TTDL-ZABTER-12-NA-060: Difference between revisions
From Dudjom Wiki
TTDL-ZABTER-12-NA-060
(Imported new text files with Wyckibaat for processing) |
m (Text replacement - "ཧོཿ" to "ཧོཿ ") |
||
| (5 intermediate revisions by 2 users not shown) | |||
| Line 1: | Line 1: | ||
{{Text | |||
|classification=Tibetan Publications | |||
|subclass=Tibetan Texts | |||
|fulltitletib=ཆོས་ཉིད་ནམ་མཁའི་ཀློང་མཛོད་ལས༔ གཤིན་རྗེ་འཆོལ་བར་ཁྲོས་པའི་སྒྲུབ་ཐབས་བདུད་ཀྱི་དཔུང་འཇོམས༔ | |||
|fulltitle=chos nyid nam mkha'i klong mdzod las: gshin rje 'chol bar khros pa'i sgrub thabs bdud kyi dpung 'joms: | |||
|citation=Khrag 'thung [[Bdud 'joms gling pa]]. ''Chos nyid nam mkha'i klong mdzod las gshin rje 'chol bar khros pa'i sgrub thabs bdud kyi dpung 'joms''. In ''Sprul pa'i gter chen bdud 'joms gling pa'i zab gter gsang ba'i chos sde'', Vol. 12: 345-359. Thimphu, Bhutan: Lama Kuenzang Wangdue, 2004. | |||
|collectiontitletib=བདུད་འཇོམས་གླིང་པ་ཟབ་གཏེར། | |||
|collectiontitle=bdud 'joms gling pa zab gter | |||
|author=bdud 'joms gling pa | |||
|sourcerevealer=bdud 'joms gling pa | |||
|tibgenre=Activity Manual - las byang | |||
|terma=Yes | |||
|deity='jigs byed nA ga rak+sha | |||
|cycle=chos nyid nam mkha'i klong mdzod | |||
|cycletib=ཆོས་ཉིད་ནམ་མཁའི་ཀློང་མཛོད་ | |||
|volumenumber=12 | |||
|volnumtib=༡༢ | |||
|volyigtib=ན | |||
|totalvolumes=21 | |||
|textnuminvol=060 | |||
|pagenumbers=345-359 | |||
|totalpages=15 | |||
|beginfolioline=1a1 | |||
|endfolioline=8a5 | |||
|totalfolios=8 | |||
|multivolumework=No | |||
|rectonotes=las byang | |||
|versonotes=bdud 'joms nA ga rak+sha | |||
|colophontib=ཞེས་པ་འདི་ནི་རང་སློབ་རྡོ་རྗེ་རྣམ་པར་རྒྱལ་བ་དང་། བློ་གྲོས་དབང་པོ་གཉིས་ཀྱིས་གཙོས་བུ་སློབ་འགས་བསྐུལ་ངོར་ཁྲག་འཐུང་བདུད་འཇོམས་རྡོ་རྗེས་ཆོས་ཉིད་ནམ་མཁའི་མཛོད་ལས་བསྒྱུར་བ་དགེའོ། །དགེའོ། །དགེའོ། །ལེགས་སོ།། | |||
|colophonwylie=zhes pa 'di ni rang slob rdo rje rnam par rgyal ba dang /_blo gros dbang po gnyis kyis gtsos bu slob 'gas bskul ngor khrag 'thung bdud 'joms rdo rjes chos nyid nam mkha'i mdzod las bsgyur ba dge'o/_/dge'o/_/dge'o/_/legs so// | |||
|pdflink=File:TTDL-ZABTER-12-NA-060.pdf | |||
|authortib=བདུད་འཇོམས་གླིང་པ་ | |||
|sourcerevealertib=བདུད་འཇོམས་གླིང་པ་ | |||
|volumeLetter=NA | |||
|InitCategories=Dudjom Tersar Project; TTDL-ZABTER-Volume-12-NA | |||
}} | |||
<h1>Tibetan Text</h1> | |||
<onlyinclude> | |||
{{TibP|དྡྂ།༔ ཆོས་ཉིད་ནམ་མཁའི་ཀློང་མཛོད་ལས༔ གཤིན་རྗེ་འཆོལ་བར་ཁྲོས་པའི་སྒྲུབ་ཐབས་བདུད་ཀྱི་དཔུང་འཇོམས་བཞུགས་སོ༔ | |||
དྡྂ།༔ ན་མོ་གུ་རུ་པདྨ་ཀ་ར་ཡེ༔ འཆི་བདག་ཟིལ་གནོན་ནཱ་ག་རཀྴ་ནི༔ གང་གིས་སྒྲུབ་པའི་སྐྱེས་བུ་གང་སུ་དག༔ ཕྱི་ནང་གསང་བའི་བར་ཆད་རྐྱེན་ལས་གྲོལ༔ འདི་ཉིད་ལག་ཏུ་ལེན་པའི་རིམ་པ་ལ༔ རབ་དབེན་ཚལ་དུ་དཀྱིལ་འཁོར་བཀོད་ལེགས་སྟེང་༔ རྟེན་གསུམ་དང་ནི་གཏོར་མ་བཀོད༔ ཕྱི་ནང་མཆོད་རྫས་སྣ་ཚོགས་བཤམས༔ དཀར་ཕྱོགས་སྐྱོང་ལ་དཀར་མཆོད་དང་༔ ནག་ཕྱོགས་རིགས་ལ་དམར་གཏོར་འབུལ༔ བགེགས་ལ་གླུད་དང་ཆངས་བུ་དང་༔ འབྲས་ཆན་ཤ་དུམ་སྣ་ཚོགས་བསྔོ༔ དེ་ལ་སྦྱོར་དངོས་རྗེས་གསུམ་ལས༔ དང་པོ་སྐྱབས་སུ་འགྲོ་བ་ནི༔ ན་མོ༔ དཀོན་མཆོག་གསུམ་དང་རྩ་བ་གསུམ༔ སྐུ་གསུམ་རྒྱལ་བའི་དཀྱིལ་འཁོར་ལ༔ དེང་བཟུང་བྱང་ཆུབ་མ་ཐོབ་བར༔ བདག་ནི་གུས་པས་སྐྱབས་སུ་མཆི༔ ལན་གསུམ་བསྐྱར༔ གཉིས་པ་བྱང་སེམས་བསྐྱེད་པ་ལ༔ ཀྱཻ་མ༔ སྲིད་པ་ལས་ཀྱི་ཁྲི་མུན་དུ༔ སྡུག་བསྔལ་གསུམ་གྱིས་བཅིང་བ་ཡི༔ ཁམས་གསུམ་འཁོར་བའི་སེམས་ཅན་རྣམས༔ བྱང་ཆུབ་སེམས་ཀྱིས་རྒྱས་གདབ་བོ༔ གསུམ་པ་བཀའ་བསྒོ་བྱ་བ་ལ༔ ཧཱུྃ་ཧཱུྃ་ཧཱུྃ༔ ཧཱུྃ༔ ང་ནི་གཏི་མུག་རྡོ་རྗེའི་སྐུ༔ མ་རིག་འཇིགས་བྱེད་ཆེན་པོ་སྟེ༔ ཉོན་ཅིག་བགེགས་དང་ལོག་འདྲེན་ཚོགས༔ རྡོ་རྗེ་འཇིགས་བྱེད་བཀའ་ལས་ནི༔ སྡིག་ཅན་གང་ཞིག་འདའ་བྱེད་ན༔ དྲག་པོ་ཆེན་པོའི་དྲག་ཤུལ་གྱིས༔ མགོ་འགས་སྙིང་བསྲེགས་དམྱལ་བར་ལྟུང་༔ དེ་བས་དམ་ལས་མ་འདའ་བར༔ འདོད་ཡོན་གཏོར་མ་འདི་ལོངས་ལ༔ བཟུང་བ་ཐོང་ལ་བཅིང་བ་ཁྲོལ༔ བསྡམ་པ་ཀློད་ལ་མནན་པ་ཁྱོག༔ ཟོས་པ་སྐྱུག་ལ་ནད་ཕྱིར་ཕྱུང་༔ སོ་སོ་རང་རང་གནས་སུ་དེངས༔ རྩ་སྔགས་ཧཱུྃ་བཞིའི་སྔགས་བརྗོད་ཐུན་གྱིས་བྲབ༔ བཞི་པ་མཚམས་གཅོད་བྱ་བ་ལ༔ ཧཱུྃ༔ བདག་ཉིད་དྲག་པོའི་སྤྲུལ་པ་ལས༔ ཐུན་མཚོན་མེ་རླུང་ཁྲོ་ཆུང་སྡིག༔ འཕྲོས་པས་བགེགས་བསྐྲད་ཚུར་འདུས་པས༔ སྲུང་གུར་རིམ་པ་དྲུག་ཏུ་གྱུར༔ བུདྡྷ་བཛྲ་རཏྣ་པདྨ་ཀརྨ་རཀྵ་རཀྵ་ཧཱུྃ༔ ལྔ་པ་བརྡ་སྒོ་དབྱེ་ཞིང་བརྡ་ཕྱག་འཚལ་བ་ལ༔ ཨཱཿའཁོར་འདས་དག་མཉམ་བྱང་ཆུབ་སེམས༔ མངོན་གྱུར་ཆེན་པོའི་སྒོ་ཕྱེས་ཤིག༔ ལྷ་དང་རིག་པ་གཉིས་སུ་མེད༔ རང་བྱུང་ཆེན་པོ་ལ་ཕྱག་འཚལ༔ པྲ་ཝེ་ཤ་ཡ་ཕཊ༔ ན་མོ་ན་མ་ ཧོཿ དྲུག་པ་བྱིན་དབབ་པ་ནི༔ ཧཱུྃ༔ གཞི་དབྱིངས་ཀ་དག་ཆོས་ཀྱི་སྐུ༔ ལྷུན་གྲུབ་རོལ་པ་ལོངས་སྤྱོད་རྫོགས༔ རང་བྱུང་ཡེ་ཤེས་སྤྲུལ་པའི་སྐུ༔ མངོན་གྱུར་ཆེན་པོར་བྱིན་ཆེན་ཕོབ༔ བཛྲ་ཨ་ཝེ་ཤ་ཡ་ཨཱཿབདུན་པ་མཆོད་རྫས་བྱིན་རླབས་ནི༔ ཨོཾ་ཨཱཿཧཱུྃ༔ དབང་པོ་ཡུལ་གྱི་འཆར་སྒོ་རུ༔ འདོད་ཡོན་ལོངས་སྤྱོད་མི་ཟད་གཏེར༔ ཕྱི་ནང་གསང་མཆོད་ནམ་མཁའ་མཛོད༔ རང་བྱུང་མཆོད་པའི་མཆོག་ཏུ་ཤར༔ ཨོཾ་བཛྲ་ཨརྒྷཾ་ནས༔ ཤཔྡ་རཱུ་པ་ནས༔ སྤཪྵེ་དྷརྨ་པཉྩ་ཨ་མྲྀ་ཏ་རཀྟ་བ་ལིཾ་ཏ་མ་ཧཱ་བོ་དྷི་ཙིཏྟ་སརྦ་ག་ཎ་པཱུ་ཛ་ ཧོཿ གཉིས་པ་དངོས་གཞིར་རྣམ་གྲངས་བརྒྱད༔ དང་པོ་དཀྱིལ་འཁོར་ལྷ་བསྐྱེད་ནི༔ ཨཱཿའཁོར་འདས་མ་བཅོས་སྟོང་ཉིད་ཆེན་པོར་མཉམ༔ རང་གསལ་སྒྲིབ་གཡོགས་བྲལ་བ་རིག་པའི་གཤིས༔ རྒྱུ་ཡི་ས་བོན་ཨོཾ་ལས་འོད་འཕྲོས་པས༔ ཡེ་ཤེས་མེ་རི་འབར་བའི་ཞིང་ཁམས་སུ༔ བཙན་དུག་ངད་རླངས་འཕྱོ་བའི་རྒྱ་མཚོའི་ཀློང་༔ ཀླུ་འབུམ་གཉན་ཁྲི་ས་བདག་སྟོང་གི་སྟེང་༔ པདྨ་ཟླ་བ་ཉི་མའི་ཁྲི་ཡི་ཁར༔ གདུག་པ་འཆི་བདག་ཕོ་མོ་བསྣོལ་བའི་སྟེང་༔ ཧཱུྃ་མཐིང་བབ་པའི་འོད་ཀྱིས་རྒྱལ་ཀུན་མཆོད༔ འགྲོ་དྲུག་སེམས་ཅན་ཀུན་གྱི་ལས་ཉོན་སྦྱངས༔ གཟི་བྱིན་དྭངས་བཅུད་ཚེ་བསོད་དང་བཅས་པ༔ ཚུར་འདུས་གཤིན་རྗེ་ནཱ་ག་རཀྴ་མཐིང་༔ དབུ་དགུ་རབ་ཏུ་ཁྲོས་པ་བལྟར་མི་བཟོད༔ ཞལ་གདངས་ལྗགས་འདྲིལ་རྣོ་དཀར་མཆེ་བ་གཙིགས༔ སྨ་རར་མེ་འབར་སྨིན་མར་གློག་སྟོང་འཁྱུགས༔ རྩ་བདུན་སྤྱན་གྱིས་འཁོར་འདས་ས་ལེར་གཟིགས༔ ལྗགས་འདྲིལ་མ་ཏྲཾ་རཱུ་ཏྲའི་ཁོང་ཁྲག་འདྲེན༔ དབུ་སྐྲ་དམར་སེར་སྲིད་པའི་རྩེ་རུ་འབར༔ སྟེང་ཞལ་དབུས་མར་རིན་ཆེན་པྲོག་ཞུ་གསོལ༔ རྩ་ཕྱག་གཉིས་ན་གྲི་གུག་སྦྲུལ་ཆུན་བསྣམས༔ གཡས་བརྒྱད་གྲི་གུག་ཕྱར་བས་ཁམས་གསུམ་འགུགས༔ གཡོན་པ་བརྒྱད་ན་སྦྲུལ་གྱི་ཆུན་པོ་བསྣམས༔ སྐུ་སྨད་གདུག་པ་ཞེ་སྡང་སྦྲུལ་དུ་འཁྱིལ༔ ཤར་དུ་ཁྱུང་གདོང་དཀར་པོས་རྗེ་རིགས་འཇོམས༔ ལྷོ་རུ་ཕག་གདོང་སེར་པོས་དམངས་རིགས་འཇོམས༔ ནུབ་ཏུ་དྲེད་གདོང་དམར་པོས་བྲམ་ཟེ་འཇོམས༔ བྱང་དུ་ཁྭ་གདོང་ནག་པོས་གདོལ་པ་འཇོམས༔ ཀུན་གྱི་གཡས་གཡོན་ལྕགས་ཀྱུ་ཕུར་པ་གདེངས༔ སྟེང་ཕྱོགས་ཡེ་ཤེས་བྱ་ཁྱུང་རིགས་ལྔ་ལྡིང་༔ ཀླུ་གཉན་ས་བདག་ཐམས་ཅད་ཟས་སུ་ཟ༔ དུག་རླངས་མེ་དཔུང་འབར་བའི་ཀློང་དུ་བསྐྱེད༔ ཐུགས་ཀར་ཡེ་ཤེས་འོད་ཀློང་ཟླ་བའི་སྟེང་༔ འཇམ་དཔལ་དམར་སེར་རལ་གྲི་པོ་ཏི་བསྣམས༔ དེ་ཡི་ཐུགས་ཀར་པདྨ་ཉི་གདན་ལ༔ ཧཱུྃ་མཐིང་མཐའ་བསྐོར་ཡིག་འབྲུ་བཞི་ཡིས་བསྐོར༔ རང་སྒྲས་སྣང་སྲིད་ཤིག་ཤིག་ཡོམ་ཡོམ་འགུལ༔ ཞལ་ནས་དྲག་སྔགས་མེ་སྟག་འཕྲོ་བ་བཞིན༔ བར་མ་ཆད་པར་སྐར་ལྟར་འཁྲིགས་པ་ལས༔ ཀླུ་གཉན་ས་བདག་ཐམས་ཅད་གཞོབ་ཏུ་བསྲེགས༔ སྔགས་ཀྱི་འོད་ཟེར་ཉི་ལྟར་འབར་བ་ཡིས༔ གཉན་དུག་གྲིབ་དང་ཆུ་སེར་ཐམས་ཅད་ཀུན༔ རྫས་ལ་མེ་མཆེད་བཞིན་དུ་བསྲེགས་པར་བསྒོམ༔ དེ་ལྟར་གསལ་བའི་སྤྱི་བོར་ཨོཾ་དཀར་པོ༔ མགྲིན་པར་ཨཱཿདམར་པོ༔ སྙིང་གར་ཧཱུྃ་མཐིང་ནག་ལས་འོད་ཟེར་དཀར་དམར་མཐིང་གསུམ་འཕྲོས་པས་སྐུ་གསུམ་དག་པའི་དབྱིངས་ནས་རྒྱལ་བ་སྲས་དང་བཅས་པ་གཤིན་རྗེ་ནཱ་ག་རཀྴའི་སྐུ་གསུང་ཐུགས་ཡོན་ཏན་ཕྲིན་ལས་ཀྱི་རྣམ་པ་ཅན་དུ་གྱུར་ཏེ་སྤྱན་དྲངས་བསྐྱེད་པའི་ལྷ་ལ་ཐིམ་པས་གཉིས་སུ་མེད་པར་བསམ༔ གུ་རུ་དྷེ་ཝ་ཌཱཀྐི་ནཱི་ཨོཾ་ཡ་མཱནྟ་ཀ་ཡ་མ་རཱ་ཙ་ནཱ་ག་རཀྴ་བཛྲ་ས་མ་ཡ་ཛ༔ གཉིས་པ་སྤྱན་འདྲེན་པ་ནི༔ ཧཱུྃ་ཧཱུྃ་ཧཱུྃ༔ རང་སྣང་དོན་གྱི་འོག་མིན་ནས༔ སྐུ་གསུམ་རྒྱལ་བ་སྲས་བཅས་དང་༔ འཆི་བདག་ཟིལ་གནོན་གཤིན་རྗེའི་གཤེད༔ གནས་འདིར་སྤྱན་འདྲེན་གཤེགས་སུ་གསོལ༔ བཛྲ་ས་མ་ཡ་ཛ་ཛཿགསུམ་པ་བཞུགས་སུ་གསོལ་བ་ནི༔ ཧཱུྃ༔ ཐབས་ཀྱིས་བསྐྱེད་པའི་དཀྱིལ་འཁོར་དུ༔ ཤེས་རབ་ཡེ་ཤེས་དབྱིངས་ཀྱི་ལྷ༔ དབྱེར་མེད་དུ་མ་རོ་གཅིག་ཏུ༔ མངོན་གྱུར་ཆེན་པོར་བཞུགས་སུ་གསོལ༔ ཀཱ་ཡ་བཛྲ་ས་མ་ཡ་སྟྭཾ༔ ཝཱཀ་བཛྲ་ས་མ་ཡ་སྟྭཾ༔ ཙིཏྟ་བཛྲ་ས་མ་ཡ་སྟྭཾ༔ གུ་ཎ་བཛྲ་ས་མ་ཡ་སྟྭཾ༔ སརྦ་ཀརྨ་བཛྲ་ས་མ་ཡ་སྟྭཾ༔ ས་མ་ཡ་ཏིཥྛ་ལྷན༔ བཞི་པ་ཕྱག་འཚལ་བ་ནི༔ ན་མོ༔ མ་རིག་གཏི་མུག་དྲུང་འབྱིན་པའི༔ ཤེས་རབ་ཡེ་ཤེས་ཀུན་ཏུ་འབར༔ གཤིན་རྗེ་གཤེད་ཆེན་བདུད་ཀྱི་བདུད༔ དཔལ་གྱི་དཔལ་ལ་ཕྱག་འཚལ་ལོ༔ ན་མོ་པུ་རུ་ཤ་ཡ་ ཧོཿ ལྔ་པ་མཆོད་པ་འབུལ་བ་ནི༔ ཨོཾ་ཨཱཿཧཱུྃ༔ ཉེར་སྤྱོད་བདུན་དང་འདོད་ཡོན་ལྔ༔ སྨན་གཏོར་རཀྟ་བྱང་ཆུབ་སེམས༔ རཱུ་ཏྲ་བསྒྲལ་བའི་ཤ་རུས་ཁྲག༔ དཀྱིལ་འཁོར་ལྷ་ཚོགས་དགྱེས་ཕྱིར་འབུལ༔ ཨོཾ་བཛྲ་ཨརྒྷཾ་ནས༔ ཤཔྡ་རཱུ་པ་ནས༔ སྤཪྵེ་དྷརྨ་བོ་དྷི་ཙིཏྟ་མཱཾ་ས་རཀྟ་ཙིཏྟ་པཱུ་ཛ་ ཧོཿ དྲུག་པ་བསྟོད་པ་བྱ་བ་ལ༔ ཧཱུྃ༔ རང་བྱུང་ཡེ་ཤེས་ཡེ་སངས་རྒྱས༔ གདོད་ནས་སྤྲོས་པའི་མཐའ་དང་བྲལ༔ བདག་ལྟའི་རཱུ་ཏྲ་བསྒྲལ་བ་ལས༔ བདག་མེད་མཉམ་ཉིད་ཡེ་ཤེས་བྱུང་༔ ཀ་དག་ཆོས་སྐུ་མངོན་གྱུར་གཤིས༔ ལྷུན་གྲུབ་རོལ་པའི་ཡེ་ཤེས་ཤར༔ བདུད་ཀྱི་བདུད་ཆེན་གཤིན་རྗེའི་གཤེད༔ སྲིད་པ་དབྱིངས་སུ་འཇིགས་མཛད་ཅིང་༔ མ་རིག་རྟེན་འབྲེལ་ལུགས་འབྱུང་ཆོས༔ རིག་པ་ཡེ་ཤེས་ཆེན་པོ་རུ༔ ལུགས་བཟློག་སྲིད་པའི་གཞི་རྩ་གཏོར༔ ཀླུ་ཡི་རྒྱལ་པོ་ཀླུ་ཡི་བདུད༔ འཁོར་བའི་སྲོག་བདུད་མི་སྲུན་པ༔ རྡོ་རྗེ་སྲིན་པོ་ཁྱོད་ལ་བསྟོད༔ ཁྱོད་ཀྱི་ཕྲིན་ལས་སྤྲུལ་པ་ལས༔ རྡོ་རྗེ་གཞོན་ནུ་ལས་ལ་འགྱེད༔ དུག་ལྔའི་རང་གཟུགས་མགོ་བརྙན་ངོམས༔ འབུད་ཤིང་མེ་ཡིས་རང་བསྲེགས་བཞིན༔ ཀླུ་ལྔའི་དབང་པོས་ཀླུ་སྲོག་གཅོད༔ ཀླུ་བདུད་ཁྱོད་ལ་ཕྱག་འཚལ་བསྟོད༔ ཁྱོད་ཀྱི་གཟི་བརྗིད་མཐོང་ཙམ་གྱིས༔ ཁམས་གསུམ་ཀུན་གྱི་བདེ་དང་སྡུག༔ དྲན་མེད་མྱོང་མེད་ངང་དུ་མྱོས༔ རྡོ་རྗེ་ཅན་ཡང་བྲེད་ཅིང་དངངས༔ ཁྲོ་བོ་ཆེན་པོ་རྣམས་ཀྱིས་ཀྱང་༔ མཚོན་ཆ་བོར་ནས་ཕྱོགས་བཅུར་འབྲོས༔ ཁྱབ་བདག་སྤྱི་དཔལ་ཁྱོད་ལ་བསྟོད༔ བདུད་པ་བཤགས་པ་བྱ་བ་ནི༔ ཧོཿ ཀུན་བཟང་ཆེ་མཆོག་གཤིན་རྗེའི་གཤེད༔ ཀ་དག་ཡེ་ཤེས་མངོན་གྱུར་དབྱིངས༔ གདོད་ནས་རང་བྱུང་ཡེ་ཤེས་ཞལ༔ མ་རིག་འཁྲུལ་པའི་ནོངས་པ་བཤགས༔ ཨོཾ་བཛྲ་སཏྭ་ས་མ་ཡ་སོགས་ཡི་གེ་བརྒྱ་པ་བརྗོད༔ བརྒྱད་པ་འཛབ་བསྐུལ་ནི༔ ཧཱུྃ༔ ཁྱབ་བརྡལ་ལྷུན་འབྱམས་མཚན་མ་བྲལ༔ ཆོས་ཉིད་ངང་ལས་ཡེ་ཤེས་ཤར༔ ཡེ་ཤེས་རྩལ་ལས་ལྷར་སྣང་ངོམས༔ བསྐུལ་ལོ་ཐུགས་རྗེས་རྒྱུད་བསྐུལ་ལོ༔ བཞེངས་ཤིག་ཆོས་ཀྱི་དབྱིངས་ནས་བཞེངས༔ ཕུང་ཁམས་གཤེགས་པ་གཤེགས་མ་བཞེངས༔ དབང་ཡུལ་དཔལ་ཆེན་སྐུ་རུ་བཞེངས༔ རྟོག་ཚོགས་ཁྲོ་བོའི་རོལ་པར་བཞེངས༔ སྐུ་ནི་སྒེག་དཔའ་འཇིགས་སུ་རུང་༔ གསུང་ནི་རྒོད་གཤེ་དྲག་ཤུལ་ལྡན༔ ཐུགས་ནི་སྙིང་རྗེ་རྔམས་ཞིའི་ངང་༔ གར་གྱི་རོལ་པས་ད་བཞེངས་ལ༔ བསྒོམ་བཟླས་དམིགས་པའི་རྣོ་ནུས་བསྐྱེད༔ དབང་བྱིན་དངོས་གྲུབ་ཆར་ལྟར་ཕོབས༔ རིག་འཛིན་རྣམ་བཞིའི་གོ་འཕང་མཆོག༔ ད་ལྟ་ཉིད་དུ་ཐོབ་པར་མཛོད༔ བཟླས་པའི་སྔགས་ནི༔ ཨོཾ་ཕེ་ལང་ཧཱུྃ༔ ཞེས་ཤེས་པ་གཞན་དུ་མ་ཡེངས་པར་ལྷའི་ང་རྒྱལ་དང་འགྲོགས༔ མི་ཚིག་གིས་བར་མ་ཆོད་པར་སྔགས་བཟླས་པ་ལ་འབད༔ དུས་གསུམ་རྒྱལ་བ་སྲས་དང་བཅས་པ་ཐམས་ཅད་བསྐྱེད་པའི་ལྷའི་རྣམ་པར་རྒྱུན་མི་ཆད་པར་བྱུང་ནས་མཚོ་ཆེན་པོ་ལ་ཁ་བ་བབ་པ་ལྟར་སྒྲུབ་རྫས་ལ་ཐིམ་པར་ཡང་ཡང་བསམ་པ་ནི་བསྙེན་པའི་གནད་ཡིན་ནོ༔ དེ་དུས་ཉི་མ་ཤར་བ༔ ནམ་མཁའ་གཡའ་དག་པ༔ མཚོ་སྐམ་པ༔ ཀླུ་ནོར་ཤི་བ༔ སྲོག་ཆགས་གསོད་པ༔ ཁང་པ་མེས་ཚིགས་པ༔ མཁའ་ལ་འཕུར་བ༔ ཉི་ཟླ་གདན་དུ་བཏིང་བ༔ སྡེ་ཡུལ་མང་པོ་དབང་བསྒྱུར་བ༔ སྐྱེ་འགྲོ་མང་པོས་ཕྱག་འཚལ་ལ་བཀུར་སྟི་བྱེད་པ༔ གཞན་ཡང་དབང་བསྐུར་ཆོས་བཤད་བྱེད་པ༔ རི་ཀུན་ལས་མཐོ་བའི་རྩེ་མོར་ཕྱིན་པ༔ བྲག་བཤིག་པ༔ ཤིང་བཅད་པ༔ རོལ་མོ་སྒྲོགས་པ༔ གཞན་གྱིས་ཟས་ནོར་སྟེར་བ་རྣམས་བྱུང་ན་འགྲུབ་པའི་རྟགས་ཡིན༔ ལུས་ལས་འབུ་སྲིན་ཐོན་པ་གདོན་འདོན་པའི་རྟགས་དང་༔ རྣག་ཁྲག་ཐོན་པ་ནད་ཐོན་པའི་རྟགས་ཡིན་ནོ༔ བཟང་པོའི་རྟགས་མཚན་བྱུང་ཡང་མཆོག་འཛིན་མི་བྱ༔ ངན་པའི་རྟགས་མཚན་བྱུང་ཡང་དོགས་པ་དང་ངན་པར་མི་འཛིན་པ་གནད་དུ་ཤེས་པར་གྱིས༔ གོང་བསྙེན་པ་ལ་བྱེ་བ་བཟླས་པ་ན།ལས་སྦྱོར་ལ་འབུམ་འདོན་དེས་རིགས་འགྲེས་སྦྱར་རོ།།མཆན།བསྙེན་རྟགས་མཚན་བྱུང་ནས་ལས་སྦྱོར་དྲག་སྔགས་འདི་ལ་འབད༔ ནག་པོ་ཏི་པ་ཙ་ཡ་ནཱ་ག་རཱ་ཙ་ཧཱུྃ་ཕཊ༔ དེ་ཉིད་བཟླས་པའི་དུས་སུ་བདག་བསྐྱེད་ལས་མེ་མཆེད་པས་བར་ཆད་གདོན་བགེགས་བག་ཆགས་ལས་ཉོན་ཐམས་ཅད་ཐུལ་གྱིས་བསྲེགས་པར་ཡང་ཡང་བསམ་མོ༔ རྗེས་ལ་ཚོགས་ཀྱི་རིམ་པ་ནི༔ འབྱོར་ཚོགས་འདོད་ཡོན་བྱེ་བྲག་ཀུན༔ རི་རབ་རོལ་མཚོའི་ཚུལ་དུ་བཀོད༔ དང་པོ་ཚོགས་རྫས་བྱིན་རླབས་ནི༔ རཾ་ཡཾ་ཁཾ༔ སྣང་སྲིད་འདོད་ཡོན་ཆོས་སོ་ཅོག༔ གཉིས་མེད་སྟོང་ཉིད་ཆེན་པོར་ཞིག༔ སྟོང་ཉིད་དབྱིངས་སུ་སྒྱུ་འཕྲུལ་བཞིན༔ ལོངས་སྤྱོད་ཚོགས་ཀྱི་འཁོར་ལོར་ཤར༔ ཨོཾ་ཨཱཿཧཱུྃ༔ ལན་གསུམ༔ གཉིས་པ་སྤྱན་འདྲེན་པ་ནི༔ ཧཱུྃ༔ སྐྱབས་གནས་ཀུན་འདུས་བླ་མ་དང་༔ འཇམ་དཔལ་ཡེ་ཤེས་སེམས་དཔའ་ཆེ༔ གཤིན་རྗེའི་གཤེད་ཆེན་བདུད་ཀྱི་བདུད༔ ནཱ་ག་རཀྴ་འཁོར་དང་བཅས༔ ཚོགས་ལ་སྤྱན་འདྲེན་གཤེགས་སུ་གསོལ༔ ཚོགས་ཀྱི་ཞིང་དང་མཆོད་གནས་སུ༔ དྲག་པོ་ཆེན་པོ་བཞུགས་སུ་གསོལ༔ བཛྲ་ས་མ་ཡ་ཛ་ཛཿགསུམ་པ་ཚོགས་ཕུད་འབུལ་བ་ནི༔ ཧཱུྃ༔ བླ་མ་ཡི་དམ་མཁའ་འགྲོ་དང་༔ དྲག་པོ་ཆེན་པོའི་དཀྱིལ་འཁོར་དུ༔ འདོད་ཡོན་ལོངས་སྤྱོད་ཚོགས་མཆོད་འབུལ༔ ཕྱི་ནང་བར་ཆད་དབྱིངས་སུ་སོལ༔ མཆོག་དང་ཐུན་མོང་དངོས་གྲུབ་སྩོལ༔ སརྦ་ག་ཎ་ཙཀྲ་པཱུ་ཛ་ལ་ཁཱ་ཧི༔ བཞི་པ་བཤགས་པ་བྱ་བ་ནི༔ ཧོཿ ཡི་དམ་ལྷ་ཚོགས་དགོངས་སུ་གསོལ༔ བདག་གི་ཚེ་རབས་ཐམས་ཅད་དུ༔ སྒོ་གསུམ་བག་མེད་དབང་གྱུར་པས༔ ཉེས་བྱས་ཅི་མཆིས་ཚོགས་ཀྱིས་བཤགས༔ ཨོཾ་ག་ཎ་ཙཀྲ་སཏྭ་ས་མ་ཡ་སོགས་ཡིག་བརྒྱ་བརྗོད༔ ལྔ་པ་ཉམས་པ་བསྒྲལ་བ་ལ༔ ཧཱུྃ༔ གཤིན་རྗེ་གཤེད་པོ་ཁྲོ་བོའི་རྒྱལ༔ དྲག་པོ་ཆེན་པོ་དྲག་ཤུལ་གྱིས༔ ལོག་པར་འདྲེན་པའི་དགྲ་དང་བགེགས༔ ལྷ་ཡང་རུང་སྟེ་ཕྱེ་མར་ཐུལ༔ ཡ་མཱནྟ་ཀ་ཡ་མ་རཱ་ཙ་དགྲ་བགེགས་མཱ་ར་ཡ་རྦད་སོད༔ དྲུག་པ་ཞལ་དུ་བསྟབ་པ་ནི༔ ཧཱུྃ༔ བདུད་ཀྱི་བདུད་ཆེན་གཤིན་རྗེའི་གཤེད༔ ནཱ་ག་རཀྴ་ཞལ་ཕྱེས་ཤིག༔ ཉམས་པ་བདུན་ལྡན་དགྲ་བགེགས་ཀྱི༔ ཕུང་ཁམས་སྐྱེ་མཆེད་ཞལ་དུ་བསྟབས༔ སརྦ་ཤ་ཏྲུཾ་མཱ་ར་ཡ་ཁཱ་ཧི༔ བདུན་པ་ལྷག་མ་འབུལ་བ་ནི༔ ཧཱུྃ་བྷྱོ༔ དཔལ་གྱི་བཀའ་ཉན་ལྷག་སྐྱོང་ཚོགས༔ དམ་ཚིག་དབང་གིས་འདིར་གཤེགས་ལ༔ སྔོན་གྱི་ཆད་དོན་ཁྲིམས་བཞིན་དུ༔ ལྷག་གཏོར་བཞེས་ལ་ཕྲིན་ལས་མཛོད༔ ཨུཙྪིཥྚ་བ་ལིཾ་ཏ་ཁཱ་ཧི༔ བརྒྱད་པ་བསྐུལ་བ་བྱ་བ་ལ༔ ཧཱུྃ༔ དུས་གསུམ་སངས་རྒྱས་འདུས་པའི་སྐུ༔ ཞི་དང་ཁྲོ་བོའི་སྒྱུ་འཕྲུལ་ངོམས༔ བསྐུལ་ལོ་ཐུགས་དམ་གནད་ནས་བསྐུལ༔ བཞེངས་ཤིག་མི་མངོན་དབྱིངས་ནས་བཞེངས༔ མཛོད་ཅིག་དྲག་པོའི་ཕྲིན་ལས་མཛོད༔ ཉོན་མོངས་དུག་ལྔ་དུག་གསུམ་ལ༔ བརྟེན་ཅིང་འབྲེལ་བའི་དགྲ་དང་བགེགས༔ བདག་མེད་རྡོ་རྗེའི་མཚོན་གྱིས་ཤིག༔ ཡུལ་མེད་ཟང་ཐལ་ཆེན་པོར་སྒྲོལ༔ རྟོག་མེད་མཉམ་པ་ཉིད་དུ་སོད༔ དུས་ལ་བབ་པོ་ས་མ་ཡ༔ དགུ་པ་ཆད་མདོ་བཏང་བ་ནི༔ ཧཱུྃ༔ སྔོན་ཚེ་ཀུན་བཟང་རིགས་ལྔ་དང་༔ རྡོ་རྗེ་འཆང་དང་རྡོ་རྗེ་ཆོས༔ ཨོ་རྒྱན་པདྨ་ཐོད་ཕྲེང་སོགས༔ དུས་གསུམ་རྒྱལ་བ་སྲས་བཅས་ཀྱིས༔ བཀའ་བསྒོས་དམ་བཞག་དབང་བསྐུར་བའི༔ ཆད་དོན་དམ་ཅན་སྲུང་མ་རྣམས༔ དམར་གྱི་གཏོར་མ་འདི་བཞེས་ལ༔ བྱང་ཆུབ་བསྒྲུབ་པའི་བར་ཆད་སོལ༔ ཆོས་སྲིད་མངའ་ཐང་འཕེལ་རྒྱས་མཛོད༔ དམ་ཚིག་ཇི་བཞིན་ཕྲིན་ལས་སྒྲུབས༔ དམ་ལ་མ་འདའ་ས་མ་ཡ༔ བཅུ་པ་བརྟན་མ་སྐྱོང་བ་ནི༔ བྷྱོ༔ སངས་རྒྱས་བསྟན་པ་བསྲུང་བ་ཡི༔ མ་མོ་མོ་རྒྱུད་སྡེ་དཔུང་དང་༔ མ་སྲིང་བརྟན་མ་བཅུ་གཉིས་སོགས༔ བཤལ་ཆུའི་གཏོར་མ་འདི་ལོངས་ལ༔ བསྟན་འགྲོ་བདེ་ལ་འགོད་པ་དང་༔ རྣལ་འབྱོར་སྒྲུབ་པའི་བར་ཆད་སོལ༔ ཞིང་བཅུའི་དགྲ་བགེགས་རྡུལ་དུ་རློགས༔ མ་འདའ་བཛྲ་ས་མ་ཡ༔ བཅུ་གཅིག་རྟ་བྲོ་བརྡུང་བ་ལ༔ ཧཱུྃ༔ སྟོང་པ་ཉིད་ཀྱི་བྲུབ་ཁུང་དུ༔ བདག་རྟོག་མ་རིག་འདྲེ་གདོན་བྲུབ༔ བདག་མེད་རྟོགས་པའི་པའི་བྲོ་བརྡུང་བས༔ ལྡང་མེད་རྡོ་རྗེ་ལྷུན་པོས་མནན༔ སྟྭཾ་བྷ་ཡ་ནན༔ མཱ་ར་ཡ་ནན༔ བཅུ་གཉིས་པ་དངོས་གྲུབ་བླང་བ་ནི༔ ཧཱུྃ༔ སྐུ་གསུང་ཐུགས་ཀྱི་ཀློང་མཛོད་ནས༔ དབང་དང་དངོས་གྲུབ་དགའ་བཞིའི་བཅུད༔ བདག་གི་སྒོ་གསུམ་སྣོད་དུ་བབ༔ དག་སྨིན་གྲོལ་བ་མངོན་འགྱུར་ཤོག༔ རྩ་སྔགས་མཐར༔ ཀཱ་ཡ་ཝཱཀ་ཙིཏྟ་སིདྡྷི་ཕ་ལ་ཧཱུྃ༔ བཅུ་གསུམ་པ་བཤགས་པ་བྱ་བ་ནི༔ ཧཱུྃ༔ དཀྱིལ་འཁོར་ལྷ་ཚོགས་དགོངས་སུ་གསོལ༔ བདག་གི་ཚེ་རབས་ཐམས་ཅད་དུ༔ མ་རིག་དབང་གྱུར་ལས་ཉོན་ཀུན༔ གནོང་འགྱོད་དྲག་པོས་མཐོལ་ཞིང་བཤགས༔ ཡི་གེ་བརྒྱ་པ་ལན་གསུམ་བརྗོད༔ བཅུ་བཞི་བ་བསྔོ་སྨོན་བྱ་བ་ནི༔ ཧོཿ དུས་གསུམ་བསགས་པའི་རྣམ་དཀར་དགེ༔ འཁོར་གསུམ་དམིགས་མེད་དབྱིངས་སུ་བསྔོ༔ བདག་དང་ཁམས་གསུམ་སེམས་ཅན་རྣམས༔ སྐུ་གསུམ་དབྱིངས་སུ་སངས་རྒྱས་ཤོག༔ ལན་གསུམ༔ བཅོ་ལྔ་པ་བསྡུ་རིམ་ནི༔ ཧཱུྃ༔ བསྐྱེད་པ་ཐབས་ཀྱི་དཀྱིལ་འཁོར་ལྷ༔ ཤེས་རབ་སྟོང་ཉིད་ཆེན་པོར་ཞིག༔ སླར་ཡང་མཁའ་ལ་འཇའ་ཤར་བཞིན༔ རཀྴའི་སྐུར་གསལ་གོ་ཁྲབ་བགོ༔ བཅུ་དྲུག་པ་བཀྲ་ཤིས་བྱ་བ་ལ༔ ཧཱུྃ༔ དཀོན་མཆོག་གསུམ་གྱི་བདེན་པ་དང༔ རྟེན་འབྲེལ་ཟབ་མོའི་ནུས་མཐུ་ཡིས༔ བདག་ཅག་སྒྲུབ་མཆོག་འཁོར་བཅས་ལ༔ བཀྲ་ཤིས་བདེ་ལེགས་ཕུན་ཚོགས་ཤོག༔ ས་མ་ཡ༔ འདི་སྒྲུབ་སྐལ་བཟང་སྐྱེས་བུ་རྣམས༔ རྡོ་རྗེ་གསུམ་གྱི་གྲོང་འཕོས་ཏེ༔ ཕྱི་ནང་བར་ཆད་རྐྱེན་ལས་གྲོལ༔ སྲིད་པ་གསུམ་ལས་རྣམ་པར་རྒྱལ༔ ཚེ་འདི་མངོན་སངས་རྒྱས་འགྱུར་རོ༔ ལྷ་དང་དཀྱིལ་འཁོར་བསྒྲུབ་པ་ཀུན༔ མཐར་ཐུག་ཆོས་ཉིད་ཆེན་པོ་རུ༔ གཉིས་མེད་རོལ་པར་དམིགས་པ་ཡི༔ མངོན་གྱུར་རྫོགས་པ་ཆེན་པོ་རུ༔ གྲོལ་བ་གནད་ཀྱི་མཐར་ཐུག་གོ༔ འདི་ནི་བསྒྲུབ་པ་དངོས་གྲུབ་ཉེ༔ བཀའ་སྲུང་ལས་ཀྱི་གཤིན་རྗེས་སྲུངས༔ དམ་ཉམས་ལག་ཏུ་ཤོར་ར་རེ༔ ས་མ་ཡ༔ རྒྱ་རྒྱ་རྒྱ༔ གུ་ཧྱ༔ ཞེས་པ་འདི་ནི་རང་སློབ་རྡོ་རྗེ་རྣམ་པར་རྒྱལ་བ་དང་། བློ་གྲོས་དབང་པོ་གཉིས་ཀྱིས་གཙོས་བུ་སློབ་འགས་བསྐུལ་ངོར་ཁྲག་འཐུང་བདུད་འཇོམས་རྡོ་རྗེས་ཆོས་ཉིད་ནམ་མཁའི་མཛོད་ལས་བསྒྱུར་བ་དགེའོ། །དགེའོ། །དགེའོ། །ལེགས་སོ།།}} | |||
</onlyinclude> | |||
{{TsagliCall}} | |||
<headertabs/> | |||
Latest revision as of 09:31, 4 September 2025
| Wylie title | chos nyid nam mkha'i klong mdzod las: gshin rje 'chol bar khros pa'i sgrub thabs bdud kyi dpung 'joms: | |
|---|---|---|
| Location | bdud 'joms gling pa zab gter Volume 12, Text 60, Pages 345-359 (Folios 1a1 to 8a5) | |
| Author | བདུད་འཇོམས་གླིང་པ་ | |
| Citation | Khrag 'thung Bdud 'joms gling pa. Chos nyid nam mkha'i klong mdzod las gshin rje 'chol bar khros pa'i sgrub thabs bdud kyi dpung 'joms. In Sprul pa'i gter chen bdud 'joms gling pa'i zab gter gsang ba'i chos sde, Vol. 12: 345-359. Thimphu, Bhutan: Lama Kuenzang Wangdue, 2004. | |
| Side notes | Recto: las byang Verso: bdud 'joms nA ga rak+sha | |
| More details More details | ||
| Tertön | བདུད་འཇོམས་གླིང་པ་ (bdud 'joms gling pa) | |
| Genre | Activity Manual - las byang | |
| Cycle | ཆོས་ཉིད་ནམ་མཁའི་ཀློང་མཛོད་ (chos nyid nam mkha'i klong mdzod) | |
| Deity | 'jigs byed nA ga rak+sha | |
| Colophon |
ཞེས་པ་འདི་ནི་རང་སློབ་རྡོ་རྗེ་རྣམ་པར་རྒྱལ་བ་དང་། བློ་གྲོས་དབང་པོ་གཉིས་ཀྱིས་གཙོས་བུ་སློབ་འགས་བསྐུལ་ངོར་ཁྲག་འཐུང་བདུད་འཇོམས་རྡོ་རྗེས་ཆོས་ཉིད་ནམ་མཁའི་མཛོད་ལས་བསྒྱུར་བ་དགེའོ། །དགེའོ། །དགེའོ། །ལེགས་སོ།། | |
|
zhes pa 'di ni rang slob rdo rje rnam par rgyal ba dang /_blo gros dbang po gnyis kyis gtsos bu slob 'gas bskul ngor khrag 'thung bdud 'joms rdo rjes chos nyid nam mkha'i mdzod las bsgyur ba dge'o/_/dge'o/_/dge'o/_/legs so// | ||
