TTDL-ZABTER-15-BA-115

Previous Text Back to Volume PageNext Text

Wylie title	rdza rgyal dpa' bo'i gsol mchod:
Location	bdud 'joms gling pa zab gter Volume 15, Text 115, Pages 475 (Folios 1a1 to 1a6)
Author	བདུད་འཇོམས་གླིང་པ་
Citation	Khrag 'thung Bdud 'joms gling pa. Rdza rgyal dpa' bo'i gsol mchod. In Sprul pa'i gter chen bdud 'joms gling pa'i zab gter gsang ba'i chos sde, Vol. 15: 475. Thimphu, Bhutan: Lama Kuenzang Wangdue, 2004.
Side notes	Recto: gsol mchod rdza rgyal
More details More details
Tertön	བདུད་འཇོམས་གླིང་པ་ (bdud 'joms gling pa)
Genre	Protector Rituals - gsol mchod
Cycle	དག་སྣང་ཡེ་ཤེས་དྲྭ་བ་ (dag snang ye shes drwa ba)
Deity	Rdza rgyal rdo rje 'phan phyug
Colophon	ཞེས་པ་འདི་ཡང་དགེ་ལོའི་ངོར་རྒན་པོ་བདུད་འཇོམས་རྡོ་རྗེས་དག་སྣང་ཡེ་ཤེས་དྲྭ་བ་ལས་བསྒྱུར་བའོ། །དགེའོ། །།
	zhes pa 'di yang dge lo'i ngor rgan po bdud 'joms rdo rjes dag snang ye shes drwa ba las bsgyur ba'o/_/dge'o/

Tibetan Text

[edit]

༁ྃ༔ རྫ་རྒྱལ་དཔའ་བོའི་གསོལ་མཆོད་བཞུགས༔ ན་མོ་གུ་རུ་པདྨ་ཀ་ར་ཡེ༔ ༁ྃ༔ དངོས་སུ་འབྱོར་བའི་མཆོད་པ་ལ༔ ཡིད་ཀྱིས་ནམ་མཁའ་མཛོད་དུ་སྤེལ༔ ཨ་ཀཱ་རོ་ཡི་སྔགས་བརྗོད་ཅིང་༔ རང་ཉིད་ལྷག་པའི་ལྷར་བསྒོམ་སྟེ༔ སྤྱན་འདྲེན་པ་ནི༔ ཧོཿ རྫ་རྒྱལ་རྡོ་རྗེ་འཕན་ཕྱུག་ཡབ་ཡུམ་འབངས་དང་བཅས་པ་དམ་ཚིག་གཉན་གྱིས་འབོད་དོ༔ མ་ཐོགས་སྐད་ཅིག་ཉིད་ལ་འདིར་གཤེགས་ཤིག༔ བྱོན་ཅིག་བཛྲ་ས་མ་ཡ་ཛ་ཛ༔ ལན་གསུམ་མཐར༔ ཧཱུྃ་ཛ༔ རིག་འཛིན་བླ་མའི་ཐ་ཚིག་ཅན༔ རྫ་རྒྱལ་མི་ཕམ་དཔའ་བོ་ཁྱོད༔ སྤྲུལ་འཁོར་བཀའ་སྡོད་བཅས་པ་ཀུན༔ འདིར་གཤེགས་བྱམས་བརྩེས་བདག་གྲོགས་མཛོད༔ དངོས་འབྱོར་ཡིད་ཀྱི་རྣམ་སྤྲུལ་པའི༔ འདོད་ཡོན་མི་ཟད་གཏེར་ཆེན་གྱིས༔ གསོལ་ལོ་མཆོད་དོ་དགྱེས་དགོངས་འཚལ༔ ནད་གདོན་བར་ཆད་ཞི་བ་དང་༔ འདོད་རྒུའི་ལོངས་སྤྱོད་འཕེལ་རྒྱས་མཛོད༔ མི་ནོར་ལོངས་སྤྱོད་དབང་དུ་བསྡུས༔ དགྲ་བགེགས་གདུག་པ་ཚར་ཆོད་ཅིག༔ དམ་ལ་མ་འདའ་ས་མ་ཡ༔ ཞེས་པ་འདི་ཡང་དགེ་ལོའི་ངོར་རྒན་པོ་བདུད་འཇོམས་རྡོ་རྗེས་དག་སྣང་ཡེ་ཤེས་དྲྭ་བ་ལས་བསྒྱུར་བའོ། །དགེའོ། །།