TTDL-ZABTER-13-PA-081

Previous Text Back to Volume PageNext Text

Wylie title	chos nyid nam mkha'i klong mdzad las: bstan srung legs grub rdo rje'i phyag rgya khams gsum dbang rgyal:
Location	bdud 'joms gling pa zab gter Volume 13, Text 81, Pages 305-306 (Folios 1a1 to 1b6)
Author	བདུད་འཇོམས་གླིང་པ་
Citation	Khrag 'thung Bdud 'joms gling pa. Chos nyid nam mkha'i klong mdzad las bstan srung legs grub rdo rje'i phyag rgya khams gsum dbang rgyal. In Sprul pa'i gter chen bdud 'joms gling pa'i zab gter gsang ba'i chos sde, Vol. 13: 305-306. Thimphu, Bhutan: Lama Kuenzang Wangdue, 2004.
Side notes	Recto: phyag rgya   Verso: bdud 'joms srung ma zhing skyong seng gdong
More details More details
Tertön	བདུད་འཇོམས་གླིང་པ་ (bdud 'joms gling pa)
Genre	Sadhanas - Evocation Ritual - sgrub thabs
Cycle	ཆོས་ཉིད་ནམ་མཁའི་ཀློང་མཛོད་ (chos nyid nam mkha'i klong mdzod)
Deity	bstan srung legs grub rdo rje
Colophon	ཞེས་པ་འདི་ཡང་སློབ་བུ་དམ་པ་ཆོས་རྣམས་དང་རིག་འཛིན་རྒྱ་མཚོ་གཉིས་ཀྱིས་བསྐུལ་ངོར་བདུད་འཇོམས་རྡོ་རྗེས་ཆོས་ཉིད་ནམ་མཁའི་མཛོད་ལས་བསྒྱུར་བའོ། །དགེའོ།།
	zhes pa 'di yang slob bu dam pa chos rnams dang rig 'dzin rgya mtsho gnyis kyis bskul ngor bdud 'joms rdo rjes chos nyid nam mkha'i mdzod las bsgyur ba'o/_/dge'o//

Tibetan Text

[edit]

༁ྃ༔ ཆོས་ཉིད་ནམ་མཁའི་ཀློང་མཛད་ལས༔ བསྟན་སྲུང་ལེགས་གྲུབ་རྡོ་རྗེའི་ཕྱག་རྒྱ་ཁམས་གསུམ་དབང་རྒྱལ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ (བརྡ་ཡིག་) ཧཱུྃ༔ མདུན་དུ་དུར་ཁྲོད་རབ་འཇིགས་དབུས༔ མེ་རླུང་འཁྲིགས་པའི་ཀློང་དཀྱིལ་དུ༔ བདུད་ཀྱི་བདུད་ཆེན་སེང་གེའི་གདོང་༔ མཐིང་ནག་གཡུ་ཡི་རལ་པ་ཅན༔ ཤིན་ཏུ་ཁྲོས་ཤིང་རྔམས་པའི་ཞལ༔ ཕྱག་གཡས་དར་ནག་རུ་མཚོན་ཕྱར༔ གཡོན་པས་དམར་གཏོར་དགྲ་ལ་འཕེན༔ དར་ནག་བེར་ཆེན་སྐུ་ལ་གསོལ༔ ཆིབས་སུ་རྟ་ནག་རྟིང་དཀར་ཆིབས༔ གཡོན་དུ་དཔལ་འབར་སེང་གདོང་མ༔ དམར་ནག་མེ་ཡི་རལ་པ་ཅན༔ ཕྱག་གཡས་རྩེ་གསུམ་གནམ་ལ་ཕྱར༔ གཡོན་པས་དགྲ་སྙིང་དམར་རློན་བསྣམས༔ དར་ནག་བེར་གསོལ་མེ་རྟ་བཅིབས༔ རཀྴའི་ཕྲེང་བ་སེར་རལ་ཐོགས༔ མདུན་དུ་ལས་བྱེད་སྤྲུལ་པའི་འཁོར༔ མི་སྲུན་རོ་ལངས་ཕོ་མོ་གཉིས༔ སྤྱི་གཙུག་སར་གཏད་ལག་པས་འགྲོ༔ རྐང་པས་དམར་གཏོར་དགྲ་ལ་འཕེན༔ སྡེ་བརྒྱད་འཁོར་གྱི་དབུས་ན་ངོམས༔ མེ་དཔུང་རབ་འབར་རླུང་དམར་འཚུབས༔ སྤྲུལ་པའི་ལས་མཁན་སྐར་ལྟར་འཁྲིགས༔ ལྗོངས་ལྔ་སྦས་ཡུལ་ས་སྤྱོད་དང་༔ བདེ་ཆེན་ཞིང་ལ་དབང་བསྒྱུར་བསམ༔ གནས་གསུམ་རྡོ་རྗེའི་སྙིང་པོ་ལས༔ འོད་འཕྲོས་དབྱིངས་ནས་སྤྱན་དྲངས་བསྟིམ༔ ཨོཾ་ཏྲི་ཤྲཱི་མ་ཧཱ་ཀཱ་ལ་སེང་ཧ་མུ་ཁ་སི་ན་ར་མ་དྷྲི་ཏྲི་ཡ་མ་རཱ་ཙ་ས་མ་ཡ་ཛ་ཛཿ དེ་ནས་ལས་གཞུང་ལ༔ ཀྱཻ༔ དད་པ་དང་ནི་དམ་ཚིག་གིས༔ ཞིང་སྐྱོང་ཆེན་པོ་གཤེགས་སུ་གསོལ༔ ལེགས་གྲུབ་རྡོ་རྗེ་གཤེགས་སུ་གསོལ༔ ཀུན་དགའ་གཞོན་ནུ༴ སི་ན་ར་མ༴ རོ་ལངས་ཕོ་མོ་གཤེགས་སུ་གསོལ༔ དམ་ཚིག་ཆེན་པོའི་གདན་ལ་བཞུགས༔ སྒོ་གསུམ་གུས་པས་ཕྱག་འཚལ་ལོ༔ བདག་གི་སྲུང་མར་མངའ་གསོལ་ལོ༔ ཕྱི་ནང་གསང་བའི་མཆོད་པ་འབུལ༔ ཐུགས་དམ་བསྐང་ངོ་ཉམས་ཆག་བཤགས༔ གདུང་དབྱངས་རོལ་མོའི་སྒྲ་ཡིས་བསྟོད༔ ཕྲིན་ལས་རབ་འབྱམས་ཡོངས་གྲུབ་མཛོད༔ སྦས་ཡུལ་གཉན་པོ་སྒོ་ཕྱེས་ལ༔ ལམ་ལྷ་མཛོད་ལ་ལམ་སྣ་དྲོངས༔ དགྲ་བགེགས་གནོད་བྱེད་ཆོམ་ལ་ཕོབ༔ དམ་ལ་མ་འདའ་ས་མ་ཡ༔ ས་མ་ཡ༔ རྒྱ་རྒྱ་རྒྱ༔ གུ་ཧྱ༔ ཞེས་པ་འདི་ཡང་སློབ་བུ་དམ་པ་ཆོས་རྣམས་དང་རིག་འཛིན་རྒྱ་མཚོ་གཉིས་ཀྱིས་བསྐུལ་ངོར་བདུད་འཇོམས་རྡོ་རྗེས་ཆོས་ཉིད་ནམ་མཁའི་མཛོད་ལས་བསྒྱུར་བའོ། །དགེའོ།། །།