TTDL-ZABTER-02-KHA-051

Previous Text Back to Volume PageLast text in volume.

Wylie title	snang srid mdos kyi bskang ba chos nyid sprin dpung:
Location	bdud 'joms gling pa zab gter Volume 2, Text 51, Pages 537-539 (Folios 1a1 to 2a2)
Author	བདུད་འཇོམས་གླིང་པ་
Citation	Khrag 'thung Bdud 'joms gling pa. Snang srid mdos kyi bskang ba chos nyid sprin dpung. In Sprul pa'i gter chen bdud 'joms gling pa'i zab gter gsang ba'i chos sde, Vol. 2: 537-539. Thimphu, Bhutan: Lama Kuenzang Wangdue, 2004.
Side notes	Recto: mdos bskang   Verso: bdud 'joms tshe sgrub
More details More details
Tertön	བདུད་འཇོམས་གླིང་པ་ (bdud 'joms gling pa)
Genre	Mending Rituals - bskang chog  ·  Thread-cross Ceremonies - mdos chog
Cycle	ཚེ་སྒྲུབ་དངོས་གྲུབ་འདོད་འབྱུང་ (tshe sgrub dngos grub 'dod 'byung)
Parent Cycle	ཟབ་གསང་མཁའ་འགྲོའི་སྙིང་ཐིག་ (zab gsang mkha' 'gro'i snying thig)
Deity	tshe dpag med
Colophon	བདུད་འཇོམས་པས་སོ། །དགེའོ། །དགེའོ། །དགེའོ།།
	bdud 'joms pas so/_/dge'o/_/dge'o/_/dge'o//

Tibetan Text

[edit]

ཐྂ༎༔ སྣང་སྲིད་མདོས་ཀྱི་བསྐང་བ་ཆོས་ཉིད་སྤྲིན་དཔུང་བཞུགས༔ ན་མོ་གུ་རུ་པདྨ་ཀ་ར་ཡེ༔ དོན་ལ་མི་ཤིགས་གཞི་གྲོལ་རྫོགས་པ་ཆེ༔ མཐའ་བརྒྱད་བྲལ་བའི་ཡེ་ཤེས་ཆེན་པོ་ལས༔ རང་བཞིན་མ་འགགས་ལྷུན་གྲུབ་སྒོ་བརྒྱད་དུ༔ ཡོངས་ཤར་ཕྱི་ནང་འབྲེལ་བའི་རྟེན་འབྱུང་ཁམས༔ སྣང་སྲིད་མདོས་ཀྱི་ཕྱག་རྒྱར་བཞེངས་པ་ལས༔ སྐྱེ་འགྲོ་ཕོ་མོའི་གཟུང་འཛིན་འཕྲལ་སྣང་རྐྱེན༔ བཟློག་བསྒྱུར་ཕྲིན་ལས་ཐོགས་མེད་འགྲུབ་པའི་ཕྱིར༔ མེ་ལོང་ཡེ་ཤེས་མདོས་རུས་དཀར་པོར་གྲུབ༔ སོར་རྟོག་ཡེ་ཤེས་མདོས་ཁྲག་དམར་བའི་མདངས༔ མཉམ་ཉིད་ཡེ་ཤེས་མདོས་ལྤགས་སེར་གསལ་འབར༔ བྱ་གྲུབ་ཡེ་ཤེས་མདོས་ཀྱི་བཀྲག་མདངས་ལྗང་༔ ཆོས་དབྱིངས་ཡེ་ཤེས་མཐིང་གསལ་ནམ་མཁའི་དབྱིངས༔ མདའ་འཕང་རྒྱང་བུ་ཕོ་ཏིང་མོ་ཏིང་དང་༔ ཤིང་རིས་བལ་རྒྱང་སྟག་གཟིག་ལྤགས་པས་བརྒྱན༔ དབང་ལྔའི་སྲིད་དུ་འཕྲོ་བའི་འདོད་ཡོན་དཔལ༔ མི་ཟད་རྒྱན་གྱི་འཁོར་ལོ་ཆེན་པོ་འདིས༔ རྩ་གསུམ་སྐུ་གསུམ་མཆོག་གསུམ་སྲུང་མར་མཆོད༔ ཐུགས་དམ་བསྐང་ངོ་ཉམས་ཆག་བར་ཆད་བྱང་༔ མཆོག་དང་ཐུན་མོང་དངོས་གྲུབ་ཆར་བཞིན་ཕོབ༔ ཚེ་ལྷ་རིགས་ལྔ་ཚེ་བདག་མགྱོགས་མ་ལྔ༔ ཚད་མེད་སྒོ་སྐྱོང་ལས་སྒྲུབ་ཆོས་སྐྱོང་ཚོགས༔ སྣང་སྲིད་མདོས་ཀྱི་མཆོད་པས་ཐུགས་དམ་བསྐང་༔ ཚེ་གེགས་རྐྱེན་སོལ་མཆོག་ཐུན་དངོས་གྲུབ་སྩོལ༔ གནོད་སྦྱིན་ཤན་དམར་དམ་ཅན་རྡོར་ལེགས་དང་༔ བཙན་རྒོད་འབར་བ་ཀུན་དགའ་གཞོན་ནུ་སོགས༔ བསྙེན་སྒྲུབ་བརྟེན་བསྐང་སྲུང་མ་འཁོར་དང་བཅས༔ ཐུགས་དམ་གཉན་པོ་སྣང་སྲིད་མདོས་ཀྱིས་བསྐང་༔ ཕྲིན་ལས་རབ་འབྱམས་ཐོགས་པ་མེད་པར་སྒྲུབ༔ ཡུལ་ལྷ་གཞི་བདག་བགེགས་རིགས་ལན་ཆགས་མགྲོན༔ རིགས་དྲུག་ཕ་མ་བར་དོའི་སེམས་ཅན་གྱི༔ དབང་ལྔར་མཐུན་པའི་སྣང་སྲིད་མདོས་ཀྱིས་བསྐང་༔ བུ་ལོན་ལན་ཆགས་བྱང་ཞིང་ཚོགས་རྫོགས་ཤིང་༔ གདོད་མའི་གཞི་ལ་འོད་སྐུར་གྲོལ་བར་ཤོག༔ མཆོད་སྦྱིན་ཡུལ་གྱི་དགྱེས་པ་བསྐང་བའི་མཐུས༔ ཕྲིན་ལས་རྣམ་བཞི་ཐོགས་མེད་འགྲུབ་པ་དང་༔ རྒྱུ་སྦྱོར་ཡོན་བདག་མི་ནོར་འཁོར་བཅས་ཀྱི༔ མི་ཡི་ན་ཚ་ཕྱུགས་ཀྱི་གོད་ཁ་དང་༔ ཚེ་སྲོག་བསོད་ནམས་དབང་ཐང་ལ་གནོད་པའི༔ གཟུགས་ཅན་གཟུགས་མེད་དགྲ་གདོན་བགེགས་ཚོགས་རྣམས༔ རིག་པ་ཡེ་ཤེས་ཆེན་པོར་ཞི་བར་མཛོད༔ ལོ་ཀེག་ཟླ་ཀེག་ཞག་ཀེག་ཟ་མའི་ཀེག༔ མདོར་ན་མི་མཐུན་མི་འདོད་ཕྱོགས་རྣམས་ཀུན༔ གཞོམ་གཞིག་བརླག་དང་མེད་པར་མཛད་དུ་གསོལ༔ མཐོ་རིས་བདུན་དང་སྡེ་བཞིའི་དཔལ་གྱིས་ཕྱུག༔ སྙན་གྲགས་བསྟན་པ་ཕྱོགས་བཅུར་རྒྱས་པར་མཛོད༔ ཐུགས་དམ་མ་འདོར་བཛྲ་ས་མ་ཡ༔ ཚོགས་དང་མདོས་བཞིའི་མཇུག་ཏུ་བྱ༔ འདིས་ནི་རྐྱེན་བྱང་དངོས་གྲུབ་འཐོབ༔ ས་མ་ཡ༔ བདུད་འཇོམས་པས་སོ། །དགེའོ། །དགེའོ། །དགེའོ།། །།