TTDL-ZABTER-08-NYA-041

Previous Text Back to Volume PageNext Text

Wylie title	zab gsang mkha' 'gro'i snying thig las: lha chen dbang phyug chen po'i sgo nas pra ti ni 'gugs pa dbang gi zhags pa:
Location	bdud 'joms gling pa zab gter Volume 8, Text 41, Pages 375-381 (Folios 1a1 to 4a5)
Author	བདུད་འཇོམས་གླིང་པ་
Citation	Khrag 'thung Bdud 'joms gling pa. Zab gsang mkha' 'gro'i snying thig las lha chen dbang phyug chen po'i sgo nas pra ti ni 'gugs pa dbang gi zhags pa. In Sprul pa'i gter chen bdud 'joms gling pa'i zab gter gsang ba'i chos sde, Vol. 8: 375-381. Thimphu, Bhutan: Lama Kuenzang Wangdue, 2004.
Side notes	Recto: dbang sdud   Verso: bdud 'joms bka' srung lha chen
More details More details
Tertön	བདུད་འཇོམས་གླིང་པ་ (bdud 'joms gling pa)
Genre	Magnetizing Rites - dbang sdud
Cycle	ཟབ་གསང་མཁའ་འགྲོའི་སྙིང་ཐིག་ (zab gsang mkha' 'gro'i snying thig)
Colophon	ཞེས་པ་འདི་ཉིད་བདུད་འཇོམས་རྡོ་རྗེས་གཏན་ལ་ཕབ་པའོ། །དགེའོ།།
	zhes pa 'di nyid bdud 'joms rdo rjes gtan la phab pa'o/_/dge'o//

Tibetan Text

[edit]

ཐྂ༎༔ ཟབ་གསང་མཁའ་འགྲོའི་སྙིང་ཐིག་ལས༔ ལྷ་ཆེན་དབང་ཕྱུག་ཆེན་པོའི་སྒོ་ནས་པྲ་ཏི་ནི་འགུགས་པ་དབང་གི་ཞགས་པ་བཞུགས༔

ཐྂ༎༔ ན་མོ་གུ་རུ་པདྨ་ཀ་ར་ཡེ༔ (བརྡ་ཡིག་) སྤྱན་རས་གཟིགས་དབང་འཇིག་རྟེན་སྲིད་པའི་གཙོ༔ ཁམས་གསུམ་དབང་བསྒྱུར་མ་ཧཱ་དཱེ་ཝ་ལ༔ རྣམ་པ་ཀུན་ནས་དགའ་བས་ཕྱག་འཚལ་ཏེ༔ པྲ་ཏི་འགུགས་པ་དབང་གི་ཞགས་པ་བྲི༔ ལྷ་དང་དྲང་སྲོང་རིག་པ་འཛིན་རྣམས་ཀྱིས༔ སྨོན་ལམ་བདེན་པའི་ནུས་མཐུ་སྟོབས་དག་གིས༔ རིག་སྔགས་བྱ་བའི་ལས་ལ་དབང་བ་དང་༔ ཐོགས་མེད་མི་འགྱང་དངོས་གྲུབ་པྲ་ལྟས་སྟོན༔ འདི་ལ་རྫས་དང་འཁོར་ལོ་རིག་སྔགས་གསུམ༔ རྫས་ནི་གི་ཝཾ་ལི་ཁྲི་མཚལ་དང་སྐག༔ བུ་མོ་གཙང་མའི་པདྨ་རཀྟ་བྲན༔ བྱང་སེམས་དཀར་པོ་རིན་ཆེན་སྣ་ལྔ་སོགས༔ དབང་གི་རྫས་ཀུན་ལེགས་བསྡུས་རིལ་བུ་བྱ༔ བུམ་པར་བླུག་ཅིང་བྱབ་བདུག་བྲབ་གསུམ་དང་༔ ཤུག་ཚང་དམར་པོས་ཁ་ཁེབ་རྒྱ་ཡིས་གདབ༔ རིལ་བུ་ལྷ་ཆེན་འདོད་པའི་དབང་ཕྱུག་དང་༔ རིག་བྱེད་དམར་མོ་དབང་གི་ལྕགས་ཀྱུར་དམིགས༔ འོད་ཟེར་སྤྲོ་བསྡུས་དམིགས་པས་གཞུར་ལ་དྲངས༔ དུས་ལ་བབ་ཚེ་མི་ལག་མི་བརྒྱུད་པར༔ བཟའ་བཏུང་དང་སྦྱར་སྦྱིན་པས་དབང་དུ་འགྱུར༔ ས་མ་ཡ༔ འཁོར་ལོ་སྨན་ཤོག་རིམ་པ་ལྔ་རུ་བསྐོར༔ དབུས་སུ་ཧྲཱིཿདང་ཧ་རི་ནི་ས་བཀོད༔ མུ་ཁྱུད་གཉིས་པར་ཡིག་མགོ་ཕྱིར་བསྟན་ཏེ༔ ཨོཾ་མ་ཧཱ་དཱེ་ཝ་ཛཿཨུ་མ་དཱེ་ཝི་ཧྲཱིཾ༔ ཧ་རི་ནི་ས་དམིགས་ཡུལ་གང་ལ་བྱ་བ་དབང་དུ་སྡུས་ཤིག༔ མི་འགྱང་བར་མྱུར་དུ་པཱ་ཤཾ་ཀུ་རུ་སྭཱ་ཧཱ༔ དེ་ཡི་ཕྱི་རིམ་མུ་ཁྱུད་གསུམ་པ་ལ༔ ཨོཾ་བྲ་ག་ཤག་ཏི་ཛཿཨཱཾ་ཨ་རོ་ལིཀ༔ པྱཱཾ་རཱ་ག་ར་ཏི་སྟྭཾ༔ སརྦ་གང་ལ་བྱ་བའི་བློ་ཡིད་སེམས་གསུམ་ཐམས་ཅད་རང་དབང་མེད་པར་དབང་དུ་སྡུས་ཤིག༔ ཙིཏྟ་ནྲྀ་འགུལ་འགུལ་རྒྱུག་རྒྱུག་བྲེང་བྲེང་དུང་དུང་༔ མངལ་གྱི་སྲིན་བུ་སློང་སློང་༔ སརྦ་བྷ་ཤི་ཀུ་རུ་སྭཱ་ཧཱ༔ དེ་ཡི་ཕྱི་རིམ་མུ་ཁྱུད་བཞི་པ་ལ༔ ཨོཾ་ཨཱཿཧཱུྃ་ཨེ་ཧེ་རྨ་རུ་རྩེ་གུ་ཎ་ཧྲཱིཿཏྲི་ཡཀྴ་ཨ་པ་ར་ཙིཏྟ་སརྦ་ནྲྀ་ཛ་གང་ལ་བྱ་བའི་བློ་ཡིད་སེམས་གསུམ་དབང་དུ་སྡུས་ཤིག༔ མངལ་གྱི་སྲིན་བུ་སློང་སློང་༔ ལུས་ཀྱི་རྩ་གནས་ཐམས་ཅད་ཆགས་པས་བསྒྱུར་ལ་རཀྟ་དམར་གྱི་ཆུ་བོ་རྒྱས་ཤིང་སྒྲུབ་པོའི་བདུད་རྩི་དང་བཛྲ་ལ་མོས་ཤིང་དབང་མེད་དུ་སྡུས་ཤིག༔ དེ་ཡི་ཕྱི་རིམ་མུ་ཁྱུད་ལྔ་པ་ལ༔ ན་མོ༔ དཀོན་མཆོག་གསུམ་དང་སྐུ་གསུམ་རྒྱལ་བ་སྲས་དང་བཅས་པའི་བཀའ་བདེན་པ་དང་༔ དོན་དམ་ཆོས་ཉིད་གདོད་ནས་དག་ཅིང་ཀུན་རྫོབ་རྟེན་འབྲེལ་བསླུ་བ་མེད་པ་དང་༔ ཁྱད་པར་དུ་ལྷ་ཆེན་དབང་ཕྱུག་ཆེན་པོ་འགུགས་འཆིང་སྡོམ་མྱོས་མ་བཞི་བརྟེན་གཞི་རིག་བྱེད་ལྷ་མོ་གནོད་སྦྱིན་ཤན་པ་དམར་ནག་ནོར་བདག་ཨ་པར་ཙིཏྟ་འཁོར་དང་བཅས་པའི་བདེན་སྟོབས་ཀྱིས༔ གང་ལ་བྱ་བའི་བློ་ཡིད་སེམས་གསུམ་ཐམས་ཅད་བདག་གི་དབང་དུ་བསྒྱུར་ཏེ་ཕྲིན་ལས་ཐམས་ཅད་ཐོགས་མེད་དུ་བསྒྲུབ་ཅིང་ཚེ་ཆོས་བསོད་ནམས་ཁ་རྗེ་དབང་ཐང་བླ་གཟའ་སྙན་གྲགས་ཐམས་ཅད་གོང་ནས་གོང་དུ་འཕེལ་ཞིང་རྒྱས་པར་གྱུར་ཅིག༔ དཀོན་མཆོག་གསུམ་གྱི་སོགས་འགྲུབ་པར་ཤོག༔ དེ་ཡི་ཕྱི་རིམ་རྟེན་སྙིང་དང་༔ དབྱངས་གསལ་ཤམ་དུ་ཝཱ་ཤཾ་བྲི༔ གི་ཝཾ་རཀྟ་ལི་ཁྲི་བྱུག༔ རྒྱལ་ལ་བསྐོར་བས་དབང་སྡུད་འགྱུར༔ ས་མ་ཡ༔ གསུམ་པ་རིག་སྔགས་བྱ་བ་ནི༔ རང་ཉིད་དབང་ཕྱུག་དམར་པོར་གསལ༔ ཐུགས་ཀར་རིག་བྱེད་ལྷ་མོ་དམར༔ ལྕགས་ཀྱུ་པདྨའི་མདའ་གཞུ་འགེང་༔ ཞགས་པས་ཁམས་གསུམ་བློ་ཡིད་འགུགས༔ ལོངས་སྤྱོད་རྫོགས་པའི་ཆས་ཀྱིས་བརྒྱན༔ ཐུགས་གསང་པདྨ་ཐོད་ཕྲེང་རྩལ༔ ཨ་ཙར་ཆ་བྱད་བྱུ་རུའི་མདོག༔ ཕྱག་གཉིས་རྡོ་རྗེ་ཞགས་པ་བསྣམས༔ ཡང་གསང་ཐུགས་སྲོག་ཧྲཱིཿཡིག་མཐར༔ སྔགས་ཀྱི་ཕྲེང་བས་བསྐོར་བ་ལས༔ འོད་འཕྲོས་རྒྱལ་བ་སྲས་བཅས་དང་༔ ལྷ་དང་དྲང་སྲོང་རིག་པ་འཛིན༔ བདེན་ཚིག་གྲུབ་པའི་ཐུགས་རྒྱུད་བསྐུལ༔ མཐུ་སྟོབས་ནུས་པ་གཟི་བྱིན་དབང་༔ འོད་ལྔའི་ཁ་དོག་རྣམ་པ་ཡི༔ གཙོ་བོ་གསུམ་ལ་ཐིམ་པ་ཡིས༔ རྒྱལ་བའི་མཐུ་སྟོབས་དཔྱིད་དུ་གྱུར༔ ཨོཾ་ཨཱཿཧཱུྃ་བཛྲ་གུ་རུ་པདྨ་ཀུ་རུ་ཀུལླེ་ཧྲཱིཿཧྲཱིཾ་མ་ཧཱ་དཱེ་ཝ་ཨུ་མ་དཱེ་ཝི་ཧྲཱིཿཧྲཱིཾ་ཧ་རི་ནི་ས་སརྦ་པཱ་ཤཾ་ཀུ་རུ་སྭཱ་ཧཱ༔ དམིགས་པས་གཞུར་དྲངས་ཅི་འགྲུབ་བཟླ༔ སླར་ཡང་ལས་ལ་སྦྱོར་བའི་ཚེ༔ ཐུགས་སྲོག་ཧྲཱིཿདམར་གསལ་བ་ལས༔ འོད་དམར་ལྕགས་ཀྱུའི་དབྱིབས་ཅན་འཕྲོས༔ དམིགས་བྱའི་སྙིང་ག་གསང་གནས་ནས༔ བཟུང་བསྡམ་རྩ་ཁམས་འདོད་པས་གཡོས༔ ཁྱད་པར་མངལ་གྱི་སྲིན་བུ་བསླང་༔ འདར་ཡེད་མི་བཟོད་བདེ་ཉམས་བཅས༔ རྐང་ཞབས་རླུང་གི་འཁོར་ལོས་བཏེག༔ རང་གི་མདུན་དུ་འཁོད་ཅིང་གནས༔ འོད་ཟེར་དྲྭ་བས་རབ་བཅིང་བས༔ གང་བཅོལ་ཐོགས་མེད་བསྒྲུབ་པར་བསམ༔ ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ༔ རྡོ་རྗེ་སེམས་དཔའ་སྙིང་ལ་བྲེང་བྲེང་དུང་དུང་མངལ་གྱི་སྲིན་བུ་སློང་སློང་༔ སརྦ་བྷ་ཤི་ཀུ་རུ་སྭཱ་ཧཱ༔ ཅི་འགྲུབ་མཐར༔ ཨོཾ་ཀུ་རུ་ཀུལླེ་ཧྲཱིཿཧྲཱིཾཿནིག་ནལ་ནིག་ནལ༔ པྲ་མོ་ཐུན༔ པྲ་མོ་ཐུན༔ མངལ་གྱི་སྲིན་བུ་སློང་༔ ཆེ་གེ་མོའི་བློ་ཡིད་སེམས་གསུམ་ཝཱ་ཤཾ་ཀུ་རུ་སྭཱ་ཧཱ༔ ཨོཾ་མ་ཧཱ་དཱེ་ཝ་ཛ༔ ཨུ་མ་དཱེ་ཝི་ཧྲཱིཾཿཧ་རི་ནི་ས་པཱ་ཤཾ་ཀུ་རུ་ ཧོཿ མ་འགྱང་༔ མ་བསླུ༔ མ་གཡེལ༔ ས་མ་ཡ༔ ཆེ་གེ་མོའི་བློ་ཡིད་སེམས་གསུམ་ཐམས་ཅད་པཱ་ཤཾ་ཀུ་རུ་ཧོཿམངལ་སྲིན་སློང་༔ འདོད་པ་གཡོས༔ རང་དབང་མེད་པར་བདག་གི་དབང་དུ་སྡུས་ཤིག་པཱ་ཤཾ་ཀུ་རུ་སྭཱ་ཧཱ༔ ཅི་འགྲུབ་བཟླ་ཞིང་ཆུ་ལ་བསྔགས༔ ཁོང་དུ་བཏང་བས་དབང་དུ་བྱེད༔ ས་མ་ཡ༔ གདོད་ནས་བདེ་ཆེན་རིག་པའི་ཡེ་ཤེས་དང་༔ ཤེས་རབ་རྣམ་ཀུན་མཆོག་ལྡན་ཟུང་འཇུག་པའི༔ ལྷུན་གྲུབ་རྩལ་ལས་འཁོར་དང་འདས་པར་སྣང་༔ ཐམས་ཅད་ཤེས་རབ་ཆེན་པོས་དབང་དུ་བསྒྱུར༔ དེ་བཞིན་ཐབས་ཀྱི་གཞོན་ནུ་སྣང་བའི་ཆ༔ ཤེས་རབ་སྟོང་ཉིད་ཡུལ་གྱི་ཞིང་སྔགས་སྐྱེས༔ དམིགས་དང་བསྐྱེད་པའི་ཞགས་པའི་སྒྱུ་ཐབས་ཀྱིས༔ དབང་མེད་འགུགས་པ་བསླུ་མེད་རྟེན་འབྱུང་མཐུ༔ ཀུན་རྫོབ་བསླུ་མེད་རྟེན་འབྲེལ་ཟབ་མོ་ལ༔ ཡིད་ཆེས་བསྐྱེད་རྣམས་རང་གི་སྣང་བའི་ཆ༔ རང་དབང་བསྒྱུར་བ་ཉིད་ཀྱི་ཁྱད་ཆོས་ཏེ༔ ཐེ་ཚོམ་ཅན་ལ་དངོས་གྲུབ་སྐལ་བ་ཆད༔ དེ་ཕྱིར་མོས་གུས་དྲག་པོས་ཉམས་ལེན་མཛོད༔ ཤེས་རབ་ཆ་ལ་ཐབས་ཀྱིས་སྤྱོད་པ་ཡིས༔ གཉིས་མེད་རོལ་ལ་དགའ་བཞིའི་ཡེ་ཤེས་རྙེད༔ བཀའ་འདི་གནོད་སྦྱིན་ཤན་དམར་ཁྱོད་ལ་གཏད༔ འགྲུབ་མཚན་མྱུར་དུ་སྟོན་ཅིག་ཆོས་སྐྱོང་གཙོ༔ སྐལ་མེད་རྣམས་ལ་གསང་རྒྱས་འདེབས་པ་དང་༔ ལོག་ལྟ་མཁན་གྱི་སྲོག་གི་དབང་པོ་བསྣུབ༔ འདི་ནི་ཞག་བདུན་ཁོ་ནས་འགྲུབ་པར་འགྱུར༔ ས་མ་ཡ༔ རྒྱ་རྒྱ་རྒྱ༔ ཨྠིྀ༔ ཞེས་པ་འདི་ཉིད་བདུད་འཇོམས་རྡོ་རྗེས་གཏན་ལ་ཕབ་པའོ། །དགེའོ།། །།