TTDL-ZABTER-12-NA-062

Previous Text Back to Volume PageNext Text

Wylie title	chos nyid nam mkha'i klong mdzod las: thugs rje chen po'i sgrub pa'i cha lag byin 'bebs byin rlabs char 'bebs:
Location	bdud 'joms gling pa zab gter Volume 12, Text 62, Pages 371-373 (Folios 1a1 to 2a5)
Author	བདུད་འཇོམས་གླིང་པ་
Citation	Khrag 'thung Bdud 'joms gling pa. Chos nyid nam mkha'i klong mdzod las thugs rje chen po'i sgrub pa'i cha lag byin 'bebs byin rlabs char 'bebs. In Sprul pa'i gter chen bdud 'joms gling pa'i zab gter gsang ba'i chos sde, Vol. 12: 371-373. Thimphu, Bhutan: Lama Kuenzang Wangdue, 2004.
Side notes	Recto: byin 'bebs   Verso: bdud 'joms thugs chen
More details More details
Tertön	བདུད་འཇོམས་གླིང་པ་ (bdud 'joms gling pa)
Genre	Descent of Blessings - byin 'bebs
Cycle	ཆོས་ཉིད་ནམ་མཁའི་ཀློང་མཛོད་ (chos nyid nam mkha'i klong mdzod)
Deity	Thugs rje chen po
Colophon	ཞེས་སློབ་བུ་ཆོས་འབྱོར་གྱིས་བསྐུལ་ངོར་བདུད་འཇོམས་རྡོ་རྗེས་ཆོས་ཉིད་ནམ་མཁའི་མཛོད་ལས་བསྒྱུར་བའོ། །དགེའོ། །དགེའོ། །དགེའོ།།
	zhes slob bu chos 'byor gyis bskul ngor bdud 'joms rdo rjes chos nyid nam mkha'i mdzod las bsgyur ba'o/ /dge'o/ /dge'o/ /dge'o//

Tibetan Text

[edit]

དྡྂ།༔ ཆོས་ཉིད་ནམ་མཁའི་ཀློང་མཛོད་ལས༔ ཐུགས་རྗེ་ཆེན་པོའི་སྒྲུབ་པའི་ཆ་ལག་བྱིན་འབེབས་བྱིན་རླབས་ཆར་འབེབས་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ (བརྡ་ཡིག་) སྦོས་བསྲེགས་རོལ་མོ་སྣ་ཚོགས་དཀྲོལ༔ རང་རང་རྣམས་ཀྱི་དད་པ་དང་མོས་གུས་གདུང་བ་དྲག་པོའི་ཤུགས་བསྐྱེད་པ་དང་༔ ཆབ་གཅིག་ཏུ་སྙིང་ག་ནས་འོད་དང་འོད་ཟེར་དཔག་ཏུ་མེད་པ་འཕྲོས་པས་འཕགས་མཆོག་ཐུགས་རྗེ་ཆེན་པོ་ལ་སོགས་པའི་ཞི་ཁྲོ་རྡོ་རྗེ་དབྱིངས་ཀྱི་དཀྱིལ་འཁོར་རྟེན་དང་བརྟེན་པར་བཅས་པ་ཐམས་ཅད་སྐུ་གཟུགས་དང་ཡི་གེ་དང་ཕྱག་མཚན་སྣ་ཚོགས་པའི་རྣམ་པར་བྱུང་ནས་བདག་དང་སྒྲུབ་རྫས་རྣམས་ལ་ཐིམ་པས་དབང་བྱིན་དངོས་གྲུབ་ཐམས་ཅད་རྫོགས་པར་བསམ་ལ༔ ཧཱུྃ་ཧྲཱིཿ བྱིན་ཆེན་ངོ་མཚར་མཆོག་གི་གནས༔ རང་སྣང་དོན་གྱི་འོག་མིན་ནས༔ ཀ་དག་ཆོས་སྐུའི་དངོས་གྲུབ་བརྙེས༔ ཀུན་བཟང་ཡབ་ཡུམ་བྱིན་ཕོབ་ཅིག༔ བྱིན་ཆེན་ངོ་མཚར༴ ལྷུན་གྲུབ་བདེ་ཆེན་གཞལ་ཡས་ནས༔ སྐུ་དང་ཡེ་ཤེས་དངོས༴ རིགས་ལྔ་གངས་ཆེན་བྱིན༴ བྱིན་ཆེན་ངོ་མཚར༴ འ གྲོ་འདུལ་སྤྲུལ་པའི་ཕོ་བྲང་ནས༔ ཀུན་ཁྱབ་ཐུགས་རྗེའི་དངོས༴ སྤྲུལ་སྐུ་རབ་འབྱམས་བྱིན༴ བྱིན་ཆེན་ངོ་མཚར༴ བདེ་བ་ཅན་གྱི་ཞིང་ཁམས་ནས༔ འཆི་མེད་ཚེ་ཡི་དངོས༴ སྣང་བ་མཐའ་ཡས་བྱིན༴ བྱིན་ཆེན་ངོ་མཚར༴ རང་བྱུང་ཡེ་ཤེས་གཞལ་ཡས་ནས༔ གཞོན་ནུ་བུམ་སྐུའི་དངོས༴ དགའ་རབ་རྡོ་རྗེའི་བྱིན༴ བྱིན་ཆེན་ངོ་མཚར༴ སྐུ་དང་ཡེ་ཤེས་གཞལ་ཡས་ནས༔ འཕོ་བ་ཆེན་པོའི་དངོས༴ ཤྲཱི་སེང་ཧས་བྱིན༴ བྱིན་ཆེན་ངོ་མཚར༴ ཟངས་མདོག་དཔལ་རིའི་གནས་མཆོག་ཏུ༔ དོན་གཉིས་མཐར་ཕྱིན་དངོས༴ པདྨ་འབྱུང་གནས་བྱིན༴ བྱིན་ཆེན་ངོ་མཚར༴ ཟག་མེད་བདེ་ཆེན་གཞལ་ཡས་ནས༔ ཐུན་མོང་མཆོག་གི་དངོས༴ ཡེ་ཤེས་མཚོ་རྒྱལ་བྱིན༴ བྱིན་ཆེན་ངོ་མཚར༴ དག་པ་དབྱིངས་ཀྱི་དཀྱིལ་འཁོར་ནས༔ སྐུ་གསུམ་ལྷུན་གྲུབ་དངོས༴ ཁྱེའུ་ཆུང་ལོ་ཙཱའི་བྱིན༴ བྱིན་ཆེན་ངོ་མཚར༴ སྤྱི་གཙུག་བདེ་ཆེན་འཁོར་ལོ་ནས༔ འགྲོ་བ་འདུལ་པའི་དངོས༴ དྲིན་ཆེན་བླ་མའི་བྱིན༴ བྱིན་ཆེན་ངོ་མཚར༴ རི་བོ་ཏ་ལའི་གནས་མཆོག་ནས༔ འཁོར་བ་དོང་སྤྲུགས་དངོས༴ ཐུགས་རྗེ་ཆེན་པོས་བྱིན༴ བྱིན་ཆེན་ངོ་མཚར༴ གསང་ཆེན་རོལ་པའི་དུར་ཁྲོད་ནས༔ མཁྱེན་གཉིས་མངོན་གྱུར་དངོས༴ གསང་བ་ཡེ་ཤེས་བྱིན༴ བྱིན་ཆེན་ངོ་མཚར༴ འཁོར་འདས་དག་མཉམ་དཀྱིལ་འཁོར་ནས༔ ཐབས་ཤེས་གཉིས་མེད་སྒྱུ་འཕྲུལ་ལྷ༔ དབྱིངས་ནས་སྐུར་བཞེངས་བྱིན༴ བྱིན་ཆེན་ངོ་མཚར༴ མངོན་སྤྱོད་རོལ་པའི་དུར་ཁྲོད་ནས༔ གདུག་པ་ཀུན་འདུལ་དངོས༴ ཆོས་སྐྱོང་སྲུང་མའི་བྱིན་ཕོབ་ཅིག༔ བྱིན་ཆེན་རྣམས་ཀྱིས་བྱིན་ཕོབ་ལ༔ དབང་ཆེན་རྣམས་ཀྱིས་དབང་བསྐུར་ཅིག༔ རྟགས་དང་མཚན་མ་སྟོན་པ་དང་༔ མཆོག་ཐུན་དངོས་གྲུབ་མྱུར་སྩོལ་ཅིག༔ ཨོཾ་མ་ཎི་པདྨེ་ཧཱུྃ་ཧྲཱིཿགུ་རུ་དྷེ་ཝ་ཌཱཀྐི་ནཱི་སརྦ་ས་པ་རི་ཝཱ་ར་བཛྲ་ས་མ་ཡ་ཛ་ཛཿ ཨེ་ཨ་རལླི་ཕེཾ་ཕེཾ༔ ཨ་བེ་ཤ་ཡ་ཨ་ཨཱཿ འདི་ལྟར་མོས་གུས་དམིགས་གནད་ཀྱིས༔ ཡང་ཡང་བྱིན་ཆེན་དབབ་པར་བྱ༔ དེས་ནི་རིང་པོར་མི་ཐོགས་པར༔ དངོས་གྲུབ་རྣམ་གཉིས་མྱུར་ཐོབ་འགྱུར༔ བཀའ་སྲུང་གནོད་སྦྱིན་ཆེན་པོས་སྲུངས༔ ས་མ་ཡ༔ རྒྱ་རྒྱ་རྒྱ༔ ཨྠིྀ༔ ཞེས་སློབ་བུ་ཆོས་འབྱོར་གྱིས་བསྐུལ་ངོར་བདུད་འཇོམས་རྡོ་རྗེས་ཆོས་ཉིད་ནམ་མཁའི་མཛོད་ལས་བསྒྱུར་བའོ། །དགེའོ། །དགེའོ། །དགེའོ།།