TTDL-ZABTER-01-KA-019

Previous Text Back to Volume PageNext Text

Wylie title	zab gsang mkha' 'gro'i snying thig las: bla ma rig 'dzin 'dus pa'i srog 'khor dngos grub gter bum:
Location	bdud 'joms gling pa zab gter Volume 1, Text 19, Pages 185-187 (Folios 1a1 to 2a3)
Author	བདུད་འཇོམས་གླིང་པ་
Citation	Khrag 'thung Bdud 'joms gling pa. Zab gsang mkha' 'gro'i snying thig las bla ma rig 'dzin 'dus pa'i srog 'khor dngos grub gter bum. In Sprul pa'i gter chen bdud 'joms gling pa'i zab gter gsang ba'i chos sde, Vol. 1: 185-187. Thimphu, Bhutan: Lama Kuenzang Wangdue, 2004.
Side notes	Recto: srog 'khor   Verso: bdud 'joms zab gter
More details More details
Tertön	བདུད་འཇོམས་གླིང་པ་ (bdud 'joms gling pa)
Genre	Cakra and Amulet Designs - 'khor lo - srung 'khor
Cycle	བླ་མ་རིག་འཛིན་འདུས་པ་ (bla ma rig 'dzin 'dus pa)
Parent Cycle	ཟབ་གསང་མཁའ་འགྲོའི་སྙིང་ཐིག་ (zab gsang mkha' 'gro'i snying thig)
Colophon	ཞེས་པ་འདིའང་ཁྲག་འཐུང་བདུད་འཇོམས་རྡོ་རྗེས་གཏེར་ནས་བཏོན་ཏེ་མི་ལོ་སུམ་ཅུ་རྩ་དགུ་ལ་བཀའ་རྒྱས་བཏབ་སྟེ། མཐར་སློབ་བུ་འཇིགས་མེད་ཚུལ་ཁྲིམས་ཀྱིས་བསྐུལ་ངོར་གཏན་ལ་ཕབ་པ་ཡི་གེ་པའང་དེ་ཉིད་དོ། །དགེའོ། །སརྦ་མངྒ་ལཾ།།
	zhes pa 'di'ang khrag 'thung bdud 'joms rdo rjes gter nas bton te mi lo sum cu rtsa dgu la bka' rgyas btab ste/_mthar slob bu 'jigs med tshul khrims kyis bskul ngor gtan la phab pa yi ge pa'ang de nyid do/_/dge'o/_/sarba mang+ga laM//

Tibetan Text

[edit]

ཐྂ༎༔ ཟབ་གསང་མཁའ་འགྲོའི་སྙིང་ཐིག་ལས༔ བླ་མ་རིག་འཛིན་འདུས་པའི་སྲོག་འཁོར་དངོས་གྲུབ་གཏེར་བུམ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ (བརྡ་ཡིག་) རིག་འཛིན་སྲོག་གི་འཁོར་ལོ་བཅངས་འདོད་ན༔ དར་རམ་རས་སམ་ཤོག་དཀར་དྲི་མེད་ལ༔ མུ་ཁྱུད་རིམ་པ་བརྒྱད་དུ་བསྐོར་བྱས་ཏེ༔ ལྟེ་བར་པདྨ་འབྱུང་གནས་ཀྱི༔ སྣང་བརྙན་སྣང་སྲིད་ཟིལ་གནོན་ལྟར༔ དེའི་ཕྱི་རིམ་མུ་ཁྱུད་གཉིས་པ་ལ༔ ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ༔ འཆང་བ་པོའི་ལུས་ངག་ཡིད་གསུམ་བྱིན་གྱིས་རློབ་ཅིང་བསྲུང་སྐྱོབ་དམ་པ་མཛད་དུ་གསོལ༔ ཨོཾ་ཚེ་བྷྲུྃ་ཨ་ཡུརྫྙཱ་ན་ཚེ་བྷྲུྃ་རཀྵ་རཀྵ་སྭཱ་ཧཱ༔ དེའི་ཕྱི་རིམ་མུ་ཁྱུད་གསུམ་པ་ལ༔ ཨོཾ་ཨ་མི་དྷེ་ཝ་ཧྲཱིཿཨོཾ་མ་ཎི་པདྨེ་ཧཱུྃ༔ ཨོཾ་ཨཱཿཧཱུྃ་བཛྲ་གུ་རུ་པདྨ་ཐོད་ཕྲེང་རྩལ་བཛྲ་ས་མ་ཡ་ཛཿསིདྡྷི་ཕ་ལ་ཧཱུྃ་ཨཱཿའཆང་བ་པོའི་ལུས་ངག་ཡིད་གསུམ་སྨིན་ཅིང་རྡོ་རྗེ་གསུམ་གྱི་རོལ་པར་འཕོས་ཤིང་གྲོལ་བར་བྱིན་གྱིས་བརླབ་ཏུ་གསོལ༔ ཀཱ་ཡ་ཝཱཀ་ཙིཏྟ་གུ་ཎ་ཀརྨ་སརྦ་སིདྡྷི་ཕ་ལ་ཧོཿ དེའི་ཕྱི་རིམ་མུ་ཁྱུད་བཞི་པ་པདྨ་འདབ་མ་བརྒྱད་ལ༔ ཤར་ནས་རིམ་པར༔ བཛྲ་གུ་རུ་ཧཱུྃ་ཀཱ་ར་ཧཱུྃ༔ ཏིཥྛ་བཛྲ༔ བཛྲ་གུ་རུ་དྷ་ན་སཾསྐྲྀ་ཧཱུྃ༔ ཏིཥྛ་བཛྲ༔ བཛྲ་གུ་རུ་མཉྫུ་མི་ཏྲ་ཧཱུྃ༔ ཏིཥྛ་བཛྲ༔ བཛྲ་གུ་རུ་བི་མ་ལ་མི་ཏྲ་ཧཱུྃ༔ ཏིཥྛ་བཛྲ༔ བཛྲ་གུ་རུ་ནཱ་གརྫུ་ན་ཧཱུྃ༔ ཏིཥྛ་བཛྲ༔ བཛྲ་གུ་རུ་རམྦུ་གུ་ཧྱ་ཧཱུྃ༔ ཏིཥྛ་བཛྲ༔ བཛྲ་གུ་རུ་པྲ་བྷ་ཧསྟི་ཧཱུྃ༔ ཏིཥྛ་བཛྲ༔ བཛྲ་གུ་རུ་ཤཱནྟིཾ་གརྦྷ་ཧཱུྃ༔ ཏིཥྛ་བཛྲ༔ དེའི་ཕྱི་རིམ་མུ་ཁྱུད་ལྔ་པ་ལ་པདྨ་འདབ་མ་བཅུ་དྲུག་བཀོད་མདུན་ངོས་ཀྱི་འདབ་མ་དང་པོ་ནས༔ ཧྲཱིཿམཿཧཿརིཿནིཿསཿརཿཙཿཧྲཱིཿཡཿཙིཏྟཿཧྲིཾཿཧྲིཾཿཛཿབྷྱོཿཛཿཞེས་ཡིག་མགོ་ཕྱིར་བསྟན་དུ་བྲི༔ དེའི་ཕྱི་རིམ་མུ་ཁྱུད་དྲུག་པ་ལ༔ དབྱངས་དང་གསལ་བྱེད་རྟེན་སྙིང་མཐར༔ འཆང་བ་པོའི་སྒྲིབ་གཉིས་བག་ཆགས་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ༔ ཚེ་བསོད་དཔལ་འབྱོར་མངའ་ཐང་ཡེ་ཤེས་ཡོན་ཏན་སྲོག་ལུས་དབང་ཐང་རླུང་རྟ་བླ་གཟའ་སྙན་གྲགས་ཐམས་ཅད་པུཥྚིཾ་ཀུ་རུ་ཡེ་སྭཱ་ཧཱ༔ འཁོར་འདས་སྲིད་གསུམ་ཐམས་ཅད་ཝཱ་ཤཾ་ཀུ་རུ་ཡེ་སྭཱ་ཧཱ༔ གནོད་བྱེད་དུག་ལྔ་དུག་གསུམ་ལོག་པར་ལྟ་བའི་དགྲ་བགེགས་ཐམས་ཅད་བརླག་པར་གྱུར་ཅིག༔ མཱ་ར་ཡ་ཕཊ༔ འཕོ་མེད་ཕྱག་རྒྱ་ཆེན་པོ་མཆོག་གི་དངོས་གྲུབ་ཚེ་འདི་ཉིད་ལ་ཐོབ་པར་མཛད་དུ་གསོལ༔ དེའི་ཕྱི་རིམ་མུ་ཁྱུད་བདུན་པ་ལ་རྡོ་ར་དང་༔ མུ་ཁྱུད་བརྒྱད་པ་ལ་མེ་རིས་བསྐོར༔ རྫས་ལ་བཟང་དྲུག་གི་ཝང་ཙནྡན་གཉིས༔ བྱང་སེམས་དཀར་དམར་བདུད་རྩི་ཆོས་སྨན་བྱུག༔ འབྲུ་ཡི་རྡོ་རྗེ་རྒྱ་གྲམ་ལྟེ་བར་བཞག༔ ཚིག་བདུན་གསོལ་འདེབས་མཇུག་ཏུ་ཤམ་བུ་ནི༔ སརྦ་མ་ཧཱ་གུ་རུ་བཱིདྱ་དྷཱ་ར་བཛྲ་ས་མ་ཡ་ཛཿཛཿཨ་ཝེ་ཤ་ཡ་ཨ་ཨ༔ བརྒྱ་རྩ་བརྗོད་པས་རབ་གནས་བྱ༔ སྒྲུབ་པའི་རྟེན་དུ་བཙུག་ནས་སུ༔ སྲོག་འཁོར་གཞལ་ཡས་ཁང་གསལ་ནང་༔ ཡིག་འབྲུ་ལྷ་ཡི་རོལ་པ་ནི༔ ལྷ་ཁང་ནང་དུ་ལྷ་བཀོད་ལྟར༔ འཁོར་བའི་དབུས་སུ་རང་ཉིད་བསྒོམ༔ དེ་ལྟར་གནད་དང་ལྡན་གྱུར་ན༔ ཕྱི་ནང་བར་ཆད་གེགས་སྒྲོལ་ཞིང་༔ དངོས་གྲུབ་ཀུན་གྱི་འབྱུང་གནས་བྱེད༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ གུ་ཧྱ༔ ཞེས་པ་འདིའང་ཁྲག་འཐུང་བདུད་འཇོམས་རྡོ་རྗེས་གཏེར་ནས་བཏོན་ཏེ་མི་ལོ་སུམ་ཅུ་རྩ་དགུ་ལ་བཀའ་རྒྱས་བཏབ་སྟེ། མཐར་སློབ་བུ་འཇིགས་མེད་ཚུལ་ཁྲིམས་ཀྱིས་བསྐུལ་ངོར་གཏན་ལ་ཕབ་པ་ཡི་གེ་པའང་དེ་ཉིད་དོ། །དགེའོ། །སརྦ་མངྒ་ལཾ།། །།