TTDL-ZABTER-08-NYA-037

Previous Text Back to Volume PageNext Text

Wylie title	zab gsang mkha' 'gro'i snying thig las: lha chen gtsug na zla ba'i bla rdo srog gi 'khor lo:
Location	bdud 'joms gling pa zab gter Volume 8, Text 37, Pages 319-321 (Folios 1a1 to 2a3)
Author	བདུད་འཇོམས་གླིང་པ་
Citation	Khrag 'thung Bdud 'joms gling pa. Zab gsang mkha' 'gro'i snying thig las lha chen gtsug na zla ba'i bla rdo srog gi 'khor lo. In Sprul pa'i gter chen bdud 'joms gling pa'i zab gter gsang ba'i chos sde, Vol. 8: 319-321. Thimphu, Bhutan: Lama Kuenzang Wangdue, 2004.
Side notes	Recto: srog 'khor   Verso: bdud 'joms bka' srung tshogs bdag
More details More details
Tertön	བདུད་འཇོམས་གླིང་པ་ (bdud 'joms gling pa)
Genre	Cakra and Amulet Designs - 'khor lo - srung 'khor
Cycle	ཟབ་གསང་མཁའ་འགྲོའི་སྙིང་ཐིག་ (zab gsang mkha' 'gro'i snying thig)
Colophon	ཞེས་པ་འདི་ཡང་ཁྲག་འཐུང་བདུད་འཇོམས་རྡོ་རྗེས་གཏེར་ནས་བཏོན་ཏེ་མི་ལོ་ཉེར་གསུམ་བར་དུ་བཀའ་རྒྱ་བྱས་མཐར་རང་སློབ་དམ་པ་རྣལ་འབྱོར་བསོད་ནམས་བཀྲ་ཤིས་ཀྱིས་བསྐུལ་ངོར་གཏན་ལ་ཕབ་པའི་ཡི་གེ་པ་ནི་བློ་བཟང་རྡོ་རྗེའོ། །དགེའོ། །དགེའོ། །དགེའོ།།
	zhes pa 'di yang khrag 'thung bdud 'joms rdo rjes gter nas bton te mi lo nyer gsum bar du bka' rgya byas mthar rang slob dam pa rnal 'byor bsod nams bkra shis kyis bskul ngor gtan la phab pa'i yi ge pa ni blo bzang rdo rje'o/_/dge'o/_/dge'o/_/dge'o//

Tibetan Text

[edit]

ཐྂ༎༔ ཟབ་གསང་མཁའ་འགྲོའི་སྙིང་ཐིག་ལས༔ ལྷ་ཆེན་གཙུག་ན་ཟླ་བའི་བླ་རྡོ་སྲོག་གི་འཁོར་ལོ་བཞུགས་སོ༔ ན་མོ་གུ་རུ་པདྨ་ཀ་ར་ཡེ༔ (བརྡ་ཡིག་) མ་འོངས་པདྨའི་བརྒྱུད་འཛིན་རྣམས༔ དབུ་འཕང་མཐོ་ཞིང་འབྱོར་ལྡན་ཕྱིར༔ ལྷ་ཆེན་གཙུག་ན་ཟླ་བ་བསྟེན༔ དེ་ལ་བླ་རྡོ་སྲོག་འཁོར་གཅེས༔ དར་རམ་རས་དཀར་ཤོག་གུ་ལ༔ མུ་ཁྱུད་རིམ་པ་དྲུག་ཏུ་བསྐོར༔ དབུས་སུ་ཚོགས་བདག་སྐུ་གཟུགས་ནི༔ གཞུང་གི་བསྐྱེད་ཆོག་ཇི་བཞིན་བྲིས༔ ཐུགས་ཀར་སྲོག་ཡིག་ཧྲཱིཿདམར་བཀོད༔ དེ་ཡི་ཕྱི་རིམ་མུ་ཁྱུད་ལ༔ ཨོཾ་མ་ཧཱ་དཱེ་ཝ་ལོ་ཀི་ཤྭ་ར་ག་ཎ་པ་ཏི་ཧྲཱིཿལྷ་ཆེན་ཚོགས་ཀྱི་བདག་པོའི་བླ་གནས་ཤིང་སྲོག་ཆགས་པར་གྱུར་ཅིག༔ དེ་ཡི་ཕྱི་རིམ་པདྨ་འདབ་བརྒྱད་ལ༔ ཧྲཱིཿཡིག་བརྒྱད་བྲིས་ཕྱི་རིམ་རྩིབས་བརྒྱད་ལ༔ ཨཱཿཡིག་བརྒྱད་བྲིས་རྩིབས་མཆན་རྣམས་སུ་ཡང་༔ ཨཱཿཔཱ་ཤཾ་སིདྡྷི་ཧཱུྃ༔ ཡཿཔཱ་ཤཾ་སིདྡྷི་ཧཱུྃ༔ མཿཔཱ་ཤཾ་སིདྡྷི་ཧཱུྃ༔ དུཿཔཱ་ཤཾ་སིདྡྷི་ཧཱུྃཿརུཿཔཱ་ཤཾ་སིདྡྷི་ཧཱུྃ༔ ཙཿཔཱ་ཤཾ་སིདྡྷི་ཧཱུྃ༔ ཤཿཔཱ་ཤཾ་སིདྡྷི་ཧཱུྃཿནཿཔཱ་ཤཾ་སིདྡྷི་ཧཱུྃཿདེ་ཡི་ཕྱི་རིམ་མུ་ཁྱུད་ལ༔ ནོར་སྒྲུབ་སྔགས་བྲིས་ཕྱི་རིམ་མུ་ཁྱུད་ལ༔ ཨ་ལི་ཀ་ལི་རྟེན་སྙིང་བྲིས༔ ཕྱོགས་སུ་ལྕགས་ཀྱུ་བཞི་དང་ཞགས་པ་བཞི༔ དེ་ལ་བཟང་པོ་དྲུག་བྱུག་ཕོ་འཁོར་རོ༔ ས་མ་ཡ༔ ༈མོ་འཁོར་ཨུ་མ་ལ་ཡང་མུ་ཁྱུད་དྲུག༔ ལྟེ་བའི་ཁྱོན་ནི་ཡབ་འཁོར་དང་མཉམ་གནད༔ ལྟེ་བར་ཨུ་མ་དཱེ་ཝིའི་གཟུགས་བྲིས་ལ༔ ཐུགས་ཀར་ཧྲཱིཿཡིག་དམར་པོ་གཅིག་བྲིས་ཏེ༔ མུ་ཁྱུད་དང་པོར༔ ཨོཾ་མ་མ་ཨུ་མ་དཱེ་ཝི་ཧྲཱིང་ཿལྷ་མོ་ཨུ་མ་དཱེ་ཝིའི་བླ་གནས་ཤིང་སྲོག་བརྟན་པར་གྱུར་ཅིག༔ ཅེས་བྲིས༔ དེ་མཐར་པདྨ་འདབ་བརྒྱད་ལ༔ ཤར་པད་ཛཿདང་ལྷོ་རུ་ཧཱུྃ༔ ནུབ་འདབ་བཾཿདང་བྱང་དུ་ཧོཿ མཚམས་བཞིར་རིམ་བཞིན༔ ཤཱིནྟཾ༔ པུཥྚིཾ༔ ཝཱ་ཤཾ༔ མཱ་ར་ཡ༔ ཞེས་བྲིས་དེ་མཐར་འཁོར་ལོ་རྩིབས་བརྒྱད་ལ༔ ཧྲཱིངཿཡིག་བརྒྱད་བྲིས་རྩིབས་མཆན་བརྒྱད་ལའང་༔ ཨོཾ་ནྲྀཿཨ་ཀཪྵ་ཡ་ཛཿཅེས་དང༔ མི་སྙིང་སྒུལ་སྒུལ༔ མི་ལག་སྒུལ་སྒུལ༔ མི་འགྲམ་ཆོག་ཆོག༔ སརྦ་རཏྣ་པཱ་ཤཾ་ཀུ་རུ་ཧཱུྃ༔ མ་མ་ཁ་ཤི་སིདྡྷི༔ མ་མ་ཁ་དྷེ་སིདྡྷི༔ འདུས་འདུས་པཱ་ཤཾ་ཀུ་རུ་ཡེ་སྭཱ་ཧཱ༔ མ་མ་ཨུ་མ་དཱེ་ཝི་ཧྲིང་༔ མི་མཐུན་ཕྱོགས་ངན་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ༔ དཔལ་འབྱོར་ལོངས་སྤྱོད་ཐམས་ཅད་པུཥྚིཾ་ཀུ་རུ་ཡེ་སྭཱ་ཧཱ༔ སྣང་ཞིང་སྲིད་པ་ཐམས་ཅད་པཱ་ཤཾ་ཀུ་རུ་ཡེ་སྭཱ་ཧཱ༔ གནོད་བྱེད་དགྲ་བགེགས་ཐམས་ཅད་མཱ་ར་ཡ་ཕཊ༔ ཅེས་བྲིས་དེ་མཐར་མུ་ཁྱུད་ལ༔ ཨ་ལི་ཀ་ལི་རྟེན་འབྲེལ་སྙིང་པོ་བྲིས༔ དེ་མཐར་ནོར་བུ་བཞི་དང་པདྨ་བཞི༔ བྲིས་ལ་རིན་ཆེན་ཕྱེ་མ་མཚལ་ལི་ཁྲི༔ ཙནྡན་དཀར་དམར་ཅུ་གང་སིནྡྷུ་ར༔ བྱུགས་ནས་ཡབ་ཡུམ་ཞལ་གསང་སྦྱོར་བྱས་ནས༔ ལྟེ་བ་མི་བཅག་ཙནྡན་དཀར་དམར་གྱི༔ ཕུར་པ་དར་སྐུད་ལྔས་དྲིལ་དབུས་སུ་བཞུགས༔ སྒྲུབ་པའི་རྟེན་དུ་བཙུག་ནས་ལྷར་གསལ་བསྒྲུབ༔ རྟག་ཏུ་ལྷ་ཆེན་ཡབ་ཡུམ་མངོན་སུམ་བསྒོམ༔ སྔགས་བཟླས་གསོལ་མཆོད་ལ་བརྩོན་ངེས་པར་འགྲུབ༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ ཟབ་རྒྱ༔ གསང་རྒྱ༔ བརྡ་ཐིམ༔ ཞེས་པ་འདི་ཡང་ཁྲག་འཐུང་བདུད་འཇོམས་རྡོ་རྗེས་གཏེར་ནས་བཏོན་ཏེ་མི་ལོ་ཉེར་གསུམ་བར་དུ་བཀའ་རྒྱ་བྱས་མཐར་རང་སློབ་དམ་པ་རྣལ་འབྱོར་བསོད་ནམས་བཀྲ་ཤིས་ཀྱིས་བསྐུལ་ངོར་གཏན་ལ་ཕབ་པའི་ཡི་གེ་པ་ནི་བློ་བཟང་རྡོ་རྗེའོ། །དགེའོ། །དགེའོ། །དགེའོ།། །།