TTDL-ZABTER-05-CA-033

Previous Text Back to Volume PageNext Text

Wylie title	ling ga bskyed chog zur byang
Location	bdud 'joms gling pa zab gter Volume 5, Text 33, Pages 295-298 (Folios 1a1 to 2b1)
Author	བདུད་འཇོམས་གླིང་པ་
Citation	Khrag 'thung Bdud 'joms gling pa. Ling ga bskyed chog zur byang. In Sprul pa'i gter chen bdud 'joms gling pa'i zab gter gsang ba'i chos sde, Vol. 5: 295-298. Thimphu, Bhutan: Lama Kuenzang Wangdue, 2004.
Side notes	Verso: bdud 'joms phur pa bde gshegs snying po
More details More details
Tertön	བདུད་འཇོམས་གླིང་པ་ (bdud 'joms gling pa)
Genre	Supplemental Instructions - zur 'debs - zur rgyan
Cycle	དཔལ་ཆེན་རྡོ་རྗེ་གཞོན་ནུའི་ཡང་གསང་བདེ་གཤེགས་སྙིང་པོ་ (dpal chen rdo rje gzhon nu'i yang gsang bde gshegs snying po)
Parent Cycle	ཟབ་གསང་མཁའ་འགྲོའི་སྙིང་ཐིག་ (zab gsang mkha' 'gro'i snying thig)
Deity	rdo rje phur pa
Colophon	ཞེས་བདུད་འཇོམས་པས་སོ༔
	zhes bdud 'joms pas so:

Tibetan Text

[edit]

ཐྂ༎༔ ཕཊ༔ མདུན་དུ་ཨེ་ལས་མི་སྡུག་བཙོན་ཁང་དུ༔ ནྲྀཿ ཏྲིཿ ལས་གྱུར་བརྣག་པའི་དགྲ་བགེགས་ཀྱི༔ གཟུགས་ཁམས་སྐྱེ་མཆེད་དབང་པོ་ཀུན་ཚང་ལ༔ བསྡམ་བཅུམ་གཅུན་བཅིང་ས་བོན་འཕྲོ་འདུ་ལས༔ བརྣག་པའི་དགྲ་བགེགས་རང་དབང་མེད་པར་བཀུག༔ རཱུ་པ་ཉིད་ལ་དབྱེར་མེད་ཐིམ་པར་གྱུར༔ དེ་ནས་འགུགས་པ་ནི༔ ཧཱུྃ་བྷྱོ༔ བདེ་གཤེགས་རྒྱལ་བ་མ་ལུས་འདུས་པའི་དཔལ༔ དཔལ་ཆེན་ཁྲོ་རྒྱལ་རྡོ་རྗེ་གཞོན་ནུ་ཡི༔ སྐུ་གསུང་ཐུགས་དང་ཡོན་ཏན་ཕྲིན་ལས་ཀྱི༔ བདེན་པ་ཆེན་པོས་དགྲ་འདྲེ་ཆོམ་རྐུན་རྣམས༔ སྟོང་གསུམ་རི་རབ་གླིང་བཞི་གར་གནས་ཀྱང་༔ གཟུགས་ཕུང་རཱུ་པ་ཉིད་ལ་དབྱེར་མེད་ཁུག༔ ཛཿཧཱུྃ་བཾ་ ཧོཿ ཨ་བེ་ཤ་ཡ་ཨཱཿམཚམས་སུ་བླ་འགུགས་སྔགས༔ དགྲ་བགེགས་གནོད་བྱེད་སརྦ་ཛཿཧཱུྃ་བཾ་ ཧོཿ དགྲ་བགེགས་གནོད་བྱེད་རྣམས་ཀྱི་བླ་ཤ་རེ་མ་ཏཱི་འགྲིམ་འགྲིམ༔ ཤ་མ་རུ་ཏི་ཐུལ་ཐུལ༔ མྱོག་མྱོག༔ ཡེད་ཡེད༔ ཤ་མ་རུ་ཏི་ཁུག་ཁུག༔ ལིང་མྱོག༔ ལིང་ཤག༔ ལིང་ཐུམ༔ ཙ་མུནྟྲི་ཛཿཧཱུྃ་བཾ་ཧོཿ རྩ་སྔགས་མཐར༔ དགྲ་མགོ་ཐོག་སོགསརྩ་སྔགས་མཐར༔ གནོད་བྱེད་མཱ་ར་ཡ་ཨཾ་ཀུ་ཤ་ཛཿཨ་ནྲྀ་ཏྲག་རཀྴ་མཱ་ར་ཡ་ཕྱེས་ཕྱེས༔ མ་མ་ཏྲག་རཀྴ་མཱ་ར་ཡ་ཕྱེས་ཕྱེས༔ དགྲ་བགེགས་སྐྱོབ་བྱེད་ཀྱི་ལྷ་དང་ཕྱེས་ཕྱེས༔ བཛྲ་པྲ་ཝེ་ཤ་ཡ་ཕཊ༔ རྩ་སྔགསདགྲ་བགེགས་ཛྭ་ལ་པ་ཡ་ཛྭ་ལ་པ་ཡ་རེངས་རེངས་རྨུག་རྨུག་རྦད་ནན་མཱ་ར་ཡ་ཕཊ༔ རྩ་སྔགསདགྲ་བགེགས་གནོད་བྱེད་སརྦ་ཤ་ཏྲུཾ་མཱ་ར་ཡ་སྐྱུག་སྐྱུག་ཐུམ་རི་ལི་ལི་ཆིངས་ཆིངས་ཐིབ་ཐིབ་རྦད་ནན༔ ཕུར་གདབ་ནི༔ ཛཿདམ་ཚིག་ཆེན་པོའི་དུས་ལ་བབ༔ རྡོ་རྗེ་སྲིན་པོའི་དུས་ལ་བབ༔ ཕྲིན་ལས་དྲག་པོའི་དུས་ལ་བབ༔ ཁྱེད་ཀྱི་མངོན་སྤྱོད་དུས་ལ་བབ༔ ཧཱུྃ༔ ཆོས་དབྱིངས་སྐྱེ་བ་མེད་པའི་ངང་ཉིད་ལས༔ སྐྱེ་བའི་ཆོ་འཕྲུལ་འབར་བའི་སྐུར་སྟོན་པ༔ གཞོམ་བྲལ་ཐོགས་མེད་རྡོ་རྗེ་ཕུར་པ་ཆེ༔ དབྱིངས་ལས་སྐུར་བཞེངས་ལོག་རྟོག་དབྱིངས་སུ་སྒྲོལ༔ རྩ་སྔགསདགྲ་བགེགས་ཏ་ཐ་ཡ་ཏ་ཐ་ཡ་ཕྱེ་མ་ཕྱེ་མ་ཚལ་པར་རྦད་ནན་སྭཱ་ཧཱ༔ དེ་ནས་བྲུབ་ཁུང་དུ་ལིངྒ་བཅུག་ནས་འགུགས་གཞུག་ནན་དུ་བྱས་མཐར༔ གཟའ་བདུད་ནག་པོའི་བསྐྱེད་ཆོག་ལྟར་འདོན་ཅིང་འབོད་སྔགས་དང་བསྐང་གསོལ་གྱི་རྗེས་སུ༔ རྩ་སྔགས་མཐར༔ དགྲ་མགོ་ཐོག་ཏུ་བབ་པ་ཐམས་ཅད་མཱ་ར་ཡ་ནན་ནན༔ ཇག་པ་ཕྱུག་ལ་རྔམས་པ་ཐམས་ཅད་མཱ་ར་ཡ་ནན་ནན༔ རྐུན་མ་ཕུག་ཏུ་ཡིབ་པ་ཐམས་ཅད་མཱ་ར་ཡ་ནན་ནན༔ སྔོན་གྱི་ལས་ལས་གྱུར་བའི་དགྲ་ཇག་ཆོམ་རྐུན་ཐམས་ཅད་མཱ་ར་ཡ་ནན་ནན༔ འཕྲལ་གྱི་རྐྱེན་ལས་གྱུར་བའི་དགྲ་ཇག་ཆོམ་རྐུན་ཐམས་ཅད་མཱ་ར་ཡ་ནན་ནན༔ ནང་ནས་སྣ་འདྲེན་བྱེད་པའི་དགྲ་ཇག་ཆོམ་རྐུན་ཐམས་ཅད་མཱ་ར་ཡ་ནན་ནན༔ ཕྱི་ནས་གཟན་དུ་ཆས་པའི་དགྲ་ཇག་ཆོམ་རྐུན་ཐམས་ཅད་མཱ་ར་ཡ་ནན་ནན༔ ཅེས་ས་གཞི་དང་མཉམ་པའི་འོད་ནག་པོས་གྱེན་དུ་དྲིལ༔ ནམ་མཁའ་དང་མཉམ་པའི་འོད་ནག་པོས་ཐུར་དུ་བཏུམ་ནས་བདེ་བ་སྐྱེས་ཏེ་ཞེན་པ་མེད་པའི་ངང་དུ་བརྒྱལ་བར་བསམ་ལ༔ དྲག་སྔགས་སོ་ལྔ་ཅི་མང་མཐར༔ དགྲ་ཇག་ཆོམ་རྐུན་ཐམས་ཅད་མཱ་ར་ཡ་རྦད་རྦད་ནན༔ ཅེས་བརྒྱ་རྩ་བརྗོད་མཐར༔ ཕུར་བུས་བཏབ་པས་དྲན་མེད་དུ་མྱོས་པར་བསམ་ལ༔ ཨ་མུ་ཀ་ཐིབ་ཐིབ་མྱོས་མྱོས་ཐུམ་རི་ལི་ལི་ཨེ་ཧུར་ཐུམ་ཛ་མཱ་ར་ཡ་རྦད་རྦད་ནན་སྭཱ་ཧཱ༔ ཅེས་ལོ་ཟླའི་ཟད་མཚམས་སུ་མནན་པ་ནན་དུ་མནན་ནོ༔ ཞེས་བདུད་འཇོམས་པས་སོ༔ ༈ བྲོ་མནན་ནི༔ ཧཱུྃ༔ རང་བཞིན་རྣམ་དག་ཨེ་ཡི་མཁར༔ ལོག་རྟོག་མི་སྲུན་རཱུ་ཏྲ་བྲུབ༔ ཐབས་ཤེས་རྔམས་པའི་རྟ་བྲོ་བརྡུང་༔ ཡེ་ཤེས་རོལ་བའི་སྟོབས་ཀྱིས་མནན༔ ཨོཾ་ལཾ༔ ཨཱཿལཾ༔ ཧཱུྃ་ལཾ༔ སྟྭཾ་བྷ་ཡ་ནན༔ ༈ འགུགས་པ་ནི༔ ན་མོ༔ རྩ་བརྒྱུད་བླ་མ་དཀོན་མཆོག་གསུམ༔ ཡི་དམ་མཁའ་འགྲོ་ཆོས་སྐྱོང་དང་༔ ལྷ་སྔགས་ཕྱག་རྒྱ་ཏིང་འཛིན་མཐུས༔ བསྟན་ལ་འཚེ་ཞིང་བར་གཅོད་པའི༔ གཟུགས་ཅན་དགྲ་དང་གཟུགས་མེད་བགེགས༔ མྱུར་དུ་ལིང་ག་འདི་ལ་ཁུག༔ ཛཿཧཱུྃ་བཾ་ ཧོཿ