TTDL-ZABTER-14-PHA-036: Difference between revisions

From Dudjom Wiki
TTDL-ZABTER-14-PHA-036
No edit summary
m (Text replacement - "ཧོཿ" to "ཧོཿ ")
 
(3 intermediate revisions by the same user not shown)
Line 2: Line 2:
|classification=Tibetan Publications
|classification=Tibetan Publications
|subclass=Tibetan Texts
|subclass=Tibetan Texts
|fulltitletib=དག་སྣང་ཡེ་ཤེས་དྲྭ་བ་ལས༔ རིག་འཛིན་ཧཱུྃ་ཆེན་ཀཱ་རའི་ཞལ་ལུང་པདྨའི་དོ་ཤལ༔
|fulltitle=dag snang ye shes drwa ba las: rig 'dzin hUM chen kA ra'i zhal lung pad+ma'i do shal:
|citation=Khrag 'thung [[Bdud 'joms gling pa]]. ''Dag snang ye shes drwa ba las rig 'dzin hUM chen kA ra'i zhal lung pad+ma'i do shal''. In ''Sprul pa'i gter chen bdud 'joms gling pa'i zab gter gsang ba'i chos sde'', Vol. 14: 315-339. Thimphu, Bhutan: Lama Kuenzang Wangdue, 2004.
|collectiontitletib=བདུད་འཇོམས་གླིང་པ་ཟབ་གཏེར།
|collectiontitle=bdud 'joms gling pa zab gter
|collectiontitle=bdud 'joms gling pa zab gter
|collectiontitletib=བདུད་འཇོམས་གླིང་པ་ཟབ་གཏེར།
|totalvolumes=21
|author=bdud 'joms gling pa
|author=bdud 'joms gling pa
|authortib=བདུད་འཇོམས་གླིང་པ་
|sourcerevealer=bdud 'joms gling pa
|citation=Khrag 'thung [[Bdud 'joms gling pa]]. ''Sprul pa'i gter chen bdud 'joms gling pa'i zab gter gsang ba'i chos sde'', Vol. : . Thimphu, Bhutan: Lama Kuenzang Wangdue, 2004.
|tibgenre=Treasure Certificates - lung byang
|language=Tibetan
|terma=Yes
|pagestatus=Temporary stub only
|cycle=dag snang ye shes drwa ba
|cycletib=དག་སྣང་ཡེ་ཤེས་དྲྭ་བ་
|volumenumber=14
|volumenumber=14
|volumeLetter=PHA
|volnumtib=༡༤
|volyigtib=ཕ
|totalvolumes=21
|textnuminvol=036
|textnuminvol=036
|pagenumbers=315-339
|totalpages=25
|beginfolioline=1a1
|endfolioline=13a6
|totalfolios=13
|multivolumework=No
|rectonotes=lung byang
|versonotes=bdud 'joms zab gter
|pdflink=File:TTDL-ZABTER-14-PHA-036.pdf
|pdflink=File:TTDL-ZABTER-14-PHA-036.pdf
|authortib=བདུད་འཇོམས་གླིང་པ་
|sourcerevealertib=བདུད་འཇོམས་གླིང་པ་
|volumeLetter=PHA
|InitCategories=Dudjom Tersar Project; TTDL-ZABTER-Volume-14-PHA
|InitCategories=Dudjom Tersar Project; TTDL-ZABTER-Volume-14-PHA
}}
}}
<h1>Tibetan Text</h1>
<h1>Tibetan Text</h1>
<onlyinclude>
<onlyinclude>
{{TibP|བརྡ་ཡིག་༠༠༠༠༠༠༔ དག་སྣང་ཡེ་ཤེས་དྲྭ་བ་ལས༔ རིག་འཛིན་ཧཱུྃ་ཆེན་ཀཱ་རའི་ཞལ་ལུང་པདྨའི་དོ་ཤལ་བཞུགས་སོ༔  
{{TibP|༁ྃ༔  དག་སྣང་ཡེ་ཤེས་དྲྭ་བ་ལས༔ རིག་འཛིན་ཧཱུྃ་ཆེན་ཀཱ་རའི་ཞལ་ལུང་པདྨའི་དོ་ཤལ་བཞུགས་སོ༔  
བརྡ་ཡིག་༠༠༠༠༠༠༔ ན་མོ་གུ་རུ་པདྨ་ཀ་ར་ཡེ༔ བརྡ་ཡིག་༠༠༠༠༠༠༣༡༦༔ དུས་གསུམ་རྒྱལ་བ་སྲས་བཅས་ཀྱི༔ ཐུགས་ཆོས་ཉིད་རོལ་པར་རོ་གཅིག་པའི༔ གདངས་གདུལ་བྱའི་སྣང་ངོར་ཆུ་ཟླའི་གར༔ ལྷ་ཨོ་རྒྱན་མཚོ་སྐྱེས་རྗེ་ལ་འདུད༔ ཡོས་གསེར་གྱི་རི་ལ་བབ་པའི་ལོར༔ ལྷོ་གཡུ་འབྲུག་སྔོན་མོའི་བློན་བྱེད་ཅིང་༔ གྲངས་བཅུ་ཕྲག་དམག་ལ་བབ་པ་ཡི༔ མཚོན་འོད་བརྒྱའི་གསལ་ལམ་ངོམས་པའི་ཚེ༔ ཉམས་འོད་གསལ་འདྲེས་པའི་སྣང་ཆ་ལ༔ གནས་ཟངས་མདོག་དཔལ་རི་ཡིན་སྐད་པའི༔ ཞིང་བཀོད་ལེགས་ཡོན་ཏན་ཕུན་ཚོགས་པ༔ སེམས་བདེ་སྟོང་རོ་ཡིས་མྱོས་བྱེད་པའི༔ གནས་དེ་རུ་འཇའ་འོད་གུར་ཁྱིམ་ནང་༔ ལྷ་དཔའ་བོ་མཁའ་འགྲོའི་ཚོགས་ཀྱི་དབུས༔ དཔལ་རིག་འཛིན་རྒྱལ་པོ་ཧཱུྃ་ཀཱ་ར༔ སྐུ་རབ་ཏུ་བསྒྲེས་པའི་རྣམ་འགྱུར་ཅན༔ མི་བདག་ལ་སྤྱན་གྱིས་ཧྲིག་གེར་གཟིགས༔ ཞལ་འཛུམ་པའི་མདངས་ཀྱིས་འདི་སྐད་གསུངས༔ སྔོན་འཛིན་པ་ནག་པོའི་བསྐལ་པ་ལ༔ ཁྱོད་ང་དང་གཉིས་སུ་མེད་པ་སྟེ༔ ད་དབྱིངས་ཞིག་བསྐལ་པའི་དུས་ཤིག་ན༔ འབྲོག་ཁྱེའུ་ཆུང་ལོ་ཙཱ་དེ་རུ་ཤར༔ ཡང་བསྐལ་པ་དེ་ཡི་སྐབས་ཤིག་ན༔ གྲུམ་མཁར་ནག་ཅན་གྱིས་གདུལ་བྱ་འདུལ༔ ཡང་བསྐལ་པ་དེ་ཡི་སྐབས་ཤིག་ན༔ དཔལ་ཧེ་པ་ཆོས་འབྱུང་ཞེས་སུ་གྲགས༔ ཡང་བསྐལ་པ་དེ་ཡི་སྐབས་ཤིག་ན༔ དཔལ་ལྷ་བཙུན་སྔོན་མོས་གདུལ་བྱ་སྐྱོངས༔ ཡང་བསྐལ་པ་དེ་ཡི་དུས་སྐབས་ན༔ དཔལ་ཁྲག་འཐུང་བདུད་འདུལ་རྣམ་གཉིས་གྲགས༔ ད་བསྐལ་པ་སྡུད་བྱེད་དུས་འདི་ན༔ ང་གཞི་དབྱིངས་ངོ་བོར་སངས་རྒྱས་ཀྱང་༔ ཁྱོད་སྒྱུ་མའི་འཕྲུལ་བཞིན་རྩལ་དུ་ཤར༔ དོན་གཉིས་མེད་རོལ་པར་དབྱིངས་སུ་བསྡུ༔ ཞེས་ཟེར་ལན་དུ་ངས་འདི་སྨྲས༔ ཀྱཻ༔ གདོད་མ་གཞི་ཡི་སངས་རྒྱས་ལགས༔ ངས་ཚེ་གཅིག་ལྷ་བསྒོམ་སྔགས་ཀྱང་བཟླས༔ དོན་ཟབ་མོའི་འོད་གསལ་རྫོགས་ཆེན་བསྒོམ༔ ཕྱི་གཞན་དོན་འགྲུབ་པ་ལྟ་ཞོག་དང་༔ ནང་རང་དོན་སྤུ་ཙམ་མ་འགྲུབ་ཁར༔ རྐྱེན་བར་ཆད་ཡོ་ལངས་རླུང་ལྟར་གཡོས༔ ཆོས་སྒྲུབ་ལ་དོན་འགོ་མ་མཆིས་སམ༔ ངའི་ཆོས་ལ་བྱིན་ནུས་ཡོད་དམ་མེད༔ གཞན་བུ་སློབ་སྐྱོངས་ཚད་མ་སླེབས་སམ༔ དཔལ་རིག་འཛིན་བླ་མས་བསྟན་དུ་གསོལ༔ ཞེས་ཞུས་པས་གུ་རུས་བཀའ་སྩལ་པ༔ ཁྱོད་བསྐྱེད་རིམ་ནུས་པ་ཐིག་ལེར་ཐེབས༔ སེམས་ཡི་དམ་ལྷ་རུ་རྣམ་པར་སྨིན༔ དོན་ཆོས་ཉིད་བདེན་པ་མངོན་སུམ་མཐོང་༔ སྔགས་ནུས་པ་རྩ་རླུང་ལ་ཐེབས་མཐུས༔ ཁྱོད་མགྲིན་པ་ལོངས་སྤྱོད་རྩ་མདུད་གྲོལ༔ དེས་བརྡའ་དང་གདམས་པའི་གཏེར་མཛོད་རྡོལ༔ དོན་ངེས་གསང་སྙིང་པོ་བསྒོམས་པའི་མཐུས༔ ཚེ་འདི་རུ་ཆོས་སྐུའི་རྒྱལ་སྲིད་ཐོབ༔ ཡུལ་དད་ལྡན་རྒྱུད་ལ་རྟོགས་པ་འཕོ༔ དོན་ཡོན་ཏན་མངོན་དུ་གྱུར་དེ་ཀ༔ སྔོན་ཚེ་རབས་དུ་མའི་ལས་འབྲས་དང་༔ བདུད་སྨོན་ལམ་ལོག་པའི་སྟོབས་དབང་གིས༔ རྐྱེན་བར་ཆད་ཡོ་ལངས་སྐབས་སུ་འབྱུང་༔ སྔོན་ཨོ་རྒྱན་ཆེན་པོའི་ཞལ་ན་རེ༔ ང་ཡི་གཏེར་དང་འཕྲད་པའི་སྐྱེས་བུ་ལ༔ མི་རུང་བདུད་ཀྱི་ཆོ་འཕྲུལ་སྣ་ཚོགས་འབྱུང་༔ ཞེས་དང་༔ ང་ཡི་གཏེར་དང་འཕྲད་པའི་སྐྱེས་བུ་ལ༔ མི་དང་ལྷ་འདྲེས་ཕྲག་དོག་གདུག་རྩུབ་ཀྱིས༔ མི་ཡིས་སྐུར་འདེབས་མི་མིན་ཆོ་འཕྲུལ་སྟོན༔ ཅེས་དང་༔ ལས་འཕྲོ་ང་ཡི་གཏེར་དང་འཕྲད་པའི་ཚེ༔ བདུད་ཀྱི་སྐབས་ལྟ་གླགས་ཚོལ་རྒྱུ་རྐྱེན་གྱིས༔ སྐུར་འདེབས་ངན་སྨྲས་དགྲ་ཇག་ཆོམ་པོ་འབྱུང་༔ ཞེས་དང་༔ ལས་ཅན་ང་ཡི་གཏེར་དང་འཕྲད་པའི་ཚེ༔ རྒྱ་བོད་ལྷ་འདྲེ་མ་རུངས་ཐམས་ཅད་ཚོགས༔ ལེགས་པ་ལྟར་སྟོན་ཉེས་པ་སྣ་ཚོགས་འབྱུང་༔ ཞེས་སོགས་རྡོ་རྗེའི་ལུང་བཞིན་ཤེས་པར་མཛོད༔ རྫོགས་པའི་སངས་རྒྱས་དེ་བཞིན་གཤེགས་པ་ལ༔ སྡིག་ཏོ་བདུད་ཀྱིས་སྐབས་ཚོལ་གླགས་བལྟས་ནས༔ སྣ་ཚོགས་ལས་ཀྱི་ལ་ཡོག་འདོར་བས་ན༔ སྐྱེས་བུ་གཞན་ལ་འབྱུང་བ་ལྟ་ཅི་སྨོས༔ བརྫུས་སྐྱེས་སྤྲུལ་སྐུ་པདྨ་འབྱུང་གནས་ལ༔ མི་དང་མི་མིན་བར་ཆད་བརྩམ་ལ་ལྟོས༔ འགྲོ་བ་གཞན་ལ་འབྱུང་བ་སྨོས་ཀྱང་ཅི༔ དེ་ཕྱིར་ཡི་ཆད་བཏང་བ་བློ་རེ་ཆུང་༔ རང་རང་ལས་དང་སྐལ་པར་མི་ལྡན་ན༔ ཟབ་མོའི་ཆོས་དང་འཕྲད་ཀྱང་འཚེང་བ་མིན༔ སངས་རྒྱས་ཐུབ་པའི་འབངས་གྱུར་ལེགས་སྐར་དང་༔ པད་འབྱུང་འབངས་གྱུར་བདུད་བློན་བཙུན་མོ་སོགས༔ ལས་ངན་ལམ་ལས་བཟློག་ཐབས་མེད་བཞིན་དུ༔ དམུ་རྒོད་སྐལ་མེད་སེམས་ཅན་ལས་ངན་པ༔ ཆོས་སྒོར་བཙུད་ཀྱང་འཛུད་པར་འགྱུར་མིན་གྱི༔ སློབ་ངན་དག་ལ་སྡང་སེམས་མ་བྱེད་ཅིག༔ འཁོར་བ་མཐའ་ཅན་འགྱུར་ལ་ཅི་ཆ་ཡོད༔ བླ་མ་མཆོག་ལ་ཡོན་ཏན་ཕུན་ཚོགས་ཀྱང་༔ སློབ་མ་ལས་དང་སྐལ་བར་མི་ལྡན་ན༔ སྨིན་གྲོལ་ནུས་པ་འཇུག་པའི་ཡུལ་སྟོང་ངོ་༔ ཡིད་བཞིན་རིན་ཆེན་ཡོན་ཏན་གྱིས་བརྒྱན་ཀྱང་༔ བསྙེན་བཀུར་གསོལ་འདེབས་བྱེད་པའི་མི་མེད་ན༔ དགོས་འདོད་ལོངས་སྤྱོད་འབྱུང་བར་མི་འགྱུར་དཔེ༔ སྤང་ན་སྐྱོན་ཀུན་ཟད་པའི་སྐྱེས་བུ་ལ༔ མཐོང་ཐོས་ཐམས་ཅད་ཡོན་ཏན་མཆོག་ཏུ་མངོན༔ དེ་མིན་རང་སྐྱོན་ལྡན་པའི་སྐྱེས་བུ་ཡིས༔ མིག་ལ་སངས་རྒྱས་མཐོང་ཡང་སྐྱོན་དུ་མཐོང་༔ བླ་སློབ་སྐྱོན་བརྟགས་རྩར་གཅོད་སྤང་བ་གནད༔ གལ་ཏེ་སྐྱོན་བརྟགས་རྩར་གཅོད་བྱེད་དྲག་ན༔ དམ་ཉམས་རྡོ་རྗེ་དམྱལ་བར་ལྟུང་ངེས་འགྱུར༔ ཨེ་མ༔ ཡང་ཅིག་གསོན་དང་སྐལ་ལྡན་བུ༔ ཆོས་ཉིད་ནམ་མཁའ་མཛོད་ཀྱི་འཕྲུལ༔ ཟབ་ཆོས་དག་སྣང་སྐོར་གསུམ་དང་༔ མཁའ་འགྲོ་འདུས་པའི་སྙིང་ཐིག་ནི༔ དུས་གསུམ་རྒྱལ་བའི་དགོངས་རྒྱས་བཏབ༔ རིག་འཛིན་བླ་མས་དགོངས་རྒྱས་བཏབ༔ མ་དང་མཁའ་འགྲོས་བརྡ་རྒྱས་བཏབ༔ དམ་ཅན་རྒྱ་མཚོས་སྲོག་རྒྱས་བཏབ༔ དགོངས་པ་ཀློང་ཆེན་ཡངས་པ་རུ༔ ཏིང་འཛིན་ནམ་མཁའ་མཛོད་ཀྱི་འཕྲུལ༔ ཡེ་ཤེས་རོལ་པའི་བཅུད་དུ་དྲིལ༔ འབྲེལ་ཚད་རྣམ་པར་གྲོལ་བའི་ཆོས༔ གང་གིས་མཐོང་ཐོས་དྲན་རེག་མི༔ སྐྱེ་བ་བདུན་ནས་གྲོལ་བའི་སྟོབས༔ དེང་སང་རྟེན་འབྲེལ་དུས་བབས་དུས༔ གཏན་ལ་ཕབ་པའི་དུས་ཚིགས་ཡིན༔ གཏེར་སྒྲུབ་འོད་གསལ་སྦུབ་འཇུག་པ༔ ཡང་གསང་དོན་གྱི་སྒྲུབ་པ་ཡིན༔ སྔོན་བྱུང་ལུང་གིས་གྲུབ་པ་ཡང་༔ གཏེར་སྟོན་སངས་རྒྱས་བླ་མའི་གཏེར་ལུང་ལས༔ ལྔ་བརྒྱའི་དུས་སུ་ཁམས་ཀྱི་གསེར་ལུང་དུ༔ བདུད་འཇོམས་རྡོ་རྗེས་ཟབ་གཏེར་སྒོ་ཡང་འབྱེད༔ ཡང་ཅིག་བོན་པོ་ལྷ་འབུམ་གཏེར་ལུང་ལས༔ གཏེར་སྟོན་བདུད་འཇོམས་རྡོ་རྗེ་ཁྲོ་ལོད་ཀྱིས༔ ཟབ་གཏེར་སྒོ་འབྱེད་སྙིང་ཐིག་བསྟན་པ་སྐྱོངས༔ ཡང་ཅིག་གྲུབ་ཐོབ་མཁར་ནག་གཏེར་ལུང་ལས༔ སྙིགས་མའི་ཡང་མཐར་ཁྱོད་ཉིད་ཡང་སྲིད་དེ༔ བདུད་འཇོམས་དཔའ་བོས་མཁའ་འགྲོའི་སྙིང་ཐིག་འདོམས༔ ཡང་ཅིག་སངས་རྒྱས་གླིང་པའི་གཏེར་ལུང་ལས༔ ཡབ་ནི་སྔགས་འཆང་རྣལ་འབྱོར་ཞིག་པོའི་ཚུལ༔ སྤྲོ་ཐུང་སྐྱོ་ཤས་བརྩོན་འགྲུས་ཆོས་ལ་སྤྱོད༔ སྨྱོན་པའི་མིང་ཅན་སྒྲུབ་ལ་མངའ་བརྙེས་འབྱུང་༔ ཡང་ཅིག་ཇ་རུང་སྨན་པའི་གཏེར་ལུང་ལས༔ མ་འོངས་བསྐལ་པ་རྩུབ་འགྱུར་ཡང་མཐའི་དུས༔ པད་འབྱུང་ང་ཉིད་བདུད་འཇོམས་རྡོ་རྗེར་སྤྲུལ༔ ཅེས་དང་ར་ཤག་པ་ཡི་གཏེར་ལུང་ལས༔ ཁམས་ཀྱི་ས་ཆར་འབྲོག་མིའི་སྤྲུལ་པ་འབྱུང་༔ སྙིང་གར་ཤ་མཚན་སྨུག་ནག་གྲུ་གསུམ་ཤར༔ ཡང་ཅིག་ཨོ་རྒྱན་གླིང་པའི་གཏེར་ལུང་ལས༔ གཏེར་སྟོན་རྡོ་རྗེ་ཁྲོ་ལོད་ཞེས་བྱ་འབྱུང་༔ ཡང་ཅིག་བདུད་འདུལ་རྡོ་རྗེའི་གཏེར་ལུང་ལས༔ གར་དབང་ལྷ་ཡི་མིང་ཅན་བརྟུལ་ཞུགས་ལྡན༔ མཆན་གཡས་སྨེ་བ་ནོར་བུའི་དབྱིབས་འདྲ་ཡོད༔ ཅེས་དང་བདུད་འཇོམས་རྡོ་རྗེ་ཁྱུང་དྲག་རྩལ༔ ཡང་ཅིག་གཡག་ཕྱར་སྔོན་མོའི་གཏེར་ལུང་ལས༔ སྙིགས་དུས་པད་འབྱུང་རྡོ་རྗེ་ཁྲོ་བོ་ལོད༔ མི་ཡི་རྫུ་ལ་ཞུགས་ནས་གདུལ་བྱ་སྐྱོངས༔ ཡང་ཅིག་བདུད་འདུལ་གཉིས་པའི་ཞལ་ན་རེ༔ ཆུ་སྦྲུལ་ལོ་ལ་ང་ཉིད་དབྱིངས་སུ་གཤེགས༔ ཤིང་མོ་ལུག་ལོར་ཁམས་ཀྱི་གསེར་ལུང་དུ༔ ང་ཉིད་བདུད་འཇོམས་རྡོ་རྗེ་ཞེས་བྱར་འགྱུར༔ ལུས་ལ་ལྟེ་སྨེ་སྙིང་གར་གྲུ་གསུམ་ཤར༔ རྣ་ལྟག་གཡས་སུ་སེང་ཞལ་སྨེ་ཤ་ཤར༔ ཟབ་གཏེར་རྣམ་གཉིས་སྒོ་འབྱེད་འབྲེལ་ཚད་ཀུན༔ ལྷོ་ནུབ་པདྨ་འོད་དུ་ལམ་སྣ་འདྲེན༔ ཡུམ་ཡང་ཤ་ཟ་ཌཱ་ཀིའི་སྤྲུལ་པ་མཆོག༔ པུཎྱེའི་མིང་ཅན་སྨྱོན་པའི་ཚུལ་དུ་སྤྱོད༔ དེ་ལ་སངས་རྒྱས་གླིང་པའི་གཏེར་ལུང་ལས༔ ཡུམ་ནི་དུར་ཁྲོད་ཌཱ་ཀིའི་རིགས་ཅན་ལ༔ རྒྱན་གྱི་མིང་འཛིན་ཁྲོ་གཏུམ་ཅན་ཞིག་འབྱུང་༔ བདུད་འདུལ་རྡོ་རྗེས༔ མཁའ་འགྲོའི་གཙོ་མོ་ལྷ་ལྕམ་ཁྲོམ་པ་རྒྱན༔ བུདྡྷའི་མིང་འཛིན་བདེ་ཆེན་རོལ་པར་སྟོབ༔ བལ་འབངས་སྤྲུལ་པ་སྒྲོན་གྱི་མིང་མཐའ་ཅན༔ བདེ་སྟོང་ཡེ་ཤེས་བསྐྱེད་པའི་མཛའ་ན་མོ༔ བུ་ཡང་ཆོས་རྒྱལ་ཡབ་སྲས་ཨ་ཙར་དབྱངས༔ ཡར་ལུང་སྦ་མིའི་སྤྲུལ་པ་དང་བཅས་འབྱུང་༔ དེས་དུས་རྗེ་འབངས་སྤྲུལ་པ་བཅུ་དྲུག་འཛོམ༔ ཅེས་གསུངས་པ་དང་༔ འཇིགས་མེད་ཕྲིན་ལས་འོད་ཟེར་གྱིས༔ མགོ་དམན་ལ་ལྕགས་ཀྱི་མྱུ་གུ་འབྱུང་༔ མི་འགྱུར་ནམ་མཁའི་རྡོ་རྗེས༔ སྟག་སེར་ཁྲ་ལ་ཞོན་པའི་རྩ་བ་གསུམ༔ སྤྲུལ་པ་མཆོག་རྡོ་རྗེ་ཁྲོ་བོ་ལོད༔ ཤར་དེ་ནས་ཆུ་ལྷའི་ཕྱོགས་སུ་འབྱོན༔ འོད་བརྒྱ་པར་རི་བོང་འཛིན་པ་ཤར༔ ཅེས་སོགས་ལུང་གིས་བསྟན་པ་མང་ལགས་ཀྱང་༔ མདོ་ཙམ་ལས་ནི་མ་སྨྲོས་གྲངས་ལ་འཛེམས༔ དེ་ལྟར་འཕགས་པའི་ལུང་གིས་གྲུབ་པ་ཡིས༔ ཟབ་མོའི་ཆོས་ལ་ཐེ་ཚོམ་མ་བྱེད་དང་༔ གདུལ་བྱ་དུས་ལ་ཅུང་ཟད་མ་བབས་ཀྱིས༔ དུས་བབ་ཚད་དུ་ཕྱིན་ཚེ་འགྲོ་དོན་འབྱུང་༔ དེང་དུས་དཔོན་སློབ་ཀུན་གྱི་དད་བརྩོན་ནས༔ ངེས་པར་དངོས་གྲུབ་ཐོབ་ངེས་རེ་བྱེད་ན༔ གདུལ་བྱ་ཐེར་འབུམ་ཡང་དག་ས་ལ་སྦྱོར༔ ཁྱད་པར་ཁྱོད་ནི་སེ་ཕུང་ནག་པོ་དང་༔ མུ་སྟེགས་ལྟ་བ་ལོག་པའི་ཁ་གནོན་ཏེ༔ ཕྱི་རོལ་རིག་སྔགས་བཟློག་པའི་ཐབས་ལ་འབད༔ ཅེས་གསུངས་པ་ལ་བདག་གིས་འདི་སྐད་ཞུས༔ ཀྱཻ་ཧོཿརྒྱལ་བའི་སྤྱི་གཟུགས་བླ་མ་རྗེ༔ ཐུགས་རྗེ་བརྩེ་བ་ཆེན་པོས་དགོངས༔ བདག་གི་སྡང་བའི་དགྲ་འདི་ལ༔ འདུལ་བའི་སྔགས་མཁན་སུ་ལ་བྱེད༔ འདུལ་བྱེད་བཀའ་སྲུང་གང་གིས་མཆོག༔ མ་ཧཱ་གུ་རུས་བསྟན་དུ་གསོལ༔ མ་ཧཱ་གུ་རུའི་ཞལ་ན་རེ༔ ཀྱཻ་ཧོཿསྐལ་ལྡན་སྐྱེས་བུ་དམ་པ་ཁྱོད༔ སྡང་དགྲ་འདུལ་བའི་སྔགས་མཁན་གྱི༔ དཔུང་གཡས་སྨེ་ནག་སུམ་ཚོམ་ཤར༔ མངོན་སྤྱོད་གྲུབ་པའི་སྔགས་མཁན་གྱི༔ མཁལ་ཁུང་གཡོན་ན་སྨེ་ཤ་ཡོད༔ མངོན་སྤྱོད་གྲུབ་པའི་སྔགས་མཁན་གྱི༔ སོག་པ་གཡས་སྟེང་སྨེ་བ་ཡོད༔ མངོན་སྤྱོད་གྲུབ་པའི་སྔགས་མཁན་གྱི༔ པུས་མོའི་སྟེང་ན་སྨེ་བ་ཡོད༔ མངོན་སྤྱོད་གྲུབ་པའི་སྔགས་མཁན་གྱི༔ མིག་འོག་སྨེ་བའི་ཐིག་ཚོམ་ཡོད༔ མངོན་སྤྱོད་གྲུབ་པའི་སྔགས་མཁན་གྱི༔ ལག་རྒྱབ་སྨེ་བའི་ཚོམ་བུ་ཡོད༔ མངོན་སྤྱོད་གྲུབ་པའི་སྔགས་མཁན་གྱི༔ ལག་མཐིལ་གཡས་སུ་སྨེ་བ་ཡོད༔ མངོན་སྤྱོད་གྲུབ་པའི་སྔགས་མཁན་གྱི༔ ནུ་མ་གཡོན་འོག་སྨེ་བ་ཡོད༔ མངོན་སྤྱོད་གྲུབ་པའི་སྔགས་མཁན་གྱི༔ མགུལ་ལ་སྨེ་བའི་ཕྲེང་བ་ཤར༔ མངོན་སྤྱོད་གྲུབ་པའི་སྔགས་མཁན་གྱི༔ ཟ་འགྲམ་སྟེང་ན་སྨེ་ཤ་ཡོད༔ མངོན་སྤྱོད་གྲུབ་པའི་སྔགས་མཁན་གྱི༔ ལུས་ལ་མེ་ལྕེའི་རི་མོ་ཡོད༔ མངོན་སྤྱོད་གྲུབ་པའི་སྔགས་མཁན་གྱི༔ བྲང་ལ་ཤ་མཚན་མིག་འདྲ་ཡོད༔ མངོན་སྤྱོད་གྲུབ་པའི་སྔགས་མཁན་གྱི༔ རྩིབ་ལོག་གཡོན་ན་སྨེ་བ་ཡོད༔ མངོན་སྤྱོད་གྲུབ་པའི་སྔགས་མཁན་གྱི༔ རྒྱབ་ཤ་སྨེ་ཤ་ནག་པོ་ཡོད༔ མངོན་སྤྱོད་གྲུབ་པའི་སྔགས་མཁན་གྱི༔ ལུས་ལ་སྨེ་དཀར་ཐིག་པ་ཤར༔ འདི་དག་མངོན་སྤྱོད་ལས་ལ་དབང་༔ བཀའ་སྲུང་གནོད་སྦྱིན་ཆེན་པོ་ལ༔ དགྲ་སྲོག་དམར་འབྱིན་ནུས་པ་ཡོད༔ དྲང་སྲོང་ཁྱབ་འཇུག་ཆེན་པོ་ལ༔ དགྲ་དབུགས་འཕྲོག་པའི་ནུས་པ་ཡོད༔ བཀའ་སྲུང་བདུད་མགོན་ནག་པོ་ལ༔ དགྲ་སྙིང་དམར་འབྱིན་ནུས་པ་ཡོད༔ དྲང་སྲོང་ཁྱབ་འཇུག་ཆེན་པོ་ནི༔ མཚན་མོ་མུན་པའི་སྨག་ལ་རྦད༔ བཀའ་སྲུང་གནོད་སྦྱིན་དམར་ནག་ནི༔ དགུང་མོ་དམར་ཐག་ཆད་དུས་རྦད༔ གུང་གཉིས་མ་འཆུག་དུས་སུ་རྦད༔ དེ་ཡིས་དགྲ་བོ་ངེས་པར་སྒྲོལ༔ ཅེས་གསུངས་སོ༔ ཡང་བདག་གིས༔ ཀྱཻ༔ ཁྱབ་བདག་རྒྱལ་པོ་བླ་མ་རྗེ༔ བདག་གི་ཟབ་ཆོས་བཀའ་བབ་པའི༔ ཆོས་ཀྱི་བདག་པོ་ཇི་ལྟར་ལགས༔ སྔོན་གྱི་ལས་འབྲེལ་གང་ལ་ཡོད༔ གུ་རུ་ཉིད་ཀྱིས་བསྟན་དུ་གསོལ༔ ཞེས་ཞུས་གུ་རུའི་ཞལ་སྔ་ནས༔ ཉོན་ཅིག་ཁྲག་འཐུང་བདུད་འཇོམས་གླིང་༔ སྔོན་ཚེ་དཔལ་གྱི་བསམ་ཡས་སུ༔ མཁན་སློབ་ཆོས་རྒྱལ་ཞལ་སྔ་རུ༔ རྗེ་འབངས་འབངས་ཚོགས་འདུ་བ་མཛད༔ དེ་ཚེ་མངའ་བདག་རྒྱལ་པོ་ཡིས༔ ཀྱཻ༔ དུས་གསུམ་མཁྱེན་པའི་སངས་རྒྱས་ལགས༔ དེ་རིང་ཚོགས་ཀྱི་དགའ་སྟོན་དུས༔ མ་འོངས་བསྐལ་པའི་སྙིགས་མ་ལ༔ གདུལ་བྱའི་མགོན་དུ་སྐྱེས་བུ་གང་༔ དེ་རིང་དབང་བསྐུར་ལུང་བསྟན་གསོལ༔ དེ་ཚེ་ཨོ་རྒྱན་ཆེན་པོ་ཡིས༔ ཀྱཻ༔ ཉོན་ཅིག་མངའ་བདག་ཆོས་ཀྱི་རྒྱལ༔ རྩུབ་འགྱུར་དུས་ཀྱི་བསྐལ་པ་ལ༔ བདུད་པོ་མི་སྲུན་སྤུན་གསུམ་གྱིས༔ ཧོར་གྱི་ཡུལ་འཛིན་རྒྱལ་ཁམས་དཀྲུགས༔ དེ་དུས་མངའ་བདག་རྒྱལ་པོ་ཉིད༔ གླིང་རྗེ་གེ་སར་དགྲ་འདུལ་གྲགས༔ དེ་ལ་གྲུབ་ཆེན་སུམ་ཅུས་བསྐོར༔ བདུད་ཡུལ་མུན་པའི་གྲོང་ཁྱེར་བཅོམ༔ སེ་ཕུང་སྤྲུལ་པ་སྟོད་དུ་འབྲོས༔ དེ་ལ་སྟོད་ཧོར་ཞེས་བྱ་བའི༔ མུ་ཏོ་བདུད་ཀྱི་ཡུལ་གཅིག་འབྱུང་༔ སྙིགས་དུས་བོད་ཁམས་འཇོམས་པར་ཆས༔ དེ་ཚེ་ཁྱེའུ་ཆུང་ལོ་ཙཱ་ཉིད༔ བདུད་འདུལ་རྡོ་རྗེའི་སྐུར་བཞེངས་ནས༔ རྡོ་རྗེ་བཅུ་གསུམ་འཁོར་དང་བཅས༔ ཡང་ཟབ་གཏེར་གྱིས་གདུལ་བྱ་སྐྱོངས༔ སྤུ་རི་དྭགས་རྫོང་ཕུག་ཉིད་ནས༔ ཡང་ཟབ་གཏེར་སྨྱོན་སྤྱོད་པའི་ཚེ༔ སྟོད་ཧོར་གདུག་པའི་མགོ་འཕང་མནོན༔ དེ་འོག་ཙཱ་རིའི་ཉེ་འདབས་སུ༔ བདུད་པོ་ཐོད་ཁུར་ཅན་གྱི་སྡེས༔ བོད་ཁམས་མི་བདེའི་ལ་ཡོག་འདོར༔ དེ་ཕྱིར་ཁྱེའུ་ཆུང་ལོ་ཙཱ་ཡང་༔ བདུད་འདུལ་དྲག་པོ་རྩལ་དུ་བཞེངས༔ པདྨ་བཀོད་དང་འབྲས་ལྗོངས་ནས༔ ཟབ་མོ་གཏེར་གྱི་སྒོ་ཕྱེས་ནས༔ ནག་པོ་བདུད་ཀྱི་མགོ་འཕང་གནོན༔ དེ་འོག་སེ་ཕུང་སྨོན་ལོག་པས༔ བདུད་ཀྱི་སྤྲུལ་པ་བདུན་བྱུང་ནས༔ དམེ་འཁྲུགས་མཚོན་གྱི་ཡོ་ལངས་འགྱེད༔ སྟག་ལ་མཚོན་གྱི་སྡོང་པོ་འབྱུང་༔ འཁོར་བའི་ཁྲག་གི་ཆར་པ་འདེབས༔ མགོ་ཡུལ་ལ་ལ་དུག་སྡོང་སྐྱེས༔ གཡབ་པའི་རླུང་གིས་ཡུལ་འགའ་འཇོམས༔ རྗེས་ལ་དུག་སྦལ་མགོ་དགུ་འབྱུང་༔ ཁ་རླངས་འཚུབས་མས་གྲོང་འགའ་སྡུད༔ གསེར་གྱི་མེ་ཏོག་གཅིན་གྱིས་བསྐམ༔ རྒྱ་མ་བོད་དུ་བདུད་བྱ་འབྱུང་༔ ཁྲག་གིས་ལུས་བྱུག་དབུས་སུ་འགྲོ༔ ངང་ཁྱུ་དཀྲུགས་ཅིང་འཁྲུགས་པ་ཡིས༔ འཐབ་འཁྲུགས་རོ་ཡི་གྲམ་ཁྲོད་བརྡལ༔ ཧོར་ལ་སྦྲུལ་ནག་སྟོབས་ལྡན་འབྱུང་༔ རྒྱལ་པོའི་དབང་འཕྲོག་ལུགས་གཉིས་འཛིན༔ ངང་པའི་ཁ་ན་གླ་རྩི་བྱུང་༔ རླངས་ཕོག་ཙམ་ནས་ཟ་ཁ་བརྡེབ༔ ངང་ཁྱུ་གྲངས་མང་མགུལ་དུ་གྲུབ༔ ཤི་བའི་རོ་ལས་དུག་རླུང་མཆེད༔ ཁྲག་ཆར་འབེབ་ཅིང་མི་རོ་བསྙིལ༔ ལྒ་ཡི་ཡུལ་དུ་མེ་སྟག་ཤར༔ རླུང་གིས་བསྐྱོད་ཅིང་སོག་ལས་འཕེན༔ རྩྭ་ཕུང་འབར་ནས་སྟག་དམར་གྱི༔ ཉེས་མེད་དམན་ལ་ཚ་དབལ་འབེབ༔ གླིང་སྡེ་མཚམས་ནས་ན་བུན་ལང་༔ དེ་ལས་གཡུ་འབྲུག་གནམ་ལ་འགྲོ༔ ཐོག་གི་ཆར་པ་ས་ལ་འབེབས༔ ལྕགས་ཀྱི་རི་ལ་ངར་ཡང་བླུད༔ མ་ཉེས་ཉམ་ཆུང་ཁྲག་ཏུ་རོལ༔ དེ་དུས་ཁྱེའུ་ཆུང་ལོ་ཙཱ་ཡང་༔ བདུད་འཇོམས་རྡོ་རྗེ་ཁྲོ་ལོད་སྤྲུལ༔ ཐུགས་དགོངས་ཀློང་ཆེན་ཡངས་པ་ནས༔ ཆོས་ཉིད་ནམ་མཁའི་ཀློང་མཛོད་རྡོལ༔ འོད་གསལ་བདེ་ཆེན་རོལ་པ་ནས༔ ཟབ་ཆོས་དགོངས་པ་ཀློང་ནས་རྡོལ༔ ཆོས་ཉིད་སྒྱུ་མར་རོལ་པ་ལས༔ དག་སྣང་ཡེ་ཤེས་དྲྭ་བ་འཆར༔ ཁམས་ཀྱི་རྡོར་བྲག་དམར་ནག་ལས༔ ཟབ་གསང་མཁའ་འགྲོའི་སྙིང་ཐིག་འབྱིན༔ དེ་ཚེ་ཁམས་ཀྱི་སྡེ་དགེ་རུ༔ དཔལ་གྱི་ཡེ་ཤེས་སྤྲུལ་པ་ལས༔ གྲུབ་བརྙེས་རྒྱ་མཚོའི་མིང་མཐའ་ཅན༔ གཏེར་ཆེན་འགའ་ཡི་ཆོས་བཅུད་བསྡུ༔ བདེ་སྟོང་བཅུད་ལ་རོལ་ཞིང་སྤྱོད༔ ཡུལ་དེར་ལང་གྲོའི་སྤྲུལ་པ་མཆོག༔ གྲུབ་བརྙེས་ཨ་ཡུའི་མིང་ཅན་འབྱུང་༔ ཨ་ནུའི་བཅུད་ལེན་ཁ་ཏོག་བཞིའི༔ གོས་འཆང་བཟོ་རིག་ནོར་དུ་བཀོལ༔ རྟེན་འབྲེལ་གཞན་ལ་སྨོད་ངན་གྱིས༔ ཡུལ་ལ་ཕན་པ་ཡང་དེ་ཙམ༔ གྲུབ་བརྙེས་རྒྱལ་བ་བྱང་ཆུབ་ཀྱི༔ སྤྲུལ་པ་མེད་ཀྱི་མིང་མཐའ་ཅན༔ རྫུ་འཕྲུལ་མངོན་ཤེས་མ་ངེས་འདོམས༔ རྒྱ་འདྲེ་མེ་ཞོན་ཁ་ཡང་གནོན༔ དེ་དུས་སྐྱེས་མཆོག་བདུད་འཇོམས་པའི༔ ཟབ་གཏེར་ཞལ་ཕྱེས་དེའི་ཟིལ་གྱིས༔ ནག་པོ་བདུད་ཀྱི་མགོ་འཕང་གནོན༔ དེ་ཚེ་ནག་ཕྱོགས་མི་སྲུན་པས༔ བར་ཆད་རྒོལ་བའི་ལ་ཡོག་འདོར༔ དེ་ལ་མནན་བསྲེགས་ལས་བརྩོན་གནད༔ ཆོས་བདག་ད་ལྟའི་རྗེ་འབངས་འགའ༔ འཛིན་སྐྱོང་བསྒྲུབ་བརྩོན་བསྟན་ལ་གདུང་༔ གདུལ་བྱའི་འགྲོ་དོན་ངང་གིས་འབྱུང་༔ སྨོན་ལམ་ལས་ཅན་སྐྱེས་བུ་རྣམས༔ མངའ་བདག་ཁྱོད་ཉིད་དེ་ཡི་སྲས༔ དབང་གི་མིང་འཛིན་བསྟན་འགྲོ་གསོ༔ གྲུབ་བརྙེས་ཟབ་མོའི་གཏེར་ལ་སྤྱོད༔ མ་ངེས་སྤྱོད་པས་ལོག་འདྲེན་འདུལ༔ ལྷ་སྲས་མུ་རུམ་བཙན་པོ་ཡང་༔ རིགས་སྲས་བསོད་ནམས་མིང་དུ་གྲགས༔ མཁས་གྲུབ་བརྙེས་ཤིང་ཟབ་གཏེར་སྤྱོད༔ བོད་ཁམས་གཉིས་ཀྱི་མུན་པ་སེལ༔ ངའི་བུ་ཨཱཪྻ་དཔལ་དབྱངས་ཉིད༔ རིགས་སྲས་རྡོ་རྗེའི་མིང་མཐའ་ཅན༔ རྟོགས་པ་མངོན་གྱུར་དངོས་གྲུབ་བརྙེས༔ འབྲེལ་ཚད་རིག་འཛིན་ས་ལ་སྦྱོར༔ ཡར་ལུང་སྦ་མི་ཁྲི་གཞེར་ཡང་༔ རིགས་སྲས་ཤེས་རབ་ཉི་མར་སྤྲུལ༔ ཡི་དམ་མངོན་གྱུར་བཀའ་སྲུང་འདུ༔ མཐུ་སྟོབས་རྡོ་རྗེ་ཅན་ལ་འགྲན༔ རྒྱལ་པོའི་སྲས་མོ་པདྨ་འདི༔ མཁའ་འགྲོ་པད་མའི་མིང་དུ་གྲགས༔ ལོག་པ་བདུད་ཀྱིས་མ་བསླད་ན༔ ཟང་ཐལ་དྲི་མེད་ལུས་ཐོབ་འགྱུར༔ དེ་ལྟར་མཆོག་གི་སྤྲུལ་སྐུ་ལྔས༔ བྱེ་མ་སྙེད་གྲངས་འགྲོ་བ་འདྲེན༔ གཡུ་སྒྲ་རྗེ་ཡི་མིང་མཐའ་ཅན༔ སྒྲུབ་བརྩོན་མངོན་ཤེས་གཞན་ལ་འདོམས༔ ལྷ་དཔལ་མཆོག་གི་མིང་མཐའ་ཅན༔ ལྟ་བ་ནམ་མཁའི་ཀློང་ལ་འགྲན༔ སྙིང་རྗེ་པདྨ་ཅན་ལ་འགྲན༔ འབྲེལ་ཚད་མངོན་དགའི་ཞིང་དུ་འཕེན༔ སྣ་ནམ་རྡོ་རྗེ་བདུད་འཇོམས་པ༔ སྐྱེས་མཆོག་མེད་ཀྱི་མིང་མཐའ་ཅན༔ རྒྱུད་དུལ་ཕྲ་ཡང་དབང་པོ་རྣོ༔ ལྟ་བའི་གདིང་མཐོ་འབྲེལ་ཐོགས་འདྲེན༔ མཚོ་རྒྱལ་སྤྲུལ་པ་རྡོ་རྗེའི་མིང་༔ མ་ངེས་སྤྱོད་པ་ཅིར་ཡང་སྤྱོད༔ བཻ་རོའི་སྤྲུལ་པ་དྷརྨའི་མིང་༔ ངེས་མེད་གནས་ལ་སྤྲོ་ཞིང་རྒྱུ༔ ཅོག་རོའི་སྤྲུལ་པ་པདྨའི་མིང་༔ སྒོམ་སྒྲུབ་མཐར་ཕྱིན་འཇའ་ལུས་ཐོབ༔ སྐ་དཔལ་བཅུ་པའི་མིང་མཐའ་ཅན༔ མཁས་ཤིང་གྲུབ་པ་མངོན་དུ་གྱུར༔ ཡེ་ཤེས་དབྱངས་སྤྲུལ་ག་གའི་མིང་༔ སྤྲོ་ཐུང་སྙིང་རུས་ཆོས་ལ་སྤྱོད༔ རྒྱལ་བའི་བློ་གྲོས་སྤྲུལ་པ་ཉིད༔ ག་ཎ་པ་ཏིའི་མིང་ཅན་ནོ༔ སྲོང་བཙན་སྒམ་པོའི་སྤྲུལ་པ་ཉིད༔ སུ་ཁ་བཛྲ་མིང་མཐའ་སྟེ༔ ལྷ་ལུང་དཔལ་རྡོར་སྤྲུལ་པ་ཉིད༔ སིདྡྷིའི་མིང་ཅན་སྐྱེས་བུ་སྟེ༔ དྲན་པ་ནམ་མཁའི་སྤྲུལ་པ་ཉིད༔ རྒྱལ་གྱི་མིང་མཐའ་ཅན་དེ་ཀ༔ མཁར་ཆེན་རྒྱལ་གྱི་སྤྲུལ་པ་ཉིད༔ སྔགས་ཀྱི་སྐྱེས་བུ་སང་གའི་མིང་༔ སངས་རྒྱས་ཡེ་ཤེས་སྤྲུལ་པ་ལས༔ རྣལ་འབྱོར་མཚན་གྱི་མིང་མཐའ་ཅན༔ པ་གོར་ཧེ་འདོད་སྐྱེ་རྒྱུད་ལས༔ རྣལ་འབྱོར་ཤྲཱིའི་མིང་མཐའ་ཅན༔ བུང་བ་མགོན་དར་སྐྱེ་རྒྱུད་ལས༔ དྲ་ཡའི་མིང་མཐའ་འཛིན་པ་སྟེ༔ རྨ་ཐོག་རིན་ཆེན་སྤྲུལ་པ་ལས༔ སྐྱེས་མཆོག་ནོར་བུའི་མིང་མཐའ་ཅན༔ འོ་བྲན་དབང་ཕྱུག་སྤྲུལ་པ་ལས༔ སྐྱེས་མཆོག་རཏྣའི་མིང་ཅན་འབྱུང་༔ འབྲོག་མི་དཔལ་གྱི་སྤྲུལ་པ་ལས༔ སྐྱེས་མཆོག་བཱིདྱའི་མིང་ཅན་འབྱུང་༔ ནམ་མཁའི་སྙིང་པོའི་སྤྲུལ་པ་ལས༔ སྐྱེས་མཆོག་བོ་དྷིའི་མིང་ཅན་འབྱུང་༔ འདི་ལྟར་མདོར་ན་བཀའ་བབ་ཀྱི༔ ཆོས་བདག་སྐྱེས་བུ་གང་ཡང་རུང་༔ གཏེར་ཆེན་མཆོག་དེར་དད་པ་དང་༔ ཟབ་ཆོས་ཉམས་སུ་ལེན་ལ་གདུང་༔ ཐེག་པ་ཆེན་པོའི་ཆོས་ལ་མོས༔ སྨོན་ལམ་ལས་ཀྱི་མཐུ་བཙན་པས༔ ལས་ཅན་སྐྱེས་བུ་དེ་དག་ཀུན༔ འབོད་བསྡུ་མེད་པར་ངང་གིས་འདུ༔ དེ་ཚེ་ལས་ཅན་སྐྱེས་བུ་འགའ༔ གཏན་དུ་བདེ་བའི་ས་ལམ་བསྒྲོད༔ སྐྱིད་པའི་ཉི་མ་ལན་ཅིག་འཆར༔ སྨོན་ལམ་ལོག་པའི་སྐྱེས་བུ་འགས༔ སྐྱོན་དུ་མཐོང་ཞིང་གཤེ་སྐུར་འདེབས༔ ཞེས་གསུངས་དེ་ནས་སྟོན་འཁོར་གྱིས༔ སྨོན་ལམ་ཆེན་པོའི་མཐུ་ཡང་སྦྲན༔ དེ་དོན་ཤེས་མཛོད་བདུད་འཇོམས་པ༔ ཡང་ཅིག་གསོན་དང་སྐྱེས་བུ་ཁྱོད༔ སྒྲུབ་པའི་བཀའ་བབ་སྐྱེས་བུ་ནི༔ པདྨའི་སྤྲུལ་པ་ཤ་སྟག་འབྱུང་༔ དེ་ཡང་བཤད་ཀྱི་ལེགས་པར་ཉོན༔ བཀའ་བབ་འདུལ་གྱི་མིང་མཐའ་ཅན༔ བཞིན་ནག་སྤྲོ་ཐུང་སྙིང་རུས་ལྡན༔ ལྷུན་གྲུབ་བཀོད་པ་ལོངས་སྤྱོད་ཅིང་༔ ཡང་དག་རྫོགས་པའི་སངས་རྒྱས་ཐོབ༔ དེའི་མཐུས་བསྟན་པ་མཐའ་ནས་རྒྱས༔ བཀའ་བབ་རྒྱ་མཚོའི་མིང་མཐའ་ཅན༔ ཟ་འགྲམ་བཞིན་ལ་སྨེ་ཤ་ཡོད༔ དབྱིངས་རིག་མཉམ་བརྡལ་ངང་སྤྱོད་ན༔ འོད་ཀྱི་སྤྲིན་དཔུང་མཁའ་ལ་འདྲེས༔ དེས་ཀྱང་བསྟན་ལ་ཕན་ཆེར་བཏགས༔ བཀའ་བབ་བློ་ཡི་མིང་མཐའ་ཅན༔ བཞིན་སྔོ་སྐྱོ་ཤས་སྙིང་རུས་འཛོམས༔ གསང་ཆེན་རྩེ་མོར་སྤྱོད་གྱུར་ན༔ འཇའ་ལུས་རྡོ་རྗེའི་སྐུ་ཡང་ཐོབ༔ དེས་ཀྱང་བསྟན་ལ་ཕན་ཆེར་འབྱུང་༔ བཀའ་བབ་ཛྙཱ་ན་རསྨི་ཡི༔ འོད་གསལ་གསང་ལམ་ལ་སྤྱོད་ནས༔ བར་ཆད་རླུང་གིས་མ་ཁྱེར་ན༔ འཇའ་ལུས་སྒྱུ་མའི་སྐུ་ཡང་ཐོབ༔ བསྟན་ལ་ཕན་པ་དཔག་ཏུ་མེད༔ བཀའ་བབ་པདྨ་མངྒ་ཡི༔ གསང་ཆེན་འོད་གསལ་ལྷུམས་འཇུག་ན༔ ཡེ་ཤེས་སྒྱུ་མའི་སྐུ་བརྙེས་འགྱུར༔ བསྟན་ལ་ཕན་པ་བླ་ན་མེད༔ བཀའ་བབ་རིག་པའི་མྱུ་གུ་ཡི༔ འོད་གསལ་གསང་ལམ་ལ་སྤྱོད་ན༔ ཟད་པ་ལྔ་ཡི་སྐྱེ་མཆེད་ཀྱིས༔ གྲུབ་པ་བརྒྱད་ལ་ཐོགས་པ་མེད༔ འཇའ་ལུས་འཕོ་ཆེན་སྐུ་བརྙེས་ཤིང་༔ བསྟན་ལ་ཕན་པ་དཔག་ཏུ་མེད༔ བཀའ་བབ་དྷརྨ་བཛྲ་གྱིས༔ གསང་ཆེན་རྩེ་མོར་སྤྱོད་གྱུར་ནས༔ བར་ཆད་རྐྱེན་ལ་མ་ཤོར་ན༔ གྲུབ་བརྒྱད་རྩེ་འཇོ་རོལ་པའི་གར༔ བསྡུ་ཚེ་ཡེ་ཤེས་སྒྱུ་མར་བསྡུ༔ བསྟན་ལ་ཕན་པ་བླ་ན་མེད༔ བཀའ་བབ་པུཎྱཻ་ཤྲཱི་ཡིས༔ འོད་གསལ་གསང་ལམ་ལ་སྤྱོད་ན༔ འཇའ་ལུས་རིག་འཛིན་ཨ་ལ་ལ༔ བསྟན་ལ་ཕན་པ་བླ་ན་མེད༔ བཀའ་བབ་རྒྱན་གྱི་མིང་མཐའ་ཅན༔ མདོག་དཀར་རྒྱུད་འཇམ་སྒྲུབ་ལ་མོས༔ བར་ཆད་རླུང་གིས་མ་བསླུས་ན༔ དངོས་གྲུབ་མཆོག་ལ་ལོངས་སྤྱོད་འགྱུར༔ བཀའ་བབ་བྷ་དྲའི་མིང་མཐའ་ཅན༔ བོང་ཆེ་བློ་རྣོ་ཕྲག་ཀྱང་ཡང་༔ བར་ཆད་སད་ཀྱིས་མ་ཁྱེར་ན༔ འོད་གསལ་གསང་བའི་ལམ་མཆོག་གིས༔ སྤྱན་དང་མངོན་པར་ཤེས་པ་འཐོབ༔ ཚེ་འདིར་གྲོལ་བར་གདོན་མི་ཟ༔ བཀའ་བབ་མཆོག་གི་མིང་ཅན་ནི༔ མུ་ཏོ་བདུད་ཀྱིས་མ་བསླུས་ན༔ འོད་གསལ་གསང་བ་ལ་བརྟེན་ནས༔ བླ་མ་མཆོག་ལ་དད་གུས་ན༔ མི་འཇིགས་གདིང་ཆེན་མངོན་ཐོབ་འགྱུར༔ བཀའ་བབ་རབ་ཀྱི་མིང་མཐའ་ཅན༔ བླ་མར་གདུང་བ་གཞིར་བཞག་ནས༔ འོད་གསལ་གསང་ལམ་ལ་སྤྱོད་ན༔ འཇའ་ལུས་ཐོབ་གྱུར་གདོན་མི་ཟ༔ དེས་ཀྱང་བསྟན་ལ་ཕན་ཆེར་བཏགས༔ བཀའ་བབ་དྷརྨ་དྷརྟུ་ཡི༔ ཆེ་མཆོག་རྡོ་རྗེ་ཁྲོ་ལོད་ལ༔ བསྟེན་ནས་འོད་གསལ་གསང་ཆེན་ལམ༔ སྤྱོད་པས་ཡེ་ཤེས་སྒྱུ་མ་འགྲུབ༔ བཀའ་བབ་དགེ་བའི་མིང་ཅན་གྱིས༔ རྡོ་རྗེ་ཕུར་པ་ལ་བརྟེན་ནས༔ གསང་ཆེན་ཟབ་ལམ་ལྷུར་བླངས་ན༔ ཁྱབ་བདག་གདོད་མའི་དབྱིངས་སུ་གྲོལ༔ བཀའ་བབ་བསམ་གྱི་མིང་ཅན་དེས༔ རྟ་མགྲིན་ནག་པོ་ལ་བརྟེན་ནས༔ འོད་གསལ་གསང་ལམ་ལ་སྤྱོད་ན༔ འཇའ་ལུས་ཐོབ་ཅིང་གདུལ་བྱ་འདུལ༔ བཀའ་བབ་རྣམ་གྱི་མིང་ཅན་ཏེ༔ རྡོ་རྗེ་ཁྲོ་ལོད་ལ་བསྟེན་ནས༔ འོད་གསལ་གསང་ལམ་ལ་སྤྱོད་ན༔ འཇའ་ལུས་ཐོབ་ཅིང་གདུལ་བྱ་འདུལ༔ བཀའ་བབ་ལྷ་ཡི་མིང་ཅན་གྱིས༔ གསང་བདག་སྒྲུབ་པ་ལ་བརྟེན་ནས༔ འོད་གསལ་གསང་ཆེན་ལྷུར་ལེན་ན༔ རྣམ་མཁྱེན་ཡང་དག་ས་མཆོག་ཐོབ༔ བཀའ་བབ་ཚེ་ཡི་མིང་ཅན་གྱིས༔ བདེ་ཆེན་རྒྱལ་པོ་ལ་བརྟེན་ནས༔ འོད་གསལ་གསང་ཆེན་སྒོར་ཞུགས་ན༔ ཚེ་ལ་དབང་བའི་རིག་འཛིན་ཐོབ༔ བཀའ་བབ་རྩོལ་གྱི་མིང་མཐའ་ཅན༔ བླ་མ་ཞི་ཁྲོའི་སྒྲུབ་པ་ལ༔ བརྟེན་ནས་གསང་ཆེན་ལ་སྤྱོད་ན༔ འཇའ་ལུས་ཐོབ་གྱུར་གདོན་མི་ཟ༔ བཀའ་བབ་ནོར་བུའི་མིང་མཐའ་ཅན༔ ཚེ་ཡི་སྒྲུབ་པ་ལ་བརྟེན་ནས༔ གསང་ཆེན་མྱུར་ལམ་ལ་སྤྱོད་ན༔ འཇའ་ལུས་ཐོབ་པར་གདོན་མི་ཟ༔ བཀའ་བབ་དར་གྱི་མིང་མཐའ་ཅན༔ བདེ་ཆེན་རྒྱལ་པོ་ལ་བརྟེན་ནས༔ གསང་ཆེན་མྱུར་ལམ་ལ་སྤྱོད་ན༔ འཇའ་ལུས་འཕོ་ཆེན་རིག་འཛིན་བརྙེས༔ བཀའ་བབ་བསྟན་འཛིན་མིང་མཐའ་ཅན༔ བདེ་ཆེན་རྒྱལ་པོ་ལ་བརྟེན་ནས༔ འོད་གསལ་རྫོགས་ཆེན་ལ་སྤྱོད་ན༔ ཕྱག་རྒྱ་ཆེན་པོ་རིག་འཛིན་ཐོབ༔ བཀའ་བབ་འབར་གྱི་མིང་ཅན་ཏེ༔ རྡོ་རྗེ་གཏུམ་པོ་ལ་བརྟེན་ནས༔ ཡང་གསང་སྒྲུབ་པ་མྱུར་ལེན་ན༔ ཚེ་གཅིག་སངས་རྒྱས་ཨེ་མ་ཧོཿབཀའ་བབ་བརྩོན་གྱི་མིང་ཅན་ཏེ༔ གསང་བདག་གཏུམ་པོ་ལ་བརྟེན་ནས༔ གསང་ཆེན་ཟབ་ལམ་ལྷུར་ལེན་ན༔ འཁོར་བ་དོང་སྤྲུགས་དཔལ་ཐོབ་འགྱུར༔ བཀའ་བབ་བུདྡྷའི་མིང་ཅན་གྱིས༔ གསང་བདག་སྒྲུབ་པ་ལ་བརྟེན་ནས༔ ཐེག་རྩེའི་རྣལ་འབྱོར་སྤྱོད་གྱུར་ན༔ རྣམ་མཁྱེན་ཡང་དག་ས་མཆོག་ཐོབ༔ བཀའ་བབ་སྔགས་ཀྱི་མིང་མཐའ་ཅན༔ རྡོ་རྗེ་དྲག་པོ་ལ་བརྟེན་ནས༔ འོད་གསལ་གསང་ཆེན་ལ་སྤྱོད་ན༔ རྣམ་པར་གྲོལ་བའི་ས་ཐོབ་འགྱུར༔ ཤར་གྱི་ཀྭ་ཆེན་སེངྒེ་པ༔ མིག་འབུར་སྐད་ཆེ་ཁྲོ་གཉེར་ལྡན༔ རྡོ་རྗེ་གཏུམ་པོ་ཉིད་ལ་དད༔ ལྷོ་ཡི་ཀྭ་ཆེན་སངས་རྒྱས་མཚན༔ བོང་ཐུང་བརྗིད་ལྡན་མིག་རྩ་དམར༔ གཏོང་ཕོད་ཕྲག་ཡངས་རིག་པ་རྣོ༔ རྩེ་གཅིག་པད་འབྱུང་ཉིད་ལ་དད༔ ནུབ་ཀྱི་ཀྭ་ཆེན་རྡོ་རྗེའི་མིང་༔ མདོག་དཀར་གཏོང་ཕོད་རིག་པ་ཧུར༔ མ་ངེས་སྤྱོད་པ་སྣ་ཚོགས་སྟོན༔ དབང་སྡུད་ཆེ་ཞིང་ངེས་མེད་རྒྱུ༔ བྱང་གི་ཀྭ་ཆེན་མེ་ལོང་པ༔ སྤྲོ་ཐུང་མཐུ་ཆེ་བཞིན་མདངས་ནག༔ རྡོ་རྗེ་ཕུར་པ་ཉིད་ལ་དད༔ མཐོང་ཐོས་དྲན་རེག་འདྲེན་པའི་སྟོབས༔ ལོག་པ་བདུད་ཀྱིས་མ་བསྐྲད་ཅིང་༔ དེ་དག་དུས་འདིར་འཛོམ་གྱུར་ན༔ དང་པོ་ཡང་དག་བསྒྲུབ་ལ་བརྩོན༔ བར་དུ་ངེས་མེད་གནས་སུ་འགྲིམས༔ ཐ་མ་སྨིན་གྲོལ་གཞན་ལ་འདོམས༔ དེ་ལྟར་ཚུལ་བཞིན་ཉམས་ལེན་ན༔ བསྟན་དང་འགྲོ་བའི་དོན་ཆེན་འགྲུབ༔ ཅེས་གསུངས་སོ༔ ཡང་ཅིག་བདག་གིས་འདི་སྐད་ཞུས༔ གདོད་མའི་དབྱིངས་ལ་གསོལ་བ་འདེབས༔ བསྐལ་པ་སྙིགས་མ་དེང་གི་དུས༔ བདག་ནི་ཁྱེད་དང་དབྱེར་མེད་ན༔ མི་འདོད་ཡོ་ལངས་ཅི་ལ་ལྡང་༔ རིག་འཛིན་རྒྱལ་པོས་བསྟན་དུ་གསོལ༔ དེ་ནས་རིག་འཛིན་རྒྱལ་པོ་ཡིས༔ ཀྱཻ་ཧོཿགསོན་ཅིག་བདུད་འཇོམས་པ༔ ཁམས་གསུམ་འཁོར་བའི་སེམས་ཅན་ཀུན༔ ལོག་པ་བདུད་ཀྱི་འབངས་ཡིན་པས༔ དེ་ལས་སྐྱེས་བུ་གང་སུ་དག༔ ཐར་པ་ཆེན་པོའི་གྲོང་འཇུག་ན༔ བདུད་རྗེ་འཁྲུགས་པའི་གེགས་ཆེན་འབེབས༔ ལུས་ངག་དགེ་ལ་སྦྱོར་བ་ལ༔ བགེགས་ཆེན་མངའ་ཐང་འཁྲུགས་རྒྱལ་དང་༔ བགེགས་ཆུང་དབུལ་ཕོངས་སྲི་ནག་འབྱུང་༔ སྐྱེ་མེད་དོན་ལ་གཞོལ་བའི་ཚེ༔ བགེགས་ཆེན་འདོད་ཡོན་འཁྲུགས་རྒྱལ་དང་༔ བགེགས་ཕྲན་འདུ་འཛི་འཕྲུལ་དབང་འབྱུང་༔ ངེས་གསང་དོན་དང་འཕྲད་པའི་ཚེ༔ བགེགས་ཆེན་སྣང་བ་བསྒྱུར་བྱ་དང་༔ བགེགས་ཕྲན་བྱིང་རྨུགས་འཐིབ་བྱེད་འབྱུང་༔ ཡང་དག་དོན་དང་འཕྲད་པའི་ཚེ༔ བགེགས་ཆེན་དགའ་བྱེད་འཕྲུལ་བྱེད་དང་༔ བགེགས་ཕྲན་ནད་ཀྱི་བདག་པོ་འབྱུང་༔ སྐྱེ་མེད་དབྱིངས་དང་འཕྲད་པའི་ཚེ༔ བགེགས་ཆེན་ཐེ་ཚོམ་སློང་བྱེད་དང་༔ བགེགས་ཕྲན་སྟོང་འབྱམས་ནག་པོ་འབྱུང་༔ ཆོས་ཉིད་དོན་དང་འཕྲད་པའི་ཚེ༔ བགེགས་ཆེན་གོལ་སར་འཁྲུལ་བྱེད་དང་༔ བགེགས་ཕྲན་ནོར་ས་དྲུག་འདྲེན་འབྱུང་༔ མངོན་སུམ་སྣང་བ་མཐོང་བའི་ཚེ༔ བགེགས་ཆེན་ལོག་ལྟ་སློང་བྱེད་དང་༔ བགེགས་ཕྲན་ཐེ་ཚོམ་དབང་པོ་འབྱུང་༔ ཉམས་སྣང་གོང་དུ་འཕེལ་བའི་ཚེ༔ བགེགས་ཆེན་དམག་ཇག་ཆོམ་རྐུན་དང་༔ བགེགས་ཕྲན་མི་མིན་གདུག་པ་ལང་༔ ཐར་པའི་ལམ་གེགས་བདུད་ཀྱི་ཡུལ༔ སྐྱེས་བུ་མཆོག་ལ་ངོམས་ཤིང་རྒྱུག༔ ཚེ་རབས་དུ་མའི་ལས་ངན་འབྲས༔ སྐྱེ་བ་འདི་རུ་འདུ་བ་ཡིས༔ མི་འདོད་ཆུ་ལ་གཉེར་མ་བཞིན༔ རིམ་བཞིན་འབྱུང་བ་དགྲ་མང་ཀུན༔ མཐུན་པའི་ཕྱོགས་བཞིན་དང་ལེན་པའི༔ སྐྱེས་བུ་མཆོག་དེ་ངེས་པར་གྲོལ༔ འདི་དུས་ལྷ་ལ་ཡི་ཆད་དང་༔ ཆོས་ལ་ཐེ་ཚོམ་བྱེད་པ་སྤོངས༔ ངོ་ཤེས་མཛོད་ཅིག་བདུད་འཇོམས་པ༔ རྫོགས་པའི་སངས་རྒྱས་ཡོན་ཏན་མཛོད༔ ལོག་པ་བདུད་ཀྱིས་འགྲན་ཆེན་བཙུགས༔ མི་དང་མི་མིན་ལ་ཡོག་འདོར༔ སློབ་ངན་དག་དང་ཕ་རོལ་གྱི༔ མི་སྲུན་ལོག་ལྟའི་སྨྲ་དབབ་བརྩམས༔ སོ་སྐྱེ་ཕམ་དག་ལྟ་ཡང་ཅི༔ ཤེས་པར་མཛོད་ཅིག་སྐལ་ལྡན་བུ༔ }}
 
 
༁ྃ༔  ན་མོ་གུ་རུ་པདྨ་ཀ་ར་ཡེ༔ ({{TibChung|བརྡ་ཡིག་}}) དུས་གསུམ་རྒྱལ་བ་སྲས་བཅས་ཀྱི༔ ཐུགས་ཆོས་ཉིད་རོལ་པར་རོ་གཅིག་པའི༔ གདངས་གདུལ་བྱའི་སྣང་ངོར་ཆུ་ཟླའི་གར༔ ལྷ་ཨོ་རྒྱན་མཚོ་སྐྱེས་རྗེ་ལ་འདུད༔ ཡོས་གསེར་གྱི་རི་ལ་བབ་པའི་ལོར༔ ལྷོ་གཡུ་འབྲུག་སྔོན་མོའི་བློན་བྱེད་ཅིང་༔ གྲངས་བཅུ་ཕྲག་དམག་ལ་བབ་པ་ཡི༔ མཚོན་འོད་བརྒྱའི་གསལ་ལམ་ངོམས་པའི་ཚེ༔ ཉམས་འོད་གསལ་འདྲེས་པའི་སྣང་ཆ་ལ༔ གནས་ཟངས་མདོག་དཔལ་རི་ཡིན་སྐད་པའི༔ ཞིང་བཀོད་ལེགས་ཡོན་ཏན་ཕུན་ཚོགས་པ༔ སེམས་བདེ་སྟོང་རོ་ཡིས་མྱོས་བྱེད་པའི༔ གནས་དེ་རུ་འཇའ་འོད་གུར་ཁྱིམ་ནང་༔ ལྷ་དཔའ་བོ་མཁའ་འགྲོའི་ཚོགས་ཀྱི་དབུས༔ དཔལ་རིག་འཛིན་རྒྱལ་པོ་ཧཱུྃ་ཀཱ་ར༔ སྐུ་རབ་ཏུ་བསྒྲེས་པའི་རྣམ་འགྱུར་ཅན༔ མི་བདག་ལ་སྤྱན་གྱིས་ཧྲིག་གེར་གཟིགས༔ ཞལ་འཛུམ་པའི་མདངས་ཀྱིས་འདི་སྐད་གསུངས༔ སྔོན་འཛིན་པ་ནག་པོའི་བསྐལ་པ་ལ༔ ཁྱོད་ང་དང་གཉིས་སུ་མེད་པ་སྟེ༔ ད་དབྱིངས་ཞིག་བསྐལ་པའི་དུས་ཤིག་ན༔ འབྲོག་ཁྱེའུ་ཆུང་ལོ་ཙཱ་དེ་རུ་ཤར༔ ཡང་བསྐལ་པ་དེ་ཡི་སྐབས་ཤིག་ན༔ གྲུམ་མཁར་ནག་ཅན་གྱིས་གདུལ་བྱ་འདུལ༔ ཡང་བསྐལ་པ་དེ་ཡི་སྐབས་ཤིག་ན༔ དཔལ་ཧེ་པ་ཆོས་འབྱུང་ཞེས་སུ་གྲགས༔ ཡང་བསྐལ་པ་དེ་ཡི་སྐབས་ཤིག་ན༔ དཔལ་ལྷ་བཙུན་སྔོན་མོས་གདུལ་བྱ་སྐྱོངས༔ ཡང་བསྐལ་པ་དེ་ཡི་དུས་སྐབས་ན༔ དཔལ་ཁྲག་འཐུང་བདུད་འདུལ་རྣམ་གཉིས་གྲགས༔ ད་བསྐལ་པ་སྡུད་བྱེད་དུས་འདི་ན༔ ང་གཞི་དབྱིངས་ངོ་བོར་སངས་རྒྱས་ཀྱང་༔ ཁྱོད་སྒྱུ་མའི་འཕྲུལ་བཞིན་རྩལ་དུ་ཤར༔ དོན་གཉིས་མེད་རོལ་པར་དབྱིངས་སུ་བསྡུ༔ ཞེས་ཟེར་ལན་དུ་ངས་འདི་སྨྲས༔ ཀྱཻ༔ གདོད་མ་གཞི་ཡི་སངས་རྒྱས་ལགས༔ ངས་ཚེ་གཅིག་ལྷ་བསྒོམ་སྔགས་ཀྱང་བཟླས༔ དོན་ཟབ་མོའི་འོད་གསལ་རྫོགས་ཆེན་བསྒོམ༔ ཕྱི་གཞན་དོན་འགྲུབ་པ་ལྟ་ཞོག་དང་༔ ནང་རང་དོན་སྤུ་ཙམ་མ་འགྲུབ་ཁར༔ རྐྱེན་བར་ཆད་ཡོ་ལངས་རླུང་ལྟར་གཡོས༔ ཆོས་སྒྲུབ་ལ་དོན་འགོ་མ་མཆིས་སམ༔ ངའི་ཆོས་ལ་བྱིན་ནུས་ཡོད་དམ་མེད༔ གཞན་བུ་སློབ་སྐྱོངས་ཚད་མ་སླེབས་སམ༔ དཔལ་རིག་འཛིན་བླ་མས་བསྟན་དུ་གསོལ༔ ཞེས་ཞུས་པས་གུ་རུས་བཀའ་སྩལ་པ༔ ཁྱོད་བསྐྱེད་རིམ་ནུས་པ་ཐིག་ལེར་ཐེབས༔ སེམས་ཡི་དམ་ལྷ་རུ་རྣམ་པར་སྨིན༔ དོན་ཆོས་ཉིད་བདེན་པ་མངོན་སུམ་མཐོང་༔ སྔགས་ནུས་པ་རྩ་རླུང་ལ་ཐེབས་མཐུས༔ ཁྱོད་མགྲིན་པ་ལོངས་སྤྱོད་རྩ་མདུད་གྲོལ༔ དེས་བརྡའ་དང་གདམས་པའི་གཏེར་མཛོད་རྡོལ༔ དོན་ངེས་གསང་སྙིང་པོ་བསྒོམས་པའི་མཐུས༔ ཚེ་འདི་རུ་ཆོས་སྐུའི་རྒྱལ་སྲིད་ཐོབ༔ ཡུལ་དད་ལྡན་རྒྱུད་ལ་རྟོགས་པ་འཕོ༔ དོན་ཡོན་ཏན་མངོན་དུ་གྱུར་དེ་ཀ༔ སྔོན་ཚེ་རབས་དུ་མའི་ལས་འབྲས་དང་༔ བདུད་སྨོན་ལམ་ལོག་པའི་སྟོབས་དབང་གིས༔ རྐྱེན་བར་ཆད་ཡོ་ལངས་སྐབས་སུ་འབྱུང་༔ སྔོན་ཨོ་རྒྱན་ཆེན་པོའི་ཞལ་ན་རེ༔ ང་ཡི་གཏེར་དང་འཕྲད་པའི་སྐྱེས་བུ་ལ༔ མི་རུང་བདུད་ཀྱི་ཆོ་འཕྲུལ་སྣ་ཚོགས་འབྱུང་༔ ཞེས་དང་༔ ང་ཡི་གཏེར་དང་འཕྲད་པའི་སྐྱེས་བུ་ལ༔ མི་དང་ལྷ་འདྲེས་ཕྲག་དོག་གདུག་རྩུབ་ཀྱིས༔ མི་ཡིས་སྐུར་འདེབས་མི་མིན་ཆོ་འཕྲུལ་སྟོན༔ ཅེས་དང་༔ ལས་འཕྲོ་ང་ཡི་གཏེར་དང་འཕྲད་པའི་ཚེ༔ བདུད་ཀྱི་སྐབས་ལྟ་གླགས་ཚོལ་རྒྱུ་རྐྱེན་གྱིས༔ སྐུར་འདེབས་ངན་སྨྲས་དགྲ་ཇག་ཆོམ་པོ་འབྱུང་༔ ཞེས་དང་༔ ལས་ཅན་ང་ཡི་གཏེར་དང་འཕྲད་པའི་ཚེ༔ རྒྱ་བོད་ལྷ་འདྲེ་མ་རུངས་ཐམས་ཅད་ཚོགས༔ ལེགས་པ་ལྟར་སྟོན་ཉེས་པ་སྣ་ཚོགས་འབྱུང་༔ ཞེས་སོགས་རྡོ་རྗེའི་ལུང་བཞིན་ཤེས་པར་མཛོད༔ རྫོགས་པའི་སངས་རྒྱས་དེ་བཞིན་གཤེགས་པ་ལ༔ སྡིག་ཏོ་བདུད་ཀྱིས་སྐབས་ཚོལ་གླགས་བལྟས་ནས༔ སྣ་ཚོགས་ལས་ཀྱི་ལ་ཡོག་འདོར་བས་ན༔ སྐྱེས་བུ་གཞན་ལ་འབྱུང་བ་ལྟ་ཅི་སྨོས༔ བརྫུས་སྐྱེས་སྤྲུལ་སྐུ་པདྨ་འབྱུང་གནས་ལ༔ མི་དང་མི་མིན་བར་ཆད་བརྩམ་ལ་ལྟོས༔ འགྲོ་བ་གཞན་ལ་འབྱུང་བ་སྨོས་ཀྱང་ཅི༔ དེ་ཕྱིར་ཡི་ཆད་བཏང་བ་བློ་རེ་ཆུང་༔ རང་རང་ལས་དང་སྐལ་པར་མི་ལྡན་ན༔ ཟབ་མོའི་ཆོས་དང་འཕྲད་ཀྱང་འཚེང་བ་མིན༔ སངས་རྒྱས་ཐུབ་པའི་འབངས་གྱུར་ལེགས་སྐར་དང་༔ པད་འབྱུང་འབངས་གྱུར་བདུད་བློན་བཙུན་མོ་སོགས༔ ལས་ངན་ལམ་ལས་བཟློག་ཐབས་མེད་བཞིན་དུ༔ དམུ་རྒོད་སྐལ་མེད་སེམས་ཅན་ལས་ངན་པ༔ ཆོས་སྒོར་བཙུད་ཀྱང་འཛུད་པར་འགྱུར་མིན་གྱི༔ སློབ་ངན་དག་ལ་སྡང་སེམས་མ་བྱེད་ཅིག༔ འཁོར་བ་མཐའ་ཅན་འགྱུར་ལ་ཅི་ཆ་ཡོད༔ བླ་མ་མཆོག་ལ་ཡོན་ཏན་ཕུན་ཚོགས་ཀྱང་༔ སློབ་མ་ལས་དང་སྐལ་བར་མི་ལྡན་ན༔ སྨིན་གྲོལ་ནུས་པ་འཇུག་པའི་ཡུལ་སྟོང་ངོ་༔ ཡིད་བཞིན་རིན་ཆེན་ཡོན་ཏན་གྱིས་བརྒྱན་ཀྱང་༔ བསྙེན་བཀུར་གསོལ་འདེབས་བྱེད་པའི་མི་མེད་ན༔ དགོས་འདོད་ལོངས་སྤྱོད་འབྱུང་བར་མི་འགྱུར་དཔེ༔ སྤང་ན་སྐྱོན་ཀུན་ཟད་པའི་སྐྱེས་བུ་ལ༔ མཐོང་ཐོས་ཐམས་ཅད་ཡོན་ཏན་མཆོག་ཏུ་མངོན༔ དེ་མིན་རང་སྐྱོན་ལྡན་པའི་སྐྱེས་བུ་ཡིས༔ མིག་ལ་སངས་རྒྱས་མཐོང་ཡང་སྐྱོན་དུ་མཐོང་༔ བླ་སློབ་སྐྱོན་བརྟགས་རྩར་གཅོད་སྤང་བ་གནད༔ གལ་ཏེ་སྐྱོན་བརྟགས་རྩར་གཅོད་བྱེད་དྲག་ན༔ དམ་ཉམས་རྡོ་རྗེ་དམྱལ་བར་ལྟུང་ངེས་འགྱུར༔ ཨེ་མ༔ ཡང་ཅིག་གསོན་དང་སྐལ་ལྡན་བུ༔ ཆོས་ཉིད་ནམ་མཁའ་མཛོད་ཀྱི་འཕྲུལ༔ ཟབ་ཆོས་དག་སྣང་སྐོར་གསུམ་དང་༔ མཁའ་འགྲོ་འདུས་པའི་སྙིང་ཐིག་ནི༔ དུས་གསུམ་རྒྱལ་བའི་དགོངས་རྒྱས་བཏབ༔ རིག་འཛིན་བླ་མས་དགོངས་རྒྱས་བཏབ༔ མ་དང་མཁའ་འགྲོས་བརྡ་རྒྱས་བཏབ༔ དམ་ཅན་རྒྱ་མཚོས་སྲོག་རྒྱས་བཏབ༔ དགོངས་པ་ཀློང་ཆེན་ཡངས་པ་རུ༔ ཏིང་འཛིན་ནམ་མཁའ་མཛོད་ཀྱི་འཕྲུལ༔ ཡེ་ཤེས་རོལ་པའི་བཅུད་དུ་དྲིལ༔ འབྲེལ་ཚད་རྣམ་པར་གྲོལ་བའི་ཆོས༔ གང་གིས་མཐོང་ཐོས་དྲན་རེག་མི༔ སྐྱེ་བ་བདུན་ནས་གྲོལ་བའི་སྟོབས༔ དེང་སང་རྟེན་འབྲེལ་དུས་བབས་དུས༔ གཏན་ལ་ཕབ་པའི་དུས་ཚིགས་ཡིན༔ གཏེར་སྒྲུབ་འོད་གསལ་སྦུབ་འཇུག་པ༔ ཡང་གསང་དོན་གྱི་སྒྲུབ་པ་ཡིན༔ སྔོན་བྱུང་ལུང་གིས་གྲུབ་པ་ཡང་༔ གཏེར་སྟོན་སངས་རྒྱས་བླ་མའི་གཏེར་ལུང་ལས༔ ལྔ་བརྒྱའི་དུས་སུ་ཁམས་ཀྱི་གསེར་ལུང་དུ༔ བདུད་འཇོམས་རྡོ་རྗེས་ཟབ་གཏེར་སྒོ་ཡང་འབྱེད༔ ཡང་ཅིག་བོན་པོ་ལྷ་འབུམ་གཏེར་ལུང་ལས༔ གཏེར་སྟོན་བདུད་འཇོམས་རྡོ་རྗེ་ཁྲོ་ལོད་ཀྱིས༔ ཟབ་གཏེར་སྒོ་འབྱེད་སྙིང་ཐིག་བསྟན་པ་སྐྱོངས༔ ཡང་ཅིག་གྲུབ་ཐོབ་མཁར་ནག་གཏེར་ལུང་ལས༔ སྙིགས་མའི་ཡང་མཐར་ཁྱོད་ཉིད་ཡང་སྲིད་དེ༔ བདུད་འཇོམས་དཔའ་བོས་མཁའ་འགྲོའི་སྙིང་ཐིག་འདོམས༔ ཡང་ཅིག་སངས་རྒྱས་གླིང་པའི་གཏེར་ལུང་ལས༔ ཡབ་ནི་སྔགས་འཆང་རྣལ་འབྱོར་ཞིག་པོའི་ཚུལ༔ སྤྲོ་ཐུང་སྐྱོ་ཤས་བརྩོན་འགྲུས་ཆོས་ལ་སྤྱོད༔ སྨྱོན་པའི་མིང་ཅན་སྒྲུབ་ལ་མངའ་བརྙེས་འབྱུང་༔ ཡང་ཅིག་ཇ་རུང་སྨན་པའི་གཏེར་ལུང་ལས༔ མ་འོངས་བསྐལ་པ་རྩུབ་འགྱུར་ཡང་མཐའི་དུས༔ པད་འབྱུང་ང་ཉིད་བདུད་འཇོམས་རྡོ་རྗེར་སྤྲུལ༔ ཅེས་དང་ར་ཤག་པ་ཡི་གཏེར་ལུང་ལས༔ ཁམས་ཀྱི་ས་ཆར་འབྲོག་མིའི་སྤྲུལ་པ་འབྱུང་༔ སྙིང་གར་ཤ་མཚན་སྨུག་ནག་གྲུ་གསུམ་ཤར༔ ཡང་ཅིག་ཨོ་རྒྱན་གླིང་པའི་གཏེར་ལུང་ལས༔ གཏེར་སྟོན་རྡོ་རྗེ་ཁྲོ་ལོད་ཞེས་བྱ་འབྱུང་༔ ཡང་ཅིག་བདུད་འདུལ་རྡོ་རྗེའི་གཏེར་ལུང་ལས༔ གར་དབང་ལྷ་ཡི་མིང་ཅན་བརྟུལ་ཞུགས་ལྡན༔ མཆན་གཡས་སྨེ་བ་ནོར་བུའི་དབྱིབས་འདྲ་ཡོད༔ ཅེས་དང་བདུད་འཇོམས་རྡོ་རྗེ་ཁྱུང་དྲག་རྩལ༔ ཡང་ཅིག་གཡག་ཕྱར་སྔོན་མོའི་གཏེར་ལུང་ལས༔ སྙིགས་དུས་པད་འབྱུང་རྡོ་རྗེ་ཁྲོ་བོ་ལོད༔ མི་ཡི་རྫུ་ལ་ཞུགས་ནས་གདུལ་བྱ་སྐྱོངས༔ ཡང་ཅིག་བདུད་འདུལ་གཉིས་པའི་ཞལ་ན་རེ༔ ཆུ་སྦྲུལ་ལོ་ལ་ང་ཉིད་དབྱིངས་སུ་གཤེགས༔ ཤིང་མོ་ལུག་ལོར་ཁམས་ཀྱི་གསེར་ལུང་དུ༔ ང་ཉིད་བདུད་འཇོམས་རྡོ་རྗེ་ཞེས་བྱར་འགྱུར༔ ལུས་ལ་ལྟེ་སྨེ་སྙིང་གར་གྲུ་གསུམ་ཤར༔ རྣ་ལྟག་གཡས་སུ་སེང་ཞལ་སྨེ་ཤ་ཤར༔ ཟབ་གཏེར་རྣམ་གཉིས་སྒོ་འབྱེད་འབྲེལ་ཚད་ཀུན༔ ལྷོ་ནུབ་པདྨ་འོད་དུ་ལམ་སྣ་འདྲེན༔ ཡུམ་ཡང་ཤ་ཟ་ཌཱ་ཀིའི་སྤྲུལ་པ་མཆོག༔ པུཎྱེའི་མིང་ཅན་སྨྱོན་པའི་ཚུལ་དུ་སྤྱོད༔ དེ་ལ་སངས་རྒྱས་གླིང་པའི་གཏེར་ལུང་ལས༔ ཡུམ་ནི་དུར་ཁྲོད་ཌཱ་ཀིའི་རིགས་ཅན་ལ༔ རྒྱན་གྱི་མིང་འཛིན་ཁྲོ་གཏུམ་ཅན་ཞིག་འབྱུང་༔ བདུད་འདུལ་རྡོ་རྗེས༔ མཁའ་འགྲོའི་གཙོ་མོ་ལྷ་ལྕམ་ཁྲོམ་པ་རྒྱན༔ བུདྡྷའི་མིང་འཛིན་བདེ་ཆེན་རོལ་པར་སྟོབ༔ བལ་འབངས་སྤྲུལ་པ་སྒྲོན་གྱི་མིང་མཐའ་ཅན༔ བདེ་སྟོང་ཡེ་ཤེས་བསྐྱེད་པའི་མཛའ་ན་མོ༔ བུ་ཡང་ཆོས་རྒྱལ་ཡབ་སྲས་ཨ་ཙར་དབྱངས༔ ཡར་ལུང་སྦ་མིའི་སྤྲུལ་པ་དང་བཅས་འབྱུང་༔ དེས་དུས་རྗེ་འབངས་སྤྲུལ་པ་བཅུ་དྲུག་འཛོམ༔ ཅེས་གསུངས་པ་དང་༔ འཇིགས་མེད་ཕྲིན་ལས་འོད་ཟེར་གྱིས༔ མགོ་དམན་ལ་ལྕགས་ཀྱི་མྱུ་གུ་འབྱུང་༔ མི་འགྱུར་ནམ་མཁའི་རྡོ་རྗེས༔ སྟག་སེར་ཁྲ་ལ་ཞོན་པའི་རྩ་བ་གསུམ༔ སྤྲུལ་པ་མཆོག་རྡོ་རྗེ་ཁྲོ་བོ་ལོད༔ ཤར་དེ་ནས་ཆུ་ལྷའི་ཕྱོགས་སུ་འབྱོན༔ འོད་བརྒྱ་པར་རི་བོང་འཛིན་པ་ཤར༔ ཅེས་སོགས་ལུང་གིས་བསྟན་པ་མང་ལགས་ཀྱང་༔ མདོ་ཙམ་ལས་ནི་མ་སྨྲོས་གྲངས་ལ་འཛེམས༔ དེ་ལྟར་འཕགས་པའི་ལུང་གིས་གྲུབ་པ་ཡིས༔ ཟབ་མོའི་ཆོས་ལ་ཐེ་ཚོམ་མ་བྱེད་དང་༔ གདུལ་བྱ་དུས་ལ་ཅུང་ཟད་མ་བབས་ཀྱིས༔ དུས་བབ་ཚད་དུ་ཕྱིན་ཚེ་འགྲོ་དོན་འབྱུང་༔ དེང་དུས་དཔོན་སློབ་ཀུན་གྱི་དད་བརྩོན་ནས༔ ངེས་པར་དངོས་གྲུབ་ཐོབ་ངེས་རེ་བྱེད་ན༔ གདུལ་བྱ་ཐེར་འབུམ་ཡང་དག་ས་ལ་སྦྱོར༔ ཁྱད་པར་ཁྱོད་ནི་སེ་ཕུང་ནག་པོ་དང་༔ མུ་སྟེགས་ལྟ་བ་ལོག་པའི་ཁ་གནོན་ཏེ༔ ཕྱི་རོལ་རིག་སྔགས་བཟློག་པའི་ཐབས་ལ་འབད༔ ཅེས་གསུངས་པ་ལ་བདག་གིས་འདི་སྐད་ཞུས༔ ཀྱཻ་ཧོཿ རྒྱལ་བའི་སྤྱི་གཟུགས་བླ་མ་རྗེ༔ ཐུགས་རྗེ་བརྩེ་བ་ཆེན་པོས་དགོངས༔ བདག་གི་སྡང་བའི་དགྲ་འདི་ལ༔ འདུལ་བའི་སྔགས་མཁན་སུ་ལ་བྱེད༔ འདུལ་བྱེད་བཀའ་སྲུང་གང་གིས་མཆོག༔ མ་ཧཱ་གུ་རུས་བསྟན་དུ་གསོལ༔ མ་ཧཱ་གུ་རུའི་ཞལ་ན་རེ༔ ཀྱཻ་ཧོཿ སྐལ་ལྡན་སྐྱེས་བུ་དམ་པ་ཁྱོད༔ སྡང་དགྲ་འདུལ་བའི་སྔགས་མཁན་གྱི༔ དཔུང་གཡས་སྨེ་ནག་སུམ་ཚོམ་ཤར༔ མངོན་སྤྱོད་གྲུབ་པའི་སྔགས་མཁན་གྱི༔ མཁལ་ཁུང་གཡོན་ན་སྨེ་ཤ་ཡོད༔ མངོན་སྤྱོད་གྲུབ་པའི་སྔགས་མཁན་གྱི༔ སོག་པ་གཡས་སྟེང་སྨེ་བ་ཡོད༔ མངོན་སྤྱོད་གྲུབ་པའི་སྔགས་མཁན་གྱི༔ པུས་མོའི་སྟེང་ན་སྨེ་བ་ཡོད༔ མངོན་སྤྱོད་གྲུབ་པའི་སྔགས་མཁན་གྱི༔ མིག་འོག་སྨེ་བའི་ཐིག་ཚོམ་ཡོད༔ མངོན་སྤྱོད་གྲུབ་པའི་སྔགས་མཁན་གྱི༔ ལག་རྒྱབ་སྨེ་བའི་ཚོམ་བུ་ཡོད༔ མངོན་སྤྱོད་གྲུབ་པའི་སྔགས་མཁན་གྱི༔ ལག་མཐིལ་གཡས་སུ་སྨེ་བ་ཡོད༔ མངོན་སྤྱོད་གྲུབ་པའི་སྔགས་མཁན་གྱི༔ ནུ་མ་གཡོན་འོག་སྨེ་བ་ཡོད༔ མངོན་སྤྱོད་གྲུབ་པའི་སྔགས་མཁན་གྱི༔ མགུལ་ལ་སྨེ་བའི་ཕྲེང་བ་ཤར༔ མངོན་སྤྱོད་གྲུབ་པའི་སྔགས་མཁན་གྱི༔ ཟ་འགྲམ་སྟེང་ན་སྨེ་ཤ་ཡོད༔ མངོན་སྤྱོད་གྲུབ་པའི་སྔགས་མཁན་གྱི༔ ལུས་ལ་མེ་ལྕེའི་རི་མོ་ཡོད༔ མངོན་སྤྱོད་གྲུབ་པའི་སྔགས་མཁན་གྱི༔ བྲང་ལ་ཤ་མཚན་མིག་འདྲ་ཡོད༔ མངོན་སྤྱོད་གྲུབ་པའི་སྔགས་མཁན་གྱི༔ རྩིབ་ལོག་གཡོན་ན་སྨེ་བ་ཡོད༔ མངོན་སྤྱོད་གྲུབ་པའི་སྔགས་མཁན་གྱི༔ རྒྱབ་ཤ་སྨེ་ཤ་ནག་པོ་ཡོད༔ མངོན་སྤྱོད་གྲུབ་པའི་སྔགས་མཁན་གྱི༔ ལུས་ལ་སྨེ་དཀར་ཐིག་པ་ཤར༔ འདི་དག་མངོན་སྤྱོད་ལས་ལ་དབང་༔ བཀའ་སྲུང་གནོད་སྦྱིན་ཆེན་པོ་ལ༔ དགྲ་སྲོག་དམར་འབྱིན་ནུས་པ་ཡོད༔ དྲང་སྲོང་ཁྱབ་འཇུག་ཆེན་པོ་ལ༔ དགྲ་དབུགས་འཕྲོག་པའི་ནུས་པ་ཡོད༔ བཀའ་སྲུང་བདུད་མགོན་ནག་པོ་ལ༔ དགྲ་སྙིང་དམར་འབྱིན་ནུས་པ་ཡོད༔ དྲང་སྲོང་ཁྱབ་འཇུག་ཆེན་པོ་ནི༔ མཚན་མོ་མུན་པའི་སྨག་ལ་རྦད༔ བཀའ་སྲུང་གནོད་སྦྱིན་དམར་ནག་ནི༔ དགུང་མོ་དམར་ཐག་ཆད་དུས་རྦད༔ གུང་གཉིས་མ་འཆུག་དུས་སུ་རྦད༔ དེ་ཡིས་དགྲ་བོ་ངེས་པར་སྒྲོལ༔ ཅེས་གསུངས་སོ༔ ཡང་བདག་གིས༔ ཀྱཻ༔ ཁྱབ་བདག་རྒྱལ་པོ་བླ་མ་རྗེ༔ བདག་གི་ཟབ་ཆོས་བཀའ་བབ་པའི༔ ཆོས་ཀྱི་བདག་པོ་ཇི་ལྟར་ལགས༔ སྔོན་གྱི་ལས་འབྲེལ་གང་ལ་ཡོད༔ གུ་རུ་ཉིད་ཀྱིས་བསྟན་དུ་གསོལ༔ ཞེས་ཞུས་གུ་རུའི་ཞལ་སྔ་ནས༔ ཉོན་ཅིག་ཁྲག་འཐུང་བདུད་འཇོམས་གླིང་༔ སྔོན་ཚེ་དཔལ་གྱི་བསམ་ཡས་སུ༔ མཁན་སློབ་ཆོས་རྒྱལ་ཞལ་སྔ་རུ༔ རྗེ་འབངས་འབངས་ཚོགས་འདུ་བ་མཛད༔ དེ་ཚེ་མངའ་བདག་རྒྱལ་པོ་ཡིས༔ ཀྱཻ༔ དུས་གསུམ་མཁྱེན་པའི་སངས་རྒྱས་ལགས༔ དེ་རིང་ཚོགས་ཀྱི་དགའ་སྟོན་དུས༔ མ་འོངས་བསྐལ་པའི་སྙིགས་མ་ལ༔ གདུལ་བྱའི་མགོན་དུ་སྐྱེས་བུ་གང་༔ དེ་རིང་དབང་བསྐུར་ལུང་བསྟན་གསོལ༔ དེ་ཚེ་ཨོ་རྒྱན་ཆེན་པོ་ཡིས༔ ཀྱཻ༔ ཉོན་ཅིག་མངའ་བདག་ཆོས་ཀྱི་རྒྱལ༔ རྩུབ་འགྱུར་དུས་ཀྱི་བསྐལ་པ་ལ༔ བདུད་པོ་མི་སྲུན་སྤུན་གསུམ་གྱིས༔ ཧོར་གྱི་ཡུལ་འཛིན་རྒྱལ་ཁམས་དཀྲུགས༔ དེ་དུས་མངའ་བདག་རྒྱལ་པོ་ཉིད༔ གླིང་རྗེ་གེ་སར་དགྲ་འདུལ་གྲགས༔ དེ་ལ་གྲུབ་ཆེན་སུམ་ཅུས་བསྐོར༔ བདུད་ཡུལ་མུན་པའི་གྲོང་ཁྱེར་བཅོམ༔ སེ་ཕུང་སྤྲུལ་པ་སྟོད་དུ་འབྲོས༔ དེ་ལ་སྟོད་ཧོར་ཞེས་བྱ་བའི༔ མུ་ཏོ་བདུད་ཀྱི་ཡུལ་གཅིག་འབྱུང་༔ སྙིགས་དུས་བོད་ཁམས་འཇོམས་པར་ཆས༔ དེ་ཚེ་ཁྱེའུ་ཆུང་ལོ་ཙཱ་ཉིད༔ བདུད་འདུལ་རྡོ་རྗེའི་སྐུར་བཞེངས་ནས༔ རྡོ་རྗེ་བཅུ་གསུམ་འཁོར་དང་བཅས༔ ཡང་ཟབ་གཏེར་གྱིས་གདུལ་བྱ་སྐྱོངས༔ སྤུ་རི་དྭགས་རྫོང་ཕུག་ཉིད་ནས༔ ཡང་ཟབ་གཏེར་སྨྱོན་སྤྱོད་པའི་ཚེ༔ སྟོད་ཧོར་གདུག་པའི་མགོ་འཕང་མནོན༔ དེ་འོག་ཙཱ་རིའི་ཉེ་འདབས་སུ༔ བདུད་པོ་ཐོད་ཁུར་ཅན་གྱི་སྡེས༔ བོད་ཁམས་མི་བདེའི་ལ་ཡོག་འདོར༔ དེ་ཕྱིར་ཁྱེའུ་ཆུང་ལོ་ཙཱ་ཡང་༔ བདུད་འདུལ་དྲག་པོ་རྩལ་དུ་བཞེངས༔ པདྨ་བཀོད་དང་འབྲས་ལྗོངས་ནས༔ ཟབ་མོ་གཏེར་གྱི་སྒོ་ཕྱེས་ནས༔ ནག་པོ་བདུད་ཀྱི་མགོ་འཕང་གནོན༔ དེ་འོག་སེ་ཕུང་སྨོན་ལོག་པས༔ བདུད་ཀྱི་སྤྲུལ་པ་བདུན་བྱུང་ནས༔ དམེ་འཁྲུགས་མཚོན་གྱི་ཡོ་ལངས་འགྱེད༔ སྟག་ལ་མཚོན་གྱི་སྡོང་པོ་འབྱུང་༔ འཁོར་བའི་ཁྲག་གི་ཆར་པ་འདེབས༔ མགོ་ཡུལ་ལ་ལ་དུག་སྡོང་སྐྱེས༔ གཡབ་པའི་རླུང་གིས་ཡུལ་འགའ་འཇོམས༔ རྗེས་ལ་དུག་སྦལ་མགོ་དགུ་འབྱུང་༔ ཁ་རླངས་འཚུབས་མས་གྲོང་འགའ་སྡུད༔ གསེར་གྱི་མེ་ཏོག་གཅིན་གྱིས་བསྐམ༔ རྒྱ་མ་བོད་དུ་བདུད་བྱ་འབྱུང་༔ ཁྲག་གིས་ལུས་བྱུག་དབུས་སུ་འགྲོ༔ ངང་ཁྱུ་དཀྲུགས་ཅིང་འཁྲུགས་པ་ཡིས༔ འཐབ་འཁྲུགས་རོ་ཡི་གྲམ་ཁྲོད་བརྡལ༔ ཧོར་ལ་སྦྲུལ་ནག་སྟོབས་ལྡན་འབྱུང་༔ རྒྱལ་པོའི་དབང་འཕྲོག་ལུགས་གཉིས་འཛིན༔ ངང་པའི་ཁ་ན་གླ་རྩི་བྱུང་༔ རླངས་ཕོག་ཙམ་ནས་ཟ་ཁ་བརྡེབ༔ ངང་ཁྱུ་གྲངས་མང་མགུལ་དུ་གྲུབ༔ ཤི་བའི་རོ་ལས་དུག་རླུང་མཆེད༔ ཁྲག་ཆར་འབེབ་ཅིང་མི་རོ་བསྙིལ༔ ལྒ་ཡི་ཡུལ་དུ་མེ་སྟག་ཤར༔ རླུང་གིས་བསྐྱོད་ཅིང་སོག་ལས་འཕེན༔ རྩྭ་ཕུང་འབར་ནས་སྟག་དམར་གྱི༔ ཉེས་མེད་དམན་ལ་ཚ་དབལ་འབེབ༔ གླིང་སྡེ་མཚམས་ནས་ན་བུན་ལང་༔ དེ་ལས་གཡུ་འབྲུག་གནམ་ལ་འགྲོ༔ ཐོག་གི་ཆར་པ་ས་ལ་འབེབས༔ ལྕགས་ཀྱི་རི་ལ་ངར་ཡང་བླུད༔ མ་ཉེས་ཉམ་ཆུང་ཁྲག་ཏུ་རོལ༔ དེ་དུས་ཁྱེའུ་ཆུང་ལོ་ཙཱ་ཡང་༔ བདུད་འཇོམས་རྡོ་རྗེ་ཁྲོ་ལོད་སྤྲུལ༔ ཐུགས་དགོངས་ཀློང་ཆེན་ཡངས་པ་ནས༔ ཆོས་ཉིད་ནམ་མཁའི་ཀློང་མཛོད་རྡོལ༔ འོད་གསལ་བདེ་ཆེན་རོལ་པ་ནས༔ ཟབ་ཆོས་དགོངས་པ་ཀློང་ནས་རྡོལ༔ ཆོས་ཉིད་སྒྱུ་མར་རོལ་པ་ལས༔ དག་སྣང་ཡེ་ཤེས་དྲྭ་བ་འཆར༔ ཁམས་ཀྱི་རྡོར་བྲག་དམར་ནག་ལས༔ ཟབ་གསང་མཁའ་འགྲོའི་སྙིང་ཐིག་འབྱིན༔ དེ་ཚེ་ཁམས་ཀྱི་སྡེ་དགེ་རུ༔ དཔལ་གྱི་ཡེ་ཤེས་སྤྲུལ་པ་ལས༔ གྲུབ་བརྙེས་རྒྱ་མཚོའི་མིང་མཐའ་ཅན༔ གཏེར་ཆེན་འགའ་ཡི་ཆོས་བཅུད་བསྡུ༔ བདེ་སྟོང་བཅུད་ལ་རོལ་ཞིང་སྤྱོད༔ ཡུལ་དེར་ལང་གྲོའི་སྤྲུལ་པ་མཆོག༔ གྲུབ་བརྙེས་ཨ་ཡུའི་མིང་ཅན་འབྱུང་༔ ཨ་ནུའི་བཅུད་ལེན་ཁ་ཏོག་བཞིའི༔ གོས་འཆང་བཟོ་རིག་ནོར་དུ་བཀོལ༔ རྟེན་འབྲེལ་གཞན་ལ་སྨོད་ངན་གྱིས༔ ཡུལ་ལ་ཕན་པ་ཡང་དེ་ཙམ༔ གྲུབ་བརྙེས་རྒྱལ་བ་བྱང་ཆུབ་ཀྱི༔ སྤྲུལ་པ་མེད་ཀྱི་མིང་མཐའ་ཅན༔ རྫུ་འཕྲུལ་མངོན་ཤེས་མ་ངེས་འདོམས༔ རྒྱ་འདྲེ་མེ་ཞོན་ཁ་ཡང་གནོན༔ དེ་དུས་སྐྱེས་མཆོག་བདུད་འཇོམས་པའི༔ ཟབ་གཏེར་ཞལ་ཕྱེས་དེའི་ཟིལ་གྱིས༔ ནག་པོ་བདུད་ཀྱི་མགོ་འཕང་གནོན༔ དེ་ཚེ་ནག་ཕྱོགས་མི་སྲུན་པས༔ བར་ཆད་རྒོལ་བའི་ལ་ཡོག་འདོར༔ དེ་ལ་མནན་བསྲེགས་ལས་བརྩོན་གནད༔ ཆོས་བདག་ད་ལྟའི་རྗེ་འབངས་འགའ༔ འཛིན་སྐྱོང་བསྒྲུབ་བརྩོན་བསྟན་ལ་གདུང་༔ གདུལ་བྱའི་འགྲོ་དོན་ངང་གིས་འབྱུང་༔ སྨོན་ལམ་ལས་ཅན་སྐྱེས་བུ་རྣམས༔ མངའ་བདག་ཁྱོད་ཉིད་དེ་ཡི་སྲས༔ དབང་གི་མིང་འཛིན་བསྟན་འགྲོ་གསོ༔ གྲུབ་བརྙེས་ཟབ་མོའི་གཏེར་ལ་སྤྱོད༔ མ་ངེས་སྤྱོད་པས་ལོག་འདྲེན་འདུལ༔ ལྷ་སྲས་མུ་རུམ་བཙན་པོ་ཡང་༔ རིགས་སྲས་བསོད་ནམས་མིང་དུ་གྲགས༔ མཁས་གྲུབ་བརྙེས་ཤིང་ཟབ་གཏེར་སྤྱོད༔ བོད་ཁམས་གཉིས་ཀྱི་མུན་པ་སེལ༔ ངའི་བུ་ཨཱཪྻ་དཔལ་དབྱངས་ཉིད༔ རིགས་སྲས་རྡོ་རྗེའི་མིང་མཐའ་ཅན༔ རྟོགས་པ་མངོན་གྱུར་དངོས་གྲུབ་བརྙེས༔ འབྲེལ་ཚད་རིག་འཛིན་ས་ལ་སྦྱོར༔ ཡར་ལུང་སྦ་མི་ཁྲི་གཞེར་ཡང་༔ རིགས་སྲས་ཤེས་རབ་ཉི་མར་སྤྲུལ༔ ཡི་དམ་མངོན་གྱུར་བཀའ་སྲུང་འདུ༔ མཐུ་སྟོབས་རྡོ་རྗེ་ཅན་ལ་འགྲན༔ རྒྱལ་པོའི་སྲས་མོ་པདྨ་འདི༔ མཁའ་འགྲོ་པད་མའི་མིང་དུ་གྲགས༔ ལོག་པ་བདུད་ཀྱིས་མ་བསླད་ན༔ ཟང་ཐལ་དྲི་མེད་ལུས་ཐོབ་འགྱུར༔ དེ་ལྟར་མཆོག་གི་སྤྲུལ་སྐུ་ལྔས༔ བྱེ་མ་སྙེད་གྲངས་འགྲོ་བ་འདྲེན༔ གཡུ་སྒྲ་རྗེ་ཡི་མིང་མཐའ་ཅན༔ སྒྲུབ་བརྩོན་མངོན་ཤེས་གཞན་ལ་འདོམས༔ ལྷ་དཔལ་མཆོག་གི་མིང་མཐའ་ཅན༔ ལྟ་བ་ནམ་མཁའི་ཀློང་ལ་འགྲན༔ སྙིང་རྗེ་པདྨ་ཅན་ལ་འགྲན༔ འབྲེལ་ཚད་མངོན་དགའི་ཞིང་དུ་འཕེན༔ སྣ་ནམ་རྡོ་རྗེ་བདུད་འཇོམས་པ༔ སྐྱེས་མཆོག་མེད་ཀྱི་མིང་མཐའ་ཅན༔ རྒྱུད་དུལ་ཕྲ་ཡང་དབང་པོ་རྣོ༔ ལྟ་བའི་གདིང་མཐོ་འབྲེལ་ཐོགས་འདྲེན༔ མཚོ་རྒྱལ་སྤྲུལ་པ་རྡོ་རྗེའི་མིང་༔ མ་ངེས་སྤྱོད་པ་ཅིར་ཡང་སྤྱོད༔ བཻ་རོའི་སྤྲུལ་པ་དྷརྨའི་མིང་༔ ངེས་མེད་གནས་ལ་སྤྲོ་ཞིང་རྒྱུ༔ ཅོག་རོའི་སྤྲུལ་པ་པདྨའི་མིང་༔ སྒོམ་སྒྲུབ་མཐར་ཕྱིན་འཇའ་ལུས་ཐོབ༔ སྐ་དཔལ་བཅུ་པའི་མིང་མཐའ་ཅན༔ མཁས་ཤིང་གྲུབ་པ་མངོན་དུ་གྱུར༔ ཡེ་ཤེས་དབྱངས་སྤྲུལ་ག་གའི་མིང་༔ སྤྲོ་ཐུང་སྙིང་རུས་ཆོས་ལ་སྤྱོད༔ རྒྱལ་བའི་བློ་གྲོས་སྤྲུལ་པ་ཉིད༔ ག་ཎ་པ་ཏིའི་མིང་ཅན་ནོ༔ སྲོང་བཙན་སྒམ་པོའི་སྤྲུལ་པ་ཉིད༔ སུ་ཁ་བཛྲ་མིང་མཐའ་སྟེ༔ ལྷ་ལུང་དཔལ་རྡོར་སྤྲུལ་པ་ཉིད༔ སིདྡྷིའི་མིང་ཅན་སྐྱེས་བུ་སྟེ༔ དྲན་པ་ནམ་མཁའི་སྤྲུལ་པ་ཉིད༔ རྒྱལ་གྱི་མིང་མཐའ་ཅན་དེ་ཀ༔ མཁར་ཆེན་རྒྱལ་གྱི་སྤྲུལ་པ་ཉིད༔ སྔགས་ཀྱི་སྐྱེས་བུ་སང་གའི་མིང་༔ སངས་རྒྱས་ཡེ་ཤེས་སྤྲུལ་པ་ལས༔ རྣལ་འབྱོར་མཚན་གྱི་མིང་མཐའ་ཅན༔ པ་གོར་ཧེ་འདོད་སྐྱེ་རྒྱུད་ལས༔ རྣལ་འབྱོར་ཤྲཱིའི་མིང་མཐའ་ཅན༔ བུང་བ་མགོན་དར་སྐྱེ་རྒྱུད་ལས༔ དྲ་ཡའི་མིང་མཐའ་འཛིན་པ་སྟེ༔ རྨ་ཐོག་རིན་ཆེན་སྤྲུལ་པ་ལས༔ སྐྱེས་མཆོག་ནོར་བུའི་མིང་མཐའ་ཅན༔ འོ་བྲན་དབང་ཕྱུག་སྤྲུལ་པ་ལས༔ སྐྱེས་མཆོག་རཏྣའི་མིང་ཅན་འབྱུང་༔ འབྲོག་མི་དཔལ་གྱི་སྤྲུལ་པ་ལས༔ སྐྱེས་མཆོག་བཱིདྱའི་མིང་ཅན་འབྱུང་༔ ནམ་མཁའི་སྙིང་པོའི་སྤྲུལ་པ་ལས༔ སྐྱེས་མཆོག་བོ་དྷིའི་མིང་ཅན་འབྱུང་༔ འདི་ལྟར་མདོར་ན་བཀའ་བབ་ཀྱི༔ ཆོས་བདག་སྐྱེས་བུ་གང་ཡང་རུང་༔ གཏེར་ཆེན་མཆོག་དེར་དད་པ་དང་༔ ཟབ་ཆོས་ཉམས་སུ་ལེན་ལ་གདུང་༔ ཐེག་པ་ཆེན་པོའི་ཆོས་ལ་མོས༔ སྨོན་ལམ་ལས་ཀྱི་མཐུ་བཙན་པས༔ ལས་ཅན་སྐྱེས་བུ་དེ་དག་ཀུན༔ འབོད་བསྡུ་མེད་པར་ངང་གིས་འདུ༔ དེ་ཚེ་ལས་ཅན་སྐྱེས་བུ་འགའ༔ གཏན་དུ་བདེ་བའི་ས་ལམ་བསྒྲོད༔ སྐྱིད་པའི་ཉི་མ་ལན་ཅིག་འཆར༔ སྨོན་ལམ་ལོག་པའི་སྐྱེས་བུ་འགས༔ སྐྱོན་དུ་མཐོང་ཞིང་གཤེ་སྐུར་འདེབས༔ ཞེས་གསུངས་དེ་ནས་སྟོན་འཁོར་གྱིས༔ སྨོན་ལམ་ཆེན་པོའི་མཐུ་ཡང་སྦྲན༔ དེ་དོན་ཤེས་མཛོད་བདུད་འཇོམས་པ༔ ཡང་ཅིག་གསོན་དང་སྐྱེས་བུ་ཁྱོད༔ སྒྲུབ་པའི་བཀའ་བབ་སྐྱེས་བུ་ནི༔ པདྨའི་སྤྲུལ་པ་ཤ་སྟག་འབྱུང་༔ དེ་ཡང་བཤད་ཀྱི་ལེགས་པར་ཉོན༔ བཀའ་བབ་འདུལ་གྱི་མིང་མཐའ་ཅན༔ བཞིན་ནག་སྤྲོ་ཐུང་སྙིང་རུས་ལྡན༔ ལྷུན་གྲུབ་བཀོད་པ་ལོངས་སྤྱོད་ཅིང་༔ ཡང་དག་རྫོགས་པའི་སངས་རྒྱས་ཐོབ༔ དེའི་མཐུས་བསྟན་པ་མཐའ་ནས་རྒྱས༔ བཀའ་བབ་རྒྱ་མཚོའི་མིང་མཐའ་ཅན༔ ཟ་འགྲམ་བཞིན་ལ་སྨེ་ཤ་ཡོད༔ དབྱིངས་རིག་མཉམ་བརྡལ་ངང་སྤྱོད་ན༔ འོད་ཀྱི་སྤྲིན་དཔུང་མཁའ་ལ་འདྲེས༔ དེས་ཀྱང་བསྟན་ལ་ཕན་ཆེར་བཏགས༔ བཀའ་བབ་བློ་ཡི་མིང་མཐའ་ཅན༔ བཞིན་སྔོ་སྐྱོ་ཤས་སྙིང་རུས་འཛོམས༔ གསང་ཆེན་རྩེ་མོར་སྤྱོད་གྱུར་ན༔ འཇའ་ལུས་རྡོ་རྗེའི་སྐུ་ཡང་ཐོབ༔ དེས་ཀྱང་བསྟན་ལ་ཕན་ཆེར་འབྱུང་༔ བཀའ་བབ་ཛྙཱ་ན་རསྨི་ཡི༔ འོད་གསལ་གསང་ལམ་ལ་སྤྱོད་ནས༔ བར་ཆད་རླུང་གིས་མ་ཁྱེར་ན༔ འཇའ་ལུས་སྒྱུ་མའི་སྐུ་ཡང་ཐོབ༔ བསྟན་ལ་ཕན་པ་དཔག་ཏུ་མེད༔ བཀའ་བབ་པདྨ་མངྒ་ཡི༔ གསང་ཆེན་འོད་གསལ་ལྷུམས་འཇུག་ན༔ ཡེ་ཤེས་སྒྱུ་མའི་སྐུ་བརྙེས་འགྱུར༔ བསྟན་ལ་ཕན་པ་བླ་ན་མེད༔ བཀའ་བབ་རིག་པའི་མྱུ་གུ་ཡི༔ འོད་གསལ་གསང་ལམ་ལ་སྤྱོད་ན༔ ཟད་པ་ལྔ་ཡི་སྐྱེ་མཆེད་ཀྱིས༔ གྲུབ་པ་བརྒྱད་ལ་ཐོགས་པ་མེད༔ འཇའ་ལུས་འཕོ་ཆེན་སྐུ་བརྙེས་ཤིང་༔ བསྟན་ལ་ཕན་པ་དཔག་ཏུ་མེད༔ བཀའ་བབ་དྷརྨ་བཛྲ་གྱིས༔ གསང་ཆེན་རྩེ་མོར་སྤྱོད་གྱུར་ནས༔ བར་ཆད་རྐྱེན་ལ་མ་ཤོར་ན༔ གྲུབ་བརྒྱད་རྩེ་འཇོ་རོལ་པའི་གར༔ བསྡུ་ཚེ་ཡེ་ཤེས་སྒྱུ་མར་བསྡུ༔ བསྟན་ལ་ཕན་པ་བླ་ན་མེད༔ བཀའ་བབ་པུཎྱཻ་ཤྲཱི་ཡིས༔ འོད་གསལ་གསང་ལམ་ལ་སྤྱོད་ན༔ འཇའ་ལུས་རིག་འཛིན་ཨ་ལ་ལ༔ བསྟན་ལ་ཕན་པ་བླ་ན་མེད༔ བཀའ་བབ་རྒྱན་གྱི་མིང་མཐའ་ཅན༔ མདོག་དཀར་རྒྱུད་འཇམ་སྒྲུབ་ལ་མོས༔ བར་ཆད་རླུང་གིས་མ་བསླུས་ན༔ དངོས་གྲུབ་མཆོག་ལ་ལོངས་སྤྱོད་འགྱུར༔ བཀའ་བབ་བྷ་དྲའི་མིང་མཐའ་ཅན༔ བོང་ཆེ་བློ་རྣོ་ཕྲག་ཀྱང་ཡང་༔ བར་ཆད་སད་ཀྱིས་མ་ཁྱེར་ན༔ འོད་གསལ་གསང་བའི་ལམ་མཆོག་གིས༔ སྤྱན་དང་མངོན་པར་ཤེས་པ་འཐོབ༔ ཚེ་འདིར་གྲོལ་བར་གདོན་མི་ཟ༔ བཀའ་བབ་མཆོག་གི་མིང་ཅན་ནི༔ མུ་ཏོ་བདུད་ཀྱིས་མ་བསླུས་ན༔ འོད་གསལ་གསང་བ་ལ་བརྟེན་ནས༔ བླ་མ་མཆོག་ལ་དད་གུས་ན༔ མི་འཇིགས་གདིང་ཆེན་མངོན་ཐོབ་འགྱུར༔ བཀའ་བབ་རབ་ཀྱི་མིང་མཐའ་ཅན༔ བླ་མར་གདུང་བ་གཞིར་བཞག་ནས༔ འོད་གསལ་གསང་ལམ་ལ་སྤྱོད་ན༔ འཇའ་ལུས་ཐོབ་གྱུར་གདོན་མི་ཟ༔ དེས་ཀྱང་བསྟན་ལ་ཕན་ཆེར་བཏགས༔ བཀའ་བབ་དྷརྨ་དྷརྟུ་ཡི༔ ཆེ་མཆོག་རྡོ་རྗེ་ཁྲོ་ལོད་ལ༔ བསྟེན་ནས་འོད་གསལ་གསང་ཆེན་ལམ༔ སྤྱོད་པས་ཡེ་ཤེས་སྒྱུ་མ་འགྲུབ༔ བཀའ་བབ་དགེ་བའི་མིང་ཅན་གྱིས༔ རྡོ་རྗེ་ཕུར་པ་ལ་བརྟེན་ནས༔ གསང་ཆེན་ཟབ་ལམ་ལྷུར་བླངས་ན༔ ཁྱབ་བདག་གདོད་མའི་དབྱིངས་སུ་གྲོལ༔ བཀའ་བབ་བསམ་གྱི་མིང་ཅན་དེས༔ རྟ་མགྲིན་ནག་པོ་ལ་བརྟེན་ནས༔ འོད་གསལ་གསང་ལམ་ལ་སྤྱོད་ན༔ འཇའ་ལུས་ཐོབ་ཅིང་གདུལ་བྱ་འདུལ༔ བཀའ་བབ་རྣམ་གྱི་མིང་ཅན་ཏེ༔ རྡོ་རྗེ་ཁྲོ་ལོད་ལ་བསྟེན་ནས༔ འོད་གསལ་གསང་ལམ་ལ་སྤྱོད་ན༔ འཇའ་ལུས་ཐོབ་ཅིང་གདུལ་བྱ་འདུལ༔ བཀའ་བབ་ལྷ་ཡི་མིང་ཅན་གྱིས༔ གསང་བདག་སྒྲུབ་པ་ལ་བརྟེན་ནས༔ འོད་གསལ་གསང་ཆེན་ལྷུར་ལེན་ན༔ རྣམ་མཁྱེན་ཡང་དག་ས་མཆོག་ཐོབ༔ བཀའ་བབ་ཚེ་ཡི་མིང་ཅན་གྱིས༔ བདེ་ཆེན་རྒྱལ་པོ་ལ་བརྟེན་ནས༔ འོད་གསལ་གསང་ཆེན་སྒོར་ཞུགས་ན༔ ཚེ་ལ་དབང་བའི་རིག་འཛིན་ཐོབ༔ བཀའ་བབ་རྩོལ་གྱི་མིང་མཐའ་ཅན༔ བླ་མ་ཞི་ཁྲོའི་སྒྲུབ་པ་ལ༔ བརྟེན་ནས་གསང་ཆེན་ལ་སྤྱོད་ན༔ འཇའ་ལུས་ཐོབ་གྱུར་གདོན་མི་ཟ༔ བཀའ་བབ་ནོར་བུའི་མིང་མཐའ་ཅན༔ ཚེ་ཡི་སྒྲུབ་པ་ལ་བརྟེན་ནས༔ གསང་ཆེན་མྱུར་ལམ་ལ་སྤྱོད་ན༔ འཇའ་ལུས་ཐོབ་པར་གདོན་མི་ཟ༔ བཀའ་བབ་དར་གྱི་མིང་མཐའ་ཅན༔ བདེ་ཆེན་རྒྱལ་པོ་ལ་བརྟེན་ནས༔ གསང་ཆེན་མྱུར་ལམ་ལ་སྤྱོད་ན༔ འཇའ་ལུས་འཕོ་ཆེན་རིག་འཛིན་བརྙེས༔ བཀའ་བབ་བསྟན་འཛིན་མིང་མཐའ་ཅན༔ བདེ་ཆེན་རྒྱལ་པོ་ལ་བརྟེན་ནས༔ འོད་གསལ་རྫོགས་ཆེན་ལ་སྤྱོད་ན༔ ཕྱག་རྒྱ་ཆེན་པོ་རིག་འཛིན་ཐོབ༔ བཀའ་བབ་འབར་གྱི་མིང་ཅན་ཏེ༔ རྡོ་རྗེ་གཏུམ་པོ་ལ་བརྟེན་ནས༔ ཡང་གསང་སྒྲུབ་པ་མྱུར་ལེན་ན༔ ཚེ་གཅིག་སངས་རྒྱས་ཨེ་མ་ཧོཿ  བཀའ་བབ་བརྩོན་གྱི་མིང་ཅན་ཏེ༔ གསང་བདག་གཏུམ་པོ་ལ་བརྟེན་ནས༔ གསང་ཆེན་ཟབ་ལམ་ལྷུར་ལེན་ན༔ འཁོར་བ་དོང་སྤྲུགས་དཔལ་ཐོབ་འགྱུར༔ བཀའ་བབ་བུདྡྷའི་མིང་ཅན་གྱིས༔ གསང་བདག་སྒྲུབ་པ་ལ་བརྟེན་ནས༔ ཐེག་རྩེའི་རྣལ་འབྱོར་སྤྱོད་གྱུར་ན༔ རྣམ་མཁྱེན་ཡང་དག་ས་མཆོག་ཐོབ༔ བཀའ་བབ་སྔགས་ཀྱི་མིང་མཐའ་ཅན༔ རྡོ་རྗེ་དྲག་པོ་ལ་བརྟེན་ནས༔ འོད་གསལ་གསང་ཆེན་ལ་སྤྱོད་ན༔ རྣམ་པར་གྲོལ་བའི་ས་ཐོབ་འགྱུར༔ ཤར་གྱི་ཀྭ་ཆེན་སེངྒེ་པ༔ མིག་འབུར་སྐད་ཆེ་ཁྲོ་གཉེར་ལྡན༔ རྡོ་རྗེ་གཏུམ་པོ་ཉིད་ལ་དད༔ ལྷོ་ཡི་ཀྭ་ཆེན་སངས་རྒྱས་མཚན༔ བོང་ཐུང་བརྗིད་ལྡན་མིག་རྩ་དམར༔ གཏོང་ཕོད་ཕྲག་ཡངས་རིག་པ་རྣོ༔ རྩེ་གཅིག་པད་འབྱུང་ཉིད་ལ་དད༔ ནུབ་ཀྱི་ཀྭ་ཆེན་རྡོ་རྗེའི་མིང་༔ མདོག་དཀར་གཏོང་ཕོད་རིག་པ་ཧུར༔ མ་ངེས་སྤྱོད་པ་སྣ་ཚོགས་སྟོན༔ དབང་སྡུད་ཆེ་ཞིང་ངེས་མེད་རྒྱུ༔ བྱང་གི་ཀྭ་ཆེན་མེ་ལོང་པ༔ སྤྲོ་ཐུང་མཐུ་ཆེ་བཞིན་མདངས་ནག༔ རྡོ་རྗེ་ཕུར་པ་ཉིད་ལ་དད༔ མཐོང་ཐོས་དྲན་རེག་འདྲེན་པའི་སྟོབས༔ ལོག་པ་བདུད་ཀྱིས་མ་བསྐྲད་ཅིང་༔ དེ་དག་དུས་འདིར་འཛོམ་གྱུར་ན༔ དང་པོ་ཡང་དག་བསྒྲུབ་ལ་བརྩོན༔ བར་དུ་ངེས་མེད་གནས་སུ་འགྲིམས༔ ཐ་མ་སྨིན་གྲོལ་གཞན་ལ་འདོམས༔ དེ་ལྟར་ཚུལ་བཞིན་ཉམས་ལེན་ན༔ བསྟན་དང་འགྲོ་བའི་དོན་ཆེན་འགྲུབ༔ ཅེས་གསུངས་སོ༔ ཡང་ཅིག་བདག་གིས་འདི་སྐད་ཞུས༔ གདོད་མའི་དབྱིངས་ལ་གསོལ་བ་འདེབས༔ བསྐལ་པ་སྙིགས་མ་དེང་གི་དུས༔ བདག་ནི་ཁྱེད་དང་དབྱེར་མེད་ན༔ མི་འདོད་ཡོ་ལངས་ཅི་ལ་ལྡང་༔ རིག་འཛིན་རྒྱལ་པོས་བསྟན་དུ་གསོལ༔ དེ་ནས་རིག་འཛིན་རྒྱལ་པོ་ཡིས༔ ཀྱཻ་ཧོཿ གསོན་ཅིག་བདུད་འཇོམས་པ༔ ཁམས་གསུམ་འཁོར་བའི་སེམས་ཅན་ཀུན༔ ལོག་པ་བདུད་ཀྱི་འབངས་ཡིན་པས༔ དེ་ལས་སྐྱེས་བུ་གང་སུ་དག༔ ཐར་པ་ཆེན་པོའི་གྲོང་འཇུག་ན༔ བདུད་རྗེ་འཁྲུགས་པའི་གེགས་ཆེན་འབེབས༔ ལུས་ངག་དགེ་ལ་སྦྱོར་བ་ལ༔ བགེགས་ཆེན་མངའ་ཐང་འཁྲུགས་རྒྱལ་དང་༔ བགེགས་ཆུང་དབུལ་ཕོངས་སྲི་ནག་འབྱུང་༔ སྐྱེ་མེད་དོན་ལ་གཞོལ་བའི་ཚེ༔ བགེགས་ཆེན་འདོད་ཡོན་འཁྲུགས་རྒྱལ་དང་༔ བགེགས་ཕྲན་འདུ་འཛི་འཕྲུལ་དབང་འབྱུང་༔ ངེས་གསང་དོན་དང་འཕྲད་པའི་ཚེ༔ བགེགས་ཆེན་སྣང་བ་བསྒྱུར་བྱ་དང་༔ བགེགས་ཕྲན་བྱིང་རྨུགས་འཐིབ་བྱེད་འབྱུང་༔ ཡང་དག་དོན་དང་འཕྲད་པའི་ཚེ༔ བགེགས་ཆེན་དགའ་བྱེད་འཕྲུལ་བྱེད་དང་༔ བགེགས་ཕྲན་ནད་ཀྱི་བདག་པོ་འབྱུང་༔ སྐྱེ་མེད་དབྱིངས་དང་འཕྲད་པའི་ཚེ༔ བགེགས་ཆེན་ཐེ་ཚོམ་སློང་བྱེད་དང་༔ བགེགས་ཕྲན་སྟོང་འབྱམས་ནག་པོ་འབྱུང་༔ ཆོས་ཉིད་དོན་དང་འཕྲད་པའི་ཚེ༔ བགེགས་ཆེན་གོལ་སར་འཁྲུལ་བྱེད་དང་༔ བགེགས་ཕྲན་ནོར་ས་དྲུག་འདྲེན་འབྱུང་༔ མངོན་སུམ་སྣང་བ་མཐོང་བའི་ཚེ༔ བགེགས་ཆེན་ལོག་ལྟ་སློང་བྱེད་དང་༔ བགེགས་ཕྲན་ཐེ་ཚོམ་དབང་པོ་འབྱུང་༔ ཉམས་སྣང་གོང་དུ་འཕེལ་བའི་ཚེ༔ བགེགས་ཆེན་དམག་ཇག་ཆོམ་རྐུན་དང་༔ བགེགས་ཕྲན་མི་མིན་གདུག་པ་ལང་༔ ཐར་པའི་ལམ་གེགས་བདུད་ཀྱི་ཡུལ༔ སྐྱེས་བུ་མཆོག་ལ་ངོམས་ཤིང་རྒྱུག༔ ཚེ་རབས་དུ་མའི་ལས་ངན་འབྲས༔ སྐྱེ་བ་འདི་རུ་འདུ་བ་ཡིས༔ མི་འདོད་ཆུ་ལ་གཉེར་མ་བཞིན༔ རིམ་བཞིན་འབྱུང་བ་དགྲ་མང་ཀུན༔ མཐུན་པའི་ཕྱོགས་བཞིན་དང་ལེན་པའི༔ སྐྱེས་བུ་མཆོག་དེ་ངེས་པར་གྲོལ༔ འདི་དུས་ལྷ་ལ་ཡི་ཆད་དང་༔ ཆོས་ལ་ཐེ་ཚོམ་བྱེད་པ་སྤོངས༔ ངོ་ཤེས་མཛོད་ཅིག་བདུད་འཇོམས་པ༔ རྫོགས་པའི་སངས་རྒྱས་ཡོན་ཏན་མཛོད༔ ལོག་པ་བདུད་ཀྱིས་འགྲན་ཆེན་བཙུགས༔ མི་དང་མི་མིན་ལ་ཡོག་འདོར༔ སློབ་ངན་དག་དང་ཕ་རོལ་གྱི༔ མི་སྲུན་ལོག་ལྟའི་སྨྲ་དབབ་བརྩམས༔ སོ་སྐྱེ་ཕམ་དག་ལྟ་ཡང་ཅི༔ ཤེས་པར་མཛོད་ཅིག་སྐལ་ལྡན་བུ༔ }}
</onlyinclude>
</onlyinclude>
{{TsagliCall}}
{{TsagliCall}}
<headertabs/>
<headertabs/>

Latest revision as of 09:40, 4 September 2025

Previous Text Back to Volume PageNext Text
Wylie title dag snang ye shes drwa ba las: rig 'dzin hUM chen kA ra'i zhal lung pad+ma'i do shal: TTDL-ZABTER-14-PHA-036.pdf
Location bdud 'joms gling pa zab gter
Volume 14, Text 36, Pages 315-339 (Folios 1a1 to 13a6)
Author བདུད་འཇོམས་གླིང་པ་
Citation Khrag 'thung Bdud 'joms gling pa. Dag snang ye shes drwa ba las rig 'dzin hUM chen kA ra'i zhal lung pad+ma'i do shal. In Sprul pa'i gter chen bdud 'joms gling pa'i zab gter gsang ba'i chos sde, Vol. 14: 315-339. Thimphu, Bhutan: Lama Kuenzang Wangdue, 2004.
Side notes Recto: lung byang   Verso: bdud 'joms zab gter
More details More details
Tertön བདུད་འཇོམས་གླིང་པ་ (bdud 'joms gling pa)
Genre Treasure Certificates - lung byang
Cycle དག་སྣང་ཡེ་ཤེས་དྲྭ་བ་ (dag snang ye shes drwa ba)
[edit]
༁ྃ༔ དག་སྣང་ཡེ་ཤེས་དྲྭ་བ་ལས༔ རིག་འཛིན་ཧཱུྃ་ཆེན་ཀཱ་རའི་ཞལ་ལུང་པདྨའི་དོ་ཤལ་བཞུགས་སོ༔


༁ྃ༔ ན་མོ་གུ་རུ་པདྨ་ཀ་ར་ཡེ༔ (བརྡ་ཡིག་) དུས་གསུམ་རྒྱལ་བ་སྲས་བཅས་ཀྱི༔ ཐུགས་ཆོས་ཉིད་རོལ་པར་རོ་གཅིག་པའི༔ གདངས་གདུལ་བྱའི་སྣང་ངོར་ཆུ་ཟླའི་གར༔ ལྷ་ཨོ་རྒྱན་མཚོ་སྐྱེས་རྗེ་ལ་འདུད༔ ཡོས་གསེར་གྱི་རི་ལ་བབ་པའི་ལོར༔ ལྷོ་གཡུ་འབྲུག་སྔོན་མོའི་བློན་བྱེད་ཅིང་༔ གྲངས་བཅུ་ཕྲག་དམག་ལ་བབ་པ་ཡི༔ མཚོན་འོད་བརྒྱའི་གསལ་ལམ་ངོམས་པའི་ཚེ༔ ཉམས་འོད་གསལ་འདྲེས་པའི་སྣང་ཆ་ལ༔ གནས་ཟངས་མདོག་དཔལ་རི་ཡིན་སྐད་པའི༔ ཞིང་བཀོད་ལེགས་ཡོན་ཏན་ཕུན་ཚོགས་པ༔ སེམས་བདེ་སྟོང་རོ་ཡིས་མྱོས་བྱེད་པའི༔ གནས་དེ་རུ་འཇའ་འོད་གུར་ཁྱིམ་ནང་༔ ལྷ་དཔའ་བོ་མཁའ་འགྲོའི་ཚོགས་ཀྱི་དབུས༔ དཔལ་རིག་འཛིན་རྒྱལ་པོ་ཧཱུྃ་ཀཱ་ར༔ སྐུ་རབ་ཏུ་བསྒྲེས་པའི་རྣམ་འགྱུར་ཅན༔ མི་བདག་ལ་སྤྱན་གྱིས་ཧྲིག་གེར་གཟིགས༔ ཞལ་འཛུམ་པའི་མདངས་ཀྱིས་འདི་སྐད་གསུངས༔ སྔོན་འཛིན་པ་ནག་པོའི་བསྐལ་པ་ལ༔ ཁྱོད་ང་དང་གཉིས་སུ་མེད་པ་སྟེ༔ ད་དབྱིངས་ཞིག་བསྐལ་པའི་དུས་ཤིག་ན༔ འབྲོག་ཁྱེའུ་ཆུང་ལོ་ཙཱ་དེ་རུ་ཤར༔ ཡང་བསྐལ་པ་དེ་ཡི་སྐབས་ཤིག་ན༔ གྲུམ་མཁར་ནག་ཅན་གྱིས་གདུལ་བྱ་འདུལ༔ ཡང་བསྐལ་པ་དེ་ཡི་སྐབས་ཤིག་ན༔ དཔལ་ཧེ་པ་ཆོས་འབྱུང་ཞེས་སུ་གྲགས༔ ཡང་བསྐལ་པ་དེ་ཡི་སྐབས་ཤིག་ན༔ དཔལ་ལྷ་བཙུན་སྔོན་མོས་གདུལ་བྱ་སྐྱོངས༔ ཡང་བསྐལ་པ་དེ་ཡི་དུས་སྐབས་ན༔ དཔལ་ཁྲག་འཐུང་བདུད་འདུལ་རྣམ་གཉིས་གྲགས༔ ད་བསྐལ་པ་སྡུད་བྱེད་དུས་འདི་ན༔ ང་གཞི་དབྱིངས་ངོ་བོར་སངས་རྒྱས་ཀྱང་༔ ཁྱོད་སྒྱུ་མའི་འཕྲུལ་བཞིན་རྩལ་དུ་ཤར༔ དོན་གཉིས་མེད་རོལ་པར་དབྱིངས་སུ་བསྡུ༔ ཞེས་ཟེར་ལན་དུ་ངས་འདི་སྨྲས༔ ཀྱཻ༔ གདོད་མ་གཞི་ཡི་སངས་རྒྱས་ལགས༔ ངས་ཚེ་གཅིག་ལྷ་བསྒོམ་སྔགས་ཀྱང་བཟླས༔ དོན་ཟབ་མོའི་འོད་གསལ་རྫོགས་ཆེན་བསྒོམ༔ ཕྱི་གཞན་དོན་འགྲུབ་པ་ལྟ་ཞོག་དང་༔ ནང་རང་དོན་སྤུ་ཙམ་མ་འགྲུབ་ཁར༔ རྐྱེན་བར་ཆད་ཡོ་ལངས་རླུང་ལྟར་གཡོས༔ ཆོས་སྒྲུབ་ལ་དོན་འགོ་མ་མཆིས་སམ༔ ངའི་ཆོས་ལ་བྱིན་ནུས་ཡོད་དམ་མེད༔ གཞན་བུ་སློབ་སྐྱོངས་ཚད་མ་སླེབས་སམ༔ དཔལ་རིག་འཛིན་བླ་མས་བསྟན་དུ་གསོལ༔ ཞེས་ཞུས་པས་གུ་རུས་བཀའ་སྩལ་པ༔ ཁྱོད་བསྐྱེད་རིམ་ནུས་པ་ཐིག་ལེར་ཐེབས༔ སེམས་ཡི་དམ་ལྷ་རུ་རྣམ་པར་སྨིན༔ དོན་ཆོས་ཉིད་བདེན་པ་མངོན་སུམ་མཐོང་༔ སྔགས་ནུས་པ་རྩ་རླུང་ལ་ཐེབས་མཐུས༔ ཁྱོད་མགྲིན་པ་ལོངས་སྤྱོད་རྩ་མདུད་གྲོལ༔ དེས་བརྡའ་དང་གདམས་པའི་གཏེར་མཛོད་རྡོལ༔ དོན་ངེས་གསང་སྙིང་པོ་བསྒོམས་པའི་མཐུས༔ ཚེ་འདི་རུ་ཆོས་སྐུའི་རྒྱལ་སྲིད་ཐོབ༔ ཡུལ་དད་ལྡན་རྒྱུད་ལ་རྟོགས་པ་འཕོ༔ དོན་ཡོན་ཏན་མངོན་དུ་གྱུར་དེ་ཀ༔ སྔོན་ཚེ་རབས་དུ་མའི་ལས་འབྲས་དང་༔ བདུད་སྨོན་ལམ་ལོག་པའི་སྟོབས་དབང་གིས༔ རྐྱེན་བར་ཆད་ཡོ་ལངས་སྐབས་སུ་འབྱུང་༔ སྔོན་ཨོ་རྒྱན་ཆེན་པོའི་ཞལ་ན་རེ༔ ང་ཡི་གཏེར་དང་འཕྲད་པའི་སྐྱེས་བུ་ལ༔ མི་རུང་བདུད་ཀྱི་ཆོ་འཕྲུལ་སྣ་ཚོགས་འབྱུང་༔ ཞེས་དང་༔ ང་ཡི་གཏེར་དང་འཕྲད་པའི་སྐྱེས་བུ་ལ༔ མི་དང་ལྷ་འདྲེས་ཕྲག་དོག་གདུག་རྩུབ་ཀྱིས༔ མི་ཡིས་སྐུར་འདེབས་མི་མིན་ཆོ་འཕྲུལ་སྟོན༔ ཅེས་དང་༔ ལས་འཕྲོ་ང་ཡི་གཏེར་དང་འཕྲད་པའི་ཚེ༔ བདུད་ཀྱི་སྐབས་ལྟ་གླགས་ཚོལ་རྒྱུ་རྐྱེན་གྱིས༔ སྐུར་འདེབས་ངན་སྨྲས་དགྲ་ཇག་ཆོམ་པོ་འབྱུང་༔ ཞེས་དང་༔ ལས་ཅན་ང་ཡི་གཏེར་དང་འཕྲད་པའི་ཚེ༔ རྒྱ་བོད་ལྷ་འདྲེ་མ་རུངས་ཐམས་ཅད་ཚོགས༔ ལེགས་པ་ལྟར་སྟོན་ཉེས་པ་སྣ་ཚོགས་འབྱུང་༔ ཞེས་སོགས་རྡོ་རྗེའི་ལུང་བཞིན་ཤེས་པར་མཛོད༔ རྫོགས་པའི་སངས་རྒྱས་དེ་བཞིན་གཤེགས་པ་ལ༔ སྡིག་ཏོ་བདུད་ཀྱིས་སྐབས་ཚོལ་གླགས་བལྟས་ནས༔ སྣ་ཚོགས་ལས་ཀྱི་ལ་ཡོག་འདོར་བས་ན༔ སྐྱེས་བུ་གཞན་ལ་འབྱུང་བ་ལྟ་ཅི་སྨོས༔ བརྫུས་སྐྱེས་སྤྲུལ་སྐུ་པདྨ་འབྱུང་གནས་ལ༔ མི་དང་མི་མིན་བར་ཆད་བརྩམ་ལ་ལྟོས༔ འགྲོ་བ་གཞན་ལ་འབྱུང་བ་སྨོས་ཀྱང་ཅི༔ དེ་ཕྱིར་ཡི་ཆད་བཏང་བ་བློ་རེ་ཆུང་༔ རང་རང་ལས་དང་སྐལ་པར་མི་ལྡན་ན༔ ཟབ་མོའི་ཆོས་དང་འཕྲད་ཀྱང་འཚེང་བ་མིན༔ སངས་རྒྱས་ཐུབ་པའི་འབངས་གྱུར་ལེགས་སྐར་དང་༔ པད་འབྱུང་འབངས་གྱུར་བདུད་བློན་བཙུན་མོ་སོགས༔ ལས་ངན་ལམ་ལས་བཟློག་ཐབས་མེད་བཞིན་དུ༔ དམུ་རྒོད་སྐལ་མེད་སེམས་ཅན་ལས་ངན་པ༔ ཆོས་སྒོར་བཙུད་ཀྱང་འཛུད་པར་འགྱུར་མིན་གྱི༔ སློབ་ངན་དག་ལ་སྡང་སེམས་མ་བྱེད་ཅིག༔ འཁོར་བ་མཐའ་ཅན་འགྱུར་ལ་ཅི་ཆ་ཡོད༔ བླ་མ་མཆོག་ལ་ཡོན་ཏན་ཕུན་ཚོགས་ཀྱང་༔ སློབ་མ་ལས་དང་སྐལ་བར་མི་ལྡན་ན༔ སྨིན་གྲོལ་ནུས་པ་འཇུག་པའི་ཡུལ་སྟོང་ངོ་༔ ཡིད་བཞིན་རིན་ཆེན་ཡོན་ཏན་གྱིས་བརྒྱན་ཀྱང་༔ བསྙེན་བཀུར་གསོལ་འདེབས་བྱེད་པའི་མི་མེད་ན༔ དགོས་འདོད་ལོངས་སྤྱོད་འབྱུང་བར་མི་འགྱུར་དཔེ༔ སྤང་ན་སྐྱོན་ཀུན་ཟད་པའི་སྐྱེས་བུ་ལ༔ མཐོང་ཐོས་ཐམས་ཅད་ཡོན་ཏན་མཆོག་ཏུ་མངོན༔ དེ་མིན་རང་སྐྱོན་ལྡན་པའི་སྐྱེས་བུ་ཡིས༔ མིག་ལ་སངས་རྒྱས་མཐོང་ཡང་སྐྱོན་དུ་མཐོང་༔ བླ་སློབ་སྐྱོན་བརྟགས་རྩར་གཅོད་སྤང་བ་གནད༔ གལ་ཏེ་སྐྱོན་བརྟགས་རྩར་གཅོད་བྱེད་དྲག་ན༔ དམ་ཉམས་རྡོ་རྗེ་དམྱལ་བར་ལྟུང་ངེས་འགྱུར༔ ཨེ་མ༔ ཡང་ཅིག་གསོན་དང་སྐལ་ལྡན་བུ༔ ཆོས་ཉིད་ནམ་མཁའ་མཛོད་ཀྱི་འཕྲུལ༔ ཟབ་ཆོས་དག་སྣང་སྐོར་གསུམ་དང་༔ མཁའ་འགྲོ་འདུས་པའི་སྙིང་ཐིག་ནི༔ དུས་གསུམ་རྒྱལ་བའི་དགོངས་རྒྱས་བཏབ༔ རིག་འཛིན་བླ་མས་དགོངས་རྒྱས་བཏབ༔ མ་དང་མཁའ་འགྲོས་བརྡ་རྒྱས་བཏབ༔ དམ་ཅན་རྒྱ་མཚོས་སྲོག་རྒྱས་བཏབ༔ དགོངས་པ་ཀློང་ཆེན་ཡངས་པ་རུ༔ ཏིང་འཛིན་ནམ་མཁའ་མཛོད་ཀྱི་འཕྲུལ༔ ཡེ་ཤེས་རོལ་པའི་བཅུད་དུ་དྲིལ༔ འབྲེལ་ཚད་རྣམ་པར་གྲོལ་བའི་ཆོས༔ གང་གིས་མཐོང་ཐོས་དྲན་རེག་མི༔ སྐྱེ་བ་བདུན་ནས་གྲོལ་བའི་སྟོབས༔ དེང་སང་རྟེན་འབྲེལ་དུས་བབས་དུས༔ གཏན་ལ་ཕབ་པའི་དུས་ཚིགས་ཡིན༔ གཏེར་སྒྲུབ་འོད་གསལ་སྦུབ་འཇུག་པ༔ ཡང་གསང་དོན་གྱི་སྒྲུབ་པ་ཡིན༔ སྔོན་བྱུང་ལུང་གིས་གྲུབ་པ་ཡང་༔ གཏེར་སྟོན་སངས་རྒྱས་བླ་མའི་གཏེར་ལུང་ལས༔ ལྔ་བརྒྱའི་དུས་སུ་ཁམས་ཀྱི་གསེར་ལུང་དུ༔ བདུད་འཇོམས་རྡོ་རྗེས་ཟབ་གཏེར་སྒོ་ཡང་འབྱེད༔ ཡང་ཅིག་བོན་པོ་ལྷ་འབུམ་གཏེར་ལུང་ལས༔ གཏེར་སྟོན་བདུད་འཇོམས་རྡོ་རྗེ་ཁྲོ་ལོད་ཀྱིས༔ ཟབ་གཏེར་སྒོ་འབྱེད་སྙིང་ཐིག་བསྟན་པ་སྐྱོངས༔ ཡང་ཅིག་གྲུབ་ཐོབ་མཁར་ནག་གཏེར་ལུང་ལས༔ སྙིགས་མའི་ཡང་མཐར་ཁྱོད་ཉིད་ཡང་སྲིད་དེ༔ བདུད་འཇོམས་དཔའ་བོས་མཁའ་འགྲོའི་སྙིང་ཐིག་འདོམས༔ ཡང་ཅིག་སངས་རྒྱས་གླིང་པའི་གཏེར་ལུང་ལས༔ ཡབ་ནི་སྔགས་འཆང་རྣལ་འབྱོར་ཞིག་པོའི་ཚུལ༔ སྤྲོ་ཐུང་སྐྱོ་ཤས་བརྩོན་འགྲུས་ཆོས་ལ་སྤྱོད༔ སྨྱོན་པའི་མིང་ཅན་སྒྲུབ་ལ་མངའ་བརྙེས་འབྱུང་༔ ཡང་ཅིག་ཇ་རུང་སྨན་པའི་གཏེར་ལུང་ལས༔ མ་འོངས་བསྐལ་པ་རྩུབ་འགྱུར་ཡང་མཐའི་དུས༔ པད་འབྱུང་ང་ཉིད་བདུད་འཇོམས་རྡོ་རྗེར་སྤྲུལ༔ ཅེས་དང་ར་ཤག་པ་ཡི་གཏེར་ལུང་ལས༔ ཁམས་ཀྱི་ས་ཆར་འབྲོག་མིའི་སྤྲུལ་པ་འབྱུང་༔ སྙིང་གར་ཤ་མཚན་སྨུག་ནག་གྲུ་གསུམ་ཤར༔ ཡང་ཅིག་ཨོ་རྒྱན་གླིང་པའི་གཏེར་ལུང་ལས༔ གཏེར་སྟོན་རྡོ་རྗེ་ཁྲོ་ལོད་ཞེས་བྱ་འབྱུང་༔ ཡང་ཅིག་བདུད་འདུལ་རྡོ་རྗེའི་གཏེར་ལུང་ལས༔ གར་དབང་ལྷ་ཡི་མིང་ཅན་བརྟུལ་ཞུགས་ལྡན༔ མཆན་གཡས་སྨེ་བ་ནོར་བུའི་དབྱིབས་འདྲ་ཡོད༔ ཅེས་དང་བདུད་འཇོམས་རྡོ་རྗེ་ཁྱུང་དྲག་རྩལ༔ ཡང་ཅིག་གཡག་ཕྱར་སྔོན་མོའི་གཏེར་ལུང་ལས༔ སྙིགས་དུས་པད་འབྱུང་རྡོ་རྗེ་ཁྲོ་བོ་ལོད༔ མི་ཡི་རྫུ་ལ་ཞུགས་ནས་གདུལ་བྱ་སྐྱོངས༔ ཡང་ཅིག་བདུད་འདུལ་གཉིས་པའི་ཞལ་ན་རེ༔ ཆུ་སྦྲུལ་ལོ་ལ་ང་ཉིད་དབྱིངས་སུ་གཤེགས༔ ཤིང་མོ་ལུག་ལོར་ཁམས་ཀྱི་གསེར་ལུང་དུ༔ ང་ཉིད་བདུད་འཇོམས་རྡོ་རྗེ་ཞེས་བྱར་འགྱུར༔ ལུས་ལ་ལྟེ་སྨེ་སྙིང་གར་གྲུ་གསུམ་ཤར༔ རྣ་ལྟག་གཡས་སུ་སེང་ཞལ་སྨེ་ཤ་ཤར༔ ཟབ་གཏེར་རྣམ་གཉིས་སྒོ་འབྱེད་འབྲེལ་ཚད་ཀུན༔ ལྷོ་ནུབ་པདྨ་འོད་དུ་ལམ་སྣ་འདྲེན༔ ཡུམ་ཡང་ཤ་ཟ་ཌཱ་ཀིའི་སྤྲུལ་པ་མཆོག༔ པུཎྱེའི་མིང་ཅན་སྨྱོན་པའི་ཚུལ་དུ་སྤྱོད༔ དེ་ལ་སངས་རྒྱས་གླིང་པའི་གཏེར་ལུང་ལས༔ ཡུམ་ནི་དུར་ཁྲོད་ཌཱ་ཀིའི་རིགས་ཅན་ལ༔ རྒྱན་གྱི་མིང་འཛིན་ཁྲོ་གཏུམ་ཅན་ཞིག་འབྱུང་༔ བདུད་འདུལ་རྡོ་རྗེས༔ མཁའ་འགྲོའི་གཙོ་མོ་ལྷ་ལྕམ་ཁྲོམ་པ་རྒྱན༔ བུདྡྷའི་མིང་འཛིན་བདེ་ཆེན་རོལ་པར་སྟོབ༔ བལ་འབངས་སྤྲུལ་པ་སྒྲོན་གྱི་མིང་མཐའ་ཅན༔ བདེ་སྟོང་ཡེ་ཤེས་བསྐྱེད་པའི་མཛའ་ན་མོ༔ བུ་ཡང་ཆོས་རྒྱལ་ཡབ་སྲས་ཨ་ཙར་དབྱངས༔ ཡར་ལུང་སྦ་མིའི་སྤྲུལ་པ་དང་བཅས་འབྱུང་༔ དེས་དུས་རྗེ་འབངས་སྤྲུལ་པ་བཅུ་དྲུག་འཛོམ༔ ཅེས་གསུངས་པ་དང་༔ འཇིགས་མེད་ཕྲིན་ལས་འོད་ཟེར་གྱིས༔ མགོ་དམན་ལ་ལྕགས་ཀྱི་མྱུ་གུ་འབྱུང་༔ མི་འགྱུར་ནམ་མཁའི་རྡོ་རྗེས༔ སྟག་སེར་ཁྲ་ལ་ཞོན་པའི་རྩ་བ་གསུམ༔ སྤྲུལ་པ་མཆོག་རྡོ་རྗེ་ཁྲོ་བོ་ལོད༔ ཤར་དེ་ནས་ཆུ་ལྷའི་ཕྱོགས་སུ་འབྱོན༔ འོད་བརྒྱ་པར་རི་བོང་འཛིན་པ་ཤར༔ ཅེས་སོགས་ལུང་གིས་བསྟན་པ་མང་ལགས་ཀྱང་༔ མདོ་ཙམ་ལས་ནི་མ་སྨྲོས་གྲངས་ལ་འཛེམས༔ དེ་ལྟར་འཕགས་པའི་ལུང་གིས་གྲུབ་པ་ཡིས༔ ཟབ་མོའི་ཆོས་ལ་ཐེ་ཚོམ་མ་བྱེད་དང་༔ གདུལ་བྱ་དུས་ལ་ཅུང་ཟད་མ་བབས་ཀྱིས༔ དུས་བབ་ཚད་དུ་ཕྱིན་ཚེ་འགྲོ་དོན་འབྱུང་༔ དེང་དུས་དཔོན་སློབ་ཀུན་གྱི་དད་བརྩོན་ནས༔ ངེས་པར་དངོས་གྲུབ་ཐོབ་ངེས་རེ་བྱེད་ན༔ གདུལ་བྱ་ཐེར་འབུམ་ཡང་དག་ས་ལ་སྦྱོར༔ ཁྱད་པར་ཁྱོད་ནི་སེ་ཕུང་ནག་པོ་དང་༔ མུ་སྟེགས་ལྟ་བ་ལོག་པའི་ཁ་གནོན་ཏེ༔ ཕྱི་རོལ་རིག་སྔགས་བཟློག་པའི་ཐབས་ལ་འབད༔ ཅེས་གསུངས་པ་ལ་བདག་གིས་འདི་སྐད་ཞུས༔ ཀྱཻ་ཧོཿ རྒྱལ་བའི་སྤྱི་གཟུགས་བླ་མ་རྗེ༔ ཐུགས་རྗེ་བརྩེ་བ་ཆེན་པོས་དགོངས༔ བདག་གི་སྡང་བའི་དགྲ་འདི་ལ༔ འདུལ་བའི་སྔགས་མཁན་སུ་ལ་བྱེད༔ འདུལ་བྱེད་བཀའ་སྲུང་གང་གིས་མཆོག༔ མ་ཧཱ་གུ་རུས་བསྟན་དུ་གསོལ༔ མ་ཧཱ་གུ་རུའི་ཞལ་ན་རེ༔ ཀྱཻ་ཧོཿ སྐལ་ལྡན་སྐྱེས་བུ་དམ་པ་ཁྱོད༔ སྡང་དགྲ་འདུལ་བའི་སྔགས་མཁན་གྱི༔ དཔུང་གཡས་སྨེ་ནག་སུམ་ཚོམ་ཤར༔ མངོན་སྤྱོད་གྲུབ་པའི་སྔགས་མཁན་གྱི༔ མཁལ་ཁུང་གཡོན་ན་སྨེ་ཤ་ཡོད༔ མངོན་སྤྱོད་གྲུབ་པའི་སྔགས་མཁན་གྱི༔ སོག་པ་གཡས་སྟེང་སྨེ་བ་ཡོད༔ མངོན་སྤྱོད་གྲུབ་པའི་སྔགས་མཁན་གྱི༔ པུས་མོའི་སྟེང་ན་སྨེ་བ་ཡོད༔ མངོན་སྤྱོད་གྲུབ་པའི་སྔགས་མཁན་གྱི༔ མིག་འོག་སྨེ་བའི་ཐིག་ཚོམ་ཡོད༔ མངོན་སྤྱོད་གྲུབ་པའི་སྔགས་མཁན་གྱི༔ ལག་རྒྱབ་སྨེ་བའི་ཚོམ་བུ་ཡོད༔ མངོན་སྤྱོད་གྲུབ་པའི་སྔགས་མཁན་གྱི༔ ལག་མཐིལ་གཡས་སུ་སྨེ་བ་ཡོད༔ མངོན་སྤྱོད་གྲུབ་པའི་སྔགས་མཁན་གྱི༔ ནུ་མ་གཡོན་འོག་སྨེ་བ་ཡོད༔ མངོན་སྤྱོད་གྲུབ་པའི་སྔགས་མཁན་གྱི༔ མགུལ་ལ་སྨེ་བའི་ཕྲེང་བ་ཤར༔ མངོན་སྤྱོད་གྲུབ་པའི་སྔགས་མཁན་གྱི༔ ཟ་འགྲམ་སྟེང་ན་སྨེ་ཤ་ཡོད༔ མངོན་སྤྱོད་གྲུབ་པའི་སྔགས་མཁན་གྱི༔ ལུས་ལ་མེ་ལྕེའི་རི་མོ་ཡོད༔ མངོན་སྤྱོད་གྲུབ་པའི་སྔགས་མཁན་གྱི༔ བྲང་ལ་ཤ་མཚན་མིག་འདྲ་ཡོད༔ མངོན་སྤྱོད་གྲུབ་པའི་སྔགས་མཁན་གྱི༔ རྩིབ་ལོག་གཡོན་ན་སྨེ་བ་ཡོད༔ མངོན་སྤྱོད་གྲུབ་པའི་སྔགས་མཁན་གྱི༔ རྒྱབ་ཤ་སྨེ་ཤ་ནག་པོ་ཡོད༔ མངོན་སྤྱོད་གྲུབ་པའི་སྔགས་མཁན་གྱི༔ ལུས་ལ་སྨེ་དཀར་ཐིག་པ་ཤར༔ འདི་དག་མངོན་སྤྱོད་ལས་ལ་དབང་༔ བཀའ་སྲུང་གནོད་སྦྱིན་ཆེན་པོ་ལ༔ དགྲ་སྲོག་དམར་འབྱིན་ནུས་པ་ཡོད༔ དྲང་སྲོང་ཁྱབ་འཇུག་ཆེན་པོ་ལ༔ དགྲ་དབུགས་འཕྲོག་པའི་ནུས་པ་ཡོད༔ བཀའ་སྲུང་བདུད་མགོན་ནག་པོ་ལ༔ དགྲ་སྙིང་དམར་འབྱིན་ནུས་པ་ཡོད༔ དྲང་སྲོང་ཁྱབ་འཇུག་ཆེན་པོ་ནི༔ མཚན་མོ་མུན་པའི་སྨག་ལ་རྦད༔ བཀའ་སྲུང་གནོད་སྦྱིན་དམར་ནག་ནི༔ དགུང་མོ་དམར་ཐག་ཆད་དུས་རྦད༔ གུང་གཉིས་མ་འཆུག་དུས་སུ་རྦད༔ དེ་ཡིས་དགྲ་བོ་ངེས་པར་སྒྲོལ༔ ཅེས་གསུངས་སོ༔ ཡང་བདག་གིས༔ ཀྱཻ༔ ཁྱབ་བདག་རྒྱལ་པོ་བླ་མ་རྗེ༔ བདག་གི་ཟབ་ཆོས་བཀའ་བབ་པའི༔ ཆོས་ཀྱི་བདག་པོ་ཇི་ལྟར་ལགས༔ སྔོན་གྱི་ལས་འབྲེལ་གང་ལ་ཡོད༔ གུ་རུ་ཉིད་ཀྱིས་བསྟན་དུ་གསོལ༔ ཞེས་ཞུས་གུ་རུའི་ཞལ་སྔ་ནས༔ ཉོན་ཅིག་ཁྲག་འཐུང་བདུད་འཇོམས་གླིང་༔ སྔོན་ཚེ་དཔལ་གྱི་བསམ་ཡས་སུ༔ མཁན་སློབ་ཆོས་རྒྱལ་ཞལ་སྔ་རུ༔ རྗེ་འབངས་འབངས་ཚོགས་འདུ་བ་མཛད༔ དེ་ཚེ་མངའ་བདག་རྒྱལ་པོ་ཡིས༔ ཀྱཻ༔ དུས་གསུམ་མཁྱེན་པའི་སངས་རྒྱས་ལགས༔ དེ་རིང་ཚོགས་ཀྱི་དགའ་སྟོན་དུས༔ མ་འོངས་བསྐལ་པའི་སྙིགས་མ་ལ༔ གདུལ་བྱའི་མགོན་དུ་སྐྱེས་བུ་གང་༔ དེ་རིང་དབང་བསྐུར་ལུང་བསྟན་གསོལ༔ དེ་ཚེ་ཨོ་རྒྱན་ཆེན་པོ་ཡིས༔ ཀྱཻ༔ ཉོན་ཅིག་མངའ་བདག་ཆོས་ཀྱི་རྒྱལ༔ རྩུབ་འགྱུར་དུས་ཀྱི་བསྐལ་པ་ལ༔ བདུད་པོ་མི་སྲུན་སྤུན་གསུམ་གྱིས༔ ཧོར་གྱི་ཡུལ་འཛིན་རྒྱལ་ཁམས་དཀྲུགས༔ དེ་དུས་མངའ་བདག་རྒྱལ་པོ་ཉིད༔ གླིང་རྗེ་གེ་སར་དགྲ་འདུལ་གྲགས༔ དེ་ལ་གྲུབ་ཆེན་སུམ་ཅུས་བསྐོར༔ བདུད་ཡུལ་མུན་པའི་གྲོང་ཁྱེར་བཅོམ༔ སེ་ཕུང་སྤྲུལ་པ་སྟོད་དུ་འབྲོས༔ དེ་ལ་སྟོད་ཧོར་ཞེས་བྱ་བའི༔ མུ་ཏོ་བདུད་ཀྱི་ཡུལ་གཅིག་འབྱུང་༔ སྙིགས་དུས་བོད་ཁམས་འཇོམས་པར་ཆས༔ དེ་ཚེ་ཁྱེའུ་ཆུང་ལོ་ཙཱ་ཉིད༔ བདུད་འདུལ་རྡོ་རྗེའི་སྐུར་བཞེངས་ནས༔ རྡོ་རྗེ་བཅུ་གསུམ་འཁོར་དང་བཅས༔ ཡང་ཟབ་གཏེར་གྱིས་གདུལ་བྱ་སྐྱོངས༔ སྤུ་རི་དྭགས་རྫོང་ཕུག་ཉིད་ནས༔ ཡང་ཟབ་གཏེར་སྨྱོན་སྤྱོད་པའི་ཚེ༔ སྟོད་ཧོར་གདུག་པའི་མགོ་འཕང་མནོན༔ དེ་འོག་ཙཱ་རིའི་ཉེ་འདབས་སུ༔ བདུད་པོ་ཐོད་ཁུར་ཅན་གྱི་སྡེས༔ བོད་ཁམས་མི་བདེའི་ལ་ཡོག་འདོར༔ དེ་ཕྱིར་ཁྱེའུ་ཆུང་ལོ་ཙཱ་ཡང་༔ བདུད་འདུལ་དྲག་པོ་རྩལ་དུ་བཞེངས༔ པདྨ་བཀོད་དང་འབྲས་ལྗོངས་ནས༔ ཟབ་མོ་གཏེར་གྱི་སྒོ་ཕྱེས་ནས༔ ནག་པོ་བདུད་ཀྱི་མགོ་འཕང་གནོན༔ དེ་འོག་སེ་ཕུང་སྨོན་ལོག་པས༔ བདུད་ཀྱི་སྤྲུལ་པ་བདུན་བྱུང་ནས༔ དམེ་འཁྲུགས་མཚོན་གྱི་ཡོ་ལངས་འགྱེད༔ སྟག་ལ་མཚོན་གྱི་སྡོང་པོ་འབྱུང་༔ འཁོར་བའི་ཁྲག་གི་ཆར་པ་འདེབས༔ མགོ་ཡུལ་ལ་ལ་དུག་སྡོང་སྐྱེས༔ གཡབ་པའི་རླུང་གིས་ཡུལ་འགའ་འཇོམས༔ རྗེས་ལ་དུག་སྦལ་མགོ་དགུ་འབྱུང་༔ ཁ་རླངས་འཚུབས་མས་གྲོང་འགའ་སྡུད༔ གསེར་གྱི་མེ་ཏོག་གཅིན་གྱིས་བསྐམ༔ རྒྱ་མ་བོད་དུ་བདུད་བྱ་འབྱུང་༔ ཁྲག་གིས་ལུས་བྱུག་དབུས་སུ་འགྲོ༔ ངང་ཁྱུ་དཀྲུགས་ཅིང་འཁྲུགས་པ་ཡིས༔ འཐབ་འཁྲུགས་རོ་ཡི་གྲམ་ཁྲོད་བརྡལ༔ ཧོར་ལ་སྦྲུལ་ནག་སྟོབས་ལྡན་འབྱུང་༔ རྒྱལ་པོའི་དབང་འཕྲོག་ལུགས་གཉིས་འཛིན༔ ངང་པའི་ཁ་ན་གླ་རྩི་བྱུང་༔ རླངས་ཕོག་ཙམ་ནས་ཟ་ཁ་བརྡེབ༔ ངང་ཁྱུ་གྲངས་མང་མགུལ་དུ་གྲུབ༔ ཤི་བའི་རོ་ལས་དུག་རླུང་མཆེད༔ ཁྲག་ཆར་འབེབ་ཅིང་མི་རོ་བསྙིལ༔ ལྒ་ཡི་ཡུལ་དུ་མེ་སྟག་ཤར༔ རླུང་གིས་བསྐྱོད་ཅིང་སོག་ལས་འཕེན༔ རྩྭ་ཕུང་འབར་ནས་སྟག་དམར་གྱི༔ ཉེས་མེད་དམན་ལ་ཚ་དབལ་འབེབ༔ གླིང་སྡེ་མཚམས་ནས་ན་བུན་ལང་༔ དེ་ལས་གཡུ་འབྲུག་གནམ་ལ་འགྲོ༔ ཐོག་གི་ཆར་པ་ས་ལ་འབེབས༔ ལྕགས་ཀྱི་རི་ལ་ངར་ཡང་བླུད༔ མ་ཉེས་ཉམ་ཆུང་ཁྲག་ཏུ་རོལ༔ དེ་དུས་ཁྱེའུ་ཆུང་ལོ་ཙཱ་ཡང་༔ བདུད་འཇོམས་རྡོ་རྗེ་ཁྲོ་ལོད་སྤྲུལ༔ ཐུགས་དགོངས་ཀློང་ཆེན་ཡངས་པ་ནས༔ ཆོས་ཉིད་ནམ་མཁའི་ཀློང་མཛོད་རྡོལ༔ འོད་གསལ་བདེ་ཆེན་རོལ་པ་ནས༔ ཟབ་ཆོས་དགོངས་པ་ཀློང་ནས་རྡོལ༔ ཆོས་ཉིད་སྒྱུ་མར་རོལ་པ་ལས༔ དག་སྣང་ཡེ་ཤེས་དྲྭ་བ་འཆར༔ ཁམས་ཀྱི་རྡོར་བྲག་དམར་ནག་ལས༔ ཟབ་གསང་མཁའ་འགྲོའི་སྙིང་ཐིག་འབྱིན༔ དེ་ཚེ་ཁམས་ཀྱི་སྡེ་དགེ་རུ༔ དཔལ་གྱི་ཡེ་ཤེས་སྤྲུལ་པ་ལས༔ གྲུབ་བརྙེས་རྒྱ་མཚོའི་མིང་མཐའ་ཅན༔ གཏེར་ཆེན་འགའ་ཡི་ཆོས་བཅུད་བསྡུ༔ བདེ་སྟོང་བཅུད་ལ་རོལ་ཞིང་སྤྱོད༔ ཡུལ་དེར་ལང་གྲོའི་སྤྲུལ་པ་མཆོག༔ གྲུབ་བརྙེས་ཨ་ཡུའི་མིང་ཅན་འབྱུང་༔ ཨ་ནུའི་བཅུད་ལེན་ཁ་ཏོག་བཞིའི༔ གོས་འཆང་བཟོ་རིག་ནོར་དུ་བཀོལ༔ རྟེན་འབྲེལ་གཞན་ལ་སྨོད་ངན་གྱིས༔ ཡུལ་ལ་ཕན་པ་ཡང་དེ་ཙམ༔ གྲུབ་བརྙེས་རྒྱལ་བ་བྱང་ཆུབ་ཀྱི༔ སྤྲུལ་པ་མེད་ཀྱི་མིང་མཐའ་ཅན༔ རྫུ་འཕྲུལ་མངོན་ཤེས་མ་ངེས་འདོམས༔ རྒྱ་འདྲེ་མེ་ཞོན་ཁ་ཡང་གནོན༔ དེ་དུས་སྐྱེས་མཆོག་བདུད་འཇོམས་པའི༔ ཟབ་གཏེར་ཞལ་ཕྱེས་དེའི་ཟིལ་གྱིས༔ ནག་པོ་བདུད་ཀྱི་མགོ་འཕང་གནོན༔ དེ་ཚེ་ནག་ཕྱོགས་མི་སྲུན་པས༔ བར་ཆད་རྒོལ་བའི་ལ་ཡོག་འདོར༔ དེ་ལ་མནན་བསྲེགས་ལས་བརྩོན་གནད༔ ཆོས་བདག་ད་ལྟའི་རྗེ་འབངས་འགའ༔ འཛིན་སྐྱོང་བསྒྲུབ་བརྩོན་བསྟན་ལ་གདུང་༔ གདུལ་བྱའི་འགྲོ་དོན་ངང་གིས་འབྱུང་༔ སྨོན་ལམ་ལས་ཅན་སྐྱེས་བུ་རྣམས༔ མངའ་བདག་ཁྱོད་ཉིད་དེ་ཡི་སྲས༔ དབང་གི་མིང་འཛིན་བསྟན་འགྲོ་གསོ༔ གྲུབ་བརྙེས་ཟབ་མོའི་གཏེར་ལ་སྤྱོད༔ མ་ངེས་སྤྱོད་པས་ལོག་འདྲེན་འདུལ༔ ལྷ་སྲས་མུ་རུམ་བཙན་པོ་ཡང་༔ རིགས་སྲས་བསོད་ནམས་མིང་དུ་གྲགས༔ མཁས་གྲུབ་བརྙེས་ཤིང་ཟབ་གཏེར་སྤྱོད༔ བོད་ཁམས་གཉིས་ཀྱི་མུན་པ་སེལ༔ ངའི་བུ་ཨཱཪྻ་དཔལ་དབྱངས་ཉིད༔ རིགས་སྲས་རྡོ་རྗེའི་མིང་མཐའ་ཅན༔ རྟོགས་པ་མངོན་གྱུར་དངོས་གྲུབ་བརྙེས༔ འབྲེལ་ཚད་རིག་འཛིན་ས་ལ་སྦྱོར༔ ཡར་ལུང་སྦ་མི་ཁྲི་གཞེར་ཡང་༔ རིགས་སྲས་ཤེས་རབ་ཉི་མར་སྤྲུལ༔ ཡི་དམ་མངོན་གྱུར་བཀའ་སྲུང་འདུ༔ མཐུ་སྟོབས་རྡོ་རྗེ་ཅན་ལ་འགྲན༔ རྒྱལ་པོའི་སྲས་མོ་པདྨ་འདི༔ མཁའ་འགྲོ་པད་མའི་མིང་དུ་གྲགས༔ ལོག་པ་བདུད་ཀྱིས་མ་བསླད་ན༔ ཟང་ཐལ་དྲི་མེད་ལུས་ཐོབ་འགྱུར༔ དེ་ལྟར་མཆོག་གི་སྤྲུལ་སྐུ་ལྔས༔ བྱེ་མ་སྙེད་གྲངས་འགྲོ་བ་འདྲེན༔ གཡུ་སྒྲ་རྗེ་ཡི་མིང་མཐའ་ཅན༔ སྒྲུབ་བརྩོན་མངོན་ཤེས་གཞན་ལ་འདོམས༔ ལྷ་དཔལ་མཆོག་གི་མིང་མཐའ་ཅན༔ ལྟ་བ་ནམ་མཁའི་ཀློང་ལ་འགྲན༔ སྙིང་རྗེ་པདྨ་ཅན་ལ་འགྲན༔ འབྲེལ་ཚད་མངོན་དགའི་ཞིང་དུ་འཕེན༔ སྣ་ནམ་རྡོ་རྗེ་བདུད་འཇོམས་པ༔ སྐྱེས་མཆོག་མེད་ཀྱི་མིང་མཐའ་ཅན༔ རྒྱུད་དུལ་ཕྲ་ཡང་དབང་པོ་རྣོ༔ ལྟ་བའི་གདིང་མཐོ་འབྲེལ་ཐོགས་འདྲེན༔ མཚོ་རྒྱལ་སྤྲུལ་པ་རྡོ་རྗེའི་མིང་༔ མ་ངེས་སྤྱོད་པ་ཅིར་ཡང་སྤྱོད༔ བཻ་རོའི་སྤྲུལ་པ་དྷརྨའི་མིང་༔ ངེས་མེད་གནས་ལ་སྤྲོ་ཞིང་རྒྱུ༔ ཅོག་རོའི་སྤྲུལ་པ་པདྨའི་མིང་༔ སྒོམ་སྒྲུབ་མཐར་ཕྱིན་འཇའ་ལུས་ཐོབ༔ སྐ་དཔལ་བཅུ་པའི་མིང་མཐའ་ཅན༔ མཁས་ཤིང་གྲུབ་པ་མངོན་དུ་གྱུར༔ ཡེ་ཤེས་དབྱངས་སྤྲུལ་ག་གའི་མིང་༔ སྤྲོ་ཐུང་སྙིང་རུས་ཆོས་ལ་སྤྱོད༔ རྒྱལ་བའི་བློ་གྲོས་སྤྲུལ་པ་ཉིད༔ ག་ཎ་པ་ཏིའི་མིང་ཅན་ནོ༔ སྲོང་བཙན་སྒམ་པོའི་སྤྲུལ་པ་ཉིད༔ སུ་ཁ་བཛྲ་མིང་མཐའ་སྟེ༔ ལྷ་ལུང་དཔལ་རྡོར་སྤྲུལ་པ་ཉིད༔ སིདྡྷིའི་མིང་ཅན་སྐྱེས་བུ་སྟེ༔ དྲན་པ་ནམ་མཁའི་སྤྲུལ་པ་ཉིད༔ རྒྱལ་གྱི་མིང་མཐའ་ཅན་དེ་ཀ༔ མཁར་ཆེན་རྒྱལ་གྱི་སྤྲུལ་པ་ཉིད༔ སྔགས་ཀྱི་སྐྱེས་བུ་སང་གའི་མིང་༔ སངས་རྒྱས་ཡེ་ཤེས་སྤྲུལ་པ་ལས༔ རྣལ་འབྱོར་མཚན་གྱི་མིང་མཐའ་ཅན༔ པ་གོར་ཧེ་འདོད་སྐྱེ་རྒྱུད་ལས༔ རྣལ་འབྱོར་ཤྲཱིའི་མིང་མཐའ་ཅན༔ བུང་བ་མགོན་དར་སྐྱེ་རྒྱུད་ལས༔ དྲ་ཡའི་མིང་མཐའ་འཛིན་པ་སྟེ༔ རྨ་ཐོག་རིན་ཆེན་སྤྲུལ་པ་ལས༔ སྐྱེས་མཆོག་ནོར་བུའི་མིང་མཐའ་ཅན༔ འོ་བྲན་དབང་ཕྱུག་སྤྲུལ་པ་ལས༔ སྐྱེས་མཆོག་རཏྣའི་མིང་ཅན་འབྱུང་༔ འབྲོག་མི་དཔལ་གྱི་སྤྲུལ་པ་ལས༔ སྐྱེས་མཆོག་བཱིདྱའི་མིང་ཅན་འབྱུང་༔ ནམ་མཁའི་སྙིང་པོའི་སྤྲུལ་པ་ལས༔ སྐྱེས་མཆོག་བོ་དྷིའི་མིང་ཅན་འབྱུང་༔ འདི་ལྟར་མདོར་ན་བཀའ་བབ་ཀྱི༔ ཆོས་བདག་སྐྱེས་བུ་གང་ཡང་རུང་༔ གཏེར་ཆེན་མཆོག་དེར་དད་པ་དང་༔ ཟབ་ཆོས་ཉམས་སུ་ལེན་ལ་གདུང་༔ ཐེག་པ་ཆེན་པོའི་ཆོས་ལ་མོས༔ སྨོན་ལམ་ལས་ཀྱི་མཐུ་བཙན་པས༔ ལས་ཅན་སྐྱེས་བུ་དེ་དག་ཀུན༔ འབོད་བསྡུ་མེད་པར་ངང་གིས་འདུ༔ དེ་ཚེ་ལས་ཅན་སྐྱེས་བུ་འགའ༔ གཏན་དུ་བདེ་བའི་ས་ལམ་བསྒྲོད༔ སྐྱིད་པའི་ཉི་མ་ལན་ཅིག་འཆར༔ སྨོན་ལམ་ལོག་པའི་སྐྱེས་བུ་འགས༔ སྐྱོན་དུ་མཐོང་ཞིང་གཤེ་སྐུར་འདེབས༔ ཞེས་གསུངས་དེ་ནས་སྟོན་འཁོར་གྱིས༔ སྨོན་ལམ་ཆེན་པོའི་མཐུ་ཡང་སྦྲན༔ དེ་དོན་ཤེས་མཛོད་བདུད་འཇོམས་པ༔ ཡང་ཅིག་གསོན་དང་སྐྱེས་བུ་ཁྱོད༔ སྒྲུབ་པའི་བཀའ་བབ་སྐྱེས་བུ་ནི༔ པདྨའི་སྤྲུལ་པ་ཤ་སྟག་འབྱུང་༔ དེ་ཡང་བཤད་ཀྱི་ལེགས་པར་ཉོན༔ བཀའ་བབ་འདུལ་གྱི་མིང་མཐའ་ཅན༔ བཞིན་ནག་སྤྲོ་ཐུང་སྙིང་རུས་ལྡན༔ ལྷུན་གྲུབ་བཀོད་པ་ལོངས་སྤྱོད་ཅིང་༔ ཡང་དག་རྫོགས་པའི་སངས་རྒྱས་ཐོབ༔ དེའི་མཐུས་བསྟན་པ་མཐའ་ནས་རྒྱས༔ བཀའ་བབ་རྒྱ་མཚོའི་མིང་མཐའ་ཅན༔ ཟ་འགྲམ་བཞིན་ལ་སྨེ་ཤ་ཡོད༔ དབྱིངས་རིག་མཉམ་བརྡལ་ངང་སྤྱོད་ན༔ འོད་ཀྱི་སྤྲིན་དཔུང་མཁའ་ལ་འདྲེས༔ དེས་ཀྱང་བསྟན་ལ་ཕན་ཆེར་བཏགས༔ བཀའ་བབ་བློ་ཡི་མིང་མཐའ་ཅན༔ བཞིན་སྔོ་སྐྱོ་ཤས་སྙིང་རུས་འཛོམས༔ གསང་ཆེན་རྩེ་མོར་སྤྱོད་གྱུར་ན༔ འཇའ་ལུས་རྡོ་རྗེའི་སྐུ་ཡང་ཐོབ༔ དེས་ཀྱང་བསྟན་ལ་ཕན་ཆེར་འབྱུང་༔ བཀའ་བབ་ཛྙཱ་ན་རསྨི་ཡི༔ འོད་གསལ་གསང་ལམ་ལ་སྤྱོད་ནས༔ བར་ཆད་རླུང་གིས་མ་ཁྱེར་ན༔ འཇའ་ལུས་སྒྱུ་མའི་སྐུ་ཡང་ཐོབ༔ བསྟན་ལ་ཕན་པ་དཔག་ཏུ་མེད༔ བཀའ་བབ་པདྨ་མངྒ་ཡི༔ གསང་ཆེན་འོད་གསལ་ལྷུམས་འཇུག་ན༔ ཡེ་ཤེས་སྒྱུ་མའི་སྐུ་བརྙེས་འགྱུར༔ བསྟན་ལ་ཕན་པ་བླ་ན་མེད༔ བཀའ་བབ་རིག་པའི་མྱུ་གུ་ཡི༔ འོད་གསལ་གསང་ལམ་ལ་སྤྱོད་ན༔ ཟད་པ་ལྔ་ཡི་སྐྱེ་མཆེད་ཀྱིས༔ གྲུབ་པ་བརྒྱད་ལ་ཐོགས་པ་མེད༔ འཇའ་ལུས་འཕོ་ཆེན་སྐུ་བརྙེས་ཤིང་༔ བསྟན་ལ་ཕན་པ་དཔག་ཏུ་མེད༔ བཀའ་བབ་དྷརྨ་བཛྲ་གྱིས༔ གསང་ཆེན་རྩེ་མོར་སྤྱོད་གྱུར་ནས༔ བར་ཆད་རྐྱེན་ལ་མ་ཤོར་ན༔ གྲུབ་བརྒྱད་རྩེ་འཇོ་རོལ་པའི་གར༔ བསྡུ་ཚེ་ཡེ་ཤེས་སྒྱུ་མར་བསྡུ༔ བསྟན་ལ་ཕན་པ་བླ་ན་མེད༔ བཀའ་བབ་པུཎྱཻ་ཤྲཱི་ཡིས༔ འོད་གསལ་གསང་ལམ་ལ་སྤྱོད་ན༔ འཇའ་ལུས་རིག་འཛིན་ཨ་ལ་ལ༔ བསྟན་ལ་ཕན་པ་བླ་ན་མེད༔ བཀའ་བབ་རྒྱན་གྱི་མིང་མཐའ་ཅན༔ མདོག་དཀར་རྒྱུད་འཇམ་སྒྲུབ་ལ་མོས༔ བར་ཆད་རླུང་གིས་མ་བསླུས་ན༔ དངོས་གྲུབ་མཆོག་ལ་ལོངས་སྤྱོད་འགྱུར༔ བཀའ་བབ་བྷ་དྲའི་མིང་མཐའ་ཅན༔ བོང་ཆེ་བློ་རྣོ་ཕྲག་ཀྱང་ཡང་༔ བར་ཆད་སད་ཀྱིས་མ་ཁྱེར་ན༔ འོད་གསལ་གསང་བའི་ལམ་མཆོག་གིས༔ སྤྱན་དང་མངོན་པར་ཤེས་པ་འཐོབ༔ ཚེ་འདིར་གྲོལ་བར་གདོན་མི་ཟ༔ བཀའ་བབ་མཆོག་གི་མིང་ཅན་ནི༔ མུ་ཏོ་བདུད་ཀྱིས་མ་བསླུས་ན༔ འོད་གསལ་གསང་བ་ལ་བརྟེན་ནས༔ བླ་མ་མཆོག་ལ་དད་གུས་ན༔ མི་འཇིགས་གདིང་ཆེན་མངོན་ཐོབ་འགྱུར༔ བཀའ་བབ་རབ་ཀྱི་མིང་མཐའ་ཅན༔ བླ་མར་གདུང་བ་གཞིར་བཞག་ནས༔ འོད་གསལ་གསང་ལམ་ལ་སྤྱོད་ན༔ འཇའ་ལུས་ཐོབ་གྱུར་གདོན་མི་ཟ༔ དེས་ཀྱང་བསྟན་ལ་ཕན་ཆེར་བཏགས༔ བཀའ་བབ་དྷརྨ་དྷརྟུ་ཡི༔ ཆེ་མཆོག་རྡོ་རྗེ་ཁྲོ་ལོད་ལ༔ བསྟེན་ནས་འོད་གསལ་གསང་ཆེན་ལམ༔ སྤྱོད་པས་ཡེ་ཤེས་སྒྱུ་མ་འགྲུབ༔ བཀའ་བབ་དགེ་བའི་མིང་ཅན་གྱིས༔ རྡོ་རྗེ་ཕུར་པ་ལ་བརྟེན་ནས༔ གསང་ཆེན་ཟབ་ལམ་ལྷུར་བླངས་ན༔ ཁྱབ་བདག་གདོད་མའི་དབྱིངས་སུ་གྲོལ༔ བཀའ་བབ་བསམ་གྱི་མིང་ཅན་དེས༔ རྟ་མགྲིན་ནག་པོ་ལ་བརྟེན་ནས༔ འོད་གསལ་གསང་ལམ་ལ་སྤྱོད་ན༔ འཇའ་ལུས་ཐོབ་ཅིང་གདུལ་བྱ་འདུལ༔ བཀའ་བབ་རྣམ་གྱི་མིང་ཅན་ཏེ༔ རྡོ་རྗེ་ཁྲོ་ལོད་ལ་བསྟེན་ནས༔ འོད་གསལ་གསང་ལམ་ལ་སྤྱོད་ན༔ འཇའ་ལུས་ཐོབ་ཅིང་གདུལ་བྱ་འདུལ༔ བཀའ་བབ་ལྷ་ཡི་མིང་ཅན་གྱིས༔ གསང་བདག་སྒྲུབ་པ་ལ་བརྟེན་ནས༔ འོད་གསལ་གསང་ཆེན་ལྷུར་ལེན་ན༔ རྣམ་མཁྱེན་ཡང་དག་ས་མཆོག་ཐོབ༔ བཀའ་བབ་ཚེ་ཡི་མིང་ཅན་གྱིས༔ བདེ་ཆེན་རྒྱལ་པོ་ལ་བརྟེན་ནས༔ འོད་གསལ་གསང་ཆེན་སྒོར་ཞུགས་ན༔ ཚེ་ལ་དབང་བའི་རིག་འཛིན་ཐོབ༔ བཀའ་བབ་རྩོལ་གྱི་མིང་མཐའ་ཅན༔ བླ་མ་ཞི་ཁྲོའི་སྒྲུབ་པ་ལ༔ བརྟེན་ནས་གསང་ཆེན་ལ་སྤྱོད་ན༔ འཇའ་ལུས་ཐོབ་གྱུར་གདོན་མི་ཟ༔ བཀའ་བབ་ནོར་བུའི་མིང་མཐའ་ཅན༔ ཚེ་ཡི་སྒྲུབ་པ་ལ་བརྟེན་ནས༔ གསང་ཆེན་མྱུར་ལམ་ལ་སྤྱོད་ན༔ འཇའ་ལུས་ཐོབ་པར་གདོན་མི་ཟ༔ བཀའ་བབ་དར་གྱི་མིང་མཐའ་ཅན༔ བདེ་ཆེན་རྒྱལ་པོ་ལ་བརྟེན་ནས༔ གསང་ཆེན་མྱུར་ལམ་ལ་སྤྱོད་ན༔ འཇའ་ལུས་འཕོ་ཆེན་རིག་འཛིན་བརྙེས༔ བཀའ་བབ་བསྟན་འཛིན་མིང་མཐའ་ཅན༔ བདེ་ཆེན་རྒྱལ་པོ་ལ་བརྟེན་ནས༔ འོད་གསལ་རྫོགས་ཆེན་ལ་སྤྱོད་ན༔ ཕྱག་རྒྱ་ཆེན་པོ་རིག་འཛིན་ཐོབ༔ བཀའ་བབ་འབར་གྱི་མིང་ཅན་ཏེ༔ རྡོ་རྗེ་གཏུམ་པོ་ལ་བརྟེན་ནས༔ ཡང་གསང་སྒྲུབ་པ་མྱུར་ལེན་ན༔ ཚེ་གཅིག་སངས་རྒྱས་ཨེ་མ་ཧོཿ བཀའ་བབ་བརྩོན་གྱི་མིང་ཅན་ཏེ༔ གསང་བདག་གཏུམ་པོ་ལ་བརྟེན་ནས༔ གསང་ཆེན་ཟབ་ལམ་ལྷུར་ལེན་ན༔ འཁོར་བ་དོང་སྤྲུགས་དཔལ་ཐོབ་འགྱུར༔ བཀའ་བབ་བུདྡྷའི་མིང་ཅན་གྱིས༔ གསང་བདག་སྒྲུབ་པ་ལ་བརྟེན་ནས༔ ཐེག་རྩེའི་རྣལ་འབྱོར་སྤྱོད་གྱུར་ན༔ རྣམ་མཁྱེན་ཡང་དག་ས་མཆོག་ཐོབ༔ བཀའ་བབ་སྔགས་ཀྱི་མིང་མཐའ་ཅན༔ རྡོ་རྗེ་དྲག་པོ་ལ་བརྟེན་ནས༔ འོད་གསལ་གསང་ཆེན་ལ་སྤྱོད་ན༔ རྣམ་པར་གྲོལ་བའི་ས་ཐོབ་འགྱུར༔ ཤར་གྱི་ཀྭ་ཆེན་སེངྒེ་པ༔ མིག་འབུར་སྐད་ཆེ་ཁྲོ་གཉེར་ལྡན༔ རྡོ་རྗེ་གཏུམ་པོ་ཉིད་ལ་དད༔ ལྷོ་ཡི་ཀྭ་ཆེན་སངས་རྒྱས་མཚན༔ བོང་ཐུང་བརྗིད་ལྡན་མིག་རྩ་དམར༔ གཏོང་ཕོད་ཕྲག་ཡངས་རིག་པ་རྣོ༔ རྩེ་གཅིག་པད་འབྱུང་ཉིད་ལ་དད༔ ནུབ་ཀྱི་ཀྭ་ཆེན་རྡོ་རྗེའི་མིང་༔ མདོག་དཀར་གཏོང་ཕོད་རིག་པ་ཧུར༔ མ་ངེས་སྤྱོད་པ་སྣ་ཚོགས་སྟོན༔ དབང་སྡུད་ཆེ་ཞིང་ངེས་མེད་རྒྱུ༔ བྱང་གི་ཀྭ་ཆེན་མེ་ལོང་པ༔ སྤྲོ་ཐུང་མཐུ་ཆེ་བཞིན་མདངས་ནག༔ རྡོ་རྗེ་ཕུར་པ་ཉིད་ལ་དད༔ མཐོང་ཐོས་དྲན་རེག་འདྲེན་པའི་སྟོབས༔ ལོག་པ་བདུད་ཀྱིས་མ་བསྐྲད་ཅིང་༔ དེ་དག་དུས་འདིར་འཛོམ་གྱུར་ན༔ དང་པོ་ཡང་དག་བསྒྲུབ་ལ་བརྩོན༔ བར་དུ་ངེས་མེད་གནས་སུ་འགྲིམས༔ ཐ་མ་སྨིན་གྲོལ་གཞན་ལ་འདོམས༔ དེ་ལྟར་ཚུལ་བཞིན་ཉམས་ལེན་ན༔ བསྟན་དང་འགྲོ་བའི་དོན་ཆེན་འགྲུབ༔ ཅེས་གསུངས་སོ༔ ཡང་ཅིག་བདག་གིས་འདི་སྐད་ཞུས༔ གདོད་མའི་དབྱིངས་ལ་གསོལ་བ་འདེབས༔ བསྐལ་པ་སྙིགས་མ་དེང་གི་དུས༔ བདག་ནི་ཁྱེད་དང་དབྱེར་མེད་ན༔ མི་འདོད་ཡོ་ལངས་ཅི་ལ་ལྡང་༔ རིག་འཛིན་རྒྱལ་པོས་བསྟན་དུ་གསོལ༔ དེ་ནས་རིག་འཛིན་རྒྱལ་པོ་ཡིས༔ ཀྱཻ་ཧོཿ གསོན་ཅིག་བདུད་འཇོམས་པ༔ ཁམས་གསུམ་འཁོར་བའི་སེམས་ཅན་ཀུན༔ ལོག་པ་བདུད་ཀྱི་འབངས་ཡིན་པས༔ དེ་ལས་སྐྱེས་བུ་གང་སུ་དག༔ ཐར་པ་ཆེན་པོའི་གྲོང་འཇུག་ན༔ བདུད་རྗེ་འཁྲུགས་པའི་གེགས་ཆེན་འབེབས༔ ལུས་ངག་དགེ་ལ་སྦྱོར་བ་ལ༔ བགེགས་ཆེན་མངའ་ཐང་འཁྲུགས་རྒྱལ་དང་༔ བགེགས་ཆུང་དབུལ་ཕོངས་སྲི་ནག་འབྱུང་༔ སྐྱེ་མེད་དོན་ལ་གཞོལ་བའི་ཚེ༔ བགེགས་ཆེན་འདོད་ཡོན་འཁྲུགས་རྒྱལ་དང་༔ བགེགས་ཕྲན་འདུ་འཛི་འཕྲུལ་དབང་འབྱུང་༔ ངེས་གསང་དོན་དང་འཕྲད་པའི་ཚེ༔ བགེགས་ཆེན་སྣང་བ་བསྒྱུར་བྱ་དང་༔ བགེགས་ཕྲན་བྱིང་རྨུགས་འཐིབ་བྱེད་འབྱུང་༔ ཡང་དག་དོན་དང་འཕྲད་པའི་ཚེ༔ བགེགས་ཆེན་དགའ་བྱེད་འཕྲུལ་བྱེད་དང་༔ བགེགས་ཕྲན་ནད་ཀྱི་བདག་པོ་འབྱུང་༔ སྐྱེ་མེད་དབྱིངས་དང་འཕྲད་པའི་ཚེ༔ བགེགས་ཆེན་ཐེ་ཚོམ་སློང་བྱེད་དང་༔ བགེགས་ཕྲན་སྟོང་འབྱམས་ནག་པོ་འབྱུང་༔ ཆོས་ཉིད་དོན་དང་འཕྲད་པའི་ཚེ༔ བགེགས་ཆེན་གོལ་སར་འཁྲུལ་བྱེད་དང་༔ བགེགས་ཕྲན་ནོར་ས་དྲུག་འདྲེན་འབྱུང་༔ མངོན་སུམ་སྣང་བ་མཐོང་བའི་ཚེ༔ བགེགས་ཆེན་ལོག་ལྟ་སློང་བྱེད་དང་༔ བགེགས་ཕྲན་ཐེ་ཚོམ་དབང་པོ་འབྱུང་༔ ཉམས་སྣང་གོང་དུ་འཕེལ་བའི་ཚེ༔ བགེགས་ཆེན་དམག་ཇག་ཆོམ་རྐུན་དང་༔ བགེགས་ཕྲན་མི་མིན་གདུག་པ་ལང་༔ ཐར་པའི་ལམ་གེགས་བདུད་ཀྱི་ཡུལ༔ སྐྱེས་བུ་མཆོག་ལ་ངོམས་ཤིང་རྒྱུག༔ ཚེ་རབས་དུ་མའི་ལས་ངན་འབྲས༔ སྐྱེ་བ་འདི་རུ་འདུ་བ་ཡིས༔ མི་འདོད་ཆུ་ལ་གཉེར་མ་བཞིན༔ རིམ་བཞིན་འབྱུང་བ་དགྲ་མང་ཀུན༔ མཐུན་པའི་ཕྱོགས་བཞིན་དང་ལེན་པའི༔ སྐྱེས་བུ་མཆོག་དེ་ངེས་པར་གྲོལ༔ འདི་དུས་ལྷ་ལ་ཡི་ཆད་དང་༔ ཆོས་ལ་ཐེ་ཚོམ་བྱེད་པ་སྤོངས༔ ངོ་ཤེས་མཛོད་ཅིག་བདུད་འཇོམས་པ༔ རྫོགས་པའི་སངས་རྒྱས་ཡོན་ཏན་མཛོད༔ ལོག་པ་བདུད་ཀྱིས་འགྲན་ཆེན་བཙུགས༔ མི་དང་མི་མིན་ལ་ཡོག་འདོར༔ སློབ་ངན་དག་དང་ཕ་རོལ་གྱི༔ མི་སྲུན་ལོག་ལྟའི་སྨྲ་དབབ་བརྩམས༔ སོ་སྐྱེ་ཕམ་དག་ལྟ་ཡང་ཅི༔ ཤེས་པར་མཛོད་ཅིག་སྐལ་ལྡན་བུ༔


Retrieved from "https://dudjom.tsadra.org/index.php?title=TTDL-ZABTER-14-PHA-036&oldid=16647"
Dudjom Tersar
Collected Works of the Masters
A Tsadra Foundation initiative designed to house the writings and revelations of the masters of the Dudjom lineage.
Join the Tsadra Foundation mailing list:

Tsadra Foundation
Translation & Transmission Conference
DharmaCloud Tibetan eBooks
Buddha-Nature
Śāntideva's Life and Works
Rinchen Terdzö Chenmo
Damngak Rinpoche Dzö
Dharma Dictionary

About us
Privacy policy
General disclaimer
Site guide

Project Description

Welcome to the Dudjom Tersar Project, a Tsadra Foundation initiative designed to house the writings and revelations of the masters of the Dudjom lineage in a digital format that allows for open access to these materials in authoritative modern Tibetan editions for the sake of scholars, translators, and practitioners the world over.

About us

© Tsadra Foundation. Please feel free to use this website and its content in accordance with fair use policies for teaching, scholarship, education, and research.
See General disclaimer for more information.