ་གྲུབ་པར་མཛོད༔  ཨོཾ་བཛྲ་ས་མཱ་ཛཿ(གཉིས་པ་སྤྱན་དྲང་བ་ནི།)  ཧཱུཾ༔  སྲིད་པའི་ཕུར་བུ་སྒྲུབ་པ་དང་༔  དབང་དང་དངོས་གྲུབ་བླང་བའི་ཕྱིར༔  ཡེ་ཤེས་ཁྲོ་བོ་གཤེགས་སུ་གསོལ༔  ཏིང་འཛིན་དཀྱིལ་འཁོར་འདི་ལ་དགོངས༔  ཨོཾ་བཛྲ་ཀཱི་ལི་ཀཱི་ལ་ཡ་ཨེ་ཧྱེ་ཧི་བྷ་ག་ཝཱན་ས་མ་ཡ་ཛ་ཛཿ(ཞེས་ཡེ་ཤེས་ཀྱི་འཁོར་ལོ་ཏིང་ངེ་འཛིན་གྱི་དཀྱིལ་འཁོར་ལ་ཕྱོགས་པས་མདུན་གྱི་ནམ་མཁར་བཞུགས་པར་བསམ།  གསུམ་པ་ཕྱག་བྱ་བ་ནི།)  ཧཱུཾ༔  སྲིད་གསུམ་གདུག་པ་འདུལ་བ་དང་༔  ང་རྒྱལ་ཆེན་པོ་བརྟན་པའི་ཕྱིར༔  རྡོ་རྗེ་སྲིན་པོའི་ལྷ་ཚོགས་ལ༔  རྩེ་གཅིག་ཡིད་ཀྱིས་ཕྱག་འཚལ་ལོ༔  ཨ་ཏི་པཱུ་ཧོཿཔྲ་ཏཱི་ཙྪ་ཧོཿ(བཞི་པ་དབང་ཞུ་བ་ནི།)  ཧཱུཾ༔  ཐབས་(13བ)ཀྱི་སྤྱོད་པས་འགྲོ་དོན་དུ༔  བྱམས་དང་སྙིང་རྗེས་གང་འདུལ་བ༔  སངས་རྒྱས་ཕྲིན་ལས་རྫོགས་མཛད་ནས༔  དབང་དང་བྱིན་རླབས་བདག་སྩོལ་ཅིག༔  ཨོཾ་ཨཱཿཧཱུཾ་ཨོཾ་ཧཱུཾ་སྭཱ་ཨཱཾཿཧཱ༔  ཀཱ་ཡ་ཝཱ་ཀ་ཙིཏྟ་གུ་ཎ་ཀརྨ་སིངྔྷི་ཨ་བྷིཥིཉྩ་ཧཱུྃ༔   ཡེ་ཤེས་འཁོར་ལོའི་གནས་གསུམ་ནས།  །ཨོཾ་དཀར་ཨཱཿདམར་ཧཱུྃ་མཐིང་འཕྲོས།  །དམ་ཚིག་འཁོར་ལོའི་གནས་གསུམ་དུ།  །རྒྱས་བཏབ་སྐུ་གསུང་ཐུགས་བྱིན་བརླབས།  །སླར་ཡང་སྤྱི་བོར་རིགས་ལྔ་ཡིས།  །ཡེ་ཤེས་ལྔ་ཡི་དབང་མཆོག་བསྐུར།  །སྐུ་གསུང་ཐུགས་ཡོན་ཕྲིན་ལས་བདག  །རིགས་ལྔའི་ཅོད་པན་དབུ་བརྒྱན་གྱུར།  །(ལྔ་པ་དབྱེར་མེད་དུ་བསྟིམ་པ་ནི།)  ཧཱུཾ༔  སངས་རྒྱས་ཀུན་གྱི་སྐུ་གསུང་ཐུགས༔  ཡོན་ཏན་ཕྲིན་ལས་ཡོངས་རྫོགས་པ༔  བདག་དང་དབྱེར་མེད་ཐིམ་གྱུར་ལ༔  རབ་ཏུ་དགྱེས་ཤིང་བརྟན་པར་བཞུགས༔  ས་མ་ཡ་ཏིཥྛ་སྟྭཾ༔  (ཞེས་རང་བཞིན་ཡེ་ཤེས་ཀྱི་དཀྱིལ་འཁོར་ཏིང་ངེ་འཛིན་གྱི་དཀྱིལ་འཁོར་དང་དབྱེར་མེད་དུ་གྱུར་པར་བསམ།  འདིར་གཞུང་གི་རྩིས་བགོས་མ་བསྡུས་ཀྱང་སྤྱི་ཁྱབ་བཞིན་ཕྱི་ནང་ཉེར་སྤྱོད་ཀྱིས་མཆོད་པ་སྐབས་སུ་བབས་པར་འགྱུར་བས།  ཕྱི་མཆོད་ནི།)   (14ན)ཧཱུཾ༔  རང་བྱུང་རྣམ་དག་ཡིད་འོང་ཆུ༔  མེ་ཏོག་བདུག་སྤོས་མར་མེ་དྲི༔  ཞལ་ཟས་སྒྲ་སྙན་སྒེག་བཞད་ཕྲེང་༔  ལྷ་རྫས་ཕྱི་མཆོད་འདི་དག་ཀུན༔  ཁྲོ་རྒྱལ་འབར་བའི་ཚོགས་ལ་འབུལ༔  བཞེས་ཏེ་ཀུན་ཏུ་དགྱེས་མཛོད་ལ༔  བླ་མེད་དངོས་གྲུབ་སྩལ་དུ་གསོལ༔  ཨོཾ་བཛྲ་ཨརྒྷཾ།  པུཥྤེ་ནས།  ཤཔྡ་བཛྲ་ལཱ་སྱ་ཧཱ་སྱ་མཱ་ལེ་ཨཱཿཧཱུཾ༔  (ནང་མཆོད་ནི།)  ཧཱུཾ༔  འཇིག་རྟེན་ཁམས་ཀྱི་དགྲ་བགེགས་ཀུན༔  བསྒྲལ་བའི་ཁྲག་གི་ཨརྒྷཾ་དང་༔  དབང་པོའི་མེ་ཏོག་གསུར་ཆེན་སྤོས༔  ཞུན་ཆེན་མར་མེ་མཁྲིས་པའི་ཆབ༔  ཤ་རུས་ཞལ་ཟས་ཐོད་རྔའི་སྒྲ༔  བདུད་འདུལ་ཁྲོ་བོའི་ལྷ་ལ་འབུལ༔  བཞེས་ནས་དགྲ་བགེགས་སྒྲོལ་བར་མཛོད༔  ཀརྨ་མ་ཧཱ་ཀྲོ་དྷ་ཨརྒྷཾ།  པུཥྤཾ།  དྷུ་པཾ།  དི་པཾ།  གནྡྷཾ།  ནཻ་ཝིདྱཾ།  ཤཔྡ་པྲ་ཏཱིཙྪ་སྭཱ་ཧཱ༔  (དྲུག་པ་སྨན་མཆོད་འབུལ་བ་ལ།  མཆོད་པ་དང་།  དངོས་གྲུབ་བླང་བ་གཉིས་ཀྱི།  དང་པོ་ནི།)  ཧཱུྃ༔  རང་བྱུང་གདོད་ནས་རྣམ་པར་དག༔  རྩ་བརྒྱད་སྟོང་ལ་སྦྱར་བའི་སྨན༔  རྩ་བ་འབུམ་ཕྲག་ཡངས་པའི་བཅུད༔  ར་སྰ་ཡ་ན་ལ་སོགས་སྨན༔  རིགས་ལྔ་དམ་ཚིག་ལྔ་ཡི་དངོས༔ (14བ)ཡེ་ཤེས་ལྔ་རྫོགས་གྲུབ་པའི་རྫས༔  རྒྱུད་དྲུག་སེམས་ཅན་ཀུན་སྒྲོལ་བ༔  དུག་ལྔ་སེལ་བ་སྨན་གྱི་མཆོག༔  དཔའ་བོའི་རོ་དང་མཉམ་སྦྱར་ནས༔  རྒྱལ་བའི་དཀྱིལ་འཁོར་ཡོངས་ལ་འབུལ༔  བླ་མེད་འཕྲུལ་གྱི་དངོས་གྲུབ་སྩོལ༔  མ་ཧཱ་པཉྩ་ཨ་མྲྀ་ཏ་ཁ་རཾ་ཁཱ་ཧི༔  ཧཱུཾ།  རྒྱལ་བ་དགོངས་བརྒྱུད་རིག་འཛིན་རིག་པའི་བརྒྱུད།  །གང་ཟག་སྙན་བརྒྱུད་བླ་མ་ཐམས་ཅད་ལ།  །རྣམ་དག་བདུད་རྩི་དམ་རྫས་མཉེས་མཆོད་འབུལ།  །ཐུགས་རྗེས་བརྩེར་དགོངས་དབང་དང་དངོས་གྲུབ་སྩོལ།  །མ་ཧཱ་པཉྩ་ཨ་མྲྀ་ཏ་ལ་ཁཱ་ཧི།  །ཧཱུཾ༔  གྲུ་གསུམ་མཐིང་ནག་འབར་བའི་གདན་སྟེང་དུཿདཔལ་ཆེན་རྡོ་རྗེ་གཞོན་ནུ་ཡབ་ཡུམ་ལ༔  རྣམ་དག་བདུད་རྩི་དམ༴   ཐུགས་རྗེས་བརྩེར་དགོངས༴   མ་ཧཱ་པཉྩ༴   ཕྱོགས་བཅུའི་དྲེགས་པ་བསྣོལ་བའི་གདན་སྟེང་དུ༔  བདུད་འདུལ་འཇིགས་བྱེད་ཁྲོ་རྒྱལ་ཡབ་ཡུམ་ལ༔  རྣམ་དག་བདུད་རྩི༴   ཐུགས་རྗེས་བརྩེར་དགོངས༴   མ་ཧཱ༴   ཁྲོ་བོ་ཁྲོ་མོ་རོལ་པའི་བྱིན་རླབས་པས༔  སྤྲུལ་པའི་མགོ་བརྙན་ཁྲ་ཐབས་ཉི་ཤུ་ལ༔  རྣམ་དག་བདུད་རྩི་དམ་རྫས༴   ཐུགས་རྗེས་(15ན)བརྩེར་དགོངས༴   མ་ཧཱ༴   ཟླ་གམ་ཀློང་ཆེན་ཨེ་ཡི་གདན་སྟེང་དུ༔  གདུག་པའི་ཚོགས་སྒྲོལ་སྲས་མཆོག་ཕུར་བུ་ལ༔  རྣམ་དག་བདུད་རྩི་དམ་རྫས༴   ཐུགས་རྗེས་བརྩེར་དགོངས༴   མ་ཧཱ༴   ཤར་ལྷོ་ནུབ་བྱང་སྒོ་བཞི་སྲུང་མཛད་པའི༔  ཡེ་ཤེས་སྒོ་མ་ཆེན་མོ་རྣམ་བཞི་ལ༔  རྣམ་དག༴   ཐུགས་རྗེས་བརྩེར་དགོངས༴   མ་ཧཱ།  མ་ལྟར་བྱམས་ཤིང་སྲིང་ལྟར་གདུང་སེམས་ཅན༔  ཤྭ་ན་བདག་ཉིད་ས་བདག་མཆེད་རྣམས་ལ༔  རྣམ་དག༴   ཐུགས་རྗེས༴   མ་ཧཱ༴   འབར་བའི་ཕོ་ཉ་མི་བཟད་དྲག་ཤུལ་ཅན༔  བསེ་ལྕགས་དུང་སོགས་གྱད་ཆེན་གིང་བཞི་ལ༔  རྣམ་དག༴   ཐུགས་རྗེས།  མ་ཧཱ།  ཅི་བགྱིའི་བཀའ་ཉན་ཕྲིན་ལས་ཐོགས་མེད་སྒྲུབ།  །མ་སྲིང་འབར་མ་དབང་ཕྱུག་ཉེར་བརྒྱད་ལ།  །རྣམ་དག༴   ཐུགས་རྗེས༴   མ་ཧཱ༴   གཞན་ཡང་བཀའ་ཡི་བསྟན་སྐྱོང་གཡར་དམ་ཅན།  །ཞིང་སྐྱོང་གཞི་བདག་དཀར་ཕྱོགས་སྐྱོང་རྣམས་ལ།  །རྣམ་དག༴   ཐུགས་རྗེས༴   མ་ཧཱ༴   སྣང་སྲིད་རྣམ་དག་སྒྱུ་འཕྲུལ་རྡོ་རྗེའི་སྤྲིན།  །ཁྲག་འཐུང་ཕུར་བུའི་འཁོར་ལོར་སད་(15བ)པ་ལ།  རྣམ་དག༴   ཐུགས་རྗེས༴   མ་ཧཱ་པཉྩ་ཨ་མྲྀ་ཏ་ཁ་རཾ་ཁཱ་ཧི༔  (གཉིས་པ་དངོས་གྲུབ་བླང་བ་ནི།)  ཨོཾ་ཨཱཿཧཱུཾ༔  ཁྲོ་བོ་ཆེན་པོ་གཤེགས་སུ་གསོལ༔  ཁྲོ་བོ་ཆེན་པོ་གཤེགས་ནས་ཀྱང་༔  རྟགས་དང་མཚན་མ་བསྟན་པ་དང་༔  ཀཱི་ལ་ཡ་ཡི་དངོས་གྲུབ་སྩོལ༔  ཀཱ་ཡ་སིདྡྷི་ཨོཾ༔  ཝཱ་ཀ་སིདྡྷི་ཨཱཿཙིཏྟ་སིདྡྷི་ཧཱུཾ༔  (བདུན་པ་གཏོར་མས་མཆོད་པ་ནི།)  ཧཱུཾ༔  དམ་རྫས་རྨད་བྱུང་གཏོར་ཆེན་པོ༔  ཆོས་ཉིད་སྐྱེ་མེད་ཀློང་ནས་སྤྲུལ༔  འདོད་ཡོན་རྣམ་ལྔས་རབ་ཏུ་སྤྲས༔  དཔལ་ཆེན་འཁོར་བཅས་ཐུགས་དམ་བསྐང་༔  ཨོཾ་བཛྲ་ཀཱི་ལི་ཀཱི་ལ་ཡ་སརྦ་བ་ལིངྟ་ཁཱ་ཧི༔  (བརྒྱད་པ་རཀྟས་མཆོད་པ་ནི།)  ཉོན་མོངས་རྩ་བ་འཁོར་བའི་ཁྲག༔  ཁམས་གསུམ་འཁོར་བ་སྟོང་བྱའི་ཕྱིར༔  དུང་ཆེན་སྣོད་དུ་དམར་ཆེན་བསྐྱིལ༔  དཀྱིལ་འཁོར་ལྷ་ཚོགས་ཞལ་དུ་འབུལ༔  བཛྲ་ཀཱི་ལི་ཀཱི་ལ་ཡ་མ་ཧཱ་རཀྟ་ཁཱ་ཧི༔  (དགུ་པ་དུག་གསུམ་མཆོད་པ་ནི།)  གཏི་མུག་ཤ་ཆེན་ཕུངས་སེ་ཕུང་༔  འདོད་ཆགས་ཁྲག་མཚོ་མེ་རེ་རེ༔  ཞེ་སྡང་རུས་གྲམ་ཉི་ལི་ལི༔  དཔལ་ཆེན་མཁའ་འགྲོའི་ཚོགས་ལ་འབུལ༔  མ་ཧཱ་མཱཾ་ས་རཀྟ་ཀེཾ་ནི་རི་ཏི་ཁ་(16ན)རཾ་ཁཱ་ཧི༔  (བཅུ་པ་སྦྱོར་སྒྲོལ་གྱི་མཆོད་པ་ནི།)  ཧཱུཾ༔  ཁྲོ་མོ་འབར་བའི་གཏུན་ཁུང་དུ༔  རྡོ་རྗེ་ཐོ་བས་བརྡུངས་བྱས་ནས༔  ལྷ་ཡང་རུང་སྟེ་བསྒྲལ་བར་བྱ༔  ཁ་ཏཾ་ཁ་ཏཾ་ཁ་ཏཾ༔  ཧཱུྃ་ཧཱུྃ་ཧཱུྃ༔  ཕཊ་ཕཊ་ཕཊ༔  བཛྲ་ཡཀྵ་ཀྲོ་དྷ་ཁཱ་ཧི་ཁཱ་ཧི་ཁཱ་ཧི༔  ཧ་ཧ་ཧ༔  ཧཱུྃ་ཧཱུྃ་ཧཱུྃ༔  ཕཊ་ཕཊ་ཕཊ༔  (བཅུ་གཅིག་པ་བསྟོད་པ་ནི།)  ཧཱུྃ༔  དུས་གསུམ་རྒྱལ་བ་མ་ལུས་འདུས་པའི་དཔལ༔  རྡོ་རྗེ་གཞོན་ནུའི་སྐུ་ལ་ཕྱག་འཚལ་བསྟོད༔  སྐྱེ་མེད་རྣམ་དག་ཤེས་རབ་གསལ་བའི་དོན༔  འཁོར་ལོ་རྒྱས་འདེབས་མ་ལ་ཕྱག་འཚལ་བསྟོད༔  ས་བཅུའི་མངའ་བདག་ཞིང་བཅུ་ཚར་གཅོད་དཔལ༔  ཁྲོ་རྒྱལ་ཆེན་པོ་བཅུ་ལ་ཕྱག་འཚལ་བསྟོད༔  ཕ་རོལ་ཕྱིན་བཅུའི་རང་བཞིན་ཤེས་རབ་དངོས༔  ཁྲོ་མོ་ཆེན་མོ་བཅུ་ལ་ཕྱག་འཚལ་བསྟོད༔  ཉོན་མོངས་ཉི་ཤུ་གནས་སུ་སྒྲོལ་མཛད་པ༔  ཁྲ་ཐབས་ཉི་ཤུའི་ཚོགས་ལ་ཕྱག་འཚལ་བསྟོད༔  ཐུགས་རྗེའི་ཤུགས་ཀྱིས་གནོད་གདུག་ཐམས་ཅད་སྒྲོལ༔  སྲས་མཆོག་འབར་བའི་ཚོགས་ལ༴   ཕྱི་ནང་བར་ཆད་སྲུང་བའི་ལས་ལ་བརྩོན༔  དྲག་མོ་སྒོ་མ་བཞི་(16བ)ལ་ཕྱག་འཚལ་བསྟོད༔  རྒྱལ་བའི་སྤྱན་སྔར་ཁས་བླངས་དབང་མོ་ཆེ༔  ཕུར་སྐྱོང་སྲུང་མའི་ཚོགས་ལ་ཕྱག་འཚལ་བསྟོད༔  ཨོཾ་བཛྲ་ཀཱི་ལི་ཀཱི་ལ་ཡ་ཧཱུཾ་ཕཊ༔  (བཅུ་གཉིས་པ་ཛཔྲ་བཟླ་བ་ལ།)  ཛཔྲ་དགོངས་རྣམ་པ་ལྔ་ལས།  དང་པོ་སྐུ་ཕྱག་རྒྱ་ལ་དམིགས་པའི་ཛཔྲ་དགོངས་ནི།  སངས་རྒྱས་ཀུན་གྱི་ཡེ་ཤེས་སྐུ༔  ངང་ཉིད་རྡོ་རྗེ་ཆོས་དབྱིངས་ལས༔  འབར་བའི་ཁྲོ་བོ་མི་བཟད་པའི༔  སྐུ་ཡི་དབྱིག་ཏུ་བདག་བསྐྱེད་ཅིག༔  (ཅེས་དཀྱིལ་འཁོར་གསུམ་གྱི་ལྷ་ཚོགས་སྤྱི་དང་ཁྱད་པར་བདག་ཉིད་རྩ་བའི་དཀྱིལ་འཁོར་ཡབ་ཡུམ་ཤིན་ཏུ་གསལ་བརྟན་འབར་བར་གྱུར་པའི་ང་རྒྱལ་ལ་བློ་བཞག་སྟེ་བཟླའོ།  །གཉིས་པ་གསུང་ཡི་གེ་ལ་དམིགས་པའི་ཛཔྲ་དགོངས་ནི།  ཐུགས་ཀའི་སྔགས་ཀྱི་ཕྲེང་བ་ལས།  །འབར་བའི་འོད་ཟེར་མཁའ་ཁྱབ་འཕྲོས།  །རྒྱལ་མཆོད་རྒྱུད་བསྐུལ་བྱིན་རླབས་བསྡུས།  །འགྲོ་བའི་སྒྲིབ་སྦྱངས་བདེ་ལ་བཀོད།  །དམ་ཅན་སྲུང་མ་ལས་ལ་བཙུད།  །རིག་འཛིན་མཆེད་ལྕམ་ཐུགས་དམ་བསྐངས།  །དགྲ་བགེགས་གདུག་པ་ཚར་ཐག་བཅད།  །འཁོར་འདས་དྭངས་བཅུད་བདུད་རྩིའི་སྤྲིན།  །སླར་འདུས་དཀྱིལ་འཁོར་གསུམ་ལ་ཐིམ།  །སྐུ་གསུང་（17ན）ཐུགས་ཡོན་ཕྲིན་ལས་ཀྱི།   །དབང་ཐོབ་ཆེ་བའི་ཡོན་ཏན་བསྐྱེད།  །སྣང་གྲགས་རིག་པ་ལྷ་དང་སྔགས།  །ཆོས་ཉིད་གཉུག་མའི་ཕྱག་རྒྱར་རྫོགས།  །(ཞེས་སྔགས་ཀྱི་འོད་ཟེར་འཕྲོ་འདུའི་ཏིང་ངེ་འཛིན་དང་སྦྱར་ཏེ་བཟླའོ།  །གསུམ་པ་ཐུགས་ཆོས་ཉིད་ལ་དམིགས་པའི་ཛཔྲ་དགོངས་ནི།)  སྙིང་རྗེས་བསྒྲལ་བའི་དམ་ཚིག་ནི༔  བསད་ཅིང་མནན་པ་མ་ཡིན་ཏེ༔  ཕུང་པོ་རྡོ་རྗེར་གཏམས་བྱས་ནས༔  རྣམ་པར་ཤེས་པ་རྡོ་རྗེར་བསྒོམ༔  (ཞེས་ཐུགས་དམིགས་མེད་སྟོང་བའི་དབྱིངས་ལས་རིག་རྩལ་སྣ་ཚོགས་འགགས་པ་མེད་པར་ཤར།  ཤར་དུས་ཉིད་ནས་སྐྱེ་མེད་ཀྱི་ཀློང་དུ་དག་པ་ཆོས་ཉིད་རང་གྲོལ་གྱི་དགོངས་པས་བཟླའོ།  །བཞི་པ་ཡོན་ཏན་ལ་དམིགས་པ་དབང་དང་དངོས་གྲུབ་ལེན་པའི་ཛཔྲ་དང་།  ལྔ་པ་ཕྲིན་ལས་ལ་དམིགས་པ་སྤུ་གྲིའི་སྔགས་དྲུག་བཟླ་ཚུལ་ནི་དེ་དང་དེའི་མན་ངག་ཏུ་གསལ་ལོ།  །བཟླ་བྱའི་སྔགས་ནི།)  ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུྃ་ཕཊ༔  ཛཿཧཱུྃ་ཨཱ༔  (ཞེས་སྲོག་སྔགས་འབྲུ་དགུ་དང་།  ལས་སྔགས་འབྲུ་ལྔ།  མཁའ་འགྲོའི་འཕྱོང་སྔགས་འབྲུ་གསུམ་སྟེ།  དེ་ལྟར་ཡི་གེ་བཅུ་བདུན་ནི་བསྙེན་པའི་སྔགས་སོ།  །བསྙེན་སྒྲུབ་ཆིག་ཆོད་ལ་དྲག་སྔགས་འདུས་པ་འདི་ཉིད་བསྙེན་སྔགས་ལ་སྦྲེལ་ནས་བཟླ་སྟེ།  མ་རཀ་མོ་ཡག་མོ༔  ཀཱ་ལ་(17བ)རཱུ་པ་སྙིང་རྩ་ལ་ཡཾ་ཡཾ༔  སྲོག་ལ་ཡཾ་ཡཾ༔  སྙིང་ལ་ཕྲིལ་ཕྲིལ༔  སྲོག་ལ་ཆུཾ་ཆུཾ༔  ཙིཏྟ་སྲོག་ལ་དུང་དུང་༔  སྙིང་ཁྲག་སྲོག་ལ་ཤད་ཤད༔  ཐུཾ་རི་ལི་ལི༔  ཙེག་ཙེག༔  འུར་འུར༔  ཤིག་ཤིག༔  གུལ་གུལ༔  མྱགས་མྱགས༔  སོད་སོད༔  དྷ་ཏི་མ་མ་ཀརྨ༔  ཤྰིགྷྲཾ་ཀ་ར་ཡེ༔  མཱ་ར་སེ་ན༔  པྲ་མ་རྡྷ་ན་ཡེ་ཧཱུྃ་ཕཊ༔  (ཅེས་ཐེམ་ཡིག་ལས་ཡི་གེ་བདུན་ཅུ་རྩ་དྲུག་འབྱུང་ངོ་།  །དེ་ལྟར་བསྙེན་སྒྲུབ་ལས་སྦྱོར་གྱི་འགྲོས་དང་སྦྱར་ཏེ་བཟླ་ཞིང་།  ཐུན་མཚམས་སུ།)  ཧཱུྃ༔  ཡེ་ཤེས་ཁྲོ་རྒྱལ་ཕུར་པའི་ལྷ་ཚོགས་གཤེགས༔  ཛཔྲ་བསྙེན་གྲངས་དང་སྨན་རཀ་གཏོར་ཚོགས་འབུལ༔  སྐུ་གསུང་ཐུགས་ཡོན་ཕྲིན་ལས་རྫོགས་ལ་བསྟོད༔  རྩ་བ་ཡན་ལག་དམ་ཚིག་ཉམས་ཆག་བཤགས༔  རང་སེམས་དཔང་བཙུགས་བཀའ་བཞིན་བསྒྲུབ་ལགས་ན༔  དབྱིངས་ལས་སྐུ་བཞེངས་ཕྲིན་ལས་མཐར་ཕྱིན་མཛོད༔  ཐུན་མོང་མཆོག་གི་དངོས་གྲུབ་སྩལ་དུ་གསོལ༔  (ཞེས་སྟོང་ཚིགས་ཀྱི་མཆོད་བསྟོད་བྱའོ།  །སྤྱི་དོན་གསུམ་པ་རྗེས་ཀྱི་ལས་རིམ་ལ་བརྒྱད་དེ།  རྗེས་ཚོགས་བསྐུལ་ལྷག་སྨོན་ལམ་གསོལ༔  གཏོར་གཏོང་དལ་བསྡུ་རྒྱུན་ཏིང་བྱའོ༔  ཞེས་པས།  དང་པོ་ཚོགས་མཆོད་ལའང་། (18ན)བྱིན་བརླབ།  སྤྱན་འདྲེན།  མཆོད་པ་གསུམ་གྱི།  དང་པོ་བྱིན་བརླབ་པ་ནི།  དམ་རྫས་སུ་འོས་པའི་ཡོ་བྱད་ཅི་འབྱོར་པ་བཤམས་པ་བདུད་རྩིས་བྲན་ལ།)  ཨོཾ་སརྦ་དྲ་བྱཾ་བི་ཤོ་དྷ་ཡ་ཧུྃ་ཕཊ༔  (ཅེས་པས་སྤྱིར་བསང་།)  བྷྲཱུྃ་རཾ་ཡཾ་ཁཾ༔  ཧཱུྃ༔  རྡོ་རྗེ་ལྟ་བུའི་ཡེ་ཤེས་ཀྱིས༔  ཆོས་ཀུན་ཐམས་ཅད་སྒྱུ་མར་རིག༔  རིག་པའི་ཡེ་ཤེས་རཾ་ཞེས་བྱ༔  རཾ་ལས་ཡེ་ཤེས་མེ་བྱུང་བས༔  ཕྱི་ནང་དངོས་པོར་འཛིན་པ་ཀུན༔  ཐམས་ཅད་མ་ལུས་བསྲེག་པར་བྱའོ༔  རྡོ་རྗེ་ལྟ་བུའི་ཡེ་ཤེས་ཀྱིས༔  ཆོས་ཀུན་ཐམས་ཅད་སྒྱུ་མར་རིག༔  རིག་པའི་ཡེ་ཤེས་ཡཾ་ཞེས་བྱ༔  ཡཾ་ལས་ཡེ་ཤེས་རླུང་བྱུང་བས༔  རྣམ་རྟོག་དངོས་པོར་འཛིན་པ་ཀུན༔  ཐམས་ཅད་མ་ལུས་གཏོར་བར་བྱའོ༔  རྡོ་རྗེ་ལྟ་བུའི་ཡེ་ཤེས་ཀྱིས༔  ཆོས་ཀུན་ཐམས་ཅད་སྒྱུ་མར་རིག༔  རིག་པའི་ཡེ་ཤེས་ཁཾ་ཞེས་བྱ༔  ཁཾ་ལས་ཡེ་ཤེས་ཆུ་བྱུང་བས༔  གཟུང་འཛིན་མཚན་མའི་བག་ཆགས་ཀུན༔  ཐམས་ཅད་མ་ལུས་བཀྲུ་བར་བྱའོ༔  ཧཱུྃ་མཱུྃ༔  ཨོྃ་ལྰཾ༔  སྭཱ་མཱཾ༔  ཨཱ་པྰཾ༔  ཧཱ་ཏྰཾ༔  ཨོཾ་ཨཱཿཧཱུྃ་སརྦ་པཉྩ་ཨ་མྲྀ་ཏ་ཧཱུཾ་ཧྲཱིཿཋཱ༔  རིགས་ལྔ་ཡབ་ཡུམ་མཉམ་སྦྱོར་བའི།  །བྱང་ཆུབ་(18བ)སེམས་ཀྱི་དམ་ཚིག་རྫས།  །ཟག་མེད་འདོད་ཡོན་ལྔ་ལྡན་གྱི།  །ལོངས་སྤྱོད་ནམ་མཁའ་མཉམ་པར་གྱུར།  །(གཉིས་པ་ཚོགས་ཞིང་སྤྱན་དྲང་བ་ནི།)  ཧཱུྃ༔  སྲིད་བའི་ཕུར་བུ་སྒྲུབ་པ་དང་༔  དབང་དང་དངོས་གྲུབ་བླང་བའི་ཕྱིར༔  ཞལ་ཟས་ཚོགས་ཀྱི་མཆོད་པ་ལ༔  ཡེ་ཤེས་ཁྲོ་བོ་གཤེགས་སུ་གསོལ༔  ཨོཾ་བཛྲ་ཀཱི་ལི་ཀཱི་ལ་ཡ་ཛཿཧཱུཾ་བཾ་ཧོཿ(གསུམ་པ་མཆོད་པ་ལ་སྤྱི་དང་ཁྱད་པར་གཉིས་ཀྱི།  དང་པོ་སྤྱིར་མཆོད་པ་ནི།)  ཧཱུཾ༔  འབྱུང་བ་ཆེན་པོ་ནམ་མཁའ་ཆེ༔  ནམ་མཁའ་ལས་ནི་འདོད་པ་འབྱུང་༔  འདོད་ཡོན་མཆོད་པ་བཞེས་སུ་གསོལ༔  ཨོཾ༔  གཟུགས་མ་ལག་གཉིས་མེ་ལོང་ཐོགས༔  གཟུགས་མཛེས་སྤྱོད་པ་ཕྱོགས་བཅུར་གཡོ༔  ཤིན་ཏུ་སྒེག་པའི་གཟི་ལྡན་འབར༔  གཟུགས་ཀྱི་ལྷ་མོ་སྤྱན་ལ་ཐིམ༔  ཨོཾ༔  སྒྲ་མ་ལག་གཉིས་པི་ཝཾ་ཐོགས༔  བདེན་པའི་སྒྲ་སྙན་ཕྱོགས་བཅུར་གཡོ༔  དབྱངས་སྙན་ཡིད་འཕྲོག་འཇམ་པོའི་དབྱངས༔  སྒྲ་ཡི་ལྷ་མོ་སྙན་ལ་ཐིམ༔  ཨོཾ༔  དྲི་མ་ལག་གཉིས་སྤོས་ཕོར་ཐོགས༔  སྤོས་ཀྱི་སྤྲིན་ལྡིང་བདུག་པ་མོ༔  དྲི་ཞིམ་སྤོས་ཀྱི་ངད་ལྡངས་མ༔  དྲི་ཡི་ལྷ་མོ་ཤངས་ལ་ཐིམ༔  ཨོཾ་(19ན)རོ་མ་ལག་གཉིས་ཟས་གཞོང་ཐོགས༔  བཅུད་ལེན་རོ་མཆོག་ལྔ་བརྒྱ་ལྡན༔  ཀུན་ཏུ་རོ་མཆོག་ཚིམ་བྱེད་མ༔  རོ་ཡི་ལྷ་མོ་ལྗགས་ལ་ཐིམ༔  ཨོཾ༔  རེག་གི་ལྷ་མོ་ཡོངས་འཁྱུད་མ༔  ཐུགས་ཀ་དག་ནས་ཡོངས་སུ་འཁྱུད༔  ཀུན་ཏུ་རེག་ནི་ཚིམ་བྱེད་མ༔  རེག་བྱའི་ལྷ་མོ་སྐུ་ལ་ཐིམ༔  ཨོཾ༔  ཆོས་ཀྱི་ལྷ་མོ་པུསྟི་བསྣམས༔  ཡིད་ནི་ཚིམ་པར་བྱེད་པ་སྟེ༔  ཐམས་ཅད་མ་ལུས་ཆོས་ཀྱི་དབྱིངས༔  ཆོས་ཀྱི་ལྷ་མོ་ཐུགས་ལ་ཐིམ༔  ཨོཾ་བཛྲ་ཀཱི་ལི་ཀཱི་ལ་ཡ་སརྦ་ཏ་ཐཱ་ག་ཏ་ནཾ༔  རཱུ་པ༔  ཤཔྡ༔  གནྡྷེ༔  ར་ས༔  སྤརྴེ༔  དྷརྨ་ག་ཎ་ཙཀྲ་པཱུ་ཛ་མེ་གྷ་པྲ་ཏཱིཙྪ་ཧོཿ(ཞེས་འདོད་ཡོན་ལྔས་སྤྱིར་མཆོད་ནས།  ཚོགས་རྫས་ཐུན་མོང་དུ་བཏེགས་ལ།)  ཧཱུཾ༔  བླ་མེད་མཆོག་གི་མཆོད་པ་དམ་པ་འདི༔  ཡེ་ཤེས་ལྔ་ཡི་འོད་ཟེར་རྣམ་པར་འཕྲོ༔  འདོད་པའི་ཡོན་ཏན་ལྔ་ཡིས་རབ་བརྒྱན་ཏེ༔  བླ་མ་ཡི་དམ་ལྷ་ཚོགས་རྣམས་ལ་འབུལ༔  ཨོཾ་གུ་རུ་དེ་ཝ་ཌཱ་ཀི་ནཱི་ག་ཎ་ཙཀྲ་ཁཱ་ཧི༔  (ཞེས་འབུལ་ཞིང་།  སྤྲོ་ན་སྐབས་འདིར་སྐོང་བའི་ལས་རིམ་གཞན་ཡང་བྱའོ།  །གཉིས་པ་བྱེ་བྲག་ཏུ་མཆོད་པ་ནི།  ཚོགས་ཕུད་རིམ་པ་གསུམ་དུ་སྤྲོས་(19བ)ལ།  དང་པོ་མཆོད་པ་ནི།)  ཧཱུྃ༔  དམ་ཚིག་ཆེན་པོའི་དུས་ལ་བབ༔  ཚོགས་ཕུད་མཆོད་པ་བཞེས་སུ་གསོལ༔  སྤྲུལ་པ་ཆེན་པོའི་དུས་ལ་བབ༔  ཚོགས་ཕུད༴   ཕྱག་བརྙན་ཆེན་པོའི་དུས་ལ༴   ཚོགས་ཕུད༴   ཤྭ་ན་མུ་ཁའི་དུས་ལ༴   ཚོགས་ཕུད༴   བདག་ཉིད་ཆེན་མོའི་དུས༴   ཚོགས་ཕུད།  ས་བདག་ཆེན་མོའི་དུས།  ཚོགས་ཕུད་མཆོད་པ་བཞེས་སུ་གསོལ༔  བཛྲ་ཡཀྵ་ཀྲོ་དྷ་ཁཱ་ཧི༔  (བར་པ་བཤགས་པ་ནི།)  ཡེ་ཤེས་ལྷ་ལ་རྟོག་པ་མི་མངའ་ཡང་༔  དེ་ཡི་འཁོར་དུ་གཏོགས་པའི་ལྷ་སྲིན་རྣམས༔  མི་ཡི་སྐྱོན་མཐོང་ཙམ་ན་བར་ཆད་རྩོམ༔  བདག་ཅག་མ་རིག་སྒོ་གསུམ་བག་མེད་པས༔  འདོད་ཁྲོ་གཏི་མུག་དབང་གིས་ནོངས་བྱས་བཤགས༔  ཚོགས་ཀྱིས་མཆོད་དོ་ཚངས་དབང་དངོས་གྲུབ་སྩོལ༔  ས་མ་ཡ་ཧོཿས་མ་ཡ་ཏིཥྛ་སྟྭཾ༔ (ཐ་མ་བསྒྲལ་སྟོབ་ནི།  བྲུབ་ཁུང་དུ་ལིངྒ་བཅས་པའམ་ཚོགས་ཐ་མ་ལ་དམིགས་རྟེན་བྱས་ཏེ།)  ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་དགྲ་བགེགས་མཱ་ར་ཡ་ཧཱུཾ་ཕཊ༔  (ཅེས་བརྗོད་པས།)  བདག་ཉིད་དཔལ་ཆེན་པོའི་ཐུགས་ཀ་ནས་སྤྲུལ་པའི་ཁྲོ་ཚོགས་ཕོ་ཉ་གྲངས་མེད་(20ན)པ་སྟོང་ཁམས་གང་བར་འཕྲོས་པས་དམིགས་བྱ་རང་དབང་མེད་པར་བཀུག་སྟེ་མདུན་གྱི་ལིངྒ་ལ་ཐིམ་པར་(བསམ་ཞིང་།  བདེན་སྟོབས་བརྗོད་པ་སྔོན་དུ་འགྲོ་བས།)  ཨོཾ་བཛྲ་ཀཱི་ལི་ཀཱི་ལ་ཡ་དགྲ་བགེགས་གནོད་བྱེད་ཛཿཧཱུཾ་བཾ་ཧོཿཤྰི་གྷ྄ཾ་ཨཱ་ན་ཡ་ཧཱུཾ་ཕཊ༔ (ཅེས་དགུག་གཞུག་བྱས་ལ།)  ཧཱུྃ་ཛཿདམ་ཚིག་ཆེན་པོའི་དུས་ལ་བབ༔  སྤྲུལ་པ་ཆེན་པོའི་དུས་ལ་བབ༔  ཕྱག་བརྙན་ཆེན་པོའི༴   ཤྭ་ན་མུ་ཁའི༴   བདག་ཉིད་ཆེན་མོའི༴   ས་བདག་ཆེན་མོའི༴   ཁྱེད་ཀྱི་ཕྲིན་ལས༴   མཐུ་རྩལ་དབྱུང་བའི་དུས༴   ཅེས་(ཕོ་ཉ་བསྐུལ།)  ཧཱུཾ༔  བྱང་ཆུབ་མཆོག་ཏུ་སེམས་བསྐྱེད་ཅིང་༔  དུས་གསུམ་རྒྱལ་བའི་གདུང་འཚོབ་པའི༔  རིག་འཛིན་བདག་ཅག་རྣམས་ལ་ནི༔  གནོད་ཅིང་གདུག་པའི་དགྲ་དང་བགེགས༔  བདུད་དང་བར་དུ་གཅོད་པ་རྣམས༔  ཁྲོ་བོ་ཆེན་པོའི་བྱིན་རླབས་ཀྱིས༔  ཡུད་ཙམ་གྱིས་ནི་འདིར་བཀུག་ནས༔  མངོན་སྤྱོད་ཚུལ་བཞིན་བསྒྲལ་བ་དང་༔  ལུས་ངག་རྡུལ་དུ་བཤིག་ནས་ཀྱང་༔  སྡུག་བསྔལ་ཉམས་སུ་མྱོང་བར་མཛོད༔  ཨོཾ་ལཾ་ཧཱུཾ་ལཾ་སྟྭམྦྷ་ཡ་ནན་མོ་ཧཱ་གྷྰ་ཏ་ཡ་བྷ་ག་ཝཱན་ཧྲཱིཿ  ཀྲི་ཤྰི་(20བ)བི་ཀྲི་བཛྲ་ཧཱུཾ་ཀཱ་ར་ཧཱུཾ༔  བཛྲ་ཀཱི་ལི་ཀཱི་ལ་ཡ་ཛཿཧཱུཾ་བཾ་ཧོཿསརྦ་བིགྷྣཱན་བཛྲ་ཀཱི་ལི་ཀཱི་ལ་ཡ་ཧཱུྃ་ཕཊ༔   བཛྲ་ཧཱུཾ་ཀཱ་ར་ཧཱུཾ་ཕཊ༔  ཧཱུྃ་ཀཱ་ར་ཧཱུྃ་ཨ་ཕཊ༔  (ཅེས་གསལ་བ་གསུམ་ལྡན་གྱི་ངང་ནས་སྲས་མཆོག་གི་ཕུར་བུ་བསྒྲིལ་ཞིང་བཏབ་སྟེ་ཚེ་ཁྲུས་ཀྱི་དགོངས་པས་རྣམ་ཤེས་བདེ་བ་ཆེན་པོའི་འཁོར་ལོར་སྦྱར་ནས་བརྟེན་པ་དབྱིངས་སུ་བསྒྲལ།  སླར་ཡང་བག་ཆགས་ཀྱི་རྟེན་གཞི་བསྒྲལ་བའི་ཕྱིར།)  དངོས་གྲུབ་བར་ཆད་བྱེད་པའི་བགེགས༔  གདུག་ཅིང་སྡང་སེམས་ལྡན་པ་རྣམས༔  ཟུངས་ཤིག་རྒྱོབ་ཅིག་རྣམ་པར་ཆིངས༔  གཏོགས་ཤིག་གྲོགས་དང་བྲལ་བར་གྱིས༔  རིངས་པར་ཁུག་ལ་སྨྲར་ཆུ་གཅིག༔  ཕོབ་ཅིག་རྣམ་པར་གཟིར་བར་གྱིས༔  ང་ཡི་དབང་དུ་གྱུར་ནས་ཀྱང་༔  བསྒོ་བའི་བཀའ་ལ་གཉན་པར་བྱོས༔  ཧཱུྃ་པ་ར་བིདྱཱ་ཙྪིནྡྷ་ཙྪིནྡྷ་ཧཱུྃ་ཕཊ༔  བིནྡྷ་བྷིནྡྷ་ཧཱུྃ་ཕཊ༔  གྲྀཧྞ་གྲྀཧྞ་ཧཱུཾ་ཕཊ༔  ཧ་ན་ཧ་ན་ཧཱུྃ་ཕཊ༔  བྷིནྡྷ་བྷིནྡྷ་ཧཱུྃ་ཕཊ༔  ཏྲྰ་ཤ་ཡ་ཏྲྰ་ཤཱ་ཡ་ཧཱུྃ་ཕཊ༔  ཧ་ས་ཡ་ར་ཧ་ས་ཡ་ར་ཧྲི་དཎྜ་ཧཱུྃ་ཕཊ༔  ཤྰི་གྷྲཾ་ཨཱ་ན་ཡ་ཧཱུཾ་ཕཊ༔  ཛྭ་ལ་པ་ཡ་ཛྭ་ལ་པ་ཡ་ཧཱུྃ་ཕཊ༔  ཨཱ་བེ་ཤ་ཡ་ཨ་བེ་ཤ་ཡ་ཧཱུྃ་ཕཊ༔  བྷིནྡྷ་ཡ་བྷིནྡྷ་ཡ་ཧཱུྃ་ཕཊ༔  བྲན་དང་བཀའ་ཉན་ཕོ་ཉའི་ཚོགས༔  ཁྱེད་ཀྱི་དམ་ཚིག་དུས་ལ་བབ༔  སྔོན་ཆད་(21ན)ཁས་བླངས་དམ་བཅས་བཞིན༔  མངོན་སྤྱོད་ཕྲིན་ལས་གྲུབ་པར་མཛོད༔  ཧ་ན་ཧ་ན་བཛྲ༔  ད་ཧ་ད་ཧ་བཛྲ༔  པ་ཙ་པ་ཙ་བཛྲ༔  མ་ཐ་མ་ཐ་བཛྲ༔  ཛྭ་ལ་ཛྭ་ལ་བཛྲ༔  སུ་རུ་སུ་རུ་བཛྲ༔  མུ་རུ་མུ་རུ་བཛྲ༔  ཀ་ཊཾ་ཀ་ཊ་ཡེ༔  ཛ་ཡེ་བི་ཛ་ཡེ༔  ཨ་ཛི་ཏེ་ཨ་པ་ར་ཛི་ཏེ༔  མཱ་ར་སེ་ན་པྲ་མཱརྡྷ་ནི་ཧཱུྃ་ཕཊ༔  (ཅེས་ཁྲོ་བོ་ཁྲོ་མོའི་ཕུར་བུའམ་ལས་ཕུར་དེར་མོས་པས་གནས་སོ་སོར་གདབ་ཅིང་སྤུ་གྲིའི་སྔགས་ཀྱིས་ཐུན་རྫས་སྣ་ཚོགས་པས་བྲབ།)  རྡོ་རྗེ་གསང་བའི་བཀའ་ལས་ནི༔  སྡིག་ཅན་གང་ཞིག་འདའ་བྱེད་པ༔  སྟོབས་ཆེན་ཁྲོ་བོ་ཆེན་པོ་ཡིས༔  ཀླད་པ་ཚལ་པ་བརྒྱ་རུ་ཁོས༔  ཉོན་ཅིག་བགེགས་དང་ལོག་འདྲེན་ཚོགས༔  ང་ཡི་བཀའ་ལས་འདའ་མ་བྱེད༔  ཧཱུྃ་མ་མ་པཱ་ཤཾ་ཀུ་རུ་མ་ཏཾ་ཉ་ན་ཀ་ར་ཨི་དན་དྷ་ཏི་མ་མ་ཤྰི་གྷྲཾ་ཀ་རེ་ཡེ་ཧཱུྃ་ཕཊ༔  གདུག་ཅིང་སྡང་སེམས་ལྡན་པ་ཡི༔  ལྷའམ་འོན་ཏེ་བདུད་ཀྱང་རུང་༔  ང་ལ་བར་ཆད་བྱེད་པའི་བགེགས༔  མཐུ་དང་རྫུ་འཕྲུལ་མེད་པར་བྱོས༔  སརྦ་ཨཱ་ན་ཡ་ཧཱུཾ་ཕཊ༔  ཏ་ཐཱ་ཡ་ཏ་ཐཱ་ཡ་ཧཱུཾ་ཕཊ༔  (ཅེས་མཚོན་ཆའི་ཆར་བབས་པར་བསམ་ལ་རལ་གྲིས་གཏུབ་ཅིང་འཁོར་འདས་ཀྱི་མཐའ་བསལ།)  རྡུངས་ཤིག་རྡོ་རྗེ་(21བ)འབར་བའི་གཏུན༔  བཀའ་ལས་འདའ་བྱེད་སྡིག་ཅན་འདི༔  རྡོ་རྗེ་མེ་དབལ་སྙིང་བསྲེགས་ནས༔  ལུས་ངག་རྡུལ་ཕྲན་བཞིན་དུ་རློག༔  ཁྲོ་མོ་འབར་བའི་གཏུན་ཁུང་དུ༔  རྡོ་རྗེ་ཐོ་བས་བརྡུངས་བྱས་ནས༔  ལྷ་ཡང་རུང་སྟེ་བསྒྲལ་བར་བྱ༔  བཅོལ་བའི་ཕྲིན་ལས་གྲུབ་པར་མཛོད༔  ཁ་ཏཾ་ཁ་ཏཾ་ཁ་ཏཾ༔  ཧཱུྃ་ཧཱུྃ་ཧཱུྃ༔  ་ཕཊ་ཕཊ་ཕཊ༔  (ཅེས་ཐོ་བས་བརྡུང་ངོ་།  །)  སྙིགས་མའི་ཕུང་པོ་བདུད་རྩིར་སྦར་བ་དཔལ་གྱི་གཏོར་མར་བསྟབ་ལ།   ཧཱུྃ༔  དཔལ་ཆེན་འཁོར་བཅས་ཞལ་ཕྱེས་ཤིག༔  དགྲ་བགེགས་བསྒྲལ་བའི་ལྔ་ཕུང་འདི༔  དཔལ་ཆེན་ཡབ་ཡུམ་ཞལ་དུ་བསྟབ༔  ཁྲོ་རྒྱལ་ཡབ་ཡུམ་ཞལ་དུ་བསྟབ༔  སྲས་མཆོག་འབར་བའི་ཞལ་དུ་བསྟབ༔  ཟ་གསོད་སྒོ་མའི་ཞལ་དུ་བསྟབ༔  མཁའ་འགྲོ་གིང་ཚོགས་ཞལ་དུ་བསྟབ༔  སྡང་དགྲ་གདོན་བགེགས་འཁོར་བཅས་རྣམས༔  རྡུལ་ཕྲན་ཙམ་ཡང་མེད་པར་རོལ༔  བཛྲ་ཡཀྵ་ཀྲོ་དྷ་ཁ་ཁ་ཁཱ་ཧི་ཁཱ་ཧི༔  ཧ་ཧ་ཧ༔  ཧཱུྃ་ཧཱུྃ་ཧཱུྃ༔  ཕཊ་ཕཊ་ཕཊ༔  (གཉིས་པ་བཅོལ་བསྐུལ་བྱ་བ་ནི།  ཕོ་ཉ་འདུས་པའི་གཙོ་བོས་ཕུར་བུ་འདྲིལ།  བཤུགས་པས་འབོད་ཅིང་རྔ་ཐབས་དང་བསྟུན་ལ།)  ཧཱུྃ་ཛཿདམ་ཚིག་ཆེན་པོའི་(22ན)དུས་ལ་བབ༔  (ཅེས་སོགས་བབ་བརྒྱད་ཀྱིས་ཕོ་ཉ་བསྐུལ་ནས)བྱང་ཆུབ་མཆོག་ཏུ་སེམས་བསྐྱེད་ཅིང་༔  (སོགས་ཕྲིན་ལས་བཅོལ་བ་ལས་རིམ་བདུན་གྱི་སྔགས་རྣམས་དོར་ལ་གོང་བཞིན་དྲག་ཏུ་བརྗོད་པས་བསྐུལ་ལོ།  །དེ་ཡང་ཚོགས་ཐ་མར་ཕུར་གདབ་ཀྱིས་བརྟེན་པ་བསྒྲལ་བ་ཙམ་གྱི་མཐར་བསྟབ་པ་སྦྱར་ན་གོང་གི་བཅོལ་བསྐུལ་ངེས་པར་བྱ་ཞིང་།  གདབ་ཁ་རྫོགས་པར་བྱས་ན་བཅོལ་བསྐུལ་མ་བྱས་ཀྱང་ཆོག་གོ  །དེ་ནས་ཐ་མལ་གྱི་རྟོག་པའི་འཆིང་བ་དགྲོལ་ཕྱིར་ལས་ཀྱི་རྡོ་རྗེས་འཁོར་ལོའི་འདུས་པའི་གཙོ་བོ་ལ་ཕྱག་བཅས་ཐབས་ཤེས་ཀྱི་དམ་རྫས་བསྣོལ་མར་སྟོབ་ཅིང་།)  ཚོགས་ཀྱི་མཆོད་པ་རྒྱན་དུ་རོལ།  །(ཞེས་དྲངས།  ལེན་པ་པོས།)  ཨ་ལ་ལ་ཧོཿ(ཞེས་བརྗོད་ཅིང་བླང་།  འདུས་པ་རྣམས་ལའང་བྲིམས་ཏེ་བཟའ་བའི་དམ་ཚིག་ནང་གི་སྲེག་བླུགས་ཀྱི་སྒོ་ནས་ཚིམས་བར་ལོངས་སྤྱད་དོ།  །གསུམ་པ་ལྷག་མའི་ཆོ་ག་ནི།  ལྷག་མ་བསྡུས་པའི་དམེ་གཏོར་དང་།  ཕུད་སོ་སོར་བཤམས་པ་སྨན་རཀ་བྲན་ཏེ།)  ཧཱུྃ༔  དང་པོ་ཕུད་ཀྱིས་མི་མཆོད་དུ༔  རྡོ་རྗེ་གཞོན་ནུ་ཕུད་ཀྱི་བདག༔  བར་དུ་སྤྲིན་ལྟར་མི་གཏིབས་སུ༔  དགེ་བའི་བཤེས་གཉེན་གཉན་གྱི་བཀའ༔  ཐ་མ་གཅིག་ཏུ་མི་བསྲེ་རུ༔  མ་ཚོགས་དབང་ཕྱུག་ལྷག་མའི་གནས༔  ལྷག་མ་ཁ་(22བ)ཆུས་མི་བྲན་དུ༔  ཁྱོད་དང་ངེད་གཉིས་དམ་ཚིག་གཅིག༔  ཡེ་ནས་འདུ་འབྲལ་མེད་དོན་དུ༔  ཚུལ་བཞིན་མཆོད་ཀྱིས་ད་ཚུར་བྱོན༔  (ཞེས་བརྗོད་ནས་ཕུད་ལྷག་བསྲེ།)  ཨོཾ་ཨཱཿཧཱུྃ་པཉྩ་ཨ་མྲྀ་ཏ་ཧཱུྃ་ཧ་ཧོ་ཧྲཱིཿ  (ཞེས་བདུད་རྩིའི་ཁ་ཆུ་བྲན་པས།)  ལྷག་མའི་དམ་ཚིག་འདོད་ཡོན་གྱི་ཕུང་པོ་ཟད་མི་ཤེས་པས་ནམ་མཁའ་གང་བར་(བསམ་ལ།)  ཧཱུྃ༔  བྲན་དང་བཀའ་ཉན་ཕོ་ཉའི་ཚོགས༔  ཁྱེད་ཀྱི་དམ་ཚིག་དུས་ལ་བབ༔  སྔོན་ཆད་ཇི་ལྟར་དམ་བཅས་པའི༔  མངོན་སྤྱོད་ཕྲིན་ལས་གྲུབ་པར་མཛོད༔  ལྷག་མའི་མཆོད་པ་འདི་བཞེས་ལ༔  བསྟན་པ་གཉན་པོ་བསྲུང་དུ་གསོལ༔  མ་ཧཱ་པཉྩ་ཨ་མྲྀ་ཏ་ཁཱ་ཧི༔  མ་ཧཱ་བ་ལིཾ་ཏ་ཁཱ་ཧི༔  མ་ཧཱ་རཀྟ་ཁཱ་ཧི༔  བུངྔྷ་ཌཱ་ཀི་ནཱི༔   རཏྣ་ཌཱ་ཀི་ནཱི༔  པདྨ་ཌཱ་ཀི་ནཱི༔  ཀརྨ་ཌཱ་ཀི་ནཱི༔  སརྦ་ཌཱ་ཀི་ནཱི་ཁ་ཁ་ཁཱ་ཧི་ཁཱ་ཧི༔  ཀིང་ཀ་ར་མ་ཧཱ་པཉྩ་བ་ལིཾ་ཏ་ཁཱ་ཧི༔  (ཞེས་རོལ་མོའི་སྒྲ་དང་བཅས་པས་གཏོར་མ་ཕྱི་རོལ་དུ་དོར་དོ།  །བཞི་པ་སྨོན་ལམ་གདབ་པ་དང་།  ལྔ་པ་བཟོད་པར་གསོལ་བ་ནི་སྤྱིའི་འགྲོས་བཞིན་འཁྲུགས་སྡེབས་ཀྱིས་འོག་ཏུ་སྟོན་ནོ།  །དྲུག་པ་གཏོར་མ་གཏོང་བ་ལ་གསུམ་ལས།  དང་པོ་ཆད་མདོ་བསྒྲགས་པ་ནི།  གཏོར་མ་ཕྱིར་བསྣུར་ལ་སྨན་རཀ་སྦྲེང་ཞིང་།)   ཧཱུྃ༔  (23ན)སྔོན་ཚེ་འདས་དུས་བསྐལ་པའི་དང་པོ་ལ༔  འོག་མིན་གསང་བ་མཆོག་གི་དཀྱིལ་འཁོར་དུ༔  བཅོམ་ལྡན་དཔལ་ཆེན་རྡོ་རྗེ་གཞོན་ནུ་ཡིས༔  རིགས་ཀྱི་ཁྲོ་རྒྱལ་ཐམས་ཅད་དབང་བསྡུས་ནས༔  སོ་སོའི་སྐུ་གསུང་ཐུགས་སུ་བསྟན་ནས་ཀྱང་༔  ཇི་ལྟར་ཁས་བླངས་དམ་བཅས་ཇི་བཞིན་དུ༔  མཆོད་གཏོར་བཞེས་ལ་བཅོལ་བའི་ཕྲིན་ལས་མཛོད༔  དེ་འོག་བར་གྱི་བསྐལ་པ་དབུས་མ་ལ༔  མོན་ཁ་སྣ་རིང་སེང་གེ་རྫོང་གསུམ་དུ༔  སློབ་དཔོན་ཆེན་པོ་པདྨ་འབྱུང་གནས་དང་༔  སློབ་མ་ཇོ་མོ་མཁར་ཆེན་མཚོ་རྒྱལ་གྱིས༔  རྡོ་རྗེ་ཕུར་པའི་དཀྱིལ་འཁོར་ཞལ་ཕྱེས་ཚེ༔  ཕུར་སྲུང་བཅུ་གཉིས་གིང་དང་དམ་ཅན་གྱིས༔  སོ་སོའི་སྐུ་གསུང་ཐུགས་སུ་བསྟན་ནས་ཀྱང་༔  ཇི་ལྟར་ཁས་བླངས་དམ་བཅས་ཇི་བཞིན་དུ༔  མཆོད་གཏོར་བཞེས་ལ་བཅོལ་བའི་ཕྲིན་ལས་མཛོད༔  དེ་འོག་དུས་ཀྱི་བསྐལ་པའི་ཐ་མ་ལ༔  རྔ་ཡབ་གླིང་ཕྲན་ཟངས་མདོག་དཔལ་རིའི་རྩེར༔  སློབ་དཔོན་ཆེན་པོ་པདྨ་ཐོད་ཕྲེང་དང་༔  རིག་འཛིན་སྔགས་འཆང་པདྨ་གླིང་པ་ཡིས༔  ཡང་གསང་བླ་མེད་དཀྱིལ་འཁོར་ཞལ་ཕྱེས་ཚེ༔ (23བ)བཀའ་ཡི་སྲུང་མ་དམ་ཅན་རྒྱ་མཚོ་ཡིས༔  སོ་སོའི་སྐུ་གསུང་ཐུགས་སུ་བསྟན་ནས་ཀྱང་༔  ཇི་ལྟར་ཁས་བླངས་དམ་བཅས་ཇི་བཞིན་དུ༔  མཆོད་གཏོར་བཞེས་ལ་བཅོལ་བའི་ཕྲིན་ལས་མཛོད༔  (ཅེས་གཟའ་རྒྱུ་ཕྱོགས་དང་བསྟུན་ཏེ་གཏོང་།  འདིར་གཏོར་མ་ཟོར་དུ་བསྐུལ་བའི་ཚུལ་འབྱུང་མོད།  དཀྱུས་སུ་མི་དགོས་པས་མ་སྨོས་ཤིང་སྐབས་སུ་བབས་ན་ལོགས་སུ་བལྟའོ།  །གཉིས་པ་བརྟན་མ་སྐྱང་བ་ནི།  སྨན་ཕུད་ཀྱི་བཤལ་ཆུ་བྲན་ལ།)  བྷྱོ༔  བསྟན་མ་བཅུ་གཉིས་འཁོར་དང་བཅས༔  ཁྱེད་ཅག་སྔོན་གྱི་ཡལ་གམ་ཅན༔  སློབ་དཔོན་པདྨ་ཐོད་ཕྲེང་དང་༔  སློབ་མ་མཁར་ཆེན་མཚོ་རྒྱལ་གྱིས༔  མོན་ཁ་སྣ་རིང་རྫོང་གསུམ་དུ༔  ཞིང་ཆེན་བསྒྲལ་བའི་གདན་སྟེངས་སུ༔  རྣལ་འབྱོར་གྲལ་ལ་བཞག་ནས་ནི༔  ཐར་པ་ཐོབ་པར་མཚན་ཡང་བཏགས༔  སྒྲུབ་པ་པོ་ལ་ཕན་གདགས་ཕྱིར༔  བྲན་གྱི་ཚུལ་དུ་ཁས་བླངས་ནས༔  དམ་ལ་མ་འདའ་ད་ཚུར་བྱོན༔  བཀའ་ཡི་གཏོར་མ་འདི་ལོངས་ལ༔  བཅོལ་བའི་ཕྲིན་ལས་གྲུབ་པར་མཛོད༔  མ་མ༔  ལ་ལ༔  ཏ་ཏ༔  ཏེ་ཏེ༔  པཉྩ་བ་ལིང་ཏ་ཁཱ་ཧི༔  (གསུམ་པ་བྲོ་བརྡུང་བ་ནི།)  ཧཱུཾ༔  བཅོམ་ལྡན་(24ན)དཔལ་ཆེན་ཧེ་རུ་ཀ༔  ང་ནི་རྡོ་རྗེ་གཞོན་ནུའི་སྐུ༔  འཁོར་ལོ་རྒྱས་འདེབས་ཡུམ་དང་རོལ༔  ཕྱོགས་བཅུའི་ཁྲོ་རྒྱལ་ཡབ་ཡུམ་བཅས༔  ཕྱག་བརྙན་ཁྲ་ཐབས་སྒོ་མར་བཅས༔  སྤྲུལ་པ་ཡང་སྤྲུལ་སྲུང་མས་བསྐོར༔  གཏུམ་ཆེན་དུས་མཐའི་མེ་ལྟར་འབར༔  ཡེ་ཤེས་ཚྭ་ཚྭ་སྐར་ལྟར་འཁྲུག༔  ཞལ་གསུམ་ཕྱག་དྲུག་ཞབས་བཞི་བགྲད༔  སྐུ་ལ་དུར་ཁྲོད་ཆས་རྣམས་རྫོགས༔  རྡོ་རྗེའི་གཤོག་པ་ཕྱོགས་བཅུར་གཏམས༔  ཧཱུྃ་གི་འབྲུག་སྒྲ་དི་རི་རི༔  ཕཊ་ཀྱི་རྐན་སྒྲ་ཆེམས་སེ་ཆེམ༔  ཁྲོ་བོའི་གར་སྟབས་ཤིགས་སེ་ཤིག༔  རྡོ་རྗེ་བྲོ་སྟབས་ཆེམས་སེ་ཆེམ༔  གཡས་སུ་བསྐོར་ཏེ་དགྲ་ལ་བརྡུང་༔  དགྲ་ནི་དུམ་བུར་གཏུབ་པའི་བྲོ༔  གཡོན་དུ་བསྐོར་ཏེ་བགེགས་ལ་བརྡུང་༔  བདུད་ནི་ཕྱེ་མར་འཐག་པའི་བྲོ༔  གཡས་གཡོན་ཐབས་ཤེས་སྲི་ལ་བརྡུང་༔  དམ་སྲི་ཐལ་བར་རློག་པའི་བྲོ༔  མ་རུངས་དམ་མེད་དྲེགས་པའི་ཚོགས༔  གཞོབ་རྒོད་རྡོག་པས་བརྫིས་པ་ལྟར༔  ཐལ་བའི་རྡུལ་དུ་བརླག་པར་བྱ༔  བསྐལ་པའི་མཐའ་རུ་སྟྭམ་བྷ་ནན༔  ཨོཾ་ལཾ་ཧཱུྃ་ལཾ་སྟྭམ་བྷ་ཡ་(24བ)ནན༔  ཡ་མ་དམ་སྲི་ནྰ་ག་རཱ་ཙ་ཛ༔  ནན༔  (ཞེས་མནན་ནོ།  །བདུན་པ་དཀྱིལ་འཁོར་བསྡུ་བ་ནི།  ཐོག་མར་གཏང་རག་གི་དོན་དུ།)  ཨོཾ་ཤྲཱི་བཛྲ་ཀུ་མཱ་ར་ས་པ་རི་ཝཱ་ར་ཨརྒྷཾ་ནས།  ཤཔྡའི་བར་དང་།  མ་ཧཱ་པཉྩ་ཨ་མྲྀ་ཏ་ཁཱ་ཧི༔  མ་ཧཱ་རཀྟ་ཁཱ་ཧི༔  མ་ཧཱ་བ་ལིནྡ་ཁཱ་ཧི༔  (ཞེས་མཆོད་ཅིང་།)  ཧཱུྃ༔  སྲིད་གསུམ་གདུག་པ་འདུལ་བ་དང་༔  ང་རྒྱལ་ཆེན་པོ་གཞོམ་པའི་ཕྱིར༔  རྡོ་རྗེ་སྲིན་པོའི་ལྷ་ཚོགས་ལ༔  རྩེ་གཅིག་ཡིད་ཀྱིས་ཕྱག་འཚལ་བསྟོད༔  (ཅེས་བསྟོད།)  ཧོཿདཔལ་ཆེན་པོའི་ལྷ་ཚོགས་ཐམས་ཅད་དགོངས་སུ་གསོལ༔   ཏ་ན་སྒྲོལ་བ་གནས་སུ་མ་སྟོབ་པ་དང་༔  ག་ན་སྦྱོར་བ་བྱིན་གྱིས་མ་རློབ་པ་དང་༔  མཆོད་སྔགས་ཏིང་འཛིན་མ་དག་ཅིང་ཉམས་པ་དང་༔  དགེ་བ་བཅུ་དང་དུ་མ་ལོངས་ཤིང་མི་དགེ་བ་བཅུ་རྩ་བ་ནས་མ་ཆོད་པ་དང་༔  བཀའ་བཞིན་གཞུང་མ་བསྲངས་པ་དང་༔  དམ་ཚིག་རྩ་བ་དང་ཡན་ལག་ཉམས་ཆག་ཏུ་གྱུར་པ་ཅི་མཆིས་པ་ཐམས་ཅད་མཐོལ་ཞིང་བཤགས་ན་བཟོད་པ་དམ་པ་མཛད་དུ་གསོལ་ལོ༔  ཚེ་འདིའི་རྐྱེན་དང་ཕྱི་མའི་སྒྲིབ་པར་མི་འགྱུར་པའི་ཚངས་པ་སྩལ་དུ་གསོལ༔  (ཞེས་དང་ཡི་གེ་བརྒྱ་བ་བཟླས་པས་ནོངས་པ་བཟོད་པར་(25ན)གསོལ།  མདུན་དཀྱིལ་དང་འབྲེལ་བའི་ཡེ་ཤེས་པ་རྟེན་ལ་བརྟན་བཞུགས་སམ་གཤེགས་སུ་གསོལ་བ་གང་མོས་བྱས་ལ།  བདག་བསྐྱེད་ཀྱི་དཀྱིལ་འཁོར།)  ཧཱུྃ་ཧཱུྃ་ཧཱུྃ།  ཕྱི་ནང་སྣོད་བཅུད་ཐམས་ཅད་ཀུན།  །དཀྱིལ་འཁོར་གཅིག་ཏུ་རྫོགས་པ་ཡང་།  །མཐའ་ནས་བསྡུས་ཏེ་གཙོ་ལ་ཐིམ།  །དེ་ཡང་ཐུགས་སྲོག་ཧཱུྃ་ཡིག་ལ།  །ཧཱུྃ་ཡང་རིམ་བཞིན་གྱེན་རྫོགས་ངང་།  །ཆོས་ཉིད་གསལ་སྟོང་ཀློང་དུ་བཞག  །(ཅེས་བསྐྱེད་པའི་སྣང་ཆ་འོད་གསལ་དུ་བསྡུས་པས་རྟག་མཐའ་བསལ།  བརྒྱད་པ་རྒྱུན་གྱི་ཏིང་ངེ་འཛིན་ནི།  ཕཊ་ཕཊ་ཕཊ།  སླར་ཡང་ཆུ་ལས་ཉ་ལྡང་བཞིན།  །དཔལ་ཆེན་སྐུ་རུ་ལམ་གྱིས་གསལ།  །གནས་གསུམ་འབྲུ་གསུམ་རྡོ་རྗེའི་གོ  །སྣང་སྲིད་ལྷ་སྔགས་ཡེ་ཤེས་ཆེ།  །ཧཱུྃ་ཧཱུྃ་བཛྲ་ཀཱ་ཝཱ་ཙི་ཧཱུྃ།  བཛྲ་ཙཀྲ་ཏིཀྵྞ་ཀརྨ་ཀཱི་ལ་ཡ་ཛྭ་ལ་རྃ་ཧཱུྃ་ཕཊ༔  (ཅེས་ཟུང་འཇུག་གི་སྐུར་ལྡངས་ཏེ་སྣོད་བཅུད་ལྷའི་འཁོར་ལོར་སྦྱང་བས་ཆད་མཐའ་བསལ་ཏེ།)  ཧོ་དགོངས་སུ་གསོལ་ལོ༔  ཆོས་ཉིད་ཀྱི་བདེན་པའོ༔  གསང་སྔགས་ཀྱི་བྱིན་རླབས་སོ༔  སངས་རྒྱས་ཀྱི་མཐུའོ༔  ཨ་བྷི་ཙརྻའི་དུས་ལ་བབས་སོ༔  བརྣག་པ་དེ་ཁོ་ནའོ༔  དེ་ལྟར་གསང་སྔགས་ཀྱི་སྤྱོད་པ་རྨད་དུ་བྱུང་(25བ)བ་སྤྱད་པའི་མཐུ་བྱིན་གྱིས༔  བཅོམ་ལྡན་འདས་དཔལ་རྡོ་རྗེ་གཞོན་ནུའི་སྐུ་གསུང་ཐུགས་ཡོན་ཏན་ཕྲིན་ལས་མི་ཟད་པ་རྒྱན་གྱི་འཁོར་ལོ་ལ་ལོངས་སྤྱོད་ཅིང་སྐལ་བ་མཉམ་པར་གྱུར་ཅིག༔  (ཅེས་སྨོན་ལམ་གདབ།  ཤིས་པར་བྱ་བའི་ཕྱིར་མེ་ཏོག་གི་ཆར་དབབ་ལ།)  རྡོ་རྗེའི་དབྱིངས་ནས་སྨིན་གྲོལ་བྱིན་རླབས་སྩོལ།  །རིག་འཛིན་རྩ་བརྒྱུད་བླ་མའི་བཀྲ་ཤིས་ཤོག  །ཡེ་ཤེས་ཀློང་ནས་དངོས་གྲུབ་ཆར་བཞིན་འབེབས།  །ཡི་དམ་དཀྱིལ་འཁོར་ལྷ་ཡི་བཀྲ་ཤིས་ཤོག  །དམ་ལྡན་སྐྱོང་ཞིང་ཕྲིན་ལས་ཐོགས་མེད་སྒྲུབ།  །མཁའ་འགྲོ་ཆོས་སྐྱོང་སྲུང་མའི་བཀྲ་ཤིས་ཤོག  །གནས་སྐབས་ཞི་རྒྱས་དབང་སོགས་ཕྲིན་ལས་ཀྱིས།  །དགོས་འདོད་ལྷུན་གྱིས་འགྲུབ་པའི་བཀྲ་ཤིས་ཤོག  ། མཐར་ཐུག་ཡེ་ཤེས་རྡོ་རྗེ་གཞོན་ནུའི་སྐུ།   །ཟུང་འཇུག་མཆོག་དངོས་འགྲུབ་པའི་བཀྲ་ཤིས་ཤོག  །(ཅེས་སོགས་ཤིས་པ་བརྗོད་པའི་ཚིགས་ཕྲེང་རྒྱ་ཆེར་སྤེལ་བས་བདེ་ལེགས་སུ་བྱའོ།  །ཚུལ་འདི་ལ་གཏེར་སྟོན་ཆེན་པོ་ཉིད་ཀྱི་ལྗགས་བསྒྲིགས་ཀྱིས་མཚོན་རྒྱས་བསྡུས་འདྲ་མིན་ཁ་ཅིག་སྣང་བ་ལས།  ཀུན་མཁྱེན་ཚུལ་ཁྲིམས་རྡོ་རྗེས་མཛད་པ་ཉིད་གཏེར་གཞུང་གི་དགོངས་པར་འབྱོར་ཆེ་བས་དེ་ཉིད་གཞིར་བཟུང་།  རྩ་བའི་སྡོམ་བྱང་ལས་(26ན)གཞུང་ཁ་སྐོང་དང་བཅས་པ་དང་།  རང་དོན་བྱང་ཆུབ་ནར་མར་སྒྲུབ་པའི་མདོ་བྱང་རྣམས་གུང་བསྡེབས།  མངོན་རྟོགས་རྣམས་གུ་རུའི་ཆོག་ཁྲིགས་རྒྱུད་གཞུང་གི་མཆན་བུ་ཁོ་ན་གྱེར་སྒོམ་བདེ་བར་ཚིགས་བཅད་དུ་བསྒྲིག  །འདོན་བྱ་ཕལ་ཆེར་གཏེར་གཞུང་རྩ་བའི་རྒྱུད་ཚིག་ཤ་སྟག་བཅས་བཅོས་མ་སོང་བར་བྱས།  ཆོ་གའི་ཡན་ལག་མེད་དུ་མི་རུང་བ་འགའ་ཞིག་གསང་བ་སྤྱིའི་འགྲོས་དང་བསྟུན་ནས་རིགས་མཐུན་གྱི་གཏེར་ཚིག་དང་ངག་རྩོམ་ཇི་ལྟར་རིག་པས་བརྒྱན་ཏེ་འཇུག་བདེ་རྣམ་གསལ་གཙང་དག་ཏུ་སྤེལ་བར་བགྱིས་པའོ།  །ཕྲིན་ལས་ཕུར་པའི་མདོ་ཏིག་ཀུན་དྲིལ་བ།  །སྤུ་གྲིར་འབྲེལ་བ་ཡང་སྙིང་གསང་སྒྲུབ་གཞུང་།  །ཨོ་རྒྱན་མཁན་པོའི་ཐུགས་དམ་མགུལ་ཁུག་མ།  །བསེ་སྒྲོམ་ནག་པོའི་དབྱིག་ཏུ་གཏམས་པ་གང་།  །གཏེར་སྟོན་རྒྱལ་པོ་པདྨ་གླིང་པ་ཡིས།  །ཌཱ་ཀི་གསང་བའི་མཛོད་རྒྱ་བཀྲོལ་བ་ལས།  །གདམས་ཟབ་རིན་ཐང་བྲལ་བ་དབང་གི་རྒྱལ།  །སྐལ་བཟང་འདོད་པ་འཇོ་བའི་དཔྱིད་དུ་ཕྱུངས།  །ཚུལ་དེ་ཉེས་བཤད་འདམ་གྱིས་མ་སྦག་པར།  །ལེགས་བཤད་གོས་བཟང་ལྷབ་ལྷུབ་གཡོ་ལྡན་པ།  །ལྷག་བསམ་གསེར་གྱི་ཡུ་བ་ལ་བརྟེན་ནས།  །ཁྲིགས་བསྡེབས་རྒྱལ་མཚན་རྩེ་མོར་དེང་འདིར་བཀོད།  །བསོད་ནམས་རྫོགས་ལྡན་སྤྲིན་གྱི་བླ་བྲེ་ལས།  །དངོས་གྲུབ་འདོད་རྒུའི་གྲུ་ཆར་རབ་འཇོ་བའི།  །རིང་ལུགས་དབྱར་གྱི་ཆུ་གཏེར་ཕྱིར་ཞིང་དུ།  །སྲིད་པའི་མཐར་ཡང་འཕེལ་རྒྱས་བཙས(26བ)གྱུར་ཅིག  །སྙིང་པོའི་བསྟན་དང་བསྟན་འཛིན་སྡེ་དང་བཅས།  །བར་ཆད་ཡིད་སྲུབས་དཔུང་ལས་རྣམ་པར་རྒྱལ།  །ཕུར་བུ་རྣམ་བཞི་གྲུབ་པའི་མཐར་ཕྱིན་ཏེ།  །འཁོར་འདས་ཐལ་བར་འབྱིན་པའི་མཆོག་ཐོབ་ཤོག  །དེ་ལྟར་དཔལ་རྡོ་རྗེ་ཕུར་བུ་ཡང་གསང་སྲོག་གི་སྤུ་གྲིའི་ལས་བྱང་ཕྲིན་ལས་རྣམ་པར་རོལ་པའི་རྒྱན་ཅེས་བྱ་བ་འདི་ནི།  གསང་ཆེན་བསྟན་པའི་རྩ་ལག་ལྷ་ལུང་ཐེག་མཆོག་རབ་རྒྱས་གླིང་དུ་འདི་ཉིད་ཀྱི་སྒྲུབ་རྒྱུན་གསར་འཛུག་མཛད་པའི་ཚེ་དུས་དང་རྒྱུན་གྱི་ཉམས་བཞེས་འཇུག་པ་བདེ་བའི་ཆོག་ཁྲིགས་འདི་ལྟ་བུ་ཞིག་གྱིས་ཞེས་རྣམ་འདྲེན་གསུང་སྤྲུལ་བཅུ་པ་པདྨ་ངག་དབང་ཆོས་ཀྱི་རྒྱལ་མཚན་གང་གི་བཀའ་སྩལ་རིན་པོ་ཆེའི་ཅོད་པན་སྤྱི་བོའི་རྒྱན་དུ་མཆོད་པར་བྱ་བའི་ཕྱིར།  དུས་མཐའི་སྔགས་འཆང་སྙོམས་ལས་པ་འཇིགས་བྲལ་ཡེ་ཤེས་རྡོ་རྗེས་རང་ལོ་ཞེ་དགུར་སོན་པ་ཆུ་ཕོ་འབྲུག་གི་ལོ་སྟོན་ཟླ་འབྲིང་པོ་འབྲས་བུ་བཅུད་དུ་སྨིན་པའི་དུས་བཟང་པོ་ལ།  གངས་ཅན་གྱི་ཡུལ་དབུས་ར་ས་འཕྲུལ་སྣང་གི་གྲོང་ཁྱེར་ཕྱོགས་ལས་རྣམ་པར་རྒྱལ་བའི་འདུན་ས་ཆེན་པོར་སྦྱར་བའི་ཡི་གེ་པ་ནི་རིག་བྱེད་པ་ནོར་བུ་དབང་རྒྱལ་གྱིས་བགྱིས་པའོ།  །འདིས་ཀྱང་སྐལ་བ་ཅན་གྱི་གདུལ་བྱ་མཐའ་དག་རྡོ་རྗེ་ཕུར་བུའི་ལམ་ལ་བརྟེན་པའི་དངོས་གྲུབ་ཀྱི་དགའ་སྟོན་རང་དབང་དུ་སྤྱོད་པའི་གཞིར་གྱུར་ཅིག།  །།  སརྦ་དཱ་མངྒ་ལཾ།།   །།}}
༄༅།  །དཔལ་རྡོ་རྗེ་ཕུར་བུ་ཡང་གསང་སྲོག་གི་སྤུ་གྲིའི་ལས་བྱང་ཕྲིན་ལས་རྣམ་པར་རོལ་པའི་རྒྱན་ཅེས་བྱ་བ།   བླ་མ་ཁྲག་འཐུང་བདུད་འདུལ་འབར་བ་ཆེན་པོའི་ཞབས་ལ་གུས་པས་ཕྱག་འཚལ་ལོ།  །མཆོག་ཏུ་མི་འགྱུར་བདེ་བ་ཆེན་པོའི་ཡེ་ཤེས་གཅིག་ཉིད་དུ་མའི་གར་ནི་ཅི་ཡང་བསྒྱུར།  །བརླང་པོར་སྤྱོད་པའི་མི་སྲུན་ཅན་ངོར་སྙིང་རྗེ་ཁྲོས་པའི་རྣམ་འགྱུར་བཟོད་དཀའི་བརྟུལ་ཞུགས་ངོམས།  །བདུད་ཀྱི་བདུད་དེ་སྐལ་བ་ཅན་ལ་བདེ་བ་དམ་པའི་བདུད་རྩི་རབ་སྟེར་བུམ་པ་བཟང་།  །ལྷ་ཡི་ལྷ་མཆོག་ཧེ་རུ་ཀ་དཔལ་དཔའ་བོ་ཆེན་པོས་ {{FolioNumber|[2a]}} གྲུབ་གཉིས་གནས་ལ་དབུགས་འབྱིན་མཛོད།  །དེ་ཡི་ཕྲིན་ལས་སྤུ་གྲིའི་གཞུང་།  །རིག་འཛིན་རྣམ་པར་རོལ་པའི་གནས།  །པདྨའི་དགོངས་རྒྱན་མ་འཁྲུལ་བར།  །བདུད་ལས་རྒྱལ་བའི་དཔྱིད་དུ་སྤྲོ།  །{{TibChung|འདིར་རྡོ་རྗེ་ཕུར་པ་རིག་པ་མཆོག་གི་རྒྱུད་བིདྱ་ཏྟོ་མ་ལ་འབུམ་སྡེའི་ཡང་སྙིང་བཀོལ་བ་དུམ་བུར་ཕྱུངས་པ་ཕྲིན་ལས་ལ་དགོངས་པ་རྡོ་རྗེ་གཞོན་ནུ་རྩ་བའི་རྒྱུད་དྲག་སྔགས་སྤུ་གྲིར་འབྲེལ་པ་རྣོ་ལ་ཚན་ཆེ་བ་ཡང་སྙིང་གསང་སྒྲུབ་ཀྱི་ལས་གཞུང་སྲོང་བར་བྱེད་པའི་རིམ་པ་ལ་སྤྱི་དོན་རྣམ་པ་གསུམ་སྟེ།  རྩ་བའི་སྡོམ་བྱང་ལས།  བིདྱཏྟོ་མ་འབུམ་སྡེའི་བཅུད༔  རྩ་བ་ཡང་སྙིང་དྲག་སྔགས་འབྲེལ༔  ཡང་གསང་ཕུར་བུའི་གཞུང་བསྲང་སྡོམ༔  སྔོན་འགྲོ་དངོས་གཞི་རྗེས་རིམ་གསུམ༔  ཞེས་པས།  སྦྱོར་བ།  དངོས་གཞི།  རྗེས་སོ།  །སྔ་མ་ལ་སྤྱི་དང་ཁྱད་པར་གཉིས་ཀྱི།  དང་པོ་ནི།  ཡིད་དང་མཐུན་པའི་གནས་ཁང་བྱི་དོར་བྱས་ལ་སྤྱན་གཟིགས་སྣ་ཚོགས་པས་མཛེས་པར་བརྒྱན།  དམ་ཚིག་གི་བྲིས་སྐུ་སོགས་མཚན་མའི་རྟེན་བཀྲམ་པའི་སྤྱན་སྔར་ཕྱི་ནང་གསང་བའི་མཆོད་པའི་དངོས་པོ་རྣམས་གཙང་ཞིང་མཛེས་པར་བཤམ།  ཚོགས་དང་གཏོར་མ་རོལ་མོའི་བྱེ་བྲག་སོགས་ཉེ་བར་མཁོ་བའི་ཡོ་བྱད་ཐམས་ཅད་ཀྱང་མ་ཚང་བ་མེད་པར་འདུ་བྱས་ནས།  ཐོག་མར་ཉམས་ལེན་ཀུན་གྱི་སྔོན་དུ་འགྲོ་བ་སྐྱབས་སེམས་ཚོགས་གསོག་གི་རིམ་པ་ནི།}}  ཕྱོགས་བཅུ་དུས་གསུམ་གྱི་བླ་མ་རྒྱལ་བ་སྲས་དང་བཅས་པ་ཐམས་ཅད་དཔལ་ཆེན་རྡོ་རྗེ་གཞོན་ནུའི་དཀྱིལ་འཁོར་གྱི་འཁོར་ལོའི་རྣམ་པར་བཛྲ་ས་མཱ་ཛཿ{{TibChung|ས་མདུན་གྱི་ནམ་མཁར་སད་པར་བལྟས་ལ།}}  ན་མོ༔  བླ་མ་དཀོན་མཆོག་ཡི་དམ་ལྷ༔  རྒྱལ་བ་རྒྱ་མཚོའི་ཚོགས་བཅས་ལ༔  བདག་དང་འགྲོ་བ་སེམས་ཅན་རྣམས༔  སྒོ་གསུམ་གུས་པས་སྐྱབས་སུ་མཆི༔  {{TibChung|ཞེས་ལན་གསུམ་གྱིས་སྐྱབས་སུ་འགྲོ།}}  ཀྱེ་མ༔  བདག་གིས་འགྲོ་ཀུན་བསྒྲལ་བྱའི་ཕྱིར༔  ཕྲིན་ལས་ཕུར་པའི་དཀྱིལ་འཁོར་དུ༔  ཚད་མེད་བཞི་རུ་སེམས་བསྐྱེད་ནས༔  འཁོར་བ་ {{FolioNumber|[3a]}} དོང་ནས་སྤྲུགས་པར་བགྱི༔  {{TibChung|ཞེས་ལན་གསུམ་གྱིས་སེམས་བསྐྱེད།}}  རྡོ་རྗེ་སློབ་དཔོན་སངས་རྒྱས་དཔལ།  །དུས་གསུམ་བཞུགས་ལ་ཕྱག་འཚལ་ལོ།  །མཆོག་གསུམ་བསྟེན་པའི་ཞིང་གྱུར་ལ།  །གཉིས་མེད་ཡིད་ཀྱིས་སྐྱབས་སུ་མཆི།  །དངོས་འབྱོར་ཡིད་ཀྱིས་རྣམ་སྤྲུལ་པའི།  །དག་པའི་མཆོད་པ་བཞེས་སུ་གསོལ།  །དངོས་གྲུབ་ཆུ་བོ་གཅོད་པའི་གེགས།  །ཉེས་བྱས་མ་ལུས་བཤགས་པར་བགྱི།  །ཕྱོགས་བཅུ་འཁོར་གསུམ་དག་པའི་ཆོས།  །མ་ཆགས་སྤྱོད་ལ་རྗེས་ཡི་རང་།  །དག་པའི་མཐའ་བཞི་དྲི་མ་མེད།  །རྫོགས་པའི་བྱང་ཆུབ་སེམས་བསྐྱེད་དོ།  །བདེ་གཤེགས་བྱང་ཆུབ་སེམས་དཔའ་ལ།  །དག་པ་གསུམ་གྱི་ལུས་འབུལ་ལོ།  །ཚེ་རབས་བསྒྲངས་པའི་དགེ་བ་རྣམས།  །བསྡུས་ནས་བྱང་ཆུབ་མཆོག་ཏུ་བསྔོ།  །{{TibChung|ཞེས་ཚོགས་བསགས་པའི་མཐར།}}  ཛཿཧཱུྃ་བྃ་ཧོཿ ས།   སྐྱབས་ཡུལ་དགྱེས་པ་ཆེན་པོས་འོད་དུ་ཞུ་ནས་རང་ལ་ཐིམ་པས་རྒྱུད་བྱིན་གྱིས་བརླབས་པར་{{TibChung|བསམ་མོ།  །གཉིས་པ་ཁྱད་པར་གྱི་སྦྱོར་བ་ལ་བདུན་ཏེ།  དང་པོ་མཚམས་བཤགས་བརྡ་སྒོ་དབྱེ༔  ཕྱག་འཚལ {{FolioNumber|[3b]}}  དམ་བཅའ་བྱིན་དབབ་བརླབ༔  ཅེས་པས།  དང་པོ་མཚམས་བཅད་པ་ནི།}}  ཨོཾ་བཛྲ་ཀཱི་ལི་ཀཱི་ལ་ཡ་ཧཱུྃ་ཕཊ༔  {{TibChung|ཅེས་པའི་སྔགས་ཀྱི་སྒྲ་གདངས་ཀྱིས་སད་པས།}}  བདག་ཉིད་སྐད་ཅིག་གིས་དཔལ་ཆེན་རྡོ་རྗེ་གཞོན་ནུ་རང་སྣང་གི་ཡུམ་དང་བཅས་པ་དུར་ཁྲོད་དྲག་པོའི་རྒྱན་ཐམས་ཅད་རྫོགས་ཤིང་གཟི་བརྗིད་དུས་མཐའི་མེ་ལྟར་འབར་བའི་སྐུར་གྱུར་པར་{{TibChung|མོས་པའི་ང་རྒྱལ་བསྐྱེད་དེ།  བགེགས་ཀྱི་གཏོར་མ།}}  ཨོཾ་བཛྲ་ཀྲོ་དྷ་ཨ་མྲྀ་ཏ་ཀུཎྜ་ལཱི་ཧཱུྃ་ཚིནྡྷ་ཚིནྡྷི་ཧཱུྃ་ཕཊ་ཀྱིས་བསང་།  ཨོཾ་སྭ་བྷཱ་ཝ་ཤུདྡྷཿསརྦ་དྷརྨཿསྭ་བྷཱ་ཝ་ཤུདྡྷོ྅ཧཾཿགིས་སྦྱང་།  སྟོང་པའི་ངང་ལས་བྷྲཱུྃ་ལས་རིན་པོ་ཆེའི་སྣོད་ཟབ་ཅིང་རྒྱ་ཆེ་བའི་ནང་དུ་གཏོར་མ་ཁ་དོག་དྲི་རོ་ནུས་པ་ཕུན་སུམ་ཚོགས་པར་{{TibChung|བལྟས་ལ།}}  ཨོཾ་ཨཱཿཧཱུྃ།  {{TibChung|ཞེས་བརླབས།}}  སརྦ་བྷུ་ཏ་ཨཱ་ཀརྵ་ཡ་ཛཿ{{TibChung|ས་མགྲོན་བཀུག  །}}  སརྦ་བིགྷྣཱན་ན་མཿསརྦ་ཏ་ཐཱ་ག་ཏེ་བྷྱོ་བི་ཤྭ་མུ་ཁེ་བྷྱཿསརྦ་ཐཱ་ཁཾ་ཨུཏྒ་ཏེ་སྥ་ར་ཎ་ཨི་མཾ་ག་ག་ན་ཁཾ་གྲིཧྣེ་དཾ་བ་ལདྟིེ་སྭཱ་ཧཱ།  {{TibChung|ཞེས་ལན་གསུམ་གྱིས་བསྔོས་ལ།}}  ཧཱུྃ༔  ཉོན་ཅིག་བགེགས་དང་ལོག་འདྲེན་ཚོགས༔  ང་ཡི་བཀའ་ལས་འདའ་མ་བྱེད༔  རྡོ་རྗེ་གསང་བའི་བཀའ་ལས་ནི༔  སྡིག་ཅན་གང་ཞིག་འདའ་བྱེད་པ༔  སྟོབས་ཆེན་ཁྲོ་བོ་ཆེན་པོ་ཡིས༔   {{FolioNumber|[4a]}} ཀླད་པ་ཚལ་པ་བརྒྱ་རུ་ཁོས༔  དེ་བས་ད་ལྟ་ཕྱིར་དེངས་ཤིག༔  ཧཱུྃ་ཧཱུྃ་ཧཱུྃ་སརྦ་བིགྷྣཱན་ཨུཙྪི་ཥྚ་ཡ་ཕཊ༔  ཨོཾ་སུམྦྷ་ནི་ སུམྦྷ་ནི་ཧཱུྃ་༔  གྲྀཧྞ་གྲྀ་ཧྞ་ཧཱུྃ༔  གྲྀཥྚ་པ་ཡ་གྲྀཧྞ་པ་ཡ་ཧཱུྃ༔  ཨཱ་ན་ཡ་ཧོཿ བྷ་ག་ཝཱན༔   བིདྱ་རཱ་ཛ་ཡ་ཧཱུྃ་ཕཊ༔  {{TibChung|ཅེས་དྲག་པོའི་ཚམ་རྔམས་དང་བཅས་པས་བསྐྲད་དེ།}}  ཧཱུྃ༔  སྟེང་ཡང་ཕུར་བུའི་བླ་བྲེལ༔  ཕུར་བུའི་ཐོག་ཆེན་ཆར་ལྟར་འབེབས༔  འོག་ཀྱང་ཕུར་བུའི་ས་གཞི་ལ༔  ཕུར་བུའི་འདུ་འཕྲོ་མེ་ལྟར་འབར༔  ཕྱོགས་མཚམས་ཕུར་བུས་གཏམས་པ་ལ༔  ཕུར་བུའི་ཚྭ་ཚྭ་སྐར་ལྟར་འཁྲུགས༔  ཕུར་བུའི་མཚམས་ལས་མ་འདའ་ཞིག༔  {{TibChung|ཅེས་དང་།  སྤྲོ་ན།}}  ཧཱུྃ༔  རྡོ་རྗེ་གཞོན་ནུའི་ཐུགས་ཀྱི་དཀྱིལ་འཁོར་ནས༔  འཇིགས་པའི་ཁྲོ་རྒྱལ་བཅུ་རྣམས་དབྱུང་ནས་ནི༔  སྟེང་འོག་ཕྱོགས་མཚམས་ཐམས་ཅད་རིམ་པ་བཞིན༔  དྲེགས་པ་བསྒྲལ་ནས་རྡོ་རྗེའི་གདན་ལ་བཞུགས༔  མ་དག་བགེགས་རྣམས་ཀུན་དང་མཚམས་བཅད་ཕྱིར༔  ཁྲོ་བཅུས་བསྲུང་དང་མཚམས་ཀྱི་ལས་མཛོད་ཅིག༔  ཨོྃ་བཛྲ་ཀཱི་ལི་ཀཱི་ལ་ཡ༔  གརྫ༔  ཧ་ན༔  ད་ཧ༔  པ་ཙ༔   {{FolioNumber|[4b]}} བྷནྡྷ༔  ཧུ་ལུ༔  ཏིཥྛ༔  ཚིནྡྷ༔  བྷིནྡྷ༔  སྥོ་ཊ་ཡ༔  གནོད་བྱེད་འབྱུང་པོ་མཱ་ར་ཡ་ཧཱུྃ་ཕཊ༔  {{TibChung|ཅེས་མཚམས་བཅད།  གཉིས་པ་བཤགས་པ་བྱ་བ་ནི།}}  བླ་མ་དཀྱིལ་འཁོར་གྱི་ལྷ་ཚོགས་མདུན་གྱི་ནམ་མཁར་སད་པའི་{{TibChung|སྤྱན་སྔར་གནོང་འགྱོད་དང་བཅས་པས།}}  ཧཱུྃ༔  བཅོམ་ལྡན་བདེ་གཤེགས་རྒྱལ་བ་ཞི་ཁྲོའི་ཚོགས༔  ཆོས་སྐུ་རྣམ་དག་ལོངས་སྐུའི་དབྱིངས་ནས་ཤར༔  སྤྲུལ་སྐུ་འགྲོ་དོན་རྫོགས་མཛད་ཕུར་བུའི་ལྷ༔  རྡོ་རྗེ་གཞོན་ནུ་སྲས་འཁོར་མ་ལུས་དགོངས༔  ཐོག་མེད་དུས་ནས་འཁོར་འདས་བདག་གཞན་ཚུལ༔  ཆོས་རྣམས་མཉམ་ཡངས་སྤྲོས་བྲལ་ངང་ཉིད་ལས༔  ལས་ཀྱི་དབང་གིས་ཐ་དད་སོ་སོར་བཟུང་༔  དོན་དམ་དབྱེར་མེད་ངང་དུ་མཐོལ་ལོ་བཤགས༔  མ་རིག་བག་ཉལ་རྣམ་རྟོག་རྐྱེན་དབང་གིས༔  རྒྱལ་བའི་དགོངས་སྤྱོད་ཟབ་མོའི་གཏིང་མ་རྟོགས༔  ཐབས་དང་ཤེས་རབ་ཡ་བྲལ་བླང་དོར་སྤྱོད༔  བདེ་གཤེགས་བཀའ་དང་འགལ་སྤྱད་མཐོལ་ལོ་བཤགས༔  ཐུན་མོང་ཁྱད་པར་རྩ་ལག་དམ་ཚིག་རྣམས༔  ཇི་ལྟར་བཤད་པའི་གཞུང་བཞིན་མ་བསྲངས་པ༔  བླ་མ་ཡི་དམ་དཀྱིལ་འཁོར་ལྷ་ཚོགས་ {{FolioNumber|[5a]}} ལ༔  གནོང་འགྱོད་དྲག་པོས་མཐོལ་བཤགས་ཚངས་པར་གསོལ༔  {{TibChung|ཞེས་དང་།  སྤྲོ་ན་བརྗོད་མེད་དོན་བཤགས་ཀྱང་བྱའོ།  །གསུམ་པ་བརྡའ་སྒོ་དབྱེ་བ་ནི།}}  ཧཱུྃ༔  བདེ་གཤེགས་རྒྱལ་བའི་ཕོ་བྲང་དུ༔  བདག་ཅག་དད་པས་འཇུག་འཚལ་གྱིས༔  ཚད་མེད་བཞི་ལྡན་སྒོ་མ་བཞིས༔  ཡེ་ཤེས་བཞི་ཡི་སྒོ་ཕྱེས་ཤིག༔  ཨོྃ་བཛྲ་པྲ་བེ་ཤ་ཡ་ཕཊ༔  {{TibChung|བཞི་པ་བརྡ་ཕྱག་འཚལ་བ་ནི།}}  ཧོཿ ཡང་དག་གསང་བའི་དཀྱིལ་འཁོར་དུ༔   ལྷ་དང་སློབ་དཔོན་རྡོ་རྗེ་མཆེད༔  དཀྱིལ་འཁོར་ལྷ་ཚོགས་ཐམས་ཅད་ལ༔  ལུས་ངག་ཡིད་གསུམ་གུས་ཕྱག་འཚལ༔  ཨ་ཏི་པུ་ཧོཿ པྲ་ཏཱིཙྪ་ཧོཿ {{TibChung|ལྔ་པ་དམ་བཅའ་བ་ནི།}}  ཧོཿ ལྷག་པའི་ལྷ་ཁྱེད་བདག་ལ་དགོངས༔   ཇི་སྲིད་འཁོར་བ་མ་སྟོངས་བར༔  རྟག་ཏུ་འགྲོ་དོན་མི་སྐྱོ་ཞིང་༔  བྱང་ཆུབ་སེམས་བསྐྱེད་དམ་བཅའ་འོ༔  ཨོཾ་བོ་དྷི་ཙིཏྟ་ས་མ་ཡ་སྟྭཾཿ{{TibChung|དྲུག་པ་བྱིན་དབབ་པ་ནི།  སྤོས་དང་རོལ་མོར་བཅས་པས་གདུང་བའི་དབྱངས་ཀྱིས།}}  ཧཱུྃ༔  སྲིད་པའི་ཕུར་བུ་སྒྲུབ་པ་དང་༔  དབང་དང་དངོས་གྲུབ་བླང་བའི་ཕྱིར༔  གཉིས་མེད་དག་པའི་མཁའ་དབྱིངས་ནས༔  ཡེ་ཤེས་ {{FolioNumber|[5b]}} ཁྲོ་བོ་གཤེགས་སུ་གསོལ༔  དབང་ཆེན་རྣམས་ཀྱིས་དབང་སྐུར་ཅིག༔  བྱིན་ཆེན་རྣམས་ཀྱིས་བྱིན་ཕོབ་ཅིག༔  མཐུ་ཆེན་རྣམས་ཀྱིས་མཐུ་སྩོལ་ཅིག༔  རྟགས་དང་མཚན་མ་བསྟན་པ་དང་༔  ཀཱི་ལ་ཡ་ཡི་དངོས་གྲུབ་སྩོལ༔  ཨོཾ་བཛྲ་ཀཱི་ལི་ཀཱི་ལ་ཡ་དེ་བ་ག་ཎ་ཨ་དྷི་ཥྛ་ན་ཨཱ་བེ་ཤ་ཡ་ཨ་ཨཱཿ {{TibChung|བདུན་པ་མཆོད་རྫས་བྱིན་གྱིས་བརླབ་པ་ནི།}}   རྃ་ཡྃ་ཁྃ།  བདག་གི་ཐུགས་ཀ་ནས་རྃ་ཡྃ་ཁྃ་འཕྲོས་ཡེ་ཤེས་ཀྱི་མེ་རླུང་ཆུར་གྱུར་པས་མཆོད་རྫས་ཀྱི་ཉེས་སྐྱོན་དངོས་འཛིན་བག་ཆགས་དང་བཅས་པ་བསྲེགས་གཏོར་བཀྲུས་ཏེ་དག་པར་བྱས།  སྟོང་པའི་ངང་ལས་གནས་ཁང་འོག་མིན་དུར་ཁྲོད་མེ་རི་འབར་བའི་གཞལ་མེད་ཁང་ཆེན་པོར་ཨ་ལས་རིན་པོ་ཆེ་དང་བྷཉྫ་འབར་བའི་སྣོད་བཟང་ཞིང་རྒྱ་ཆེ་བ་རྣམས་སུ་ཧཱུྃ་ཡིག་ལས་བྱུང་བའི་ཕྱི་ནང་གི་ཉེ་བར་སྤྱོད་པའི་དམ་རྫས་འདོད་ཡོན་གྱི་རྣམ་པ་མ་ཚང་བ་མེད་པ་ཁྲག་འཐུང་ཁྲོ་བོའི་ཞིང་ཀུན་ཏུ་ཁྱབ་པར་འཆར་བས་ནམ་མཁའ་རབ་འབྱམས་གང་བ་རྣམས་སུ་གྱུར་{{TibChung|པར་བསམ་ལ།}}  ཨོཾ་བཛྲ་ཨརྒྷཾ་ཨཱཿཧཱུྃ༔  {{TibChung|དེ་བཞིན་དུ་སྦྱར་ཏེ།  པཱདྱཾ་ནས།  ཤཔྡའི་བར་གྱིས་སྤྱིར་བྱིན་བརླབས།  བྱེ་བྲག་ཏུ།}}  རང་གི་ཐུགས་ཀ་ནས་ཨོཾ་ {{FolioNumber|[6a]}} དཀར་པོ་འཕྲོས།  བདུད་རྩིའི་སྟེང་གི་ནམ་མཁའ་ལ་ཡེ་ཤེས་ཀྱི་འོད་ཟེར་འབར་བས་རྫས་རང་ག་མའི་རྟོག་པ་སྦྱངས།  ཨཱཿདམར་པོ་འཕྲོས་ཡེ་ཤེས་ཀྱི་མེ་འབར་བས་བག་ཆགས་ངན་པའི་གཉིས་རྟོག་བསྲེགས།  ཧཱུྃ་མཐིང་ག་འཕྲོས་ཡེ་ཤེས་ཀྱི་བདུད་རྩིར་ཞུ་བས་བདུད་རྩི་རོ་མཆོག་བརྒྱ་དང་ལྡན་པའི་སྨན་ཕུད་རིགས་ལྔ་ཡེ་ཤེས་ལྔའི་བྱང་སེམས་དཀར་གསལ་དངུལ་དཀར་ལུགས་སུ་བླུགས་པ་ལྟར་དཀར་མེར་གྱིས་འཁྱིལ་བར་{{TibChung|བསམ་ལ།}}  ཨོཾ་ཨཱཿཧཱུྃ་སརྦ་པཉྩ་ཨ་མྲྀ་ཏ་ཧཱུྃ་ཧྲཱིཿཥྰ༔  {{TibChung|ཞེས་བརྒྱའམ་ཉེར་གཅིག་བརྗོད།  ཡང་།}}  རང་གི་ཐུགས་ཀ་ནས་ར་ཡིག་དམར་པོ་འཕྲོས་རཀྟའི་སྟེང་གི་ནམ་མཁའ་ལ་ཡེ་ཤེས་ཀྱི་འོད་ཟེར་འབར་བས་འཁོར་བ་རྒྱུན་གཅོད་ཀྱི་རཀྟའི་རྒྱ་མཚོ་ཁ་ཞག་དང་བཅས་པ་ཤ་ཆེན་གྱི་ལྷུ་དུམ་གྱིས་བརྒྱན་པ་རྒྱ་མཚོ་ཙམ་དུ་འཁྱིལ་བར་{{TibChung|བསམ་ལ།}}  ཨོཾ་མ་ཧཱ་རཀྟ་ཛྭ་ལ་ནི་ཧཱུྃ་ཕཊ༔  {{TibChung|ཅེས་བདུན་ནམ་ཉེར་གཅིག  །ཡང་།}}  རང་གི་ཐུགས་ཀ་ནས་བྷྲཱུྃ་འཕྲོས་གཏོར་མའི་སྟེང་གི་ནམ་མཁའ་ལ་ཡེ་ཤེས་ཀྱི་འོད་ཟེར་འབར་བས་གཏོར་གཞོང་རིན་པོ་ཆེའི་གཞལ་ཡས་ཁང་ས་གཞི་དང་མཉམ་པའི་ནང་དུ་གཏོར་མ་འདོད་ཡོན་ལྔའི་ཕུང་པོ་ནམ་ {{FolioNumber|[6b]}} མཁའ་དང་མཉམ་པར་{{TibChung|བསམ་ལ།}}  ཨོཾ་ཁ་ཏ་ལི་བྷྲཱུྃ་མ་ཧཱ་བ་ལིཾ་ཏ་ཨཱ༔  {{TibChung|ཞེས་བདུན་ནམ་ཉེར་གཅིག་བཟླས་ལ།}}  ཧཱུྃ༔  རྟོག་བྲལ་ཡེ་ཤེས་བདུད་རྩི་འབར༔  ཆགས་མེད་རཀྟའི་རྒྱ་མཚོ་འཁྱིལ༔  འདོད་ཡོན་ལྔ་ཡི་གཏོར་ཆེན་སྤུངས༔  ཀཱི་ལ་ཡ་ཡི་དངོས་གྲུབ་སྩོལ༔  ཨོཾ་ཨཱ་ཧཱུྃ༔  {{TibChung|ཞེས་བྱིན་བརླབ་བོ།  །སྤྱི་དོན་གཉིས་པ་ལ།  དངོས་གཞི་ཏིང་འཛིན་རང་བཞིན་ལས༔  ཞེས་རྣམ་པ་ཏིང་ངེ་འཛིན་གྱི་དཀྱིལ་འཁོར་བསྐྱེད་པ་དང་།  རང་བཞིན་ཡེ་ཤེས་ཀྱི་འཁོར་ལོ་དགུག་པ་གཉིས་ལས།  དང་པོ་ལ་དོན་བརྒྱད་དེ།  ཐོག་མར་ཏིང་གསུམ་འབྱུང་རིམ་བརྩེགས༔  གཞལ་ཡས་གདན་བཅས་རྟེན་གནས་སུ༔  རྩ་བ་ཁྲོ་བཅུ་ཕུར་བུ་རྣམས༔  སྒོ་སྐྱོང་སྲུང་མའི་ཚོགས་བསྐྱེད་བྱ༔  ཞེས་པས།  དང་པོ་ཏིང་འཛིན་གསུམ་གྱིས་ཁོག་དབུབ་པ་ནི།}}  ཧཱུྃ༔  རྡོ་རྗེ་ཁྲོས་པས་ཞེ་སྡང་གཅོད༔  ཆོས་དབྱིངས་སྤྲོས་བྲལ་སྟོང་པ་ཆེ།  །བློ་འདས་མི་འགྱུར་དེ་བཞིན་ཉིད།  །མཚོན་ཆ་སྔོན་པོར་འབར་བ་ཡིས༔  མ་རྟོགས་འཁྲུལ་པའི་འགྲོ་བ་ལ།  །མཁའ་ཁྱབ་སྙིང་རྗེ་ཀུན་ཏུ་སྣང་།  །ནམ་མཁའི་དཀྱིལ་ནས་ཐིག་པ་ཤར༔  རང་བྱུང་རིག་པའི་ཡེ་ཤེས་ནི།  །རྒྱུ་ཡི་ཧཱུྃ་མཐིང་གསལ་བརྟན་འབར།  །དེ་ལས་རཾ་ཡཾ་ཁཾ་གསུམ་ {{FolioNumber|[7a]}} འཕྲོས།  །སྣོད་བཅུད་ཐམས་ཅད་བསྲེགས་སྦྱངས་བཀྲུས།  །འཇིག་རྟེན་ཁམས་ཀུན་སྟོང་པར་གྱུར།  །{{TibChung|གཉིས་པ་འབྱུང་བ་རིམ་བརྩེགས་བསྒོམ་པ་ནི།}}  སྟོང་ཉིད་དེ་ཡི་མཁའ་དབྱིངས་སུ།  །ཧཱུྃ་ལས་མཐིང་སྐྱའི་ཨེ་ཆད་པས།  །གོ་བྱེད་ནམ་མཁའ་གྲུ་གསུམ་པ།  །ནམ་མཁའི་མཐའ་མཉམ་གསལ་བར་གྱུར།  །ཨེ་མཎྜ་ལ༔  ཧཱུྃ་ལས་ཡཾ་ཆད་རླུང་ལྗང་གི །  དཀྱིལ་འཁོར་རྒྱ་གྲམ་རྣམ་པར་གསལ།  །ཡཾ་ཀརྨ་རཀྵ་ཧཾ༔  ཧཱུྃ་ལས་ར་ཡིག་དམར་པོ་ཆད།  །རཀྟའི་རྒྱ་མཚོ་ཟླུམ་ཞིང་འཁྱིལ།  །རཀྟ་ཛྭ་ལ་མཎྜ་ལ༔  ཧཱུྃ་ལས་སུཾ་སེར་ཆད་པ་ལས།  །ཤ་ཆེན་ས་གཞི་གྲུ་བཞིར་བརྡལ།  །སུཾ་ཏིཀྞ་མཎྜ་ལ༔  ཧཱུྃ་ལས་ཀེཾ་ཆད་ཀེང་རུས་ཀྱི།  །རི་རབ་བང་རིམ་བཞི་པར་གྱུར།  །ཀེཾ་ནི་རི་ཏི་ཛྭ་ལ་མཎྜ་ལ༔  ཧཱུྃ་ལས་རཾ་ཆད་ཡེ་ཤེས་ཀྱི།  །མེ་དཔུང་འབར་བའི་ཀློང་ཆེན་གྱུར།  །{{TibChung|གསུམ་པ་གཞལ་ཡས་ཁང་བསྐྱེད་པ་ནི།}}  ཧཱུྃ་ལས་ལྔ་ལྡན་བྷྲཱུཾ་ཡིག་ཆད།  །བྷྲཱུཾ་བི་ཤྭ་བི་ཤུདྡྷེ་རཏྣ་བནྡྷ་ཨེ་ཛྙཱ་ན་མཎྜ་ལ་བྷྲཱུཾ༔  བྷྲཱུཾ་ལས་རཏྣའི་གཞལ་ཡས་ཁང་།  །གྲུ་བཞི་སྒོ་བཞི་སྒོ་ཁྱུད་ཅན།  །ཕ་གུ་སེར་ {{FolioNumber|[7b]}} པོ་ཐོད་པས་དཀྲིགས།  །ཐོད་ཚལ་རྒྱུ་རློན་དྲྭ་ཕྱེད་འཕྱང་།  །པུ་ཤུ་མཆོད་རྟེན་རྣམ་པས་བསྐོར།  །འདོད་སྣམ་ལྷ་མོས་མཆོད་སྤྲིན་སྤྲོ།  །རྟ་བབས་རུས་ཕྲེང་ཆུ་སྲིན་བརྒྱན།  །ཕོ་བྲང་ནང་མ་ཚར་གསུམ་གྱི།  །ཐོད་པའི་རྩིག་པ་གནམ་ལྕགས་གཟེར།  །ཁྲག་ཞག་ཤ་ཆེན་འཇིམ་ཞལ་བྱུག  །ས་བདག་ལྷ་ཀླུ་གཟའ་སྐར་གྱི།  །ཀ་གདན་ཀ་གདུང་དྲལ་ཕྱམ་ཅན།  །ཞིང་ལྤགས་ཐོག་ཕུབ་ཙིཏྟའི་ཏོག  །སྒོ་ཁྱུད་སྤངས་པའི་སྒོ་བཞི་པོ།  །སྦྲུལ་ནག་མཁའ་ལྡིང་རུས་སྦལ་གྱི།  །གཞི་དང་ཡ་ཐེམ་མ་ཐེམ་བྱས།  །ཆུ་སྲིན་ཞིང་གི་སྒོ་གླེགས་སོགས།  །དུར་ཁྲོད་དྲག་པོའི་ཆས་རྫོགས་ནང་།  །མཐིང་ནག་རིན་ཆེན་ཟུར་བརྒྱད་དབུས།  །གྲུ་གསུམ་ཟླ་གམ་ཐོད་བསྐོར་ཅན།  །ཐོག་བརྩེགས་རིམ་གསུམ་ཕྱོགས་མདོག་གསལ།  །ཕྱི་ནི་མཆོད་རྟེན་རྣམ་པ་ལ།  །ནང་ནི་རང་བྱུང་གཞལ་ཡས་ཁང་།  །ཁོར་ཡུག་འཇིགས་པའི་དུར་ཁྲོད་བརྒྱད།  །རྡོ་རྗེའི་ར་བ་མེ་རིས་བསྐོར།  །ཧཱུྃ༔  རབ་འཇིགས་དུར་ཁྲོད་འབར་བའི་གཞལ་ཡས་ཁང་༔  གྲུ་གསུམ་མཐིང་ནག་ཟླ་གམ་རིན་ཆེན་འབར༔  གྲུ་ {{FolioNumber|[8a]}} ཆད་བར་ཁྱམས་སྒོ་བཞི་མུ་ཁྱུད་རྫོགས༔  ངོ་མཚར་ཕོ་བྲང་ཡེ་ཤེས་མེ་འོང་གསལ༔  {{TibChung|བཞི་པ་གདན་བསྐྱེད་པ་ནི།}}  བཛྲ་ཏཾ༔  རྡོ་རྗེ་བྲག་ཆེན་གཏམས་པར་གྱུར།  །རུ་དྲ་ཀྲོ་དྷི་ཏི་ར་བཾ༔  ཧཱུྃ་ལས་འོད་ཟེར་ཕྱོགས་བཅུར་འཕྲོས།  །ཕྱོགས་སྐྱོང་བཅུ་དང་ལྷ་ཆེན་བཀུག  །དབུས་སུ་ལྷ་ཆེན་སྟེང་ཉི་ཟླ།  །ཤར་དུ་དྲི་ཟ་ཤར་ལྷོར་མེ།  །ལྷོ་རུ་གཤིན་རྗེ་ལྷོ་ནུབ་སྲིན།  །ནུབ་ཏུ་ཆུ་བདག་ནུབ་བྱང་རླུང་།  །བྱང་དུ་གནོད་སྦྱིན་བྱང་ཤར་དུ།  །དབང་ལྡན་འོག་ཏུ་ས་བདག་རྣམས།  །ཕོ་མོ་ཉག་ཆིངས་བསྣོལ་བར་གྱུར།  །མ་སཱུརྱ་མཎྜ་ལ༔  ཨ་ཙཎྜ་མཎྜ་ལ༔  པཾ་པདྨ་མཎྜ་ལ༔  དྲེགས་སྟེང་མ་ལས་ཉི་མ་དང་།  །ཨ་ལས་ཟླ་བ་བཅུ་གཅིག་གདན།  །པཾ་ལས་པད་གདན་བཅུ་གཅིག་བསམ།  །རྡོ་རྗེ་བྲག་ཆེན་གཏམས་པའི་ས་གཞི་ལ༔  དྲེགས་པ་ལྷ་ཆེན་ཕྱོགས་སྐྱོང་ཕོ་མོ་བསྣོལ༔  ཐབས་ཤེས་ཉི་མ་ཟླ་བ་འོད་འབར་དབུས༔  མ་ཆགས་པདྨ་འབར་བ་གདན་དུ་གསལ༔  {{TibChung|ལྔ་བ་བདག་རྩ་བའི་ལྷན་བསྐྱེད་པ་ནི།}}  ཧཱུཾ།  རྒྱུ་ཡི་ཧཱུྃ་དེ་གདན་སྟེངས་སུ།  །སྐར་ཆེན་ཐང་ལ་ལྷགས་ {{FolioNumber|[8b]}} བཞིན་བབས།  །སྥ་ར་ཎ་ཕཊ༔  འོད་འཕྲོས་རྒྱལ་མཆོད་ཐུགས་དམ་བསྐུལ།  །སེམས་ཅན་ལ་ཕོག་ཀུན་དོན་བྱས།  །སཾ་ཧ་ར་ཎ་ཧཱུཾ༔  ཚུར་ཐིམ་རྡོ་རྗེ་རྩེ་དགུར་གྱུར།  ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱ་ན་བཾ་ཧཱུཾ་ཕཊ༔  འཕྲོ་འདུའི་སྦྱོར་བ་ལས་བྱུང་བའི།  །ཚོགས་གཉིས་ཡོངས་སུ་རྫོགས་པའི་སྐུ།  །བདག་ཉིད་བཅོམ་ལྡན་དཔལ་ཆེན་པོ།  །རྡོ་རྗེ་གཞོན་ནུ་མཐིང་ནག་འབར།  །དབུ་གསུམ་ཕྱག་དྲུག་ཞབས་བཞི་བགྲད།  །ཞལ་གཡས་དཀར་བཞད་གཡོན་དམར་གཤེ།  །དབུས་མཐིང་གཏུམ་རྔམས་མི་བཟད་འཇིགས།  །རལ་པ་ཁམ་ནག་གྱེན་དུ་འཁྱིལ།  །ཐོད་སྐམ་རིགས་ལྔའི་དབུ་རྒྱན་ཅན།  །གཡས་གཉིས་རྩེ་དགུ་རྩེ་ལྔ་དང་།  །གཡོན་གཉིས་མེ་དཔུང་ཁ་ཊྭཱྃ་བསྣམས།  །ཐ་གཉིས་རི་རབ་ཕུར་པ་འདྲིལ།  །རྡོ་རྗེ་རིན་ཆེན་གཤོག་པ་གདེངས།  །སྐྲ་དང་བ་སྤུའི་ཉག་མ་རྣམས།  །རྡོ་རྗེ་ཕྲ་མོའི་རྣམ་པས་གཏམས།  །སྤྱན་དགུ་སྡང་མིག་གློག་སྟོང་འགྱུ།  །ཤངས་ནས་ཧཱུཾ་གི་ང་རོ་དང་།  །ཞལ་ནས་ཕཊ་ཀྱི་སྒྲ་ཆེན་སྒྲོགས།  །སྦྲུལ་རིགས་ལྔ་ཡིས་ཕྱག་ཞབས་བརྒྱན།  །གླང་ཆེན་ཞིང་གི་ན་བཟའ་དང་།  །སྟག་ {{FolioNumber|[9a]}} ཤམ་ཐོད་ཕྲེང་ག་ཤ་ཅན།  །ཁྲག་ཞག་ཐལ་བའི་ཚོམ་བུས་བརྒྱན།  །མཐིང་ནག་དར་གྱི་ཅོད་པན་འཕུར།  །ས་བརྟན་རྡོ་རྗེའི་གོ་ཁྲབ་གསོལ།  །ཙིཏྟ་རིན་ཆེན་ཟུར་བརྒྱད་ནང་།  །ཡེ་ཤེས་སེམས་དཔའ་ཚོན་གང་བ།  །དཀར་གསལ་རྡོ་རྗེ་དྲིལ་བུ་འཛིན།  །རིན་ཆེན་རྒྱན་མཛེས་བརྐྱང་བསྐུམ་བཞུགས།  །དེ་ཡི་ཐུགས་དབུས་འོད་གུར་སྦུབས།  །ཉི་དཀྱིལ་སྲན་གཤགས་ཙམ་པའི་སྟེང་།  །རྡོ་རྗེ་ནས་འབྲས་ཙམ་པ་ཡི།  །ལྟེ་བར་ཧཱུཾ་ལ་ཀཱི་ལ་ཡ།  །འབྲུ་དགུ་སྤུ་རིས་ཙམ་པ་ནི།  །མགལ་མེ་ལྟ་བུ་གཡས་ཕྱོགས་འཁོར།  །སྲོག་གི་གོ་རུ་ཤར་བ་དང་༔  སྙིང་གི་དཀྱིལ་དུ་བསྒོམ་པར་བྱ༔  ཙིཏྟའི་སྒོ་སྲུང་རྟ་མགྲིན་དམར།  །པདྨ་བྷནྡྷ་ཡུམ་འཁྱུད་འཁྲིལ།  །སྐུ་དང་གྲིབ་མའི་ཚུལ་དུ་ཡུམ།  །འཁོར་ལོ་རྒྱས་འདེབས་མཐིང་ག་གཡས།  །ཨུཏྤལ་ཡབ་འཁྱུད་བྷནྡྷ་གཡོན།  །རིགས་ལྔས་དབུ་རྒྱན་གཟིག་ཤམ་གསོལ།  །འཁྲིལ་སྦྱོར་བདེ་ཆེན་སྙོམས་པར་ཞུགས།  །མི་བཟད་གར་དགུའི་ཉམས་དང་ལྡན།  །བསྐལ་པའི་མེ་དཔུང་ཀློང་ན་བཞུགས།  །ཧཱུྃ༔  སངས་རྒྱས་ཀུན་གྱི་ཡེ་ཤེས་སྐུ༔  ངང་ཉིད་རྡོ་རྗེ་ཆོས་དབྱིངས་ལས༔  འབར་བའི་ཁྲོ་བོ་མི་བཟད་པ༔  སྐུ་ཡི་དབྱིག་ཏུ་བདག་སྐྱེད་ཅིག༔  {{TibChung|དྲུག་པ་ཕྱོགས་བཅུ་ཁྲོ་བོའི་དཀྱིལ་འཁོར་བསྐྱེད་པ་ནི།}}  བདག་ཉིད་རྩ་བའི་སྦྱོར་མཚམས་ནས།  །བྱང་སེམས་འོད་ཀྱི་གོང་བུ་ནི།  །ཧཱུྃ་ཟུང་རེ་རེ་ཕྱོགས་བཅུ་རུ།  །ཕྱོགས་སྐྱོང་ཉི་ཟླའི་གདན་ལ་འཁོར།  །ཧཱུྃ་ཧཱུྃ༔  ཧཱུྃ་ཧཱུྃ༔  ཧཱུྃ་ཧཱུྃ༔  ཧཱུྃ་ཧཱུྃ༔  ཧཱུྃ་ཧཱུྃ༔  ཧཱུྃ་ཧཱུྃ༔  ཧཱུྃ་ཧཱུྃ༔  ཧཱུྃ་ཧཱུྃ༔  ཧཱུྃ་ཧཱུྃ༔  ཧཱུྃ་ཧཱུྃ༔  ཨོཾ་བཛྲ་ཀྲོ་དྷ་ཧཱུཾ་ཀཱ་ར་ཧཱུཾ༔  གརྫ་གརྫ་ཧཱུཾ་ཕཊ༔  ཁྲོ་བོ་ཆེན་པོ་ཧཱུཾ་ཀཱ་ར་སྔོ།  །གཡས་དཀར་གཡོན་དམར་དབུས་སྔོ་སྐྱ།  །བར་ཕྱག་མདའ་གཞུ་འགེང་ཞིང་འཕེན།  །ཡུམ་མཆོག་རྡོ་རྗེ་སྒྲ་འབྱིན་སྔོ།  །ཟ་གསོད་ཕག་དང་སྨིག་བུའི་མགོ  །སྒྲོགས་ཤིག་སྒྲོགས་ཤིག་སྒྲ་དང་བཅས།  །སྟེང་ཕྱོགས་མེ་དཔུང་ཀློང་ན་བཞུགས།  །ཨོཾ་བཛྲ་ཀྲོ་དྷ་བི་ཛ་ཡ་ཧཱུྃ༔  ཧ་ན་ཧ་ན་ཧཱུྃ་ཕཊ༔  ཁྲོ་བོ་ཆེན་པོ་རྣམ་རྒྱལ་དཀར།  །གཡས་སྔོ་གཡོན་ལྗང་དབུས་ཞལ་དཀར།  །བར་ཕྱག་འཁོར་ལོ་ཏྲི་ཤུལ་འཛིན།  །ཡུམ་མཆོག་རྡོ་རྗེ་སྙེམས་མ་དཀར།  །ཟ་གསོད་སྟག་དང་བྱ་རྒོད་མགོ  །རྒྱོབ་ {{FolioNumber|[10a]}} ཅིག་རྒྱོབ་ཅིག་སྒྲ་དང་བཅས།  །ཤར་ཕྱོགས་མེ་དཔུང་ཀློང་ན་བཞུགས།  །ཨོཾ་བཛྲ་ཀྲོ་དྷ་ནཱི་ལ་དནྜ་ཧཱུཾ༔  ད་ཧ་ད་ཧ་ཧཱུྃ་ཕཊ༔  ཁྲོ་བོ་ཆེན་པོ་དབྱུག་སྔོན་མཐིང་།  །གཡས་དཀར་གཡོན་དམར་དབུས་ཞལ་མཐིང་།  །བར་ཕྱག་མེ་དབལ་དབྱུག་ཏོ་ཐོགས།  །ཡུམ་མཆོག་རྡོ་རྗེ་སྡེར་མོ་དཀར།  །ཟ་གསོད་གཡག་དང་བྱ་རོག་མགོ  །བསྲེགས་ཤིག་བསྲེགས་ཤིག་སྒྲ་དང་བཅས།  །ཤར་ལྷོ་མེ་དཔུང་ཀློང་ན་བཞུགས།  །ཨོྃ་བཛྲ་ཀྲོ་དྷ་ཡ་མནྟ་ཀ་ཧཱུྃ༔  པ་ཙ་པ་ཙ་ཧཱུཾ་ཕཊ༔  ཁྲོ་བོ་ཆེན་པོ་གཤིན་རྗེ་ནག  །གཡས་སྔོ་གཡོན་ལྗང་དབུས་སྔོ་ནག  །བར་ཕྱག་བེ་ཅོན་དགྲ་སྟྭ་འཛིན།  །ཡུམ་མཆོག་དུར་ཁྲོད་བདག་མོ་སྔོ།  །ཟ་གསོད་ཤ་བ་འུག་པའི་མགོ  །ཚོས་ཤིག་ཚོས་ཤིག་སྒྲ་དང་བཅས།  །ལྷོ་ཕྱོགས་མེ་དཔུང་ཀློང་ན་བཞུགས།  །ཨོཾ་བཛྲ་ཀྲོ་དྷ་ཨཱརྱ་ཨ་ཙ་ལ་ཧཱུྃ༔  བྷནྡྷ་བྷནྡྷ་ཧཱུཾ་ཕཊ༔  ཁྲོ་བོ་ཆེན་པོ་མི་གཡོ་ལྗང་།  །གཡས་སྔོ་གཡོན་སྨུག་དབུས་ལྗང་སྔོ།  །བར་ཕྱག་རལ་གྲི་སྡིགས་མཛུབ་ཞགས།  །ཡུམ་མཆོག་རྡོ་རྗེ་གཏུན་ཁུང་ལྗང་།  །ཟ་གསོད་གཟིག་ {{FolioNumber|[10b]}} དང་ཁྭ་ཏའི་མགོ  །ཆིངས་ཤིག་ཆིངས་ཤིག་སྒྲ་དང་བཅས།  །ལྷོ་ནུབ་མེ་དཔུང་ཀློང་ན་བཞུགས།  །ཨོཾ་བཛྲ་ཀྲོ་དྷ་ཧྱ་གྲཱི་ཝ་ཧཱུྃ༔  ཧུ་ལུ་ཧུ་ལུ་ཧཱུཾ་ཕཊ༔  ཁྲོ་བོ་ཆེན་པོ་རྟ་མགྲིན་དམར།  །གཡས་དཀར་གཡོན་སྔོ་དབུས་ཞལ་དམར།  །བར་ཕྱག་ཞགས་པ་སྤུ་གྲི་བསྣམས།  །ཡུམ་མཆོག་རྡོ་རྗེ་གཏུན་མོ་དམར།  །ཟ་གསོད་བྱི་ལ་པུ་ཤུད་མགོ  །བསྡུས་ཤིག་བསྡུས་ཤིག་སྒྲ་དང་བཅས།  །ནུབ་ཕྱོགས་མེ་དཔུང་ཀློང་ན་བཞུགས།  །ཨོཾ་བཛྲ་ཀྲོ་དྷ་ཨ་པ་རཱ་ཛཱི་ཏེ་ཧཱུཾ༔  ཏིཥྛ་ཏིཥྛ་ཧཱུཾ་ཕཊ༔  ཁྲོ་བོ་ཆེན་པོ་འདོད་རྒྱལ་དམར།  །གཡས་གསེར་གཡོན་ལྗང་དབུས་དམར་སྐྱ།  །བར་ཕྱག་བྷནྡྷ་རྔ་ཡབ་འཛིན།  །ཡུམ་མཆོག་རྡོ་རྗེ་མདའ་སྙེམས་དམར།  །ཟ་གསོད་སྤྱང་ཀི་ཁྲ་ཡི་མགོ  །གཏོགས་ཤིག་གཏོགས་ཤིག་སྒྲ་དང་བཅས།  །ནུབ་བྱང་མེ་དཔུང་ཀློང་ན་བཞུགས།  །ཨོཾ་བཛྲ་ཀྲོ་དྷ་ཨ་མྲྀ་ཏ་ཀུཎྜ་ལཱི་ཧཱུཾ༔  ཚིནྡྷ་ཚིནྡྷ་ཧཱུཾ་ཕཊ༔  ཁྲོ་ཆེན་བདུད་རྩི་འཁྱིལ་བ་ལྗང་།  །དབུས་ལྗང་གཡས་སེར་གཡོན་དུད་ཁ།  །བར་ཕྱག་རྒྱ་གྲམ་དབྱུག་ཐོ་འཕྱར།  །ཡུམ་མཆོག་རྡོ་རྗེ་རླུང་འབྱིན་ལྗང་།  །ཟ་གསོད་ {{FolioNumber|[11a]}} སེང་གེ་ཕ་ཝང་མགོ  །ཆོད་ཅིག་ཆོད་ཅིག་སྒྲ་དང་བཅས།  །བྱང་ཕྱོགས་མེ་དཔུང་ཀློང་ན་བཞུགས།  །ཨོཾ་བཛྲ་ཀྲོ་དྷ་ཏྲཻ་ལོ་ཀྱ་བི་ཛ་ཡ་ཧཱུཾ༔  བྷིནྡྷ་བྷིནྡྷ་ཧཱུཾ་ཕཊ༔  ཁྲོ་ཆེན་ཁམས་གསུམ་རྣམ་རྒྱལ་སེར།  །གཡས་དཀར་གཡོན་དམར་དབུས་ཞལ་སེར།  །བར་ཕྱག་གཉིས་ཀྱིས་མདའ་གཞུ་འགེང་།  །ཡུམ་མཆོག་རྡོ་རྗེ་གསོད་བྱེད་སེར།  །ཟ་གསོད་དོམ་དང་སྲེ་མོང་མགོ  །བརྡུངས་ཤིག་བརྡུངས་ཤིག་སྒྲ་དང་བཅས།  །བྱང་ཤར་མེ་དཔུང་ཀློང་ན་བཞུགས།  །ཨོཾ་བཛྲ་ཀྲོ་དྷ་མ་ཧཱ་བ་ལ་ཧཱུཾ༔  སྥོ་ཊ་སྥོ་ཊ་ཧཱུཾ་ཕཊ༔  ཁྲོ་བོ་ཆེན་པོ་སྟོབས་ཆེན་ནག  ། གཡས་ནག་གཡོན་དམར་དབུས་དུད་ཁ།  །བར་ཕྱག་ཐོ་བ་ཞགས་པ་བསྣམས།  །ཡུམ་མཆོག་རྡོ་རྗེ་བསྐྱོད་བྱེད་ནག  །ཟ་གསོད་དྲེད་དང་བྱི་ལའི་མགོ  །ཆོམས་ཤིག་ཆོམས་ཤིག་སྒྲ་དང་བཅས།  །འོག་ཕྱོགས་མེ་དཔུང་ཀློང་ན་བཞུགས།  །བདུད་འདུལ་ཁྲོ་བོ་ཆེན་པོ་བཅུ།  །ཀུན་ཀྱང་ཞལ་གསུམ་ཕྱག་དྲུག་པ།  །དང་པོས་རྡོ་རྗེ་དུང་ཁྲག་འཛིན།  །བར་པས་རང་རྟགས་ཕྱག་མཚན་གདེངས།  །ཐ་ {{FolioNumber|[11b]}} མས་ཕུར་བུ་འདྲིལ་ཞིང་འདེབས།  །ཞབས་བཞི་འདོར་སྟབས་ཕྱོགས་སྐྱོང་བརྫིས།  །རིགས་ལྔས་དབུ་བརྒྱན་ཐུགས་སྲོག་གསལ།  །དུར་ཁྲོད་ཆས་སོགས་གཙོ་དང་མཚུངས།  །ཡུམ་རྣམས་དྲིལ་འཁྱུད་བྷན་དམར་སྟོབ།  །གཟིག་ཤམ་རུས་རྒྱན་འཁྲིལ་སྦྱོར་རོལ།  །ཟ་གསོད་རང་རང་ཁྲོ་བོའི་མདོག  །གཡས་པས་ཕུར་བུ་གཡོན་ལྕགས་ཀྱུ།  །གཅེར་བུ་རང་རང་ཁྲོས་པའི་ཉམས།  །འབར་བའི་ཆས་རྫོགས་འཕྲུལ་གྱི་གཟུགས།  །ཧཱུྃ༔  ཕྱོགས་བཅུ་དྲེགས་པ་བསྣོལ་བའི་གདན་སྟེངས་སུ༔  ཧཱུཾ་དང་ཕཊ་སྒྲོགས་སྲིད་གསུམ་འཁོར་བ་འཇིག༔  བདུད་འདུལ་ཁྲོ་རྒྱལ་ཆེན་པོ་ཡབ་ཡུམ་དང་༔  ཟ་བྱེད་གསོད་བྱེད་གཏུམ་རྔམ་ཚོགས་བཅས་གསལ༔  ཨོཾ་བཛྲ་མ་ཧཱ་ཀྲོ་དྷ་ཀྲོ་དྷི་ཤྭ་རི༔  མ་ཐ་མ་ཐ་བཛྲ༔  ཛྭ་ལ་ཛྭ་ལ་བཛྲ་ཧཱུཾ་ཕཊ༔  {{TibChung|བདུན་པ་ཕུར་པ་རྫས་ཀྱི་དཀྱིལ་འཁོར་བསྐྱེད་པ་ནི།}}  ཁམས་གསུམ་སྙིང་རྗེས་བསྒྲལ་བའི་ཕྱིར།  །གཙོ་བོའི་ཐུགས་ལས་ཧཱུཾ་འཕྲོས་ཏེ།  །མཐིང་ནག་བདུན་དང་ལྗང་ནག་བདུན།  །དམར་ནག་བདུན་རྣམས་མདུན་དང་ནི།  །གཡས་ {{FolioNumber|[12a]}} གཡོན་ཟླ་གམ་སྟེང་དུ་འཁོད།  །ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ༔  ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ༔  ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ༔  ཧཱུཾ་ལས་འོད་ཟེར་ཕུར་བུའི་ཚོགས།  །ཕྲ་མོ་གྲངས་མེད་ཕྱོགས་བཅུར་འཕྲོས།  །ཁམས་གསུམ་སེམས་ཅན་ཐུགས་རྗེས་བསྒྲལ།  །རྣམ་པར་ཤེས་པ་རྡོ་རྗེར་གྱུར།  །ཧཱུཾ་ལ་ཐིམ་པས་ཧཱུཾ་ཉེར་གཅིག  །ཡོངས་གྱུར་སྲས་མཆོག་ཕུར་བུ་ནི།  །སྐུ་སྟོད་ཁྲོ་བོ་འཇིགས་པའི་གཟུགས།  །དབུ་གསུམ་མཐིང་དཀར་དམར་བའི་ཞལ།  །ཕྱག་དྲུག་ཕྱག་མཚན་གཙོ་དང་མཚུངས།  །སྐེད་པ་ཆུ་སྲིན་ནས་ཐོན་པའི།  །སྐུ་སྨད་རྣོ་ངར་ཕུར་བུའི་དབལ།  །དགྲ་བགེགས་སྙིང་ལ་གཟིར་ཞིང་འབིག  །དུར་ཁྲོད་དྲག་པོའི་ཆས་ཀྱིས་བརྒྱན།  །འབར་བའི་ཚྭ་ཚྭ་སྐར་ལྟར་འཁྲུགས།  །ཧཱུཾ༔  སྙིང་རྗེས་བསྒྲལ་བའི་དམ་ཚིན་ནི༔  བསད་ཅིང་མནན་པ་མ་ཡིན་ཏེ༔  ཕུང་པོ་རྡོ་རྗེར་གཏམས་བྱས་ནས།  རྣམ་པར་ཤེས་པ་རྡོ་རྗེར་བསྒོམ༔  {{TibChung|བརྒྱད་པ་སྒོ་སྐྱོང་སྲུང་མར་བཅས་པ་བསྐྱེད་པ་ནི།}}  ཛཿཧཱུཾ་བྃ་ཧོཿ ཚད་མེད་བཞི་དངོས་སྒོ་མ་བཞི།   །རྟ་གདོང་དཀར་མོ་ལྕགས་ཀྱུ་འཛིན།  །ཕག་གདོང་ནག་མོ་མཆེ༔   {{FolioNumber|[12b]}} ཞགས་ཐོགས།  །ཉི་ཟླ་དམར་མོ་ལྕགས་སྒྲོགས་སྡོམ།  །ཐལ་བྱེད་ལྗང་ཁུ་དྲིལ་འཁྲོལ་དགྱེས།  །དྲག་མོ་དུར་ཁྲོད་རྒྱན་ཆ་ཅན།  །ཐར་པ་ཆེན་པོའི་གྲོང་ཁྱེར་གྱི།  །སྒོ་སྐྱོང་རྡོ་རྗེའི་དམ་ཚིག་མ།  །ཨོཾ་བཛྲ་ཀཱི་ལི་ཀཱི་ལ་ཡ༔  མོ་ཧཱ་གྷྰ་ཏ་ཡ་མ་མ་ཤྰི་གྷྲཾ་ཀརྨ་ཀ་ར་ཡེ་ཧཱུཾ་ཕཊ༔  དཀྱིལ་འཁོར་བར་ཁྱམས་ཕྱོགས་མཚམས་སུ།  །དཔལ་ཆེན་དམ་ཚིག་ཀཱི་ལ་ཡའི།  །སྲུང་མ་ཆེན་མོ་བཅུ་གཉིས་དང་།  །བསེ་ལྕགས་དུང་སོགས་གིང་ཆེན་བཞི།  །ཕྱི་ཡི་ཁོར་ཡུག་ལྕགས་རི་ལ།  །མཁའ་འགྲོ་སུམ་ཅུ་རྩ་གཉིས་དང་།  །མ་མོ་བདུན་དང་སྲིང་མོ་བཞི།  །དབང་ཕྱུག་ཉེར་བརྒྱད་ལ་སོགས་པ།  །རང་རང་ཆ་བྱད་ལག་ཆར་བཅས།  །རྒྱན་དང་བགོ་བ་བཞོན་པ་འཁོར།  །སོ་སོའི་དམ་ཚིག་བཞིན་སྟོན་པ།  །མུ་རན་ཁོར་ཡུག་གང་བར་གྱུར།  །{{TibChung|དེས་རྗེ་ལས་འབངས་བཞིན་མགྲོན་ཐབས་སུ་བསྐྱེད་དོ།  །གཉིས་པ་ལ་རང་བཞིན་ཡེ་ཤེས་ཀྱི་དཀྱིལ་འཁོར་དགུག་པ་ལ་ཡན་ལག་བཅུ་གཉིས་ཏེ།  རང་བཞིན་དགོངས་གསོལ་སྤྱན་དྲངས་ལ༔  ཕྱག་བྱ་དབང་ཞུ་གཉིས་མེད་བསྟིམ༔  སྨན་གཏོར་རཀྟ་དུག་གསུམ་དང་༔  སྦྱོར་སྒྲོལ་མཆོད་བསྟོད་བཟླས་པ་བྱ༔  ཞེས་པས་དང་པོ་ {{FolioNumber|[13a]}} དགོངས་གསོལ་ནི།}}  རང་གི་ཐུགས་ཀའི་ཧཱུྃ་ཡིག་ལས་བྱུང་བའི་འོད་ཟེར་རང་བཞིན་རྡོ་རྗེ་ཕུར་བུའི་ཞིང་ཁམས་ཐམས་ཅད་དུ་ཁྱབ་པར་འཕྲོས་པས་སྲིད་པའི་ཕུར་བུ་གཟུགས་ཀྱི་སྐུ་གང་ལ་གང་འདུལ་གྱི་མོས་པ་དང་འཚམས་པར་སད་པར་{{TibChung|བསམ་ལ།}}  ཧཱུྃ༔  རྡོ་རྗེ་གཞོན་ནུའི་རིག་འཛིན་རྣམས༔  སྲིད་པ་རྡོ་རྗེར་གྲུབ་མཛོད་ཅིག༔  སྲིད་པ་རྡོ་རྗེ་ཕུར་བུའི་ལྷ༔  ཡེ་ཤེས་ཁྲོ་བོ་གྲུབ་པར་མཛོད༔  ཨོཾ་བཛྲ་ས་མཱ་ཛཿ{{TibChung|གཉིས་པ་སྤྱན་དྲང་བ་ནི།}}  ཧཱུཾ༔  སྲིད་པའི་ཕུར་བུ་སྒྲུབ་པ་དང་༔  དབང་དང་དངོས་གྲུབ་བླང་བའི་ཕྱིར༔  ཡེ་ཤེས་ཁྲོ་བོ་གཤེགས་སུ་གསོལ༔  ཏིང་འཛིན་དཀྱིལ་འཁོར་འདི་ལ་དགོངས༔  ཨོཾ་བཛྲ་ཀཱི་ལི་ཀཱི་ལ་ཡ་ཨེ་ཧྱེ་ཧི་བྷ་ག་ཝཱན་ས་མ་ཡ་ཛ་ཛཿ{{TibChung|ཞེས་ཡེ་ཤེས་ཀྱི་འཁོར་ལོ་ཏིང་ངེ་འཛིན་གྱི་དཀྱིལ་འཁོར་ལ་ཕྱོགས་པས་མདུན་གྱི་ནམ་མཁར་བཞུགས་པར་བསམ།  གསུམ་པ་ཕྱག་བྱ་བ་ནི།}}  ཧཱུཾ༔  སྲིད་གསུམ་གདུག་པ་འདུལ་བ་དང་༔  ང་རྒྱལ་ཆེན་པོ་བརྟན་པའི་ཕྱིར༔  རྡོ་རྗེ་སྲིན་པོའི་ལྷ་ཚོགས་ལ༔  རྩེ་གཅིག་ཡིད་ཀྱིས་ཕྱག་འཚལ་ལོ༔  ཨ་ཏི་པཱུ་ཧོཿ པྲ་ཏཱི་ཙྪ་ཧོཿ {{TibChung|བཞི་པ་དབང་ཞུ་བ་ནི།}}  ཧཱུཾ༔  ཐབས་ {{FolioNumber|[13b]}} ཀྱི་སྤྱོད་པས་འགྲོ་དོན་དུ༔  བྱམས་དང་སྙིང་རྗེས་གང་འདུལ་བ༔  སངས་རྒྱས་ཕྲིན་ལས་རྫོགས་མཛད་ནས༔  དབང་དང་བྱིན་རླབས་བདག་སྩོལ་ཅིག༔  ཨོཾ་ཨཱཿཧཱུཾ་ཨོཾ་ཧཱུཾ་སྭཱ་ཨཱཾཿཧཱ༔  ཀཱ་ཡ་ཝཱ་ཀ་ཙིཏྟ་གུ་ཎ་ཀརྨ་སིདྡྷི་ཨ་བྷིཥིཉྩ་ཧཱུྃ༔   ཡེ་ཤེས་འཁོར་ལོའི་གནས་གསུམ་ནས།  །ཨོཾ་དཀར་ཨཱཿདམར་ཧཱུྃ་མཐིང་འཕྲོས།  །དམ་ཚིག་འཁོར་ལོའི་གནས་གསུམ་དུ།  །རྒྱས་བཏབ་སྐུ་གསུང་ཐུགས་བྱིན་བརླབས།  །སླར་ཡང་སྤྱི་བོར་རིགས་ལྔ་ཡིས།  །ཡེ་ཤེས་ལྔ་ཡི་དབང་མཆོག་བསྐུར།  །སྐུ་གསུང་ཐུགས་ཡོན་ཕྲིན་ལས་བདག  །རིགས་ལྔའི་ཅོད་པན་དབུ་བརྒྱན་གྱུར།  །{{TibChung|ལྔ་པ་དབྱེར་མེད་དུ་བསྟིམ་པ་ནི།}}  ཧཱུཾ༔  སངས་རྒྱས་ཀུན་གྱི་སྐུ་གསུང་ཐུགས༔  ཡོན་ཏན་ཕྲིན་ལས་ཡོངས་རྫོགས་པ༔  བདག་དང་དབྱེར་མེད་ཐིམ་གྱུར་ལ༔  རབ་ཏུ་དགྱེས་ཤིང་བརྟན་པར་བཞུགས༔  ས་མ་ཡ་ཏིཥྛ་སྟྭཾ༔  {{TibChung|ཞེས་རང་བཞིན་ཡེ་ཤེས་ཀྱི་དཀྱིལ་འཁོར་ཏིང་ངེ་འཛིན་གྱི་དཀྱིལ་འཁོར་དང་དབྱེར་མེད་དུ་གྱུར་པར་བསམ།  འདིར་གཞུང་གི་རྩིས་བགོས་མ་བསྡུས་ཀྱང་སྤྱི་ཁྱབ་བཞིན་ཕྱི་ནང་ཉེར་སྤྱོད་ཀྱིས་མཆོད་པ་སྐབས་སུ་བབས་པར་འགྱུར་བས།  ཕྱི་མཆོད་ནི།}}   {{FolioNumber|[14a]}} ཧཱུཾ༔  རང་བྱུང་རྣམ་དག་ཡིད་འོང་ཆུ༔  མེ་ཏོག་བདུག་སྤོས་མར་མེ་དྲི༔  ཞལ་ཟས་སྒྲ་སྙན་སྒེག་བཞད་ཕྲེང་༔  ལྷ་རྫས་ཕྱི་མཆོད་འདི་དག་ཀུན༔  ཁྲོ་རྒྱལ་འབར་བའི་ཚོགས་ལ་འབུལ༔  བཞེས་ཏེ་ཀུན་ཏུ་དགྱེས་མཛོད་ལ༔  བླ་མེད་དངོས་གྲུབ་སྩལ་དུ་གསོལ༔  ཨོཾ་བཛྲ་ཨརྒྷཾ།  པུཥྤེ་ནས།  ཤཔྡ་བཛྲ་ལཱ་སྱ་ཧཱ་སྱ་མཱ་ལེ་ཨཱཿཧཱུཾ༔  {{TibChung|ནང་མཆོད་ནི།}}  ཧཱུཾ༔  འཇིག་རྟེན་ཁམས་ཀྱི་དགྲ་བགེགས་ཀུན༔  བསྒྲལ་བའི་ཁྲག་གི་ཨརྒྷཾ་དང་༔  དབང་པོའི་མེ་ཏོག་གསུར་ཆེན་སྤོས༔  ཞུན་ཆེན་མར་མེ་མཁྲིས་པའི་ཆབ༔  ཤ་རུས་ཞལ་ཟས་ཐོད་རྔའི་སྒྲ༔  བདུད་འདུལ་ཁྲོ་བོའི་ལྷ་ལ་འབུལ༔  བཞེས་ནས་དགྲ་བགེགས་སྒྲོལ་བར་མཛོད༔  ཀརྨ་མ་ཧཱ་ཀྲོ་དྷ་ཨརྒྷཾ།  པུཥྤཾ།  དྷུ་པཾ།  དི་པཾ།  གནྡྷཾ།  ནཻ་ཝིདྱཾ།  ཤཔྡ་པྲ་ཏཱིཙྪ་སྭཱ་ཧཱ༔  {{TibChung|དྲུག་པ་སྨན་མཆོད་འབུལ་བ་ལ།  མཆོད་པ་དང་།  དངོས་གྲུབ་བླང་བ་གཉིས་ཀྱི།  དང་པོ་ནི།}}  ཧཱུྃ༔  རང་བྱུང་གདོད་ནས་རྣམ་པར་དག༔  རྩ་བརྒྱད་སྟོང་ལ་སྦྱར་བའི་སྨན༔  རྩ་བ་འབུམ་ཕྲག་ཡངས་པའི་བཅུད༔  ར་སྰ་ཡ་ན་ལ་སོགས་སྨན༔  རིགས་ལྔ་དམ་ཚིག་ལྔ་ཡི་དངོས༔   {{FolioNumber|[14b]}} ཡེ་ཤེས་ལྔ་རྫོགས་གྲུབ་པའི་རྫས༔  རྒྱུད་དྲུག་སེམས་ཅན་ཀུན་སྒྲོལ་བ༔  དུག་ལྔ་སེལ་བ་སྨན་གྱི་མཆོག༔  དཔའ་བོའི་རོ་དང་མཉམ་སྦྱར་ནས༔  རྒྱལ་བའི་དཀྱིལ་འཁོར་ཡོངས་ལ་འབུལ༔  བླ་མེད་འཕྲུལ་གྱི་དངོས་གྲུབ་སྩོལ༔  མ་ཧཱ་པཉྩ་ཨ་མྲྀ་ཏ་ཁ་རཾ་ཁཱ་ཧི༔  ཧཱུཾ།  རྒྱལ་བ་དགོངས་བརྒྱུད་རིག་འཛིན་རིག་པའི་བརྒྱུད།  །གང་ཟག་སྙན་བརྒྱུད་བླ་མ་ཐམས་ཅད་ལ།  །རྣམ་དག་བདུད་རྩི་དམ་རྫས་མཉེས་མཆོད་འབུལ།  །ཐུགས་རྗེས་བརྩེར་དགོངས་དབང་དང་དངོས་གྲུབ་སྩོལ།  །མ་ཧཱ་པཉྩ་ཨ་མྲྀ་ཏ་ལ་ཁཱ་ཧི།  །ཧཱུཾ༔  གྲུ་གསུམ་མཐིང་ནག་འབར་བའི་གདན་སྟེང་དུཿདཔལ་ཆེན་རྡོ་རྗེ་གཞོན་ནུ་ཡབ་ཡུམ་ལ༔  རྣམ་དག་བདུད་རྩི་དམ༴   ཐུགས་རྗེས་བརྩེར་དགོངས༴   མ་ཧཱ་པཉྩ༴   ཕྱོགས་བཅུའི་དྲེགས་པ་བསྣོལ་བའི་གདན་སྟེང་དུ༔  བདུད་འདུལ་འཇིགས་བྱེད་ཁྲོ་རྒྱལ་ཡབ་ཡུམ་ལ༔  རྣམ་དག་བདུད་རྩི༴   ཐུགས་རྗེས་བརྩེར་དགོངས༴   མ་ཧཱ༴   ཁྲོ་བོ་ཁྲོ་མོ་རོལ་པའི་བྱིན་རླབས་པས༔  སྤྲུལ་པའི་མགོ་བརྙན་ཁྲ་ཐབས་ཉི་ཤུ་ལ༔  རྣམ་དག་བདུད་རྩི་དམ་རྫས༴   ཐུགས་རྗེས་ {{FolioNumber|[15a]}} བརྩེར་དགོངས༴   མ་ཧཱ༴   ཟླ་གམ་ཀློང་ཆེན་ཨེ་ཡི་གདན་སྟེང་དུ༔  གདུག་པའི་ཚོགས་སྒྲོལ་སྲས་མཆོག་ཕུར་བུ་ལ༔  རྣམ་དག་བདུད་རྩི་དམ་རྫས༴   ཐུགས་རྗེས་བརྩེར་དགོངས༴   མ་ཧཱ༴   ཤར་ལྷོ་ནུབ་བྱང་སྒོ་བཞི་སྲུང་མཛད་པའི༔  ཡེ་ཤེས་སྒོ་མ་ཆེན་མོ་རྣམ་བཞི་ལ༔  རྣམ་དག༴   ཐུགས་རྗེས་བརྩེར་དགོངས༴   མ་ཧཱ།  མ་ལྟར་བྱམས་ཤིང་སྲིང་ལྟར་གདུང་སེམས་ཅན༔  ཤྭ་ན་བདག་ཉིད་ས་བདག་མཆེད་རྣམས་ལ༔  རྣམ་དག༴   ཐུགས་རྗེས༴   མ་ཧཱ༴   འབར་བའི་ཕོ་ཉ་མི་བཟད་དྲག་ཤུལ་ཅན༔  བསེ་ལྕགས་དུང་སོགས་གྱད་ཆེན་གིང་བཞི་ལ༔  རྣམ་དག༴   ཐུགས་རྗེས།  མ་ཧཱ།  ཅི་བགྱིའི་བཀའ་ཉན་ཕྲིན་ལས་ཐོགས་མེད་སྒྲུབ།  །མ་སྲིང་འབར་མ་དབང་ཕྱུག་ཉེར་བརྒྱད་ལ།  །རྣམ་དག༴   ཐུགས་རྗེས༴   མ་ཧཱ༴   གཞན་ཡང་བཀའ་ཡི་བསྟན་སྐྱོང་གཡར་དམ་ཅན།  །ཞིང་སྐྱོང་གཞི་བདག་དཀར་ཕྱོགས་སྐྱོང་རྣམས་ལ།  །རྣམ་དག༴   ཐུགས་རྗེས༴   མ་ཧཱ༴   སྣང་སྲིད་རྣམ་དག་སྒྱུ་འཕྲུལ་རྡོ་རྗེའི་སྤྲིན།  །ཁྲག་འཐུང་ཕུར་བུའི་འཁོར་ལོར་སད་ {{FolioNumber|[15b]}} པ་ལ།  རྣམ་དག༴   ཐུགས་རྗེས༴   མ་ཧཱ་པཉྩ་ཨ་མྲྀ་ཏ་ཁ་རཾ་ཁཱ་ཧི༔  {{TibChung|གཉིས་པ་དངོས་གྲུབ་བླང་བ་ནི།}}  ཨོཾ་ཨཱཿཧཱུཾ༔  ཁྲོ་བོ་ཆེན་པོ་གཤེགས་སུ་གསོལ༔  ཁྲོ་བོ་ཆེན་པོ་གཤེགས་ནས་ཀྱང་༔  རྟགས་དང་མཚན་མ་བསྟན་པ་དང་༔  ཀཱི་ལ་ཡ་ཡི་དངོས་གྲུབ་སྩོལ༔  ཀཱ་ཡ་སིདྡྷི་ཨོཾ༔  ཝཱ་ཀ་སིདྡྷི་ཨཱཿཙིཏྟ་སིདྡྷི་ཧཱུཾ༔  {{TibChung|བདུན་པ་གཏོར་མས་མཆོད་པ་ནི།}}  ཧཱུཾ༔  དམ་རྫས་རྨད་བྱུང་གཏོར་ཆེན་པོ༔  ཆོས་ཉིད་སྐྱེ་མེད་ཀློང་ནས་སྤྲུལ༔  འདོད་ཡོན་རྣམ་ལྔས་རབ་ཏུ་སྤྲས༔  དཔལ་ཆེན་འཁོར་བཅས་ཐུགས་དམ་བསྐང་༔  ཨོཾ་བཛྲ་ཀཱི་ལི་ཀཱི་ལ་ཡ་སརྦ་བ་ལིངྟ་ཁཱ་ཧི༔  {{TibChung|བརྒྱད་པ་རཀྟས་མཆོད་པ་ནི།}}  ཉོན་མོངས་རྩ་བ་འཁོར་བའི་ཁྲག༔  ཁམས་གསུམ་འཁོར་བ་སྟོང་བྱའི་ཕྱིར༔  དུང་ཆེན་སྣོད་དུ་དམར་ཆེན་བསྐྱིལ༔  དཀྱིལ་འཁོར་ལྷ་ཚོགས་ཞལ་དུ་འབུལ༔  བཛྲ་ཀཱི་ལི་ཀཱི་ལ་ཡ་མ་ཧཱ་རཀྟ་ཁཱ་ཧི༔  {{TibChung|དགུ་པ་དུག་གསུམ་མཆོད་པ་ནི།}}  གཏི་མུག་ཤ་ཆེན་ཕུངས་སེ་ཕུང་༔  འདོད་ཆགས་ཁྲག་མཚོ་མེ་རེ་རེ༔  ཞེ་སྡང་རུས་གྲམ་ཉི་ལི་ལི༔  དཔལ་ཆེན་མཁའ་འགྲོའི་ཚོགས་ལ་འབུལ༔  མ་ཧཱ་མཱཾ་ས་རཀྟ་ཀེཾ་ནི་རི་ཏི་ཁ་ {{FolioNumber|[16a]}} རཾ་ཁཱ་ཧི༔  {{TibChung|བཅུ་པ་སྦྱོར་སྒྲོལ་གྱི་མཆོད་པ་ནི།}}  ཧཱུཾ༔  ཁྲོ་མོ་འབར་བའི་གཏུན་ཁུང་དུ༔  རྡོ་རྗེ་ཐོ་བས་བརྡུངས་བྱས་ནས༔  ལྷ་ཡང་རུང་སྟེ་བསྒྲལ་བར་བྱ༔  ཁ་ཏཾ་ཁ་ཏཾ་ཁ་ཏཾ༔  ཧཱུྃ་ཧཱུྃ་ཧཱུྃ༔  ཕཊ་ཕཊ་ཕཊ༔  བཛྲ་ཡཀྵ་ཀྲོ་དྷ་ཁཱ་ཧི་ཁཱ་ཧི་ཁཱ་ཧི༔  ཧ་ཧ་ཧ༔  ཧཱུྃ་ཧཱུྃ་ཧཱུྃ༔  ཕཊ་ཕཊ་ཕཊ༔  {{TibChung|བཅུ་གཅིག་པ་བསྟོད་པ་ནི།}}  ཧཱུྃ༔  དུས་གསུམ་རྒྱལ་བ་མ་ལུས་འདུས་པའི་དཔལ༔  རྡོ་རྗེ་གཞོན་ནུའི་སྐུ་ལ་ཕྱག་འཚལ་བསྟོད༔  སྐྱེ་མེད་རྣམ་དག་ཤེས་རབ་གསལ་བའི་དོན༔  འཁོར་ལོ་རྒྱས་འདེབས་མ་ལ་ཕྱག་འཚལ་བསྟོད༔  ས་བཅུའི་མངའ་བདག་ཞིང་བཅུ་ཚར་གཅོད་དཔལ༔  ཁྲོ་རྒྱལ་ཆེན་པོ་བཅུ་ལ་ཕྱག་འཚལ་བསྟོད༔  ཕ་རོལ་ཕྱིན་བཅུའི་རང་བཞིན་ཤེས་རབ་དངོས༔  ཁྲོ་མོ་ཆེན་མོ་བཅུ་ལ་ཕྱག་འཚལ་བསྟོད༔  ཉོན་མོངས་ཉི་ཤུ་གནས་སུ་སྒྲོལ་མཛད་པ༔  ཁྲ་ཐབས་ཉི་ཤུའི་ཚོགས་ལ་ཕྱག་འཚལ་བསྟོད༔  ཐུགས་རྗེའི་ཤུགས་ཀྱིས་གནོད་གདུག་ཐམས་ཅད་སྒྲོལ༔  སྲས་མཆོག་འབར་བའི་ཚོགས་ལ༴   ཕྱི་ནང་བར་ཆད་སྲུང་བའི་ལས་ལ་བརྩོན༔  དྲག་མོ་སྒོ་མ་བཞི་ {{FolioNumber|[16b]}} ལ་ཕྱག་འཚལ་བསྟོད༔  རྒྱལ་བའི་སྤྱན་སྔར་ཁས་བླངས་དབང་མོ་ཆེ༔  ཕུར་སྐྱོང་སྲུང་མའི་ཚོགས་ལ་ཕྱག་འཚལ་བསྟོད༔  ཨོཾ་བཛྲ་ཀཱི་ལི་ཀཱི་ལ་ཡ་ཧཱུཾ་ཕཊ༔  {{TibChung|བཅུ་གཉིས་པ་ཛཔྲ་བཟླ་བ་ལ། ཛཔྲ་དགོངས་རྣམ་པ་ལྔ་ལས།  དང་པོ་སྐུ་ཕྱག་རྒྱ་ལ་དམིགས་པའི་ཛཔྲ་དགོངས་ནི།}}   སངས་རྒྱས་ཀུན་གྱི་ཡེ་ཤེས་སྐུ༔  ངང་ཉིད་རྡོ་རྗེ་ཆོས་དབྱིངས་ལས༔  འབར་བའི་ཁྲོ་བོ་མི་བཟད་པའི༔  སྐུ་ཡི་དབྱིག་ཏུ་བདག་བསྐྱེད་ཅིག༔  {{TibChung|ཅེས་དཀྱིལ་འཁོར་གསུམ་གྱི་ལྷ་ཚོགས་སྤྱི་དང་ཁྱད་པར་བདག་ཉིད་རྩ་བའི་དཀྱིལ་འཁོར་ཡབ་ཡུམ་ཤིན་ཏུ་གསལ་བརྟན་འབར་བར་གྱུར་པའི་ང་རྒྱལ་ལ་བློ་བཞག་སྟེ་བཟླའོ།  །གཉིས་པ་གསུང་ཡི་གེ་ལ་དམིགས་པའི་ཛཔྲ་དགོངས་ནི།}}   ཐུགས་ཀའི་སྔགས་ཀྱི་ཕྲེང་བ་ལས།  །འབར་བའི་འོད་ཟེར་མཁའ་ཁྱབ་འཕྲོས།  །རྒྱལ་མཆོད་རྒྱུད་བསྐུལ་བྱིན་རླབས་བསྡུས།  །འགྲོ་བའི་སྒྲིབ་སྦྱངས་བདེ་ལ་བཀོད།  །དམ་ཅན་སྲུང་མ་ལས་ལ་བཙུད།  །རིག་འཛིན་མཆེད་ལྕམ་ཐུགས་དམ་བསྐངས།  །དགྲ་བགེགས་གདུག་པ་ཚར་ཐག་བཅད།  །འཁོར་འདས་དྭངས་བཅུད་བདུད་རྩིའི་སྤྲིན།  །སླར་འདུས་དཀྱིལ་འཁོར་གསུམ་ལ་ཐིམ།  །སྐུ་གསུང་ {{FolioNumber|[17a]}} ཐུགས་ཡོན་ཕྲིན་ལས་ཀྱི།   །དབང་ཐོབ་ཆེ་བའི་ཡོན་ཏན་བསྐྱེད།  །སྣང་གྲགས་རིག་པ་ལྷ་དང་སྔགས།  །ཆོས་ཉིད་གཉུག་མའི་ཕྱག་རྒྱར་རྫོགས།  །{{TibChung|ཞེས་སྔགས་ཀྱི་འོད་ཟེར་འཕྲོ་འདུའི་ཏིང་ངེ་འཛིན་དང་སྦྱར་ཏེ་བཟླའོ།  །གསུམ་པ་ཐུགས་ཆོས་ཉིད་ལ་དམིགས་པའི་ཛཔྲ་དགོངས་ནི།}}  སྙིང་རྗེས་བསྒྲལ་བའི་དམ་ཚིག་ནི༔  བསད་ཅིང་མནན་པ་མ་ཡིན་ཏེ༔  ཕུང་པོ་རྡོ་རྗེར་གཏམས་བྱས་ནས༔  རྣམ་པར་ཤེས་པ་རྡོ་རྗེར་བསྒོམ༔  {{TibChung|ཞེས་ཐུགས་དམིགས་མེད་སྟོང་བའི་དབྱིངས་ལས་རིག་རྩལ་སྣ་ཚོགས་འགགས་པ་མེད་པར་ཤར།  ཤར་དུས་ཉིད་ནས་སྐྱེ་མེད་ཀྱི་ཀློང་དུ་དག་པ་ཆོས་ཉིད་རང་གྲོལ་གྱི་དགོངས་པས་བཟླའོ།  །བཞི་པ་ཡོན་ཏན་ལ་དམིགས་པ་དབང་དང་དངོས་གྲུབ་ལེན་པའི་ཛཔྲ་དང་།  ལྔ་པ་ཕྲིན་ལས་ལ་དམིགས་པ་སྤུ་གྲིའི་སྔགས་དྲུག་བཟླ་ཚུལ་ནི་དེ་དང་དེའི་མན་ངག་ཏུ་གསལ་ལོ།  །བཟླ་བྱའི་སྔགས་ནི།}}  ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུྃ་ཕཊ༔  ཛཿཧཱུྃ་ཨཱ༔  {{TibChung|ཞེས་སྲོག་སྔགས་འབྲུ་དགུ་དང་།  ལས་སྔགས་འབྲུ་ལྔ།  མཁའ་འགྲོའི་འཕྱོང་སྔགས་འབྲུ་གསུམ་སྟེ།  དེ་ལྟར་ཡི་གེ་བཅུ་བདུན་ནི་བསྙེན་པའི་སྔགས་སོ།  །བསྙེན་སྒྲུབ་ཆིག་ཆོད་ལ་དྲག་སྔགས་འདུས་པ་འདི་ཉིད་བསྙེན་སྔགས་ལ་སྦྲེལ་ནས་བཟླ་སྟེ།}}   མ་རཀ་མོ་ཡག་མོ༔  ཀཱ་ལ་ {{FolioNumber|[17b]}} རཱུ་པ་སྙིང་རྩ་ལ་ཡཾ་ཡཾ༔  སྲོག་ལ་ཡཾ་ཡཾ༔  སྙིང་ལ་ཕྲིལ་ཕྲིལ༔  སྲོག་ལ་ཆུཾ་ཆུཾ༔  ཙིཏྟ་སྲོག་ལ་དུང་དུང་༔  སྙིང་ཁྲག་སྲོག་ལ་ཤད་ཤད༔  ཐུཾ་རི་ལི་ལི༔  ཙེག་ཙེག༔  འུར་འུར༔  ཤིག་ཤིག༔  གུལ་གུལ༔  མྱགས་མྱགས༔  སོད་སོད༔  དྷ་ཏི་མ་མ་ཀརྨ༔  ཤྰིགྷྲཾ་ཀ་ར་ཡེ༔  མཱ་ར་སེ་ན༔  པྲ་མ་རྡྷ་ན་ཡེ་ཧཱུྃ་ཕཊ༔  {{TibChung|ཅེས་ཐེམ་ཡིག་ལས་ཡི་གེ་བདུན་ཅུ་རྩ་དྲུག་འབྱུང་ངོ་།  །དེ་ལྟར་བསྙེན་སྒྲུབ་ལས་སྦྱོར་གྱི་འགྲོས་དང་སྦྱར་ཏེ་བཟླ་ཞིང་།  ཐུན་མཚམས་སུ།}}  ཧཱུྃ༔  ཡེ་ཤེས་ཁྲོ་རྒྱལ་ཕུར་པའི་ལྷ་ཚོགས་གཤེགས༔  ཛཔྲ་བསྙེན་གྲངས་དང་སྨན་རཀ་གཏོར་ཚོགས་འབུལ༔  སྐུ་གསུང་ཐུགས་ཡོན་ཕྲིན་ལས་རྫོགས་ལ་བསྟོད༔  རྩ་བ་ཡན་ལག་དམ་ཚིག་ཉམས་ཆག་བཤགས༔  རང་སེམས་དཔང་བཙུགས་བཀའ་བཞིན་བསྒྲུབ་ལགས་ན༔  དབྱིངས་ལས་སྐུ་བཞེངས་ཕྲིན་ལས་མཐར་ཕྱིན་མཛོད༔  ཐུན་མོང་མཆོག་གི་དངོས་གྲུབ་སྩལ་དུ་གསོལ༔  {{TibChung|ཞེས་སྟོང་ཚིགས་ཀྱི་མཆོད་བསྟོད་བྱའོ།  །སྤྱི་དོན་གསུམ་པ་རྗེས་ཀྱི་ལས་རིམ་ལ་བརྒྱད་དེ།  རྗེས་ཚོགས་བསྐུལ་ལྷག་སྨོན་ལམ་གསོལ༔  གཏོར་གཏོང་དལ་བསྡུ་རྒྱུན་ཏིང་བྱའོ༔  ཞེས་པས།  དང་པོ་ཚོགས་མཆོད་ལའང་།   {{FolioNumber|[18a]}} བྱིན་བརླབ།  སྤྱན་འདྲེན།  མཆོད་པ་གསུམ་གྱི།  དང་པོ་བྱིན་བརླབ་པ་ནི།  དམ་རྫས་སུ་འོས་པའི་ཡོ་བྱད་ཅི་འབྱོར་པ་བཤམས་པ་བདུད་རྩིས་བྲན་ལ།}}  ཨོཾ་སརྦ་དྲ་བྱཾ་བི་ཤོ་དྷ་ཡ་ཧུྃ་ཕཊ༔  {{TibChung|ཅེས་པས་སྤྱིར་བསང་།}}  བྷྲཱུྃ་རཾ་ཡཾ་ཁཾ༔  ཧཱུྃ༔  རྡོ་རྗེ་ལྟ་བུའི་ཡེ་ཤེས་ཀྱིས༔  ཆོས་ཀུན་ཐམས་ཅད་སྒྱུ་མར་རིག༔  རིག་པའི་ཡེ་ཤེས་རཾ་ཞེས་བྱ༔  རཾ་ལས་ཡེ་ཤེས་མེ་བྱུང་བས༔  ཕྱི་ནང་དངོས་པོར་འཛིན་པ་ཀུན༔  ཐམས་ཅད་མ་ལུས་བསྲེག་པར་བྱའོ༔  རྡོ་རྗེ་ལྟ་བུའི་ཡེ་ཤེས་ཀྱིས༔  ཆོས་ཀུན་ཐམས་ཅད་སྒྱུ་མར་རིག༔  རིག་པའི་ཡེ་ཤེས་ཡཾ་ཞེས་བྱ༔  ཡཾ་ལས་ཡེ་ཤེས་རླུང་བྱུང་བས༔  རྣམ་རྟོག་དངོས་པོར་འཛིན་པ་ཀུན༔  ཐམས་ཅད་མ་ལུས་གཏོར་བར་བྱའོ༔  རྡོ་རྗེ་ལྟ་བུའི་ཡེ་ཤེས་ཀྱིས༔  ཆོས་ཀུན་ཐམས་ཅད་སྒྱུ་མར་རིག༔  རིག་པའི་ཡེ་ཤེས་ཁཾ་ཞེས་བྱ༔  ཁཾ་ལས་ཡེ་ཤེས་ཆུ་བྱུང་བས༔  གཟུང་འཛིན་མཚན་མའི་བག་ཆགས་ཀུན༔  ཐམས་ཅད་མ་ལུས་བཀྲུ་བར་བྱའོ༔  ཧཱུྃ་མཱུྃ༔  ཨོྃ་ལྰཾ༔  སྭཱ་མཱཾ༔  ཨཱ་པྰཾ༔  ཧཱ་ཏྰཾ༔  ཨོཾ་ཨཱཿཧཱུྃ་སརྦ་པཉྩ་ཨ་མྲྀ་ཏ་ཧཱུཾ་ཧྲཱིཿཋཱ༔  རིགས་ལྔ་ཡབ་ཡུམ་མཉམ་སྦྱོར་བའི།  །བྱང་ཆུབ་ {{FolioNumber|[18b]}} སེམས་ཀྱི་དམ་ཚིག་རྫས།  །ཟག་མེད་འདོད་ཡོན་ལྔ་ལྡན་གྱི།  །ལོངས་སྤྱོད་ནམ་མཁའ་མཉམ་པར་གྱུར།  །{{TibChung|གཉིས་པ་ཚོགས་ཞིང་སྤྱན་དྲང་བ་ནི།}}  ཧཱུྃ༔  སྲིད་བའི་ཕུར་བུ་སྒྲུབ་པ་དང་༔  དབང་དང་དངོས་གྲུབ་བླང་བའི་ཕྱིར༔  ཞལ་ཟས་ཚོགས་ཀྱི་མཆོད་པ་ལ༔  ཡེ་ཤེས་ཁྲོ་བོ་གཤེགས་སུ་གསོལ༔  ཨོཾ་བཛྲ་ཀཱི་ལི་ཀཱི་ལ་ཡ་ཛཿཧཱུཾ་བཾ་ཧོཿ {{TibChung|གསུམ་པ་མཆོད་པ་ལ་སྤྱི་དང་ཁྱད་པར་གཉིས་ཀྱི།  དང་པོ་སྤྱིར་མཆོད་པ་ནི།}}  ཧཱུཾ༔  འབྱུང་བ་ཆེན་པོ་ནམ་མཁའ་ཆེ༔  ནམ་མཁའ་ལས་ནི་འདོད་པ་འབྱུང་༔  འདོད་ཡོན་མཆོད་པ་བཞེས་སུ་གསོལ༔  ཨོཾ༔  གཟུགས་མ་ལག་གཉིས་མེ་ལོང་ཐོགས༔  གཟུགས་མཛེས་སྤྱོད་པ་ཕྱོགས་བཅུར་གཡོ༔  ཤིན་ཏུ་སྒེག་པའི་གཟི་ལྡན་འབར༔  གཟུགས་ཀྱི་ལྷ་མོ་སྤྱན་ལ་ཐིམ༔  ཨོཾ༔  སྒྲ་མ་ལག་གཉིས་པི་ཝཾ་ཐོགས༔  བདེན་པའི་སྒྲ་སྙན་ཕྱོགས་བཅུར་གཡོ༔  དབྱངས་སྙན་ཡིད་འཕྲོག་འཇམ་པོའི་དབྱངས༔  སྒྲ་ཡི་ལྷ་མོ་སྙན་ལ་ཐིམ༔  ཨོཾ༔  དྲི་མ་ལག་གཉིས་སྤོས་ཕོར་ཐོགས༔  སྤོས་ཀྱི་སྤྲིན་ལྡིང་བདུག་པ་མོ༔  དྲི་ཞིམ་སྤོས་ཀྱི་ངད་ལྡངས་མ༔  དྲི་ཡི་ལྷ་མོ་ཤངས་ལ་ཐིམ༔  ཨོཾ་ {{FolioNumber|[19a]}} རོ་མ་ལག་གཉིས་ཟས་གཞོང་ཐོགས༔  བཅུད་ལེན་རོ་མཆོག་ལྔ་བརྒྱ་ལྡན༔  ཀུན་ཏུ་རོ་མཆོག་ཚིམ་བྱེད་མ༔  རོ་ཡི་ལྷ་མོ་ལྗགས་ལ་ཐིམ༔  ཨོཾ༔  རེག་གི་ལྷ་མོ་ཡོངས་འཁྱུད་མ༔  ཐུགས་ཀ་དག་ནས་ཡོངས་སུ་འཁྱུད༔  ཀུན་ཏུ་རེག་ནི་ཚིམ་བྱེད་མ༔  རེག་བྱའི་ལྷ་མོ་སྐུ་ལ་ཐིམ༔  ཨོཾ༔  ཆོས་ཀྱི་ལྷ་མོ་པུསྟི་བསྣམས༔  ཡིད་ནི་ཚིམ་པར་བྱེད་པ་སྟེ༔  ཐམས་ཅད་མ་ལུས་ཆོས་ཀྱི་དབྱིངས༔  ཆོས་ཀྱི་ལྷ་མོ་ཐུགས་ལ་ཐིམ༔  ཨོཾ་བཛྲ་ཀཱི་ལི་ཀཱི་ལ་ཡ་སརྦ་ཏ་ཐཱ་ག་ཏ་ནཾ༔  རཱུ་པ༔  ཤཔྡ༔  གནྡྷེ༔  ར་ས༔  སྤརྴེ༔  དྷརྨ་ག་ཎ་ཙཀྲ་པཱུ་ཛ་མེ་གྷ་པྲ་ཏཱིཙྪ་ཧོཿ {{TibChung|ཞེས་འདོད་ཡོན་ལྔས་སྤྱིར་མཆོད་ནས།  ཚོགས་རྫས་ཐུན་མོང་དུ་བཏེགས་ལ།}}  ཧཱུཾ༔  བླ་མེད་མཆོག་གི་མཆོད་པ་དམ་པ་འདི༔  ཡེ་ཤེས་ལྔ་ཡི་འོད་ཟེར་རྣམ་པར་འཕྲོ༔  འདོད་པའི་ཡོན་ཏན་ལྔ་ཡིས་རབ་བརྒྱན་ཏེ༔  བླ་མ་ཡི་དམ་ལྷ་ཚོགས་རྣམས་ལ་འབུལ༔  ཨོཾ་གུ་རུ་དེ་ཝ་ཌཱ་ཀི་ནཱི་ག་ཎ་ཙཀྲ་ཁཱ་ཧི༔  {{TibChung|ཞེས་འབུལ་ཞིང་།  སྤྲོ་ན་སྐབས་འདིར་སྐོང་བའི་ལས་རིམ་གཞན་ཡང་བྱའོ།  །གཉིས་པ་བྱེ་བྲག་ཏུ་མཆོད་པ་ནི།  ཚོགས་ཕུད་རིམ་པ་གསུམ་དུ་སྤྲོས་ {{FolioNumber|[19b]}} ལ།  དང་པོ་མཆོད་པ་ནི།}}  ཧཱུྃ༔  དམ་ཚིག་ཆེན་པོའི་དུས་ལ་བབ༔  ཚོགས་ཕུད་མཆོད་པ་བཞེས་སུ་གསོལ༔  སྤྲུལ་པ་ཆེན་པོའི་དུས་ལ་བབ༔  ཚོགས་ཕུད༴   ཕྱག་བརྙན་ཆེན་པོའི་དུས་ལ༴   ཚོགས་ཕུད༴   ཤྭ་ན་མུ་ཁའི་དུས་ལ༴   ཚོགས་ཕུད༴   བདག་ཉིད་ཆེན་མོའི་དུས༴   ཚོགས་ཕུད།  ས་བདག་ཆེན་མོའི་དུས།  ཚོགས་ཕུད་མཆོད་པ་བཞེས་སུ་གསོལ༔  བཛྲ་ཡཀྵ་ཀྲོ་དྷ་ཁཱ་ཧི༔  {{TibChung|བར་པ་བཤགས་པ་ནི།}}  ཡེ་ཤེས་ལྷ་ལ་རྟོག་པ་མི་མངའ་ཡང་༔  དེ་ཡི་འཁོར་དུ་གཏོགས་པའི་ལྷ་སྲིན་རྣམས༔  མི་ཡི་སྐྱོན་མཐོང་ཙམ་ན་བར་ཆད་རྩོམ༔  བདག་ཅག་མ་རིག་སྒོ་གསུམ་བག་མེད་པས༔  འདོད་ཁྲོ་གཏི་མུག་དབང་གིས་ནོངས་བྱས་བཤགས༔  ཚོགས་ཀྱིས་མཆོད་དོ་ཚངས་དབང་དངོས་གྲུབ་སྩོལ༔  ས་མ་ཡ་ཧོཿ ས་མ་ཡ་ཏིཥྛ་སྟྭཾ༔ {{TibChung|ཐ་མ་བསྒྲལ་སྟོབ་ནི།  བྲུབ་ཁུང་དུ་ལིངྒ་བཅས་པའམ་ཚོགས་ཐ་མ་ལ་དམིགས་རྟེན་བྱས་ཏེ།}}  ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་དགྲ་བགེགས་མཱ་ར་ཡ་ཧཱུཾ་ཕཊ༔  {{TibChung|ཅེས་བརྗོད་པས།}}  བདག་ཉིད་དཔལ་ཆེན་པོའི་ཐུགས་ཀ་ནས་སྤྲུལ་པའི་ཁྲོ་ཚོགས་ཕོ་ཉ་གྲངས་མེད་ {{FolioNumber|[20a]}} པ་སྟོང་ཁམས་གང་བར་འཕྲོས་པས་དམིགས་བྱ་རང་དབང་མེད་པར་བཀུག་སྟེ་མདུན་གྱི་ལིངྒ་ལ་ཐིམ་པར་{{TibChung|བསམ་ཞིང་།  བདེན་སྟོབས་བརྗོད་པ་སྔོན་དུ་འགྲོ་བས།}}  ཨོཾ་བཛྲ་ཀཱི་ལི་ཀཱི་ལ་ཡ་དགྲ་བགེགས་གནོད་བྱེད་ཛཿཧཱུཾ་བཾ་ཧོཿ ཤྰི་གྷ྄ཾ་ཨཱ་ན་ཡ་ཧཱུཾ་ཕཊ༔ {{TibChung|ཅེས་དགུག་གཞུག་བྱས་ལ།}}  ཧཱུྃ་ཛཿདམ་ཚིག་ཆེན་པོའི་དུས་ལ་བབ༔  སྤྲུལ་པ་ཆེན་པོའི་དུས་ལ་བབ༔  ཕྱག་བརྙན་ཆེན་པོའི༴   ཤྭ་ན་མུ་ཁའི༴   བདག་ཉིད་ཆེན་མོའི༴   ས་བདག་ཆེན་མོའི༴   ཁྱེད་ཀྱི་ཕྲིན་ལས༴   མཐུ་རྩལ་དབྱུང་བའི་དུས༴   ཅེས་{{TibChung|ཕོ་ཉ་བསྐུལ།}}  ཧཱུཾ༔  བྱང་ཆུབ་མཆོག་ཏུ་སེམས་བསྐྱེད་ཅིང་༔  དུས་གསུམ་རྒྱལ་བའི་གདུང་འཚོབ་པའི༔  རིག་འཛིན་བདག་ཅག་རྣམས་ལ་ནི༔  གནོད་ཅིང་གདུག་པའི་དགྲ་དང་བགེགས༔  བདུད་དང་བར་དུ་གཅོད་པ་རྣམས༔  ཁྲོ་བོ་ཆེན་པོའི་བྱིན་རླབས་ཀྱིས༔  ཡུད་ཙམ་གྱིས་ནི་འདིར་བཀུག་ནས༔  མངོན་སྤྱོད་ཚུལ་བཞིན་བསྒྲལ་བ་དང་༔  ལུས་ངག་རྡུལ་དུ་བཤིག་ནས་ཀྱང་༔  སྡུག་བསྔལ་ཉམས་སུ་མྱོང་བར་མཛོད༔  ཨོཾ་ལཾ་ཧཱུཾ་ལཾ་སྟྭམྦྷ་ཡ་ནན་མོ་ཧཱ་གྷྰ་ཏ་ཡ་བྷ་ག་ཝཱན་ཧྲཱིཿ  ཀྲི་ཤྰི་ {{FolioNumber|[20b]}} བི་ཀྲི་བཛྲ་ཧཱུཾ་ཀཱ་ར་ཧཱུཾ༔  བཛྲ་ཀཱི་ལི་ཀཱི་ལ་ཡ་ཛཿཧཱུཾ་བཾ་ཧོཿ སརྦ་བིགྷྣཱན་བཛྲ་ཀཱི་ལི་ཀཱི་ལ་ཡ་ཧཱུྃ་ཕཊ༔   བཛྲ་ཧཱུཾ་ཀཱ་ར་ཧཱུཾ་ཕཊ༔  ཧཱུྃ་ཀཱ་ར་ཧཱུྃ་ཨ་ཕཊ༔  {{TibChung|ཅེས་གསལ་བ་གསུམ་ལྡན་གྱི་ངང་ནས་སྲས་མཆོག་གི་ཕུར་བུ་བསྒྲིལ་ཞིང་བཏབ་སྟེ་ཚེ་ཁྲུས་ཀྱི་དགོངས་པས་རྣམ་ཤེས་བདེ་བ་ཆེན་པོའི་འཁོར་ལོར་སྦྱར་ནས་བརྟེན་པ་དབྱིངས་སུ་བསྒྲལ།  སླར་ཡང་བག་ཆགས་ཀྱི་རྟེན་གཞི་བསྒྲལ་བའི་ཕྱིར།}}  དངོས་གྲུབ་བར་ཆད་བྱེད་པའི་བགེགས༔  གདུག་ཅིང་སྡང་སེམས་ལྡན་པ་རྣམས༔  ཟུངས་ཤིག་རྒྱོབ་ཅིག་རྣམ་པར་ཆིངས༔  གཏོགས་ཤིག་གྲོགས་དང་བྲལ་བར་གྱིས༔  རིངས་པར་ཁུག་ལ་སྨྲར་ཆུ་གཅིག༔  ཕོབ་ཅིག་རྣམ་པར་གཟིར་བར་གྱིས༔  ང་ཡི་དབང་དུ་གྱུར་ནས་ཀྱང་༔  བསྒོ་བའི་བཀའ་ལ་གཉན་པར་བྱོས༔  ཧཱུྃ་པ་ར་བིདྱཱ་ཙྪིནྡྷ་ཙྪིནྡྷ་ཧཱུྃ་ཕཊ༔  བིནྡྷ་བྷིནྡྷ་ཧཱུྃ་ཕཊ༔  གྲྀཧྞ་གྲྀཧྞ་ཧཱུཾ་ཕཊ༔  ཧ་ན་ཧ་ན་ཧཱུྃ་ཕཊ༔  བྷིནྡྷ་བྷིནྡྷ་ཧཱུྃ་ཕཊ༔  ཏྲྰ་ཤ་ཡ་ཏྲྰ་ཤཱ་ཡ་ཧཱུྃ་ཕཊ༔  ཧ་ས་ཡ་ར་ཧ་ས་ཡ་ར་ཧྲི་དཎྜ་ཧཱུྃ་ཕཊ༔  ཤྰི་གྷྲཾ་ཨཱ་ན་ཡ་ཧཱུཾ་ཕཊ༔  ཛྭ་ལ་པ་ཡ་ཛྭ་ལ་པ་ཡ་ཧཱུྃ་ཕཊ༔  ཨཱ་བེ་ཤ་ཡ་ཨ་བེ་ཤ་ཡ་ཧཱུྃ་ཕཊ༔  བྷིནྡྷ་ཡ་བྷིནྡྷ་ཡ་ཧཱུྃ་ཕཊ༔  བྲན་དང་བཀའ་ཉན་ཕོ་ཉའི་ཚོགས༔  ཁྱེད་ཀྱི་དམ་ཚིག་དུས་ལ་བབ༔  སྔོན་ཆད་ {{FolioNumber|[21a]}} ཁས་བླངས་དམ་བཅས་བཞིན༔  མངོན་སྤྱོད་ཕྲིན་ལས་གྲུབ་པར་མཛོད༔  ཧ་ན་ཧ་ན་བཛྲ༔  ད་ཧ་ད་ཧ་བཛྲ༔  པ་ཙ་པ་ཙ་བཛྲ༔  མ་ཐ་མ་ཐ་བཛྲ༔  ཛྭ་ལ་ཛྭ་ལ་བཛྲ༔  སུ་རུ་སུ་རུ་བཛྲ༔  མུ་རུ་མུ་རུ་བཛྲ༔  ཀ་ཊཾ་ཀ་ཊ་ཡེ༔  ཛ་ཡེ་བི་ཛ་ཡེ༔  ཨ་ཛི་ཏེ་ཨ་པ་ར་ཛི་ཏེ༔  མཱ་ར་སེ་ན་པྲ་མཱརྡྷ་ནི་ཧཱུྃ་ཕཊ༔  {{TibChung|ཅེས་ཁྲོ་བོ་ཁྲོ་མོའི་ཕུར་བུའམ་ལས་ཕུར་དེར་མོས་པས་གནས་སོ་སོར་གདབ་ཅིང་སྤུ་གྲིའི་སྔགས་ཀྱིས་ཐུན་རྫས་སྣ་ཚོགས་པས་བྲབ།}}  རྡོ་རྗེ་གསང་བའི་བཀའ་ལས་ནི༔  སྡིག་ཅན་གང་ཞིག་འདའ་བྱེད་པ༔  སྟོབས་ཆེན་ཁྲོ་བོ་ཆེན་པོ་ཡིས༔  ཀླད་པ་ཚལ་པ་བརྒྱ་རུ་ཁོས༔  ཉོན་ཅིག་བགེགས་དང་ལོག་འདྲེན་ཚོགས༔  ང་ཡི་བཀའ་ལས་འདའ་མ་བྱེད༔  ཧཱུྃ་མ་མ་པཱ་ཤཾ་ཀུ་རུ་མ་ཏཾ་ཉ་ན་ཀ་ར་ཨི་དན་དྷ་ཏི་མ་མ་ཤྰི་གྷྲཾ་ཀ་རེ་ཡེ་ཧཱུྃ་ཕཊ༔  གདུག་ཅིང་སྡང་སེམས་ལྡན་པ་ཡི༔  ལྷའམ་འོན་ཏེ་བདུད་ཀྱང་རུང་༔  ང་ལ་བར་ཆད་བྱེད་པའི་བགེགས༔  མཐུ་དང་རྫུ་འཕྲུལ་མེད་པར་བྱོས༔  སརྦ་ཨཱ་ན་ཡ་ཧཱུཾ་ཕཊ༔  ཏ་ཐཱ་ཡ་ཏ་ཐཱ་ཡ་ཧཱུཾ་ཕཊ༔  {{TibChung|ཅེས་མཚོན་ཆའི་ཆར་བབས་པར་བསམ་ལ་རལ་གྲིས་གཏུབ་ཅིང་འཁོར་འདས་ཀྱི་མཐའ་བསལ།}}  རྡུངས་ཤིག་རྡོ་རྗེ་ {{FolioNumber|[21b]}} འབར་བའི་གཏུན༔  བཀའ་ལས་འདའ་བྱེད་སྡིག་ཅན་འདི༔  རྡོ་རྗེ་མེ་དབལ་སྙིང་བསྲེགས་ནས༔  ལུས་ངག་རྡུལ་ཕྲན་བཞིན་དུ་རློག༔  ཁྲོ་མོ་འབར་བའི་གཏུན་ཁུང་དུ༔  རྡོ་རྗེ་ཐོ་བས་བརྡུངས་བྱས་ནས༔  ལྷ་ཡང་རུང་སྟེ་བསྒྲལ་བར་བྱ༔  བཅོལ་བའི་ཕྲིན་ལས་གྲུབ་པར་མཛོད༔  ཁ་ཏཾ་ཁ་ཏཾ་ཁ་ཏཾ༔  ཧཱུྃ་ཧཱུྃ་ཧཱུྃ༔  ་ཕཊ་ཕཊ་ཕཊ༔  {{TibChung|ཅེས་ཐོ་བས་བརྡུང་ངོ་།  །སྙིགས་མའི་ཕུང་པོ་བདུད་རྩིར་སྦར་བ་དཔལ་གྱི་གཏོར་མར་བསྟབ་ལ།}}   ཧཱུྃ༔  དཔལ་ཆེན་འཁོར་བཅས་ཞལ་ཕྱེས་ཤིག༔  དགྲ་བགེགས་བསྒྲལ་བའི་ལྔ་ཕུང་འདི༔  དཔལ་ཆེན་ཡབ་ཡུམ་ཞལ་དུ་བསྟབ༔  ཁྲོ་རྒྱལ་ཡབ་ཡུམ་ཞལ་དུ་བསྟབ༔  སྲས་མཆོག་འབར་བའི་ཞལ་དུ་བསྟབ༔  ཟ་གསོད་སྒོ་མའི་ཞལ་དུ་བསྟབ༔  མཁའ་འགྲོ་གིང་ཚོགས་ཞལ་དུ་བསྟབ༔  སྡང་དགྲ་གདོན་བགེགས་འཁོར་བཅས་རྣམས༔  རྡུལ་ཕྲན་ཙམ་ཡང་མེད་པར་རོལ༔  བཛྲ་ཡཀྵ་ཀྲོ་དྷ་ཁ་ཁ་ཁཱ་ཧི་ཁཱ་ཧི༔  ཧ་ཧ་ཧ༔  ཧཱུྃ་ཧཱུྃ་ཧཱུྃ༔  ཕཊ་ཕཊ་ཕཊ༔  {{TibChung|གཉིས་པ་བཅོལ་བསྐུལ་བྱ་བ་ནི།  ཕོ་ཉ་འདུས་པའི་གཙོ་བོས་ཕུར་བུ་འདྲིལ།  བཤུགས་པས་འབོད་ཅིང་རྔ་ཐབས་དང་བསྟུན་ལ།}}  ཧཱུྃ་ཛཿདམ་ཚིག་ཆེན་པོའི་ {{FolioNumber|[22a]}} དུས་ལ་བབ༔  {{TibChung|ཅེས་སོགས་བབ་བརྒྱད་ཀྱིས་ཕོ་ཉ་བསྐུལ་ནས}}བྱང་ཆུབ་མཆོག་ཏུ་སེམས་བསྐྱེད་ཅིང་༔  {{TibChung|སོགས་ཕྲིན་ལས་བཅོལ་བ་ལས་རིམ་བདུན་གྱི་སྔགས་རྣམས་དོར་ལ་གོང་བཞིན་དྲག་ཏུ་བརྗོད་པས་བསྐུལ་ལོ།  །དེ་ཡང་ཚོགས་ཐ་མར་ཕུར་གདབ་ཀྱིས་བརྟེན་པ་བསྒྲལ་བ་ཙམ་གྱི་མཐར་བསྟབ་པ་སྦྱར་ན་གོང་གི་བཅོལ་བསྐུལ་ངེས་པར་བྱ་ཞིང་།  གདབ་ཁ་རྫོགས་པར་བྱས་ན་བཅོལ་བསྐུལ་མ་བྱས་ཀྱང་ཆོག་གོ  །དེ་ནས་ཐ་མལ་གྱི་རྟོག་པའི་འཆིང་བ་དགྲོལ་ཕྱིར་ལས་ཀྱི་རྡོ་རྗེས་འཁོར་ལོའི་འདུས་པའི་གཙོ་བོ་ལ་ཕྱག་བཅས་ཐབས་ཤེས་ཀྱི་དམ་རྫས་བསྣོལ་མར་སྟོབ་ཅིང་།}}  ཚོགས་ཀྱི་མཆོད་པ་རྒྱན་དུ་རོལ།  །{{TibChung|ཞེས་དྲངས།  ལེན་པ་པོས།}}  ཨ་ལ་ལ་ཧོཿ {{TibChung|ཞེས་བརྗོད་ཅིང་བླང་།  འདུས་པ་རྣམས་ལའང་བྲིམས་ཏེ་བཟའ་བའི་དམ་ཚིག་ནང་གི་སྲེག་བླུགས་ཀྱི་སྒོ་ནས་ཚིམས་བར་ལོངས་སྤྱད་དོ།  །གསུམ་པ་ལྷག་མའི་ཆོ་ག་ནི།  ལྷག་མ་བསྡུས་པའི་དམེ་གཏོར་དང་།  ཕུད་སོ་སོར་བཤམས་པ་སྨན་རཀ་བྲན་ཏེ།}}  ཧཱུྃ༔  དང་པོ་ཕུད་ཀྱིས་མི་མཆོད་དུ༔  རྡོ་རྗེ་གཞོན་ནུ་ཕུད་ཀྱི་བདག༔  བར་དུ་སྤྲིན་ལྟར་མི་གཏིབས་སུ༔  དགེ་བའི་བཤེས་གཉེན་གཉན་གྱི་བཀའ༔  ཐ་མ་གཅིག་ཏུ་མི་བསྲེ་རུ༔  མ་ཚོགས་དབང་ཕྱུག་ལྷག་མའི་གནས༔  ལྷག་མ་ཁ་ {{FolioNumber|[22b]}} ཆུས་མི་བྲན་དུ༔  ཁྱོད་དང་ངེད་གཉིས་དམ་ཚིག་གཅིག༔  ཡེ་ནས་འདུ་འབྲལ་མེད་དོན་དུ༔  ཚུལ་བཞིན་མཆོད་ཀྱིས་ད་ཚུར་བྱོན༔  {{TibChung|ཞེས་བརྗོད་ནས་ཕུད་ལྷག་བསྲེ།}}  ཨོཾ་ཨཱཿཧཱུྃ་པཉྩ་ཨ་མྲྀ་ཏ་ཧཱུྃ་ཧ་ཧོ་ཧྲཱིཿ  {{TibChung|ཞེས་བདུད་རྩིའི་ཁ་ཆུ་བྲན་པས།}}  ལྷག་མའི་དམ་ཚིག་འདོད་ཡོན་གྱི་ཕུང་པོ་ཟད་མི་ཤེས་པས་ནམ་མཁའ་གང་བར་{{TibChung|བསམ་ལ།}}  ཧཱུྃ༔  བྲན་དང་བཀའ་ཉན་ཕོ་ཉའི་ཚོགས༔  ཁྱེད་ཀྱི་དམ་ཚིག་དུས་ལ་བབ༔  སྔོན་ཆད་ཇི་ལྟར་དམ་བཅས་པའི༔  མངོན་སྤྱོད་ཕྲིན་ལས་གྲུབ་པར་མཛོད༔  ལྷག་མའི་མཆོད་པ་འདི་བཞེས་ལ༔  བསྟན་པ་གཉན་པོ་བསྲུང་དུ་གསོལ༔  མ་ཧཱ་པཉྩ་ཨ་མྲྀ་ཏ་ཁཱ་ཧི༔  མ་ཧཱ་བ་ལིཾ་ཏ་ཁཱ་ཧི༔  མ་ཧཱ་རཀྟ་ཁཱ་ཧི༔  བུདྡྷ་ཌཱ་ཀི་ནཱི༔   རཏྣ་ཌཱ་ཀི་ནཱི༔  པདྨ་ཌཱ་ཀི་ནཱི༔  ཀརྨ་ཌཱ་ཀི་ནཱི༔  སརྦ་ཌཱ་ཀི་ནཱི་ཁ་ཁ་ཁཱ་ཧི་ཁཱ་ཧི༔  ཀིང་ཀ་ར་མ་ཧཱ་པཉྩ་བ་ལིཾ་ཏ་ཁཱ་ཧི༔  {{TibChung|ཞེས་རོལ་མོའི་སྒྲ་དང་བཅས་པས་གཏོར་མ་ཕྱི་རོལ་དུ་དོར་དོ།  །བཞི་པ་སྨོན་ལམ་གདབ་པ་དང་།  ལྔ་པ་བཟོད་པར་གསོལ་བ་ནི་སྤྱིའི་འགྲོས་བཞིན་འཁྲུགས་སྡེབས་ཀྱིས་འོག་ཏུ་སྟོན་ནོ།  །དྲུག་པ་གཏོར་མ་གཏོང་བ་ལ་གསུམ་ལས།  དང་པོ་ཆད་མདོ་བསྒྲགས་པ་ནི།  གཏོར་མ་ཕྱིར་བསྣུར་ལ་སྨན་རཀ་སྦྲེང་ཞིང་།}}  ཧཱུྃ༔   {{FolioNumber|[23a]}} སྔོན་ཚེ་འདས་དུས་བསྐལ་པའི་དང་པོ་ལ༔  འོག་མིན་གསང་བ་མཆོག་གི་དཀྱིལ་འཁོར་དུ༔  བཅོམ་ལྡན་དཔལ་ཆེན་རྡོ་རྗེ་གཞོན་ནུ་ཡིས༔  རིགས་ཀྱི་ཁྲོ་རྒྱལ་ཐམས་ཅད་དབང་བསྡུས་ནས༔  སོ་སོའི་སྐུ་གསུང་ཐུགས་སུ་བསྟན་ནས་ཀྱང་༔  ཇི་ལྟར་ཁས་བླངས་དམ་བཅས་ཇི་བཞིན་དུ༔  མཆོད་གཏོར་བཞེས་ལ་བཅོལ་བའི་ཕྲིན་ལས་མཛོད༔  དེ་འོག་བར་གྱི་བསྐལ་པ་དབུས་མ་ལ༔  མོན་ཁ་སྣ་རིང་སེང་གེ་རྫོང་གསུམ་དུ༔  སློབ་དཔོན་ཆེན་པོ་པདྨ་འབྱུང་གནས་དང་༔  སློབ་མ་ཇོ་མོ་མཁར་ཆེན་མཚོ་རྒྱལ་གྱིས༔  རྡོ་རྗེ་ཕུར་པའི་དཀྱིལ་འཁོར་ཞལ་ཕྱེས་ཚེ༔  ཕུར་སྲུང་བཅུ་གཉིས་གིང་དང་དམ་ཅན་གྱིས༔  སོ་སོའི་སྐུ་གསུང་ཐུགས་སུ་བསྟན་ནས་ཀྱང་༔  ཇི་ལྟར་ཁས་བླངས་དམ་བཅས་ཇི་བཞིན་དུ༔  མཆོད་གཏོར་བཞེས་ལ་བཅོལ་བའི་ཕྲིན་ལས་མཛོད༔  དེ་འོག་དུས་ཀྱི་བསྐལ་པའི་ཐ་མ་ལ༔  རྔ་ཡབ་གླིང་ཕྲན་ཟངས་མདོག་དཔལ་རིའི་རྩེར༔  སློབ་དཔོན་ཆེན་པོ་པདྨ་ཐོད་ཕྲེང་དང་༔  རིག་འཛིན་སྔགས་འཆང་པདྨ་གླིང་པ་ཡིས༔  ཡང་གསང་བླ་མེད་དཀྱིལ་འཁོར་ཞལ་ཕྱེས་ཚེ༔   {{FolioNumber|[23b]}} བཀའ་ཡི་སྲུང་མ་དམ་ཅན་རྒྱ་མཚོ་ཡིས༔  སོ་སོའི་སྐུ་གསུང་ཐུགས་སུ་བསྟན་ནས་ཀྱང་༔  ཇི་ལྟར་ཁས་བླངས་དམ་བཅས་ཇི་བཞིན་དུ༔  མཆོད་གཏོར་བཞེས་ལ་བཅོལ་བའི་ཕྲིན་ལས་མཛོད༔  {{TibChung|ཅེས་གཟའ་རྒྱུ་ཕྱོགས་དང་བསྟུན་ཏེ་གཏོང་།  འདིར་གཏོར་མ་ཟོར་དུ་བསྐུལ་བའི་ཚུལ་འབྱུང་མོད།  དཀྱུས་སུ་མི་དགོས་པས་མ་སྨོས་ཤིང་སྐབས་སུ་བབས་ན་ལོགས་སུ་བལྟའོ།  །གཉིས་པ་བརྟན་མ་སྐྱང་བ་ནི།  སྨན་ཕུད་ཀྱི་བཤལ་ཆུ་བྲན་ལ།}}  བྷྱོ༔  བསྟན་མ་བཅུ་གཉིས་འཁོར་དང་བཅས༔  ཁྱེད་ཅག་སྔོན་གྱི་ཡལ་གམ་ཅན༔  སློབ་དཔོན་པདྨ་ཐོད་ཕྲེང་དང་༔  སློབ་མ་མཁར་ཆེན་མཚོ་རྒྱལ་གྱིས༔  མོན་ཁ་སྣ་རིང་རྫོང་གསུམ་དུ༔  ཞིང་ཆེན་བསྒྲལ་བའི་གདན་སྟེངས་སུ༔  རྣལ་འབྱོར་གྲལ་ལ་བཞག་ནས་ནི༔  ཐར་པ་ཐོབ་པར་མཚན་ཡང་བཏགས༔  སྒྲུབ་པ་པོ་ལ་ཕན་གདགས་ཕྱིར༔  བྲན་གྱི་ཚུལ་དུ་ཁས་བླངས་ནས༔  དམ་ལ་མ་འདའ་ད་ཚུར་བྱོན༔  བཀའ་ཡི་གཏོར་མ་འདི་ལོངས་ལ༔  བཅོལ་བའི་ཕྲིན་ལས་གྲུབ་པར་མཛོད༔  མ་མ༔  ལ་ལ༔  ཏ་ཏ༔  ཏེ་ཏེ༔  པཉྩ་བ་ལིང་ཏ་ཁཱ་ཧི༔  {{TibChung|གསུམ་པ་བྲོ་བརྡུང་བ་ནི།}}  ཧཱུཾ༔  བཅོམ་ལྡན་ {{FolioNumber|[24a]}} དཔལ་ཆེན་ཧེ་རུ་ཀ༔  ང་ནི་རྡོ་རྗེ་གཞོན་ནུའི་སྐུ༔  འཁོར་ལོ་རྒྱས་འདེབས་ཡུམ་དང་རོལ༔  ཕྱོགས་བཅུའི་ཁྲོ་རྒྱལ་ཡབ་ཡུམ་བཅས༔  ཕྱག་བརྙན་ཁྲ་ཐབས་སྒོ་མར་བཅས༔  སྤྲུལ་པ་ཡང་སྤྲུལ་སྲུང་མས་བསྐོར༔  གཏུམ་ཆེན་དུས་མཐའི་མེ་ལྟར་འབར༔  ཡེ་ཤེས་ཚྭ་ཚྭ་སྐར་ལྟར་འཁྲུག༔  ཞལ་གསུམ་ཕྱག་དྲུག་ཞབས་བཞི་བགྲད༔  སྐུ་ལ་དུར་ཁྲོད་ཆས་རྣམས་རྫོགས༔  རྡོ་རྗེའི་གཤོག་པ་ཕྱོགས་བཅུར་གཏམས༔  ཧཱུྃ་གི་འབྲུག་སྒྲ་དི་རི་རི༔  ཕཊ་ཀྱི་རྐན་སྒྲ་ཆེམས་སེ་ཆེམ༔  ཁྲོ་བོའི་གར་སྟབས་ཤིགས་སེ་ཤིག༔  རྡོ་རྗེ་བྲོ་སྟབས་ཆེམས་སེ་ཆེམ༔  གཡས་སུ་བསྐོར་ཏེ་དགྲ་ལ་བརྡུང་༔  དགྲ་ནི་དུམ་བུར་གཏུབ་པའི་བྲོ༔  གཡོན་དུ་བསྐོར་ཏེ་བགེགས་ལ་བརྡུང་༔  བདུད་ནི་ཕྱེ་མར་འཐག་པའི་བྲོ༔  གཡས་གཡོན་ཐབས་ཤེས་སྲི་ལ་བརྡུང་༔  དམ་སྲི་ཐལ་བར་རློག་པའི་བྲོ༔  མ་རུངས་དམ་མེད་དྲེགས་པའི་ཚོགས༔  གཞོབ་རྒོད་རྡོག་པས་བརྫིས་པ་ལྟར༔  ཐལ་བའི་རྡུལ་དུ་བརླག་པར་བྱ༔  བསྐལ་པའི་མཐའ་རུ་སྟྭམ་བྷ་ནན༔  ཨོཾ་ལཾ་ཧཱུྃ་ལཾ་སྟྭམ་བྷ་ཡ་ {{FolioNumber|[24b]}} ནན༔  ཡ་མ་དམ་སྲི་ནྰ་ག་རཱ་ཙ་ཛ༔  ནན༔  {{TibChung|ཞེས་མནན་ནོ།  །བདུན་པ་དཀྱིལ་འཁོར་བསྡུ་བ་ནི།  ཐོག་མར་གཏང་རག་གི་དོན་དུ།}}  ཨོཾ་ཤྲཱི་བཛྲ་ཀུ་མཱ་ར་ས་པ་རི་ཝཱ་ར་ཨརྒྷཾ་ནས།  ཤཔྡའི་བར་དང་།  མ་ཧཱ་པཉྩ་ཨ་མྲྀ་ཏ་ཁཱ་ཧི༔  མ་ཧཱ་རཀྟ་ཁཱ་ཧི༔  མ་ཧཱ་བ་ལིནྡ་ཁཱ་ཧི༔  {{TibChung|ཞེས་མཆོད་ཅིང་།}}  ཧཱུྃ༔  སྲིད་གསུམ་གདུག་པ་འདུལ་བ་དང་༔  ང་རྒྱལ་ཆེན་པོ་གཞོམ་པའི་ཕྱིར༔  རྡོ་རྗེ་སྲིན་པོའི་ལྷ་ཚོགས་ལ༔  རྩེ་གཅིག་ཡིད་ཀྱིས་ཕྱག་འཚལ་བསྟོད༔  {{TibChung|ཅེས་བསྟོད།}}  ཧོཿ  དཔལ་ཆེན་པོའི་ལྷ་ཚོགས་ཐམས་ཅད་དགོངས་སུ་གསོལ༔   ཏ་ན་སྒྲོལ་བ་གནས་སུ་མ་སྟོབ་པ་དང་༔  ག་ན་སྦྱོར་བ་བྱིན་གྱིས་མ་རློབ་པ་དང་༔  མཆོད་སྔགས་ཏིང་འཛིན་མ་དག་ཅིང་ཉམས་པ་དང་༔  དགེ་བ་བཅུ་དང་དུ་མ་ལོངས་ཤིང་མི་དགེ་བ་བཅུ་རྩ་བ་ནས་མ་ཆོད་པ་དང་༔  བཀའ་བཞིན་གཞུང་མ་བསྲངས་པ་དང་༔  དམ་ཚིག་རྩ་བ་དང་ཡན་ལག་ཉམས་ཆག་ཏུ་གྱུར་པ་ཅི་མཆིས་པ་ཐམས་ཅད་མཐོལ་ཞིང་བཤགས་ན་བཟོད་པ་དམ་པ་མཛད་དུ་གསོལ་ལོ༔  ཚེ་འདིའི་རྐྱེན་དང་ཕྱི་མའི་སྒྲིབ་པར་མི་འགྱུར་པའི་ཚངས་པ་སྩལ་དུ་གསོལ༔  {{TibChung|ཞེས་དང་ཡི་གེ་བརྒྱ་བ་བཟླས་པས་ནོངས་པ་བཟོད་པར་ {{FolioNumber|[25a]}} གསོལ།  མདུན་དཀྱིལ་དང་འབྲེལ་བའི་ཡེ་ཤེས་པ་རྟེན་ལ་བརྟན་བཞུགས་སམ་གཤེགས་སུ་གསོལ་བ་གང་མོས་བྱས་ལ།  བདག་བསྐྱེད་ཀྱི་དཀྱིལ་འཁོར།}}  ཧཱུྃ་ཧཱུྃ་ཧཱུྃ།  ཕྱི་ནང་སྣོད་བཅུད་ཐམས་ཅད་ཀུན།  །དཀྱིལ་འཁོར་གཅིག་ཏུ་རྫོགས་པ་ཡང་།  །མཐའ་ནས་བསྡུས་ཏེ་གཙོ་ལ་ཐིམ།  །དེ་ཡང་ཐུགས་སྲོག་ཧཱུྃ་ཡིག་ལ།  །ཧཱུྃ་ཡང་རིམ་བཞིན་གྱེན་རྫོགས་ངང་།  །ཆོས་ཉིད་གསལ་སྟོང་ཀློང་དུ་བཞག  །{{TibChung|ཅེས་བསྐྱེད་པའི་སྣང་ཆ་འོད་གསལ་དུ་བསྡུས་པས་རྟག་མཐའ་བསལ།  བརྒྱད་པ་རྒྱུན་གྱི་ཏིང་ངེ་འཛིན་ནི།}}   ཕཊ་ཕཊ་ཕཊ།  སླར་ཡང་ཆུ་ལས་ཉ་ལྡང་བཞིན།  །དཔལ་ཆེན་སྐུ་རུ་ལམ་གྱིས་གསལ།  །གནས་གསུམ་འབྲུ་གསུམ་རྡོ་རྗེའི་གོ  །སྣང་སྲིད་ལྷ་སྔགས་ཡེ་ཤེས་ཆེ།  །ཧཱུྃ་ཧཱུྃ་བཛྲ་ཀཱ་ཝཱ་ཙི་ཧཱུྃ།  བཛྲ་ཙཀྲ་ཏིཀྵྞ་ཀརྨ་ཀཱི་ལ་ཡ་ཛྭ་ལ་རྃ་ཧཱུྃ་ཕཊ༔  {{TibChung|ཅེས་ཟུང་འཇུག་གི་སྐུར་ལྡངས་ཏེ་སྣོད་བཅུད་ལྷའི་འཁོར་ལོར་སྦྱང་བས་ཆད་མཐའ་བསལ་ཏེ།}}  ཧོ་དགོངས་སུ་གསོལ་ལོ༔  ཆོས་ཉིད་ཀྱི་བདེན་པའོ༔  གསང་སྔགས་ཀྱི་བྱིན་རླབས་སོ༔  སངས་རྒྱས་ཀྱི་མཐུའོ༔  ཨ་བྷི་ཙརྻའི་དུས་ལ་བབས་སོ༔  བརྣག་པ་དེ་ཁོ་ནའོ༔  དེ་ལྟར་གསང་སྔགས་ཀྱི་སྤྱོད་པ་རྨད་དུ་བྱུང་ {{FolioNumber|[25b]}} བ་སྤྱད་པའི་མཐུ་བྱིན་གྱིས༔  བཅོམ་ལྡན་འདས་དཔལ་རྡོ་རྗེ་གཞོན་ནུའི་སྐུ་གསུང་ཐུགས་ཡོན་ཏན་ཕྲིན་ལས་མི་ཟད་པ་རྒྱན་གྱི་འཁོར་ལོ་ལ་ལོངས་སྤྱོད་ཅིང་སྐལ་བ་མཉམ་པར་གྱུར་ཅིག༔  {{TibChung|ཅེས་སྨོན་ལམ་གདབ།  ཤིས་པར་བྱ་བའི་ཕྱིར་མེ་ཏོག་གི་ཆར་དབབ་ལ།}}  རྡོ་རྗེའི་དབྱིངས་ནས་སྨིན་གྲོལ་བྱིན་རླབས་སྩོལ།  །རིག་འཛིན་རྩ་བརྒྱུད་བླ་མའི་བཀྲ་ཤིས་ཤོག  །ཡེ་ཤེས་ཀློང་ནས་དངོས་གྲུབ་ཆར་བཞིན་འབེབས།  །ཡི་དམ་དཀྱིལ་འཁོར་ལྷ་ཡི་བཀྲ་ཤིས་ཤོག  །དམ་ལྡན་སྐྱོང་ཞིང་ཕྲིན་ལས་ཐོགས་མེད་སྒྲུབ།  །མཁའ་འགྲོ་ཆོས་སྐྱོང་སྲུང་མའི་བཀྲ་ཤིས་ཤོག  །གནས་སྐབས་ཞི་རྒྱས་དབང་སོགས་ཕྲིན་ལས་ཀྱིས།  །དགོས་འདོད་ལྷུན་གྱིས་འགྲུབ་པའི་བཀྲ་ཤིས་ཤོག  །མཐར་ཐུག་ཡེ་ཤེས་རྡོ་རྗེ་གཞོན་ནུའི་སྐུ།   །ཟུང་འཇུག་མཆོག་དངོས་འགྲུབ་པའི་བཀྲ་ཤིས་ཤོག  །{{TibChung|ཅེས་སོགས་ཤིས་པ་བརྗོད་པའི་ཚིགས་ཕྲེང་རྒྱ་ཆེར་སྤེལ་བས་བདེ་ལེགས་སུ་བྱའོ།  །ཚུལ་འདི་ལ་གཏེར་སྟོན་ཆེན་པོ་ཉིད་ཀྱི་ལྗགས་བསྒྲིགས་ཀྱིས་མཚོན་རྒྱས་བསྡུས་འདྲ་མིན་ཁ་ཅིག་སྣང་བ་ལས།  ཀུན་མཁྱེན་ཚུལ་ཁྲིམས་རྡོ་རྗེས་མཛད་པ་ཉིད་གཏེར་གཞུང་གི་དགོངས་པར་འབྱོར་ཆེ་བས་དེ་ཉིད་གཞིར་བཟུང་།  རྩ་བའི་སྡོམ་བྱང་ལས་ {{FolioNumber|[26a]}} གཞུང་ཁ་སྐོང་དང་བཅས་པ་དང་།  རང་དོན་བྱང་ཆུབ་ནར་མར་སྒྲུབ་པའི་མདོ་བྱང་རྣམས་གུང་བསྡེབས།  མངོན་རྟོགས་རྣམས་གུ་རུའི་ཆོག་ཁྲིགས་རྒྱུད་གཞུང་གི་མཆན་བུ་ཁོ་ན་གྱེར་སྒོམ་བདེ་བར་ཚིགས་བཅད་དུ་བསྒྲིག  །འདོན་བྱ་ཕལ་ཆེར་གཏེར་གཞུང་རྩ་བའི་རྒྱུད་ཚིག་ཤ་སྟག་བཅས་བཅོས་མ་སོང་བར་བྱས།  ཆོ་གའི་ཡན་ལག་མེད་དུ་མི་རུང་བ་འགའ་ཞིག་གསང་བ་སྤྱིའི་འགྲོས་དང་བསྟུན་ནས་རིགས་མཐུན་གྱི་གཏེར་ཚིག་དང་ངག་རྩོམ་ཇི་ལྟར་རིག་པས་བརྒྱན་ཏེ་འཇུག་བདེ་རྣམ་གསལ་གཙང་དག་ཏུ་སྤེལ་བར་བགྱིས་པའོ།  །ཕྲིན་ལས་ཕུར་པའི་མདོ་ཏིག་ཀུན་དྲིལ་བ།  །སྤུ་གྲིར་འབྲེལ་བ་ཡང་སྙིང་གསང་སྒྲུབ་གཞུང་།  །ཨོ་རྒྱན་མཁན་པོའི་ཐུགས་དམ་མགུལ་ཁུག་མ།  །བསེ་སྒྲོམ་ནག་པོའི་དབྱིག་ཏུ་གཏམས་པ་གང་།  །གཏེར་སྟོན་རྒྱལ་པོ་པདྨ་གླིང་པ་ཡིས།  །ཌཱ་ཀི་གསང་བའི་མཛོད་རྒྱ་བཀྲོལ་བ་ལས།  །གདམས་ཟབ་རིན་ཐང་བྲལ་བ་དབང་གི་རྒྱལ།  །སྐལ་བཟང་འདོད་པ་འཇོ་བའི་དཔྱིད་དུ་ཕྱུངས།  །ཚུལ་དེ་ཉེས་བཤད་འདམ་གྱིས་མ་སྦག་པར།  །ལེགས་བཤད་གོས་བཟང་ལྷབ་ལྷུབ་གཡོ་ལྡན་པ།  །ལྷག་བསམ་གསེར་གྱི་ཡུ་བ་ལ་བརྟེན་ནས།  །ཁྲིགས་བསྡེབས་རྒྱལ་མཚན་རྩེ་མོར་དེང་འདིར་བཀོད།  །བསོད་ནམས་རྫོགས་ལྡན་སྤྲིན་གྱི་བླ་བྲེ་ལས།  །དངོས་གྲུབ་འདོད་རྒུའི་གྲུ་ཆར་རབ་འཇོ་བའི།  །རིང་ལུགས་དབྱར་གྱི་ཆུ་གཏེར་ཕྱིར་ཞིང་དུ།  །སྲིད་པའི་མཐར་ཡང་འཕེལ་རྒྱས་བཙས {{FolioNumber|[26b]}} གྱུར་ཅིག  །སྙིང་པོའི་བསྟན་དང་བསྟན་འཛིན་སྡེ་དང་བཅས།  །བར་ཆད་ཡིད་སྲུབས་དཔུང་ལས་རྣམ་པར་རྒྱལ།  །ཕུར་བུ་རྣམ་བཞི་གྲུབ་པའི་མཐར་ཕྱིན་ཏེ།  །འཁོར་འདས་ཐལ་བར་འབྱིན་པའི་མཆོག་ཐོབ་ཤོག  །དེ་ལྟར་དཔལ་རྡོ་རྗེ་ཕུར་བུ་ཡང་གསང་སྲོག་གི་སྤུ་གྲིའི་ལས་བྱང་ཕྲིན་ལས་རྣམ་པར་རོལ་པའི་རྒྱན་ཅེས་བྱ་བ་འདི་ནི།  གསང་ཆེན་བསྟན་པའི་རྩ་ལག་ལྷ་ལུང་ཐེག་མཆོག་རབ་རྒྱས་གླིང་དུ་འདི་ཉིད་ཀྱི་སྒྲུབ་རྒྱུན་གསར་འཛུག་མཛད་པའི་ཚེ་དུས་དང་རྒྱུན་གྱི་ཉམས་བཞེས་འཇུག་པ་བདེ་བའི་ཆོག་ཁྲིགས་འདི་ལྟ་བུ་ཞིག་གྱིས་ཞེས་རྣམ་འདྲེན་གསུང་སྤྲུལ་བཅུ་པ་པདྨ་ངག་དབང་ཆོས་ཀྱི་རྒྱལ་མཚན་གང་གི་བཀའ་སྩལ་རིན་པོ་ཆེའི་ཅོད་པན་སྤྱི་བོའི་རྒྱན་དུ་མཆོད་པར་བྱ་བའི་ཕྱིར།  དུས་མཐའི་སྔགས་འཆང་སྙོམས་ལས་པ་འཇིགས་བྲལ་ཡེ་ཤེས་རྡོ་རྗེས་རང་ལོ་ཞེ་དགུར་སོན་པ་ཆུ་ཕོ་འབྲུག་གི་ལོ་སྟོན་ཟླ་འབྲིང་པོ་འབྲས་བུ་བཅུད་དུ་སྨིན་པའི་དུས་བཟང་པོ་ལ།  གངས་ཅན་གྱི་ཡུལ་དབུས་ར་ས་འཕྲུལ་སྣང་གི་གྲོང་ཁྱེར་ཕྱོགས་ལས་རྣམ་པར་རྒྱལ་བའི་འདུན་ས་ཆེན་པོར་སྦྱར་བའི་ཡི་གེ་པ་ནི་རིག་བྱེད་པ་ནོར་བུ་དབང་རྒྱལ་གྱིས་བགྱིས་པའོ།  །འདིས་ཀྱང་སྐལ་བ་ཅན་གྱི་གདུལ་བྱ་མཐའ་དག་རྡོ་རྗེ་ཕུར་བུའི་ལམ་ལ་བརྟེན་པའི་དངོས་གྲུབ་ཀྱི་དགའ་སྟོན་རང་དབང་དུ་སྤྱོད་པའི་གཞིར་གྱུར་ཅིག།  །།སརྦ་དཱ་མངྒ་ལཾ།།   །།}}  }}
</onlyinclude>
</onlyinclude>
{{TsagliCall}}
{{TsagliCall}}
<headertabs/>
<headertabs/>

Latest revision as of 16:19, 12 March 2026

Previous Text Back to Volume PageNext Text
Wylie title dpal rdo rje phur bu yang gsang srog gi spu gri'i las byang phrin las rnam par rol pa'i rgyan
Location bdud 'joms rin po che'i bka' 'bum
Volume 6, Text 12, Pages 405-456 (Folios 1a1 to 26b6)
Author བདུད་འཇོམས་འཇིགས་བྲལ་ཡེ་ཤེས་རྡོ་རྗེ་
Citation Dudjom Rinpoche 'Jigs bral ye shes rdo rje. Dpal rdo rje phur bu yang gsang srog gi spu gri'i las byang phrin las rnam par rol pa'i rgyan. Bdud 'joms 'jigs bral ye shes rdo rje'i gsung 'bum dam chos rin chen nor bu'i bang mdzod, Vol. 6: 405-456. Kalimpong: Dupjung Lama, 1979-1985.
Side notes Recto: las byang   Verso: pad gling phur pa
More details More details
Tertön པདྨ་གླིང་པ་ (pad+ma gling pa)
Genre Activity Manual - las byang
Cycle དཔལ་རྡོ་རྗེ་ཕུར་བུ་ཡང་གསང་སྲོག་གི་སྤུ་གྲི་ (dpal rdo rje phur bu yang gsang srog gi spu gri)
Deity rdo rje phur pa
Colophon

།དེ་ལྟར་དཔལ་རྡོ་རྗེ་ཕུར་བུ་ཡང་གསང་སྲོག་གི་སྤུ་གྲིའི་ལས་བྱང་ཕྲིན་ལས་རྣམ་པར་རོལ་པའི་རྒྱན་ཅེས་བྱ་བ་འདི་ནི། གསང་ཆེན་བསྟན་པའི་རྩ་ལག་ལྷ་ལུང་ཐེག་མཆོག་རབ་རྒྱས་གླིང་དུ་འདི་ཉིད་ཀྱི་སྒྲུབ་རྒྱུན་གསར་འཛུག་མཛད་པའི་ཚེ་དུས་དང་རྒྱུན་གྱི་ཉམས་བཞེས་འཇུག་པ་བདེ་བའི་ཆོག་ཁྲིགས་འདི་ལྟ་བུ་ཞིག་གྱིས་ཞེས་རྣམ་འདྲེན་གསུང་སྤྲུལ་བཅུ་པ་པདྨ་ངག་དབང་ཆོས་ཀྱི་རྒྱལ་མཚན་གང་གི་བཀའ་སྩལ་རིན་པོ་ཆེའི་ཅོད་པན་སྤྱི་བོའི་རྒྱན་དུ་མཆོད་པར་བྱ་བའི་ཕྱིར། དུས་མཐའི་སྔགས་འཆང་སྙོམས་ལས་པ་འཇིགས་བྲལ་ཡེ་ཤེས་རྡོ་རྗེས་རང་ལོ་ཞེ་དགུར་སོན་པ་ཆུ་ཕོ་འབྲུག་གི་ལོ་སྟོན་ཟླ་འབྲིང་པོ་འབྲས་བུ་བཅུད་དུ་སྨིན་པའི་དུས་བཟང་པོ་ལ། གངས་ཅན་གྱི་ཡུལ་དབུས་ར་ས་འཕྲུལ་སྣང་གི་གྲོང་ཁྱེར་ཕྱོགས་ལས་རྣམ་པར་རྒྱལ་བའི་འདུན་ས་ཆེན་པོར་སྦྱར་བའི་ཡི་གེ་པ་ནི་རིག་བྱེད་པ་ནོར་བུ་དབང་རྒྱལ་གྱིས་བགྱིས་པའོ། །འདིས་ཀྱང་སྐལ་བ་ཅན་གྱི་གདུལ་བྱ་མཐའ་དག་རྡོ་རྗེ་ཕུར་བུའི་ལམ་ལ་བརྟེན་པའི་དངོས་གྲུབ་ཀྱི་དགའ་སྟོན་རང་དབང་དུ་སྤྱོད་པའི་གཞིར་གྱུར་ཅིག། །།སརྦ་དཱ་མངྒ་ལཾ།།

de ltar dpal rdo rje phur bu yang gsang srog gi spu gri'i las byang phrin las rnam par rol pa'i rgyan ces bya ba 'di ni/___gsang chen bstan pa'i rtsa lag lha lung theg mchog rab rgyas gling du 'di nyid kyi sgrub rgyun gsar 'dzug mdzad pa'i tshe dus dang rgyun gyi nyams bzhes 'jug pa bde ba'i chog khrigs 'di lta bu zhig gyis zhes rnam 'dren gsung sprul bcu pa pad+ma ngag dbang chos kyi rgyal mtshan gang gi bka' stsal rin po che'i cod pan spyi bo'i rgyan du mchod par bya ba'i phyir/___dus mtha'i sngags 'chang snyoms las pa 'jigs bral ye shes rdo rjes rang lo zhe dgur son pa chu pho 'brug gi lo ston zla 'bring po 'bras bu bcud du smin pa'i dus bzang po la/___gangs can gyi yul dbus ra sa 'phrul snang gi grong khyer phyogs las rnam par rgyal ba'i 'dun sa chen por sbyar ba'i yi ge pa ni rig byed pa nor bu dbang rgyal gyis bgyis pa'o/___/'dis kyang skal ba can gyi gdul bya mtha' dag rdo rje phur bu'i lam la brten pa'i dngos grub kyi dga' ston rang dbang du spyod pa'i gzhir gyur cig/___//sarba dA mang+ga laM//

[edit]
༄༅། །དཔལ་རྡོ་རྗེ་ཕུར་བུ་ཡང་གསང་སྲོག་གི་སྤུ་གྲིའི་ལས་བྱང་ཕྲིན་ལས་རྣམ་པར་རོལ་པའི་རྒྱན་ཅེས་བྱ་བ་བཞུགས་སོ། །


༄༅། །དཔལ་རྡོ་རྗེ་ཕུར་བུ་ཡང་གསང་སྲོག་གི་སྤུ་གྲིའི་ལས་བྱང་ཕྲིན་ལས་རྣམ་པར་རོལ་པའི་རྒྱན་ཅེས་བྱ་བ། བླ་མ་ཁྲག་འཐུང་བདུད་འདུལ་འབར་བ་ཆེན་པོའི་ཞབས་ལ་གུས་པས་ཕྱག་འཚལ་ལོ། །མཆོག་ཏུ་མི་འགྱུར་བདེ་བ་ཆེན་པོའི་ཡེ་ཤེས་གཅིག་ཉིད་དུ་མའི་གར་ནི་ཅི་ཡང་བསྒྱུར། །བརླང་པོར་སྤྱོད་པའི་མི་སྲུན་ཅན་ངོར་སྙིང་རྗེ་ཁྲོས་པའི་རྣམ་འགྱུར་བཟོད་དཀའི་བརྟུལ་ཞུགས་ངོམས། །བདུད་ཀྱི་བདུད་དེ་སྐལ་བ་ཅན་ལ་བདེ་བ་དམ་པའི་བདུད་རྩི་རབ་སྟེར་བུམ་པ་བཟང་། །ལྷ་ཡི་ལྷ་མཆོག་ཧེ་རུ་ཀ་དཔལ་དཔའ་བོ་ཆེན་པོས་ གྲུབ་གཉིས་གནས་ལ་དབུགས་འབྱིན་མཛོད། །དེ་ཡི་ཕྲིན་ལས་སྤུ་གྲིའི་གཞུང་། །རིག་འཛིན་རྣམ་པར་རོལ་པའི་གནས། །པདྨའི་དགོངས་རྒྱན་མ་འཁྲུལ་བར། །བདུད་ལས་རྒྱལ་བའི་དཔྱིད་དུ་སྤྲོ། །འདིར་རྡོ་རྗེ་ཕུར་པ་རིག་པ་མཆོག་གི་རྒྱུད་བིདྱ་ཏྟོ་མ་ལ་འབུམ་སྡེའི་ཡང་སྙིང་བཀོལ་བ་དུམ་བུར་ཕྱུངས་པ་ཕྲིན་ལས་ལ་དགོངས་པ་རྡོ་རྗེ་གཞོན་ནུ་རྩ་བའི་རྒྱུད་དྲག་སྔགས་སྤུ་གྲིར་འབྲེལ་པ་རྣོ་ལ་ཚན་ཆེ་བ་ཡང་སྙིང་གསང་སྒྲུབ་ཀྱི་ལས་གཞུང་སྲོང་བར་བྱེད་པའི་རིམ་པ་ལ་སྤྱི་དོན་རྣམ་པ་གསུམ་སྟེ། རྩ་བའི་སྡོམ་བྱང་ལས། བིདྱཏྟོ་མ་འབུམ་སྡེའི་བཅུད༔ རྩ་བ་ཡང་སྙིང་དྲག་སྔགས་འབྲེལ༔ ཡང་གསང་ཕུར་བུའི་གཞུང་བསྲང་སྡོམ༔ སྔོན་འགྲོ་དངོས་གཞི་རྗེས་རིམ་གསུམ༔ ཞེས་པས། སྦྱོར་བ། དངོས་གཞི། རྗེས་སོ། །སྔ་མ་ལ་སྤྱི་དང་ཁྱད་པར་གཉིས་ཀྱི། དང་པོ་ནི། ཡིད་དང་མཐུན་པའི་གནས་ཁང་བྱི་དོར་བྱས་ལ་སྤྱན་གཟིགས་སྣ་ཚོགས་པས་མཛེས་པར་བརྒྱན། དམ་ཚིག་གི་བྲིས་སྐུ་སོགས་མཚན་མའི་རྟེན་བཀྲམ་པའི་སྤྱན་སྔར་ཕྱི་ནང་གསང་བའི་མཆོད་པའི་དངོས་པོ་རྣམས་གཙང་ཞིང་མཛེས་པར་བཤམ། ཚོགས་དང་གཏོར་མ་རོལ་མོའི་བྱེ་བྲག་སོགས་ཉེ་བར་མཁོ་བའི་ཡོ་བྱད་ཐམས་ཅད་ཀྱང་མ་ཚང་བ་མེད་པར་འདུ་བྱས་ནས། ཐོག་མར་ཉམས་ལེན་ཀུན་གྱི་སྔོན་དུ་འགྲོ་བ་སྐྱབས་སེམས་ཚོགས་གསོག་གི་རིམ་པ་ནི། ཕྱོགས་བཅུ་དུས་གསུམ་གྱི་བླ་མ་རྒྱལ་བ་སྲས་དང་བཅས་པ་ཐམས་ཅད་དཔལ་ཆེན་རྡོ་རྗེ་གཞོན་ནུའི་དཀྱིལ་འཁོར་གྱི་འཁོར་ལོའི་རྣམ་པར་བཛྲ་ས་མཱ་ཛཿས་མདུན་གྱི་ནམ་མཁར་སད་པར་བལྟས་ལ། ན་མོ༔ བླ་མ་དཀོན་མཆོག་ཡི་དམ་ལྷ༔ རྒྱལ་བ་རྒྱ་མཚོའི་ཚོགས་བཅས་ལ༔ བདག་དང་འགྲོ་བ་སེམས་ཅན་རྣམས༔ སྒོ་གསུམ་གུས་པས་སྐྱབས་སུ་མཆི༔ ཞེས་ལན་གསུམ་གྱིས་སྐྱབས་སུ་འགྲོ། ཀྱེ་མ༔ བདག་གིས་འགྲོ་ཀུན་བསྒྲལ་བྱའི་ཕྱིར༔ ཕྲིན་ལས་ཕུར་པའི་དཀྱིལ་འཁོར་དུ༔ ཚད་མེད་བཞི་རུ་སེམས་བསྐྱེད་ནས༔ འཁོར་བ་ དོང་ནས་སྤྲུགས་པར་བགྱི༔ ཞེས་ལན་གསུམ་གྱིས་སེམས་བསྐྱེད། རྡོ་རྗེ་སློབ་དཔོན་སངས་རྒྱས་དཔལ། །དུས་གསུམ་བཞུགས་ལ་ཕྱག་འཚལ་ལོ། །མཆོག་གསུམ་བསྟེན་པའི་ཞིང་གྱུར་ལ། །གཉིས་མེད་ཡིད་ཀྱིས་སྐྱབས་སུ་མཆི། །དངོས་འབྱོར་ཡིད་ཀྱིས་རྣམ་སྤྲུལ་པའི། །དག་པའི་མཆོད་པ་བཞེས་སུ་གསོལ། །དངོས་གྲུབ་ཆུ་བོ་གཅོད་པའི་གེགས། །ཉེས་བྱས་མ་ལུས་བཤགས་པར་བགྱི། །ཕྱོགས་བཅུ་འཁོར་གསུམ་དག་པའི་ཆོས། །མ་ཆགས་སྤྱོད་ལ་རྗེས་ཡི་རང་། །དག་པའི་མཐའ་བཞི་དྲི་མ་མེད། །རྫོགས་པའི་བྱང་ཆུབ་སེམས་བསྐྱེད་དོ། །བདེ་གཤེགས་བྱང་ཆུབ་སེམས་དཔའ་ལ། །དག་པ་གསུམ་གྱི་ལུས་འབུལ་ལོ། །ཚེ་རབས་བསྒྲངས་པའི་དགེ་བ་རྣམས། །བསྡུས་ནས་བྱང་ཆུབ་མཆོག་ཏུ་བསྔོ། །ཞེས་ཚོགས་བསགས་པའི་མཐར། ཛཿཧཱུྃ་བྃ་ཧོཿ ས། སྐྱབས་ཡུལ་དགྱེས་པ་ཆེན་པོས་འོད་དུ་ཞུ་ནས་རང་ལ་ཐིམ་པས་རྒྱུད་བྱིན་གྱིས་བརླབས་པར་བསམ་མོ། །གཉིས་པ་ཁྱད་པར་གྱི་སྦྱོར་བ་ལ་བདུན་ཏེ། དང་པོ་མཚམས་བཤགས་བརྡ་སྒོ་དབྱེ༔ ཕྱག་འཚལ དམ་བཅའ་བྱིན་དབབ་བརླབ༔ ཅེས་པས། དང་པོ་མཚམས་བཅད་པ་ནི། ཨོཾ་བཛྲ་ཀཱི་ལི་ཀཱི་ལ་ཡ་ཧཱུྃ་ཕཊ༔ ཅེས་པའི་སྔགས་ཀྱི་སྒྲ་གདངས་ཀྱིས་སད་པས། བདག་ཉིད་སྐད་ཅིག་གིས་དཔལ་ཆེན་རྡོ་རྗེ་གཞོན་ནུ་རང་སྣང་གི་ཡུམ་དང་བཅས་པ་དུར་ཁྲོད་དྲག་པོའི་རྒྱན་ཐམས་ཅད་རྫོགས་ཤིང་གཟི་བརྗིད་དུས་མཐའི་མེ་ལྟར་འབར་བའི་སྐུར་གྱུར་པར་མོས་པའི་ང་རྒྱལ་བསྐྱེད་དེ། བགེགས་ཀྱི་གཏོར་མ། ཨོཾ་བཛྲ་ཀྲོ་དྷ་ཨ་མྲྀ་ཏ་ཀུཎྜ་ལཱི་ཧཱུྃ་ཚིནྡྷ་ཚིནྡྷི་ཧཱུྃ་ཕཊ་ཀྱིས་བསང་། ཨོཾ་སྭ་བྷཱ་ཝ་ཤུདྡྷཿསརྦ་དྷརྨཿསྭ་བྷཱ་ཝ་ཤུདྡྷོ྅ཧཾཿགིས་སྦྱང་། སྟོང་པའི་ངང་ལས་བྷྲཱུྃ་ལས་རིན་པོ་ཆེའི་སྣོད་ཟབ་ཅིང་རྒྱ་ཆེ་བའི་ནང་དུ་གཏོར་མ་ཁ་དོག་དྲི་རོ་ནུས་པ་ཕུན་སུམ་ཚོགས་པར་བལྟས་ལ། ཨོཾ་ཨཱཿཧཱུྃ། ཞེས་བརླབས། སརྦ་བྷུ་ཏ་ཨཱ་ཀརྵ་ཡ་ཛཿས་མགྲོན་བཀུག ། སརྦ་བིགྷྣཱན་ན་མཿསརྦ་ཏ་ཐཱ་ག་ཏེ་བྷྱོ་བི་ཤྭ་མུ་ཁེ་བྷྱཿསརྦ་ཐཱ་ཁཾ་ཨུཏྒ་ཏེ་སྥ་ར་ཎ་ཨི་མཾ་ག་ག་ན་ཁཾ་གྲིཧྣེ་དཾ་བ་ལདྟིེ་སྭཱ་ཧཱ། ཞེས་ལན་གསུམ་གྱིས་བསྔོས་ལ། ཧཱུྃ༔ ཉོན་ཅིག་བགེགས་དང་ལོག་འདྲེན་ཚོགས༔ ང་ཡི་བཀའ་ལས་འདའ་མ་བྱེད༔ རྡོ་རྗེ་གསང་བའི་བཀའ་ལས་ནི༔ སྡིག་ཅན་གང་ཞིག་འདའ་བྱེད་པ༔ སྟོབས་ཆེན་ཁྲོ་བོ་ཆེན་པོ་ཡིས༔ ཀླད་པ་ཚལ་པ་བརྒྱ་རུ་ཁོས༔ དེ་བས་ད་ལྟ་ཕྱིར་དེངས་ཤིག༔ ཧཱུྃ་ཧཱུྃ་ཧཱུྃ་སརྦ་བིགྷྣཱན་ཨུཙྪི་ཥྚ་ཡ་ཕཊ༔ ཨོཾ་སུམྦྷ་ནི་ སུམྦྷ་ནི་ཧཱུྃ་༔ གྲྀཧྞ་གྲྀ་ཧྞ་ཧཱུྃ༔ གྲྀཥྚ་པ་ཡ་གྲྀཧྞ་པ་ཡ་ཧཱུྃ༔ ཨཱ་ན་ཡ་ཧོཿ བྷ་ག་ཝཱན༔ བིདྱ་རཱ་ཛ་ཡ་ཧཱུྃ་ཕཊ༔ ཅེས་དྲག་པོའི་ཚམ་རྔམས་དང་བཅས་པས་བསྐྲད་དེ། ཧཱུྃ༔ སྟེང་ཡང་ཕུར་བུའི་བླ་བྲེལ༔ ཕུར་བུའི་ཐོག་ཆེན་ཆར་ལྟར་འབེབས༔ འོག་ཀྱང་ཕུར་བུའི་ས་གཞི་ལ༔ ཕུར་བུའི་འདུ་འཕྲོ་མེ་ལྟར་འབར༔ ཕྱོགས་མཚམས་ཕུར་བུས་གཏམས་པ་ལ༔ ཕུར་བུའི་ཚྭ་ཚྭ་སྐར་ལྟར་འཁྲུགས༔ ཕུར་བུའི་མཚམས་ལས་མ་འདའ་ཞིག༔ ཅེས་དང་། སྤྲོ་ན། ཧཱུྃ༔ རྡོ་རྗེ་གཞོན་ནུའི་ཐུགས་ཀྱི་དཀྱིལ་འཁོར་ནས༔ འཇིགས་པའི་ཁྲོ་རྒྱལ་བཅུ་རྣམས་དབྱུང་ནས་ནི༔ སྟེང་འོག་ཕྱོགས་མཚམས་ཐམས་ཅད་རིམ་པ་བཞིན༔ དྲེགས་པ་བསྒྲལ་ནས་རྡོ་རྗེའི་གདན་ལ་བཞུགས༔ མ་དག་བགེགས་རྣམས་ཀུན་དང་མཚམས་བཅད་ཕྱིར༔ ཁྲོ་བཅུས་བསྲུང་དང་མཚམས་ཀྱི་ལས་མཛོད་ཅིག༔ ཨོྃ་བཛྲ་ཀཱི་ལི་ཀཱི་ལ་ཡ༔ གརྫ༔ ཧ་ན༔ ད་ཧ༔ པ་ཙ༔ བྷནྡྷ༔ ཧུ་ལུ༔ ཏིཥྛ༔ ཚིནྡྷ༔ བྷིནྡྷ༔ སྥོ་ཊ་ཡ༔ གནོད་བྱེད་འབྱུང་པོ་མཱ་ར་ཡ་ཧཱུྃ་ཕཊ༔ ཅེས་མཚམས་བཅད། གཉིས་པ་བཤགས་པ་བྱ་བ་ནི། བླ་མ་དཀྱིལ་འཁོར་གྱི་ལྷ་ཚོགས་མདུན་གྱི་ནམ་མཁར་སད་པའི་སྤྱན་སྔར་གནོང་འགྱོད་དང་བཅས་པས། ཧཱུྃ༔ བཅོམ་ལྡན་བདེ་གཤེགས་རྒྱལ་བ་ཞི་ཁྲོའི་ཚོགས༔ ཆོས་སྐུ་རྣམ་དག་ལོངས་སྐུའི་དབྱིངས་ནས་ཤར༔ སྤྲུལ་སྐུ་འགྲོ་དོན་རྫོགས་མཛད་ཕུར་བུའི་ལྷ༔ རྡོ་རྗེ་གཞོན་ནུ་སྲས་འཁོར་མ་ལུས་དགོངས༔ ཐོག་མེད་དུས་ནས་འཁོར་འདས་བདག་གཞན་ཚུལ༔ ཆོས་རྣམས་མཉམ་ཡངས་སྤྲོས་བྲལ་ངང་ཉིད་ལས༔ ལས་ཀྱི་དབང་གིས་ཐ་དད་སོ་སོར་བཟུང་༔ དོན་དམ་དབྱེར་མེད་ངང་དུ་མཐོལ་ལོ་བཤགས༔ མ་རིག་བག་ཉལ་རྣམ་རྟོག་རྐྱེན་དབང་གིས༔ རྒྱལ་བའི་དགོངས་སྤྱོད་ཟབ་མོའི་གཏིང་མ་རྟོགས༔ ཐབས་དང་ཤེས་རབ་ཡ་བྲལ་བླང་དོར་སྤྱོད༔ བདེ་གཤེགས་བཀའ་དང་འགལ་སྤྱད་མཐོལ་ལོ་བཤགས༔ ཐུན་མོང་ཁྱད་པར་རྩ་ལག་དམ་ཚིག་རྣམས༔ ཇི་ལྟར་བཤད་པའི་གཞུང་བཞིན་མ་བསྲངས་པ༔ བླ་མ་ཡི་དམ་དཀྱིལ་འཁོར་ལྷ་ཚོགས་ ལ༔ གནོང་འགྱོད་དྲག་པོས་མཐོལ་བཤགས་ཚངས་པར་གསོལ༔ ཞེས་དང་། སྤྲོ་ན་བརྗོད་མེད་དོན་བཤགས་ཀྱང་བྱའོ། །གསུམ་པ་བརྡའ་སྒོ་དབྱེ་བ་ནི། ཧཱུྃ༔ བདེ་གཤེགས་རྒྱལ་བའི་ཕོ་བྲང་དུ༔ བདག་ཅག་དད་པས་འཇུག་འཚལ་གྱིས༔ ཚད་མེད་བཞི་ལྡན་སྒོ་མ་བཞིས༔ ཡེ་ཤེས་བཞི་ཡི་སྒོ་ཕྱེས་ཤིག༔ ཨོྃ་བཛྲ་པྲ་བེ་ཤ་ཡ་ཕཊ༔ བཞི་པ་བརྡ་ཕྱག་འཚལ་བ་ནི། ཧོཿ ཡང་དག་གསང་བའི་དཀྱིལ་འཁོར་དུ༔ ལྷ་དང་སློབ་དཔོན་རྡོ་རྗེ་མཆེད༔ དཀྱིལ་འཁོར་ལྷ་ཚོགས་ཐམས་ཅད་ལ༔ ལུས་ངག་ཡིད་གསུམ་གུས་ཕྱག་འཚལ༔ ཨ་ཏི་པུ་ཧོཿ པྲ་ཏཱིཙྪ་ཧོཿ ལྔ་པ་དམ་བཅའ་བ་ནི། ཧོཿ ལྷག་པའི་ལྷ་ཁྱེད་བདག་ལ་དགོངས༔ ཇི་སྲིད་འཁོར་བ་མ་སྟོངས་བར༔ རྟག་ཏུ་འགྲོ་དོན་མི་སྐྱོ་ཞིང་༔ བྱང་ཆུབ་སེམས་བསྐྱེད་དམ་བཅའ་འོ༔ ཨོཾ་བོ་དྷི་ཙིཏྟ་ས་མ་ཡ་སྟྭཾཿདྲུག་པ་བྱིན་དབབ་པ་ནི། སྤོས་དང་རོལ་མོར་བཅས་པས་གདུང་བའི་དབྱངས་ཀྱིས། ཧཱུྃ༔ སྲིད་པའི་ཕུར་བུ་སྒྲུབ་པ་དང་༔ དབང་དང་དངོས་གྲུབ་བླང་བའི་ཕྱིར༔ གཉིས་མེད་དག་པའི་མཁའ་དབྱིངས་ནས༔ ཡེ་ཤེས་ ཁྲོ་བོ་གཤེགས་སུ་གསོལ༔ དབང་ཆེན་རྣམས་ཀྱིས་དབང་སྐུར་ཅིག༔ བྱིན་ཆེན་རྣམས་ཀྱིས་བྱིན་ཕོབ་ཅིག༔ མཐུ་ཆེན་རྣམས་ཀྱིས་མཐུ་སྩོལ་ཅིག༔ རྟགས་དང་མཚན་མ་བསྟན་པ་དང་༔ ཀཱི་ལ་ཡ་ཡི་དངོས་གྲུབ་སྩོལ༔ ཨོཾ་བཛྲ་ཀཱི་ལི་ཀཱི་ལ་ཡ་དེ་བ་ག་ཎ་ཨ་དྷི་ཥྛ་ན་ཨཱ་བེ་ཤ་ཡ་ཨ་ཨཱཿ བདུན་པ་མཆོད་རྫས་བྱིན་གྱིས་བརླབ་པ་ནི། རྃ་ཡྃ་ཁྃ། བདག་གི་ཐུགས་ཀ་ནས་རྃ་ཡྃ་ཁྃ་འཕྲོས་ཡེ་ཤེས་ཀྱི་མེ་རླུང་ཆུར་གྱུར་པས་མཆོད་རྫས་ཀྱི་ཉེས་སྐྱོན་དངོས་འཛིན་བག་ཆགས་དང་བཅས་པ་བསྲེགས་གཏོར་བཀྲུས་ཏེ་དག་པར་བྱས། སྟོང་པའི་ངང་ལས་གནས་ཁང་འོག་མིན་དུར་ཁྲོད་མེ་རི་འབར་བའི་གཞལ་མེད་ཁང་ཆེན་པོར་ཨ་ལས་རིན་པོ་ཆེ་དང་བྷཉྫ་འབར་བའི་སྣོད་བཟང་ཞིང་རྒྱ་ཆེ་བ་རྣམས་སུ་ཧཱུྃ་ཡིག་ལས་བྱུང་བའི་ཕྱི་ནང་གི་ཉེ་བར་སྤྱོད་པའི་དམ་རྫས་འདོད་ཡོན་གྱི་རྣམ་པ་མ་ཚང་བ་མེད་པ་ཁྲག་འཐུང་ཁྲོ་བོའི་ཞིང་ཀུན་ཏུ་ཁྱབ་པར་འཆར་བས་ནམ་མཁའ་རབ་འབྱམས་གང་བ་རྣམས་སུ་གྱུར་པར་བསམ་ལ། ཨོཾ་བཛྲ་ཨརྒྷཾ་ཨཱཿཧཱུྃ༔ དེ་བཞིན་དུ་སྦྱར་ཏེ། པཱདྱཾ་ནས། ཤཔྡའི་བར་གྱིས་སྤྱིར་བྱིན་བརླབས། བྱེ་བྲག་ཏུ། རང་གི་ཐུགས་ཀ་ནས་ཨོཾ་ དཀར་པོ་འཕྲོས། བདུད་རྩིའི་སྟེང་གི་ནམ་མཁའ་ལ་ཡེ་ཤེས་ཀྱི་འོད་ཟེར་འབར་བས་རྫས་རང་ག་མའི་རྟོག་པ་སྦྱངས། ཨཱཿདམར་པོ་འཕྲོས་ཡེ་ཤེས་ཀྱི་མེ་འབར་བས་བག་ཆགས་ངན་པའི་གཉིས་རྟོག་བསྲེགས། ཧཱུྃ་མཐིང་ག་འཕྲོས་ཡེ་ཤེས་ཀྱི་བདུད་རྩིར་ཞུ་བས་བདུད་རྩི་རོ་མཆོག་བརྒྱ་དང་ལྡན་པའི་སྨན་ཕུད་རིགས་ལྔ་ཡེ་ཤེས་ལྔའི་བྱང་སེམས་དཀར་གསལ་དངུལ་དཀར་ལུགས་སུ་བླུགས་པ་ལྟར་དཀར་མེར་གྱིས་འཁྱིལ་བར་བསམ་ལ། ཨོཾ་ཨཱཿཧཱུྃ་སརྦ་པཉྩ་ཨ་མྲྀ་ཏ་ཧཱུྃ་ཧྲཱིཿཥྰ༔ ཞེས་བརྒྱའམ་ཉེར་གཅིག་བརྗོད། ཡང་། རང་གི་ཐུགས་ཀ་ནས་ར་ཡིག་དམར་པོ་འཕྲོས་རཀྟའི་སྟེང་གི་ནམ་མཁའ་ལ་ཡེ་ཤེས་ཀྱི་འོད་ཟེར་འབར་བས་འཁོར་བ་རྒྱུན་གཅོད་ཀྱི་རཀྟའི་རྒྱ་མཚོ་ཁ་ཞག་དང་བཅས་པ་ཤ་ཆེན་གྱི་ལྷུ་དུམ་གྱིས་བརྒྱན་པ་རྒྱ་མཚོ་ཙམ་དུ་འཁྱིལ་བར་བསམ་ལ། ཨོཾ་མ་ཧཱ་རཀྟ་ཛྭ་ལ་ནི་ཧཱུྃ་ཕཊ༔ ཅེས་བདུན་ནམ་ཉེར་གཅིག །ཡང་། རང་གི་ཐུགས་ཀ་ནས་བྷྲཱུྃ་འཕྲོས་གཏོར་མའི་སྟེང་གི་ནམ་མཁའ་ལ་ཡེ་ཤེས་ཀྱི་འོད་ཟེར་འབར་བས་གཏོར་གཞོང་རིན་པོ་ཆེའི་གཞལ་ཡས་ཁང་ས་གཞི་དང་མཉམ་པའི་ནང་དུ་གཏོར་མ་འདོད་ཡོན་ལྔའི་ཕུང་པོ་ནམ་ མཁའ་དང་མཉམ་པར་བསམ་ལ། ཨོཾ་ཁ་ཏ་ལི་བྷྲཱུྃ་མ་ཧཱ་བ་ལིཾ་ཏ་ཨཱ༔ ཞེས་བདུན་ནམ་ཉེར་གཅིག་བཟླས་ལ། ཧཱུྃ༔ རྟོག་བྲལ་ཡེ་ཤེས་བདུད་རྩི་འབར༔ ཆགས་མེད་རཀྟའི་རྒྱ་མཚོ་འཁྱིལ༔ འདོད་ཡོན་ལྔ་ཡི་གཏོར་ཆེན་སྤུངས༔ ཀཱི་ལ་ཡ་ཡི་དངོས་གྲུབ་སྩོལ༔ ཨོཾ་ཨཱ་ཧཱུྃ༔ ཞེས་བྱིན་བརླབ་བོ། །སྤྱི་དོན་གཉིས་པ་ལ། དངོས་གཞི་ཏིང་འཛིན་རང་བཞིན་ལས༔ ཞེས་རྣམ་པ་ཏིང་ངེ་འཛིན་གྱི་དཀྱིལ་འཁོར་བསྐྱེད་པ་དང་། རང་བཞིན་ཡེ་ཤེས་ཀྱི་འཁོར་ལོ་དགུག་པ་གཉིས་ལས། དང་པོ་ལ་དོན་བརྒྱད་དེ། ཐོག་མར་ཏིང་གསུམ་འབྱུང་རིམ་བརྩེགས༔ གཞལ་ཡས་གདན་བཅས་རྟེན་གནས་སུ༔ རྩ་བ་ཁྲོ་བཅུ་ཕུར་བུ་རྣམས༔ སྒོ་སྐྱོང་སྲུང་མའི་ཚོགས་བསྐྱེད་བྱ༔ ཞེས་པས། དང་པོ་ཏིང་འཛིན་གསུམ་གྱིས་ཁོག་དབུབ་པ་ནི། ཧཱུྃ༔ རྡོ་རྗེ་ཁྲོས་པས་ཞེ་སྡང་གཅོད༔ ཆོས་དབྱིངས་སྤྲོས་བྲལ་སྟོང་པ་ཆེ། །བློ་འདས་མི་འགྱུར་དེ་བཞིན་ཉིད། །མཚོན་ཆ་སྔོན་པོར་འབར་བ་ཡིས༔ མ་རྟོགས་འཁྲུལ་པའི་འགྲོ་བ་ལ། །མཁའ་ཁྱབ་སྙིང་རྗེ་ཀུན་ཏུ་སྣང་། །ནམ་མཁའི་དཀྱིལ་ནས་ཐིག་པ་ཤར༔ རང་བྱུང་རིག་པའི་ཡེ་ཤེས་ནི། །རྒྱུ་ཡི་ཧཱུྃ་མཐིང་གསལ་བརྟན་འབར། །དེ་ལས་རཾ་ཡཾ་ཁཾ་གསུམ་ འཕྲོས། །སྣོད་བཅུད་ཐམས་ཅད་བསྲེགས་སྦྱངས་བཀྲུས། །འཇིག་རྟེན་ཁམས་ཀུན་སྟོང་པར་གྱུར། །གཉིས་པ་འབྱུང་བ་རིམ་བརྩེགས་བསྒོམ་པ་ནི། སྟོང་ཉིད་དེ་ཡི་མཁའ་དབྱིངས་སུ། །ཧཱུྃ་ལས་མཐིང་སྐྱའི་ཨེ་ཆད་པས། །གོ་བྱེད་ནམ་མཁའ་གྲུ་གསུམ་པ། །ནམ་མཁའི་མཐའ་མཉམ་གསལ་བར་གྱུར། །ཨེ་མཎྜ་ལ༔ ཧཱུྃ་ལས་ཡཾ་ཆད་རླུང་ལྗང་གི ། དཀྱིལ་འཁོར་རྒྱ་གྲམ་རྣམ་པར་གསལ། །ཡཾ་ཀརྨ་རཀྵ་ཧཾ༔ ཧཱུྃ་ལས་ར་ཡིག་དམར་པོ་ཆད། །རཀྟའི་རྒྱ་མཚོ་ཟླུམ་ཞིང་འཁྱིལ། །རཀྟ་ཛྭ་ལ་མཎྜ་ལ༔ ཧཱུྃ་ལས་སུཾ་སེར་ཆད་པ་ལས། །ཤ་ཆེན་ས་གཞི་གྲུ་བཞིར་བརྡལ། །སུཾ་ཏིཀྞ་མཎྜ་ལ༔ ཧཱུྃ་ལས་ཀེཾ་ཆད་ཀེང་རུས་ཀྱི། །རི་རབ་བང་རིམ་བཞི་པར་གྱུར། །ཀེཾ་ནི་རི་ཏི་ཛྭ་ལ་མཎྜ་ལ༔ ཧཱུྃ་ལས་རཾ་ཆད་ཡེ་ཤེས་ཀྱི། །མེ་དཔུང་འབར་བའི་ཀློང་ཆེན་གྱུར། །གསུམ་པ་གཞལ་ཡས་ཁང་བསྐྱེད་པ་ནི། ཧཱུྃ་ལས་ལྔ་ལྡན་བྷྲཱུཾ་ཡིག་ཆད། །བྷྲཱུཾ་བི་ཤྭ་བི་ཤུདྡྷེ་རཏྣ་བནྡྷ་ཨེ་ཛྙཱ་ན་མཎྜ་ལ་བྷྲཱུཾ༔ བྷྲཱུཾ་ལས་རཏྣའི་གཞལ་ཡས་ཁང་། །གྲུ་བཞི་སྒོ་བཞི་སྒོ་ཁྱུད་ཅན། །ཕ་གུ་སེར་ པོ་ཐོད་པས་དཀྲིགས། །ཐོད་ཚལ་རྒྱུ་རློན་དྲྭ་ཕྱེད་འཕྱང་། །པུ་ཤུ་མཆོད་རྟེན་རྣམ་པས་བསྐོར། །འདོད་སྣམ་ལྷ་མོས་མཆོད་སྤྲིན་སྤྲོ། །རྟ་བབས་རུས་ཕྲེང་ཆུ་སྲིན་བརྒྱན། །ཕོ་བྲང་ནང་མ་ཚར་གསུམ་གྱི། །ཐོད་པའི་རྩིག་པ་གནམ་ལྕགས་གཟེར། །ཁྲག་ཞག་ཤ་ཆེན་འཇིམ་ཞལ་བྱུག །ས་བདག་ལྷ་ཀླུ་གཟའ་སྐར་གྱི། །ཀ་གདན་ཀ་གདུང་དྲལ་ཕྱམ་ཅན། །ཞིང་ལྤགས་ཐོག་ཕུབ་ཙིཏྟའི་ཏོག །སྒོ་ཁྱུད་སྤངས་པའི་སྒོ་བཞི་པོ། །སྦྲུལ་ནག་མཁའ་ལྡིང་རུས་སྦལ་གྱི། །གཞི་དང་ཡ་ཐེམ་མ་ཐེམ་བྱས། །ཆུ་སྲིན་ཞིང་གི་སྒོ་གླེགས་སོགས། །དུར་ཁྲོད་དྲག་པོའི་ཆས་རྫོགས་ནང་། །མཐིང་ནག་རིན་ཆེན་ཟུར་བརྒྱད་དབུས། །གྲུ་གསུམ་ཟླ་གམ་ཐོད་བསྐོར་ཅན། །ཐོག་བརྩེགས་རིམ་གསུམ་ཕྱོགས་མདོག་གསལ། །ཕྱི་ནི་མཆོད་རྟེན་རྣམ་པ་ལ། །ནང་ནི་རང་བྱུང་གཞལ་ཡས་ཁང་། །ཁོར་ཡུག་འཇིགས་པའི་དུར་ཁྲོད་བརྒྱད། །རྡོ་རྗེའི་ར་བ་མེ་རིས་བསྐོར། །ཧཱུྃ༔ རབ་འཇིགས་དུར་ཁྲོད་འབར་བའི་གཞལ་ཡས་ཁང་༔ གྲུ་གསུམ་མཐིང་ནག་ཟླ་གམ་རིན་ཆེན་འབར༔ གྲུ་ ཆད་བར་ཁྱམས་སྒོ་བཞི་མུ་ཁྱུད་རྫོགས༔ ངོ་མཚར་ཕོ་བྲང་ཡེ་ཤེས་མེ་འོང་གསལ༔ བཞི་པ་གདན་བསྐྱེད་པ་ནི། བཛྲ་ཏཾ༔ རྡོ་རྗེ་བྲག་ཆེན་གཏམས་པར་གྱུར། །རུ་དྲ་ཀྲོ་དྷི་ཏི་ར་བཾ༔ ཧཱུྃ་ལས་འོད་ཟེར་ཕྱོགས་བཅུར་འཕྲོས། །ཕྱོགས་སྐྱོང་བཅུ་དང་ལྷ་ཆེན་བཀུག །དབུས་སུ་ལྷ་ཆེན་སྟེང་ཉི་ཟླ། །ཤར་དུ་དྲི་ཟ་ཤར་ལྷོར་མེ། །ལྷོ་རུ་གཤིན་རྗེ་ལྷོ་ནུབ་སྲིན། །ནུབ་ཏུ་ཆུ་བདག་ནུབ་བྱང་རླུང་། །བྱང་དུ་གནོད་སྦྱིན་བྱང་ཤར་དུ། །དབང་ལྡན་འོག་ཏུ་ས་བདག་རྣམས། །ཕོ་མོ་ཉག་ཆིངས་བསྣོལ་བར་གྱུར། །མ་སཱུརྱ་མཎྜ་ལ༔ ཨ་ཙཎྜ་མཎྜ་ལ༔ པཾ་པདྨ་མཎྜ་ལ༔ དྲེགས་སྟེང་མ་ལས་ཉི་མ་དང་། །ཨ་ལས་ཟླ་བ་བཅུ་གཅིག་གདན། །པཾ་ལས་པད་གདན་བཅུ་གཅིག་བསམ། །རྡོ་རྗེ་བྲག་ཆེན་གཏམས་པའི་ས་གཞི་ལ༔ དྲེགས་པ་ལྷ་ཆེན་ཕྱོགས་སྐྱོང་ཕོ་མོ་བསྣོལ༔ ཐབས་ཤེས་ཉི་མ་ཟླ་བ་འོད་འབར་དབུས༔ མ་ཆགས་པདྨ་འབར་བ་གདན་དུ་གསལ༔ ལྔ་བ་བདག་རྩ་བའི་ལྷན་བསྐྱེད་པ་ནི། ཧཱུཾ། རྒྱུ་ཡི་ཧཱུྃ་དེ་གདན་སྟེངས་སུ། །སྐར་ཆེན་ཐང་ལ་ལྷགས་ བཞིན་བབས། །སྥ་ར་ཎ་ཕཊ༔ འོད་འཕྲོས་རྒྱལ་མཆོད་ཐུགས་དམ་བསྐུལ། །སེམས་ཅན་ལ་ཕོག་ཀུན་དོན་བྱས། །སཾ་ཧ་ར་ཎ་ཧཱུཾ༔ ཚུར་ཐིམ་རྡོ་རྗེ་རྩེ་དགུར་གྱུར། ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱ་ན་བཾ་ཧཱུཾ་ཕཊ༔ འཕྲོ་འདུའི་སྦྱོར་བ་ལས་བྱུང་བའི། །ཚོགས་གཉིས་ཡོངས་སུ་རྫོགས་པའི་སྐུ། །བདག་ཉིད་བཅོམ་ལྡན་དཔལ་ཆེན་པོ། །རྡོ་རྗེ་གཞོན་ནུ་མཐིང་ནག་འབར། །དབུ་གསུམ་ཕྱག་དྲུག་ཞབས་བཞི་བགྲད། །ཞལ་གཡས་དཀར་བཞད་གཡོན་དམར་གཤེ། །དབུས་མཐིང་གཏུམ་རྔམས་མི་བཟད་འཇིགས། །རལ་པ་ཁམ་ནག་གྱེན་དུ་འཁྱིལ། །ཐོད་སྐམ་རིགས་ལྔའི་དབུ་རྒྱན་ཅན། །གཡས་གཉིས་རྩེ་དགུ་རྩེ་ལྔ་དང་། །གཡོན་གཉིས་མེ་དཔུང་ཁ་ཊྭཱྃ་བསྣམས། །ཐ་གཉིས་རི་རབ་ཕུར་པ་འདྲིལ། །རྡོ་རྗེ་རིན་ཆེན་གཤོག་པ་གདེངས། །སྐྲ་དང་བ་སྤུའི་ཉག་མ་རྣམས། །རྡོ་རྗེ་ཕྲ་མོའི་རྣམ་པས་གཏམས། །སྤྱན་དགུ་སྡང་མིག་གློག་སྟོང་འགྱུ། །ཤངས་ནས་ཧཱུཾ་གི་ང་རོ་དང་། །ཞལ་ནས་ཕཊ་ཀྱི་སྒྲ་ཆེན་སྒྲོགས། །སྦྲུལ་རིགས་ལྔ་ཡིས་ཕྱག་ཞབས་བརྒྱན། །གླང་ཆེན་ཞིང་གི་ན་བཟའ་དང་། །སྟག་ ཤམ་ཐོད་ཕྲེང་ག་ཤ་ཅན། །ཁྲག་ཞག་ཐལ་བའི་ཚོམ་བུས་བརྒྱན། །མཐིང་ནག་དར་གྱི་ཅོད་པན་འཕུར། །ས་བརྟན་རྡོ་རྗེའི་གོ་ཁྲབ་གསོལ། །ཙིཏྟ་རིན་ཆེན་ཟུར་བརྒྱད་ནང་། །ཡེ་ཤེས་སེམས་དཔའ་ཚོན་གང་བ། །དཀར་གསལ་རྡོ་རྗེ་དྲིལ་བུ་འཛིན། །རིན་ཆེན་རྒྱན་མཛེས་བརྐྱང་བསྐུམ་བཞུགས། །དེ་ཡི་ཐུགས་དབུས་འོད་གུར་སྦུབས། །ཉི་དཀྱིལ་སྲན་གཤགས་ཙམ་པའི་སྟེང་། །རྡོ་རྗེ་ནས་འབྲས་ཙམ་པ་ཡི། །ལྟེ་བར་ཧཱུཾ་ལ་ཀཱི་ལ་ཡ། །འབྲུ་དགུ་སྤུ་རིས་ཙམ་པ་ནི། །མགལ་མེ་ལྟ་བུ་གཡས་ཕྱོགས་འཁོར། །སྲོག་གི་གོ་རུ་ཤར་བ་དང་༔ སྙིང་གི་དཀྱིལ་དུ་བསྒོམ་པར་བྱ༔ ཙིཏྟའི་སྒོ་སྲུང་རྟ་མགྲིན་དམར། །པདྨ་བྷནྡྷ་ཡུམ་འཁྱུད་འཁྲིལ། །སྐུ་དང་གྲིབ་མའི་ཚུལ་དུ་ཡུམ། །འཁོར་ལོ་རྒྱས་འདེབས་མཐིང་ག་གཡས། །ཨུཏྤལ་ཡབ་འཁྱུད་བྷནྡྷ་གཡོན། །རིགས་ལྔས་དབུ་རྒྱན་གཟིག་ཤམ་གསོལ། །འཁྲིལ་སྦྱོར་བདེ་ཆེན་སྙོམས་པར་ཞུགས། །མི་བཟད་གར་དགུའི་ཉམས་དང་ལྡན། །བསྐལ་པའི་མེ་དཔུང་ཀློང་ན་བཞུགས། །ཧཱུྃ༔ སངས་རྒྱས་ཀུན་གྱི་ཡེ་ཤེས་སྐུ༔ ངང་ཉིད་རྡོ་རྗེ་ཆོས་དབྱིངས་ལས༔ འབར་བའི་ཁྲོ་བོ་མི་བཟད་པ༔ སྐུ་ཡི་དབྱིག་ཏུ་བདག་སྐྱེད་ཅིག༔ དྲུག་པ་ཕྱོགས་བཅུ་ཁྲོ་བོའི་དཀྱིལ་འཁོར་བསྐྱེད་པ་ནི། བདག་ཉིད་རྩ་བའི་སྦྱོར་མཚམས་ནས། །བྱང་སེམས་འོད་ཀྱི་གོང་བུ་ནི། །ཧཱུྃ་ཟུང་རེ་རེ་ཕྱོགས་བཅུ་རུ། །ཕྱོགས་སྐྱོང་ཉི་ཟླའི་གདན་ལ་འཁོར། །ཧཱུྃ་ཧཱུྃ༔ ཧཱུྃ་ཧཱུྃ༔ ཧཱུྃ་ཧཱུྃ༔ ཧཱུྃ་ཧཱུྃ༔ ཧཱུྃ་ཧཱུྃ༔ ཧཱུྃ་ཧཱུྃ༔ ཧཱུྃ་ཧཱུྃ༔ ཧཱུྃ་ཧཱུྃ༔ ཧཱུྃ་ཧཱུྃ༔ ཧཱུྃ་ཧཱུྃ༔ ཨོཾ་བཛྲ་ཀྲོ་དྷ་ཧཱུཾ་ཀཱ་ར་ཧཱུཾ༔ གརྫ་གརྫ་ཧཱུཾ་ཕཊ༔ ཁྲོ་བོ་ཆེན་པོ་ཧཱུཾ་ཀཱ་ར་སྔོ། །གཡས་དཀར་གཡོན་དམར་དབུས་སྔོ་སྐྱ། །བར་ཕྱག་མདའ་གཞུ་འགེང་ཞིང་འཕེན། །ཡུམ་མཆོག་རྡོ་རྗེ་སྒྲ་འབྱིན་སྔོ། །ཟ་གསོད་ཕག་དང་སྨིག་བུའི་མགོ །སྒྲོགས་ཤིག་སྒྲོགས་ཤིག་སྒྲ་དང་བཅས། །སྟེང་ཕྱོགས་མེ་དཔུང་ཀློང་ན་བཞུགས། །ཨོཾ་བཛྲ་ཀྲོ་དྷ་བི་ཛ་ཡ་ཧཱུྃ༔ ཧ་ན་ཧ་ན་ཧཱུྃ་ཕཊ༔ ཁྲོ་བོ་ཆེན་པོ་རྣམ་རྒྱལ་དཀར། །གཡས་སྔོ་གཡོན་ལྗང་དབུས་ཞལ་དཀར། །བར་ཕྱག་འཁོར་ལོ་ཏྲི་ཤུལ་འཛིན། །ཡུམ་མཆོག་རྡོ་རྗེ་སྙེམས་མ་དཀར། །ཟ་གསོད་སྟག་དང་བྱ་རྒོད་མགོ །རྒྱོབ་ ཅིག་རྒྱོབ་ཅིག་སྒྲ་དང་བཅས། །ཤར་ཕྱོགས་མེ་དཔུང་ཀློང་ན་བཞུགས། །ཨོཾ་བཛྲ་ཀྲོ་དྷ་ནཱི་ལ་དནྜ་ཧཱུཾ༔ ད་ཧ་ད་ཧ་ཧཱུྃ་ཕཊ༔ ཁྲོ་བོ་ཆེན་པོ་དབྱུག་སྔོན་མཐིང་། །གཡས་དཀར་གཡོན་དམར་དབུས་ཞལ་མཐིང་། །བར་ཕྱག་མེ་དབལ་དབྱུག་ཏོ་ཐོགས། །ཡུམ་མཆོག་རྡོ་རྗེ་སྡེར་མོ་དཀར། །ཟ་གསོད་གཡག་དང་བྱ་རོག་མགོ །བསྲེགས་ཤིག་བསྲེགས་ཤིག་སྒྲ་དང་བཅས། །ཤར་ལྷོ་མེ་དཔུང་ཀློང་ན་བཞུགས། །ཨོྃ་བཛྲ་ཀྲོ་དྷ་ཡ་མནྟ་ཀ་ཧཱུྃ༔ པ་ཙ་པ་ཙ་ཧཱུཾ་ཕཊ༔ ཁྲོ་བོ་ཆེན་པོ་གཤིན་རྗེ་ནག །གཡས་སྔོ་གཡོན་ལྗང་དབུས་སྔོ་ནག །བར་ཕྱག་བེ་ཅོན་དགྲ་སྟྭ་འཛིན། །ཡུམ་མཆོག་དུར་ཁྲོད་བདག་མོ་སྔོ། །ཟ་གསོད་ཤ་བ་འུག་པའི་མགོ །ཚོས་ཤིག་ཚོས་ཤིག་སྒྲ་དང་བཅས། །ལྷོ་ཕྱོགས་མེ་དཔུང་ཀློང་ན་བཞུགས། །ཨོཾ་བཛྲ་ཀྲོ་དྷ་ཨཱརྱ་ཨ་ཙ་ལ་ཧཱུྃ༔ བྷནྡྷ་བྷནྡྷ་ཧཱུཾ་ཕཊ༔ ཁྲོ་བོ་ཆེན་པོ་མི་གཡོ་ལྗང་། །གཡས་སྔོ་གཡོན་སྨུག་དབུས་ལྗང་སྔོ། །བར་ཕྱག་རལ་གྲི་སྡིགས་མཛུབ་ཞགས། །ཡུམ་མཆོག་རྡོ་རྗེ་གཏུན་ཁུང་ལྗང་། །ཟ་གསོད་གཟིག་ དང་ཁྭ་ཏའི་མགོ །ཆིངས་ཤིག་ཆིངས་ཤིག་སྒྲ་དང་བཅས། །ལྷོ་ནུབ་མེ་དཔུང་ཀློང་ན་བཞུགས། །ཨོཾ་བཛྲ་ཀྲོ་དྷ་ཧྱ་གྲཱི་ཝ་ཧཱུྃ༔ ཧུ་ལུ་ཧུ་ལུ་ཧཱུཾ་ཕཊ༔ ཁྲོ་བོ་ཆེན་པོ་རྟ་མགྲིན་དམར། །གཡས་དཀར་གཡོན་སྔོ་དབུས་ཞལ་དམར། །བར་ཕྱག་ཞགས་པ་སྤུ་གྲི་བསྣམས། །ཡུམ་མཆོག་རྡོ་རྗེ་གཏུན་མོ་དམར། །ཟ་གསོད་བྱི་ལ་པུ་ཤུད་མགོ །བསྡུས་ཤིག་བསྡུས་ཤིག་སྒྲ་དང་བཅས། །ནུབ་ཕྱོགས་མེ་དཔུང་ཀློང་ན་བཞུགས། །ཨོཾ་བཛྲ་ཀྲོ་དྷ་ཨ་པ་རཱ་ཛཱི་ཏེ་ཧཱུཾ༔ ཏིཥྛ་ཏིཥྛ་ཧཱུཾ་ཕཊ༔ ཁྲོ་བོ་ཆེན་པོ་འདོད་རྒྱལ་དམར། །གཡས་གསེར་གཡོན་ལྗང་དབུས་དམར་སྐྱ། །བར་ཕྱག་བྷནྡྷ་རྔ་ཡབ་འཛིན། །ཡུམ་མཆོག་རྡོ་རྗེ་མདའ་སྙེམས་དམར། །ཟ་གསོད་སྤྱང་ཀི་ཁྲ་ཡི་མགོ །གཏོགས་ཤིག་གཏོགས་ཤིག་སྒྲ་དང་བཅས། །ནུབ་བྱང་མེ་དཔུང་ཀློང་ན་བཞུགས། །ཨོཾ་བཛྲ་ཀྲོ་དྷ་ཨ་མྲྀ་ཏ་ཀུཎྜ་ལཱི་ཧཱུཾ༔ ཚིནྡྷ་ཚིནྡྷ་ཧཱུཾ་ཕཊ༔ ཁྲོ་ཆེན་བདུད་རྩི་འཁྱིལ་བ་ལྗང་། །དབུས་ལྗང་གཡས་སེར་གཡོན་དུད་ཁ། །བར་ཕྱག་རྒྱ་གྲམ་དབྱུག་ཐོ་འཕྱར། །ཡུམ་མཆོག་རྡོ་རྗེ་རླུང་འབྱིན་ལྗང་། །ཟ་གསོད་ སེང་གེ་ཕ་ཝང་མགོ །ཆོད་ཅིག་ཆོད་ཅིག་སྒྲ་དང་བཅས། །བྱང་ཕྱོགས་མེ་དཔུང་ཀློང་ན་བཞུགས། །ཨོཾ་བཛྲ་ཀྲོ་དྷ་ཏྲཻ་ལོ་ཀྱ་བི་ཛ་ཡ་ཧཱུཾ༔ བྷིནྡྷ་བྷིནྡྷ་ཧཱུཾ་ཕཊ༔ ཁྲོ་ཆེན་ཁམས་གསུམ་རྣམ་རྒྱལ་སེར། །གཡས་དཀར་གཡོན་དམར་དབུས་ཞལ་སེར། །བར་ཕྱག་གཉིས་ཀྱིས་མདའ་གཞུ་འགེང་། །ཡུམ་མཆོག་རྡོ་རྗེ་གསོད་བྱེད་སེར། །ཟ་གསོད་དོམ་དང་སྲེ་མོང་མགོ །བརྡུངས་ཤིག་བརྡུངས་ཤིག་སྒྲ་དང་བཅས། །བྱང་ཤར་མེ་དཔུང་ཀློང་ན་བཞུགས། །ཨོཾ་བཛྲ་ཀྲོ་དྷ་མ་ཧཱ་བ་ལ་ཧཱུཾ༔ སྥོ་ཊ་སྥོ་ཊ་ཧཱུཾ་ཕཊ༔ ཁྲོ་བོ་ཆེན་པོ་སྟོབས་ཆེན་ནག ། གཡས་ནག་གཡོན་དམར་དབུས་དུད་ཁ། །བར་ཕྱག་ཐོ་བ་ཞགས་པ་བསྣམས། །ཡུམ་མཆོག་རྡོ་རྗེ་བསྐྱོད་བྱེད་ནག །ཟ་གསོད་དྲེད་དང་བྱི་ལའི་མགོ །ཆོམས་ཤིག་ཆོམས་ཤིག་སྒྲ་དང་བཅས། །འོག་ཕྱོགས་མེ་དཔུང་ཀློང་ན་བཞུགས། །བདུད་འདུལ་ཁྲོ་བོ་ཆེན་པོ་བཅུ། །ཀུན་ཀྱང་ཞལ་གསུམ་ཕྱག་དྲུག་པ། །དང་པོས་རྡོ་རྗེ་དུང་ཁྲག་འཛིན། །བར་པས་རང་རྟགས་ཕྱག་མཚན་གདེངས། །ཐ་ མས་ཕུར་བུ་འདྲིལ་ཞིང་འདེབས། །ཞབས་བཞི་འདོར་སྟབས་ཕྱོགས་སྐྱོང་བརྫིས། །རིགས་ལྔས་དབུ་བརྒྱན་ཐུགས་སྲོག་གསལ། །དུར་ཁྲོད་ཆས་སོགས་གཙོ་དང་མཚུངས། །ཡུམ་རྣམས་དྲིལ་འཁྱུད་བྷན་དམར་སྟོབ། །གཟིག་ཤམ་རུས་རྒྱན་འཁྲིལ་སྦྱོར་རོལ། །ཟ་གསོད་རང་རང་ཁྲོ་བོའི་མདོག །གཡས་པས་ཕུར་བུ་གཡོན་ལྕགས་ཀྱུ། །གཅེར་བུ་རང་རང་ཁྲོས་པའི་ཉམས། །འབར་བའི་ཆས་རྫོགས་འཕྲུལ་གྱི་གཟུགས། །ཧཱུྃ༔ ཕྱོགས་བཅུ་དྲེགས་པ་བསྣོལ་བའི་གདན་སྟེངས་སུ༔ ཧཱུཾ་དང་ཕཊ་སྒྲོགས་སྲིད་གསུམ་འཁོར་བ་འཇིག༔ བདུད་འདུལ་ཁྲོ་རྒྱལ་ཆེན་པོ་ཡབ་ཡུམ་དང་༔ ཟ་བྱེད་གསོད་བྱེད་གཏུམ་རྔམ་ཚོགས་བཅས་གསལ༔ ཨོཾ་བཛྲ་མ་ཧཱ་ཀྲོ་དྷ་ཀྲོ་དྷི་ཤྭ་རི༔ མ་ཐ་མ་ཐ་བཛྲ༔ ཛྭ་ལ་ཛྭ་ལ་བཛྲ་ཧཱུཾ་ཕཊ༔ བདུན་པ་ཕུར་པ་རྫས་ཀྱི་དཀྱིལ་འཁོར་བསྐྱེད་པ་ནི། ཁམས་གསུམ་སྙིང་རྗེས་བསྒྲལ་བའི་ཕྱིར། །གཙོ་བོའི་ཐུགས་ལས་ཧཱུཾ་འཕྲོས་ཏེ། །མཐིང་ནག་བདུན་དང་ལྗང་ནག་བདུན། །དམར་ནག་བདུན་རྣམས་མདུན་དང་ནི། །གཡས་ གཡོན་ཟླ་གམ་སྟེང་དུ་འཁོད། །ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ༔ ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ༔ ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ༔ ཧཱུཾ་ལས་འོད་ཟེར་ཕུར་བུའི་ཚོགས། །ཕྲ་མོ་གྲངས་མེད་ཕྱོགས་བཅུར་འཕྲོས། །ཁམས་གསུམ་སེམས་ཅན་ཐུགས་རྗེས་བསྒྲལ། །རྣམ་པར་ཤེས་པ་རྡོ་རྗེར་གྱུར། །ཧཱུཾ་ལ་ཐིམ་པས་ཧཱུཾ་ཉེར་གཅིག །ཡོངས་གྱུར་སྲས་མཆོག་ཕུར་བུ་ནི། །སྐུ་སྟོད་ཁྲོ་བོ་འཇིགས་པའི་གཟུགས། །དབུ་གསུམ་མཐིང་དཀར་དམར་བའི་ཞལ། །ཕྱག་དྲུག་ཕྱག་མཚན་གཙོ་དང་མཚུངས། །སྐེད་པ་ཆུ་སྲིན་ནས་ཐོན་པའི། །སྐུ་སྨད་རྣོ་ངར་ཕུར་བུའི་དབལ། །དགྲ་བགེགས་སྙིང་ལ་གཟིར་ཞིང་འབིག །དུར་ཁྲོད་དྲག་པོའི་ཆས་ཀྱིས་བརྒྱན། །འབར་བའི་ཚྭ་ཚྭ་སྐར་ལྟར་འཁྲུགས། །ཧཱུཾ༔ སྙིང་རྗེས་བསྒྲལ་བའི་དམ་ཚིན་ནི༔ བསད་ཅིང་མནན་པ་མ་ཡིན་ཏེ༔ ཕུང་པོ་རྡོ་རྗེར་གཏམས་བྱས་ནས། རྣམ་པར་ཤེས་པ་རྡོ་རྗེར་བསྒོམ༔ བརྒྱད་པ་སྒོ་སྐྱོང་སྲུང་མར་བཅས་པ་བསྐྱེད་པ་ནི། ཛཿཧཱུཾ་བྃ་ཧོཿ ཚད་མེད་བཞི་དངོས་སྒོ་མ་བཞི། །རྟ་གདོང་དཀར་མོ་ལྕགས་ཀྱུ་འཛིན། །ཕག་གདོང་ནག་མོ་མཆེ༔ ཞགས་ཐོགས། །ཉི་ཟླ་དམར་མོ་ལྕགས་སྒྲོགས་སྡོམ། །ཐལ་བྱེད་ལྗང་ཁུ་དྲིལ་འཁྲོལ་དགྱེས། །དྲག་མོ་དུར་ཁྲོད་རྒྱན་ཆ་ཅན། །ཐར་པ་ཆེན་པོའི་གྲོང་ཁྱེར་གྱི། །སྒོ་སྐྱོང་རྡོ་རྗེའི་དམ་ཚིག་མ། །ཨོཾ་བཛྲ་ཀཱི་ལི་ཀཱི་ལ་ཡ༔ མོ་ཧཱ་གྷྰ་ཏ་ཡ་མ་མ་ཤྰི་གྷྲཾ་ཀརྨ་ཀ་ར་ཡེ་ཧཱུཾ་ཕཊ༔ དཀྱིལ་འཁོར་བར་ཁྱམས་ཕྱོགས་མཚམས་སུ། །དཔལ་ཆེན་དམ་ཚིག་ཀཱི་ལ་ཡའི། །སྲུང་མ་ཆེན་མོ་བཅུ་གཉིས་དང་། །བསེ་ལྕགས་དུང་སོགས་གིང་ཆེན་བཞི། །ཕྱི་ཡི་ཁོར་ཡུག་ལྕགས་རི་ལ། །མཁའ་འགྲོ་སུམ་ཅུ་རྩ་གཉིས་དང་། །མ་མོ་བདུན་དང་སྲིང་མོ་བཞི། །དབང་ཕྱུག་ཉེར་བརྒྱད་ལ་སོགས་པ། །རང་རང་ཆ་བྱད་ལག་ཆར་བཅས། །རྒྱན་དང་བགོ་བ་བཞོན་པ་འཁོར། །སོ་སོའི་དམ་ཚིག་བཞིན་སྟོན་པ། །མུ་རན་ཁོར་ཡུག་གང་བར་གྱུར། །དེས་རྗེ་ལས་འབངས་བཞིན་མགྲོན་ཐབས་སུ་བསྐྱེད་དོ། །གཉིས་པ་ལ་རང་བཞིན་ཡེ་ཤེས་ཀྱི་དཀྱིལ་འཁོར་དགུག་པ་ལ་ཡན་ལག་བཅུ་གཉིས་ཏེ། རང་བཞིན་དགོངས་གསོལ་སྤྱན་དྲངས་ལ༔ ཕྱག་བྱ་དབང་ཞུ་གཉིས་མེད་བསྟིམ༔ སྨན་གཏོར་རཀྟ་དུག་གསུམ་དང་༔ སྦྱོར་སྒྲོལ་མཆོད་བསྟོད་བཟླས་པ་བྱ༔ ཞེས་པས་དང་པོ་ དགོངས་གསོལ་ནི། རང་གི་ཐུགས་ཀའི་ཧཱུྃ་ཡིག་ལས་བྱུང་བའི་འོད་ཟེར་རང་བཞིན་རྡོ་རྗེ་ཕུར་བུའི་ཞིང་ཁམས་ཐམས་ཅད་དུ་ཁྱབ་པར་འཕྲོས་པས་སྲིད་པའི་ཕུར་བུ་གཟུགས་ཀྱི་སྐུ་གང་ལ་གང་འདུལ་གྱི་མོས་པ་དང་འཚམས་པར་སད་པར་བསམ་ལ། ཧཱུྃ༔ རྡོ་རྗེ་གཞོན་ནུའི་རིག་འཛིན་རྣམས༔ སྲིད་པ་རྡོ་རྗེར་གྲུབ་མཛོད་ཅིག༔ སྲིད་པ་རྡོ་རྗེ་ཕུར་བུའི་ལྷ༔ ཡེ་ཤེས་ཁྲོ་བོ་གྲུབ་པར་མཛོད༔ ཨོཾ་བཛྲ་ས་མཱ་ཛཿགཉིས་པ་སྤྱན་དྲང་བ་ནི། ཧཱུཾ༔ སྲིད་པའི་ཕུར་བུ་སྒྲུབ་པ་དང་༔ དབང་དང་དངོས་གྲུབ་བླང་བའི་ཕྱིར༔ ཡེ་ཤེས་ཁྲོ་བོ་གཤེགས་སུ་གསོལ༔ ཏིང་འཛིན་དཀྱིལ་འཁོར་འདི་ལ་དགོངས༔ ཨོཾ་བཛྲ་ཀཱི་ལི་ཀཱི་ལ་ཡ་ཨེ་ཧྱེ་ཧི་བྷ་ག་ཝཱན་ས་མ་ཡ་ཛ་ཛཿཞེས་ཡེ་ཤེས་ཀྱི་འཁོར་ལོ་ཏིང་ངེ་འཛིན་གྱི་དཀྱིལ་འཁོར་ལ་ཕྱོགས་པས་མདུན་གྱི་ནམ་མཁར་བཞུགས་པར་བསམ། གསུམ་པ་ཕྱག་བྱ་བ་ནི། ཧཱུཾ༔ སྲིད་གསུམ་གདུག་པ་འདུལ་བ་དང་༔ ང་རྒྱལ་ཆེན་པོ་བརྟན་པའི་ཕྱིར༔ རྡོ་རྗེ་སྲིན་པོའི་ལྷ་ཚོགས་ལ༔ རྩེ་གཅིག་ཡིད་ཀྱིས་ཕྱག་འཚལ་ལོ༔ ཨ་ཏི་པཱུ་ཧོཿ པྲ་ཏཱི་ཙྪ་ཧོཿ བཞི་པ་དབང་ཞུ་བ་ནི། ཧཱུཾ༔ ཐབས་ ཀྱི་སྤྱོད་པས་འགྲོ་དོན་དུ༔ བྱམས་དང་སྙིང་རྗེས་གང་འདུལ་བ༔ སངས་རྒྱས་ཕྲིན་ལས་རྫོགས་མཛད་ནས༔ དབང་དང་བྱིན་རླབས་བདག་སྩོལ་ཅིག༔ ཨོཾ་ཨཱཿཧཱུཾ་ཨོཾ་ཧཱུཾ་སྭཱ་ཨཱཾཿཧཱ༔ ཀཱ་ཡ་ཝཱ་ཀ་ཙིཏྟ་གུ་ཎ་ཀརྨ་སིདྡྷི་ཨ་བྷིཥིཉྩ་ཧཱུྃ༔ ཡེ་ཤེས་འཁོར་ལོའི་གནས་གསུམ་ནས། །ཨོཾ་དཀར་ཨཱཿདམར་ཧཱུྃ་མཐིང་འཕྲོས། །དམ་ཚིག་འཁོར་ལོའི་གནས་གསུམ་དུ། །རྒྱས་བཏབ་སྐུ་གསུང་ཐུགས་བྱིན་བརླབས། །སླར་ཡང་སྤྱི་བོར་རིགས་ལྔ་ཡིས། །ཡེ་ཤེས་ལྔ་ཡི་དབང་མཆོག་བསྐུར། །སྐུ་གསུང་ཐུགས་ཡོན་ཕྲིན་ལས་བདག །རིགས་ལྔའི་ཅོད་པན་དབུ་བརྒྱན་གྱུར། །ལྔ་པ་དབྱེར་མེད་དུ་བསྟིམ་པ་ནི། ཧཱུཾ༔ སངས་རྒྱས་ཀུན་གྱི་སྐུ་གསུང་ཐུགས༔ ཡོན་ཏན་ཕྲིན་ལས་ཡོངས་རྫོགས་པ༔ བདག་དང་དབྱེར་མེད་ཐིམ་གྱུར་ལ༔ རབ་ཏུ་དགྱེས་ཤིང་བརྟན་པར་བཞུགས༔ ས་མ་ཡ་ཏིཥྛ་སྟྭཾ༔ ཞེས་རང་བཞིན་ཡེ་ཤེས་ཀྱི་དཀྱིལ་འཁོར་ཏིང་ངེ་འཛིན་གྱི་དཀྱིལ་འཁོར་དང་དབྱེར་མེད་དུ་གྱུར་པར་བསམ། འདིར་གཞུང་གི་རྩིས་བགོས་མ་བསྡུས་ཀྱང་སྤྱི་ཁྱབ་བཞིན་ཕྱི་ནང་ཉེར་སྤྱོད་ཀྱིས་མཆོད་པ་སྐབས་སུ་བབས་པར་འགྱུར་བས། ཕྱི་མཆོད་ནི། ཧཱུཾ༔ རང་བྱུང་རྣམ་དག་ཡིད་འོང་ཆུ༔ མེ་ཏོག་བདུག་སྤོས་མར་མེ་དྲི༔ ཞལ་ཟས་སྒྲ་སྙན་སྒེག་བཞད་ཕྲེང་༔ ལྷ་རྫས་ཕྱི་མཆོད་འདི་དག་ཀུན༔ ཁྲོ་རྒྱལ་འབར་བའི་ཚོགས་ལ་འབུལ༔ བཞེས་ཏེ་ཀུན་ཏུ་དགྱེས་མཛོད་ལ༔ བླ་མེད་དངོས་གྲུབ་སྩལ་དུ་གསོལ༔ ཨོཾ་བཛྲ་ཨརྒྷཾ། པུཥྤེ་ནས། ཤཔྡ་བཛྲ་ལཱ་སྱ་ཧཱ་སྱ་མཱ་ལེ་ཨཱཿཧཱུཾ༔ ནང་མཆོད་ནི། ཧཱུཾ༔ འཇིག་རྟེན་ཁམས་ཀྱི་དགྲ་བགེགས་ཀུན༔ བསྒྲལ་བའི་ཁྲག་གི་ཨརྒྷཾ་དང་༔ དབང་པོའི་མེ་ཏོག་གསུར་ཆེན་སྤོས༔ ཞུན་ཆེན་མར་མེ་མཁྲིས་པའི་ཆབ༔ ཤ་རུས་ཞལ་ཟས་ཐོད་རྔའི་སྒྲ༔ བདུད་འདུལ་ཁྲོ་བོའི་ལྷ་ལ་འབུལ༔ བཞེས་ནས་དགྲ་བགེགས་སྒྲོལ་བར་མཛོད༔ ཀརྨ་མ་ཧཱ་ཀྲོ་དྷ་ཨརྒྷཾ། པུཥྤཾ། དྷུ་པཾ། དི་པཾ། གནྡྷཾ། ནཻ་ཝིདྱཾ། ཤཔྡ་པྲ་ཏཱིཙྪ་སྭཱ་ཧཱ༔ དྲུག་པ་སྨན་མཆོད་འབུལ་བ་ལ། མཆོད་པ་དང་། དངོས་གྲུབ་བླང་བ་གཉིས་ཀྱི། དང་པོ་ནི། ཧཱུྃ༔ རང་བྱུང་གདོད་ནས་རྣམ་པར་དག༔ རྩ་བརྒྱད་སྟོང་ལ་སྦྱར་བའི་སྨན༔ རྩ་བ་འབུམ་ཕྲག་ཡངས་པའི་བཅུད༔ ར་སྰ་ཡ་ན་ལ་སོགས་སྨན༔ རིགས་ལྔ་དམ་ཚིག་ལྔ་ཡི་དངོས༔ ཡེ་ཤེས་ལྔ་རྫོགས་གྲུབ་པའི་རྫས༔ རྒྱུད་དྲུག་སེམས་ཅན་ཀུན་སྒྲོལ་བ༔ དུག་ལྔ་སེལ་བ་སྨན་གྱི་མཆོག༔ དཔའ་བོའི་རོ་དང་མཉམ་སྦྱར་ནས༔ རྒྱལ་བའི་དཀྱིལ་འཁོར་ཡོངས་ལ་འབུལ༔ བླ་མེད་འཕྲུལ་གྱི་དངོས་གྲུབ་སྩོལ༔ མ་ཧཱ་པཉྩ་ཨ་མྲྀ་ཏ་ཁ་རཾ་ཁཱ་ཧི༔ ཧཱུཾ། རྒྱལ་བ་དགོངས་བརྒྱུད་རིག་འཛིན་རིག་པའི་བརྒྱུད། །གང་ཟག་སྙན་བརྒྱུད་བླ་མ་ཐམས་ཅད་ལ། །རྣམ་དག་བདུད་རྩི་དམ་རྫས་མཉེས་མཆོད་འབུལ། །ཐུགས་རྗེས་བརྩེར་དགོངས་དབང་དང་དངོས་གྲུབ་སྩོལ། །མ་ཧཱ་པཉྩ་ཨ་མྲྀ་ཏ་ལ་ཁཱ་ཧི། །ཧཱུཾ༔ གྲུ་གསུམ་མཐིང་ནག་འབར་བའི་གདན་སྟེང་དུཿདཔལ་ཆེན་རྡོ་རྗེ་གཞོན་ནུ་ཡབ་ཡུམ་ལ༔ རྣམ་དག་བདུད་རྩི་དམ༴ ཐུགས་རྗེས་བརྩེར་དགོངས༴ མ་ཧཱ་པཉྩ༴ ཕྱོགས་བཅུའི་དྲེགས་པ་བསྣོལ་བའི་གདན་སྟེང་དུ༔ བདུད་འདུལ་འཇིགས་བྱེད་ཁྲོ་རྒྱལ་ཡབ་ཡུམ་ལ༔ རྣམ་དག་བདུད་རྩི༴ ཐུགས་རྗེས་བརྩེར་དགོངས༴ མ་ཧཱ༴ ཁྲོ་བོ་ཁྲོ་མོ་རོལ་པའི་བྱིན་རླབས་པས༔ སྤྲུལ་པའི་མགོ་བརྙན་ཁྲ་ཐབས་ཉི་ཤུ་ལ༔ རྣམ་དག་བདུད་རྩི་དམ་རྫས༴ ཐུགས་རྗེས་ བརྩེར་དགོངས༴ མ་ཧཱ༴ ཟླ་གམ་ཀློང་ཆེན་ཨེ་ཡི་གདན་སྟེང་དུ༔ གདུག་པའི་ཚོགས་སྒྲོལ་སྲས་མཆོག་ཕུར་བུ་ལ༔ རྣམ་དག་བདུད་རྩི་དམ་རྫས༴ ཐུགས་རྗེས་བརྩེར་དགོངས༴ མ་ཧཱ༴ ཤར་ལྷོ་ནུབ་བྱང་སྒོ་བཞི་སྲུང་མཛད་པའི༔ ཡེ་ཤེས་སྒོ་མ་ཆེན་མོ་རྣམ་བཞི་ལ༔ རྣམ་དག༴ ཐུགས་རྗེས་བརྩེར་དགོངས༴ མ་ཧཱ། མ་ལྟར་བྱམས་ཤིང་སྲིང་ལྟར་གདུང་སེམས་ཅན༔ ཤྭ་ན་བདག་ཉིད་ས་བདག་མཆེད་རྣམས་ལ༔ རྣམ་དག༴ ཐུགས་རྗེས༴ མ་ཧཱ༴ འབར་བའི་ཕོ་ཉ་མི་བཟད་དྲག་ཤུལ་ཅན༔ བསེ་ལྕགས་དུང་སོགས་གྱད་ཆེན་གིང་བཞི་ལ༔ རྣམ་དག༴ ཐུགས་རྗེས། མ་ཧཱ། ཅི་བགྱིའི་བཀའ་ཉན་ཕྲིན་ལས་ཐོགས་མེད་སྒྲུབ། །མ་སྲིང་འབར་མ་དབང་ཕྱུག་ཉེར་བརྒྱད་ལ། །རྣམ་དག༴ ཐུགས་རྗེས༴ མ་ཧཱ༴ གཞན་ཡང་བཀའ་ཡི་བསྟན་སྐྱོང་གཡར་དམ་ཅན། །ཞིང་སྐྱོང་གཞི་བདག་དཀར་ཕྱོགས་སྐྱོང་རྣམས་ལ། །རྣམ་དག༴ ཐུགས་རྗེས༴ མ་ཧཱ༴ སྣང་སྲིད་རྣམ་དག་སྒྱུ་འཕྲུལ་རྡོ་རྗེའི་སྤྲིན། །ཁྲག་འཐུང་ཕུར་བུའི་འཁོར་ལོར་སད་ པ་ལ། རྣམ་དག༴ ཐུགས་རྗེས༴ མ་ཧཱ་པཉྩ་ཨ་མྲྀ་ཏ་ཁ་རཾ་ཁཱ་ཧི༔ གཉིས་པ་དངོས་གྲུབ་བླང་བ་ནི། ཨོཾ་ཨཱཿཧཱུཾ༔ ཁྲོ་བོ་ཆེན་པོ་གཤེགས་སུ་གསོལ༔ ཁྲོ་བོ་ཆེན་པོ་གཤེགས་ནས་ཀྱང་༔ རྟགས་དང་མཚན་མ་བསྟན་པ་དང་༔ ཀཱི་ལ་ཡ་ཡི་དངོས་གྲུབ་སྩོལ༔ ཀཱ་ཡ་སིདྡྷི་ཨོཾ༔ ཝཱ་ཀ་སིདྡྷི་ཨཱཿཙིཏྟ་སིདྡྷི་ཧཱུཾ༔ བདུན་པ་གཏོར་མས་མཆོད་པ་ནི། ཧཱུཾ༔ དམ་རྫས་རྨད་བྱུང་གཏོར་ཆེན་པོ༔ ཆོས་ཉིད་སྐྱེ་མེད་ཀློང་ནས་སྤྲུལ༔ འདོད་ཡོན་རྣམ་ལྔས་རབ་ཏུ་སྤྲས༔ དཔལ་ཆེན་འཁོར་བཅས་ཐུགས་དམ་བསྐང་༔ ཨོཾ་བཛྲ་ཀཱི་ལི་ཀཱི་ལ་ཡ་སརྦ་བ་ལིངྟ་ཁཱ་ཧི༔ བརྒྱད་པ་རཀྟས་མཆོད་པ་ནི། ཉོན་མོངས་རྩ་བ་འཁོར་བའི་ཁྲག༔ ཁམས་གསུམ་འཁོར་བ་སྟོང་བྱའི་ཕྱིར༔ དུང་ཆེན་སྣོད་དུ་དམར་ཆེན་བསྐྱིལ༔ དཀྱིལ་འཁོར་ལྷ་ཚོགས་ཞལ་དུ་འབུལ༔ བཛྲ་ཀཱི་ལི་ཀཱི་ལ་ཡ་མ་ཧཱ་རཀྟ་ཁཱ་ཧི༔ དགུ་པ་དུག་གསུམ་མཆོད་པ་ནི། གཏི་མུག་ཤ་ཆེན་ཕུངས་སེ་ཕུང་༔ འདོད་ཆགས་ཁྲག་མཚོ་མེ་རེ་རེ༔ ཞེ་སྡང་རུས་གྲམ་ཉི་ལི་ལི༔ དཔལ་ཆེན་མཁའ་འགྲོའི་ཚོགས་ལ་འབུལ༔ མ་ཧཱ་མཱཾ་ས་རཀྟ་ཀེཾ་ནི་རི་ཏི་ཁ་ རཾ་ཁཱ་ཧི༔ བཅུ་པ་སྦྱོར་སྒྲོལ་གྱི་མཆོད་པ་ནི། ཧཱུཾ༔ ཁྲོ་མོ་འབར་བའི་གཏུན་ཁུང་དུ༔ རྡོ་རྗེ་ཐོ་བས་བརྡུངས་བྱས་ནས༔ ལྷ་ཡང་རུང་སྟེ་བསྒྲལ་བར་བྱ༔ ཁ་ཏཾ་ཁ་ཏཾ་ཁ་ཏཾ༔ ཧཱུྃ་ཧཱུྃ་ཧཱུྃ༔ ཕཊ་ཕཊ་ཕཊ༔ བཛྲ་ཡཀྵ་ཀྲོ་དྷ་ཁཱ་ཧི་ཁཱ་ཧི་ཁཱ་ཧི༔ ཧ་ཧ་ཧ༔ ཧཱུྃ་ཧཱུྃ་ཧཱུྃ༔ ཕཊ་ཕཊ་ཕཊ༔ བཅུ་གཅིག་པ་བསྟོད་པ་ནི། ཧཱུྃ༔ དུས་གསུམ་རྒྱལ་བ་མ་ལུས་འདུས་པའི་དཔལ༔ རྡོ་རྗེ་གཞོན་ནུའི་སྐུ་ལ་ཕྱག་འཚལ་བསྟོད༔ སྐྱེ་མེད་རྣམ་དག་ཤེས་རབ་གསལ་བའི་དོན༔ འཁོར་ལོ་རྒྱས་འདེབས་མ་ལ་ཕྱག་འཚལ་བསྟོད༔ ས་བཅུའི་མངའ་བདག་ཞིང་བཅུ་ཚར་གཅོད་དཔལ༔ ཁྲོ་རྒྱལ་ཆེན་པོ་བཅུ་ལ་ཕྱག་འཚལ་བསྟོད༔ ཕ་རོལ་ཕྱིན་བཅུའི་རང་བཞིན་ཤེས་རབ་དངོས༔ ཁྲོ་མོ་ཆེན་མོ་བཅུ་ལ་ཕྱག་འཚལ་བསྟོད༔ ཉོན་མོངས་ཉི་ཤུ་གནས་སུ་སྒྲོལ་མཛད་པ༔ ཁྲ་ཐབས་ཉི་ཤུའི་ཚོགས་ལ་ཕྱག་འཚལ་བསྟོད༔ ཐུགས་རྗེའི་ཤུགས་ཀྱིས་གནོད་གདུག་ཐམས་ཅད་སྒྲོལ༔ སྲས་མཆོག་འབར་བའི་ཚོགས་ལ༴ ཕྱི་ནང་བར་ཆད་སྲུང་བའི་ལས་ལ་བརྩོན༔ དྲག་མོ་སྒོ་མ་བཞི་ ལ་ཕྱག་འཚལ་བསྟོད༔ རྒྱལ་བའི་སྤྱན་སྔར་ཁས་བླངས་དབང་མོ་ཆེ༔ ཕུར་སྐྱོང་སྲུང་མའི་ཚོགས་ལ་ཕྱག་འཚལ་བསྟོད༔ ཨོཾ་བཛྲ་ཀཱི་ལི་ཀཱི་ལ་ཡ་ཧཱུཾ་ཕཊ༔ བཅུ་གཉིས་པ་ཛཔྲ་བཟླ་བ་ལ། ཛཔྲ་དགོངས་རྣམ་པ་ལྔ་ལས། དང་པོ་སྐུ་ཕྱག་རྒྱ་ལ་དམིགས་པའི་ཛཔྲ་དགོངས་ནི། སངས་རྒྱས་ཀུན་གྱི་ཡེ་ཤེས་སྐུ༔ ངང་ཉིད་རྡོ་རྗེ་ཆོས་དབྱིངས་ལས༔ འབར་བའི་ཁྲོ་བོ་མི་བཟད་པའི༔ སྐུ་ཡི་དབྱིག་ཏུ་བདག་བསྐྱེད་ཅིག༔ ཅེས་དཀྱིལ་འཁོར་གསུམ་གྱི་ལྷ་ཚོགས་སྤྱི་དང་ཁྱད་པར་བདག་ཉིད་རྩ་བའི་དཀྱིལ་འཁོར་ཡབ་ཡུམ་ཤིན་ཏུ་གསལ་བརྟན་འབར་བར་གྱུར་པའི་ང་རྒྱལ་ལ་བློ་བཞག་སྟེ་བཟླའོ། །གཉིས་པ་གསུང་ཡི་གེ་ལ་དམིགས་པའི་ཛཔྲ་དགོངས་ནི། ཐུགས་ཀའི་སྔགས་ཀྱི་ཕྲེང་བ་ལས། །འབར་བའི་འོད་ཟེར་མཁའ་ཁྱབ་འཕྲོས། །རྒྱལ་མཆོད་རྒྱུད་བསྐུལ་བྱིན་རླབས་བསྡུས། །འགྲོ་བའི་སྒྲིབ་སྦྱངས་བདེ་ལ་བཀོད། །དམ་ཅན་སྲུང་མ་ལས་ལ་བཙུད། །རིག་འཛིན་མཆེད་ལྕམ་ཐུགས་དམ་བསྐངས། །དགྲ་བགེགས་གདུག་པ་ཚར་ཐག་བཅད། །འཁོར་འདས་དྭངས་བཅུད་བདུད་རྩིའི་སྤྲིན། །སླར་འདུས་དཀྱིལ་འཁོར་གསུམ་ལ་ཐིམ། །སྐུ་གསུང་ ཐུགས་ཡོན་ཕྲིན་ལས་ཀྱི། །དབང་ཐོབ་ཆེ་བའི་ཡོན་ཏན་བསྐྱེད། །སྣང་གྲགས་རིག་པ་ལྷ་དང་སྔགས། །ཆོས་ཉིད་གཉུག་མའི་ཕྱག་རྒྱར་རྫོགས། །ཞེས་སྔགས་ཀྱི་འོད་ཟེར་འཕྲོ་འདུའི་ཏིང་ངེ་འཛིན་དང་སྦྱར་ཏེ་བཟླའོ། །གསུམ་པ་ཐུགས་ཆོས་ཉིད་ལ་དམིགས་པའི་ཛཔྲ་དགོངས་ནི། སྙིང་རྗེས་བསྒྲལ་བའི་དམ་ཚིག་ནི༔ བསད་ཅིང་མནན་པ་མ་ཡིན་ཏེ༔ ཕུང་པོ་རྡོ་རྗེར་གཏམས་བྱས་ནས༔ རྣམ་པར་ཤེས་པ་རྡོ་རྗེར་བསྒོམ༔ ཞེས་ཐུགས་དམིགས་མེད་སྟོང་བའི་དབྱིངས་ལས་རིག་རྩལ་སྣ་ཚོགས་འགགས་པ་མེད་པར་ཤར། ཤར་དུས་ཉིད་ནས་སྐྱེ་མེད་ཀྱི་ཀློང་དུ་དག་པ་ཆོས་ཉིད་རང་གྲོལ་གྱི་དགོངས་པས་བཟླའོ། །བཞི་པ་ཡོན་ཏན་ལ་དམིགས་པ་དབང་དང་དངོས་གྲུབ་ལེན་པའི་ཛཔྲ་དང་། ལྔ་པ་ཕྲིན་ལས་ལ་དམིགས་པ་སྤུ་གྲིའི་སྔགས་དྲུག་བཟླ་ཚུལ་ནི་དེ་དང་དེའི་མན་ངག་ཏུ་གསལ་ལོ། །བཟླ་བྱའི་སྔགས་ནི། ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུྃ་ཕཊ༔ ཛཿཧཱུྃ་ཨཱ༔ ཞེས་སྲོག་སྔགས་འབྲུ་དགུ་དང་། ལས་སྔགས་འབྲུ་ལྔ། མཁའ་འགྲོའི་འཕྱོང་སྔགས་འབྲུ་གསུམ་སྟེ། དེ་ལྟར་ཡི་གེ་བཅུ་བདུན་ནི་བསྙེན་པའི་སྔགས་སོ། །བསྙེན་སྒྲུབ་ཆིག་ཆོད་ལ་དྲག་སྔགས་འདུས་པ་འདི་ཉིད་བསྙེན་སྔགས་ལ་སྦྲེལ་ནས་བཟླ་སྟེ། མ་རཀ་མོ་ཡག་མོ༔ ཀཱ་ལ་ རཱུ་པ་སྙིང་རྩ་ལ་ཡཾ་ཡཾ༔ སྲོག་ལ་ཡཾ་ཡཾ༔ སྙིང་ལ་ཕྲིལ་ཕྲིལ༔ སྲོག་ལ་ཆུཾ་ཆུཾ༔ ཙིཏྟ་སྲོག་ལ་དུང་དུང་༔ སྙིང་ཁྲག་སྲོག་ལ་ཤད་ཤད༔ ཐུཾ་རི་ལི་ལི༔ ཙེག་ཙེག༔ འུར་འུར༔ ཤིག་ཤིག༔ གུལ་གུལ༔ མྱགས་མྱགས༔ སོད་སོད༔ དྷ་ཏི་མ་མ་ཀརྨ༔ ཤྰིགྷྲཾ་ཀ་ར་ཡེ༔ མཱ་ར་སེ་ན༔ པྲ་མ་རྡྷ་ན་ཡེ་ཧཱུྃ་ཕཊ༔ ཅེས་ཐེམ་ཡིག་ལས་ཡི་གེ་བདུན་ཅུ་རྩ་དྲུག་འབྱུང་ངོ་། །དེ་ལྟར་བསྙེན་སྒྲུབ་ལས་སྦྱོར་གྱི་འགྲོས་དང་སྦྱར་ཏེ་བཟླ་ཞིང་། ཐུན་མཚམས་སུ། ཧཱུྃ༔ ཡེ་ཤེས་ཁྲོ་རྒྱལ་ཕུར་པའི་ལྷ་ཚོགས་གཤེགས༔ ཛཔྲ་བསྙེན་གྲངས་དང་སྨན་རཀ་གཏོར་ཚོགས་འབུལ༔ སྐུ་གསུང་ཐུགས་ཡོན་ཕྲིན་ལས་རྫོགས་ལ་བསྟོད༔ རྩ་བ་ཡན་ལག་དམ་ཚིག་ཉམས་ཆག་བཤགས༔ རང་སེམས་དཔང་བཙུགས་བཀའ་བཞིན་བསྒྲུབ་ལགས་ན༔ དབྱིངས་ལས་སྐུ་བཞེངས་ཕྲིན་ལས་མཐར་ཕྱིན་མཛོད༔ ཐུན་མོང་མཆོག་གི་དངོས་གྲུབ་སྩལ་དུ་གསོལ༔ ཞེས་སྟོང་ཚིགས་ཀྱི་མཆོད་བསྟོད་བྱའོ། །སྤྱི་དོན་གསུམ་པ་རྗེས་ཀྱི་ལས་རིམ་ལ་བརྒྱད་དེ། རྗེས་ཚོགས་བསྐུལ་ལྷག་སྨོན་ལམ་གསོལ༔ གཏོར་གཏོང་དལ་བསྡུ་རྒྱུན་ཏིང་བྱའོ༔ ཞེས་པས། དང་པོ་ཚོགས་མཆོད་ལའང་། བྱིན་བརླབ། སྤྱན་འདྲེན། མཆོད་པ་གསུམ་གྱི། དང་པོ་བྱིན་བརླབ་པ་ནི། དམ་རྫས་སུ་འོས་པའི་ཡོ་བྱད་ཅི་འབྱོར་པ་བཤམས་པ་བདུད་རྩིས་བྲན་ལ། ཨོཾ་སརྦ་དྲ་བྱཾ་བི་ཤོ་དྷ་ཡ་ཧུྃ་ཕཊ༔ ཅེས་པས་སྤྱིར་བསང་། བྷྲཱུྃ་རཾ་ཡཾ་ཁཾ༔ ཧཱུྃ༔ རྡོ་རྗེ་ལྟ་བུའི་ཡེ་ཤེས་ཀྱིས༔ ཆོས་ཀུན་ཐམས་ཅད་སྒྱུ་མར་རིག༔ རིག་པའི་ཡེ་ཤེས་རཾ་ཞེས་བྱ༔ རཾ་ལས་ཡེ་ཤེས་མེ་བྱུང་བས༔ ཕྱི་ནང་དངོས་པོར་འཛིན་པ་ཀུན༔ ཐམས་ཅད་མ་ལུས་བསྲེག་པར་བྱའོ༔ རྡོ་རྗེ་ལྟ་བུའི་ཡེ་ཤེས་ཀྱིས༔ ཆོས་ཀུན་ཐམས་ཅད་སྒྱུ་མར་རིག༔ རིག་པའི་ཡེ་ཤེས་ཡཾ་ཞེས་བྱ༔ ཡཾ་ལས་ཡེ་ཤེས་རླུང་བྱུང་བས༔ རྣམ་རྟོག་དངོས་པོར་འཛིན་པ་ཀུན༔ ཐམས་ཅད་མ་ལུས་གཏོར་བར་བྱའོ༔ རྡོ་རྗེ་ལྟ་བུའི་ཡེ་ཤེས་ཀྱིས༔ ཆོས་ཀུན་ཐམས་ཅད་སྒྱུ་མར་རིག༔ རིག་པའི་ཡེ་ཤེས་ཁཾ་ཞེས་བྱ༔ ཁཾ་ལས་ཡེ་ཤེས་ཆུ་བྱུང་བས༔ གཟུང་འཛིན་མཚན་མའི་བག་ཆགས་ཀུན༔ ཐམས་ཅད་མ་ལུས་བཀྲུ་བར་བྱའོ༔ ཧཱུྃ་མཱུྃ༔ ཨོྃ་ལྰཾ༔ སྭཱ་མཱཾ༔ ཨཱ་པྰཾ༔ ཧཱ་ཏྰཾ༔ ཨོཾ་ཨཱཿཧཱུྃ་སརྦ་པཉྩ་ཨ་མྲྀ་ཏ་ཧཱུཾ་ཧྲཱིཿཋཱ༔ རིགས་ལྔ་ཡབ་ཡུམ་མཉམ་སྦྱོར་བའི། །བྱང་ཆུབ་ སེམས་ཀྱི་དམ་ཚིག་རྫས། །ཟག་མེད་འདོད་ཡོན་ལྔ་ལྡན་གྱི། །ལོངས་སྤྱོད་ནམ་མཁའ་མཉམ་པར་གྱུར། །གཉིས་པ་ཚོགས་ཞིང་སྤྱན་དྲང་བ་ནི། ཧཱུྃ༔ སྲིད་བའི་ཕུར་བུ་སྒྲུབ་པ་དང་༔ དབང་དང་དངོས་གྲུབ་བླང་བའི་ཕྱིར༔ ཞལ་ཟས་ཚོགས་ཀྱི་མཆོད་པ་ལ༔ ཡེ་ཤེས་ཁྲོ་བོ་གཤེགས་སུ་གསོལ༔ ཨོཾ་བཛྲ་ཀཱི་ལི་ཀཱི་ལ་ཡ་ཛཿཧཱུཾ་བཾ་ཧོཿ གསུམ་པ་མཆོད་པ་ལ་སྤྱི་དང་ཁྱད་པར་གཉིས་ཀྱི། དང་པོ་སྤྱིར་མཆོད་པ་ནི། ཧཱུཾ༔ འབྱུང་བ་ཆེན་པོ་ནམ་མཁའ་ཆེ༔ ནམ་མཁའ་ལས་ནི་འདོད་པ་འབྱུང་༔ འདོད་ཡོན་མཆོད་པ་བཞེས་སུ་གསོལ༔ ཨོཾ༔ གཟུགས་མ་ལག་གཉིས་མེ་ལོང་ཐོགས༔ གཟུགས་མཛེས་སྤྱོད་པ་ཕྱོགས་བཅུར་གཡོ༔ ཤིན་ཏུ་སྒེག་པའི་གཟི་ལྡན་འབར༔ གཟུགས་ཀྱི་ལྷ་མོ་སྤྱན་ལ་ཐིམ༔ ཨོཾ༔ སྒྲ་མ་ལག་གཉིས་པི་ཝཾ་ཐོགས༔ བདེན་པའི་སྒྲ་སྙན་ཕྱོགས་བཅུར་གཡོ༔ དབྱངས་སྙན་ཡིད་འཕྲོག་འཇམ་པོའི་དབྱངས༔ སྒྲ་ཡི་ལྷ་མོ་སྙན་ལ་ཐིམ༔ ཨོཾ༔ དྲི་མ་ལག་གཉིས་སྤོས་ཕོར་ཐོགས༔ སྤོས་ཀྱི་སྤྲིན་ལྡིང་བདུག་པ་མོ༔ དྲི་ཞིམ་སྤོས་ཀྱི་ངད་ལྡངས་མ༔ དྲི་ཡི་ལྷ་མོ་ཤངས་ལ་ཐིམ༔ ཨོཾ་ རོ་མ་ལག་གཉིས་ཟས་གཞོང་ཐོགས༔ བཅུད་ལེན་རོ་མཆོག་ལྔ་བརྒྱ་ལྡན༔ ཀུན་ཏུ་རོ་མཆོག་ཚིམ་བྱེད་མ༔ རོ་ཡི་ལྷ་མོ་ལྗགས་ལ་ཐིམ༔ ཨོཾ༔ རེག་གི་ལྷ་མོ་ཡོངས་འཁྱུད་མ༔ ཐུགས་ཀ་དག་ནས་ཡོངས་སུ་འཁྱུད༔ ཀུན་ཏུ་རེག་ནི་ཚིམ་བྱེད་མ༔ རེག་བྱའི་ལྷ་མོ་སྐུ་ལ་ཐིམ༔ ཨོཾ༔ ཆོས་ཀྱི་ལྷ་མོ་པུསྟི་བསྣམས༔ ཡིད་ནི་ཚིམ་པར་བྱེད་པ་སྟེ༔ ཐམས་ཅད་མ་ལུས་ཆོས་ཀྱི་དབྱིངས༔ ཆོས་ཀྱི་ལྷ་མོ་ཐུགས་ལ་ཐིམ༔ ཨོཾ་བཛྲ་ཀཱི་ལི་ཀཱི་ལ་ཡ་སརྦ་ཏ་ཐཱ་ག་ཏ་ནཾ༔ རཱུ་པ༔ ཤཔྡ༔ གནྡྷེ༔ ར་ས༔ སྤརྴེ༔ དྷརྨ་ག་ཎ་ཙཀྲ་པཱུ་ཛ་མེ་གྷ་པྲ་ཏཱིཙྪ་ཧོཿ ཞེས་འདོད་ཡོན་ལྔས་སྤྱིར་མཆོད་ནས། ཚོགས་རྫས་ཐུན་མོང་དུ་བཏེགས་ལ། ཧཱུཾ༔ བླ་མེད་མཆོག་གི་མཆོད་པ་དམ་པ་འདི༔ ཡེ་ཤེས་ལྔ་ཡི་འོད་ཟེར་རྣམ་པར་འཕྲོ༔ འདོད་པའི་ཡོན་ཏན་ལྔ་ཡིས་རབ་བརྒྱན་ཏེ༔ བླ་མ་ཡི་དམ་ལྷ་ཚོགས་རྣམས་ལ་འབུལ༔ ཨོཾ་གུ་རུ་དེ་ཝ་ཌཱ་ཀི་ནཱི་ག་ཎ་ཙཀྲ་ཁཱ་ཧི༔ ཞེས་འབུལ་ཞིང་། སྤྲོ་ན་སྐབས་འདིར་སྐོང་བའི་ལས་རིམ་གཞན་ཡང་བྱའོ། །གཉིས་པ་བྱེ་བྲག་ཏུ་མཆོད་པ་ནི། ཚོགས་ཕུད་རིམ་པ་གསུམ་དུ་སྤྲོས་ ལ། དང་པོ་མཆོད་པ་ནི། ཧཱུྃ༔ དམ་ཚིག་ཆེན་པོའི་དུས་ལ་བབ༔ ཚོགས་ཕུད་མཆོད་པ་བཞེས་སུ་གསོལ༔ སྤྲུལ་པ་ཆེན་པོའི་དུས་ལ་བབ༔ ཚོགས་ཕུད༴ ཕྱག་བརྙན་ཆེན་པོའི་དུས་ལ༴ ཚོགས་ཕུད༴ ཤྭ་ན་མུ་ཁའི་དུས་ལ༴ ཚོགས་ཕུད༴ བདག་ཉིད་ཆེན་མོའི་དུས༴ ཚོགས་ཕུད། ས་བདག་ཆེན་མོའི་དུས། ཚོགས་ཕུད་མཆོད་པ་བཞེས་སུ་གསོལ༔ བཛྲ་ཡཀྵ་ཀྲོ་དྷ་ཁཱ་ཧི༔ བར་པ་བཤགས་པ་ནི། ཡེ་ཤེས་ལྷ་ལ་རྟོག་པ་མི་མངའ་ཡང་༔ དེ་ཡི་འཁོར་དུ་གཏོགས་པའི་ལྷ་སྲིན་རྣམས༔ མི་ཡི་སྐྱོན་མཐོང་ཙམ་ན་བར་ཆད་རྩོམ༔ བདག་ཅག་མ་རིག་སྒོ་གསུམ་བག་མེད་པས༔ འདོད་ཁྲོ་གཏི་མུག་དབང་གིས་ནོངས་བྱས་བཤགས༔ ཚོགས་ཀྱིས་མཆོད་དོ་ཚངས་དབང་དངོས་གྲུབ་སྩོལ༔ ས་མ་ཡ་ཧོཿ ས་མ་ཡ་ཏིཥྛ་སྟྭཾ༔ ཐ་མ་བསྒྲལ་སྟོབ་ནི། བྲུབ་ཁུང་དུ་ལིངྒ་བཅས་པའམ་ཚོགས་ཐ་མ་ལ་དམིགས་རྟེན་བྱས་ཏེ། ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་དགྲ་བགེགས་མཱ་ར་ཡ་ཧཱུཾ་ཕཊ༔ ཅེས་བརྗོད་པས། བདག་ཉིད་དཔལ་ཆེན་པོའི་ཐུགས་ཀ་ནས་སྤྲུལ་པའི་ཁྲོ་ཚོགས་ཕོ་ཉ་གྲངས་མེད་ པ་སྟོང་ཁམས་གང་བར་འཕྲོས་པས་དམིགས་བྱ་རང་དབང་མེད་པར་བཀུག་སྟེ་མདུན་གྱི་ལིངྒ་ལ་ཐིམ་པར་བསམ་ཞིང་། བདེན་སྟོབས་བརྗོད་པ་སྔོན་དུ་འགྲོ་བས། ཨོཾ་བཛྲ་ཀཱི་ལི་ཀཱི་ལ་ཡ་དགྲ་བགེགས་གནོད་བྱེད་ཛཿཧཱུཾ་བཾ་ཧོཿ ཤྰི་གྷ྄ཾ་ཨཱ་ན་ཡ་ཧཱུཾ་ཕཊ༔ ཅེས་དགུག་གཞུག་བྱས་ལ། ཧཱུྃ་ཛཿདམ་ཚིག་ཆེན་པོའི་དུས་ལ་བབ༔ སྤྲུལ་པ་ཆེན་པོའི་དུས་ལ་བབ༔ ཕྱག་བརྙན་ཆེན་པོའི༴ ཤྭ་ན་མུ་ཁའི༴ བདག་ཉིད་ཆེན་མོའི༴ ས་བདག་ཆེན་མོའི༴ ཁྱེད་ཀྱི་ཕྲིན་ལས༴ མཐུ་རྩལ་དབྱུང་བའི་དུས༴ ཅེས་ཕོ་ཉ་བསྐུལ། ཧཱུཾ༔ བྱང་ཆུབ་མཆོག་ཏུ་སེམས་བསྐྱེད་ཅིང་༔ དུས་གསུམ་རྒྱལ་བའི་གདུང་འཚོབ་པའི༔ རིག་འཛིན་བདག་ཅག་རྣམས་ལ་ནི༔ གནོད་ཅིང་གདུག་པའི་དགྲ་དང་བགེགས༔ བདུད་དང་བར་དུ་གཅོད་པ་རྣམས༔ ཁྲོ་བོ་ཆེན་པོའི་བྱིན་རླབས་ཀྱིས༔ ཡུད་ཙམ་གྱིས་ནི་འདིར་བཀུག་ནས༔ མངོན་སྤྱོད་ཚུལ་བཞིན་བསྒྲལ་བ་དང་༔ ལུས་ངག་རྡུལ་དུ་བཤིག་ནས་ཀྱང་༔ སྡུག་བསྔལ་ཉམས་སུ་མྱོང་བར་མཛོད༔ ཨོཾ་ལཾ་ཧཱུཾ་ལཾ་སྟྭམྦྷ་ཡ་ནན་མོ་ཧཱ་གྷྰ་ཏ་ཡ་བྷ་ག་ཝཱན་ཧྲཱིཿ ཀྲི་ཤྰི་ བི་ཀྲི་བཛྲ་ཧཱུཾ་ཀཱ་ར་ཧཱུཾ༔ བཛྲ་ཀཱི་ལི་ཀཱི་ལ་ཡ་ཛཿཧཱུཾ་བཾ་ཧོཿ སརྦ་བིགྷྣཱན་བཛྲ་ཀཱི་ལི་ཀཱི་ལ་ཡ་ཧཱུྃ་ཕཊ༔ བཛྲ་ཧཱུཾ་ཀཱ་ར་ཧཱུཾ་ཕཊ༔ ཧཱུྃ་ཀཱ་ར་ཧཱུྃ་ཨ་ཕཊ༔ ཅེས་གསལ་བ་གསུམ་ལྡན་གྱི་ངང་ནས་སྲས་མཆོག་གི་ཕུར་བུ་བསྒྲིལ་ཞིང་བཏབ་སྟེ་ཚེ་ཁྲུས་ཀྱི་དགོངས་པས་རྣམ་ཤེས་བདེ་བ་ཆེན་པོའི་འཁོར་ལོར་སྦྱར་ནས་བརྟེན་པ་དབྱིངས་སུ་བསྒྲལ། སླར་ཡང་བག་ཆགས་ཀྱི་རྟེན་གཞི་བསྒྲལ་བའི་ཕྱིར། དངོས་གྲུབ་བར་ཆད་བྱེད་པའི་བགེགས༔ གདུག་ཅིང་སྡང་སེམས་ལྡན་པ་རྣམས༔ ཟུངས་ཤིག་རྒྱོབ་ཅིག་རྣམ་པར་ཆིངས༔ གཏོགས་ཤིག་གྲོགས་དང་བྲལ་བར་གྱིས༔ རིངས་པར་ཁུག་ལ་སྨྲར་ཆུ་གཅིག༔ ཕོབ་ཅིག་རྣམ་པར་གཟིར་བར་གྱིས༔ ང་ཡི་དབང་དུ་གྱུར་ནས་ཀྱང་༔ བསྒོ་བའི་བཀའ་ལ་གཉན་པར་བྱོས༔ ཧཱུྃ་པ་ར་བིདྱཱ་ཙྪིནྡྷ་ཙྪིནྡྷ་ཧཱུྃ་ཕཊ༔ བིནྡྷ་བྷིནྡྷ་ཧཱུྃ་ཕཊ༔ གྲྀཧྞ་གྲྀཧྞ་ཧཱུཾ་ཕཊ༔ ཧ་ན་ཧ་ན་ཧཱུྃ་ཕཊ༔ བྷིནྡྷ་བྷིནྡྷ་ཧཱུྃ་ཕཊ༔ ཏྲྰ་ཤ་ཡ་ཏྲྰ་ཤཱ་ཡ་ཧཱུྃ་ཕཊ༔ ཧ་ས་ཡ་ར་ཧ་ས་ཡ་ར་ཧྲི་དཎྜ་ཧཱུྃ་ཕཊ༔ ཤྰི་གྷྲཾ་ཨཱ་ན་ཡ་ཧཱུཾ་ཕཊ༔ ཛྭ་ལ་པ་ཡ་ཛྭ་ལ་པ་ཡ་ཧཱུྃ་ཕཊ༔ ཨཱ་བེ་ཤ་ཡ་ཨ་བེ་ཤ་ཡ་ཧཱུྃ་ཕཊ༔ བྷིནྡྷ་ཡ་བྷིནྡྷ་ཡ་ཧཱུྃ་ཕཊ༔ བྲན་དང་བཀའ་ཉན་ཕོ་ཉའི་ཚོགས༔ ཁྱེད་ཀྱི་དམ་ཚིག་དུས་ལ་བབ༔ སྔོན་ཆད་ ཁས་བླངས་དམ་བཅས་བཞིན༔ མངོན་སྤྱོད་ཕྲིན་ལས་གྲུབ་པར་མཛོད༔ ཧ་ན་ཧ་ན་བཛྲ༔ ད་ཧ་ད་ཧ་བཛྲ༔ པ་ཙ་པ་ཙ་བཛྲ༔ མ་ཐ་མ་ཐ་བཛྲ༔ ཛྭ་ལ་ཛྭ་ལ་བཛྲ༔ སུ་རུ་སུ་རུ་བཛྲ༔ མུ་རུ་མུ་རུ་བཛྲ༔ ཀ་ཊཾ་ཀ་ཊ་ཡེ༔ ཛ་ཡེ་བི་ཛ་ཡེ༔ ཨ་ཛི་ཏེ་ཨ་པ་ར་ཛི་ཏེ༔ མཱ་ར་སེ་ན་པྲ་མཱརྡྷ་ནི་ཧཱུྃ་ཕཊ༔ ཅེས་ཁྲོ་བོ་ཁྲོ་མོའི་ཕུར་བུའམ་ལས་ཕུར་དེར་མོས་པས་གནས་སོ་སོར་གདབ་ཅིང་སྤུ་གྲིའི་སྔགས་ཀྱིས་ཐུན་རྫས་སྣ་ཚོགས་པས་བྲབ། རྡོ་རྗེ་གསང་བའི་བཀའ་ལས་ནི༔ སྡིག་ཅན་གང་ཞིག་འདའ་བྱེད་པ༔ སྟོབས་ཆེན་ཁྲོ་བོ་ཆེན་པོ་ཡིས༔ ཀླད་པ་ཚལ་པ་བརྒྱ་རུ་ཁོས༔ ཉོན་ཅིག་བགེགས་དང་ལོག་འདྲེན་ཚོགས༔ ང་ཡི་བཀའ་ལས་འདའ་མ་བྱེད༔ ཧཱུྃ་མ་མ་པཱ་ཤཾ་ཀུ་རུ་མ་ཏཾ་ཉ་ན་ཀ་ར་ཨི་དན་དྷ་ཏི་མ་མ་ཤྰི་གྷྲཾ་ཀ་རེ་ཡེ་ཧཱུྃ་ཕཊ༔ གདུག་ཅིང་སྡང་སེམས་ལྡན་པ་ཡི༔ ལྷའམ་འོན་ཏེ་བདུད་ཀྱང་རུང་༔ ང་ལ་བར་ཆད་བྱེད་པའི་བགེགས༔ མཐུ་དང་རྫུ་འཕྲུལ་མེད་པར་བྱོས༔ སརྦ་ཨཱ་ན་ཡ་ཧཱུཾ་ཕཊ༔ ཏ་ཐཱ་ཡ་ཏ་ཐཱ་ཡ་ཧཱུཾ་ཕཊ༔ ཅེས་མཚོན་ཆའི་ཆར་བབས་པར་བསམ་ལ་རལ་གྲིས་གཏུབ་ཅིང་འཁོར་འདས་ཀྱི་མཐའ་བསལ། རྡུངས་ཤིག་རྡོ་རྗེ་ འབར་བའི་གཏུན༔ བཀའ་ལས་འདའ་བྱེད་སྡིག་ཅན་འདི༔ རྡོ་རྗེ་མེ་དབལ་སྙིང་བསྲེགས་ནས༔ ལུས་ངག་རྡུལ་ཕྲན་བཞིན་དུ་རློག༔ ཁྲོ་མོ་འབར་བའི་གཏུན་ཁུང་དུ༔ རྡོ་རྗེ་ཐོ་བས་བརྡུངས་བྱས་ནས༔ ལྷ་ཡང་རུང་སྟེ་བསྒྲལ་བར་བྱ༔ བཅོལ་བའི་ཕྲིན་ལས་གྲུབ་པར་མཛོད༔ ཁ་ཏཾ་ཁ་ཏཾ་ཁ་ཏཾ༔ ཧཱུྃ་ཧཱུྃ་ཧཱུྃ༔ ་ཕཊ་ཕཊ་ཕཊ༔ ཅེས་ཐོ་བས་བརྡུང་ངོ་། །སྙིགས་མའི་ཕུང་པོ་བདུད་རྩིར་སྦར་བ་དཔལ་གྱི་གཏོར་མར་བསྟབ་ལ། ཧཱུྃ༔ དཔལ་ཆེན་འཁོར་བཅས་ཞལ་ཕྱེས་ཤིག༔ དགྲ་བགེགས་བསྒྲལ་བའི་ལྔ་ཕུང་འདི༔ དཔལ་ཆེན་ཡབ་ཡུམ་ཞལ་དུ་བསྟབ༔ ཁྲོ་རྒྱལ་ཡབ་ཡུམ་ཞལ་དུ་བསྟབ༔ སྲས་མཆོག་འབར་བའི་ཞལ་དུ་བསྟབ༔ ཟ་གསོད་སྒོ་མའི་ཞལ་དུ་བསྟབ༔ མཁའ་འགྲོ་གིང་ཚོགས་ཞལ་དུ་བསྟབ༔ སྡང་དགྲ་གདོན་བགེགས་འཁོར་བཅས་རྣམས༔ རྡུལ་ཕྲན་ཙམ་ཡང་མེད་པར་རོལ༔ བཛྲ་ཡཀྵ་ཀྲོ་དྷ་ཁ་ཁ་ཁཱ་ཧི་ཁཱ་ཧི༔ ཧ་ཧ་ཧ༔ ཧཱུྃ་ཧཱུྃ་ཧཱུྃ༔ ཕཊ་ཕཊ་ཕཊ༔ གཉིས་པ་བཅོལ་བསྐུལ་བྱ་བ་ནི། ཕོ་ཉ་འདུས་པའི་གཙོ་བོས་ཕུར་བུ་འདྲིལ། བཤུགས་པས་འབོད་ཅིང་རྔ་ཐབས་དང་བསྟུན་ལ། ཧཱུྃ་ཛཿདམ་ཚིག་ཆེན་པོའི་ དུས་ལ་བབ༔ ཅེས་སོགས་བབ་བརྒྱད་ཀྱིས་ཕོ་ཉ་བསྐུལ་ནསབྱང་ཆུབ་མཆོག་ཏུ་སེམས་བསྐྱེད་ཅིང་༔ སོགས་ཕྲིན་ལས་བཅོལ་བ་ལས་རིམ་བདུན་གྱི་སྔགས་རྣམས་དོར་ལ་གོང་བཞིན་དྲག་ཏུ་བརྗོད་པས་བསྐུལ་ལོ། །དེ་ཡང་ཚོགས་ཐ་མར་ཕུར་གདབ་ཀྱིས་བརྟེན་པ་བསྒྲལ་བ་ཙམ་གྱི་མཐར་བསྟབ་པ་སྦྱར་ན་གོང་གི་བཅོལ་བསྐུལ་ངེས་པར་བྱ་ཞིང་། གདབ་ཁ་རྫོགས་པར་བྱས་ན་བཅོལ་བསྐུལ་མ་བྱས་ཀྱང་ཆོག་གོ །དེ་ནས་ཐ་མལ་གྱི་རྟོག་པའི་འཆིང་བ་དགྲོལ་ཕྱིར་ལས་ཀྱི་རྡོ་རྗེས་འཁོར་ལོའི་འདུས་པའི་གཙོ་བོ་ལ་ཕྱག་བཅས་ཐབས་ཤེས་ཀྱི་དམ་རྫས་བསྣོལ་མར་སྟོབ་ཅིང་། ཚོགས་ཀྱི་མཆོད་པ་རྒྱན་དུ་རོལ། །ཞེས་དྲངས། ལེན་པ་པོས། ཨ་ལ་ལ་ཧོཿ ཞེས་བརྗོད་ཅིང་བླང་། འདུས་པ་རྣམས་ལའང་བྲིམས་ཏེ་བཟའ་བའི་དམ་ཚིག་ནང་གི་སྲེག་བླུགས་ཀྱི་སྒོ་ནས་ཚིམས་བར་ལོངས་སྤྱད་དོ། །གསུམ་པ་ལྷག་མའི་ཆོ་ག་ནི། ལྷག་མ་བསྡུས་པའི་དམེ་གཏོར་དང་། ཕུད་སོ་སོར་བཤམས་པ་སྨན་རཀ་བྲན་ཏེ། ཧཱུྃ༔ དང་པོ་ཕུད་ཀྱིས་མི་མཆོད་དུ༔ རྡོ་རྗེ་གཞོན་ནུ་ཕུད་ཀྱི་བདག༔ བར་དུ་སྤྲིན་ལྟར་མི་གཏིབས་སུ༔ དགེ་བའི་བཤེས་གཉེན་གཉན་གྱི་བཀའ༔ ཐ་མ་གཅིག་ཏུ་མི་བསྲེ་རུ༔ མ་ཚོགས་དབང་ཕྱུག་ལྷག་མའི་གནས༔ ལྷག་མ་ཁ་ ཆུས་མི་བྲན་དུ༔ ཁྱོད་དང་ངེད་གཉིས་དམ་ཚིག་གཅིག༔ ཡེ་ནས་འདུ་འབྲལ་མེད་དོན་དུ༔ ཚུལ་བཞིན་མཆོད་ཀྱིས་ད་ཚུར་བྱོན༔ ཞེས་བརྗོད་ནས་ཕུད་ལྷག་བསྲེ། ཨོཾ་ཨཱཿཧཱུྃ་པཉྩ་ཨ་མྲྀ་ཏ་ཧཱུྃ་ཧ་ཧོ་ཧྲཱིཿ ཞེས་བདུད་རྩིའི་ཁ་ཆུ་བྲན་པས། ལྷག་མའི་དམ་ཚིག་འདོད་ཡོན་གྱི་ཕུང་པོ་ཟད་མི་ཤེས་པས་ནམ་མཁའ་གང་བར་བསམ་ལ། ཧཱུྃ༔ བྲན་དང་བཀའ་ཉན་ཕོ་ཉའི་ཚོགས༔ ཁྱེད་ཀྱི་དམ་ཚིག་དུས་ལ་བབ༔ སྔོན་ཆད་ཇི་ལྟར་དམ་བཅས་པའི༔ མངོན་སྤྱོད་ཕྲིན་ལས་གྲུབ་པར་མཛོད༔ ལྷག་མའི་མཆོད་པ་འདི་བཞེས་ལ༔ བསྟན་པ་གཉན་པོ་བསྲུང་དུ་གསོལ༔ མ་ཧཱ་པཉྩ་ཨ་མྲྀ་ཏ་ཁཱ་ཧི༔ མ་ཧཱ་བ་ལིཾ་ཏ་ཁཱ་ཧི༔ མ་ཧཱ་རཀྟ་ཁཱ་ཧི༔ བུདྡྷ་ཌཱ་ཀི་ནཱི༔ རཏྣ་ཌཱ་ཀི་ནཱི༔ པདྨ་ཌཱ་ཀི་ནཱི༔ ཀརྨ་ཌཱ་ཀི་ནཱི༔ སརྦ་ཌཱ་ཀི་ནཱི་ཁ་ཁ་ཁཱ་ཧི་ཁཱ་ཧི༔ ཀིང་ཀ་ར་མ་ཧཱ་པཉྩ་བ་ལིཾ་ཏ་ཁཱ་ཧི༔ ཞེས་རོལ་མོའི་སྒྲ་དང་བཅས་པས་གཏོར་མ་ཕྱི་རོལ་དུ་དོར་དོ། །བཞི་པ་སྨོན་ལམ་གདབ་པ་དང་། ལྔ་པ་བཟོད་པར་གསོལ་བ་ནི་སྤྱིའི་འགྲོས་བཞིན་འཁྲུགས་སྡེབས་ཀྱིས་འོག་ཏུ་སྟོན་ནོ། །དྲུག་པ་གཏོར་མ་གཏོང་བ་ལ་གསུམ་ལས། དང་པོ་ཆད་མདོ་བསྒྲགས་པ་ནི། གཏོར་མ་ཕྱིར་བསྣུར་ལ་སྨན་རཀ་སྦྲེང་ཞིང་། ཧཱུྃ༔ སྔོན་ཚེ་འདས་དུས་བསྐལ་པའི་དང་པོ་ལ༔ འོག་མིན་གསང་བ་མཆོག་གི་དཀྱིལ་འཁོར་དུ༔ བཅོམ་ལྡན་དཔལ་ཆེན་རྡོ་རྗེ་གཞོན་ནུ་ཡིས༔ རིགས་ཀྱི་ཁྲོ་རྒྱལ་ཐམས་ཅད་དབང་བསྡུས་ནས༔ སོ་སོའི་སྐུ་གསུང་ཐུགས་སུ་བསྟན་ནས་ཀྱང་༔ ཇི་ལྟར་ཁས་བླངས་དམ་བཅས་ཇི་བཞིན་དུ༔ མཆོད་གཏོར་བཞེས་ལ་བཅོལ་བའི་ཕྲིན་ལས་མཛོད༔ དེ་འོག་བར་གྱི་བསྐལ་པ་དབུས་མ་ལ༔ མོན་ཁ་སྣ་རིང་སེང་གེ་རྫོང་གསུམ་དུ༔ སློབ་དཔོན་ཆེན་པོ་པདྨ་འབྱུང་གནས་དང་༔ སློབ་མ་ཇོ་མོ་མཁར་ཆེན་མཚོ་རྒྱལ་གྱིས༔ རྡོ་རྗེ་ཕུར་པའི་དཀྱིལ་འཁོར་ཞལ་ཕྱེས་ཚེ༔ ཕུར་སྲུང་བཅུ་གཉིས་གིང་དང་དམ་ཅན་གྱིས༔ སོ་སོའི་སྐུ་གསུང་ཐུགས་སུ་བསྟན་ནས་ཀྱང་༔ ཇི་ལྟར་ཁས་བླངས་དམ་བཅས་ཇི་བཞིན་དུ༔ མཆོད་གཏོར་བཞེས་ལ་བཅོལ་བའི་ཕྲིན་ལས་མཛོད༔ དེ་འོག་དུས་ཀྱི་བསྐལ་པའི་ཐ་མ་ལ༔ རྔ་ཡབ་གླིང་ཕྲན་ཟངས་མདོག་དཔལ་རིའི་རྩེར༔ སློབ་དཔོན་ཆེན་པོ་པདྨ་ཐོད་ཕྲེང་དང་༔ རིག་འཛིན་སྔགས་འཆང་པདྨ་གླིང་པ་ཡིས༔ ཡང་གསང་བླ་མེད་དཀྱིལ་འཁོར་ཞལ་ཕྱེས་ཚེ༔ བཀའ་ཡི་སྲུང་མ་དམ་ཅན་རྒྱ་མཚོ་ཡིས༔ སོ་སོའི་སྐུ་གསུང་ཐུགས་སུ་བསྟན་ནས་ཀྱང་༔ ཇི་ལྟར་ཁས་བླངས་དམ་བཅས་ཇི་བཞིན་དུ༔ མཆོད་གཏོར་བཞེས་ལ་བཅོལ་བའི་ཕྲིན་ལས་མཛོད༔ ཅེས་གཟའ་རྒྱུ་ཕྱོགས་དང་བསྟུན་ཏེ་གཏོང་། འདིར་གཏོར་མ་ཟོར་དུ་བསྐུལ་བའི་ཚུལ་འབྱུང་མོད། དཀྱུས་སུ་མི་དགོས་པས་མ་སྨོས་ཤིང་སྐབས་སུ་བབས་ན་ལོགས་སུ་བལྟའོ། །གཉིས་པ་བརྟན་མ་སྐྱང་བ་ནི། སྨན་ཕུད་ཀྱི་བཤལ་ཆུ་བྲན་ལ། བྷྱོ༔ བསྟན་མ་བཅུ་གཉིས་འཁོར་དང་བཅས༔ ཁྱེད་ཅག་སྔོན་གྱི་ཡལ་གམ་ཅན༔ སློབ་དཔོན་པདྨ་ཐོད་ཕྲེང་དང་༔ སློབ་མ་མཁར་ཆེན་མཚོ་རྒྱལ་གྱིས༔ མོན་ཁ་སྣ་རིང་རྫོང་གསུམ་དུ༔ ཞིང་ཆེན་བསྒྲལ་བའི་གདན་སྟེངས་སུ༔ རྣལ་འབྱོར་གྲལ་ལ་བཞག་ནས་ནི༔ ཐར་པ་ཐོབ་པར་མཚན་ཡང་བཏགས༔ སྒྲུབ་པ་པོ་ལ་ཕན་གདགས་ཕྱིར༔ བྲན་གྱི་ཚུལ་དུ་ཁས་བླངས་ནས༔ དམ་ལ་མ་འདའ་ད་ཚུར་བྱོན༔ བཀའ་ཡི་གཏོར་མ་འདི་ལོངས་ལ༔ བཅོལ་བའི་ཕྲིན་ལས་གྲུབ་པར་མཛོད༔ མ་མ༔ ལ་ལ༔ ཏ་ཏ༔ ཏེ་ཏེ༔ པཉྩ་བ་ལིང་ཏ་ཁཱ་ཧི༔ གསུམ་པ་བྲོ་བརྡུང་བ་ནི། ཧཱུཾ༔ བཅོམ་ལྡན་ དཔལ་ཆེན་ཧེ་རུ་ཀ༔ ང་ནི་རྡོ་རྗེ་གཞོན་ནུའི་སྐུ༔ འཁོར་ལོ་རྒྱས་འདེབས་ཡུམ་དང་རོལ༔ ཕྱོགས་བཅུའི་ཁྲོ་རྒྱལ་ཡབ་ཡུམ་བཅས༔ ཕྱག་བརྙན་ཁྲ་ཐབས་སྒོ་མར་བཅས༔ སྤྲུལ་པ་ཡང་སྤྲུལ་སྲུང་མས་བསྐོར༔ གཏུམ་ཆེན་དུས་མཐའི་མེ་ལྟར་འབར༔ ཡེ་ཤེས་ཚྭ་ཚྭ་སྐར་ལྟར་འཁྲུག༔ ཞལ་གསུམ་ཕྱག་དྲུག་ཞབས་བཞི་བགྲད༔ སྐུ་ལ་དུར་ཁྲོད་ཆས་རྣམས་རྫོགས༔ རྡོ་རྗེའི་གཤོག་པ་ཕྱོགས་བཅུར་གཏམས༔ ཧཱུྃ་གི་འབྲུག་སྒྲ་དི་རི་རི༔ ཕཊ་ཀྱི་རྐན་སྒྲ་ཆེམས་སེ་ཆེམ༔ ཁྲོ་བོའི་གར་སྟབས་ཤིགས་སེ་ཤིག༔ རྡོ་རྗེ་བྲོ་སྟབས་ཆེམས་སེ་ཆེམ༔ གཡས་སུ་བསྐོར་ཏེ་དགྲ་ལ་བརྡུང་༔ དགྲ་ནི་དུམ་བུར་གཏུབ་པའི་བྲོ༔ གཡོན་དུ་བསྐོར་ཏེ་བགེགས་ལ་བརྡུང་༔ བདུད་ནི་ཕྱེ་མར་འཐག་པའི་བྲོ༔ གཡས་གཡོན་ཐབས་ཤེས་སྲི་ལ་བརྡུང་༔ དམ་སྲི་ཐལ་བར་རློག་པའི་བྲོ༔ མ་རུངས་དམ་མེད་དྲེགས་པའི་ཚོགས༔ གཞོབ་རྒོད་རྡོག་པས་བརྫིས་པ་ལྟར༔ ཐལ་བའི་རྡུལ་དུ་བརླག་པར་བྱ༔ བསྐལ་པའི་མཐའ་རུ་སྟྭམ་བྷ་ནན༔ ཨོཾ་ལཾ་ཧཱུྃ་ལཾ་སྟྭམ་བྷ་ཡ་ ནན༔ ཡ་མ་དམ་སྲི་ནྰ་ག་རཱ་ཙ་ཛ༔ ནན༔ ཞེས་མནན་ནོ། །བདུན་པ་དཀྱིལ་འཁོར་བསྡུ་བ་ནི། ཐོག་མར་གཏང་རག་གི་དོན་དུ། ཨོཾ་ཤྲཱི་བཛྲ་ཀུ་མཱ་ར་ས་པ་རི་ཝཱ་ར་ཨརྒྷཾ་ནས། ཤཔྡའི་བར་དང་། མ་ཧཱ་པཉྩ་ཨ་མྲྀ་ཏ་ཁཱ་ཧི༔ མ་ཧཱ་རཀྟ་ཁཱ་ཧི༔ མ་ཧཱ་བ་ལིནྡ་ཁཱ་ཧི༔ ཞེས་མཆོད་ཅིང་། ཧཱུྃ༔ སྲིད་གསུམ་གདུག་པ་འདུལ་བ་དང་༔ ང་རྒྱལ་ཆེན་པོ་གཞོམ་པའི་ཕྱིར༔ རྡོ་རྗེ་སྲིན་པོའི་ལྷ་ཚོགས་ལ༔ རྩེ་གཅིག་ཡིད་ཀྱིས་ཕྱག་འཚལ་བསྟོད༔ ཅེས་བསྟོད། ཧོཿ དཔལ་ཆེན་པོའི་ལྷ་ཚོགས་ཐམས་ཅད་དགོངས་སུ་གསོལ༔ ཏ་ན་སྒྲོལ་བ་གནས་སུ་མ་སྟོབ་པ་དང་༔ ག་ན་སྦྱོར་བ་བྱིན་གྱིས་མ་རློབ་པ་དང་༔ མཆོད་སྔགས་ཏིང་འཛིན་མ་དག་ཅིང་ཉམས་པ་དང་༔ དགེ་བ་བཅུ་དང་དུ་མ་ལོངས་ཤིང་མི་དགེ་བ་བཅུ་རྩ་བ་ནས་མ་ཆོད་པ་དང་༔ བཀའ་བཞིན་གཞུང་མ་བསྲངས་པ་དང་༔ དམ་ཚིག་རྩ་བ་དང་ཡན་ལག་ཉམས་ཆག་ཏུ་གྱུར་པ་ཅི་མཆིས་པ་ཐམས་ཅད་མཐོལ་ཞིང་བཤགས་ན་བཟོད་པ་དམ་པ་མཛད་དུ་གསོལ་ལོ༔ ཚེ་འདིའི་རྐྱེན་དང་ཕྱི་མའི་སྒྲིབ་པར་མི་འགྱུར་པའི་ཚངས་པ་སྩལ་དུ་གསོལ༔ ཞེས་དང་ཡི་གེ་བརྒྱ་བ་བཟླས་པས་ནོངས་པ་བཟོད་པར་ གསོལ། མདུན་དཀྱིལ་དང་འབྲེལ་བའི་ཡེ་ཤེས་པ་རྟེན་ལ་བརྟན་བཞུགས་སམ་གཤེགས་སུ་གསོལ་བ་གང་མོས་བྱས་ལ། བདག་བསྐྱེད་ཀྱི་དཀྱིལ་འཁོར། ཧཱུྃ་ཧཱུྃ་ཧཱུྃ། ཕྱི་ནང་སྣོད་བཅུད་ཐམས་ཅད་ཀུན། །དཀྱིལ་འཁོར་གཅིག་ཏུ་རྫོགས་པ་ཡང་། །མཐའ་ནས་བསྡུས་ཏེ་གཙོ་ལ་ཐིམ། །དེ་ཡང་ཐུགས་སྲོག་ཧཱུྃ་ཡིག་ལ། །ཧཱུྃ་ཡང་རིམ་བཞིན་གྱེན་རྫོགས་ངང་། །ཆོས་ཉིད་གསལ་སྟོང་ཀློང་དུ་བཞག །ཅེས་བསྐྱེད་པའི་སྣང་ཆ་འོད་གསལ་དུ་བསྡུས་པས་རྟག་མཐའ་བསལ། བརྒྱད་པ་རྒྱུན་གྱི་ཏིང་ངེ་འཛིན་ནི། ཕཊ་ཕཊ་ཕཊ། སླར་ཡང་ཆུ་ལས་ཉ་ལྡང་བཞིན། །དཔལ་ཆེན་སྐུ་རུ་ལམ་གྱིས་གསལ། །གནས་གསུམ་འབྲུ་གསུམ་རྡོ་རྗེའི་གོ །སྣང་སྲིད་ལྷ་སྔགས་ཡེ་ཤེས་ཆེ། །ཧཱུྃ་ཧཱུྃ་བཛྲ་ཀཱ་ཝཱ་ཙི་ཧཱུྃ། བཛྲ་ཙཀྲ་ཏིཀྵྞ་ཀརྨ་ཀཱི་ལ་ཡ་ཛྭ་ལ་རྃ་ཧཱུྃ་ཕཊ༔ ཅེས་ཟུང་འཇུག་གི་སྐུར་ལྡངས་ཏེ་སྣོད་བཅུད་ལྷའི་འཁོར་ལོར་སྦྱང་བས་ཆད་མཐའ་བསལ་ཏེ། ཧོ་དགོངས་སུ་གསོལ་ལོ༔ ཆོས་ཉིད་ཀྱི་བདེན་པའོ༔ གསང་སྔགས་ཀྱི་བྱིན་རླབས་སོ༔ སངས་རྒྱས་ཀྱི་མཐུའོ༔ ཨ་བྷི་ཙརྻའི་དུས་ལ་བབས་སོ༔ བརྣག་པ་དེ་ཁོ་ནའོ༔ དེ་ལྟར་གསང་སྔགས་ཀྱི་སྤྱོད་པ་རྨད་དུ་བྱུང་ བ་སྤྱད་པའི་མཐུ་བྱིན་གྱིས༔ བཅོམ་ལྡན་འདས་དཔལ་རྡོ་རྗེ་གཞོན་ནུའི་སྐུ་གསུང་ཐུགས་ཡོན་ཏན་ཕྲིན་ལས་མི་ཟད་པ་རྒྱན་གྱི་འཁོར་ལོ་ལ་ལོངས་སྤྱོད་ཅིང་སྐལ་བ་མཉམ་པར་གྱུར་ཅིག༔ ཅེས་སྨོན་ལམ་གདབ། ཤིས་པར་བྱ་བའི་ཕྱིར་མེ་ཏོག་གི་ཆར་དབབ་ལ། རྡོ་རྗེའི་དབྱིངས་ནས་སྨིན་གྲོལ་བྱིན་རླབས་སྩོལ། །རིག་འཛིན་རྩ་བརྒྱུད་བླ་མའི་བཀྲ་ཤིས་ཤོག །ཡེ་ཤེས་ཀློང་ནས་དངོས་གྲུབ་ཆར་བཞིན་འབེབས། །ཡི་དམ་དཀྱིལ་འཁོར་ལྷ་ཡི་བཀྲ་ཤིས་ཤོག །དམ་ལྡན་སྐྱོང་ཞིང་ཕྲིན་ལས་ཐོགས་མེད་སྒྲུབ། །མཁའ་འགྲོ་ཆོས་སྐྱོང་སྲུང་མའི་བཀྲ་ཤིས་ཤོག །གནས་སྐབས་ཞི་རྒྱས་དབང་སོགས་ཕྲིན་ལས་ཀྱིས། །དགོས་འདོད་ལྷུན་གྱིས་འགྲུབ་པའི་བཀྲ་ཤིས་ཤོག །མཐར་ཐུག་ཡེ་ཤེས་རྡོ་རྗེ་གཞོན་ནུའི་སྐུ། །ཟུང་འཇུག་མཆོག་དངོས་འགྲུབ་པའི་བཀྲ་ཤིས་ཤོག །ཅེས་སོགས་ཤིས་པ་བརྗོད་པའི་ཚིགས་ཕྲེང་རྒྱ་ཆེར་སྤེལ་བས་བདེ་ལེགས་སུ་བྱའོ། །ཚུལ་འདི་ལ་གཏེར་སྟོན་ཆེན་པོ་ཉིད་ཀྱི་ལྗགས་བསྒྲིགས་ཀྱིས་མཚོན་རྒྱས་བསྡུས་འདྲ་མིན་ཁ་ཅིག་སྣང་བ་ལས། ཀུན་མཁྱེན་ཚུལ་ཁྲིམས་རྡོ་རྗེས་མཛད་པ་ཉིད་གཏེར་གཞུང་གི་དགོངས་པར་འབྱོར་ཆེ་བས་དེ་ཉིད་གཞིར་བཟུང་། རྩ་བའི་སྡོམ་བྱང་ལས་ གཞུང་ཁ་སྐོང་དང་བཅས་པ་དང་། རང་དོན་བྱང་ཆུབ་ནར་མར་སྒྲུབ་པའི་མདོ་བྱང་རྣམས་གུང་བསྡེབས། མངོན་རྟོགས་རྣམས་གུ་རུའི་ཆོག་ཁྲིགས་རྒྱུད་གཞུང་གི་མཆན་བུ་ཁོ་ན་གྱེར་སྒོམ་བདེ་བར་ཚིགས་བཅད་དུ་བསྒྲིག །འདོན་བྱ་ཕལ་ཆེར་གཏེར་གཞུང་རྩ་བའི་རྒྱུད་ཚིག་ཤ་སྟག་བཅས་བཅོས་མ་སོང་བར་བྱས། ཆོ་གའི་ཡན་ལག་མེད་དུ་མི་རུང་བ་འགའ་ཞིག་གསང་བ་སྤྱིའི་འགྲོས་དང་བསྟུན་ནས་རིགས་མཐུན་གྱི་གཏེར་ཚིག་དང་ངག་རྩོམ་ཇི་ལྟར་རིག་པས་བརྒྱན་ཏེ་འཇུག་བདེ་རྣམ་གསལ་གཙང་དག་ཏུ་སྤེལ་བར་བགྱིས་པའོ། །ཕྲིན་ལས་ཕུར་པའི་མདོ་ཏིག་ཀུན་དྲིལ་བ། །སྤུ་གྲིར་འབྲེལ་བ་ཡང་སྙིང་གསང་སྒྲུབ་གཞུང་། །ཨོ་རྒྱན་མཁན་པོའི་ཐུགས་དམ་མགུལ་ཁུག་མ། །བསེ་སྒྲོམ་ནག་པོའི་དབྱིག་ཏུ་གཏམས་པ་གང་། །གཏེར་སྟོན་རྒྱལ་པོ་པདྨ་གླིང་པ་ཡིས། །ཌཱ་ཀི་གསང་བའི་མཛོད་རྒྱ་བཀྲོལ་བ་ལས། །གདམས་ཟབ་རིན་ཐང་བྲལ་བ་དབང་གི་རྒྱལ། །སྐལ་བཟང་འདོད་པ་འཇོ་བའི་དཔྱིད་དུ་ཕྱུངས། །ཚུལ་དེ་ཉེས་བཤད་འདམ་གྱིས་མ་སྦག་པར། །ལེགས་བཤད་གོས་བཟང་ལྷབ་ལྷུབ་གཡོ་ལྡན་པ། །ལྷག་བསམ་གསེར་གྱི་ཡུ་བ་ལ་བརྟེན་ནས། །ཁྲིགས་བསྡེབས་རྒྱལ་མཚན་རྩེ་མོར་དེང་འདིར་བཀོད། །བསོད་ནམས་རྫོགས་ལྡན་སྤྲིན་གྱི་བླ་བྲེ་ལས། །དངོས་གྲུབ་འདོད་རྒུའི་གྲུ་ཆར་རབ་འཇོ་བའི། །རིང་ལུགས་དབྱར་གྱི་ཆུ་གཏེར་ཕྱིར་ཞིང་དུ། །སྲིད་པའི་མཐར་ཡང་འཕེལ་རྒྱས་བཙས གྱུར་ཅིག །སྙིང་པོའི་བསྟན་དང་བསྟན་འཛིན་སྡེ་དང་བཅས། །བར་ཆད་ཡིད་སྲུབས་དཔུང་ལས་རྣམ་པར་རྒྱལ། །ཕུར་བུ་རྣམ་བཞི་གྲུབ་པའི་མཐར་ཕྱིན་ཏེ། །འཁོར་འདས་ཐལ་བར་འབྱིན་པའི་མཆོག་ཐོབ་ཤོག །དེ་ལྟར་དཔལ་རྡོ་རྗེ་ཕུར་བུ་ཡང་གསང་སྲོག་གི་སྤུ་གྲིའི་ལས་བྱང་ཕྲིན་ལས་རྣམ་པར་རོལ་པའི་རྒྱན་ཅེས་བྱ་བ་འདི་ནི། གསང་ཆེན་བསྟན་པའི་རྩ་ལག་ལྷ་ལུང་ཐེག་མཆོག་རབ་རྒྱས་གླིང་དུ་འདི་ཉིད་ཀྱི་སྒྲུབ་རྒྱུན་གསར་འཛུག་མཛད་པའི་ཚེ་དུས་དང་རྒྱུན་གྱི་ཉམས་བཞེས་འཇུག་པ་བདེ་བའི་ཆོག་ཁྲིགས་འདི་ལྟ་བུ་ཞིག་གྱིས་ཞེས་རྣམ་འདྲེན་གསུང་སྤྲུལ་བཅུ་པ་པདྨ་ངག་དབང་ཆོས་ཀྱི་རྒྱལ་མཚན་གང་གི་བཀའ་སྩལ་རིན་པོ་ཆེའི་ཅོད་པན་སྤྱི་བོའི་རྒྱན་དུ་མཆོད་པར་བྱ་བའི་ཕྱིར། དུས་མཐའི་སྔགས་འཆང་སྙོམས་ལས་པ་འཇིགས་བྲལ་ཡེ་ཤེས་རྡོ་རྗེས་རང་ལོ་ཞེ་དགུར་སོན་པ་ཆུ་ཕོ་འབྲུག་གི་ལོ་སྟོན་ཟླ་འབྲིང་པོ་འབྲས་བུ་བཅུད་དུ་སྨིན་པའི་དུས་བཟང་པོ་ལ། གངས་ཅན་གྱི་ཡུལ་དབུས་ར་ས་འཕྲུལ་སྣང་གི་གྲོང་ཁྱེར་ཕྱོགས་ལས་རྣམ་པར་རྒྱལ་བའི་འདུན་ས་ཆེན་པོར་སྦྱར་བའི་ཡི་གེ་པ་ནི་རིག་བྱེད་པ་ནོར་བུ་དབང་རྒྱལ་གྱིས་བགྱིས་པའོ། །འདིས་ཀྱང་སྐལ་བ་ཅན་གྱི་གདུལ་བྱ་མཐའ་དག་རྡོ་རྗེ་ཕུར་བུའི་ལམ་ལ་བརྟེན་པའི་དངོས་གྲུབ་ཀྱི་དགའ་སྟོན་རང་དབང་དུ་སྤྱོད་པའི་གཞིར་གྱུར་ཅིག། །།སརྦ་དཱ་མངྒ་ལཾ།། །།


Retrieved from "https://dudjom.tsadra.org/index.php?title=DJYD-KABUM-06-CHA-012&oldid=26242"
Dudjom Tersar
Collected Works of the Masters
A Tsadra Foundation initiative designed to house the writings and revelations of the masters of the Dudjom lineage.

Join the Tsadra Foundation mailing list:

Tsadra Foundation
Translation & Transmission Conference
DharmaCloud Tibetan eBooks
Buddha-Nature
Bodhicitta
Khyentse Lineage
Rinchen Terdzö Chenmo
Damngak Rinpoche Dzö
Dharma Dictionary

About us
Privacy policy
General disclaimer
Site guide

Project Description

Welcome to the Dudjom Tersar Project, a Tsadra Foundation initiative designed to house the writings and revelations of the masters of the Dudjom lineage in a digital format that allows for open access to these materials in authoritative modern Tibetan editions for the sake of scholars, translators, and practitioners the world over.

About us

© Tsadra Foundation. Please feel free to use this website and its content in accordance with fair use policies for teaching, scholarship, education, and research.
See General disclaimer for more information.