TTDL-ZABTER-12-NA-017

Previous Text Back to Volume PageNext Text

Wylie title	ma hA a ti yo ga'i zab chos dgongs pa klong rdol las: mkha' 'gro lab kyi sgron ma'i bsgrub pa dngos grub chu rgyun:
Location	bdud 'joms gling pa zab gter Volume 12, Text 17, Pages 75-76 (Folios 1a1 to 1b4)
Author	བདུད་འཇོམས་གླིང་པ་
Citation	Khrag 'thung Bdud 'joms gling pa. Ma hA a ti yo ga'i zab chos dgongs pa klong rdol las mkha' 'gro lab kyi sgron ma'i bsgrub pa dngos grub chu rgyun. In Sprul pa'i gter chen bdud 'joms gling pa'i zab gter gsang ba'i chos sde, Vol. 12: 75-76. Thimphu, Bhutan: Lama Kuenzang Wangdue, 2004.
Side notes	Recto: sgrub pa   Verso: bdud 'joms mkha' 'gro lab sgron
More details More details
Tertön	བདུད་འཇོམས་གླིང་པ་ (bdud 'joms gling pa)
Genre	Sadhanas - Evocation Ritual - sgrub thabs
Cycle	མ་ཧཱ་ཨ་ཏི་ཡོ་གའི་ཟབ་ཆོས་དགོངས་པ་ཀློང་རྡོལ་ (ma ha a ti yo ga'i zab chos dgongs pa klong rdol)
Deity	ma gcig lab sgron
Colophon	སྦྲང་མ་ནུས་བདུད་འཇོམས་གླིང་པས་ཡིག་མེད་ནམ་མཁའི་བརྡ་རིས་ལས་དག་པར་ཕབ་པའི་ཡི་གེ་པ་ནི་ངག་དབང་རྒྱ་མཚོའོ།།
	sbrang ma nus bdud 'joms gling pas yig med nam mkha'i brda ris las dag par phab pa'i yi ge pa ni ngag dbang rgya mtsho'o//

Tibetan Text

[edit]

སྱྃ༔ མ་ཧཱ་ཨ་ཏི་ཡོ་གའི་ཟབ་ཆོས་དགོངས་པ་ཀློང་རྡོལ་ལས༔ མཁའ་འགྲོ་ལབ་ཀྱི་སྒྲོན་མའི་བསྒྲུབ་པ་དངོས་གྲུབ་ཆུ་རྒྱུན་བཞུགས༔ (བརྡ་ཡིག་) ན་མོ་གུ་རུ་པདྨ་ཀ་ར་ཡེ༔ ཨཱཿ ཀ་དག་ལྷུན་འབྱམས་ཆེན་པོའི་དབྱིངས༔ རྒྱུ་རྐྱེན་ལས་འདས་གཞལ་ཡས་ཁང་༔ ཡེ་ཤེས་ལྔ་རྫོགས་དལ་དབུས་སུ༔ མ་ཆགས་གེ་སར་བཞད་པའི་ཁར༔ སྐྱོན་བྲལ་ཉི་ཟླའི་གདན་སྟེངས་སུ༔ རང་རིག་ཡེ་ཤེས་རང་ངོར་སངས༔ སྐུ་གསུམ་ལྷུན་གྲུབ་མཁའ་འགྲོར་འཕོས༔ སྤྲུལ་སྐུ་མ་ཅིག་ལབ་སྒྲོན་མ༔ དཀར་མོ་མདངས་ལྡན་ལང་ཚོ་མཛེས༔ ཕྱག་གཉིས་གཡས་པས་གྲི་གུག་དང་༔ གཡོན་པས་ཐོད་པ་བདུད་རྩི་བསྣམས༔ དར་དང་རཏྣ་རུས་རྒྱན་སྤྲས༔ དབུ་སྐྲ་ཐོར་ཅོག་སྤྱི་བོར་བཅིང་༔ ལྷག་མ་ཐུར་འཕྱང་སྐུ་རྒྱབ་ཁེབས༔ གཡས་བསྐུམ་གཡོན་བརྐྱང་གར་སྟབས་རོལ༔ ཕུང་ཁམས་གཤེགས་པ་གཤེགས་མའི་གདན༔ དབང་ཡུལ་སེམས་དཔའ་སེམས་མའི་གདན༔ ཡན་ལག་སྒོ་བ་སྒོ་མའི་གདན༔ གདན་གསུམ་དཀྱིལ་འཁོར་ཡོངས་གྲུབ་ལྷ༔ གདོད་ནས་རང་བྱུང་ལྷུན་གྲུབ་རྫོགས༔ ཡེ་ཤེས་འོད་ལྔའི་ཀློང་དུ་གསལ༔ གསང་གསུམ་འཁོར་ལོའི་འོད་ཟེར་གྱིས༔ རབ་འབྱམས་རྒྱལ་བའི་དཀྱིལ་འཁོར་རྣམས༔ ཀ་དག་ཀློང་དུ་རོ་གཅིག་རོལ༔ ཐུགས་གསང་ཡེ་ཤེས་མཁའ་འགྲོ་མའི༔ ཡང་གསང་རྡོ་རྗེའི་ཐབས་ཤེས་སྦུབས༔ རིག་པ་ཧཱུྃ་མཐིང་མཐའ་བསྐོར་དུ༔ སྔགས་ཕྲེང་གཡོན་འཁོར་འཕྲོ་འདུ་ལས༔ བརྟན་གཡོའི་དངོས་ཞེན་འཁྲུལ་འཁོར་བཤིག༔ སྣང་གྲགས་རིག་གསུམ་རྡོ་རྗེའི་ངང་༔ ཨོཾ་ཨཱཿཧཱུྃ༔ ཛྙཱ་ན་ཌཱཀྐི་ནཱི་དི་པ་སརྦ་སིདྡྷི་ཕ་ལ་ཧཱུྃ༔ དྲན་རིག་ཆོས་སྐུའི་རྒྱལ་པོ་ཡིས༔ རྟོགས་གྲོལ་ཡེ་ཤེས་རྡོ་རྗེར་གདམས༔ སྒོ་གསུམ་མཁའ་འགྲོའི་གསང་གསུམ་སྦྱོར༔ འདི་ལས་གཞན་དུ་མ་ཡེངས་པར༔ འབུམ་ཕྲག་བཅུ་གཉིས་གྲངས་རྫོགས་པའི༔ ཚེ་གཅིག་རིག་འཛིན་ས་ལ་རེག༔ ས་མ་ཡ༔ རྒྱ་རྒྱ་རྒྱ༔ སྦྲང་མ་ནུས་བདུད་འཇོམས་གླིང་པས་ཡིག་མེད་ནམ་མཁའི་བརྡ་རིས་ལས་དག་པར་ཕབ་པའི་ཡི་གེ་པ་ནི་ངག་དབང་རྒྱ་མཚོའོ།།