DJYD-KABUM-04-NGA-008: Difference between revisions

From Dudjom Wiki
DJYD-KABUM-04-NGA-008
(Imported new text files with Wyckibaat for processing)
 
No edit summary
 
(4 intermediate revisions by 2 users not shown)
Line 1: Line 1:
༄༅།  །དག་ཡིག་མདོར་བསྡུས་པད་དཀར་ཆུན་པོ་བྱིས་པ་དགའ་བའི་རྣ་རྒྱན་ཅེས་བྱ་བ་བཞུགས་སོ།   
{{Text
|classification=Tibetan Publications
|subclass=Tibetan Texts
|fulltitletib=དག་ཡིག་མདོར་བསྡུས་པད་དཀར་ཆུན་པོ་བྱིས་པ་དགའ་བའི་རྣ་རྒྱན།
|fulltitle=dag yig mdor bsdus pad dkar chun po byis pa dga' ba'i rna rgyan
|citation=[[Dudjom Rinpoche]] 'Jigs bral ye shes rdo rje. ''Dag yig mdor bsdus pad dkar chun po byis pa dga' ba'i rna rgyan''. In ''Bdud 'joms 'jigs bral ye shes rdo rje'i gsung 'bum dam chos rin chen nor bu'i bang mdzod'', Vol. 4: 459-480. Kalimpong: Dupjung Lama, 1979-1985.
|collectiontitletib=བདུད་འཇོམས་རིན་པོ་ཆེ་བཀའ་འབུམ།
|collectiontitle=bdud 'joms rin po che bka' 'bum
|author=Dudjom Rinpoche
|tibgenre=Grammars - brda sprod
|terma=No
|language=Tibetan
|volumenumber=04
|volnumtib=༤
|volyigtib=ང་
|totalvolumes=25
|textnuminvol=008
|pagenumbers=459-480
|totalpages=22
|beginfolioline=1a1
|endfolioline=11b6
|totalfolios=11
|multivolumework=No
|rectonotes=dag yig
|versonotes=brda sprod
|colophontib=དེ་ལྟར་བརྡ་དག་བསྟན་བཅོས་གཞུང་།  །ཨུ་དུམ་ཝ་རའི་སྐྱེད་ཚལ་ལས།  །ཉེར་མཁོའི་དག་ཡིག་པད་དཀར་གྱི།  །ཆུན་པོ་ཅུང་ཞིག་བླངས་འདི་ནི།  །དཔལ་ལྡན་མི་དབང་བཤད་སྒྲ་བའི།  །བཀའ་ལུང་དོ་ཤལ་ཐོད་བཅིངས་ཏེ།  །རང་ལོ་ཉེར་དགུ་ཆུ་སྤྲེལ་ལོར།  །གཏེར་ཁོག་མཁན་ལྗོངས་དགའ་ཚལ་དུ།  །པད་བཀོད་བློ་གསལ་མང་བསྡུས་ནས།  །འབྲི་ཀློག་བསླབ་གྲྭ་གསར་འཛུག་གི  །དགེ་རྒན་སྲི་ཞུ་ལྷུར་ལེན་སྐབས།  །བློ་གྲོས་གསར་བུའི་བྱིས་རྣམས་ཀྱི།  །རྣ་བའི་རྒྱན་དུ་སྒྲུབས་ཤིག་ཅེས།  །དོན་གཉེར་ཅན་འགས་བསྐུལ་བ་བཞིན།  །གོ་བར་སླ་ཞིང་འཇུག་བདེ་བར།  །འཇིགས་བྲལ་ཡེ་ཤེས་རྡོ་རྗེས་སྦྱར།  །བསོད་ནམས་ཉིན་མོར་བྱེད་པའི་འོད།  །འགྲོ་བློའི་པད་ཚལ་ལ་ཕོག་པས།  །ཤེས་རབ་འདབ་རྒྱ་ཡོངས་གྲོལ་ཏེ།  །རྣམ་གྲོལ་གེ་སར་འཛུམ་བྱེད་ཤོག    །ཤྲཱི་བི་ཛ་ཡནྟུ།  །སརྦ་དཱ་མངྒ་ལཾ།།
|colophonwylie=de ltar brda dag bstan bcos gzhung /___/u dum wa ra'i skyed tshal las/___/nyer mkho'i dag yig pad dkar gyi/___/chun po cung zhig blangs 'di ni/___/dpal ldan mi dbang bshad sgra ba'i/___/bka' lung do shal thod bcings te/___/rang lo nyer dgu chu sprel lor/___/gter khog mkhan ljongs dga' tshal du/___/pad bkod blo gsal mang bsdus nas/___/'bri klog bslab grwa gsar 'dzug gi___/dge rgan sri zhu lhur len skabs/___/blo gros gsar bu'i byis rnams kyi/___/rna ba'i rgyan du sgrubs shig ces/___/don gnyer can 'gas bskul ba bzhin/___/go bar sla zhing 'jug bde bar/___/'jigs bral ye shes rdo rjes sbyar/___/bsod nams nyin mor byed pa'i 'od/___/'gro blo'i pad tshal la phog pas/___/shes rab 'dab rgya yongs grol te/___/rnam grol ge sar 'dzum byed shog____/shrI bi dza yan+tu/___/sarba dA mang+ga laM//
|pdflink=File:DJYD-KABUM-04-NGA-008.pdf
|authortib=བདུད་འཇོམས་འཇིགས་བྲལ་ཡེ་ཤེས་རྡོ་རྗེ་
|volumeLetter=NGA
|InitCategories=Dudjom Tersar Project; DJYD-KABUM-Volume-04-NGA
}}
<h1>Tibetan Text</h1>
<onlyinclude>
{{TibP|༄༅།  །དག་ཡིག་མདོར་བསྡུས་པད་དཀར་ཆུན་པོ་བྱིས་པ་དགའ་བའི་རྣ་རྒྱན་ཅེས་བྱ་བ་བཞུགས་སོ།   


（1བ）ཨོཾ་སྭསྟི།   མཁའ་མཉམ་ཡེ་ཤེས་འོད་ཟེར་གྱིས།  །འགྲོ་བའི་རྨོངས་མུན་མཐར་མཛད་པ།  །འཇམ་དཔལ་སྨྲ་བའི་ཉི་མ་དེས།  །བདག་བློའི་པད་ཚལ་སྐྱོང་བར་མཛོད།  །གང་འདིར་ཡོན་ཏན་ཀུན་གྱི་གཞི།  །ཡི་གེའི་སྦྱོར་བ་ལས་བརྩམས་ཏེ།  །བྱིས་པ་གསར་བུའི་འཇུག་སྒོ་རུ།  །དག་ཡིག་ཉུང་གསལ་གོ་བདེར་འཆད།  །དབྱངས་ནི་ཨི་ཨུ་ཨེ་ཨོ་ཞེས།  །གི་གུ་ཞབས་ཀྱུ་འགྲེང་བུ་དང་།  །ན་རོ་རྣམས་ཏེ་ཇི་སྙེད་པའི།  །ཡི་གེ་ཀུན་ལ་སྦྱོར་བྱ་ཡིན།  །གསལ་བྱེད་ཀ་སོགས་སུམ་ཅུའོ།  །དེ་ལས་ཡ་བཏགས་ཐོབ་པ་བདུན།  ཀྱ་ཁྱ་གྱ་པྱ་ཕྱ་བྱ་མྱ།  ར་（2ན）བཏགས་བཅུ་གཉིས།  （ཀྲ་ཁྲ་གྲ་ཏྲ་དྲ་ནྲ་པྲ་ཕྲ་བྲ་མྲ་སྲ་ཧྲ།）   ལ་བཏགས་དྲུག    （།ཀླ་གླ་བླ་རླ་ཟླ་སླ།）   ཝ་ཟུར་བཏགས་པ་བཅུ་གཉིས་（ཀྭ་ཁྭ་གྭ་ཉྭ་ཏྭ་དྭ་ཚྭ་ཛྭ་ཞྭ་ཟྭ་རྭ་སྭ།）   དང་།  །ར་མགོ་བཅུ་གཉིས།  （རྐ་རྒ་རྔ་རྗ་རྙ་རྟ་རྡ་རྣ་རྦ་རྨ་རྩ་རྫ།）   ལ་མགོ་བཅུ།  །（ལྐ་ལྒ་ལྔ་ལྕ་ལྗ་ལྟ་ལྡ་ལྤ་ལྦ་ལྷ།）   ས་མགོ་བཅུ་གཅིག་（སྐ་སྒ་སྔ་སྙ་སྟ་སྡ་སྣ་སྤ་སྦ་སྨ་སྩ།）   རྣམས་ཤེས་བྱ།  །ག་ང་ད་ན་བ་མ་འ།  །ར་ལ་ས་རྣམས་རྗེས་འཇུག་བཅུ།  །ད་དང་ས་གཉིས་ཡང་འཇུག་སྟེ།  །ད་ནི་ན་ར་ལ་གསུམ་དང་།  །ས་ནི་ག་ང་བ་མར་ཐོབ།  །ག་ད་བ་མ་འ་སྔོན་འཇུག  །རྗེས་འཇུག་མིང་མཐའི་ཡི་གེ་ལ།  །ན་རོ་སྦྱར་བ་རྗོགས་ཚིག་སྟེ།  །（3བ）དཔེར་ན་མཆོག་གོ་རྒྱུ་བཟང་ངོ་།   །ཡོད་དོ་ཡིན་ནོ་དོན་གྲུབ་བོ།  །འཛོམ་མོ་དགའ་འོ་ངོ་མཚར་རོ།  །གཞལ་ལོ་ཤེས་སོ་ལྟ་བུ་དང་།  །དྲག་ཡོད་མཐའ་རུ་ཏོ་དང་ནི།  །མཐའ་མེད་རྣམས་ལ་འོ་སྦྱོར་ཏེ།  །རྗེས་སུ་དྲནད་ཏོ་གཞན་ཟེརད་ཏོ།  །སྩལད་ཏོ་བདེའོ་ལྟ་བུའོ།  །དྲིས་སམ་སྡུད་ཚིག་སྐབས་སུ་ནི།  །མཐའ་རྟེན་རྣམས་ལ་མ་སྦྱར་ཞིང་།  །སྐབས་འགར་ར་ལ་ཏམ་དང་ནི།  །འདོགས་ཅན་རྐྱང་པར་འམ་སྟེ་དཔེར།  །འདུག་གམ་བྱུང་ངམ་དེ་ཡོད་དམ།  །ཡིན་ནམ་གྲུབ་བམ་ལམ་བསྒོམ་མམ།  །འདའ་འམ་འགྱུར་རམ་དོན་འཚལ་ལམ།  །ཤེས་སམ་ཟེར་ཏམ་གཏམ་གོའམ།  །ཁའམ་ཞེས་པ་ལྟ་བུའོ།  །ད་བ་ས་ཀྱི་ག་ང་གི  །ན་མ་ར་ལའི་རྗེས་སུ་གྱི།  །འ་དང་རྐྱང་པ་མཐའ་མེད་འི།  །རྐང་པ་སྐོང་ཚེ་ཡི་སྟེ་དཔེར།  །ཁྱོད་ཀྱི་རྒྱབ་ཀྱི་གཡས་ཀྱི་ཆ།  །བདག་གི་གདོང་གི་ངོས་ན་མཆིས།  །མདུན་གྱི་རུམ་གྱི་སྐོར་གྱི་ནི།  །མངལ་གྱི་སྒོ་དེ་བདག་ལ་སྟོན།  །རྩེ་དགའི་དགའ་བ་བདེ་བའི་མཆོག  །ལྷ་ཡི་བདེ་བའི་དཔལ་ལྟར་རོ།  །ག་བ་ད་དྲག་ཅན་མཐར་ཏུ།  །ང་ད་ན་མ་ར་ལ་དུ།  །ས་སུ་འ་དང་འདོགས་ཅན་དང་།  །རྐྱང་པ་རུ་སྟེ་དཔེ་རིམ་བཞིན།  །རྟག་ཏུ་རབ་ཏུ་ཀུན་ཏུ་དགའ།  །ཕ་རོལ་ཏུ་（3ན）ཕྱིན་བགྲང་དུ་མེད།   །བཅུད་དུ་འཁྱིལ་འདི་བསྟེན་བཞིན་དུ།  །གམ་དུ་མྱུར་དུ་མཇལ་དུ་འགྲོ།  །གནས་སུ་མཐའ་རུ་འདོད་འཇོ་རུ།  །ཁ་རུ་ཞེས་པ་ལྟ་བུའོ།  །ད་དེ་ན་ར་ལ་ས་ཏེ།  །ག་ང་བ་མ་འ་རྣམས་དང་།  །འདོགས་ཅན་རྐྱང་པར་ས་སྟེ་དཔེར།  །གུས་པས་བཏུད་དེ་ལག་བཀན་ཏེ།  །བསྐྱར་ཏེ་གཞལ་ཏེ་ཆས་ཏེ་བྱུང་།  །སྐྲག་སྟེ་གསང་སྟེ་གོས་བཀབ་སྟེ།  །འཁུམ་སྟེ་དམའ་སྟེ་ཡིབ་ནས་གདའ།  །སྙིང་ཡང་རྗེ་སྟེ་ཉམ་ང་སྟེའོ།  །ག་ད་བ་སའི་རྗེས་སུ་ཀྱང་།  །ང་འ་ན་མ་ར་ལ་དང་།  །འདོགས་ཅན་རྐྱང་མཐར་ཡང་སྟེ་དཔེར།  །བདག་ཀྱང་འབད་ཀྱང་དེ་ཐོབ་ཀྱང་།  །དེས་ཀྱང་འོན་ཀྱང་གྲངས་མང་ཡང་།  །འགའ་ཡང་གཞན་ཡང་དུས་ནམ་ཡང་།  །སླར་ཡང་མཇལ་ཡང་ཐུགས་མགུ་ཡང་།  ང་ཡང་ཡིད་ལའང་དེ་འདྲའོ།  །ག་ད་བ་དང་ད་དྲག་མཐར།  །ཅིང་ཅེས་ཅེ་ན་ཅིག་དང་ནི།  །ས་མཐར་དམིགས་གསལ་ཤིང་ཐོབ་དཔེར།  །གནག་ཅིང་རྒོད་ཅིང་གཏིང་ཟབ་ཅིང་།  །མཁྱེནད་ཅིང་མཚརད་ཅིང་བཀའ་བསྩལད་ཅིང་།  །མཛེས་ཤིང་ཡིད་འོང་བག་ཕེབས་ཤིང་།  །རྟག་ཅེས་ཡོད་ཅེས་གྲུབ་ཅེས་ཐོས།  །བརྒྱནད་ཅེས་ཟེར་ཅེས་ནོར་སྩལད་ཅེས།  །（3བ）སུ་འདུག་ཅེས་ན་བླ་མ་སྟེ།   །ཅི་མཛད་ཅེ་ན་དབང་བསྐུར་རོ།  །སུས་ཐོབ་ཅེ་ན་ཕྱུག་པོ་ཚོས།  །ཤོག་ཅིག་སྡོད་ཅིག་དལ་ཕོབ་ཅིག  །སྟོནད་ཅིག་གྱུརད་ཅིག་མྱུར་སྩོལད་ཅིག་གོ།  །ང་འ་ན་མ་ར་ལ་དང་།  །འདོགས་ཅན་རྐྱང་པ་རྣམས་ལ་ནི།  །ཞིང་ཞེས་ཞེ་ན་ཞིག་ཐོབ་དཔེར།  །དྲང་ཞིང་དགའ་ཞིང་རབ་སྙན་ཞིང་།  །འཇམ་ཞིང་དར་ཞིང་ཕྱག་འཚལ་ཞིང་།  །བདེ་ཞིང་ཟ་ཞིང་བྱུང་ཞེས་ཐོས།  །གདའ་ཞེས་དྲན་ཞེས་འདི་ཙམ་ཞེས།  འགྱུར་ཞེས་འཁྲུལ་ཞེས་བསྡུ་ཞེས་ཟེར།  །མཁས་པ་ཞེས་བྱས་སྨྲ་ཞེས་བཤད།  །སུ་བྱུང་ཞེ་ན་ཧོར་འདྲ་སྟེ།  །དུ་གདའ་ཞེ་ན་མང་པོའོ།  །སུས་ཡིན་ཞེ་ན་རྒྱལ་པོའི་སྟེ།  །ཁྲིམས་ཀྱིས་དབེན་ནམ་ཞེ་ན་དབེན།  །ཅི་བསྐོར་ཞེ་ན་རྒྱལ་ཁམས་ཏེ།  །གང་འཚལ་ཞེ་ན་ནོམ་པའོ།  །ཅི་བགྱི་ཞེ་ན་སྐྱེལ་བ་སྟེ།  །སུ་ལ་ཞེ་ན་སྨད་འཚོང་ལའོ།  །ཅུང་ཞིག་འགའ་ཞིག་གཞན་ཞིག་ཏུ།  །ནམ་ཞིག་སྦྱོར་ཞིག་ངལ་ཞིག་གསོ།  །རེ་ཞིག་འདུག་ནས་ཉ་ཞིག་ཉོའོ།  །ས་མཐར་དམིགས་བསལ་ཞེས་མ་གཏོགས།  །ཤིང་ཤིག་ཤེ་ན་ཐོབ་སྟེ་དཔེར།  །མཛེས་ཞེས་ཐོས་ཤིང་ལྟོས་ཤིག་བྱས།  །དེ་ཅིས་ཤེ་ན་འདོད་གདུང་གིས་སོ།  །ག་ད་བ་ས་ན་མར་པ།  །ང་འ་ར་ལ་འདོགས་ཅན་དང་།  །རྐྱང་མཐར་པ་བ་ཅི་རིགས་（4ན）ཏེ། །ཀློག་པ་བཤད་པ་ལེགས་སློབ་པ།  །ཤེས་པ་འཛིན་པ་དོན་བསམ་པ།  །ཁང་པ་གང་བ་མདའ་པ་དང་།  །མཛའ་བ་གྱུར་པ་རབ་འབར་བ།  །འཁྲུལ་པ་གྲོལ་བ་དོན་བསྡུ་བ།  །ཞི་བ་ཚ་བ་ལྟ་བུའོ།  །གཞན་ཡང་དཔྱིད་ཀ་ཐད་ཀ་དང་།  །མོན་ཁ་སེར་ཁ་རལ་ཁ་དང་།  །མཐིང་ག་སྙིང་ག་གདུང་མ་དང་།  །ལྟད་མོ་སྟོན་མོ་སྟག་མོ་སོགས།  བརྗོད་བདེ་འདྲེན་པ་ཤིན་ཏུ་མང་།  །ཅི་ཇི་སུ་གང་སྤྱི་སྒྲ་སྟེ།  །ཅི་ནི་ཅི་ཞིག་ཅི་སྟེ་དང་།  །ཅི་སླད་ཅི་འདྲ་ཅི་ཕྱིར་རོ།  །ཇི་ནི་ཇི་སྙེད་ཇི་སྲིད་དང་།  །ཇི་ལྟར་ཇི་བཞིན་ཇི་ཙམ་མོ།  །སུ་ནི་གང་ཟག་ཀུན་ལའོ།  །ཚོགས་པ་ཚོགས་ཆེན་ཕུན་ཚོགས་དང་།  །ཕྲིན་ལས་རིམ་གྲོ་སྐུ་ཁམས་ཁྲོས།  །ཕྲ་མ་ཕྲག་དོག་ཕྲ་མོ་ཙམ།  །ཚོན་རྩི་ཁྲོན་པ་ཐུར་དང་ཐོད།  །སྐད་ཅིག་ཐང་ཅིག་ཡུད་ཙམ་ཅིག  །ཁ་ཅིག་སོགས་ལ་འཕུལ་ཡིག་སྦང་།  །ལྷ་བཙུན་ཆེ་བཙུན་ན་བཟའ་དང་།  །ལྷ་རྗེ་ལྷ་རྫས་ང་རྒྱལ་དང་།  །བྱ་རྒོད་རྡོ་རྗེ་་མེ་ཏོག་དང་།  །རྒྱ་མཚོ་སོགས་ལ་མཐའ་འདྲེན་སྤང་།  །རྒྱ་ཆེར་དཔངས་མཐོར་ཉེར་བསགས་ཏེ།  །བྱང་ཆུབ་རྒྱུར་བསྔོས་ཕར་ཕྱིན་རྫོགས།  །དབྱེར་མེད་སོགས་ལ་མཐའ་འདྲེན་ནི།  །ལྷུག་པའི་ཚེ་ན་མི་ཐོབ་ཀྱང་།  །ཚིགས་བཅད་སྡེབས་（4བ）སྦྱོར་སྐབས་སུ་སྦྱོར།   །ཏིང་ངེ་འཛིན་དང་གཞོན་ནུ་དང་།  །ཆུང་ངུ་ཉུང་དུ་ལ་སོགས་པར།  །ཕྱི་མའི་ཚིག་ཤུགས་ཕན་པས་སྦྱོར།  །གཞན་དུ་བརྗོད་ཚིག་གང་ཡང་རུང་།  །བྱ་བྱེད་ལས་གསུམ་གྱིས་བསྡུས་པའི།  །བྱ་བ་བྱས་ཟིན་འདས་པ་དང་།  །བྱ་བ་བྱེད་འགྱུར་མ་འོངས་དང་།  །བྱེད་བཞིན་པ་ནི་ད་ལྟ་བར།  །ངེས་ཕྱིར་བདག་གཞན་དབྱེ་བ་ཡིས།  །འདས་ལ་འཕུལ་དང་ཡང་འཇུག་ཡོད།  །ད་ལྟ་བ་ལ་གཉིས་ཀ་མེད།  །མ་འོངས་འཕུལ་ཡོད་ཡང་འཇུག་མེད།  །བསྐུལ་ཚིག་འཕུལ་མེད་ཡང་འཇུག་ཡོད།  །དེ་རྣམས་རིམ་པར་དཔེར་མཚོན་ན།  །བསྒྲུབ་པའི་དམ་རྫས་ལ་བརྟེན་ནས།  །བདག་ནི་སྒྲུབ་ལ་འབད་པར་བྱ།  །ཁྱོད་ཀྱང་དེ་བཞིན་བསྒྲུབ་བྱས་ནས།  །སྐལ་ལྡན་འཆི་མེད་སྒྲུབས་མཛོད་ཅིག  །རྣམ་དབྱེ་གང་ལ་སྦྱོར་ཡུལ་དེས།  །གང་དུ་བྱ་བ་ཞིག་བྱས་ན།  །བྱེད་པའི་སྒྲ་ཞེས་ས་མཐའ་ཐོབ།  །དཔེར་ན་ཁྱོད་ཀྱིས་བདག་གྲོགས་མཛོད།  །ངས་ཐོས་མཁས་པས་བཤད་ལྟ་བུའོ།  །བྱ་བ་གཏན་ནས་མི་བྱེད་པར།  །སྔ་ཕྱི་འབྲེལ་བྱེད་ཙམ་སྟོན་ན།  །འབྲེལ་བའི་སྒྲ་སྟེ་ས་མཐའ་སྤང་།  །འགའ་ལ་འི་དང་ཡི་སྦྱོར་ཏེ།  །ཁྱོད་ཀྱི་གྲོགས་དེ་བདག་ཡིན་གྱི།  །ངའི་གོས་མཁས་པའི་ཡོན་（5ན）ཏན་ལྟར་རོ།   །ད་དྲག་ཡོད་དང་མེད་པ་ཡང་།  །འདས་དང་མ་འོངས་དབྱེ་བས་ཤེས།  །ད་ཡིག་དངོས་ཉིད་ཕྱི་དུས་འདིར།  །འབྲི་སྲོལ་མེད་ཀྱང་དོན་ཐོབ་ངེས།  །ལྷུག་པའི་དོན་མང་མིང་མཚམས་དང་།  །དོན་འབྲིང་འབྱེད་དང་དོན་ཉུང་རྫོགས།  །ཚིགས་བཅད་མཐའ་མར་ཆིག་ཤད་བྱ།  །རྫོགས་ཚིག་མཐའ་ཅན་ལྷུག་པ་དང་།  །ཚིགས་བཅད་རྐང་མཐར་ཉིས་ཤད་ཐོབ།  །དོན་ཚན་ཆེན་པོ་རྫོགས་པ་དང་།  །ལེའུའི་མཚམས་སུ་བཞི་ཤད་དགོས།  །ང་ཡིག་མ་གཏོགས་ཤད་གོང་དུ།  །ཚེག་མེད་འོན་ཀྱང་འགའ་ཞིག་གིས།  །ཚིགས་བཅད་དཀྱུས་སུ་ཚག་ཤད་རེ།  །ང་མཐར་ཤད་གོང་ཚེག་གཉིས་རེ།  །འབྲི་བའི་ལག་རྒྱུན་དག་ཀྱང་སྣང་།   
 
༈ དེ་ལྟར་དག་ཐོབ་སྤྱི་ཡི་ཆིངས།  །གལ་ཆེ་རགས་བསྡུས་ཙམ་བཤད་ནས།  །ད་ནི་འདྲའམ་སྙམ་པ་ཡི།  །ཚིག་སྒྲའི་དབྱེ་བ་ཅུང་ཟད་འགྲོལ།  །རྒྱལ་བའི་བཀའ་ནི་བ་བཀའ་ཡིན།  །ངལ་བའི་དཀའ་བ་ད་དཀའ་ལ།  །རོ་སྐ་བ་ནི་ས་སྐའོ།  །རི་དྭགས་རྒོ་བ་ར་རྒོ་ཡིན།  །ཁང་པའི་སྒོ་ནི་ས་སྒོ་ལ།  །གོས་བགོ་བ་ནི་བ་བགོ་སྟེ།  །བཀའ་བསྒོ་བ་འོག་ས་བསྒོའོ།  །ན་ཚོད་རྒས་པ་ར་རྒ་ཡིན།  །རྟ་ཡི་སྒ་ནི་ས་སྒ་ལ།  །ཡིད་དགའ་བ་ནི་ད་དགའ་སྟེ།  སྨན་（5བ）གྱི་ལྒ་ནི་ལ་ལྒའོ།   །བཞོན་པའི་རྟ་ནི་ར་རྟ་ཡིན།  །སྟ་ཟུར་སྟ་ནི་ས་སྟེ།  །མིག་གིས་བལྟ་བ་བ་ལ་བལྟའོ།  །དུས་ཀྱི་སྔ་བ་ས་སྔ་ཡིན།  །གྲངས་ཀྱི་ལྔ་ནི་ལ་ལྔ་ལ།  །བརྡུང་བའི་རྔ་ནི་ར་རྔ་སྟེ།  །ཞེ་སའི་མངའ་ནི་མ་མངའ་འོ།  །ཉེ་དུའི་གཉེན་ནི་ག་གཉེན་ཡིན།  །ས་བདག་གཉན་ལ་འགྲེང་བུ་མེད།  །རེག་བྱ་མཉེན་པ་མ་མཉེན་ཏེ།  །བསྙེན་བཀུར་བ་འོག་ས་བསྙེན་ནོ།  །ཐུགས་མཉེས་པ་ནི་མ་མཉེས་ལ།  །དངོས་གྲུབ་བརྙེས་པ་བ་རའི་བརྙེས།  །བརྙས་སྨོད་འགྲེང་བུ་མེད་པའོ།  །རྣ་བར་སྙན་པ་ས་སྙན་ཡིན།  །ཆོས་མཉན་པ་ནི་མ་མཉན་ལ།  །གཟུགས་བརྙན་བ་འོག་ར་བརྙན་ནོ།  །རོ་གཅིག་འདྲེས་པ་ད་འདྲེས་ཡིན།  །རིགས་མཚུངས་འགྲེས་སྦྱོར་ག་འགྲེས་ཏེ།  །ཞེ་འགྲས་ལ་ནི་འགྲེང་བུ་མེད།  །ནད་ཁྲག་གཏར་ནི་ག་གཏར་ལ།  །བསྟན་ལ་བརྒྱུད་པ་བ་ས་བསྟར།  །ཆས་གཟབ་པའང་དེ་བཞིན་ནོ།  །ཕུག་གི་གཏན་ནི་ག་གཏན་ཡིན།  །གདིང་བའི་སྟན་ནི་ས་སྟན་ལ།  །དམ་ཆོས་བསྟན་པ་བ་ས་བསྟན།  །མི་འགྱུར་བརྟན་པ་བ་ར་བརྟན་ནོ།  །ཡོད་མེད་གདའ་ནི་ག་གདའ་ཡིན།  །ཞིམ་པའི་བདའ་ནི་བ་བདའ་ལ།  །སྟོན་པའི་བརྡ་ནི་བ་ར་བརྡའོ།  །མེད་（6ན）པའི་ལྐལ་ནི་ལ་ལྐལ་ཡིན།   །སྐལ་ལྡན་སྐལ་ཐོབ་ས་སྐལ་ཏེ།  །དུས་ཀྱི་བསྐལ་པ་བ་སའི་བསྐལ་ལོ།  །དྲི་ཡི་བདུག་པ་བ་བདུག་ཡིན།  །དབུབ་པའི་གདུགས་ནི་ག་གདུགས་ལ།  མ་རུང་གདུག་ལ་ཡང་འཇུག་མེད།  །ནུས་པ་རྡུགས་པ་ར་རྡུགས་ཏེ།  །ཉོན་མོངས་སྡུག་བསྔལ་ས་སྡུག་གོ།  །ཚོགས་པའི་གྲ་ནི་ག་གྲ་ཡིན།  །ཚེམ་པོའི་དྲ་གཏུབ་ད་དྲ་ལ།  །སེམས་སྟོར་སེར་སྣ་བ་བྲ་སྟེ།  །སྲོག་ཆགས་བྲ་བའང་དེ་དང་འདྲའོ།  །མི་གཙང་གཅིན་ནི་ག་གཅིན་ཡིན།  །འབྱར་བྱེད་ས་ལ་པ་བཏགས་སྤྱིན་ནོ།  །བློ་ཡིས་དཔྱད་ནི་ད་དཔྱད་ཡིན།  །བྱ་སྤྱད་ས་ལ་པ་བཏགས་སྤྱད།  །དུམ་བུར་བཅད་པ་བ་བཅད་དོ།  །ཆུ་ཡི་རྦ་རླབས་ར་རྦ་ཡིན།  །མི་མངོན་སྦས་པ་ས་སྦ་ལ།  །མགུལ་གྱི་ལྦ་བ་ལ་ལྦའོ།  །དབང་པོའི་མིག་ནི་མིག་རྐྱང་ཡིན།  །ཡིད་ཀྱི་དམིགས་པ་ད་དམིགས་ལ།  །དུད་འགྲོའི་རྨིག་པ་ར་རྨིག་གོ།  །སྡང་བའི་དགྲ་ནི་ད་དགྲ་ཡིན།  །སྙན་པའི་སྒྲ་ནི་ས་སྒྲ་ལ།  འབུབ་སྦྲ་ས་ལ་བ་བཏགས་སྦྲའོ།  །ནགས་ཚལ་དགའ་ཚལ་ཚལ་རྐྱང་ཡིན།  །ཕྱག་འཚལ་ཞེ་ས་འ་འཚལ་ལ།  །ཚོན་གྱི་མཚལ་ནི་མ་མཚལ་ལོ།  །བཏུང་བའི་ཆང་ནི་ཆང་རྐྱང་ཡིན།  འཛིན་པའི་འཆང་ནི་འ་འཆང་ལ།  །（6བ）འཐུར་དུ་འཕྱང་བ་ཕ་འཕྱང་ངོ་།   །ཡན་ལག་མགོ་ནི་མ་མགོ་སྟེ།  །ཐོག་མའམ་འཕེལ་བ་འ་འགོའོ།  །རྗེ་བཙུན་རྗེ་བོ་ར་རྗེ་ལ།  །སྐྱེས་པའི་ཕོ་མཚན་མ་མཇེའོ།  །མགྲིན་པའི་ཞེ་ས་མ་མགུལ་ཏེ།  །གཡོ་བའི་འགུལ་ནི་འ་འགུལ་ལོ།  །ངག་གི་གསུང་ནི་ག་གསུང་ལ།  །སྲུང་སྐྱོབ་ས་ལ་ར་བཏགས་སྲུང་།  །ཕན་པའི་དྲིན་ནི་ད་དྲིན་ཏེ།  །ཉོ་ཚོང་སྐྱེན་པ་བ་བྲིན་ནོ།  །སྙན་པའི་གྲགས་པ་ག་གྲགས་ལ།  །རི་རྡོའི་བྲག་ནི་བ་བྲག་སྟེ།  །ཚར་གཅོད་དྲག་ནི་ད་དྲག་གོ།  །རིན་ཆེན་དངུལ་ནི་ད་དངུལ་ཏེ།  །ལུས་ཀྱི་རྔུལ་ཆུ་ར་རྔུལ་ལོ།  །སྐུར་པ་འདེབས་པ་ས་སྐུར་ཏེ།  །བསྟོད་བསྔགས་བཀུར་སྟི་བ་འཕུལ་བསྐུར་རོ།  །དང་པོའི་སྔོན་ནི་ས་སྔོན་ཡིན།  །མིག་གིས་མཐོང་བ་མ་མངོན་ལ།  །རི་དྭགས་གསོད་པ་ར་རྔོན་ནོ།  །ཉམས་མྱོང་ཉམས་དགའ་ཉམས་གཞིག་འདྲ།  །ཉམ་ཐག་ཉམ་ལ་ཡང་འཇུག་མེད།  །མང་བའི་སྒྲ་ནི་ས་སྙེད་དེ།  །གསར་དུ་རྙེད་པ་ར་རྙེད་དོ།  །ཁ་ཡི་ལྕེ་ནི་ལ་ལྕེ་ལ།  །ཨ་ཅེའི་ཅེ་ནི་ཅེ་རྐྱང་ངོ་།  །སེམས་བྱུང་བློ་གྲོས་བ་བློ་སྟེ།  །ཤ་ཡི་གློ་བ་ག་གློའོ།  །ནང་ཁྲོལ་མཁལ་མ་མ་མཁལ་ལ།  །འགེལ་བའི་ཁལ་མ་ཁལ་རྐྱང་ངོ་།  །དོན་རྟོགས་གོ་བ་ར་རྟོགས་ཡིན།  །རྣམ་པར་（7ན）རྟོག་ལ་ཡང་འཇུག་མེད།   །ཁོངས་སུ་གཏོགས་པ་ག་གཏོགས་ལ།  །བཀྲེས་པའི་ལྟོག་ནི་ལ་ལྟོག་གོ།  །འོག་ཏུ་གནོན་པ་ག་གནོན་ཡིན།  །མང་དུ་གཏོང་བ་ས་སྣོན་ནོ།  མཚོན་ཆ་རྣོ་བ་ར་རྣོ་སྟེ།  །བསམ་མནོ་གཞིག་པ་མ་མནོའོ།  །ལུས་ཀྱི་དཔྱི་ནི་ད་དཔྱི་ལ།  །ཐུན་མོང་སྤྱི་ཁྱབ་ས་སྤྱིའོ།  །སྟོང་ཉིད་གཉུག་མ་ག་གཉུག་སྟེ།  །སྐྱེས་པའི་མདའ་སྨྱུག་ས་སྨྱུག་གོ།  །གཞན་སྲོག་གཅོད་པ་ག་གསོད་དེ།  །དགེ་བའི་བསོད་ནམས་བ་བསོད་དོ།  །གཉིད་དུ་མནལ་བ་མ་མནལ་ཡིན།  །སྣམ་བུའི་སྣལ་མ་ས་སྣལ་ལ།  །རྣལ་འབྱོར་རྣལ་ནི་ར་རྣལ་ལོ།  །ག་བ་ད་དྲག་ཏུ་རྐྱང་སྟེ།  །བུད་མེད་མོ་མཚན་ས་སྟུའོ།  །ཤུགས་བདོའི་རྒོད་ནི་ར་རྒོད་ལ།  །གད་མོ་བགད་པ་ད་དགོད་དེ།  །ཚོམ་བུ་དགོད་པའང་དེ་དང་འདྲ།  །འོད་གསལ་བ་ནི་ག་གསལ་ལ།  །དམིགས་ཀྱིས་གསལ་བའང་དེ་བཞིན་ཏེ།  །སྐྱོན་བསལ་བ་ནི་བ་བསལ་ལོ།  །སེམས་ལ་དྲན་པ་ད་དྲན་ལ།  །གཡོག་གི་བྲན་ནི་བ་བྲན་ནོ།  །གཞན་ལ་རྡེག་པར་ར་རྡུང་སྟེ།  །ཁང་པའི་གདུང་མ་ག་གདུང་ངོ་།  །ལོག་འདྲེན་བདུད་ནི་བ་བདུད་ལ།  །དབང་དུ་སྡུད་པ་ས་སྡུད་དོ།  །བཟང་ངན་མཉམ་པ་མ་མཉམ་སྟེ།  །（7བ）ཡིན་ནམ་སྙམ་པ་ས་སྙམ་མོ།   །ཐད་ཀ་ཐད་དྲང་ཐད་རྐྱང་ལ།  །བྱ་བ་འཐད་འོས་འ་འཐད་དོ།  །གནོད་པས་གཙེ་བ་ག་གཙེ་ཡིན།  །རྩེད་མོ་རྩེ་བ་ར་རྩེ་ལ།  །སྙིང་བརྩེ་བ་འོག་ར་བརྩེའོ།  །ཐོད་གཏུག་གདོང་གཏུག་ག་གཏུག་ལ།  །མི་གཙང་རྟུག་པ་ར་རྟུག་གོ།  གཞན་ལ་སྟེར་བ་ས་སྟེར་ལ།  །མི་ཟད་གཏེར་ནི་ག་གཏེར་རོ།  །མུན་པའི་སྨག་ནི་ས་སྨག་ལ།  །གཡུལ་གྱི་དམག་དཔུང་ད་དམག་གོ།  །གཅན་གཟན་སྟག་ནི་ས་སྟག་ཡིན།  །མི་འགྱུར་རྟག་པ་ར་རྟག་ལ།  ཕྱེ་མར་འཐག་པ་བ་བཏགས་ཏེ།  །བརྟག་དཔྱད་བ་འོག་ར་བརྟག་གོ།  །དོན་ལས་མི་འདའ་འ་འདའ་ཡིན།  །མྱ་ངན་འདའ་བའང་དེ་བཞིན་ལ།  །ལུང་པའི་ཕུ་མདའ་མ་མདའ་སྟེ།  །འཕེན་པའི་མདའ་ཡང་དེ་དང་འདྲའོ།  །བྱ་བ་མངགས་པ་མ་མངགས་ཏེ།  །སྒྲོག་པའི་སྙན་དངགས་ད་དངགས་སོ།  །བྱ་བ་བཤོལ་བ་བ་བཤོལ་ལ།  ཐོང་པའི་གཤོལ་མདའ་ག་གཤོལ་ལོ།  །དུས་ཀྱི་སྔ་ཕྱི་ག་གཟོད་དེ།  །བཟོད་སྲན་ཆེ་བ་བ་བཟོད་དོ།  །རླན་གྱིས་འདྲུལ་བ་ད་འདྲུལ་ལ།  །ལམ་གྱི་འགྲུལ་ནི་ག་འགྲུལ་ལོ།  །ཟབ་པའི་གཏིང་ནི་ག་གཏིང་ཡིན།  རྗེས་མའམ་རྐང་རྟིང་ར་རྟིང་ལ།  །གདན་སོགས་བཏིང་བ་བཏིང་ངོ་།   （8ན）སྦྱིན་པ་གཏོང་བ་ག་གཏོང་སྟེ།   །མེད་པའི་སྟོང་པ་ས་སྟོང་ངོ་།  །གྲང་བའི་བསིལ་གྲིབ་བ་བསིལ་ཡིན།  །དུམ་བུར་བསིལ་བའང་དེ་བཞིན་ལ།  །དྲིལ་བུ་གསིལ་བ་ག་གསིལ་ལོ།  །ཤིང་གི་སྡོང་པོ་ས་སྡོང་ལ།  །སྡོང་གྲོགས་སྡོང་ཡང་དེ་འདྲ་སྟེ།  །བསྡོངས་ཟླར་བ་འཕུལ་ཡང་འཇུག་ཡོད།  །ངོ་གདོང་གདོང་འཕྲད་ག་གདོང་ངོ་།  །ཞེ་སའི་མཛད་ནི་མ་མཛད་དེ།  །ཟད་པའི་འཛད་ནི་འ་འཛད་དེ།  །མངོན་སུམ་སྣང་བ་ས་སྣང་ཡིན།  །ཟས་ཀྱིས་བརྣང་ནི་བ་ར་བརྣང་།  །དུས་ཀྱི་གནང་ཉིན་ག་གནང་སྟེ།  །གཞན་ལ་སྟེར་བའང་ག་གནང་ངོ་།  །ནམ་མཁའི་མཁའ་ནི་མ་མཁའ་ལ།  །ཁ་དོག་ཁ་མཆུ་ཁ་རྐྱང་སྟེ།  །འདབ་ཆགས་ཁྭ་ལ་ཝ་ཟུར་ཡོད།  །མང་བའི་རྣམས་ནི་ར་རྣམས་ལ།  །དུས་ཀྱི་རྣམ་པར་ཡང་འཇུག་མེད།  །ཕང་སེམས་ཕང་ནི་ཕང་རྐྱང་ལ།  །གནམ་འཕང་འཕང་ལོ་འ་འཕང་ངོ་།  །དུག་ལྔའི་ཉོན་མོངས་མ་མོངས་ལ།  ཐུན་མོང་མོང་ལ་ཡང་འཇུག་མེད།  །དྲི་མ་མནམ་པ་མ་མནམ་སྟེ།  །ཕྱག་ན་བསྣམས་པ་བ་ས་བསྣམ་མོ།  །ནམ་མཁའི་གནམ་ནི་ག་གནམ་ལ།  །གོས་ཀྱི་སྣམ་བུ་ས་སྣམ་མོ།  །ཁོང་པའི་སྙིང་ནི་ས་སྙིང་སྟེ།  །རྒས་ནས་ཟད་པ་ར་རྙིང་ （8བ）ངོ།   །རྔན་པའི་གླ་ནི་ག་གླ་ཡིན།  །རི་དྭགས་གླ་བའང་དེ་དང་འདྲ།  །སྲོག་ཆགས་ཉ་ནི་ཉ་རྐྱང་ལ།  །རྐང་པའི་ཉྭ་ལ་ཝ་ཟུར་ཡོད།  །བླ་མེད་བླ་མ་བ་བླ་སྟེ།  །ཚེགས་མེད་ལས་སླ་ས་སླ་ལ།  །བ་འོག་ར་བརླ་རྐང་པའི་བརླའོ།  །དྲོད་ཀྱི་རླངས་ནི་ར་རླངས་ཡིན།  །གླང་པོ་ཆེ་ནི་ག་གླང་སྟེ།  །བླང་དོར་བླང་ནི་བ་བླང་ངོ་།  གཅོད་པའི་སྟེའུ་ས་སྟེ་ལ།  །རྟ་ཡི་རྟེའུ་ར་རྟེའོ།  །གྲལ་ལ་བསྒྲིག་པ་ག་གྲལ་ཡིན།  །དྲལ་རྡོལ་དྲལ་བ་ད་དྲལ་ལ།  །སོ་སོར་གྱེས་པ་བ་བྲལ་ལོ།  །ཁོག་པའི་གྲོད་པ་ག་གྲོད་ཡིན།  །ཚ་བའི་དྲོད་ནི་ད་དྲོད་ལ།  །དགའ་བྲོད་པ་བ་བྲོད་དོ།  །སོ་ཁ་སོ་པ་སོ་རྐྱང་ལ།  །སོ་ནམ་སོ་ཡང་དེ་དང་འདྲའོ།  །མཚོན་ཆའི་གྲི་ནི་ག་གྲི་ཡིན།  །སྣ་ཡི་ཡུལ་ནི་ད་དྲི་ལ།  །གཏམ་སོགས་དྲི་བའང་དེ་དང་འདྲ།  །ཉུང་དུ་སོང་བ་བ་བྲི་སྟེ།  །ཡི་གེ་བྲི་བའང་དེ་བཞིན་ནོ།  །རྩི་བའི་གྲངས་ནི་ག་གྲངས་ཡིན།  །རེག་བྱ་གྲང་ལ་ཡང་འཇུག་མེད།  །སྤྱན་དྲང་དྲང་པོ་ད་དྲང་སྟེ།  །ཕོ་བྲང་ལུས་བྲང་བ་བྲང་ངོ་།  །གྲོགས་དང་འགྲོགས་པ་ག་གྲོགས་ཏེ།  །སྐྲག་ནས་འབྲོས་པ་ད་འདྲོག་གོ།  །སྟོབས་ཤུགས་རྩ་ལ་ནི་ར་རྩལ་ལ།  །བཀའ་སྩལ་སྩལ་བ་ས་སྩལ་ཏེ།  །བ་འོག་ས་བསྩལ་སྩོལ་ཉེ་（9ན）བའོ།   །རྒྱུ་འབྲས་རྒྱུ་ནི་ར་རྒྱུ་ཡིན།  །ནང་ཁྲོལ་རྒྱུ་མའང་དེ་བཞིན་ལ།  །གཡོ་སྒྱུ་སྒྱུ་མ་ས་སྒྱུའོ།  །མྱུར་བའི་སྐྱེན་ནི་ས་སྐྱེན་ལ།  །རྒྱུ་རྐྱེན་འཕྲལ་རྐྱེན་ར་རྐྱེན་ནོ།  །ལུས་ཀྱི་ཞེ་ས་ས་སྐུ་ཡིན།  །མ་བྱིན་ལེན་རྐུ་ར་རྐུ་ལ།  །ལུས་ཀྱི་བྱེ་བྲག་ད་དཀུའོ།  །ནམ་མཁའི་སྐར་མ་ས་སྐར་ཡིན།  །ཁ་དོག་དཀར་བ་ད་དཀར་ཏེ།  །ལོགས་སུ་བཀར་བ་བ་བཀར་རོ།  །འཚོ་བྱེད་སྨན་ནི་ས་སྨན་ལ།  །ངན་པའི་དམན་པ་ད་དམན་ནོ།  །ར་བ་ར་མ་ར་རྐྱང་ལ།  །མགོ་ཡི་རྭ་ལ་ཝ་ཟུར་ཡོད།  །ངག་གི་ཞེ་ས་ག་གསུང་སྟེ།  །དྲི་ངད་བསུང་བ་བ་བསྲུང་ངོ་།  །ལུས་ཀྱི་སྨེ་བ་ས་སྨེ་ལ།  །གཙང་རྨེའི་རྨེ་བ་ར་རྨེ་སྟེ།  །ཁོང་ཁྲོའི་དམེ་འཁྲུག་ད་དམེའོ།  །འབྲུ་ཡི་གྲོ་ནི་ག་གྲོ་ཡིན།  །དྲོད་ཀྱི་དྲོ་བ་ད་དྲོ་སྟེ།  །རོ་བྲོ་བ་ནི་བ་བྲོའོ།  །འབིག་པའི་རྩང་ནི་ར་རྩང་ལ།  །ཆུ་ཡི་གཙང་པོ་ག་གཙང་སྟེ།  །གཙང་མའི་གཙང་ཡང་དེ་འདྲའོ།  །ན་ཚོད་གཞོན་པ་ག་གཞོན་ཏེ།  །རྟ་ཡི་བཞོན་པ་བ་བཞོན་ནོ།  །མཛེས་པའི་མཚར་སྡུག་མ་མཚར་ལ།  །ཚར་དུ་དངར་བ་ཚར་རྐྱང་སྟེ།  །གྲངས་ཀྱི་ཚར་ཡང་དེ་དང་འདྲའོ།  །གཡོ་བའི་རླུང་ནི་ར་རླུང་ལ།  །འབབས་པའི་ཆུ་ཀླུང་ཀ་ཀླུང་ངོ་།  །གསུང་རབ་ཀློག་པ་（9བ）ཀ་ཀློག་སྟེ།   །གློག་འགྱུ་བ་ནི་ག་གློག་གོ།  །འཇིག་པའི་སྐྲག་པ་ས་སྐྲག་ལ།  །བཀྲག་མདངས་འོད་ནི་བ་བཀྲག་གོ།  །བསང་གསོལ་བསང་དུད་བ་བསང་ལ།  །གསང་འོས་གསང་ཚིག་ག་གསང་ངོ་།  །གས་ཆག་ཉམས་ཆག་ཆག་རྐྱང་ལ།  །འདོད་ཆགས་ཞེ་ཆགས་ཡང་འཇུག་ཡོད།  །བརྟུལ་ཕོད་དཔའ་བ་ད་དཔའ་སྟེ།  །མཛེས་པའི་སྤ་བ་ས་སྤའོ།  །ཁྲི་མུན་བཙོན་ཁང་བ་བཙོན་ལ།  །སྦྱོར་བརྩོན་བ་འོག་ར་བརྩོན་ནོ།  །མཆོད་པའི་རྟེན་ནི་ར་རྟེན་ཏེ།  །གྲོགས་བསྟེན་བ་འོག་ས་བསྟེན་ནོ།  །གནོད་བྱེད་འདྲེ་ནི་ད་འདྲེ་ལ།  །ཟླ་གྲོགས་ནོར་གྲོགས་ག་གྲོགས་ཏེ།  །སྲོག་ཆགས་གྲོག་མར་ཡང་འཇུག་མེད།  །ཁུར་བའི་དྲོག་ནི་ད་དྲོག་གོ།  །རྐང་ལག་ཞ་བ་ཞ་རྐྱང་ལ།  །གྱོན་པའི་ཞྭ་མོར་ཝ་ཟུར་ཡོད།  །ཚོན་གྱི་མཐིང་ནི་མ་མཐིང་སྟེ།  །རྐང་པ་འཐིང་བ་འ་འཐིང་ངོ་།  །ནད་ཀྱི་རྣག་ནི་ར་རྣག་ལ།  །ཁ་དོག་གནག་པ་ག་གནག་གོ།  །ལུས་ཀྱི་རྔོ་ནི་ར་རྔོ་སྟེ།  །དགེ་བསྔོ་བ་འོག་ས་བསྔོའོ།  །ཞེ་སྡང་སྡང་སེམས་ས་སྡང་ལ།  འཕར་ལྡང་ལྷར་ལྡང་ལ་ལྡང་སྟེ།  །ཁ་གདངས་ག་གདངས་ཡང་འཇུག་ཅན།  །དབྱངས་ཀྱི་གདངས་ཡང་དེ་དང་འདྲའོ།  །གྲངས་（10ན）ཀྱི་དགུ་ནི་ད་དགུ་ལ།   །སྐྱེ་རྒུ་ཡོད་རྒུ་མཁོ་རྒུ་སོགས།  །མང་བའི་རྒུ་ནི་ར་རྒུའོ།  །དབུགས་དབྱུང་གནས་དབྱུང་ད་བ་དབྱུང་།  །གཡུང་དྲུང་གཡུང་དྭགས་ག་ཡ་གཡུང་ངོ་།  །ས་རྡོའི་རྡོ་ནི་ར་རྡོ་སྟེ།  །རྡོ་རྗེའི་རྡོའང་དེ་བཞིན་ལ།  །ཤུགས་བདོ་བ་ནི་བ་བདོའོ།  །བྲབ་པའི་ལྕག་ནི་ལ་ལྕག་ལ།  མཚོན་ཆའི་ལྕགས་ལ་ཡང་འཇུག་ཡོད།  །ཕྱི་ནང་ཟང་ཐལ་ཟང་རྐྱང་ལ།  །རིན་ཆེན་ཟངས་ལ་ཡང་འཇུག་ཡོད།  །ཚོན་མདོག་ནག་ནི་ནག་རྐྱང་ལ།  །ཤིང་གི་ནགས་ལ་ཡང་འཇུག་ཡོད།  །སྣུམ་ཞག་ཉིན་ཞག་ཞག་རྐྱང་ལ།  །འཆིང་ཞགས་ཞགས་པར་ཡང་འཇུག་ཡོད།  །དེང་དུས་གནས་སྐབས་དེང་རྐྱང་ལ།  །ཕྱིར་དེངས་དེངས་ཤིག་ཡང་འཇུག་ཡོད།  །མིང་བརྗོད་གང་ཡང་གང་རྐྱང་ལ།  །གངས་རིའི་གངས་ལ་ཡང་འཇུག་ཡོད།  །ཤུག་སྡོང་ཤུག་པ་ཤུག་རྐྱང་ལ།  སྟོབས་རྩལ་ཤུགས་ལ་ཡང་འཇུག་ཡོད།  །སེམས་ཅན་ལུག་ནི་ལུག་རྐྱང་ལ།  །ལུགས་སྲོལ་རིང་ལུགས་ཡང་འཇུག་ཡོད།  །རྐང་ལག་ལག་པ་ལག་རྐྱང་ལ།  །ཞེ་སའི་ལགས་ལ་ཡང་འཇུག་ཡོད།  །རབ་མཆོག་རབ་འབྲིང་རབ་རྐྱང་སྟེ།  །ཚེ་རབས་（10བ）སྐྱེས་རབས་ཡང་འཇུག་ཡོད།   །ཟང་རག་རག་ལས་རག་རྐྱང་ལ།  །ཕྲ་རགས་རགས་ལ་ཡང་འཇུག་ཡོད།  །ཆམ་ལ་ཕབ་པ་ཆམ་རྐྱང་སྟེ།  །ཁ་འཆམ་པ་ནི་འ་འཆམ་ལ།  །ཟློས་གར་འཆམས་ལ་ཡང་འཇུག་ཡོད།  །ལུས་ཀྱི་པང་ནི་པང་རྐྱང་ལ།  །དཔང་འཛུག་དཔང་པོ་ད་འཕུལ་ཅན།  །མཐོ་དམན་དཔངས་ལ་ཡང་འཇུག་ཡོད།  །པར་བུ་པར་འདེབས་པར་རྐྱང་ལ།  །གནས་སྤར་གོང་སྤར་ས་སྤར་རོ།  །འཚོ་གཞེས་གླུ་གཞེས་ག་གཞེས་ལ།  །བཞེས་པ་ཞལ་བཞེས་པ་བཞེས་སོ།  །ཐ་མ་ཐ་སྙད་ཐ་རྐྱང་ལ།  །ཐོག་མཐའ་མཐའ་ཡས་མ་འཕུལ་ཅན་ནོ།  །དཀོན་མཆོག་དཀོར་རྫས་ད་དཀོར་ཏེ།  །འཁོར་བསྐོར་བ་འོག་ས་བསྐོར་རོ།  །ནོར་འཇལ་བ་ནི་འ་འཇལ་ལ།  གོང་མ་མཇལ་བ་མ་མཇལ་ལོ།  ཆུ་ལས་བརྒལ་བ་ར་བརྒལ་ཏེ།  །རྒྱབ་ཀྱི་སྒལ་པ་ས་སྒལ་ལོ།  །རི་ཡི་སྒང་ནི་ས་སྒང་ལ།  །སྣོད་དགང་དབུགས་དགང་ད་དགང་ངོ་།  །རྩ་བའི་རྩ་ནི་ར་རྩ་ཡིན།  །ལྡུམ་བུ་རྩྭ་ལ་ཝ་ཟུར་ཡོད།  །སྤྱན་ལ་བཙའ་བ་བ་བཙའ་སྟེ།  །ལྕགས་ཀྱི་བཙའ་ཡང་དེ་དང་འདྲ།  །ངོ་མཚར་རྨད་བྱུང་ར་རྨད་ལ།  །བསྟོད་སྨད་སྨད་ནི་ས་སྨད་དོ།  །ས་བདག་ཀླུ་ནི་ཀ་ཀླུ་ཡིན།  །སྙན་（11ན）པའི་གླུ་དབྱངས་ག་གླུ་ལ།   །རིན་གྱིས་ཉོ་བ་བ་བླུ་སྟེ།  །གཞན་གྱིས་སླུ་བ་ས་སླུའོ།  ཐུགས་ལ་བཏགས་པ་བ་བཏགས་ལ།  །ཕྱེ་མར་བཏགས་པའང་དེ་འདྲ་སྟེ།  །རྒྱབ་ཀྱི་ལྟག་པ་ལ་ལྟག་གོ།  །ལག་ཆ་གདེངས་པ་འགྲེང་བུ་སྟེ།  །དཔའ་བའི་གདིང་ནི་གི་གུའོ།  །འབེབས་པའི་པྲ་ནི་པྲ་རྐྱང་སྟེ།  །མགོ་ཡི་སྐྲ་ནི་ས་སྐྲ་ལ།  །བཀྲ་ཤིས་བཀྲ་ནི་བ་བཀྲའོ།  །དེ་སོགས་མིང་ཚིག་སྒྲ་ཡི་གནད།  །ཞིབ་ཏུ་བརྟག་ན་མི་འདྲ་བས།  །འཁྲུལ་པ་འབྱུང་བར་མི་སྲིད་ཀྱང་།  །རྨོངས་པ་ཕལ་ཆེར་གྱ་ཚོམ་དུ།  །ནོར་བར་བྲིས་ཤིང་ནོར་བར་བཀླག  །  ལོག་པར་གོ་བས་དོན་འཆུག་སྲིད།  །དེས་ན་བརྡ་དག་ལ་བརྟེན་ནས།  །མ་ནོར་དོན་རྣམས་འཚོལ་བ་གཅེས།  །གང་དག་ཡི་གེ་འབྲི་བ་པོར།  །སྙོམས་གཙང་འགྲིག་གསུམ་ལྡན་པ་དང་།  །ལེགས་མགྱོགས་དག་གསུམ་དྲུག་ཚང་ན།  །མཁས་པའི་གོ་ས་ཐོབ་པ་ཡིན།  །ཡིག་གཟུགས་ལེགས་པར་མ་སྦྱངས་ཤིང་།  །བརྡ་དག་ཞིབ་ཏུ་མ་བསླབ་པར།  །འབྲི་དང་རྩོམ་པའི་ཁུར་ལེན་པ།  །རང་སྐྱོན་གཞན་ལ་ངོམས་པར་ཟད།  །སུམ་རྟགས་ལ་སོགས་གཞུང་རྒྱ་ཆེའི།  །གནམ་འཕང་མ་ཆོད་བློ་གསར་རྣམས།  །རང་ཚོད་ས་རྒྱ་བསྐོར་བ་ལ།  །དག་ཡིག་བཞོན་（11བ）པ་འདི་འདྲ་བཟང་།   །དེ་ཕྱིར་ཐར་འདོད་རྣམས་ལྟ་ཅི།  །འཇིག་རྟེན་ལུགས་ལ་འཇུག་རྣམས་ཀྱང་།  །ཚུལ་འདི་སྙིང་གི་བདུད་རྩི་རུ།  །ངེས་པས་ལེགས་པར་བསྟེན་འཚལ་ལོ།  །དེ་ལྟར་བརྡ་དག་བསྟན་བཅོས་གཞུང་།  །ཨུ་དུམ་ཝ་རའི་སྐྱེད་ཚལ་ལས།  །ཉེར་མཁོའི་དག་ཡིག་པད་དཀར་གྱི།  །ཆུན་པོ་ཅུང་ཞིག་བླངས་འདི་ནི།  །དཔལ་ལྡན་མི་དབང་བཤད་སྒྲ་བའི།  །བཀའ་ལུང་དོ་ཤལ་ཐོད་བཅིངས་ཏེ།  །རང་ལོ་ཉེར་དགུ་ཆུ་སྤྲེལ་ལོར།  །གཏེར་ཁོག་མཁན་ལྗོངས་དགའ་ཚལ་དུ།  །པད་བཀོད་བློ་གསལ་མང་བསྡུས་ནས།  །འབྲི་ཀློག་བསླབ་གྲྭ་གསར་འཛུག་གི  །དགེ་རྒན་སྲི་ཞུ་ལྷུར་ལེན་སྐབས།  །བློ་གྲོས་གསར་བུའི་བྱིས་རྣམས་ཀྱི།  །རྣ་བའི་རྒྱན་དུ་སྒྲུབས་ཤིག་ཅེས།  །དོན་གཉེར་ཅན་འགས་བསྐུལ་བ་བཞིན།  །གོ་བར་སླ་ཞིང་འཇུག་བདེ་བར།  །འཇིགས་བྲལ་ཡེ་ཤེས་རྡོ་རྗེས་སྦྱར།  །བསོད་ནམས་ཉིན་མོར་བྱེད་པའི་འོད།  །འགྲོ་བློའི་པད་ཚལ་ལ་ཕོག་པས།  །ཤེས་རབ་འདབ་རྒྱ་ཡོངས་གྲོལ་ཏེ།  །རྣམ་གྲོལ་གེ་སར་འཛུམ་བྱེད་ཤོག    །ཤྲཱི་བི་ཛ་ཡནྟུ།  །སརྦ་དཱ་མངྒ་ལཾ།།  །།[[Category:Wyckibaat]]
༄༅།  །ཨོཾ་སྭསྟི།   མཁའ་མཉམ་ཡེ་ཤེས་འོད་ཟེར་གྱིས།  །འགྲོ་བའི་རྨོངས་མུན་མཐར་མཛད་པ།  །འཇམ་དཔལ་སྨྲ་བའི་ཉི་མ་དེས།  །བདག་བློའི་པད་ཚལ་སྐྱོང་བར་མཛོད།  །གང་འདིར་ཡོན་ཏན་ཀུན་གྱི་གཞི།  །ཡི་གེའི་སྦྱོར་བ་ལས་བརྩམས་ཏེ།  །བྱིས་པ་གསར་བུའི་འཇུག་སྒོ་རུ།  །དག་ཡིག་ཉུང་གསལ་གོ་བདེར་འཆད།  །དབྱངས་ནི་ཨི་ཨུ་ཨེ་ཨོ་ཞེས།  །གི་གུ་ཞབས་ཀྱུ་འགྲེང་བུ་དང་།  །ན་རོ་རྣམས་ཏེ་ཇི་སྙེད་པའི།  །ཡི་གེ་ཀུན་ལ་སྦྱོར་བྱ་ཡིན།  །གསལ་བྱེད་ཀ་སོགས་སུམ་ཅུའོ།  །དེ་ལས་ཡ་བཏགས་ཐོབ་པ་བདུན།  {{TibChung|ཀྱ་ཁྱ་གྱ་པྱ་ཕྱ་བྱ་མྱ། }}  ར་ {{TibChung|[2a]}} བཏགས་བཅུ་གཉིས།   {{TibChung|ཀྲ་ཁྲ་གྲ་ཏྲ་དྲ་ནྲ་པྲ་ཕྲ་བྲ་མྲ་སྲ་ཧྲ།}}   ལ་བཏགས་དྲུག    {{TibChung|།ཀླ་གླ་བླ་རླ་ཟླ་སླ།}}   ཝ་ཟུར་བཏགས་པ་བཅུ་གཉིས་ {{TibChung|ཀྭ་ཁྭ་གྭ་ཉྭ་ཏྭ་དྭ་ཚྭ་ཛྭ་ཞྭ་ཟྭ་རྭ་སྭ།}}   དང་།  །ར་མགོ་བཅུ་གཉིས།  {{TibChung|རྐ་རྒ་རྔ་རྗ་རྙ་རྟ་རྡ་རྣ་རྦ་རྨ་རྩ་རྫ།}}   ལ་མགོ་བཅུ།  ། {{TibChung|ལྐ་ལྒ་ལྔ་ལྕ་ལྗ་ལྟ་ལྡ་ལྤ་ལྦ་ལྷ།}}   ས་མགོ་བཅུ་གཅིག་ {{TibChung|སྐ་སྒ་སྔ་སྙ་སྟ་སྡ་སྣ་སྤ་སྦ་སྨ་སྩ།}}   རྣམས་ཤེས་བྱ།  །ག་ང་ད་ན་བ་མ་འ།  །ར་ལ་ས་རྣམས་རྗེས་འཇུག་བཅུ།  །ད་དང་ས་གཉིས་ཡང་འཇུག་སྟེ།  །ད་ནི་ན་ར་ལ་གསུམ་དང་།  །ས་ནི་ག་ང་བ་མར་ཐོབ།  །ག་ད་བ་མ་འ་སྔོན་འཇུག  །རྗེས་འཇུག་མིང་མཐའི་ཡི་གེ་ལ།  །ན་རོ་སྦྱར་བ་རྗོགས་ཚིག་སྟེ།  ། {{TibChung|[3b]}} དཔེར་ན་མཆོག་གོ་རྒྱུ་བཟང་ངོ་།   །ཡོད་དོ་ཡིན་ནོ་དོན་གྲུབ་བོ།  །འཛོམ་མོ་དགའ་འོ་ངོ་མཚར་རོ།  །གཞལ་ལོ་ཤེས་སོ་ལྟ་བུ་དང་།  །དྲག་ཡོད་མཐའ་རུ་ཏོ་དང་ནི།  །མཐའ་མེད་རྣམས་ལ་འོ་སྦྱོར་ཏེ།  །རྗེས་སུ་དྲནད་ཏོ་གཞན་ཟེརད་ཏོ།  །སྩལད་ཏོ་བདེའོ་ལྟ་བུའོ།  །དྲིས་སམ་སྡུད་ཚིག་སྐབས་སུ་ནི།  །མཐའ་རྟེན་རྣམས་ལ་མ་སྦྱར་ཞིང་།  །སྐབས་འགར་ར་ལ་ཏམ་དང་ནི།  །འདོགས་ཅན་རྐྱང་པར་འམ་སྟེ་དཔེར།  །འདུག་གམ་བྱུང་ངམ་དེ་ཡོད་དམ།  །ཡིན་ནམ་གྲུབ་བམ་ལམ་བསྒོམ་མམ།  །འདའ་འམ་འགྱུར་རམ་དོན་འཚལ་ལམ།  །ཤེས་སམ་ཟེར་ཏམ་གཏམ་གོའམ།  །ཁའམ་ཞེས་པ་ལྟ་བུའོ།  །ད་བ་ས་ཀྱི་ག་ང་གི  །ན་མ་ར་ལའི་རྗེས་སུ་གྱི།  །འ་དང་རྐྱང་པ་མཐའ་མེད་འི།  །རྐང་པ་སྐོང་ཚེ་ཡི་སྟེ་དཔེར།  །ཁྱོད་ཀྱི་རྒྱབ་ཀྱི་གཡས་ཀྱི་ཆ།  །བདག་གི་གདོང་གི་ངོས་ན་མཆིས།  །མདུན་གྱི་རུམ་གྱི་སྐོར་གྱི་ནི།  །མངལ་གྱི་སྒོ་དེ་བདག་ལ་སྟོན།  །རྩེ་དགའི་དགའ་བ་བདེ་བའི་མཆོག  །ལྷ་ཡི་བདེ་བའི་དཔལ་ལྟར་རོ།  །ག་བ་ད་དྲག་ཅན་མཐར་ཏུ།  །ང་ད་ན་མ་ར་ལ་དུ།  །ས་སུ་འ་དང་འདོགས་ཅན་དང་།  །རྐྱང་པ་རུ་སྟེ་དཔེ་རིམ་བཞིན།  །རྟག་ཏུ་རབ་ཏུ་ཀུན་ཏུ་དགའ།  །ཕ་རོལ་ཏུ་ {{TibChung|[3a]}} ཕྱིན་བགྲང་དུ་མེད།   །བཅུད་དུ་འཁྱིལ་འདི་བསྟེན་བཞིན་དུ།  །གམ་དུ་མྱུར་དུ་མཇལ་དུ་འགྲོ།  །གནས་སུ་མཐའ་རུ་འདོད་འཇོ་རུ།  །ཁ་རུ་ཞེས་པ་ལྟ་བུའོ།  །ད་དེ་ན་ར་ལ་ས་ཏེ།  །ག་ང་བ་མ་འ་རྣམས་དང་།  །འདོགས་ཅན་རྐྱང་པར་ས་སྟེ་དཔེར།  །གུས་པས་བཏུད་དེ་ལག་བཀན་ཏེ།  །བསྐྱར་ཏེ་གཞལ་ཏེ་ཆས་ཏེ་བྱུང་།  །སྐྲག་སྟེ་གསང་སྟེ་གོས་བཀབ་སྟེ།  །འཁུམ་སྟེ་དམའ་སྟེ་ཡིབ་ནས་གདའ།  །སྙིང་ཡང་རྗེ་སྟེ་ཉམ་ང་སྟེའོ།  །ག་ད་བ་སའི་རྗེས་སུ་ཀྱང་།  །ང་འ་ན་མ་ར་ལ་དང་།  །འདོགས་ཅན་རྐྱང་མཐར་ཡང་སྟེ་དཔེར།  །བདག་ཀྱང་འབད་ཀྱང་དེ་ཐོབ་ཀྱང་།  །དེས་ཀྱང་འོན་ཀྱང་གྲངས་མང་ཡང་།  །འགའ་ཡང་གཞན་ཡང་དུས་ནམ་ཡང་།  །སླར་ཡང་མཇལ་ཡང་ཐུགས་མགུ་ཡང་།  ང་ཡང་ཡིད་ལའང་དེ་འདྲའོ།  །ག་ད་བ་དང་ད་དྲག་མཐར།  །ཅིང་ཅེས་ཅེ་ན་ཅིག་དང་ནི།  །ས་མཐར་དམིགས་གསལ་ཤིང་ཐོབ་དཔེར།  །གནག་ཅིང་རྒོད་ཅིང་གཏིང་ཟབ་ཅིང་།  །མཁྱེནད་ཅིང་མཚརད་ཅིང་བཀའ་བསྩལད་ཅིང་།  །མཛེས་ཤིང་ཡིད་འོང་བག་ཕེབས་ཤིང་།  །རྟག་ཅེས་ཡོད་ཅེས་གྲུབ་ཅེས་ཐོས།  །བརྒྱནད་ཅེས་ཟེར་ཅེས་ནོར་སྩལད་ཅེས།  ། {{TibChung|[3b]}} སུ་འདུག་ཅེས་ན་བླ་མ་སྟེ།   །ཅི་མཛད་ཅེ་ན་དབང་བསྐུར་རོ།  །སུས་ཐོབ་ཅེ་ན་ཕྱུག་པོ་ཚོས།  །ཤོག་ཅིག་སྡོད་ཅིག་དལ་ཕོབ་ཅིག  །སྟོནད་ཅིག་གྱུརད་ཅིག་མྱུར་སྩོལད་ཅིག་གོ།  །ང་འ་ན་མ་ར་ལ་དང་།  །འདོགས་ཅན་རྐྱང་པ་རྣམས་ལ་ནི།  །ཞིང་ཞེས་ཞེ་ན་ཞིག་ཐོབ་དཔེར།  །དྲང་ཞིང་དགའ་ཞིང་རབ་སྙན་ཞིང་།  །འཇམ་ཞིང་དར་ཞིང་ཕྱག་འཚལ་ཞིང་།  །བདེ་ཞིང་ཟ་ཞིང་བྱུང་ཞེས་ཐོས།  །གདའ་ཞེས་དྲན་ཞེས་འདི་ཙམ་ཞེས།  འགྱུར་ཞེས་འཁྲུལ་ཞེས་བསྡུ་ཞེས་ཟེར།  །མཁས་པ་ཞེས་བྱས་སྨྲ་ཞེས་བཤད།  །སུ་བྱུང་ཞེ་ན་ཧོར་འདྲ་སྟེ།  །དུ་གདའ་ཞེ་ན་མང་པོའོ།  །སུས་ཡིན་ཞེ་ན་རྒྱལ་པོའི་སྟེ།  །ཁྲིམས་ཀྱིས་དབེན་ནམ་ཞེ་ན་དབེན།  །ཅི་བསྐོར་ཞེ་ན་རྒྱལ་ཁམས་ཏེ།  །གང་འཚལ་ཞེ་ན་ནོམ་པའོ།  །ཅི་བགྱི་ཞེ་ན་སྐྱེལ་བ་སྟེ།  །སུ་ལ་ཞེ་ན་སྨད་འཚོང་ལའོ།  །ཅུང་ཞིག་འགའ་ཞིག་གཞན་ཞིག་ཏུ།  །ནམ་ཞིག་སྦྱོར་ཞིག་ངལ་ཞིག་གསོ།  །རེ་ཞིག་འདུག་ནས་ཉ་ཞིག་ཉོའོ།  །ས་མཐར་དམིགས་བསལ་ཞེས་མ་གཏོགས།  །ཤིང་ཤིག་ཤེ་ན་ཐོབ་སྟེ་དཔེར།  །མཛེས་ཞེས་ཐོས་ཤིང་ལྟོས་ཤིག་བྱས།  །དེ་ཅིས་ཤེ་ན་འདོད་གདུང་གིས་སོ།  །ག་ད་བ་ས་ན་མར་པ།  །ང་འ་ར་ལ་འདོགས་ཅན་དང་།  །རྐྱང་མཐར་པ་བ་ཅི་རིགས་ {{TibChung|[4a]}} ཏེ། །ཀློག་པ་བཤད་པ་ལེགས་སློབ་པ།  །ཤེས་པ་འཛིན་པ་དོན་བསམ་པ།  །ཁང་པ་གང་བ་མདའ་པ་དང་།  །མཛའ་བ་གྱུར་པ་རབ་འབར་བ།  །འཁྲུལ་པ་གྲོལ་བ་དོན་བསྡུ་བ།  །ཞི་བ་ཚ་བ་ལྟ་བུའོ།  །གཞན་ཡང་དཔྱིད་ཀ་ཐད་ཀ་དང་།  །མོན་ཁ་སེར་ཁ་རལ་ཁ་དང་།  །མཐིང་ག་སྙིང་ག་གདུང་མ་དང་།  །ལྟད་མོ་སྟོན་མོ་སྟག་མོ་སོགས།  བརྗོད་བདེ་འདྲེན་པ་ཤིན་ཏུ་མང་།  །ཅི་ཇི་སུ་གང་སྤྱི་སྒྲ་སྟེ།  །ཅི་ནི་ཅི་ཞིག་ཅི་སྟེ་དང་།  །ཅི་སླད་ཅི་འདྲ་ཅི་ཕྱིར་རོ།  །ཇི་ནི་ཇི་སྙེད་ཇི་སྲིད་དང་།  །ཇི་ལྟར་ཇི་བཞིན་ཇི་ཙམ་མོ།  །སུ་ནི་གང་ཟག་ཀུན་ལའོ།  །ཚོགས་པ་ཚོགས་ཆེན་ཕུན་ཚོགས་དང་།  །ཕྲིན་ལས་རིམ་གྲོ་སྐུ་ཁམས་ཁྲོས།  །ཕྲ་མ་ཕྲག་དོག་ཕྲ་མོ་ཙམ།  །ཚོན་རྩི་ཁྲོན་པ་ཐུར་དང་ཐོད།  །སྐད་ཅིག་ཐང་ཅིག་ཡུད་ཙམ་ཅིག  །ཁ་ཅིག་སོགས་ལ་འཕུལ་ཡིག་སྦང་།  །ལྷ་བཙུན་ཆེ་བཙུན་ན་བཟའ་དང་།  །ལྷ་རྗེ་ལྷ་རྫས་ང་རྒྱལ་དང་།  །བྱ་རྒོད་རྡོ་རྗེ་་མེ་ཏོག་དང་།  །རྒྱ་མཚོ་སོགས་ལ་མཐའ་འདྲེན་སྤང་།  །རྒྱ་ཆེར་དཔངས་མཐོར་ཉེར་བསགས་ཏེ།  །བྱང་ཆུབ་རྒྱུར་བསྔོས་ཕར་ཕྱིན་རྫོགས།  །དབྱེར་མེད་སོགས་ལ་མཐའ་འདྲེན་ནི།  །ལྷུག་པའི་ཚེ་ན་མི་ཐོབ་ཀྱང་།  །ཚིགས་བཅད་སྡེབས་ {{TibChung|[4b]}} སྦྱོར་སྐབས་སུ་སྦྱོར།   །ཏིང་ངེ་འཛིན་དང་གཞོན་ནུ་དང་།  །ཆུང་ངུ་ཉུང་དུ་ལ་སོགས་པར།  །ཕྱི་མའི་ཚིག་ཤུགས་ཕན་པས་སྦྱོར།  །གཞན་དུ་བརྗོད་ཚིག་གང་ཡང་རུང་།  །བྱ་བྱེད་ལས་གསུམ་གྱིས་བསྡུས་པའི།  །བྱ་བ་བྱས་ཟིན་འདས་པ་དང་།  །བྱ་བ་བྱེད་འགྱུར་མ་འོངས་དང་།  །བྱེད་བཞིན་པ་ནི་ད་ལྟ་བར།  །ངེས་ཕྱིར་བདག་གཞན་དབྱེ་བ་ཡིས།  །འདས་ལ་འཕུལ་དང་ཡང་འཇུག་ཡོད།  །ད་ལྟ་བ་ལ་གཉིས་ཀ་མེད།  །མ་འོངས་འཕུལ་ཡོད་ཡང་འཇུག་མེད།  །བསྐུལ་ཚིག་འཕུལ་མེད་ཡང་འཇུག་ཡོད།  །དེ་རྣམས་རིམ་པར་དཔེར་མཚོན་ན།  །བསྒྲུབ་པའི་དམ་རྫས་ལ་བརྟེན་ནས།  །བདག་ནི་སྒྲུབ་ལ་འབད་པར་བྱ།  །ཁྱོད་ཀྱང་དེ་བཞིན་བསྒྲུབ་བྱས་ནས།  །སྐལ་ལྡན་འཆི་མེད་སྒྲུབས་མཛོད་ཅིག  །རྣམ་དབྱེ་གང་ལ་སྦྱོར་ཡུལ་དེས།  །གང་དུ་བྱ་བ་ཞིག་བྱས་ན།  །བྱེད་པའི་སྒྲ་ཞེས་ས་མཐའ་ཐོབ།  །དཔེར་ན་ཁྱོད་ཀྱིས་བདག་གྲོགས་མཛོད།  །ངས་ཐོས་མཁས་པས་བཤད་ལྟ་བུའོ།  །བྱ་བ་གཏན་ནས་མི་བྱེད་པར།  །སྔ་ཕྱི་འབྲེལ་བྱེད་ཙམ་སྟོན་ན།  །འབྲེལ་བའི་སྒྲ་སྟེ་ས་མཐའ་སྤང་།  །འགའ་ལ་འི་དང་ཡི་སྦྱོར་ཏེ།  །ཁྱོད་ཀྱི་གྲོགས་དེ་བདག་ཡིན་གྱི།  །ངའི་གོས་མཁས་པའི་ཡོན་ {{TibChung|[5a]}} ཏན་ལྟར་རོ།   །ད་དྲག་ཡོད་དང་མེད་པ་ཡང་།  །འདས་དང་མ་འོངས་དབྱེ་བས་ཤེས།  །ད་ཡིག་དངོས་ཉིད་ཕྱི་དུས་འདིར།  །འབྲི་སྲོལ་མེད་ཀྱང་དོན་ཐོབ་ངེས།  །ལྷུག་པའི་དོན་མང་མིང་མཚམས་དང་།  །དོན་འབྲིང་འབྱེད་དང་དོན་ཉུང་རྫོགས།  །ཚིགས་བཅད་མཐའ་མར་ཆིག་ཤད་བྱ།  །རྫོགས་ཚིག་མཐའ་ཅན་ལྷུག་པ་དང་།  །ཚིགས་བཅད་རྐང་མཐར་ཉིས་ཤད་ཐོབ།  །དོན་ཚན་ཆེན་པོ་རྫོགས་པ་དང་།  །ལེའུའི་མཚམས་སུ་བཞི་ཤད་དགོས།  །ང་ཡིག་མ་གཏོགས་ཤད་གོང་དུ།  །ཚེག་མེད་འོན་ཀྱང་འགའ་ཞིག་གིས།  །ཚིགས་བཅད་དཀྱུས་སུ་ཚག་ཤད་རེ།  །ང་མཐར་ཤད་གོང་ཚེག་གཉིས་རེ།  །འབྲི་བའི་ལག་རྒྱུན་དག་ཀྱང་སྣང་།  ༈ དེ་ལྟར་དག་ཐོབ་སྤྱི་ཡི་ཆིངས།  །གལ་ཆེ་རགས་བསྡུས་ཙམ་བཤད་ནས།  །ད་ནི་འདྲའམ་སྙམ་པ་ཡི།  །ཚིག་སྒྲའི་དབྱེ་བ་ཅུང་ཟད་འགྲོལ།  །རྒྱལ་བའི་བཀའ་ནི་བ་བཀའ་ཡིན།  །ངལ་བའི་དཀའ་བ་ད་དཀའ་ལ།  །རོ་སྐ་བ་ནི་ས་སྐའོ།  །རི་དྭགས་རྒོ་བ་ར་རྒོ་ཡིན།  །ཁང་པའི་སྒོ་ནི་ས་སྒོ་ལ།  །གོས་བགོ་བ་ནི་བ་བགོ་སྟེ།  །བཀའ་བསྒོ་བ་འོག་ས་བསྒོའོ།  །ན་ཚོད་རྒས་པ་ར་རྒ་ཡིན།  །རྟ་ཡི་སྒ་ནི་ས་སྒ་ལ།  །ཡིད་དགའ་བ་ནི་ད་དགའ་སྟེ།  སྨན་ {{TibChung|[5b]}} གྱི་ལྒ་ནི་ལ་ལྒའོ།   །བཞོན་པའི་རྟ་ནི་ར་རྟ་ཡིན།  །སྟ་ཟུར་སྟ་ནི་ས་སྟེ།  །མིག་གིས་བལྟ་བ་བ་ལ་བལྟའོ།  །དུས་ཀྱི་སྔ་བ་ས་སྔ་ཡིན།  །གྲངས་ཀྱི་ལྔ་ནི་ལ་ལྔ་ལ།  །བརྡུང་བའི་རྔ་ནི་ར་རྔ་སྟེ།  །ཞེ་སའི་མངའ་ནི་མ་མངའ་འོ།  །ཉེ་དུའི་གཉེན་ནི་ག་གཉེན་ཡིན།  །ས་བདག་གཉན་ལ་འགྲེང་བུ་མེད།  །རེག་བྱ་མཉེན་པ་མ་མཉེན་ཏེ།  །བསྙེན་བཀུར་བ་འོག་ས་བསྙེན་ནོ།  །ཐུགས་མཉེས་པ་ནི་མ་མཉེས་ལ།  །དངོས་གྲུབ་བརྙེས་པ་བ་རའི་བརྙེས།  །བརྙས་སྨོད་འགྲེང་བུ་མེད་པའོ།  །རྣ་བར་སྙན་པ་ས་སྙན་ཡིན།  །ཆོས་མཉན་པ་ནི་མ་མཉན་ལ།  །གཟུགས་བརྙན་བ་འོག་ར་བརྙན་ནོ།  །རོ་གཅིག་འདྲེས་པ་ད་འདྲེས་ཡིན།  །རིགས་མཚུངས་འགྲེས་སྦྱོར་ག་འགྲེས་ཏེ།  །ཞེ་འགྲས་ལ་ནི་འགྲེང་བུ་མེད།  །ནད་ཁྲག་གཏར་ནི་ག་གཏར་ལ།  །བསྟན་ལ་བརྒྱུད་པ་བ་ས་བསྟར།  །ཆས་གཟབ་པའང་དེ་བཞིན་ནོ།  །ཕུག་གི་གཏན་ནི་ག་གཏན་ཡིན།  །གདིང་བའི་སྟན་ནི་ས་སྟན་ལ།  །དམ་ཆོས་བསྟན་པ་བ་ས་བསྟན།  །མི་འགྱུར་བརྟན་པ་བ་ར་བརྟན་ནོ།  །ཡོད་མེད་གདའ་ནི་ག་གདའ་ཡིན།  །ཞིམ་པའི་བདའ་ནི་བ་བདའ་ལ།  །སྟོན་པའི་བརྡ་ནི་བ་ར་བརྡའོ།  །མེད་ {{TibChung|[6a]}} པའི་ལྐལ་ནི་ལ་ལྐལ་ཡིན།   །སྐལ་ལྡན་སྐལ་ཐོབ་ས་སྐལ་ཏེ།  །དུས་ཀྱི་བསྐལ་པ་བ་སའི་བསྐལ་ལོ།  །དྲི་ཡི་བདུག་པ་བ་བདུག་ཡིན།  །དབུབ་པའི་གདུགས་ནི་ག་གདུགས་ལ།  མ་རུང་གདུག་ལ་ཡང་འཇུག་མེད།  །ནུས་པ་རྡུགས་པ་ར་རྡུགས་ཏེ།  །ཉོན་མོངས་སྡུག་བསྔལ་ས་སྡུག་གོ།  །ཚོགས་པའི་གྲ་ནི་ག་གྲ་ཡིན།  །ཚེམ་པོའི་དྲ་གཏུབ་ད་དྲ་ལ།  །སེམས་སྟོར་སེར་སྣ་བ་བྲ་སྟེ།  །སྲོག་ཆགས་བྲ་བའང་དེ་དང་འདྲའོ།  །མི་གཙང་གཅིན་ནི་ག་གཅིན་ཡིན།  །འབྱར་བྱེད་ས་ལ་པ་བཏགས་སྤྱིན་ནོ།  །བློ་ཡིས་དཔྱད་ནི་ད་དཔྱད་ཡིན།  །བྱ་སྤྱད་ས་ལ་པ་བཏགས་སྤྱད།  །དུམ་བུར་བཅད་པ་བ་བཅད་དོ།  །ཆུ་ཡི་རྦ་རླབས་ར་རྦ་ཡིན།  །མི་མངོན་སྦས་པ་ས་སྦ་ལ།  །མགུལ་གྱི་ལྦ་བ་ལ་ལྦའོ།  །དབང་པོའི་མིག་ནི་མིག་རྐྱང་ཡིན།  །ཡིད་ཀྱི་དམིགས་པ་ད་དམིགས་ལ།  །དུད་འགྲོའི་རྨིག་པ་ར་རྨིག་གོ།  །སྡང་བའི་དགྲ་ནི་ད་དགྲ་ཡིན།  །སྙན་པའི་སྒྲ་ནི་ས་སྒྲ་ལ།  འབུབ་སྦྲ་ས་ལ་བ་བཏགས་སྦྲའོ།  །ནགས་ཚལ་དགའ་ཚལ་ཚལ་རྐྱང་ཡིན།  །ཕྱག་འཚལ་ཞེ་ས་འ་འཚལ་ལ།  །ཚོན་གྱི་མཚལ་ནི་མ་མཚལ་ལོ།  །བཏུང་བའི་ཆང་ནི་ཆང་རྐྱང་ཡིན།  འཛིན་པའི་འཆང་ནི་འ་འཆང་ལ།  ། {{TibChung|[6b]}} འཐུར་དུ་འཕྱང་བ་ཕ་འཕྱང་ངོ་།   །ཡན་ལག་མགོ་ནི་མ་མགོ་སྟེ།  །ཐོག་མའམ་འཕེལ་བ་འ་འགོའོ།  །རྗེ་བཙུན་རྗེ་བོ་ར་རྗེ་ལ།  །སྐྱེས་པའི་ཕོ་མཚན་མ་མཇེའོ།  །མགྲིན་པའི་ཞེ་ས་མ་མགུལ་ཏེ།  །གཡོ་བའི་འགུལ་ནི་འ་འགུལ་ལོ།  །ངག་གི་གསུང་ནི་ག་གསུང་ལ།  །སྲུང་སྐྱོབ་ས་ལ་ར་བཏགས་སྲུང་།  །ཕན་པའི་དྲིན་ནི་ད་དྲིན་ཏེ།  །ཉོ་ཚོང་སྐྱེན་པ་བ་བྲིན་ནོ།  །སྙན་པའི་གྲགས་པ་ག་གྲགས་ལ།  །རི་རྡོའི་བྲག་ནི་བ་བྲག་སྟེ།  །ཚར་གཅོད་དྲག་ནི་ད་དྲག་གོ།  །རིན་ཆེན་དངུལ་ནི་ད་དངུལ་ཏེ།  །ལུས་ཀྱི་རྔུལ་ཆུ་ར་རྔུལ་ལོ།  །སྐུར་པ་འདེབས་པ་ས་སྐུར་ཏེ།  །བསྟོད་བསྔགས་བཀུར་སྟི་བ་འཕུལ་བསྐུར་རོ།  །དང་པོའི་སྔོན་ནི་ས་སྔོན་ཡིན།  །མིག་གིས་མཐོང་བ་མ་མངོན་ལ།  །རི་དྭགས་གསོད་པ་ར་རྔོན་ནོ།  །ཉམས་མྱོང་ཉམས་དགའ་ཉམས་གཞིག་འདྲ།  །ཉམ་ཐག་ཉམ་ལ་ཡང་འཇུག་མེད།  །མང་བའི་སྒྲ་ནི་ས་སྙེད་དེ།  །གསར་དུ་རྙེད་པ་ར་རྙེད་དོ།  །ཁ་ཡི་ལྕེ་ནི་ལ་ལྕེ་ལ།  །ཨ་ཅེའི་ཅེ་ནི་ཅེ་རྐྱང་ངོ་།  །སེམས་བྱུང་བློ་གྲོས་བ་བློ་སྟེ།  །ཤ་ཡི་གློ་བ་ག་གློའོ།  །ནང་ཁྲོལ་མཁལ་མ་མ་མཁལ་ལ།  །འགེལ་བའི་ཁལ་མ་ཁལ་རྐྱང་ངོ་།  །དོན་རྟོགས་གོ་བ་ར་རྟོགས་ཡིན།  །རྣམ་པར་ {{TibChung|[7a]}} རྟོག་ལ་ཡང་འཇུག་མེད།   །ཁོངས་སུ་གཏོགས་པ་ག་གཏོགས་ལ།  །བཀྲེས་པའི་ལྟོག་ནི་ལ་ལྟོག་གོ།  །འོག་ཏུ་གནོན་པ་ག་གནོན་ཡིན།  །མང་དུ་གཏོང་བ་ས་སྣོན་ནོ།  མཚོན་ཆ་རྣོ་བ་ར་རྣོ་སྟེ།  །བསམ་མནོ་གཞིག་པ་མ་མནོའོ།  །ལུས་ཀྱི་དཔྱི་ནི་ད་དཔྱི་ལ།  །ཐུན་མོང་སྤྱི་ཁྱབ་ས་སྤྱིའོ།  །སྟོང་ཉིད་གཉུག་མ་ག་གཉུག་སྟེ།  །སྐྱེས་པའི་མདའ་སྨྱུག་ས་སྨྱུག་གོ།  །གཞན་སྲོག་གཅོད་པ་ག་གསོད་དེ།  །དགེ་བའི་བསོད་ནམས་བ་བསོད་དོ།  །གཉིད་དུ་མནལ་བ་མ་མནལ་ཡིན།  །སྣམ་བུའི་སྣལ་མ་ས་སྣལ་ལ།  །རྣལ་འབྱོར་རྣལ་ནི་ར་རྣལ་ལོ།  །ག་བ་ད་དྲག་ཏུ་རྐྱང་སྟེ།  །བུད་མེད་མོ་མཚན་ས་སྟུའོ།  །ཤུགས་བདོའི་རྒོད་ནི་ར་རྒོད་ལ།  །གད་མོ་བགད་པ་ད་དགོད་དེ།  །ཚོམ་བུ་དགོད་པའང་དེ་དང་འདྲ།  །འོད་གསལ་བ་ནི་ག་གསལ་ལ།  །དམིགས་ཀྱིས་གསལ་བའང་དེ་བཞིན་ཏེ།  །སྐྱོན་བསལ་བ་ནི་བ་བསལ་ལོ།  །སེམས་ལ་དྲན་པ་ད་དྲན་ལ།  །གཡོག་གི་བྲན་ནི་བ་བྲན་ནོ།  །གཞན་ལ་རྡེག་པར་ར་རྡུང་སྟེ།  །ཁང་པའི་གདུང་མ་ག་གདུང་ངོ་།  །ལོག་འདྲེན་བདུད་ནི་བ་བདུད་ལ།  །དབང་དུ་སྡུད་པ་ས་སྡུད་དོ།  །བཟང་ངན་མཉམ་པ་མ་མཉམ་སྟེ།  ། {{TibChung|[7b]}} ཡིན་ནམ་སྙམ་པ་ས་སྙམ་མོ།   །ཐད་ཀ་ཐད་དྲང་ཐད་རྐྱང་ལ།  །བྱ་བ་འཐད་འོས་འ་འཐད་དོ།  །གནོད་པས་གཙེ་བ་ག་གཙེ་ཡིན།  །རྩེད་མོ་རྩེ་བ་ར་རྩེ་ལ།  །སྙིང་བརྩེ་བ་འོག་ར་བརྩེའོ།  །ཐོད་གཏུག་གདོང་གཏུག་ག་གཏུག་ལ།  །མི་གཙང་རྟུག་པ་ར་རྟུག་གོ།  གཞན་ལ་སྟེར་བ་ས་སྟེར་ལ།  །མི་ཟད་གཏེར་ནི་ག་གཏེར་རོ།  །མུན་པའི་སྨག་ནི་ས་སྨག་ལ།  །གཡུལ་གྱི་དམག་དཔུང་ད་དམག་གོ།  །གཅན་གཟན་སྟག་ནི་ས་སྟག་ཡིན།  །མི་འགྱུར་རྟག་པ་ར་རྟག་ལ།  ཕྱེ་མར་འཐག་པ་བ་བཏགས་ཏེ།  །བརྟག་དཔྱད་བ་འོག་ར་བརྟག་གོ།  །དོན་ལས་མི་འདའ་འ་འདའ་ཡིན།  །མྱ་ངན་འདའ་བའང་དེ་བཞིན་ལ།  །ལུང་པའི་ཕུ་མདའ་མ་མདའ་སྟེ།  །འཕེན་པའི་མདའ་ཡང་དེ་དང་འདྲའོ།  །བྱ་བ་མངགས་པ་མ་མངགས་ཏེ།  །སྒྲོག་པའི་སྙན་དངགས་ད་དངགས་སོ།  །བྱ་བ་བཤོལ་བ་བ་བཤོལ་ལ།  ཐོང་པའི་གཤོལ་མདའ་ག་གཤོལ་ལོ།  །དུས་ཀྱི་སྔ་ཕྱི་ག་གཟོད་དེ།  །བཟོད་སྲན་ཆེ་བ་བ་བཟོད་དོ།  །རླན་གྱིས་འདྲུལ་བ་ད་འདྲུལ་ལ།  །ལམ་གྱི་འགྲུལ་ནི་ག་འགྲུལ་ལོ།  །ཟབ་པའི་གཏིང་ནི་ག་གཏིང་ཡིན།  རྗེས་མའམ་རྐང་རྟིང་ར་རྟིང་ལ།  །གདན་སོགས་བཏིང་བ་བཏིང་ངོ་།   {{TibChung|[8a]}} སྦྱིན་པ་གཏོང་བ་ག་གཏོང་སྟེ།   །མེད་པའི་སྟོང་པ་ས་སྟོང་ངོ་།  །གྲང་བའི་བསིལ་གྲིབ་བ་བསིལ་ཡིན།  །དུམ་བུར་བསིལ་བའང་དེ་བཞིན་ལ།  །དྲིལ་བུ་གསིལ་བ་ག་གསིལ་ལོ།  །ཤིང་གི་སྡོང་པོ་ས་སྡོང་ལ།  །སྡོང་གྲོགས་སྡོང་ཡང་དེ་འདྲ་སྟེ།  །བསྡོངས་ཟླར་བ་འཕུལ་ཡང་འཇུག་ཡོད།  །ངོ་གདོང་གདོང་འཕྲད་ག་གདོང་ངོ་།  །ཞེ་སའི་མཛད་ནི་མ་མཛད་དེ།  །ཟད་པའི་འཛད་ནི་འ་འཛད་དེ།  །མངོན་སུམ་སྣང་བ་ས་སྣང་ཡིན།  །ཟས་ཀྱིས་བརྣང་ནི་བ་ར་བརྣང་།  །དུས་ཀྱི་གནང་ཉིན་ག་གནང་སྟེ།  །གཞན་ལ་སྟེར་བའང་ག་གནང་ངོ་།  །ནམ་མཁའི་མཁའ་ནི་མ་མཁའ་ལ།  །ཁ་དོག་ཁ་མཆུ་ཁ་རྐྱང་སྟེ།  །འདབ་ཆགས་ཁྭ་ལ་ཝ་ཟུར་ཡོད།  །མང་བའི་རྣམས་ནི་ར་རྣམས་ལ།  །དུས་ཀྱི་རྣམ་པར་ཡང་འཇུག་མེད།  །ཕང་སེམས་ཕང་ནི་ཕང་རྐྱང་ལ།  །གནམ་འཕང་འཕང་ལོ་འ་འཕང་ངོ་།  །དུག་ལྔའི་ཉོན་མོངས་མ་མོངས་ལ།  ཐུན་མོང་མོང་ལ་ཡང་འཇུག་མེད།  །དྲི་མ་མནམ་པ་མ་མནམ་སྟེ།  །ཕྱག་ན་བསྣམས་པ་བ་ས་བསྣམ་མོ།  །ནམ་མཁའི་གནམ་ནི་ག་གནམ་ལ།  །གོས་ཀྱི་སྣམ་བུ་ས་སྣམ་མོ།  །ཁོང་པའི་སྙིང་ནི་ས་སྙིང་སྟེ།  །རྒས་ནས་ཟད་པ་ར་རྙིང་ {{TibChung|[8b]}} ངོ།   །རྔན་པའི་གླ་ནི་ག་གླ་ཡིན།  །རི་དྭགས་གླ་བའང་དེ་དང་འདྲ།  །སྲོག་ཆགས་ཉ་ནི་ཉ་རྐྱང་ལ།  །རྐང་པའི་ཉྭ་ལ་ཝ་ཟུར་ཡོད།  །བླ་མེད་བླ་མ་བ་བླ་སྟེ།  །ཚེགས་མེད་ལས་སླ་ས་སླ་ལ།  །བ་འོག་ར་བརླ་རྐང་པའི་བརླའོ།  །དྲོད་ཀྱི་རླངས་ནི་ར་རླངས་ཡིན།  །གླང་པོ་ཆེ་ནི་ག་གླང་སྟེ།  །བླང་དོར་བླང་ནི་བ་བླང་ངོ་།  གཅོད་པའི་སྟེའུ་ས་སྟེ་ལ།  །རྟ་ཡི་རྟེའུ་ར་རྟེའོ།  །གྲལ་ལ་བསྒྲིག་པ་ག་གྲལ་ཡིན།  །དྲལ་རྡོལ་དྲལ་བ་ད་དྲལ་ལ།  །སོ་སོར་གྱེས་པ་བ་བྲལ་ལོ།  །ཁོག་པའི་གྲོད་པ་ག་གྲོད་ཡིན།  །ཚ་བའི་དྲོད་ནི་ད་དྲོད་ལ།  །དགའ་བྲོད་པ་བ་བྲོད་དོ།  །སོ་ཁ་སོ་པ་སོ་རྐྱང་ལ།  །སོ་ནམ་སོ་ཡང་དེ་དང་འདྲའོ།  །མཚོན་ཆའི་གྲི་ནི་ག་གྲི་ཡིན།  །སྣ་ཡི་ཡུལ་ནི་ད་དྲི་ལ།  །གཏམ་སོགས་དྲི་བའང་དེ་དང་འདྲ།  །ཉུང་དུ་སོང་བ་བ་བྲི་སྟེ།  །ཡི་གེ་བྲི་བའང་དེ་བཞིན་ནོ།  །རྩི་བའི་གྲངས་ནི་ག་གྲངས་ཡིན།  །རེག་བྱ་གྲང་ལ་ཡང་འཇུག་མེད།  །སྤྱན་དྲང་དྲང་པོ་ད་དྲང་སྟེ།  །ཕོ་བྲང་ལུས་བྲང་བ་བྲང་ངོ་།  །གྲོགས་དང་འགྲོགས་པ་ག་གྲོགས་ཏེ།  །སྐྲག་ནས་འབྲོས་པ་ད་འདྲོག་གོ།  །སྟོབས་ཤུགས་རྩ་ལ་ནི་ར་རྩལ་ལ།  །བཀའ་སྩལ་སྩལ་བ་ས་སྩལ་ཏེ།  །བ་འོག་ས་བསྩལ་སྩོལ་ཉེ་ {{TibChung|[9a]}} བའོ།   །རྒྱུ་འབྲས་རྒྱུ་ནི་ར་རྒྱུ་ཡིན།  །ནང་ཁྲོལ་རྒྱུ་མའང་དེ་བཞིན་ལ།  །གཡོ་སྒྱུ་སྒྱུ་མ་ས་སྒྱུའོ།  །མྱུར་བའི་སྐྱེན་ནི་ས་སྐྱེན་ལ།  །རྒྱུ་རྐྱེན་འཕྲལ་རྐྱེན་ར་རྐྱེན་ནོ།  །ལུས་ཀྱི་ཞེ་ས་ས་སྐུ་ཡིན།  །མ་བྱིན་ལེན་རྐུ་ར་རྐུ་ལ།  །ལུས་ཀྱི་བྱེ་བྲག་ད་དཀུའོ།  །ནམ་མཁའི་སྐར་མ་ས་སྐར་ཡིན།  །ཁ་དོག་དཀར་བ་ད་དཀར་ཏེ།  །ལོགས་སུ་བཀར་བ་བ་བཀར་རོ།  །འཚོ་བྱེད་སྨན་ནི་ས་སྨན་ལ།  །ངན་པའི་དམན་པ་ད་དམན་ནོ།  །ར་བ་ར་མ་ར་རྐྱང་ལ།  །མགོ་ཡི་རྭ་ལ་ཝ་ཟུར་ཡོད།  །ངག་གི་ཞེ་ས་ག་གསུང་སྟེ།  །དྲི་ངད་བསུང་བ་བ་བསྲུང་ངོ་།  །ལུས་ཀྱི་སྨེ་བ་ས་སྨེ་ལ།  །གཙང་རྨེའི་རྨེ་བ་ར་རྨེ་སྟེ།  །ཁོང་ཁྲོའི་དམེ་འཁྲུག་ད་དམེའོ།  །འབྲུ་ཡི་གྲོ་ནི་ག་གྲོ་ཡིན།  །དྲོད་ཀྱི་དྲོ་བ་ད་དྲོ་སྟེ།  །རོ་བྲོ་བ་ནི་བ་བྲོའོ།  །འབིག་པའི་རྩང་ནི་ར་རྩང་ལ།  །ཆུ་ཡི་གཙང་པོ་ག་གཙང་སྟེ།  །གཙང་མའི་གཙང་ཡང་དེ་འདྲའོ།  །ན་ཚོད་གཞོན་པ་ག་གཞོན་ཏེ།  །རྟ་ཡི་བཞོན་པ་བ་བཞོན་ནོ།  །མཛེས་པའི་མཚར་སྡུག་མ་མཚར་ལ།  །ཚར་དུ་དངར་བ་ཚར་རྐྱང་སྟེ།  །གྲངས་ཀྱི་ཚར་ཡང་དེ་དང་འདྲའོ།  །གཡོ་བའི་རླུང་ནི་ར་རླུང་ལ།  །འབབས་པའི་ཆུ་ཀླུང་ཀ་ཀླུང་ངོ་།  །གསུང་རབ་ཀློག་པ་ {{TibChung|[9b]}} ཀ་ཀློག་སྟེ།   །གློག་འགྱུ་བ་ནི་ག་གློག་གོ།  །འཇིག་པའི་སྐྲག་པ་ས་སྐྲག་ལ།  །བཀྲག་མདངས་འོད་ནི་བ་བཀྲག་གོ།  །བསང་གསོལ་བསང་དུད་བ་བསང་ལ།  །གསང་འོས་གསང་ཚིག་ག་གསང་ངོ་།  །གས་ཆག་ཉམས་ཆག་ཆག་རྐྱང་ལ།  །འདོད་ཆགས་ཞེ་ཆགས་ཡང་འཇུག་ཡོད།  །བརྟུལ་ཕོད་དཔའ་བ་ད་དཔའ་སྟེ།  །མཛེས་པའི་སྤ་བ་ས་སྤའོ།  །ཁྲི་མུན་བཙོན་ཁང་བ་བཙོན་ལ།  །སྦྱོར་བརྩོན་བ་འོག་ར་བརྩོན་ནོ།  །མཆོད་པའི་རྟེན་ནི་ར་རྟེན་ཏེ།  །གྲོགས་བསྟེན་བ་འོག་ས་བསྟེན་ནོ།  །གནོད་བྱེད་འདྲེ་ནི་ད་འདྲེ་ལ།  །ཟླ་གྲོགས་ནོར་གྲོགས་ག་གྲོགས་ཏེ།  །སྲོག་ཆགས་གྲོག་མར་ཡང་འཇུག་མེད།  །ཁུར་བའི་དྲོག་ནི་ད་དྲོག་གོ།  །རྐང་ལག་ཞ་བ་ཞ་རྐྱང་ལ།  །གྱོན་པའི་ཞྭ་མོར་ཝ་ཟུར་ཡོད།  །ཚོན་གྱི་མཐིང་ནི་མ་མཐིང་སྟེ།  །རྐང་པ་འཐིང་བ་འ་འཐིང་ངོ་།  །ནད་ཀྱི་རྣག་ནི་ར་རྣག་ལ།  །ཁ་དོག་གནག་པ་ག་གནག་གོ།  །ལུས་ཀྱི་རྔོ་ནི་ར་རྔོ་སྟེ།  །དགེ་བསྔོ་བ་འོག་ས་བསྔོའོ།  །ཞེ་སྡང་སྡང་སེམས་ས་སྡང་ལ།  འཕར་ལྡང་ལྷར་ལྡང་ལ་ལྡང་སྟེ།  །ཁ་གདངས་ག་གདངས་ཡང་འཇུག་ཅན།  །དབྱངས་ཀྱི་གདངས་ཡང་དེ་དང་འདྲའོ།  །གྲངས་ {{TibChung|[10a]}} ཀྱི་དགུ་ནི་ད་དགུ་ལ།   །སྐྱེ་རྒུ་ཡོད་རྒུ་མཁོ་རྒུ་སོགས།  །མང་བའི་རྒུ་ནི་ར་རྒུའོ།  །དབུགས་དབྱུང་གནས་དབྱུང་ད་བ་དབྱུང་།  །གཡུང་དྲུང་གཡུང་དྭགས་ག་ཡ་གཡུང་ངོ་།  །ས་རྡོའི་རྡོ་ནི་ར་རྡོ་སྟེ།  །རྡོ་རྗེའི་རྡོའང་དེ་བཞིན་ལ།  །ཤུགས་བདོ་བ་ནི་བ་བདོའོ།  །བྲབ་པའི་ལྕག་ནི་ལ་ལྕག་ལ།  མཚོན་ཆའི་ལྕགས་ལ་ཡང་འཇུག་ཡོད།  །ཕྱི་ནང་ཟང་ཐལ་ཟང་རྐྱང་ལ།  །རིན་ཆེན་ཟངས་ལ་ཡང་འཇུག་ཡོད།  །ཚོན་མདོག་ནག་ནི་ནག་རྐྱང་ལ།  །ཤིང་གི་ནགས་ལ་ཡང་འཇུག་ཡོད།  །སྣུམ་ཞག་ཉིན་ཞག་ཞག་རྐྱང་ལ།  །འཆིང་ཞགས་ཞགས་པར་ཡང་འཇུག་ཡོད།  །དེང་དུས་གནས་སྐབས་དེང་རྐྱང་ལ།  །ཕྱིར་དེངས་དེངས་ཤིག་ཡང་འཇུག་ཡོད།  །མིང་བརྗོད་གང་ཡང་གང་རྐྱང་ལ།  །གངས་རིའི་གངས་ལ་ཡང་འཇུག་ཡོད།  །ཤུག་སྡོང་ཤུག་པ་ཤུག་རྐྱང་ལ།  སྟོབས་རྩལ་ཤུགས་ལ་ཡང་འཇུག་ཡོད།  །སེམས་ཅན་ལུག་ནི་ལུག་རྐྱང་ལ།  །ལུགས་སྲོལ་རིང་ལུགས་ཡང་འཇུག་ཡོད།  །རྐང་ལག་ལག་པ་ལག་རྐྱང་ལ།  །ཞེ་སའི་ལགས་ལ་ཡང་འཇུག་ཡོད།  །རབ་མཆོག་རབ་འབྲིང་རབ་རྐྱང་སྟེ།  །ཚེ་རབས་ {{TibChung|[10b]}} སྐྱེས་རབས་ཡང་འཇུག་ཡོད།   །ཟང་རག་རག་ལས་རག་རྐྱང་ལ།  །ཕྲ་རགས་རགས་ལ་ཡང་འཇུག་ཡོད།  །ཆམ་ལ་ཕབ་པ་ཆམ་རྐྱང་སྟེ།  །ཁ་འཆམ་པ་ནི་འ་འཆམ་ལ།  །ཟློས་གར་འཆམས་ལ་ཡང་འཇུག་ཡོད།  །ལུས་ཀྱི་པང་ནི་པང་རྐྱང་ལ།  །དཔང་འཛུག་དཔང་པོ་ད་འཕུལ་ཅན།  །མཐོ་དམན་དཔངས་ལ་ཡང་འཇུག་ཡོད།  །པར་བུ་པར་འདེབས་པར་རྐྱང་ལ།  །གནས་སྤར་གོང་སྤར་ས་སྤར་རོ།  །འཚོ་གཞེས་གླུ་གཞེས་ག་གཞེས་ལ།  །བཞེས་པ་ཞལ་བཞེས་པ་བཞེས་སོ།  །ཐ་མ་ཐ་སྙད་ཐ་རྐྱང་ལ།  །ཐོག་མཐའ་མཐའ་ཡས་མ་འཕུལ་ཅན་ནོ།  །དཀོན་མཆོག་དཀོར་རྫས་ད་དཀོར་ཏེ།  །འཁོར་བསྐོར་བ་འོག་ས་བསྐོར་རོ།  །ནོར་འཇལ་བ་ནི་འ་འཇལ་ལ།  གོང་མ་མཇལ་བ་མ་མཇལ་ལོ།  ཆུ་ལས་བརྒལ་བ་ར་བརྒལ་ཏེ།  །རྒྱབ་ཀྱི་སྒལ་པ་ས་སྒལ་ལོ།  །རི་ཡི་སྒང་ནི་ས་སྒང་ལ།  །སྣོད་དགང་དབུགས་དགང་ད་དགང་ངོ་།  །རྩ་བའི་རྩ་ནི་ར་རྩ་ཡིན།  །ལྡུམ་བུ་རྩྭ་ལ་ཝ་ཟུར་ཡོད།  །སྤྱན་ལ་བཙའ་བ་བ་བཙའ་སྟེ།  །ལྕགས་ཀྱི་བཙའ་ཡང་དེ་དང་འདྲ།  །ངོ་མཚར་རྨད་བྱུང་ར་རྨད་ལ།  །བསྟོད་སྨད་སྨད་ནི་ས་སྨད་དོ།  །ས་བདག་ཀླུ་ནི་ཀ་ཀླུ་ཡིན།  །སྙན་ {{TibChung|[11a]}} པའི་གླུ་དབྱངས་ག་གླུ་ལ།   །རིན་གྱིས་ཉོ་བ་བ་བླུ་སྟེ།  །གཞན་གྱིས་སླུ་བ་ས་སླུའོ།  ཐུགས་ལ་བཏགས་པ་བ་བཏགས་ལ།  །ཕྱེ་མར་བཏགས་པའང་དེ་འདྲ་སྟེ།  །རྒྱབ་ཀྱི་ལྟག་པ་ལ་ལྟག་གོ།  །ལག་ཆ་གདེངས་པ་འགྲེང་བུ་སྟེ།  །དཔའ་བའི་གདིང་ནི་གི་གུའོ།  །འབེབས་པའི་པྲ་ནི་པྲ་རྐྱང་སྟེ།  །མགོ་ཡི་སྐྲ་ནི་ས་སྐྲ་ལ།  །བཀྲ་ཤིས་བཀྲ་ནི་བ་བཀྲའོ།  །དེ་སོགས་མིང་ཚིག་སྒྲ་ཡི་གནད།  །ཞིབ་ཏུ་བརྟག་ན་མི་འདྲ་བས།  །འཁྲུལ་པ་འབྱུང་བར་མི་སྲིད་ཀྱང་།  །རྨོངས་པ་ཕལ་ཆེར་གྱ་ཚོམ་དུ།  །ནོར་བར་བྲིས་ཤིང་ནོར་བར་བཀླག  །  ལོག་པར་གོ་བས་དོན་འཆུག་སྲིད།  །དེས་ན་བརྡ་དག་ལ་བརྟེན་ནས།  །མ་ནོར་དོན་རྣམས་འཚོལ་བ་གཅེས།  །གང་དག་ཡི་གེ་འབྲི་བ་པོར།  །སྙོམས་གཙང་འགྲིག་གསུམ་ལྡན་པ་དང་།  །ལེགས་མགྱོགས་དག་གསུམ་དྲུག་ཚང་ན།  །མཁས་པའི་གོ་ས་ཐོབ་པ་ཡིན།  །ཡིག་གཟུགས་ལེགས་པར་མ་སྦྱངས་ཤིང་།  །བརྡ་དག་ཞིབ་ཏུ་མ་བསླབ་པར།  །འབྲི་དང་རྩོམ་པའི་ཁུར་ལེན་པ།  །རང་སྐྱོན་གཞན་ལ་ངོམས་པར་ཟད།  །སུམ་རྟགས་ལ་སོགས་གཞུང་རྒྱ་ཆེའི།  །གནམ་འཕང་མ་ཆོད་བློ་གསར་རྣམས།  །རང་ཚོད་ས་རྒྱ་བསྐོར་བ་ལ།  །དག་ཡིག་བཞོན་ {{TibChung|[11b]}} པ་འདི་འདྲ་བཟང་།   །དེ་ཕྱིར་ཐར་འདོད་རྣམས་ལྟ་ཅི།  །འཇིག་རྟེན་ལུགས་ལ་འཇུག་རྣམས་ཀྱང་།  །ཚུལ་འདི་སྙིང་གི་བདུད་རྩི་རུ།  །ངེས་པས་ལེགས་པར་བསྟེན་འཚལ་ལོ།  །དེ་ལྟར་བརྡ་དག་བསྟན་བཅོས་གཞུང་།  །ཨུ་དུམ་ཝ་རའི་སྐྱེད་ཚལ་ལས།  །ཉེར་མཁོའི་དག་ཡིག་པད་དཀར་གྱི།  །ཆུན་པོ་ཅུང་ཞིག་བླངས་འདི་ནི།  །དཔལ་ལྡན་མི་དབང་བཤད་སྒྲ་བའི།  །བཀའ་ལུང་དོ་ཤལ་ཐོད་བཅིངས་ཏེ།  །རང་ལོ་ཉེར་དགུ་ཆུ་སྤྲེལ་ལོར།  །གཏེར་ཁོག་མཁན་ལྗོངས་དགའ་ཚལ་དུ།  །པད་བཀོད་བློ་གསལ་མང་བསྡུས་ནས།  །འབྲི་ཀློག་བསླབ་གྲྭ་གསར་འཛུག་གི  །དགེ་རྒན་སྲི་ཞུ་ལྷུར་ལེན་སྐབས།  །བློ་གྲོས་གསར་བུའི་བྱིས་རྣམས་ཀྱི།  །རྣ་བའི་རྒྱན་དུ་སྒྲུབས་ཤིག་ཅེས།  །དོན་གཉེར་ཅན་འགས་བསྐུལ་བ་བཞིན།  །གོ་བར་སླ་ཞིང་འཇུག་བདེ་བར།  །འཇིགས་བྲལ་ཡེ་ཤེས་རྡོ་རྗེས་སྦྱར།  །བསོད་ནམས་ཉིན་མོར་བྱེད་པའི་འོད།  །འགྲོ་བློའི་པད་ཚལ་ལ་ཕོག་པས།  །ཤེས་རབ་འདབ་རྒྱ་ཡོངས་གྲོལ་ཏེ།  །རྣམ་གྲོལ་གེ་སར་འཛུམ་བྱེད་ཤོག    །ཤྲཱི་བི་ཛ་ཡནྟུ།  །སརྦ་དཱ་མངྒ་ལཾ།།  །།}}
</onlyinclude>
{{TsagliCall}}
<headertabs/>

Latest revision as of 11:21, 4 August 2025

Previous Text Back to Volume PageNext Text
Wylie title dag yig mdor bsdus pad dkar chun po byis pa dga' ba'i rna rgyan DJYD-KABUM-04-NGA-008.pdf
Location bdud 'joms rin po che bka' 'bum
Volume 4, Text 8, Pages 459-480 (Folios 1a1 to 11b6)
Author བདུད་འཇོམས་འཇིགས་བྲལ་ཡེ་ཤེས་རྡོ་རྗེ་
Citation Dudjom Rinpoche 'Jigs bral ye shes rdo rje. Dag yig mdor bsdus pad dkar chun po byis pa dga' ba'i rna rgyan. In Bdud 'joms 'jigs bral ye shes rdo rje'i gsung 'bum dam chos rin chen nor bu'i bang mdzod, Vol. 4: 459-480. Kalimpong: Dupjung Lama, 1979-1985.
Side notes Recto: dag yig   Verso: brda sprod
More details More details
Genre Grammars - brda sprod
Colophon

དེ་ལྟར་བརྡ་དག་བསྟན་བཅོས་གཞུང་། །ཨུ་དུམ་ཝ་རའི་སྐྱེད་ཚལ་ལས། །ཉེར་མཁོའི་དག་ཡིག་པད་དཀར་གྱི། །ཆུན་པོ་ཅུང་ཞིག་བླངས་འདི་ནི། །དཔལ་ལྡན་མི་དབང་བཤད་སྒྲ་བའི། །བཀའ་ལུང་དོ་ཤལ་ཐོད་བཅིངས་ཏེ། །རང་ལོ་ཉེར་དགུ་ཆུ་སྤྲེལ་ལོར། །གཏེར་ཁོག་མཁན་ལྗོངས་དགའ་ཚལ་དུ། །པད་བཀོད་བློ་གསལ་མང་བསྡུས་ནས། །འབྲི་ཀློག་བསླབ་གྲྭ་གསར་འཛུག་གི །དགེ་རྒན་སྲི་ཞུ་ལྷུར་ལེན་སྐབས། །བློ་གྲོས་གསར་བུའི་བྱིས་རྣམས་ཀྱི། །རྣ་བའི་རྒྱན་དུ་སྒྲུབས་ཤིག་ཅེས། །དོན་གཉེར་ཅན་འགས་བསྐུལ་བ་བཞིན། །གོ་བར་སླ་ཞིང་འཇུག་བདེ་བར། །འཇིགས་བྲལ་ཡེ་ཤེས་རྡོ་རྗེས་སྦྱར། །བསོད་ནམས་ཉིན་མོར་བྱེད་པའི་འོད། །འགྲོ་བློའི་པད་ཚལ་ལ་ཕོག་པས། །ཤེས་རབ་འདབ་རྒྱ་ཡོངས་གྲོལ་ཏེ། །རྣམ་གྲོལ་གེ་སར་འཛུམ་བྱེད་ཤོག །ཤྲཱི་བི་ཛ་ཡནྟུ། །སརྦ་དཱ་མངྒ་ལཾ།།

de ltar brda dag bstan bcos gzhung /___/u dum wa ra'i skyed tshal las/___/nyer mkho'i dag yig pad dkar gyi/___/chun po cung zhig blangs 'di ni/___/dpal ldan mi dbang bshad sgra ba'i/___/bka' lung do shal thod bcings te/___/rang lo nyer dgu chu sprel lor/___/gter khog mkhan ljongs dga' tshal du/___/pad bkod blo gsal mang bsdus nas/___/'bri klog bslab grwa gsar 'dzug gi___/dge rgan sri zhu lhur len skabs/___/blo gros gsar bu'i byis rnams kyi/___/rna ba'i rgyan du sgrubs shig ces/___/don gnyer can 'gas bskul ba bzhin/___/go bar sla zhing 'jug bde bar/___/'jigs bral ye shes rdo rjes sbyar/___/bsod nams nyin mor byed pa'i 'od/___/'gro blo'i pad tshal la phog pas/___/shes rab 'dab rgya yongs grol te/___/rnam grol ge sar 'dzum byed shog____/shrI bi dza yan+tu/___/sarba dA mang+ga laM//

[edit]
༄༅། །དག་ཡིག་མདོར་བསྡུས་པད་དཀར་ཆུན་པོ་བྱིས་པ་དགའ་བའི་རྣ་རྒྱན་ཅེས་བྱ་བ་བཞུགས་སོ།


༄༅། །ཨོཾ་སྭསྟི། མཁའ་མཉམ་ཡེ་ཤེས་འོད་ཟེར་གྱིས། །འགྲོ་བའི་རྨོངས་མུན་མཐར་མཛད་པ། །འཇམ་དཔལ་སྨྲ་བའི་ཉི་མ་དེས། །བདག་བློའི་པད་ཚལ་སྐྱོང་བར་མཛོད། །གང་འདིར་ཡོན་ཏན་ཀུན་གྱི་གཞི། །ཡི་གེའི་སྦྱོར་བ་ལས་བརྩམས་ཏེ། །བྱིས་པ་གསར་བུའི་འཇུག་སྒོ་རུ། །དག་ཡིག་ཉུང་གསལ་གོ་བདེར་འཆད། །དབྱངས་ནི་ཨི་ཨུ་ཨེ་ཨོ་ཞེས། །གི་གུ་ཞབས་ཀྱུ་འགྲེང་བུ་དང་། །ན་རོ་རྣམས་ཏེ་ཇི་སྙེད་པའི། །ཡི་གེ་ཀུན་ལ་སྦྱོར་བྱ་ཡིན། །གསལ་བྱེད་ཀ་སོགས་སུམ་ཅུའོ། །དེ་ལས་ཡ་བཏགས་ཐོབ་པ་བདུན། ཀྱ་ཁྱ་གྱ་པྱ་ཕྱ་བྱ་མྱ། ར་ [2a] བཏགས་བཅུ་གཉིས། ཀྲ་ཁྲ་གྲ་ཏྲ་དྲ་ནྲ་པྲ་ཕྲ་བྲ་མྲ་སྲ་ཧྲ། ལ་བཏགས་དྲུག །ཀླ་གླ་བླ་རླ་ཟླ་སླ། ཝ་ཟུར་བཏགས་པ་བཅུ་གཉིས་ ཀྭ་ཁྭ་གྭ་ཉྭ་ཏྭ་དྭ་ཚྭ་ཛྭ་ཞྭ་ཟྭ་རྭ་སྭ། དང་། །ར་མགོ་བཅུ་གཉིས། རྐ་རྒ་རྔ་རྗ་རྙ་རྟ་རྡ་རྣ་རྦ་རྨ་རྩ་རྫ། ལ་མགོ་བཅུ། ། ལྐ་ལྒ་ལྔ་ལྕ་ལྗ་ལྟ་ལྡ་ལྤ་ལྦ་ལྷ། ས་མགོ་བཅུ་གཅིག་ སྐ་སྒ་སྔ་སྙ་སྟ་སྡ་སྣ་སྤ་སྦ་སྨ་སྩ། རྣམས་ཤེས་བྱ། །ག་ང་ད་ན་བ་མ་འ། །ར་ལ་ས་རྣམས་རྗེས་འཇུག་བཅུ། །ད་དང་ས་གཉིས་ཡང་འཇུག་སྟེ། །ད་ནི་ན་ར་ལ་གསུམ་དང་། །ས་ནི་ག་ང་བ་མར་ཐོབ། །ག་ད་བ་མ་འ་སྔོན་འཇུག །རྗེས་འཇུག་མིང་མཐའི་ཡི་གེ་ལ། །ན་རོ་སྦྱར་བ་རྗོགས་ཚིག་སྟེ། ། [3b] དཔེར་ན་མཆོག་གོ་རྒྱུ་བཟང་ངོ་། །ཡོད་དོ་ཡིན་ནོ་དོན་གྲུབ་བོ། །འཛོམ་མོ་དགའ་འོ་ངོ་མཚར་རོ། །གཞལ་ལོ་ཤེས་སོ་ལྟ་བུ་དང་། །དྲག་ཡོད་མཐའ་རུ་ཏོ་དང་ནི། །མཐའ་མེད་རྣམས་ལ་འོ་སྦྱོར་ཏེ། །རྗེས་སུ་དྲནད་ཏོ་གཞན་ཟེརད་ཏོ། །སྩལད་ཏོ་བདེའོ་ལྟ་བུའོ། །དྲིས་སམ་སྡུད་ཚིག་སྐབས་སུ་ནི། །མཐའ་རྟེན་རྣམས་ལ་མ་སྦྱར་ཞིང་། །སྐབས་འགར་ར་ལ་ཏམ་དང་ནི། །འདོགས་ཅན་རྐྱང་པར་འམ་སྟེ་དཔེར། །འདུག་གམ་བྱུང་ངམ་དེ་ཡོད་དམ། །ཡིན་ནམ་གྲུབ་བམ་ལམ་བསྒོམ་མམ། །འདའ་འམ་འགྱུར་རམ་དོན་འཚལ་ལམ། །ཤེས་སམ་ཟེར་ཏམ་གཏམ་གོའམ། །ཁའམ་ཞེས་པ་ལྟ་བུའོ། །ད་བ་ས་ཀྱི་ག་ང་གི །ན་མ་ར་ལའི་རྗེས་སུ་གྱི། །འ་དང་རྐྱང་པ་མཐའ་མེད་འི། །རྐང་པ་སྐོང་ཚེ་ཡི་སྟེ་དཔེར། །ཁྱོད་ཀྱི་རྒྱབ་ཀྱི་གཡས་ཀྱི་ཆ། །བདག་གི་གདོང་གི་ངོས་ན་མཆིས། །མདུན་གྱི་རུམ་གྱི་སྐོར་གྱི་ནི། །མངལ་གྱི་སྒོ་དེ་བདག་ལ་སྟོན། །རྩེ་དགའི་དགའ་བ་བདེ་བའི་མཆོག །ལྷ་ཡི་བདེ་བའི་དཔལ་ལྟར་རོ། །ག་བ་ད་དྲག་ཅན་མཐར་ཏུ། །ང་ད་ན་མ་ར་ལ་དུ། །ས་སུ་འ་དང་འདོགས་ཅན་དང་། །རྐྱང་པ་རུ་སྟེ་དཔེ་རིམ་བཞིན། །རྟག་ཏུ་རབ་ཏུ་ཀུན་ཏུ་དགའ། །ཕ་རོལ་ཏུ་ [3a] ཕྱིན་བགྲང་དུ་མེད། །བཅུད་དུ་འཁྱིལ་འདི་བསྟེན་བཞིན་དུ། །གམ་དུ་མྱུར་དུ་མཇལ་དུ་འགྲོ། །གནས་སུ་མཐའ་རུ་འདོད་འཇོ་རུ། །ཁ་རུ་ཞེས་པ་ལྟ་བུའོ། །ད་དེ་ན་ར་ལ་ས་ཏེ། །ག་ང་བ་མ་འ་རྣམས་དང་། །འདོགས་ཅན་རྐྱང་པར་ས་སྟེ་དཔེར། །གུས་པས་བཏུད་དེ་ལག་བཀན་ཏེ། །བསྐྱར་ཏེ་གཞལ་ཏེ་ཆས་ཏེ་བྱུང་། །སྐྲག་སྟེ་གསང་སྟེ་གོས་བཀབ་སྟེ། །འཁུམ་སྟེ་དམའ་སྟེ་ཡིབ་ནས་གདའ། །སྙིང་ཡང་རྗེ་སྟེ་ཉམ་ང་སྟེའོ། །ག་ད་བ་སའི་རྗེས་སུ་ཀྱང་། །ང་འ་ན་མ་ར་ལ་དང་། །འདོགས་ཅན་རྐྱང་མཐར་ཡང་སྟེ་དཔེར། །བདག་ཀྱང་འབད་ཀྱང་དེ་ཐོབ་ཀྱང་། །དེས་ཀྱང་འོན་ཀྱང་གྲངས་མང་ཡང་། །འགའ་ཡང་གཞན་ཡང་དུས་ནམ་ཡང་། །སླར་ཡང་མཇལ་ཡང་ཐུགས་མགུ་ཡང་། ང་ཡང་ཡིད་ལའང་དེ་འདྲའོ། །ག་ད་བ་དང་ད་དྲག་མཐར། །ཅིང་ཅེས་ཅེ་ན་ཅིག་དང་ནི། །ས་མཐར་དམིགས་གསལ་ཤིང་ཐོབ་དཔེར། །གནག་ཅིང་རྒོད་ཅིང་གཏིང་ཟབ་ཅིང་། །མཁྱེནད་ཅིང་མཚརད་ཅིང་བཀའ་བསྩལད་ཅིང་། །མཛེས་ཤིང་ཡིད་འོང་བག་ཕེབས་ཤིང་། །རྟག་ཅེས་ཡོད་ཅེས་གྲུབ་ཅེས་ཐོས། །བརྒྱནད་ཅེས་ཟེར་ཅེས་ནོར་སྩལད་ཅེས། ། [3b] སུ་འདུག་ཅེས་ན་བླ་མ་སྟེ། །ཅི་མཛད་ཅེ་ན་དབང་བསྐུར་རོ། །སུས་ཐོབ་ཅེ་ན་ཕྱུག་པོ་ཚོས། །ཤོག་ཅིག་སྡོད་ཅིག་དལ་ཕོབ་ཅིག །སྟོནད་ཅིག་གྱུརད་ཅིག་མྱུར་སྩོལད་ཅིག་གོ། །ང་འ་ན་མ་ར་ལ་དང་། །འདོགས་ཅན་རྐྱང་པ་རྣམས་ལ་ནི། །ཞིང་ཞེས་ཞེ་ན་ཞིག་ཐོབ་དཔེར། །དྲང་ཞིང་དགའ་ཞིང་རབ་སྙན་ཞིང་། །འཇམ་ཞིང་དར་ཞིང་ཕྱག་འཚལ་ཞིང་། །བདེ་ཞིང་ཟ་ཞིང་བྱུང་ཞེས་ཐོས། །གདའ་ཞེས་དྲན་ཞེས་འདི་ཙམ་ཞེས། འགྱུར་ཞེས་འཁྲུལ་ཞེས་བསྡུ་ཞེས་ཟེར། །མཁས་པ་ཞེས་བྱས་སྨྲ་ཞེས་བཤད། །སུ་བྱུང་ཞེ་ན་ཧོར་འདྲ་སྟེ། །དུ་གདའ་ཞེ་ན་མང་པོའོ། །སུས་ཡིན་ཞེ་ན་རྒྱལ་པོའི་སྟེ། །ཁྲིམས་ཀྱིས་དབེན་ནམ་ཞེ་ན་དབེན། །ཅི་བསྐོར་ཞེ་ན་རྒྱལ་ཁམས་ཏེ། །གང་འཚལ་ཞེ་ན་ནོམ་པའོ། །ཅི་བགྱི་ཞེ་ན་སྐྱེལ་བ་སྟེ། །སུ་ལ་ཞེ་ན་སྨད་འཚོང་ལའོ། །ཅུང་ཞིག་འགའ་ཞིག་གཞན་ཞིག་ཏུ། །ནམ་ཞིག་སྦྱོར་ཞིག་ངལ་ཞིག་གསོ། །རེ་ཞིག་འདུག་ནས་ཉ་ཞིག་ཉོའོ། །ས་མཐར་དམིགས་བསལ་ཞེས་མ་གཏོགས། །ཤིང་ཤིག་ཤེ་ན་ཐོབ་སྟེ་དཔེར། །མཛེས་ཞེས་ཐོས་ཤིང་ལྟོས་ཤིག་བྱས། །དེ་ཅིས་ཤེ་ན་འདོད་གདུང་གིས་སོ། །ག་ད་བ་ས་ན་མར་པ། །ང་འ་ར་ལ་འདོགས་ཅན་དང་། །རྐྱང་མཐར་པ་བ་ཅི་རིགས་ [4a] ཏེ། །ཀློག་པ་བཤད་པ་ལེགས་སློབ་པ། །ཤེས་པ་འཛིན་པ་དོན་བསམ་པ། །ཁང་པ་གང་བ་མདའ་པ་དང་། །མཛའ་བ་གྱུར་པ་རབ་འབར་བ། །འཁྲུལ་པ་གྲོལ་བ་དོན་བསྡུ་བ། །ཞི་བ་ཚ་བ་ལྟ་བུའོ། །གཞན་ཡང་དཔྱིད་ཀ་ཐད་ཀ་དང་། །མོན་ཁ་སེར་ཁ་རལ་ཁ་དང་། །མཐིང་ག་སྙིང་ག་གདུང་མ་དང་། །ལྟད་མོ་སྟོན་མོ་སྟག་མོ་སོགས། བརྗོད་བདེ་འདྲེན་པ་ཤིན་ཏུ་མང་། །ཅི་ཇི་སུ་གང་སྤྱི་སྒྲ་སྟེ། །ཅི་ནི་ཅི་ཞིག་ཅི་སྟེ་དང་། །ཅི་སླད་ཅི་འདྲ་ཅི་ཕྱིར་རོ། །ཇི་ནི་ཇི་སྙེད་ཇི་སྲིད་དང་། །ཇི་ལྟར་ཇི་བཞིན་ཇི་ཙམ་མོ། །སུ་ནི་གང་ཟག་ཀུན་ལའོ། །ཚོགས་པ་ཚོགས་ཆེན་ཕུན་ཚོགས་དང་། །ཕྲིན་ལས་རིམ་གྲོ་སྐུ་ཁམས་ཁྲོས། །ཕྲ་མ་ཕྲག་དོག་ཕྲ་མོ་ཙམ། །ཚོན་རྩི་ཁྲོན་པ་ཐུར་དང་ཐོད། །སྐད་ཅིག་ཐང་ཅིག་ཡུད་ཙམ་ཅིག །ཁ་ཅིག་སོགས་ལ་འཕུལ་ཡིག་སྦང་། །ལྷ་བཙུན་ཆེ་བཙུན་ན་བཟའ་དང་། །ལྷ་རྗེ་ལྷ་རྫས་ང་རྒྱལ་དང་། །བྱ་རྒོད་རྡོ་རྗེ་་མེ་ཏོག་དང་། །རྒྱ་མཚོ་སོགས་ལ་མཐའ་འདྲེན་སྤང་། །རྒྱ་ཆེར་དཔངས་མཐོར་ཉེར་བསགས་ཏེ། །བྱང་ཆུབ་རྒྱུར་བསྔོས་ཕར་ཕྱིན་རྫོགས། །དབྱེར་མེད་སོགས་ལ་མཐའ་འདྲེན་ནི། །ལྷུག་པའི་ཚེ་ན་མི་ཐོབ་ཀྱང་། །ཚིགས་བཅད་སྡེབས་ [4b] སྦྱོར་སྐབས་སུ་སྦྱོར། །ཏིང་ངེ་འཛིན་དང་གཞོན་ནུ་དང་། །ཆུང་ངུ་ཉུང་དུ་ལ་སོགས་པར། །ཕྱི་མའི་ཚིག་ཤུགས་ཕན་པས་སྦྱོར། །གཞན་དུ་བརྗོད་ཚིག་གང་ཡང་རུང་། །བྱ་བྱེད་ལས་གསུམ་གྱིས་བསྡུས་པའི། །བྱ་བ་བྱས་ཟིན་འདས་པ་དང་། །བྱ་བ་བྱེད་འགྱུར་མ་འོངས་དང་། །བྱེད་བཞིན་པ་ནི་ད་ལྟ་བར། །ངེས་ཕྱིར་བདག་གཞན་དབྱེ་བ་ཡིས། །འདས་ལ་འཕུལ་དང་ཡང་འཇུག་ཡོད། །ད་ལྟ་བ་ལ་གཉིས་ཀ་མེད། །མ་འོངས་འཕུལ་ཡོད་ཡང་འཇུག་མེད། །བསྐུལ་ཚིག་འཕུལ་མེད་ཡང་འཇུག་ཡོད། །དེ་རྣམས་རིམ་པར་དཔེར་མཚོན་ན། །བསྒྲུབ་པའི་དམ་རྫས་ལ་བརྟེན་ནས། །བདག་ནི་སྒྲུབ་ལ་འབད་པར་བྱ། །ཁྱོད་ཀྱང་དེ་བཞིན་བསྒྲུབ་བྱས་ནས། །སྐལ་ལྡན་འཆི་མེད་སྒྲུབས་མཛོད་ཅིག །རྣམ་དབྱེ་གང་ལ་སྦྱོར་ཡུལ་དེས། །གང་དུ་བྱ་བ་ཞིག་བྱས་ན། །བྱེད་པའི་སྒྲ་ཞེས་ས་མཐའ་ཐོབ། །དཔེར་ན་ཁྱོད་ཀྱིས་བདག་གྲོགས་མཛོད། །ངས་ཐོས་མཁས་པས་བཤད་ལྟ་བུའོ། །བྱ་བ་གཏན་ནས་མི་བྱེད་པར། །སྔ་ཕྱི་འབྲེལ་བྱེད་ཙམ་སྟོན་ན། །འབྲེལ་བའི་སྒྲ་སྟེ་ས་མཐའ་སྤང་། །འགའ་ལ་འི་དང་ཡི་སྦྱོར་ཏེ། །ཁྱོད་ཀྱི་གྲོགས་དེ་བདག་ཡིན་གྱི། །ངའི་གོས་མཁས་པའི་ཡོན་ [5a] ཏན་ལྟར་རོ། །ད་དྲག་ཡོད་དང་མེད་པ་ཡང་། །འདས་དང་མ་འོངས་དབྱེ་བས་ཤེས། །ད་ཡིག་དངོས་ཉིད་ཕྱི་དུས་འདིར། །འབྲི་སྲོལ་མེད་ཀྱང་དོན་ཐོབ་ངེས། །ལྷུག་པའི་དོན་མང་མིང་མཚམས་དང་། །དོན་འབྲིང་འབྱེད་དང་དོན་ཉུང་རྫོགས། །ཚིགས་བཅད་མཐའ་མར་ཆིག་ཤད་བྱ། །རྫོགས་ཚིག་མཐའ་ཅན་ལྷུག་པ་དང་། །ཚིགས་བཅད་རྐང་མཐར་ཉིས་ཤད་ཐོབ། །དོན་ཚན་ཆེན་པོ་རྫོགས་པ་དང་། །ལེའུའི་མཚམས་སུ་བཞི་ཤད་དགོས། །ང་ཡིག་མ་གཏོགས་ཤད་གོང་དུ། །ཚེག་མེད་འོན་ཀྱང་འགའ་ཞིག་གིས། །ཚིགས་བཅད་དཀྱུས་སུ་ཚག་ཤད་རེ། །ང་མཐར་ཤད་གོང་ཚེག་གཉིས་རེ། །འབྲི་བའི་ལག་རྒྱུན་དག་ཀྱང་སྣང་། ༈ དེ་ལྟར་དག་ཐོབ་སྤྱི་ཡི་ཆིངས། །གལ་ཆེ་རགས་བསྡུས་ཙམ་བཤད་ནས། །ད་ནི་འདྲའམ་སྙམ་པ་ཡི། །ཚིག་སྒྲའི་དབྱེ་བ་ཅུང་ཟད་འགྲོལ། །རྒྱལ་བའི་བཀའ་ནི་བ་བཀའ་ཡིན། །ངལ་བའི་དཀའ་བ་ད་དཀའ་ལ། །རོ་སྐ་བ་ནི་ས་སྐའོ། །རི་དྭགས་རྒོ་བ་ར་རྒོ་ཡིན། །ཁང་པའི་སྒོ་ནི་ས་སྒོ་ལ། །གོས་བགོ་བ་ནི་བ་བགོ་སྟེ། །བཀའ་བསྒོ་བ་འོག་ས་བསྒོའོ། །ན་ཚོད་རྒས་པ་ར་རྒ་ཡིན། །རྟ་ཡི་སྒ་ནི་ས་སྒ་ལ། །ཡིད་དགའ་བ་ནི་ད་དགའ་སྟེ། སྨན་ [5b] གྱི་ལྒ་ནི་ལ་ལྒའོ། །བཞོན་པའི་རྟ་ནི་ར་རྟ་ཡིན། །སྟ་ཟུར་སྟ་ནི་ས་སྟེ། །མིག་གིས་བལྟ་བ་བ་ལ་བལྟའོ། །དུས་ཀྱི་སྔ་བ་ས་སྔ་ཡིན། །གྲངས་ཀྱི་ལྔ་ནི་ལ་ལྔ་ལ། །བརྡུང་བའི་རྔ་ནི་ར་རྔ་སྟེ། །ཞེ་སའི་མངའ་ནི་མ་མངའ་འོ། །ཉེ་དུའི་གཉེན་ནི་ག་གཉེན་ཡིན། །ས་བདག་གཉན་ལ་འགྲེང་བུ་མེད། །རེག་བྱ་མཉེན་པ་མ་མཉེན་ཏེ། །བསྙེན་བཀུར་བ་འོག་ས་བསྙེན་ནོ། །ཐུགས་མཉེས་པ་ནི་མ་མཉེས་ལ། །དངོས་གྲུབ་བརྙེས་པ་བ་རའི་བརྙེས། །བརྙས་སྨོད་འགྲེང་བུ་མེད་པའོ། །རྣ་བར་སྙན་པ་ས་སྙན་ཡིན། །ཆོས་མཉན་པ་ནི་མ་མཉན་ལ། །གཟུགས་བརྙན་བ་འོག་ར་བརྙན་ནོ། །རོ་གཅིག་འདྲེས་པ་ད་འདྲེས་ཡིན། །རིགས་མཚུངས་འགྲེས་སྦྱོར་ག་འགྲེས་ཏེ། །ཞེ་འགྲས་ལ་ནི་འགྲེང་བུ་མེད། །ནད་ཁྲག་གཏར་ནི་ག་གཏར་ལ། །བསྟན་ལ་བརྒྱུད་པ་བ་ས་བསྟར། །ཆས་གཟབ་པའང་དེ་བཞིན་ནོ། །ཕུག་གི་གཏན་ནི་ག་གཏན་ཡིན། །གདིང་བའི་སྟན་ནི་ས་སྟན་ལ། །དམ་ཆོས་བསྟན་པ་བ་ས་བསྟན། །མི་འགྱུར་བརྟན་པ་བ་ར་བརྟན་ནོ། །ཡོད་མེད་གདའ་ནི་ག་གདའ་ཡིན། །ཞིམ་པའི་བདའ་ནི་བ་བདའ་ལ། །སྟོན་པའི་བརྡ་ནི་བ་ར་བརྡའོ། །མེད་ [6a] པའི་ལྐལ་ནི་ལ་ལྐལ་ཡིན། །སྐལ་ལྡན་སྐལ་ཐོབ་ས་སྐལ་ཏེ། །དུས་ཀྱི་བསྐལ་པ་བ་སའི་བསྐལ་ལོ། །དྲི་ཡི་བདུག་པ་བ་བདུག་ཡིན། །དབུབ་པའི་གདུགས་ནི་ག་གདུགས་ལ། མ་རུང་གདུག་ལ་ཡང་འཇུག་མེད། །ནུས་པ་རྡུགས་པ་ར་རྡུགས་ཏེ། །ཉོན་མོངས་སྡུག་བསྔལ་ས་སྡུག་གོ། །ཚོགས་པའི་གྲ་ནི་ག་གྲ་ཡིན། །ཚེམ་པོའི་དྲ་གཏུབ་ད་དྲ་ལ། །སེམས་སྟོར་སེར་སྣ་བ་བྲ་སྟེ། །སྲོག་ཆགས་བྲ་བའང་དེ་དང་འདྲའོ། །མི་གཙང་གཅིན་ནི་ག་གཅིན་ཡིན། །འབྱར་བྱེད་ས་ལ་པ་བཏགས་སྤྱིན་ནོ། །བློ་ཡིས་དཔྱད་ནི་ད་དཔྱད་ཡིན། །བྱ་སྤྱད་ས་ལ་པ་བཏགས་སྤྱད། །དུམ་བུར་བཅད་པ་བ་བཅད་དོ། །ཆུ་ཡི་རྦ་རླབས་ར་རྦ་ཡིན། །མི་མངོན་སྦས་པ་ས་སྦ་ལ། །མགུལ་གྱི་ལྦ་བ་ལ་ལྦའོ། །དབང་པོའི་མིག་ནི་མིག་རྐྱང་ཡིན། །ཡིད་ཀྱི་དམིགས་པ་ད་དམིགས་ལ། །དུད་འགྲོའི་རྨིག་པ་ར་རྨིག་གོ། །སྡང་བའི་དགྲ་ནི་ད་དགྲ་ཡིན། །སྙན་པའི་སྒྲ་ནི་ས་སྒྲ་ལ། འབུབ་སྦྲ་ས་ལ་བ་བཏགས་སྦྲའོ། །ནགས་ཚལ་དགའ་ཚལ་ཚལ་རྐྱང་ཡིན། །ཕྱག་འཚལ་ཞེ་ས་འ་འཚལ་ལ། །ཚོན་གྱི་མཚལ་ནི་མ་མཚལ་ལོ། །བཏུང་བའི་ཆང་ནི་ཆང་རྐྱང་ཡིན། འཛིན་པའི་འཆང་ནི་འ་འཆང་ལ། ། [6b] འཐུར་དུ་འཕྱང་བ་ཕ་འཕྱང་ངོ་། །ཡན་ལག་མགོ་ནི་མ་མགོ་སྟེ། །ཐོག་མའམ་འཕེལ་བ་འ་འགོའོ། །རྗེ་བཙུན་རྗེ་བོ་ར་རྗེ་ལ། །སྐྱེས་པའི་ཕོ་མཚན་མ་མཇེའོ། །མགྲིན་པའི་ཞེ་ས་མ་མགུལ་ཏེ། །གཡོ་བའི་འགུལ་ནི་འ་འགུལ་ལོ། །ངག་གི་གསུང་ནི་ག་གསུང་ལ། །སྲུང་སྐྱོབ་ས་ལ་ར་བཏགས་སྲུང་། །ཕན་པའི་དྲིན་ནི་ད་དྲིན་ཏེ། །ཉོ་ཚོང་སྐྱེན་པ་བ་བྲིན་ནོ། །སྙན་པའི་གྲགས་པ་ག་གྲགས་ལ། །རི་རྡོའི་བྲག་ནི་བ་བྲག་སྟེ། །ཚར་གཅོད་དྲག་ནི་ད་དྲག་གོ། །རིན་ཆེན་དངུལ་ནི་ད་དངུལ་ཏེ། །ལུས་ཀྱི་རྔུལ་ཆུ་ར་རྔུལ་ལོ། །སྐུར་པ་འདེབས་པ་ས་སྐུར་ཏེ། །བསྟོད་བསྔགས་བཀུར་སྟི་བ་འཕུལ་བསྐུར་རོ། །དང་པོའི་སྔོན་ནི་ས་སྔོན་ཡིན། །མིག་གིས་མཐོང་བ་མ་མངོན་ལ། །རི་དྭགས་གསོད་པ་ར་རྔོན་ནོ། །ཉམས་མྱོང་ཉམས་དགའ་ཉམས་གཞིག་འདྲ། །ཉམ་ཐག་ཉམ་ལ་ཡང་འཇུག་མེད། །མང་བའི་སྒྲ་ནི་ས་སྙེད་དེ། །གསར་དུ་རྙེད་པ་ར་རྙེད་དོ། །ཁ་ཡི་ལྕེ་ནི་ལ་ལྕེ་ལ། །ཨ་ཅེའི་ཅེ་ནི་ཅེ་རྐྱང་ངོ་། །སེམས་བྱུང་བློ་གྲོས་བ་བློ་སྟེ། །ཤ་ཡི་གློ་བ་ག་གློའོ། །ནང་ཁྲོལ་མཁལ་མ་མ་མཁལ་ལ། །འགེལ་བའི་ཁལ་མ་ཁལ་རྐྱང་ངོ་། །དོན་རྟོགས་གོ་བ་ར་རྟོགས་ཡིན། །རྣམ་པར་ [7a] རྟོག་ལ་ཡང་འཇུག་མེད། །ཁོངས་སུ་གཏོགས་པ་ག་གཏོགས་ལ། །བཀྲེས་པའི་ལྟོག་ནི་ལ་ལྟོག་གོ། །འོག་ཏུ་གནོན་པ་ག་གནོན་ཡིན། །མང་དུ་གཏོང་བ་ས་སྣོན་ནོ། མཚོན་ཆ་རྣོ་བ་ར་རྣོ་སྟེ། །བསམ་མནོ་གཞིག་པ་མ་མནོའོ། །ལུས་ཀྱི་དཔྱི་ནི་ད་དཔྱི་ལ། །ཐུན་མོང་སྤྱི་ཁྱབ་ས་སྤྱིའོ། །སྟོང་ཉིད་གཉུག་མ་ག་གཉུག་སྟེ། །སྐྱེས་པའི་མདའ་སྨྱུག་ས་སྨྱུག་གོ། །གཞན་སྲོག་གཅོད་པ་ག་གསོད་དེ། །དགེ་བའི་བསོད་ནམས་བ་བསོད་དོ། །གཉིད་དུ་མནལ་བ་མ་མནལ་ཡིན། །སྣམ་བུའི་སྣལ་མ་ས་སྣལ་ལ། །རྣལ་འབྱོར་རྣལ་ནི་ར་རྣལ་ལོ། །ག་བ་ད་དྲག་ཏུ་རྐྱང་སྟེ། །བུད་མེད་མོ་མཚན་ས་སྟུའོ། །ཤུགས་བདོའི་རྒོད་ནི་ར་རྒོད་ལ། །གད་མོ་བགད་པ་ད་དགོད་དེ། །ཚོམ་བུ་དགོད་པའང་དེ་དང་འདྲ། །འོད་གསལ་བ་ནི་ག་གསལ་ལ། །དམིགས་ཀྱིས་གསལ་བའང་དེ་བཞིན་ཏེ། །སྐྱོན་བསལ་བ་ནི་བ་བསལ་ལོ། །སེམས་ལ་དྲན་པ་ད་དྲན་ལ། །གཡོག་གི་བྲན་ནི་བ་བྲན་ནོ། །གཞན་ལ་རྡེག་པར་ར་རྡུང་སྟེ། །ཁང་པའི་གདུང་མ་ག་གདུང་ངོ་། །ལོག་འདྲེན་བདུད་ནི་བ་བདུད་ལ། །དབང་དུ་སྡུད་པ་ས་སྡུད་དོ། །བཟང་ངན་མཉམ་པ་མ་མཉམ་སྟེ། ། [7b] ཡིན་ནམ་སྙམ་པ་ས་སྙམ་མོ། །ཐད་ཀ་ཐད་དྲང་ཐད་རྐྱང་ལ། །བྱ་བ་འཐད་འོས་འ་འཐད་དོ། །གནོད་པས་གཙེ་བ་ག་གཙེ་ཡིན། །རྩེད་མོ་རྩེ་བ་ར་རྩེ་ལ། །སྙིང་བརྩེ་བ་འོག་ར་བརྩེའོ། །ཐོད་གཏུག་གདོང་གཏུག་ག་གཏུག་ལ། །མི་གཙང་རྟུག་པ་ར་རྟུག་གོ། གཞན་ལ་སྟེར་བ་ས་སྟེར་ལ། །མི་ཟད་གཏེར་ནི་ག་གཏེར་རོ། །མུན་པའི་སྨག་ནི་ས་སྨག་ལ། །གཡུལ་གྱི་དམག་དཔུང་ད་དམག་གོ། །གཅན་གཟན་སྟག་ནི་ས་སྟག་ཡིན། །མི་འགྱུར་རྟག་པ་ར་རྟག་ལ། ཕྱེ་མར་འཐག་པ་བ་བཏགས་ཏེ། །བརྟག་དཔྱད་བ་འོག་ར་བརྟག་གོ། །དོན་ལས་མི་འདའ་འ་འདའ་ཡིན། །མྱ་ངན་འདའ་བའང་དེ་བཞིན་ལ། །ལུང་པའི་ཕུ་མདའ་མ་མདའ་སྟེ། །འཕེན་པའི་མདའ་ཡང་དེ་དང་འདྲའོ། །བྱ་བ་མངགས་པ་མ་མངགས་ཏེ། །སྒྲོག་པའི་སྙན་དངགས་ད་དངགས་སོ། །བྱ་བ་བཤོལ་བ་བ་བཤོལ་ལ། ཐོང་པའི་གཤོལ་མདའ་ག་གཤོལ་ལོ། །དུས་ཀྱི་སྔ་ཕྱི་ག་གཟོད་དེ། །བཟོད་སྲན་ཆེ་བ་བ་བཟོད་དོ། །རླན་གྱིས་འདྲུལ་བ་ད་འདྲུལ་ལ། །ལམ་གྱི་འགྲུལ་ནི་ག་འགྲུལ་ལོ། །ཟབ་པའི་གཏིང་ནི་ག་གཏིང་ཡིན། རྗེས་མའམ་རྐང་རྟིང་ར་རྟིང་ལ། །གདན་སོགས་བཏིང་བ་བཏིང་ངོ་། [8a] སྦྱིན་པ་གཏོང་བ་ག་གཏོང་སྟེ། །མེད་པའི་སྟོང་པ་ས་སྟོང་ངོ་། །གྲང་བའི་བསིལ་གྲིབ་བ་བསིལ་ཡིན། །དུམ་བུར་བསིལ་བའང་དེ་བཞིན་ལ། །དྲིལ་བུ་གསིལ་བ་ག་གསིལ་ལོ། །ཤིང་གི་སྡོང་པོ་ས་སྡོང་ལ། །སྡོང་གྲོགས་སྡོང་ཡང་དེ་འདྲ་སྟེ། །བསྡོངས་ཟླར་བ་འཕུལ་ཡང་འཇུག་ཡོད། །ངོ་གདོང་གདོང་འཕྲད་ག་གདོང་ངོ་། །ཞེ་སའི་མཛད་ནི་མ་མཛད་དེ། །ཟད་པའི་འཛད་ནི་འ་འཛད་དེ། །མངོན་སུམ་སྣང་བ་ས་སྣང་ཡིན། །ཟས་ཀྱིས་བརྣང་ནི་བ་ར་བརྣང་། །དུས་ཀྱི་གནང་ཉིན་ག་གནང་སྟེ། །གཞན་ལ་སྟེར་བའང་ག་གནང་ངོ་། །ནམ་མཁའི་མཁའ་ནི་མ་མཁའ་ལ། །ཁ་དོག་ཁ་མཆུ་ཁ་རྐྱང་སྟེ། །འདབ་ཆགས་ཁྭ་ལ་ཝ་ཟུར་ཡོད། །མང་བའི་རྣམས་ནི་ར་རྣམས་ལ། །དུས་ཀྱི་རྣམ་པར་ཡང་འཇུག་མེད། །ཕང་སེམས་ཕང་ནི་ཕང་རྐྱང་ལ། །གནམ་འཕང་འཕང་ལོ་འ་འཕང་ངོ་། །དུག་ལྔའི་ཉོན་མོངས་མ་མོངས་ལ། ཐུན་མོང་མོང་ལ་ཡང་འཇུག་མེད། །དྲི་མ་མནམ་པ་མ་མནམ་སྟེ། །ཕྱག་ན་བསྣམས་པ་བ་ས་བསྣམ་མོ། །ནམ་མཁའི་གནམ་ནི་ག་གནམ་ལ། །གོས་ཀྱི་སྣམ་བུ་ས་སྣམ་མོ། །ཁོང་པའི་སྙིང་ནི་ས་སྙིང་སྟེ། །རྒས་ནས་ཟད་པ་ར་རྙིང་ [8b] ངོ། །རྔན་པའི་གླ་ནི་ག་གླ་ཡིན། །རི་དྭགས་གླ་བའང་དེ་དང་འདྲ། །སྲོག་ཆགས་ཉ་ནི་ཉ་རྐྱང་ལ། །རྐང་པའི་ཉྭ་ལ་ཝ་ཟུར་ཡོད། །བླ་མེད་བླ་མ་བ་བླ་སྟེ། །ཚེགས་མེད་ལས་སླ་ས་སླ་ལ། །བ་འོག་ར་བརླ་རྐང་པའི་བརླའོ། །དྲོད་ཀྱི་རླངས་ནི་ར་རླངས་ཡིན། །གླང་པོ་ཆེ་ནི་ག་གླང་སྟེ། །བླང་དོར་བླང་ནི་བ་བླང་ངོ་། གཅོད་པའི་སྟེའུ་ས་སྟེ་ལ། །རྟ་ཡི་རྟེའུ་ར་རྟེའོ། །གྲལ་ལ་བསྒྲིག་པ་ག་གྲལ་ཡིན། །དྲལ་རྡོལ་དྲལ་བ་ད་དྲལ་ལ། །སོ་སོར་གྱེས་པ་བ་བྲལ་ལོ། །ཁོག་པའི་གྲོད་པ་ག་གྲོད་ཡིན། །ཚ་བའི་དྲོད་ནི་ད་དྲོད་ལ། །དགའ་བྲོད་པ་བ་བྲོད་དོ། །སོ་ཁ་སོ་པ་སོ་རྐྱང་ལ། །སོ་ནམ་སོ་ཡང་དེ་དང་འདྲའོ། །མཚོན་ཆའི་གྲི་ནི་ག་གྲི་ཡིན། །སྣ་ཡི་ཡུལ་ནི་ད་དྲི་ལ། །གཏམ་སོགས་དྲི་བའང་དེ་དང་འདྲ། །ཉུང་དུ་སོང་བ་བ་བྲི་སྟེ། །ཡི་གེ་བྲི་བའང་དེ་བཞིན་ནོ། །རྩི་བའི་གྲངས་ནི་ག་གྲངས་ཡིན། །རེག་བྱ་གྲང་ལ་ཡང་འཇུག་མེད། །སྤྱན་དྲང་དྲང་པོ་ད་དྲང་སྟེ། །ཕོ་བྲང་ལུས་བྲང་བ་བྲང་ངོ་། །གྲོགས་དང་འགྲོགས་པ་ག་གྲོགས་ཏེ། །སྐྲག་ནས་འབྲོས་པ་ད་འདྲོག་གོ། །སྟོབས་ཤུགས་རྩ་ལ་ནི་ར་རྩལ་ལ། །བཀའ་སྩལ་སྩལ་བ་ས་སྩལ་ཏེ། །བ་འོག་ས་བསྩལ་སྩོལ་ཉེ་ [9a] བའོ། །རྒྱུ་འབྲས་རྒྱུ་ནི་ར་རྒྱུ་ཡིན། །ནང་ཁྲོལ་རྒྱུ་མའང་དེ་བཞིན་ལ། །གཡོ་སྒྱུ་སྒྱུ་མ་ས་སྒྱུའོ། །མྱུར་བའི་སྐྱེན་ནི་ས་སྐྱེན་ལ། །རྒྱུ་རྐྱེན་འཕྲལ་རྐྱེན་ར་རྐྱེན་ནོ། །ལུས་ཀྱི་ཞེ་ས་ས་སྐུ་ཡིན། །མ་བྱིན་ལེན་རྐུ་ར་རྐུ་ལ། །ལུས་ཀྱི་བྱེ་བྲག་ད་དཀུའོ། །ནམ་མཁའི་སྐར་མ་ས་སྐར་ཡིན། །ཁ་དོག་དཀར་བ་ད་དཀར་ཏེ། །ལོགས་སུ་བཀར་བ་བ་བཀར་རོ། །འཚོ་བྱེད་སྨན་ནི་ས་སྨན་ལ། །ངན་པའི་དམན་པ་ད་དམན་ནོ། །ར་བ་ར་མ་ར་རྐྱང་ལ། །མགོ་ཡི་རྭ་ལ་ཝ་ཟུར་ཡོད། །ངག་གི་ཞེ་ས་ག་གསུང་སྟེ། །དྲི་ངད་བསུང་བ་བ་བསྲུང་ངོ་། །ལུས་ཀྱི་སྨེ་བ་ས་སྨེ་ལ། །གཙང་རྨེའི་རྨེ་བ་ར་རྨེ་སྟེ། །ཁོང་ཁྲོའི་དམེ་འཁྲུག་ད་དམེའོ། །འབྲུ་ཡི་གྲོ་ནི་ག་གྲོ་ཡིན། །དྲོད་ཀྱི་དྲོ་བ་ད་དྲོ་སྟེ། །རོ་བྲོ་བ་ནི་བ་བྲོའོ། །འབིག་པའི་རྩང་ནི་ར་རྩང་ལ། །ཆུ་ཡི་གཙང་པོ་ག་གཙང་སྟེ། །གཙང་མའི་གཙང་ཡང་དེ་འདྲའོ། །ན་ཚོད་གཞོན་པ་ག་གཞོན་ཏེ། །རྟ་ཡི་བཞོན་པ་བ་བཞོན་ནོ། །མཛེས་པའི་མཚར་སྡུག་མ་མཚར་ལ། །ཚར་དུ་དངར་བ་ཚར་རྐྱང་སྟེ། །གྲངས་ཀྱི་ཚར་ཡང་དེ་དང་འདྲའོ། །གཡོ་བའི་རླུང་ནི་ར་རླུང་ལ། །འབབས་པའི་ཆུ་ཀླུང་ཀ་ཀླུང་ངོ་། །གསུང་རབ་ཀློག་པ་ [9b] ཀ་ཀློག་སྟེ། །གློག་འགྱུ་བ་ནི་ག་གློག་གོ། །འཇིག་པའི་སྐྲག་པ་ས་སྐྲག་ལ། །བཀྲག་མདངས་འོད་ནི་བ་བཀྲག་གོ། །བསང་གསོལ་བསང་དུད་བ་བསང་ལ། །གསང་འོས་གསང་ཚིག་ག་གསང་ངོ་། །གས་ཆག་ཉམས་ཆག་ཆག་རྐྱང་ལ། །འདོད་ཆགས་ཞེ་ཆགས་ཡང་འཇུག་ཡོད། །བརྟུལ་ཕོད་དཔའ་བ་ད་དཔའ་སྟེ། །མཛེས་པའི་སྤ་བ་ས་སྤའོ། །ཁྲི་མུན་བཙོན་ཁང་བ་བཙོན་ལ། །སྦྱོར་བརྩོན་བ་འོག་ར་བརྩོན་ནོ། །མཆོད་པའི་རྟེན་ནི་ར་རྟེན་ཏེ། །གྲོགས་བསྟེན་བ་འོག་ས་བསྟེན་ནོ། །གནོད་བྱེད་འདྲེ་ནི་ད་འདྲེ་ལ། །ཟླ་གྲོགས་ནོར་གྲོགས་ག་གྲོགས་ཏེ། །སྲོག་ཆགས་གྲོག་མར་ཡང་འཇུག་མེད། །ཁུར་བའི་དྲོག་ནི་ད་དྲོག་གོ། །རྐང་ལག་ཞ་བ་ཞ་རྐྱང་ལ། །གྱོན་པའི་ཞྭ་མོར་ཝ་ཟུར་ཡོད། །ཚོན་གྱི་མཐིང་ནི་མ་མཐིང་སྟེ། །རྐང་པ་འཐིང་བ་འ་འཐིང་ངོ་། །ནད་ཀྱི་རྣག་ནི་ར་རྣག་ལ། །ཁ་དོག་གནག་པ་ག་གནག་གོ། །ལུས་ཀྱི་རྔོ་ནི་ར་རྔོ་སྟེ། །དགེ་བསྔོ་བ་འོག་ས་བསྔོའོ། །ཞེ་སྡང་སྡང་སེམས་ས་སྡང་ལ། འཕར་ལྡང་ལྷར་ལྡང་ལ་ལྡང་སྟེ། །ཁ་གདངས་ག་གདངས་ཡང་འཇུག་ཅན། །དབྱངས་ཀྱི་གདངས་ཡང་དེ་དང་འདྲའོ། །གྲངས་ [10a] ཀྱི་དགུ་ནི་ད་དགུ་ལ། །སྐྱེ་རྒུ་ཡོད་རྒུ་མཁོ་རྒུ་སོགས། །མང་བའི་རྒུ་ནི་ར་རྒུའོ། །དབུགས་དབྱུང་གནས་དབྱུང་ད་བ་དབྱུང་། །གཡུང་དྲུང་གཡུང་དྭགས་ག་ཡ་གཡུང་ངོ་། །ས་རྡོའི་རྡོ་ནི་ར་རྡོ་སྟེ། །རྡོ་རྗེའི་རྡོའང་དེ་བཞིན་ལ། །ཤུགས་བདོ་བ་ནི་བ་བདོའོ། །བྲབ་པའི་ལྕག་ནི་ལ་ལྕག་ལ། མཚོན་ཆའི་ལྕགས་ལ་ཡང་འཇུག་ཡོད། །ཕྱི་ནང་ཟང་ཐལ་ཟང་རྐྱང་ལ། །རིན་ཆེན་ཟངས་ལ་ཡང་འཇུག་ཡོད། །ཚོན་མདོག་ནག་ནི་ནག་རྐྱང་ལ། །ཤིང་གི་ནགས་ལ་ཡང་འཇུག་ཡོད། །སྣུམ་ཞག་ཉིན་ཞག་ཞག་རྐྱང་ལ། །འཆིང་ཞགས་ཞགས་པར་ཡང་འཇུག་ཡོད། །དེང་དུས་གནས་སྐབས་དེང་རྐྱང་ལ། །ཕྱིར་དེངས་དེངས་ཤིག་ཡང་འཇུག་ཡོད། །མིང་བརྗོད་གང་ཡང་གང་རྐྱང་ལ། །གངས་རིའི་གངས་ལ་ཡང་འཇུག་ཡོད། །ཤུག་སྡོང་ཤུག་པ་ཤུག་རྐྱང་ལ། སྟོབས་རྩལ་ཤུགས་ལ་ཡང་འཇུག་ཡོད། །སེམས་ཅན་ལུག་ནི་ལུག་རྐྱང་ལ། །ལུགས་སྲོལ་རིང་ལུགས་ཡང་འཇུག་ཡོད། །རྐང་ལག་ལག་པ་ལག་རྐྱང་ལ། །ཞེ་སའི་ལགས་ལ་ཡང་འཇུག་ཡོད། །རབ་མཆོག་རབ་འབྲིང་རབ་རྐྱང་སྟེ། །ཚེ་རབས་ [10b] སྐྱེས་རབས་ཡང་འཇུག་ཡོད། །ཟང་རག་རག་ལས་རག་རྐྱང་ལ། །ཕྲ་རགས་རགས་ལ་ཡང་འཇུག་ཡོད། །ཆམ་ལ་ཕབ་པ་ཆམ་རྐྱང་སྟེ། །ཁ་འཆམ་པ་ནི་འ་འཆམ་ལ། །ཟློས་གར་འཆམས་ལ་ཡང་འཇུག་ཡོད། །ལུས་ཀྱི་པང་ནི་པང་རྐྱང་ལ། །དཔང་འཛུག་དཔང་པོ་ད་འཕུལ་ཅན། །མཐོ་དམན་དཔངས་ལ་ཡང་འཇུག་ཡོད། །པར་བུ་པར་འདེབས་པར་རྐྱང་ལ། །གནས་སྤར་གོང་སྤར་ས་སྤར་རོ། །འཚོ་གཞེས་གླུ་གཞེས་ག་གཞེས་ལ། །བཞེས་པ་ཞལ་བཞེས་པ་བཞེས་སོ། །ཐ་མ་ཐ་སྙད་ཐ་རྐྱང་ལ། །ཐོག་མཐའ་མཐའ་ཡས་མ་འཕུལ་ཅན་ནོ། །དཀོན་མཆོག་དཀོར་རྫས་ད་དཀོར་ཏེ། །འཁོར་བསྐོར་བ་འོག་ས་བསྐོར་རོ། །ནོར་འཇལ་བ་ནི་འ་འཇལ་ལ། གོང་མ་མཇལ་བ་མ་མཇལ་ལོ། ཆུ་ལས་བརྒལ་བ་ར་བརྒལ་ཏེ། །རྒྱབ་ཀྱི་སྒལ་པ་ས་སྒལ་ལོ། །རི་ཡི་སྒང་ནི་ས་སྒང་ལ། །སྣོད་དགང་དབུགས་དགང་ད་དགང་ངོ་། །རྩ་བའི་རྩ་ནི་ར་རྩ་ཡིན། །ལྡུམ་བུ་རྩྭ་ལ་ཝ་ཟུར་ཡོད། །སྤྱན་ལ་བཙའ་བ་བ་བཙའ་སྟེ། །ལྕགས་ཀྱི་བཙའ་ཡང་དེ་དང་འདྲ། །ངོ་མཚར་རྨད་བྱུང་ར་རྨད་ལ། །བསྟོད་སྨད་སྨད་ནི་ས་སྨད་དོ། །ས་བདག་ཀླུ་ནི་ཀ་ཀླུ་ཡིན། །སྙན་ [11a] པའི་གླུ་དབྱངས་ག་གླུ་ལ། །རིན་གྱིས་ཉོ་བ་བ་བླུ་སྟེ། །གཞན་གྱིས་སླུ་བ་ས་སླུའོ། ཐུགས་ལ་བཏགས་པ་བ་བཏགས་ལ། །ཕྱེ་མར་བཏགས་པའང་དེ་འདྲ་སྟེ། །རྒྱབ་ཀྱི་ལྟག་པ་ལ་ལྟག་གོ། །ལག་ཆ་གདེངས་པ་འགྲེང་བུ་སྟེ། །དཔའ་བའི་གདིང་ནི་གི་གུའོ། །འབེབས་པའི་པྲ་ནི་པྲ་རྐྱང་སྟེ། །མགོ་ཡི་སྐྲ་ནི་ས་སྐྲ་ལ། །བཀྲ་ཤིས་བཀྲ་ནི་བ་བཀྲའོ། །དེ་སོགས་མིང་ཚིག་སྒྲ་ཡི་གནད། །ཞིབ་ཏུ་བརྟག་ན་མི་འདྲ་བས། །འཁྲུལ་པ་འབྱུང་བར་མི་སྲིད་ཀྱང་། །རྨོངས་པ་ཕལ་ཆེར་གྱ་ཚོམ་དུ། །ནོར་བར་བྲིས་ཤིང་ནོར་བར་བཀླག ། ལོག་པར་གོ་བས་དོན་འཆུག་སྲིད། །དེས་ན་བརྡ་དག་ལ་བརྟེན་ནས། །མ་ནོར་དོན་རྣམས་འཚོལ་བ་གཅེས། །གང་དག་ཡི་གེ་འབྲི་བ་པོར། །སྙོམས་གཙང་འགྲིག་གསུམ་ལྡན་པ་དང་། །ལེགས་མགྱོགས་དག་གསུམ་དྲུག་ཚང་ན། །མཁས་པའི་གོ་ས་ཐོབ་པ་ཡིན། །ཡིག་གཟུགས་ལེགས་པར་མ་སྦྱངས་ཤིང་། །བརྡ་དག་ཞིབ་ཏུ་མ་བསླབ་པར། །འབྲི་དང་རྩོམ་པའི་ཁུར་ལེན་པ། །རང་སྐྱོན་གཞན་ལ་ངོམས་པར་ཟད། །སུམ་རྟགས་ལ་སོགས་གཞུང་རྒྱ་ཆེའི། །གནམ་འཕང་མ་ཆོད་བློ་གསར་རྣམས། །རང་ཚོད་ས་རྒྱ་བསྐོར་བ་ལ། །དག་ཡིག་བཞོན་ [11b] པ་འདི་འདྲ་བཟང་། །དེ་ཕྱིར་ཐར་འདོད་རྣམས་ལྟ་ཅི། །འཇིག་རྟེན་ལུགས་ལ་འཇུག་རྣམས་ཀྱང་། །ཚུལ་འདི་སྙིང་གི་བདུད་རྩི་རུ། །ངེས་པས་ལེགས་པར་བསྟེན་འཚལ་ལོ། །དེ་ལྟར་བརྡ་དག་བསྟན་བཅོས་གཞུང་། །ཨུ་དུམ་ཝ་རའི་སྐྱེད་ཚལ་ལས། །ཉེར་མཁོའི་དག་ཡིག་པད་དཀར་གྱི། །ཆུན་པོ་ཅུང་ཞིག་བླངས་འདི་ནི། །དཔལ་ལྡན་མི་དབང་བཤད་སྒྲ་བའི། །བཀའ་ལུང་དོ་ཤལ་ཐོད་བཅིངས་ཏེ། །རང་ལོ་ཉེར་དགུ་ཆུ་སྤྲེལ་ལོར། །གཏེར་ཁོག་མཁན་ལྗོངས་དགའ་ཚལ་དུ། །པད་བཀོད་བློ་གསལ་མང་བསྡུས་ནས། །འབྲི་ཀློག་བསླབ་གྲྭ་གསར་འཛུག་གི །དགེ་རྒན་སྲི་ཞུ་ལྷུར་ལེན་སྐབས། །བློ་གྲོས་གསར་བུའི་བྱིས་རྣམས་ཀྱི། །རྣ་བའི་རྒྱན་དུ་སྒྲུབས་ཤིག་ཅེས། །དོན་གཉེར་ཅན་འགས་བསྐུལ་བ་བཞིན། །གོ་བར་སླ་ཞིང་འཇུག་བདེ་བར། །འཇིགས་བྲལ་ཡེ་ཤེས་རྡོ་རྗེས་སྦྱར། །བསོད་ནམས་ཉིན་མོར་བྱེད་པའི་འོད། །འགྲོ་བློའི་པད་ཚལ་ལ་ཕོག་པས། །ཤེས་རབ་འདབ་རྒྱ་ཡོངས་གྲོལ་ཏེ། །རྣམ་གྲོལ་གེ་སར་འཛུམ་བྱེད་ཤོག །ཤྲཱི་བི་ཛ་ཡནྟུ། །སརྦ་དཱ་མངྒ་ལཾ།། །།


Retrieved from "https://dudjom.tsadra.org/index.php?title=DJYD-KABUM-04-NGA-008&oldid=14104"
Dudjom Tersar
Collected Works of the Masters
A Tsadra Foundation initiative designed to house the writings and revelations of the masters of the Dudjom lineage.
Join the Tsadra Foundation mailing list:

Tsadra Foundation
Translation & Transmission Conference
DharmaCloud Tibetan eBooks
Buddha-Nature
Śāntideva's Life and Works
Rinchen Terdzö Chenmo
Damngak Rinpoche Dzö
Dharma Dictionary

About us
Privacy policy
General disclaimer
Site guide

Project Description

Welcome to the Dudjom Tersar Project, a Tsadra Foundation initiative designed to house the writings and revelations of the masters of the Dudjom lineage in a digital format that allows for open access to these materials in authoritative modern Tibetan editions for the sake of scholars, translators, and practitioners the world over.

About us

© Tsadra Foundation. Please feel free to use this website and its content in accordance with fair use policies for teaching, scholarship, education, and research.
See General disclaimer for more information.