TTDL-ZABTER-05-CA-045

Previous Text Back to Volume PageNext Text

Wylie title	zab gsang mkha' 'gro'i snying thig las: ma mo smug nag 'od 'phro'i nang sgrub dgos 'dod kun 'byung las: gsol mchod sprin phung:
Location	bdud 'joms gling pa zab gter Volume 5, Text 45, Pages 435-436 (Folios 1a1 to 1b4)
Author	བདུད་འཇོམས་གླིང་པ་
Citation	Khrag 'thung Bdud 'joms gling pa. Zab gsang mkha' 'gro'i snying thig las ma mo smug nag 'od 'phro'i nang sgrub dgos 'dod kun 'byung las gsol mchod sprin phung. In Sprul pa'i gter chen bdud 'joms gling pa'i zab gter gsang ba'i chos sde, Vol. 5: 435-436. Thimphu, Bhutan: Lama Kuenzang Wangdue, 2004.
Side notes	Recto: gsol mchod   Verso: bdud 'joms phur pa ma mo smug nag
More details More details
Tertön	བདུད་འཇོམས་གླིང་པ་ (bdud 'joms gling pa)
Genre	Protector Rituals - gsol mchod
Cycle	ཐུགས་སྒྲུབ་གསང་བའི་རྒྱ་ཅན་ (thugs sgrub gsang ba rgya can)
Parent Cycle	ཟབ་གསང་མཁའ་འགྲོའི་སྙིང་ཐིག་ (zab gsang mkha' 'gro'i snying thig)
Deity	ma mo smug nag
Colophon	ཅེས་བཱིདྱ་བི་ན་བཛྲ་གྱི་ཡང་སྲིད་རིག་འཛིན་བདུད་འཇོམས་རྡོ་རྗེས་གླང་ཆེན་གཙུག་འདྲའི་རི་ནས་གསང་གཏེར་བཏོན་པའོ། །ཡི་གེ་པ་ནི་ཕུན་ཚོགས་བཀྲ་ཤིས་སོ།
	ces bId+ya bi na badz+ra gyi yang srid rig 'dzin bdud 'joms rdo rjes glang chen gtsug 'dra'i ri nas gsang gter bton pa'o/_/yi ge pa ni phun tshogs bkra shis so/

Tibetan Text

[edit]

ཐྂ༎༔ ཟབ་གསང་མཁའ་འགྲོའི་སྙིང་ཐིག་ལས༔ མ་མོ་སྨུག་ནག་འོད་འཕྲོའི་ནང་སྒྲུབ་དགོས་འདོད་ཀུན་འབྱུང་ལས༔ གསོལ་མཆོད་སྤྲིན་ཕུང་བཞུགས༔ ཐྂ༎༔ ན་མོ་གུ་རུ་བཛྲ་ཀུ་མཱ་རེ༔ (བརྡ་ཡིག་) བདག་འདྲ་པདྨ་ཐོད་ཕྲེང་ངས༔ མ་འོངས་ལྔ་བརྒྱའི་སྙིགས་མའི་དུས༔ བསྒྲུབ་འདོད་བརྩོན་འགྲུས་ཆུང་བ་ཡི༔ ངལ་ཞིང་གཡེང་དུབ་ཅན་གྱི་དོན༔ མ་མོ་མཁའ་འགྲོའི་གསོལ་བསྡུས་བསྟན༔ འདི་ཡི་ལག་ལེན་རིམ་པ་ནི༔ གསེར་སྐྱེམས་གཏོར་མ་ཟས་ཚོགས་བཤམས༔ ས་མ་ཡ༔ (བརྡ་ཡིག་) རང་ཉིད་དཔལ་ཆེན་ཁྲོ་རྒྱལ་གསལ༔ ཧོཿ འཁོར་འདས་རབ་འབྱམས་རྒྱ་མཚོ་ན༔ བཞུགས་པའི་མ་མོ་མཁའ་འགྲོའི་ཚོགས༔ སྨུག་ནག་རང་བྱུང་གིང་ཕོ་མོ༔ ཕུར་སྲུང་རྒྱ་མཚོ་འཁོར་དང་བཅས༔ ཛཿཧཱུྃ་་བཾ་ ཧོཿ གཤེགས་སུ་གསོལ༔ པདྨའི་རྣལ་འབྱོར་བདག་ཉིད་ཀྱིས༔ དུར་ཁྲོད་གསང་ཆེན་དཀྱིལ་འཁོར་འདིར༔ ཕྱི་ནང་གསང་བའི་མཆོད་རྫས་རྣམས༔ དངོས་འབྱོར་ཡིད་སྤྲུལ་སྔགས་ཀྱིས་སྤེལ༔ མ་མོ་མཁའ་འགྲོ་ཐམས་ཅད་ལ༔ དད་པའི་ཡིད་ཀྱིས་འབུལ་བར་བགྱི༔ ཨེ་ཀ་ཙ་ཏི་གསོལ་ཞིང་མཆོད༔ ཙ་ཏི་མཆེད་བཞི་གསོལ་ཞིང་མཆོད༔ རང་བྱུང་རྒྱལ་མོ་གསོལ་ཞིང་མཆོད༔ རེ་ཏཱི་མཆེད་བཞི་གསོལ་ཞིང་མཆོད༔ ཕྱི་ཡི་མ་མོ་གསོལ་ཞིང་མཆོད༔ ནང་གི་མ་མོ་གསོལ༴ གསང་བའི་མ་མོ་གསོལ༴ ཡང་གསང་མ་མོ་གསོལ༴ ཡེ་ཤེས་མ་མོ་གསོལ༴ འཇིག་རྟེན་མ་མོ༴ མཁའ་འགྲོ་ཤ་ཟ་ཤུགས་འགྲོ་དང་༔ དམ་ཚིག་ལེགས་ཉེས་སྟངས་འཛིན་པའི༔ མ་མོ་མཁའ་འགྲོ་ཐམས་ཅད་དང་༔ ཕུར་སྲུང་དམ་ཅན་རྒྱ་མཚོ་ལ༔ གསོལ་ལོ་མཆོད་དོ་ཐུགས་དམ་བསྐང་༔ བཅོལ་བའི་ཕྲིན་ལས་གྲུབ་པར་མཛོད༔ ས་མ་ཡ༔ ལྔ་བརྒྱ་སྙིགས་མའི་དུས་ཀྱི་ཚེ༔ བསྟན་སྲུང་ཀུན་ལས་ཁྱད་པར་འཕགས༔ མ་མོ་མཁའ་འགྲོ་བསྒྲུབ་པ་ན༔ ཕྱི་ནང་བར་ཆད་ཀུན་ཞི་ནས༔ བདེ་སྟོང་རྒྱ་མཚོའི་བཅུད་ལ་སྤྱོད༔ དོན་གཉིས་ལྷུན་གྲུབ་མཐུ་ཡི་དངོས་གྲུབ་ཐོབ༔ རྟག་ཏུ་མ་ཡེངས་མ་མོ་སྒྲུབ་ལ་བརྩོན༔ ས་མ་ཡ༔ རྒྱ་རྒྱ་རྒྱ༔ མ་འོངས་ལས་ཅན་བུ་དང་འཕྲད་པར་ཤོག༔ ཅེས་བཱིདྱ་བི་ན་བཛྲ་གྱི་ཡང་སྲིད་རིག་འཛིན་བདུད་འཇོམས་རྡོ་རྗེས་གླང་ཆེན་གཙུག་འདྲའི་རི་ནས་གསང་གཏེར་བཏོན་པའོ། །ཡི་གེ་པ་ནི་ཕུན་ཚོགས་བཀྲ་ཤིས་སོ།།