TTDL-ZABTER-06-CHA-016

Previous Text Back to Volume PageNext Text

Wylie title	zab gsang mkha' 'gro'i snying thig las: bde gshegs yongs rdzogs cha lag las: rnga yi dag dran 'khor 'das dbang sdud:
Location	bdud 'joms gling pa zab gter Volume 6, Text 16, Pages 169-173 (Folios 1a1 to 3a6)
Author	བདུད་འཇོམས་གླིང་པ་
Citation	Khrag 'thung Bdud 'joms gling pa. Zab gsang mkha' 'gro'i snying thig las bde gshegs yongs rdzogs cha lag las rnga yi dag dran 'khor 'das dbang sdud. In Sprul pa'i gter chen bdud 'joms gling pa'i zab gter gsang ba'i chos sde, Vol. 6: 169-173. Thimphu, Bhutan: Lama Kuenzang Wangdue, 2004.
Side notes	Recto: rnga yi dag dran   Verso: bdud 'joms bka' brgyad
More details More details
Tertön	བདུད་འཇོམས་གླིང་པ་ (bdud 'joms gling pa)
Genre	Drum Notations for Rituals - rnga tshig
Cycle	བདེ་གཤེགས་ཡོངས་རྫོགས་ (bde gshegs yongs rdzogs)
Parent Cycle	ཟབ་གསང་མཁའ་འགྲོའི་སྙིང་ཐིག་ (zab gsang mkha' 'gro'i snying thig)
Deity	bka' brgyad
Colophon	དེ་ལྟར་རྔ་ཡི་ཚིག་དྲན་རྣམས༔ སློབ་བུ་གྲོལ་མཆོག་དགའ་འཛུམ་ཕྱིར༔ བསྐུལ་བཞིན་བྲིས་པས་དགའ་བར་མཛོད༔ བདུད་འཇོམས་རྡོ་རྗེ་དེ་ཡིས་བྲིས༔ དགེའོ། །དགེའོ། །དགེའོ།།
	de ltar rnga yi tshig dran rnams:_slob bu grol mchog dga' 'dzum phyir:_bskul bzhin bris pas dga' bar mdzod:_bdud 'joms rdo rje de yis bris:_dge'o/_/dge'o/_/dge'o//

Tibetan Text

[edit]

ཐྂ༎༔ ཟབ་གསང་མཁའ་འགྲོའི་སྙིང་ཐིག་ལས༔ བདེ་གཤེགས་ཡོངས་རྫོགས་ཆ་ལག་ལས༔ རྔ་ཡི་དག་དྲན་འཁོར་འདས་དབང་སྡུད་བཞུགས༔ ན་མོ་གུ་རུ༔ སྐྱབས་འགྲོ་ལ༔ དཀོན་མཆོག་གསུམ་ལ་སྐྱབས་སུ་མཆིའོ་ཨ༔ ༈ སེམས་བསྐྱེད་ལ༔ འགྲོ་བའི་དོན་ལ་བརྩོན་པར་བྱའོ་ཨ༔ ༈ བགེགས་འགུགས་ལ༔ བགེགས་ཚོགས་ཁུག་ཛ་གཉིས་བརྩེགས་ཛཿ ༈ བགེགས་བསྐྲད་ལ༔ བར་ཆད་འབྱུང་པོ་མཱ་ར་ཡ་ཕཊ༔ ཕཊ༔ ༈ སྲུང་འཁོར་ལ༔ བཛྲ་རཀྵ་རཀྵ་བྷྲུྃ༔ གཉིས་བརྩེགས་བྷྲུྃ༔ ༈ དེ་ནས་བྱིན་འབེབས་ལ༔ དཀོན་མཆོག་གསུམ་གྱིས་བྱིན་ཆེན་ཕོབ་ཛ༔ ཨ༔ ༈ དེ་ནས་མཆོད་རྫས་བྱིན་བརླབས་ལ༔ ཀུན་བཟང་རྣམ་འཕྲུལ་ཆེན་པོར་གྱུར་ཅིག་ཧཱུྃ༔ ༈ དེ་ནས་ལྷ་བསྐྱེད་ལ༔ སྒོ་གསུམ་རྡོ་རྗེ་གྲོང་འཇུག་བྱ༔ གཉིས་བརྩེགས་ཨ༔ ༈ སྤྱན་འདྲེན་ལ་འུར་ཆེམས་མཐར༔ སྒྲུབ་པའི་ལྷ་རྣམས་སྤྱན་འདྲེན་གཤེགས་ཛ་ཛ༔ ༈ དེ་ནས་བཞུགས་སུ་གསོལ་བ་ལ༔ བསྒོམ་པ་རུ༔ གཉིས་མེད་བཞུགས༔ སྟྭཾ༔ ༈ དེ་ནས་ཕྱག་འཚལ་ལ༔ ལྷག་པའི་ལྷ་རྣམས་གུས་ཕྱག་འཚལ་ལོ༔ ཧོཿ ༈ དེ་ནས་མཆོད་འབུལ་ལ་འུར་ཆེམས་མཐར༔ པཱུ་ཛ་ཧོཿ ཕྱི་ནང་གསང་མཆོད་འབུལ༔ གཉིས་བརྩེགས་ཧོཿ དེ་ནས་བསྟོད་པ་ལ་འུར་ཆེམས་མཐར༔ མངྒ་ལཾཿགདན་གསུམ་ལྷ་ལ་གུས་པས་བསྟོད༔ མཇུག་ཏུ་འུར་ཆེམས་མཐར༔ ཉམས་པ་བཤགས་སོ་དག་པར་སྩོལ་ཞིག་ཨ༔ ༈ དེ་ནས་ཚོགས་བྱིན་རླབས་ལ༔ དང་པོ་འུར་ཆེམས་མཐར༔ རཾ་ཡཾ་ཁཾ༔ ཨོཾ་ཨཱཿཧཱུྃ༔ ཧཱུྃ༔ ༈ དེ་ནས་སྤྱན་འདྲེན་པ་ལ་འུར་ཆེམས་མཐར༔ རྩ་གསུམ་སྲུང་མ་ཚོགས་ལ་བྱོན༔ གཉིས་བརྩེགས་ཛཿ ༈ དེ་ནས་ཚོགས་ཕུད་འབུལ་བ་ལ༔ མ་ཧཱ་ག་ཎ་པཱུ་ཛ་ཁཱ་ཧི༔ ཨ༔ ༈ དེ་ནས་བཤགས་པ་ལ༔ ཉམས་ཆག་བཤགས་སོ་ཨ༔ དེ་ནས་བསྒྲལ་བ་ལ༔ རྩ་གསུམ་དམ་ཅན་རྒྱ་མཚོ་དབྱིངས་ནས་བཞེངས༔ མངོན་སྤྱོད་དྲག་པོའི་ཕྲིན་ལས་མཛོད་ཅིག༔ ས་མ་ཡ༔ དེ་ནས་བསྟབ་པ་ལ་འུར་ཆེམས་དྲག་བརྡུང་མཐར༔ རྩ་གསུམ་སྲུང་མ་ཞལ་ཕྱེས་ཤིག༔ དགྲ་བགེགས་གཟུགས་ཕུང་ཞལ་དུ་བསྟབས༔ ཕཊ༔ ༈ དེ་ནས་བསྐང་བ་ལ་འུར་ཆེམས་མཐར༔ རྩ་གསུམ་དམ་ཅན་བདག་ལ་དགོངས༔ ཉམས་ཆག་བཤགས་སོ་དག་པར་སྩོལ༔ ཨཱཿ ༈ མཇུག་ཏུ་འུར་ཆེམས་མཐར་རྔ་ལེན་ལ༔ ཡང་རྔ་ལྗིབ་པ་རྔ་གདན་ལ་ཆ་དེ་མཐར༔ བཛྲ་ས་ཏྭ་ས་མ་ཡ་ཨ༔ ༈ དེ་ནས་ལྷག་མ་ལ༔ དང་པོ་འུར་ཆེམས་མཐར༔ ལྷག་མགྲོན་ཕོ་མོ་ད་ཚུར་བྱོན༔ གཉིས་བརྩེགས་ཛཿ ༈ མཐར་འུར་ཆེམས༔ ལྷག་སྐྱོང་དམ་ཅན་ལྷག་ལ་རོལ༔ ཕྲིན་ལས་སྒྲུབས་ཤིག་ས་མ་ཡ༔ མ་བྷྱོ་ཛཿས་མ་ཡ༔ ཨ༔ སླར་ཡང་འུར་ཆེམས་མཐར༔ དགེ་ལེགས་དཔལ་ཡོན་དངོས་གྲུབ་སྩོལ༔ ཨཱཿདེ་ནས་བསྐུལ་པ་ལ་འུར་ཆེམས་མཐར༔ དཀོན་མཆོག་རྩ་གསུམ་སྲུང་མ་དབྱིངས་ནས་བཞེངས༔ དྲག་པོ་མངོན་སྤྱོད་ལས་མཛོད་ས་མ་ཡ༔ ཛཿ ༈ དེ་ནས་གཏོར་མ་བཤམས་ཞིང་ཆད་མདོའི་མགོར་འུར་ཆེམས་དྲག་བརྡུང་མཐར༔ ཆད་མདོ་དམ་ཅན་སྲུང་མ་འདིར་གཤེགས་ཤིག༔ ཤ་ཁྲག་དམར་གྱི་གཏོར་མ་འདི་ལ་རོལ༔ ས་མ་ཡ༔ ༈ དེ་ནས་བརྟན་མ་ལ༔ བརྟན་མ་འཁོར་བཅས་འདིར་གཤེགས་ཤིག༔ བཤལ་ཆུའི་གཏོར་མ་འདི་ལ་རོལ༔ ས་མ་ཡ༔ ༈ ཆད་མདོ་དམ་ཅན་སྲུང་མའི་ཚོགས་རྣམས་ཀྱིས༔ དགྲ་བགེགས་གནོད་བྱེད་མ་ཤོར་མྱུར་དུ་སོད༔ མ་ར་ཡ་རྦད་བྷྱོ་ནན༔ ཧཱུྃ་ཧཱུྃ་ཕཊ་ཕཊ༔ དེ་ནས་བྲོ་མནན་མགོར་འུར་ཆེམས་དྲག་བརྡུང་མཐར༔ གནོད་བྱེད་ཁུག་ཨཾ་གུ་ཛ་ནན༔ ༈ མཇུག་ཏུ་འུར་ཆེམས༔ ཨོཾ་ལཾ་ཨཱཿལཾ་ཧཱུྃ་ལཾ་སྭཱ་ལཾ་ཧཱ་ལཾ་སྟྭཱཾ་བྷ་ཡ་ནན༔ མཱ་ར་ཡ་ནན༔ ནན༔ ༈ མཐར་མཆོད་རོལ་ལ༔ མཆོད་དོ་གསོལ་ལོ༔ ཨརྒྷ་པཱདྱཾ་པུཥྤེ་དྷུ་པེ་ཨཱ་ལོ་ཀེ་གནྡྷེ་ནཻ་ཝིདྱ་ཤཔྡ་རྔ་འུར་མཆོད་དོ་གསོལ་ལོ་ཕྱག་འཚལ་བསྟོད་དོ༔ ༈ དེ་ནས་བསྐུལ་བ་ལ༔ འུར་ཆེམས་མཐར༔ ས་མ་ཡ༔ རྩ་གསུམ་དམ་ཅན་རྒྱ་མཚོའི་ཐུགས་དམ་བསྐུལ༔ མངོན་སྤྱོད་དྲག་པོའི་ཕྲིན་ལས་དུས་ལ་བབ༔ བྷྱོ༔ དེ་ནས་མཁྱེན་དཔང་ལ༔ འུར་ཆེམས་མཐར༔ ཡེ་ཤེས་ལྷ་ལ་མཁྱེན་པར་གསོལ༔ རྣལ་འབྱོར་བདག་གི་དཔུང་གཉེན་མཛོད༔ ཛཿགཟུ་དཔང་ལ༔ ལྷ་དང་སྲུང་མ་གཟུ་དང་དཔང་༔ ཞིང་བཅུའི་དགྲ་བོར་བཀའ་ཆད་ཆོད༔ བྷྱོ༔ ༈ དེ་ནས་འགུགས་གཞུག་གི་རྗེས་སུ༔ སོད་ཅིག་སྒྲོལ༔ ལན་གསུམ་གསུམ་རྗེས་སུ་འུར་ཆེམས་མྱུར་བའི་མཐར༔ ཨཾ་ཀུ་ཛཿདེ་སྐད་གསུམ་མམ་བདུན་རེའི་མཚམས་སུ་བྱ༔ ༈ ཐུན་ཟོར་རྣམས་ལའང་འུར་ཆེམས་སྔར་བཞིན་བྱས་མཐར༔ རྦད་སོད་རྦད་བྷྱོ་རྦད་ཡ་ཕཊ༔ གཉིས་བརྩེགས་ནན༔ ༈ ཞལ་བསྟབས་ལ༔ རྩ་གསུམ་སྲུང་མ་ཞལ་ཕྱེས་ཤིག༔ དགྲ་བགེགས་ལྔ་ཕུང་ཞལ་དུ་བསྟབས༔ རོལ༔ ༈ བཟློག་པའི་མགོར༔ རྩ་གསུམ་སྲུང་མ་གཉན་པོའི་སྐུར་བཞེངས་ཤིག༔ མི་མཐུན་ཕྱོགས་རྣམས་བཟློག་པའི་ཕྲིན་ལས་མཛོད༔ ༈ མཇུག་ཏུ་འུར་ཆེམས་མཐར༔ ཧཱུྃ་བྷྱོ་ཛཿམཆོག་གསུམ་སྐུ་གསུམ་བདེན་མཐུ་ནུས་སྟོབས་ཕྱུང་༔ གནོད་བྱེད་དགྲ་བགེགས་རྗེས་ཤུལ་མེད་པར་བཟློག༔ མཱ་ར་ཡ་རྦད་བྷྱོ་བཟློག་ཕཊ༔ ཡང་འུར་ཆེམས་མཐར༔ དུས་གསུམ་ཀུན༔ དགེ་ལེགས་ཤོག༔ དགེ༔ དེ་ལྟར་རྔ་ཡི་བརྡུང་ཚིག་བཞིན༔ དག་པ་དྲན་པ་རེ་མཆིས་ན༔ དེ་ཡང་ཆོ་གའི་ཡན་ལག་ཏུ༔ ཆུད་མི་ཟ་བའི་དགོས་པ་ཡོད༔ དག་དྲན་དེ་ཙམ་མེད་པ་ན༔ བཟླས་བརྗོད་དུས་ཚིགས་བཟའ་བ་ལས༔ བྱིས་པའི་རྩེད་འཇོ་ལྟ་བུའོ༔ མི་ཆེན་ཐང་ལ་ཕེབ་ཆས་ཙམ༔ མཛེས་ཆོས་གཡེང་བའི་གནས་སུ་མངོན༔ དོན་ལ་ཆུ་བཤིགས་མར་དང་འདྲ༔ དེང་དུས་ཡང་དག་དག་དྲན་ནི༔ ཤེས་མཁན་ཨུ་དུམ་ཝ་ར་ཙམ༔ དེ་ཕྱིར་རྒན་བུས་མ་ཎི་བཞིན༔ བསོད་ནམས་ཐབས་སུ་བསྒྱུར་བ་ནི༔ བསམ་པའི་བྱེ་བྲག་ཡིན་པའི་ཕྱིར༔ ཚིག་འདི་རྣམས་ཀྱི་ལེགས་པའི་ལས༔ བསོད་ནམས་ཐབས་སུ་བསྒྱུར་བ་ཡིན༔ དེས་ན་སྒྲ་བཞིན་ཚིག་རེ་བསྒྲགས༔ ༈ ཡང་ན་སྟོད་ཀྱི་ཆ་རྣམས་སུ༔ དཀོན་མཆོག་རྩ་གསུམ་ལྷར༔ ཕྱག་མཆོད་སྐྱབས་རྟེན་བྱ༔ ཨ༔ ༈ སྨད་ལས་རྣམས་ལ༔ མཆོག་གསུམ་རྩ་གསུམ་སྲུང་མའི་ཚོགས་རྣམས་ཀྱིས༔ དགྲ་བགེགས་གནོད་བྱེད་བཀུག་བསྒྲལ་བཟློག་ལས་མཛོད༔ ས་མ་ཡ༔ འདིས་ཀྱང་སྤྲོས་པ་མེད་ལ་ཆོག༔ སྤྲོས་པ་ཅན་ལ་གོང་བཞིན་ནོ༔ ༈ བཀའ་སྲུང་ལའང༔ དཔལ་གྱི་བཀའ་སྡོད་རྣམས༔ བཀའ་དམ་བཞིན་དགོངས་སུ་གསོལ༔ ས་མ་ཡ༔ མཆོད་པ་རྣམས་ལ༔ རྩ་གསུམ་ཆོས་སྐྱོང༔ རྣམས་གསོལ་མཆོད་དོ༔ དེ་ལྟར་རྔ་ཡི་ཚིག་དྲན་རྣམས༔ སློབ་བུ་གྲོལ་མཆོག་དགའ་འཛུམ་ཕྱིར༔ བསྐུལ་བཞིན་བྲིས་པས་དགའ་བར་མཛོད༔ བདུད་འཇོམས་རྡོ་རྗེ་དེ་ཡིས་བྲིས༔ དགེའོ། །དགེའོ། །དགེའོ།། །།