DJYD-KABUM-14-PHA-016

Previous Text Back to Volume PageNext Text

Wylie title	tshe sgrub 'chi med srog thig gi cho ga'i 'khrigs zin rnam gsal yid kyi 'dod 'jo
Location	bdud 'joms rin po che bka' 'bum Volume 14, Text 16, Pages 193-208 (Folios 1a1 to 8b4)
Author	བདུད་འཇོམས་འཇིགས་བྲལ་ཡེ་ཤེས་རྡོ་རྗེ་
Citation	Dudjom Rinpoche 'Jigs bral ye shes rdo rje. Tshe sgrub 'chi med srog thig gi cho ga'i 'khrigs zin rnam gsal yid kyi 'dod 'jo. In Bdud 'joms 'jigs bral ye shes rdo rje'i gsung 'bum dam chos rin chen nor bu'i bang mdzod, Vol. 14: 193-208. Kalimpong: Dupjung Lama, 1979-1985.
Side notes	Recto: 'khrigs zin   Verso: 'chi med srog thig
More details More details
Tertön	ཟིལ་གནོན་ནམ་མཁའི་རྡོ་རྗེ་ (zil gnon nam mkha'i rdo rje)
Genre	Liturgical Arrangements - 'don 'grigs  ·  Notes - zin bris
Cycle	ཚེ་སྒྲུབ་འཆི་མེད་སྲོག་ཐིག་ (tshe sgrub 'chi med srog thig)
Parent Cycle	དཔལ་རྡོ་རྗེ་ཕུར་པ་ཡང་གསང་འཕྲིན་ལས་བཅུད་དྲིལ་ (dpal rdo rje phur pa yang gsang 'phrin las bcud dril)
Deity	tshe dpag med
Colophon	།ཞེས་པའང་དོན་གཉེར་ཅན་དུ་མས་ཡང་དང་ཡང་དུ་རྣ་བའི་བུ་ག་གཙེར་བའི་རྐྱེན་ལས་ཆོ་གའི་ལག་ལེན་ཕྱོགས་མཚོན་ཙམ་དུ་འཇིགས་བྲལ་ཡེ་ཤེས་རྡོ་རྗེ་བྲིས་པ་སིདྡྷི་རསྟུ།།
	zhes pa'ang don gnyer can du mas yang dang yang du rna ba'i bu ga gtser ba'i rkyen las cho ga'i lag len phyogs mtshon tsam du 'jigs bral ye shes rdo rje bris pa sid+d+hi rastu//

Tibetan Text

[edit]

༄༅། །ཚེ་སྒྲུབ་འཆི་མེད་སྲོག་ཐིག་གི་ཆོ་གའི་འཁྲིགས་ཟིན་རྣམ་གསལ་ཡིད་ཀྱི་འདོད་འཇོ་ཞེས་བྱ་བ་བཞུགས་སོ། །

༄༅། །ཨོཾ་སྭསྟི། ཚེ་སྒྲུབ་འཆི་མེད་སྲོག་ཐིག་གི་ཆོ་ག་གཏོང་ལུགས་ལག་ལེན་ཟིན་བྲིས་ལ། གང་དུ་བྱ་བའི་སྒྲུབ་ཁང་གི་ཕུགས་ལོགས་སུ་དམ་ཚིག་གི་བྲིས་སྐུ་བཀྲམ་པའི་སྤྱན་སྔར་སྟེགས་བུ་རིམ་པ་གཉིས་པའི་དང་པོའི་དབུས་སུ་རིན་པོ་ཆེའི་པད་སྣོད་གས་ཆག་མེད་པར་འབྲུ་དཀར་གྱི་ཕྱེ་གཙང་སྨན་སྤོད་ཀྱིས་བྲན་ཅིང་གར་ཆང་དང་མར་ཁུས་སྦྲུས་པ་ལས་ཚེ་གཏོར་རིན་ཆེན་གཏེར་སྤུངས་བང་རིམ་གྲུ་བཞི་བཞི་བརྩེགས་ཀྱི་ཁར་སྣ་ཚོགས་རྡོ་རྗེའི་ལྟེ་བར་ཉི་ཟླའི་གའུ་ཁ་སྦྱོར་གྱི་སྟེང་ཞི་གཏོར་དམར་པོ་ཟླུམ་བརྗིད་ཕྱོགས་བཞིར་པད་འདབ་བཞི་དང་མཚམས་བཞིར་པད་ཤུན་བཞི་ལྡན་ལྟོ་བར་མར་རྒྱན་ལྔ་སྒྲོམ་དང་རྩེར་ཟླ་ཉི་རྡོ་རྗེ་ཕྱེད་པའི་ཏོག་གིས་མཚན་པ་ཤིང་ལོ་མེ་ཏོག་སོགས་རྒྱན་སྤྲས་ཀྱིས་མཛེས་ཤིང་དར་དམར་གྱི་གུར་ཕུབ་པ་འགོད། དེའི་གཡས་ནས་གཡས་སུ་སྨིན་ལུགས་དམ་ཅན་སྤྱིའི་གཏོར་སྤུངས་དང་། ཆད་མདོ། རྩ་བརྒྱད་སྟོང་སྦྱར་གྱི་སྨན་ཐོད། གཡོན་ནས་གཡོན་དུ་སྒེར་སྲུང་གཟའ་བཤོས་ཟུར་གསུམ་གཡས་དཀྱུས་དང་། དེའི་གཡས་སུ་བདུད་བཤོས་ནག་པོ་རྩེ་གུག །གཡོན་དུ་བཙན་བཤོས་དམར་པོ་རྩེ་རིང་། མདུན་དུ་ཀླུ་བཤོས་དཀར་ཟླུམ་སྦྲུལ་དཀྲིས་ཅན། དེ་དག་གི་མཐའ་སྐོར་དུ་མཐེབ་ཀྱུ་གང་མང་གིས་བསྐོར་བ་དང་། བརྟན་མ། སོ་ལྔའི་རྫས་སྦྱར་གྱི་རཀྟ། དེ་མདུན་སྟེགས་བུ་རིམ་པ་གཉིས་པར་གཡས་ནས་འགོ་བརྩམས་པའི་ཆུ་གཉིས་ཉེར་སྤྱོད་ལྔ་ཕྲེང་ཚར་དུ་བཤམ། དེ་མདུན་གཙང་མའི་སྟེགས་བུ་མདའ་གང་ལས་མི་ཆུང་བ་ལ་གཞུང་མཐུན་རས་ [2a] བྲིས་ཀྱི་དཀྱིལ་འཁོར་ཚད་ལྡན་བཀྲམ་པའམ། མ་འབྱོར་མ་མཎྜལ་ལ་འབྲས་དཀར་དྲི་བཟང་གིས་གཤེར་བས་ཚོམ་བུ་ལྷ་གྲངས་གཙོ་འཁོར་ཕྱེད་པར་བཀོད་པའི་དབུས་སུ་འཕྲུལ་སྟེགས་ལ་རིན་པོ་ཆེའི་བུམ་པ་སྐྱོན་མེད་རྒྱུན་འབབས་ཀྱི་ཆུ་གཙང་བླ་མེད་བུམ་རྫས་སོ་ལྔ་དྲི་བཟང་སྦྱར་བས་སུམ་གཉིས་བཀང་བར་དར་སྣ་ལྔའམ་དམར་པོའི་མགུལ་ཆིངས་ཁ་རྒྱན་གཟུངས་རྡོར་གྱིས་བརྒྱན་བ་འགོད། དེའི་མདུན་དུ་སྙིང་པོ་ལྔ་སྦྱར་ཚེ་གལ་མཐུན་སྡེབས་ཀྱི་རྒྱུ་ལས་བསྐྲུན་པའི་ཚེ་འབྲང་བུམ་གཟུགས་ཤིང་ལོ་མེ་ཏོག་གི་རྒྱན་སྤྲོས་ཅན། གཡས་སུ་རྩི་བཞི་དྭངས་མ་ལྔའི་ཕབ་ལྡན་གྱི་ཚེ་རིལ། གཡོན་དུ་བདུད་རྩི་ཨ་མྲྀ་ཏ་མངར་གསུམ་དང་སྦྱར་བའི་ཚེ་ཆང་། རྒྱབ་ཏུ་ཚེ་མདའ་རྒོད་སྒྲོམ་མདེའུ་ལྕགས་ཅན་དར་ཚོན་སྣ་ལྔ་མེ་ལོང་བླ་གཡུ་བྱེ་རུ་མུ་ཏིག་སྤོས་ཤེལ་མུ་མེན་རྣམས་བཏགས་ཤིང་ལྟོངས་ལ་རྨ་བྱའི་མདོངས་སྒྲོས་བརྒྱན་པ་རྒྱ་གྲམ་མམ་པདྨ་བྲིས་འབུར་གང་རུང་གི་གདན་ལ་བརྟན་པར་བཙུག །མཚམས་བཞིར་བང་རིམ་གྲུ་བཞི་རྐྱང་པ་རེའི་སྟེང་པདྨ་འདབ་བརྒྱད་གྱེན་ལངས་ཀྱི་ཟེའུ་འབྲུར་ཤར་ལྷོར་ནས་རིམ་བཞིན་རྡོ་རྗེ་དཀར་པོ་གྱེན་ལང་། གཡུང་དྲུང་སེར་པོ། སྟེང་ཟླ་བ་འོག་ཉི་མའི་གྭའུ་ཁ་སྦྱོར། རྒྱལ་མཚན་ལྗང་གུ་རྣམས་བཀོད། འདི་བཞི་རྒྱུན་གྱི་སྟབས་བདེར་བྲིས་འབུར་གང་རུང་བཀོད་པས་འཐུས། མཐར་བྱང་ཤར་མཚམས་འཛིན་མེ་ཏོག་ནས་བརྩམ་ཆུ་གཉིས་ཉེར་སྤྱོད་ལྔ་གཡས་བསྐོར། ཕྱོགས་མཚམས་སུ་རྒྱལ་མཚན་བཞི་དང་འཕན་བཞི་བཅས་བཀོད་མཛེས་སུ་བསྟར། མདུན་སྟེགས་ཟུར་པར་སྔོན་གཏོར། སྲུང་ [2b] མའི་གཏོར་འབུལ། ཚོགས་ཀྱི་ཡོ་བྱད། སྤོས་དང་རོལ་མོའི་བྱེ་བྲག་སོགས་ཉེ་བར་མཁོ་བའི་རིགས་རྣམས་མ་ཚང་བ་མེད་པར་འདུ་བྱས་ནས། ཆོ་ག་དངོས་ལ། ཐོག་མར་ཚིག་བདུན་གསོལ་འདེབས་ལན་གསུམ་དང་། བླ་མ་སྐུ་གསུམ་གསོལ་འདེབས་མཐར། ཨོཾ་ཨཱཿཧཱུྃ་ཧྲཱིཿ ཆོས་དབྱིངས་མཁའ་ལྟར་ སོགས་གཞུང་གི་བརྒྱུད་འདེབས་མཐར་འཇམ་རོཌརྐ༽ ལ། དེ་ནས་ཟུར་འདེབས་ལྟར། རང་གི་སྙིང་གའི་ཧྲཱིཿལས་སོགས། ས་མཱ་ཛཿར་བསྡུ་རྒྱ། ཐལ་སྦྱར་བཅས་རང་གདངས་སམ་ལྷུག་འདོན་གྱིས་གཞུང་གི ། ན་མོཿ བདག་སོགས་མཁའ་མཉམ་སོགས་སྐྱབས་སེམས་ལན་གསུམ་རེ། ཨོཾ་ཨཱཿཧཱུྃཿ འཆི་མེད་ཚེ་ཡི་ སོགས་ཡན་ལག་བཅུ་པ་ལན་གཅིག་མཐར། ཛཿཧཱུྃ་བཾ་ ཧོཿ ཚོགས་ཞིང་རྣམས་སོགས། རང་ཉིད་སྐད་ཅིག་གིས་སོགས། རྟ་སྔགས་ཉེར་གཅིག་ཙམ་བཟླས་མཐར། ཁྲོ་བོ་སོགས། ཕྲ་རབ་ཏུ་གྱུར། ཨོཾ་ཧྲཱིཿཔདྨ་སོགས། སྔགས་ལན་གཅིག་ལ་སློབ་དཔོན་གྱིས་བདག་གནས་ཡོ་བྱད་ཐམས་ཅད་ལ་བསང་ཆུ་འཐོར། ལས་རྡོར་གྱིས་གྲལ་གཤམ་དུ་སྔོན་གཏོར་བཤམས་པར་སླར་ཡང་ལས་སྔགས་སྐབས་བསང་ཆུ་འཐོར། སྭབྷཱ་ཝ༴ སྟོང་པའི་ངང་ལས་སོགས། ཨོཾ་ཨཱཿཧཱུྃ་ཧོཿ ར་མཁའ་ལྡིང་རྒྱས་རྡོ་དྲིལ་བླངས་ཏེ། སརྦ་བྷུ་ཏར་ འགུགས་རྒྱ། སརྦ་བིགྷྣཱན་ལ་པད་སྐོར་གཅིག་དང་མཛོད་རྒྱ་ཐལ་སྦུབས་སེ་གོལ་བཅས་ལན་གསུམ་མཐར་བསྐུལ་མཚམས་ཀྱིས། ཧྲཱིཿ ང་ནི་དཔལ་ཆེན་སོགས་ཡོ་ག་བཞི་དྲིལ། ཚིག་མཇུག་ལྷུག་ནས་སྔགས་རོལ་འོག །ལས་རྡོར་གྱིས་བགེགས་གཏོར་ཕྱི་རོལ་ཏུ་དོར་ཞིང་གུ་གུལ་ལྡེམ་སྤོས་སུ་བསྲེག །སློབ་ [3b] དཔོན་གྱིས་ཡུངས་ཐུན་འཐོར་ཞིང་རྡོ་རྗེ་གསོར་བསྐོར་ལན་གསུམ་མཐར་རོལ་མོ་དབྱེ། ཧྲཱིཿསྣང་སྲིད་དག་པ་སོགས་ཡོ་སྤྱི་བཞི་དྲིལ། ཚིག་མཇུག་སྔགས་དྲིལ་གསིལ་ནས་རྡོ་དྲིལ་པང་དུ་བཞག །ལག་གཉིས་རྡོ་རྗེའི་ཁུ་ཚུར་དཔུང་མགོར་བསྣོལ་ལ། ཧོཿ ལན་སྐྱེས་ཀུན་ཏུ་བཏགས་ སོགས་ལྷུག ། བྲ་བེ་ཤ་ཡ་ཕཊ་ ལ་ཁུ་ཚུར་ཁ་ཕྱིར་གྲོལ། ཐལ་སྦྱར་བཅས། ཧོཿ འཁྲུལ་པས་མ་བསླད་ སོགས་ལྷུག །ཐལ་སྦྱར་ལྷུག་འདོན་སྦྲེལ་ཏེ། ཧོཿ ཆོས་ཀུན་ཀ་དག་སོགས། སྙིང་གར་རྡོ་རྗེ་རྩེ་གཅིག་པའི་རྒྱ་བཅས། ཧོཿ བཅོམ་ལྡན་ཚེ་ཡི་ སོགས་ལྷུག ། བོ་དྷི་ཙིཏྟ་ཧཱུྃ། ཞེས་བསྐུལ་མཚམས། མཁའ་ཁྱབ་ཞིང་གི་ སོགས་ལྷུག ། བྱིན་ཆེན་འབེབས་པར་གྱུར༔ ཅེས་བསྐུལ་མཚམས། རྡོར་དྲིལ་བླངས་ལ། ཧྲཱིཿབྱིན་རླབས་དངོས་གྲུབ་སོགས་ཡོ་སྤྱི་བཞི་དྲིལ། འདི་སྐབས་ལས་རྡོར་གྱིས་སྦྱར་སྤོས་བཏུལ། ཚིག་མཇུག་ལྷུག་ནས་རོལ་ཌརྐ༽ དེ་ནས་ལས་རྡོར་གྱིས་ནང་མཆོད་དང་སྨན་རཀ་གྱི་ཁེབས་བསལ། བསང་ཆུང་འཐོར་ལ། དྲིལ་བང་གིས། རཾ་ཡཾ་ཁཾ། ཏིང་འཛིན་རང་རྩལ་སོགས་ལྷུག ། ཨ་རྒྷཾ་སོགས་ལ་རྡོ་དྲིལ་དང་པད་སྐོར་སེ་གོལ་མེད་པའི་སོ་སོའི་རང་རྒྱ། ཤཔྡ་ར་རོལཌརྐ༽ ཟུར་འདེབས་ལྟར། སྨན་སྣོད་བྷནྡྷའི་སོགས། ཨོཾ་མཧཱ་སརྦ་པཉྩ་སོགས་སྨན་རཀ་གཏོར་གསུམ་སྔགས་སོ་སོར་ལན་གསུམ་རེ་དང་། བོ་དྷི་ཙིཏྟ་ལན་གཅིག་མཐར་སྨན་རཀ་ཁེབས་སྒྲོན། རྡོ་དྲིལ་བླངས་ཏེ། ཨ༔ འཁོར་འདས་ཆོས་རྣམས་སོགས་ཡོ་སྤྱི་བཞི་དྲིལ། ཚིག་མཇུག་སྔགས་བཅས་ལྷུག་ནས་ [3b] དྲིལ་པང་། དེ་ལྟར་ཡོངས་སུ་སོགས་ལྷུག ། ཀཱ་ཡ་ཝཱ་ཀི་ཙིཏྟར་རྡོ་རྗེ་རྩེ་ལྔའི་རྒྱ་སྤྱི་མགྲིན་སྙིང་གར་འཇོག ། ཐུགས་ཀའི་འོད་ཀྱིས་སོགས་ལྷུག ། ཨོཾ་ཧཱུཾ་ཏྲཱཾ་ཧྲཱི་ཨཱ་ལ་མགོ་བོའི་གནས་ལྔར་རིགས་ལྔའི་རང་རྒྱ་འགོད། བདག་ཉིད་དཀྱིལ་འཁོར་སོགས་ལྷུག ། བྱོན་པར་གྱུར་ཅེས་བསྐུལ་མཚམས་ཀྱིས་རྡོ་དྲིལ་བླངས་ཏེ་རྡོར་གསོར་བཅས། ཧཱུྃ་ཧྲཱིཿ ཡུལ་གྱི་མིང་ནི་སོགས་ཡོ་སྤྱི་བཞི་དྲིལ། ཚིག་འཇུག་ལྷུག་བཅས་དྲིལ་གསིལ་རྡོ་རྗེ་ནང་འདྲེན། སྔགས་རོལ་འོགཌརྐ༽ ཨཱཿ དམ་ཚིག་སྣང་བ་སོགས་ཡོ་སྤྱི་བཞི་དྲིལ་སྦྲེལ་ཏེ། པུ་རུ་ཤ་ཡ་ཧོཿ ཞེས་དྲིལ་གསིལ་མཐར་རྡོ་དྲིལ་སར་བཞག །ལག་གཉིས་ཁུ་ཚུར་བརླ་གཡོན་སྟེང་དུ་བཞག་ལ། ཨོཾ༔ སྣོད་བཅུད་གདོད་ནས་སོགས་སྤྱི་གདངས། གུ་རུ་བཛྲ་སོགས་ཀུན་ལ་སྦྱར་ཏེ། བཛྲ་ལཱ་སྱ་སོགས་ལ་པད་སྐོར་རེ་བཅས་སོ་སོའི་རང་རྒྱ་དང་སེ་གོལ། ཤཔྡར་རོལཌརྐ༽ དེ་ནས་ཐལ་སྦྱར་བཅས། ཨོཾ༔ འདོད་པའི་ཡོན་ཏན་སོགས་སྤྱི་གདངས་དང་ལྷུག་གང་འོས། སྔགས་རྣམས་ལ་པད་སྐོར་རང་རྒྱ་སེ་གོལ། ཤཔྡར་རོལ་བཞི་བརྡེག ། དྷརྨ་དྷཱ་ཏུའི་མཇུག་བསྐུལ་མཚམས་ཀྱིས་རྡོ་དྲིལ་བླངས། སློབ་དཔོན་གྱིས་ནང་མཆོད་དང་ལས་རྡོར་གྱིས་སྨན་ཐོད་བཏེགས་ལ། ཨོཾ༔ རང་བྱུང་གདོད་ནས་སོགས་རང་རྟའམ་སྤྱི་གདངས། སྔགས་ལ་བདུད་རྩི་འཐོར་སྦྲེང་། ཟུར་བྱང་ལྟར། ཚེ་དཔག་མེད་མགོན་སོགས་ཚིག་བཅད་རེ་རེ་བཞིན་གོང་གི་སྔགས་སྦྱར། དེ་ནས་དྲིལ་པང་བསྐུལ་མཚམས་ཀྱིས། དཀྱིལ་འཁོར་ལྷ་ཚོགས་སོགས་ལྷུག ། རྡོ་རྗེའི་ཚེ་ཐོབ་གྱུར༔ ཨོཾ་ཨཱཿཧཱུྃ་ལ་ [4a] ལག་གཡོན་མཐེབ་སྲིན་གྱིས་གནས་གསུམ་དུ་བདུད་རྩིའི་ཐིག་ལེ་འགོད་ཅིང་མྱང་། བསྐུལ་མཚམས་ཀྱིས། ཨཱཿ སྟོང་གསལ་མཐའ་བྲལ་སོགས་སྤྱི་གདངས་བཞི་དྲིལ། ལས་རྡོར་གྱིས་སྔགས་ལ་རཀྟ་སྦྲེང་། ཧཱུྃ༔ ཆོས་དབྱིངས་ཀློང་ཡངས་སོགས་ནས། དྷརྨ་དྷ་ཏུའི་བར་སྤྱི་གདངས་བཞི་དྲིལ་ནར་འདེད། དེ་ནས་དྲིལ་སྟབས་སྔོན་དུ་འགྲོ་བས། ཧྲཱིཿ མི་གཡོ་མཉམ་ཉིད་སོགས་ཡོ་ག་འཁྱོགས་འབེབས་སམ་སྤྱི་གདངས་བཞི་དྲིལ། ཚིག་མཇུག་ལྷུག་ནས་རྡོ་དྲིལ་སར་བཞག ། ཨོཾ་གྲུབ་པར་གྱུར་ཅིག །ཕྱོགས་བཅུའི་ཞིང་ན་སོགས་བརྟན་བཞུགས་གསོལ་འདེབས་དང་། འདི་ནས་ཉི་མ་ལྷོ་ནུབ་མའི་གསོལ་འདེབས་མཐར། སྣང་གྲགས་རིག་གསུམ་སོགས་ཀྱི་ཞོག་ཚོགས་གྲོལ། ༼ཚ་གུང་༽དེ་ནས་ཟུང་འདེབས་ལྟར། ཧཱུྃ་ཧྲཱིཿ ཚེ་དང་ཡེ་ཤེས་སོགས་ཛཔྲ་བསྐུལ་ཟངས་མདོག་དཔལ་རིའི་རྟ། མི་བཏང་ངོ་ཞེས་བསྐུལ་མཚམས་ཀྱིས། རིགས་ཀུན་བདག་པོ་སོགས་ལྷུག་འདོན་ནར་འདེད་ཀྱིས། ཨ་མི་དྷེ་ཝ་བཞི་བརྒྱ། ཨཱཿཧྲཱིཿདྲུག་བརྒྱ། རྩ་བསྙེན་ཆིག་སྟོང་སུམ་བརྒྱ། ལས་སྔགས་བཞི་བརྒྱ་ཙམ། སྣང་སྲིད་འཁོར་འདས་མ་ལུས་ཀུན༔ འོད་ཟེར་སོགས་ནས། རོལ་པར་བལྟ༔ ཧྲཱིཿསུམ་སྦྲེལ་བརྒྱ་རྩ། སླར་ཡང་ཧྲཱིཿཡིག་དེ་དག་སོགས་ནས། དབྱིངས་སུ་འཁྱིལ༔ ཞེས་ཧྲཱིཿབཟླས་གོང་བཞིན། བདག་འཇུག་སྐབས་སུ་འདིར་བུམ་བཟླས་བརྒྱ་རྩ་ཙམ་གྱི་མཐར་འོད་ཞུ་བྱ། རྡོ་དྲིལ་བླངས་ཏེ། ཟུར་འདེབས་ལྟར། [4b] ཧྲྰུྃ་ཧྲཱིཿ རང་སྣང་རྣམ་པར་སོགས་ལྷུག་འདོན་དྲིལ་གསིལ་བཅས་མཐར་རོལ་ ཌརྐ༽། བདག་མདུན་དཀྱིལ་འཁོར་སོགས་ལྷུག །འདི་སྐབས་ལས་རྡོར་གྱིས་མདའ་དར་སློབ་དཔོན་ཕྱག་ཏུ་ཕུལ། ལྡེམ་སྤོས་བཏུལ། ཚེ་མཆོག་ཐོབ་པར་གྱུར་ཅེས་བསྐུལ་མཚམས། ཞྭ་བཅས་སློབ་དཔོན་ནས་མདའ་དར་དང་། ཀུན་གྱིས་གཡས་རྡོར་གསོར་བཅས། ཧྲཱིཿཧྲཱིཿ འགྱུར་མེད་རྡོ་རྗེ་སོགས་ཡོ་སྤྱི་བཞི་དྲིལ། སྔགས་སྐབས་དྲིལ་གསིལ་བཅས་སློབ་དཔོན་ནས་མདའ་དར་གཡབ་ཅིང་བྱིངས་ནས་རྡོ་རྗེ་ནང་འདྲེན། བསྐུལ་མཚམས་ཀྱིས། ཧཱུྃ༔ ཤར་ཕྱོགས་རྡོ་རྗེ་སོགས་ནས་ལྷུག་ནར་འདེད། བསྐུལ་མཚམས་ཀྱིས། ཧྲཱིཿ གཞན་ཡང་རྡོ་རྗེ་ཚེ་ཡི་སོགས་སྤྱི་གདངས། ཚིག་མཇུག་ལྷུག་ནས་རོལ། དྲིལ་པང་གིས། ཨཱཿ མཁའ་ཁྱབ་ཡེ་ཤེས་སོགས་ཁྲུས་གདངས། རཀྵ་ཧཾ་ཞེས་རྡོ་དྲིལ་སར་བཞག །ཐལ་སྦྱར་བཅས། ཨོཾ་འགྲུབ་པར་གྱུར་ཅིག་སོགས་ལྷུག་འདོན་ལན་གསུམ་མཐར། ཨོཾ་སྭསྟི་སདྡྷིརྦྷ་བ་ཏུ། སོགས་བརྟན་བཞུགས་སྨོན་ལམ། སྤྲོས་བྲལ་བདེ་ཆེན་མ་དང་། སྣང་གྲགས་རིག་གསུམ་སོགས་ཀྱིས་ཚ་གུང་གྲོལ། ༼བར་ཆད༽ ལས་རྡོར་གྱིས་གསོལ་གདབ་སྔོན་དུ་འགྲོ་བས། ཚོགས་ལ་ཆུ་ཆང་ནང་གསུམ་བྲན་ཅིང་། རཾ་ཡཾ་ཁཾ༔ བདག་ཉིད་དབང་ཆེན་སོགས་ལྷུག ། ཧ་ཧོ་ཧྲཱིཿ ཞེས་རྡོ་དྲིལ་བླངས་ཏེ། ཧྲཱིཿ ངོ་བོ་ཀ་དག་སོགས་ཡོ་སྤྱི་བཞི་དྲིལ། ཞིག་མཇུག་ལྷུག་ནས་རོལ་ ཌརྐ༽། དྲིལ་བང་གིས། གུ་རུ་ཨཱཿཡུརྫྙཱ་ན་སོགས་པད་སྐོར་སྔོན་འགྲོས་སོ་སོའི་རང་རྒྱ་སེ་གོལ་བཅས་མཐར་རོལ། ཌརྐ༽ ཨོཾ་ཨཱཿཧཱུྃ༔ སྐུ་གསུམ་ [5a] བླ་མ་སོགས་ཡོ་སྤྱི་བཞི་དྲིལ། ཚིག་མཇུག་ལྷུག་ནས་རོལ། ཟུར་བྱང་ལྟར། ཧྲཱིཿ འཆི་མེད་ཚེ་ཡི་གྲོང་ཁྱེར་སོགས་བསྐང་བརྒྱ་པའམ། ཧྲཱིཿ ཚོགས་ཁང་འཆི་མེད་སོགས་བསྐང་བསྡུས་ཡོ་སྤྱི་བཞི་དྲིལ་མཐར་རོལ། ཨཱཿ ཚེ་རབས་བསྐལ་པ་སོགས་ཡོ་སྤྱི་བཞི་དྲིལ། ཚིག་མཇུག་ལྷུག་ནས་ཡིག་བརྒྱར་དྲིལ་གསིལ་མཐར་དྲིལ་པང་། ལས་རྡོར་གྱིས་ཚོགས་ཐ་མ་སློབ་དཔོན་མདུན་དུ་བཀོད་ལ། པདྨ་མཧཱ༴ བདག་ཉིད་དཔལ་ཆེན་སོགས་ལྷུག །རྡོ་དྲིལ་བཅས་ཧཱུྃ་མཛད་རྒྱ། ན་མོ༔ སྐུ་གསུམ་རིག་འཛིན་སོགས་ལྷུག ། ཧུ་ལུ་ཧུ་ལུ་སོགས་རོལ། རྐ༽ ཧྲཱིཿ ཛཿ དཔལ་གྱི་བཀའ་སྡོད་ སོགས་ལྷུག་བཞི་དྲིལ་ནས་སོ་སོའི་རང་རྒྱ་དང་ཚིག་མཇུག་རོལ། ལས་རྡོར་གྱིས་སློབ་དཔོན་ལ་ལས་ཕུར་ཕུལ། ཧྲཱིཿཧྲཱིཿཧྲཱིཿ རང་བྱུང་ལྷུན་གྲུབ་ སོགས་ལྷུག་དྲིལ། མཐར་སྔགས་རོལ་ རྐ༽ འོག་སློབ་དཔོན་གྱིས་བསྒྲལ་ལ། ལས་རྡོར་གྱིས་ནང་མཆོད་བྲན་ཏེ་དཀྱིལ་འཁོར་མདུན་དུ་འབུལ། ཚོགས་གྲངས་གསོག་དགོས་ན་འདིར་བསགས། དེ་ནས་བདག་འཇུག་ལ། ཇི་ལྟར་བལྟམས་པ་སོགས་ཁྲུས་གདངས། སྔགས་ལ་ལས་ཆུ་འཐོར། སུམྦྷ་ནིར་རོལ་འོག་སློབ་དཔོན་གྱིས་ཡུངས་ཐུན་འཐོར་ཞིང་བྱིངས་ནས་རྡོ་རྗེ་གསོར་བསྐོར། ལས་རྡོར་གྱིས་གུ་གུལ་བདུག །དེ་ནས་དྲིལ་བང་གིས། ས་གཞི་སྤོས་ཆུས་སོགས་ལྷུག ། ཀུཀྵུ་བྷནྡྷ་ར་ལག་གཉིས་ཁུ་ཚུར་གུང་མཛུབ་བརྐྱང་པ་མིག་དར་འཆིང་རྒྱ། ཨ་ཁཾ་ཝི་རར་འབྲུ་བཅས་ཐལ་སྦྱར། ཨོཾ༔ དཔལ་ལྡན་པདྨ་ [5b] སོགས་ཁྲུས་གདངས། རྡོ་རྗེ་སློབ་དཔོན་སོགས་ལྷུག ། ཨོཾ༔ འཆི་མེད་མགོན་པོ་སོགས་ལྷུག་བཅས་ལན་གསུམ། སྙིང་གར་ཀུན་རྫོབ་སོགས། བོ་དྷི་ཙིཏྟར་རྡོ་རྗེ་སྙིང་གར་རེག ། བྷྲཱུྃ་པྲ་ཝེ་ཤར་ཁ་ཚུར་བསྣོལ་འགྲོལ། ཨོཾ་ན་མ་སྟེ་སོགས་གནས་གསུམ་ཐལ་སྦྱར་ལན་གསུམ། དམ་བཟུང་སྐབས་རྡོ་རྗེ་མགོ་བོ་དང་སྙིང་གར་བཟུང་བ་དཀྱུས་ལྟར་ལས། འདི་ནི་ཁྱོད་ཀྱི་སོགས་ལ་ནང་མཆོད་མྱང་། ཨོཾ༔ སྣོད་བཅུད་དག་པ་སོགས་ཁྲུས་གདངས། རང་ཉིད་དཔལ་ཆེན་སོགས་ལྷུག །འདི་སྐབས་ལས་རྡོར་གྱིས་ཞྭ་བཅས་འབེབས་རྫས་ལྡེམ་སྤོས་སུ་བསྲེག་ཅིང་། སྔགས་རོལ་འོག་གཡབ་དར་སྣ་ལྔ་གཡབ། ཏིཥྛ་བཛྲ་ལ་རྡོ་རྗེ་མགོ་བོར་རྒྱ་གྲམ་དུ་འཇོག་ཚུལ། ཧོཿ འཆི་མེད་རྒྱལ་བར་མེ་ཏོག་འཐོར། ཏྲཱྃཿ རིན་ཆེན་མཛེས་པ་སོགས། བཛྲ་པུཥྤེ་ར་མེ་ཏོག་སྤྱི་བོར་བཀོད། ཧོཿ ཀུན་ཏུ་སྒྲིབ་མེད་སོགས། ཛྙཱ་ན་ཙཀྵུར་རྡོ་རྗེས་མིག་དབྱེ་ཚུལ། བདེ་གཤེགས་རིགས་འདུས་སོགས། གོང་གི་མེ་ཏོག་འཐོར་པ་ནས་བཟུང་། ཨ་ལ་ལ་ཧོའི་བར་ལྷུག་འདོན། མཎྜལ་ ས་གཞི་སྤོས་ཆུས། ཨོཾ༔ ཁྱབ་དག་ཆེན་པོར་ཁྲུས་གདངས་ལྷུག་འདོན་གང་འོས། རང་ཉིད་དཀྱིལ་འཁོར་སོགས། པདྨ་བཛྲ་པུཥྤེ་སོགས་ལ་པད་སྐོར་རང་རྒྱ་སེ་གོལ་དང་ ཤཔྡར་རོལ། ཐལ་སྦྱར་བཅས། རྡོ་རྗེ་ཅན་གྱིས་སོགས་ལྷུག ། ནམ་མཁར་བཞུགས་པའི་སོགས། དབང་བསྐུར་བར་གྱུར། ཅེས་བསྐུལ་མཚམས། སློབ་དཔོན་གྱིས་རྣམ་བུམ་བཏེགས་ལ། [6a] ཧཱུྃ༔ རྡོ་རྗེའི་རིགས་མཆོག་སོགས་ལྷ་དབང་རྟ། ། ཀ་ལཱ་ཤར་དྲིལ་གསིལ་བཅས་བུམ་པ་སྤྱི་བོར་བཀོད་ཅིང་བུམ་ཆུ་འཐོར། དེ་ལྟར་བུམ་པའི་ཆུས་སོགས་ནས། མངོན་དུ་བྱས་སོ། །བསྐུལ་མཚམས། ནམ་མཁར་བཞུགས་པའི་སོགས། དབང་བསྐུར་བར་གྱུར། ལག་གཉིས་རྡོ་དྲིལ་བཅས་གུང་འཛུབ་གཤིབ་སྟེ་སྒྲེང་བ་ཅོད་པན་འཛིན་ཚུལ་གྱིས། སྭཱ༔ རིན་ཆེན་རིགས་མཆོག་སོགས་སྤྱི་གདངས། རཏྣ་མུ་ཀུ་ཊར་དབུ་རྒྱན་མགོ་བོར་འཆིང་ཚུལ། དེ་ལྟར་དབུ་རྒྱན་སོགས། མངོན་དུ་བྱས་སོ། །བསྐུལ་མཚམས། ནམ་མཁར་བཞུགས་པའི་སོགས། དབང་བསྐུར་བར་གྱུར། ལག་གཡས་རྡོ་རྗེ་གསོར་ཞིང་གཡོན་དྲིལ་པང་གིས། ཨཱཿ པདྨའི་རིགས་མཆོག་སོགས་སྤྱི་གདངས། པདྨ་བཛྲ་ཛྙཱ་ནར་རྡོ་རྗེ་གསོར་བཞིན་བསྐོར་འདྲེན་གྱིས་སྙིང་གར་བཟུང་། དེ་ལྟར་རྡོ་རྗེ་སོགས། བྱས་སོ། །བསྐུལ་མཚམས། ནམ་མཁར་བཞུགས་སོགས་ནས། བསྐུར་བར་གྱུར། བསྐུལ་མཚམས། གཡས་རྡོ་རྗེ་སྙིང་གར་བཟུང་བཞིན་པས་གཡོན་གྱིས་དྲིལ་བུ་འདེགས་ལ། ཧཱ༔ ལས་ཀྱི་རིགས་མཆོག་སོགས་སྤྱི་གདངས། ཀརྨ་རྫྙཱ་ནར་དྲིལ་བུ་གསིལ་མཐར་དཀུར་བསྟེན། དེ་ལྟར་དྲིལ་བུས་སོགས། བྱས་སོ། །ནམ་མཁར་བཞུགས་པའི་སོགས། བསྐུར་བར་གྱུར། བསྐུལ་མཚམས། ལག་གཡས་ཀྱིས་རྡོ་དྲིལ་བསྣོལ་བ་སྨིན་ཕྲག་ཏུ་བཟུང་ལ། ཨོཾ༔ བདེ་གཤེགས་རིགས་མཆོག་སོགས་སྤྱི་གདངས། བུདྡྷ་ཛྙཱ་ན་དང་། ཀྱཻ་དཔལ་སོགས་སྦྲེལ་བའི་ཚིག་མཇུག་བར་དྲིལ་གསིལ། [6b] དེ་ལྟར་མིང་གི་སོགས། མངོན་དུ་བྱས་སོ། །བསྐུལ་མཚམས་ཀྱིས། བདག་ཉིད་རྡོ་རྗེ་སོགས། ཁྱབ་པར་གྱུར། ཐབས་ཀྱི་རྡོ་རྗེ་སོགས་སྤྱི་གདངས་བཞི་དྲིལ། སརྦ་ཏ་ཐཱ་ག་ཏར་པད་སྐོར་སྔོན་འགྲོས་འཁྱུད་རྒྱ། དེ་ལྟར་རྡོ་རྗེ་ཐུགས་སོགས། བསྩལ་བར་གྱུར། དྲིལ་པང་གིས། ཇི་སྲིད་ནམ་མཁའ་སོགས་ལྷུག །དྲིལ་གསིལ་མེད། སླར་ཡང་དེ་ཉིད་སོགས་ནས། དབང་བསྐུར་བར་གྱུར། བསྐུལ་མཚམས། རྡོ་དྲིལ་བཅས་སློབ་དཔོན་གྱིས་རྣམ་བུམ་བཏེགས། བྱིངས་ཀྱིས་རྡོ་རྗེ་གསོར་ལ། ཨོཾ༔ བཀྲ་ཤིས་རྣམ་པར་སོགས་ལྷ་དབང་རྟ། ཀ་ལཱ་ཤར་དྲིལ་གསིལ་བཅས་སློབ་དཔོན་གྱིས་བུམ་ཆུ་མྱང་མཐར་ལས་རྡོར་གྱིས་བཀྱེ། བདུད་རྩིའི་ཆུ་རྒྱུན་སོགས། ཐིམ་པར་གྱུར། སུ་པྲ་ཏིཥྛར་སློབ་དཔོན་གྱིས་འབྲུ་འཐོར། དེ་ལྟར་ཁམས་གསུམ་སོགས། མཆོད་པར་གྱུར། ཨཱ་ཡུརྫྙཱ་ནར་པད་སྐོར་རང་རྒྱ་སེ་གོལ་བཅས་ ཤཔྡར་རོལ། ཌ༽ དེ་ལྟར་ན་སོགས། བྱས་པའོ། །ས་གཞི་སྤོས་ཆུས་དང་། ཨེ་མ་ཧོཿ བདེ་བ་སོགས་ལྷུག ། སློབ་དཔོན་པདྨ་སོགས། བཞག་པར་གྱུར། བསྐུལ་མཚམས། སློབ་དཔོན་གྱིས་རྡོ་རྗེ་བཅས་གསང་ཐོད་འདེགས་ཤིང་། ཨཱཿ འཆི་མེད་རྒྱལ་བའི་སོགས་ལྷ་དབང་རྟ། བོ་དྷི་ཙིཏྟར་སློབ་དཔོན་གྱིས་ལག་གཡོན་དྲིལ་བཅས་མཐེབ་སྲིན་གྱིས་བདུད་རྩི་མྱང་། འདི་ལ་དྲིལ་གསིལ་མེད། བྱང་སེམས་ཡི་གེ་སོགས། བྱས་པའོ། །ཡང་མཎྜལ་དང་། ཨེ་མ་ངོ་མཚར་སོགས་ལྷུག ། རང་ཉིད་བཅོམ་ལྡན་སོགས། བསྐུལ་བར་གྱུར། བསྐུལ་མཚམས། གཡས་རྡོ་རྗེ་སྙིང་གར་བཟུང་བཞིན་གཡོན་ [7a] པས་དྲིལ་བུ་ནུ་ཐད་དུ་བཏེགས་ལ། ཧོཿ ཆོས་རྣམས་མ་ལུས་སོགས་ལྷ་དབང་རྟ། པདྨ་མུ་དྲར་དྲིལ་བུ་དཀུར་བསྟེན། འདི་ལའང་དྲིལ་གསིལ་མེད། ཨེ་མ་བདག་གི་སོགས་ལྷུག ། ཤེས་རབ་མ་དང་སོགས། རྒྱུད་ལ་བརྟན་པར་གྱུར། ཨོཾ་སརྦ་ཏ་ཐཱ་ག་ཏར་ལག་གཉིས་རྡོ་དྲིལ་བཅས་པད་སྐོར་སྔོན་འགྲོས་འཁྱུད་རྒྱ། དེ་ལྟར་ན་ཕྱག་རྒྱ་སོགས། བྱས་པའོ། །ཡང་མཎྜལ་དང་། ཨེ་མ་ཧོཿ ཀུན་ཏུ་བཟང་པོ་སོགས་ལྷུག ། བླ་མ་འཆི་མེད་སོགས། དབུགས་དབྱུང་བར་གྱུར། བསྐུལ་མཚམས། དྲིལ་བང་ངང་ནས། ཨོཾ༔ གདོད་མའི་ཀ་དག་སོགས་ལྷ་དབང་རྟ། དེ་ལྟར་ན་དོན་དམ་སོགས། བྱས་པའོ། །བསྐུལ་མཚམས། གཙོ་བོས་ཇི་ལྟར་སོགས་ལན་གསུམ་ཁྲུས་གདངས་སྦྲེལ་ཏེ། དེང་ནས་བརྩམས་ཏེ་སོགས། ས་གཞི་སྤོས་ཆུས་ལྷུག །འདི་སྐབས་ལས་རྡོར་གྱིས་ཚོགས་འབུལ་ཞིང་ལྷག་གཏོར་བསྡུ། དེ་ནས་དྲིལ་ཆོག་གིས་དམ་ཅན་གཏོར་བསྔོས། གཏེར་སྲུང་། གཏེར་གཞི། བཤགས་པ། ཕྲིན་བཅོལ་བཅས་གྲུབ་ནས། བསམ་ལྷུན་དང་ ལྷོ་ནུབ་རྔ་ཡབ་མ། ཕྱོགས་བཅུ་དུས་བཞི་སོགས་བསྟན་པ་སྤྱི་སྨོན་སོགས་ཀྱིས་བར་ཆ་གྲོལ། ༼དགོངས་ཚོགས་༽དེ་ནས་ སིནྡྷུ་རྒྱ་མཚོ་ཆུང་བ་དང་། སངས་རྒྱས་བསྟན་པ། འཛམ་གླིང་དག་པ། ཆ་གསུམ་བཅས་མཐར། རྩ་གསུམ་ཚེ་ཡི་སོགས་སྤྱི་གདངས། འདི་སྐབས་ལས་རྡོར་གྱིས་ཕྱག་གསུམ་སྔོན་དུ་འགྲོ་བས་ལྷག་ཞུས། བཛྲ་ཨ་མྲྀ་ཏར་སློབ་དཔོན་གྱིས་ལྷག་གཏོར་ལ་བདུད་རྩིའི་ཞལ་ཆབ་སྦྲེང་ལ། [7b] ཧྲཱིཿ ང་ནི་པདྨ་སོགས་སྤྱི་གདངས། བརྡས་བསྐུལ་ན༔ ཞེས་ཚིག་མཇུག་ལྷུག་ནས་རོལ། ཌརྐཤ༽ བྷྱོ༔ རྡོ་རྗེ་གསང་བའི་ སོགས་སྤྱི་གདངས་བཞི་དྲིལ། མཇུག་རོལ ཌརྐ༽ འོག་ལ་ས་རྡོར་གྱིས་མཁའ་ལྡིང་རྒྱས་ལྷག་གཏོར་བླངས་ལ་གོམ་གང་ཕྱིར་འགྲོས་ཀྱིས་ཕྱི་རོལ་ཏུ་བསྐྱལ། དམ་ཅན་སྤྱི་གཏོར་རྗེས་ཆོག་མཐར་དབྱུང་། ཧྲཱིཿཧྲཱིཿ ངང་ཉིད་ཁྱབ་བརྡལ་སོགས་སྤྱི་གདངས་བཞི་དྲིལ་མཇུག་རོལ་འོག་ ཨོཾ་ཨཱཿཧཱུྃ་ལ་ལས་རྡོར་གྱིས་ཆད་མདོར་སྨན་རཀ་བྲན། ཆད་བརྟན་ལག་གཡས་གཡོན་དུ་བཏེགས་ལ། ཧྲཱིཿསྔོན་ཚེ་འོག་མིན་སོགས་སྤྱི་གདངས་བཞི་དྲིལ། ད་དུས་སྙིགས་མ་སོགས་ལ་སློབ་དཔོན་གྱིས་འབྲུ་འཐོར་ཞིང་། གཏོར་མ་ཕྱི་རོལ་དུ་ཁྱེར་ལ་ཁ་ཕྱིར་བསྟན་དུ་འཇོག །ཚིག་མཇུག་རོལ་འོག་འབྲུ་གསུམ་སྐབས་ལས་རྡོར་ནས་སྨན་ཕུད་ཀྱིས་གཏོར་གཞོང་བཤལ་ཆུ་བརྟན་གཏོར་ལ་བྲན་ཏེ་ནང་བསྟན་དུ་འཇོག ། པདྨ་ཀྲོ་དྷ་སོགས་མཐར། བྷྱོ༔ ཤིན་ཏུ་སྟོང་པ་སོགས་སྤྱི་གདངས་བཞི་དྲིལ། མཇུག་གི་རོལ་འོག་ལས་རྡོར་ནས་སློབ་དཔོན་ཕྱག་གི་རྡོ་རྗེ་ཞུས་ཏེ། ཨ་ནྲྀ་ཏྲི་སརྦ་ཤཱ་ཏྲུཾ་བིགྷྣཱ་ན་ཛཿཧཱུྃ་བཾ་ཧོཿཞེས་བརྗོད་ཟིན་བསྟུན་གྲལ་གཤམ་དུ་གཏོར་གཞོང་སྦུབས་པའི་སྟེང་རྡོ་རྗེ་བསྣོལ་བས་རྒྱས་བཏབ། ཧྲཱིཿ རྡོ་རྗེ་རྟ་ཡི་སོགས་སྤྱི་དྲིལ། ཚིག་མཇུག་རོལ་འོག་སྔགས་མཐར་རྡོ་རྗེ་དེ་ཉིད་སློབ་དཔོན་ཕྱག་ཏུ་ཕུལ་ལ་གཏོར་གཞོང་བཟེད་པར་འབྲུ་འཐོར། དྲིལ་བང་གིས་རྩ་སྔགས་ཛཔྲ་དབྱངས་ལན་གསུམ་མཐར། ཨོཾ་ཨཱཿ ཧཱུྃ་ཧྲཱིཿ བདེ་མཆོག་ཀློང་ཡངས་སོགས་ཁྲུས་གདངས་སམ་སྤྱི་གདངས། འདི་སྐབས་ལས་རྡོར་གྱིས་ཚེ་རྟེན་ཚེ་རྫས་རྣམས་བཏེགས་ལ་ཚིག་མཇུག་ [8a] རོལ་རིང་འོག་སློབ་དཔོན་གྱིས་དབང་བཞེས་ཤིང་། ལས་རྡོར་གྱིས་ཚོགས་དམངས་ལ་ཚེ་རྫས་བཀྱེ། དེ་ནས་ཉེར་སྤྱོད་ཁ་གསོས། གུ་རུ་བཛྲ་ལ་པད་སྐོར་སྔོན་འགྲོས་པུཥྤེ་སོགས་རང་རྒྱ་ ཤཔྡར་རོལ། ཌརྐ༽ ཧྲཱིཿ ཆོས་དབྱིངས་འོད་གསལ་སོགས་ལྷུག །ཚིག་མཇུག་དྲིལ་གསིལ། ཨོཾ༔ འཆི་མེད་མགོན་པོ་སོགས་རྡོ་དྲིལ་བཅས་ཐལ་སྦྱར། ཚིག་མཇུག་དྲིལ་གསིལ་བཅས་ཡིག་བརྒྱ་ལན་གསུམ་མཐར་དྲིལ་པང་། ཐལ་སྦྱར་མེ་ཏོག་བཅས། ཕྱོགས་བཅུ་ན་སོགས། སུ་པྲ་ཏིཥྛར་འབྲུ་འཐོར། དྲིལ་གསིལ་མེད། ཨ༔ གདོད་ནས་རྣམ་གྲོལ་སོགས་ལྷུག ། དྷརྨ་དྷ་ཏུ་ཨ༔ ཞེས་བསྐུལ་མཚམས། ཧྲཱིཿ སྐྱེད་མེད་དབྱིངས་ལས་སོགས་ལྷུག ། ཨཏྨ་ཀོ྅ཧཾ༔ བསྐུལ་མཚམས་ཀྱིས། ཨོཾ་ཨཱཿཧཱུྃ༔ འཆི་མེད་ཚེ་ཡི་སོགས་ལན་གསུམ། ཡེ་དྷརྨར་ལས་རྡོར་གྱིས་འབྲུ་བཀྱེ། ཞྭ་བཅས། ཧྲཱིཿསྟོབས་བཅུ་མངའ་བ་སོགས་སྤྱི་དང་བཞི་དྲིལ། མི་མཐུན་འགལ་རྐྱེན་ཞི་ ཌརྐ༽ སོགས་མན་ཚིག་རེ་བཞིན་དྲིལ་གསིལ་དང་འབྲུ་འཐོར། མཐར་བཀྲ་ཤིས་འཁྱིལ་རོལ་ལམ་འཇམ་རོལ་རིང་པོ། དེ་ནས་ མཧཱ་གུ་རུ་དང་། ན་མོ། ཕྱོགས་བཅུའི་བདེ་བར་གཤེགས་པ་སོགས་བསྟན་རྒྱས་སྨོན་ལམ་དང་། བརྟན་བཞུགས་གསོལ་འདེབས་སོགས་ཀྱི་མཐར། དེ་ལྟར་འགྲུབ་པའང་སོགས་ཀྱིས་གྲོལ་ལོ། །དེ་དག་ནི་ཉིན་ཆོག་ལས་བྱང་ཚར་གཅིག་གི་དབང་དུ་བྱས་པ་ཡིན་ལ། ཡང་ཚེ་ཆོག་བརྒྱ་ཚར་སོགས་གྲངས་གསོག་གམ་ཕྱི་ཆོག་ལྟ་བུའི་ཚེ། གོང་གི་ཚེ་འགུགས་རྒྱས་གདབ་ཡན་གྲུབ་པ་དང་། སླར་ཡང་མཆོད་ཁ་གསོས་ཏེ་མཆོད་བརླབ་ནས་བརྩམས་ལས་ [8b] བྱང་ནར་འདེད་དུ་གཏོང་བ་ལས། སྨན་རཀ་གཏོར་བརླབ་ཚིག་བཅད་རྣམས་དང་། སྨན་གྱི་བརྒྱུད་མཆོད་དངོས་གྲུབ་བླང་བཅས་མི་དགོས་ཤིང་། ཚེ་འགུགས་སྐབས་གཙོ་བོའི་ཚེ་བསྐུལ་རྗེས་སུ་འོག་གི ། ཧྲཱིཿ གཞན་ཡང་རྡོ་རྗེ་ཚེ་ཡི་དཀྱིལ་འཁོར་འདིར༔ སོགས་སྦྱར་བས་འཐུས། རྒྱས་གདབ་སྨོན་ལམ་གྱི་མཐའ་བར་གོང་ལྟར་གྲངས་ཇི་ལྟར་འོས་པ་བསྐྱར་བས་འགྲུབ། གྲངས་གསོག་གཙོར་འདོན་སྐབས་བདག་འཇུག་ཀྱང་དོར། སྒྲུབ་ཞག་སྦྲེལ་ན་དངོས་གྲུབ་བླང་བའང་གྲོལ་ཉིན་ལས་མི་དགོས་པ་བཅས་སྐབས་ཕྱེད་ཤེས་པར་བྱའོ། །ཞེས་པའང་དོན་གཉེར་ཅན་དུ་མས་ཡང་དང་ཡང་དུ་རྣ་བའི་བུ་ག་གཙེར་བའི་རྐྱེན་ལས་ཆོ་གའི་ལག་ལེན་ཕྱོགས་མཚོན་ཙམ་དུ་འཇིགས་བྲལ་ཡེ་ཤེས་རྡོ་རྗེ་བྲིས་པ་སིདྡྷི་རསྟུ།། །།