DJYD-KABUM-16-MA-056: Difference between revisions
From Dudjom Wiki
DJYD-KABUM-16-MA-056
Imported new text files with Wyckibaat for processing |
No edit summary |
||
| Line 1: | Line 1: | ||
（1ན）༄༅། །བླ་མ་དྲག་པོ་རྟ་ཕུར་ཟུང་འཇུག་གི་དྲིལ་སྒྲུབ་ཟབ་མོ་ཨྀཐི༔ ཕྱི་ནང་བར་ཆད་དཔུང་ལས་རྣམ་རྒྱལ་ཏེ༔ མཐུ་རྩལ་ཡོན་ཏན་དངོས་གྲུབ་ཐོབ་འདོད་ན༔ རང་ཉིད་དབང་དྲག་རྟ་མཆོག་ཀཱི་ལར་བསྒྲུབ༔ ཨ༔ བློ་འདས་བརྗོད་བྲལ་སྟོང་དབྱིངས་ཀ་དག་ངང་༔ འགག་མེད་སྒྱུ་མ་སྙིང་རྗེ་ཆེན་པོའི་སྤྲིན༔ རིག་པ་རྒྱུ་ཡི་ཧཱུྃ་ཡིག་འཕྲོ་འདུ་ལས༔ བདག་ཉིད་དབང་དྲག་རྟ་མཆོག་ཀཱི་ལ་ཡ༔ སྨུག་ནག་དམར་མཐིང་དབུ་གསུམ་ཕྱག་དྲུག་པ༔ དང་པོའི་ཕྱག་གཉིས་རལ་གྲི་སྦྲུལ་ཞགས་གདེངས༔ གཟའ་ཀླུ་གདུག་ཅན་འབྱུང་པོ་ཕྱེ་མར་འཐག༔ བར་པས་རྡོ་རྗེ་ལྕགས་སྡིག་འབར་བ་འཛིན༔ རྒྱལ་བསེན་ཀླད་འགེམ་སྙིང་ཁྲག་ཧུབ་ཀྱིས་འདྲེན༔ ཐ་གཉིས་རི་རབ་ཕུར་བུ་འདྲིལ་ཞིང་འདེབས༔ དམ་སྲི་སྲི་གདོན་སྲོག་སྙིང་ཐལ་བར་འབྱིན༔ དབུ་གཙུག་རྟ་ཞལ་རྡོ་རྗེའི་དབྱངས་སུ་མཚེར༔ ཁམས་གསུམ་དབང་སྡུད་སྲིད་གསུམ་ཟིལ་གྱིས་གནོན༔ ཕག་མོ་མཐིང་ནག་གྲི་ཐོད་འཛིན་དང་སྦྱོར༔ ཞབས་གཉིས་རབ་བགྲད་པད་ཉིར་བདུད་བཞི་བརྫིས༔ ཁྲོ་གཏུམ་མི་བཟད་གར་དགུའི་ཉམས་འགྱུར་འབར༔ དུར་ཁྲོད་ཆས་རྫོགས་བསྐལ་མེའི་ཀློང་དུ་རོལ༔ སྤྱི་བོར་ཡེ་ཤེས་ཁྱུང་དམར་འཕུར་ལྡིང་(1བ)གཡོ༔ རིགས་བདག་པདྨ་ཚེ་དཔག་མེད་ཡབ་ཡུམ༔ རོལ་རྩལ་རྩ་གསུམ་རྒྱལ་བའི་སྤྲིན་ཕུང་འཕྲོ༔ སྣང་གྲགས་དབང་དྲག་འབར་བའི་དཀྱིལ་འཁོར་ཆེ༔ གདོད་ནས་དམ་ཚིག་ཡེ་ཤེས་གཉིས་སུ་མེད༔ ཐུགས་དབུས་ཡེ་ཤེས་སེམས་དཔའ་རྡོ་རྗེའི་ལྟེར༔ ཏིང་འཛིན་སེམས་དཔའ་ཧཱུྃ་དམར་མཐའ་སྐོར་དུ༔ སྔགས་ཕྲེང་ལྕགས་སྲེག་མདོག་ཅན་སྒྲར་བཅས་འཁོར༔ དེ་ལས་འོད་ཟེར་ཚྭ་ཚྭ་འབར་ཞིང་འཁྲུགས༔ རང་ལུས་ནད་གདོན་སྡིག་སྒྲིབ་མ་ལུས་སྦྱང་༔ འཕགས་མཆོད་འགྲོ་བའི་སྒྲིབ་བསལ་ལོག་འདྲེན་བརླག༔ འཁོར་འདས་དྭངས་བཅུད་ནུས་མཐུ་འོད་དམར་ཚུལ༔ རབ་བསྡུས་བདག་ཐིམ་ཆེ་བའི་གཟི་བྱིན་བསྐྱེད༔ མི་ཤིགས་རྡོ་རྗེ་གསུམ་གྱི་ཕྱག་རྒྱར་སད༔ ཨོཾ་ཨཱཿཧཱུྃ༔ ཨ་རྩིག་ནི་རྩིག་ན་མོ་བྷ་ག་ཝ་ཏེ་ཧ་ཡ་གྲི་ཝ་བཛྲ་ཀཱི་ལི་ཀཱི་ལ་ཡ་སརྦ་བིགྷྞན་བཾ་ཧཱུྃ་ཕཊ༔ ཅེས་བཟླ་རིག་པ་གཏད་མེད་ངང་དུ་བཞག༔ ཡེ་ཡིན་པདྨ་ཁྲག་འཐུང་ཀཱི་ལ་ཡ༔ རང་བྱུང་གདོད་མའི་དབྱིངས་སུ་ལ་བཟླས་པས༔ གཉིས་སྣང་འགལ་རྐྱེན་གཡུལ་ལས་རབ་རྒྱལ་ངེས༔ ས་མ་ཡ་གུ་ཧྱ༔ （ཞེས་པའང་སྐལ་ལྡན་པདྨ་ཀློང་གྲོལ་གྱིས་བསྐུལ་བའི་རྐྱེན་ལས། འཇིགས་བྲལ་དཔའ་བོ་འགྲོ་འདུལ་གླིང་པས་ཐོལ་བྱུང་དུ་བྲིས་པའོ། །༎） | {{Text | ||
（2ན）༄༅། །（སྐྱབས་སེམས་ནི།） རང་རིག་དོན་གྱི་དབང་ཆེན་ཧེ་རུ་ཀ ། ཡེ་ཡིན་ལྷུན་གྲུབ་ངང་ནས་སྐྱབས་སུ་བཟུང་། །གཉིས་རྟོག་དུག་ལྔའི་རང་གཟུགས་གདོན་བགེགས་དཔུང་། །རང་གྲོལ་བདེ་ཆེན་ཀློང་དུ་སྒྲོལ་སེམས་བསྐྱེད། །（བསྡུ་ལྡང་བསྔོ་སྨོན་ནི།） སྣང་སྲིད་ལྷ་སྔགས་དག་པ་རབ་འབྱམས་ངང་། །ཆོས་ཉིད་བྱ་རྩོལ་བྲལ་བའི་ངང་དུ་ཨ། །རིག་རྩལ་མ་འགག་ཧེ་རུ་ཀ་ཡི་སྐུ། །མི་གཡོ་མི་ཤིགས་རྡོ་རྗེ་གསུམ་དུ་སད། །བདག་གིས་དབང་ཆེན་དྲག་པོ་ཀཱི་ལ་ཡའི། །རྣལ་འབྱོར་ཟབ་དོན་ལ་བརྩོན་དགེ་ཚོགས་ཀྱིས། །འགྲོ་ཀུན་ཡི་དམ་དྲག་པོའི་སྐུར་སྨིན་ནས། །བར་ཆད་བདུད་ལས་རྣམ་རྒྱལ་དཔལ་ཐོབ་ཤོག །（ཛྙཱ་ནས་སོ༎ ༎） | |classification=Tibetan Publications | ||
|subclass=Tibetan Texts | |||
|collectiontitle=bdud 'joms rin po che bka' 'bum | |||
|collectiontitletib=བདུད་འཇོམས་རིན་པོ་ཆེ་བཀའ་འབུམ། | |||
|totalvolumes=25 | |||
|author=Dudjom Rinpoche | |||
|authortib=བདུད་འཇོམས་འཇིགས་བྲལ་ཡེ་ཤེས་རྡོ་རྗེ་ | |||
|citation=[[Dudjom Rinpoche]] 'Jigs bral ye shes rdo rje. ''Bdud 'joms 'jigs bral ye shes rdo rje'i gsung 'bum dam chos rin chen nor bu'i bang mdzod''. Kalimpong: Dupjung Lama, 1979-1985. | |||
|language=Tibetan | |||
|pagestatus=Temporary stub only | |||
|volumenumber=16 | |||
|volumeLetter=MA | |||
|textnuminvol=056 | |||
|pdflink=File:DJYD-KABUM-16-MA-056.pdf | |||
|InitCategories=Dudjom Tersar Project; DJYD-KABUM-Volume-16-MA | |||
}} | |||
<h1>Tibetan Text</h1> | |||
<onlyinclude> | |||
{{TibP|（1ན）༄༅། །བླ་མ་དྲག་པོ་རྟ་ཕུར་ཟུང་འཇུག་གི་དྲིལ་སྒྲུབ་ཟབ་མོ་ཨྀཐི༔ ཕྱི་ནང་བར་ཆད་དཔུང་ལས་རྣམ་རྒྱལ་ཏེ༔ མཐུ་རྩལ་ཡོན་ཏན་དངོས་གྲུབ་ཐོབ་འདོད་ན༔ རང་ཉིད་དབང་དྲག་རྟ་མཆོག་ཀཱི་ལར་བསྒྲུབ༔ ཨ༔ བློ་འདས་བརྗོད་བྲལ་སྟོང་དབྱིངས་ཀ་དག་ངང་༔ འགག་མེད་སྒྱུ་མ་སྙིང་རྗེ་ཆེན་པོའི་སྤྲིན༔ རིག་པ་རྒྱུ་ཡི་ཧཱུྃ་ཡིག་འཕྲོ་འདུ་ལས༔ བདག་ཉིད་དབང་དྲག་རྟ་མཆོག་ཀཱི་ལ་ཡ༔ སྨུག་ནག་དམར་མཐིང་དབུ་གསུམ་ཕྱག་དྲུག་པ༔ དང་པོའི་ཕྱག་གཉིས་རལ་གྲི་སྦྲུལ་ཞགས་གདེངས༔ གཟའ་ཀླུ་གདུག་ཅན་འབྱུང་པོ་ཕྱེ་མར་འཐག༔ བར་པས་རྡོ་རྗེ་ལྕགས་སྡིག་འབར་བ་འཛིན༔ རྒྱལ་བསེན་ཀླད་འགེམ་སྙིང་ཁྲག་ཧུབ་ཀྱིས་འདྲེན༔ ཐ་གཉིས་རི་རབ་ཕུར་བུ་འདྲིལ་ཞིང་འདེབས༔ དམ་སྲི་སྲི་གདོན་སྲོག་སྙིང་ཐལ་བར་འབྱིན༔ དབུ་གཙུག་རྟ་ཞལ་རྡོ་རྗེའི་དབྱངས་སུ་མཚེར༔ ཁམས་གསུམ་དབང་སྡུད་སྲིད་གསུམ་ཟིལ་གྱིས་གནོན༔ ཕག་མོ་མཐིང་ནག་གྲི་ཐོད་འཛིན་དང་སྦྱོར༔ ཞབས་གཉིས་རབ་བགྲད་པད་ཉིར་བདུད་བཞི་བརྫིས༔ ཁྲོ་གཏུམ་མི་བཟད་གར་དགུའི་ཉམས་འགྱུར་འབར༔ དུར་ཁྲོད་ཆས་རྫོགས་བསྐལ་མེའི་ཀློང་དུ་རོལ༔ སྤྱི་བོར་ཡེ་ཤེས་ཁྱུང་དམར་འཕུར་ལྡིང་(1བ)གཡོ༔ རིགས་བདག་པདྨ་ཚེ་དཔག་མེད་ཡབ་ཡུམ༔ རོལ་རྩལ་རྩ་གསུམ་རྒྱལ་བའི་སྤྲིན་ཕུང་འཕྲོ༔ སྣང་གྲགས་དབང་དྲག་འབར་བའི་དཀྱིལ་འཁོར་ཆེ༔ གདོད་ནས་དམ་ཚིག་ཡེ་ཤེས་གཉིས་སུ་མེད༔ ཐུགས་དབུས་ཡེ་ཤེས་སེམས་དཔའ་རྡོ་རྗེའི་ལྟེར༔ ཏིང་འཛིན་སེམས་དཔའ་ཧཱུྃ་དམར་མཐའ་སྐོར་དུ༔ སྔགས་ཕྲེང་ལྕགས་སྲེག་མདོག་ཅན་སྒྲར་བཅས་འཁོར༔ དེ་ལས་འོད་ཟེར་ཚྭ་ཚྭ་འབར་ཞིང་འཁྲུགས༔ རང་ལུས་ནད་གདོན་སྡིག་སྒྲིབ་མ་ལུས་སྦྱང་༔ འཕགས་མཆོད་འགྲོ་བའི་སྒྲིབ་བསལ་ལོག་འདྲེན་བརླག༔ འཁོར་འདས་དྭངས་བཅུད་ནུས་མཐུ་འོད་དམར་ཚུལ༔ རབ་བསྡུས་བདག་ཐིམ་ཆེ་བའི་གཟི་བྱིན་བསྐྱེད༔ མི་ཤིགས་རྡོ་རྗེ་གསུམ་གྱི་ཕྱག་རྒྱར་སད༔ ཨོཾ་ཨཱཿཧཱུྃ༔ ཨ་རྩིག་ནི་རྩིག་ན་མོ་བྷ་ག་ཝ་ཏེ་ཧ་ཡ་གྲི་ཝ་བཛྲ་ཀཱི་ལི་ཀཱི་ལ་ཡ་སརྦ་བིགྷྞན་བཾ་ཧཱུྃ་ཕཊ༔ ཅེས་བཟླ་རིག་པ་གཏད་མེད་ངང་དུ་བཞག༔ ཡེ་ཡིན་པདྨ་ཁྲག་འཐུང་ཀཱི་ལ་ཡ༔ རང་བྱུང་གདོད་མའི་དབྱིངས་སུ་ལ་བཟླས་པས༔ གཉིས་སྣང་འགལ་རྐྱེན་གཡུལ་ལས་རབ་རྒྱལ་ངེས༔ ས་མ་ཡ་གུ་ཧྱ༔ （ཞེས་པའང་སྐལ་ལྡན་པདྨ་ཀློང་གྲོལ་གྱིས་བསྐུལ་བའི་རྐྱེན་ལས། འཇིགས་བྲལ་དཔའ་བོ་འགྲོ་འདུལ་གླིང་པས་ཐོལ་བྱུང་དུ་བྲིས་པའོ། །༎） | |||
（2ན）༄༅། །（སྐྱབས་སེམས་ནི།） རང་རིག་དོན་གྱི་དབང་ཆེན་ཧེ་རུ་ཀ ། ཡེ་ཡིན་ལྷུན་གྲུབ་ངང་ནས་སྐྱབས་སུ་བཟུང་། །གཉིས་རྟོག་དུག་ལྔའི་རང་གཟུགས་གདོན་བགེགས་དཔུང་། །རང་གྲོལ་བདེ་ཆེན་ཀློང་དུ་སྒྲོལ་སེམས་བསྐྱེད། །（བསྡུ་ལྡང་བསྔོ་སྨོན་ནི།） སྣང་སྲིད་ལྷ་སྔགས་དག་པ་རབ་འབྱམས་ངང་། །ཆོས་ཉིད་བྱ་རྩོལ་བྲལ་བའི་ངང་དུ་ཨ། །རིག་རྩལ་མ་འགག་ཧེ་རུ་ཀ་ཡི་སྐུ། །མི་གཡོ་མི་ཤིགས་རྡོ་རྗེ་གསུམ་དུ་སད། །བདག་གིས་དབང་ཆེན་དྲག་པོ་ཀཱི་ལ་ཡའི། །རྣལ་འབྱོར་ཟབ་དོན་ལ་བརྩོན་དགེ་ཚོགས་ཀྱིས། །འགྲོ་ཀུན་ཡི་དམ་དྲག་པོའི་སྐུར་སྨིན་ནས། །བར་ཆད་བདུད་ལས་རྣམ་རྒྱལ་དཔལ་ཐོབ་ཤོག །（ཛྙཱ་ནས་སོ༎ ༎）}} | |||
</onlyinclude> | |||
{{TsagliCall}} | |||
<headertabs/> | |||
Revision as of 06:18, 1 June 2024
First text in volume.Last text in volume.
| Wylie title | ||
|---|---|---|
| Location | bdud 'joms rin po che bka' 'bum Volume 16, Text 56, Pages (Folios to ) | |
| Author | བདུད་འཇོམས་འཇིགས་བྲལ་ཡེ་ཤེས་རྡོ་རྗེ་ | |
| Citation | Dudjom Rinpoche 'Jigs bral ye shes rdo rje. Bdud 'joms 'jigs bral ye shes rdo rje'i gsung 'bum dam chos rin chen nor bu'i bang mdzod. Kalimpong: Dupjung Lama, 1979-1985. | |
| Side notes | ||
| More details More details | ||
| Genre | ||
