TTDL-ZABTER-15-BA-007

Previous Text Back to Volume PageNext Text

Wylie title	dag snang ye shes drwa ba las: gu ru rtsa ba gsum gyi bla rdo bri thabs dngos grub char 'bebs:
Location	bdud 'joms gling pa zab gter Volume 15, Text 7, Pages 21-23 (Folios 1a1 to 2a3)
Author	བདུད་འཇོམས་གླིང་པ་
Citation	Khrag 'thung Bdud 'joms gling pa. Dag snang ye shes drwa ba las gu ru rtsa ba gsum gyi bla rdo bri thabs dngos grub char 'bebs. In Sprul pa'i gter chen bdud 'joms gling pa'i zab gter gsang ba'i chos sde, Vol. 15: 21-23. Thimphu, Bhutan: Lama Kuenzang Wangdue, 2004.
Side notes	Recto: srog 'khor   Verso: bdud 'joms rtsa gsum bla rdo
More details More details
Tertön	བདུད་འཇོམས་གླིང་པ་ (bdud 'joms gling pa)
Genre	Cakra and Amulet Designs - 'khor lo - srung 'khor
Cycle	དག་སྣང་ཡེ་ཤེས་དྲྭ་བ་ (dag snang ye shes drwa ba)
Colophon	ཞེས་པ་འདི་ཉིད་སློབ་བུ་ཀློང་ཆེན་གྱིས་ནན་དུ་བསྐུལ་ངོར་བདུད་འཇོམས་རྡོ་རྗེས་དག་སྣང་ཡེ་ཤེས་དྲྭ་བ་ལས་བསྒྱུར་བའོ། །དགེའོ། །དགེའོ། །དགེའོ། །སརྦ་མངྒལཾ།
	zhes pa 'di nyid slob bu klong chen gyis nan du bskul ngor bdud 'joms rdo rjes dag snang ye shes drwa ba las bsgyur ba'o/_/dge'o/_/dge'o/_/dge'o/_/sarba mang+galaM/

Tibetan Text

[edit]

༁ྃ༔ དག་སྣང་ཡེ་ཤེས་དྲྭ་བ་ལས༔ གུ་རུ་རྩ་བ་གསུམ་གྱི་བླ་རྡོ་བྲི་ཐབས་དངོས་གྲུབ་ཆར་འབེབས་བཞུགས༔ ན་མོ་གུ་རུ་པདྨ་ཀ་ར་ཡེ༔ ལས་སྐལ་ལྡན་པའི་གང་ཟག་གིས༔ རྩ་གསུམ་སྲུང་མ་སྒྲུབ་པའི་རྟེན༔ བླ་རྡོ་དངོས་གྲུབ་ཆར་འབེབས་བསྟན༔ མཐིང་ཤོག་གམ་ནི་སྨན་ཤོག་ལ༔ མུ་ཁྱུད་རིམ་པ་བརྒྱད་དུ་བསྐོར༔ ལྟེ་བར་བླ་མའི་སྣང་བརྙན་བྲི༔ མུ་ཁྱུད་དང་པོར་སྔགས་མགོ་མདུན༔ གཡས་བཀོད་ཚུལ་དུ་འདི་ལྟར་བྲི༔ ཧཱུྃ་བཛྲ་ཙིཏྟ་ཨཱཿཨོཾ་ཨ་མི་དྷེ་ཝ་ཨ་ཡུརྫྙཱ་ན་མ་ཧཱ་པུནྱེ་སརྦ་སིདྡྷི་ཧཱུྃ༔ ཨོཾ་ཨཱཿཧཱུྃ་མ་ཧཱ་གུ་རུ་སརྦ་སིདྡྷི་ཧཱུྃ༔ ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ༔ འཕོ་མེད་ཕྱག་རྒྱ་ཆེན་པོའི་མཆོག་གི་དངོས་གྲུབ་ཚེ་འདི་ཉིད་ལ་སྩོལ་བར་མཛད་དུ་གསོལ༔ སརྦ་པྲཛྙཱ་ཛྙཱ་ན་སིདྡྷི་ཕ་ལ་ཧཱུྃ༔ དེའི་ཕྱི་མུ་ཁྱུད་གཉིས་པ་ལ༔ ཡི་དམ་བསྙེན་པ་ཅི་རིགས་དང་༔ དེ་བཞིན་རིགས་གསུམ་སྙིང་པོ་བཀོད༔ དེ་མཐར་སྤྱི་དྲིལ་སྔགས་འདི་བྲི༔ ཨོཾ་ཨཱཿཧཱུྃ་བཛྲ་གུ་རུ་དྷེ་ཝ་ཌཱ་ཀི་ནཱི་སརྦ་སིདྡྷི་ཕ་ལ་ཧཱུྃ༔ འདོད་གསོལ་གོང་ལྟར་བྲི་བར་བྱ༔ དེའི་ཕྱི་མུ་ཁྱུད་གསུམ་པ་ལ༔ ཨོཾ་སརྦ་དྷརྨ་ཌཱ་ཀི་ནཱི་སརྦ་སཾ་བྷོ་ཌཱ་ཀི་ནཱི་སརྦ་ནིརྨ་ཌཱ་ཀི་ནཱི་སིདྡྷི་ཕ་ལ་ཧཱུྃ༔ ཨོཾ་བཛྲ་ཀྲོ་ཏི་ཀ་ལི་བཾ་ཧ་རི་ནི་ས་ཧཱུྃ་ཕཊ༔ གོང་བཞིན་འདོད་གསོལ་དང་བཅས་བཀོད༔ དེའི་ཕྱི་མུ་ཁྱུད་བཞི་པ་ལ༔ འཁོར་ལོ་རྩིབས་བརྒྱད་རྩིབས་རྩེ་ཧཱུྃ༔ རྩིབས་མཆན་བརྒྱད་ལ་ཕྱོགས་བཞི་རུ༔ ཤར་དུ༔ ཨོཾ་བཛྲ་རཀྵ་ཀུ་རུ་ཡེ་སྭཱ་ཧཱ༔ ལྷོ་རུ༔ ཨོཾ་རཏྣ་རཀྵ་ཀུ་རུ་ཡེ་སྭཱ་ཧཱ༔ ནུབ་ཏུ༔ ཨོཾ་པདྨ་རཀྵ་ཀུ་རུ་ཡེ་སྭཱ་ཧཱ༔ བྱང་དུ༔ ཨོཾ་ཀརྨ་རཀྵ་་ཀུ་རུ་ཡེ་སྭཱ་ཧཱ༔ མཚམས་བཞིར༔ རུ་ལུ་རུ་ལུ་རཀྵ་རཀྵ་ཀུ་རུ་ཡེ་སྭཱ་ཧཱ༔ དེའི་ཕྱི་མུ་ཁྱུད་ལྔ་པ་ལ༔ བཀའ་སྲུང་རྣམས་ཀྱི་འབོད་སྔགས་བཀོད༔ དེ་རྗེས་སྤྱི་དྲིལ་སྔགས་འདི་ནི༔ སརྦ་དྷརྨ་པཱ་ལ་སརྦ་ཀྵེ་ཊ་པཱ་ལ་སརྦ་ལོ་ཀ་པཱ་ལ་སརྦ་ས་མ་ཡ༔ ཆེ་གེ་མོའི་ནད་གདོན་འགལ་རྐྱེན་བར་ཆད་ཆག་ཆེ་ཉམ་ང་ལོ་ཀེག་ཟླ་གཤེད་མི་མཐུན་པའི་ཕྱོགས་ངན་པ་ཐམས་ཅད་ཞི་བའི་ཕྲིན་ལས་མཛད་དུ་གསོལ༔ ཤཱནྟི་ཀུ་རུ་ཡེ་སྭཱ་ཧཱ༔ ཚེ་བསོད་དཔལ་འབྱོར་མངའ་ཐང་ཡེ་ཤེས་ཡོན་ཏན་རླུང་རྟ་བླ་གཟའ་སྙན་གྲགས་ཐམས་ཅད་རྒྱས་པའི་ཕྲིན་ལས་དམ་པ་མཛད་དུ་གསོལ༔ པུཥྚི་ཀུ་རུ་ཡེ་སྭཱ་ཧཱ༔ ཁམས་གསུམ་གྱི་སྐྱེ་འགྲོ་ཕོ་མོ་གང་ཟག་ཆེ་བཙན་མཁས་བཙུན་བུ་སློབ་ཐམས་ཅན་དབང་དུ་སྡུད་པའི་ཕྲིན་ལས་དམ་པ་མཛད་དུ་གསོལ༔ ཝཱ་ཤཾ་ཀུ་རུ་ཡེ་སྭཱ་ཧཱ༔ ཟས་ནོར་ལོངས་སྤྱོད་འདོད་རྒུ་ཡིད་བཞིན་གྱི་བྱེ་བྲག་ཐམས་ཅད་དབང་དུ་འདུ་བར་མཛད་དུ་གསོལ༔ བར་ཆད་དམ་སྲི་བདུད་བགེགས་རྒྱལ་བསེན་གཟུགས་ཅན་གཟུགས་མེད་དགྲ་གདོན་བགེགས་ཚོགས་ཐམས་ཅད་རྗེས་མེད་ཤུལ་མེད་ལྷག་མེད་དུ་བརླག་པའི་ཕྲིན་ལས་མཛད་དུ་གསོལ༔ མཱ་ར་ཡ་ཕཊ༔ དེའི་ཕྱིར་མུ་ཁྱུད་དྲུག་པ་ལ༔ ཨཱ་ལི་ཀཱ་ལི་རྟེན་སྙིང་བཀོད༔ དེའི་ཕྱི་མུ་ཁྱུད་བདུན་པ་ལ༔ སྣ་ཚོགས་རྡོ་རྗེའི་ར་བས་བསྐོར༔ དེའི་ཕྱི་རིམ་མུ་ཁྱུད་བརྒྱད་པ་ལ༔ མེ་རིས་གཡས་འཁྱིལ་བཀོད་པར་བྱ༔ རྫས་ལ་བཟང་དྲུག་ཆོས་སྨན་བྱུག༔ གཞལ་ཡས་ལྷ་ཡི་རོལ་པར་བསྐྱེད༔ དབྱིངས་ནས་ཡེ་ཤེས་སྤྱན་དྲངས་བསྟིམ༔ སྒྲུབ་པའི་རྟེན་བཙུག་ལྷར་གསལ་གནད༔ འབྲལ་མེད་བཅིང་ནས་བཏགས་པས་གྲོལ༔ ས་མ་ཡ༔ རྒྱ་རྒྱ་རྒྱ༔ གུ་ཧྱ༔ ཨྠིྀ ཞེས་པ་འདི་ཉིད་སློབ་བུ་ཀློང་ཆེན་གྱིས་ནན་དུ་བསྐུལ་ངོར་བདུད་འཇོམས་རྡོ་རྗེས་དག་སྣང་ཡེ་ཤེས་དྲྭ་བ་ལས་བསྒྱུར་བའོ། །དགེའོ། །དགེའོ། །དགེའོ། །སརྦ་མངྒལཾ།