DJYD-KABUM-20-WA-006

Previous Text Back to Volume PageNext Text

Wylie title	sprul sku rgya zhang khrom gter 'jam dpal tshe bdag nag po'i yang zhun yang zlog me'i spu gri phung po'i thob yig
Location	bdud 'joms rin po che bka' 'bum Volume 20, Text 6, Pages 185-192 (Folios 93a1 to 96b4)
Author	བདུད་འཇོམས་འཇིགས་བྲལ་ཡེ་ཤེས་རྡོ་རྗེ་
Citation	Dudjom Rinpoche 'Jigs bral ye shes rdo rje. Sprul sku rgya zhang khrom gter 'jam dpal tshe bdag nag po'i yang zhun yang zlog me'i spu gri phung po'i thob yig. In Bdud 'joms 'jigs bral ye shes rdo rje'i gsung 'bum dam chos rin chen nor bu'i bang mdzod, Vol. 20: 185-192. Kalimpong: Dupjung Lama, 1979-1985.
Side notes	Recto: thob yig   Verso: rgya zhang khrom gter yang zlog me spu
More details More details
Genre	Records of Teachings Received - thob yig - gsan yig
Cycle	ཟབ་པ་དང་རྒྱ་ཆེའི་དམ་པའི་ཆོས་ཀྱི་ཐོབ་ཡིག་རིན་ཆེན་སྒྲོན་མེ། (zab pa dang rgya che'i dam pa'i chos kyi thob yig rin chen sgron me)

Tibetan Text

[edit]

(93ན)ཨོཾ་སྭསྟི། གནུབས་ཆེན་སངས་རྒྱས་ཡེ་ཤེས་ཀྱིས་བལ་ཡུལ་དུ་ལན་བདུན་བྱོན་པའི་ཕྱི་མ་ལ་སློབ་དཔོན་བ་སུ་ངྷ་རས་བཀའ་རྒྱ་དང་བཅས་གནང་བའི་འཇམ་དཔལ་ཚེ་བདག་ནག་པོའི་ཡང་ཞུན་ཡང་ཟློག་མེའི་སྤུ་གྲི་ཕུང་པོ་རི་བོ་ཆེ་དང་ལྷོ་བྲག་མཁོ་མཐིང་ལྷ་ཁང་དུ་གཏེར་དུ་སྦས་པ་ལས། ལས་དང་སྐལ་པར་ལྡན་པའི་སྤྲུལ་སྐུ་རྒྱ་ཞང་ཁྲོམ་གྱིས་སྤྱན་དྲངས་པའི་སྐོར་ཐོབ་པ་ལ་དབང་ཁྲིད་ལུང་གསུམ་གྱི། དང་པོ་དབང་ནི། ཐོག་མར་སྟ་གོན་ཞག་གིས་བཅད་དེ་རས་བྲིས་ཀྱི་དཀྱིལ་འཁོར་དུ་ཕྱི་ནང་གི་འཇུག་པ་སྔོན་དུ་འགྲོ་བས། སྤྱིའི་དབང་ཞེས་པར་གཤིན་རྗེ་རིགས་ལྔ་བརྟུལ་ཞུགས་དང་བཅས་པའི་རྡོ་རྗེ་སློབ་མའི་དབང་། བུམ་གསང་ཤེས་རབ་ཡེ་ཤེས་བཞི་པའི་དབང་མཐའ་རྟེན་དང་བཅས་པའི་རྡོ་རྗེ་སློབ་དཔོན་གྱི་དབང་། རྫོགས་རིམ་རྡོ་རྗེའི་རྣལ་འབྱོར་གྱི་སྨིན་བྱེད་ཐོད་རྒལ་རྫོགས་ཆེན་སྣང་བ་བཞིའི་དབང་། བྱེ་བྲག་གི་དབང་ཞེས་པ་སྐུ་ལྷ་དབང་། སྙིང་པོ་སྔགས་དང་། ཐུགས་ཕྱག་མཚན་གྱི་དབང་། ཕྱི་དུར་ཁྲོད་ཆས་ཀྱི་དབང་། ནང་ཉན་བཤད་སྒོམ་སྒྲུབ་ཕྲིན་ལས་ཀྱི་དབང་། བཀའ་རྫོགས་(93བ)མཆོད་རྟེན་གྱི་དབང་། ཡོན་ཏན་འདོད་ཡོན་གྱི་དབང་། བསྒྲལ་བ་སྲོག་ཡེ་ཤེས་སུ་དབང་བསྐུར་བ། སྲེག་ཟོར་མནན་གཏད་བཅས་ཕྲིན་ལས་ཀྱི་དབང་། ཁྱད་པར་གཏོར་མའི་དབང་རྣོན་པོ་ནང་གཅོད་དང་བཅས་པ་དབུར་སྨྱོན་ཆོས་ཀྱི་གྲགས་པས་ལྗགས་བསྒྲིགས་ཀྱི་དབང་ཆོག་བདུད་དཔུང་ཟིལ་གནོན་ལྷན་ཐབས་དང་བཅས་པའི་སྟེང་ནས་ཡིད་ཆེས་པར་ཐོབ། གཉིས་པ་ཁྲིད་ལ། ཐུན་མོང་དབང་བཞིའི་རྫོགས་རིམ་དང་། ཐུན་མོང་མ་ཡིན་པ་རྡོ་རྗེ་བཞིའི་རྫོགས་རིམ་བཅས་བཤད་ཁྲིད་དུ་ནོས། གསུམ་པ་ལུང་ལ། ལོ་རྒྱུས་སྔོན་དུ་འགྲོ་བས་ཡང་ཟློག་མེའི་སྤུ་གྲིའི་མཚོན་ཆའི་གཞུང་ཞལ་གདམས་ཤོག་དྲིལ་གཅེས་པ་བརྒྱད་ལྡན། ལག་ལེན་དངོས་གཞི་སྤྱི་དོན་གསུམ་པ། ཞལ་གདམས་གནད་ལྔ་མ་གསེར་སྲང་གང་གི་བཀའ་རྒྱ་མ། མེའི་སྤུ་གྲི་སྐོར་གསུམ་མཚན་བཞི་གནད་གསུམ་པའི་གདམས་པ་མཁོ་མཐིང་ལྷ་ཁང་ནས་གནུབས་ཆུང་གིས་བཏོན་པ། དེའི་ཞལ་གདམས་སྟོང་ཉིད་མཚན་ཅན་གྱིས་མཛད་པ། སྲུང་ཟློག་གཏོར་མའི་དམིགས་བསྒྱུར་ཞལ་གདམས། ཞལ་གདམས་གནད་གསུམ་མ་རྒྱ་སྟོན་ནམ་མཁའི་ཆོས་རྒྱམ་གྱི་མཛད་(94ན)པ། དེས་མཛད་པའི་ཞལ་གདམས་བྱད་མ་སྟོབས་འཇོམས་དང་། བྱད་མ་སྲོག་ལེན། ནང་རྒྱས་ཟློག་པ་སྤུ་གྲི་གསང་བའི་རེག་གཅོད། པདྨས་གནུབས་ལ་གནང་བའི་འཁོར་ལོ་དང་ལིངྒའི་ཞལ་གདམས་ལོང་པོ་བར་གྲགས་པ། སྲུང་ཟློག་བསད་པའི་སྔགས་ཀྱི་ཁ་སྒྱུར་ཁྲག་འཐུང་ནག་པོས་བ་སུ་དྷ་ར་ལ་གནང་བ་བོ་དྷི་ནཱ་ཐའི་གསུང་བཞིན་བྲིས་པ། རླུང་ལ་ལས་བཅོལ་ནས་ཉམས་པར་ཚར་གཅོད་པ། དུ་ན་བདུན་པའི་སྡེབས་དཀྲུགས་ཀྱིས་གནད་དབབ། རཱུ་པའི་ལྟབ་ལུགས་སོགས་ཀྱི་ཞལ་གདམས། བླ་འགུགས་ཏིང་འཛིན་དུས་སྔགས་ལྷ་དབྱེའི་ཟབ་གནད་བསྐུལ་བཅས་རྒྱའི་གཏེར་མ། ལྷ་དབྱེ་མཐིང་ནག་གྲུ་གསུམ་མ་དུས་དྲུག་བླ་འགུགས་ཀྱི་བསྐུལ་དང་བཅས། སྒོམ་པ་ལྷའི་གནད་ནང་འགྲས་པུ་རིའི་བཅས་ཞལ་གདམས་དོན་ཚན་དྲུག་པ། དགྲ་སྲི་གནོན་པའི་ཁ་བསྒྱུར་སྤུ་གྲིའི་སྔགས་བརྣལ་ཟློག་གི་མན་ངག །ནང་འགྲས་ཟློག་པའི་ཟློག་གནོན། ཟློག་བསད་དུས་ཟ་བ་དང་བྱུག་རྫས་ལྷའི་མན་ངག་དང་བཅས་པ། འབྱུང་བ་བཞི་ལ་བརྟེན་པའི་སྤུ་གྲི་བཞི། སྐོར་སྒྱོགས་ནང་འཕྲད་ཀྱི་འཕྲུལ་འཁོར། སྤུ་གྲི་བཞི་སྐོར་གྱི་གསང་(94བ)སྔགས། ཡང་ཟློག་སྤུ་གྲི་སྲོག་གཅོད་ནག་པོ། ལིངྒ་བྲི་བའི་ཡིག་ཆུང་། མེའུ་སྤུ་གྲིའི་ལས་བྱང་གཏེར་མ། ནང་འགྲས་སྡེ་བརྒྱད་རང་བསད་དུ་བསྟན་པ་གནད་ཀྱི་གབ་ཡིག །རང་ལ་བྱད་རྟགས་འབྱུང་ཚུལ་དང་སྲུང་ཟློག་བསད་པའི་ཟ་ཡིག །ཚེ་སྲོག་འཆི་བདག་གསུམ་གྱི་ཟ་ཡིག་སྐྱེས་མཆོག་རྫོང་ཆེན་མ། རྣོན་པོ་ནང་གཅོད་ཀྱི་དབང་ཆོག་རྗེ་རཏྣས་མཛད་པ། ལས་བྱང་ངག་འདོན་འཁྲུགས་སྡེབས་རྒྱན་གྱི་རྣལ་འབྱོར། རྒྱུན་འཁྱེར་ཉམས་ལེན་སྙིང་པོ་གསལ་བ། ཡང་སྙིང་འདུས་པ། གཏོར་འབུལ་བསྐལ་པ་དཔག་མེད་མ། ཕྲིན་བཅོལ་ཐབས་མཆོག་བདེ་ཆེན་མ། ཨེ་བསྐྱེད་ཆོག །གསེར་སྐྱེམས་ཕྱོགས་བཞི་མ། དམོད་བཅོལ་སྲོག་གི་སྤུ་གྲི། གཟུ་དཔང་དཀོན་མཆོག་གསུམ་མ། གབ་ལྷའི་བསྐྱེད་ཆོག །དགྲ་བགེགས་རྣམ་ཤེས་བྱང་ཆུབ་ལམ་བཀོད་དེ་གཏོར་དབང་ནས་འདིའི་བར་རྗེ་རཏྣའི་གསུང་། ཡང་སྙིང་འདུས་པ་སྤོ་སྣོད་པས་མཛད་པ། ཡང་ཟློག་རྒྱུན་ཁྱེར་གར་གྱི་དབང་པོས་མཛད་པ། ལག་ལེན་མན་ངག་ཟབ་ཁྱད་ཅན་བློ་གྲོས་བཟང་པོས་མཛད་པ་རྣམས་དང་། ཕྱིས་འབྲི་གུང་པ་རིག་འཛིན་ཆོས་ཀྱི་གྲགས་པ་ལ་ཡི་(95ན)དམ་ལྷས་གནང་བ་ཐོབ་སྟེ་གཤེད་སྐོར་ལས་རབ་འབྱམས་དབང་ལག་ལེན་སོགས་ཁ་སྐོང་གསར་བསྒྲིགས་སྐོར་ཐོབ་པ་ལ། ལོ་རྒྱུས། དབང་ཆོག་བདུད་དབུང་ཟིལ་གནོན། རྒྱུན་བཤགས། སྡོམ་བཟུང་ཁ་སྐོང་། ཚིག་དབང་ཁ་སྐོང་། ཕྱི་ནང་གི་ཆས་དབང་། བཀའ་རྫོགས་མཆོད་རྟེན་གྱི་དབང་། བདག་འཇུག་རྒྱུན་ཁྱེར་དེའི་ལྷན་ཐབས་དབང་རབ་སོགས་ལ་མཁོ་བའི་སྒྲུབ་ཁོག །འཇམ་དཔལ་ཞི་སྒྲུབ། ཟླ་གསང་གཞི་བསྙེན་བྱ་ཚུལ། དེའི་ཞལ་གདམས་གབ་སྦས་སྙིང་འདྲ། དེའི་ཆ་ལག་སྡེབས་ཀྱི་མན་ངག །བརྒྱུད་པའི་གསོལ་འདེབས། རྒྱུན་གྱི་ཉམས་ལེན། དྲག་པོའི་གཏོར་མ་བྱིན་རླབས། གསང་བ་གསོལ་འདེབས་མངའ་གསོལ། རྟགས་བསྟོད། གཙོ་འཁོར་ལྔའི་བསྟོད་པ། བསྟོད་པ་ཕྲེང་འཛིན་མ། ཚོགས་མཆོད། ལག་མཆོད། བསྐང་བཤགས་དངོས་གྲུབ་སྙེ་མ། སྡེ་བརྒྱད་བྱུང་ཚུལ་ལྟར་བསྐུལ་བ། དེའི་སྔགས་བྱང་། ཉེས་བྱས་དྲག་བསྐུལ། ཕུར་གདབ། ཟློག་གཞུང་ལྕགས་སྡིག་ལས་བསྡུས་པ། ཟློག་བྱང་དུར་ཁྲོད་རབ་འཇིགས་མ། མེའི་ལས་སྦྱོར། (95བ)དེའི་ཁ་སྒྱུར། སྦྱིན་སྲེག་དངོས་གྲུབ་འདོད་འཇོ། གཤིན་རྗེའི་ཕུར་བུ་སྒྲུབ་པ། དྲག་སྔགས་གཟའ་གདོང་དམར་ནག་ཤིན་ཏུ་གསང་བ། ཉིང་ཟློག་གི་ཞལ་ཤེས་གསང་བ། ཀླུ་གཏད། མནན་གཏད་ཀྱི་ལག་ལེན་ངག་འདོན། གཏོར་མནན། ལས་བྱང་གི་ལྷན་ཐབས། སྦས་ལྷའི་ཁ་སྐོང་ཟོར་བསྐུལ། འདོད་གསོལ་ཐུན་སྒྲུབ། རླུང་འཁོར་མཁོ་མཐིང་གི་གཏེར་མ། དེའི་གབ་སྦས་ཞལ་གདམས། འཕུལ་འདེད་བཞི་སྦྱོར། འབྱུང་བ་སྡེབས་པ། རླུང་བསྐུལ། རླུང་འཁོར་ལོང་པོ་ལུགས། བསད་པའི་ལིང་རྐྱང་། བྱད་མ་རང་གཤེད་དུ་སྐོར་བ། མུརྔྷ་སྤྱིའི་གནད་ཡིག །གཏེར་ཁྱིམ་གནད་ཀྱི་མན་ངག །འཁོར་ལོ་སྤོ་འདོན་ཁ་བསྒྱུར། ས་དམིགས། ཁེར་འདེད། ལས་གཤིན་བཅུ་བདུན་མའི་ཕྲིན་ལས། དེའི་རྒྱུན་གཏོར། རབ་གནས། སྒྲིབ་སྦྱོར། ཕུང་པོ་སྲེག་སྦྱོར། སཱཙྪ། ཆར་འབེབས། སད་སྲུང་། ཞལ་གདམས་རླུང་གནོན་རིགས་བཞི། ཆུ་སྒྱུར་རིགས་བཞི། རྩ་གསུམ་འཁོར་ལོ་བཞི་ལ་བརྟེན་པའི་རྫོགས་རིམ། རིམ་ལྔ་བཙན་ཐབས། ཐུན་མོང་དབང་བཞིའི་རྫོགས་རིམ། ཐུན་(96ན)མོང་མ་ཡིན་པ་རྡོ་རྗེ་བཞིའི་རྫོགས་རིམ། དེའི་རྒྱུན་ཁྱེར། རྩ་དང་འཁོར་ལོའི་རྣམ་བཞག །རྣམ་དག་དྲན་པ་དང་ལྟ་བ་བརྟེན་པ། དམ་ཚིག་རྣམ་བཤད། གོང་འོག་ཀུན་ཏུ་དགོས་པའི་དཔེ་རིས་ལེ་ཚན་དང་བཅས་པ་རྣམས་སོ། །དེ་ལྟར་ཐོབ་པའི་བརྒྱུད་པ་ནི། འཇམ་དཔལ་གཤིན་རྗེ་གཤེད། སྡུད་མཛད་རྡོ་རྗེ་རྣོན་པོ། སྤྲུལ་སྐུ་དགའ་རབ་རྡོ་རྗེ། སློབ་དཔོན་འཇམ་དཔལ་བཤེས་གཉེན། ཕུང་བྱེད་ཤནྟིཾ་གྷརྦྷ། སློབ་དཔོན་ཡེ་ཤེས་སྙིང་པོ། སློབ་དཔོན་ཁ་གྷརྦྷ། རྒྱ་གར་ཁྲག་འཐུང་ནག་པོ། སློབ་དཔོན་གཙུག་ལག་དཔལ་དགེ ། ཨོ་རྒྱན་སངས་རྒྱས་གཉིས་པ། བལ་པོའི་རྒྱལ་པོ་བ་སུ་དྷ་ར། གནུབས་ཆེན་སངས་རྒྱས་ཡེ་ཤེས། གཏེར་སྟོན་རྒྱ་ཞང་ཁྲོམ། ལྷ་རྗེ་གནུབས་ཆུང་། མཚུར་སྟོན་རིན་ཆེན་རྡོ་རྗེ། སྐུ་ཞང་དཔལ་ལྡན། བླ་མ་ཚུལ་ཁྲིམས་རིན་ཆེན། སྔགས་འཆང་བྱང་ཆུབ་མགོན་པོ། མཁས་གྲུབ་ནམ་མཁའི་མཚན་ཅན། རིག་འཛིན་ཚུལ་ཁྲིམས་ཞབས། རྒྱ་སྟོན་དབོན་པོ་ནམ་མཁའ་དཔའོ། འབྲི་གུང་རིན་ཆེན་ཕུན་ཚོགས་སམ་མཁའ་གྲོལ་(96བ)ཀློང་ཡངས། སྲས་ཆོས་རྒྱལ་ཕུན་ཚོགས། དེ་སྲས་བཀྲ་ཤིས་ཕུན་ཚོགས། གཅུང་རིག་འཛིན་དཀོན་མཆོག་ཕུན་ཚོགས་སམ་དབུར་སྨྱོན་ཆོས་ཀྱི་གྲགས་པ། པཎ་ཆེན་དཀོན་མཆོག་ལྷུན་གྲུབ། རྗེ་རིན་ཆེན་ཕྲིན་ལས་བཟང་པོ། དོན་གྲུབ་ཆོས་ཀྱི་རྒྱལ་མཚན། མགར་ཆེན་བསྟན་འཛིན་ཆོས་ཀྱི་ཉི་མ། བསྟན་འཛིན་པདྨ་རྒྱལ་མཚན། བསྟན་འཛིན་ཆོས་ཀྱི་རྒྱལ་མཚན། མགར་ཆེན་བྱང་ཆུབ་དབང་པོ། རྗེ་བཙུན་དཀོན་མཆོག་ཐུགས་རྗེའི་ཉི་མ། འབྲི་གུང་པ་དཀོན་མཆོག་བསྟན་འཛིན་ཆོས་ཀྱི་བློ་གྲོས། ཁྱབ་བདག་བླ་མ་འབྲི་གུང་མཁན་ཆེན་ཆོས་ཀྱི་འབྱུང་གནས། དེས་བདག་འཇིགས་བྲལ་ཡེ་ཤེས་རྡོ་རྗེ་ལའོ།། །།