TTDL-ZABTER-08-NYA-013: Difference between revisions

Revision as of 13:35, 13 August 2024

Previous Text Back to Volume Page Next Text

Wylie title
Location	bdud 'joms gling pa zab gter Volume 8, Text 13, Pages (Folios to )
Author	བདུད་འཇོམས་གླིང་པ་
Citation	Khrag 'thung Bdud 'joms gling pa. '*. In Sprul pa'i gter chen bdud 'joms gling pa'i zab gter gsang ba'i chos sde, Vol. 8: . Thimphu, Bhutan: Lama Kuenzang Wangdue, 2004.*
Side notes	Verso: bdud 'joms srung ma
More details More details
Tertön	བདུད་འཇོམས་གླིང་པ་ (bdud 'joms gling pa)
Genre
Cycle	ཟབ་གསང་མཁའ་འགྲོའི་སྙིང་ཐིག་ (zab gsang mkha' 'gro'i snying thig)

[edit]

བརྡ་ཡིག་༠༠༠༠༠༠༠༔ ཟབ་གསང་མཁའ་འགྲོའི་སྙིང་ཐིག་ལས༔ ལྷ་ཆེན་དབང་ཕྱུག་ཆེན་པོའི་ཚོགས་མཆོད་འདོད་ཡོན་སྤྲིན་དཔུང་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ བརྡ་ཡིག་༠༠༠༠༠༠༠༩༡༔ ལྷ་ཆེན་སྒྲུབ་པའི་རྣལ་འབྱོར་གྱིས༔ ཚོགས་གཉིས་ཡོངས་སུ་རྫོགས་གྱུར་ཏེ༔ ལོངས་སྤྱོད་ཆར་ལྟར་འབེབས་པའི་ཕྱིར༔ འབྱོར་ཚོགས་ཟས་སྣ་བཏུང་སྐྱེམས་ཚོགས༔ རི་རབ་རོལ་མཆོའི་ཚུལ་དུ་སྤུངས༔ ཏིང་འཛིན་འཕྲུལ་གྱི་འདོད་ཡོན་གཏེར༔ བསྒྱུར་ཏེ་ནམ་མཁའ་མཛོད་ཀྱི་སྔགས༔ ལན་བདུན་བརྗོད་ཅིང་བྱིན་གྱིས་བརླབས༔ རྃཿལས་མེ་བྱུང་དངོས་འཛིན་བསྲེགས༔ ཡྃཿལས་རླུང་བྱུང་འབག་རྩོག་གཏོར༔ ཁྃཿལས་ཆུ་བྱུང་བག་ཆགས་སྦྱངས༔ རཾ་ཡཾ་ཁཾ༔ ཨོཾ་གྱིས་ཡེ་ཤེས་བདུད་རྩིར་ཞུ༔ ཨཱཿཡིས་འདོད་ཡོན་སྣ་ཚོགས་སྤེལ༔ ཧཱུྃ་གིས་མི་ཟད་གཏེར་དུ་སྤེལ༔ ཨོཾ་ཨཱཿཧཱུྃ༔ ལན་གསུམ་བརྗོད༔ དེ་ནས་སྤྱན་འདྲེན་པ་ནི༔ ཧཱུྃ༔ འོག་མིན་བདེ་བ་ཆེན་པོ་ནས༔ ཨོ་རྒྱན་པདྨ་ཐོད་ཕྲེང་རྩལ༔ སྟོན་འཁོར་ཡོངས་རྫོགས་གཤེགས་སུ་གསོལ༔ ཞལ་ཟས་རོ་བརྒྱའི་ཚོགས་ལ་རོལ༔ ལྕང་ལོ་ཅན་གྱི་གནས་མཆོག་ནས༔ གསང་བའི་བདག་པོ་རྡོ་རྗེ་ཆོས༔ སྟོན་འཁོར་ཡོངས་རྫོགས་གཤེགས་སུ་གསོལ༔ ཞལ་ཟས་རོ་བརྒྱའི་ཚོགས་ལ་རོལ༔ གཞན་འཕྲུལ་དབང་བྱེད་ལྷ་གནས་སུ༔ ཏིང་འཛིན་འཕྲུལ་གྱི་རྒྱལ་པོ་ཆེ༔ དབང་ཕྱུག་ཆེན་པོ་གཤེགས་སུ་གསོལ༔ ཞལ་ཟས་རོ་བརྒྱའི་ཚོགས་ལ་རོལ༔ འཕྲུལ་དགའ་ལྷ་ཡི་གནས་མཆོག་ཏུ༔ འདོད་ཡོན་ལོངས་སྤྱོད་སྒྱུ་འཕྲུལ་མཁན༔ འདོད་པའི་རྒྱལ་པོ་གཤེགས་སུ་གསོལ༔ ཞལ་ཟས་རོ་བརྒྱའི་ཚོགས་ལ་རོལ༔ དགའ་ལྡན་ལྷ་ཡི་གནས་མཆོག་ཏུ༔ དགའ་དང་བདེ་བའི་དབང་ཆེན་པོ༔ ཚོགས་ཀྱི་བདག་པོ་གཤེགས་སུ་གསོལ༔ ཞས་ཟས་རོ་བརྒྱའི་ཚོགས་ལ་རོལ༔ གཞན་ཡང་ཁྱོད་ཀྱི་བཀའ་སྡོད་འཁོར༔ མ་ལུས་ལུས་པ་མེད་པ་ཀུན༔ སྐད་ཅིག་ཉིད་ལ་གཤེགས་སུ་གསོལ༔ ཞལ་ཟས་རོ་བརྒྱའི་ཚོགས་ལ་རོལ༔ སྐུ་ཡི་གཟི་མདངས་རྒྱས་གྱུར་ཅིག༔ གསུང་གི་འགགས་པ་ཁྲོལ་གྱུར་ཅིག༔ ཐུགས་ཀྱི་མི་བཞེད་དག་གྱུར་ཅིག༔ གྲོགས་ལྟར་བསྟེན་ནོ་ཕྲག་མ་དོག༔ སྤུན་ལྟར་བསྟེན་ནོ་བརྩེ་མ་ཆུང་༔ བྲན་ལྟར་བསྟེན་ནོ་ལས་མ་གཡེལ༔ འབངས་ལྟར་བསྟེན་ནོ་གོང་མ་གཡེལ༔ འབོད་པའི་དུས་སུ་སྙན་མ་སྲ༔ བསྟེན་པའི་དུས་སུ་རྒྱང་མ་རིང་༔ སྒྲུབ་པའི་ཚེ་ན་ཐུགས་མ་གཡེལ༔ བསྐུལ་བའི་དུས་སུ་བང་མ་བུལ༔ དངོས་གྲུབ་བསྐུལ་ཚེ་སྟེར་མ་ཞན༔ ཞི་ལས་བཅོལ་ཚེ་བྱིན་མ་ཆུང་༔ བཟློག་ལས་བཅོལ་ཚེ་སྟོབས་མ་ཞན༔ རྒྱས་པའི་ལས་ལ་རྒྱ་མ་ཆུང་༔ དབང་གི་ལས་ལ་བློ་མ་ཞན༔ དྲག་པོའི་ལས་ལ་རྩལ་མ་ཆུང་༔ དགྲ་ལ་རྦད་ཚེ་དུས་མ་འགྱངས༔ ང་དང་ཁྱོད་གཉིས་སྲིད་འཚོའི་བར༔ སྐད་ཅིག་ཙམ་ཡང་འབྲལ་མི་བྱ༔ དམ་ཚིག་གཉན་པོ་གཏའ་རུ་འཇོག༔ ལྷ་ཁྱོད་སྒྲུབ་པའི་དོན་མ་ཆུང་༔ གལ་ཏེ་ཁྱོད་ཀྱིས་ང་བསླུ་ན༔ དམ་ཚིག་གཉན་པོའི་ཁྲིམས་དང་འགལ༔ རྡོ་རྗེ་དམྱལ་བར་ཤི་ཀ་རེ༔ དེ་བས་མ་འདའ་ས་མ་ཡ༔ ཨོཾ་མ་ཧཱ་དཱེ་ཝ་ལོ་ཀི་ཤྭ་ར་ག་ཎ་པ་ཏི་བཛྲ་ས་མ་ཡ་ཛ་ཛཿདེ་ནས་ཚོགས་མཆོད་འབུལ་བ་ནི༔ ཧཱུྃ༔ རིག་འཛིན་རྒྱལ་པོ་པདྨ་འབྱུང་༔ གསང་སྔགས་བདག་པོ་རྡོ་རྗེ་ཆོས༔ འཁོར་དང་བཅས་པ་ཐམས་ཅད་ལ༔ འདོད་ཡོན་ལོངས་སྤྱོད་ཚོགས་མཆོད་འབུལ༔ དྲང་སྲོང་ལྷ་ཡི་བླ་མ་ཆེ༔ དབང་ཕྱུག་ཆེ་དང་ཚོགས་ཀྱི་བདག༔ འདོད་རྒྱལ་ཡབ་ཡུམ་སྲས་འཁོར་ལ༔ འདོད་ཡོན་ལོངས་སྤྱོད་ཚོགས་མཆོད་འབུལ༔ ལོངས་སྤྱོད་གཏེར་གྱི་དངོས་གྲུབ་སྩོལ༔ སརྦ་ག་ཎ་ཙཀྲ་ལ་ཁཱ་ཧི༔ དེ་ནས་བཤགས་པ་བྱ་བ་ནི༔ ཧཱུྃ༔ བླ་མ་རྩ་གསུམ་བདག་ཉིད་དང་༔ དབང་ཕྱུག་ཚོགས་བདག་སྤྱན་སྔ་རུ༔ སྡོམ་དང་དམ་ཚིག་ཉམས་པ་ཀུན༔ མི་འཆབ་མི་སྦེད་ཚོགས་ཀྱིས་བཤགས༔ ཨོཾ་བཛྲ་ས་མ་ཡ་ཤུདྡྷེ་ཨ༔ དེ་ནས་བསྒྲལ་ལས་བྱ་བ་ལ༔ ཧཱུྃ༔ མ་རིག་གཟུང་འཛིན་རྐྱེན་སྣང་གི༔ བདུད་དང་རཱུ་ཏྲ་ལོག་འདྲེན་ཀུན༔ བླ་མ་མཆོག་གི་ཡོན་ཏན་དང་༔ དབང་ཕྱུག་ཆེན་པོའི་སྟོབས་ཀྱིས་སོད༔ སརྦ་ཤ་ཏྲུཾ་མཱ་ར་ཡ་ཕཊ༔ དེ་ནས་ཞལ་དུ་བསྟབ་པ་ནི༔ ཧཱུྃ༔ བདག་ལྟའི་རཱུ་ཏྲ་བསྒྲལ་བ་ཡི༔ ཤ་ཁྲག་དྲོད་དབུགས་ཕུང་པོ་ཁམས༔ བླ་མ་མཆོག་དང་དབང་ཕྱུག་གི༔ ཞལ་དུ་བསྟབས་པོ་ལྷག་མེད་རོལ༔ མཱ་ར་ཡ་ཁཱ་ཧི༔ དེ་ནས་ལྷག་མ་བསྔོ་བ་ནི༔ ཨོཾ་ཨཱཿཧཱུྃ༔ འགྲོ་བ་དྲུག་དང་ལམ་རྒྱུད་ལྔ༔ ཁམས་གསུམ་ལ་གནས་སེམས་ཅན་ལ༔ འདོད་ཡོན་ལྷག་མའི་བཤལ་ཆུ་འབུལ༔ སོ་སོའི་ཡིད་མཐུན་འབྱུང་གྱུར་ཅིག༔ ས་མ་ཡ་ཨུཙྪིཥྚ་བ་ལིང་ཏ་ཁཱ་ཧི༔ ལོངས་སྤྱོད་ཚོགས་ཀྱི་འཁོར་ལོ་འདིས༔ དཀོན་མཆོག་མཆོད་པས་མཉེས་གྱུར་ཅིག༔ དམ་ཅན་ཐུགས་དམ་བསྐང་གྱུར་ཅིག༔ རིགས་དྲུག་འདོད་པ་ཚིམས་གྱུར་ཅིག༔ བགེགས་རིགས་ཐམས་ཅད་གྲོལ་གྱུར་ཅིག༔ ཚོགས་གཉིས་ཡོངས་སུ་རྫོགས་གྱུར་ཅིག༔ སྒྲིབ་གཉིས་བག་ཆགས་བྱང་གྱུར་ཅིག༔ ལྷ་ལ་ཉེས་འགལ་མེད་པར་ཤོག༔ འགྲོ་དོན་ཕྱོགས་མེད་འབྱུང་གྱུར་ཅིག༔ ལན་ཆགས་བུ་ལོན་སོད་གྱུར་ཅིག༔ ཤ་མཁོན་རྩོད་པ་ཞི་གྱུར་ཅིག༔ རྫོགས་ལྡན་དུས་ཀྱི་བསྐལ་པ་བཞིན༔ ཐམས་ཅད་དགའ་བདེའི་དཔལ་ཐོབ་ཤོག༔ ཅེས་སྨོན་ལམ་གདབ་བོ༔ འདི་ཡིས་ཉམས་པ་སོར་ཆུད་ནས༔ སྙིང་ཉེ་བྱམས་བརྩེ་དང་ལྡན་འགྱུར༔ དེ་མཐུས་འདོད་དོན་ཀུན་ཡང་འགྲུབ༔ ལོངས་སྤྱོད་སྤེལ་ལ་འདི་གལ་ཆེ༔ བཀའ་སྲུང་ཁྱབ་འཇུག་ཆེན་པོས་སྲུངས༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཞེས་པ་འདི་ནི་ཁྲག་འཐུང་བདུད་འཇོམས་རྡོ་རྗེས་གཏེར་ནས་བཏོན་ཏེ་མི་ལོ་ཉེར་གཉིས་བར་དུ་བཀའ་རྒྱས་བཏབ་སྟེ་མཐར་སློབ་མའི་མཆོག་གྱུར་འཇིགས་མེད་བློ་གྲོས་དབང་པོ་དང་བསོད་ནམས་བཀྲ་ཤིས་གཉིས་ཀྱིས་བསྐུལ་ངོར་གཏན་ལ་ཕབ་པའི་ཡི་གེ་པ་ནི་བློ་བཟང་ཡེ་ཤེས་རྡོ་རྗེའོ།།དགེའོ།།།།

@@ Line 26: / Line 26: @@
 <h1>Tibetan Text</h1>
 <onlyinclude>
-{{TibP|བརྡ་ཡིག་༠༠༠༠༠༠༠༔ ཟབ་གསང་མཁའ་འགྲོའི་སྙིང་ཐིག་ལས༔ ལྷ་ཆེན་དབང་ཕྱུག་ཆེན་པོའི་མཆོད་གསོལ་ཡིད་བཞིན་སྤྲིན་དཔུང་བཞུགས་སོ༔
+{{TibP|བརྡ་ཡིག་༠༠༠༠༠༠༠༔ ཟབ་གསང་མཁའ་འགྲོའི་སྙིང་ཐིག་ལས༔ ལྷ་ཆེན་དབང་ཕྱུག་ཆེན་པོའི་ཚོགས་མཆོད་འདོད་ཡོན་སྤྲིན་དཔུང་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ བརྡ་ཡིག་༠༠༠༠༠༠༠༩༡༔ ལྷ་ཆེན་སྒྲུབ་པའི་རྣལ་འབྱོར་གྱིས༔ ཚོགས་གཉིས་ཡོངས་སུ་རྫོགས་གྱུར་ཏེ༔ ལོངས་སྤྱོད་ཆར་ལྟར་འབེབས་པའི་ཕྱིར༔ འབྱོར་ཚོགས་ཟས་སྣ་བཏུང་སྐྱེམས་ཚོགས༔ རི་རབ་རོལ་མཆོའི་ཚུལ་དུ་སྤུངས༔ ཏིང་འཛིན་འཕྲུལ་གྱི་འདོད་ཡོན་གཏེར༔ བསྒྱུར་ཏེ་ནམ་མཁའ་མཛོད་ཀྱི་སྔགས༔ ལན་བདུན་བརྗོད་ཅིང་བྱིན་གྱིས་བརླབས༔ རྃཿལས་མེ་བྱུང་དངོས་འཛིན་བསྲེགས༔ ཡྃཿལས་རླུང་བྱུང་འབག་རྩོག་གཏོར༔ ཁྃཿལས་ཆུ་བྱུང་བག་ཆགས་སྦྱངས༔ རཾ་ཡཾ་ཁཾ༔ ཨོཾ་གྱིས་ཡེ་ཤེས་བདུད་རྩིར་ཞུ༔ ཨཱཿཡིས་འདོད་ཡོན་སྣ་ཚོགས་སྤེལ༔ ཧཱུྃ་གིས་མི་ཟད་གཏེར་དུ་སྤེལ༔ ཨོཾ་ཨཱཿཧཱུྃ༔ ལན་གསུམ་བརྗོད༔ དེ་ནས་སྤྱན་འདྲེན་པ་ནི༔ ཧཱུྃ༔ འོག་མིན་བདེ་བ་ཆེན་པོ་ནས༔ ཨོ་རྒྱན་པདྨ་ཐོད་ཕྲེང་རྩལ༔ སྟོན་འཁོར་ཡོངས་རྫོགས་གཤེགས་སུ་གསོལ༔ ཞལ་ཟས་རོ་བརྒྱའི་ཚོགས་ལ་རོལ༔ ལྕང་ལོ་ཅན་གྱི་གནས་མཆོག་ནས༔ གསང་བའི་བདག་པོ་རྡོ་རྗེ་ཆོས༔ སྟོན་འཁོར་ཡོངས་རྫོགས་གཤེགས་སུ་གསོལ༔ ཞལ་ཟས་རོ་བརྒྱའི་ཚོགས་ལ་རོལ༔ གཞན་འཕྲུལ་དབང་བྱེད་ལྷ་གནས་སུ༔ ཏིང་འཛིན་འཕྲུལ་གྱི་རྒྱལ་པོ་ཆེ༔ དབང་ཕྱུག་ཆེན་པོ་གཤེགས་སུ་གསོལ༔ ཞལ་ཟས་རོ་བརྒྱའི་ཚོགས་ལ་རོལ༔ འཕྲུལ་དགའ་ལྷ་ཡི་གནས་མཆོག་ཏུ༔ འདོད་ཡོན་ལོངས་སྤྱོད་སྒྱུ་འཕྲུལ་མཁན༔ འདོད་པའི་རྒྱལ་པོ་གཤེགས་སུ་གསོལ༔ ཞལ་ཟས་རོ་བརྒྱའི་ཚོགས་ལ་རོལ༔ དགའ་ལྡན་ལྷ་ཡི་གནས་མཆོག་ཏུ༔ དགའ་དང་བདེ་བའི་དབང་ཆེན་པོ༔ ཚོགས་ཀྱི་བདག་པོ་གཤེགས་སུ་གསོལ༔ ཞས་ཟས་རོ་བརྒྱའི་ཚོགས་ལ་རོལ༔ གཞན་ཡང་ཁྱོད་ཀྱི་བཀའ་སྡོད་འཁོར༔ མ་ལུས་ལུས་པ་མེད་པ་ཀུན༔ སྐད་ཅིག་ཉིད་ལ་གཤེགས་སུ་གསོལ༔ ཞལ་ཟས་རོ་བརྒྱའི་ཚོགས་ལ་རོལ༔ སྐུ་ཡི་གཟི་མདངས་རྒྱས་གྱུར་ཅིག༔ གསུང་གི་འགགས་པ་ཁྲོལ་གྱུར་ཅིག༔ ཐུགས་ཀྱི་མི་བཞེད་དག་གྱུར་ཅིག༔ གྲོགས་ལྟར་བསྟེན་ནོ་ཕྲག་མ་དོག༔ སྤུན་ལྟར་བསྟེན་ནོ་བརྩེ་མ་ཆུང་༔ བྲན་ལྟར་བསྟེན་ནོ་ལས་མ་གཡེལ༔ འབངས་ལྟར་བསྟེན་ནོ་གོང་མ་གཡེལ༔ འབོད་པའི་དུས་སུ་སྙན་མ་སྲ༔ བསྟེན་པའི་དུས་སུ་རྒྱང་མ་རིང་༔ སྒྲུབ་པའི་ཚེ་ན་ཐུགས་མ་གཡེལ༔ བསྐུལ་བའི་དུས་སུ་བང་མ་བུལ༔ དངོས་གྲུབ་བསྐུལ་ཚེ་སྟེར་མ་ཞན༔ ཞི་ལས་བཅོལ་ཚེ་བྱིན་མ་ཆུང་༔ བཟློག་ལས་བཅོལ་ཚེ་སྟོབས་མ་ཞན༔ རྒྱས་པའི་ལས་ལ་རྒྱ་མ་ཆུང་༔ དབང་གི་ལས་ལ་བློ་མ་ཞན༔ དྲག་པོའི་ལས་ལ་རྩལ་མ་ཆུང་༔ དགྲ་ལ་རྦད་ཚེ་དུས་མ་འགྱངས༔ ང་དང་ཁྱོད་གཉིས་སྲིད་འཚོའི་བར༔ སྐད་ཅིག་ཙམ་ཡང་འབྲལ་མི་བྱ༔ དམ་ཚིག་གཉན་པོ་གཏའ་རུ་འཇོག༔ ལྷ་ཁྱོད་སྒྲུབ་པའི་དོན་མ་ཆུང་༔ གལ་ཏེ་ཁྱོད་ཀྱིས་ང་བསླུ་ན༔ དམ་ཚིག་གཉན་པོའི་ཁྲིམས་དང་འགལ༔ རྡོ་རྗེ་དམྱལ་བར་ཤི་ཀ་རེ༔ དེ་བས་མ་འདའ་ས་མ་ཡ༔ ཨོཾ་མ་ཧཱ་དཱེ་ཝ་ལོ་ཀི་ཤྭ་ར་ག་ཎ་པ་ཏི་བཛྲ་ས་མ་ཡ་ཛ་ཛཿདེ་ནས་ཚོགས་མཆོད་འབུལ་བ་ནི༔ ཧཱུྃ༔ རིག་འཛིན་རྒྱལ་པོ་པདྨ་འབྱུང་༔ གསང་སྔགས་བདག་པོ་རྡོ་རྗེ་ཆོས༔ འཁོར་དང་བཅས་པ་ཐམས་ཅད་ལ༔ འདོད་ཡོན་ལོངས་སྤྱོད་ཚོགས་མཆོད་འབུལ༔ དྲང་སྲོང་ལྷ་ཡི་བླ་མ་ཆེ༔ དབང་ཕྱུག་ཆེ་དང་ཚོགས་ཀྱི་བདག༔ འདོད་རྒྱལ་ཡབ་ཡུམ་སྲས་འཁོར་ལ༔ འདོད་ཡོན་ལོངས་སྤྱོད་ཚོགས་མཆོད་འབུལ༔ ལོངས་སྤྱོད་གཏེར་གྱི་དངོས་གྲུབ་སྩོལ༔ སརྦ་ག་ཎ་ཙཀྲ་ལ་ཁཱ་ཧི༔ དེ་ནས་བཤགས་པ་བྱ་བ་ནི༔ ཧཱུྃ༔ བླ་མ་རྩ་གསུམ་བདག་ཉིད་དང་༔ དབང་ཕྱུག་ཚོགས་བདག་སྤྱན་སྔ་རུ༔ སྡོམ་དང་དམ་ཚིག་ཉམས་པ་ཀུན༔ མི་འཆབ་མི་སྦེད་ཚོགས་ཀྱིས་བཤགས༔ ཨོཾ་བཛྲ་ས་མ་ཡ་ཤུདྡྷེ་ཨ༔ དེ་ནས་བསྒྲལ་ལས་བྱ་བ་ལ༔ ཧཱུྃ༔ མ་རིག་གཟུང་འཛིན་རྐྱེན་སྣང་གི༔ བདུད་དང་རཱུ་ཏྲ་ལོག་འདྲེན་ཀུན༔ བླ་མ་མཆོག་གི་ཡོན་ཏན་དང་༔ དབང་ཕྱུག་ཆེན་པོའི་སྟོབས་ཀྱིས་སོད༔ སརྦ་ཤ་ཏྲུཾ་མཱ་ར་ཡ་ཕཊ༔ དེ་ནས་ཞལ་དུ་བསྟབ་པ་ནི༔ ཧཱུྃ༔ བདག་ལྟའི་རཱུ་ཏྲ་བསྒྲལ་བ་ཡི༔ ཤ་ཁྲག་དྲོད་དབུགས་ཕུང་པོ་ཁམས༔ བླ་མ་མཆོག་དང་དབང་ཕྱུག་གི༔ ཞལ་དུ་བསྟབས་པོ་ལྷག་མེད་རོལ༔ མཱ་ར་ཡ་ཁཱ་ཧི༔ དེ་ནས་ལྷག་མ་བསྔོ་བ་ནི༔ ཨོཾ་ཨཱཿཧཱུྃ༔ འགྲོ་བ་དྲུག་དང་ལམ་རྒྱུད་ལྔ༔ ཁམས་གསུམ་ལ་གནས་སེམས་ཅན་ལ༔ འདོད་ཡོན་ལྷག་མའི་བཤལ་ཆུ་འབུལ༔ སོ་སོའི་ཡིད་མཐུན་འབྱུང་གྱུར་ཅིག༔ ས་མ་ཡ་ཨུཙྪིཥྚ་བ་ལིང་ཏ་ཁཱ་ཧི༔ ལོངས་སྤྱོད་ཚོགས་ཀྱི་འཁོར་ལོ་འདིས༔ དཀོན་མཆོག་མཆོད་པས་མཉེས་གྱུར་ཅིག༔ དམ་ཅན་ཐུགས་དམ་བསྐང་གྱུར་ཅིག༔ རིགས་དྲུག་འདོད་པ་ཚིམས་གྱུར་ཅིག༔ བགེགས་རིགས་ཐམས་ཅད་གྲོལ་གྱུར་ཅིག༔ ཚོགས་གཉིས་ཡོངས་སུ་རྫོགས་གྱུར་ཅིག༔ སྒྲིབ་གཉིས་བག་ཆགས་བྱང་གྱུར་ཅིག༔ ལྷ་ལ་ཉེས་འགལ་མེད་པར་ཤོག༔ འགྲོ་དོན་ཕྱོགས་མེད་འབྱུང་གྱུར་ཅིག༔ ལན་ཆགས་བུ་ལོན་སོད་གྱུར་ཅིག༔ ཤ་མཁོན་རྩོད་པ་ཞི་གྱུར་ཅིག༔ རྫོགས་ལྡན་དུས་ཀྱི་བསྐལ་པ་བཞིན༔ ཐམས་ཅད་དགའ་བདེའི་དཔལ་ཐོབ་ཤོག༔ ཅེས་སྨོན་ལམ་གདབ་བོ༔ འདི་ཡིས་ཉམས་པ་སོར་ཆུད་ནས༔ སྙིང་ཉེ་བྱམས་བརྩེ་དང་ལྡན་འགྱུར༔ དེ་མཐུས་འདོད་དོན་ཀུན་ཡང་འགྲུབ༔ ལོངས་སྤྱོད་སྤེལ་ལ་འདི་གལ་ཆེ༔ བཀའ་སྲུང་ཁྱབ་འཇུག་ཆེན་པོས་སྲུངས༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཞེས་པ་འདི་ནི་ཁྲག་འཐུང་བདུད་འཇོམས་རྡོ་རྗེས་གཏེར་ནས་བཏོན་ཏེ་མི་ལོ་ཉེར་གཉིས་བར་དུ་བཀའ་རྒྱས་བཏབ་སྟེ་མཐར་སློབ་མའི་མཆོག་གྱུར་འཇིགས་མེད་བློ་གྲོས་དབང་པོ་དང་བསོད་ནམས་བཀྲ་ཤིས་གཉིས་ཀྱིས་བསྐུལ་ངོར་གཏན་ལ་ཕབ་པའི་ཡི་གེ་པ་ནི་བློ་བཟང་ཡེ་ཤེས་རྡོ་རྗེའོ།།དགེའོ།།།།}}
-བརྡ་ཡིག་༠༠༠༠༠༠༠༨༢༔ ན་མོ་གུ་རུ་པདྨ་ཀ་ར་ཡེ༔ བརྡ་ཡིག་༠༠༠༠༠༠༠༔ ལྷ་ཆེན་སྒྲུབ་པའི་རྣལ་འབྱོར་གྱིས༔ ཕྱི་ནང་མཆོད་པའི་བྱེ་བྲག་ཀུན༔ དངོས་འབྱོར་ཡིད་ཀྱིས་རྣམ་སྤྲུལ་ཏེ༔ སྔགས་དང་ཕྱག་རྒྱས་བྱིན་གྱིས་རླབས༔ དེ་ནས་དྲི་བཟང་དུད་པ་བཏང་༔ རྔ་གླིང་པི་ཝང་རོལ་མོའི་སྒྲས༔ མཆོད་གསོལ་འདི་ལ་འབད་པར་བྱ༔ ཨོཾ་ཧྲཱིཿདད་པ་དང་ནི་དམ་ཚིག་གིས༔ འབོད་དོ་སྒྲུབ་བོ་དབང་ཕྱུག་ཆེ༔ ཨུ་མ་དཱེ་ཝི་ལུགས་སྐྱེས་ཡུམ༔ སྲས་མཆོག་ཚོགས་ཀྱི་བདག་པོ་དང་༔ སྤྲུལ་པ་ལས་ཀྱི་ལྷ་མོ་བཞི༔ བཀའ་སྡོད་དཔལ་མགོན་བདུན་ཅུ་གསུམ༔ ཡང་སྤྲུལ་འབྱུང་བ་ལྔ་ཡི་ལྷ༔ སྣང་སྲིད་དྲེགས་ཚོགས་མ་ལུས་འཁོར༔ སྡེ་བདུད་ལྷ་འདྲེ་འབངས་སྡེར་བཅས༔ སྐད་ཅིག་གནས་འདིར་གཤེགས་སུ་གསོལ༔ སྒྲོལ་གིང་ཡ་མ་རཱ་ཙ་དང་༔ འཛིན་གིང་རྡོ་རྗེ་ལེགས་པ་དང་༔ མྱུར་གིང་གཟའ་བདུད་ནག་པོ་དང་༔ རྒྱུག་གིང་བཙན་རྒོད་ཆེན་པོ་སོགས༔ འཁོར་དང་བཅས་པ་གཤེགས་སུ་གསོལ༔ ལྷ་ཆེན་དབང་པོ་བརྒྱ་བྱིན་དང་༔ ལྷ་མིན་དབང་པོ་ཐག་བཟང་རིས༔ མི་དབང་འཁོར་ལོས་སྒྱུར་བ་དང་༔ བྱོལ་སོང་དབང་པོ་སེང་རབ་བརྟན༔ ཡི་དྭགས་དབང་པོ་ཁ་འབར་མ༔ དམྱལ་བའི་དབང་པོ་ཆོས་ཀྱི་རྒྱལ༔ དབང་ཕྱུག་དབང་པོ་དྲུག་གིས་འཕྲུལ༔ འཁོར་དང་བཅས་པ་གཤེགས་སུ་གསོལ༔ དམ་ཚིག་ཆེན་པོས་འབོད་འདྲེན་ནོ༔ དབང་ཕྱུག་འཁོར་བཅས་ད་ཚུར་བྱོན༔ མ་གཡེལ་མ་འགྱངས་ས་མ་ཛཿདམ་ཚིག་གཉན་པོ་དྲན་མཛོད་ལ༔ མཆོད་གསོལ་ཡུལ་དུ་བཞུགས་སོ་འཚལ༔ རིག་འཛིན་སྲུང་མར་མངའ་གསོལ་ལོ༔ རྣལ་འབྱོར་དགྲ་ལྷར་མངའ་གསོལ་ལོ༔ བདག་གི་གྲོགས་སུ་མངའ་གསོལ་ལོ༔ ཕྲིན་ལས་བདག་པོར་མངའ་གསོལ་ལོ༔ ལྷ་ཆེན་ཁམས་གསུམ་དབང་ཕྱུག་ལ༔ མཆོད་ཅིང་བསྟོད་དེ་ཕྱག་ཀྱང་འཚལ༔ ཡུམ་མཆོག་ཨུ་མ་ལུགས་སྐྱེས་མར༔ མཆོད་ཅིང་བསྟོད་དེ་ཕྱག་ཀྱང་འཚལ༔ འགུགས་འཆིང་སྡོམ་མྱོས་ལྷ་མོ་བཞིར༔ མཆོད་ཅིང་བསྟོད་དེ་ཕྱག་ཀྱང་འཚལ༔ དཔལ་མགོན་བདུན་ཅུ་རྩ་བཞི་ལ༔ མཆོད་ཅིང་བསྟོད་དེ་ཕྱག་ཀྱང་འཚལ༔ འབྱུང་ལྔའི་ལྷ་དང་དྲེགས་པའི་འཁོར༔ མཆོད་ཅིང་བསྟོད་དེ་ཕྱག་ཀྱང་འཚལ༔ སྡེ་བརྒྱད་ལྷ་འདྲེ་མཐུ་ཆེན་ལ༔ མཆོད་ཅིང་བསྟོད་དེ་ཕྱག་ཀྱང་འཚལ༔ ལྷ་ཆེན་དབང་པོ་རྣམ་དྲུག་ལ༔ མཆོད་ཅིང་བསྟོད་དེ་ཕྱག་ཀྱང་འཚལ༔ གིང་ཆེན་དྲེགས་པ་སྡེ་བཞི་ལ༔ མཆོད་ཅིང་བསྟོད་དེ་ཕྱག་ཀྱང་འཚལ༔ ཕྱི་རོལ་ཀླ་ཀློ་བསྟན་དགྲ་ཐུལ༔ ནག་ཕྱོགས་གདུག་པའི་མགོ་འཕང་ཕོབས༔ རྣལ་འབྱོར་བདག་གི་འདོད་དོན་སྒྲུབས༔ ཀྱཻ༔ དྲང་སྲོང་ལྷ་ཡི་བླ་མ་ལ༔ དངོས་འབྱོར་ཡིད་སྤྲུལ་མཆོད་པ་ནི༔ གནམ་ཡོལ་བླ་རེ་གདུགས་རྒྱལ་མཚན༔ ནམ་མཁའ་མཛེས་པའི་རྒྱན་དུ་འབུལ༔ དར་འཕན་བ་དན་ལྷབ་ལྷུབ་ཚོགས༔ བར་སྣང་མཛེས་པའི་རྒྱན་དུ་འབུལ༔ མེ་ཏོག་ཉལ་ཉིལ་དར་ལམ་གདན༔ ས་གཞི་མཛེས་པའི་རྒྱན་དུ་འབུལ༔ དཀར་གསུམ་མངར་གསུམ་ཟས་ཀྱི་རིགས༔ དབང་ཕྱུག་འཁོར་འབངས་བཅས་ལ་འབུལ༔ ཤ་སྣ་ཁྲག་སྣ་དམར་གྱི་རིགས༔ དབང་ཕྱུག་འཁོར་འབངས་བཅས་ལ་འབུལ༔ སྨན་སྣ་འབྲུ་སྣ་སྤོད་དང་བཅས༔ ལྷ་ཆེན་འཁོར་དང་བཅས་ལ་འབུལ༔ རི་དྭགས་གཡུང་དྭགས་རྩྭ་ཟན་རིགས༔ དབང་ཕྱུག་དྲེགས་པའི་ཚོགས་ལ་འབུལ༔ ཆུ་གནས་རྣམ་པ་སྣ་ཚོགས་པ༔ དབང་ཕྱུག་དྲེགས་པའི་ཚོགས་ལ་འབུལ༔ འདབ་ཆགས་མཁའ་ལ་རྒྱུ་བའི་ཚོགས༔ དབང་ཕྱུག་དྲེགས་པའི་ཚོགས་ལ་འབུལ༔ གཅན་གཟན་ཤ་ཁྲག་ཟ་བའི་ཚོགས༔ དབང་ཕྱུག་དྲེགས་པའི༴མི་ནི་ཆ་ལུགས་སྣ་ཚོགས་གཟུགས༔ དབང་ཕྱུག་དྲེགས་པའི༴ཁྲབ་རྨོག་ལ་སོགས་བཙན་པའི་གོ༔ དབང་ཕྱུག་དྲེགས་པའི༴དུད་འགྲོ་སྣ་ཚོགས་པགས་པའི་རིགས༔ དབང་ཕྱུག་དྲེགས་པའི༴དར་ཟབ་གོས་སོགས་རེག་བྱའི་རིགས༔ དབང་ཕྱུག་དྲེགས་པའི༴མཚོན་ཆ་རྣམ་པ་སྣ་ཚོགས་རིགས༔ དབང་ཕྱུག་དྲེགས་པའི༴སྦྲ་ཁང་དར་གུར་ཁྱིམ་གྱི་རིགས༔ དབང་ཕྱུག་དྲེགས་པའི༴གསེར་དངུལ་ཟངས་ལྕགས་ནོར་གྱི་རིགས༔ དབང་ཕྱུག་དྲེགས་པའི༴ཇ་ཆང་འོ་སྐྱེམས་ཁྲག་གསེར་སྐྱེམས༔ དབང་ཕྱུག་དྲེགས་པའི༴ཉེར་སྤྱོད་བདུན་གྱི་མཆོད་པ་ཡང་༔ དབང་ཕྱུག་དྲེགས་པའི༴འདོད་ཡོན་ལྔ་ཡི་མཆོད་པ་ཡང་༔ དབང་ཕྱུག་དྲེགས་པའི༴སྨན་གཏོར་རཀྟའི་མཆོད་པ་ཡང་༔ དབང་ཕྱུག་དྲེགས་པའི་ཚོགས་ལ་འབུལ༔ ཕྱི་ནང་གསང་མཆོད་ག་ཎ་ཚོགས༔ གཏོར་མ་འདོད་འཇོའི་དཔལ་ཡོན་ལྡན༔ རོལ་མོ་སྙན་པའི་ཚོགས་བཅས་ཀྱིས༔ དབང་ཕྱུག་ཆེན་པོ་མཆོད་གསོལ་བསྟོད༔ ལྷ་མོ་ཨུ་མ་མཆོད༴ལས་བཞིའི་ལྷ་མོ་མཆོད༴དཔལ་མགོན་བདུན་ཅུ་མཆོད༴དབང་པོ་རྣམ་དྲུག་མཆོད༴དྲེགས་པའི་འཁོར་ཚོགས་མཆོད༴ལྷ་སྲིན་སྡེ་བརྒྱད་མཆོད༴སྣང་སྲིད་བདག་པོ་མཆོད༴ཡུལ་ལྷ་གཞི་བདག་མཆོད་གསོལ་བསྟོད༔ གཞན་ཡང་དབང་ཕྱུག་ལྷའི་བླ་མའི༔ བྲན་འབངས་སྡེ་འཁོར་བཅས་པ་ལ༔ མཆོད་དོ་གསོལ་ལོ་བསྟོད་ཅིང་བཀུར༔ དམ་ཚིག་གཉན་པོ་དཔང་བཙུག་ནས༔ ཁྱོད་ལ་ཕྲིན་ལས་བཅོལ་བ་ནི༔ བདག་ཅག་སྒྲུབ་མཆོག་འཁོར་བཅས་ལ༔ ལུས་དང་གྲིབ་མ་ཇི་བཞིན་དུ༔ སྐད་ཅིག་མི་འབྲལ་གྲོགས་མཛོད་ལ༔ ནད་དང་གནོད་པ་རྐྱེན་བར་ཆད༔ མི་མཐུན་ཕྱོགས་རྣམས་ཀུན་ཞི་ཞིང་༔ ཚེ་བསོད་དཔལ་འབྱོར་སྟོབས་མངའ་ཐང་༔ ཡར་ངོའི་ཟླ་ལྟར་འཕེལ་རྒྱས་མཛོད༔ སྣང་སྲིད་སྐྱེ་འགྲོ་ནོར་ལོངས་སྤྱོད༔ འདོད་རྒུའི་དཔལ་ཡོན་དབང་དུ་སྡུས༔ དགྲ་བགེགས་ལོག་འདྲེན་གནོད་བྱེད་ཀུན༔ མིང་གི་ལྷག་ཙམ་མེད་པ་རུ༔ བསྒྲལ་ཞིང་བརླག་པའི་ཕྲིན་ལས་མཛོད༔ སྣང་སྲིད་སྐྱེ་འགྲོ་མི་རྣམས་ཀུན༔ རྒྱལ་བློན་འབངས་བཅས་བདག་དབང་བསྒྱུར༔ ཁྱོད་བཞིན་དབང་གི་དངོས་གྲུབ་སྩོལ༔ སངས་རྒྱས་བསྟན་ལ་སྡང་བ་ཡི༔ ཕྱི་དགྲ་ཀླ་ཀློ་ལོག་ཆོས་པ༔ ནང་དགྲ་བན་དྲེད་ཆོས་ཁྲིམས་བཤིག༔ གསང་དགྲ་ཉོན་མོངས་དམ་སྲིའི་རིགས༔ མར་མེ་རླུང་གིས་བསད་པ་ལྟརཿབརླག་ཅིང་བསྣུབས་པའི་ཕྲིན་ལས་མཛོད༔ ཁྱད་པར་འགྲོ་བ་མི་ཡི་དཔལ༔ རྩི་ཐོག་ལོ་ཐོག་རྩྭ་དང་ཤིང་༔ བཅོམ་ཞིང་མུ་གེ་སྤེལ་བ་ཡི༔ འཕྲུལ་མི་རྫས་སྔགས་མཁན་པོ་དང་༔ འཕྲུལ་གྱི་སྲོག་ཆགས་ཕྲ་མོར་བཅས༔ རྩྭ་ཕུང་སྐམ་ལ་མེ་མཆེད་བཞིན༔ རྗེས་ཤུལ་མེད་པར་བརླག་མཛོད་ཅིག༔ དཀོན་མཆོག་གསུམ་གྱི་བསྟན་དགྲ་ལ༔ གལ་ཏེ་ཁྱོད་ཀྱིས་མགོན་བྱེད་ན༔ ཁྱེད་ཅག་བཀའ་དམ་ལ་འདས་ནས༔ རྡོ་རྗེ་དམྱལ་བར་ཤི་ཀ་རེ༔ དེ་བས་བསྟན་དགྲའི་མགོན་མ་བྱེད༔ སངས་རྒྱས་ཆོས་ཀྱི་སྲུང་མ་མཛོད༔ དམ་ལ་མ་འདའ་ས་མ་ཡ༔ བཅོལ་བའི་ཕྲིན་ལས་འགྲུབ་པར་མཛོད༔ ཡང་ན་གསོལ་མཆོད་འདི་མང་དུ་བརྗོད༔ ཀྱཻ༔ དད་པ་དང་ནི་དམ་ཚིག་གིས༔ དབང་ཕྱུག་འཁོར་བཅས་གཤེགས་སུ་གསོལ༔ དམ་ཚིག་ཆེན་པོའི་གདན་ལ་བཞུགས༔ སྒོ་གསུམ་གུས་པས་ཕྱག་འཚལ་ལོ༔ བདག་གི་སྲུང་མར་མངའ་གསོལ་ལོ༔ ཕྱི་ནང་གསང་བའི་མཆོད་པ་འབུལ༔ ཐུགས་དམ་བསྐང་ལ་ཉམས་ཆག་བཤགས༔ གདུང་དབྱངས་རོལ་མོའི་སྒྲ་ཡིས་བསྟོད༔ ཕྲིན་ལས་རབ་འབྱམས་ཡོངས་འགྲུབ་མཛོད༔ མ་གཡེལ་མ་འགྱངས་ས་མ་ཡ༔ དེ་ལྟར་གསོལ་མཆོད་གྲངས་ལྡན་པས༔ མི་འབྲལ་གྲོགས་བྱེད་ཕྲིན་ལས་སྒྲུབ༔ བཀྲ་ཤིས་དགེ་ལེགས་དཔལ་རྒྱས་འགྱུར༔ བཀའ་སྲུང་གནོད་སྦྱིན་ཆེན་པོས་སྲུངས༔ དམ་ཉམས་ལག་ཏུ་མ་ཤོར་རྒྱ༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཞེས་པ་འདི་ཡང་ཁྲག་འཐུང་བདུད་འཇོམས་རྡོ་རྗེས་གཏེར་ནས་བཏོན་ཏེ་མཐར་མཁྱེན་རབ་རྒྱ་མཚོས་ནན་དུ་བསྐུལ་ངོར་གཏན་ལ་ཕབ་པའི་ཡི་གེ་པའང་དེ་ཉིད་དོ།།དགེའོ།།དགེའོ།།དགེའོ།།མངྒ་ལཾ།།།།}}
 </onlyinclude>
 {{TsagliCall}}
 <headertabs/>