TTDL-ZABTER-11-DA-026: Difference between revisions

Revision as of 09:37, 1 August 2024

Previous Text Back to Volume Page Next Text

Wylie title	zab gter khros ma'i lam rim dang sbyar ba'i smon lam DA ki dgyes pa'i bzhad sgra
Location	bdud 'joms gling pa zab gter Volume 11, Text 26, Pages (Folios to )
Author	བདུད་འཇོམས་འཇིགས་བྲལ་ཡེ་ཤེས་རྡོ་རྗེ་
Citation	Dudjom Rinpoche 'Jigs bral ye shes rdo rje. Zab gter khros ma'i lam rim dang sbyar ba'i smon lam DA ki dgyes pa'i bzhad sgra. In Sprul pa'i gter chen bdud 'joms gling pa'i zab gter gsang ba'i chos sde, Vol. 11: . Thimphu, Bhutan: Lama Kuenzang Wangdue, 2004.
Side notes	Verso: bdud 'joms khros ma
More details More details
Genre
Deity	khros ma nag mo

[edit]

༄༅། །ཟབ་གཏེར་ཁྲོས་མའི་ལམ་རིམ་དང་སྦྱར་བའི་སྨོན་ལམ་ཌཱ་ཀི་དགྱེས་པའི་བཞད་སྒྲ་ཞེས་བྱ་བ་བཞུགས་སོ། ། ཧོཿ བླ་མ་ཡུམ་ཆེན་ལྷ་ཚོགས་བདག་ལ་དགོངས། དེང་འདིར་བསྒྲུབས་པའི་དགེ་བས་རབ་མཆོན་ཏེ། །དུས་གསུམ་བསགས་ཡོད་བསོད་ནམས་ཅི་མཆིས་པ། །མཁའ་ཁྱབ་འགྲོ་རྣམས་བྱང་ཆུབ་དོན་དུ་བསྔོ། །ཚེ་རབས་ཀུན་ཏུ་གསང་ཆེན་རིགས་མཆོག་གི །སྐལ་ཅན་དྲུག་ལྡན་རྡོ་རྗེའི་ལུས་ཐོབ་ནས། །སྲིད་དང་ཞི་བའི་མཐའ་ལ་མི་སྨོན་པའི། །རྨད་བྱུང་ཐེག་པའི་ལམ་འདིར་འཇུག་པར་ཤོག །འགྲན་གྱི་ཟླ་བྲལ་ཁྲག་འཐུང་བདུད་འཇོམས་གླིང༌། །གཅིག་ཆོག་སྐྱབས་ཀྱི་མཆོག་ཏུ་མི་འབྲལ་ཞིང༌། །རྒྱུད་ལས། བུ་ཁྱོད་སློབ་དཔོན་མི་སྤང་ངོ༌། །རྡོ་རྗེ་ཕག་མོའི་དམ་ཚིག་ཡིན། །ཅེས་སོ། །རང་རིག་གཤིས་སུ་གདོད་ནས་རོ་མཉམ་པར། །རྟོགས་པའི་གསོལ་བ་སྙིང་ལ་ཐེབས་པར་ཤོག །བླ་མེད་རྡོ་རྗེ་བཞི་ཡི་དཀྱིལ་འཁོར་དུ། །ལེགས་ཞུགས་དབང་བཞིའི་ཆོ་གས་བདག་རྒྱུད་སྨིན། །རྡོ་རྗེ་མཁའ་འགྲོས་རྒྱུད་རྣམས་ལས་ཡོངས་བསྒྲགས་རྩ་ལྟུང་བཅུ་བཞི་སོགས་ཐུན་མོང་སྤྱིའི་དམ་ཚིག་ཚུལ། །ཁ་ན་མ་ཐོ་མེད་པར་བསྲུང་ནུས་ཤོག །སྒྲུབ་པ་ཁྱད་པར་གྱི་དམ་ཚིག། སྣང་སྲིད་གཞིར་བཞེངས་ཡེ་རྫོགས་བསྐྱེད་རིམ་དང༌། །འོད་གསལ་ཐིག་ལེ་ལྷུན་གྲུབ་རྫོགས་པའི་རིམ། །ཟུང་འཇུག་མཆོག་གསང་རྡོ་རྗེ་རྩེ་མོའི་གནད། །ནམ་མཁའི་ཀློང་མཛོད་ལམ་དུ་ལོངས་པར་ཤོག །མཁའ་འགྲོ་རིགས་ལྔ་ལྷག་པའི་དམ་ཚིག། ཀུན་ལ་བྱམས་ཤིང་སངས་རྒྱས་མཁའ་འགྲོའི་དམ་ཚིག་ཅི་ལའང་ཆགས་པ་མེད། རིན་ཆེན་མཁའ་འགྲོའི་དམ་ཚིག ། ཤེས་རབ་མ་མཚན་ལྡན་ བདུད་རྩི་ ལྔ་དང་ ཤ་ཆེན་ལྔ་རྣམས་བསྟེན་ཅིང་ བཟའ། པདྨ་མཁའ་འགྲོའི་དམ་ཚིག །མཁའ་འགྲོ་སྤྱིའི་ཚིག ། བརྟུལ་ཞུགས་ཆས་ལྡན་རུས་རྒྱན་ཅང་ཏེའུ་སོགས་ གླུ་གར་འདོད་ཡོན་བཅས། །གདུག་གཏུམ་ རྡོ་རྗེ་མཁའ་འགྲོའི་དམ་ཚིག་རྒྱུག་མཆོང་སྤྱོད་པ་ ལས་ཀྱི་མཁའ་འགྲོའི་དམ་ཚིག་ མཐར་དབྱུང་ཤོག །བསྡུས་པའི་དམ་ཚིག །མི་ཕོད་ཐོག་ཏུ་བརྫི་ཞིང་ ཟས་གོས་གཏམ་ལ་ འཁྲི་བ་བཅད། །ཞེན་པ་གཏིང་ལོག འཁོར་གཡོག་ལ་ གཅེས་འཛིན་སྙེམས་ཐག་ཆད། །ལུས་དང་ཆོས་ཀྱི་སྦྱིན་པས་རབ་བསྡུས་ནས། །སྣང་སྲིད་ལྷ་འདྲེ་སེམས་ཅན་ཀུན་སྒྲོལ་ཤོག །ཆོས་ཅན་འཁྲུལ་པའི་སྣང་བ་ཇི་སྙེད་པ། །ཆོས་ཉིད་བརྗོད་དུ་མེད་པའི་དབྱིངས་ཟད་དེ། །སྒྲིབ་བྲལ་འཇའ་ལུས་ཡེ་ཤེས་སྒྱུ་མའི་སྐུ། །ཚེ་འདི་ཉིད་ལ་མངོན་དུ་འགྱུར་བར་ཤོག །གལ་ཏེ་སྦྱངས་གོམས་བརྩོན་འགྲུས་སྟོབས་ཞན་པས། །ཚེ་འདིར་ལམ་གྱི་གྲུབ་མཐའ་མ་སྙོགས་ན། །འཆི་བའི་དུས་བབས་འདའ་ཀའི་ཏིང་ངེ་འཛིན། །དགོངས་པ་མི་གཡོའི་ངང་ནས་འཕོ་བར་ཤོག །རང་སྣང་དཔའ་བོ་མཁའ་འགྲོ་མ་ཚོགས་ཀྱིས། །གླུ་གར་རོལ་མོ་མཆོད་པས་མདུན་བསུས་ཏེ། །འོག་མིན་མཁའ་སྤྱོད་ཞིང་ཁམས་ཉམས་དགའ་བར། །རིགས་བདག་བླ་མའི་དྲུང་དུ་འཁྲིད་པར་ཤོག །སྣང་ཆ་མ་འགགས་ཐབས་མཆོག་ཧེ་རུ་ཀ །སྟོང་ཆེན་ཤེས་རབ་དབྱིངས་ཕྱུག་ཁྲོས་མའི་མཁར། །མཉམ་སྦྱོར་མཁའ་ཁྱབ་ཡེ༷་ཤེ༷ས་བདེ་བ་ཆེ། །ཟུང་འཇུག་རྡོ་རྗེ༷་འཛིན་རྒྱལ་བདག་འགྲུབ་ཤོག །ཅེས་པའང་ཟབ་མོའི་ལམ་འདིར་གཡར་དམ་དུ་འཆའ་བའི་རྣལ་འབྱོར་པ་མྱོས་སྟོན་ཚེ་དབང་དཔལ་འབྱོར་གྱིས་བསྐུལ་བའི་ངོར། འཇིགས་བྲལ་ཡེ་ཤེས་རྡོ་རྗེས་མཁའ་འགྲོ་འདུ་བའི་དུས་བཟང་སོར་བྲིས་པ་སིདྡྷི་རསྟུ།། །

@@ Line 5: / Line 5: @@
 |collectiontitletib=བདུད་འཇོམས་གླིང་པ་ཟབ་གཏེར།
 |totalvolumes=21
-|author=bdud 'joms gling pa
+|author=Dudjom Rinpoche
-|authortib=བདུད་འཇོམས་གླིང་པ་
+|authortib=བདུད་འཇོམས་འཇིགས་བྲལ་ཡེ་ཤེས་རྡོ་རྗེ་
-|citation=Khrag 'thung [[Bdud 'joms gling pa]]. ''''. In ''Sprul pa'i gter chen bdud 'joms gling pa'i zab gter gsang ba'i chos sde'', Vol. 11: . Thimphu, Bhutan: Lama Kuenzang Wangdue, 2004.
+|fulltitletib=ཟབ་གཏེར་ཁྲོས་མའི་ལམ་རིམ་དང་སྦྱར་བའི་སྨོན་ལམ་ཌཱ་ཀི་དགྱེས་པའི་བཞད་སྒྲ།
-|sourcerevealer=bdud 'joms gling pa
+|fulltitle=zab gter khros ma'i lam rim dang sbyar ba'i smon lam DA ki dgyes pa'i bzhad sgra
-|sourcerevealertib=བདུད་འཇོམས་གླིང་པ་
+|citation=[[Dudjom Rinpoche]] 'Jigs bral ye shes rdo rje. ''Zab gter khros ma'i lam rim dang sbyar ba'i smon lam DA ki dgyes pa'i bzhad sgra''. In ''Sprul pa'i gter chen bdud 'joms gling pa'i zab gter gsang ba'i chos sde'', Vol. 11: . Thimphu, Bhutan: Lama Kuenzang Wangdue, 2004.
-|terma=Yes
+|terma=No
 |deity=khros ma nag mo
 |language=Tibetan
@@ Line 24: / Line 24: @@
 <h1>Tibetan Text</h1>
 <onlyinclude>
-{{TibP|༄༅།།ཟབ་གཏེར་ཁྲོས་མའི་ལམ་རིམ་དང་སྦྱར་བའི་སྨོན་ལམ་ཌཱཀྐི་དགྱེས་པའི་བཞད་སྒྲ་ཞེས་བྱ་བ་བཞུགས་སོ།།ཧོཿབླ་མ་ཡུམ་ཆེན་ལྷ་ཚོགས་བདག་ལ་དགོངས།།དེང་འདིར་བསྒྲུབ་པའི་དགེ་བས་རབ་མཚོན་ཏེ།།དུས་གསུམ་བསགས་ཡོད་བསོད་ནམས་ཅི་མཆིས་པ།།མཁའ་ཁྱབ་འགྲོ་རྣམས་བྱང་ཆུབ་དོན་དུ་བསྔོ།།ཚེ་རབས་ཀུན་ཏུ་གསང་ཆེན་རིགས་མཆོག་གི།སྐལ་ཅན་དྲུག་ལྡན་རྡོ་རྗེའི་ལུས་ཐོབ་ནས།།སྲིད་དང་ཞི་བའི་མཐའ་ལ་མི་སྨོན་པའི།།རྨད་བྱུང་ཐེག་པའི་ལམ་འདིར་འཇུག་པར་ཤོག།འགྲན་གྱི་ཟླ་བྲལ་ཁྲག་འཐུང་བདུད་འཇོམས་གླིང་།།གཅིག་ཆོག་སྐྱབས་ཀྱི་མཆོག་ཏུ་མི་འབྲལ་ཞིང་རྒྱུད་ལས།བུ་ཁྱོད་སློབ་དཔོན་མི་སྤང་ངོ་།།རྡོ་རྗེ་ཕག་མོའི་དམ་ཚིག་ཡིན།།ཅེས་སོ།།རང་རིག་གཤིས་སུ་གདོད་ནས་རོ་མཉམ་པར།།རྟོགས་པའི་གསོལ་བ་སྙིང་ལ་ཐེབས་པར་ཤོག།བླ་མེད་རྡོ་རྗེ་བཞི་ཡི་དཀྱིལ་འཁོར་དུ།།ལེགས་ཞུགས་དབང་བཞིའི་ཆོ་གས་བདག་རྒྱུད་སྨིན།།རྡོ་རྗེ་མཁའ་འགྲོས་རྒྱུད་རྣམས་ལས་ཡོངས་བསྒྲགས་རྩ་ལྟུང་བཅུ་བཞི་སོགས་ཐུན་མོང་སྤྱིའི་དམ་ཚིག་ཚུལ།།ཁ་ན་མ་ཐོ་མེད་པར་བསྲུང་ནུས་ཤོག།སྒྲུབ་པ་ཁྱད་པར་གྱི་དམ་ཚིག་སྣང་སྲིད་གཞིར་བཞེངས་ཡེ་རྫོགས་བསྐྱེད་རིམ་དང་།།འོད་གསལ་ཐིག་ལེ་ལྷུན་གྲུབ་རྫོགས་པའི་རིམ།།ཟུང་འཇུག་མཆོག་གསང་རྡོ་རྗེ་རྩེ་མོའི་གནད།།ནམ་མཁའི་ཀློང་མཛོད་ལམ་དུ་ལོངས་པར་ཤོག།མཁའ་འགྲོ་རིགས་ལྔ་ལྷག་པའི་དམ་ཚིག་ཀུན་ལ་བྱམས་ཤིང་སངས་རྒྱས་མཁའ་འགྲོའི་དམ་ཚིག་ཅི་ལའང་ཆགས་པ་མེད་རིན་ཆེན་མཁའ་འགྲོའི་དམ་ཚིག།ཤེས་རབ་མ་མཚན་ལྡན་བདུད་རྩི་ལྔ་དང་ཤ་ཆེན་ལྔ་རྣམས་བསྟེན་ཅིང་བཟའ་པདྨ་མཁའ་འགྲོའི་དམ་ཚིག།མཁའ་འགྲོ་སྤྱིའི་དམ་ཚིག།བརྟུལ་ཞུགས་ཆས་ལྡན་རུས་རྒྱན་ཅང་ཏེའུ་སོགས་གླུ་གར་འདོད་ཡོན་བཅས།།གདུག་གཏུམ་རྡོ་རྗེ་མཁའ་འགྲོའི་དམ་ཚིག་རྒྱུག་མཆོང་སྤྱོད་པ་ལས་ཀྱི་མཁའ་འགྲོའི་དམ་ཚིག་མཐར་དབྱུང་ཤོག།བསྡུས་པའི་དམ་ཚིག་མི་ཕོད་ཐོག་ཏུ་བརྫི་ཞིང་ཟས་གོས་གཏམ་ལ་འཁྲི་བ་བཅད།།ཞེན་པ་གཏིང་ལོག་འཁོར་གཡོག་ལ་གཅེས་འཛིན་སྙེམས་ཐག་ཆད།།ལུས་དང་ཆོས་ཀྱི་སྦྱིན་པས་རབ་བསྡུས་ནས།།སྣང་སྲིད་ལྷ་འདྲེ་སེམས་ཅན་ཀུན་སྒྲོལ་ཤོག།ཆོས་ཅན་འཁྲུལ་པའི་སྣང་བ་ཇི་སྙེད་པ།།ཆོས་ཉིད་བརྗོད་དུ་མེད་པའི་དབྱིངས་ཟད་དེ།།སྒྲིབ་བྲལ་འཇའ་ལུས་ཡེ་ཤེས་སྒྱུ་མའི་སྐུ།།ཚེ་འདི་ཉིད་ལ་མངོན་དུ་འགྱུར་བར་ཤོག།གལ་ཏེ་སྦྱངས་གོམས་བརྩོན་འགྲུས་སྟོབས་ཞན་པས།།ཚེ་འདིར་ལམ་གྱི་གྲུབ་མཐའ་མ་སྙོགས་ན།།འཆི་བའི་དུས་བབས་འདའ་ཀའི་ཏིང་ངེ་འཛིན།།དགོངས་པ་མི་གཡོའི་ངང་ནས་འཕོ་བར་ཤོག།རང་སྣང་དཔའ་བོ་མཁའ་འགྲོ་མ་ཚོགས་ཀྱིས།།གླུ་གར་རོལ་མོ་མཆོད་པས་མདུན་བསུས་ཏེ།།འོག་མིན་མཁའ་སྤྱོད་ཞིང་ཁམས་ཉམས་དགའ་བར།།རིགས་བདག་བླ་མའི་དྲུང་དུ་འཁྲིད་པར་ཤོག།སྣང་ཆ་མ་འགགས་ཐབས་མཆོག་ཧེ་རུ་ཀ།སྟོང་ཆེན་ཤེས་རབ་དབྱིངས་ཕྱུག་ཁྲོས་མའི་མཁར།།མཉམ་སྦྱོར་མཁའ་ཁྱབ་ཡ྄ེ༷་ཤ྄ེ༷ས་བདེ་བ་ཆེ།།ཟུང་འཇུག་རྡ྄ོ༷་རྗ྄ེ༷་འཛིན་རྒྱལ་བདག་འགྲུབ་ཤོག།ཅེས་པའང་ཟབ་མོའི་ལམ་འདིར་གཡར་དམ་དུ་འཆའ་བའི་རྣལ་འབྱོར་པ་མྱོས་སྟོན་ཚེ་དབང་དཔལ་འབྱོར་གྱིས་བསྐུལ་བའི་ངོར།འཇིགས་བྲལ་ཡེ་ཤེས་རྡོ་རྗེས་མཁའ་འགྲོ་འདུ་བའི་དུས་བཟང་པོར་བྲིས་པ་སིདྡྷི་རསྟུ།།།།}}
+{{TibP|༄༅།   །{{TibChung|ཟབ་གཏེར་ཁྲོས་མའི་ལམ་རིམ་དང་སྦྱར་བའི་སྨོན་ལམ་ཌཱ་ཀི་དགྱེས་པའི་བཞད་སྒྲ་ཞེས་བྱ་བ་བཞུགས་སོ།   །}}  ཧོཿ བླ་མ་ཡུམ་ཆེན་ལྷ་ཚོགས་བདག་ལ་དགོངས།   དེང་འདིར་བསྒྲུབས་པའི་དགེ་བས་རབ་མཆོན་ཏེ།   །དུས་གསུམ་བསགས་ཡོད་བསོད་ནམས་ཅི་མཆིས་པ།   །མཁའ་ཁྱབ་འགྲོ་རྣམས་བྱང་ཆུབ་དོན་དུ་བསྔོ།   །ཚེ་རབས་ཀུན་ཏུ་གསང་ཆེན་རིགས་མཆོག་གི   །སྐལ་ཅན་དྲུག་ལྡན་རྡོ་རྗེའི་ལུས་ཐོབ་ནས།   །སྲིད་དང་ཞི་བའི་མཐའ་ལ་མི་སྨོན་པའི།   །རྨད་བྱུང་ཐེག་པའི་ལམ་འདིར་འཇུག་པར་ཤོག   །འགྲན་གྱི་ཟླ་བྲལ་ཁྲག་འཐུང་བདུད་འཇོམས་གླིང༌།   །གཅིག་ཆོག་སྐྱབས་ཀྱི་མཆོག་ཏུ་མི་འབྲལ་ཞིང༌།   །{{TibChung|རྒྱུད་ལས།   བུ་ཁྱོད་སློབ་དཔོན་མི་སྤང་ངོ༌།   །རྡོ་རྗེ་ཕག་མོའི་དམ་ཚིག་ཡིན།   །ཅེས་སོ།   །}}རང་རིག་གཤིས་སུ་གདོད་ནས་རོ་མཉམ་པར།   །རྟོགས་པའི་གསོལ་བ་སྙིང་ལ་ཐེབས་པར་ཤོག   །བླ་མེད་རྡོ་རྗེ་བཞི་ཡི་དཀྱིལ་འཁོར་དུ།   །ལེགས་ཞུགས་དབང་བཞིའི་ཆོ་གས་བདག་རྒྱུད་སྨིན།   །རྡོ་རྗེ་མཁའ་འགྲོས་{{TibChung|རྒྱུད་རྣམས་ལས་}}ཡོངས་བསྒྲགས་{{TibChung|རྩ་ལྟུང་བཅུ་བཞི་སོགས་ཐུན་མོང་སྤྱིའི་}}དམ་ཚིག་ཚུལ།   །ཁ་ན་མ་ཐོ་མེད་པར་བསྲུང་ནུས་ཤོག   །{{TibChung|སྒྲུབ་པ་ཁྱད་པར་གྱི་དམ་ཚིག།}}   སྣང་སྲིད་གཞིར་བཞེངས་ཡེ་རྫོགས་བསྐྱེད་རིམ་དང༌།   །འོད་གསལ་ཐིག་ལེ་ལྷུན་གྲུབ་རྫོགས་པའི་རིམ།   །ཟུང་འཇུག་མཆོག་གསང་རྡོ་རྗེ་རྩེ་མོའི་གནད།   །ནམ་མཁའི་ཀློང་མཛོད་ལམ་དུ་ལོངས་པར་ཤོག   །{{TibChung|མཁའ་འགྲོ་རིགས་ལྔ་ལྷག་པའི་དམ་ཚིག།}}   ཀུན་ལ་བྱམས་ཤིང་{{TibChung|སངས་རྒྱས་མཁའ་འགྲོའི་དམ་ཚིག་}}ཅི་ལའང་ཆགས་པ་མེད།   {{TibChung|རིན་ཆེན་མཁའ་འགྲོའི་དམ་ཚིག   །}} ཤེས་རབ་{{TibChung|མ་མཚན་ལྡན་}} བདུད་རྩི་ {{TibChung|ལྔ་དང་}} ཤ་ཆེན་{{TibChung|ལྔ་རྣམས་བསྟེན་ཅིང་}} བཟའ།   {{TibChung|པདྨ་མཁའ་འགྲོའི་དམ་ཚིག   །མཁའ་འགྲོ་སྤྱིའི་ཚིག   །}} བརྟུལ་ཞུགས་ཆས་ལྡན་{{TibChung|རུས་རྒྱན་ཅང་ཏེའུ་སོགས་}} གླུ་གར་འདོད་ཡོན་བཅས།   །གདུག་གཏུམ་ {{TibChung|རྡོ་རྗེ་མཁའ་འགྲོའི་དམ་ཚིག་}}རྒྱུག་མཆོང་སྤྱོད་པ་ {{TibChung|ལས་ཀྱི་མཁའ་འགྲོའི་དམ་ཚིག་}} མཐར་དབྱུང་ཤོག   །{{TibChung|བསྡུས་པའི་དམ་ཚིག   །}}མི་ཕོད་ཐོག་ཏུ་བརྫི་ཞིང་ {{TibChung|ཟས་གོས་གཏམ་ལ་}} འཁྲི་བ་བཅད།   །ཞེན་པ་གཏིང་ལོག   {{TibChung|འཁོར་གཡོག་ལ་}} གཅེས་འཛིན་སྙེམས་ཐག་ཆད།   །ལུས་དང་ཆོས་ཀྱི་སྦྱིན་པས་རབ་བསྡུས་ནས།   །སྣང་སྲིད་ལྷ་འདྲེ་སེམས་ཅན་ཀུན་སྒྲོལ་ཤོག   །ཆོས་ཅན་འཁྲུལ་པའི་སྣང་བ་ཇི་སྙེད་པ།   །ཆོས་ཉིད་བརྗོད་དུ་མེད་པའི་དབྱིངས་ཟད་དེ།   །སྒྲིབ་བྲལ་འཇའ་ལུས་ཡེ་ཤེས་སྒྱུ་མའི་སྐུ།   །ཚེ་འདི་ཉིད་ལ་མངོན་དུ་འགྱུར་བར་ཤོག   །གལ་ཏེ་སྦྱངས་གོམས་བརྩོན་འགྲུས་སྟོབས་ཞན་པས།   །ཚེ་འདིར་ལམ་གྱི་གྲུབ་མཐའ་མ་སྙོགས་ན།   །འཆི་བའི་དུས་བབས་འདའ་ཀའི་ཏིང་ངེ་འཛིན།   །དགོངས་པ་མི་གཡོའི་ངང་ནས་འཕོ་བར་ཤོག   །རང་སྣང་དཔའ་བོ་མཁའ་འགྲོ་མ་ཚོགས་ཀྱིས།   །གླུ་གར་རོལ་མོ་མཆོད་པས་མདུན་བསུས་ཏེ།   །འོག་མིན་མཁའ་སྤྱོད་ཞིང་ཁམས་ཉམས་དགའ་བར།   །རིགས་བདག་བླ་མའི་དྲུང་དུ་འཁྲིད་པར་ཤོག   །སྣང་ཆ་མ་འགགས་ཐབས་མཆོག་ཧེ་རུ་ཀ   །སྟོང་ཆེན་ཤེས་རབ་དབྱིངས་ཕྱུག་ཁྲོས་མའི་མཁར།   །མཉམ་སྦྱོར་མཁའ་ཁྱབ་ཡེ༷་ཤེ༷ས་བདེ་བ་ཆེ།   །ཟུང་འཇུག་རྡོ་རྗེ༷་འཛིན་རྒྱལ་བདག་འགྲུབ་ཤོག   །{{TibChung|ཅེས་པའང་ཟབ་མོའི་ལམ་འདིར་གཡར་དམ་དུ་འཆའ་བའི་རྣལ་འབྱོར་པ་མྱོས་སྟོན་ཚེ་དབང་དཔལ་འབྱོར་གྱིས་བསྐུལ་བའི་ངོར།   འཇིགས་བྲལ་ཡེ་ཤེས་རྡོ་རྗེས་མཁའ་འགྲོ་འདུ་བའི་དུས་བཟང་སོར་བྲིས་པ་སིདྡྷི་རསྟུ།། }}།}}
 </onlyinclude>
 {{TsagliCall}}
 <headertabs/>