DJYD-KABUM-14-PHA-003

Previous Text Back to Volume PageNext Text

Wylie title	rdo rje phur pa yang gsang 'phrin las bcud dril gyi brgyud pa'i gsol 'debs khrag 'thung rngams pa'i thol glu
Location	bdud 'joms rin po che bka' 'bum Volume 14, Text 3, Pages 39-40 (Folios 1a1 to 1b4)
Author	ཟིལ་གནོན་ནམ་མཁའི་རྡོ་རྗེ་
Citation	Zil gnon nam mkha'i rdo rje. Rdo rje phur pa yang gsang 'phrin las bcud dril gyi brgyud pa'i gsol 'debs khrag 'thung rngams pa'i thol glu. In Bdud 'joms 'jigs bral ye shes rdo rje'i gsung 'bum dam chos rin chen nor bu'i bang mdzod, Vol. 14: 39-40. Kalimpong: Dupjung Lama, 1979-1985.
Side notes	Recto: brgyud 'debs   Verso: yang gsang bcud dril
More details More details
Tertön	ཟིལ་གནོན་ནམ་མཁའི་རྡོ་རྗེ་ (zil gnon nam mkha'i rdo rje)
Genre	Lineage Supplications - brgyud 'debs
Cycle	དཔལ་རྡོ་རྗེ་ཕུར་པ་ཡང་གསང་འཕྲིན་ལས་བཅུད་དྲིལ་ (dpal rdo rje phur pa yang gsang 'phrin las bcud dril)
Deity	rdo rje phur pa
Colophon	ཅེས་པ་འདིའང་ཟབ་མོའི་ཆོས་འདིར་མོས་བརྩོན་རྣལ་འབྱོར་དུ་བྱེད་པའི་བླ་མ་དམ་པ་པདྨ་དབང་དྲག་ནས་ནན་བསྐུལ་བགྱིས་པ་དོན་ཡོད་པར་བྱ་བའི་ཕྱིར་གཏེར་སྟོན་རང་ཉིད་ཀྱིས་དེ་འཕྲལ་ཉིད་དུ་ལྷོ་མོན་བུམ་ཐང་དཔལ་རི་དགོན་གྱི་ཡང་དབེན་དུ་སྦྱར་བའོ། །མངྒ་ལཾ།།
	ces pa 'di'ang zab mo'i chos 'dir mos brtson rnal 'byor du byed pa'i bla ma dam pa pad+ma dbang drag nas nan bskul bgyis pa don yod par bya ba'i phyir gter ston rang nyid kyis de 'phral nyid du lho mon bum thang dpal ri dgon gyi yang dben du sbyar ba'o/___/mang+ga laM//

Tibetan Text

[edit]

༄༅། །རྡོ་རྗེ་ཕུར་པ་ཡང་གསང་འཕྲིན་ལས་བཅུད་དྲིལ་གྱི་བརྒྱུད་པའི་གསོལ་འདེབས་ཁྲག་འཐུང་རྔམས་པའི་ཐོལ་གླུ་ཞེས་བྱ་བ་བཞུགས་སོ། །ན་མོ་ཤྲཱི་བཛྲ་ཀུ་མཱ་ར་ཡེ། ཐོག་མའི་སངས་རྒྱས་མགོན་པོ་ཀུན་ཏུ་བཟང་། །ཁྲག་འཐུང་རིགས་ལྔ་ལས་ཀྱི་དབང་མོའི་ཞབས། །དཔལ་ཆེན་གྲུབ་པའི་སློབ་དཔོན་པྲ་ཧ་སྟིར། །གསོལ་བ་འདེབས་སོ་མངོན་སྤྱོད་ནུས་མཐུ་སྩོལ། །སྣང་སྲིད་ཟིལ་གནོན་གུ་རུ་ཐོད་ཕྲེང་རྩལ། །བདུད་འདུལ་དྲག་མོ་མཁར་ཆེན་མཚོ་རྒྱལ་ཡུམ། །དྲག་སྔགས་བཀའ་བབས་ལོ་ཆེན་བཻ་རོ་རྗེར། །གསོལ་བ་འདེབས་སོ༴ བོད་ཡུལ་ཕུར་ཐོགས་ཀུན་གཙོ་སྔགས་འཆང་རྒྱལ། །ཧེ་རུ་ཀ་དཔལ་རྡོ་རྗེ་བདུད་འཇོམས་རྩལ། །ཟབ་གསང་སྒོ་འབྱེད་གཏེར་འབྱིན་སྤྲུལ་པའི་སྐུར། །གསོལ་བ༴ དཀྱིལ་འཁོར་གཙོ་མཆོག་རྡོ་རྗེ་གཞོན་ནུ་ཆེ། །སྲས་མཆོག་ཁྲོ་བཅུ་ཡབ་ཡུམ་ཁྲ་ཐབས་དང་། །སྒོ་སྐྱོང་ཕུར་སྲུང་དབང་ཕྱུག་ལ་སོགས་པའི། །འཕྲིན་ལས་ཕུར་པའི་དཀྱིལ་འཁོར་ལྷ་ཚོགས་ལ། །གསོལ་བ༴ དེ་ལྟར་གསོལ་བ་བཏབ་པའི་བྱིན་རླབས་ཀྱིས། །དཔལ་ཆེན་མཆོག་གི་མྱུར་ལམ་ལ་བརྟེན་ནས། །བསྐྱེད་རྫོགས་བསྙེན་སྒྲུབ་ཉམས་ལེན་མཐར་ཕྱིན་ཏེ། །མཆོག་ཐུན་དངོས་གྲུབ་ཚེ་འདིར་མྱུར་ཐོབ་ཤོག །ཁྱད་པར་དྲག་པོ་མངོན་སྤྱོད་ལས་ཀྱི་གཟེར། །རྡོ་རྗེའི་མེ་ཆར་འབར་བའི་ཐོག་མདའ་ཡིས། །བར་ཆད་བདུད་དགྲའི་དོན་སྙིང་ཐལ་ཕྱུངས་ཏེ། །སྙིང་རྗེའི་བསྒྲལ་བས་འཚེང་པ་གསུམ་ལྡན་ཤོག །སྟངས་དཔྱལ་ཕུར་བུ་རྣམ་བཞིའི་རྣོ་མཚོན་དབལ། །གདབ་བྱ་དམིགས་པའི་འབེན་བཞིར་ལྡོག་མེད་ཐེབས། །རྟོག་ཚོགས་མཐའ་བཞིའི་སྲོག་བཅུད་དྭངས་མར་བསྟིམ། །ཕུར་བཞིའི་དགོངས་པས་འཁོར་འདས་དབྱིངས་སྒྲོལ་ཤོག །ཅེས་པ་འདིའང་ཟབ་མོའི་ཆོས་འདིར་མོས་བརྩོན་རྣལ་འབྱོར་དུ་བྱེད་པའི་བླ་མ་དམ་པ་པདྨ་དབང་དྲག་ནས་ནན་བསྐུལ་བགྱིས་པ་དོན་ཡོད་པར་བྱ་བའི་ཕྱིར་གཏེར་སྟོན་རང་ཉིད་ཀྱིས་དེ་འཕྲལ་ཉིད་དུ་ལྷོ་མོན་བུམ་ཐང་དཔལ་རི་དགོན་གྱི་ཡང་དབེན་དུ་སྦྱར་བའོ། །མངྒ་ལཾ།། །།