TTDL-ZABTER-16-MA-011

Previous Text Back to Volume PageNext Text

Wylie title	smon lam mkha' 'gro ye shes mtsho rgyal mas skyabs gnas dkon mchog sogs
Location	bdud 'joms gling pa zab gter Volume 16, Text 11, Pages 43-44 (Folios 1a1 to 1b5)
Author	བདུད་འཇོམས་གླིང་པ་
Citation	Khrag 'thung Bdud 'joms gling pa. Smon lam mkha' 'gro ye shes mtsho rgyal mas skyabs gnas dkon mchog sogs. In Sprul pa'i gter chen bdud 'joms gling pa'i zab gter gsang ba'i chos sde, Vol. 16: 43-44. Thimphu, Bhutan: Lama Kuenzang Wangdue, 2004.
Side notes	Recto: smon lam   Verso: bdud 'joms zab gter
More details More details
Tertön	བདུད་འཇོམས་གླིང་པ་ (bdud 'joms gling pa)
Genre	Prayers - smon lam
Cycle	ཆོས་ཉིད་ནམ་མཁའི་ཀློང་མཛོད་ (chos nyid nam mkha'i klong mdzod)
Colophon	སྒྱུ་མའི་རྣལ་འབྱོར་བདུད་འཇོམས་རྡོ་རྗེ་ཡིས། །སློབ་བུ་ཚུལ་ཁྲིམས་རྒྱ་མཚོས་ནན་བསྐུལ་ངོར། །ཆོས་ཉིད་ནམ་མཁའི་མཛོད་ལས་བསྒྱུར་བའོ། །དགེའོ། །སརྦ་མངྒ་ལཾ།།
	sgyu ma'i rnal 'byor bdud 'joms rdo rje yis/_/slob bu tshul khrims rgya mtshos nan bskul ngor/_/chos nyid nam mkha'i mdzod las bsgyur ba'o/_/dge'o/_/sarba mang+ga laM/

Tibetan Text

[edit]

ཕྚ༔ མཁའ་འགྲོ་ཡེ་ཤེས་མཚོ་རྒྱལ་མས༔ སྐྱབས་གནས་དཀོན་མཆོག་གསུམ་དང་སྐུ་གསུམ་ལྷ༔ བརྒྱུད་གསུམ་བླ་མ་ཡི་དམ་ཌཱཀྐིའི་ཚོགས༔ བཀའ་སྡོད་དམ་ཅན་རྒྱ་མཚོའི་ཚོགས་རྣམས་དང་༔ རིགས་བརྒྱའི་ཁྱབ་བདག་བླ་མ་དེ་མཁྱེན་ནོ༔ སྐད་ཅིག་མི་འབྲལ་རྗེས་སུ་བཟུང་དུ་གསོལ༔ འཁོར་བར་ཞེན་པ་ལོག་པར་བྱིན་གྱིས་རློབས༔ ད་ནས་བཟུང་སྟེ་ཇི་སྲིད་འཚོ་ཡི་བར༔ ངེས་མེད་རི་ཁྲོད་དམ་པར་སྒོ་གསུམ་པོ༔ བྱར་མེད་བྱ་བཏང་ངང་དུ་བརྟན་ཐོབ་ནས༔ འཇིགས་མེད་རྡོ་རྗེ་འཛིན་པའི་ས་ཐོབ་ཤོག༔ མ་ཧཱ་ཡོ་ག་ཉམས་སུ་བླངས་ཙམ་གྱིས༔ སྒོ་གསུམ་རྡོ་རྗེ་གསུམ་དུ་སྨིན་གྲོལ་ཤོག༔ ཨ་ནུ་ཡོ་ག་ཉམས་སུ་བླངས་ཙམ་གྱིས༔ སྐུ་གསུམ་མཉམ་སྦྱོར་ཆེན་པོར་གྲོལ་བར་ཤོག༔ ནམ་མཁའ་རླུང་གི་བཅུད་ལེན་ཉམས་བླངས་པས༔ ཟག་བཅས་ཕུང་པོ་འཇའ་སྐུར་གྲོལ་བར་ཤོག༔ ཁྲེགས་ཆོད་གདམས་པ་ཉམས་སུ་བླངས་ཙམ་གྱིས༔ ཀ་དག་རྫོགས་པ་ཆེན་པོར་གྲོལ་བར་ཤོག༔ ཐོད་རྒལ་གསང་ལམ་ཉམས་སུ་བླངས་ཙམ་ནས༔ སྣང་བ་བཞི་ཡི་ཉམས་རྟོགས་ཡོན་ཏན་དང་༔ ལམ་རྟགས་རྒྱུད་ལུང་མན་ངག་དང་བསྟུན་པར༔ ཚངས་ལ་མ་འཆུག་ཕྱིན་ཅི་མ་ལོག་པ༔ ཉམས་སུ་མྱོང་ཞིང་རིམ་བཞིན་མྱུར་བསྒྲོད་དེ༔ ལམ་གྱི་གནད་ལས་གོལ་འཆུག་མེད་པ་ཡིས༔ གཞོན་ནུམ་བུམ་པའི་སྐུ་རུ་གྲོལ་བར་ཤོག༔ དུས་གསུམ་རྒྱལ་དང་རྒྱལ་སྲས་ཐམས་ཅད་ཀྱིས༔ ཐུགས་རྒྱུད་རྣམ་པར་མི་རྟོག་ཡེ་ཤེས་ཉིད༔ དེ་རིང་ཉིད་དུ་བདག་རྒྱུད་ལ་འཕོས་ཏེ༔ རིང་པོར་མི་ཐོགས་འཇའ་ལུས་འཕོ་ཆེན་དུ༔ ཡང་དག་རྫོགས་པའི་སངས་རྒྱས་ཐོབ་པར་ཤོག༔ བདག་དང་བདག་གི་འབྲེལ་ཐོགས་སེམས་ཅན་ཀུན༔ ཕྱམ་གཅིག་གདོད་མའི་གཞི་རུ་སངས་རྒྱས་ཤོག༔ དེ་མཐར་སྨོན་ལམ་འགྲུབ་སྔགས་བདེན་བརྗོད་བསགས༔ སྒྱུ་མའི་རྣལ་འབྱོར་བདུད་འཇོམས་རྡོ་རྗེ་ཡིས། །སློབ་བུ་ཚུལ་ཁྲིམས་རྒྱ་མཚོས་ནན་བསྐུལ་ངོར། །ཆོས་ཉིད་ནམ་མཁའི་མཛོད་ལས་བསྒྱུར་བའོ། །དགེའོ། །སརྦ་མངྒ་ལཾ།། ༈ རྨད་བྱུང་སྲས་བཅས་རྒྱལ་བའི་བྱིན་རླབས་དང་། རྟེན་འབྲེལ་བསླུ་བ་མེད་པའི་བདེན་པ་དང་། །བདག་གི་ལྷག་བསམ་དག་པའི་མཐུ་སྟོབས་ཀྱིས། །རྣམ་དག་སྨོན་པའི་གནས་ཀུན་མྱུར་འགྲུབ་ཤོག།