TTDL-ZABTER-18-TSHA-030: Difference between revisions
From Dudjom Wiki
TTDL-ZABTER-18-TSHA-030
(Imported new text files with Wyckibaat for processing) |
No edit summary |
||
| (3 intermediate revisions by 2 users not shown) | |||
| Line 1: | Line 1: | ||
ན་མོ། །རིགས་དང་དཀྱིལ་འཁོར་ཀུན་གྱི་ཁྱབ་བདག་དཔལ། །འགྲོ་བའི་དཔལ་མགོན་པདྨ་ཀ་རས་སྐྱོངས། །བདག་དང་བདག་གི་བརྒྱུད་འཛིན་བུ་སློབ་རྣམས། །ཚེ་འདིར་རྣམ་པར་གྲོལ་བའི་ས་ལ་སྐྱོལ། །སྔོན་ཚེ་བསོད་ནམས་བསགས་པའི་རྒྱུ་འབྲས་བུས། །མི་དབང་ས་སྐྱོང་རྒྱལ་པོར་གྱུར་པ་ཁྱོད། །རྩེ་གཅིག་རྣམ་པར་གྲོལ་བའི་ཟབ་ལམ་ལ། །འཇུག་པར་འདོད་ན་འདི་ལྟར་ཐུགས་ཆུབ་མཛོད། །དལ་འབྱོར་ལྡན་པའི་མི་ལུས་རིན་ཆེན་འདི། །བསོད་ནམས་རྒྱ་ཆེར་བསགས་པའི་འབྲས་བུ་སྟེ། །རྙེད་པར་དཀའ་ཚུལ་ད་ལྟའི་ལས་ལ་ལྟོས། །མདོ་མེད་ཆུད་ཟོས་མ་བྱེད་སྐལ་ལྡན་བུ། །ཚེ་ནི་མི་རྟག་ཉི་མའི་གྲིབ་སོ་འདྲ། །བཟའ་ཚང་མི་རྟག་ཚོང་དུས་མགྲོན་པོ་འདྲ། །ལོངས་སྤྱོད་མི་རྟག་སྒྱུ་མའི་ལྟད་མོ་འདྲ། །འདི་སྣང་མི་རྟག་མདང་གི་རྨི་ལམ་འདྲ། །འདྲ་བཞི་ཤེས་ནས་རྟག་འཛིན་ཞེན་པ་ཆོད། །གཅེས་རྒུ་བཟང་རྒུ་དཀོན་མཆོག་ཞིང་སར་ཕུལ། །སྒོ་གསུམ་དལ་མེད་དགེ་ལ་བསྐུལ་མ་མཛོད། །ཤིན་ཏུ་ཉམ་ཐག་བཀྲེས་སྐོམ་གྱིས་གདུང་བའི། །དགུན་དུས་བྱ་ལ་སྦྱིན་པ་ཡང་ཡང་ཐོང་། །མཆོག་དམན་ཀུན་ལ་སྙོམས་པའི་བྱམས་བརྩེས་སྐྱོངས། །རྒྱུ་དེའི་འབྲས་བུ་མངོན་མཐོའི་དཔལ་ཡོན་ཐོབ། །ལས་ངན་བསགས་པའི་འབྲས་བུ་ལུས་ངན་ཐོབ། །སྡུག་བསྔལ་བཟོད་མེད་ཐོག་ཏུ་བབས་པའི་ཚེ། །སུས་ཀྱང་སྐྱོབ་མིན་སྒོས་ཁུར་བྱེད་དགོས་འབྱུང་། །དེ་དོན་བསམ་ནས་ལས་ངན་སྤང་བ་གནད། །ཚེ་གཅིག་སྲིད་པའི་ཡུལ་ལ་མགོ་འཁོར་ནས། །སྡིག་རྒན་འཆི་ཁར་འགྱོད་ཀྱང་འཕྱིས་པ་ཡིན། །འཁོར་བ་མཐོ་དམན་གང་དུ་སྐྱེས་གྱུར་ཀྱང་། །དུག་སྦྲུལ་ཁྲོད་དང་མེ་ཡི་འོབ་བཞིན་དུ། །སྡུག་བསྔལ་མེད་པའི་བདེ་བ་ཅུང་ཟད་མེད། །དེ་ཕྱིར་གཏན་དུ་བདེ་བའི་གོ་ས་སྙེགས། །མི་བསླུ་ངེས་པ་དཀོན་མཆོག་གསུམ་ཡིན་པས། །རྟག་ཏུ་མི་འབྲལ་སྐྱབས་སུ་བརྟེན་པ་གནད། །དངོས་གྲུབ་ཀུན་གྱི་འབྱུང་གནས་བླ་མ་ཡིན། །དད་དམ་མོས་གུས་དྲག་པོས་རྟག་བསྟེན་མཛོད། །འགྲོ་དྲུག་སེམས་ཅན་ཕ་མའི་རང་བཞིན་ཏེ། །ཚད་མེད་རྣམ་བཞིས་གཞན་དོན་དང་ལེན་མཛོད། །མཆེད་དང་ལྕམ་དྲལ་ལམ་གྱི་གྲོགས་ཡིན་པས། །བརྩེ་གདུང་རྩི་བཀུར་བྱེད་པ་གནད་དུ་ཤེས། །དེ་དག་ཆོས་པ་ཀུན་གྱི་སྤྱི་ནོར་ཡིན། །ད་ནི་གསང་ཆེན་ངེས་དོན་ལྷུར་ལེན་ལ། །དཔེར་ན་ལྗོན་པའི་རྩ་བ་གཅིག་བཅད་ན། །ཡལ་ག་ལོ་མ་ཁྲི་འབུམ་དུས་གཅིག་སྐམ། །དེ་བཞིན་གཟུང་འཛིན་རྩ་བ་གཅིག་ཆོད་པས། །ཉོན་མོངས་བརྒྱད་ཁྲི་བཞི་སྟོང་དུས་གཅིག་གྲོལ། །དེ་ལ་དང་པོ་གང་ཟག་བདག་ཅེས་པ། །བདག་ལུས་མེད་ལ་ཡོད་པར་སྣང་ཙམ་གྱིས། །ཡེ་ཤེས་སྒྱུ་མའི་སྐུ་བསླུས་དངོས་པོར་འཁྲུལ། །དེ་ལ་ང་རུ་བཟུང་བའི་འཛིན་པས་བཅིངས། །དེས་འཕྲུལ་ཉི་མ་དང་ནི་འོད་ཟེར་བཞིན། །སེམས་དང་སེམས་བྱུང་འདོད་ཡོན་རྩལ་དུ་ཤར། །གདགས་གཞི་མེད་ལ་མིང་གི་ཐ་སྙད་བརྗོད། །རི་དྭགས་སྨིག་རྒྱུ་ཆུ་རུ་འཁྲུལ་པ་བཞིན། །དངོས་པོ་མེད་ལ་དངོས་འཛིན་ཞེན་པས་བཅིངས། །རྨི་ལམ་སྣང་བའི་སྣོད་བཅུད་འདོད་ཡོན་ལྔ། །སད་མ་ཐག་ཏུ་ཡུལ་མེད་སྟོང་པར་ཡལ། །དེ་བཞིན་ཉིན་སྣང་སྣོད་བཅུད་འདོད་ཡོན་ཀུན། །གཉིད་དང་བརྒྱལ་དང་འཆི་འཕོའི་དུས་ཀྱི་ཚེ། །སྒྱུ་མའི་འཁྲུལ་འཁོར་དབྱིངས་སུ་ཞིག་པ་བཞིན། །ཡུལ་མེད་ཉིད་དུ་ཞིག་ཅིང་དབྱིངས་སུ་ཡལ། །དེ་དོན་ཞིབ་ཏུ་བརྟག་དཔྱད་གཏན་དབབ་ནས། །དཔེར་ན་རྒྱ་མཚོའི་གཟའ་སྐར་གཟུགས་བརྙན་ཀུན། །ཆུ་ལས་མི་གཞན་ཆུ་རུ་རོ་གཅིག་ལྟར། །སྣོད་བཅུད་སྣང་བ་ཚོགས་དྲུག་ཡུལ་སྣང་ཀུན། །ནམ་མཁའི་རང་བཞིན་ཉིད་དུ་རོ་གཅིག་པའི། །ངང་ཚུལ་ཤེས་ནས་ནམ་མཁའ་ཉིད་དུ་རྟོགས། །ནམ་མཁའ་རྣམ་པར་དག་པའི་དབྱིངས་ཆེན་པོ། །འཁོར་འདས་འུབ་ཆུབ་རྫོགས་པ་ཆེན་པོ་ཉིད། །ཡེ་གཞི་བདེ་གཤེགས་སྙིང་པོར་ལྷུན་གྱིས་གྲུབ། །གནས་ལུགས་ཡིན་ལུགས་རྟོགས་པ་ལྟ་བ་ལགས། །བསྒོམ་བཅོས་འཛིན་སྟངས་གཟེབ་ཀྱིས་བཅིངས་མིན་ཏེ། | {{Text | ||
|classification=Tibetan Publications | |||
|subclass=Tibetan Texts | |||
|fulltitletib=ན་མོ། རིགས་དང་དཀྱིལ་འཁོར་སོགས་རྒྱལ་སྲས་ཕུན་ཚོགས་དབང་ཕྱུག་ལ་གདམས་པ། | |||
|fulltitle=na mo/ rigs dang dkyil 'khor sogs rgyal sras phun tshogs dbang phyug la gdams pa | |||
|citation=Khrag 'thung [[Bdud 'joms gling pa]]. ''Na mo rigs dang dkyil 'khor sogs rgyal sras phun tshogs dbang phyug la gdams pa''. In ''Sprul pa'i gter chen bdud 'joms gling pa'i zab gter gsang ba'i chos sde'', Vol. 18: 109-113. Thimphu, Bhutan: Lama Kuenzang Wangdue, 2004. | |||
|collectiontitletib=བདུད་འཇོམས་གླིང་པ་ཟབ་གཏེར། | |||
|collectiontitle=bdud 'joms gling pa zab gter | |||
|author=bdud 'joms gling pa | |||
|tibgenre=Advice - zhal gdams | |||
|terma=No | |||
|volumenumber=18 | |||
|volnumtib=༡༨ | |||
|volyigtib=ཚ | |||
|totalvolumes=21 | |||
|textnuminvol=030 | |||
|pagenumbers=109-113 | |||
|totalpages=5 | |||
|beginfolioline=55a1 | |||
|endfolioline=57a2 | |||
|totalfolios=3 | |||
|multivolumework=No | |||
|rectonotes=zhal gdams | |||
|versonotes=bdud 'joms gsung mgur skor | |||
|colophontib=ཅེས་པ་འདི་མི་ཡི་དམ་པ་ས་སྐྱོང་ལྕགས་ལ་རྒྱལ་པོའི་སྲས་པོ་ཕུན་ཚོགས་དབང་ཕྱུག་གིས་བསྐུལ་ངོར་གླིང་པ་བདུད་འཇོམས་རྡོ་རྗེས་སྨྲས་པ་ཡོངས་སུ་དགེ་བར་གྱུར་ཅིག །ཛ་ཡནྟུ།། | |||
|colophonwylie=ces pa 'di mi yi dam pa sa skyong lcags la rgyal po'i sras po phun tshogs dbang phyug gis bskul ngor gling pa bdud 'joms rdo rjes smras pa yongs su dge bar gyur cig_/dza yan+tu// | |||
|pdflink=File:TTDL-ZABTER-18-TSHA-030.pdf | |||
|authortib=བདུད་འཇོམས་གླིང་པ་ | |||
|volumeLetter=TSHA | |||
|InitCategories=Dudjom Tersar Project; TTDL-ZABTER-Volume-18-TSHA | |||
}} | |||
<h1>Tibetan Text</h1> | |||
<onlyinclude> | |||
{{TibP|༄༅། །ན་མོ། །རིགས་དང་དཀྱིལ་འཁོར་ཀུན་གྱི་ཁྱབ་བདག་དཔལ། །འགྲོ་བའི་དཔལ་མགོན་པདྨ་ཀ་རས་སྐྱོངས། །བདག་དང་བདག་གི་བརྒྱུད་འཛིན་བུ་སློབ་རྣམས། །ཚེ་འདིར་རྣམ་པར་གྲོལ་བའི་ས་ལ་སྐྱོལ། །སྔོན་ཚེ་བསོད་ནམས་བསགས་པའི་རྒྱུ་འབྲས་བུས། །མི་དབང་ས་སྐྱོང་རྒྱལ་པོར་གྱུར་པ་ཁྱོད། །རྩེ་གཅིག་རྣམ་པར་གྲོལ་བའི་ཟབ་ལམ་ལ། །འཇུག་པར་འདོད་ན་འདི་ལྟར་ཐུགས་ཆུབ་མཛོད། །དལ་འབྱོར་ལྡན་པའི་མི་ལུས་རིན་ཆེན་འདི། །བསོད་ནམས་རྒྱ་ཆེར་བསགས་པའི་འབྲས་བུ་སྟེ། །རྙེད་པར་དཀའ་ཚུལ་ད་ལྟའི་ལས་ལ་ལྟོས། །མདོ་མེད་ཆུད་ཟོས་མ་བྱེད་སྐལ་ལྡན་བུ། །ཚེ་ནི་མི་རྟག་ཉི་མའི་གྲིབ་སོ་འདྲ། །བཟའ་ཚང་མི་རྟག་ཚོང་དུས་མགྲོན་པོ་འདྲ། །ལོངས་སྤྱོད་མི་རྟག་སྒྱུ་མའི་ལྟད་མོ་འདྲ། །འདི་སྣང་མི་རྟག་མདང་གི་རྨི་ལམ་འདྲ། །འདྲ་བཞི་ཤེས་ནས་རྟག་འཛིན་ཞེན་པ་ཆོད། །གཅེས་རྒུ་བཟང་རྒུ་དཀོན་མཆོག་ཞིང་སར་ཕུལ། །སྒོ་གསུམ་དལ་མེད་དགེ་ལ་བསྐུལ་མ་མཛོད། །ཤིན་ཏུ་ཉམ་ཐག་བཀྲེས་སྐོམ་གྱིས་གདུང་བའི། །དགུན་དུས་བྱ་ལ་སྦྱིན་པ་ཡང་ཡང་ཐོང་། །མཆོག་དམན་ཀུན་ལ་སྙོམས་པའི་བྱམས་བརྩེས་སྐྱོངས། །རྒྱུ་དེའི་འབྲས་བུ་མངོན་མཐོའི་དཔལ་ཡོན་ཐོབ། །ལས་ངན་བསགས་པའི་འབྲས་བུ་ལུས་ངན་ཐོབ། །སྡུག་བསྔལ་བཟོད་མེད་ཐོག་ཏུ་བབས་པའི་ཚེ། །སུས་ཀྱང་སྐྱོབ་མིན་སྒོས་ཁུར་བྱེད་དགོས་འབྱུང་། །དེ་དོན་བསམ་ནས་ལས་ངན་སྤང་བ་གནད། །ཚེ་གཅིག་སྲིད་པའི་ཡུལ་ལ་མགོ་འཁོར་ནས། །སྡིག་རྒན་འཆི་ཁར་འགྱོད་ཀྱང་འཕྱིས་པ་ཡིན། །འཁོར་བ་མཐོ་དམན་གང་དུ་སྐྱེས་གྱུར་ཀྱང་། །དུག་སྦྲུལ་ཁྲོད་དང་མེ་ཡི་འོབ་བཞིན་དུ། །སྡུག་བསྔལ་མེད་པའི་བདེ་བ་ཅུང་ཟད་མེད། །དེ་ཕྱིར་གཏན་དུ་བདེ་བའི་གོ་ས་སྙེགས། །མི་བསླུ་ངེས་པ་དཀོན་མཆོག་གསུམ་ཡིན་པས། །རྟག་ཏུ་མི་འབྲལ་སྐྱབས་སུ་བརྟེན་པ་གནད། །དངོས་གྲུབ་ཀུན་གྱི་འབྱུང་གནས་བླ་མ་ཡིན། །དད་དམ་མོས་གུས་དྲག་པོས་རྟག་བསྟེན་མཛོད། །འགྲོ་དྲུག་སེམས་ཅན་ཕ་མའི་རང་བཞིན་ཏེ། །ཚད་མེད་རྣམ་བཞིས་གཞན་དོན་དང་ལེན་མཛོད། །མཆེད་དང་ལྕམ་དྲལ་ལམ་གྱི་གྲོགས་ཡིན་པས། །བརྩེ་གདུང་རྩི་བཀུར་བྱེད་པ་གནད་དུ་ཤེས། །དེ་དག་ཆོས་པ་ཀུན་གྱི་སྤྱི་ནོར་ཡིན། །ད་ནི་གསང་ཆེན་ངེས་དོན་ལྷུར་ལེན་ལ། །དཔེར་ན་ལྗོན་པའི་རྩ་བ་གཅིག་བཅད་ན། །ཡལ་ག་ལོ་མ་ཁྲི་འབུམ་དུས་གཅིག་སྐམ། །དེ་བཞིན་གཟུང་འཛིན་རྩ་བ་གཅིག་ཆོད་པས། །ཉོན་མོངས་བརྒྱད་ཁྲི་བཞི་སྟོང་དུས་གཅིག་གྲོལ། །དེ་ལ་དང་པོ་གང་ཟག་བདག་ཅེས་པ། །བདག་ལུས་མེད་ལ་ཡོད་པར་སྣང་ཙམ་གྱིས། །ཡེ་ཤེས་སྒྱུ་མའི་སྐུ་བསླུས་དངོས་པོར་འཁྲུལ། །དེ་ལ་ང་རུ་བཟུང་བའི་འཛིན་པས་བཅིངས། །དེས་འཕྲུལ་ཉི་མ་དང་ནི་འོད་ཟེར་བཞིན། །སེམས་དང་སེམས་བྱུང་འདོད་ཡོན་རྩལ་དུ་ཤར། །གདགས་གཞི་མེད་ལ་མིང་གི་ཐ་སྙད་བརྗོད། །རི་དྭགས་སྨིག་རྒྱུ་ཆུ་རུ་འཁྲུལ་པ་བཞིན། །དངོས་པོ་མེད་ལ་དངོས་འཛིན་ཞེན་པས་བཅིངས། །རྨི་ལམ་སྣང་བའི་སྣོད་བཅུད་འདོད་ཡོན་ལྔ། །སད་མ་ཐག་ཏུ་ཡུལ་མེད་སྟོང་པར་ཡལ། །དེ་བཞིན་ཉིན་སྣང་སྣོད་བཅུད་འདོད་ཡོན་ཀུན། །གཉིད་དང་བརྒྱལ་དང་འཆི་འཕོའི་དུས་ཀྱི་ཚེ། །སྒྱུ་མའི་འཁྲུལ་འཁོར་དབྱིངས་སུ་ཞིག་པ་བཞིན། །ཡུལ་མེད་ཉིད་དུ་ཞིག་ཅིང་དབྱིངས་སུ་ཡལ། །དེ་དོན་ཞིབ་ཏུ་བརྟག་དཔྱད་གཏན་དབབ་ནས། །དཔེར་ན་རྒྱ་མཚོའི་གཟའ་སྐར་གཟུགས་བརྙན་ཀུན། །ཆུ་ལས་མི་གཞན་ཆུ་རུ་རོ་གཅིག་ལྟར། །སྣོད་བཅུད་སྣང་བ་ཚོགས་དྲུག་ཡུལ་སྣང་ཀུན། །ནམ་མཁའི་རང་བཞིན་ཉིད་དུ་རོ་གཅིག་པའི། །ངང་ཚུལ་ཤེས་ནས་ནམ་མཁའ་ཉིད་དུ་རྟོགས། །ནམ་མཁའ་རྣམ་པར་དག་པའི་དབྱིངས་ཆེན་པོ། །འཁོར་འདས་འུབ་ཆུབ་རྫོགས་པ་ཆེན་པོ་ཉིད། །ཡེ་གཞི་བདེ་གཤེགས་སྙིང་པོར་ལྷུན་གྱིས་གྲུབ། །གནས་ལུགས་ཡིན་ལུགས་རྟོགས་པ་ལྟ་བ་ལགས། །བསྒོམ་བཅོས་འཛིན་སྟངས་གཟེབ་ཀྱིས་བཅིངས་མིན་ཏེ། །གདོད་མའི་ཡེ་གཞི་མངོན་གྱུར་སྒོམ་པའི་མཆོག །སྒོ་གསུམ་བྱ་བ་ཐམས་ཅད་ཆམ་བཞག་ནས། །བྱར་མེད་ངང་གནས་སྤྱོད་པའི་རྒྱལ་པོ་ལགས། །དཔེར་ན་མཁའ་ལ་ཉི་ཤར་ཇི་བཞིན་དུ། །གསལ་སྟོང་འཛིན་པ་བྲལ་བའི་གདིང་ཆེན་གྱི། །རང་ཐོག་རང་གྲོལ་འབྲས་བུའི་རྒྱལ་པོ་སྟེ། །འབྲས་བུ་ཐོབ་ལེན་མེད་དོ་རྒྱལ་པོའི་སྲས། །སྐུ་དང་ཞིང་ཁམས་རང་སྣང་དག་པའི་རྩལ། །ཞིང་ཁམས་གཞན་ན་མེད་དོ་རྒྱལ་པོའི་སྲས། །ཡེ་གཞི་གནས་ལུགས་ཡིན་ལུགས་མ་རིག་བསྒྲིབ། །དེ་ལས་འཁྲུལ་གཞི་མེད་དོ་རྒྱལ་པོའི་སྲས། །གདོད་མའི་ཡེ་གཞི་མངོན་དུ་བྱེད་པ་ལས། །བསྒོམ་རྒྱུ་གཞན་ན་མེད་དོ་རྒྱལ་པོའི་སྲས། །གནས་ལུགས་རྟོགས་ནས་ཡིན་ལུགས་དབང་འབྱོར་ལས། །གྲོལ་ལམ་གཞན་ན་མེད་དོ་རྒྱལ་པོའི་སྲས། །སྲིད་པའི་ཡུལ་དུ་མགོ་བོ་མི་འཁོར་ཞིང་། །རྩེ་གཅིག་སྙིང་པོའི་སྒྲུབ་ལ་གཞོལ་ནུས་ན། །རིང་པོར་མི་ཐོགས་མངོན་འཚང་རྒྱ་བ་ཡི། །མགོན་པོ་འོད་མི་འགྱུར་བའི་ས་རུ་སླེབས། །དེ་ལྟར་རྒན་པོས་འོལ་ཚོད་འདོམས་པའི་གཏམ། །མཐོང་ཐོས་དྲན་རེག་སྐྱེ་འགྲོ་ཕོ་མོའི་ཚོགས། །ཀུན་ཏུ་བཟང་པོའི་རང་ཞལ་མངོན་གྱུར་ཏེ། །ཁམས་གསུམ་ཆོས་ཀྱི་རྒྱལ་པོའི་སྲིད་ཐོབ་ཤོག །ཅེས་པ་འདི་མི་ཡི་དམ་པ་ས་སྐྱོང་ལྕགས་ལ་རྒྱལ་པོའི་སྲས་པོ་ཕུན་ཚོགས་དབང་ཕྱུག་གིས་བསྐུལ་ངོར་གླིང་པ་བདུད་འཇོམས་རྡོ་རྗེས་སྨྲས་པ་ཡོངས་སུ་དགེ་བར་གྱུར་ཅིག །ཛ་ཡནྟུ།། །།}} | |||
</onlyinclude> | |||
{{TsagliCall}} | |||
<headertabs/> | |||
Latest revision as of 08:39, 9 September 2024
| Wylie title | na mo/ rigs dang dkyil 'khor sogs rgyal sras phun tshogs dbang phyug la gdams pa | |
|---|---|---|
| Location | bdud 'joms gling pa zab gter Volume 18, Text 30, Pages 109-113 (Folios 55a1 to 57a2) | |
| Author | བདུད་འཇོམས་གླིང་པ་ | |
| Citation | Khrag 'thung Bdud 'joms gling pa. Na mo rigs dang dkyil 'khor sogs rgyal sras phun tshogs dbang phyug la gdams pa. In Sprul pa'i gter chen bdud 'joms gling pa'i zab gter gsang ba'i chos sde, Vol. 18: 109-113. Thimphu, Bhutan: Lama Kuenzang Wangdue, 2004. | |
| Side notes | Recto: zhal gdams Verso: bdud 'joms gsung mgur skor | |
| More details More details | ||
| Genre | Advice - zhal gdams | |
| Colophon |
ཅེས་པ་འདི་མི་ཡི་དམ་པ་ས་སྐྱོང་ལྕགས་ལ་རྒྱལ་པོའི་སྲས་པོ་ཕུན་ཚོགས་དབང་ཕྱུག་གིས་བསྐུལ་ངོར་གླིང་པ་བདུད་འཇོམས་རྡོ་རྗེས་སྨྲས་པ་ཡོངས་སུ་དགེ་བར་གྱུར་ཅིག །ཛ་ཡནྟུ།། | |
|
ces pa 'di mi yi dam pa sa skyong lcags la rgyal po'i sras po phun tshogs dbang phyug gis bskul ngor gling pa bdud 'joms rdo rjes smras pa yongs su dge bar gyur cig_/dza yan+tu// | ||
